កូរ៉េផ្ដល់ជំនួយ ៨លានដុល្លារសង់មន្ទីរពិសោធន៍ និងលើកកម្ពស់ហេដ្ឋារចនាសម្ព័ន្ធកសិកម្មកម្ពុជា
រដ្ឋាភិបាលកូរ៉េខាងត្បូង តាមរយៈទីភ្នាក់ងារ KOICA នឹងផ្តល់ជំនួយទឹកប្រាក់ ៨លានដុល្លារអាមេរិក ដល់កម្ពុជា ដើម្បីសាងសង់មន្ទីរពិសោធន៍ជាតិសម្រាប់ត្រួតពិនិត្យគុណភាពផលិតផលបសុសត្វ ក៏ដូចជាលើកកម្ពស់ហេដ្ឋារចនាសម្ព័ន្ធ និងបច្ចេកទេសកសិកម្មនៅកម្ពុជា។ ការសម្រេចផ្ដល់ជំនួយនេះ ធ្វើឡើងក្នុងជំនួបរវាង ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោក Hyunjun Rho នាយកប្រតិបត្តិនៃ KOICA កាលពីថ្ងៃទី១១ ខែវិច្ឆិកា កន្លងទៅ។ គម្រោងនេះ នឹងត្រូវអនុវត្តរយៈពេល ៥ឆ្នាំ ពីឆ្នាំ២០២៣ ដល់ឆ្នាំ ២០២៧ ផ្តោតទៅលើការងារសំខាន់ៗ ដូចជាការកសាងវិទ្យាស្ថានជាតិបសុសត្វ ការពង្រឹងសុវត្ថិភាពប្រព័ន្ធគ្រប់គ្រងអនាម័យ និងបទដ្ឋានគតិយុត្ត ក៏ដូចជាពង្រឹងសមត្ថភាពធនធានមនុស្សលើការងារគ្រប់គ្រងបសុសត្វ។ នៅក្នុងជំនួបនេះ ឯកឧត្តមរដ្ឋមន្រ្តី ក៏បានស្នើសុំឱ្យអង្គការ KOICA ជួយលើផ្នែកដែលកង្វះខាតបច្ចេកវិទ្យា និងហេដ្ឋារចនាសម្ព័ន្ធក្នុងការផលិត ស្រាវជ្រាវវ៉ាក់សាំង និងថ្នាំព្យាបាលសត្វ ក្នុងស្រុកនៅកម្ពុជាផងដែរ ជាការឆ្លើយតប លោក Hyunjun Rho បានសន្យាថានឹងសិក្សាដោយរួមបញ្ជូលបញ្ហាប្រឈមទៅក្នុងគម្រោង៥ ឆ្នាំខាងលើ។
អានបន្ថែម
ក្រុមហ៊ុនជប៉ុនគ្រោងបំពាក់ភ្លើងបំភ្លឺបច្ចេកវិទ្យាវៃឆ្លាតតាមដងផ្លូវនានាក្នុងខេត្តកណ្តាល
ក្រុមហ៊ុនជប៉ុន មីនេបៀ Minebea (Cambodia) Co., Ltd មានគម្រោងបំពាក់ភ្លើងបំភ្លឺផ្លូវ ដោយប្រើប្រព័ន្ធបច្ចេកវិទ្យាឆ្លាតវ៉ៃ និងមានភាពសន្សំសំចៃខ្ពស់ នៅលើផ្លូវសាធារណៈនានាក្នុងភូមិសាស្ត្រខេត្តកណ្តាល ពិសេសទីក្រុងតាខ្មៅ នាពេលឆាប់ៗខាងមុខនេះ។ លោក តាកាហ្ស៊ី អាអូគី តំណាងក្រុមហ៊ុន Minebea (Cambodia) បានឱ្យដឹង កាលពីព្រឹកថ្ងៃទី១២ ខែវិច្ឆិកា ឆ្នាំ២០២១ ថា ក្រុមហ៊ុនគ្រោងដំឡើងអំពូលភ្លើងLED ដែលសន្សំសំចៃអគ្គិសនីខ្ពស់ ប្រើប្រាស់បានយូរអង្វែង និងពិសេសអាចកំណត់កម្រិតភ្លឺបានតាមប្រព័ន្ធទំនើប។ លោកបន្ដថា អំពូលទាំងនេះ ត្រូវបានផលិតឡើងដោយក្រុមហ៊ុនជប៉ុនដែលវិនិយោគនៅកម្ពុជា ដែលមានបច្ចេកវិទ្យាខ្ពស់ និងប៉ះពាល់បរិស្ថានតិច។ ជាការឆ្លើយតប ឯកឧត្តម គង់ សោភ័ណ្ឌ អភិបាលខេត្តកណ្តាល បានបង្ហាញការគាំទ្រគម្រោងនេះ ហើយអនុញ្ញាតឱ្យក្រុមហ៊ុនចុះសិក្សាឱ្យបានច្បាស់លាស់ ដើម្បីចូលរួមសន្សំសំចៃថវិកា និងធានានិរន្តរភាពនៃគម្រោង។
អានបន្ថែម
តើប្រទេសណាលើលោកដែលកម្មករសំណង់ប្រាក់ខែខ្ពស់បំផុត ហើយប្រទេសណាទាបបំផុត?
