ឆ្នាំ ២០២២ រដ្ឋបង្កើតទីលានចាក់សំរាមស្តង់ដារយ៉ាងហោច ៦ កន្លែងទៀតតាមបណ្តាខេត្តនានា
រដ្ឋាភិបាលកម្ពុជាគ្រោងបង្កើតទីលានចាក់សំរាមស្តង់ដារបច្ចេកទេសត្រឹមត្រូវ នៅតាមបណ្តាខេត្តសំខាន់ៗមួយចំនួនទៀត ដោយយ៉ាងហោចគ្រោងនឹងបង្កើត ៦ កន្លែងនៅឆ្នាំ ២០២២ ខាងមុខនេះ ដើម្បីរួមចំណែក លើកកម្ពស់ប្រសិទ្ធភាពនៃការគ្រប់គ្រងកាកសំណល់។ នេះជាការបញ្ជាក់របស់ ឯកឧត្តម នេត្រ ភក្រ្តា រដ្ឋលេខាធិការក្រសួងបរិស្ថាន ក្នុងអំឡុងពេលទស្សនកិច្ច ទីលានចាក់សំរាមនៅខេត្តព្រះសីហនុ ដែលទើបតែនឹងដាក់ឱ្យដំណើរការកាលពីពេលថ្មីៗនេះ។ ថ្លែងប្រាប់អ្នកសារព័ត៌មាន កាលពីថ្ងៃទី៣០ ខែវិច្ឆិកា ឆ្នាំ២០២១ នេះ ឯកឧត្តម នេត្រ ភក្រ្តា បញ្ជាក់ថា ទីលានខេត្តព្រះសីហនុ គឺជាទីលានចាក់សំរាមលើកដំបូងនៅកម្ពុជា ដែលបង្កើតឡើងដោយមានលក្ខណៈស្តង់ដារត្រឹមត្រូវតាមបច្ចេកទេស។ នៅក្នុងឆ្នាំ២០២២ខាង មុខនេះ រដ្ឋាភិបាល គ្រោងបង្កើតឱ្យមាននៅតាមបណ្តាខេត្តឯទៀតដូចជាខេត្តកែប កំពង់ឆ្នាំង ពោធិសាត់ បាត់ដំបង បន្ទាយមានជ័យ ស្វាយរៀង ជាដើម ដោយយកទីលាននៅខេត្តព្រះសីហនុជាគំរូ។ គួរបញ្ជាក់ថា ទីលានចាក់សំរាមក្នុងខេត្តព្រះសីហនុ ត្រូវបានសាងសង់ឡើងលើផ្ទៃដីទំហំ ៥១ហិកតា ក្នុងក្របខណ្ឌបន្ទុកចំណាយថវិកាជាតិសរុបជាង ៥,៣១លានដុល្លារអាមេរិក។
អានបន្ថែម
សម្ដេច៖ កោះកុង កំពត កែប និងខេត្តតាមដងទន្លេចាំបាច់ត្រូវមានប្រព័ន្ធចម្រោះទឹក និងលូស្ដង់ដា
សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា បានលើកឡើងថា កម្ពុជាគ្រោងនឹងកសាង ប្រព័ន្ធលូស្ដង់ដា និងរោងចក្រចម្រោះទឹកកខ្វក់បន្ថែមទៀត នៅតាមច្រើនកន្លែង នៅតាមបណ្ដាខេត្តជាប់មាត់សមុទ្រ និងដងទន្លេនានា ដើម្បីលើកកម្ពស់កម្ពុជាឱ្យក្លាយជាប្រទេសស្រលាញ់បរិស្ថាន និងមាននិរន្តរភាព។ សម្ដេចបានមានប្រសាសន៍ដូច្នេះ ក្នុងកិច្ចចុះពិនិត្យហេដ្ឋារចនាសម្ព័ន្ធនានា នៅខេត្តព្រះសីហនុ កាលពីរសៀលថ្ងៃទី ១ ធ្នូនេះ។ សម្តេច មានប្រសាសន៍ថា៖ «ទីក្រុងទំនើប មិនមែនមានតែផ្លូវស្អាត និងអគារខ្ពស់ៗនោះទេ ចាំបាច់ត្រូវមានប្រព័ន្ធការពារទឹកកខ្វក់ផងដែរ»។ «ហេតុនេះ ទៅថ្ងៃខាងមុខ កម្ពុជាគ្រោងកសាងរោងចក្រ និងស្ថានីយប្រព្រឹត្តិកម្មទឹកកខ្វក់បន្ថែមទៀត នៅខេត្តជាប់មាត់សមុទ្រ ដូចជា កោះកុង កំពត កែប ខេត្តតាមដងទន្លេមេគង្គ និងទន្លេសាប ក្នុងគោលបំណងដើម្បីការពារបរិស្ថានទឹក មុននឹងបញ្ចេញទឹកកខ្វក់ចោលទៅក្នុងសមុទ្រ និងទន្លេជាដើម» សម្ដេចបានបន្ដ។ គួរបញ្ជាក់ដែរថា បច្ចុប្បន្នខេត្តព្រះសីហនុ បាននិងកំពុងសាងសង់ មានស្ថានីយប្រព្រឹត្តកម្មដល់ទៅ ៣ កន្លែង ដែលសុទ្ធសឹងតែប្រើបចេ្ចកវិទ្យាទំនើបចុងក្រោយ MABR ដែលអាចចម្រោះទឹកបានស្អាត គ្មានក្លិន និងគ្មានជាតិពុលដល់បរិស្ថាន។ ស្ថានីយប្រព្រឹត្តិកម្មទឹកកខ្វក់ទី១ មានសមត្ថភាពប្រព្រឹត្តិកម្មទឹកកខ្វក់ ៥ ២00 […]
អានបន្ថែម
សម្ដេច៖ បើទៅរួច ខ្មែរចង់ធ្វើហេដ្ឋារចនាសម្ព័ន្ធដោយថវិកា និងដៃខ្លួនឯងផ្ទាល់ ព្រោះខ្មែរអាចធ្វើបាន
សម្ដេចនាយករដ្ឋមន្រ្តី ហ៊ុន សែន បានប្រកាសថា ខ្មែរនឹងព្យាយាមឱ្យអស់លទ្ធភាព ធ្វើយ៉ាងណាសាងសង់ហេដ្ឋារចនាសម្ព័ន្ធនានា ដោយថវិកា និងស្នាដៃខ្លួនឯងផ្ទាល់ ដោយនឹងពឹងបរទេស ឬដៃគូអភិវឌ្ឍឱ្យតិចតួចបំផុត បើទៅរួច ព្រោះសម្ដេចថា «ខ្មែរអាចធ្វើបាន»។ សម្ដេចបានមានប្រសាសន៍ដូច្នេះ ក្នុងកិច្ចចុះពិនិត្យហេដ្ឋារចនាសម្ព័ន្ធនានា នៅខេត្តព្រះសីហនុ កាលពីរសៀលថ្ងៃទី ១ ធ្នូ នេះ។ សម្ដេចថា៖ «ជាក់ស្ដែង កម្ពុជាតែងតែសន្សំថវិកាជាបន្ដបន្ទាប់ ទិសដៅដើម្បីទុកកសាងហេដ្ឋារចនាសម្ព័ន្ធស្ពានថ្នល់នានា ដោយខ្លួនឯង។ លុយខ្លួនឯង ចង់ធ្វើកន្លែងណា ពេលណា ក៏បាន។ តួយ៉ាងដូចជា ផ្លូវ ៣៤ ខ្សែ នៅខេត្តព្រះសីហនុ និង ៣៨ខ្សែ នៅសៀមរាប គឺជាថវិការបស់រដ្ឋផ្ទាល់តែម្ដង»។ «ប៉ុន្តែកូវីដ បានមកឆកយកថវិកាជាង ២៣០០ លានដុល្លារ។ ដូច្នេះ យើងត្រូវបន្ដសុំជំនួយពីដៃគូបរទេសសិន» សម្ដេចបានបន្ដ។ លើសពីនេះ សម្ដេចបញ្ជាក់ទៀតថា រាល់ឧបករណ៍ សម្ភារៈ និងបច្ចេកវិទ្យាដែលយកមកសាងសង់ហេដ្ឋារចនាសម្ព័ន្ធនានានៅកម្ពុជា ត្រូវតែប្រើរបស់ទំនើប មិនប្រើរបស់ចាស់សល់ពីគេទេ ជាក់ស្ដែងដូចជាប្រព័ន្ធចម្រោះទឹកកខ្វក់នៅខេត្តព្រះសីហនុគឺប្រើបច្ចេកវិទ្យាថ្មីបំផុតពីអ៊ីស្រាអែល ព្រោះទឹកដែលចម្រោះរួចហើយអាចចិញ្ចឹមត្រីបាន។ «យើងធ្លាប់មានបទពិសោធន៍ហើយ […]
អានបន្ថែម
ការធ្វើទំនើបកម្មទ្រង់ទ្រាយធំលើការត្រួតពិនិត្យនាវាចរណ៍ Port EDI សម្រេចជិត ១០០% ហើយ
