រដ្ឋសម្រេចបង្កើតក្រុមការពារអគ្គិភ័យសម្រាប់សំណង់អគារខ្ពស់និងជាន់ក្រោមដីជាផ្លូវការ
ក្រសួងមហាផ្ទៃ បានសម្រេចបង្កើតក្រុមការងារបង្ការ និងពន្លត់អគ្គិភ័យកាតព្វកិច្ច និងស្ម័គ្រចិត្ត សម្រាប់សំណង់អគារខ្ពស់ និងជាន់ក្រោមដី ជាផ្លូវការហើយ ក្រោយពិភាក្សាលើសេចក្តីព្រាងជាច្រើនខែមក។ នេះបើយោងតាមប្រកាសលេខ ២៦៤៤ ប្រក ចុះថ្ងៃទី ១៩ ខែតុលា ឆ្នាំ២០២១។ ការដាក់ចេញប្រកាសនេះ ធ្វើឡើងក្នុងគោលបំណងបង្កើតក្រុមការងារជំនួយបឋម ដើម្បីបង្ការ និងពន្លត់អគ្គិភ័យ នូវតាមសំណង់គោលដៅ និងនៅតាមភូមិ ឃុំ-សង្កាត់ ក្នុងប្រទេសកម្ពុជា។ (អានបន្ថែម) ក្រុមការងារបង្ការ និងពន្លត់អគ្គិភ័យកាតព្វកិច្ច ត្រូវបង្កើត និងហ្វឹកហ្វឺន ដោយអគ្គស្នងការដ្ឋាននគរបាលជាតិ ឬស្នងការដ្ឋាននគរបាលរាជធានី-ខេត្ត ទៅតាមប្រភេទ និងទំហំនៃផ្ទៃក្រឡាសំណង់ និងបែងចែកចំនួនអ្នកពន្លត់អគ្គិភ័យទៅតាមសំណង់គោលដៅ ដែលមានហានិភ័យកម្រិតខ្ពស់ មធ្យម និងទាប។ ក្រុមការងារនេះ មានភារកិច្ចចម្បងតាមដាន ត្រួតពិនិត្យឧបករណ៍ សម្ភារៈ ប្រព័ន្ធបង្ការនិងពន្លត់អគ្គិភ័យ ព្រមទាំងជួយសង្គ្រោះជីវិតមនុស្ស ទ្រព្យសម្បត្តិ និងពន្លត់អគ្គិភ័យនៅតាមសំណង់គោលដៅ។ ចំណែកក្រុមការងារបង្ការ និងពន្លត់អគ្គិភ័យស្ម័គ្រចិត្តវិញ ត្រូវបង្កើតឡើងដោយរដ្ឋបាលឃុំ-សង្កាត់ និងហ្វឹកហ្វឺន ដោយស្នងការដ្ឋាននគរបាលរាជធានី-ខេត្ត ដែលមានភារៈកិច្ចតាមដាន ឃ្លាំមើល ផ្តល់ពត៌មានអំពីអគ្គិភ័យ ព្រមទាំងជួយសង្គ្រោះជីវិតមនុស្ស ទ្រព្យសម្បត្តិ និងពន្លត់អគ្គីភ័យនៅតាមភូមិ […]
អានបន្ថែម
ក្រុមហ៊ុនម៉ាកសំលៀកបំពាក់ H&M នឹងបំពាក់បច្ចេកវិទ្យាកែច្នៃឡើងវិញក្នុងរោងចក្រនៅកម្ពុជា
ហាងលក់សំលៀកបំពាក់ស៊ុយអែត Hennes & Mauritz (H&M) គ្រោងនឹងប្រើប្រាស់បច្ចេកវិទ្យាដ៏ទំនើប ដើម្បីកែច្នៃឡើងវិញនូវសំណល់វាយនភ័ណ្ឌនៅតាមរោងចក្ររបស់ខ្លួនក្នុងប្រទេសកម្ពុជា។ នេះបើយោងតាមសេចក្តីប្រកាសព័ត៌មានរបស់ H&M Foundation ចេញផ្សាយកាលពីថ្ងៃទី១២ ខែតុលា។ បច្ចេកវិទ្យានេះមានឈ្មោះថា Green Machine ដែលជាបច្ចេកវិទ្យាចុងក្រោយបង្អស់ និងទី១ លើពិភពលោក។ វាត្រូវបានអភិវឌ្ឍរួមគ្នាដោយក្រុមហ៊ុន The Hong Kong Research Institute of Textiles and Apparel Limited (HKRITA) និងក្រុមហ៊ុន H&M Foundation ដែលអាចកែច្នៃឡើងវិញសំណល់វាយនភ័ណ្ឌ ក្នុងទំហំទ្រង់ទ្រាយធំ។ ក្រុមហ៊ុនបញ្ជាក់ថា ការសិក្សាកំពុងចាប់ផ្តើមធ្វើឡើង ដោយគ្រោងដាក់ដំណើរការបច្ចេកវិទ្យានេះនៅកម្ពុជា ក្នុងឆ្នាំ២០២២។ Green Machine នឹងរួមចំណែកដល់អនាគតដ៏ល្អប្រសើរសម្រាប់ប្រជាជនកម្ពុជា និងភពផែនដី។ លោក Edwin Keh នាយកប្រតិបត្តិរបស់ HKRITA លើកឡើងថា គោលបំណងរបស់ក្រុមហ៊ុន គឺដើម្បីអភិវឌ្ឍបច្ចេកវិទ្យា និងដំណោះស្រាយដែលផ្តល់ផលវិជ្ជមានលើភពផែនដី ហើយ Green Machine […]
អានបន្ថែម
ស្ពានអរិយក្សត្រអាចសង់ឆ្នាំក្រោយ ព្រោះរដ្ឋដាក់គម្រោងនេះក្នុងផែនការចំណាយ២០២២ ហើយ
គម្រោងស្ពានជ្រោយចង្វារ-ស្វាយជ្រុំ (អរិយក្សត្រ) អាចនឹងចាប់ផ្ដើមការសាងសង់នៅឆ្នាំក្រោយ ព្រោះរដ្ឋាភិបាលបានដាក់គម្រោងនេះជាគម្រោងអាទិភាពសម្រាប់ផែនការចំណាយឆ្នាំ ២០២២ ហើយ។ នេះបើយោងខ្លឹមសារសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ របស់ក្រសួងសេដ្ឋកិច្ច និងហិរញ្ញវត្ថុ។ សេចក្ដីព្រៀងច្បាប់បញ្ជាក់ថា មានគម្រោងចំនួន៧ ត្រូវបានចាត់ជាគម្រោងអាទិភាព ដែលរដ្ឋាភិបាលគ្រោងនឹងអនុវត្តនៅឆ្នាំក្រោយ តាមរយៈប្រភពហិរញ្ញប្បទានពីក្រៅប្រទេស និងក្នុងស្រុកតាមរយៈការបោះផ្សាយលក់មូលបត្ររដ្ឋ ដោយគម្រោងសាងសង់ស្ពានមិត្តភាពកម្ពុជា-កូរ៉េ ក៏ស្ថិតនៅក្នុងបញ្ជីដែរ។ ស្ពាននេះដែល នឹងភ្ជាប់តំបន់ជ្រោយចង្វារនៃរាជរាជធានីភ្នំពេញ ទៅកាន់ស្រុកល្វាឯមនៃខេត្តកណ្តាល កាត់ទន្លេមេគង្គត្រង់ចំណុចទន្លេចតុមុខ។ ជាក់ស្ដែង គម្រោងត្រូវបានប្រកាសកាលពីឆ្នាំមុន ដោយថវិកាសម្រាប់អនុវត្តគម្រោងនេះ នឹងជាហិរញ្ញប្បទានពីសាធារណរដ្ឋកូរ៉េ។ បើយោងតាមឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន កាលពីខែកក្កដា ក្រុមជំនាញប្រទេសកូរ៉េខាងត្បូង កំពុងសិក្សាគូសប្លង់ និងជ្រើសរើសទីតាំង។ (អានបន្ថែម)
អានបន្ថែម
តើមូលបត្ររដ្ឋជាអ្វី? ចំណេញ ឬហានិភ័យ? ជះឥទ្ធិពលលើវិស័យអចលនទ្រព្យដូចម្ដេច?
