អំឡុង៨ខែនៃឆ្នាំ២០២១ កំពង់ផែភ្នំពេញរកចំណូលបានជាង ១៩លានដុល្លារ កើនឡើង១១%
នៅក្នុងរយៈពេល ៨ខែ ដំបូងនៃឆ្នាំ២០២១នេះ កំពង់ផែស្វយ័តភ្នំពេញ បានរកចំណូលក្រោយសវនកម្មសរុបបានចំនួន ១៩លានដុល្លារ ដែលកើនឡើង ១១% បើធៀប នឹងរយៈពេលដូចគ្នាកាលពីឆ្នាំ ២០២០។ របាយការណ៍ពីកំពង់ផែស្វយ័តភ្នំពេញ ចេញផ្សាយកាលពីថ្ងៃទី១៣ ខែកញ្ញា បង្ហាញថា ចំណូលពីប្រតិបត្តិការផែមានចំនួន ១៥,៣លានដុល្លារ ចំណូលពីអាជ្ញាធរផែ ២,៤លានដុល្លារ ចំណូលពីសេវាកម្មផ្សេងៗ ០,១៥៥លានដុល្លារ និងចំណូលផ្សេងៗ ១,៦លានដុល្លារ។ ទន្ទឹមនឹងនេះ កំពង់ផែស្វយ័តភ្នំពេញ បញ្ជាក់ថា ក្នុងខែសីហាត្រឹម ១ខែគត់ ចំណូលសរុបមានដល់ទៅ ២,៨លានដុល្លារ ដែលមានកំណើន ១៧%។ គួរបញ្ជាក់ផងដែរថា នៅឆ្នាំ២០២០ កំពង់ផែស្វយ័តក្រុងភ្នំពេញ រកចំណូលសរុបបាន ២៩,៤ដុល្លារ ធ្លាក់ចុះ៦% បើប្រៀបធៀបនឹងឆ្នាំ២០១៩ ដែលមានចំណូលចំនួន ៣១,៣ដុល្លារ៕
អានបន្ថែម
ក្រសួងសាធារណការចាប់ផ្តើមបង្កើត App ត្រួតពិនិត្យ និងតាមដានគុណភាពសាងសង់ផ្លូវ
ក្រសួងសាធារណការ និងដឹកជញ្ជូន បានចាប់ផ្តើមការងារត្រៀមបង្កើតកម្មវិធី ឬAPP សម្រាប់តាមដាន និងត្រួតពិនិត្យគុណភាពការដ្ឋានផ្លូវថ្នល់នានានៅកម្ពុជាហើយ កាលពីខែកក្កដា ក្រោយរដ្ឋមន្រ្តីបានដាក់កំហិតឱ្យមន្រ្តីក្រោមឱវាទពង្រឹង និងរឹតបន្តឹងគុណភាពការងារសាងសង់ស្ពានថ្នល់នានា ដោយហាមដាច់ខាតមិនឱ្យធ្វើការងារឱ្យរួចពីដៃទេ។ កិច្ចប្រជុំពិភាក្សាលើការងារនេះ ធ្វើឡើងកាលពីថ្ងៃទី១៦ ខែកញ្ញា ឆ្នាំ២០២១ ដែលដឹកនាំដោយ ឯកឧត្តម ហ៊ាង វុត្ថា អគ្គនាយកនៃអគ្គនាយកដ្ឋានបច្ចេកទេស។ ឯកឧត្តម ហ៊ាង វុត្ថា បានឱ្យដឹងថា ការងារទាំងមូលគឺមិនមែនត្រឹមតែបង្កើតApp ទេ តែគឺនឹងបង្កើតប្រព័ន្ធមុខងារប្រើប្រាស់ពេញលេញសម្រាប់ត្រួតពិនិត្យគុណភាពផ្លូវ ឬ Road Care Supervision System ទៀតផង។ ឯកឧត្តម មានប្រសាសន៍ថា៖ «បច្ចុប្បន្ន ក្រុមការងារពាក់ព័ន្ធ កំពុងផ្លាស់ប្តូរមតិយោបល់ ប្រមូលធាតុចូលផ្សេងៗ និងបំពេញចំណុចខ្វះខាត មុនចាប់ផ្ដើមបង្កើតប្រព័ន្ធនេះ»។ «ប្រព័ន្ធនេះ នឹងជួយផ្ដល់ភាពងាយស្រួលដល់ថ្នាក់ដឹកនាំក្រសួង ក្នុងការតាមដានការងារគុណភាពផ្លូវ តាមរយៈរបាយការណ៍សាងសង់ របាយការណ៍ត្រួតពិនិត្យគុណភាព និងរបាយការណ៍វាយតម្លៃការងារសាងសង់ផងដែរ» ឯកឧត្តមបានបន្ដ។ គួរបញ្ជាក់ថា កាលពីពេលថ្មីនេះ រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល បានបញ្ជាហាមដាច់ខាតមិនឱ្យធ្វើការងារឱ្យរួចពីដៃ […]
អានបន្ថែម
មន្ទីរពេទ្យបង្អែកស្រុកក្រូចឆ្មារ តម្លៃ១,៤លានដុល្លារ សាងសង់បានជិត៨០%ហើយ
គិតមកទល់ពេលនេះ ការដ្ឋានមន្ទីរពេទ្យបង្អែកស្រុកក្រូចឆ្មារ សាងសង់សម្រេចបានជិត៨០% ហើយ ខណៈរដ្ឋបាលខេត្តកំពុងពន្លឿន ដើម្បីឈានទៅបញ្ចប់តាមផែនការកំណត់នៅចុងឆ្នាំនេះ។ ក្នុងឱកាសចុះពិនិត្យការដ្ឋាន កាលពីថ្ងៃទី១៦ ខែកញ្ញា កន្លងទៅ ឯកឧត្តម ជាម ច័ន្ទសោភ័ណ អភិបាល ខេត្តត្បូងឃ្មុំ បានឱ្យដឹងថា មន្ទីរពេទ្យបង្អែកស្រុកក្រូចឆ្មារនេះ គឺជាអំណោយរបស់សម្ដេចតេជោ ហ៊ុន សែន តាមរយៈឯកឧត្តមរដ្ឋមន្រ្តីក្រសួងរៀបចំដែនដី ដែលមានតម្លៃ ១,៤លានដុល្លារ។ មន្ទីរពេទ្យនេះត្រូវបានបើកការដ្ឋានកាលពីឆ្នាំមុន ដែលជាអគារកម្ពស់៤ជាន់ និងកំពុងសាងសង់លើផ្ទៃដីទំហំ ១៣ ២២៩ ម៉ែត្រក្រឡា ហើយបើតាមផែនការ គម្រោងនេះនឹងសាងសង់រួចជាស្ថាពរនៅចុងឆ្នាំ២០២១នេះ។ (អានបន្ថែម) មន្ទីរពេទ្យនេះសាងសង់ឡើង ដោយបំពាក់ដោយបរិក្ខារទំនើបៗ ដូចជាម៉ាស៊ីន CT Scan ម៉ាស៊ីន X-Ray ឌីជីថល ម៉ាស៊ីនអេកូសាស្ត្រជាដើម។ ក្រោយសាងសង់រួច មន្ទីរពេទ្យនេះនឹងជួយបម្រើសេវាសុខាភិបាលដែលមានបច្ចេកវិទ្យាទំនើបជូនពលរដ្ឋក្នុងខេត្តត្បូងឃ្មុំ ក៏ដូចជាសម្រាប់ខេត្តដែលនៅក្បែរនេះផងដែរ។
អានបន្ថែម
ក្រុមហ៊ុនអូស្ដ្រាលីទទួលបានអាជ្ញាប័ណ្ណរុករករ៉ែមាសលើដីជាង ១ម៉ឺនហិកតានៅខេត្តត្បូងឃ្មុំ
