រៀតណាមនឹងបង្កើនការប្រើថាមពលបៃតងឱ្យបាន ៧៥% នៃប្រភពថាមពលសរុបត្រឹមឆ្នាំ ២០៤៥
ប្រទេសវៀតណាម បានប្ដេជ្ញាថា នឹងកាត់បន្ថយបញ្ចេញផ្សែងពុល ដោយបង្កើនការប្រើប្រាស់ថាមពលកកើតឡើងវិញ ដូចជាសូឡា និងថាមពលដើរដោយកម្លាំងខ្យល់ជាដើម ទិសដៅឱ្យ៧៥% នៃប្រភពថាមពលសរុបត្រឹមឆ្នាំ ២០៤៥។ នេះជាការអះអាងរបស់នាយករដ្ឋមន្រ្តី Pham Minh Chinh នៅក្នុងសន្និសីទអាកាសធាតុអង្គការសហប្រជាជាតិ COP26 កាលពីខែមុន។ កាសែតក្នុងស្រុក VN express បានចុះផ្សាយកាលពីដើមខែធ្នូនេះថា គោលដៅរបស់វៀតណាម គឺដើម្បីសម្រេចឱ្យបានការបញ្ចេញផ្សែងពលកម្រិតសូន្យ ឬ Zero Emission នៅត្រឹមឆ្នាំ២០៥០ខាងមុខ។ យោងតាមអាជ្ញាធរទទួលបន្ទុកអគ្គិសនីវៀតណាម ប្រទេសវៀតណាម មានសក្តានុពលធំធេងណាស់សម្រាប់ការអភិវឌ្ឍថាមពលកកើតឡើងវិញ ក្នុងនោះថាមពលខ្យល់នៅលើគោកមានប្រហែល ២១៧ GW ថាមពលខ្យល់នៅលើសមុទ្រមាន ១៦០GW និងថាមពលពន្លឺព្រះអាទិត្យមាន ៤៣៤ GW។ ការអភិវឌ្ឍន៍ថាមពលកកើតឡើងវិញ នឹងនាំមកនូវផលប្រយោជន៍ជាច្រើនដល់ប្រទេសវៀតណាម រួមទាំងការចំណាយប្រតិបត្តិការទាប ពីព្រោះតម្លៃថាមពលកកើតឡើងវិញចាប់ផ្ដើមធ្លាក់ចុះជាបន្តបន្ទាប់ ខណៈដែលប្រភពឥន្ធនៈហ្វូស៊ីល នឹងកើនឡើង។
អានបន្ថែម
គម្រោងស្ថាបនាផ្លូវជាតិលេខ១០ ពីបាត់ដំបងទៅកោះកុងសម្រេចបាន ៥៤% ហើយ
គិតត្រឹមដំណាច់ខែវិច្ឆិកា ឆ្នាំ២០២១ គម្រោងសាងសង់ផ្លូវជាតិលេខ១០ ភ្ជាប់ពីបាត់ដំបងទៅកោះកុង ប្រវែងជាង ១៩៨គ.ម សម្រេច បាន ៥៤,៨៩% ហើយ។ នេះបើយោងតាមការចុះពិនិត្យការដ្ឋានផ្ទាល់របស់រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល កាលពីថ្ងៃទី ៣ ធ្នូ នេះ។ គម្រោងសាងសង់ផ្លូវជាតិលេខ១០ នេះតភ្ជាប់ពីសំឡូត- វាលវែង-អូរសោមដល់កោះកុង សាងសង់ស្របតាមបទដ្ឋានបច្ចេកទេសកម្រិត៣ របស់ប្រទេសចិន មានទទឹងតួផ្លូវសរុបចំនួន ៩ម៉ែត្រ ជាប្រភេទផ្លូវកៅស៊ូពីរស្រទាប់(DBST)។ គម្រោងនេះរួមមានការសាងសង់ស្ពានចំនួន ២៣កន្លែង