រដ្ឋអនុញ្ញាតឧកញ៉ាល្បី១ រូប ប្ដូរមុខមាត់កោះទន្សាយ ជាតំបន់ទេសចរធម្មជាតិជាន់ខ្ពស់
រដ្ឋបាលខេត្តកែប សម្រេចចាប់ដៃជាមួយនឹង ក្រុមហ៊ុនឯកជនល្បីក្នុងស្រុក ទ្រី ភាព គ្រុប ខូអិលធីឌី ដើម្បីអភិវឌ្ឍកោះទន្សាយជាតំបន់ទេសចរណ៍ធម្មជាតិប្រណីតជាន់ខ្ពស់ក្នុងពេលអនាគតខាងមុខនេះ។ ឯកឧត្តម សោម ពិសិដ្ឋ អភិបាលខេត្តកែប បានឱ្យដឹងកាលពីថ្ងៃទី១ ខែវិច្ឆិកា នេះថា៖ «ថ្វីត្បិតយើងខិតខំអភិរក្សនូវធនធានធម្មជាតិដែលមានស្រាប់ ប៉ុន្តែទីតាំងខ្លះយើងក៏ត្រូវការអភិវឌ្ឍឱ្យក្លាយជាតំបន់មួយប្រកបដោយភាពស្រស់ស្អាត និងមានភាពទាក់ទាញផងដែរ»។ «ជាក់ស្ដែងដូចជា ឆ្នេរកោះទន្សាយ ដែលកំពុងអភិវឌ្ឍដោយក្រុមហ៊ុន ទ្រី ភាព គ្រុប ខូ.អិលធីឌី (TRY PHEAP GROUP Co,. LTD)។ ក្នុងពេលអនាគតខាងមុខ កោះនេះនឹងក្លាយជាកន្លែងមួយយ៉ាងស្រស់ប្រណីត សម្រាប់បម្រើលើវិស័យទេសចរណ៍» ឯកឧត្តម បានបន្ដ។ គួរបញ្ជាក់ថា គម្រោងវិនិយោគអភិវឌ្ឍចម្រុះខ្នាតយក្សនៅលើផ្ទៃដី ១៤០ ហិកតា នៅកោះទន្សាយ នេះ មានតម្លៃសរុបជាង ១៣០លានដុល្លារ ខណៈការសាងសង់បានចាប់ផ្តើមដំណើរការជាបណ្ដើៗរហើយ។ (អានបន្ថែម) ទន្ទឹមនឹងនេះ រដ្ឋបាលខេត្តកែបក៏គ្រោងសាងសង់កំពង់ផែទេសចរណ៍នៅលើកោះទន្សាយផ្ទាល់នេះផងដែរ ដោយការដ្ឋានគ្រោងនឹងចាប់ផ្ដើមក្នុងខែវិច្ឆិកានេះ ហើយ។ (អានបន្ថែម)
អានបន្ថែម
អគារមណ្ឌលសុខភាពក្រុងកោះរ៉ុងដាក់ឱ្យប្រើប្រាស់ជាផ្លូវការហើយ
អគារមណ្ឌលសុខភាពក្រុងកោះរ៉ុង ដែលមានទីតាំងស្ថិតនៅភូមិកោះតូច សង្កាត់កោះរ៉ុង ក្រុងកោះរ៉ុង ត្រូវបានប្រកាសដាក់សម្ពោធឱ្យប្រើប្រាស់ជាផ្លូវការហើយ កាលពីថ្ងៃទី២ ខែវិច្ឆិកា ឆ្នាំ២០២១។ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ បានឱ្យដឹងថា ការដាក់ឱ្យប្រើប្រាស់នូវមណ្ឌលសុខភាពនេះ គឺជាការរំកិលសេវាសុខាភិបាលមកជិតប្រជាពលរដ្ឋ ដោយសារកន្លងមកនៅពេលមានអ្នកជំងឺ គឺត្រូវដឹកជញ្ជូនមកកាន់ដីគោក។ ក្រោយមានមណ្ឌលសុខភាពនេះ ប្រជាពលរដ្ឋអាចមកទទួលសេវាបានភ្លាមៗ និងងាយស្រួលជាងមុន។ ទន្ទឹមគ្នានេះ ឯកឧត្តមបន្តថា អគារមណ្ឌលសុខភាពនេះ ត្រូវបានបំពាក់នូវឧបករណ៍បន្ថែម ដើម្បីបម្រើឱ្យការព្យាបាលកាន់តែមានប្រសិទ្ធភាព។ គួរជម្រាបថា រដ្ឋបាលខេត្ត ក៏កំពុងត្រៀមនឹងដាក់ឱ្យដំណើរការអគាររដ្ឋបាល និងអាគារច្រកចេញចូលតែមួយនៅក្រុងកោះរ៉ុងផងដែរ ដើម្បីបំរើដល់សេចក្តីត្រូវការរបស់ប្រជាពលរដ្ឋ ពិសេសឆ្លើយតបតម្រូវការភ្ញៀវទេសចរណ៍មកកាន់តំបន់នេះ៕
អានបន្ថែម
ផ្លូវសំខាន់២ខ្សែ ក្នុងក្រុងពោធិ៍សាត់នឹងសាងសង់នាថ្ងៃទី ១០ខែវិច្ឆិកា ខាងមុខនេះ
នៅថ្ងៃទី១០ខែវិច្ឆិកា ឆ្នាំ២០២១ខាងមុខនេះ ផ្លូវអាទិភាពក្នុងក្រុងពោធិ៍សាត់ ចំនួន២ខ្សែ នឹងត្រូវបើកការដ្ឋានស្ថាបនាសាងសង់ជាផ្លូវការហើយ។ នេះបើតាមកិច្ចប្រជុំពិភាក្សាការងាររបស់រដ្ឋបាលខេត្តពោធិ៍សាត់ដែលបានធ្វើឡើង កាលថ្ងៃទី២ ខែវិច្ឆិកា កន្លងទៅ។ ឯកឧត្តម ជាវ តាយ អភិបាលខេត្តពោធិ៍សាត់ បានឱ្យដឹងថា ផ្លូវទាំង ២ ខ្សែនេះ រួមមាន ផ្លូវក្រាលកៅស៊ូ DBST លេខ២០៩+១០៩ និងផ្លូវបេតុងជុំវិញផ្សារថ្មីពោធិ៍សាត់ លេខ២០៥+២០៦+១០៣។ ឯកឧត្តមថា ការបើកការស្ថាបនាផ្លូវចំនួន២ខ្សែនេះ គឺដើម្បីឆ្លើយតបទៅនឹងតម្រូវការចាំបាច់ របស់ប្រជាពលរដ្ឋក្នុងមូលដ្ឋាន ខណៈការងារសាងសង់នឹងដំណើរការនាថ្ងៃទី១០ ខែវិច្ឆិកាខាងមុខ។ គួរជម្រាបដែរថា ផ្លូវចំនួន២ខ្សែនេះ គឺស្ថិតនៅក្នុងគម្រោងគ្រប់គ្រងបរិស្ថានជុំវិញបឹងទន្លេសាប ក្រោមកម្ចីហិរញ្ញប្បទានពីធនាគារអភិវឌ្ឍន៍អាស៊ី (ADB) ចំនួន ៩,៩៣លានដុល្លារ និងអនុវត្តដោយក្រសួងសាធារណការ និងដឹកជញ្ជូន។ គម្រោងទាំងមូល រួមមាន អាងប្រព្រឹត្តកម្មទឹកកខ្វក់ ប្រព័ន្ធលូរំដោះទឹកភ្លៀង ទំនប់ការពារទឹកជំនន់ ទីលានចាក់សំរាម និងការធ្វើឱ្យប្រសើរឡើងផ្លូវកៅស៊ូថ្មីក្នុងក្រុងពោធិ៍សាត់នេះ។ បច្ចុប្បន្ននេះទីលានទុកដាក់សំរាម សម្រេចបាននូវសមិទ្ធផលរួមបាន ៨៥%ហើយ ដែលគ្រោងដាក់ឱ្យប្រើប្រាស់ នៅចុងខែកុម្ភៈ ឆ្នាំ២០២២។ ដោយឡែក ចំពោះអាងប្រព្រឹត្តកម្មទឹកកខ្វក់ ប្រព័ន្ធលូរំដោះទឹកភ្លៀង និងផ្លូវក្រាលស៊ូDBST […]
អានបន្ថែម
រដ្ឋករទឹកដាក់ផែនការបង្កើនការផលិតទឹកស្អាត៣ម៉ឺនគូប សម្រាប់ក្រុងតាខ្មៅ ត្រឹមឆ្នាំ២០២៤
រដ្ឋករទឹកស្វយ័តក្រុងភ្នំពេញ នឹងបង្កើនការផលិតទឹកស្អាតបន្ថែម ៣ម៉ឺនម៉ែត្រគូប សម្រាប់ក្រុងតាខ្មៅ ខេត្តកណ្តាល ត្រឹមឆ្នាំ ២០២៤ ដើម្បីឆ្លើយតបទៅនឹងតម្រូវការប្រើប្រាស់ទឹកស្អាត ដោយសារកំណើនប្រជាជន និងគម្រោងវិនិយោគអាកាសយានដ្ឋានភ្នំពេញថ្មី នៅខេត្តកណ្តាល។ ឯកឧត្តម ឡុង ណារ៉ូ អគ្គនាយករដ្ឋករទឹកស្វយ័តក្រុងភ្នំពេញ លើកឡើងដូច្នេះ នៅក្នុងកិច្ចប្រជុំជាមួយ ឯកឧត្តម គង់ សោភ័ណ្ឌ អភិបាលខេត្តកណ្ដាល កាលពីថ្ងៃទី២ ខែវិច្ឆិកា។ ក្នុងកិច្ចប្រជុំខាងលើនេះ ឯកឧត្តម ឡុង ណារ៉ូ បានលើកឡើងថា ក្រៅពីផែនការ ៣ម៉ឺនម៉ែត្រគូប ត្រឹមឆ្នាំ ២០២៤ នៅឆ្នាំ២០៣០ រដ្ឋាករទឹកក៏គ្រោងនឹងបង្កើតរោងចក្របន្ថែមក្នុងក្រុងតាខ្មៅ ដែលអាចផលិតទឹកបាន ៦ម៉ឺនម៉ែត្រគូប បន្ថែមទៀត។ ការបង្ហាញពីគម្រោងផែនការ និងទិសដៅនេះ គឺឆ្លើយតបទៅនឹងការស្នើរបស់ឯកឧត្តម គង់ សោភ័ណ្ឌ ដើម្បីជួយបំពេញបន្ថែមដល់ការផ្គត់ផ្គង់ទឹកនៅក្រុងតាខ្មៅ។ យោងតាមរដ្ឋករទឹកស្វយ័តក្រុងភ្នំពេញ ការប្រើប្រាស់ទឹកស្អាតសម្រាប់រាជធានីភ្នំពេញ និងក្រុងតាខ្មៅ មានចន្លោះប្រមាណ ៧០ម៉ឺនម៉ែត្រគូប ទៅ ៨០ម៉ឺនម៉ែត្រគូប ក្នុងមួយថ្ងៃ ប៉ុន្តែបច្ចុប្បន្នសមត្ថភាពផលិតទឹកស្អាតរបស់រដ្ឋករទឹកស្វយ័តក្រុងភ្នំពេញ ប្រមាណ ៦០ម៉ឺនម៉ែតគូប ប៉ុណ្ណោះក្នុងមួយថ្ងៃ។
អានបន្ថែម
រៀតណាមនឹងមានគម្រោងថាមពលខ្យល់ថ្មីមួយតម្លៃជាង ៤០០លានដុល្លារ ប្រើស្ដង់ដាអឺរ៉ុប
