ផែទេសចរណ៍លើកោះទន្សាយ ពន្យារពេលបើកការដ្ឋានពីខែតុលា ទៅវិច្ឆិកា ដោយសារភ្លៀងធំ
កាលបរិច្ឆេទបើកការដ្ឋានផែទេសចរណ៍ថ្មីដែលស្ថិតនៅត្រើយខាងកោះទន្សាយផ្ទាល់ ត្រូវបានពន្យារពេលពីខែតុលា ទៅដើមខែវិច្ឆិកា ឆ្នាំ២០២១ នេះវិញ ដោយសារបញ្ហាអាកាសធាតុ មានភ្លៀងធ្លាក់ខ្លាំង។ លិខិតរបស់ឯកឧត្តម ស៊ុយ សាន រដ្ឋលេខាធិការក្រសួងសាធារណការ និងដឹកជញ្ជូន ទៅកាន់អភិបាលខេត្តកែប ចុះថ្ងៃទី ១៨ ខែតុលា បញ្ជាក់ថា ក្រុមហ៊ុន វិមានជ័យ គ្រុប ខូលអិលធីឌី នឹងចាប់ផ្តើមអនុវត្តការងារ សម្រាប់អនុគម្រោងសាងសង់កំពង់ផែទេសចរណ៍កោះទន្សាយចាប់ពីថ្ងៃទី១ ខែវិច្ឆិកា ឆ្នាំ២០២១ តទៅ។ គម្រោងផែនេះ នឹងប្រើប្រាស់ថវិកាសម្រាប់សាងសង់ ១,៦លានដុល្លារ ដែលជាជំនួយរបស់ ADB ដោយនឹងប្រើពេលសាងសង់ ១៥ខែ ពោលគឺគ្រោងនឹងបញ្ចប់នៅដើមឆ្នាំ២០២៣។ (អានបន្ថែម) គួរបញ្ជាក់ថា កំពង់ផែនេះគឺខុសពីកំពង់ផែកោះទន្សាយ ដែលស្ថិតនៅត្រើយដីគោកខាងប៉ែកខេត្តកែប ដែលបច្ចុប្បន្នសាង់សង់ជិតរួចរាល់ហើយ។ (អានបន្ថែម)
អានបន្ថែម
កំពង់ស្ពឺស្វាគមន៍គម្រោងវិនិយោគថ្មីមួយទៀត តម្លៃជាង ៤ លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្មីៗនេះ ទើបតែបានអនុម័តឱ្យក្រុមហ៊ុនឯកជនបោះទុនវិនិយោគ ៤ លានដុល្លារអាមេរិក បង្កើតរោងចក្រថ្មីមួយកន្លែង នៅខេត្តកំពង់ស្ពឺ ។ ក្រុមហ៊ុនដែលទទួលបានវិញ្ញាបនបត្រចុះបញ្ជី គឺក្រុមហ៊ុន GARMENT (CAMBODIA) CO., LTD ដែលនឹងបង្កើតរោងចក្រកាត់ដេរសម្លៀកបំពាក់ នៅភូមិសេរីភត្ត ឃុំពោធិ៍អង្គ្រង ស្រុកបសេដ្ឋ ខេត្តកំពង់ស្ពឺ។ គម្រោងនេះ អាចបង្កើតការងារបានចំនួន ១.០៣៤កន្លែង ដល់ប្រជាជនក្នុងតំបន់។ គួរបញ្ជាក់ថា ក្នុងរយៈពេល ៩ខែ នៃឆ្នាំ ២០២១ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគទាំងក្នុងតំបន់សេដ្ឋកិច្ចពិសេស និងក្រៅតំបន់សេដ្ឋកិច្ចពិសេស សរុបចំនួន ១៣៤ កម្រោង ឬស្មើនឹងទុនវិនិយោគសរុប ៣,៣ប៊ីលានដុល្លារ។ (អានបន្ថែម)
អានបន្ថែម
ក្រុមហ៊ុនសិង្ហបូរី HLH ចាប់ដៃគូនឹងក្រុមហ៊ុនក្នុងស្រុក គ្រោងរុករកធនធានរ៉ែនៅកំពង់ស្ពឺ
ក្រុមហ៊ុនយក្សសិង្ហបុរី HLH Group កាលពីថ្មីៗនេះ បានចុះហត្ថលេខាលើកិច្ចព្រមព្រៀងវិនិយោគរួមគ្នាជាមួយក្រុមហ៊ុនក្នុងស្រុក HSC Group គ្រោងនឹងធ្វើប្រតិបត្តិការរុករក និងជីកយករ៉ែ នៅខេត្តកំពង់ស្ពឺ។ នេះយោងតាមសារព័ត៌មាន The Business Times ចុះផ្សាយកាលពីថ្ងៃចន្ទ។ អ្នកគ្រប់គ្រងទូទៅ និងជានាយកប្រតិបត្តិរបស់ក្រុមហ៊ុន Hong Lai Huat Group លោក Ong Jia Jing បាននិយាយថា៖ «ការបណ្តាក់ទុនរួមគ្នានេះ គឺត្រូវតាមយុទ្ធសាស្ត្រ និងមហិច្ឆតារបស់ក្រុមហ៊ុន ខណៈក៏នៅតែដំណើរការគម្រោងធំៗផ្សេងទៀត ដែលមានស្រាប់នៅក្នុងប្រទេសកម្ពុជា ទោះស្ថិតនៅក្នុងវិបត្តិកូវីដក្ដី»។ គួរបញ្ជាក់ថា នេះគឺជាការបណ្តាក់ទុនរួមគ្នាលើកទី ២ ដែលបង្កើតឱ្យមានការរុករករ៉ែក្នុងទីតាំងមជ្ឈមណ្ឌលកសិកម្មរបស់HLH Group នៅខេត្តកំពង់ស្ពឺ ដែលលាតសន្ធឹងលើផ្ទៃដីជិត ១ម៉ឺនហិកតា។ គួរបញ្ជាក់ថា ក្រុមហ៊ុន HLH Group កន្លងមកបានវិនិយោគបង្កើតគម្រោងធំ ៗ ជាច្រើននៅក្នុងប្រទេសកម្ពុជា ពិសេសវិស័យក្នុងអចលនទ្រព្យនិងកសិកម្ម។ គម្រោងទាំងនេះរួមមាន មណ្ឌលកសិកម្មតម្លៃរាប់ពាន់លានដុល្លារនៅកំពង់ស្ពឺ គម្រោងទីក្រុងអូរ៉ាល់ស៊ីធី គម្រោងអភិវឌ្ឍចម្រុះ D’Seaview នៅក្រុងព្រះសីហនុ គម្រោង […]
អានបន្ថែម
ADB ផ្តល់ប្រាក់កម្ចី ៤០លានដុល្លារ ជួយបង្កើនស្ថិរភាពហិរញ្ញវត្ថុនៅកម្ពុជា ពិសេសSME
ធនាគារអភិវឌ្ឍន៍អាស៊ី (ADB) បានសម្រេចផ្តល់ប្រាក់កម្ចីចំនួន ៤០លានដុល្លារ ដើម្បីជួយបង្កើនស្ថិរភាពវិស័យហិរញ្ញវត្ថុកម្ពុជា ពិសេសសម្រាប់វិស័យSME ដែលរងសម្ពាធពីវិបត្តិកូវីដ។ នេះបើតាមសេចក្តីប្រកាសពត៌មានរបស់ធនាគារអភិវឌ្ឍន៍អាស៊ី ADB កាលពីថ្ងៃទី១៨ ខែតុលា ឆ្នាំ២០២១។ បើតាមលោកស្រី Benita Ainabe អ្នកឯកផ្នែកហិរញ្ញវត្ថុរបស់ធានាអភិវឌ្ឍន៍អាស៊ី បានឱ្យដឹងថា ជំនួយនេះ នឹងជួយអភិវឌ្ឍនូវវិស័យសហគ្រាសធុនតូច និងមធ្យម (SME) ឱ្យងើបឡើងពីជំងឺរាតត្បាត ពោលគឺដើម្បីធានាការទទួលបានឥណទាន។ ការផ្តល់ជំនួយនេះ គឺជាអនុកម្មវិធីទី៣ នៃកម្មវិធីអភិវឌ្ឍវិស័យហិរញ្ញវត្ថុប្រកបដោយបរិយាប័ន្ន បន្ទាប់ពីបានអនុវត្តអនុកម្មវិធីចំនួន ២ រួចមកហើយ ចាប់ពីឆ្នាំ២០១៦ ដល់ឆ្នាំ ២០១៩។ គួរបញ្ជាក់ថា ការផ្តល់កម្ចីនេះ ធ្វើឡើងក្រោយ ADB ពិនិត្យឃើញថា ហេដ្ឋារចនាសម្ព័ន្ធហិរញ្ញវត្ថុរបស់ប្រទេសកម្ពុជាមិនទាន់អភិវឌ្ឍបានពេញលេញ ខណៈប្រជាពលរដ្ឋកម្ពុជាត្រឹមតែ១៨% ប៉ុណ្ណោះ ដែលមានការយល់ដឹងផ្នែកហិរញ្ញវត្ថុ។ ក្រៅពីផ្ដល់កម្ចីនេះ ADB ក៏បានក្រើនរំលឹកថា ជំងឺរាតត្បាតកូវីដ១៩ កំណើនលើសលុបនៃកម្ចីអចលនទ្រព្យ និងកំណើនឥណទានលឿន នៅតែជាកត្តាបង្កហានិភ័យដល់វិស័យហិរញ្ញវត្ថុកម្ពុជា។
អានបន្ថែម
ទូររថភ្លើងល្បឿនលឿនចិន-ឡាវ មកដល់ទីក្រុងវៀងចន្ទន៍ហើយ គ្រោងបើកប្រើប្រាស់ផ្លូវការចុងឆ្នាំ
រថភ្លើងល្បឿនលឿនដឹកអ្នកដំណើរដំបូងដែលតភ្ជាប់ប្រទេសចិននិងឡាវត្រូវបានបញ្ជូនទៅដល់រដ្ឋធានីវៀងចន្ទន៍នៃប្រទេសឡាវរួចហើយ កាលពីថ្ងៃសៅរ៍កន្លងទៅ ដោយគ្រោងនឹងបើកសាកល្បងឆាប់ៗ ហើយនឹងបើកជាផ្លូវការនៅថ្ងៃទី ២ ខែធ្នូ ខាងមុខ ដែលជាទិវាជាតិនៃប្រទេសឡាវ។ បើយោងតាមសារព័ត៌មាន CGTN រថភ្លើងនេះគឺជាប្រភេទអេឡិចត្រូនិកពហុឯកតា (ឬ Electric Multiple Unit) ដែលនឹងរត់លើផ្លូវដែកថ្មីដែលទើបតែសាងសង់រួចប្រវែងជាង ១០០០ គីឡូម៉ែត្រ ក្នុងល្បឿនអតិបរមា ១៦០ គីឡូម៉ែត្រក្នុងមួយម៉ោង។ មានឈ្មោះថា ឡានឆាង ដែលជាការដាក់ឈ្មោះតាមឈ្មោះបុរាណរបស់ឡាវ និងទន្លេឡានឆាង-មេគង្គ រថភ្លើងនេះ ត្រូវបានសាងសង់ និងគ្រប់គ្រងដោយក្រុមហ៊ុន Laos-China Railway Company ដែលជាការបណ្តាក់ទុនរួមគ្នារវាងចិននិងឡាវ។ ផ្នែកខាងក្រៅរបស់រថភ្លើងត្រូវបានលាបពណ៌ក្រហម ខៀវ និងស ដើម្បីតំណាងឱ្យពណ៌ទង់ជាតិឡាវចំណែកឯផ្នែកខាងក្នុងវិញត្រូវបានតុបតែងដោយលំនាំរបស់ផ្កាចំប៉ី ដែលជានិមិត្តសញ្ញាជាតិរបស់ឡាវ។ គួរបញ្ជាក់ថា រថភ្លើងនេះ អាចផ្ទុកមនុស្សសរុប ៧២០ នាក់ ដែលក៏រួមបញ្ចូលទាំងទូរសម្រាប់ជនពិការនិងសេវាកម្មព័ត៌មានជាភាសាចិន ឡាវ និងអង់គ្លេស។ រូបភាពដោយ Xinhua
អានបន្ថែម
ស្ថានីយប្រព្រឹតិ្តទឹកកខ្វក់ទី៣ នៅក្រុងព្រះសីហនុនឹងប្រើបច្ចេកវិទ្យាចម្រោះទឹកស្ដង់ដាអាមេរិក
