កាស៊ីណូយក្ស NagaWorld បើកដំណើការឡើងវិញហើយ ក្រោយបិទ៦ខែ ព្រោះបញ្ហាកូវីដ
ក្រុមហ៊ុនកាស៊ីណូ NagaWorld បានបើកដំណើការឡើងវិញហើយ ទទួលភ្ញៀវដែលបានចាក់វ៉ាក់សាំងកូវីដ១៩ រួច ក្រោយបានបិទទ្វារបណ្តោះអាសន្នរយៈពេល ៦ ខែ តាំងពីខែ មេសា ដោយសារបញ្ហាកូវីដ។ ក្រុមហ៊ុន NagaCorp បានលើកឡើងថា ណាហ្គាវើល បានបើកទ្វារទទួលភ្ញៀវឡើងវិញ កាលពីថ្ងៃទី១៥ ខែកញ្ញា កន្លងទៅ ដោយទទួលបានការអនុញ្ញាតពីក្រសួងសុខាភិបាល ។ នៅក្នុងរបាយការណ៍ចេញផ្សាយកាលពីថ្ងៃទី៣ ខែតុលា ការបើកដំណើរការនេះ រួមមានកន្លែងលេងល្បែង ភោជនីយដ្ឋាន និងសណ្ឋាគារ ដោយផ្តោតទៅលើអតិថិជនដែលជាជនបរទេសនៅក្នុងប្រទេស។ ក្រុមហ៊ុនបញ្ជាក់ថា ខ្លួនអនុវត្តវិធានសុខាភិបាលយ៉ាងខ្ជាប់ខ្ជួន ដើម្បីចូលរួមការទប់ស្កាត់ការឆ្លងជំងឺកូវីដ១៩។ គួរបញ្ជាក់ថា កម្ពុជាកំពុងពិចារណាបើកទទួលភ្ញៀវទេសចរបរទេសដែលចាក់វ៉ាក់សាំងកូវីដ១៩ ឡើងវិញនៅត្រីមាសទី៤ឆ្នាំនេះ។ រូបភាពដោយ៖ golfcambodia
អានបន្ថែម
រដ្ឋត្រូវការទុនជាង ៩,២ ពាន់លានដុល្លារសម្រាប់ការវិនិយោគសាធារណៈ ២០២២-២០២៤
រដ្ឋាភិបាលកម្ពុជា ត្រូវការកញ្ចប់ថវិកាប្រមាណ ៩ ២០១ លានដុល្លារអាមេរិក ដើម្បីអនុវត្តគម្រោងវិនិយោគសាធារណៈសរុប ៦៧៣គម្រោង សម្រាប់ឆ្នាំ ២០២២ ដល់ឆ្នាំ ២០២៤ ដែលក្នុងនោះ ៤៤,២% គឺសម្រាប់ការអភិវឌ្ឍវិស័យហេដ្ឋារចនាសម្ព័ន្ធ។ បើយោងតាមសេចក្តីប្រកាសព័ត៌មានរបស់ទីស្តីការគណៈរដ្ឋមន្ត្រី កាលពីថ្ងៃទី០៨ ខែតុលា ឆ្នាំ២០២១ ក្នុងគម្រោងសរុបទាំងអស់ មាន១៨៥ គម្រោង ជាគម្រោងកំពុងដំណើរការ ដែលត្រូវការទុនវិនិយោគប្រមាណ ៥ ៨១៧ លានដុល្លារអាមេរិក និង ៤៨៨ គម្រោងទៀត ជាគម្រោងថ្មី ដែលត្រូវការទុនវិនិយោគប្រមាណ ៣៣៨៤ លានដុល្លារអាមេរិក។ មកទល់ពេលនេះ រដ្ឋាភិបាលកម្ពុជា និងដៃគូអភិវឌ្ឍន៍ បានសន្យាផ្តល់ទុនវិនិយោគរួចមកហើយចំនួន ៧ ៧១៣,៣ លានដុល្លារអាមេរិក ដែលក្នុងនោះពីរដ្ឋាភិបាលកម្ពុជាមានចំនួន ៤៧៧,១ លានដុល្លារអាមេរិក និងពីដៃគូអភិវឌ្ឍន៍ចំនួន ៧ ២៣៦,២ លានដុល្លារអាមេរិក។ ដូច្នេះ បច្ចុប្បន្ន រដ្ឋកំពុងរកទុនបន្ថែមចំនួន ១ ៤៨៧,៧ លានដុល្លារអាមេរិក។ គួរបញ្ជាក់ថា កម្មវិធីវិនិយោគសាធារណៈ […]
អានបន្ថែម
ចង់សង់សំណង់ជាប់ផ្លូវល្បឿនលឿន ផ្លូវជាតិ ឬផ្លូវខេត្ត ត្រូវឃ្លាតពីផ្លូវចម្ងាយប៉ុន្មានទើបស្របច្បាប់?
មានផ្ទះ ឬសំណង់ជាប់ផ្លូវល្បឿនលឿន ផ្លូវជាតិ ឬផ្លូវខេត្ត ត្រូវអនុវត្តគោលការណ៍ទាំងនេះ តាមច្បាប់ រាល់ការសាងសង់សំណង់ដែលមានច្រកផ្លូវចេញចូលជាប់នឹងផ្លូវល្បឿនលឿន ផ្លូវជាតិ ឬផ្លូវខេត្ត គឺតម្រូវឱ្យទុកគម្លាតពីសំណង់ទៅព្រំដីចំណីផ្លូវ ក្នុងកម្រិតណាមួយជាក់លាក់ អាស្រ័យទៅលើទំហំ និងប្រភេទនៃសំណង់នោះ។ បើតាមច្បាប់ស្តីពីផ្លូវថ្នល់ ឆ្នាំ២០១៤ គម្លាតទាំងនោះត្រូវបែងចែង ដូចខាងក្រោម៖ ១. ការសាងសង់សំណង់ដូចជា ស្ថានីយប្រេងឥន្ធនៈ ស្ថានីយហ្គាស កន្លែងលាងយានយន្ត យានដ្ឋាន ឬសំណង់ប្រហាក់ប្រហែលផ្សេងៗទៀត ដែលមានមនុស្សជួបជុំគ្នាមធ្យម ត្រូវស្ថិតក្នុងចម្ងាយយ៉ាងតិច ១៥ម៉ែត្រ ពីខ្សែបន្ទាត់ព្រំដីចំណីផ្លូវ ២. ការសាងសង់មជ្ឈមណ្ឌលពាណិជ្ជកម្ម ពហុកីឡដ្ឋាន ទីលានប្រកួត រោងមហោស្រពមន្ទីរ ពេទ្យ គ្រឹះស្ថានសិក្សា ការរៀបចំផ្សារ ផ្សារណាត់ ពិព័រណ៍ទំនិញ ឬកិច្ចការផ្សេងទៀតដែល មានមនុស្សជួបជុំគ្នាច្រើន ត្រូវស្ថិតក្នុងចម្ងាយយ៉ាងតិចបំផុត៥០ម៉ែត្រ ពីខ្សែបន្ទាត់ព្រំដីចំណីផ្លូវ។ ក្រៅពី ២ ចំណុចខាង រាល់ការចាក់ដី ឬធ្វើអ្វីមួយលើដីចំណីផ្លូវ ដើម្បីធ្វើផ្លូវចេញចូលគេហដ្ឋាន ក្រុមហ៊ុន រោងចក្រ សហគ្រាស ឬកន្លែងផ្សេងៗជាប់ផ្លូវថ្នល់ ម្ចាស់គម្រោងត្រូវដាក់ពាក្យស្នើសុំការអនុញ្ញាត ទៅសមត្ថកិច្ចគ្រប់គ្រងផ្លូវថ្នល់ជាមុនសិន។ លើសពីនេះ […]
អានបន្ថែម
កម្ពុជា និងថៃ នឹងបើកច្រកទ្វារព្រំដែនថ្មីមួយនៅពេលឆាប់ៗនេះ
កម្ពុជា និងថៃ កាលពីថ្មីៗនេះ បានព្រមព្រៀងគ្នាថានឹងបើកច្រកទ្វារព្រំដែនស្ទឹងបត់ ភ្ជាប់ខេត្តបន្ទាយមានជ័យនៃប្រទេសកម្ពុជា និងខេត្តស្រះកែវនៃប្រទេសថៃ ជាបណ្តោះអាសន្ន សម្រាប់ការដឹកជញ្ជូនទំនិញ ក្នុងពេលឆាប់ៗនេះ នេះបើយោងតាមឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន ដែលបានបញ្ជាក់នៅថ្ងៃទី១១ ខែតុលានេះ។ ឯកឧត្តម វ៉ាស៊ីម សុរិយា ថ្លែងថា៖ «ខាងយើង បានត្រៀមខ្លួនហើយ នៅស្ទឹងបត់ យើងបានបង្កើតអន្តោប្រវេសន៍ផ្លូវការហើយ ខាងគយ យើងក៏បានរៀបចំជាមន្រ្តីគយពីច្រកទ្វារព្រំដែនប៉ោយប៉ែតឱ្យមកជួយការងារសិន ព្រោះយើងបើកបណ្តោះអាសន្នទេ»។ បើតាមឯកឧត្តម គឺនៅមានហេដ្ឋារចនាសម្ព័ន្ធផ្សេងទៀតដូចជា ផ្លូវាង ទីលានចតរថយន្ត និងកន្លែងត្រួតពិនិត្យ និងស្នាក់នៅរបស់មន្រ្តី ដែលកំពុងសាងសង់នៅឡើយ។ ទោះយ៉ាងណា ឯកឧត្តម វ៉ាស៊ីម សុរិយា មិនបានបញ្ជាក់ពីការបរិច្ឆេទនៃការបើកដំណើរការបណ្តោះអាសន្នច្រកទ្វារព្រំដែនស្ទឹងបត់ ជាមួយនឹងច្រកទ្វារព្រំដែន បាណងអៀន នៅខាងប្រទេសថៃនោះទេ។ ប៉ុន្តែយោងតាមសារព័ត៌មាននៅប្រទេសថៃNNT ចេញផ្សាយកាលពីថ្ងៃទី១ ខែតុលា ក្រសួងពាណិជ្ជកម្មថៃ បានយល់ព្រមបើកច្រកទ្វាររួចហើយ ដោយរំពឹងនឹងបើកឆាប់ៗ។ គួរបញ្ជាក់ថា បើគិតត្រឹមចុងខែមិថុនា ឆ្នាំ២០២១ នេះ គម្រោងសាងសង់ច្រកទ្វារព្រំដែនខ្មែរ-ថៃថ្មី ស្ទឹងបត់-បានណងអៀន តម្លៃជាង […]
អានបន្ថែម
៨ខែដំបូង ឆ្នាំ២០២១ រដ្ឋអនុម័តគម្រោងសំណង់ជិត៣ពាន់គម្រោង តម្លៃសរុប ៣,៨ប៊ីលានដុល្លារ
ក្រសួងរៀបចំដែនដី នគរូបនីយកម្ម និងសំណង់ បានអនុម័តសំណើសុំសាងសង់សរុប ២ ៩០១គម្រោង នៅក្នុងរយៈពេល៨ ខែ ដំបូងនៃឆ្នាំ២០២១ នេះ ដែលធ្លាក់ចុះ៤៤៩ គម្រោង បើធៀបនឹងរយៈពេលដូចគ្នាកាលពីឆ្នាំមុន។ យោងតាមរបាយការណ៍ “និន្នាការសេដ្ឋកិច្ច សង្គម” របស់ក្រសួងសេដ្ឋកិច្ច និងហិរញ្ញវត្ថុ គម្រោងទាំងអស់នេះ មានតម្លៃគម្រោងសរុប ៣ ៨៤៣ លានដុល្លារ ដែលក៏បានធ្លាក់ចុះ ២៤,៤% បើធៀបនឹងរយៈពេលដូចគ្នាកាលពីឆ្នាំមុន។ ប្រភពដដែលបញ្ជាក់ថា ក្នុងចំណោមគម្រោងទាំងអស់ ប្រភេទសំណង់លំនៅដ្ឋាន មាន ២ ៥៣០គម្រោង ឬស្មើនឹង៨៧,២% នៃសំណើសុំសាងសង់សរុប ដែលបានធ្លាក់ចុះ១៥% ធៀបនឹងរយៈពេលដូចគ្នាកាលពីឆ្នាំមុន។ គួរបញ្ជាក់ថា កាលពីឆ្នាំ២០២០កន្លងទៅ តម្លៃគម្រោងស្នើសុំសាងសង់សរុបមានដល់ទៅ ៧,៧៥ប៊ីលានដុល្លារ ធ្លាក់ចុះ ៣២% បើធៀបនឹងឆ្នាំ២០១៩៕
អានបន្ថែម
តៃវ៉ាន់នឹងនាំចូលរបកគំហើញបច្ចេកវិទ្យាថ្មីៗ មកកម្ពុជា ទិសដៅធ្វើទំនើបកម្មវិស័យសំណង់
