អគារមន្ទីរពេទ្យខេត្តសៀមរាបតម្លៃ ១៩លានដុល្លារ ក្រោមជំនួយជប៉ុន បើកការដ្ឋានសាងសង់
អគារថ្មីក្នុងបរិវេណមន្ទីរពេទ្យបង្អែកខេត្តសៀមរាប តម្លៃប្រមាណ ១៩ លានដុល្លារ ក្រោមជំនួយឥតសំណងរបស់ជប៉ុន បានបើកការដ្ឋានសាងសង់ជាផ្លូវការហើយ ដោយគ្រោងនឹងបញ្ចប់នៅឆ្នាំ ២០២៣ ខាងមុខនេះ។ ពិធីបើកការដ្ឋានសាងសង់នេះ ធ្វើឡើងនៅថ្ងៃទី៧ ខែធ្នូ ឆ្នាំ២០២១ ក្រោមវត្តមានរបស់ លោកស្រី កាមេយ ហារូកុ ប្រធានតំណាងការិយាល័យ JICA ប្រចាំនៅកម្ពុជា លោកវេជ្ជបណ្ឌិត ក្រុស សារ៉ាត់ ប្រធានមន្ទីរសុខាភិបាលខេត្តសៀមរាប និងភាគីពាក់ព័ន្ធ។ អគារមន្ទីរពេទ្យបង្អែកខេត្តសៀមរាបនេះ មានកម្ពស់ ៤ជាន់ មានសមត្ថភាពទទួលអ្នកជំងឺបាន ២២០គ្រែ។ អគារថ្មីនេះ ត្រូវបានបំពាក់នូវឧបករណ៍ទំនើបៗសម្រាប់ព្យាបាល និងដាក់អ្នកជំងឺសង្គ្រោះបន្ទាន់ ព្រមទាំងជួយពង្រីកសេវាផ្នែកឯកទេសវះកាត់ផងដែរ។ គម្រោងនេះនឹងប្រើរយៈពេលសាងសង់សរុប ២២ខែ ពោលគឺអាចនឹងបញ្ចប់នៅឆ្នាំ ២០២៣។ គួរបញ្ជាក់ផងដែរថា គម្រោងនេះស្ថិតក្នុងចំណោមគម្រោង នៃហិរញ្ញប្បទានឥតសំណងរបស់ជប៉ុន ដែលមានទឹកប្រាក់សរុបចំនួន ៤១,៤លានដុល្លារអាមេរិក។ ហើយថ្មីៗនេះ ក្រសួងសុខាភិបាលបានបើកសម្ពោធឱ្យប្រើប្រាស់អគារវះកាត់ និងសម្ភពថ្មី នៅក្នុងមន្ទីរពេទ្យបង្អែកខេត្តក្រចេះ ដែលបានសាងសង់ដោយស្ដង់ដា និងក្រោមជំនួយឥតសំណងរបស់ជប៉ុន មានតម្លៃជាង ៩០ម៉ឺនដុល្លារផងដែរ។ (អានបន្ថែម) កញ្ចប់ថវិកានេះមានគោលបំណងលើកកម្ពស់គុណភាពសេវាថែទាំសុខភាពនៅមន្ទីរពេទ្យខេត្តសៀមរាប និងមន្ទីរពេទ្យបង្អែកស្រុកចំនួន៤ ផ្សេងទៀត […]
អានបន្ថែម
អន្តរក្រសួងសម្រេចមោឃៈ និងបដិសេធរាល់ប្លង់ដី និងការផ្ទេរសិទ្ធដីក្នុងដែនព្រៃលិចទឹកទាំងអស់
អន្តរក្រសួង បានសម្រេចបដិសេធរាល់លិខិតសុំកាន់កាប់ដី និងលិខិតផ្ទេរសិទ្ធកាន់កាប់ដីក្នុងដែនព្រៃលិចទឹកដែលបានចេញពីមុនទាំងអស់ បន្ទាប់ពីដឹកនាំការស្រាវជ្រាវការទន្ទ្រានដីព្រៃលិចទឹកក្នុងភូមិសាស្រ្តខេត្តពោធិ៍សាត់។ ក្នុងសេចក្តីប្រកាសព័ត៌មានចុះផ្សាយកាលពីថ្ងៃទី៥ ខែធ្នូ របស់ក្រសួងរៀបចំដែនដី នគរូបនីយកម្ម និងសំណង់ អន្តរក្រសួង ដឹកនាំដោយ ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានដាក់ចេញវិធានការ ចំនួន ៧ចំណុចសម្រាប់រដ្ឋបាលខេត្តពោធិ៍សាត់អនុវត្ត។ អន្តរក្រសួងបញ្ជាក់ថា រដ្ឋបាលខេត្តពោធិ៍សាត់ ត្រូវចេញលិខិតណែនាំដល់អាជ្ញាធរស្រុក ឃុំ ឱ្យបញ្ឈប់ការពិនិត្យបញ្ជាក់លើលិខិតសុំកាន់កាប់ដី និងលិខិតផ្ទេរសិទ្ធិកាន់កាប់ដីក្នុងតំបន់ព្រៃលិចទឹក ព្រមទាំងចេញលិខិតបដិសេធលើរាល់លិខិតដែលបានចេញរួចពីមុន។ ចំពោះដីដែលរងការទន្ទ្រាន អន្តរក្រសួង សម្រេចឱ្យដាំដើមឈើឡើងវិញ ចំណែកជនល្មើស ត្រូវដាក់បណ្តឹងទៅតុលាការ។ ដោយឡែក ប្រជាពលរដ្ឋដែលអាស្រ័យផលលើដីព្រៃលិចទឹក ត្រូវធ្វើលិខិតប្រគល់ដីចូលរដ្ឋវិញ ក្រោយពេលប្រមូលផលរួច។ គួរបញ្ជាក់ថា សកម្មភាពដកហូតដីមកវិញនេះ កំពុងធ្វើឡើងនៅខេត្ត ៦ រួមមាន ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងកំពង់ធំ។ សកម្មភាពនេះ ធ្វើឡើងក្រោយសម្ដេចនាយករដ្ឋមន្ដ្រី ហ៊ុន សែន កាលពីថ្មីៗនេះ បានដាក់បញ្ជាឱ្យធ្វើការដកហូតដីព្រៃលិចទឹកនៅតំបន់ទន្លេសាប ពីអ្នកមានអំណាច […]
អានបន្ថែម
ហេតុអ្វីម្ចាស់ផ្សារទំនើបនីមួយៗ បន្ដពង្រីកអាជីវកម្ម និងសង់ផ្សារបន្ថែមក្នុងអំឡុងវិបត្តិកូវីដនេះ?
សរសរដោយអ្នកវិភាគអលចនទ្រព្យឯករាជ្យលោក Eric Wong Chon Lap សកម្មភាពអាជីវកម្មផ្សារទំនើបនៅកម្ពុជា រំពឹងថានឹងងើបឡើងនៅប៉ុន្មានខែខាងមុខនេះ ព្រោះតម្រូវការរបស់អ្នកជួលតូបនៅតែមានភាពរឹងមាំ ខណៈគម្រោងផ្សារទំនើបថ្មីៗជាច្រើនគ្រោងនឹងបញ្ចប់ការសាងសង់ឆាប់ៗនេះផងដែរ។ ទាំងនេះជាសញ្ញាវិជ្ជមានរបស់អាជីវកម្មផ្សារទំនើប ស្របពេលដែលរដ្ឋាភិបាលសម្រេចបើកប្រទេសឡើងវិញកាលពីដើមខែវិច្ឆិកា កន្លងទៅនេះ។ ប៉ុន្តែការងើបឡើងវិញនេះ បង្កប់នូវបញ្ហាអ្វីខ្លះ? ហើយម្ចាស់ផ្សារទំនើបនឹងអ្នកជួលតូបក្នុងផ្សារទំនើបត្រូវមានយុទ្ធសាស្ដ្រអ្វី? ជាមួយនឹងនិន្នការវិជ្ជមាននេះ ម្ចាស់ផ្សារទំនើបនីមួយៗក៏ត្រូវតែផ្លាស់យុទ្ធសាស្រ្តដែរ ដើម្បីបង្កើនភាពប្រកួតប្រជែង។ យុទ្ធសាស្ដ្រទី១ គឺការប្ដូរទម្រង់ផ្សារ ដើម្បីផ្ដល់នូវបទពិសោធន៍ប្លែកថ្មីដល់អ្នកដើរផ្សារ ដែលជាចំណុចទាក់ទាញខ្លាំងបំផុត ជាជាងផលិតផលដែលកំពុងតែដាក់លក់។ ជាក់ស្ដែង ផ្សារទំនើបត្រូវតែជាកន្លែងជួបជុំដែលបង្កើតភាពសប្បាយរីករាយ និងជាកន្លែងធ្វើសកម្មភាពរួមគ្នា ពោលគឺមិនមែនត្រឹមតែជាកន្លែងទិញឥវ៉ាន់ តែមួយមុខនោះទេ ព្រោះអាកប្បកិរិយារបស់អ្នកទិញបានផ្លាស់ប្ដូរហើយ ដោយសារតែអាជីវកម្មលក់ទំនិញអនឡាញ ឬ e-commerce។ ប៉ុន្តែ សម្រាប់ម្ចាស់អាជីវកម្ម e-commerce មិនមែនជាឧបសគ្គទេ ព្រោះបើគាត់អាចច្នៃផ្សារទំនើបឱ្យទៅជាកន្លែងដែលផ្ដល់នៅភាពសប្បាយរីករាយបាន ពោលគឺលើសពីអ្វីដែល e-commerce ផ្ដល់ឱ្យ នោះចាត់ទុកថាជាការដើរផ្លូវត្រូវ។ តាមការអង្កេតកន្លងមក ម្ចាស់អាជីវកម្មជាច្រើននៅតែចង់ពង្រីកបណ្តាញហាងរបស់ខ្លួនបន្ថែមទៀតដែរ ដើម្បីបង្ហាញវត្តមានរបស់គេក្នុងទីផ្សារឱ្យកាន់តែច្រើន ។ ទីតាំងសក្ដានុពលដែលពួកគេសម្លឹងឃើញ គឺនៅតែជាទីតាំងកណ្តាលទីក្រុងភ្នំពេញ ទោះបីជាមានតម្លៃថ្លៃក្ដី ដែលពួកគេយល់ថានឹងទទួលបានអត្ថប្រយោជន៍ច្រើន។ យុទ្ធសាស្ដ្រពង្រីកទីផ្សារនេះ ចាត់ទុកថា ជាយុទ្ធសាស្ដ្រសំខាន់ទី ២។ ចំណុចសំខាន់ដែលត្រូវតែគិត គឺការពង្រីកទីផ្សារក្នុងពេលខាងមុខរយៈពេលខ្លី […]
អានបន្ថែម
គម្រោងផ្លូវ ៣៨ខ្សែ នៅសៀមរាបសម្រេចបានជាង ៩២% គ្រោងបញ្ចប់តាមផែនការចុងខែធ្នូនេះ
គម្រោងស្ថាបនាហេដ្ឋារចនាសម្ព័ន្ធផ្លូវចំនួន ៣៨ខ្សែ នៅក្រុងសៀមរាប គិតត្រឹមខែវិច្ឆិកា ឆ្នាំ២០២១ សម្រេចបាន ៩២,៧២% ខណៈក្រសួងសាធារណការ និងដឹកជញ្ជូន បានជំរុញការកែលម្អចំណុចខ្វះខាតមួយចំនួន ដោយគ្រោងនឹងបិទបញ្ចប់ការស្ថាបនាទាំងមូលមុនដំណាច់ឆ្នាំ២០២១ នេះ។ នេះបើយោងតាមកិច្ច ចុះត្រួតពិនិត្យវឌ្ឍនភាពគម្រោង ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន នៅថ្ងៃទី ៧ ខែធ្នូ នេះ។ ក្នុងដំណើរចុះពិនិត្យនេះ ឯកឧត្តមទេសរដ្ឋមន្ត្រី បានស្នើឱ្យ ក្រុមការងាពិនិត្យឡើងវិញលើបច្ចេកទេសនៃការអ៊ុតកៅស៊ូបេតុង (AC) ការអ៊ុតភ្ជាប់មុខតំណ ការងារគំនូសសញ្ញាចរាចរណ៍ គំនូសចែកទ្រូងផ្លូវ និងការងារដាំកូនរុក្ខជាតិលម្អសោភ័ណភាពនៅតាមបណ្ដោយទ្រូងផ្លូវជាដើម។ ឯកឧត្តម ស៊ុន ចាន់ថុល ក៏ស្នើក្រុមការងារត្រួតពិនិត្យឡើងវិញលើការងារខឿនចិញ្ចើមផ្លូវ គំនូសសញ្ញាចរាចរណ៍សម្រាប់អ្នកថ្មើរជើង និងការដាំបង្គោលភ្លើងបំភ្លឺផ្លូវសាធារណៈផងដែរ។ គម្រោងផ្លូវ ៣៨ខ្សែ នេះ មានប្រវែងសរុប ១០៦,៤២ គីឡូម៉ែត្រ ប្រើប្រាស់ថវិកាជាតិសរុបប្រមាណ ១៥០លានដុល្លារអាមេរិក ដោយក្នុងនោះចំនួន ៩លានដុល្លារអាមេរិក ចំណាយលើការងារស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ ។ គម្រោងនេះត្រូវបានបើកការដ្ឋានសាងសង់ កាលពីថ្ងៃទី៣០ ខែវិច្ឆិកា ឆ្នាំ២០២០ […]