គេហទំព័រអន្តរជាតិ Workwear Guru ថ្មីៗនេះបានចេញរបាយការណ៍មួយ រៀងចំណាត់ថ្នាក់ប្រទេសជុំវិញពិភពលោក ពីប្រទេសដែលល្អ និងអំណោយផលបំផុតសម្រាប់កម្មករសំណង់ រហូតដល់ប្រទេសដែលអាក្រក់បំផុត ដោយផ្អែកលើកត្តាប្រាក់បៀវត្ស៍ សុវត្ថិភាព និងចំណាយនៃការរស់នៅជាទូទៅ។ ក្នុងចំណោមប្រទេសកំពូលទាំង១០ ដែលត្រូវបានចាត់ទុកជាឋានសួគ៌ល្អបំផុតសម្រាប់កម្មករសំណង់ មាន ៦ ប្រទេស ស្ថិតនៅអឺរ៉ុប ប្រទេស ២ ផ្សេងទៀត ស្ថិតក្នុងតំបន់អាស៊ី (ចិន និងសិង្ហបុរី) និង ២ ទៀតស្ថិតក្នុងទ្វីបអាមេរិកខាងជើង។ ប្រទេសដែលផ្ដល់ប្រាក់បៀវត្សរ៍ជាមធ្យមខ្ពស់បំផុតសម្រាប់កម្មករសំណង់គឺប្រទេសស្វីស ដែលប្រាក់ខែគឺដល់ទី ៧៩ ១៥៩ ដុល្លារ ក្នុងឆ្នាំ ឬជាង ៦ ៥០០ ដុល្លារក្នុង១ ខែ។ ដោយឡែក ប្រទេសដែលមានប្រាក់បៀវត្សរ៍ទាបបំផុតគឺអ៊ុយប៉េគីស្ថាន ដែលមានត្រឹម ៨៧៥ ដុល្លារ១ ឆ្នាំ ឬត្រឹម ៧២ ដុល្លារក្នុង១ ខែ ប៉ុណ្ណោះ។ ប្រទេសនៅក្នុងទ្វីបអាហ្រ្វិកភាគច្រើនស្ថិតនៅលំដាប់ក្រោមៗ។ ក្នុងនោះ ប្រទេសដែលទាប់បំផុតគឺប្រទេសយេម៉ែន និងអ៊ុយប៉េគីស្ថាន ដោយសារប្រាក់បៀវត្សរ៍ទាបខ្លាំង ខណៈ មីយ៉ាន់ម៉ា […]
អានបន្ថែម
ក្រុមហ៊ុនអឺរ៉ុបសហការគ្នា គ្រោងបង្កើតហេដ្ឋារចនាសម្ព័ន្ធ តាក់ស៊ីហោះលើអាកាសប្រើអគ្គិសនី
ក្រុមហ៊ុនមួយក្រុមនៃប្រទេសអ៊ីតាលី និងបារាំង បានបង្កើតក្រុមហ៊ុនរួមមួយឈ្មោះថា Urban Blue ដើម្បីសិក្សា និងបង្កើតគម្រោងតាក់ស៊ីហោះលើអាកាសដោយប្រើថាមពលអគ្គិសនី សម្រាប់ផ្ដល់សេវាដឹកជញ្ជូនអ្នកដំណើរពីព្រលានយន្តហោះចូលក្នុងក្រុង ដោយមិនចាំបាច់ស្ទះចរាចរណ៍។ នេះបើយោងតាម GCR ។ ក្រុមហ៊ុននេះ ត្រូវបង្កើតដោយក្រុមហ៊ុនព្រលានយន្តហោះនៅទីក្រុង Rome, Venice, Bologna និង Nice។ គោលបំណងដំបូងគឺដើម្បីសិក្សាពីលទ្ធភាពប្រតិបត្តិការនៃបណ្តាញ ក៏ដូចជាវិភាគពីបញ្ហាបច្ចេកទេស និងហិរញ្ញវត្ថុជាដើម។ តាក់ស៊ីហោះលើអាកាស ឬ vertical take-off and landing (VTOL) vehicles នេះ គឺស្រដៀងគ្នានឹងឧទ្ធម្ភាគចក្រដូច្នោះដែរ តែប្រើអគ្គិសនី និងមានខ្នាតតូចជាង។ ចំណុចល្អ គឺវាអាចហោះត្រង់ឡើងលើបានភ្លាម ដោយមិនចាំបាច់មានទីលានធំដូចយន្តហោះទេ ហើយដោយសារមានទំហំតូច វាគឺងាយស្រួលចតជាងឧទ្ធម្ភាគចក្រ។ ក្រុមហ៊ុន Urban Blue សង្ឃឹមថាខ្លួននឹងក្លាយជាក្រុមហ៊ុនធំជាងគេតែមួយគត់ ដែលធ្វើអាជីវកម្មនេះនៅអឺរ៉ុប។ គួរបញ្ជាក់ថា តាមផែនការ ទីក្រុង Rome និង Paris គ្រោងនឹងចាប់ផ្តើមផ្តល់សេវាតាក់ស៊ីហោះនេះ នៅឆ្នាំ ២០២៤ ខណៈប្រទេសអ៊ីតាលីទាំងមូល ត្រៀមផ្ដល់សេវាទ្រង់ទ្រាយធំនៅឆ្នាំ […]
អានបន្ថែម
PropertyGuru ប្រកាសជ័យលាភីអចលនទ្រព្យឆ្នើមឆ្នាំ ២០២១ ខណៈUrbanland លេចធ្លោជាងគេ
PropertyGuru កាលថ្ងៃសុក្រសប្ដាហ៍មុន បានរៀបចំកម្មវិធី Gala Dinner តាមប្រព័ន្ធអនឡាញ ដើម្បីប្រកាសលទ្ធផលជ័យលាភីពានរង្វាន់អចលនទ្រព្យឆ្នើមប្រចាំកម្ពុជាលើកទី៦ ប្រចាំឆ្នាំ ២០២១។ សម្រាប់ឆ្នាំនេះ ក្រុមហ៊ុន Urbanland ដែលជាម្ចាស់គម្រោង Chankiri Palm Creek បានដណ្ដើមយកជ័យលាភីធំបំផុតប្រចាំឆ្នាំ ជាមួយនឹងពានរង្វាន់ចំនួន៧ រួមមាន អ្នកអភិវឌ្ឍន៍ល្អដាច់គេ គម្រោងលំនៅឋានល្អដាច់គេ និងស្ថាបត្យកម្មលំនៅឋានល្អដាច់គេ ជាដើម។ (សម្រាប់បញ្ជីពានពេញចុចទីនេះ) ដោយឡែកក្រុមហ៊ុន Sophea Suites Co., Ltd ក៏ទទួលបានពានជាច្រើនផងដែរដែរដូចជា អ្នកអភិវឌ្ឍន៍គម្រោងផ្ដោតនៅការរស់នៅល្អដាច់គេ (Best Lifestyle Developer) អាគារអាផាតមិនល្អដាច់គេ និងការចនាផ្ទៃខាងក្នុងអាគារអាផាតល្អដាច់គេ ជាដើម។ ជាមួយគ្នានេះ ក្រុមហ៊ុន Mekong Land Development Co., Ltd បានទទួលនូវពានរង្វាន់អ្នកអភិវឌ្ឍន៍របកគំហើញបានល្អដាច់គេ និងឈ្នះពានរង្វាន់ការរចនាផ្ទៃខាងក្នុងលំនៅឋានបានល្អដាច់គេផងដែរ សម្រាប់ការអភិវឌ្ឍគម្រោង Mekong City របស់ខ្លួន។ លើសពីនេះ គម្រោង Vue Aston របស់ក្រុមហ៊ុន […]
អានបន្ថែម
រដ្ឋទំលាក់កញ្ចប់ថវិកាថែម សង់ចំណតឡាន និងតបណ្ដាញលូចូលផ្ទះពលរដ្ឋនៅសៀមរាបឥតគិតថ្លៃ
