ឆ្នាំ២០២២ ទីផ្សារអលចនទ្រព្យទៅជាយ៉ាងណា? គួរវិនិយោគលើអ្វី? នៅកន្លែងណា?
វិស័យអចលនទ្រព្យនៅកម្ពុជាបានរងផលប៉ះពាល់យ៉ាងខ្លាំងនៅឆ្នាំ ២០២០ ពីវិបត្តិកូវីដ១៩។ នៅឆ្នាំ ២០២១ ផ្ទុយទៅនឹងការរំពឹងទុកទីផ្សារបានរងប៉ះពាល់កាន់តែធ្ងន់ធ្ងរ ដោយសារការបិទខ្ទប់ និងមេរោគបំប្លែងថ្មី ។ យ៉ាងណាក្ដី ការបើកបើកប្រទេសឡើងវិញកាលពីខែវិច្ឆិកា បានធ្វើឱ្យអ្នកវិភាគអចលនទ្រព្យជាច្រើនរូបមានក្ដីសង្ឃឹមឡើងវិញសម្រាប់ឆ្នាំ ២០២២ នេះ។ នាយកគ្រប់គ្រងក្រុមហ៊ុន CBRE Cambodia លោក James Hodge មានប្រសាសន៍ថា គោលនយោបាយថ្មីនេះ នឹងជួយជំរុញការងើបឡើងវិញនៃទីផ្សារអចលនទ្រព្យនៅកម្ពុជាបានមួយកម្រិតធំ ប៉ុន្តែសន្ទុះនៅមិនទាន់ខ្លាំងទេ នៅក្នុងដំណាក់កាលដំបូង។ លោក James បានលើកឡើងថា៖ «ការបើកឱ្យចូលដោយមិនធ្វើចត្តាឡីស័ករបស់ប្រទេសកម្ពុជាគឺល្អ ប៉ុន្តែបើប្រទេសដៃគូនៅតែមានលក្ខខណ្ឌចត្តាឡីស័ក ចំនួនវិនិយោគិនចូលមកកម្ពុជាគឺនឹងមានតិចតួចប៉ុណ្ណោះ។ ជាក់ស្ដែង ទីផ្សារវិនិយោគិនសំខាន់ៗជាច្រើន មានដូចជាសិង្ហបុរី ហុងកុង និងចិន នៅតែជាតម្រូវឱ្យអ្នកដំណើរពេលដែលត្រឡប់ពីកម្ពុជាធ្វើចត្តាឡីស័ក។ កត្តានេះហើយ ដែលធ្វើឱ្យចំនួនវិនិយោគិនចូលមកកម្ពុជា នៅមិនទាន់ស្ទុះខ្លាំង»។ ដូចគ្នានេះដែរ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោក ច្រឹក សុខនីម ក៏បានលើកឡើងដែរថា ការលុបចោល និងការកាត់បន្ថយចត្តាឡីស័កនេះ គឺជាជំហានដំបូងឆ្ពោះទៅរកការងើបឡើងវិញនៃសេដ្ឋកិច្ច និងទីផ្សារអចលនទ្រព្យ។ «ជាមួយនឹងគោលការណ៍ថ្មីនេះ វិនិយោគិននឹងចាប់ផ្តើមពិចារណាការត្រឡប់មកកម្ពុជាវិញ ខណៈដែលពួកគេមិនចាំបាច់ខ្ជះខ្ជាយពេលវេលា […]
អានបន្ថែម
១១ខែ នៃឆ្នាំ២០២១នេះ កម្ពុជាផលិតស៊ីម៉ងត៍ក្នុងស្រុកបានដល់ ៨លានតោន