ក្រុមហ៊ុន Fluence Corporation ទទួលបានសិទ្ធលើការបំពាក់បច្ចេកវិទ្យាបំលែងទឹកកខ្វក់ នៅស្ថានីយប្រព្រឹតិ្តទឹកកខ្វក់ទី ៣ នៅក្រុងព្រះសីហនុ។ ក្រុមហ៊ុនបានចុះកិច្ចសន្យាជាមួយក្រសួងរៀបចំដែនដី នគរូបនីយកម្ម និងសំណង់ លើការងារនេះក្នុងតម្លៃ៨,៥លានដុល្លារ។ នេះបើយោងតាមសេចក្តីប្រកាសរបស់ក្រុមហ៊ុនចេញផ្សាយកាលពីពេលថ្មីៗនេះ។ តាមរយៈកិច្ចសន្យានេះ ក្រុមហ៊ុន Fluence Corporation នឹងបំពាក់ម៉ាស៊ីន MABR ចំនួន៣ ដែលជាប្រព័ន្ធបំលែងទឹកកខ្វក់តាមប្រព័ន្ធបន្សុទ្ធរ៉េអាក់ទ័រ មុនបង្ហូរចូលចេញទៅក្រៅ ឬសម្រាប់ប្រើប្រាស់ឡើងវិញ។ បើតាមក្រុមហ៊ុនបច្ចេកវិទ្យា MABR នេះ នឹងត្រូវបំពាក់នៅស្ថានីយប្រព្រឹត្តិទឹកកខ្វក់ទី ៣ នៅក្រុងព្រះសីហនុ។ តាមការគ្រោងទុក ប្រព័ន្ធប្រព្រិត្តិកម្មទឹកកខ្វក់ MABR នឹងដាក់ដំណើរការនៅឆមាសទី១ ឆ្នាំក្រោយនេះ ដែលមានវិសាលភាពបំលែងទឹកកខ្វក់របស់ប្រជាពលរដ្ឋប្រមាណ ១៦ម៉ឺននាក់។
អានបន្ថែម
សមាគមអ្នកសាងសង់នឹងចែករំលែកចំណេះដឹងពីវិស័យសំណង់ និងច្បាប់ក្នុងសិក្ខាសាលាអន្តរជាតិ
សមាគមអ្នកសាងសង់កម្ពុជា នឹងចែករំលែកចំណេះដឹងទាក់ទិននឹងបច្ចុប្បន្នភាពនៃវិស័យសំណង់នៅកម្ពុជា ក៏ដូចជាការផ្លាស់ប្តូរថ្មីៗនៃច្បាប់ និងគោលនយោបាយនានាក្នុងវិស័យនេះ ដល់វិនិយោគិននៅក្នុងសិក្ខាសាលាអន្តរជាតិមួយ។ សិក្ខាសាលានេះ នឹងធ្វើឡើងនៅ ថ្ងៃទី២១ ខែតុលា ដែលរៀបចំឡើងដោយមូលនិធិ Dashun ក្រោមការឧបត្ថម្ភពីនាយកដ្ឋានពាណិជ្ជកម្ម និងឧស្សាហកម្មនៃទីក្រុងហុងកុង។ គម្រោងនេះមានគោលបំណងចង់ផ្តល់ព័ត៌មានថ្មីៗអំពីនិន្នាការនៃការអភិវឌ្ឈនៅប្រទេសកម្ពុជា ឥណ្ឌូនេស៊ី និងមីយ៉ាន់ម៉ា ពិសេសស្តីពីបរិយាកាសអាជីវកម្មក្នុងវិស័យហេដ្ឋារចនាសម្ព័ន្ធ និងសំណង់។ សិក្ខាសាលានឹងពិភាក្សាស៊ីជម្រៅលើបទប្បញ្ញត្តិ និងគោលនយោបាយពាក់ព័ន្ធនៅក្នុងតំបន់ ទិសដៅដើម្បីស្វែងរកឱកាសវិនិយោគ សិក្សាហានិភ័យ និងដាក់ចេញនូវយុទ្ធសាស្ត្រអាជីវកម្មដែលមានប្រសិទ្ធភាព។ ការពិភាក្សានេះ នឹងជាកត្តាជំរុញឱ្យវិនិយោគិនហុងកុងជឿទុកចិត្ត