រដ្ឋាភិបាលកាលពីថ្មីៗនេះ បានប្រកាសពីផែនការចង់បោះផ្សាយមូលបត្របំណុលរដ្ឋ ឬ Government Bonds តម្លៃសរុបប្រមាណ ៣០០លានដុល្លារ ក្នុងឆ្នាំ ២០២២ ខាងមុខនេះ។ រដ្ឋាភិបាលនៅមិនទាន់បញ្ជាក់លម្អិតនៅឡើយទេថា នឹងប្រើទុនបានពីមូលបត្រដើម្បីធ្វើអី្វខ្លះ ប៉ុន្តែបានឱ្យដឹងត្រួសៗថានឹងប្រើលើវិស័យអាទិភាពនានា ដោយវិស័យហេដ្ឋារចនាសម្ព័ន្ធក៏មានចំណែកក្នុងនោះផងដែរ។ (អានបន្ថែម) ផែនការនេះ បានធ្វើឱ្យកើតជាមន្ទិលសង្ស័យជាច្រើនដល់សាធារណជនថា មូលបត្របំណុលរដ្ឋគឺជាអ្វី? តើកម្ពុជាអាចធ្វើទៅរួចទេ? មានហានិភ័យធ្វើឱ្យរដ្ឋវណ្ឌករនឹងបំណុលឬទេ? សំខាន់ជាងនេះទៀត គឺតើនឹងមានអ្នកហ៊ានទិញ ឬអ្នកចង់ទិញមូលបត្ររដ្ឋនេះទេ ព្រោះជាក់ស្ដែងមូលបត្រទីផ្សារឯកជន ដែលបើកលក់មួយរយៈធំ ក៏នៅមិនទាន់ជាទីចាប់អារម្មណ៍សម្រាប់វិនិយោគិនផង? លើសពីនេះទៅទៀត តើការបោះលក់មូលបត្របំណុលរដ្ឋនេះ នឹងជះឥទ្ធិពលដល់ទីផ្សារអលចនទ្រព្យដូចម្ដេច? ការលក់មូលប័ត្របំណុលរបស់រដ្ឋាភិបាលនេះ បើនិយាយឱ្យងាយយល់ គឺស្រដៀងគ្នានឹងរដ្ឋខ្ចីលុយគេដូច្នេះដែរ តែធ្វើឡើងក្នុងទ្រង់ទ្រាយជាការវិនិយោគ។ ពោលគឺ រដ្ឋខ្ចីលុយពីអ្នកវិនិយោគ ហើយសន្យាថានឹងសងក្នុងអត្រាការប្រាក់ណាមួយ ក្នុងរយៈពេលវែង។ អ្នកវិនិយោគភាគច្រើនចូលចិត្តទិញមូលបត្រ ដោយសារតែហានិភ័យទាបជាងទិញភាគហ៊ុន ហើយការប្រាក់ខ្ពស់ជាងដាក់លុយនៅធនាគារ។ ជុំវិញ ចម្ងល់ដែលថាកម្ពុជាអាចធ្វើទៅរួចទេ និងមានហានិភ័យធ្វើឱ្យរដ្ឋវណ្ឌករនឹងបំណុលឬទេ ឯកឧត្តម ហុង សុខហួរ អគ្គនាយកផ្សារមូលបត្រកម្ពុជាបានបញ្ជាក់ថា ក្រសួងសេដ្ឋកិច្ចបានគិតគូរយ៉ាងច្បាស់មុននឹងត្រៀមផែនការនេះ។ ការខ្ចីក្នុងទំហំខាងលើនេះ នឹងមិនបង្កើតជាបន្ទុកបំណុលវ័ណ្ឌករដល់កម្ពុជាទេ ព្រោះស្ថានភាពបំណុលសាធារណៈកម្ពុជានៅមានហានិភ័យកម្រិតទាប ហើយរាល់សូចនាករបំណុលគន្លឹះៗរបស់កម្ពុជា សុទ្ធតែស្ថិតនៅក្រោមអនុបាតគោលទាំងអស់។ ដូច្នេះ អ្នកវិនិយោគមិនគួរភ័យក្លាចថា […]
អានបន្ថែម
អំណាចដោះស្រាយវិវាទអចលនទ្រព្យ និងបញ្ជាំ ត្រូវបានផ្ទេរទៅស្ថាប័នរដ្ឋថ្មីមួយ
រដ្ឋាភិបាលបានសម្រេចផ្ទេរអំណាច និងសិទ្ធិនៃការដោះស្រាយវិវាទអចលនទ្រព្យ និងការបញ្ជាំ ពីស្ថាប័នចាស់ (នាយកដ្ឋានគ្រប់គ្រងអាជីវកម្មអចលនវត្ថុ បញ្ចាំ និងប្រាតិភោគដោយអនុប្បទាន) ទៅស្ថាប័នថ្មីមួយ គឺនិយ័តករអាជីវកម្មអចលនវត្ថុ និងបញ្ចាំ (ន.អ.ប)។ នេះបើយោងតាម សេចក្តីជូនដំណឹងចុះថ្ងៃទី ២៦ ខែតុលា ឆ្នាំ២០២១ របស់ ន.អ.