ក្នុងរយៈពេល១១ខែ ឆ្នាំ២០២១នេះ រោងចក្រផលិតស៊ីម៉ងត៍ទាំង ៥ក្នុងស្រុក ផលិតស៊ីម៉ងត៍បានបរិមាណ ៧,៩លានតោន ដែលបរិមាណនេះ គឺប្រហាក់ប្រហែលនឹងផលិតកម្មកាលពីឆ្នាំ២០២០។ លោក ពុត ចន្តារិទ្ធ អគ្គលេខាធិការនៃសមាគមឧស្សាហកម្មស៊ីម៉ងត៍កម្ពុជា បានឱ្យដឹងនៅថ្ងៃទី២៧ ខែធ្នូនេះ ថា៖ «ខែ១ ដល់ខែ១១ ឆ្នាំ២០២១នេះ គឺយើងអត់មានចុះទេ គឺយើងនៅដដែល វាមិនកើន តែយើងបានដដែល គឺ ៧.៩៨៩.៨៦៤តោន សម្រាប់ក្រុមហ៊ុនទាំង៥»។ យ៉ាងណាក្ដី លោក ពុត ចន្តារិទ្ធ រំពឹងថា ឆ្នាំ២០២២ កំណើនសេដ្ឋកិច្ចកើនឡើង នឹងជួយជំរុញវិស័យសំណង់កើនឡើងតាមគម្រោងវិនិយោគ ហើយការផលិតស៊ីម៉ងត៍ក៏អាចនឹងកើនឡើងតាមដែរ។ បច្ចុប្បន្ននេះកម្ពុជាមាន ក្រុមហ៊ុនផលិតស៊ីម៉ងត៍ចំនួន៥ រួមមានក្រុមហ៊ុនកំពតស៊ីមេន, ក្រុមហ៊ុនជីបម៉ុង, អ៊ិនស៊ីស៊ីមេន ខបភើរេសិន, ក្រុមហ៊ុនស៊ីម៉ងត ចក្រីទីង, ក្រុមហ៊ុនបាត់ដំបង ខនស៍ ស៊ីមេន និងក្រុមហ៊ុន ស៊ីម៉ងត៍ ថៃ ប៊ុនរ៉ុង ខមភេនី៕
អានបន្ថែម
រដ្ឋទុកពេល ៣ខែ ចុងក្រោយ ឱ្យម្ចាស់ក្រុមហ៊ុនពង្រឹងសេវាអ៊ីនធេីណិតក្នុងបូរី
ក្រសួងប្រៃសណីយ៍និងទូរគមនាគមន៍ ទុករយៈពេល ៣ខែ ចុងក្រោយ ដើម្បីឱ្យប្រតិបត្តិករសេវាអិនធើណេត និងសេវាទូរស័ព្ទ ពិនិត្យ និងកែលម្អ គុណភាពសេវាអ៊ីនធេីណិត និងសេវាទូរសព្ទនៅក្នុងបូរីនានាទាំងអស់ បើផុតកំណត់នេះ ក្រសួងនឹងចាត់វិធានការតាមផ្លូវច្បាប់។ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានលើកឡើងដូច្នេះ ក្នុងកិច្ចសំណេះសំណាលជាមួយប្រតិបត្តិករផ្តល់សេវាទូរសព្ទចល័តអ៊ីនធេីណិត កាលពីថ្ងៃទី២៥ ខែធ្នូ កន្លងទៅ។ ឯកឧត្តម លើកឡើងថា បញ្ហាគុណភាពសេវាអិនធើណេត និងទូរសព្ទចល័ត អាចប៉ះពាល់ដល់ការធ្វើការ ការប្រកបអាជីវកម្ម ក៏ដូចជាការសិក្សាក្នុងអំឡុងពេលកូវីដ-១៩។ បញ្ហាមានជាច្រើនឆ្នាំមកហើយ ជាពិសេសនៅពេលមានកំណើនលំនៅឋាន និងប្រជាពលរដ្ឋ។ «ដូច្នេះ ក្រសួងបាននិងកំពុងដោះស្រាយជាបន្ដបន្ទាប់។ កន្លងមក ក្រសួងបានបំពាក់ឧបករណ៍វាស់ស្ទង់គុណភាពសេវា និងបានបង្កើតក្រុមការងារដោះស្រាយបញ្ហាផ្ទាល់នៅតាមបុរី និងសហការជាមួយម្ចាស់បុរី ព្រមទាំងប្រតិបត្តិករទូរគមនាគមន៍ជាដើម» ឯកឧត្តមបានបន្ត។ គួរបញ្ជាក់ថា ទាក់ទិននឹងការពង្រឹងសេវានេះ ក្រសួងបានព្រមាន ពីរលើកមកហើយ។ កាលពីខែមេសា ក្រសួងបានស្នើដល់ម្ចាស់បុរី និងអគារខ្ពស់ៗនានាទូទាំងប្រទេស ឱ្យចូលរួមអនុវត្តគោលការណ៍ថ្មី ៤ចំណុចសំខាន់ៗ ដើម្បីពង្រឹងគុណភាពសេវាទូរគមនាគមន៍កម្ពុជា។ (អានបន្ថែម) បន្ទាប់មក កាលពីខែវិច្ឆិកា ទីស្តីការគណៈរដ្ឋមន្ត្រី បានដាក់ចេញវិធានការថ្មី […]