ក្រុមហ៊ុនរ៉ែមាស Renaissance Minerals (Cambodia) ទទួលបានអាជ្ញាប័ណ្ណថ្មីមួយទៀត ដើម្បីរុករករ៉ែមាសប្រមាណជាង ១ម៉ឺនហិកតា នៅស្រុកមេមត់ ខេត្តត្បូងឃ្មុំ ក្រោយក្រុមហ៊ុនបានចាប់ផ្ដើមចម្រាញ់រ៉ែមាសលក្ខណៈឧស្សាហកម្មជាលើកដំបូងនៅកម្ពុជា នៅស្រុកកែវសីមា ខេត្តមណ្ឌលគីរី កាលពីខែមិថុនាកន្លងទៅ។ ជាក់ស្ដែង ក្រុមហ៊ុននេះទទួលបានអាជ្ញាបណ្ណស្វែងរុករកពីក្រសួងរ៉ែ និងថាមពល តាំងកាលពីខែមករា ឆ្នាំ២០២១ មកម្ល៉េះ។ នេះជាការបញ្ជាក់របស់ ឯកឧត្តម អ៊ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ នៅថ្ងៃទី១៦ ខែកញ្ញានេះ។ ឯកឧត្តម អ៊ឹង ឌីប៉ូឡា បានឱ្យដឹងទៀតថា នៅក្រោមអាជ្ញាប័ណ្ណស្វែងរុករករ៉ែមាសនេះ ក្រុមហ៊ុនមានសិទ្ធស្វែងរុករករ៉ែមាសនៅលើទីតាំងទំហំ ១០៧គីឡូម៉ែតក្រឡា (ជាង១ម៉ឺនហិកតា) ដោយមានរយៈពេល៣ឆ្នាំ រហូតដល់ខែមករា ឆ្នាំ២០២៤។ ឯកឧត្តម អ៊ឹង ឌីប៉ូឡា ថ្លែងថា៖ «ដំណាក់កាលដំបូង ក្រុមហ៊ុននឹងចុះពិនិត្យទីតាំងនៃដែនអាជ្ញាបណ្ណរបស់ខ្លួន ជាមួយក្រុមការងាររុករក និងក្រុមការងារបរិស្ថាន ព្រមទាំងជួបអាជ្ញាធរមូលដ្ឋាន ដើម្បីណែនាំ និងផ្សព្វផ្សាយអំពីផែនការសម្រាប់ការងារស្វែងរុករករ៉ែមាស»។ កាលពីសប្តាហ៍មុន ដំណាងក្រុមហ៊ុន ក៏បានជួបជាមួយឯកឧត្តមអភិបាលខេត្តត្បូងឃ្ញុំ ជាម ច័ន្ទសោភ័ណ ពិភាក្សាលើផែនការស្វែងរុករករ៉ែមាសនេះ។ (អានបន្ថែម) […]
អានបន្ថែម
អូស្រ្តាលីនិងកម្ពុជាចុះហត្ថលេខាកិច្ចព្រមព្រៀងផ្លូវការពង្រឹងសុវត្ថិភាពវិស័យសំណង់នៅកម្ពុជា
ប្រទេសអូស្រ្តាលី ប្ដេជ្ញានឹងជួយពង្រឹងសុវត្ថិភាពសំណង់នៅកម្ពុជា ដោយនឹងជួយបង្កើតបទបញ្ញត្តថ្មីស្ដីពីសុខភាព និងសុវត្ថិភាពការដ្ឋានសំណង់ ជួយអប់រំមន្រ្តីពាក់ព័ន្ធលើការងារត្រួតពិនិត្យសំណង់ ក៏ដូចជាជួយអប់រំវិស័យឯកជនមាន ទំនួលខុសត្រូវខ្ពស់ជាងមុនលើសុវត្ថិភាពការងារ។ ការប្ដេជ្ញានេះ ធ្វើឡើងក្រោយក្រសួងរៀបចំដែនដី នគរូបនីយកម្ម និងសំណង់ និងស្ថានទូតអូស្ដ្រាលី