សម្តេច ហ៊ុន សែន បានប្រកាសទំលាក់កញ្ចប់ថវិកាជិត ៤ លានដុល្លារបន្ថែមទៀត លើគម្រោងស្ថាបនាផ្លូវ ៣៨ខ្សែ នៅសៀមរាប ដើម្បីសាងសង់ចំណតឡានស្ដង់ដារតាមបណ្ដោយផ្លូវជាតិ ៦ និងដើម្បីតភ្ជាប់ផ្ទះពលរដ្ឋជិត ២ម៉ឺនខ្នងចូលទៅប្រព័ន្ធលូទឹកកខ្វក់ និងទឹកភ្លៀង ដោយឥតគិតថ្លៃ ។ នេះបើយោងតាមសន្និសីទសារព័ត៌មាន ស្តីពីការវិវឌ្ឍន៍នៃផ្លូវ ៣៨ក្នុងក្រុងសៀមរាប នៅថ្ងៃទី១៤ ខែវិច្ឆិកា ២០២១។ ចំពោះ ការងាររៀបចំចំណត នឹងធ្វើឡើងនៅសងខាងផ្លូវជាតិលេខ៦ ចាប់ពីស្ពានព្រះរាជដំណាក់ទៅ។ ដោយឡែក សម្រាប់ការភ្ជាប់ផ្ទះពលរដ្ឋចូលប្រព័ន្ធលូទឹកកង្វក់ និងទឹកភ្លៀង នឹងត្រូវធ្វើឡើងដោយឥតគិតថ្លៃ។ បើពលរដ្ឋណាបានបង់ថរិកាហើយ ឣាចទៅដកយកថវិកាត្រឡប់មកវិញពីស្ថាប័នណាដែលបងប្អូនបានបង់ជូន។ គួរបញ្ជាក់ថា គិតត្រឹមថ្ងៃទី១៣ ខែវិច្ឆិកា នេះគម្រោងផ្លូវ៣៨ ខ្សែនេះ សម្រេចបានប្រមាណ ៩០% ដោយនឹងរួចរាល់ជាស្ថាពរនៅចុងឆ្នាំនេះ។ គម្រោងផ្លូវនេះ មានប្រវែងសរុប ១០៨ គីឡូម៉ែត្រ ប្រើប្រាស់ថវិកាជាតិសរុបប្រមាណជាង ១៤៩លានដុល្លារអាមេរិក ដោយក្នុងនោះ ចំនួន ៩លានដុល្លារអាមេរិក បន្ថែមទៀត នឹងត្រូវចំណាយលើការរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់៕
អានបន្ថែម
មន្ទីរពេទ្យមិត្តភាពកម្ពុជា-ចិនត្បូងឃ្មុំ តម្លៃជាង៥០លានដុល្លារ នឹងសង់រួចចុងខែវិច្ឆិកានេះ
មន្ទីរពេទ្យមិត្តភាពកម្ពុជា-ចិនត្បូងឃ្មុំ តម្លៃជាង៥០លានដុល្លារ គ្រោងនឹងបញ្ចប់ការសាងសង់ជាស្ថាពរនៅថ្ងៃទី៣០ ខែវិច្ឆិកា ឆ្នាំ២០២១ នេះ។ រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម វង្ស សូត្រ កាលពីថ្ងៃទី១២ ខែវិច្ឆិកា ឆ្នាំ២០២១ បានឱ្យដឹងថា មន្ទីរពេទ្យមិត្តភាពកម្ពុជា-ចិនត្បូងឃ្មុំនេះ នឹងក្លាយជាកន្លែងបំរើសេវាសុខាភិបាលប្រកបដោយបរិក្ខារទំនើបស្តង់ដារខ្ពស់។ មន្ទីរពេទ្យនេះ មានអគារចំនួន៨ខ្នង ៥ជាន់ កម្ពស់២៤ម៉ែត្រ ដែលតភ្ជាប់គ្នាទៅវិញទៅមក។ ក្នុងនោះមានបែងចែកសម្រាប់អគារសម្រាកពេទ្យមានចំនួន៥ជាន់ អគារសម្ភពរោគស្ត្រី និងកុមារចំនួន៥ជាន់ អគារវេជ្ជសាស្រ្ត អគាររដ្ឋបាល និងស្នាក់នៅចំនួន២ជាន់ និងអគារផ្សេងៗទៀត១ជាន់។ អគារទាំងមូល សាងសង់លើផ្ទៃដី ២៤.