ប ដែលយោងតាមប្រកាសពីរ ស្ដីពីការគ្រប់គ្រងអចលនទ្រព្យ និងអាជីវកម្មបញ្ចាំ។ ជាក់ស្ដែង និយ័តករអាជីវកម្មអចលនវត្ថុ និងបញ្ចាំ (ន.អ.ប) នេះ ក៏ជាផ្នែកមួយនៃក្រសួងសេដ្ឋកិច្ចដែរ ដែលត្រូវបានបង្កើតឡើងដើម្បីដោះស្រាយសេវាហិរញ្ញវត្ថុមិនមែនធនាគារ។ និយ័តករនេះ នឹងមានតួនាទីផ្សះផ្សា និងដោះស្រាយវិវាទ នូវរាល់ពាក្យបណ្តឹងរបស់គូភាគីនៃកិច្ចសន្យាលក់-ទិញអចលនវត្ថុ កិច្ចសន្យាទទួលបញ្ចាំ និងកិច្ចសន្យាទទួលប្រាតិភោគដោយអនុប្បទានជាដើម។ ចំពោះយន្តការថ្មីនេះ ភាគីវិវាទ អាចដាក់ពាក្យស្នើសុំកិច្ចផ្សះផ្សា និងដោះស្រាយ ដោយត្រូវស្កែនឯកសារទន់ (Soft Copy) មកកាន់តេឡេក្រាមរបស់ ន.អ.ប តាមរយៈលេខទូរស័ព្ទ ០៧៨ ២៦៦ ២៦៨/០៧៧ ៧៤៩ ៩៥៨។
អានបន្ថែម
រដ្ឋអនុម័តផែនការវិនិយោគថ្មី ៥កន្លែង ក្នុងឧទ្យានជាតិបូកគោ
ប្លង់មេ និងផែនការអភិវឌ្ឍវិនិយោគទេសចរណ៍ធម្មជាតិខ្នាតតូចចំនួន ៥ ក្នុងឧទ្យានជាតិព្រះមុនីវង្សបូកគោ ត្រូវបានដាក់ឆ្លង និងអនុម័តជាផ្លូវការហើយ នៅក្នុងកិច្ចប្រជុំពិនិត្យកាលថ្ងៃទី ២៥ ខែតុលា កន្លងទៅ។ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានលើកឡើងថា គម្រោងវិនិយោគទាំងនេះ នឹងចូលរួមបង្កើតសក្តានុពលទេសចរណ៍កាន់តែខ្លាំង ពិសេសចូលរួមបង្កើតការងារ និងបង្កើនជីវភាពពលរដ្ឋនៅជុំវិញតំបន់នោះ។ ឯកឧត្តមបន្តថា ទេសចរណ៍ធម្មជាតិជាផ្នែកមួយយ៉ាងសំខាន់ ក្នុងការជំរុញវិស័យទេសចរណ៍ និងជួយអភិរក្សបរិស្ថានក្នុងពេលតែមួយ ដែលជាការល្អក្នុងការជំរុញសេដ្ឋកិច្ចជាតិអំឡុងវិបត្តិកូវីដ១៩ នេះ។ គួរបញ្ជាក់ថា ការសម្រេចអនុម័តនេះ ត្រូវបានធ្វើឡើងដោយក្រសួងបរិស្ថាន រដ្ឋបាលខេត្តកំពត មន្ទីរបរិស្ថាន និងមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពតព្រមទាំងតំណាង ក្រុមហ៊ុនវិនិយោគទេសចរណ៍ធម្មជាតិខ្នាតតូចដែលទទួលបានសិទ្ធិពីរាជរដ្ឋាភិបាលកម្ពុជា។ ភាគីពាក់ព័ន្ធជឿជាក់ថាគម្រោងទាំងនេះក៏នឹងជួយបណ្តុះស្មារតីស្រឡាញ់បរិស្ថានដល់ប្រជាជនទូទៅជាងមុន។
អានបន្ថែម
PropertyGuru នឹងធ្វើសិក្ខាសិលាអន្តជាតិពិភាក្សាពី«បដិវត្តន៍ទិន្នន័យ» ក្នុងទីផ្សារអចលនទ្រព្យ
ក្រុមអ្នកជំនាញជាន់ខ្ពស់មកពីទូទាំងសកលលោកជាច្រើនរូប នឹងធ្វើបទបង្ហាញអំពីទស្សនៈវិស័យ និន្នាការ របកគំហើញថ្មីៗ និងបដិវត្តភាពនៃបច្ចេកវិទ្យាក្នុងវិស័យអចលនទ្រព្យ ឬ Data Revolution & PropTech ក្នុងកិច្ចប្រជុំ និងសិក្ខាសិលាអនឡាញលំដាប់អន្តរជាតិមួយនេះ។ កិច្ចប្រជុំកំពូលលើកនេះ គឺលើកទី ៧ ហើយនៃប្រវត្តិសាស្រ្តរបស់ Property