ប្រវែង ១៧២១,៤៦ម៉ែត្រ ដែលក្នុងនោះមានស្ពានខ្ពស់ជាងគេមួយកម្ពស់៧៥ម៉ែត្រ បណ្តោយ៥៣០ម៉ែត្រ និងទទឹង១០ម៉ែត្រ ព្រមទាំងមានបំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោលសុវត្ថិភាពផងដែរ។ គម្រោងផ្លូវនេះមានការជ្រើសរើសគន្លងផ្លូវថ្មីប្រវែងសរុប ៦៥,៨៩គីឡូម៉ែត្រ ដើម្បីធ្វើផ្លូវពង្វាងពីភ្នំក្រវាញ ព្រោះតែមិនចង់វះកាត់ភ្នំក្រវាញជាពីរនាំឱ្យប៉ះពាល់ដល់បរិស្ថាន និងជម្រកសត្វព្រៃធ្ងន់ធ្ងរ។ គម្រោងផ្លូវនេះត្រូវបានបើកការដ្ឋានសាងសង់កាលពីថ្ងៃទី០៩ ខែមីនា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់សម្តេចនាយករដ្ឋមន្រ្តី ហ៊ុន សែន ដែលកំពុងសាងសង់ដោយទុន ១៨៨,៣៨ លានដុល្លារ ដែលជាកម្ចីពីចិន រួមនឹងថវិកាបដិភាគរបស់រដ្ឋ។ ផ្លូវនេះសាងសង់ដោយក្រុមហ៊ុន សាជីវកម្មស្ពានថ្នល់ចិន […]
អានបន្ថែម
ស្ពានអាកាសចោមចៅសម្រេចបាន៩០% និងគ្រោងបញ្ចប់នៅខែមីនាឆ្នាំក្រោយ
ការសាងសង់ស្ពានអាកាសចោមចៅ សម្រេចបាន ៩០% បើគិតត្រឹមថ្ងៃទី៣ ខែវិច្ឆិកានេះ ដោយគ្រោងបញ្ចប់ជាស្ថាពរនៅខែមីនាឆ្នាំក្រោយ។ លោក សាំង ពិសិដ្ឋ ប្រធានមន្ទីរសាធារណការ និងដឹកជញ្ជូនរាជរធានីភ្នំពេញ បានឱ្យដឹងថា ការងារសាងសង់ កំពុងបន្តដើម្បីបញ្ចប់គម្រោង ១០%ទៀត ដែលនៅសល់ ឱ្យចប់តាមផែនការនៅ ខែមីនា ឆ្នាំក្រោយ។ បច្ចុប្បន្ន ក្រុមការងារកំពុងពន្លឿនការងារសាងសង់ ខណៈហេដ្ឋារចនាសម្ព័ន្ធមួយចំនួនផ្លូវក្រោមដី បានដាក់ឱ្យប្រើប្រាស់បណ្តោះអាសន្ន សម្រាប់សម្រួលចរាចរណ៍។ លោក សាំង ពិសិដ្ឋ បញ្ជាក់ថា ទោះបញ្ចប់ខែមីនាឆ្នាំក្រោយក្ដី កាលបរិច្ឆេទនៃការដាក់សម្ពោធនៅមិនទាន់កំណត់នៅឡើយទេ។ ស្ពានអាកាសចោមចៅនេះ ត្រូវបានសាងសង់ដោយក្រុមហ៊ុន OCIC ដោយប្រើប្រាស់ថវិកាសាងសង់ប្រមាណ ២២ លានដុល្លារ ហើយនឹងចំណាយពេលសាងសង់រយៈពេល៣០ខែ។ (អានបន្ថែម)
អានបន្ថែម
ហេតុអ្វីអ្នកអភិវឌ្ឍអចលនទ្រព្យធំៗហ៊ានបោះទុនបន្ថែមសង់គម្រោងនានាទោះក្នុងវិបត្តិកូវីដ?
