ក្រសួងគម្រោងបង្កើតផ្លូវដែកថ្មីតភ្ជាប់ពីក្រុងភ្នំពេញ ទៅកំពង់ផែថ្មីនៅស្រុកកៀនស្វាយ
ក្រសួងសាធារណការ និងដឹកជញ្ជូន កំពុងសិក្សាចង់បង្កើតផ្លូវរថភ្លើង តភ្ជាប់ទៅទីក្រុងភ្នំពេញទៅកាន់កំពង់ផែថ្មីដែលស្ថិតនៅស្រុកកៀនស្វាយ ខេត្តកណ្តាល ដើម្បីផ្តល់ភាពងាយស្រួលក្នុងការដឹកជញ្ជូនទំនិញ និងជំរុញកំណើនសេដ្ឋកិច្ច។ យោងតាមឯកឧត្តមទេសរដ្ឋមន្ត្រី ស៊ុន ចាន់ថុល ថ្លែងនៅក្នុងពិធីសម្ពោធចំណតផែកុងតឺន័រ LM17 នៅថ្ងៃទី ២០ ខែកញ្ញា ផ្លូវនេះអាចជាផ្លូវដែលតភ្ជាប់ពីផ្លូវដែកចាស់ ដែលមានស្រាប់ ឬជាផ្លូវថ្មី អាស្រ័យលើលទ្ធផលនៃការសិក្សា។ បន្ថែមពីលើនេះ ឯកឧត្តម ស៊ុន ចាន់ថុល ក៏បានស្នើឱ្យមន្រ្តីពិនិត្យលើកការជួសជុលផ្លូវដែកតភ្ជាប់ទៅគីឡូលេខ៦ ក្នុងខណ្ឌឬស្សីកែវ ឡើងវិញផង ព្រោះទីតាំងនោះក៏ជាចំណតផែរណប ទិសដៅដើម្បីបម្រើសេវាកម្មដឹកជញ្ជូនសាធារណៈ និងកាត់បន្ថយភាពកកស្ទះចរាចរណ៍។
អានបន្ថែម
កំពង់ផែស្វយ័តភ្នំពេញបង្ហាញគម្រោងកសាងកំពង់ផែរណបតាមដងទន្លេ
កំពង់ផែស្វយ័តភ្នំពេញ បានបង្ហាញគម្រោងអភិវឌ្ឍន៍កំពង់ផែរណបតាមដងទន្លេ ចំនួន ៧ទីតាំងទៀត ដើម្បីចូលរួមលើកម្ពស់ការដឹកជញ្ជូនកសិផល និងទេសចរណ៍។ គម្រោងអភិវឌ្ឍន៍កំពង់ផែរណបនេះ ត្រូវបានប្រកាសឡើងក្នុងពិធីដាក់ឱ្យប្រើប្រាស់ចំណតកុងតឺន័រថ្មីរបស់កំពង់ផែស្វយ័តភ្នំពេញកាលពីថ្ងៃទី២០ ខែកញ្ញា។ ឯកឧត្តម ហ៊ី បាវី ប្រតិភូរាជរដ្ឋាភិបាលទទួលបន្ទុកប្រធានអគ្គនាយកកំពង់ផែស្វយ័តភ្នំពេញ មានប្រសាសន៍ថា កំពង់ផែរណបតាមដងទន្លេ ចំនួន ៧ទីតាំង មានដូចជា ចំណតផែរណបពហុបំណងកោះរកា ចំណតផែរណបពហុបំណងព្រែកអញ្ចាញ ចំណតផែរណបពហុបំណងព្រែកក្តាម ស្ថិតក្នុងខេត្តកណ្តាល ចំណតផែរណបពហុបំណងទន្លេបិទ ខេត្តកំពង់ចាម ចំណតផែរណបពហុបំណងឆ្លូង ខេត្តក្រចេះ និងចំណតផែរណបពហុបំណងកំពង់ឆ្នាំង ។ អគ្គនាយកកំពង់ផែស្វយ័តភ្នំពេញ បានស្នើសុំការគាំទ្រពីក្រសួងសាធារណការ និងដឹកជញ្ជូន លើគម្រោងអភិវឌ្ឍន៍ចំណតផែរណបពហុបំណងតាមដងទន្លេ។ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានផ្តល់ការគាំទ្រដល់គម្រោងអភិវឌ្ឍន៍កំពង់ផែរណប។ ឯកឧត្តម ស្នើវិស័យឯកជនចូលរួមលើការវិនិយោគគម្រោងកំពង់ផែរណបនេះ។