៣០០ម៉ែត្រការ៉េ ដែលនឹងមានទំហំផ្ទៃក្រឡាសរុប ៥៥.៨១៥ម៉ែត្រការ៉េ។ គួរបញ្ជាក់ថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ ស្ថិតនៅភូមិនិគមន៍លើ ឃុំស្រឡប់ ស្រុកត្បូងឃ្មុំ ទីរួមខេត្តត្បូងឃ្មុំ ដែលបានបើកការដ្ឋានសាងសង់កាលពីថ្ងៃទី ០១ ខែមីនា ឆ្នាំ២០១៩ កន្លងទៅ។ (អានបន្ថែម) មន្ទីរពេទ្យមិត្តភាពកម្ពុជា-ចិន ត្បូងឃ្មុំ មន្ទីរពេទ្យ មិត្តភាពកម្ពុជា-ចិន គឺជាគម្រោងទី២ ដែលជាជំនួយឥតសំណងរបស់សាធារណរដ្ឋប្រជាមានិតចិន បន្ទាប់ពីគម្រោងទី១ […]
អានបន្ថែម
ពីឆ្នាំ១៩៩៨ ទល់បច្ចុប្បន្ន កម្ពុជាសង់ផ្លូវកៅស៊ូសរុបជាង ១៥ ០០០គម និងស្ពានធំ ២០កន្លែង
ចាប់តាំងពីឆ្នាំ១៩៩៨មក កម្ពុជាកសាងផ្លូវជាតិ ផ្លូវខេត្ត និងផ្លូវជនបទក្រាលកៅស៊ូ ប្រវែងសរុបជាង ១៥ ០០០គីឡូម៉ែត្រ ក៏ដូចជាសាងសង់ស្ពានធំៗសរុបចំនួន ២០កន្លែង ឆ្លងកាត់ទន្លេមេគង្គ ទន្លេបាសាក់ និងទន្លេសាប។ នេះជាការលើកឡើងរបស់ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹក នាឱកាសធ្វើជាប្រធានកិច្ចប្រជុំរដ្ឋមន្ត្រីដឹកជញ្ជូនអាស៊ាន នាថ្ងៃទី១២ ខែវិច្ឆិកា ឆ្នាំ២០២១។ ឯកឧត្តម ស៊ុន ចាន់ថុល ថ្លែងថា៖ «ចាប់តាំងពីកម្ពុជាទទួល បានសន្តិភាព និងស្ថិរភាពពេញលេញ នៅក្នុងឆ្នាំ១៩៩៨ កម្ពុជាបានកសាងផ្លូវជាតិ ផ្លូវខេត្ត និងផ្លូវជនបទ ក្រាលកៅស៊ូបានប្រវែង ១៥ ០០០គីឡូម៉ែត្រ បានសាងសង់ស្ពាន ចំនួន២០កន្លែង ឆ្លងកាត់ទន្លេមេគង្គ ទន្លេ បាសាក់ និងទន្លេសាប។ «លើសពីនេះ កម្ពុជាក៏បានលើកកម្ពស់ព្រលានយន្តហោះ ចំនួន៣ តាមស្តង់ដាអន្តរជាតិនៅរាជធានីភ្នំពេញ និងខេត្តព្រះសីហនុ និងបន្តអភិវឌ្ឍព្រលានយន្តហោះអន្តរជាតិ ចំនួន៣កន្លែង ដោយឈរលើគោលការណ៍ កសាង-ប្រតិបត្តិ-ផ្ទេរ (BOT) នៅភ្នំពេញ ខេត្តសៀមរាប […]
អានបន្ថែម
ការបើកឱ្យអ្នកដំណើរចូលដោយមិនធ្វើចត្តាឡីស័ក ជះឥទ្ធិពលដូចម្ដេចលើទីផ្សារអចលនទ្រព្យ?