សរសរដោយ៖ អ្នកវិភាគអចលនទ្រព្យឯករាជ្យលោក Eric Won Chon Lap ២ ឆ្នាំនៃវិបត្តិកូវីដ បានធ្វើឱ្យក្រុមហ៊ុនជាច្រើនជួបនឹងបញ្ហា ខ្លះត្រូវបិទ និងខ្លះទៀតត្រូវខំរស់ដោយបង្កើតការប្រកួតប្រជែងក្នុងទីផ្សារ។ ដោយឡែក អ្នកអភិវឌ្ឍន៍អចលនទ្រព្យធំៗជាច្រើននៅកម្ពុជា បានសម្របខ្លួនបានយ៉ាងរហ័ស ដោយប្រើប្រាស់ចំណូលពីអាជីវកម្មចម្រុះរបស់ពួកគេ។ អ្នកអភិវឌ្ឍន៍ខ្លះទៀត យល់ឃើញថាអំឡុងពេលកូវីដនេះគឺជាឱកាស ហើយសង្ងំពង្រីកប្រតិបត្តិការអាជីវកម្ម ឬសាងសង់គម្រោងថ្មីៗ ជាច្រើន ទិសដៅដើម្បីឱ្យគម្រោងទាំងនោះសម្រេចរួចរាល់ ស្របពេលដែលសេដ្ឋកិច្ចត្រឡប់មករស់រវើក និងត្រឡប់មកវិញនូវនិយោគិនអន្តរជាតិក្នុងពេលឆាប់ៗខាងមុខនេះ។ អ្នកអភិវឌ្ឍន៍ធំៗជាច្រើនបានប្រកាសលក់ និងសាងសង់គម្រោងជាច្រើនក្នុងអំឡុងពេលកូវីដនេះ ដោយដាក់ផែនការបញ្ចប់នៅឆ្នាំ ២០២៣ ដល់ឆ្នាំ ២០២៥។ រយៈពេល ៣ ទៅ ៥ ឆ្នាំខាងមុខនេះ គឺជាពេលដែលអ្នកជំនាញអចលនទ្រព្យបានព្យាករណ៍ថាទីផ្សារនឹងចាប់ផ្តើមងើបឡើងវិញ។ តួយ៉ាងដូចជា ក្រុមហ៊ុន ជីប ម៉ុង លែន ដែលបង្ហាញពីផែនការចង់ប្រែក្លាយខណ្ឌជ្រោយចង្វារ តាមបណ្តោយផ្លូវជាតិលេខ ៦អា ទៅជាទីក្រុងស៊ីវិល័យថ្មីមួយ ជាមួយនឹងការអភិវឌ្ឍន៍បូរីផាកលែន ៦អា។ តាមផែនការ គម្រោងនឹងបញ្ចប់នៅឆ្នាំ ២០២៣ ព្រោះក្រុមហ៊ុនមានទំនុកចិត្តថាកូវីដ១៩នឹងបញ្ចប់ នៅពេលនោះ ហើយឧស្សាហកម្មអចលនទ្រព្យក៏នឹងស្ទុះងើបឡើងវិញខ្លាំងដែរ។ លើសពីនេះ ក្រុមហ៊ុន ជីប […]
អានបន្ថែម
អ្វីទៅជាដីសម្បទានសង្គមកិច្ច? ដើម្បីទទួលបានដីសម្បទានសង្គមកិច្ច តើត្រូវមានលក្ខខណ្ឌអ្វីខ្លះ?
តាំងពីចាប់ផ្ដើមគម្រោងកាលពីឆ្នាំ ២០០៨ មកទល់បច្ចុប្បន្ន ដីធ្លីសរុបយ៉ាងហោចជាង ៣ម៉ឺនហិកតា ត្រូវបានផ្ដល់ជូនប្រជាពលរដ្ឋក្រីក្រជាង ៥ ម៉ឺនគ្រួសារ ដោយចំណាយថវិកាសរុបជិត ៤០ លានដុល្លារ តាមរយៈគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ឬស្គាល់ជាទូទៅថា LASED ។ តើដីសម្បទានសង្គមកិច្ចជាអ្វី? ពលរដ្ឋក្រីក្រត្រូវមានលក្ខណៈសម្បត្តិអ្វីខ្លះទើបទទួលបានដី? ប្រជាជនទូទៅមានសិទ្ធិឬទេ? បើតាមអនុក្រឹត្យលេខ ១៩ អនក្រ.