ក្រសួងសាធារណការ និងដឹកជញ្ជូន បានឱ្យដឹងថា គិតត្រឹមថ្ងៃទី៣០ ខែវិច្ឆិកា ឆ្នាំ២០២១ វឌ្ឍនភាពការងារអភិវឌ្ឍប្រព័ន្ធផ្លាស់ប្ដូរទិន្នន័យអេឡិចត្រូនិចនៅកំពង់ផែ (Port EDI) សម្រេចបានជិត ១០០%ហើយ នៅសល់តែការងារបច្ចេកទេសមួយចំនួនតូចប៉ុណ្ណោះ។ ឯកឧត្ដម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានឱ្យដឹងដូច្នេះ ក្នុងកិច្ចប្រជុំប្រចាំខែស្ដីពីវឌ្ឍនភាពគម្រោងប្រព័ន្ធ (Port EDI) កាលពីថ្ងៃទី ៣០ ខែវិច្ឆិកា នេះ។ ក្នុងកិច្ចប្រជុំ ក្រុមការងារក៏បានពិភាក្សាលើការពិនិត្យលទ្ធភាពដោះស្រាយបញ្ហានៃការផ្គត់ផ្គង់អគ្គិសនីឱ្យមានស្ថិរភាព ដើម្បីសម្រួលដល់ដំណើរការអភិវឌ្ឍប្រព័ន្ធ និងការបណ្ដុះបណ្ដាលពីក្រុមជំនាញការ JICA ដោយផ្ទាល់អំពីការប្រើប្រាស់ប្រព័ន្ធនេះនៅកំពង់ផែក្រុងព្រះសីហនុផងដែរ ដែលគ្រោងនឹងធ្វើឡើងនៅមករា ឆ្នាំ២០២២ខាងមុខ។ ទាក់ទិននឹងសំណើរសុំអគ្គិសនី ឯកឧត្តមបន្តថា បច្ចុប្បន្នក្រុមការងារបច្ចេកទេស កំពុងរៀបចំសំណើដាក់ជូនថ្នាក់ដឹកនាំក្រសួងសុំគោលការណ៍ឯកភាព។ គួរបញ្ជាក់ថា ប្រព័ន្ធ Port EDI គឺជាការធ្វើទំនើបកម្មទ្រង់ទ្រាយធំលើការត្រួតពិនិត្យនាវាចរណ៍ចេញ-ចូលនៅកម្ពុជា ដោយប្តូរការធ្វើការដោយដៃ មកធ្វើការលើប្រព័ន្ធអនឡាញវិញ។ បច្ចុប្បន្នរាល់ការធ្វើបែបបទនាវាចរណ៍ ចេញ-ចូល គឺត្រូវចំណាយពេលរង់ចាំយូរ មានការលំបាក និងនីតិវិធីស្មុគស្មាញ។ ប៉ុន្តែនៅពេលប្រព័ន្ធ Port EDI នេះដំណើរការ វានឹងជួយសម្រួលដល់ការធ្វើបែបបទឱ្យងាយស្រួលជាងមុន ចំណេញពេលវេលា […]
អានបន្ថែម
UNDP សន្យាជួយកៀងគរជំនួយហិរញ្ញវត្ថុសម្រាប់គម្រោងរោងចក្រថាមពលនានានៅកម្ពុជា
UNDP បានសន្យាថា នឹងជួយស្វែងរកជំនួយផ្សេងៗ និងកៀងគរថវិកាពីដៃគូអភិវឌ្ឍន៍នានា ដើម្បីអភិវឌ្ឍវិស័យថាមពលរបស់កម្ពុជា ជាពិសេសលើគម្រោងប្រសិទិ្ធភាពថាមពល និងការប្រយុទ្ធប្រឆាំងបញ្ហាប្រែប្រួលអាកាសធាតុ។ នេះជាការលើកឡើងរបស់លោកស្រី Alissar Chaker ប្រធានUNDP ប្រចាំកម្ពុជាក្នុងជំនួបរវាងឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពលនៅថ្ងៃទី៣០ ខែវិច្ឆិកា ឆ្នាំ២០២១។ ក្នុងជំនួបខាងលើនេះ ភាគីទាំងពីរ បានស្វែងយល់បន្ថែមអំពីទស្សន:វិស័យរបស់ក្រសួង និងគម្រោងអាទិភាពនានាពាក់ព័ន្ធទៅនឹងការអភិវឌ្ឍប្រសិទិ្ធភាពថាមពល ក៏ដូចជាឱកាស និងគំនិតផ្តួចផ្តើមថ្មីៗបន្ថែមទៀត ដើម្បីបន្តនិងជំរុញកិច្ចសហប្រតិបត្តិការក្នុងវិស័យថាមពល។ លើសពីនេះ ភាគីទាំងពីរ ក៏បេ្តជ្ញាពង្រឹងការអនុវត្តស្របតាមអនុស្សារណៈយោគយល់គ្នា និងពង្រឹងភាពជាដៃគូ ក្នុងវិស័យថាមពលបន្តទៀត។ ឯកឧត្តមរដ្ឋមន្ត្រី ស៊ុយ សែម បានបង្ហាញនូវគោលដៅនៃការអភិវឌ្ឍវិស័យថាមពលនៅកម្ពុជា លទ្ធផលការងារ ក៏ដូចជាការរៀបចំគោលនយោបាយជាតិស្តីពីប្រសិទ្ធិភាពថាមពលពាក់ព័ន្ធទៅនឹងបញ្ហាអាកាសធាតុផងដែរ។
អានបន្ថែម
ខុនដូស្ដង់ដាជប៉ុនកណ្ដាលក្រុង L’attrait បញ្ចប់ការសាងសង់ជាស្ថាពរ និងបើកដំណើរការហើយ
L’attrait BOEUNG KENG KANG ដែលជាគម្រោងខុនដូលំដាប់ខ្ពស់ដំបូងគេបង្អស់ដែលអភិវឌ្ឍដោយក្រុមហ៊ុនជប៉ុន ត្រូវបានបញ្ចប់ការសាងសង់ជាស្ថាពរ និងដំណើរការទាំងស្រុងចាប់ពីខែវិច្ឆិកានេះតទៅ បើទោះបីជាគម្រោងរងផលប៉ះពាល់ពីវិបត្តិកូវីដ-១៩ ក្ដី។ មានទីតាំងស្ថិតនៅកណ្ដាលបេះដូងនៃរាជធានីភ្នំពេញ សង្កាត់បឹងកេងកង ១ អគារខុនដូនេះ មានកម្ពស់ ២៦ ជាន់ និង ១៤៩ យូនីត ដែលរួមមានបន្ទប់ស្ទូឌីយ៉ូ បន្ទប់គេង១ បន្ទប់គេង២ និងយូនីត penthouse ។ គម្រោងនេះត្រូវបានរងផលប៉ះពាល់យ៉ាងខ្លាំងពីវិបត្តិកូវីដ១៩ ប៉ុន្តែ L’attrait នៅតែជំនៈឧបសគ្គ និង ទទួលជោគជ័យ ដោយលក់ដាច់ជិតអស់១០០% ហើយ។ គម្រោងនេះអភិវឌ្ឍដោយក្រុមហ៊ុជប៉ុន LAPD ដែលជាក្រុមហ៊ុនមានបទពិសោធន៍លើគម្រោងអចលនទ្រព្យធំៗ ជាង ៣០ ឆ្នាំនៅប្រទេសជប៉ុន ហើយត្រូវសាងសង់ដោយក្រុមហ៊ុនក្នុងស្រុក CMED Cambodia។ នាយកប្រតិបត្តិ LAPD លោក Shinji Muto បានឱ្យដឹងថា ៖«ខ្ញុំមានសេចក្តីសោមនស្សរីករាយក្នុងការប្រកាសពីការបញ្ចប់គម្រោងរបស់យើង។ ខ្ញុំជឿជាក់ថា យើងអាចសម្រេចបាននូវស្តង់ដារគុណភាពថ្មីនៅក្នុងទីផ្សារនេះដោយជោគជ័យ»។
អានបន្ថែម
រដ្ឋបាលក្រុងភ្នំពេញ អនុញ្ញាតឱ្យអាជីវកម្ម ខារ៉ាអូខេ រង្គសាល និងឌីស្កូតែក ដំណើរការឡើងវិញហើយ
