គម្រោងបង្កើតឆ្នេរខ្សាច់កម្រិតខ្ពស់ប្រវែង ២,៧០០ម៉ែត្រ នៅខេត្តកែប បើកការដ្ឋានជាផ្លូវការហើយ
គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ច.ក) បានបើកការដ្ឋានគម្រោងបង្កើតរមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ ដែលស្ថិតនៅភូមិថ្មី សង្កាត់ព្រៃធំ ក្រុងកែប ជាផ្លូវការហើយ។ នេះបើយោងតាមរដ្ឋបាលខេត្ត កាលពីថ្ងៃទី២២ ខែវិច្ឆិកា ឆ្នាំ២០២១។ រដ្ឋបាលខេត្តកែប បានឲ្យដឹងបន្ថែមថា ការអនុវត្តគម្រោងនឹងចាប់ផ្តើមដោយការចាក់បំពេញអាចម៍ដីប្រវែង ២,៧០០ម៉ែត្រ និងមានការប្រើប្រាស់រថយន្តប្រភេទបែនភ្លៅបួនចំនួន២០០គ្រឿង ដើម្បីដឹកជញ្ជូនសម្ភារៈសំណង់គ្រប់ប្រភេទចូលទីតាំង។ ហេតុនេះ រដ្ឋបាលខេត្តកែប បានបង្វែរទិសធ្វើចរាចរណ៍ចំពោះយាន្តយន្តគ្រប់ប្រភេទដែលធ្វើដំណើរឆ្លងកាត់ចំណុច គ.ម០០+០០០ ដល់ គ.ម០៦+០០០ ទិសចូលពីរង្វង់មូលសេះស-រង្វង់មូលព្រះវិស្ណុការ នៅលើផ្លូវជាតិលេខ៣៣អា ទិសដៅដើម្បីបញ្ចៀសការកក់ស្ទះចរាចរណ៍។ គួរបញ្ជាក់ថា គម្រោងរមណីយដ្ឋានឆ្នេរខ្សាច់កម្សាន្តកម្រិតខ្ពស់នេះ ជាកិច្ចសហការរវាងរដ្ឋនិងឯកជន ដោយនឹងប្ដូរមុខមាត់ឆ្នេរភក់ប្រវែង ២,៧ គីឡូម៉ែត្រ ចាប់ពីផ្សារក្តាម ទៅដល់ព្រៃកោងកាង ដែលស្ថិតក្នុងភូមិថ្មីនៃក្រុងកែប ទៅជាឆ្នេរខ្សាច់ស្ដង់ដា។ គម្រោងត្រូវបានអនុវត្តកាលពីខែសីហា កន្លងទៅ ដោយនឹងរួមមានរៀបចំកែលម្អឆ្នេរដែលមានទទឹងប្រវែងយ៉ាងតិច ៣០ម៉ែត្រ និងបណ្ដោយប្រវែង ២៧០០ម៉ែត្រ ក៏ដូចជារៀបចំសួនច្បារសាធារណៈ និងដាំដើមឈើនៅលើដីចំណីឆ្នេរសមុទ្រជាដើម។ (អានបន្ថែម)
អានបន្ថែម
អគារស្នងការដ្ឋាននគរបាលរាជធានីភ្នំពេញថ្មី គ្រោងនឹងបញ្ចប់ការសាងសង់នៅដើមឆ្នាំ២០២២
ឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ កាលពីម្សិលមិញនេះ បានបង្ហាញប្លង់ពេញលេញដ៏ស្កឹមស្កៃនៃអគារស្នងការដ្ឋាននគរបាលរាជធានីភ្នំពេញថ្មី ដែលកំពុងសាងសង់ ហើយគ្រោងនឹងបញ្ចប់នៅដើមឆ្នាំក្រោយនេះ។ ក្រៅពីបង្ហាញប្លង់ ឧត្តមសេនីយ៍ ក៏បានបញ្ជាក់ថា