និងចង់ចូលមកវិនិយោគនៅក្នុងវិស័យហេដ្ឋារចនាសម្ព័ន្ធ និងសំណង់នៅប្រទេសទាំង ៣ ខាងលើឱ្យបានច្រើនជាងមុន។ ក្នុងនាមជាតំណាងប្រទេសកម្ពុជា លោក ជីវ ស៊ីវផេង អ្នកគ្រប់គ្រងទូទៅនៃលេខាធិការដ្ឋានសមាគម នឹងផ្តោតសំខាន់លើការផ្តល់នូវការចំណេះដឹងទាក់ទិននឹងច្បាប់សំណង់ និងគោលនយោបាយពន្ធ ក្នុងវិស័យសំណង់ ខណៈសិក្ខាសាលានេះនឹងបង្ហាញពីវិធីសាស្រ្តវិនិយោគនៅកម្ពុជាប្រកបដោយប្រសិទ្ធភាពទៀតផង។ លោកបន្តថា៖ «សិក្ខាសាលានេះគឺជាវេទិកាដ៏ល្អមួយសម្រាប់កម្ពុជា ក្នុងការផ្សព្វផ្សាយសក្តានុពលនៃវិស័យសំណង់កម្ពុជាទៅឆាកអន្តរជាតិ។ ព័ត៌មានជាក់លាក់ គ្រប់គ្រាន់ និងច្បាស់លាស់ គឺជាកត្តាសំខាន់ ព្រោះវានឹងជួយឱ្យអ្នកវិនិយោគមានទំនុកចិត្តជាងមុន និងមកវិនិយោគនៅកម្ពុជាកាន់តែច្រើន»។ ក្រៅពីវិស័យសំណង់ សិក្ខាសាលាក៏ពិភាក្សាស្ដីពីវិស័យអចលនទ្រព្យនៅកម្ពុជាដែលនឹងធ្វើបទបង្ហាញដោយលោក Ross Wheble ប្រធាន Knight Frank Cambodia […]
អានបន្ថែម
ក្រុមហ៊ុនចិនសិក្សាគម្រោងអាកាសយានដ្ឋានមណ្ឌលគីរី យឺតជាងការផែនការ ដោយសារកូវីដ១៩
ការសិក្សាគម្រោងអាកាសយានដ្ឋានមណ្ឌលគីរី ដោយក្រុមហ៊ុនចិន បានរងផលប៉ះពាល់មិនអាចដំណើរការសិក្សាតាមការគ្រោងទុក។ ឯកឧត្តម ស៊ិន ចាន់សេរីវុត្ថា អ្នកនាំពាក្យរដ្ឋលេខាធិការអាកាសចរណ៍ស៊ីវិល បានឱ្យដឹងនៅថ្ងៃទី១៤ តុលា នេះថា ក្រុមជំនាញក្រុមហ៊ុនចិន មិនអាចចុះសិក្សា និងវាយតម្លៃទីតាំងផ្ទាល់ ដោយសារវិធានការតម្រូវ ទាក់ទងនឹងជំងឺកូវីដ១៩។ ឯកឧត្តម ថ្លែងថា៖ «មានការយឺតយ៉ាវ ដោយសារបញ្ហាកូវីដ មនុស្សអត់ទាន់ចេញចូលបានដោយសារវិធានការ ហើយវាប៉ះពាល់លើក្រុមហ៊ុន…»។ ក្រុមហ៊ុន PowerChina International Group Ltd (PIG) ទទួលបានសិទ្ធជាគោលការណ៍ពីរាជរដ្ឋាភិបាល សិក្សាលើគម្រោងអាកាសយានដ្ឋាននៅមណ្ឌលគិរី។ ក្រុមការងាររបស់ក្រុមហ៊ុន បានចុះត្រួតពិនិត្យទីតាំងនៃអាកាសយានដ្ឋានស្ថិតនៅស្រុកអូរាំង ច្រើនដងរួចមកហើយ។ បើតាមឯកឧត្តម ស៊ិន ចាន់សេរីវុត្ថា ការសិក្សាជាទូទៅ មានរយៈពេល ២ ឆ្នាំ។ តាមការវាយតម្លៃលើការសិក្សាបឋម គម្រោងអាកាសយានដ្ឋានមណ្ឌលគិរី គឺប្រមាណ ៦០លានដុល្លារ និងបន្ទាប់មកត្រូវបានវាយតម្លៃថា ៨០លានដុល្លារ។ ទោះយ៉ាងណា ឯកឧត្តម ស៊ិន ចាន់សេរីវុត្ថា រំពឹងថា ក្រុមហ៊ុននឹងពន្លឿនការសិក្សានេះ នៅពេលស្ថានភាពនៃជំងឺកូវីដប្រសើរឡើង។ គួរបញ្ជាក់ថា ក្រុមហ៊ុនចិន China […]
អានបន្ថែម
ហេដ្ឋារចនាសម្ព័ន្ធផ្លូវ៣៨ខ្សែនៅសៀមរាប បច្ចុប្បន្នសាងសង់សម្រេចជាង ៨០%ហើយ
ទោះបញ្ហាកូវីដមិនទាន់ស្ងប់ស្ងាត់ក្ដី គម្រោងសាងសង់ផ្លូវទាំង ៣៨ខ្សែ នៅក្រុងសៀមរាបនៅតែដំណើរការដោយរលូន ខណៈបច្ចុប្បន្នការដ្ឋានសាងសង់ទាំងមូលសម្រេចបានប្រមាណ ៨០% ហើយ។ នេះបើយោងតាមកិច្ចប្រជុំ ពិភាក្សារៀបចំសណ្ដាប់ធ្នាប់លើកំណាត់ផ្លូវ ៣៨ខ្សែ ក្នុងក្រុងសៀមរាប កាលថ្ងៃទី១៣ ខែតុលាេ។ លោក ពិន ប្រាកដ អភិបាលរងខេត្តសៀមរាប បានឱ្យដឹងថា គម្រោងទាំងមូលអាចនឹងបិទការដ្ឋាននៅចុងឆ្នាំ ហើយគ្រោងនឹងបើកសម្ភោធដាក់ឱ្យប្រើប្រាស់ជាផ្លូវការ នៅដើមឆ្នាំក្រោយ។ យ៉ាងណា លោកបន្តថា៖ «នៅលើដងផ្លូវ ៣៨ខ្សែ ដែលកំពុងសាងសង់នេះ ត្រូវបានប្រជាពលរដ្ឋមួយចំនួន យកធ្វើកន្លែងលក់ដូរអនាធិបតេយ្យ និងចតយានយន្ដគ្មានសណ្ដាប់ធ្នាប់»។ ហេតុនេះ រដ្ឋបាលខេត្តបានព្រមានម្ដងហើយម្ដងទៀត ឱ្យពលរដ្ឋកុំបំពានដីចំណីផ្លូវ និងចិញ្ចើមផ្លូវ ពោលគឺដើម្បីសម្រួលដល់ដំណើរការសាងសង់។ (អានបន្ថែម) អាជ្ញាធរសៀមរាប៖ ហាមដាច់ខាតមិនឱ្យចតយានជំនិះ លក់ដូរ និងរំលោភចិញ្ចើមផ្លូវទៀតទេ គួរជម្រាបថា គម្រោងកែលម្អហេដ្ឋារចនាសម្ព័ន្ធផ្លូវទាំង ៣៨ខ្សែក្នុងក្រុងសៀមរាប មានប្រវែងសរុប ១០៨ គីឡូម៉ែត្រ ប្រើប្រាស់ថវិកាជាតិសរុបប្រមាណជាង ១៤៩លានដុល្លារអាមេរិក ដោយក្នុងនោះ ចំនួន ៩លានដុល្លារអាមេរិក បន្ថែមទៀត នឹងត្រូវចំណាយលើការរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ផងដែរ។ ការដ្ឋានសាងសង់ផ្លូវនេះ បានបើកការដ្ឋានកាលពីថ្ងៃទី៣០ […]
អានបន្ថែម
រដ្ឋចេញវិធានការក្ដៅ ៤ ចំណុច ហាមវាយកម្ទេចសំណង់អគារបេតិកភណ្ឌក្នុងទីក្រុង
ទីស្តីការគណៈរដ្ឋមន្ត្រី បានចេញវិធានការក្ដៅ ៤ ចំណុច ទប់ស្កាត់ការវាយកម្ទេច និងបំផ្លិតបំផ្លាញសំណង់បេតិកភណ្ឌ ដូចជាសំណង់អគារសាសនា សំណង់សាធារណៈ សំណង់ឯកជន ភូមិដ្ឋាន និងផ្ទះបុរាណនានា ទូទាំងប្រទេស ក្នុងគោលបំណងដើម្បីអភិរក្សអគារ និងរក្សាអត្តសញ្ញាណជាតិ។ បើតាមសារាចរលេខ០៨ សរ ចុះថ្ងៃទី ១២ ខែតុលា ឆ្នាំ២០២១ នេះ វិធានការទាំង ៤ នោះរួមមាន៖ ១.ហាមឃាត់ការកែប្រែ ប្ដូររូបរាងខាងក្រៅ ឬធ្វើឱ្យខូចខាតសោភ័ណភាពចំពោះសំណង់នៃតំបន់បេតិកភណ្ឌទីក្រុង ២.ទប់ស្កាត់ការវាយកម្ទេចនិងបំផ្លិចបំផ្លាញសំណង់វប្បធម៌ ប្រវត្តិសាស្ត្រ សំណង់បុរាណ និងសំណង់អគារបេតិកភណ្ឌ ដើម្បីការពារឱ្យបានគង់វង្ស។ ៣.បញ្ឈប់ជាបន្ទាន់ចំពោះការបំផ្លាញអគារបេតិកភណ្ឌក្នុងតំបន់ការពារ និងក្រៅតំបន់ការពារ ដោយផ្ដោតលើយុទ្ធសាស្ត្រ គោលនយោបាយ និងផែនទីចង្អុលបង្ហាញ ដើម្បីជំរុញការអភិរក្សនិងការអភិវឌ្ឍទីក្រុងបេតិកភណ្ឌប្រកបដោយនិរន្តរភាព ៤.សំណង់អគារបេតិកភណ្ឌដែលនឹងត្រូវធ្វើការជួសជុល កែប្រែរូបរាង ឬវាយកម្ទេចចោល ត្រូវស្នើសុំការពិនិត្យ និងសម្រេចពីក្រសួងវប្បធម៌និងវិចិត្រសិល្បៈ និងអាជ្ញាធរពាក់ព័ន្ធជាមុនសិន។
អានបន្ថែម
ការព្យាករណ៍ពីOxford ៖ វិស័យសំណង់នឹងជាក្បាលម៉ាស៊ីនសំខាន់ជំរុញកំណើនសេដ្ឋកិច្ចសកល
ការព្យាករណ៍ថ្មីរបស់សកលវិទ្យាល័យសេដ្ឋកិច្ច Oxford Economics បានឱ្យដឹងថាវិស័យសំណង់នឹងក្លាយជាក្បាលម៉ាស៊ីនសំខាន់ជាងគេ ក្នុងការជំរុញកំណើនសេដ្ឋកិច្ចសកល នៅទសវត្សថ្មីដល់ឆ្នាំ២០៣០ ខាងមុខ ដោយនឹងមានកំណើនខ្ពស់ជាងទសវត្សមុនៗដល់ទៅ ៣៥%។ នេះបើយោងតាមសារព័ត៌មាន GCR ។ ប្រភពដដែលបានបញ្ជាក់ទៀតថា កំណើននៃវិស័យសំណង់ទូទាំងសកលលោក នឹងមានប្រមាណ ៣,៦% ក្នុងមួយឆ្នាំៗ ចាប់ពេលនេះដល់ឆ្នាំ ២០៣០។ លើសពីនេះ ទិន្នផលនៃវិស័យសំណង់ក្នុងរយៈពេល១០ឆ្នាំខាងមុខ នឹងមានដល់ទៅ ៤,៥ ទ្រីលានដុល្លារ ដែលនឹងបង្កើនទិន្នផលសរុបត្រឹមឆ្នាំ ២០៣០ ដល់ទៅ ១៥,២ ទ្រីលានដុល្លារ ឬស្មើ ១៣,៥% នៃផលិតផលក្នុងស្រុកសរុបរបស់ពិភពលោកនៅពេលនោះ។ កំណើននេះគឺដោយសារតែ កំណើននៃការសន្សំសំចៃក្នុងគ្រួសារ ការចាក់បញ្ចូលទឹកប្រាក់ឧបត្ថម្ភរបស់រដ្ឋដើម្បីស្ដារសេដ្ឋកិច្ចពីវិបត្តិកូវីដ និងកំណើនប្រជាជន។ តាមរយៈកំណើននេះ វិស័យសំណង់ត្រូវបានព្យាករថា នឹងនាំមុខកំណើននៃវិស័យសេវាកម្ម និងកម្មន្តសាល។ របាយការណ៍បន្តថា កំណើននឹងត្រូវបានប្រមូលផ្តុំនៅក្នុងប្រទេសមួយចំនួនតូច ខណៈប្រទេសចិន ឥណ្ឌា អាមេរិក និងឥណ្ឌូនេស៊ី នឹងមានសន្ទុះខ្លាំង ពោលគឺរួមចំណែកលើស ៥៨% នៃកំណើនសកលដែលបានព្យាករ។ ទោះជាយ៉ាងណា ការព្យាករណ៍នេះ មិនមានកំណើនដូចគ្នានោះទេ នៅប្រទេសមួយចំនួន ដូចជាកំណើនហេដ្ឋារចនាសម្ព័ន្ធនៅចក្រភពអង់គ្លេសជាមធ្យម […]
អានបន្ថែម
កម្ពុជាបង្កើតមជ្ឈមមណ្ឌលសិក្សាសា្រវជ្រាវកម្មន្តសាលកម្រិតខ្ពស់បច្ចេកវិទ្យាជប៉ុន និងអាឡឺម៉ង់
រដ្ឋាភិបាលជប៉ុន តាមរយៈស្ថានទូតជប៉ុនប្រចាំនៅកម្ពុជា បានផ្តល់ជំនួយប្រមាណ ៤,៥លានដុល្លារ គាំទ្រដល់ដំណើរការមជ្ឈមណ្ឌលស្រាវជ្រាវ និងបណ្តុះបណ្តាលខាងកម្មន្តសាលកម្រិតខ្ពស់ ដែលមានទីតាំងនៅក្នុងសកលវិទ្យាល័យភូមិន្ទភ្នំពេញ។ មជ្ឈមមណ្ឌលនេះ ត្រូវបានប្រកាសដំណើរការ នៅក្នុងសន្និសីទសារព័ត៌មាន នៅថ្ងៃទី១៤ ខែតុលានេះ នៅក្រោមអធីបតីភាព ឯកឧត្តម បណ្ឌិត ម៉ី កល្យាណ ប្រធានក្រុមប្រឹក្សាភិបាលនៃសកលវិទ្យាល័យភូមិន្ទភ្នំពេញ ឯកឧត្តម MIKAMI Masahiro អគ្គរាជទូតជប៉ុនប្រចាំនៅកម្ពុជា និងឯកឧត្តម ជាតិ ជាលី សកលវិទ្យាធិការ នៃសកលវិទ្យាល័យភូមិន្ទភ្នំពេញ។ អគារមជ្ឈមណ្ឌលត្រូវបានសាងសង់នៅក្នុងបរិវេណនៃសកលវិទ្យាល័យភ្នំពេញដែលជាថវិការបស់រដ្ឋាភិបាល ចំណែកកម្មវិធីសិក្សា និងសំភារៈបច្ចេកទេស គឺជាជំនួយរបស់រដ្ឋាភិបាលជប៉ុន។ តាមរយៈមជ្ឈមណ្ឌលនេះ សាកលវិទ្យាល័យភូមិន្ទភ្នំពេញ បានសហការជាមួយក្រុមហ៊ុនវិនិយោគរួមជប៉ុន-អាឡឺម៉ង់ ឈ្មោះ DMG-MORI ដែលជាក្រុមហ៊ុនលំដាប់លេខ ១ នៅលើពិភពលោកខាងផលិតគ្រឿងម៉ាស៊ីន CNC ស្វ័យប្រវត្តិដ៏ទំនើប។ នៅពេលអនាគត មជ្ឈមមណ្ឌលនេះនឹងដើរតួយ៉ាងសំខាន់ក្នុងការគាំទ្រដល់ឧស្សាហកម្មដទៃទៀតនៅក្នុងប្រទេស ដើម្បីឆ្ពោះទៅរកការផលិតឌីជីថលឆ្លាតវៃ ដែលមានបដិវត្តថ្មី។
អានបន្ថែម