នៅកម្ពុជាបានចុះហត្ថលេខាកិច្ចព្រមព្រៀងផ្លូវការលើកិច្ចសហប្រតិបត្តិការពង្រឹង និងលើកកម្ពស់សុវត្ថិភាពការដ្ឋានសំណង់ កាលពីថ្ងៃទី១៦ ខែសកញ្ញា នេះ។ ក្នុងក្របខណ្ឌនៃកិច្ចព្រមព្រៀងនេះ អូស្រា្តលី បានកំពុងគាំទ្រ ក្រសួងដើម្បីបង្កើតគោលការណ៍ណែនាំដំបូងមួយសម្រាប់កម្ពុជា ដែលផ្តោតទៅលើសុខភាព និងសុវត្ថិភាពនៅការដ្ឋានសំណង់ ដើម្បីពង្រីកសុវត្ថិភាព និងកាត់បន្ថយហានិភ័យនៃការស្លាប់និងគ្រោះថ្នាក់នានា នៅតាមការដ្ឋានសំណង់នៅកម្ពុជា។ ការងារលើគោលការណ៍នេះ បាននិងកំពុងរៀបចំដោយគ្រោងនឹងបញ្ចប់នៅចុងឆ្នាំ២០២១ ខាងមុខ។ លើសពីនេះ អូស្ដ្រាលីក៏នឹងជួយពង្រឹងសមត្ថភាពដល់ក្រុមការងាររបស់ក្រសួងដែនដី លើការត្រួតពិនិត្យ និងពង្រឹងការងារស្ដង់ដាសំណង់ និងជួយលើកកម្ពស់ការយល់ដឹងរបស់វិស័យឯកជន លើទំនួលខុសត្រូវលើសុវត្ថិភាពការងារនៅការដ្ឋានផងដែរ។ បើតាមឯកឧត្តម Pablo Chiho Kang ឯកអគ្គរាជទូតអូស្រ្តាលីប្រចាំនៅព្រះរាជាណាចក្រកម្ពុជា ការផ្លាស់ប្តូរយ៉ាងឆាប់រហ័សនៃទីក្រុងនានានៅកម្ពុជា បានបង្កើតនូវបញ្ហាប្រឈមថ្មីៗបន្ថែមទៀត។ ឯកឧត្តម ថ្លែងថា៖ «ការដួលរលំនៃអគារធំៗ ក្នុងរយៈពេលប៉ុន្មានឆ្នាំចុងក្រោយនេះ គឺជាសោកនាដកម្មនៅកម្ពុជា។ យើងមើលឃើញពីភាពចាំបាច់របស់អូស្រ្តាលី ក្នុងការឆ្លើយតបយ៉ាងឆាប់រហ័ស និងប្រកបដោយប្រសិទ្ធភាពទៅកាន់សំណើសុំរបស់រាជរដ្ឋាភិបាលកម្ពុជា ក្នុងការគាំទ្រការធ្វើឱ្យប្រសើរឡើង នូវសុវត្ថិភាពរបស់កម្មករសំណង់ ក្រុមគ្រួសាររបស់ពួកគេ និងសាធារណជន រួមទាំងហានិភ័យនានាទាក់ទងនឹងជំងកូវីដ១៩»។ […]
អានបន្ថែម
អគារការិយាល័យទំនើបដំបូងបង្អស់ក្នុងតំបន់វេងស្រេង ISI Tower ត្រៀមបើកដំណើរការខែវិច្ឆិកានេះ