បក ចុះថ្ងៃទី១៩ ខែមីនា ឆ្នាំ២០០៣ ដីសម្បទានសង្គមកិច្ច គឺជាយន្តការផ្ទេរដីឯកជនរបស់រដ្ឋតាមផ្លូវច្បាប់ សម្រាប់គោលបំណងសង្គមកិច្ចដល់ជនក្រីក្រ ដែលខ្វះខាតដីសម្រាប់សង់លំនៅឋាន ឬ/និងធ្វើកសិកម្មជាលក្ខណៈគ្រួសារ។ ដីសម្បទានសង្គមកិច្ចនេះមានច្រើនទម្រង់ និងច្រើនកម្មវិធី ប៉ុន្តែកម្មវិធីដែលពេញនិយមជាងគឺ LASED ដែលជាការសហការគ្នារវាងក្រសួងរៀបចំដែនដី នគរូបនីយកម្ម និងសំណង់ និងធនាគារពិភពលោក និងសរុបជំហានទី ៣ ក្រោមទឹកប្រាក់ ១៣០លានដុល្លារ។ (អានបន្ថែម) តាមច្បាប់ ដីសម្បទានសង្គមកិច្ចសម្រាប់សង់លំនៅឋាន គឺមានទំហំធំបំផុត ១២០០ ម៉ែត្រការ៉េ តែករណីដីមានទីតាំងនៅតំបន់ជនបទ ដីអាចមានទំហំដល់ទៅ ៣៦០០ ម៉ែត្រការ៉េ។ ដោយឡែក ចំពោះនៅតាមតំបន់ទីក្រុង សម្បទានដីសង្គមកិច្ចខ្លះ […]
អានបន្ថែម
ការដ្ឋានច្រកព្រំដែនខ្មែរ-ថៃស្ទឹងបត់ និងផ្លូវថ្មីភ្ជាប់ទៅផ្លូវជាតិលេខ៥ សម្រេចបាន ៣០% ហើយ
បើគិតត្រឹមថ្ងៃទី ៣០ ខែវិច្ឆិកា ឆ្នាំ២០២១ គម្រោងសាងសង់អគារច្រកទ្វារអន្តរជាតិស្ទឹងបត់ និង ផ្លូវតភ្ជាប់ទៅផ្លូវជាតិលេខ៥ សម្រេចបានប្រមាណ ៣០,៣៧ % ហើយ។ នេះបើតាមដំណើរចុះពិនិត្យរបស់គណៈប្រតិភូក្រសួងសាធារណការ និងដឹកជញ្ជូន និងគណៈប្រតិភូនីដា (NEDA) នៃប្រទេសថៃ។ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានឱ្យដឹងថា បច្ចុប្បន្នក្រសួងកំពុងពិនិត្យ និងពន្លឿនការងារសាងសង់ ធ្វើយ៉ាងណាឱ្យសម្រេចទៅតាមផែនការ ទិសដៅសម្រួលដល់ ការដឹកជញ្ជូនទំនិញ និងពាណិជ្ជកម្មនៃប្រទេសទាំង២ ឱ្យបានឆាប់ៗខាងមុខនេះ។ ទោះស្ថិតក្នុងដំណាក់កាលសាងសង់ក្ដី ភាគីថៃ និងកម្ពុជា ក៏បានព្រមព្រៀងគ្នាថានឹងបើកច្រកទ្វារនេះជាបណ្តោះអាសន្ន សម្រាប់ការដឹកជញ្ជូនទំនិញ ក្នុងពេលឆាប់ៗនេះ។ (អានបន្ថែម) គម្រោងច្រកទ្វារនេះ នឹងរួមមានការសាងសង់អគារច្រកត្រួតពិនិត្យព្រំដែន សំណង់អគារអន្តេវាសិកដ្ឋាន ចំណតសម្រាប់ផ្ទេរទំនិញឆ្លងកាត់ ឃ្លាំង និងទីលានកុងទីន័រ និងអគាររដ្ឋបាលជាដើម។ ថ្មីៗនេះ ភាគីថៃ និងកម្ពុជា ក៏គ្រោងនឹងបំពាក់គ្រឿងម៉ាស៊ីនត្រួតពិនិត្យកាំរស្មើអិចលើទំនិញដែលឆ្លងកាត់ច្រកទ្វារព្រំដែននេះ ទិសដៅដើម្បីធ្វើទំនើបកម្ម និងពន្លឿននីតិវិធីត្រួតពិនិត្យទំនិញឆ្លងកាត់ព្រំដែន។ (អានបន្ថែម) គួរបញ្ជាក់ថា គម្រោងនេះ កំពុងសាងសង់ដោយក្រុមហ៊ុន CM […]