អគារថ្មីគឺដើម្បីឆ្លើយតបទៅនឹងកំណើនការងារ និងដើម្បីបង្កើនប្រសិទ្ធការងារផងដែរ។ គួរបញ្ជាក់ថា អគារថ្មីនេះមានកម្ពស់ ៩ជាន់ បំពាក់បច្ចេកវិទ្យាទំនើបៗ សង់លើដីទំហំ៤០ម៉ែត្រ គុណនឹង ៥០ម៉ែត្រ ដែលស្ថិតនៅលើទីតាំងចាស់តាមបណ្តោយផ្លូវ៥៩៨ ខណ្ឌឬស្សីកែវ។ អគាររដ្ឋបាលថ្មីនេះ ត្រូវបានបុកគ្រឹះសាងសង់ កាលពីថ្ងៃទី៩ ខែឧសភា ឆ្នាំ២០១៩កន្លងទៅនេះ ហើយបើតាមផែនការ គឺគ្រោងនឹងបញ្ចប់ការសាងសង់នៅខែមីនា ឆ្នាំ២០២២ ខាងមុខ។
អានបន្ថែម
រដ្ឋាភិបាលនឹងសាងសង់មន្ទីរពេទ្យកម្រិតអន្តរជាតិតម្លៃ៨០លានដុល្លារ នៅតំបន់កប់ស្រូវ
រដ្ឋាភិបាលកម្ពុជា សម្រេចសាងសង់មនី្ទរពេទ្យសាកលវិទ្យាល័យ វិទ្យាសាស្រ្តសុខាភិបាលកម្រិតអន្តរជាតិដំបូងគេ នៅតំបន់កប់ស្រូវ ដែលមានតម្លៃ ៨០លានដុល្លារ សម្រាប់បម្រើការដល់និសិ្សត និងផ្តល់នូវសេវាព្យាបាលដល់ប្រជាពលរដ្ឋ។ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល និងលោក Kim Hoon តំណាង សម្ព័ន្ធក្រុមហ៊ុន Inje Joint Venture បានពិភាក្សាការងារអំពីការអនុវត្តន៍គម្រោងមនី្ទរពេទ្យ សាកលវិទ្យាល័យវិទ្យាសាស្រ្តសុខាភិបាល កាលពីរសៀលថ្ងៃទី២២ ខែវិច្ឆិកា កន្លងទៅ។ ការសាងសង់មនី្ទរពេទ្យសាកលវិទ្យាល័យធំដំបូងគេក្នុងប្រទេសកម្ពុជានេះ គ្រោងនឹងចំណាយសរុប ៨០ លានដុល្លារ ដោយក្នុងនោះទឹកប្រាក់ ៦៦លានដុល្លារ គឺជាប្រាក់កម្ចីធនាគារកូរ៉េ និង ១៤លានដុល្លារទៀតជាថវិកាបដិភាគរបស់រដ្ឋ។ គម្រោងសាងសង់មន្ទីរពេទ្យនេះទទួលបានការអនុញ្ញាតពីប្រមុខរាជរដ្ឋាភិបាលរួចរាល់ហើយ ដែលមានទីតាំងស្ថិតលើផ្ទៃដីជាង ២ហិកតា ក្នុងតំបន់កប់ស្រូវ។ នេះបើយោងតាមលោកជំទាវ យក់ សម្បតិ្ត រដ្ឋលេខាធិការក្រសួងសុខាភិបាល ថ្លែងប្រាប់អ្នកព័ត៌មាននៅក្រោយជំនួប។ ក្រោយជំនួបពិភាក្សាការងារនេះ ភាគីទាំង២ បានពិនិត្យលើឯកសារមួយចំនួនពាក់ព័ន្ធលើការងារបច្ចេកទេស និងការសិក្សាទីតាំងជាក់ស្តែង មុននឹងឈានដល់ដំណាក់កាលសាងសង់។
អានបន្ថែម
សម្ដេច ហ៊ុន សែន៖ ការបើកលើកនេះ នឹងមិនថយក្រោយទេ សេដ្ឋកិច្ចឆ្នាំក្រោយអាចកើនជាង៥%