រដ្ឋបាលរាជធានីភ្នំពេញ នៅថ្ងៃព្រឹកថ្ងៃទី ៣០ វិច្ឆិកា ចេញសម្ដេចសម្រេចថ្មី អនុញ្ញាតឱ្យបើកដំណើរការឡើងវិញចំពោះអាជីវកម្មខារ៉ាអូខេ រង្គសាល និងឌីស្កូតែក នៅរាជធានីភ្នំពេញ ចាប់ពីថ្ងៃទី៣០ខែវិច្ឆិកា ឆ្នាំ២០២១ តទៅ តែត្រូវធ្វើតាមគម្លងប្រក្រតីភាពថ្មី។ តាមសេចក្តីសម្រេចថ្មីនេះ គឺកែប្រែទៅលើប្រកាសកាលពីម្សិលមិញ (២៩ វិច្ឆិកា) ដែលថាអាជីវកម្មខារ៉ាអូខេ រង្គសាល និងឌីស្កូតែក ត្រូវផ្អាកសិនដោយត្រូវរង់ចាំរហូតដល់ក្រោយថ្ងៃទី៥ ខែធ្នូ។ ក្នុងសេចក្តីសម្រេចថ្មីនេះ រដ្ឋបាលរាជធានីភ្នំពេញ បានប្រាប់ទៅម្ចាស់ទីតាំង និងម្ចាស់អាជីវកម្មពាក់ព័ន្ធទាំងនោះ ឱ្យចាត់តាំងបុគ្គលិកប្រចាំការមុខច្រកចេញចូលដើម្បីត្រួតពិនិត្យបណ្ណចាក់វ៉ាក់សាំង និងការអនុវត្តវិធានការសុខាភិបាលផ្សេងៗ។ ចំពោះករណីល្មើស រដ្ឋបាលនឹងចាត់វិធានការដកហូតអាជ្ញាបណ្ណ ឬលិខិតអនុញ្ញាត និងឈានដល់ការបិទទីតាំងទាំងស្រុង រីឯបុគ្គលល្មើស នឹងត្រូវអនុវត្តទណ្ឌកម្មតាមច្បាប់ រួមទាំងការផ្សព្វផ្សាយជាសាធារណៈចំពោះបុគ្គលល្មើសទាំងនោះ។ ការបើកដំណើរការឡើងវិញសេវាកម្សាន្ត គឺធ្វើឡើងបន្ទាប់ពីរាជរដ្ឋាភិបាលបានប្រកាសបើកប្រទេសឡើងវិញកាលពីដើមខែវិច្ឆិកា និងចាប់ទទួលភ្ញៀវទេសចរបរទេសដែលបានចាក់វ៉ាក់សាំងឡើងវិញ។
អានបន្ថែម
អភិបាលក្រុងភ្នំពេញ ជម្រុញឱ្យសាងសង់មន្ទីរពេទ្យទំនើបៗ ព្យាបាលជំងឺមហារីកបន្ថែម
អភិបាលក្រុងភ្នំពេញ ចង់ឱ្យមានការសាងសង់ហេដ្ឋារចនាសម្ព័ន្ធមន្ទីរពេទ្យផ្នែកមហារីកបន្ថែម ខណៈមន្ទីរពេទ្យរដ្ឋ និងឯកជននានាដែលមានស្រាប់ គួរតែបំពាក់បរិក្ខារទំនើបៗបន្ថែម ដើម្បីឆ្លើយតបទៅនឹងតម្រូវការរបស់អ្នកជំងឺ ពិសេសមហារីក។ ឯកឧត្តម ឃួង ស្រេង បានលើកឡើងដូច្នេះក្នុងពិធីសម្ពោធបើកដំណើរការមន្ទីរសម្រាកព្យាបាល អូរ៉េនឃែនស័រ កាលពីថ្ងៃទី៣០ ខែវិច្ឆិកា នេះ។ ឯកឧត្តម មានប្រសាសន៍ថា៖ «ចង់ឱ្យមន្ទីរពេទ្ររដ្ឋ និងឯកជននានា មានបំពាក់សម្ភារៈបរិក្ខារពេទ្យ និងម៉ាស៊ីនទំនើបៗ ដើម្បីបម្រើក្នុងវិស័យសុខាភិបាល ពិសេសសម្រាប់អ្នកជំងឺសម្រាកព្យាបាលមហារីកឱ្យកាន់តែសម្បូរបែប»។ គួរបញ្ជាក់ថា មន្ទីរសម្រាកព្យាបាល អូរ៉េនឃែនស័រ មានទីតាំងតាមបណ្ដោយផ្លូវជាតិលេខ០៦ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។ មន្ទីពេទ្យនេះ ផ្តោតលើឯកទេសមហារីក និងឈាម ដោយបាននាំយកបច្ចេកវិទ្យាចុងក្រោយគេបង្អស់ពីអឺរ៉ុប និងអាមេរិក ដើម្បីរួមចំណែកផ្តល់សេវាព្យាបាលជំងឺនេះ និងជួយសម្រាលបន្ទុកអ្នកជំងឺដែលទៅទទួលសេវានៅក្រៅប្រទេស ដែលត្រូវចំណាយច្រើន និងពិបាកទំនាក់ទំនង៕
