រដ្ឋកំពុងស្វែងរកថវិកាសម្រាប់គម្រោងសាងសង់ផ្លូវថ្មីឆ្លងទន្លេ ភ្ជាប់ស្រុកល្វាឯមទៅផ្លូវជាតិលេខ១
ប្រមុខរាជរដ្ឋាភិបាលកំពុងស្វែងរកថវិកា សម្រាប់គម្រោងសាងសង់កំណាត់ផ្លូវតភ្ជាប់ស្រុកល្វាឯមទៅផ្លូវជាតិលេខ១ និងបន្ដទៅលេខ១១ ដើម្បីសម្រួលការដំណើររបស់ប្រជាពលរដ្ឋ។ នេះជាការបញ្ជាក់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ១១ និងផ្លូវក្នុងក្រុងព្រៃវែង នៅថ្ងៃទី៦ ខែធ្នូ។ (អានបន្ថែម) សម្តចមានប្រសាសន៍ថា គម្រោងសិក្សាកំណត់ផ្លូវនេះ គឺតភ្ជាប់ពីស្រុកល្វាឯម ទៅផ្លូវជាតិលេខ១ និងផ្លូវជាតិលេខ១១ មានប្រវែងសរុបជិត៣០គីឡូម៉ែត្រ។ ហើយបើតាមការប៉ាន់ស្មាន គម្រោងនេះ នឹងត្រូវប្រើប្រាស់ថវិកា ប្រមាណ៧០លានដុល្លារ។ សម្តេចតេជោ ហ៊ុន សែន ថ្លែងថា៖ «បើយើងតភ្ជាប់ពីផ្លូវក្រវាត់ក្រុងទី ៣ នៅស្រុកល្វាឯមមកកាន់ព្រៃវែង វាមានចម្ងាញមិនដល់ ៣០គីឡូម៉ែត្រទេ ដែលវាកាត់បន្ថយការលំបាករបស់បងប្អូនប្រជាពលរដ្ឋ។ ដូច្នេះ យើងត្រូវរកថវិកាដើម្បីធ្វើ»។ សម្ដេចបញ្ជាក់ទៀតថា ជាក់ស្ដែង រដ្ឋគ្រោងនឹងសង់ផ្លូវនេះដោយប្រើថវិកាជាតិផ្ទាល់ តែដោយសារកូវីដបានស្រូបថវិកាជាតិអស់ជាង ២៣០០ លានដុល្លារ ទើបមិនអាចសាងសង់បាន។ ប៉ុន្តែយ៉ាងណាក៏ដោយ យើងមិនបោះបង់ចោលនូវគម្រោងការនេះទេ។
អានបន្ថែម
រដ្ឋប្ដូរមុខងារតំបន់បឹងកាដេរទំហំជាង ១៦០០ ហិកតា នៅត្បូងឃ្មុំ ជាតំបន់ប្រើប្រាស់ច្រើនយ៉ាង
រាជរដ្ឋាភិបាលកម្ពុជាបានសម្រេចប្ដូរមុខងារដីទំហំ ១៦៤៣ហិកតា នៃតំបន់បឹងកាដេរ ស្ថិតនៅភូមិបារាយណ៍ ឃុំឈូក ស្រុកក្រូចឆ្មារ ខេត្តត្បូងឃ្មុំ ឱ្យទៅជាតំបន់ប្រើប្រាស់ច្រើនយ៉ាង ដើម្បីគ្រប់គ្រង និងប្រើប្រាស់ឱ្យមានភាពឆ្លាតវៃ។ នេះបើយោងតាមអនុក្រឹត្យ ចុះថ្ងៃទី១៥ ខែវិច្ឆិកា កន្លងទៅនេះ។ ការដាក់តំបន់នេះជាតំបន់ប្រើប្រាស់ច្រើនយ៉ាង ធ្វើឡើងក្នុងគោលបំណងដើម្បី – ធានាការថែរក្សា និងការពារសោភ័ណភាពធម្មជាតិ ប្រព័ន្ធអេកូឡូស៊ី ជីវៈចម្រុះ បរិស្ថាន និងវប្បធម៌ – ផ្តល់ផលិតផល និងសេវាកម្មធម្មជាតិ សម្រាប់ការប្រើប្រាស់ប្រកបដោយនិរន្តរភាព និង– រក្សាលំនឹងបរិស្ថាន ការពារ និងអភិរក្សធនធានធម្មជាតិ ជាដើម។ យោងតាមអនុក្រឹត្យដដែល តំបន់នេះនឹងត្រូវដាក់នៅក្រោមការគ្រប់គ្រងរបស់ ក្រសួងបរិស្ថាន ដោយសហការជាមួយក្រសួងស្ថាប័នពាក់ព័ន្ធ រដ្ឋបាលខេត្តត្បូងឃ្មុំ និងសហគមន៍ ដើម្បីធានាថាការងារធ្វើទៅប្រកបដោយនិរន្តរភាព ស្របតាមបទប្បញ្ញត្តិ នៃច្បាប់ជាធរមាន។ បើតាមការសិក្សា តំបន់នេះជាតំបន់ដីសើម ដែលសំបូរទៅដោយធនធានធម្មជាតិជាច្រើនប្រភេទ រួមមានព្រៃលិចទឹក មច្ឆជាតិ សត្វស្លាប ល្មូន ថនិកសត្វ សិប្បីសត្វជាច្រើន។ ម្យ៉ាងវិញទៀត តំបន់នេះគឺជាបណ្ដុំដើមចា ប្រមាណ ១០០ហិកតា និងបណ្ដុំតែផ្ដៅ […]
អានបន្ថែម
សម្តេច ៖ កម្ពុជាគ្រោងសង់មន្ទីរព្យាបាលកូវីដធំទំនើបមួយ ជំនួសឱ្យទីតាំងបណ្ដោះអាសន្នបច្ចុប្បន្ន
សម្ដេចនាយករដ្ឋមន្រ្តី ហ៊ុន សែន បានប្រកាសថាកម្ពុជាគ្រោងសាងសង់មជ្ឈមណ្ឌលព្យាបាលជំងឺកូវីដ១៩ ដ៏ធំ និងទំនើបមួយ ដើម្បីផ្ទេរអ្នកជំងឺចេញពីពហុកីឡដ្ឋានអូឡាំពិក និងទីតាំងបណ្ដោះអាសន្នរបស់ឯកជននានា ដើម្បីយកទៅប្រើឱ្យត្រូវមុខងារវិញ។ ការប្រកាសនេះ ត្រូវបានធ្វើឡើង នៅក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ១១ និងផ្លូវក្រុងព្រៃវែង កាលពីថ្ងៃទី៦ ខែធ្នូ ឆ្នាំ២០២១។ (អានបន្ថែម) សម្តេចហ៊ុន សែន បានឱ្យដឹងថា កម្ពុជាគ្រោងសាងសង់មជ្ឈមណ្ឌលព្យាបាលកូវីដ១៩ មួយ ខ្នាតធំនៅភ្នំពេញឆាប់ៗនេះ ហើយមន្ទីពេទ្យថ្មីនេះនឹងបំពាក់ឧបករណ៍ទំនើបៗ ពិសេសអាចដាក់មនុស្សបានរាប់ម៉ឺននាក់ និងផ្នែកសង្គ្រោះបន្ទាន់រាប់រយគ្រែផងដែរ។ ជាមួយគ្នានេះ សម្តេច ក៏បានបញ្ជាទៅឱ្យអភិបាលរាជធានីភ្នំពេញ ឯកឧត្តម ឃួង ស្រេង រកទីតាំង និងពន្លឿនការងារសាងសងមន្ទីពេទ្យពេទ្យថ្មី ពោលគឺត្រូវសាងសង់រួច និងអាចផ្ទេរអ្នកជំងឺចេញពីពហុកីឡដ្ឋានអូឡាំពិក ដើម្បីទុកបម្រើដល់វិស័យកីឡាវិញ យ៉ាងយូរនៅឆ្នាំ ២០២២ ខាងមុខនេះ។ លើសពីនេះ សម្ដេចបញ្ជាក់ថា រដ្ឋាភិបាលនឹងប្រគល់កន្លែង ឬទីតាំងដែលរដ្ឋាភិបាលបានប្រើប្រាស់សម្រាប់ព្យាបាលកូវីដ-១៩កន្លងមក ដូចជា ទីតាំងរៀបអាពាហ៍ពិពាហ៍ ព្រីមៀរ សែន សុខ អគាររៀបអាពាហ៍ពិពាហ៍កោះពេជ្រ អគាររៀបរៀបអាពាហ៍ពិពាហ៍ ពិភពថ្មី ជាដើម ទៅឱ្យឯកជនវិញនៅចុងខែធ្នូ ឆ្នាំ២០២១នេះ។ […]
អានបន្ថែម
សម្ដេច ហ៊ុន សែន បើកសម្ពោធផ្លូវជាតិលេខ១១ តម្លៃជិត១០០ លានដុល្លារ ជាផ្លូវការ
ផ្លូវជាតិលេខ១១ អ្នកលឿង-ត្បូងឃ្មុំ និងផ្លូវក្នុងក្រុងព្រៃវែង ប្រវែងសរុបជិត ១០០គីឡូម៉ែត្រ តម្លៃជិត ១០០លានដុល្លារអាមេរិក ត្រូវបានដាក់សម្ពោធឱ្យប្រើប្រាស់នៅព្រឹកថ្ងៃទី០៦ ខែធ្នូ ឆ្នាំ២០២១ នេះ។ ពិធីសម្ពោធដាក់ឱ្យប្រើប្រាស់ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា។ គម្រោងសាងសង់ផ្លូវជាតិលេខ១១ និងផ្លូវក្នុងក្រុងព្រៃវែងនេះ មានប្រវែងសរុប ៩៦គីឡូម៉ែត្រ ចាប់ពីអ្នកលឿង (ចំណុចប្រសព្វផ្លូវជាតិលេខ១) ស្ថិតនៅភូមិលេខ៤ ឃុំព្រែកខ្សាយ-ខ ស្រុកពាមរក៍ ខេត្តព្រៃវែង ដល់ថ្នល់ទទឹង (ចំណុចប្រសព្វផ្លូវជាតិលេខ៧) ស្ថិតក្នុងភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ។ ខ្សែផ្លូវនេះ មានផ្លូវជាតិប្រវែង ៩៦គីឡូម៉ែត្រ ឆ្លងកាត់ទឹកដីខេត្តព្រៃវែងប្រវែង ៦៥គីឡូម៉ែត្រ និងទឹកដីខេត្តត្បូងឃ្មុំ ប្រវែង ២១,៦៨គីឡូម៉ែត្រ និងផ្លូវក្នុងក្រុងព្រៃវែងប្រវែង ៩,៨០គីឡូម៉ែត្រ។ ផ្លូវនេះសាងសង់ដោយក្រុមហ៊ុនសាជីវកម្មស្ពាន និងថ្នល់ចិន (CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ ចំនួន ៤៤ខែ។ ប៉ុន្តែការសាងសង់ជាក់ស្តែងត្រឹមតែ ៣០ខែប៉ុណ្ណោះ […]
អានបន្ថែម
គម្រោង ដឹណេតឆឺរ៉ល របស់ បុរី ហ្គោលដេន ផាក បើកការដ្ឋានសាងសង់ជាផ្លូវការ
អត្ថបទផ្សព្វផ្សាយ បុរី ហ្គោលដេន ផាក បានប្រារព្ធពិធីបើកការដ្ឋានសាងសង់គម្រោង ដឹណេតឆឺរ៉ល ជាផ្លូវការហើយ នៅថ្ងៃទី ៤ ធ្នូ ២០២១ កន្លងទៅនេះ ដែលជាគម្រោងសហគមន៍ធម្មជាតិបែបបៃតងមួយលើផ្ទៃដីសរុប ៦០ហិកតា ក្នុងកម្មវិធីបើកសម្ពោធការដ្ឋានសាងសង់នេះ មានការអញ្ជើញចូលរួមពីសំណាក់គណៈគ្រប់គ្រងរបស់បុរី ហ្គោលដេន ផាក និងភ្ញៀវកិត្តិយស។ គម្រោង ដឹណេតឆឺរ៉ល គឺស្ថិតនៅជាប់ផ្លូវជាតិលេខ ៦A គល់ស្ពានទី៩ ពោលគឺត្រឹមតែ ៣នាទី ពីផ្លូវលីយ៉ុងផាត់ និង ១២នាទី ពីស្ពានជ្រោយចង្វារប៉ុណ្ណោះ។ ដើម្បីជាការអបអរ ពិធីសម្ពោធបើកការសាងសង់គម្រោង ដឹណេតឆឺរ៉លនេះ បុរីហ្គោលដេន ផាក ក៏នឹងផ្តល់ជូនអតិថិជននូវការបញ្ចុះតម្លៃរហូតដល់ ១០ ៨០០ ដុល្លារ សម្រាប់ការទិញផ្ទះ ចាប់ពីថ្ងៃ ទី៤ ធ្នូ ២០២១ រហូតដល់ថ្ងៃ ទី៤ មករា ២០២២។ គម្រោងនេះជាសហគមន៍ដែលសម្បូរបែបលើផ្ទៃដីសរុប ៦០ហិកតា រួមជាមួយសួនធម្មជាតិដ៏ធំលើដី ៤,៥ ហិកតា ក៏ដូចជាក្លិបហៅស៍ អាងហែលទឹកដ៏ធំខាងក្រៅ […]
អានបន្ថែម
រៀតណាមនឹងបង្កើនការប្រើថាមពលបៃតងឱ្យបាន ៧៥% នៃប្រភពថាមពលសរុបត្រឹមឆ្នាំ ២០៤៥
ប្រទេសវៀតណាម បានប្ដេជ្ញាថា នឹងកាត់បន្ថយបញ្ចេញផ្សែងពុល ដោយបង្កើនការប្រើប្រាស់ថាមពលកកើតឡើងវិញ ដូចជាសូឡា និងថាមពលដើរដោយកម្លាំងខ្យល់ជាដើម ទិសដៅឱ្យ៧៥% នៃប្រភពថាមពលសរុបត្រឹមឆ្នាំ ២០៤៥។ នេះជាការអះអាងរបស់នាយករដ្ឋមន្រ្តី Pham Minh Chinh នៅក្នុងសន្និសីទអាកាសធាតុអង្គការសហប្រជាជាតិ COP26 កាលពីខែមុន។ កាសែតក្នុងស្រុក VN express បានចុះផ្សាយកាលពីដើមខែធ្នូនេះថា គោលដៅរបស់វៀតណាម គឺដើម្បីសម្រេចឱ្យបានការបញ្ចេញផ្សែងពលកម្រិតសូន្យ ឬ Zero Emission នៅត្រឹមឆ្នាំ២០៥០ខាងមុខ។ យោងតាមអាជ្ញាធរទទួលបន្ទុកអគ្គិសនីវៀតណាម ប្រទេសវៀតណាម មានសក្តានុពលធំធេងណាស់សម្រាប់ការអភិវឌ្ឍថាមពលកកើតឡើងវិញ ក្នុងនោះថាមពលខ្យល់នៅលើគោកមានប្រហែល ២១៧ GW ថាមពលខ្យល់នៅលើសមុទ្រមាន ១៦០GW និងថាមពលពន្លឺព្រះអាទិត្យមាន ៤៣៤ GW។ ការអភិវឌ្ឍន៍ថាមពលកកើតឡើងវិញ នឹងនាំមកនូវផលប្រយោជន៍ជាច្រើនដល់ប្រទេសវៀតណាម រួមទាំងការចំណាយប្រតិបត្តិការទាប ពីព្រោះតម្លៃថាមពលកកើតឡើងវិញចាប់ផ្ដើមធ្លាក់ចុះជាបន្តបន្ទាប់ ខណៈដែលប្រភពឥន្ធនៈហ្វូស៊ីល នឹងកើនឡើង។
អានបន្ថែម
គម្រោងស្ថាបនាផ្លូវជាតិលេខ១០ ពីបាត់ដំបងទៅកោះកុងសម្រេចបាន ៥៤% ហើយ
គិតត្រឹមដំណាច់ខែវិច្ឆិកា ឆ្នាំ២០២១ គម្រោងសាងសង់ផ្លូវជាតិលេខ១០ ភ្ជាប់ពីបាត់ដំបងទៅកោះកុង ប្រវែងជាង ១៩៨គ.