ADB ផ្តល់កម្ចី១៨០លានដុល្លារ ឱ្យកម្ពុជាលើកកម្ពស់ហេដ្ឋារចនាសម្ព័ន្ធនៅទីក្រុងសំខាន់ ៣
ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីចំនួន ១៨០ លានដុល្លារ ដល់កម្ពុជាដើម្បីលើកកម្ពស់ហេដ្ឋារចនាសម្ព័ន្ធ និងបង្កើនលទ្ធភាពសេដ្ឋកិច្ច ក្នុងទីក្រុងធំៗ ៣ នៃប្រទេសកម្ពុជារួមមាន ក្រុងបាវិត កំពត និង ប៉ោយប៉ែត។ យោងតាមសេចក្ដីប្រកាសព័ត៌មានចេញផ្សាយកាលពីថ្ងៃ១៩ ខែវិច្ឆិកា គម្រោងវិនិយោគដើម្បីទីក្រុងដែលអាចរស់នៅបាន (Livable Cities Investment Project) នេះ នឹងជួយប្រជាពលរដ្ឋជាង ១៤ ម៉ឺននាក់នៅទីក្រុងទាំង ៣ ឱ្យទទួលបានសេវាគ្រប់គ្រង ទឹកលូ និង សំណល់រឹងបានល្អប្រសើរ។ លើសពីនេះ គម្រោងនឹងជួយទីក្រុងទាំងនេះកាត់បន្ថយទឹកជំនន់ តាមរយៈការធ្វើឱ្យប្រសើរឡើងនូវប្រព័ន្ធបង្ហូរទឹកភ្លៀង និង ប្រព័ន្ធលូបង្ហូរទឹកក្នុងទីក្រុង។ គម្រោងនេះក៏មានគោលបំណងពង្រឹងសមត្ថភាពរដ្ឋបាលក្រុងក្នុងការផ្តល់សេវាទីក្រុងផងដែរ។ នៅក្រុងបាវិត និងប៉ោយប៉ែត គម្រោងនឹងគាំទ្រដល់ការស្តារប្រឡាយដែលមានស្រាប់ និងការសាងសង់រោងចក្រប្រព្រឹត្តកម្មទឹកសំណល់ បណ្តាញលូបង្ហូរទឹកភ្លៀងថ្មី និងកន្លែងចាក់សំរាម។ ដោយឡែក នៅក្រុងកំពត គម្រោងនឹងពង្រីកបណ្តាញលូទឹកស្អុយ និងគាំទ្រផែនការសម្រាប់រដ្ឋបាលខេត្ត ដើម្បីពង្រឹងការផ្តល់សេវាកម្មគ្រប់គ្រាន់។ លោកស្រី Wei Kim Swain អ្នកឯកទេសអភិវឌ្ឍន៍ទីក្រុងរបស់ ADB បានមានប្រសាសន៍ថា គម្រោងនេះនឹងជួយធ្វើឱ្យប្រសើរឡើងនូវការគ្រប់គ្រងទឹកស្អាត […]
អានបន្ថែម
វិនិយោគិនខ្មែរអាចទិញផ្ទះបែបរីសតបាននៅរដ្ឋ Florida បានដោយងាយស្រួល តាមប្រព័ន្ធអនឡាញ
ក្រុមហ៊ុនក្នុងស្រុក Isaford Immigration សហការជាមួយក្រុមហ៊ុនអាមេរិកធំៗ ២ Golden Gate Global និង Lennar ផ្ដល់សេវាសម្របសម្រួល និងជួយឱ្យខ្មែរ អាចវិនិយោគទិញអលចនទ្រព្យនៅសហរដ្ឋអាមេរិកបានដោយងាយស្រួល ដែលមានអចលទ្រព្យឱ្យជ្រើសរើសជាច្រើនប្រភេទរាប់ពាន់ខ្នង នៅ២១ រដ្ឋទូទាំងសហរដ្ឋអាមេរិក។ ថ្មីៗនេះ ក្រុមហ៊ុនទាំង ៣ បានបើកជម្រើសថ្មីដល់វិនិយោគិនកម្ពុជា ពោលគឺផ្ទះបែបរីសតដំបូងបំផុត ដែលស្ថិតនៅចំបេះដូងនៃទីក្រុង Homestead នៃរដ្ឋ Florida ដែលជាតំបន់សក្ដានុពលទេសចរណ៍ខ្ពស់។ គម្រោងនេះមានឈ្មោះថា Pine Vista ដែលជាជម្រើសដ៏ល្អសម្រាប់ទាំងការវិនិយោគ ឬការស្នាក់នៅផ្ទាល់ខ្លួន ព្រោះវាជាគម្រោងដែលបំផុតគំនិតរចនាលំនៅឋានបែបថ្មីលក្ខណៈជារីសត។ ក្រៅពីទីតាំង និងការរចនា វិនិយោគិនក៏នឹងរីករាយជាមួយគ្រឿងបរិក្ខារដ៏ប្រណិតនៅក្នុងគម្រោងនេះ ដោយរួមមានអាងហែលទឹក ក្លឹបកម្សាន្ត និងមានផ្ទៃបៃតងធំទូលាយ ដែលសាកសម្យបំផុតសម្រាប់ការលំហែកាយ។ គួរបញ្ជាក់ថា សេវាកម្មទិញអចលនទ្រព្យអនឡាញនេះ នឹងជួយឱ្យការប្រតិបត្តិការទិញលក់ចប់សព្វគ្រប់ជាស្ថាពរក្នុងអំឡុងពេល ៣០ ថ្ងៃប៉ុណ្ណោះ ដោយអ្នកទិញមិនបាច់ស្មុគស្មាញរឿងបញ្ហារត់ឯកសារដោយខ្លួនឯងនោះទេ។ ជាមួយនឹងបច្ចេកវិទ្យាទំនើបថ្មី អ្នកទិញអាចសិក្សា និងមើលឃើញភូមិសាស្ត្រផ្ទះ ទម្រង់ផ្ទះ ការតុបតែងផ្នែកខាងក្នុងនិងខាងក្រៅ ក៏ដូចជាសក្ដានុពលតំបន់ជុំវិញផ្ទះ បានដោយគ្រប់ជ្រុងជ្រោយ ៣៦០ អង់ស្សា បានប្រព័ន្ធអនឡាញផ្ទាល់តែម្ដង […]
អានបន្ថែម
តើតំបន់ណាខ្លះល្អជាងគេសម្រាប់ការអភិវឌ្ឍន៍បុរី និងខុនដូក្នុងក្រុងភ្នំពេញ?
ដោយសារវិស័យអចលនទ្រព្យមានការរីកចម្រើនយ៉ាងឆាប់រហ័សនៅរាជធានីភ្នំពេញ គ្រប់តំបន់ទាំងអស់ដែលស្ថិតនៅក្នុងទីក្រុងបានទាក់ទាញការវិនិយោគយ៉ាងច្រើនពីវិនិយោគិនក្នុងស្រុក និងក្រៅស្រុកដែលមានបំណងចង់អភិវឌ្ឍគម្រោងផ្សេងៗដូចជា រោងចក្រ ផ្សារ សាលារៀន និងជាពិសេសបុរី និងខុនដូដើម្បីឆ្លើយតបទៅនឹងតម្រូវការទីផ្សារបច្ចុប្បន្ន។ ប្រការនេះបានជំរុញឱ្យតម្លៃដីធ្លីទាំងក្នុង និងជាយក្រុងភ្នំពេញកើនឡើងគួរឱ្យកត់សម្គាល់ ជាពិសេសទីតាំងដែលនៅជាប់គម្រោងអភិវឌ្ឍន៍របស់រដ្ឋ និងឯកជន។ ប៉ុន្តែតើក្នុងពេលបច្ចុប្បន្ននេះ ទីតាំងមួយណាដែលពេញនិយមបំផុតសម្រាប់ការអភិវឌ្ឍន៍គម្រោងបុរី និងខុនដូរនៅក្នុងរាជធានីភ្នំពេញ? លោក សុខ គឹមអេង អ្នកគ្រប់គ្រងទូទៅនៃក្រុមហ៊ុនអចលនទ្រព្យសុវណ្ណាភូមិ Sovannaphum បានលើកឡើងថា ប្រសិនបើអ្នកចង់សាងសង់គម្រោងបុរីក្នុងរាជធានីភ្នំពេញ ទីតាំងនៅជុំវិញ និងតាមបណ្ដោយមហាវិថី ហ៊ុន សែន (ផ្លូវ៦០ម៉ែត្រ) ក្នុងខណ្ឌមានជ័យគឺជាទីតាំងល្អបំផុត ព្រោះវាជាតំបន់កំពុងរីកចម្រើនខ្លាំងដែលមានប្រជាជនរស់នៅច្រើន រួមជាមួយនឹងការកើនឡើងនៃសកម្មភាពអភិវឌ្ឍលំនៅឋាន និងគម្រោងអគារពាណិជ្ជកម្ម។ តំបន់ផ្លូវ៦០ម៉ែត្រនេះមានលក្ខណៈអំណោយផលដល់ការរស់នៅ ដោយសារតែវត្តមាននៃផ្សារទំនើបអ៊ីអន៣ AEON Mall 3 របស់ក្រុមហ៊ុនជប៉ុន និងព្រលានយន្តហោះអន្តរជាតិភ្នំពេញថ្មីដែលស្ថិតនៅមិនឆ្ងាយប៉ុន្មានពីទីនោះ។ លោក គឹមអេង បានបន្តថា៖ «ក្រៅពីនេះ ខណ្ឌសែនសុខក៏ជាតំបន់សក្តានុពលកំពុងពេញនិយមផងដែរសម្រាប់ការអភិវឌ្ឍន៍បុរី ដោយសារហេដ្ឋារចនាសម្ព័ន្ធនៅទីនោះមានភាពល្អប្រសើរច្រើន ហើយតម្លៃដីនៅទាបនៅឡើយ បើធៀបនឹងខណ្ឌទួលគោកដែលនៅជាប់គ្នា ហើយបច្ចុប្បន្នទួលគោកត្រូវបានគេចាត់ទុកថាជាតំបន់ពាណិជ្ជកម្ម (CBD) នៃរាជធានីភ្នំពេញ។» យោងតាមរបាយការណ៍ប្រចាំឆមាសទី២ ឆ្នាំ២០២០ របស់ក្រុមហ៊ុន Knight Frank Cambodia […]
អានបន្ថែម
ម៉ាស៊ីនសម្លាប់មេរោគក្នុងម៉ាស៊ីនត្រជាក់ និងប្រព័ន្ធបង្កើន រំហូរខ្យល់ជាអ្វី? ចាំបាច់ដូចម្ដេច?
ក្នុងអំឡុងពេលដែលវិបត្តិកូវីដកំពុងតែវាយលុយបែបនេះ ប្រព័ន្ធរំហូរខ្យល់ និងគុណភាពខ្យល់ បានក្លាយជារឿងចាំបាច់មួយទាំងក្នុងអគារការិយាល័យធំៗ ក៏ដូចជាលំនៅឋានរស់នៅខ្នាតតូចធម្មតា។ បើអគារបិទជិតមិនមានរំហូរខ្យល់គ្រប់គ្រាន់ ហើយខ្យល់ដែលចេញពីម៉ាស៊ីនត្រជាក់មិនត្រូវបានបន្សុទ្ធនោះ ហានិភ័យនៃការឆ្លងជំងឺកូវីដគឺខ្ពស់ ក្នុងករណីមាននរណាម្នាក់ក្នុងការិយាល័យ ឬក្នុងផ្ទះមានផ្ទុកមេរោគ។ ដូច្នេះ សម្រាប់អគារបិទជិត ប្រព័ន្ធបង្កើនរំហូរខ្យល់គឺចាប់បាច់ណាស់។ ប្រព័ន្ធលំហូរខ្យល់នេះ នឹងរួមមានការបំពាក់កង្ហាដែលអាចបូមខ្យល់ថ្មីចូល និងបាញ់ខ្យល់ចាស់ពីក្នុងអគារចេញទៅក្រៅ។ លើសពីនេះ នៅលើកង្ហាក៏ត្រូវបានបំពាក់នូវម៉ាស៊ីនចម្រោះធូលីសម្លាប់មេរោគ និងបញ្ចុះសីតុណ្ហភាព មុនអាចឱ្យខ្យល់ថ្មីចូលមកក្នុងអគារបាន។ ការបង្កើនរំហូរខ្យល់ នេះមិនមែនប្រើបានតែសម្រាប់ក្នុងអគារបិតជិតទេ តែប្រើនៅក្នុងគេហដ្ឋាន វានឹងជួយបញ្ចុះកម្ដៅនៅក្នុងផ្ទះ ពោលគឺធ្វើឱ្យផ្ទះមិនសូវក្ដៅទោះជាមិនបើកម៉ាស៊ីនត្រជាក់ក្ដី។ ដោយឡែក បច្ចេកវិទ្យាមួយទៀតគឺការសម្លាប់មេរោគក្នុងម៉ាស៊ីនត្រជាក់ ដោយប្រើបន្ទះចម្រោះមេរោគ។ ជាទូទៅ ម៉ាស៊ីនបន្សុទ្ធខ្យល់មានច្រើនប្រភេទ ដែលតម្លៃគឺអាស្រ័យទៅតាមគុណភាព។ ប៉ុន្តែ បច្ចេកវិទ្យាថ្មីនេះ គឺជាការយកបន្ទះចម្រោះមេរោគនេះទៅបំពាក់នៅលើម៉ាស៊ីនត្រជាក់ដែលមានស្រាប់បានដោយងាយៗ។ ក្រោយបំពាក់ ម៉ាស៊ីនត្រជាក់ចាស់របស់អ្នកនឹងអាចបន្សុទ្ធខ្យល់ បានដោយស្វ័យប្រវត្តិ។ គួរបញ្ជាក់ថា បច្ចេកវិទ្យាទាំង២ កំពុងផ្ដល់ជូនដោយវិទ្យាស្ថានស្រាវជ្រាវការអភិវឌ្ឍពាណិជ្ជកម្ម នៃក្រសួងសេដ្ឋកិច្ចតៃវ៉ាន់ (CDRI) ដែលកំពុងពិចារណាចង់នាំចូលបច្ចេកវិទ្យាថ្មីនេះចូលមកទីផ្សារកម្ពុជា ព្រមជាមួយនឹងផលិតផលសម្ភារៈសំណង់វៃឆ្លាតជាច្រើនប្រភេទទៀត។ ក្រៅពីប្រព័ន្ធនេះ CDIR ក៏គ្រោងនឹងនាំចូលផលិតផល និងសេវាកម្មវៃឆ្លាតផ្សេងៗទៀត ដូចជា ប្រព័ន្ធគ្រប់គ្រងអគ្គិសនីនៅក្នុងអគារឬផ្ទះបែបឆ្លាតវៃ ប្រព័ន្ធកាម៉េរាស្វ័យប្រវត្តិដើម្បីវិភាគវឌ្ឍនភាពនៃគម្រោងសំណង់ ប្រព័ន្ធការពារអគ្គិភ័យបែបវៃយឆ្លាត និងប្រព័ន្ធរំហូរខ្យល់ និងកម្ចាត់មេរោគក្នុងផ្ទះដោយស្វ័យប្រវត្តិក្នុងអគារ ជាដើម។ […]
អានបន្ថែម
រដ្ឋាភិបាលដាក់ចេញគោលការណ៍ថ្មីរឹតបន្ដឹងរោងចក្រដើរដោយថាមពលចំហាយ