អានបន្ថែម
កម្ពុជាផ្សព្វផ្សាយច្បាប់វិនិយោគថ្មីដល់ធុរជនចិន ៣០០នាក់ ទិសដៅទាក់ទាញការវិនិយោគបន្ថែម
ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី ២៩ វិច្ឆិកានេះ បានរៀបចំសិក្ខាសាលាផ្សព្វផ្សាយច្បាប់ស្តីពីវិនិយោគថ្មីដល់វិនិយោគិន និងធុរជនចិន សរុបជាង ៣០០នាក់ តាមប្រព័ន្ធអនឡាញ ទិសដៅដើម្បីទាក់ទាញការវិនិយោគបន្ថែម។ នាឱកាសនេះ ក្រុមប្រឹក្សាអភិវឌ្ឍន៍កម្ពុជា ក៏បានបង្ហាញថា គិតត្រឹម ខែតុលា ឆ្នាំ២០២១ ចិនបានបណ្តាក់ទុននៅកម្ពុជាសរុបជាង ២៧ ប៊ីលានដុល្លារអាមេរិក ដោយតួលេខនេះរំពឹងថានឹងកើនជាបន្ដបន្ទាប់ ខណៈទំនាក់ទំនងទ្វេភាគីកម្ពុជា-ចិន បានឈានដល់កម្រិតល្អបំផុត ស្របនឹងច្បាប់វិនិយោគថ្មីដែលសម្រួលដល់ការវិនិយោគកាន់តែខ្លាំង។ ឯកឧត្តម វ៉ាង វិនធៀន ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំកម្ពុជា លើកឡើងថា ទំនាក់ទំនងល្អរវាងចិន និងកម្ពុជា បានឈានដល់កម្រិតល្អបំផុតជាប្រវត្តិសាស្ត្រ ហើយកម្ពុជាបានក្លាយជាទិសដៅវិនិយោគដ៏សំខាន់របស់ប្រទេសចិន។ គួរបញ្ជាក់ថា ក្រុមប្រឹក្សាអភិវឌ្ឍន៍កម្ពុជា និងគណៈកម្មាធិការជាតិអភិវឌ្ឍន៍ និងកំណែទម្រង់របស់ប្រទេសចិន តែងតែចុះហត្ថលេខាលើអនុស្សារណៈនៃការយោគយល់គ្នាជាបន្តបន្ទាប់ ដើម្បីជំរុញការវិនិយោគ។ កាលពីថ្ងៃទី ១២ ខែ វិច្ឆិកា កន្លងទៅនេះ ភាគីទាំង ២ ក៏ទើបតែបានចុះហត្ថលេខាលើអនុស្សារណៈ នៃការយោគយល់គ្នាស្តីពីការ ធ្វើឱ្យប្រសើរឡើងនូវកិច្ចសហប្រតិបត្តិការសមត្ថភាពផលិត និងការវិនិយោគផងដែរ។ យោងតាមក្រុមប្រឹក្សាអភិវឌ្ឍន៍កម្ពុជា ក្នុងអំឡុងឆ្នាំ ១៩៩២-២០២០ […]
អានបន្ថែម
កោះជាង ២៣ កន្លែង ក្នុងភូមិសាស្រ្តខេត្តកោះកុង នឹងត្រូវផ្លាស់ប្ដូរមុខមាត់ជាតំបន់អភិវឌ្ឍឆាប់ៗ