អានបន្ថែម
រោងចក្រគ្រឿងសង្ហារិមធំមួយតម្លៃជិត ៣លានដុល្លារ នឹងបង្ហាញខ្លួនលើផ្លូវជាតិលេខ២ ខេត្តតាកែវ
ក្រុមប្រឹក្សាអភិវឌ្ឍន៍កម្ពុជា (CDC) ទើបតែបានអនុម័តឱ្យក្រុមហ៊ុនឯកជនបោះទុនវិនិយោគ ២,៨ លានដុល្លារអាមេរិក បង្កើតរោងចក្រផលិតគ្រឿងសង្ហារិមចំនួន១កន្លែង នៅទឹកដីខេត្តតាកែវ។ យោងតាមប្រកាសរបស់គណៈកម្មាធិការវិនិយោគនៃក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី ២០ ខែកញ្ញា ឆ្នាំ២០២១ បានឲ្យដឹងថា ក្រុមហ៊ុនដែលទទួលបានការអនុម័ត ១កន្លែង គឺ៖ គម្រោងបង្កើតរោងចក្រផលិតគ្រឿងសង្ហារិម (ពីស្បែក និងឈើនាំចូល) ជាគម្រោងវិនិយោគរបស់ក្រុមហ៊ុន KINWAY (CAMBODIA) INTELLIGENT HOME FURNISHING MANUFACTURER CO., LTD ដែលនឹងត្រូវសាងសង់ឡើងនៅទីតាំងស្ថិតនៅផ្លូវជាតិលេខ២ ភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ។ គម្រោងវិនិយោគរោងចក្រថ្មីនេះ នឹងជួយបង្កើតការងារដល់ប្រជាពលរដ្ឋកម្ពុជា រហូតដល់ ២០៨ កន្លែង។ គួរបញ្ជាក់ដែរថា បើយោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា(CDC)បានបង្ហាញថា គិតត្រឹមឆមាសទី១ ឆ្នាំ២០២១ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគថ្មី និងគម្រោងពង្រីកផលិតកម្មសរុប ៨៧គម្រោង ឬស្មើនឹងទុនវិនិយោគជិត ៣ពាន់លានដុល្លារ ដែលកើនប្រមាណ ១០% ឬស្មើនឹង ៣១៥លានដុល្លារអាមេរិក៕
អានបន្ថែម
រាជរដ្ឋាភិបាល ដាក់ឱ្យដំណើរការចំណតផែកុងតឺន័រថ្មី នៅស្រុកកៀនស្វាយ
ក្រសួងសាធារណការ និងដឹកជញ្ជូន បានដាក់ឱ្យដំណើរការចំណតផែកុងតឺន័រ នៃកំពង់ផែស្វយ័តភ្នំពេញ ស្ថិតនៅឃុំបន្ទាយដែក ស្រុកកៀនស្វាយ ខេត្តកណ្តាល ដើម្បីឆ្លើយតបនឹងកំណើនកុងតឺន័រឆ្លងកាត់ជាបន្តបន្ទាប់។ យោងតាមកំពង់ផែស្វយ័តភ្នំពេញ ហេដ្ឋារចនាសម្ព័ន្ធចំណតផែកុងតឺន័រ LM17 ជំហានទី៣ ដំណាក់កាលទី១ ស្ថិតក្នុងគម្រោងពង្រីកចំណតផែកុងតឺន័រ ដែលត្រូវបានធ្វើជាជំហានៗ។ ដោយជំហានទី១ មានទំហំ១០ហិកតា ដែលមានសមត្ថភាពផ្ទុកកុងតឺន័រ ១៥ម៉ឺន TEU ក្នុងមួយឆ្នាំ ដោយប្រើប្រាស់ទុនវិនិយោគបានមកពីកម្ចីឥណនទានរបស់ ប្រទេសចិន ក្នុងទឹកប្រាក់២៨,៩លានដុល្លារអាមេរិក។ ជំហានទី២ ពង្រីកបន្ថែមទំហំ ៤,៥ហិកតា នៅឆ្នាំ២០១៨ ដែលមានសមត្ថភាពផ្ទុកកុងតឺន័រ ១៥ម៉ឺនTEU ក្នុងមួយឆ្នាំ ដោយប្រើប្រាស់ទុនវិនិយោគបានមកពីការបោះផ្សាយលក់មូលបត្រ និងថវិកាសន្សំរបស់កំពង់ផែស្វយ័តភ្នំពេញ។ នៅចុងឆ្នាំ២០១៩ បានអនុវត្តគម្រោង ជំហានទី៣ ដំណាក់កាលទី១ មានទំហំ ២,៧៥ហិកតា ដោយមានសមត្ថភាពផ្ទុកកុងតឺន័រ ១០ម៉ឺន TEU ក្នុងមួយឆ្នាំ ដោយប្រើទុនវិនិយោគប្រមាណ ១៨,៤លានដុល្លារ ដែលទុនវិនិយោគនេះបានមកពីការបោះផ្សាយលក់មូលបត្រ និងថវិកាសន្សំរបស់កំពង់ផែស្វយ័តភ្នំពេញ។ ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការហេដ្ឋារចនាសម្ព័ន្ធចំណតផែកុងតឺន័រ LM17 នៅព្រឹកថ្ងៃទី២០ ខែកញ្ញានេះ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ […]
អានបន្ថែម
រដ្ឋធ្វើប្រទានកម្មផ្តល់សិទ្ធដីព្រៃឈើ ១៧២ហិកតា នៅបន្ទាយស្រីឱ្យទៅក្រុមហ៊ុនអចលនទ្រព្យ
រដ្ឋាភិបាល បានធ្វើអនុប្រយោគដីសាធារណៈរបស់រដ្ឋ ប្រមាណ ១៧២ហិកតា នៅស្រុកបន្ទាយស្រី ខេត្តសៀមរាប ដើម្បីធ្វើប្រទានកម្មផ្តល់ជាកម្មសិទ្ធទៅក្រុមហ៊ុនអភិវឌ្ឍន៍អចលនទ្រព្យល្បីឈ្មោះមួយនៅក្នុងស្រុក។ ការសម្រេចធ្វើប្រទានកម្មផ្តល់កម្មសិទ្ធនេះ ធ្វើឡើងដោយអនុក្រឹត្យពីការកាត់ឆ្វៀលដីគម្របព្រៃឈើ ដែលចុះហត្ថលេខាដោយសម្ដេច ហ៊ុន សែន នៅថ្ងៃទី២៣ កក្កដា ឆ្នាំ២០២១។ តាមរយៈអនុក្រិត្យនេះ រដ្ឋាភិបាលបានកាត់ដីទំហំ ១៧២ហិកតា៣អា ស្ថិតនៅភូមិរំចេក ឃុំរំចេក ឃុំរំចេក និងភូមិខ្នារ ឃុំខ្នារសណ្ដាយ ស្រុកបន្ទាយស្រី ខេត្តសៀមរាប ទៅឱ្យលោកឧកញ៉ា ឡេង ណាវ៉ាត្រា។ នៅលើបណ្តាញសង្គមហ្វេសប៊ុក កាលពីថ្ងៃអាទិត្យមិ្សលមិញ លោក ឃឹម ហ្វីណង់ អភិបាលស្រុកបន្ទាយស្រី សរសេរបញ្ជាក់ថា គោលនយោបាយលើបញ្ហាដីធ្លីរបស់រាជរដ្ឋាភិបាល