វិទ្យាស្ថានស្រាវជ្រាវការអភិវឌ្ឍពាណិជ្ជកម្ម នៃក្រសួងសេដ្ឋកិច្ចតៃវ៉ាន់ (CDRI) កំពុងត្រៀមចង់សម្រុកចូលទីផ្សារសំណង់នៅកម្ពុជា ដោយគ្រោងនឹងនាំចូលរបបគំហើញបច្ចេកវិទ្យាថ្មីៗ និងសម្ភារប្រើប្រាស់ក្នុងវិស័យសំណង់ទំនើបៗ ជាច្រើនប្រភេទចូលមកប្រទេសកម្ពុជា តាមរយៈគម្រោង Wow! Taiwan។ អ្នកតំណាង CDRI បានបញ្ជាក់ថា ទិសដៅការឈានជើងចូលមកទីផ្សារកម្ពុជានេះ គឺដើម្បីចង់ជួយធ្វើទំនើបកម្មវិស័យសំណង់នៅកម្ពុជា ស្របពេលដែលទីផ្សារមួយនេះកំពុងមានសក្ដានុពល និងកំណើនពីមួយឆ្នាំទៅមួយឆ្នាំ។ CDRI សង្កេតឃើញថា ទីផ្សារសំណង់នៅកម្ពុជាមិនទាន់មានការប្រើឧបករណ៍ ឬសម្ភារ ដែលមានភាពឆ្លាតវៃច្រើននោះទេ។ ដូច្នេះ CDRI ចង់ជួយបំពេញបន្ថែមនៅលើចំណុចខ្វះខាតនេះ ដើម្បីឱ្យកម្ពុជាដើរទាន់ពិភពលោក។ ផលិតផល និងសេវាកម្មដែល CDRI ចែកចាយ មានស្ទើគ្រប់ប្រភេទទាំងអស់ទាក់ទិននឹងសម្ភារសំណង់ ប៉ុន្តែផលិតលេចធ្លោដែលក្រុមហ៊ុនចង់នាំចូលមកកម្ពុជាមានដូចជា ប្រព័ន្ធគ្រប់គ្រងអគ្គិសនីនៅក្នុងអគារឬផ្ទះបែបឆ្លាតវៃ ប្រព័ន្ធកាមេរ៉ាស្វ័យប្រវត្តិដើម្បីវិភាគវឌ្ឍនភាពនៃគម្រោងសំណង់ ប្រព័ន្ធការពារអគ្គិភ័យបែបវៃឆ្លាត និងប្រព័ន្ធលំហូរខ្យល់ និងកម្ចាត់មេរោគក្នុងផ្ទះដោយស្វ័យប្រវត្តិក្នុងអគារ ជាដើម។ គួរបញ្ជាក់ថា គម្រោង Wow! Taiwan គឺជាគម្រោងធ្វើទីផ្សារក្រៅប្រទេសរបស់តៃវ៉ាន់ដែលទទួលបានការឧបត្ថម្ភថវិកាពី CDRI និងការិយាល័យពាណិជ្ជកម្មបរទេស (BOFT) របស់តៃវ៉ាន់។ ទិសដៅនៃគម្រោងនេះ គឺដើម្បីជួយដល់អាជីវករតៃវ៉ាន់ក្នុងការតភ្ជាប់ជាមួយដៃគូក្រុមហ៊ុនអន្តរជាតិ ដោយការផ្សព្វផ្សាយផលិតផលតៃវ៉ាន់ដែលមានគុណភាពខ្ពស់។ សម្រាប់ឆ្នាំនេះ Wow! Taiwan នឹងមកផ្ដោតលើទីផ្សារសំណង់នៅកម្ពុជា ដោយបច្ចុប្បន្នកំពុងប្រកាសស្វែករកដៃគូអាជីវកម្មក្នុងស្រុក។ […]
អានបន្ថែម
សំណង់ណាខ្លះមិនចាំបាច់មានលិខិតអនុញ្ញាតសាងសង់?