ក្រុមហ៊ុនថាមពលវៀតណាម (BCG Energy) និងក្រុមហ៊ុនថាមពលកកើតឡើងវិញរបស់អឺរ៉ុប Siemens Gamesa កាលពីថ្មីៗនេះ បានចុះហត្ថលេខាលើកិច្ចព្រមព្រៀងស្តីពីគម្រោងថាមពល ដែលមានតម្លៃ ៤០០លានដុល្លារ។ នៅក្រោមកិច្ចព្រមព្រៀងនេះ ក្រុមហ៊ុន Siemen Gamesa នឹងផ្គត់ផ្គង់សម្ភារៈបរិក្ខារ និងជំនួយបច្ចេកទេស ដល់ក្រុមហ៊ុនវៀតណាម BCG Energy ដើម្បីអនុវត្តគម្រោងថាមពលដើរដោយកម្លាំងខ្យល់ដែលមានអនុភាព ៥០០មេហ្គាវ៉ាត់ នៅប្រទេសវៀតណាម។ បើយោងតាម សារព័ត៌មាន VN Express ចេញផ្សាយកាលពីថ្ងៃទី១ ខែវិច្ឆិកា កិច្ចព្រមព្រៀងលុយរាប់រយលានដុល្លារនេះ ត្រូវបានធ្វើនៅក្រៅសន្និសីទអង្គការសហប្រជាជាតិស្តីពីអាកាសធាតុ ដែលហៅកាត់ថា COP26 ក្នុងតំបន់ Glasgow ប្រទេសអង់គ្លេស៕
អានបន្ថែម
អាជ្ញាធរខេត្តព្រៃវែង ដាក់បញ្ជាថ្មីសម្រាប់អាជីវកម្មអភិវឌ្ឍអចលនវត្ថុ បើមិនធ្វើតាមត្រូវពិន័យធ្ងន់
មន្ទីរសេដ្ឋកិច្ច និងហិរញ្ញវត្ថុខេត្តព្រៃវែង បានបញ្ជាឱ្យអាជីវកម្មពុះដីឡូតិ៍ ឬអាជីវកម្មអភិវឌ្ឍលំនៅឋានទាំងអស់ត្រូវរួសរាន់ដាក់ពាក្យស្នើសុំលិខិតអនុញ្ញាត ឬអាជ្ញាបណ្ណ ឱ្យបានមុនថ្ងៃទី៣០ ខែវិច្ឆកានេះ បើមិនដូច្នោះទេ នឹងត្រូវផាកពិន័យធ្ងន់។ នេះបើយោងតាមសេចក្តីជូនដំណឹងចុះថ្ងៃទី២៧ ខែតុលា ឆ្នាំ២០២១ កន្លងទៅ។ សម្រាប់ការធ្វើអាជីវកម្មអភិវឌ្ឍលំនៅឋាន ឬអគារសហកម្មសិទ្ធិដែលមានទំហំចាប់ពី ៤-៣០ល្វែង ឬ ៣-៣០ភូមិគ្រឹះ ឬ ៤-៣០យូនីត និងអាជីវកម្មពុះដីឡូត៍ដែលមាន ទំហំក្រោម ១០ ០០០ម៉ែត្រការ៉េ ត្រូវពាក្យស្នើសុំលិខិតអនុញ្ញាតពីមន្ទីរសេដ្ឋកិច្ច និងហិរញ្ញវត្ថុខេត្ត។ ដោយឡែក អាជីវកម្មអភិវឌ្ឍលំនៅឋាន ឬអគារសហកម្មសិទ្ធិដែលមានទំហំលើសពី ៣០ល្វែង ឬលើសពី ៣០ភូមិគ្រឹះ ឬលើសពី ៣០យូនីត ឡើង និងអាជីវកម្មពុះដីឡូត៍ដែលមានទំហំលើស ១០ ០០០ម៉ែត្រការ៉េ ត្រូវដាក់ពាក្យស្នើសុំអាជ្ញាបណ្ណពីក្រសួងសេដ្ឋកិច្ច និងហិរញ្ញវត្ថុ។ ក្រោយឱសានវាទ មន្ទីរសេដ្ឋកិច្ច និងហិរញ្ញវត្ថុខេត្តព្រៃវែង នឹងចាត់វិធានការរដ្ឋបាល និងធ្វើការផាកវិន័យ ចំពោះការប្រកបអាជីវកម្មអភិវឌ្ឍអចលនវត្ថុដែលមិនគោរពការណែនាំនេះ ស្របតាមប្រកាសលេខ ០៨៩ សហវ.