អានបន្ថែម
ផ្លូវលេខ១៤៨ ពីស្ទឹងហាវដល់កំពង់ផែក្រុងព្រះសីហនុ សាងសង់បានជាង ៤០%ហើយ
ការដ្ឋានស្ថាបនាផ្លូវខេត្តលេខ១៤៨ ប្រវែងជាង ១៨គីឡូម៉ែត្រ ចាប់ពីរង្វង់មូលស្ទឹងហាវដល់កំពង់ផែស្វយ័តក្រុងព្រះសីហនុ សាងសង់សម្រេចបាន ៤០,៨៩% ហើយ។ នេះបើតាមឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងកិច្ចពិនិត្យការដ្ឋានកាលថ្ងៃទី០២ ខែធ្នូ ឆ្នាំ២០២១។ ឯកឧត្តម ស៊ុន ចាន់ថុល បានឱ្យដឹងថា ការចុះពិនិត្យនេះ គឺដើម្បីធានាគុណភាពរឹងមាំ និងអាចប្រើប្រាស់ជាប់បានយូរអង្វែង ខណៈវឌ្ឍនភាពការងារ ៤០,៨៩% នេះ គឺលឿនជាងផែនការប្រមាណ ១,៥៥%។ ជាមួយគ្នានេះ ឯកឧត្តម ក៏បានណែនាំឱ្យក្រុមហ៊ុនទទួលម៉ៅការសាងសង់ ទទួលខុសត្រូវខ្ពស់លើការងារសាងសង់ប្រព័ន្ធលូបង្ហូរតាមស្តង់ដាបច្ចេកទេស ធ្វើយ៉ាងណា ធ្វើម្តងឱ្យហើយ កុំធ្វើម្តងហើយម្តងទៀត ដែលនាំឱ្យខាតបង់ពេលវេលា និងថវិកា។ គួរបញ្ជាក់ថា កំណាត់ផ្លូវនេះ បានចាប់បើកការដ្ឋានសាងសង់កាលពីថ្ងៃទី១៧ ខែមេសា ឆ្នាំ២០២០។ គម្រោងនេះ សាងសង់ដោយក្រុមហ៊ុនសាជីវកម្មស្ពានថ្នល់ចិន(CRBC) ដោយប្រើប្រាស់ថវិកាសន្សំរបស់ជាតិ ដោយនឹងសាងសង់ចំនួន ២៨ខែ។ កំណាត់ផ្លូវនេះ គឺជាផ្លូវវាងក្រុងដ៏មានសក្ដានុពលសម្រាប់បម្រើឱ្យការដឹកជញ្ជូនទំនិញនាំចេញនាំចូលតាមនាវា កសិផល និងជលផលរបស់ពលរដ្ឋ កាន់តែងាយស្រួល ចំណាយតិច និងចូលរួមចំណែកដល់ការកាត់បន្ថយការកកស្ទះចរាចរណ៍ យានយន្តដឹកជញ្ជូនទំនិញធុនធ្ងន់តាមផ្លូវជាតិលេខ៤ផងដែរ៕
អានបន្ថែម
សម្ដេចថា កម្ពុជាទទួលបានសិទ្ធិផលិតពី Sinovac ហើយគ្រោងសង់រោងចក្រក្នុងស្រុកឆាប់ៗ
កម្ពុជាបានទទួលសិទ្ធពីក្រុមហ៊ុនរបស់ប្រទេសចិនរួចមកហើយ ក្នុងការបង្កើតរោងចក្រផលិតវ៉ាក់សាំងកូវីដ១៩ ប្រភេទ Sinovac ដោយខ្លួនឯងក្នុងស្រុក ដោយមានការគាំទ្រពីរដ្ឋាភិបាលចិន និងរដ្ឋាភិបាលកម្ពុជា។ នេះជាការបញ្ជាក់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅក្នុងពិធីសម្ពោធផ្លូវ៣៧ខ្សែ និងអាងប្រព្រឹត្តិកម្មទឹកកខ្វល់នៅខេត្តព្រះសីហនុ នៅថ្ងៃទី២ ខែធ្នូ។ សម្តេចលើកឡើងថា ក្រុមហ៊ុនឯកជនក្នុងស្រុកមួយ ទទួលបានសិទ្ធិក្នុងការផលិតវ៉ាក់សាំង Sinovac នេះហើយ។ សម្តេចតេជោ ថ្លែងថា៖ «យើងបានទទួលសិទ្ធក្នុងការផលិតវ៉ាក់សាំងក្នុងប្រទេសយើង ដែលអាចផ្តល់លទ្ធភាពអាចឱ្យយើងទិញយកវ៉ាក់សាំងដែលជាផលិតផលសម្រេចយកមកប្រើប្រាស់ក្នងស្រុកយើង ហើយក៏អាចឱ្យក្រុមហ៊ុននាំចេញ ព្រោះយើងអត់ដឹងថាពេលណាកូវីដត្រូវចប់ទេ បានជាយើងស្វះស្វែង មិនត្រឹមតែដើររកទិញទេ យើងស្នើសុំការចែករំលែកពីមិត្តចិនចំពោះការផលិតវ៉ាក់សាំងទៅជាផលិតផលសម្រេច»។ គិតត្រឹមដើមខែធ្នូ កម្ពុជា បានចាក់វ៉ាក់សាំងជូនប្រជាពលរដ្ឋបានប្រមាណ ៨៨% ធៀបនឹងប្រជាជនសរុប បច្ចុប្បន្នកម្ពុជាមានសល់វ៉ាក់សាំងកូវីដ១៩ក្នុងឃ្លាំង ប្រមាណ១០លានដុសទៀត។
អានបន្ថែម
គម្រោងពង្រីកកំពង់ផែព្រះសីហនុបើកដេញថ្លៃរកអ្នកសាងសង់ហើយ ការដ្ឋានគ្រោងបើកឆ្នាំ ២០២២
គម្រោងពង្រីកកំពង់ផែទឹកជ្រៅខេត្តព្រះសីហនុដំណាក់កាលទី ១ ក្រោមជំនួយ ២០០លានដុល្លាររបស់ជប៉ុន បានបញ្ចប់ការគូរប្លង់ហើយ បច្ចុប្បន្នស្ថិតក្នុងដំណាក់កាលដាក់ដេញថ្លៃ ជ្រើសរើសអ្នកសាងសង ខណៈការដ្ឋានគ្រោងនឹងចាប់ផ្ដើមនៅឆ្នាំ ២០២២ ខាងមុខនេះ។ ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជាទទួលបន្ទុកជា អគ្គនាយកកំពង់ផែស្វយ័ត ក្រុងព្រះសីហនុ មានប្រសាសន៍ថា គម្រោងពង្រីកជំហានទី១ នឹងធ្វើនៅឆ្នាំ២០២២ ដោយគ្រោងនឹងបញ្ចប់ការសាងសង់នៅឆ្នាំ២០២៥។ ជាក់ស្ដែង តាមផែនការដំបូង ការដ្ឋានត្រៀមបើតាំងពី២០២១ នេះមកម្ល៉េះ តែក្រុមការងារបានធ្វើកែសម្រួលគំរូប្លង់ខ្លះ ទើបពន្យារទៅឆ្នាំ ២០២២។ បើយោងតាមផែនការឆ្នាំ ២០២០-២០៣០ គម្រោងពង្រីកកំពង់ផែទឹកជ្រៅខេត្តព្រះសីហនុមានសរុប ៥ជំហាន។ សម្រាប់ជំហានទី១នេះ ជប៉ុនផ្ដល់កម្ចីជាង ២០០លានដុល្លារ ដើម្បីពង្រីកកំពង់ផែទៅជម្រៅ ១៤,៥ម៉ែត្រ និងប្រវែង ៣៥០ម៉ែត្រ។ (អានបន្ថែម) ក្រោយជំហានទី ១ សាងសង់រួច កំពង់ផែនៅកម្ពុជានឹងធានាដល់ការចូលចតនាវាកុងតឺន័រខ្នាតធំៗ មានចំណុះរហូតដល់ទៅ ៦ម៉ឺនតោន ឬ ស្មើនឹង ៩៣% នៃចំនួននាវាប្រចាំតំបន់អាស៊ី-ប៉ាស៊ីហ្វិក។ ដោយឡែករដ្ឋាភិបាលកំពុងបើកឱ្យដៃគូអភិវឌ្ឍសិក្សាជំហានទី ២ និងទី ៣ ដែលមានជម្រៅ ១៦ម៉ែត្រ […]