ច្បាប់ស្តីពីសំណង់២០១៩ បានចែងយ៉ាងច្បាស់ថា រាល់ការងារសាងសង់ ឬ រុះរើ ត្រូវសុំលិខិតអនុញ្ញាតិ ឬមានការអនុម័តពីអាជ្ញាធរមានសមត្ថកិច្ចជាមុនសិន ដើម្បីធានានូវសុវត្ថិភាព និងសណ្តាប់ធ្នាប់សាធារណៈ។ ប៉ុន្តែ បើតាមអនុក្រឹត្យលេខ២២៤ ស្តីពីលិខិតអនុញ្ញាតសាងសង់ ក៏មានករណីលើកលែងមួយចំនួនដែរ។ សំណង់ដែលមិនទាមទារឱ្យលិខិតអនុញ្ញាតសាងសង់មានដូចជា៖ • សំណង់អគារផ្ទាល់ដីដែលមានផ្ទៃក្រឡាកម្រាលសំណង់សរុបតិចជាង ឬស្មើ១២ម៉ែត្រក្រឡា និងមានកម្ពស់ទាបជាង ឬស្មើ ៥ម៉ែត្រ • លំនៅឋានធ្វើពីឈើ ផ្ទះថ្មក្រោម-ឈើលើ ផ្ទះតៀមធ្វើពីឈើ ឬថ្ម នៅទីជនបទ ឬស្រែចម្ការ ដែលមានផ្ទៃក្រឡាកម្រាលសំណង់សរុបតិចជាង ឬស្មើ១០០ ម៉ែត្រក្រឡា និងមាន កម្ពស់ទាបជាង ឬស្មើ៩ម៉ែត្រ (ត្រូវមិននៅក្នុងតំបន់រមណីយដ្ឋានទេសចរណ៍ តំបន់បេតិកភណ្ឌ តំបន់អភិរក្ស ឬតំបន់ការពារ) • សំណង់មិនមែនបេតុងដែលសាងសង់ផ្ទាល់ដី សម្រាប់ប្រើប្រាស់បណ្តោះអាសន្ន មានជាអាទិ៍ បង្គោល ដងទង់ វេទិកា រោង តូប ឬគ្រឿងផ្គុំដទៃទៀតសម្រាប់ប្រារព្ធពិធីផ្សេងៗ • សំណង់ក្នុងវត្តអារាមដែលមានផ្ទៃក្រឡាកម្រាលសំណង់សរុបតិចជាង ឬស្មើ២០ ម៉ែត្រក្រឡានិងមានកម្ពស់ទាបជាង ឬស្មើ១២ម៉ែត្រ • សំណង់របងដែលមិនធ្វើអំពីថ្ម ឬបេតុង […]
អានបន្ថែម
តើអាចសង់អគារខ្ពស់ៗលើដីទំហំតូចបានទេ? ស្វែងយល់ពី សមាមាត្ររវាងកម្ពស់អគារ និងទំហំដី
មនុស្សទូទៅអាចយល់ច្រឡំថា បើពួកគេមានដី១ ដុំ ហើយពួកចង់សង់ផ្ទះ ឬអគារណាមួយនៅលើដីនោះ ពួកគេចង់សង់កម្ពស់ប៉ុន្មានជាន់ក៏បាន កុំឱ្យតែអគារនោះផុតចេញពីព្រំដី។ ប៉ុន្តែជាក់ស្ដែង គឺមិនត្រឹមត្រូវទេ។ ច្បាប់បានកំណត់យ៉ាងច្បាស់អំពីកម្រិតនៃកម្ពស់អគារ សមាមាត្រទៅនឹងទំហំដី ពិសេសនៅក្នុងទីក្រុង។ អនុក្រឹត្យលេខ៤២ អនក្រ.បក ស្តីពីនគរូបនីយកម្មរាជធានី ទីក្រុង និងទីប្រជុំជន ចុះខែមេសា ឆ្នាំ ២០១៥ បានកំណត់សមាមាត្រកម្រិតនៃកម្ពស់អគារ និងទំហំដីដូចក្រោម៖ ១. តំបន់លំនៅឋានមានកម្ពស់ទាប -សម្រាប់លំនៅឋានដាច់ពីគ្នា (ភូមិគ្រឹះ ឬពាក់កណ្តាលភូមិគ្រឹះ) ដីត្រូវមានទំហំយ៉ាងតិច ១០ ម៉ែត្រ គុណនឹង២០ ម៉ែត្រ -សម្រាប់លំនៅឋានជាប់គ្នា (ផ្ទះល្វែង ឬផ្ទះជាប់គ្នា) ត្រូវមានដីទំហំយ៉ាងតិច ៤ម៉ែត្រ គុណនឹង១៥ ម៉ែត្រ ២. តំបន់លំនៅឋានមានកម្ពស់មធ្យម -សម្រាប់អគារកម្ពស់ពី៣ ជាន់ ដល់៨ជាន់ ត្រូវមានដីយ៉ាងតិច ១៥ ម៉ែត្រ គុណនឹង២៥ ម៉ែត្រ -សម្រាប់អគារកម្ពស់ពី ៩ ជាន់ ដល់១១ ជាន់ ទំហំដីត្រូវមានយ៉ាងតិច […]
អានបន្ថែម
កិច្ចសន្យាសាងសង់ កិច្ចសន្យាហ៊ុមព័ទ្ធការដ្ឋាន និងកិច្ចសន្យាភ្ជាប់ព្រំជាអ្វី? សំខាន់ដូចម្ដេច?