អានបន្ថែម
រដ្ឋចេញវិធានការក្ដៅបង្រ្កាបការតភ្ជាប់សេវាទូរគមនាគមន៍ឆ្លងដែនខុសច្បាប់ តាមខេត្តព្រំដែន
រដ្ឋាភិបាលបានសម្រេចបង្កើតក្រុមការងារអន្តរក្រសួងថ្មីមួយ ដើម្បីបង្ការ និងបង្រា្កបការសាងសង់ ឬតភ្ជាប់ប្រព័ន្ធទូរគមនាគមន៍ឆ្លងដែនខុសច្បាប់ ក្រោយរកឃើញថាមានសកម្មភាពនេះកើតឡើងជាបន្តបន្ទាប់នៅតាមខេត្តជាប់តាមព្រំដែន។ បើតាមសេចក្តីសម្រេច ចុះថ្ងៃទី០២ ខែធ្នូ ឆ្នាំ២០២១ ក្រុមការងារនេះ មានសមាជិកសរុបចំនួន២៩ រូប ដែលមានរដ្ឋមន្ត្រីក្រសួងប្រៃសណីយ៍ និងទូរគមនាគមន៍ ជាប្រធាន និងមានសមាជិកភាគច្រើនជាអភិបាលរងខេត្តដែលស្ថិតនៅតាមបណ្ដោយព្រំដែន។ ក្រុមការងារនេះ មានភារកិច្ចចម្បងៗដូចជា -ស្រាវជ្រាវ បង្ការ និងបង្ក្រាបការតភ្ជាប់ហេដ្ឋារចនាសម្ព័ន្ធទូរគមនាគមន៍ឆ្លងដែនខុសច្បាប់ -បង្វែប្រព័ន្ធទូរគមនាគមន៍អន្តរជាតិនៅតាមព្រំដែនឱ្យមកឆ្លងកាត់ច្រកទ្វារអ៊ីនធឺណែតជាតិវិញ និង ធ្វើការជាមួយបណ្តាប្រទេសជាប់ព្រំដែនដើម្បីពង្រឹងការងារគ្រប់គ្រងប្រព័ន្ធទូរគមនាគមន៍។ ទាក់ទិននឹងប្រព័ន្ធទូរគមនាគមន៍ ថ្មីៗនេះ រដ្ឋាភិបាលកម្ពុជាក៏បានដាក់ចេញវិធានការថ្មី ៦ចំណុច ទិសដៅពង្រឹងគុណភាពសេវាទូរសព្ទ និងអ៊ីនធឺណែតនៅតាមបូរី និងអគារសហកម្មសិទ្ធិនានា ពិសេសហាមដាច់ខាតមិនឱ្យមានការផ្ដល់សេវាផ្ដាច់មុខឡើយ។ (អានបន្ថែម)
អានបន្ថែម
អគារមន្ទីរពេទ្យស្ដង់ដាជប៉ុនថ្មីមួយនៅខេត្តក្រចេះ បើកសម្ពោធជាផ្លូវការ
ក្រសួងសុខាភិបាល កាលពីថ្ងៃទី ៦ ខែធ្នូ នេះ បានបើកសម្ពោធឱ្យប្រើប្រាស់អគារវះកាត់ និងសម្ភពថ្មី នៅក្នុងមន្ទីរពេទ្យបង្អែកខេត្តក្រចេះ ដែលបានសាងសង់ដោយស្ដង់ដា និងក្រោមជំនួយឥតសំណងរបស់ជប៉ុន មានតម្លៃជាង ៩០ម៉ឺនដុល្លារ។ ពិធីបើកសម្ពោធនេះធ្វើឡើងនៅក្រោមវត្តមានឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ឯកឧត្តម វ៉ា ថន អភិបាលខេត្តក្រចេះ និងឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំប្រទេសកម្ពុជា។ បើយោងតាមអង្គការមូលនិធិសម្រាប់ការអភិវឌ្ឍន៍ និងជំនួយសង្គ្រោះអន្តរជាតិ (FIDR) របស់ជប៉ុនដែលជាម្ចាស់ជំនួយ អគារថ្មីនេះមានកម្ពស់ពីរជាន់ និង១៩បន្ទប់ ដែលបានចាប់ផ្តើមសាងសង់កាលពីខែមករា ឆ្នាំ២០២១ និងទើបតែបញ្ចប់ការពីពេលថ្មីៗនេះ។ ប្រភពដដែលបានបញ្ជាក់ថា គម្រោងនេះធ្វើឡើងក្នុងទិសដៅពង្រឹងសេវាវេជ្ជសាស្រ្តផ្នែកវះកាត់កុមារក្នុងខេត្តក្រចេះ ដែលអាចឱ្យអ្នកជំងឺនៅភាគឦសាននៃប្រទេសកម្ពុជាទទួលបានការព្យាបាលសមស្របនៅក្នុងមន្ទីរពេទ្យក្នុងស្រុក។
អានបន្ថែម
ភ្នំពេញនឹងមានមន្ទីរពេទ្យស្ដង់ដាថ្មីមួយ ដើម្បីកាត់បន្ថយការចេញទៅរកពេទ្យក្រៅប្រទេស
មន្ទីរពេទ្យពហុជំនាញភ្នំពេញ ដែលជាមន្ទីរពេទ្យស្ដង់ដាទំនើបថ្មី កម្ពស់២៦ជាន់ បានបើកការដ្ឋានសាងសង់ជាផ្លូវការហើយ កាលពីថ្ងៃទី៦ ខែធ្នូ ឆ្នាំ២០២១ ក្រោមវត្តមាន ឯកឧត្ដម ឃួង ស្រេង អភិបាលរាជធានីភ្នំពេញ។ មន្ទីរពេទ្យពហុជំនាញភ្នំពេញនេះ គឺជាសមិទ្ធផលមន្ទីរពេទ្យឯកជនថ្មីមួយ ដែលផ្ដល់សេវាសុខភាពប្រកបដោយគុណភាពដល់ប្រជាជន ទិសដៅកាត់បន្ថយការចេញទៅទទួលយកសេវានៅក្រៅប្រទេស។ ឯកឧត្ដម ឃួង ស្រេង បានឱ្យដឹងក្នុងពិធីបើកការដ្ឋានថា៖ «នៅពេលមន្ទីពេទ្យនេះដាក់ឱ្យដំណើរការនាពេលខាងមុខ អ្នកជំងឺទូទៅនឹងពុំចាំបាច់ចំណាយពេលវេលា និងចំណាយថវិកាច្រើន ដើម្បីព្យាបាលជំងឺនៅមន្ទីរពេទ្យបរទេសទៀតនោះឡើយ ព្រោះនឹងទទួលបានគុណភាពល្អដូចគ្នា»។ គួរបញ្ជាក់ដែរថា មន្ទីរពេទ្យពហុជំនាញភ្នំពេញថ្មីមួយនេះ គឺមានទីតាំងស្ថិតនៅក្នុងសង្កាត់បឹងព្រលឹត ខណ្ឌ៧មករា រាជធានីភ្នំពេញ។ មន្ទីពេទ្យនេះ មានកម្ពស់២៦ជាន់ ក្រោមដី ៣ជាន់ ដែលអាចដាក់គ្រែពិនិត្យ និងសម្រាកព្យាបាលអ្នកជំងឺចាប់ពី ១៥០ រហូតទៅ ២០០គ្រែផងដែរ៕
អានបន្ថែម
ប្រព័ន្ធចម្រោះទឹកស្អាតស្ដង់ដាអូស្រ្ដាលីនៅខេត្តបាត់ដំបងដាក់ឱ្យដំណើរការហើយ