អ្នកជំនាញអចលនទ្រព្យបានបង្ហាញសុទិដ្ឋិនិយមចំពោះគោលនយោបាយថ្មីរបស់រដ្ឋាភិបាលទាក់ទិននឹងការលុបចោលការធ្វើចត្តាឡីស័កសម្រាប់អ្នកដំណើរដែលបានចាក់វ៉ាក់សាំងរួច ដោយលើកឡើងថា វាជាសញ្ញាល្អសម្រាប់ទីផ្សារអចលនទ្រព្យ ប៉ុន្តែសន្ទុះនៃទីផ្សារគឺនៅតែមានកម្រិត ព្រោះវិនិយោគិនត្រូវការពេលដើម្បីត្រឡប់មកវិញ។ សម្តេចនាយករដ្ឋមន្រ្តី ហ៊ុន សែន កាលពីម្សិលមិញបានប្រកាសថា ចាប់ពីថ្ងៃទី១៥ ខែវិច្ឆិកា តទៅ អ្នកដំណើរដែលចាក់វ៉ាក់សាំងរួចពេញលេញដែលចូលមកប្រទេសកម្ពុជា គឺមិនតម្រូវឱ្យធ្វើចត្តាឡីស័កឡើយ។ នាយកគ្រប់គ្រងក្រុមហ៊ុន CBRE Cambodia លោក James Hodge មានប្រសាសន៍ថា គោលនយោបាយថ្មីនេះ នឹងជួយជំរុញការងើបឡើងវិញនៃទីផ្សារអចលនទ្រព្យនៅកម្ពុជាបានមួយកម្រិតធំ ប៉ុន្តែសន្ទុះនៅមិនទាន់ខ្លាំងទេ នៅក្នុងដំណាក់កាលដំបូង។ លោក James បានលើកឡើងថា៖ «ការបើកឱ្យចូលដោយមិនធ្វើចត្តាឡីស័ករបស់ប្រទេសកម្ពុជាគឺល្អ ប៉ុន្តែបើប្រទេសដៃគូនៅតែមានលក្ខខណ្ឌចត្តាឡីស័ក ចំនួនវិនិយោគិនចូលមកកម្ពុជាគឺនឹងមានតិចតួចប៉ុណ្ណោះ។ ជាក់ស្ដែងដូចជា ទីផ្សារវិនិយោគិនសំខាន់ៗជាច្រើន ដូចជាសិង្ហបុរី ហុងកុង និងចិន នៅតែតម្រូវឱ្យអ្នកដំណើរពេលដែលត្រឡប់ពីកម្ពុជាធ្វើចត្តាឡីស័ក។ កត្តានេះហើយ ដែលធ្វើឱ្យចំនួនវិនិយោគិនចូលមកកម្ពុជា នៅមិនទាន់ស្ទុះខ្លាំង»។ «ទោះជាយ៉ាងណាក៏ដោយ គោលនយោបាយនេះជាជំហានវិជ្ជមានដែលត្រូវទិសដៅមួយ ព្រោះវានឹងជួយកសាងទំនុកចិត្តដល់វិនិយោគិនទាំងក្នុង និងក្រៅស្រុក។ គោលនយោបាយនេះទៀតសោត គឺជាសូចនាករសំខាន់ដែលបង្ហាញថា វិបត្តិកូវីដកំពុងតែបញ្ចប់ ហើយអ្វីៗនឹងត្រឡប់មិនធម្មតាវិញឆាប់ៗ» លោកបានបន្ត។ ដូចគ្នានេះដែរ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោក ច្រឹក […]
អានបន្ថែម
ផ្ទះគំរូដ៏ប្រណីតរបស់បុរីភូមិសំរោង ត្រៀមខ្លួនរួចជាស្រេចដើម្បីបើកបង្ហាញជាសាធារណៈ