អគារ អាយ អេស អាយ (ISI Tower) ដែលជាផ្នែកមួយនៃគម្រោងអភិវឌ្ឍន៍របស់ KMH Park នឹងចាប់ផ្តើមបើកដំណើរការពីខែវិច្ឆិកាខាងមុខនេះ ដោយនឹងក្លាយជាអគារការិយាល័យទំនើបដំបូងគេបង្អស់សម្រាប់អាជីវកម្មនាំមុខនានានៅក្នុងតំបន់វេងស្រេង នៃរាជធានីភ្នំពេញ។ អភិវឌ្ឍឡើងដោយក្រុមហ៊ុន អឺបេនលែន (Urbanland) ដែលជាក្រុមហ៊ុនអភិវឌ្ឍអចលនទ្រព្យឈានមុខគេមួយនៅកម្ពុជា ហើយក៏ជាសមាជិកនៃ ISI GROUP អគារនេះនឹងក្លាយជាអគារពាណិជ្ជកម្មទំនើបតែមួយគត់នៅក្នុងតំបន់វេងស្រេង និងតំបន់ចោមចៅ។ ដោយមានទីតាំងនៅលើបណ្តោយផ្លូវវេងស្រេងផ្ទាល់ អគារ អាយ អេស អាយ ស្ថិតនៅចំណុចយុទ្ធសាស្ត្រមួយដែលមានចម្ងាយត្រឹមតែប៉ុន្មាននាទីប៉ុណ្ណោះពីផ្លូវបំបែកស្ទឹងមានជ័យ និងរង្វង់មូលចោមចៅ។ ដោយមានចម្ងាយត្រឹមតែ ២០នាទីទៅតំបន់បឹងកេងកង អគារនេះសមស្របបំផុតសម្រាប់អាជីវកម្មទាំងឡាយណាដែលត្រូវការការិយាល័យធ្វើការដែលមានស្តង់ដារខ្ពស់។ ជាមួយគ្នានេះ អគារនេះក៏មានទីតាំងស្ថិតនៅក្បែរឃ្លាំងធំទូលាយ ដើម្បីប្រើប្រាស់ជាកន្លែងស្តុកឥវ៉ាន់ដែលងាយស្រួលចេញចូល ជាស្ទូឌីយ៉ូ ឬសម្រាប់ការពង្រីកអាជីវកម្មនៅថ្ងៃខាងមុខជាដើម។ អគារ អាយ អេស អាយ មានកម្ពស់ ៩ ជាន់ និងមានទីធ្លាសម្រាប់ជួលលើសពី ៤៥០០ ម៉ែត្រការ៉េ។ មកទល់ពេលនេះអគារត្រូវបានជួលអស់ ៦៥% ហើយ។ គម្រោងនេះ រចនាឡើងដោយក្រុមហ៊ុន HKA & Partners ដោយផ្ដោតលើភាពបត់បែនទៅតាមតម្រូវការរបស់អ្នកជួល។ […]
អានបន្ថែម
វិនិយោគិនតួកគីស្វែងរកឱកាសវិនិយោគក្នុងទីផ្សារសំណង់និងវិស័យធំៗផ្សេងទៀតនៅកម្ពុជា
វិនិយោគិន និងធុរកិច្ចជនប្រទេសតួកគី កំពុងស្វះស្វែងរកឱកាសវិនិយោគនៅកម្ពុជា នៅលើវិស័យសំខាន់ៗមួយចំនួន ដោយក្នុងនោះវិស័យសំណង់ក៏ជាវិស័យអាទិភាពមួយផងដែរ នេះបើយោងតាមសភាពាណិជ្ជកម្មកម្ពុជា។ បណ្តាវិនិយោគិន និងធុរកិច្ចតួកគី បានលើកឡើងដូច្នេះ នៅក្នុងវេទិកាធុរកិច្ចកម្ពុជា- តួកគី តាមប្រព័ន្ធវីដេអូ កាលពីថ្ងៃទី១៥ ខែកញ្ញា កន្លងទៅ។ វេទិកាធុរកិច្ចនេះ ត្រូវបានសហការរៀបចំដោយ ក្រសួងការបរទេស និងសហប្រតិបត្តិការអន្តរជាតិ ស្ថានទូតព្រះរាជាណាចក្រកម្ពុជាប្រចាំនៅតួកគី សភាពាណិជ្ជកម្មកម្ពុជា និងសហព័ន្ធធុរជនឧស្សាកម្មតួកគី (SANKON)។ កិច្ចប្រជុំបញ្ជាក់ថា វិស័យសំណង់ស្ថិតក្នុងវិស័យសំខាន់ៗ ដែលវិនិយោគិនសម្លឹងឃើញសក្តានុពលផ្សេងទៀត ដូចជា កសិកម្ម ឧស្សាហកម្ម វិស័យវាយនភ័ណ្ឌ បច្ចេកវិទ្យាព័ត៌មានសុខាភិបាល ថាមពល និងទេសចរណ៍។ វេទិកាធុរកិច្ច បានបញ្ចប់ទៅដោយជោគជ័យ ដោយក្នុងនោះរាល់ធាតុចូលនៃកិច្ចពិភាក្សានឹងត្រូវប្រើបា្រស់សម្រាប់រៀបចំព្រឹត្តិការណ៍ធុរកិច្ចរួមគ្នានាថ្ងៃអនាគតដើម្បីជម្រុញ ពាណិជ្ជកម្មនិងការវិនិយោគប្រទេសទាំងពីរ។
អានបន្ថែម
ខណ្ឌពោធិ៍សែនជ័យនិងស្រុកអង្គស្នួលស្វាគមន៍គម្រោងវិនិយោគធំៗ៣ តម្លៃជាង៨លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) ទើបតែបានអនុម័តឱ្យក្រុមហ៊ុនឯកជនបោះទុនវិនិយោគ ៨,៥ លានដុល្លារអាមេរិក បង្កើតរោងចក្រចំនួន៣កន្លែង នៅខេត្តកណ្តាល និងរាជធានីភ្នំពេញ។ យោងតាមប្រកាសរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី ១៥ ខែកញ្ញា ឆ្នាំ២០២១ ក្រុមហ៊ុនដែលទទួលបានការអនុម័តទាំង ៣ រួមមាន៖ ១- ក្រុមហ៊ុន NEW T&K TEXTILE CO., LTD វិនិយោគប្រមាណ ២លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ នៅភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។ ២- ក្រុមហ៊ុន YUAN SHEN TAI CO., LTD វិនិយោគ ៣,២លានដុល្លារអាមេរិក បង្កើតរោងចក្រផលិតស្បែកជើង និងគ្រឿងបន្សំស្បែកជើង នៅភូមិអណ្តូង ឃុំបែកចាន ស្រុកអង្គស្នួល។ ៣- ក្រុមហ៊ុន FORTUNE BROAD FOOTWEAR CO., LTD វិនិយោគ ៣,៣លានដុល្លារអាមេរិក បង្កើតរោងចក្រផលិតស្បែកជើង និងគ្រឿងបន្សំស្បែកជើង […]
អានបន្ថែម
OCIC គ្រោងសាងសង់ស្ថានីយបូមទឹកសមត្ថភាព៦០ពាន់ម៉ែត្រគូបក្នុងមួយថ្ងៃនៅកោះនរា