រាល់ការងារសាងសង់ ត្រូវតែដាក់ពាក្យស្នើសុំលិខិតអនុញ្ញាតសាងសង់ពីអាជ្ញារធរមានសមត្ថកិច្ចណាមួយ ទៅតាមប្រភេទទំហំនៃគម្រោងសាងសង់ ដោយត្រូវភ្ជាប់ឯកសារចាំបាច់មួយចំនួនមកជាមួយ។ ក្នុងចំណោមនោះ មានកិច្ចសន្យា ៣ ប្រភេទខុសៗគ្នាដែលត្រូវភ្ជាប់មកជាមួយពាក្យសុំជាចំាបាច់។ កិច្ចសន្យាទាំង៣ នេះ មានសារសំខាន់ណាស់ ព្រោះវាជាលិខិតលាយលក្ខណ៍អក្សរ ដែលម្ចាស់សំណង់ ឬអ្នកអភិវឌ្ឍអចលនវត្ថុ ត្រូវទទួលខុសត្រូវជាមួយអាជ្ញាធរសាធារណៈ និងអ្នកពាក់ព័ន្ធ។ កិច្ចសន្យាទាំងនោះរួមមាន៖ ១. កិច្ចសន្យាសាងសង់ កិច្ចសន្យានេះ មិនមែនជាកិច្ចសន្យាម៉ៅការសាងសង់ទេ តែវាជាកិច្ចសន្យា ដែលម្ចាស់សំណង់ត្រូវផ្តិតមេដៃធានាទទួលខុសត្រូវនូវការងារសាងសង់របស់ខ្លួន ចំពោះមុខមេឃុំ ចៅសង្កាត់ និងអភិបាលស្រុក ខណ្ឌ។ នៅក្នុងកិច្ចសន្យានេះ ម្ចាស់សំណង់ត្រូវ៖ -គោរពតាមខ្លឹមសារអនុក្រឹត្យ លេខ ៨៦ អនក្រ.បក បានកំណត់ -ធានាសុវត្ថិភាពអ្នកជិតខាងដែលនៅជិតការដ្ឋានសំណង់ -ធានាមិនឱ្យកាកសំណល់ និងទឹកកខ្វក់ ប៉ះពាល់បរិស្ថាន និងទីសាធារណៈ -ធានាការពារមិនឱ្យមានអគ្គីភ័យកើតមានឡើង។ ប៉ុន្តែ ក្នុងករណីកើតមានជាយថាហេតុណាមួយនេះ ម្ចាស់សំណង់ ត្រូវចេញសងនូវការខូចខាតដល់អ្នកជិតខាង -ក្នុងករណីមានការប៉ះពាល់សោភ័ណ្ឌភាព សណ្ដាប់ធ្នាប់សាធារណៈ បរិស្ថាន ឬការពង្រីកផ្លូវ នៅពេលអនាគត ម្ចាស់សំណង់ ត្រូវគោរពតាមគោលការណ៍កំណត់របស់រដ្ឋ ២. កិច្ចសន្យាហ៊ុមព័ទ្ធការដ្ឋាន កិច្ចសន្យានេះ ទាមទារឱ្យម្ចាស់សំណង់ […]
អានបន្ថែម
ហូឡង់បង្កើតផ្ទះចល័តដែលបង្កើតថាមពលបានខ្លួនឯង មិនបាច់ប្រើសាំង ឬសាកអគ្គិសនីឡើយ
សាកលវិទ្យាល័យ Eindhoven University of Technology នៃ ប្រទេសហូឡង់បានបង្ហាញនូវការច្នៃប្រឌិតថ្មីមួយ បង្កើតផ្ទះចល័ត ឬផ្ទះក្នុងឡាន ដើរដោយថាមពលពន្លឺព្រះអាទិត្យដំបូងគេដែលមានឈ្មោះថា Stella Vita។ នេះបើយោងតាមសារព័ត៌មានGCR។ បច្ចេកវិទ្យាបន្ទះថាមពលពន្លឺសូឡាដែលបានបំពាក់នៅលើដំបូងផ្ទះចល័តនេះ គឺមានសមត្ថភាពស្រូបថាមពលបានខ្ពស់ ដែលគ្រប់គ្រាន់សម្រាប់ម្ចាស់ផ្ទះងូតទឹក មើលទូរទស្សន៍ សាកកុំព្យូទ័រ និងឆុងកាហ្វេ បានដោយងាយស្រួល។ នៅពេលមេឃបើកថ្ងៃ ផ្ទះ Stella Vita នឹងអាចស្រូបថាមពលពន្លឺព្រះអាទិត្យបានគ្រប់គ្រាន់ ដើម្បីធ្វើដំណើររហូតដល់ ៧៣០ គីឡូម៉ែត្រឯណោះ។ ក្រៅពីនេះ ផ្ទះនេះក៏មានដំបូលដែលអាចរលាស់ឡើងលើបាន ដែលនឹងធ្វើឱ្យទីធ្លាផ្ទះធំទូលាយជាងមុន ដើម្បីឱ្យម្ចាស់ផ្ទះអាចឈរចម្អិនអាហារ បានដោយងាយស្រួល។ ជាមួយនឹងដំបូលបត់ឡើងបាននេះ ផ្ទៃក្រឡាផ្ទះទាំងមូលមានដល់ ១៧,៥ ម៉ែត្រការ៉េ។ គម្រោងធ្វើដំណើរសាកល្បង នឹងចាប់ផ្តើមក្នុងពេលឆាប់ៗនេះ ដោយក្រុមនិស្សិតនៃសាកលវិទ្យាល័យអ៊ីនដូហូន នឹងធ្វើដំណើរពីទីក្រុងអ៊ីនដូហូន ទៅដល់ចុងខាងត្បូងបំផុតនៃប្រទេសអេស្ប៉ាញ។