ត្រឹមតែមួយពព្រិចភ្នែក ផ្ទះគំរូដ៏ប្រណីតរបស់បុរីភូមិសំរោងត្រូវបានកសង់រួចរាល់ ហើយត្រៀមខ្លួនរួចជាស្រេចដើម្បីបើកបង្ហាញជាសាធារណៈចាប់ពីថ្ងៃផ្សាយដំណឹងនេះតទៅ និងត្រៀមបើកសម្ពោធជាផ្លូវការក្នុងពេលឆាប់ៗនេះ។ បន្ទាប់ពីទទួលបានការគាំទ្រយ៉ាងពេញទំហឹងពីសំណាក់បងប្អូនប្រជាពលរដ្ឋខ្មែរ បើទោះបីជាមិនទាន់បើកសម្ពោធជាផ្លូវការផង ផ្ទះអាជីវកម្មតាមបណ្តោយផ្លូវជាតិលេខ៥ និងវីឡាកូនកាត់ ត្រូវបានលក់អស់ជាស្ថាពរ។ គម្រោងលំនៅដ្ឋានបែបសហគមន៍ទំនើប ដែលមានវិសាលភាពធំជាងគេនៅភូមិភាគខាងជើងរាជធានីភ្នំពេញនេះ ត្រូវបានអភិវឌ្ឍឡើងដោយក្រុមហ៊ុនព្រីនស៍ ហ័ន យូ រៀល អ៊ីស្ទេត គ្រុប ដែលបានឈរជើងនៅប្រទេសកម្ពុជាអស់រយៈពេលជាង៥ឆ្នាំមកហើយ និងធ្លាប់មានសមិទ្ធផល និងបទពិសោធន៍ជាច្រើនក្នុងការអភិវឌ្ឍន៍គម្រោងអគារខុនដូ និងអគារពាណិជ្ជកម្មខ្ពស់ៗកប់ពពកជាច្រើន។ គម្រោងដ៏អស្ចារ្យនេះ ក៏ជាការសហការដ៏ស្អិតរមួតពីសំណាក់ក្រុមហ៊ុនស្ថាបត្យកម្មស្វីសដ៏ល្បីរន្ទឺក្នុងប្រទេសកម្ពុជាគឺក្រុមហ៊ុន Aerne Architects & Associates Co., Ltd. និងក្រុមហ៊ុនប្រឹក្សាអចលនទ្រព្យឈានមុខគេ គឺក្រុមហ៊ុនភ័ញធើ ប្រផឹធី (Pointer Property Co., Ltd.)។ ជាមួយទីតាំងពោរពេញដោយសក្តានុពល តាមបណ្តោយផ្លូវជាតិលេខ៥ ជិតសាលាខណ្ឌព្រែកព្នៅ ដែលជាតំបន់អភិវឌ្ឍន៍ថ្មី ហ៊ុមព័ទ្ធទៅដោយគម្រោងអភិវឌ្ឍន៍ធំៗជាច្រើន និងហេដ្ឋារចនាសម្ព័ន្ធដ៏សម្បូរបែប ជាពិសេសនោះគឺម៉ូដផ្ទះដ៏ទំនើប ទាន់សម័យ និងស៊ីវិល័យ របស់បុរីភូមិសំរោង ដែលជាការគិតគូរយ៉ាងល្អិតល្អន់ទៅលើបែបបទនៃការរស់នៅកាន់តែប្រសើរជាងមុនរបស់ប្រជាពលរដ្ឋខ្មែរ ក្នុងយុគសម័យថ្មី ផ្សារភ្ជាប់ជីវិតរស់នៅប្រចាំថ្ងៃ នឹងធម្មជាតិដ៏ស្រស់បំព្រង។ លើសពីនេះ ជាមួយទីធ្លាបៃតងដល់ទៅ ៤០% នៃគម្រោងទាំងមូល លើផ្ទៃដីទំហំ […]
អានបន្ថែម
រដ្ឋសភាបង្ហាញប្លង់ស្ថាបត្យកម្មអគារថ្មីតម្លៃ ២៥ លានដុល្លារ រចនាបថទំនើប និងគិតគូរពីបរិស្ថាន