ម សម្រេច បាន ៥៤,៨៩% ហើយ។ នេះបើយោងតាមការចុះពិនិត្យការដ្ឋានផ្ទាល់របស់រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល កាលពីថ្ងៃទី ៣ ធ្នូ នេះ។ គម្រោងសាងសង់ផ្លូវជាតិលេខ១០ នេះតភ្ជាប់ពីសំឡូត- វាលវែង-អូរសោមដល់កោះកុង សាងសង់ស្របតាមបទដ្ឋានបច្ចេកទេសកម្រិត៣ របស់ប្រទេសចិន មានទទឹងតួផ្លូវសរុបចំនួន ៩ម៉ែត្រ ជាប្រភេទផ្លូវកៅស៊ូពីរស្រទាប់(DBST)។ គម្រោងនេះរួមមានការសាងសង់ស្ពានចំនួន ២៣កន្លែង ប្រវែង ១៧២១,៤៦ម៉ែត្រ ដែលក្នុងនោះមានស្ពានខ្ពស់ជាងគេមួយកម្ពស់៧៥ម៉ែត្រ បណ្តោយ៥៣០ម៉ែត្រ និងទទឹង១០ម៉ែត្រ ព្រមទាំងមានបំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោលសុវត្ថិភាពផងដែរ។ គម្រោងផ្លូវនេះមានការជ្រើសរើសគន្លងផ្លូវថ្មីប្រវែងសរុប ៦៥,៨៩គីឡូម៉ែត្រ ដើម្បីធ្វើផ្លូវពង្វាងពីភ្នំក្រវាញ ព្រោះតែមិនចង់វះកាត់ភ្នំក្រវាញជាពីរនាំឱ្យប៉ះពាល់ដល់បរិស្ថាន និងជម្រកសត្វព្រៃធ្ងន់ធ្ងរ។ គម្រោងផ្លូវនេះត្រូវបានបើកការដ្ឋានសាងសង់កាលពីថ្ងៃទី០៩ ខែមីនា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់សម្តេចនាយករដ្ឋមន្រ្តី ហ៊ុន សែន ដែលកំពុងសាងសង់ដោយទុន ១៨៨,៣៨ លានដុល្លារ ដែលជាកម្ចីពីចិន រួមនឹងថវិកាបដិភាគរបស់រដ្ឋ។ ផ្លូវនេះសាងសង់ដោយក្រុមហ៊ុន សាជីវកម្មស្ពានថ្នល់ចិន […]
អានបន្ថែម
ស្ពានអាកាសចោមចៅសម្រេចបាន៩០% និងគ្រោងបញ្ចប់នៅខែមីនាឆ្នាំក្រោយ
ការសាងសង់ស្ពានអាកាសចោមចៅ សម្រេចបាន ៩០% បើគិតត្រឹមថ្ងៃទី៣ ខែវិច្ឆិកានេះ ដោយគ្រោងបញ្ចប់ជាស្ថាពរនៅខែមីនាឆ្នាំក្រោយ។ លោក សាំង ពិសិដ្ឋ ប្រធានមន្ទីរសាធារណការ និងដឹកជញ្ជូនរាជរធានីភ្នំពេញ បានឱ្យដឹងថា ការងារសាងសង់ កំពុងបន្តដើម្បីបញ្ចប់គម្រោង ១០%ទៀត ដែលនៅសល់ ឱ្យចប់តាមផែនការនៅ ខែមីនា ឆ្នាំក្រោយ។ បច្ចុប្បន្ន ក្រុមការងារកំពុងពន្លឿនការងារសាងសង់ ខណៈហេដ្ឋារចនាសម្ព័ន្ធមួយចំនួនផ្លូវក្រោមដី បានដាក់ឱ្យប្រើប្រាស់បណ្តោះអាសន្ន សម្រាប់សម្រួលចរាចរណ៍។ លោក សាំង ពិសិដ្ឋ បញ្ជាក់ថា ទោះបញ្ចប់ខែមីនាឆ្នាំក្រោយក្ដី កាលបរិច្ឆេទនៃការដាក់សម្ពោធនៅមិនទាន់កំណត់នៅឡើយទេ។ ស្ពានអាកាសចោមចៅនេះ ត្រូវបានសាងសង់ដោយក្រុមហ៊ុន OCIC ដោយប្រើប្រាស់ថវិកាសាងសង់ប្រមាណ ២២ លានដុល្លារ ហើយនឹងចំណាយពេលសាងសង់រយៈពេល៣០ខែ។ (អានបន្ថែម)
អានបន្ថែម
ហេតុអ្វីអ្នកអភិវឌ្ឍអចលនទ្រព្យធំៗហ៊ានបោះទុនបន្ថែមសង់គម្រោងនានាទោះក្នុងវិបត្តិកូវីដ?