អានបន្ថែម
ក្រុមហ៊ុនតៃវ៉ាន់កំពុងស្វែងរកដៃគូ ដើម្បីនាំចូលផលិតផលសម្ភារៈសំណង់វៃឆ្លាតមកកម្ពុជា
ក្រុមហ៊ុនឯកជនតៃវ៉ាន់ សហការជាមួយវិទ្យាស្ថានស្រាវជ្រាវការអភិវឌ្ឍន៍ពាណិជ្ជកម្ម នៃក្រសួងសេដ្ឋកិច្ចតៃវ៉ាន់ (CDRI) កំពុងប្រកាសស្វែករកដៃគូអាជីវកម្មនៅកម្ពុជា ដើម្បីជួយនាំចូល និងចែកចាយផលិតផលជាច្រើនទាក់ទិននឹងសម្ភារសំណង់គុណភាពខ្ពស់ និងបច្ចេកវិទ្យាថ្មីពីប្រទេសតែវ៉ាន់ផ្ទាល់ មកកម្ពុជា។ ការស្វែងរកដៃគូអាជីវកម្មនៅកម្ពុជា គឺជាផ្នែកមួយនៃគម្រោង Wow! Taiwan ដែលជាយុទ្ធនាការធ្វើទីផ្សារនៅក្រៅប្រទេសរបស់ CDRI ទិសដៅជំរុញទំនាក់ទំនង និងបណ្ដាញធុរកិច្ចរវាងក្រុមហ៊ុនតែវ៉ាន់ និងក្រុមហ៊ុនក្រៅស្រុក។ សម្រាប់ឆ្នាំនេះ CDRI បញ្ជាក់ថា ខ្លួននឹងមកផ្ដោតលើទីផ្សារសំណង់នៅកម្ពុជា ដោយបច្ចុប្បន្នកំពុងប្រកាសស្វែករកដៃគូអាជីវកម្មក្នុងស្រុក។ តាមរយៈកម្មវិធីនេះ ក្រុមហ៊ុននានានៅតៃវ៉ាន់នឹងណែនាំអំពីសម្ភារៈសំណង់ និងផលិតផលរបស់ខ្លួនទៅឱ្យភាគីកម្ពុជា។ ដូចគ្នានេះដែរ ភាគីកម្ពុជាក៏អាចណែនាំផលិតផលរបស់ខ្លួនទៅខាងតៃវ៉ាន់ផងដែរ។ ប្រសិនបើភាគីណាមួយមានចំណាប់អារម្មណ៍ CDRI នឹងបន្តធ្វើការសម្របសម្រួលដើម្បីឱ្យក្រុមហ៊ុនទាំងនោះ ពិភាក្សាគ្នាបន្ថែមទៀត ពោលគឺដើម្បីឈានទៅរកឱកាសវិនិយោគរួមគ្នានៅកម្ពុជា។ គួរបញ្ជាក់ថា ផលិតផល និងសេវាកម្មដែល CDRI ចែកចាយ មានស្ទើគ្រប់ប្រភេទទាំងអស់ទាក់ទិននឹងសម្ភារសំណង់ ប៉ុន្តែផលិតលេចធ្លោដែលក្រុមហ៊ុនចង់នាំចូលមកកម្ពុជាមានដូចជា ប្រព័ន្ធគ្រប់គ្រងអគ្គិសនីនៅក្នុងអគារ ឬផ្ទះបែបឆ្លាតវៃ ប្រព័ន្ធកាមេរ៉ាស្វ័យប្រវត្តិដើម្បីវិភាគវឌ្ឍនភាពនៃគម្រោងសំណង់ ប្រព័ន្ធការពារអគ្គិភ័យបែបវៃឆ្លាត និងប្រព័ន្ធលំហូរខ្យល់ និងកម្ចាត់មេរោគក្នុងផ្ទះដោយស្វ័យប្រវត្តិក្នុងអគារ ជាដើម។ CDRE បញ្ជាក់ទៀតថា ខ្លួនផ្ដោតលើការនាំចូលនៃរបបគំហើញបច្ចេកវិទ្យាថ្មីៗចូលមកប្រទេសកម្ពុជាទិសដៅចង់ជួយធ្វើទំនើបកម្មវិស័យសំណង់ ស្របពេលដែលទីផ្សារមួយនេះកំពុងមានសក្ដានុពល និងកំណើនពីមួយឆ្នាំទៅមួយឆ្នាំ។ អ្នកចាប់អារម្មណ៍ចង់ធ្វើដៃគូពាណិជ្ជកម្ម អាចទាក់ទង ទូរសព្ទលេខ […]
អានបន្ថែម
វិភាគ៖ តើវិបត្តិ Evergrande របស់ចិននឹងជះឥទ្ធិពលលើទីផ្សារអចលនទ្រព្យនៅកម្ពុជាដូចម្ដេច?