រដ្ឋសភាជាតិនៃកម្ពុជា កាលពីព្រឹកមិញនេះ បានបង្ហាញនូវគំរូប្លង់ស្ថាបត្យកម្មអគាររដ្ឋបាលថ្មីរបស់ខ្លួន តម្លៃជាង ២៥លានដុល្លារ ដែលបច្ចុប្បន្នកំពុងបើកដេញថ្លៃរកអ្នកម៉ៅការសាងសង់។ (អានបន្ថែម) បើយោងតាមរូបភាព អគាររដ្ឋបាលថ្មីនេះ មានរចនាបថទំនើបទាន់សម័យ ពិសេសគិតគូរពីបរិស្ថានខ្ពស់ ដែលស្គាល់ជាទូទៅថា Green Building។ អគារថ្មីនេះ នឹងក្លាយជាអគារគូនឹងអគារចាស់ដែលមានរចនាបថខ្មែរបូរាណ ទិសដៅដើម្បីបង្ហាញនូវតុល្យភាពនៃការច្របាច់បញ្ចូលគ្នារវាងសិល្បៈបុរាណ និងសម័យ បានយ៉ាងល្អឥតខ្ចោះ។ គួរបញ្ជាក់ថា គម្រោងសាងសង់អគាររដ្ឋបាលថ្មីនេះ នឹងធ្វើឡើងក្រោមជំនួយឥតសំណងចំនួន២៥លានដុល្លារ របស់សាធារណរដ្ឋសង្គមនិយមវៀតណាម ដោយភាគីទាំងពីរ បានចុះហត្ថលេខតាំងពីឆ្នាំ ២០១៩ មកម្ល៉េះ។ បើតាមផែនការ អគាររដ្ឋបាលថ្មីនឹងត្រូវសាងសង់ជាងអគារកម្ពស់១១ ជាន់ ដែលស្ថិតនៅក្នុងទីតាំងរបស់រដ្ឋសភាជាតិផ្ទាល់។
អានបន្ថែម
ត្រឹមខែតុលា ការវិនិយោគជប៉ុននៅកម្ពុជាមានជាង ១៤៦គម្រោង ឬស្មើនឹង ២,៨ពាន់លានដុល្លារ
គិតត្រឹមខែតុលា ឆ្នាំ២០២១ នេះ ក្រុមប្រឹក្សាអភិវឌ្ឍកម្ពុជា បានចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់របស់ជប៉ុនសរុប ១៤៦គម្រោង ឬស្មើនឹងទុន ២ ៨៥៣ លានដុល្លារអាមេរិក។ តួលេខនេះត្រូវបានប្រកាសនៅក្នុងវេទិកាផ្សព្វផ្សាយច្បាប់វិនិយោគថ្មីនៃកម្ពុជា ទៅកាន់វិនិយោគិនជប៉ុន ដែលរៀបចំដោយក្រុមប្រឹក្សាអភិវឌ្ឍន៍កម្ពុជា។ ក្រុមប្រឹក្សាអភិវឌ្ឍន៍កម្ពុជា បញ្ជាក់ថា ក្នុងចំណោមគម្រោងវិនិយោគមានលក្ខណៈសម្បត្តិគ្រប់គ្រាន់របស់ជប៉ុនសរុប មានគម្រោងវិនិយោគ៦៦គម្រោង វិនិយោគនៅក្នុងតំបន់សេដ្ឋកិច្ចពិសេសភ្នំពេញ។ គម្រោងទាំងនេះ មានទុនវិនិយោគសរុប ៣៤០លានដុល្លារ។ គួរបញ្ជាក់ថា នៅក្នុងឆមាសទី១ ឆ្នាំ២០២១ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគថ្មី និងគម្រោងពង្រីកផលិតកម្មសរុប ៨៧គម្រោង ឬស្មើនឹងទុនវិនិយោគចំនួនជិត ៣ពាន់លានដុល្លារ ដែលកើនប្រមាណ ១០% បើធៀបនឹងពេលដូចគ្នាឆ្នាំមុន។
អានបន្ថែម