ប្រក ចុះថ្ងៃទី២០ ខែមករា ឆ្នាំ២០២០ ស្តីពីការគ្រប់គ្រងអាជីវកម្មអភិវឌ្ឍអចលនវត្ថុ។
អានបន្ថែម
ULS សហការនឹងធនាគារ J Trust Royal ផ្ដល់កម្ចីទិញខុនដូ Rose Apple នៅសៀមរាប ក្នុងការប្រាក់ទាប
ក្រុមហ៊ុនអភិវឌ្ឍន៍លំនៅដ្ឋានពោរពេញដោយភាពច្នៃប្រឌិតខ្ពស់ Urban Living Solutions (ULS Cambodia) បានចុះអនុស្សរណៈយោគយល់គ្នាជាមួយធនាគារ J Trust Royal សម្រាប់គម្រោងអភិវឌ្ឍន៍ទំនើបចម្រុះចុងក្រោយបង្អស់របស់ខ្លួននៅខេត្តសៀមរាប Rose Apple Square ។ កិច្ចសហប្រតិបត្តិការដ៏ល្អនេះ មានគោលបំណងផ្តល់ជូននូវភាពងាយស្រួលមួយកម្រិតទៀត ក្នុងដំណើរការស្នើសុំកម្ចីទិញផ្ទះ ក៏ដូចជាលើកទឹកចិត្តដល់អ្នកទិញផ្ទះលើកដំបូង និងគ្រួសារជំនាន់ថ្មី ក្នុងការទិញគេហដ្ឋានក្នុងក្តីស្រមៃរបស់ពួកគេតាមរយៈ ៣ ជំហានងាយៗ៖ ជំហានទី ១៖ អ្នកអាចធ្វើការជ្រើសរើសប្រភេទយូនីត ដែលលោកអ្នកពេញចិត្តនៅ Rose Apple Square ។ ជំហានទី ២៖ អ្នកអាចធ្វើការទំនាក់ទំនងទៅកាន់អ្នកប្រឹក្សាគេហដ្ឋាន Rose Apple Square តាមរយៈលេខ +៨៥៥ (០) ៩៩ ២២៥ ៥៨៨ ។ ជំហានទី ៣៖ ប្រធានផ្នែកកម្ចីឥណទានរបស់ធនាគារ J Trust Royal នឹងធ្វើការទំនាក់ទំនងទៅកាន់ អ្នកដើម្បីផ្តល់ព័ត៌មានលម្អិតពីចំនួនសាច់ប្រាក់ដែលលោកអ្នកអាចខ្ចីបាន។ ជាមួយនឹងកម្មវិធី Alliance Program […]
អានបន្ថែម
កម្ពុជា ប្រកាសបើកយុទ្ធនាការ «ភ្នំពេញស្អាត» ដើម្បីបណ្តុះទម្លាប់ថ្មីស្រឡាញ់បរិស្ថាន