ក្រុមហ៊ុន OCIC មានផែនការចង់វិនិយោគសាងសង់ស្ថានីយបូមទឹកថ្មីមួយកន្លែង នៅក្នុងគម្រោងអភិវឌ្ឍន៍ទីក្រុងរណបកោះនរា សម្រាប់ប្រើប្រាស់លើការអភិវឌ្ឍន៍សាងសង់ជារួម។ គម្រោងសាងសង់ស្ថានីយបូមទឹកនេះ ត្រូវបានក្រុមហ៊ុន OCIC លើកឡើងនៅក្នុងកិច្ចប្រជុំជាមួយ ឯកឧត្តម ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ កាលពីថ្ងៃទី១៤ ខែកញ្ញាកន្លងទៅ។ លោក ទូច សំណាង អគ្គនាយករងនៃក្រុមហ៊ុន OCIC បានឱ្យដឹងនៅថ្ងៃពុធនេះថា គម្រោងបូមទឹកឆៅនេះគឺសម្រាប់ប្រើប្រាស់ទៅលើការងារអភិវឌ្ឍន៍របស់គម្រោងកោះនរាទាំងមូល។ លោកបន្តថា ស្ថានីយបូមទឹកនេះនឹងមានសមត្ថភាពបូមទឹកប្រមាណ ៦០ពាន់ម៉ែត្រគូបក្នុងមួយថ្ងៃ។
អានបន្ថែម
ត្រឹមឆ្នាំ២០២១ កម្ពុជាមានរោងចក្រដំឡើងនិងគ្រឿងបង្គុំរថយន្តសរុប ៩កន្លែងទូទាំងប្រទេស
កម្ពុជាមានរោងចក្រដំឡើងរថយន្ត និងរោងចក្រគ្រឿងបង្គុំរថយន្តសរុបចំនួន ៩កន្លែង ទូទាំងប្រទេស ដែលបានចុះបញ្ជីផ្លូវការ បើគិតត្រឹមឆ្នាំ២០២១នេះ។ នេះបើយោងតាមទិន្នន័យពីក្រសួងឧស្សាហកម្ម វិទ្យាសាស្រ្ត បច្ចេកទេស និងនវានុវត្តន៍។ រោងចក្រដំឡើងរថយន្ត និងគ្រឿងបង្គុំរថយន្តទាំងនេះ គឺជាការវិនិយោគមកពីប្រទេស ជប៉ុន ចិន ថៃ កូរ៉េខាងត្បូង រួមនឹងក្រុមហ៊ុនក្នុងស្រុកមួយចំនួន ក្រោមទុនវិនិយោគសរុបជាង ៦១លានដុល្លារ។ ក្នុងចំណោមក្រុមហ៊ុនចំនួន ៩ មានរោងចក្រ ២ គឺជារោងចក្រដំឡើងរថយន្ត ដែលមានទីតាំងនៅខេត្តស្វាយរៀង និងភ្នំពេញ ក្រោមទុនវិនិយោគសរុប ២០លានដុល្លារ។ ដោយឡែក រោងចក្រ ៧ផ្សេងទៀត គឺជារោងចក្រផលិតគ្រឿងបង្គុំរថយន្ត ដែលទុនវិនិយោគសរុប ៤១លានដុល្លារ។ ៤ នៃរោងចក្រទាំងនេះ ស្ថិតនៅក្រុងប៉ោយប៉ែត ខេត្តបន្ទាយមានជ័យ ខណៈ ៣ទៀត ស្ថិតនៅក្រុងព្រះសីហនុ ស្វាយរៀង និងភ្នំពេញ។ ផលិតផលគ្រឿងបង្គុំរថយន្តទាំងអស់ ត្រូវបាននាំចេញទាំងស្រុងទៅក្រៅប្រទេស។ គួរបញ្ជាក់ថា កាលពីពេលថ្មីៗនេះ រដ្ឋាភិបាលក៏ទើបអនុម័តឱ្យក្រុមហ៊ុន RMA (Cambodia) Plc ដែលជាក្រុមហ៊ុនចែកចាយរថយន្ត ម៉ាក Ford […]
អានបន្ថែម
រដ្ឋបាលខណ្ឌច្បារអំពៅនឹងសាងសង់ផ្លូវថ្មី ១ខ្សែ ទទឹង ៣០ម៉ែត្រក្នុងសង្កាត់ព្រែកប្រា