អានបន្ថែម
ដំបូងក្នុងប្រវត្តិសាស្រ្ត! ពិព័រណ៍សំណង់កម្ពុជា២០២១ ចាប់ផ្ដើមពីថ្ងៃនេះហើយ តាមប្រព័ន្ធអនឡាញ
ពិព័រណ៍សំណង់ដ៏ធំបំផុតនៅកម្ពុជាប្រចាំ ២០២១ ដែលរៀបចំឡើងដោយ សមាគមអ្នកសាងសង់កម្ពុជា ឬ CCA តាមប្រព័ន្ធអនឡាញ ចាប់ផ្ដើមពីថ្ងៃទី ២ ធ្នូ នេះហើយ ដោយនឹងធ្វើរហូតដល់ថ្ងៃទី៤ ខែធ្នូ ឆ្នាំ ២០២១ ខាងមុខនេះ។ នេះគឺជាការឆ្លុះបញ្ចាំងពីចក្ខុវិស័យ និងការបោះជំហានថ្មីមួយរបស់សមាគម ឆ្ពោះទៅរកនិន្នការឌីជីថលនីយកម្ម ឆ្លើយតប និងបង្កាការរីករាលដាលនៃជំងឺកូវីដ ១៩ ។ នៅលើប្រព័ន្ធអនឡាញនេះ កម្មវិធីបាន និងកំពុងតាំងបង្ហាញផលិតផលរាប់ពាន់ប្រភេទ ពីស្តង់និម្មិតរាប់រយក្រុមហ៊ុន ទាំងក្នុង និងក្រៅប្រទេសលើគ្រប់វិស័យពាក់ព័ន្ធដូចជា សម្ភារៈ និងគ្រឿងចក្រសំណង់ អ្នកម៉ៅការ ស្ថាបត្យករ អ្នករចនាផ្នែកខាងក្នុង អ្នកអភិវឌ្ឍអចលនទ្រព្យ ស្ថាប័នធានារ៉ាប់រង និងហិរញ្ញវត្ថុ និងផ្សេងៗទៀត។ ប្រធានសមាគមអ្នកសាងសង់កម្ពុជា អ្នកឧកញ៉ា ពុង ឃាវសែ បានឱ្យដឹងក្នុងសុន្ទរកថាបើកកម្មវិធីកាលពីព្រឹកមិញនេះថា ការតាំងពិព័រណ៌និម្មិតនេះ គឺជាលើកទីមួយ និងជារបកគំហើញផ្នែកព័ត៌មានវិទ្យាថ្មីនៅក្នុងប្រវត្តិសាស្ត្ររបស់សមាគម ហើយអ្នកឧកញ៉ាករំពឹងថានឹងទទួលបាននូវលទ្ធផលវិជ្ជមានពីក្រុមហ៊ុនតាំងពិព័រណ៍ និងភ្ញៀវទស្សនាទាំងក្នុងស្រុក និងអន្តរជាតិ។ នេះសបញ្ជាក់ថា ខ្មែរក៏អាចធ្វើបានដែរ។ អ្នកឧកញ៉ា ពុង ឃាវសែ បញ្ជាក់ថា៖ […]
អានបន្ថែម
កូរ៉េបង្ហាញរបកគំហើញថ្មី ធ្វើឱ្យបេតុងអាចបង្កើត និងស្ដុកអគ្គិសនីខ្លួនឯងបាន
ក្រុមវិស្វករមកពីសាកលវិទ្យាល័យធំៗ៣ របស់កូរ៉េខាងត្បូង ( Incheon National University , Kyung Hee University និង Korea University) ថ្មីៗនេះ បានបង្ហាញរបកគំហើញថ្មី គឺស៊ីម៉ង់ត៍ពិសេស ឬ cement-based composite ដែលនឹងធ្វើឱ្យផ្ទៃបេតុងនៃអគារនានា អាចបង្កើត និងផ្ទុកថាមពលអគ្គិសនីបាន។ បើតាមការរចុះផ្សាយរបស់ Global Construction Review ការបង្កើតថាមពលនេះ នឹងធ្វើឡើងតាមរយៈប្រភពថាមពលមេកានិចខាងក្រៅដូចជា ការដើរជាន់ ខ្យល់ ភ្លៀង និងកំលាំងរលក ជាដើម។ ខណៈ សមាសធាតុសរសៃកាបូននៅក្នុងស៊ីម៉ង់ត៍នឹងដើរតួជា triboelectric nanogenerator (TENG) ឬជាកន្លែងស្ដុកថាមពល។ ក្រុមវិស្វករជឿជាក់ថា របកគំហើញថ្មីនេះនឹងជួយកាត់បន្ថយបញ្ហាបរិស្ថានបង្កើតចេញពីការដ្ឋានសាងសង់បានមួយចំណែកធំ។ ដោយឡែក វិស្វករបានបញ្ជាក់ទៀតថា ទោះផ្ទៃបេតុងផ្ទុកអគ្គិសីនីក្ដី អ្នកសាងសង់ និងអ្នកប្រើប្រាស់ នឹងមិនមានគ្រោះថ្នាក់ពីការឆក់ចរន្តអគ្គិសនីទេ ព្រោះផ្ទៃ carbon fibre ដែលប្រើហ៊ុនព័ន្ធចរន្តគឺក្រាស់ល្មម ខណៈចរន្តក្នុងបេតុងក៏មានកម្រិតហ្វ្រេកង់ទាប ដែលមិនអាចឆកមនុស្សបានទេ។
អានបន្ថែម
សមិទ្ធផលនានាក្នុងក្រុងព្រះសីហនុ សរុបជាង៣០០លានដុល្លារ ត្រូវដាក់ប្រើប្រាស់ក្រោមវត្តមានសម្តេចតេជោ
សមិទ្ធផលនានាក្នុងក្រុងព្រះសីហនុតម្លៃសាងសង់សរុបប្រមាណ ៣០០លានដុល្លារអាមេរិក ដែលជាថវិការបស់រដ្ឋផ្ទាល់ ត្រូវបានប្រកាសដាក់ឱ្យប្រើប្រាស់ជាផ្លូវការហើយ ក្រោមអធិបតីភាពសម្តេច ហ៊ុន សែន នាយករដ្ឋមន្រ្តីកម្ពុជា កាលពីថ្ងៃទី២ ខែធ្នូ ឆ្នាំ២០២១។ នាឱកាសនោះ សម្តេចតេជោ បានថ្លែងថា សម្រាប់ខេត្តព្រះសីហនុ គឺរដ្ឋាភិបាលមានគោលបំណងកែប្រែឱ្យក្លាយជាខេត្តពហុបំណង ដូច្នេះទើបមានការចាំបាច់កសាងហេដ្ឋារចនាសម្ព័ន្ធ រួមមានផ្លូវ ប្រព័ន្ធរំដោះទឹកកខ្វក់ជាដើម។ សមិទ្ធផលសំខាន់ៗក្នុងក្រុងព្រះសីហនុ ដែលត្រូវសម្ពោធឱ្យប្រើប្រាស់ជាផ្លូវការ ក្នុងនោះរួមមាន៖ ផ្លូវចំនួន ៣៧ខ្សែ អាងប្រព្រឹត្តកម្មទឹកកខ្វក់ចំនួន២ និងសមិទ្ធផលនានាផ្សេងទៀត។ សម្តេចបានបញ្ជាក់ថា ការខិតខំកសាងហេដ្ឋារចនាសម្ព័ន្ធទាំងនេះ គឺសម្រាប់មនុស្សបច្ចុប្បន្ន និងក្មេងជំនាន់ក្រោយផងដែរ។ សម្ដេចក៏បានប្រកាសទៀតថា ខ្មែរនឹងព្យាយាមឱ្យអស់ពីលទ្ធភាព ធ្វើយ៉ាងណាសាងសង់ហេដ្ឋារចនាសម្ព័ន្ធនានា ដោយថវិកា និងស្នាដៃខ្លួនឯងផ្ទាល់ ដោយនឹងពឹងបរទេស ឬដៃគូអភិវឌ្ឍឱ្យតិចតួចបំផុត បើអាចទៅរួច ព្រោះសម្ដេចថា «ខ្មែរអាចធ្វើបាន»។ (អានបន្ថែម)
អានបន្ថែម