រដ្ឋមន្ត្រីក្រសួងបរិស្ថាន ឯកឧត្តម សាយ សំអាល់ បានប្រកាសឱ្យចាប់ផ្ដើមអនុវត្តយុទ្ធនាការ «ភ្នំពេញស្អាត» ជាផ្លូវការហើយ កាលពីថ្ងៃទី១ ខែវិច្ឆិកា ឆ្នាំ២០២១ កន្លងទៅនេះ ទិសដៅដើម្បីបង្កើនសោភ័ណភាពទីក្រុង ពង្រឹងការគ្រប់គ្រងសំណល់ និងពិសេសអប់រំប្រជាពលរដ្ឋគ្រប់រូបឱ្យស្រលាញ់អនាម័យបរិស្ថាន។ យុទ្ធនាការភ្នំពេញស្អាតនេះ នឹងរួមចំណែកជាមួយរដ្ឋាភិបាលក្នុងការលើកកម្ពស់ការអប់រំ អនាម័យ និងបរិស្ថានស្អាតនៅក្នុងសហគមន៍។ យុទ្ធនាការឆ្នាំ២០២១នេះ គឺធ្វើឡើងក្រោមពាក្យស្លោក «ទម្លាប់ថ្មី ទម្លាប់ស្អាត» ដើម្បីឆ្លើយតបទៅលើបញ្ហាកូវីដ-១៩ផងដែរ។ គួរបញ្ជាក់ថា ក្រុងភ្នំពេញ ខេត្តមណ្ឌលគិរី និងខេត្តកែប ទើបតែបានទទួលពានរង្វាន់ ទឹក ដី និងខ្យល់ស្អាត ពីកម្មវិធីទីក្រុងនិរន្តភាពបរិស្ថានអាស៊ានលើកទី៥ នេះ ដែលរៀបចំឡើងដោយប្រទេសឥណ្ឌូនេស៊ី កាលពីថ្ងៃទី ២១ ខែតុលា កន្លងទៅ ។ (អានបន្ថែម)
អានបន្ថែម
សេវារថយន្តក្រុង និងកាណូតសាធារណៈនៅភ្នំពេញ ដំណើរការឡើងវិញចាប់ពីថ្ងៃនេះតទៅ
សេវាដឹកជញ្ជូនជញ្ជូនសាធារណៈតាមរថយន្តក្រុង និងកាណូតនៅរាជធានីភ្នំពេញ នឹងចាប់ផ្តើមដំណើរការជាថ្មីឡើងវិញហើយ ចាប់ថ្ងៃទី២ ខែវិច្ឆិកានេះតទៅ។ នេះបើតាមសេចក្តីជូនដំណឹងពីរដ្ឋាករស្វយ័តដឹកជញ្ជូនសាធារណៈរថយន្តក្រុង (City Bus) រាជធានីភ្នំពេញ កាលពីថ្ងៃទី១ ខែវិច្ឆិកា ឆ្នាំ២០២១។ សេចក្តីជូនដំណឹងដដែលបានបញ្ជាក់ថា ខ្សែដែលបើកដំណើរមានដូចខាងក្រោម៖ ១៖ រថយន្តក្រុង៖ – ខ្សែទី១: ចេញពីស្ថានីយចំណតរថយន្តក្រុងព្រែកព្នៅ ដល់ស្ថានីយចំណតរថយន្តក្រុងវាលស្បូវ – ខ្សែទី២: ចេញពីស្ថានីយចំណតរថយន្តក្រុងរង្វង់មូលគួចកាណុង ដល់ស្ថានីយចំណតរថយន្តក្រុងស្ពានព្រែកសំរោង ក្រុងតាខ្មៅ។ – ខ្សែទី៣: ចេញពីស្ថានីយចំណតរថយន្តក្រុងសួនឫស្សីកែវ ដល់ស្ថានីយចំណតរថយន្តក្រុងបុរីសន្តិភាព២ តាមមហាវិថីសហព័ន្ធរុស្ស៊ី។ – ខ្សែទី៤A: ចេញពីស្ថានីយចំណតរថយន្តក្រុងសួនឫស្សីកែវ ដល់ស្ថានីយចំណតរថយន្តក្រុងបុរីសន្តិភាព២ តាមមហាវិថីសហព័ន្ធរុស្ស៊ី។ -ខ្សែទី៤B: ចេញពីស្ថានីយ៍ចំណតរថយន្តក្រុងសួនឫស្សីកែវ ដល់ស្ថានីយចំណតរថយន្តក្រុងបុរីសន្តិភាព២ តាមមហាវិថីចោមចៅ។ ២.