ប្រព័ន្ធប្រព្រឹតិ្តកម្មសម្អាតទឹកខ្នាតតូច ដែលស្ថិតក្នុងឃុំព្រែកជីក ស្រុករុក្ខគិរី ខេត្តបាត់ដំបង បានប្រកាសដាក់ឱ្យដំណើរការហើយ កាលពីថ្ងៃទី១ ខែធ្នូ នេះ ក្រោមវត្តមានឯកឧត្តម ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងឯកឧត្តម Pablo Kang ឯកអគ្គរាជទូតអូស្ត្រាលីប្រចាំកម្ពុជា។ គម្រោងនេះសាងសង់ឡើងដោយក្រុមហ៊ុនឯកជនអូស្ត្រាលី We Venture ក្រោមជំនួយឥតសំណងរបស់អូស្ត្រាលី តាមរយៈកម្មវិធី 3i សម្រាប់អភិវឌ្ឍន៍វិស័យទឹកស្អាតនៅកម្ពុជា។ រោងចក្រចម្រោះ និងផលិតទឹកស្អាតនេះ ប្រើបច្ចេកវិទ្យា Ultra Filtration Membrane ដែលអាចធានាបាននូវគុណភាពផលិតទឹកខ្ពស់។ ម្យ៉ាងទៀត បច្ចេកវិទ្យានេះក៏កំពុងពេញនិយម ដែលកំពុងប្រើប្រាស់ក្នុងរោងចក្រផ្គត់ផ្គង់ទឹកស្អាតជាច្រើននៅកម្ពុជាផងដែរ។ ឯកឧត្តម Pablo Kang ឯកអគ្គរដ្ឋទូតអូស្ត្រាលីប្រចាំនៅកម្ពុជា បានបង្ហាញក្តីរីករាយចំពោះលទ្ធផល ដោយបញ្ជាក់ថាអូស្ត្រាលីនឹងបន្តគាំទ្រដល់ការអភិវឌ្ឍន៍កម្ពុជា ជាពិសេសកំពុងត្រៀមអនុវត្តគម្រោងថ្មីមួយទៀត “the Cambodia-Australian Partnership for Resilient Economic Development (CAP-RED)” ដែលគ្រោងនឹងចាប់ផ្តើមនៅក្នុងឆ្នាំ២០២២ ខាងមុខនេះផងដែរ។ ជាមួយគ្នានេះ ឯកឧត្តម ចម ប្រសិទ្ធ រដ្ឋមន្ត្រីក្រសួងឧស្សាហកម្ម […]
អានបន្ថែម
ក្រុមហ៊ុន Bentley Systems ប្រកាសជ័យលាភីគម្រោងហេដ្ឋារចនាសម្ព័ន្ធឆ្នើមប្រចាំឆ្នាំ ២០២១
ក្រុមហ៊ុន Bentley Systems ដែលជាក្រុមហ៊ុនអាមេរិកឈានមុខគេផ្នែក software គ្រប់គ្រងគម្រោងសំណង់បែបឌីជីថល កាលពីថ្មីៗនេះ បានប្រកាសឈ្មោះជ័យលាភីនៃកម្មវិធីប្រកួតគម្រោងហេដ្ឋារចនាសម្ព័ន្ធឆ្នើមប្រចាំឆ្នាំ ២០២១ ឬ Year in Infrastructure 2021 ក៏ដូចជា ឈ្មោះស្ថាបនិកកិត្តិយសផងដែរ។ កម្មវិធីប្រកាសពានរង្វាន់ធ្វើទៅរយៈពេល ២ ថ្ងៃ គឺ ថ្ងៃទី១ និង ទី២ ធ្នូ កន្លងមកនេះ ដែលជាកម្មវិធីអនឡាញ និងមានការចូលរួមពីក្រុមហ៊ុនធំៗ និងអ្នកជំនាញផ្នែកសំណង់ ក៏ដូចជា software គ្រប់គ្រងគម្រោងសំណង់ពីជុំវិញពិភពលោកជាច្រើន។ នៅថ្ងៃទី១ ក្រុមហ៊ុន Bentley បានប្រកាសឈ្មោះជ័យលាភីស្ថាបនិកកិត្តិយសចំនួន ២២នាក់ ដែលសុទ្ធសឹងតែប្រធាន ឬអ្នកតំណាងឱ្យអង្គការ ឬក្រុមហ៊ុន ដែលប្រើប្រាស់ និងកែច្នៃ software គ្រប់គ្រងគម្រោងសំណង់ ដើម្បីបង្កើតគម្រោងហេដ្ឋារចនាសម្ព័ន្ធ ដែលជះឥទ្ធិពលវិជ្ជមានដល់បរិស្ថាន សង្គម និងពិភពលោកទាំងមូល។ ស្ថាបនិកកិត្តិយសទាំងនេះ ត្រូវបានជ្រើសរើសចេញពី ២៣០ ស្ថាប័ន ដែលបានដាក់សំណើមកប្រកួត។ ដោយឡែក នៅថ្ងៃទី ២ […]