Guru ដែលឆ្នាំនេះ នឹងធ្វើឡើងតាមប្រព័ន្ធអនឡាញចាប់ពីថ្ងៃទី ៨ ខែធ្នូ ឆ្នាំ២០២១ រហូតដល់ថ្ងៃទី៨ ខែមករា ឆ្នាំ២០២២ កម្មវិធីឆ្នាំនេះផ្តោតលើរបកគំហើញ និងបច្ចេកវិទ្យាថ្មី ក្នុងវិស័យអចលនទ្រព្យ ក៏ដូចជារបៀបស្តារសេដ្ឋកិច្ច និងទីផ្សារឡើងវិញក្រោយយុគកូវីដ-១៩ មានអ្នកជំនាញជាន់ខ្ពស់មកពីស្ថាប័នធំៗដូចជា ធនាគារពិភពលោក (World Bank) សាជីវកម្មហិរញ្ញវត្ថុអន្តរជាតិ (IFC) បណ្តាញក្រុមអ្នកជំនាញសេដ្ឋកិច្ចជាន់ខ្ពស់ (The Economist Intelligence Corporate Network) វិទ្យាស្ថាន Milken និងអ្នកនាំពាក្យដំបូងរបស់ Siri (Original Voice of Siri) បទបង្ហាញ និងកម្មវិធីប្រគល់ពានរង្វាន់ ក្រុមហ៊ុនឆ្នើមផ្នែកនវានុវត្តន៍បច្ចេកវិទ្យាក្នុងវិស័យបច្ចេកវិទ្យាអចលនទ្រព្យ និងពានរង្វាន់ស្ត្រីដំបូង […]
អានបន្ថែម
គម្រោងផ្លូវ ៣៨ខ្សែ នៅសៀមរាបសម្រេចបាន៨៤%ហើយ លឿនជាងផែនការ ២%
គម្រោងស្ថាបនាផ្លូវ ៣៨ខ្សែ នៅក្រុងសៀមរាប បច្ចុប្បន្នសម្រេចបាន ៨៤% ហើយ លឿនជាងផែនការ២% ដោយគ្រោងនឹងបញ្ចប់ជាស្ថាពរនៅចុងឆ្នាំ២០២១។ ដោយឡែក គម្រោងស្ថាបនាផ្លូវជាតិលេខ៦ ប្រវែងជាង ៥គម នៅក្នុងភូមិសាស្រ្តក្រុងសៀមរាប ក៏នឹងបញ្ចប់ដំណើរគ្នានេះផងដែរ។ នេះបើយោងតាមការចុះត្រួតពិនិត្យដំណើរការសាងសង់របស់ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន កាលពីថ្ងៃទៅ២៥ ខែតុលានេះ។ ក្នុងឱកាសនេះ ឯកឧត្តមក៏បានជំរុញក្រុមហ៊ុនម៉ៅការសាងសង់ឱ្យបន្ថែមក្រុមការងារសាងសង់ ដើម្បីធ្វើយ៉ាងណាឱ្យការងារសាងសង់បញ្ចប់តាមផែនការ ឬលឿនជាផែនការបើអាចទៅរួច។ ជាមួយគ្នានេះ ឯកឧត្តមក៏បានស្នើឱ្យប្រជាពលរដ្ឋយោគយល់លើបញ្ហាផ្លូវលំបាក ដីហុយ និងការកកស្ទះនានា ដោយអះអាងថាការងារគឺមិនយឺតយ៉ាវទេ បច្ចុប្បន្នអាចលំបាកបន្ដិចមែន តែចុងឆ្នាំនឹងថ្មីប្លែកភ្នែក មានផ្លូវថ្មីស្រឡាង។
អានបន្ថែម
រដ្ឋាភិបាលចិននឹងបន្ថែមពន្ធលើអចលនទ្រព្យដើម្បីទប់ស្កាត់ការបំប៉ោងតម្លៃហួសហេតុ
អាជ្ញាធរចិន បានសម្រេចពង្រីកការសាកល្បងយកពន្ធបន្ថែមលើអចលនទ្រព្យ ដែលនេះជាផ្នែកមួយនៃការធ្វើកំណែទម្រង់លើវិស័យអចលនទ្រព្យ ទិសដៅជំរុញការវិនិយោគលើលំនៅឋានឱ្យសមស្របទៅនឹងតម្រូវការជាក់ស្ដែង មិនមែនវិនិយោគតាមចិត្តចង់ ដើម្បីបំប៉ោងតម្លៃនោះទេ។ បើយោងតាមសារព័ត៌មានចិន Xinhua ស្ថាប័ននីតិបញ្ញតិ្តកំពូលប្រទេសចិន គឺគណៈកម្មាធិការអចិន្ត្រៃយ៍សភាប្រជាជនចិន (National People’s Congress Standing Committee) បានអនុម័តលើផែនការចុងក្រោយនៃកំណែទម្រង់វិស័យអចលនទ្រព្យនេះហើយ កាលពីថ្ងៃសោរ៍កន្លងទៅនេះ។ នៅក្រោមគម្រោង ៥ឆ្នាំ នៃផែនការនេះ ពន្ធលើអចលនទ្រព្យនឹងត្រូវបង់លើរាល់ប្រភេទនៃអចលនទ្រព្យទាំងអស់ លើកលែងតែលំនៅឋាននៅតាមជនបទមួយចំនួនប៉ុណ្ណោះ។ កាលពីឆ្នាំ២០១១ អាជ្ញាធរចិនបានសាកល្បងការយកពន្ធលើអចលនទ្រព្យនេះនៅទីក្រុងសៀងហៃ និងខេត្តឆុងជីង ដោយផ្តោតលើប្រភេទអចលនទ្រព្យលំនៅឋានឯកជនប្រណីតៗ។ ការពង្រីកនៃការអនុវត្តយកពន្ធលើអចលនទ្រព្យនេះ ត្រូវបានលើកយកមកពិភាក្សាជាច្រើនលើករួចមកហើយ ប៉ុន្តែអាជ្ញាធរក្នុងស្រុកនីមួយៗ ហាក់ស្ទាក់ស្ទើរក្នុងការអនុវត្ត ដោយបារម្ភថា ការអនុវត្តនេះនឹងទាញទម្លាក់តម្លៃអចលនទ្រព្យ និងតម្រូវការដីធ្លីធ្លាក់ចុះ ដែលជាប្រភពដ៏សំខាន់នៃចំណូលរដ្ឋាភិបាលក្នុងតំបន់នីមួយៗ។ នេះបើយោងតាមសារព័ត៌មាន Global Times ចេញផ្សាយកាលពីថ្ងៃទីសៅរ៍កន្លងទៅ។ គួរបញ្ជាក់ថា បច្ចុប្បន្នវិស័យអលចនទ្រព្យរបស់ប្រទេសចិនកំពុងមានការដាំក្បាលចុះ ខណៈអត្រាលក់សំណង់លំនៅឋាន ធ្លាក់ចុះ ១៦,៩% គិតត្រឹមខែកញ្ញានេះ។ លើសពីនេះ ក្រុមហ៊ុនអចលនទ្រព្យដ៏ធំបំផុតរបស់ប្រទេសចិន Evergrande ក៏បានធ្លាក់ខ្លួនផុងក្នុងវិបត្តិបំណុល ហើយប្រឈមនឹងការក្ស័យធនផងដែរ៕
អានបន្ថែម
ហេតុអ្វីខណ្ឌទួលគោកជាតំបន់ល្អសម្រាប់ការវិនិយោគលើគម្រោងលំនៅឋាន ឬខុនដូ?
ទួលគោកគឺជាខណ្ឌដ៏ធំមួយស្ថិតនៅក្នុងកណ្ដាលរាជធានីភ្នំពេញ ដែលត្រូវបានគេស្គាល់ថាជាតំបន់ពេញនិយមបំផុតមួយសម្រាប់ការរស់នៅបន្ទាប់ពីខណ្ឌបឹងកេងកង និងចំការមន។ ខណ្ឌទួលគោកត្រូវបានបែងចែកជា ១០សង្កាត់ ប៉ុន្តែមាន ២សង្កាត់ គឺបឹងកក់ ១ និងបឹងកក់ ២ ដែលជាសង្កាត់មានប្រជាប្រិយបំផុតគម្រោងអភិវឌ្ឍ និងសម្បូរហេដ្ឋារចនាសម្ព័ន្ធខ្វាត់ខ្វែង ជាពិសេសបណ្ដាញផ្លូវសំខាន់ ៣ខ្សែ គឺផ្លូវ ២៨៩ ៣១៥ និង ៣៣៧។ នៅលើផ្លូវទាំង៣នេះ រួមមានអគារពាណិជ្ជកម្មខ្ពស់ៗ អាផាតមិន ផ្សារទំនើប ធនាគារ និងសកម្មភាពអាជីវកម្មជាច្រើនផងដែរ។ លោក សៀក នារីតី ដែលជាប្រធានផ្នែកវាយតម្លៃនៅក្រុមហ៊ុនអចលនទ្រព្យ ឃី រៀល អ៊ីស្ទេត បានលើកឡើងថា៖ «ខណ្ឌទួលគោកគឺជាខណ្ឌមួយដែលមានផ្លូវល្អប្រសើរ ដោយតភ្ជាប់ជាមួយផ្លូវធំៗជាច្រើនដូចជាមហាវិថីសហព័ន្ធរុស្សី មហាវិថីម៉ៅសេទុង ផ្លូវលេខ២៧១ ផ្លូវលេខ១៨២ និងផ្លូវពាណិជ្ជកម្មជាច្រើនផ្សេងទៀត»។ លោកបានបន្តថា ទួលគោកត្រូវបានចាត់ទុកថាជាខណ្ឌដែលមានប្រជាប្រិយបំផុតសម្រាប់ការស្នាក់នៅ ព្រោះវាស្ថិតនៅចំកណ្តាលទីក្រុងភ្នំពេញ និងមានគម្រោងអភិវឌ្ឍន៍ជាច្រើននៅទីនោះ ដូចជាអគារពាណិជ្ជកម្ម ខុនដូ អាផាតមិន ហាងទំនិញ សាលារៀនអន្តរជាតិ និងផ្លូវធំៗជាច្រើនដើម្បីទ្រទ្រង់ជីវិតរស់នៅប្រចាំថ្ងៃ។ ដោយសារតែវាជាតំបន់មានការអភិវឌ្ឍន៍ រីកចម្រើនខ្លាំង ទើបធ្វើឱ្យទីផ្សារអចលនទ្រព្យនៅក្នុងខណ្ឌនេះចេះតែកើនឡើងពីមួយឆ្នាំទៅមួយឆ្នាំ។ ខណ្ឌនេះសម្បូរទៅដោយអគារពាណិជ្ជកម្ម និងអគារលំនៅឋានល្បីៗជាច្រើនដូចជា […]
អានបន្ថែម
រដ្ឋាភិបាលគ្រោងលក់មូលបត្របំណុលរដ្ឋក្នុងទំហំ ៣០០លានដុល្លារ នៅឆ្នាំក្រោយ
នៅឆ្នាំ២០២២ រាជរដ្ឋាភិបាល គ្រោងនឹងបោះផ្សាយលក់មូលបត្របំណុលរដ្ឋ (government bond) ជាលើកដំបូងក្នុងទំហំទឹកប្រាក់សរុប ៣០០លានដុល្លារ ដើម្បីរកថវិកាមកគាំទ្រគម្រោងវិនិយោគសាធារណៈ សំដៅលើស្ទួយកំណើន និងផលិតភាពសេដ្ឋកិច្ច។ នេះបើយោងតាម ខ្លឹមសារសង្ខេបនៃសេចក្តីព្រាងច្បាប់ហិរញ្ញវត្ថុ ២០២២ របស់ក្រសួងសេដ្ឋកិច្ច និងហិរញ្ញវត្ថុ ដែលប្រកាសកាលពីថ្ងៃទី២២ ខែតុលា កន្លងទៅ។ ការលក់មូលប័ត្របំណុលរបស់រដ្ឋាភិបាលនេះ បើពន្យល់និយាយឱ្យងាយយល់ គឺស្រដៀងគ្នានឹងរដ្ឋខ្ចីលុយពីអ្នកវិនិយោគដូច្នោះដែរ តែធ្វើឡើងក្នុងទ្រង់ទ្រាយជាការវិនិយោគ។ ពោលគឺ រដ្ឋខ្ចីលុយពីអ្នកវិនិយោគ ហើយសន្យាថានឹងសងក្នុងអត្រាការប្រាក់ណាមួយ។ អ្នកវិនិយោគភាគច្រើនចូលចិត្តទិញមូលប័ត្រ ដោយសារតែហានិភ័យទាបជាងទិញភាគហ៊ុន ហើយការប្រាក់ខ្ពស់ជាងដាក់លុយនៅធនាគារ។ ជាក់ស្ដែង ការលក់មូលបត្របំណុលរបស់រដ្ឋាភិបាល គឺវិធីសាស្រ្តពេញនិយមមួយ ដែលប្រទេសផ្សេងៗប្រើប្រាស់ដើម្បីរកថវិកាមកអភិវឌ្ឍប្រទេសជាតិ ប៉ុន្តែកម្ពុជានៅមិនទាន់ធ្វើនៅឡើយ។ UNDP ក៏ធ្លាប់បានណែនាំថា កម្ពុជាគួរបោះពុម្ពមូលបត្របំណុលរដ្ឋជាប្រាក់រៀលផងដែរ ដើម្បីពង្រីកប្រភពហិរញ្ញវត្ថុ។ (អានបន្ថែម) យោងតាមក្រសួងសេដ្ឋកិច្ច ការលក់មូលបត្របំណុលរដ្ឋលើកដំបូងនេះ គឺជាការសាកល្បង ហើយសង្ឈឹមថាវានឹងជាការចូលរួមកាត់បន្ថយកម្ចីឥណទានពីក្រៅប្រទេស ដោយរាជរដ្ឋាភិបាលនឹងផ្តោតលើការគៀងគរប្រភពហិរញ្ញប្បទានពីខាងក្នុងប្រទេសវិញ។ ហិរញ្ញប្បទានពីការបោះផ្សាយមូលបត្ររដ្ឋ នឹងយកទៅប្រើបន្ថែមលើផែនការកម្ចីពីដៃគូឆ្នាំ២០២២ ក្នុងកម្រិត ១ ៦០០លាន SDR (កញ្ចប់ថវិកាអន្តរជាតិរបស់IMF) ឬប្រមាណ ២.២ ០០លានដុល្លារ ដើម្បីគាំទ្រគម្រោងវិនិយោគសាធារណៈ ប្រមាណ […]
អានបន្ថែម
បុរីចន្ទគីរីបន្តបោះជំហ៊ានឆ្ពោះទៅរកការរស់នៅកាន់តែប្រសើរជាងមុន ជាមួយនឹងកម្មវិធីសម្ពោធបើកលក់ប្លុកថ្មី និងប្រភេទវីឡាថ្មី