កាណូត៖ ចេញពីស្ថានីយចំណតសួនឫស្សីកែវ ដល់ស្ថានីយចំណតក្រុងតាខ្មៅ។ លើសពីនេះ ក្នុងរយៈពេល៦ថ្ងៃ ដំបូង ចាប់ពីថ្ងៃទី២ ដល់ ថ្ងៃទី៧ ខែវិច្ឆិកា នឹងមិនមានការគិតសេវាទេ ដោយនឹងគិតសេវាធម្មតាវិញ ចាប់ពីថ្ងៃទី៨ ខែវិច្ឆិកា តទៅ។ យ៉ាងណា […]
អានបន្ថែម
ក្រុមហ៊ុនសិង្ហបូរីគ្រោងបង្កើតគម្រោងអភិវឌ្ឍចម្រុះតម្លៃ ៥០លានដុល្លារនៅខេត្តព្រះសីហនុ
ក្រុមហ៊ុន HLH Development (HLHD) និង Smart Winner កាលពីថ្មីៗនេះ បានព្រមព្រៀងវិនិយោគរួមគ្នាបង្កើតគម្រោងអភិវឌ្ឍចម្រុះថ្មីមួយកន្លែង តម្លៃប្រមាណ ៥០លានដុល្លារ លើផ្ទៃដី ១១,៥ ហិកតា ក្នុងក្រុងព្រះសីហនុ។ នេះបើយោងតាមការចេញផ្សាយររបស់ក្រុមហ៊ុនកាលពី ១ វិច្ឆិកា កន្លងមកនេះ។ គម្រោងនេះមានទីតាំងនៅជិតកំពង់ផែស្វយ័តក្រុងព្រះសីហនុ មានផ្ទៃដី ៣ ទៅ ៥ ហិកតា នៃផ្ទៃដីទាំងមូល នឹងត្រូវអភិវឌ្ឍទៅជាមជ្ឈមណ្ឌលផ្សារទំនើបលក់ដុំ ស្រដៀងគ្នានឹងផ្សារ Makro ទីផ្សារ seafoods និងកន្លែងចម្អិនអាហាសមុទ្រ ស្រដៀងនឹងប្រទេសកូរ៉េដូច្នោះដែរ។ ដោយឡែក ដីដែលនៅសល់ នឹងត្រូវបានបែងចែកទៅជាដីឡូតិ៍តូចៗសម្រាប់ការអភិវឌ្ឍន៍ចម្រុះ ដោយក្រុមហ៊ុននឹងបើកឱ្យដៃគូរសហការផ្សេងទៀតជួល ឬក៏ទិញដាច់ពីក្រុមហ៊ុនក៏បាន។ ក្រោមលក្ខខណ្ឌនៃការបណ្តាក់ទុនរួមគ្នានេះ ក្រុមហ៊ុន Smart Winner ដែលជាម្ចាស់ដី នឹងរួមចំណែក ២៥,២ លានដុល្លារអាមេរិក ដែលជាតម្លៃដីផ្ទាល់ ឬស្មើនឹង ៥០,៤% នៃភាគហ៊ុន។ ទន្ទឹមនឹងនេះ HLHD នឹងវិនិយោគ ១០លានដុល្លារអាមេរិក ឬស្មើនឹង […]
អានបន្ថែម
អាឡឺម៉ង់បង្វឹកសុខនហិតរកហានិភ័យក្នុងការដ្ឋានសំណង់នានានៅតំបន់ដាច់ស្រយាល