សរសរដោយ៖ អ្នកវិភាគអចលនទ្រព្យឯករាជ្យលោក Eric Won Chon Lap ២ ឆ្នាំនៃវិបត្តិកូវីដ បានធ្វើឱ្យក្រុមហ៊ុនជាច្រើនជួបនឹងបញ្ហា ខ្លះត្រូវបិទ និងខ្លះទៀតត្រូវខំរស់ដោយបង្កើតការប្រកួតប្រជែងក្នុងទីផ្សារ។ ដោយឡែក អ្នកអភិវឌ្ឍន៍អចលនទ្រព្យធំៗជាច្រើននៅកម្ពុជា បានសម្របខ្លួនបានយ៉ាងរហ័ស ដោយប្រើប្រាស់ចំណូលពីអាជីវកម្មចម្រុះរបស់ពួកគេ។ អ្នកអភិវឌ្ឍន៍ខ្លះទៀត យល់ឃើញថាអំឡុងពេលកូវីដនេះគឺជាឱកាស ហើយសង្ងំពង្រីកប្រតិបត្តិការអាជីវកម្ម ឬសាងសង់គម្រោងថ្មីៗ ជាច្រើន ទិសដៅដើម្បីឱ្យគម្រោងទាំងនោះសម្រេចរួចរាល់ ស្របពេលដែលសេដ្ឋកិច្ចត្រឡប់មករស់រវើក និងត្រឡប់មកវិញនូវនិយោគិនអន្តរជាតិក្នុងពេលឆាប់ៗខាងមុខនេះ។ អ្នកអភិវឌ្ឍន៍ធំៗជាច្រើនបានប្រកាសលក់ និងសាងសង់គម្រោងជាច្រើនក្នុងអំឡុងពេលកូវីដនេះ ដោយដាក់ផែនការបញ្ចប់នៅឆ្នាំ ២០២៣ ដល់ឆ្នាំ ២០២៥។ រយៈពេល ៣ ទៅ ៥ ឆ្នាំខាងមុខនេះ គឺជាពេលដែលអ្នកជំនាញអចលនទ្រព្យបានព្យាករណ៍ថាទីផ្សារនឹងចាប់ផ្តើមងើបឡើងវិញ។ តួយ៉ាងដូចជា ក្រុមហ៊ុន ជីប ម៉ុង លែន ដែលបង្ហាញពីផែនការចង់ប្រែក្លាយខណ្ឌជ្រោយចង្វារ តាមបណ្តោយផ្លូវជាតិលេខ ៦អា ទៅជាទីក្រុងស៊ីវិល័យថ្មីមួយ ជាមួយនឹងការអភិវឌ្ឍន៍បូរីផាកលែន ៦អា។ តាមផែនការ គម្រោងនឹងបញ្ចប់នៅឆ្នាំ ២០២៣ ព្រោះក្រុមហ៊ុនមានទំនុកចិត្តថាកូវីដ១៩នឹងបញ្ចប់ នៅពេលនោះ ហើយឧស្សាហកម្មអចលនទ្រព្យក៏នឹងស្ទុះងើបឡើងវិញខ្លាំងដែរ។ លើសពីនេះ ក្រុមហ៊ុន ជីប […]
អានបន្ថែម
អ្វីទៅជាដីសម្បទានសង្គមកិច្ច? ដើម្បីទទួលបានដីសម្បទានសង្គមកិច្ច តើត្រូវមានលក្ខខណ្ឌអ្វីខ្លះ?