រដ្ឋបាលខេត្តកោះកុង និងអាជ្ញាធរពាក់ព័ន្ធនឹងចាប់ផ្ដើមចុះពិនិត្យ និងប្រមូលទិន្នន័យ តាមបណ្ដាកោះនានាជាង ២៣ កន្លែង ក្នុងភូមិសាស្រ្តខេត្តកោះកុង ទិសដៅដើម្បីបង្កើនការគ្រប់គ្រង ជំរុញវិស័យទេសចរណ៍ និងទាក់ទាញវិនិយោគិនមកបណ្ដាក់ទុនបន្ថែម។ គោលការណ៍ថ្មីនេះ ត្រូវបានដាក់ឡើង ក្នុងកិច្ចប្រជុំមន្រ្តីពាក់ព័ន្ធ កាលពីថ្ងៃទី ២៥ ខែវិច្ឆិកា ឆ្នាំ២០២១ ដែលដឹកនាំដោយ លោក អ៊ុក ភ័ក្រ្តាប្រធានលេខាធិការគណៈកម្មាធិការគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជាខេត្តកោះកុង។ ជាលទ្ធផលនៃកិច្ចប្រជុំ រដ្ឋបាលខេត្តបានដាក់ចេញនូវផែនការសកម្មភាពធំៗ ៣ ចំណុច រួមមាន៖ ១) អង្គភាពនីមួយៗត្រូវសហការគ្នាចុះពិនិត្យ និងប្រមូលទិន្នន័យជាក់ស្តែងនៅតាមទីតាំងកោះនីមួយៗ ដោយយកនូវទិដ្ឋភាពភូមិសាស្ត្រ និយាមកា រូបភាព និងវីដេអូ សំដៅជំរុញវិស័យទេសចរណ៍ និងទាក់ទាញវិនិយោគិនមកដាក់ទុនបន្ថែម។ ២) មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ត្រូវបញ្ជូនមន្ត្រីចុះយកនិយាមកា ដោយប្រើប្រាស់ម៉ាស៊ីនប្រភេទ DGPS ។ ៣) សម្រាប់កាលបរិច្ឆេទនៃការចុះទៅកោះនីមួយៗ ក្រុមការងារថ្នាក់ខេត្ត នឹងធ្វើការជូនដំណឹងលម្អិតបន្ថែមនៅពេលក្រោយ ។ បើយោងតាមលោក ហ៊ាង បុណ្ណា អនុប្រធានមន្ទីររៀបចំដែនដីខេត្តកោះកុង ក្នុងដំណាក់ដំបូង កោះដែលរដ្ឋសម្លឹងឃើញសក្ដានុពលរួមមាន […]
អានបន្ថែម
ក្រសួងការងារ៖ កំណើនសំណង់អគារខ្ពស់ៗ ធ្វើឱ្យទីផ្សារការងារលើជំនាញមួយនេះកើនឡើង
ក្រសួងការងារ កាលពីថ្មីៗនេះ បានឱ្យដឹងថា ដោយសារកំណើននៃសំណង់អគារខ្ពស់ៗ បានធ្វើឱ្យកម្ពុជាត្រូវជំនាញធនធានមនុស្សផ្នែកជណ្តើរយន្តបន្ថែមទៀតជាច្រើន ដើម្បីឆ្លើយតបទៅនឹងទីផ្សារការងារ។ ឯកឧត្តម ពេជ សោភ័ន រដ្ឋលេខាធិការក្រសួងការងារនិង បណ្តុះបណ្តាលវិជ្ជាជីវៈ បានឱ្យដឹងដូច្នេះ ក្នុងពិធីបើកវគ្គបណ្តុះបណ្តាលគ្រូបង្គោល និងសិក្ខាកាមជំនាញជណ្តើរយន្តជំនាន់ទី១ នៅព្រឹកថ្ងៃទី២៩ ខែវិច្ឆិកា ឆ្នាំ២០២១។ វគ្គបណ្តុះបណ្តាលនេះធ្វើឡើង ក្រោមកិច្ចសហការរវាងវិទ្យាស្ថានបច្ចេកទេសឧស្សាហកម្ម ក្រុមហ៊ុន GGear Group អង្គការ UNIDO និង ទីភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ (SDC) ។ ឯកឧត្តម ពេជ សោភ័ន មានប្រសាសន៍ថា៖ «កំណើននៃការសាងសង់អគារខ្ពស់ៗ និងតម្រូវការជណ្តើរយន្តនៅកម្ពុជា កំពុងប្រឈមនឹងការខ្វះខាតមួយចំនួន រួមមាន ជាងដំឡើង ជាងជួសជុល និងការថែទាំជណ្តើរយន្ត»។ «នៅខណៈពេលនេះ ក៏ពុំទាន់មានគ្រឹះស្ថានសិក្សាណាមួយបើកវគ្គបណ្តុះ បណ្តាលជំនាញជណ្តើរយន្ត ដើម្បីផ្តត់ផ្គង់កម្លាំងពលកម្មដល់ទីផ្សារមួយនេះនៅឡើយទេ» ឯកឧត្តមបានបន្ដ។ ដូច្នេះ ការរៀបចំវគ្គបណ្តុះបណ្តាលជំនាញជណ្តើរនេះ គឺស្របតាមការរីកចម្រើនលើវិស័យហេដ្ឋារចនាសម្ព័ន្ធ ជាពិសេសសំណង់អគារខ្ពស់ៗ ដែលចាំបាច់ត្រូវការប្រើប្រាស់ជណ្តើរយន្ត។ ការបើកវគ្គបណ្តុះបណ្តាលនេះដែរ គឺជាការចាប់ផ្តើមជាប្រវត្តិសាស្រ្តថ្មីមួយទៀតសម្រាប់គ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ ក្នុងការធ្វើពិពិធកម្មជំនាញថ្មីៗ ដើម្បីឆ្លើយតបទៅនឹងតម្រូវការទីផ្សារការងារ។
អានបន្ថែម
មណ្ឌលកំសាន្តឆ្នេរសមុទ្រ Beach Club ថ្មីស្រឡាងមួយនៅឆ្នេរអូរត្រេះ បើកដំណើការហើយ
មណ្ឌលកំសាន្តឆ្នេរសមុទ្រ (Beach Club) ដែលមានទីតាំងនៅឆ្នេរអូរត្រេះ នៃក្រុងព្រះសីហនុ បានប្រកាសបើកដំណើរការជាផ្លូវការហើយ កាលថ្ងៃទី២៨ ខែវិច្ឆិកា ឆ្នាំ២០២១ ក្រោមវត្តមានឯកឧត្តម គួច ចំរើន អភិបាលខេត្តព្រះសីហនុ និងលោកជំទាវ ម៉ែន សំអន ឧបនាយករដ្ឋមន្រ្តី រដ្ឋមន្រ្ដីក្រសួងទំនាក់ទំនងជាមួយរដ្ឋសភា-ព្រឹទ្ធសភា។ គម្រោងមណ្ឌលកម្សាន្តឆ្នេរសមុទ្រនេះ រួចមានកន្លែងលំហែកាយ កម្សាន្តលក្ខណៈស៊ីវិល័យ កន្លែងមើលទេសភាព ចំណតកាប៉ាល់ និងឧទ្ធម្ភាចក្រ រួមទាំងភោជនីយដ្ឋាន បន្ទប់សម្រាក និងសណ្ឋាគារ។ គម្រោងនេះ ជាផ្នែកបន្ថែមនៃគម្រោងរបស់ ហាយ ហ្គ្រេន ហូថេល និងក្រុមហ៊ុន ហ្គោលដិន សាន់ស្កាយ ដែលជាបានបោះជំហានថ្មីក្នុងទិសដៅទាក់ទាញភ្ញៀវទេសចក្រោយវិបត្តិកូវីដ។ ឯកឧត្តម គួច ចំរើន បានលើកឡើងដែរថា ការបើកសម្ពោធមណ្ឌលកំសាន្តឆ្នេរសមុទ្រ ដែលបានបង្ហាញពីសកម្មភាពថ្មីនៃការបើកសេដ្ឋកិច្ចនៅកម្ពុជា។ នេះក៏ជាការចាប់ផ្ដើមដំបូងនៃការបើកដំណើរការសេដ្ឋកិច្ចនៅក្នុងខេត្តព្រះសីហនុ។ ខេត្តព្រះសីហនុ ជាខេត្តដែលមានសក្ដានុពលមួយដែលប៉ុន្មានឆ្នាំចុងក្រោយនេះមានគម្រោងហេដ្ឋារចនាសម្ព័ន្ធជាច្រើនបាន និងកំពុងលេចរូបរាងឡើងដូចជា ផ្លូវ៣៤ខ្សែ ការពង្រីកកំពង់ផែ រោងចក្រទឹកកខ្វក់ និងទីលានចាក់សំរាមជាដើម។ ពិសេសជាងនេះ រដ្ឋក៏បានបង្កើតគណៈកម្មធិការបច្ចេកទេសអន្តរក្រសួងថ្មី ដើម្បីរៀបចំខេត្តនេះឱ្យក្លាយតំបន់សេដ្ឋកិច្ចពិសេសគំរូពហុបំណង។ (អានបន្ថែម)
អានបន្ថែម