ក្រៅពីដើម្បីហិតរកមីន សុខនកំពុងត្រូវបានបង្វឹកបង្រៀនឱ្យចេះហិតរកហានិភ័យពីសត្វព្រៃ និងវត្ថុនានា នៅតាមការដ្ឋានសំណង់ធំៗនៅតំបន់ដាច់ស្រយាលផងដែរ ដែលជាផ្នែកមួយនៃការពន្លឿនគម្រោងសាងសង់។ នេះបើយោងតាមការចុះផ្សាយរបស់សារព័ត៌មាន Nature World News។ គម្រោងប្រើសុខន ដើម្បីស្រាវជ្រាវ រកសត្វមានជីវិត នៅតាមការដ្ឋានសំណង់នេះ ត្រូវបានធ្វើឡើងដោយក្រុមហ៊ុនរថភ្លើង Deutsche Bahn (DB) នៃប្រទេសអាឡឺម៉ង់។ ក្រុមហ៊ុន និយាយថា៖ «ដូចដែលយើងដឹងស្រាប់ហើយថា ជាទូទៅមនុស្សគឺត្រូវតែជាអ្នកទទួលខុសត្រូវលើការស្វែងរកសត្វមានជីវិតក្នុងការដ្ឋានសំណង់ ក៏ដូចជាបំលាស់ទីសត្វទាំងនោះទៅកន្លែងមានសុវត្ថិភាព»។ ក្រុមហ៊ុនបញ្ជាក់ទៀតថា គម្រោងហ្វឹកហាត់នេះគ្រោងនឹងបញ្ចប់នៅចុងឆ្នាំនេះ។
អានបន្ថែម
ទីលានប្រកួត Baseball ខ្នាតអន្តរជាតិដំបូងនៅកម្ពុជា នឹងសាងសង់នៅកំពង់ឆ្នាំង ចុងឆ្នាំនេះ
ក្រុមហ៊ុនអចលនទ្រព្យក្នុងស្រុកមួយបានបង្ហាញផែនការចង់វិនិយោគសាងសង់ទីលានកីឡា Baseball ខ្នាតអន្តរជាតិដំបូងបង្អស់នៅកម្ពុជា នៅស្រុកសាមគ្គីមានជ័យ នៃខេត្តកំពង់ឆ្នាំង។ ទីលាននេះ នឹងសាងសង់នៅលើផ្ទៃដី ប្រមាណ ៣ហិកតា ក្រោមទុនវិនិយោគប្រមាណ ៤០ម៉ឺនដុល្លារ។ នេះបើយោងតាមការឱ្យដឹងពី លោក ឈឹម តារា អគ្គនាយកក្រុមហ៊ុន Homeland Real Estate និងជាប្រធានសមាគម Baseball កម្ពុជា។ លោក ឈឹម តារា បញ្ជាក់ថា នៅថ្ងៃទី១ ខែវិច្ឆិកា នេះថា គម្រោងនេះនឹងចាប់ផ្ដើមការដ្ឋាននៅខែធ្នូឆ្នាំនេះ ដោយគ្រោងនឹងបញ្ចប់នៅមុនឆ្នាំ២០២៣ នៅពេលដែលកម្ពុជាធ្វើជាម្ចាស់ផ្ទះអាស៊ីហ្គេម។ លោកបញ្ជាក់ថា គម្រោងវិនិយោគទីលាន Baseball នេះ នឹងចូលរួមចំណែកលើកកម្ពស់កីឡាប្រភេទនេះ ទេសចរណ៍ និងសេដ្ឋកិច្ច តាមរយៈការចូលទស្សនា និងប្រកួតកីឡានានា។ លើសពីនេះ លោកក៏បានអំពាវនាវឱ្យវិនិយោគិនផ្សេងទៀតមកចូលរួមលើលើគម្រោងប្រភេទផងដែរ។
អានបន្ថែម