អានបន្ថែម
ខួប ២៥ឆ្នាំ នៃភាពរីកចម្រើន និងទំនុកចិត្តកាន់តែរឹងមាំ របស់ក្រុមហ៊ុន អាយ អេស អាយ ស្ទៀល
អត្ថបទផ្សព្វផ្សាយ កាលពីថ្ងៃទី២៥ ខែធ្នូ ឆ្នាំ២០២១ កន្លងទៅនេះ ក្រុមហ៊ុន អាយ អេស អាយ ស្ទៀល ដែលជាក្រុមហ៊ុនកែច្នៃ និងចែកចាយផលិតផលដែកធំជាងគេ និងឈានមុខគេនៅកម្ពុជា បានប្រារព្ធខួបគម្រប់២៥ឆ្នាំរបស់ខ្លួនជាមួយបុគ្គលិកគ្រប់ជាន់ថ្នាក់ និងអតិថិជនរបស់ខ្លួននៅទូទាំងប្រទេសផងដែរ។ ដើម្បីចូលរួមជាមួយរាជរដ្ឋាភិបាល ក៏ដូចជាក្រសួងសុខាភិបាល ក្នុងការការពារ និងទប់ស្កាត់ការរីករាលដាលនៃជំងឺកូវីដ-១៩ ក្រុមហ៊ុនបានអនុវត្តយ៉ាងខ្ជាប់ខ្ជួននូវវិធានការ ៣កុំ ៣ការពារ។ ក្រុមហ៊ុនក៏បានរៀបចំកម្មវិធីប្រម៉ូសិនពិសេស និងអំណោយអនុស្សាវរីយ៍ជាច្រើនទៀតជូនដល់អតិថិជន និងដៃគូអាជីវកម្មរបស់ខ្លួនដើម្បីជាការថ្លែងអំណរគុណ សម្រាប់កិច្ចសហការល្អ ក៏ដូចជាការជឿជាក់ គាំទ្ររាល់ផលិតផលមានគុណភាពខ្ពស់របស់ក្រុមហ៊ុនកន្លងមក។ ទន្ទឹមនឹងនេះ ក្រុមហ៊ុនក៏ចង់សបញ្ជាក់ឲ្យឃើញថា ក្រុមហ៊ុនអាចឈរជើងយ៉ាងរឹងមាំនៅលើទីផ្សារជាង ២ ទសវត្សនេះ ព្រោះតែមានការគាំទ្រយ៉ាងពេញទំហឹងពីអតិថិជនគ្រប់មជ្ឈដ្ឋាន និងមានដៃគូអាជីវកម្មល្អផងដែរ។ សូមបញ្ជាក់ថា ក្រុមហ៊ុន អាយ អេស អាយ ស្ទៀល បានកកើតឡើងក្នុងឆ្នាំ១៩៩៧ ជាសិប្បកម្មកិនស័ង្កសីលក្ខណៈគ្រួសារ ហើយដោយសារកិច្ចខិតខំប្រឹងប្រែងរបស់ថ្នាក់ដឹកនាំ និងបុគ្គលិកគ្រប់ជាន់ថ្នាក់ ដោយឈរលើគុណតម្លៃស្នូលទាំង ៣ របស់ក្រុមហ៊ុន គឺភាពឧស្សាហ៍ព្យាយាម សុចរិតភាព និងគំនិតច្នៃប្រឌិត បានធ្វើអោយក្រុមហ៊ុន អាយ អេស អាយ […]
អានបន្ថែម
កម្មវិធី PropertyGuru Asia Real Estate Summit ឆ្នាំ2021 ធ្វើឡើងតាមប្រព័ន្ធអនឡាញ