ប្រមុខរាជរដ្ឋាភិបាលកម្ពុជាបានព្យាករថា សេដ្ឋកិច្ចកម្ពុជាអាចនឹងមានកំណើនជាង ៥% នៅឆ្នាំ២០២២ ដោយសារសកម្មភាពសេដ្ឋកិច្ចចាប់ផ្តើមងើបឡើងវិញ បន្ទាប់ពីរដ្ឋាភិបាលបានសម្រេចបើកប្រទេស ខណៈរដ្ឋក៏នៅតែបន្ដផ្ដោតលើការកសាងហេដ្ឋារចនាសម្ព័ន្ធនានា។ នេះជាការលើកឡើងរបស់សម្តេចតេជោ ហ៊ុន សែន នាយករដ្ឋមន្រ្តី ក្នុងពិធីសម្ពោធស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ និងបើកការដ្ឋានសាងសង់ផ្លូវជាតិលេខ៧១C នៅថ្ងៃទី២៣ ខែវិច្ឆិកា។ (អានបន្ថែម) សម្តេចតេជោ មានប្រសាស៍ថា៖ «ឆ្នាំក្រោយ តាមច្បាប់ថវិកា កំណើនសេដ្ឋកិច្ច ៤,២% តែខ្ញុំថា អាចលើស៥%»។ «ការបើកប្រទេសលើកនេះ យើងនឹងមិនថយក្រោយវិញនោះទេ គឺដឹងតែឡើង ឃើញជាក់ច្បាស់តាមរយៈកំណើន សកម្មភាពសេដ្ឋកិច្ច និងសង្គម នានា ស្របពេលដែលការរីករាលជំងឺកូវីដ១៩ ស្ថិតក្រោមការគ្រប់គ្រងបាន» សម្ដេចបានបន្ដ។ គួរបញ្ជាក់ថា សម្ដេចនាយករដ្ឋមន្ត្រី ហ៊ុន សែន បានប្រកាសថា កម្ពុជាចង់ចំណាយថវិកាជាតិផ្ទាល់យ៉ាងហោច ២,៣ ពាន់លានដុល្លារ ដើម្បីសាងសង់ហេដ្ឋារចនាសម្ព័ន្ធទូទាំងប្រទេស ក្នុងនោះយ៉ាងហោច ១០០ លានដុល្លារសង់ស្ពានតាមទន្លេតូច និងស្ទឹងទូទាំងប្រទេស ខណៈនៅសល់នឹងសាងសង់ផ្លូវ និងស្ពានធំៗឆ្លងទន្លេមេគង្គ ទន្លេសាប និងទន្លេបាសាក់បន្ថែមទៀត។ (អានបន្ថែម)
អានបន្ថែម
សម្ដេចហ៊ុន សែន គ្រោងចំណាយ ១០០ លានដុល្លារសង់ស្ពានតាម ទន្លេតូច និងស្ទឹងទូទាំងប្រទេស
សម្ដេចនាយករដ្ឋមន្ត្រី ហ៊ុន សែន បានប្រកាសថា កម្ពុជាចង់ចំណាយថវិកាជាតិផ្ទាល់យ៉ាងហោច ២,៣ ពាន់លានដុល្លារ ដើម្បីសាងសង់ហេដ្ឋារចនាសម្ព័ន្ធទូទាំងប្រទេស ក្នុងនោះយ៉ាងហោច ១០០ លានដុល្លារ សង់ស្ពានតាមទន្លេតូច និងស្ទឹងទូទាំងប្រទេស ខណៈនៅសល់នឹងសាងសង់ផ្លូវ និងស្ពានធំៗឆ្លងទន្លេមេគង្គ ទន្លេសាប និងទន្លេបាសាក់បន្ថែមទៀត។ សម្ដេចតេជោ ហ៊ុន សែន បានឱ្យដឹងដូច្នេះ ក្នុងពិធីសម្ពោធស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ និងបើកការដ្ឋានសាងសង់ផ្លូវជាតិលេខ៧១C នៅថ្ងៃទី២៣ ខែវិច្ឆិកា នេះ។ (អានបន្ថែម) សម្ដេចតេជោ ហ៊ុន សែន មានប្រសាសន៍ថា ជាក់ស្ដែង មុនវិបត្តិកូវីដ-១៩ រដ្ឋាភិបាលបានសន្សំសាច់ប្រាក់បានមួយចំនួនធំ។ កន្លងមក ទឹកប្រាក់ជិត ១លានដុល្លារ របស់រដ្ឋផ្ទាល់ត្រូវបានប្រើលើគម្រោងរោងចក្រអគ្គិសនីនៅភ្នំពេញ គម្រោងផ្លូវ ៣៤ខ្សែនៅព្រះសីហនុ និងផ្លូវ៣៨ ខ្សែនៅសៀមរាប ។ សម្ដេចបន្ដថា ពេលនោះយើងនៅសល់ជិត ៣,៥ ពាន់លានទៀត ដែល ២/៣ គឺគ្រោងនឹងចំណាយលើការកសាងហេដ្ឋារចនាសម្ព័ន្ធនានា។ ក្នុងនោះសម្ដេចក៏ចង់ចំណាយយ៉ាងហោច ១០០ លានដុល្លារ សាងសង់ស្ពាន។ […]
អានបន្ថែម
សម្ដេចហ៊ុន សែន ជំរុញឱ្យប្រទេស G7 មកកសាងហេដ្ឋារចនាសម្ព័ន្ធនៅកម្ពុជាតាមគម្រោង B3W
សម្ដេចនាយករដ្ឋមន្រ្តី ហ៊ុន សែន បានប្រកាសស្វាគមន៍ និងជំរុញក្រុមប្រទេសអភិវឌ្ឍG7 ឱ្យមកជួយវិនិយោគកសាងហេដ្ឋារចនាសម្ព័នស្ពានថ្នល់នៅកម្ពុជាឱ្យបានច្រើនជាងមុន ពិសេសតាមរយៈផែនការថ្មី Build Back Better World (B3W) ដែលទើបតែដាក់ចេញដោយរដ្ឋាភិបាលអាមេរិក។ សម្តេចតេជោ ហ៊ុន សែន បានឱ្យដឹងដូច្នេះ ក្នុងពិធីសម្ពោធស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ និងបើកការដ្ឋានសាងសង់ផ្លូវជាតិលេខ៧១C នៅថ្ងៃទី២៣ ខែវិច្ឆិកា នេះ។ ការប្រកាសស្វាគមន៍របស់កម្ពុជានាពេលនេះ គឺឆ្លើយតបទៅនឹងការលើកឡើងថា កម្ពុជាពឹងផ្អែកលើតែចិនលើការកសាងហេដ្ឋារចនាសម្ព័ន្ធថ្នល់ និងស្ពាន នាពេលកន្លងមក។ សម្តេចតេជោ ហ៊ុន សែន មានប្រសាសន៍ថា៖ «ខ្ញុំទន្ទឹមរង់ចាំជំនួយពី B3W ហើយសង្ឃឹមថារដ្ឋមន្រ្តីការបរទេសអាស៊ាន និងរដ្ឋមន្រ្តីការបរទេសនៃប្រទេសអ្នកមានទាំង៧ (G7) នឹងផ្តល់ឱកាសឱ្យកម្ពុជាទទួលបានគម្រោងមួយចំនួន»។ សម្តេចតេជោ បន្តថា៖ «យើងមិនបានបដិសេធជាមួយគម្រោងដទៃទៀតដូចជា Build Back Better World នោះទេ ដូច្នេះយើងសូមជូនសារស្វាគមន៍ជានិច្ច កុំឱ្យថាយើងលម្អៀងទៅរកតែចិន»។ សូមបញ្ជាក់ថា ផែនការ Build Back Better World (B3W) […]
អានបន្ថែម
រដ្ឋនឹងបើកសម្ពោធស្ពានថ្នល់ធំៗ ៥ គម្រោង ខណៈគម្រោងជាង ១០ ទៀតគ្រោងបើកការដ្ឋានឆាប់ៗ
បន្ទាប់ពីការបើកប្រទេសឡើងវិញនៅថ្ងៃទី ១ ខែវិច្ឆិកា រដ្ឋាភិបាលកម្ពុជាបានធ្វើការយ៉ាងសកម្មដើម្បីជំរុញសេដ្ឋកិច្ចឡើងវិញ ដោយសម្រុកការងារលើគ្រប់វិស័យ ពិសេសការអភិវឌ្ឍន៍ហេដ្ឋារចនាសម្ព័ន្ធនានាទូទាំងប្រទេស។ នៅក្នុងខែវិច្ឆិកា ទីស្ដីការក្រសួងធំៗ មួយចំនួនត្រូវបានសម្ពោធ និងបើកការដ្ឋាន ។ នៅព្រឹកថ្ងៃទី២៣ ខែវិច្ឆិកានេះ សម្តេចនាយករដ្ឋមន្រ្តី ហ៊ុន សែន ក៏បានអញ្ជើញបើកសម្ពោធស្ពានស្ទឹងត្រង់-ក្រូចឆ្មារ និងបានបើកការដ្ឋានសាងសង់ផ្លូវជាតិលេខ 71C ផងដែរ។ យោងតាមរដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តមស៊ុន ចាន់ថុល នៅក្នុងឆ្នាំ ២០២២ ខាងមុខ គម្រោងហេដ្ឋារចនាសម្ព័ន្ធជាច្រើនទៀតនឹងត្រូវសម្ពោធដាក់ឱ្យប្រើប្រាស់ និងបើកការដ្ឋានមានដូចខាងក្រោម៖ គម្រោងដែលត្រូវសម្ពោធ -៦ ធ្នូ៖ សម្ដេចនឹងអញ្ជើញបើកសម្ពោធ ផ្លូវជាតិលេខ ១១ តភ្អាប់ពីអ្នកលឿងទៅផ្លូវជាតិលេខ ៧ -១០ មករា ២០២២៖ បើកសម្ពោធផ្លូវជាតិលេខ ៥ កំណាត់បាត់ដំបង-សិរីសោភ័ណ ដែលពង្រីកពី២ គន្លងទៅ ៤ គន្លង -៧ កុម្ភៈ៖ បើកសម្ពោធផ្លូវក្រចេះ-ស្ទឹងត្រែង ប្រវែង ៩៣គម -១៤ កុម្ភៈ៖ បើកសម្ពោធស្ពាន […]
អានបន្ថែម
សម្ដេច ហ៊ុន សែន សម្ពោធប្រើស្ពានស្ទឹងត្រង់-ក្រូចឆ្មារ និងបើកការដ្ឋានសង់ផ្លូវ ៧១C ជាផ្លូវការ
សម្ដេចនាយករដ្ឋមន្រ្ដី ហ៊ុន សែន កាលពីព្រឹកថ្ងៃទី ២៣ វិច្ឆិកា នេះបានអញ្ជើញជាអធិបតីភាពបើកសម្ពោធឱ្យប្រើប្រាស់ជាផ្លូវការនៅស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ក៏ដូចជាបើកការដ្ឋានផ្លូវជាតិលេខ ៧១C ផងដែរ។ នាឱកាសនោះ សម្ដេចតេជោ ហ៊ុន សែន បានដាក់ឈ្មោះមួយទៀតឱ្យស្ពាននេះថា «ស្ពានភ្ជាប់និស្ស័យ» ពោលគឺភ្ជាប់ចំណងមិត្តភាពកម្ពុជា-ចិន ក៏ដូចជាខេត្តត្បូងឃ្មុំ-កំពង់ចាម។ ស្ពានភ្ជាប់និស្ស័យស្ទឹងត្រង់-ក្រូចឆ្មារ មានប្រវែងសរុប ១១៣១ម៉ែត្រ និង ទទឹង ១៣,៥០ម៉ែត្រ ជាប្រភេទស្ពានបេតុងអាម៉េ តភ្ជាប់ភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ឆ្លងកាត់ទន្លេមេគង្គទៅត្រើយខាងកើតស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ។ គម្រោងនេះបានបើកការដ្ឋានសាងសង់នៅថ្ងៃទី៨ ខែកុម្ភៈ ឆ្នាំ២០១៨ ដែលសាងសង់ដោយក្រុមហ៊ុនសំណង់សៀងហៃ(SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអានដោយប្រើរយៈពេលសាងសង់ចំនួន ៤២ខែ និងបានចំណាយថវិកាសរុបជាង ៥៦លានដុល្លារអាមេរិក ជាជំនួយរបស់ចិន និងថវិកាបដិភាគរបស់រដ្ឋ។ សម្ដេចតេជោ ហ៊ុន សែន មានប្រសាសន៍៖ «ស្ពាននេះនឹងរួមចំណែកកាត់បន្ថយការចំណាយរបស់ប្រជាពលរដ្ឋនៅពេលធ្វើដំណើរ ខណៈកាលពីមុនប្រជាពលរដ្ឋនៅតំបន់ត្រូវទៅណាមកណាត្រូវចំណាយថវិកាឆ្លងសាឡាង»។ ដោយឡែក សម្រាប់ផ្លូវ ៧១C វិញ ក៏ត្រូវបានបើកការដ្ឋានជាផ្លូវការហើយដែរ។ […]
អានបន្ថែម
HLH Group លក់សណ្ឋាគារតម្លៃ ១២លានដុល្លារ នៅខេត្តព្រះសីហនុ
បុត្រសម្ព័ន្ធរបស់ Hong Lai Huat (HLH) Group ក្រុមហ៊ុន PH One Development បានលក់សណ្ឋាគារក្នុងគម្រោង D’Seaview ដែលស្ថិតនៅខេត្តព្រះសីហនុ ដោយជោគជ័យក្នុងតម្លៃ ១២លានដុល្លារអាមេរិក ក្រោយមានបញ្ហារអាក់រអួលមួយចំនួនតាំងពីប្រកាសលក់លើកដំបូងនៅឆ្នាំ ២០១៨។ ការលក់ និងការផ្ទេរកម្មសិទ្ធិត្រូវបានធ្វើចប់សព្វគ្រប់នៅថ្ងៃទី ១៧ ខែវិច្ឆិកា។ នេះបើយោងតាមលោក គួច លេងឃាង ប្រធានទំនាក់ទំនងសាធារណៈ នៃក្រុមហ៊ុន HLH Cambodia។ ក្រុមហ៊ុន HLH Group បានប្រកាសលក់សណ្ឋាគារក្នុងគម្រោង D’Seaview នេះក្នុងតម្លៃប្រមាណ ១២ លានដុល្លារអាមេរិក (១៥,៧ លានដុល្លារសិង្ហបុរី) ក្នុងខែមីនា ឆ្នាំ ២០១៨ ។ ប៉ុន្តែនៅខែធ្នូ-២០១៨ ដដែលនោះ ក្រុមហ៊ុនបានលុបចោលកិច្ចព្រមព្រៀងនេះ ដោយសារអ្នកទិញមានបញ្ហា។ ក្រោយមកនៅខែឧសភា ឆ្នាំ ២០២១ ក្រុមហ៊ុនបានចុះកិច្ចសន្យាឡើងវិញជាមួយអ្នកទិញ។ ក្រៅពីគម្រោងនេះ បុត្រសម្ព័ន្ធរបស់ HLH Group ក្រុមហ៊ុន […]
អានបន្ថែម
ក្រុមហ៊ុន៤ធំៗ ចុះMoUជាមួយរដ្ឋសម្រុកជំរុញសក្ដានុពលនិងប្ដូរមុខមាត់ខេត្តព្រះសីហនុ
ក្រុមហ៊ុនឯកជនធំៗចំនួន ៤ សម្រេចសហការជាមួយរដ្ឋបាលខេត្តព្រះសីហនុ ទិសដៅជំរុញកៀរគរអ្នកវិនិយោគបន្ថែម និងរួមគ្នាអភិវឌ្ឍខេត្តព្រះសីហនុឱ្យរីកចម្រើនទៅមុខមួយកម្រិតទៀត។ អនុស្សារណៈយោគយល់គ្នា រវាងភាគីទាំង៥ លើកិច្ចការខាងលើ ត្រូវបានចុះហត្ថលេខាកាលពីថ្ងៃទី១៧ ខែវិច្ឆិកា កន្លងទៅ។ បើយោងតាមសេចក្តីប្រកាសព័ត៌មានរបស់រដ្ឋបាលខេត្តព្រះសីហនុ ក្រុមហ៊ុនទាំង៤ រួមមាន ក្រុមហ៊ុន Continent Assets Management Co., Ltd ក្រុមហ៊ុន PLMP Venture Capital Co., Ltd ក្រុមហ៊ុន PropNex Cambodia Co., Ltd និងក្រុមហ៊ុន Ly Ly Kampong Seila Special Economic Zone Co., Ltd ។ ឯកឧត្តម គួច ចំរើន អភិបាលខេត្តព្រះសីហនុ មានប្រសាសន៍ក្នុងពិធីចុះហត្ថលេខាថា ការសហការនេះ នឹងដាក់ចេញនូវគម្រោងនវានុវត្តន៍ថ្មីៗ ដើម្បីចូលរួមជំរុញការស្តារ និងអភិវឌ្ឍសេដ្ឋកិច្ចសង្គមរបស់ខេត្ត។ ឯកឧត្តមបានបន្ដថា ការសហការនេះ ក៏ស្របទៅនឹងផែនការមេរបស់រដ្ឋាភិបាលដើម្បីប្រែក្លាយខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង […]
អានបន្ថែម
អគារទី២ នៃមន្ទីរពេទ្យបង្អែកស្រុកក្រូចឆ្មារ បានបើកការដ្ឋានសាងសង់ជាផ្លូវការហើយ
អគារទី២ នៃមន្ទីរពេទ្យបង្អែកស្រុកក្រូចឆ្មារ បានបើកការដ្ឋានសាងសង់ជាផ្លូវការហើយ កាលថ្ងៃទី ២២ ខែវិច្ឆិកា ឆ្នាំ ២០២១ ក្រោមវត្តមានរដ្ឋមន្ត្រីក្រសួងរៀបចំដែនដី រដ្ឋមន្រ្តីក្រសួងសង្គមកិច្ច និងរដ្ឋមន្រ្តីក្រសួងកសិកម្ម។ នាឱកាសនោះ ឯកឧត្តម ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា អគារទី២ នេះ មានទទឹង១៨ម៉ែត្រ បណ្តោយ៦២ម៉ែត្រ កម្ពស់៤ជាន់ ដែលមានទំហំដូចគ្នានឹងអគារទី១។ ឯកឧត្តម បន្ដថា អគារមន្ទីរពេទ្យបង្អែកចំនួនពីរអគារនេះ សុទ្ធតែជាអំណោយរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។ មន្ទីរពេទ្យនឹងបំពាក់ដោយបរិក្ខារទំនើបៗ ដូចជាម៉ាស៊ីន CT Scan ម៉ាស៊ីន X-Ray ឌីជីថល ម៉ាស៊ីនអេកូសាស្ត្រជាដើម។ ក្រោយសាងសង់រួច មន្ទីរពេទ្យនេះនឹងជួយបម្រើសេវាសុខាភិបាលដែលមានបច្ចេកវិទ្យាទំនើបជូនពលរដ្ឋក្នុងខេត្តត្បូងឃ្មុំ។ គួរបញ្ជាក់ថា គិតមកទល់ពេលនេះ ការដ្ឋានមន្ទីរពេទ្យបង្អែកស្រុកក្រូចឆ្មារ អគារទី១ តម្លៃ ១,៤លានដុល្លារ សាងសង់សម្រេចបានប្រមាណ៩០% ហើយ ខណៈរដ្ឋបាលខេត្តកំពុងពន្លឿន ដើម្បីឈានទៅបញ្ចប់តាមផែនការកំណត់នៅចុងឆ្នាំ២០២១នេះផងដែរ។ (អានបន្ថែម)