ក្រសួងរ៉ែ និងថាមពល បានដាក់ចេញប្រកាសថ្មី ទិសដៅរឹងបន្ដឹងការគ្រប់គ្រងរោងចក្រ និងប្រតិបត្តិការថាមពលចំហាយ ដែលតម្រូវឱ្យគ្រប់អាជីវកម្មពាក់ព័ន្ធនឹងវិស័យនេះទាំងអស់ត្រូវសុំច្បាប់អនុញ្ញាតមុន នឹងចាប់ផ្ដើមប្រតិបត្តិការ។ បើតាមប្រកាសលេខ ០៣០៥ ចុះថ្ងៃទី០៤ ខែវិច្ឆិកា ឆ្នាំ២០២១ ប្រតិបត្តិការថាមពលចំហាយ សំដៅដល់ការផលិត ការចែកចាយ និងការប្រើប្រាស់ថាមពលចំហាយ។ (ការដុតឥន្ទនៈ ធ្យូងថ្ម ឬចំហេះនានាដើម្បីបង្កើតជាចំហាយទឹក ក្នុងការជំរុញទួរបិន ឬម៉ូទ័រឱ្យផលិតអគ្គិសនី។) ប្រកាសបានបន្ដថា ក្រុមហ៊ុនដែលមានបំណងអភិវឌ្ឍ សាងសង់ ដំឡើង និងប្រតិបត្តិការថាមពលចំហាយ ទាំងប្រើប្រាស់ផ្ទាល់ និងប្រើប្រាស់ដោយប្រយោល ត្រូវស្នើសុំលិខិតអនុញ្ញាតទាំងអស់។ មួយវិញទៀត ចំពោះក្រុមហ៊ុន ដែលមានបំណងធ្វើការអភិវឌ្ឍន៍សាងសង់ និងដំឡើង ត្រូវសុំលិខិតអនុញ្ញាត ២ គឺអាជ្ញាបណ្ណសុំប្រតិបត្តិថាមពលចំហាយ និងអាជ្ញាបណ្ណផ្តល់សេវាកម្មថាមពលចំហាយ។ ដូចគ្នានេះ ក្រុមហ៊ុនណាដែលចង់ផលិតចំហាយ និងអគ្គិសនីរួមគ្នា ក៏ត្រូវសុំលិខិតអនុញ្ញាត ២ ផងដែរ។ គួរបញ្ជាក់ថា ក្រុមហ៊ុនណាគ្មានលិខិតអនុញ្ញាត ត្រូវពិន័យជាប្រាក់ពី ៤០០ ០០០ រៀល ទៅ ៤ លានរៀល ក្នុងមួយថ្ងៃ និងទោសទណ្ឌដែលមានចែងក្នុងបទប្បញ្ញត្តិដទៃទៀតជាធរមាន។
អានបន្ថែម
ចិនលះបង់វិស័យអលចទ្រព្យ ហើយងាកទៅរកឧស្សាហកម្ម High-Tech ដើម្បីកំណើននិរន្តរភាព
វិបត្តិទីផ្សារអចលនទ្រព្យអាចទំលាក់កំណើនសេដ្ឋកិច្ចចិនដល់ក្រោម ៥% នៅឆ្នាំ ២០២២ កំណើនសេដ្ឋកិច្ចប្រទេសចិន ត្រូវបានព្យាករថានឹងធ្លាក់ដល់ក្រោម ៥% នៅឆ្នាំ ២០២២ ដែលជាកំណើនទាបបំផុតដែលមិនធ្លាប់មានតាំងពីទសវត្សរ៍ឆ្នាំ ៩០។ អ្នកវិភាគថា ការថមថយនៃកំណើននេះ គឺដោយសារមហាអំណាចចិន មានទិសដៅវែងឆ្ងាយ ដោយមិនចង់ពឹងផ្អែកលើវិស័យអចលនទ្រព្យខ្លាំងដូចមុនទៀតទោះទេ។ បើយោងតាមសារព័ត៌មាន Al Jazeera ដោយសារតែវិបត្តិកំណើនលើសតម្រូវការ និងវិធានការរឹតបន្ដឹងរបស់ចិនលើវិស័យអចលនទ្រព្យ ទើបធ្វើឱ្យអ្នកវិភាគធំៗដូចជា Goldman Sachs Group Inc., Nomura Holdings Inc. និង Barclays Plc បានកាត់បន្ថយការព្យាករកំណើនសេដ្ឋកិច្ចយ៉ាងគំហុកនេះ។ លោក Rob Subbaraman ប្រធានសេដ្ឋវិទូនៃក្រុមហ៊ុន Nomura Holdings Inc. បានឱ្យដឹងថា កំណើនសេដ្ឋកិច្ចចិនអាចមានត្រឹម ៤,៣% ប៉ុណ្ណោះ នៅឆ្នាំក្រោយ ដែលជាការធ្លាក់ខ្លាំង