តាំងពីចាប់ផ្ដើមគម្រោងកាលពីឆ្នាំ ២០០៨ មកទល់បច្ចុប្បន្ន ដីធ្លីសរុបយ៉ាងហោចជាង ៣ម៉ឺនហិកតា ត្រូវបានផ្ដល់ជូនប្រជាពលរដ្ឋក្រីក្រជាង ៥ ម៉ឺនគ្រួសារ ដោយចំណាយថវិកាសរុបជិត ៤០ លានដុល្លារ តាមរយៈគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ឬស្គាល់ជាទូទៅថា LASED ។ តើដីសម្បទានសង្គមកិច្ចជាអ្វី? ពលរដ្ឋក្រីក្រត្រូវមានលក្ខណៈសម្បត្តិអ្វីខ្លះទើបទទួលបានដី? ប្រជាជនទូទៅមានសិទ្ធិឬទេ? បើតាមអនុក្រឹត្យលេខ ១៩ អនក្រ.បក ចុះថ្ងៃទី១៩ ខែមីនា ឆ្នាំ២០០៣ ដីសម្បទានសង្គមកិច្ច គឺជាយន្តការផ្ទេរដីឯកជនរបស់រដ្ឋតាមផ្លូវច្បាប់ សម្រាប់គោលបំណងសង្គមកិច្ចដល់ជនក្រីក្រ ដែលខ្វះខាតដីសម្រាប់សង់លំនៅឋាន ឬ/និងធ្វើកសិកម្មជាលក្ខណៈគ្រួសារ។ ដីសម្បទានសង្គមកិច្ចនេះមានច្រើនទម្រង់ និងច្រើនកម្មវិធី ប៉ុន្តែកម្មវិធីដែលពេញនិយមជាងគឺ LASED ដែលជាការសហការគ្នារវាងក្រសួងរៀបចំដែនដី នគរូបនីយកម្ម និងសំណង់ និងធនាគារពិភពលោក និងសរុបជំហានទី ៣ ក្រោមទឹកប្រាក់ ១៣០លានដុល្លារ។ (អានបន្ថែម) តាមច្បាប់ ដីសម្បទានសង្គមកិច្ចសម្រាប់សង់លំនៅឋាន គឺមានទំហំធំបំផុត ១២០០ ម៉ែត្រការ៉េ តែករណីដីមានទីតាំងនៅតំបន់ជនបទ ដីអាចមានទំហំដល់ទៅ ៣៦០០ ម៉ែត្រការ៉េ។ ដោយឡែក ចំពោះនៅតាមតំបន់ទីក្រុង សម្បទានដីសង្គមកិច្ចខ្លះ […]
អានបន្ថែម
ការដ្ឋានច្រកព្រំដែនខ្មែរ-ថៃស្ទឹងបត់ និងផ្លូវថ្មីភ្ជាប់ទៅផ្លូវជាតិលេខ៥ សម្រេចបាន ៣០% ហើយ
បើគិតត្រឹមថ្ងៃទី ៣០ ខែវិច្ឆិកា ឆ្នាំ២០២១ គម្រោងសាងសង់អគារច្រកទ្វារអន្តរជាតិស្ទឹងបត់ និង ផ្លូវតភ្ជាប់ទៅផ្លូវជាតិលេខ៥ សម្រេចបានប្រមាណ ៣០,៣៧ % ហើយ។ នេះបើតាមដំណើរចុះពិនិត្យរបស់គណៈប្រតិភូក្រសួងសាធារណការ និងដឹកជញ្ជូន និងគណៈប្រតិភូនីដា (NEDA) នៃប្រទេសថៃ។ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានឱ្យដឹងថា បច្ចុប្បន្នក្រសួងកំពុងពិនិត្យ និងពន្លឿនការងារសាងសង់ ធ្វើយ៉ាងណាឱ្យសម្រេចទៅតាមផែនការ ទិសដៅសម្រួលដល់ ការដឹកជញ្ជូនទំនិញ និងពាណិជ្ជកម្មនៃប្រទេសទាំង២ ឱ្យបានឆាប់ៗខាងមុខនេះ។ ទោះស្ថិតក្នុងដំណាក់កាលសាងសង់ក្ដី ភាគីថៃ និងកម្ពុជា