• វាគ្មិនចូលរួមលំដាប់ពិភពលោកមានដូចជាអ្នកតំណាងជាន់ខ្ពស់មកពីស្ថាប័ន International Finance Corporation/World Bank Group, The Economist Corporate Intelligence Unit, Milken Institute, Bank of Singapore និង The Original Voice of Siri • កម្មវិធី PropertyGuru Asia Real Estate Summit ឆ្នាំ2021 ធ្វើឡើងតាមប្រព័ន្ធអនឡាញនឹងបិទបញ្ចប់នៅថ្ងៃទី 8 ខែមករា ឆ្នាំ 2022 PropertyGuru Group ដែលជាក្រុមហ៊ុនបច្ចេកវិទ្យាអចលនទ្រព្យឈានមុខគេនៅអាស៊ីអាគ្នេយ៍ បានប្រារព្ធធ្វើកម្មវិធីសន្និសីទអចលនទ្រព្យនៅតំបន់អាស៊ី (PropertyGuru Asia Real Estate Summit) ដែលជាកម្មវិធីភាពជាអ្នកដឹកនាំប្រកបដោយគំនិតលំដាប់ពិភពលោក។ កម្មវិធីនេះមានរយៈពេលមួយខែ ហើយនឹងត្រូវបិទបញ្ចប់នៅថ្ងៃទី៨ ខែមករា ឆ្នាំ២០២២ ខាងមុខនេះ។ នៅក្រោមប្រធានបទ “បដិវត្តន៍ទិន្នន័យ’ សន្និសីទត្រូវបានផ្សាយនៅលើវេបសាយ AsiaRealEstatesummit.com […]
អានបន្ថែម
រដ្ឋបាលខេត្តកណ្តាល ជំរុញការចុះបញ្ជីដីរដ្ឋតាមបណ្តាមូលដ្ឋាន
រដ្ឋបាលខេត្តកណ្ដាល បានជំរុញដល់អភិបាលក្រុង-ស្រុកទាំង១១ ទូទាំងខេត្តកណ្ដាល ចុះបញ្ជីដីរដ្ឋ ដែលមិនទាន់ បានរៀបចំចុះបញ្ជី ក្នុងភូមិសាស្ត្ររបស់ខ្លួន និងការដោះសា្រយទំនាស់ដីធ្លីក្រៅប្រព័ន្ធតុលាការ។ នេះជាការលើកឡើងរបស់ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល ក្នុងកិច្ចប្រជុំ គណៈកម្មាធិការគ្រប់គ្រងដីរដ្ឋថ្នាក់ខេត្តនារសៀលថ្ងៃទី២៣ ខែធ្នូ ឆ្នាំ២០២១។ យោងតាមការចុះផ្សាយរបស់រដ្ឋបាលខេត្ត ឯកឧត្តម គង់ សោភ័ណ្ឌ ការចុះបញ្ជីដីរដ្ឋ ដែលមិនទាន់បានរៀបចំចុះ បញ្ជី ត្រូវសហការជាមួយគណៈកម្មាធិការគ្រប់គ្រងដីរដ្ឋថ្នាក់ខេត្ត ដើម្បីធ្វើការចុះបញ្ជីឱ្យអស់នៅក្នុងភូមិសាស្ត្រ របស់ខ្លួន ដើម្បីទុកជាសម្បត្តិរដ្ឋ សម្រាប់បម្រើដល់ផលប្រយោជន៍របស់ប្រជាពលរដ្ឋនៅក្នុងមូលដ្ឋានរបស់ខ្លួនផ្ទាល់ ពិសេសគឺដើម្បីលុបបំបាត់ឱ្យបាននូវការទន្ទ្រាន ការកាន់កាប់ដោយអានាធិបតេយ្យ។ ឯកឧត្តម ក៏បានស្នើអភិបាលក្រុង-ស្រុកទាំងអស់ ត្រូវពង្រឹងការគ្រប់គ្រងដីរដ្ឋដែលមាននៅក្នុងមូលដ្ឋាន របស់ខ្លួន ពិសេសដីដែល បានចុះបញ្ជីរួចហើយ និងត្រូវទប់ស្កាត់ឱ្យបាននូវ ការរំលោភយកដីចំណីផ្លូវ ចំណីប្រឡាយ ចំណីព្រែក ចំណីអូរ ចំណីបឹង ដែលធ្វើឱ្យស្ទះនូវចរន្តទឹកហូរ រំដោះទឹកចេញពី បឹង បួរ បញ្ចៀសនូវ ការជន់លិចដីស្រែ និងផ្ទះរបស់ប្រជាពលរដ្ឋ។ ក្រៅពីការងារចុះបញ្ជីដីរដ្ឋ ឯកឧត្តមអភិបាលខេត្ត បានជំរុញដល់ អាជ្ញាធរមូលដ្ឋានទាំងអស់ […]
អានបន្ថែម
៩ ខែ ឆ្នាំនេះ រដ្ឋអនុម័តគម្រោងសំណង់សរុបជាង ៣២០០ គម្រោង តម្លៃសរុប ៤,៦ពាន់លានដុល្លារ
គម្រោងស្នើសុំសាងសង់ចំនួន ៣ ២៦៣ គម្រោង ទទួលបានការអនុញ្ញាតសាងសង់ក្នុងរយៈពេល ៩ ខែ ឆ្នាំ ២០២១ នេះ ដែលធ្លាក់ចុះ ចំនួន៤៧៦គម្រោង បើធៀបនឹងរយៈពេលដូចគ្នាកាលពីឆ្នាំមុន។ យោងតាមរបាយការណ៍ពីក្រសួងសេដ្ឋកិច្ច និងហិរញ្ញវត្ថុ ចេញផ្សាយកាលពីពេលថ្មីៗនេះ ទុនវិនិយោគវិស័យសំណង់កម្ពុជា រយៈពេល ៣ ត្រីមាស ឆ្នាំ ២០២១ នេះ សម្រេចបានជាង ៤,៦ ពាន់លានដុល្លារ ធ្លាក់ចុះជាង ២០% បើធៀបនឹងរយៈពេលដូចគ្នាឆ្នាំ ២០២០។ ក្នុងចំណោមគម្រោងសាងសង់ដែលទទួលការអនុញ្ញាតទាំង មានគម្រោងសាងសង់ប្រភេទលំនៅឋានមាន ២ ៩០៩ គម្រោង ឬស្មើនឹង ៨៦% នៃគម្រោងសរុប ដែលធ្លាក់ចុះ ៣៤៤ គម្រោង។
អានបន្ថែម
អគារព្យាបាលមួយខ្នង តម្លៃជិត២០លានដុល្លារ ក្រោមជំនួយជប៉ុន ចាប់ផ្តើមសង់ហើយ
អគារព្យាបាលអ្នកជំងឺមួយខ្នង កម្ពស់៤ជាន់ តម្លៃជិត២០លានដុល្លារអាមេរិក ក្រោមជំនួយរបស់ប្រទេសជប៉ុន ជូនដល់មន្ទីរពេទ្យបង្អែកខេត្ដសៀមរាប បានបើកការដ្ឋានសាងសង់ជាផ្លូវការហើយ កាលពីថ្ងៃទី២៣ ខែធ្នូ ឆ្នាំ២០២១។ អគារមួយខ្នងមានផ្ទៃក្រឡាសំណង់ទំហំ ៧.២៦០ ម៉ែត្រការ៉េ កំពស់៤ជាន់ ប្រវែង២៥ ម៉ែត្រគុណនឹង ៦៩ ម៉ែត្រ ដែលនឹងត្រូវប្រើប្រាស់សម្រាប់សេវាឯកទេស វះកាត់ សេវាសង្រ្គោះបន្ទាន់ និងសេវាពាក់ព័ន្ធផ្សេងៗទៀត។ អគារមន្ទីរពេទ្យថ្មីនេះមានលក្ខណៈជាស្តង់ដារ ដែលមានចំនួនគ្រែសរុបចំនួន២២០គ្រែ ដែលទទួលអ្នកជំងឺទៅតាមជាន់នីមួយៗ។ នៅជាន់ផ្ទាល់ដី មានផ្នែកទទួលជំងឺ និងពិគ្រោះជំងឺក្រៅ , ផ្នែកសង្រ្គោះបន្ទាន់ (Emergency) , ផ្នែករូបភាពវេជ្ជសាស្រ្ត (ថតដោយកាំរស្មីអ៊ិច ឆ្លុះអេកូសាស្រ្ត ថតដោយម៉ាស៊ីនស៊ីធីស្កេន) , ផ្តល់ឱសថ និងបញ្ជរបង់ប្រាក់។ជាន់ទី១ ជាផ្នែកសល្យាសាស្រ្ត និងដាក់ថ្នាំសណ្តំដែលមានបន្ទប់វះកាត់សរុប ៦ បន្ទប់ មានផ្នែកថែទាំក្រោយវះកាត់ ផ្នែកប្រពោធនកម្មវះកាត់ និងមជ្ឈមណ្ឌលស្តេរីលរួម។ ជាន់ទី២ និងទី៣ ខាងលើជាផ្នែកសម្រាកពេទ្យនៃជំងឺវះកាត់ដែលមានបែងចែកតាមឯកទេស ដែលក្នុងនោះផ្នែកវះកាត់ឆ្អឺងសន្លាក់និងរបួសគ្រាំគ្រា (Trauma and Orthopedic surgery) , ផ្នែកវះកាត់ប្រព័ន្ធប្រសាទ(Neurology […]
អានបន្ថែម
ក្នុងចំណោមអាស៊ាន វៀតណាមបោះទុននៅកម្ពុជាច្រើនជាងគេ មានដល់ជាង ២,៨ ប៊ីលានដុល្លារ
ក្នុងចំណោមប្រទេសអាស៊ានទាំង ១០ប្រទេស វៀតណាម គឺជាអ្នកវិនិយោគផ្ទាល់ពីបរទេស ធំជាងគេនៅកម្ពុជា ដែលមានគម្រោងវិនិយោគសរុបជាង ១៨៨គម្រោង និងទុនវិនិយោគប្រមាណ ២,៨៥ ប៊ីលានដុល្លារ។ នេះបើយោងតាមការចុះផ្សាយរបស់សារព័ត៌មាន VN Express កាលពីថ្ងៃទី ២២ ខែធ្នូ។ ក្នុងរយៈពេល១១ខែ ឆ្នាំ២០២១ នេះ ប្រទេសវៀតណាម បានវិនិយោគគម្រោងចំនួន៤ នៅកម្ពុជា ដែលមានទុនវិនិយោគសរុប ៩០លានដុល្លារ កើនឡើង៤,៦% ធៀបនឹងរយៈពេលដូចគ្នាកាលពីឆ្នាំមុន។ តួលេខវិនិយោគនេះ ត្រូវបានបង្ហាញឡើងក្នុងដំណើរទស្សនកិច្ចរបស់ប្រធានាធិបតីវៀតណាម Nguyen Xuan Phuc នៅកម្ពុជា កាលពីដើមសប្តាហ៍នេះ។ ក្នុងរយៈពេល ១១ខែ ដូចគ្នានេះ ទំហំពាណិជ្ជកម្មទ្វេភាគីរវាងកម្ពុជា-វៀតណាម មានទឹកប្រាក់ ៨,៦ប៊ីលានដុល្លារ កើនឡើង ៨៤%។ ការវិនិយោគដ៏ធំបំផុតមួយរបស់វៀតណាមនៅកម្ពុជាគឺ ក្រុមហ៊ុន Metfone ដែលជាបុត្រសម្ព័ន្ធរបស់ Viettel។ Metfone បច្ចុបន្នមានទុនវិនិយោគសរុបជាង ១ពាន់លានដុល្លារ ហើយជាក្រុមហ៊ុនទូរគមនាគមន៍ដ៏ធំមួយនៅក្នុងប្រទេសកម្ពុជា ដែលមានអតិថិជនជាង ៦០% នៃចំនួនប្រជាជនកម្ពុជាសរុប។ ក្រុមហ៊ុនធំមួយទៀតគឺ Thagrico […]
អានបន្ថែម
ស្ពានវែងជាងគេនៃផ្លូវល្បឿនលឿនភ្នំពេញ-ព្រះសីហនុ សាងសង់រួចរាល់