ក្រុមហ៊ុនអភិវឌ្ឍអចលនទ្រព្យឈ្នះពានរង្វាន់ក្នុងស្រុក Urbanland កាលពីចុងសប្ដាហ៍កន្លងទៅ បានប្រារព្ធពិធីបញ្ចុះបឋមសិលាបើកការដ្ឋានសាងសង់ប្លុកថ្មីរបស់គម្រោងបុរីចន្ទគីរី ព្រមនឹងបើកលក់វីឡាថ្មីៗជាច្រើនប្រភេទជាផ្លូវការហើយ។ រចនាឡើងដោយយកតម្រូវការ និងក្តីស្រមៃរបស់អ្នករស់នៅជាចម្បង គម្រោងបុរីចន្ទគីរី បន្តប្រកាន់ខ្ជាប់នូវគំនិតរចនាដែលផ្តោតលើតម្រូវការចាំបាច់សម្រាប់ការរស់នៅ។ តាមរយៈការរចនាប្លង់មេដែលសម្បូរទៅដោយសួនរុក្ខជាតិបៃតង និងបរិក្ខារនៅតាមដងវិថីនៅក្នុងគម្រោងថ្មីនេះ អ្នករស់នៅនឹងមានសុខដុម និងភាពស្ងប់ស្ងាត់ទាំងនៅខាងក្នុង និងខាងក្រៅគេហដ្ឋានរបស់ខ្លួន។ ការគិតគូបែបនេះហើយដែលញាំងឱ្យគម្រោងថ្មីនេះជាកន្លែងរស់នៅមួយមានភាពសក្តិសមបំផុតសម្រាប់ការរស់នៅដែលសកម្ម ប៉ុន្តែពោរពេញដោយភាពស្ងៀមស្ងាត់។ ដើម្បីឆ្លើយតបទៅនឹងតម្រូវការរបស់ម្ចាស់ផ្ទះ ដែលចង់បានប្រភេទគេហដ្ឋានដែលកាន់តែធំទូលាយ ក្រុមហ៊ុនក៏បានបន្ថែមនូវប្រភេទគេហដ្ឋានថ្មីមួយទៀតឈ្មោះថា វីឡាឧត្តមធំ ដែលជាវីឡាទោល សាងសង់លើផ្ទៃដីទូលាយ និងមានទំហំផ្ទះធំជាងមុន។ គេហដ្ឋាននេះមានលក្ខណៈល្អឥតខ្ចោះសម្រាប់គ្រួសារដែលមានសមាជិកច្រើនវ័យ។ ការរចនាខាងក្នុងផ្ទះមានផ្ទះបាយ និងកន្លែងទទួលទានអាហារដែលបើកចំហចេញមកសួនខាងក្រោយ ផ្ទៃខាងក្រោយផ្ទះមានទីធ្លាធំទូលាយដែលអាចកែច្នៃជាអាងហែលទឹក ឬសួនរុក្ខជាតិបៃតងសម្រាប់រៀបចំកម្មវិធីគ្រួសារផ្សេងៗជាដើម។ ទីធ្លាខាងក្រោយនេះសមស្របសម្រាប់លម្ហែកាយជាលក្ខណៈគ្រួសារពេលល្ងាច រីឯបន្ទប់ទទួលភ្ញៀវដ៏ធំទូលាយនៅក្នុងផ្ទះវិញ ជាកន្លែងដ៏សមរម្យបំផុតសម្រាប់ទទួលបានភាពស្ងប់ស្ងាត់។ វីឡាឧត្តមធំភាគច្រើនមានទីតាំងនៅជាប់នឹងសួនរុក្ខជាតិបៃតងរបស់បុរី។ គេហដ្ឋាននេះមានបន្ទប់គេង ៥ធំៗ ដែលមានបង្អួច និងទ្វារូតធំៗ អនុញ្ញាតឱ្យខ្យល់ និងពន្លឺចេញចូលបានគ្រប់គ្រាន់ទូទាំងផ្ទះទាំងមូល។ ក្រុមហ៊ុនក៏បានរចនាបន្ទប់គេងមួយបន្ថែមនៅជាន់ផ្ទាល់ដីដែលមានភ្ជាប់ជាមួយនឹងបន្ទប់ទឹកស្រាប់ សមស្របសម្រាប់គ្រួសារដែលមានឪពុកម្តាយ ឬលោកតាលោកយាយដែលមានវ័យចំណាស់។ រីឯបន្ទប់ពហុមុខងារដែលនៅជាប់គ្នានោះ ម្ចាស់ផ្ទះអាចកែច្នៃទៅតាមមុខងារផ្សេងៗ ដែលខ្លួនត្រូវការ ដូចជាការិយាល័យធ្វើការនៅផ្ទះ បន្ទប់ហាត់ប្រាណ និងបន្ទប់អានសៀវភៅជាដើម។ ដើម្បីអបអរសាទរការបើកលក់ប្លុកថ្មីនេះ បុរីចន្ទគីរីមានការលក់បញ្ចុះតម្លៃពិសេសសរុបរហូតដល់ ២០០ ០០០ ដុល្លារ ក៏ដូចជាកម្មវិធីចាប់ឆ្នោតផ្សងសំណាងដែលមានតម្លៃសរុបរហូតដល់ ១០០ ០០០ […]
អានបន្ថែម