តែងធ្វើការកាត់ឆ្វៀលដីរដ្ឋដែលលែងមានព្រៃឈើ និងត្រូវបានប្រជាពលរដ្ឋរស់នៅកាន់កាប់អាស្រ័យផលជាក់ស្តែងយូរមកហើយ ដើម្បីផ្តល់កម្មសិទ្ធិរឹងមាំជូនពួកគាត់អាចយកទៅចាត់ចែងបានពេញលេញ។ លោក ឃឹម ហ្វីណង់ ថ្លែងថា៖ «ការផ្តល់កម្មសិទ្ធិស្របច្បាប់ទៅលើដីដែលប្រជាពលរដ្ឋបានកាន់កាប់អាស្រ័យផលយូររួចមកហើយ មានសារៈសំខាន់បំផុតសម្រាប់ការអភិវឌ្ឍមូលដ្ឋានដូចជាស្រុកបន្ទាយស្រី ព្រោះវានឹងធានាសុវត្ថិភាពនៃការកាន់កាប់ដីធ្លី ផ្តល់ភាពច្បាស់លាស់ និងមូលដ្ឋានច្បាប់រឹងមាំជូនដល់ប្រជាពលរដ្ឋក្នុងការប្រើប្រាស់ដីធ្លីរបស់ខ្លួនជាទ្រព្យដ៏មានតម្លៃ និងសក្តានុពល ព្រមទាំងបើកផ្លូវឱ្យមានការវិនិយោគពីសំណាក់វិស័យឯកជនដើម្បីជាប្រយោជន៍ដល់សេដ្ឋកិច្ចជាតិផងដែរ»។ លោកបន្ថែមថា ដីដែលជាគោលដៅនៃការកាត់ឆ្វៀល ត្រូវតែជាដីដែលបានកាន់កាប់អាស្រ័យផលយូរមកហើយ មានឯកសារបញ្ជាក់ច្បាស់លាស់ មិនមានព្រៃឈើ […]
អានបន្ថែម
EuroCham នឹងរៀបចំសិក្ខាសាលាអនឡាញស្តីពីនិន្នាការនៃវិញ្ញាបនប័ត្រអគារបៃតងនៅថ្ងៃពុធនេះ
EuroCham សហការជាមួយគម្រោង Build4People នឹងរៀបចំសិក្ខាសាលាអនឡាញដ៏ធំមួយស្តីពី « អត្ថប្រយោជន៍នៃវិញ្ញាបនប័ត្រអគារបៃតងក្នុងការជំរុញនិរន្តរភាពក្នុងវិស័យអចលនទ្រព្យ» នៅថ្ងៃពុធទី ២២ ខែកញ្ញាចាប់ពីម៉ោង ៣:០០ រសៀលរហូតដល់ម៉ោង ៤:៣០ រសៀល។ សិក្ខាសាលាប្រព័ន្ធអនឡាញនេះ នឹងផ្តោតលើរបៀបលើកកម្ពស់គុណភាពសំណង់តាមរយៈវិញ្ញាបនប័ត្រអគារបៃតង ការធ្វើបច្ចុប្បន្នភាពអំពីគុណសម្បត្តិដើម្បីទទួលបានវិញ្ញាបនប័ត្រអគារបៃតង និងនិន្នការក្នុងតំបន់ ជាមួយនឹងករណីសិក្សាពីប្រទេសវៀតណាម និងប្រទេសចិន។ សិក្ខាសាលានេះ ក៏នឹងធ្វើបទបង្ហាញពីប្រធានបទពាក់ព័ន្ធនានាផ្សេងទៀត ដោយមានការចូលរួមចែករំលែក និងពិភាក្សា ពីវាគ្មិនសំខាន់ៗនៅក្នុងវិស័យនេះ។ វគ្គសិក្ខាសាលាអនឡាញនេះ គឺភាគទី ២ នៃសិក្ខាសាលាអនឡាញ ៣ របស់ EuroCham ទាក់ទិននឹងវិស័យអចលនទ្រព្យក្នុងខែកញ្ញានេះ។ សិក្ខាសាលាទី១ ស្ដីពីសារៈសំខាន់នៃស្ដង់ដារ RICS ត្រូវបានធ្វើរួចរាល់កាលពីថ្ងៃទី ១៦ ខណៈភាគទី២ ស្ដីពីហានិភ័យនៃសម្ភារសំណង់នៅកម្ពុជា នឹងធ្វើឡើងនៅថ្ងៃទី ២៧ កញ្ញា។