ក៏បានព្រមព្រៀងគ្នាថានឹងបើកច្រកទ្វារនេះជាបណ្តោះអាសន្ន សម្រាប់ការដឹកជញ្ជូនទំនិញ ក្នុងពេលឆាប់ៗនេះ។ (អានបន្ថែម) គម្រោងច្រកទ្វារនេះ នឹងរួមមានការសាងសង់អគារច្រកត្រួតពិនិត្យព្រំដែន សំណង់អគារអន្តេវាសិកដ្ឋាន ចំណតសម្រាប់ផ្ទេរទំនិញឆ្លងកាត់ ឃ្លាំង និងទីលានកុងទីន័រ និងអគាររដ្ឋបាលជាដើម។ ថ្មីៗនេះ ភាគីថៃ និងកម្ពុជា ក៏គ្រោងនឹងបំពាក់គ្រឿងម៉ាស៊ីនត្រួតពិនិត្យកាំរស្មើអិចលើទំនិញដែលឆ្លងកាត់ច្រកទ្វារព្រំដែននេះ ទិសដៅដើម្បីធ្វើទំនើបកម្ម និងពន្លឿននីតិវិធីត្រួតពិនិត្យទំនិញឆ្លងកាត់ព្រំដែន។ (អានបន្ថែម) គួរបញ្ជាក់ថា គម្រោងនេះ កំពុងសាងសង់ដោយក្រុមហ៊ុន CM […]
អានបន្ថែម
ផ្លូវលេខ១៤៨ ពីស្ទឹងហាវដល់កំពង់ផែក្រុងព្រះសីហនុ សាងសង់បានជាង ៤០%ហើយ
ការដ្ឋានស្ថាបនាផ្លូវខេត្តលេខ១៤៨ ប្រវែងជាង ១៨គីឡូម៉ែត្រ ចាប់ពីរង្វង់មូលស្ទឹងហាវដល់កំពង់ផែស្វយ័តក្រុងព្រះសីហនុ សាងសង់សម្រេចបាន ៤០,៨៩% ហើយ។ នេះបើតាមឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងកិច្ចពិនិត្យការដ្ឋានកាលថ្ងៃទី០២ ខែធ្នូ ឆ្នាំ២០២១។ ឯកឧត្តម ស៊ុន ចាន់ថុល បានឱ្យដឹងថា ការចុះពិនិត្យនេះ គឺដើម្បីធានាគុណភាពរឹងមាំ និងអាចប្រើប្រាស់ជាប់បានយូរអង្វែង ខណៈវឌ្ឍនភាពការងារ ៤០,៨៩% នេះ គឺលឿនជាងផែនការប្រមាណ ១,៥៥%។ ជាមួយគ្នានេះ ឯកឧត្តម ក៏បានណែនាំឱ្យក្រុមហ៊ុនទទួលម៉ៅការសាងសង់ ទទួលខុសត្រូវខ្ពស់លើការងារសាងសង់ប្រព័ន្ធលូបង្ហូរតាមស្តង់ដាបច្ចេកទេស ធ្វើយ៉ាងណា ធ្វើម្តងឱ្យហើយ កុំធ្វើម្តងហើយម្តងទៀត ដែលនាំឱ្យខាតបង់ពេលវេលា និងថវិកា។ គួរបញ្ជាក់ថា កំណាត់ផ្លូវនេះ បានចាប់បើកការដ្ឋានសាងសង់កាលពីថ្ងៃទី១៧ ខែមេសា ឆ្នាំ២០២០។ គម្រោងនេះ សាងសង់ដោយក្រុមហ៊ុនសាជីវកម្មស្ពានថ្នល់ចិន(CRBC) ដោយប្រើប្រាស់ថវិកាសន្សំរបស់ជាតិ ដោយនឹងសាងសង់ចំនួន ២៨ខែ។ កំណាត់ផ្លូវនេះ គឺជាផ្លូវវាងក្រុងដ៏មានសក្ដានុពលសម្រាប់បម្រើឱ្យការដឹកជញ្ជូនទំនិញនាំចេញនាំចូលតាមនាវា កសិផល និងជលផលរបស់ពលរដ្ឋ កាន់តែងាយស្រួល ចំណាយតិច និងចូលរួមចំណែកដល់ការកាត់បន្ថយការកកស្ទះចរាចរណ៍ យានយន្តដឹកជញ្ជូនទំនិញធុនធ្ងន់តាមផ្លូវជាតិលេខ៤ផងដែរ៕
អានបន្ថែម