រដ្ឋបាលខណ្ឌច្បារអំពៅ នឹងស្ថាបនាផ្លូវថ្មី ១ ខ្សែ ដែលមានទទឹងប្រវែង ៣០ម៉ែត្រ តភ្ជាប់ចាប់ពីចុងផ្លូវបេតុងក្នុងភូមិអូរអណ្តូង១ ដល់ប្រឡាយព្រែកប្រា ក្នុងភូមិអូរអណ្តូង នៃសង្កាត់ព្រែកប្រា។ នេះបើតាមសេចក្តីជូនដំណឹងចុះថ្ងៃទី១៥ ខែកញ្ញា ឆ្នាំ២០២១។ ក្រុមការងារចម្រុះរបស់រដ្ឋបាលខណ្ឌ នឹងចាប់ផ្តើមចុះបោះបង្គោលកំណត់អ័ក្សផ្លូវនៅទីតាំងជាក់ស្តែងនៅថ្ងៃទី១៧ ខែកញ្ញា ឆ្នាំ២០២១ ខាងមុខនេះ។ លើសពីនេះ រដ្ឋបាលខណ្ឌច្បារអំពៅ ក៏បានស្នើឱ្យប្រជាពលរដ្ឋដែលមានក្បាលដី ស្ថិតក្នុងគម្រោងស្ថាបនានេះ ឱ្យចូលរួមសហការជាមួយក្រុមការងារក្នុងការបោះបង្គោល និងស្ម័គ្រចិត្តរុះរើរបង ដែលបានសង់លើដីចំណីផ្លូវ។ គួរបញ្ជាក់ថា គម្រោងស្ថាបនានេះ ធ្វើឡើងដើម្បីបម្រើប្រយោជន៍សាធារណៈ ស្របតាមប្លង់គោលប្រើប្រាស់ដីធ្លីថ្នាក់ខណ្ឌ និងប្លង់គោលប្រើប្រាស់ដីធ្លីថ្នាក់រាជធានីភ្នំពេញឆ្នាំ២០៣៥។
អានបន្ថែម
ការដ្ឋានស្ពានខ្សែកាបធំៗ ២ ខ្សែ នៃគម្រោងអភិវឌ្ឍកោះនរា ជារួមសម្រេចបាន ១៤,៧% ហើយ
ការដ្ឋានសាងសង់ស្ពានខ្សែកាបធំៗ ២ ខ្សែ នៅភ្នំពេញ តភ្ជាប់ពីទីក្រុងកោះនរា ទៅផ្លូវជាតិលេខ ១ និងទៅកោះពេជ្រ ជាមធ្យមបានសម្រេចជាង ១៤,៧% ហើយ បើគិតត្រឹមខែកញ្ញា។ នេះបើយោងតាម អ្នកគ្រប់គ្រងគម្រោង លោក ម៉ែន បូលី។ លោកប៉ូលី បានប្រាប់ទស្សនាវដ្តីសំណង់ និងអចលនទ្រព្យ នៅថ្ងៃទី ១៥ កញ្ញា នេះថា ស្ពានទី ១ ដែលតភ្ជាប់កោះនរាទៅផ្លូវជាតិលេខ១ សម្រេចបានត្រឹម ២,៥% ប៉ុណ្ណោះ ខណៈស្ពានកោះពេជ្រ-កោះនរា សម្រេចបាន ២៧% ហើយ។ គម្រោងទាំង ២ កំពុងអនុវត្តដោយក្រុមហ៊ុន OCIC ដោយបានបើកការដ្ឋាន កាលពីខែតុលា ឆ្នាំ២០២០។ (អានបន្ថែម) ស្ពានទី១ ជាប្រភេទស្ពានបេតុងយោងកាបដែលមានដែករាងឥន្ធនូ ២សងខាង តភ្ជាប់ពីផ្លូវជាតិលេខ១ ទៅកាន់តំបន់អភិវឌ្ឍន៍កោះនរា មានបណ្តោយប្រវែង ៦០ម៉ែត្រ និងទទឹងប្រវែង ២១ម៉ែត្រ។ ស្ពាននេះគ្រោងចំណាយថវិកាចំនួន ១,៦ លានដុល្លារអាមេរិក។ ដោយឡែក […]
អានបន្ថែម