ស្ពានវែងជាងគេនៃផ្លូវល្បឿនលឿនភ្នំពេញ-ព្រះសីហនុ បានបញ្ចប់ការដំឡើងគ្រោងស្ពានជាស្ថាពរ និងត្រៀមរួចរាល់សម្រាប់ការតភ្ជាប់ស្ពាននេះទៅនឹងផ្លូវកៅស៊ូសងខាងឆាប់ៗ។ នេះយោងតាមទំព័រ Facebook របស់ Phnom Penh-Sihanoukville Expressway កាលពីថ្ងៃទី ២២ ខែធ្នូ។ ស្ពានវែងជាងគេនេះ មានទីតាំងស្ថិតនៅចន្លោះគីឡូម៉ែតលេខ ១៧៨ (K178+267.5) ដែលជាស្ពានកាត់ទទឹងទឹកជ្រោះក្បាលឆាយ។ គួរបញ្ជាក់ថា គិតត្រឹមចុងខែវិច្ឆិកានេះ គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ សម្រេចការសាងសង់បានប្រមាណ ៧០% ហើយ។ ផ្លូវនេះជាក់ស្ដែងធ្វើទៅលឿនជាងផែនការ ដែលប្ដូរពីការបញ្ចប់នៅឆ្នាំ២០២៣ មកចុងឆ្នាំ ២០២២ វិញ។ បច្ចុប្បន្ន រដ្ឋាភិបាលក៏កំពុងចរចាជាមួយក្រុមហ៊ុនចិន ដើម្បីបើកឱ្យប្រជាពលរដ្ឋបើកបរសាកល្បងដោយឥតគិតថ្លៃ ក្នុងរយៈពេលដំបូងសិន ក្រោយផ្លូវនេះសាងសង់រួច។ ហើយបន្ទាប់មក គឺនឹងសុំឱ្យក្រុមហ៊ុនយកតម្លៃសេវាបើកបរលើផ្លូវនេះទាប ពោលគឺក្រោម ១០សេន ក្នុង ១គម។ (អានបន្ថែម) គួរបញ្ជាក់ផងដែរថា គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ កំពុងសាងសង់ក្រោមទុន ២ពាន់លានដុល្លារ មានប្រវែងសរុបជាង ១៩០គីឡូម៉ែត្រ ភ្ជាប់ពីភូមិ១ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ។
អានបន្ថែម
តើខណ្ឌជ្រោយចង្វារអាចក្លាយជាតំបន់ពាណិជ្ជកម្ម (CBD) នៃក្រុងភ្នំពេញដែរឬទេ?
ក្នុងចំណោមតំបន់ជាយក្រុងទាំងអស់ក្នុងរាជធានីភ្នំពេញ ជ្រោយចង្វារត្រូវបានចាត់ទុកថាជាខណ្ឌដែលមានការអភិវឌ្ឍន៍លឿនជាងគេខាងវិស័យអចលនទ្រព្យ។ ទន្ទឹមនឹងនេះ ខណ្ឌមួយនេះបានទាក់ទាញនូវគម្រោងវិនិយោគជាច្រើនដូចជា ទីក្រុងរណប Garden City ទីក្រុងរណបជ្រោយចង្វារ គម្រោងខុនដូ បុរី និងដីឡូតិ៍ជាដើម។ អ្នកស្រី តាំង ហួរ អគ្គនាយិការក្រុមហ៊ុន Amatak Property Service Co.,Ltd. មានប្រសាសន៍ថា ជ្រោយចង្វារជាខណ្ឌអំណោយផលដល់គម្រោងលំនៅឋាន ដែលអមដោយទន្លេ ២ គឺទន្លេសាប និងទន្លេមេគង្គ។ «ដោយផ្អែកលើសក្ដានុពលនៃគម្រោងអភិវឌ្ឍន៍ ខណ្ឌនេះអាចនឹងក្លាយជាតំបន់ពាណិជ្ជកម្មថ្មី (CBD) នៃរាជធានីភ្នំពេញនាពេលខាងមុខ បន្ទាប់ពីខណ្ឌចំការមន