អានបន្ថែម
ក្រសួងកំពុងរកយុទ្ធសាស្រ្តថ្មីដើម្បីពង្រឹងការការផ្គត់ផ្គង់ទឹកស្អាតឱ្យមាននិរន្តរភាព
ក្រសួងសាធារណការ និងដឹកជញ្ជូន កំពុងសិក្សាស្វែងរកយុទ្ធស្រាស្តថ្មី ដើម្បីគ្រប់គ្រង និងផ្ដល់សេវាប្រព័ន្ធចម្រោះទឹកកខ្វក់ ប្រកបដោយប្រសិទ្ធភាព និងនិរន្តរភាព។ នេះបើតាមកិច្ចប្រជុំមន្រ្តីពាក់ព័ន្ធ កាលពីថ្ងៃទី១៧ ខែកញ្ញា ឆ្នាំ២០២១។ លោក ចៅ សុភៈភិបាល អគ្គនាយករង នៃអគ្គនាយកដ្ឋានប្រព័ន្ធចម្រោះទឹកកខ្វក់នៃក្រសួងសាធារណការ និងដឹកជញ្ជូន បានឱ្យដឹងថា កិច្ចប្រជុំនេះធ្វើឡើង ក្នុងគោលបំណងពង្រឹងកិច្ចការងារ ដើម្បីធានាប្រតិបត្តិការ និងថែទាំប្រព័ន្ធចម្រោះទឹកកខ្វក់។ លោកបានបន្តថា កិច្ចប្រជុំក៏បានពិភាក្សាលើលទ្ធផលការងារបច្ចេកទេស កិច្ចការហិរញ្ញវត្ថុ ការធ្វើសវនកម្មគម្រោង កិច្ចគាំពារបរិស្ថាន ការដោះស្រាយបញ្ហាប្រឈម ទិសដៅដើម្បីផ្ដល់សេវាឱ្យល្អជាងមុនទៅថ្ងៃអនាគត»។ គួរបញ្ជាក់ថា គម្រោងលើកកម្ពស់ការផ្គត់ផ្គង់ទឹកស្អាត និងអនាម័យ ធ្វើឡើងក្រោមហិរញ្ញប្បទានឥណទានសម្បទានរបស់ធនាគារពិភពលោក (World Bank)។ តាមរយៈគម្រោងនេះ គឺបានជំរុញ ឱ្យក្រុមការងារអនុវត្តគម្រោង ប្រតិបត្តិតាមគោលការណ៍គ្រឹះនៃក្រមសីលធម៌ ដើម្បីធានាបាននូវនិរន្តរភាព និងប្រសិទ្ធភាព៕
អានបន្ថែម
ពីឆ្នាំ ១៩៩៣ ដល់បច្ចុប្បន្ន រដ្ឋចំណាយប្រមាណ ៨ប៊ីលានដុល្លារ លើការស្ថាបនាហេដ្ឋារចនាសម្ព័ន្ធ
រដ្ឋាភិបាលកម្ពុជា បានប្រើប្រាស់សាច់ប្រាក់ប្រមាណ ៨ប៊ីលានដុល្លារ លើគម្រោងវិនិយោគសាធារណៈ ក្នុងវិស័យហេដ្ឋារចនាសម្ព័ន្ធរូបវន្ត នៅក្នុងរយៈពេល២៨ឆ្នាំ។ នេះយោងតាមព្រឹត្តិបត្រស្ថិតិបំណុលសាធារណៈកម្ពុជានៃក្រសួងសេដ្ឋកិច្ច និងហិរញ្ញវត្ថុ ចេញផ្សាយកាលពីខែសីហា ឆ្នាំ២០២១។ គិតចាប់ពីឆ្នាំ១៩៩៣ រហូតមកដល់ដំណាច់ឆមាសទី១ ឆ្នាំ២០២១ រាជរដ្ឋាភិបាលបានដកសាច់ប្រាក់ពីដៃគូអភិវឌ្ឍន៍យកមកប្រើប្រាស់ជាក់ស្តែងសរុបចំនួន១០,០៥ប៊ីលានដុល្លារអាមេរិក។ ក្នុងចំណោមសាច់ប្រាក់នេះ ប្រមាណ៨១% ត្រូវបានប្រើប្រាស់សម្រាប់គម្រោងវិនិយោគសាធារណៈ ក្នុងវិស័យហេដ្ឋារចនាសម្ព័ន្ធរូបវន្ត និងមានប្រមាណ ១៩% ទៀត ប្រើ ក្នុងវិស័យអាទិភាពចំពោះមុខផ្សេងៗទៀត។ គួរបញ្ជាក់ថា ប្រទេសចិននៅតែជាប្រភពហិរញ្ញប្បទានលំដាប់ទី១ សម្រាប់ការអភិវឌ្ឍន៍ហេដ្ឋារចនាសម្ព័ន្ធនៃប្រទេសកម្ពុជា ដែលមានទឹកប្រាក់សរុបជិត ៣ប៊ីលានដុល្លារអាមេរិក មកទល់បច្ចុប្បន្ន ខណៈប្រទេសជប៉ុននិងកូរ៉េខាងត្បូងស្ថិតនៅលំដាប់ទី ២ និងទី ៣។
អានបន្ថែម
សហគ្រាសផលិតកែវក្រដាស បំពង់បឺត ឆ្នៃពីម្សៅអង្ករ តម្លៃជាង៥លានដុល្លារ ដាក់ឲ្យដំណើរការហើយ
សហគ្រាស ផលិតកែវក្រដាស និងបំពង់បឺត តម្លៃជាង៥លានដុល្លារអាមេរិក ដែលស្ថិតនៅលើទឹកដីស្រុកក្រគរ ខេត្តពោធិ៍សាត់ ត្រូវបានប្រកាសដាក់សម្ពោធឱ្យប្រើប្រាស់ជាផ្លូវការហើយ កាលថ្ងៃទី១៩ ខែកញ្ញា ឆ្នាំ២០២១ ក្រោមវត្តមាន ឯកឧត្តម ម៉ៅ ធនិន អភិបាលខេត្តពោធិ៍សាត់។ នាឪកាសនោះ លោកជំទាវ ទិត សុខុម ស្ថាបនិកសហគ្រាស TK & D បានឱ្យដឹងថា ដោយសង្កេតឃើញតាមបណ្តាប្រទេសជឿនលឿនមួយចំនួន បានយកចិត្តទុកដាក់ខ្ពស់ទៅលើបញ្ហាសុខភាព អនាម័យ និងបរិស្ថាន ដោយមានទឹកចិត្តស្រលាញ់ជាតិផងនោះ ទើបបង្កើតសហគ្រាសនេះឡើង ដើម្បីការពារបរិស្ថាន និងសេដ្ឋកិច្ចកម្ពុជា។ លោកជំទាវបន្ថែមថា សហគ្រាស TK & D នឹងធ្វើការផលិតកែវក្រដាស និងបំពង់បឺត ធ្វើពីម្សៅអង្ករ ម្សៅពោត និងម្សៅដំឡូង សម្រាប់ផ្គត់ផ្គង់ទីផ្សារក្នុងស្រុក ដោយមិនប្រើសារធាតុគីមីធ្វើឱ្យប៉ះពាល់ដល់សុខភាព និងបរិស្ថាន ជាពិសេសកាត់បន្ថយកាកសំណល់ប្លាស្ទិក បង្កើតភាពបៃតងនៅកម្ពុជា។ ក្នុងឱកាសនោះដែរ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បង្ហាញការគាំទ្រចំពោះការវិនិយោគនេះ និងសូមស្នើដល់សហគ្រាស ឱ្យទទួលទិញវត្ថុធាតុដើមផ្ទាល់ពីកសិករក្នុងខេត្តធ្វើការដាំដុះ […]
អានបន្ថែម
ហេតុអ្វីប្រព័ន្ធដឹកជញ្ជូនសាធារណៈនៅភ្នំពេញមិនសូវជោគជ័យ? ហើយគួរដោះស្រាយយ៉ាងណា?
អ្នកជំនាញ បានណែនាំថាកម្ពុជាគួររៀបចំផែនការប្រព័ន្ធដឹកជញ្ជូនសាធារណៈឡើងវិញ ដោយរៀនសូត្រពីមេរៀនកន្លងមក និងគោលនយោបាយជោគជ័យរបស់ប្រទេសអភិវឌ្ឍន៍ ដើម្បីជំរុញកាត់បន្ថយការស្ទះចរាចរណ៍នៅក្នុងទីក្រុងភ្នំពេញ កាត់បន្ថយឧស្ម័នពុល និងបង្កើនសណ្ដាប់ធ្នាប់ក្រុង។ អ្នកស្រាវជ្រាវផ្នែកគោលនយោបាយរៀបចំទីក្រុង នៃវេទិកាអនាគត ឬ Future Forum លោក SES Aronsakda បានលើកឡើងដូច្នេះ ក្នុងអត្ថបទមួយចុះផ្សារក្នុងសារព័ត៌មាន The Southeast Asia Globe កាលពីថ្ងៃទី ១៥ កញ្ញា កន្លងទៅនេះ។ អត្ថបទនេះ បញ្ជាក់ថា ប្រព័ន្ធដឹកជញ្ជូនសាធារណៈនៅទីក្រុងភ្នំពេញ មិនសូវមានប្រសិទ្ធភាពនោះទេ ដោយភាគច្រើនប្រជាជនចូលចិត្តប្រើឡាន ម៉ូតូ និងតុកតុក ដែលសុទ្ធសឹងតែបង្កឱ្យមានផ្សែងពុល និងការកកស្ទះចរាចរណ៍។ ជាក់ស្ដែង ដើម្បីដោះស្រាយបញ្ហានេះ រដ្ឋាភិបាល កន្លងមកក៏បានព្យាយាមបង្កើតប្រព័ន្ធដឹកជញ្ជូនសាធារណៈជាច្រើន ដូចជាឡានក្រុងដែលបានចាប់ផ្ដើមតាំងពីឆ្នាំ២០១៤ រថភ្លើងទៅព្រលានយន្តហោះ និងនាវាដឹកអ្នកដំណើរដែលចាប់ផ្ដើមកាលពីឆ្នាំ ២០១៨ ជាដើម។ ប៉ុន្តែ ប្រព័ន្ធនេះហាក់ដូចជាមិនជោគជ័យ។ រថភ្លើងទៅព្រលានយន្តហោះ ត្រូវបានផ្អាកដោយសារគ្រោះថ្នាក់ចរាចរណ៍ដែលកើតមាន ដោយសារផ្លូវរត់ភ្លើង រត់កាត់ផ្លូវថ្នល់។ ខណៈនាវាដឹកអ្នកដំណើរ និងឡានក្រុង ក៏មិនមានអ្នកប្រើប្រាស់ច្រើន ហើយត្រូវបានផ្អាកស្ទើរទាំងស្រុងដោយសារវិបត្តិកូវីដ។ លោក Aronsakda […]
អានបន្ថែម
សាលាក្រុង៖ អ្នករស់នៅក្នុងបុរី និងម្ចាស់អាជីវកម្ម នឹងត្រូវផាកពិន័យ បើទុកដាក់សំរាមមិនត្រឹមត្រូវ
រដ្ឋបាលរាជធានីភ្នំពេញ បានចេញនូវបទបញ្ជាថ្មី តម្រូវឱ្យអ្នករស់នៅក្នុងបុរី ម្ចាស់អាជីវកម្ម ផ្សារទំនើប ផ្សាររដ្ឋ ផ្សារឯកជន អគារពាណិជ្ជកម្ម សណ្ឋាគារ និងមន្ទីរពេទ្យនានា ត្រូវមានកាតព្វកិច្ចដាក់ធុងសម្រាមផ្ទាល់ខ្លួន និងទុកដាក់សម្រាមឱ្យត្រឹមត្រូវ បើមិនដូច្នោះអាចនឹងត្រូវផាកពិន័យ ឬប្ដឹងឡើងដល់តុលាការ ។ សេចក្តីជូនដំណឹង កាលពីថ្ងៃ១៦ ខែកញ្ញា ក៏បានណែនាំឱ្យគ្រប់គ្នាឱ្យធ្វើការញែកសំរាម ជា ០២ប្រភេទ គឺសំរាមសើម និងសំរាមស្ងួត ដោយហាមមិនឱ្យលាយឡំសំរាមហានិភ័យចូលគ្នាឡើយ ដើម្បីងាយស្រួលក្នុងការប្រមូល និងគ្រប់គ្រងសំរាមឱ្យកាន់តែមានប្រសិទ្ធភាពខ្ពស់ ។ ក្រៅពីចំណុចសំខាន់ៗទាំងនេះ សេចក្តីជូនដំណឹង មានបទបញ្ជាថ្មីសរុប ១៣ ចំណុច ដែលសុទ្ធសឹងតែពាក់ព័ន្ធនឹងការទុកដាក់សំរាមឱ្យបានត្រឹមត្រូវ។ រដ្ឋបាលរាជធានីភ្នំពេញ នឹងចាប់ផ្ដើមអនុវត្តរឿង ពីថ្ងៃទី១ ខែវិច្ឆិកា ឆ្នាំ២០២១ ខាងមុខនេះតទៅ ជាមួយនឹងការផាកពិន័យ ការប្ដឹងទៅតុលាការ ឬផ្អាកអាជីវកម្មបណ្ដោះអាសន្ន បើសិនរកឃើញថា ប្រជាពលរដ្ឋនៅរាជធានីភ្នំពេញ មិនបានអនុវត្តតាមការណែនាំខាងលើនេះ។
អានបន្ថែម
អាជ្ញាធរសៀមរាប៖ ហាមដាច់ខាតមិនឱ្យចតយានជំនិះ លក់ដូរ និងរំលោភចិញ្ចើមផ្លូវទៀតទេ
រដ្ឋបាលខេត្តសៀមរាប សម្រេចចេញបទបញ្ជាថ្មី ហាមមិនឱ្យយានជំនិះគ្រប់ប្រភេទចតនៅលើទ្រូងផ្លូវ និងចិញ្ចើមផ្លូវ និងហាមដាច់ខាតមិនឱ្យតាំងសម្ភារៈ ឬលក់ដូរ តាមដងផ្លូវនៅក្នុងក្រុងសៀមរាបឡើយ ដោយនឹងចាប់អនុវត្តពីថ្ងៃចេញសេចក្តីប្រកាសនេះតទៅ។ សេចក្តីជូនដំណឹង ដែលចេញផ្សាយកាលពីថ្ងៃទី១៧ ខែកញ្ញា បានបញ្ជាក់ថា ការហាមឃាត់នេះ ធ្វើឡើងក្រោយ ឃើញមានការចតយានជំនិះ និងការដាក់តាំងសម្ភារៈលក់ដូរនៅលើទ្រូងផ្លូវ និងចញ្ចើមផ្លូវ ជាច្រើន ដែលធ្វើឱ្យខូចខាតដល់ការសាងសង់ផ្លូវ ៣៨ខ្សែ ដែលកំពុងសាងសង់។ បច្ចុប្បន្ន ដំណើរការសាងសង់ផ្លូវ ៣៨ខ្សែ បានដើរដល់ដំណើរការរៀបចំខឿនចិញ្ចើមផ្លូវ កម្រាលក្រានីតសម្រាប់ផ្លូវថ្មើរជើង ផ្លូវជិះកង់ និងការរៀបចំទ្រូងផ្លូវហើយ ។ ដូច្នេះ ការចតយានជំនិះ និងការដាក់តាំងសម្ភារៈ នឹងប៉ះពាល់ដល់ការងារអ្នកសាងសង់ គុណភាពផ្លូវ និងសណ្ដាប់ធ្នាប់សាធារណៈផងដែរ។ ហេតុនេះ រដ្ឋបាលខេត្ត បានស្នើសុំការសហការពីអ្នកពាក់ព័ន្ធ ហើយប្រសិនបើក្នុងករណីនៅតែបន្តធ្វើសកម្មភាពនេះទៀត អាជ្ញាធរមានសមត្ថកិច្ច នឹងចាត់វិធានការតាមផ្លូវច្បាប់។ គួរជម្រាបថា គម្រោងកែលម្អហេដ្ឋារចនាសម្ព័ន្ធផ្លូវទាំង ៣៨ខ្សែ ក្នុងក្រុងសៀមរាប មានប្រវែងសរុប ១០គីឡូម៉ែត្រ ប្រើប្រាស់ថវិកាជាតិសរុបប្រមាណជាង ១៤៩លានដុល្លារអាមេរិក បច្ចុប្បន្នការដ្ឋានសាងសង់ទាំងមូល សម្រេចបានប្រមាណ ៧៥% ហើយ ដោយគ្រោងនឹងបញ្ចប់ចុងឆ្នាំនេះ។ នេះបើយោងតាមរបាយការណ៍ […]
អានបន្ថែម