អានបន្ថែម
ក្រសួងមហាផ្ទៃ ស្នើឱ្យអាជ្ញាធរពាក់ព័ន្ធ ដោះស្រាយបញ្ហាដីធ្លីដោយមានតម្លាភាព និងស្អាតស្អំ
ក្រសួងមហាផ្ទៃ បានស្នើឱ្យអាជ្ញាធរពាក់ព័ន្ធ ត្រូវដោះស្រាយបញ្ហាដីធ្លីគ្រប់រូបភាព ដោយមានតម្លាភាព និងស្អាតស្អំ ពិសសេលំនៅឋាន និងសិទ្ធិរបស់ជនជាតិដើមភាគតិច ទិសដៅដើម្បីជំរុញការអភិវឌ្ឍប្រកបដោយនិរន្តរភាពនៅកម្ពុជា។ ក្រសួងដាក់សំណើដូច្នេះ ក្នុងសន្និសីទថ្នាក់ជាតិលើកទី ១៤ ស្តីពីអភិបាលកិច្ចដីធ្លី និងធនធានធម្មជាតិនេះ កាលពីថ្ងៃទី១៧ ខែវិច្ឆិកា ឆ្នាំ២០២១ ដែលមានសហការដោយអង្គការដៃគូចំនួន ៥៣ អង្គការ ។ ឯកឧត្តម ងី ច័ន្រ្ទផល រដ្ឋលេខាធិការក្រសួងមហាផ្ទៃ ឱ្យស្នើថាអាជ្ញាធរពាក់ព័ន្ធត្រូវពង្រឹងការអនុវត្តច្បាប់បទដ្ឋានគតិយុត្តឱ្យបានត្រឹមត្រូវ ហើយរាល់ការដោះស្រាយបញ្ហាដីធ្លីត្រូវគិតគូរពីជីវភាពប្រជាពលរដ្ឋជាចម្បង។ ជាមួយគ្នានោះ លោកបណ្ឌិត តឹក វណ្ណារ៉ា នាយកប្រតិបត្តិ វេទិកានៃអង្គការមិនមែនរដ្ឋាភិបាលស្តីពីកម្ពុជា (NGOF) ក៏បានឱ្យដឹងថា វេទិកានេះនឹងរួមចំណែកជួយរកដំណោះស្រាយ ចំពោះបញ្ហាដីធ្លីដែលកើតមាននាពេលបច្ចុប្បន្ន ពិសេសក្នុងសហគមន៍ជនជាតិដើមភាគតិច។ គួរបញ្ជាក់ថា សម្ដេចនាយករដ្ឋមន្រ្តី ហ៊ុន សែន ធ្លាប់ដាក់បញ្ជាថា ក្រសួងត្រូវខិតខំធ្វើយ៉ាងណា ដោះស្រាយបញ្ហាដីធ្លីឱ្យអស់ទាំងករណីថ្មី និងចាស់ ដោយប្រើនីតិវិធីក្រៅប្រព័ន្ធតុលាការ។ (អានបន្ថែម) សម្ដេចបន្ដថា៖ «បើទៅរួច បញ្ហាដីធ្លីគួរដោះស្រាយក្រៅប្រព័ន្ធតុលាការឱ្យបានចប់សព្វគ្រប់ ព្រោះបើឡើងតុលាការគឺត្រូវមានអ្នកចាញ់ និងអ្នកឈ្នះ តែបើដោះក្រៅប្រព័ន្ធតុលាការគឺអាចទទួលបានលទ្ធផលឈ្នះឈ្នះទាំងសងខាង ប៉ុន្តែមន្រ្តីយើងត្រូវដោះស្រាយដោយមានសុចរិតភាព»។
អានបន្ថែម