បឹងកេងកង ដូនពេញ ៧មករា និងខណ្ឌទួលគោក»។ អ្នកស្រីបានបន្តថា បើនិយាយអំពីការអភិវឌ្ឍន៍អចលនទ្រព្យ ខណ្ឌជ្រោយចង្វារបានទាក់ទាញគម្រោងខុនដូប្រណិតៗជាច្រើនដូចជា គម្រោង MORGAN ENMAISON ដែលមានអគារសរុបចំនួន ៥ (២ អគារមានកម្ពស់៤៨ជាន់ និង៣អគារមានកម្ពស់ ៥៤ជាន់) ខុនដូ WEALTH MANSION កម្ពស់៤៥ជាន់ ខុនដូ LA VISTA ONE កម្ពស់៤១ជាន់ […]
អានបន្ថែម
អ្នកជំនាញ ប្រាប់ពីវិធីស្ដារទីផ្សារខុនដូ ដែលសន្លប់ដួលស្ដូកពីឆ្នាំ ២០២០ និង២០២១
ជិតពីរទសវត្សរ៍ចុងក្រោយនេះ វិស័យអចលនទ្រព្យមានការរីកចំរើនយ៉ាងខ្លាំងនៅកម្ពុជា ជាក់ស្តែងវត្តមានអគារខ្ពស់ៗជាច្រើនបានរីកដូចផ្សិតនៅរាជធានីភ្នំពេញ ពិសេសអគារខុនដូបានកើនឡើងយ៉ាងគំហុកផងដែរ។ យ៉ាងណាមិញ វិបត្តិកូវីដ១៩ នៅឆ្នាំ ២០២០ និង ២០២១ បានធ្វើឱ្យទីផ្សារខុនដូនៅកម្ពុជា មិនមែនត្រឹមតែថមថយទេ តែគឺសន្លប់ដួលស្ដូកតែម្ដង។ ហេតុអ្វីបានអ្នកជំនាញខាងអចលនទ្រព្យយល់ឃើញបែបនេះ? តើមានវិធីសាស្រ្តស្តារទីផ្សារខុនដូក្នុងឆ្នាំ២០២២ ដោយរបៀបណា? អ្នកជំនាញផ្នែកអចលនទ្រព្យនៅកម្ពុជា និងជាប្រធានក្រុមហ៊ុន KW Cambodia លោកឧកញ៉ាបណ្ឌិត គីម ហ៊ាង បានលើកឡើងថា ក្នុងឆ្នាំ២០២០ និង២០២១ កន្លងទៅនេះ ទីផ្សារខុនដូនៅកម្ពុជា មិនមែនថមថយទេ តែសន្លប់ដេកស្អាតតែម្ដង ព្រោះមិនមានជនបរទេសមកទិញ។ «ខុនដូភាគច្រើនតម្លៃ ២៥០០ដុល្លារក្នុងមួយម៉ែត្រការ៉េ ឡើងទៅ ដែលមានតែផ្ដោតលើទីផ្សារបរទេសខ្លាំង ព្រោះតម្លៃនេះចាត់ទុកថាខ្ពស់ អ្នកក្នុងស្រុកមិនសូវទិញទេ។ ដូច្នេះ គ្មានបរទេស ទីផ្សារនេះ គឺជាប់គាំងតែម្ដង» លោកបានបន្ត។ ប៉ុន្តែលោកថា នេះមិនមែនជារឿងអស់សង្ឃឹមទេ។ ក្នុងអំឡុងពេលដែលរង់ចាំវិនិយោគិនបរទេសមកវិញ មានវិធីសាស្រ្ត១ ដែលអាចស្រោចស្រង់ទីផ្សារនេះបាន។ «អ្នកអភិវឌ្ឍអាចងាកមកទីផ្សារក្នុងស្រុក ហើយត្រូវគិតលើកត្តាទីតាំង ទំហំ និងតម្លៃជាចម្បង។ សម្រាប់ពលរដ្ឋខ្មែរ ពួកគាត់មិនទិញខុនដូសម្រាប់រស់នៅរាល់ថ្ងៃទេ គឺគាត់ទិញសម្រាប់នៅបណ្តោះអាសន្នប៉ុណ្ណោះ ហេតុនេះខុនដូដែលល្អ […]
អានបន្ថែម