បើធៀបនឹងកំណើននៅពេលមុនវិបត្តិកូវីដ១៩ ដែលមានក្នុងរង្វង់៧%។ ប៉ុន្តែលោកយល់ឃើញថា ការថមថយនេះមិនមែនជាបញ្ហាទេ ព្រោះប្រទេសចិនមានទិសដៅវែងឆ្ងាយ។ ប្រទេសចិនហ៊ានលះបង់កំណើនសេដ្ឋកិច្ចរយៈមួយពេលខ្លី ដើម្បីកំណើនដែលមាននិរន្តភាពនាពេលអនាគត។ នេះហើយទើបចិនហ៊ានរឹតបន្តឹងវិស័យអចលនទ្រព្យខ្លាំង ដូចជាបន្ថែមពន្ធ […]
អានបន្ថែម
ចិនគ្រោងបោះទុន ២ពាន់លាន បង្កើតតំបន់សេដ្ឋកិច្ចពិសេស និងរោងចក្រLNG នៅកម្ពុជា
ក្រុមហ៊ុនយក្សចិនមួយ សហការជាមួយនឹងក្រុមហ៊ុនក្នុងស្រុក LSCG គ្រោងនឹងបោះទុនសរុបជាង ២ពាន់លានដុល្លារ ដើម្បីបង្កើតរោងចក្រឧស្ម័ន LNG និងតំបន់សេដ្ឋកិច្ចពិសេស នៅក្នុងខេត្តធំៗ៤ រួមមាន ព្រះសីហនុ កោះកុង កែប និងកំពត។ បើយោងតាម អគ្គនាយកក្រុមហ៊ុន LSCG លោក លី សុខឆាយ ដែលជាតំណាងចរចារស្របច្បាប់លើគម្រោងនេះ បច្ចុប្បន្នក្រុមហ៊ុនទាំង ២ ក៏កំពុងស្វែងរកដៃគូក្នុងស្រុកបន្ថែមផងដែរ។ លោក លី សុខឆាយ និងក្រុមការងារ កន្លងមកក៏បានចុះជួបជាមួយនឹងគណៈអភិបាលនៃខេត្តទាំង៤ រួចហើយដែរ ដើម្បីជម្រាបពីផែនការគម្រោង ដោយនៅដំណាក់កាលដំបូងរដ្ឋបាលខេត្តបានសំដែងការគាំទ្រ និងស្វាគមន៍យ៉ាងកក់ក្តៅ។ ទន្ទឹមនឹងនេះ លោក លី សុខឆាយ បានបន្ដទៀតថា ក្រុមហ៊ុន LSCG ក៏កំពុងតែធ្វើបច្ចុប្បន្នភាព និងស្វែងរកព័ត៌មានបន្ថែម ដើម្បីធ្វើការសិក្សាសម្រាប់ជំហានបន្ទាប់លើគម្រោងដ៏ធំមួយនេះផងដែរ។ គួរបញ្ជាក់ថា ក្រុមហ៊ុន LSCG ជាក្រុមហ៊ុនអចលនទ្រព្យក្នុងស្រុក ដែលកន្លងមកធ្លាប់បានធ្វើការងារធំៗ ជាច្រើនដូចជា បានដេញថ្លៃឈ្នះដើម្បីធ្វើការងារមួយចំនួនក្នុងគម្រោងរបស់ OCIC ដូចជាគម្រោងព្រលានយន្តហោះភ្នំពេញថ្មី គម្រោងបឹង៥០០ និងគម្រោងផ្សេងៗទៀត។
អានបន្ថែម
អាជ្ញាធរភ្នំពេញគ្រោងសាងសង់រោងចក្រផលិតទឹកស្អាតថ្មីមួយទៀតនៅស្ទឹងព្រែកត្នោត
អភិបាលរាជធានីភ្នំពេញ ឯកឧត្តម ឃួង ស្រេង បានស្នើឱ្យរដ្ឋាករទឹកស្វយ័តក្រុងភ្នំពេញពិចារណាសាងសង់រោងចក្រផលិតទឹកស្អាតថ្មីមួយកន្លែងទៀត នៅលើស្ទឹងព្រែកត្នោត ភាគខាងលិចរាជធានីភ្នំពេញ ដើម្បីបង្កើនការផ្គត់ផ្គង់ទឹកស្អាតដល់ខណ្ឌ៣ នៅជាយរាជធានីភ្នំពេញ ដែលបច្ចុប្បន្នមិនទាន់មានទឹកស្អាតប្រើគ្រប់គ្រាន់នៅឡើយ។ ឯកឧត្តម ឃួង ស្រេង ស្នើដូច្នេះ ក្នុងកិច្ចប្រជុំជាមួយឯកឧត្តម ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ កាលពីថ្ងៃទី១៦ ខែវិច្ឆិកា។ ឯកឧត្តម មានប្រសាសន៍ថា៖ «ចង់ឱ្យរដ្ឋាករទឹកស្វយ័តក្រុងភ្នំពេញបង្កើតរោងចក្រផលិតទឹកស្អាតមួយថ្មីទៀត នៅសណ្តរស្ទឹងព្រែកត្នោត ពោលគឺយកទឹកពីស្ទឹងព្រែកត្នោត មកផលិតជាទឹកស្អាត ដើម្បីផ្គត់ផ្គង់ដល់ប្រជាពលរដ្ឋ នៅខណ្ឌកំបូលខណ្ឌ ដង្កោ និងពោធិ៍សែនជ័យ»។ គួរបញ្ជាក់ថា រដ្ឋាករទឹកស្វយ័តក្រុងភ្នំពេញ ថ្មីៗនេះក៏បានបង្ហាញផែនការបង្កើនការផលិតទឹកស្អាតបន្ថែម ៣ម៉ឺនម៉ែត្រគូប សម្រាប់ក្រុងតាខ្មៅ ខេត្តកណ្តាល ត្រឹមឆ្នាំ ២០២៤ និង ៦ម៉ឺនម៉ែត្រគូប ត្រឹមឆ្នាំ ២០៣០។ (អានបន្ថែម) បច្ចុប្បន្ន តម្រូវការទឹកស្អាតក្នុងរាជធានីភ្នំពេញ និងក្រុងតាខ្មៅ មានបរិមាណជាង ៧០ម៉ឺនម៉ែត្រគូប ខណៈការផលិតទឹកស្អាតពីរដ្ឋាករទឹកស្វយ័តក្រុងភ្នំពេញមានបរិមាណតែ ជាង៦០ម៉ឺនម៉ែត្រគូបប៉ុណ្ណោះ។
អានបន្ថែម
ផ្លូវល្បឿនលឿនភ្នំពេញ-ព្រះសីហនុ ឈានដល់ដំណាក់កាលក្រាលស្រទាប់កៅស៊ូចុងក្រោយបង្អស់
ក្រុមហ៊ុនចិន បានឱ្យដឹងថា ការដ្ឋានសាងសង់ផ្លូវល្បឿនលឿនភ្នំពេញ-ព្រះសីហនុ កំពុងត្រៀមឈានដល់ដំណាក់កាលក្រាលស្រទាប់កៅស៊ូជាន់លើគេបង្អស់ហើយ ឆាប់ៗនេះហើយ ដែលជាសញ្ញាបង្ហាញថាផ្លូវនេះជិតរួចរាល់ជាស្ថាពរជាក់ពិតហើយ។ ទំព័រហ្វេសប៊ុកផ្លូវការរបស់ក្រុមហ៊ុនផ្លូវល្បឿនលឿនភ្នំពេញ-ព្រះសីហនុត្រៀម បានបញ្ជាក់ កាលពីថ្ងៃទី១៦ ខែវិច្ឆិកា ថា៖ «ការក្រាលដល់ស្រទាប់ជាន់លើគេបង្អស់នេះ មានន័យថា ហាក់ដូចជាផ្លូវល្បឿនលឿនភ្នំពេញ -ព្រះសីហនុ ជិតសាងសង់រួច ចេញជារូបរាងហើយ»។ កាលពីខែកញ្ញាកន្លងទៅ ក្រុមហ៊ុនក៏បានបញ្ជាក់ថា ស្ពានធំជាងគេដែលមានប្រវែងរហូតដល់ ២២៥ម៉ែត្រ នៃផ្លូវល្បឿនលឿនភ្នំពេញ-ព្រះសីហនុ ក៏បានលេចរូបរាងបណ្ដើរៗហើយដែរ ដែលជាស្ពានឆ្លងកាត់ទទឹងទឹកជ្រោះក្បាលឆាយ។ (អានបន្ថែម) គួររម្លឹកថា ការសាងសង់ផ្លូវល្បឿនលឿន ភ្នំពេញ-ព្រះសីហនុ គិតត្រឹមខែមិថុនា ឆ្នាំ២០២១ សម្រេចបាន ៦៤% ដោយគ្រោងនឹងបញ្ចប់នៅខែកញ្ញា ឆ្នាំ២០២២ ខាងមុខ ដែលជាការបញ្ចប់មុនផែនការ។ គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ នេះមានប្រវែងសរុបជាង ១៩០គីឡូម៉ែត្រ ភ្ជាប់ពីភូមិ១ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ។ គម្រោងនេះ គ្រោងចំណាយថវិកាសាងសង់សរុបប្រមាណ២ពាន់លានដុល្លារអាមេរិក ដោយកំពុងសាងសង់ដោយក្រុមហ៊ុនសាជីវកម្មស្ពាន និងថ្នល់ចិន (CRBC) តាមរយៈក្រុមហ៊ុន Cambodian PPSHV Expressway […]