វិបត្តិ Evergrande នឹងដាក់សម្ពាធលើទីផ្សារអលចនទ្រព្យរយៈពេលខ្លី តែក្នុងរយៈពេលវែងនឹងធ្វើឱ្យទីផ្សារមានស្ថេរភាព និងសុខភាពល្អជាងមុន ព្រោះនឹងគ្មានការបំប៉ោងតម្លៃ ប្រជាពលរដ្ឋក្នុងស្រុកមានសមត្ថភាពទិញអចលនទ្រព្យច្រើនជាងមុន និងពិសេសគ្មានការសង់ខុនដូខ្វះគុណភាពទុកចោលដើម្បីឱ្យវិនិយោគិនចិនលាងលុយ។ ក្រោយក្រុមហ៊ុនអភិវឌ្ឍន៍អចលនទ្រព្យខ្នាតយក្សរបស់ចិន Evergrande Group វិបត្តិហិរញ្ញវត្ថុប្រឈមនឹងបំណុលជាង ៣០០ ពាន់លានដុល្លារអាមេរិក អ្នកវិភាគជាច្រើនព្យាករថាវានឹងជះឥទ្ធិពលអវិជ្ជមានដល់ទីផ្សារអចលនទ្រព្យ និងសេដ្ឋកិច្ចចិន ក៏ដូចជាបណ្តាប្រទេសដទៃទៀតដែលមានការវិនិយោគពីចិនច្រើន។ កម្ពុជាក៏ស្ថិតក្នុងចំណោមប្រទេសដែលទីផ្សារអចលនទ្រព្យភាគច្រើនពឹងផ្អែកលើការវិនិយោគរបស់ចិន។ ដូច្នេះ តើហេតុការណ៍វិបត្តិហិរញ្ញវត្ថុ Evergrande នឹងប៉ះពាល់ដល់ទីផ្សារអចលនទ្រព្យនៅកម្ពុជាដូចម្ដេច? យោងតាមអត្ថបទវិភាគរបស់ The Diplomat ដែលបានបោះពុម្ពផ្សាយនៅថ្ងៃទី ៣០ ខែកញ្ញា ជាក់ស្ដែង ទីផ្សារអចលនទ្រព្យនៅកម្ពុជា ត្រូវបានអ្នកជំនាញព្យាករថាមានឱកាសដួលរលំខ្ពស់ តាំងពីមុនវិបត្តិកូវីដ និងហេតុការណ៍ Evergrande ទៅទៀត។ ដូច្នេះ ហេតុការណ៍ Evergrande នឹងក្លាយជាចលករសំខាន់មួយទៀតដែលអាចបង្កហានិភ័យបន្ថែមទៅក្នុងទីផ្សារ។ នាយកគ្រប់គ្រងនៃក្រុមហ៊ុន CBRE Cambodia លោក James Hodge បានវិភាគថា ការវិបត្តិ Evergrande នឹងមិនមានផលប៉ះពាល់ដោយផ្ទាល់មកលើប្រទេសកម្ពុជាទេ ដោយសារក្រុមហ៊ុននេះមិនមានការវិនិយោគនៅកម្ពុជា។ ប៉ុន្តែវានឹងជះឥទ្ធិពលដោយប្រយោលទៅលើស្ថានភាពទីផ្សារក្នុងរយៈពេលខ្លី។ «វិបត្តិរបស់ក្រុមហ៊ុនយក្សនេះ នឹងប៉ះពាល់ដល់វិនិយោគិនចិនដែលកំពុងរស់នៅប្រទេសកម្ពុជា និងដាក់សម្ពាធលើអ្នកអភិវឌ្ឈន៍អចលនទ្រព្យនៅកម្ពុជាកាន់តែធ្ងន់» លោកបន្ដ។ […]
អានបន្ថែម