អានបន្ថែម
សម្ដេច ហ៊ុន សែន ផ្ដល់អាទិភាពលើគម្រោងកសាងហេដ្ឋារចនាសម្ព័ន្ធ ៣ ធំៗ
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសំដែងការគាំទ្រ និងផ្ដល់អាទិភាពលើគម្រោងកសាងហេដ្ឋារចនាសម្ព័ន្ធ ៣គម្រោងធំៗ ដែលត្រៀមនឹងសាងសង់នៅពេលអនាគតឆាប់ៗខាងមុខ។ សម្តេចតេជោ បានបង្ហាញពីគម្រោងទាំងនេះ ក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ១១ កាលពីថ្ងៃទី៦ ខែធ្នូ នេះ។ គម្រោងអាទិភាពទាំង ៣ រួមមាន ១) គម្រោងសាងសង់ស្ពានឆ្លងកាត់ទន្លេមេគង្គ និងផ្លូវថ្មីតភ្ជាប់ខេត្តក្រចេះ និងខេត្តកំពង់ធំ ២) គម្រោងសាងសង់ស្ពានឆ្លងកាត់ទន្លេសាប ភ្ជាប់ខេត្តកំពង់ឆ្នាំង និងកំពង់ធំ និង៣) គម្រោងសាងសង់ផ្លូវភ្ជាប់ខេត្តសៀមរាប និងបាត់ដំបង។ សម្តេចបន្ដថា ៖ «គម្រោងទាំងនេះ សុទ្ធតែជាគម្រោងដើម្បីធ្វើឱ្យប្រទេសរបស់យើង មានប្រព័ន្ធផ្លូវ ឬបណ្តាញផ្លូវគ្រប់គ្រាន់ ដោយទៅមុខហើយ មិនចាំបាច់ថយក្រោយ…ដែលយើងត្រូវបន្ត ជាប្រចាំឆ្នាំ»។ ទាក់ទិននឹងគម្រោងទី ១ មិត្តចិនបានព្រមព្រៀងផ្ដល់ថវិកាកម្ចីរួចហើយ ខណៈក្រសួងសាធារណការ និងដឹកជញ្ជូន ក៏បានបញ្ចប់ការចរចាជាមួយក្រុមហ៊ុនម៉ៅការរួចហើយ ដោយគម្រោងសាងសង់ស្ពានក្រចេះ-កំពង់ធំ នេះ អាចនឹងបើកការដ្ឋានឆាប់ៗ។ (អានបន្ថែម) ដោយឡែក សម្រាប់គម្រោងទី ២ ស្ពានកំពង់ឆ្នាំង-កំពង់ធំ រដ្ឋាភិបាលកម្ពុជាបានដាក់សំណើទៅរដ្ឋាភិបាលចិនរួចរាល់ហើយដើម្បីស្នើសុំឥណទាន ខណៈមកទល់បច្ចុប្បន្ន នៅមិនទាន់បានចម្លើយពីខាងភាគីចិននៅឡើយទេ។ (អានបន្ថែម) […]
អានបន្ថែម
រដ្ឋកំពុងស្វែងរកថវិកាសម្រាប់គម្រោងសាងសង់ផ្លូវថ្មីឆ្លងទន្លេ ភ្ជាប់ស្រុកល្វាឯមទៅផ្លូវជាតិលេខ១
ប្រមុខរាជរដ្ឋាភិបាលកំពុងស្វែងរកថវិកា សម្រាប់គម្រោងសាងសង់កំណាត់ផ្លូវតភ្ជាប់ស្រុកល្វាឯមទៅផ្លូវជាតិលេខ១ និងបន្ដទៅលេខ១១ ដើម្បីសម្រួលការដំណើររបស់ប្រជាពលរដ្ឋ។ នេះជាការបញ្ជាក់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ១១ និងផ្លូវក្នុងក្រុងព្រៃវែង នៅថ្ងៃទី៦ ខែធ្នូ។ (អានបន្ថែម) សម្តចមានប្រសាសន៍ថា គម្រោងសិក្សាកំណត់ផ្លូវនេះ គឺតភ្ជាប់ពីស្រុកល្វាឯម ទៅផ្លូវជាតិលេខ១ និងផ្លូវជាតិលេខ១១ មានប្រវែងសរុបជិត៣០គីឡូម៉ែត្រ។ ហើយបើតាមការប៉ាន់ស្មាន គម្រោងនេះ នឹងត្រូវប្រើប្រាស់ថវិកា ប្រមាណ៧០លានដុល្លារ។ សម្តេចតេជោ ហ៊ុន សែន ថ្លែងថា៖ «បើយើងតភ្ជាប់ពីផ្លូវក្រវាត់ក្រុងទី ៣ នៅស្រុកល្វាឯមមកកាន់ព្រៃវែង វាមានចម្ងាញមិនដល់ ៣០គីឡូម៉ែត្រទេ ដែលវាកាត់បន្ថយការលំបាករបស់បងប្អូនប្រជាពលរដ្ឋ។ ដូច្នេះ យើងត្រូវរកថវិកាដើម្បីធ្វើ»។ សម្ដេចបញ្ជាក់ទៀតថា ជាក់ស្ដែង រដ្ឋគ្រោងនឹងសង់ផ្លូវនេះដោយប្រើថវិកាជាតិផ្ទាល់ តែដោយសារកូវីដបានស្រូបថវិកាជាតិអស់ជាង ២៣០០ លានដុល្លារ ទើបមិនអាចសាងសង់បាន។ ប៉ុន្តែយ៉ាងណាក៏ដោយ យើងមិនបោះបង់ចោលនូវគម្រោងការនេះទេ។
អានបន្ថែម
រដ្ឋប្ដូរមុខងារតំបន់បឹងកាដេរទំហំជាង ១៦០០ ហិកតា នៅត្បូងឃ្មុំ ជាតំបន់ប្រើប្រាស់ច្រើនយ៉ាង
រាជរដ្ឋាភិបាលកម្ពុជាបានសម្រេចប្ដូរមុខងារដីទំហំ ១៦៤៣ហិកតា នៃតំបន់បឹងកាដេរ ស្ថិតនៅភូមិបារាយណ៍ ឃុំឈូក ស្រុកក្រូចឆ្មារ ខេត្តត្បូងឃ្មុំ ឱ្យទៅជាតំបន់ប្រើប្រាស់ច្រើនយ៉ាង ដើម្បីគ្រប់គ្រង និងប្រើប្រាស់ឱ្យមានភាពឆ្លាតវៃ។ នេះបើយោងតាមអនុក្រឹត្យ ចុះថ្ងៃទី១៥ ខែវិច្ឆិកា កន្លងទៅនេះ។ ការដាក់តំបន់នេះជាតំបន់ប្រើប្រាស់ច្រើនយ៉ាង ធ្វើឡើងក្នុងគោលបំណងដើម្បី – ធានាការថែរក្សា និងការពារសោភ័ណភាពធម្មជាតិ ប្រព័ន្ធអេកូឡូស៊ី ជីវៈចម្រុះ បរិស្ថាន និងវប្បធម៌ – ផ្តល់ផលិតផល និងសេវាកម្មធម្មជាតិ សម្រាប់ការប្រើប្រាស់ប្រកបដោយនិរន្តរភាព និង– រក្សាលំនឹងបរិស្ថាន ការពារ និងអភិរក្សធនធានធម្មជាតិ ជាដើម។ យោងតាមអនុក្រឹត្យដដែល តំបន់នេះនឹងត្រូវដាក់នៅក្រោមការគ្រប់គ្រងរបស់ ក្រសួងបរិស្ថាន ដោយសហការជាមួយក្រសួងស្ថាប័នពាក់ព័ន្ធ រដ្ឋបាលខេត្តត្បូងឃ្មុំ និងសហគមន៍ ដើម្បីធានាថាការងារធ្វើទៅប្រកបដោយនិរន្តរភាព ស្របតាមបទប្បញ្ញត្តិ នៃច្បាប់ជាធរមាន។ បើតាមការសិក្សា តំបន់នេះជាតំបន់ដីសើម ដែលសំបូរទៅដោយធនធានធម្មជាតិជាច្រើនប្រភេទ រួមមានព្រៃលិចទឹក មច្ឆជាតិ សត្វស្លាប ល្មូន ថនិកសត្វ សិប្បីសត្វជាច្រើន។ ម្យ៉ាងវិញទៀត តំបន់នេះគឺជាបណ្ដុំដើមចា ប្រមាណ ១០០ហិកតា និងបណ្ដុំតែផ្ដៅ […]
អានបន្ថែម