អានបន្ថែម
ក្រសួងកំពុងសិក្សាប្លង់ និងតម្រាយផ្លូវក្រវាត់ក្រុងទី៣ បែកខាងកើត ភ្ជាប់ភ្នំពេញ កោះដាច់ ល្វាឯម
ក្រសួងសាធារណការ និងដឹកជញ្ជូន បាននិងកំពុងសិក្សាលើប្លង់ និងតម្រាយផ្លូវក្រវាត់ក្រុងទី៣ បែកខាងកើត ដែលអាចនឹងតភ្ជាប់ពីតំបន់ស្រុកល្វាឯម ឆ្លងកាត់កោះដាច់ និងតភ្ជាប់ទៅកាន់ផ្លូវជាតិលេខ៦។ ផែនការផ្លូវក្រវាត់ក្រុងទី ៣ បែកខាងកើតនេះ គឺការបំពេញបន្ថែមលើផ្លូវក្រវាត់ក្រុងទី៣ ដែលកំពុងសាងសង់នាពេលបច្ចុប្បន្ន ទិសដៅដើម្បីបង្កើតជាក្រវាត់ក្រុងពេញរង្វង់។ ឯកឧត្តម វ៉ាស៊ីម សុរិយា អ្នកនាំពាក្យក្រសួង បានបញ្ជាក់ប្រាប់ទស្សនាវដ្តីសំណង់ និង អចលនទ្រព្យនៅថ្ងៃទី១៦ ខែវិច្ឆិកានេះថា ក្រសួងកំពុងស្ថិតក្នុងការសិក្សា និងកំពុងតែគូសប្លង់តម្រាយផ្លូវ ដោយមិនទាន់អាចបញ្ជាក់ច្បាស់នៅឡើយថា ផ្លូវនឹងត្រូវឆ្លងកាត់ទីតាំងណាខ្លះ។ ឯកឧត្តម វ៉ាស៊ីម សុរិយា ថ្លែងថា៖ «ធម្មតា វាមាន Alignment (តម្រាយផ្លូវ) របស់វា។ គម្រោងផ្លូវក្រវាត់ក្រុងទី៣ ខាងកើតនេះ វាអាចនឹងឆ្លងកោះដាច់ កោះអន្លង់ចិន រួចត្រូវឡើងទៅផ្លូវជាតិលេខ៦»។ «ប៉ុន្តែ យើងមិនទាន់កំណត់ជាក់ច្បាស់ទេ ព្រោះក្រសួងកំពុងធ្វើតម្រាយប្លង់ផ្លូវ ២ ទៅ ៣ ជម្រើស សម្រាប់ទីតាំងដែលផ្លូវនេះត្រូវឆ្លងកាត់» ឯកឧត្ដមបានបន្ដ។ គួរបញ្ជាក់ថា ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន […]
អានបន្ថែម
ឆ្នាំ២០២២ អាជីវកម្មផ្សារទំនើបនឹងបន្ដរងសម្ពាធ ទោះកូវីដស្ងប់ហើយក្ដី, ហេតុអ្វី?
សរសរដោយ៖ អ្នកវិភាគអចលនទ្រព្យឯករាជ្យលោក Eric Won Chon Lap ទោះបើកប្រទេសវិញក្ដី ឥរិយាបថនៃអាជីវកម្មលក់រាយ និងផ្សារទំនើប នឹងបន្ដធ្វើតាមលំនាំថ្មី ទោះវិបត្តិកូវីដនៅកម្ពុជាធូរស្បើយហើយក្ដី ប៉ុន្តែគ្រាលំបាកមួយនេះ បានផ្លាស់ប្ដូរឥរិយាបថអាជីវកម្មផ្សារទំនើបពេញមួយទំហឹង។ ម្ចាស់ផ្សារទំនើបជាច្រើន កន្លងមកត្រូវធ្វើទំនើបកម្ម និងផ្លាស់ប្ដូរផ្នត់គំនិតក្នុងការធ្វើអាជីវកម្មផ្សារតាមរបត់ថ្មី ដើម្បីរស់រានក្នុងកាលៈទេសៈនេះ ហើយនិន្នាការនេះនឹងនៅតែបន្ត ទោះក្រោយវិបត្តិកូវីដក្ដី។ លើសពីនេះ ជំងឺកូវីដក៏បានទាញទំលាក់អត្រាជួលផ្សារទំនើបឱ្យដាំក្បាលចុះយ៉ាងគំហុក ពោលគឺធ្លាក់ទាបបំផុតក្នុងប្រវិត្តសាស្រ្ត ពិសេសក្នុងឆ្នាំ ២០២១ នេះ ក្រោយមេរោគបំលែងថ្មីចូលវាយលុកកម្ពុជា។ បើយោងតាមការវិភាគរបស់អ្នកជំនាញអចលនទ្រព្យ លោក Eric Wong Chon Lap កន្លងមក ការបន្ធូបន្ថយវិធានអនាម័យ និងគន្លាតសង្គមមួយចំនួន គឺជាវិធីសាស្រ្តដែលម្ចាស់ផ្សារត្រូវអនុវត្ត ដើម្បីទាក់ទាញអ្នកមកដើរផ្សារ។ ប៉ុន្តែ ទោះជាយ៉ាងណាក្ដី មនុស្សមួយចំនួន នៅតែគិតថាការទៅផ្សារទំនើបគឺជាហានិភ័យ ដែលធ្វើឱ្យមានផ្សារទំនើបតូចៗ និងមធ្យមខ្លះ ត្រូវបង្ខំចិត្តបិទទ្វារព្រោះខ្វះទុនដើម្បីបន្ដអាជីវកម្ម។ ដោយឡែក សម្រាប់ម្ចាស់ផ្សារទំនើបធំៗ ដែលមានទុនខ្ពស់វិញ គឺអាចឆ្លងផុតពីវិបត្តិនេះបាន ដោយប្រើប្រាស់ប្រព័ន្ធអនឡាញ និងការដឹកជញ្ជូនមកជួយក្នុងការលក់ និងផ្ដល់សេវាដល់អតិថិជន។ ការធ្វើទីផ្សារអនឡាញ ដូចជា Facebook និង […]
អានបន្ថែម
ជប៉ុនប្ដេជ្ញាបន្តជួយជំរុញការអភិវឌ្ឍកំពង់ផែ និងហេដ្ឋារចនាសម្ព័ន្ធផ្សេងទៀតនៅខេត្តព្រះសីហនុ
ឯកអគ្គរាជទូតជប៉ុនប្រចាំនៅកម្ពុជា បានសន្យាថានឹងបន្តជួយអភិវឌ្ឍកំពង់ផែទឹកជ្រៅ និងហេដ្ឋារចនាសម្ព័ន្ធគ្រប់គ្រងសំរាម ក៏ដូចជាបរិស្ថាន ក្នុងខេត្តព្រះសីហនុបន្ថែមទៀត ដើម្បីឆ្លើយតបទៅកំណើនសក្ដានុពលនៃខេត្តនេះនាពេលអនាគត។ ឯកឧត្តម មិកាមិ ម៉ាសាហ៊ីរ៉ូ បានឱ្យដឹងដូច្នេះ ក្នុងពេលចុះទស្សនកិច្ចនៅកំពង់ផែក្រុងព្រះសីហនុ ជាមួយនិងឯកឧត្តម លូ គឹមឈន់ ប្រធានអគ្គនាយកកំពង់ផែស្វយ័តក្រុងព្រះសីហនុ កាលពីថ្ងៃទី ១៥ វិច្ឆិកា កន្លងមកនេះ។ ក្នុងកិច្ចប្រជុំ ភាគីទាំងពីរបានផ្លាស់ប្តូរយោបល់លើស្ថានភាពបច្ចុប្បន្ន និងផែនការអនាគតរបស់កំពង់ផែ រួមទាំងគម្រោង ODA របស់ជប៉ុន និងការប្រើប្រាស់តំបន់សេដ្ឋកិច្ចពិសេស (SEZ) ផងដែរ។ សូមបញ្ជាក់ថា សម្រាប់ជំហានទី១នេះ ជប៉ុនផ្ដល់កម្ចីជាង ២០០លានដុល្លារ ដើម្បីពង្រីកកំពង់ផែទៅជម្រៅ ១៤,៥ម៉ែត្រ និងប្រវែង ៣៥០ម៉ែត្រ ជាមួយនឹងការសាងសង់ស្ថានីយកុងតឺន័រថ្មី ដោយការសាងសង់អាចនឹងផ្ដើមនៅឆ្នាំ២០២២ ខណៈបច្ចុប្បន្ន ក្រុមការងារកំពុងគូសប្លង់។ បើយោងតាមផែនការឆ្នាំ ២០២០-២០៣០ គម្រោងពង្រីកកំពង់ផែទឹកជ្រៅខេត្តព្រះសីហនុមានសរុប ៥ជំហាន។ (អានបន្ថែម) ក្រៅពីបានពិនិត្យកំពង់ផែ ជប៉ុនក៏បានចុះទៅពិនិត្យទីតាំងគ្រប់គ្រងសំណល់មួយចំនួនក្នុងក្រុងព្រះសីហនុ ជាមួយនឹងក្រសួងបរិស្ថាន និង UNDP ប្រចាំកម្ពុជា។ ជប៉ុនប្ដេជ្ញាទៀតថា នឹងបន្ដគាំទ្រគម្រោងទប់ស្កាត់សំណល់ប្លាស្ទិកក្នុងសមុទ្រ ទិសដៅលើកកម្ពស់បរិស្ថាន និងសោភ័ណភាពក្រុងព្រះសីហនុ។
អានបន្ថែម