មន្ទីរពេទ្យថ្នាក់ជាតិព្យាបាលអ្នកជំងឺកូវីដថ្មីមួយ នឹងត្រូវសាងសង់លើដីជាង១០ ហិកតា នៅកោះកុង
មន្ទីរពេទ្យលំដាប់ថ្នាក់ជាតិសម្រាប់ទទួលព្យាបាលអ្នកជំងឺកូវីដ-១៩ ថ្មីស្រឡាងមួយកន្លែង នឹងលេចរូបរាងឡើងក្នុងពេលឆាប់ៗនៅខេត្តកោះកុង ខណៈការដ្ឋានបើកការសាងសង់គ្រោងនឹងធ្វើឡើងនៅខែតុលា ឆ្នាំ២០២១ ខាងមុខនេះ។ នេះបើយោងតាមរដ្ឋបាលខេត្តកោះកុងកាលពីថ្ងៃទី២៥ ខែកញ្ញាកន្លងទៅ។ មន្ទីរពេទ្យនេះនឹងត្រូវសាងសង់ លើផ្ទៃដីសរុប ១០ហិកតា ហើយនឹងក្លាយជាសមិទ្ធិផលហេដ្ឋានរចនាសម្ព័ន្ធដ៏ធំមួយទៀត បម្រើដល់វិស័យសុខាភិបាល។ ប្រភពដដែល មិនទាន់បញ្ជាក់ពីព័ត៌មានលម្អិតនៃគម្រោងនៅឡើយទេ ប៉ុន្តែបញ្ជាក់ថាវានឹងក្លាយជាមន្ទីរពេទ្យថ្នាក់ជាតិមិនធ្លាប់មានពីមុនមកនៅកោះកុង។ ស្រដៀងគ្នានេះដែរ មន្ទីរពេទ្យសម្រាប់ព្យាបាលអ្នកជំងឺកូវីដ១៩ ថ្មីមួយកន្លែងទៀត ក៏ កំពុងស្ថិតក្នុងការសាងសង់នៅខេត្តព្រះសីហនុផងដែរ។ (អានបន្ថែម)
អានបន្ថែម
រដ្ឋអនុម័តឱ្យប្រើប្រាស់ប្លង់គោលប្រើប្រាស់ដីក្រុងព្រះសីហនុឆ្នាំ ២០៣៨ ជាផ្លូវការហើយ
ក្រសួងរៀបចំដែនដី នគរូបនីយកម្ម និងសំណង់ បានអនុម័តដាក់ឱ្យប្រើប្រាស់ប្លង់គោលប្រើប្រាស់ដីក្រុងព្រះសីហនុ ដល់ឆ្នាំ២០៣៨ ជាផ្លូវការ ដើម្បីជាទិសដីសម្រាប់ការគ្រប់គ្រង អភិរក្ស និងអភិវឌ្ឍក្រុងព្រះសីហនុ ប្រកបដោយប្រសិទ្ធភាព ។ បើយោងតាមសេចក្តីសម្រេចលេខ ០៤៥ សសរ ចុះថ្ងៃទី០៨ ខែកញ្ញា ឆ្នាំ២០២១ ប្លង់គោលនេះនឹងជួយលើកកម្ពស់ការប្រើប្រាស់ដីក្នុងក្រុងឲ្យមានប្រសិទ្ធិភាព និងលើកកម្ពស់វិស័យទេសចរណ៍ ឧស្សាហកម្ម ព័ស្តុភារកម្ម ពាណិជ្ជកម្មជាតិ និងអន្តរជាតិផងដែរ។ ប្លង់គោលនេះ បានដាក់ចេញនូវផែនការអាទិភាពជាច្រើនទៀតទាក់ទងនឹងការអភិវឌ្ឍក្រុង រួមមាន៖ -ការអភិរក្ស និងការអភិវឌ្ឍតំបន់នគរូបនីយកម្ម -ការគ្រប់គ្រង និងប្រើប្រាស់ដីប្រកបដោយចីរភាព -ការអភិវឌ្ឍហេដ្ឋារចនសម្ព័ន្ធ -ការអភិវឌ្ឍសេដ្ឋកិច្ច -ការអភិវឌ្ឍសង្គមកិច្ច -ការការពារបរិស្ថាន និងការគ្រប់គ្រងសំណល់ -ការបង្ការទប់ស្កាត់គ្រោះមហន្តរាយ ប្លង់គោលប្រើប្រាស់ដីនេះ នឹងត្រូវធ្វើបច្ចុប្បន្នភាពរៀងរាល់៥ ឆ្នាំម្តង ក្នុងករណីចំាបាច់នៃការអភិវឌ្ឍសេដ្ឋកិច្ច និងសង្គម។ គួរបញ្ជាក់ផងដែរថា ក្រសួងរៀបចំដែនដី នគរូបនីយកម្ម និងសំណង់ កាលពីខែសីហា ក៏បានបង្កើតក្រុមការងារបច្ចេកទេសថ្មីមួយក្រុម ដើម្បីរៀបចំគោលនយោបាយគ្រប់គ្រង និងប្រើប្រាស់ដីធ្លី នៅខេត្តព្រះសីហនុឡើងវិញ។ (អានបន្ថែម) ការងារនេះ ជាផ្នែកមួយនៅក្នុងការអនុវត្ត និងពន្លឿនគម្រោងអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចគំរូពហុបំណង។ […]
អានបន្ថែម
អគារថ្នាក់រៀនវ័យឆ្លាតនៃវិទ្យាស្ថានជាតិអប់រំ កម្ពស់៦ជាន់ នឹងបញ្ចប់ការសាងសង់ឆ្នាំ ២០២៣
អគារកម្ពស់៦ជាន់ ថ្មីស្រឡាងមួយខ្នង នៃវិទ្យាស្ថានជាតិអប់រំ ក្រោមអំណោយរបស់សម្តេចតេជោ ហ៊ុន សែន ត្រូវបានបើកការដ្ឋានសាងសង់ជាផ្លូវការហើយ ដោយគម្រោងនឹងបញ្ចប់នៅចុងឆ្នាំ២០២៣ ខាងមុខនេះ។ ឯកឧត្ដម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានឱ្យដឹងក្នុងពិធីបើកការដ្ឋាន កាលពីថ្ងៃទី២៣ ខែកញ្ញា កន្លងទៅថា អគារនេះជាអគារទី២ ហើយ ក្រោមអំណោយសម្ដេចហ៊ុនសែន ហើយជាអគារសិក្សាថ្មីទំនើបបែបវៃឆ្លាត និងមានសរុបទាំង ៥៤បន្ទប់។ អគារសិក្សាថ្មីនេះ នឹងត្រូវបានបំពាក់ទៅដោយថ្នាក់រៀនវៃឆ្លាតមិនធ្លាប់មានពីមុនមក បន្ទប់ពិសោធន៍វិទ្យាសាស្រ្ត សាលប្រជុំ សាលសហសិក្សា បន្ទប់សាស្រ្តាចារ្យ បន្ទប់សិល្បៈ បន្ទប់សុខភាព អាហារដ្ឋាន និងហាងកាហ្វេជាដើម។ ឯកឧត្ដម បានបញ្ជាក់ទៀតថា អគារនេះគឺជាសមិទ្ធិផលប្រវត្តិសាស្ត្រមួយ ដើម្បីជួយជំរុញកំណែទម្រង់វិទ្យាស្ថានជាតិអប់រំ សាលារៀន និងការពង្រឹងគុណវុឌ្ឍិគ្រូបង្រៀន។ គួរបញ្ជាក់ថា សម្តេច ហ៊ុន សែន ក៏ធ្លាប់បង្ហាញផែនការចង់លើកកម្ពស់ និងពង្រីកវិទ្យាស្ថានជាតិអប់រំទ្រង់ទ្រាយធំ ដើម្បីឆ្លើយតបទៅនឹងកំណើននិស្សិត ដោយអាចនឹងត្រូវវាយចោលអគារចាស់ៗ ហើយសង់អគារថ្មីៗបន្ថែមជាច្រើន។
អានបន្ថែម
ADB ត្រៀមថវិកាជាង ១,៤ ពាន់លានដុល្លារសម្រាប់ជួយកម្ពុជាពីឆ្នាំ ២០២១ ដល់ ២០២៤
ធនាគារអភិវឌ្ឍន៍អាស៊ី (ADB) បានត្រៀមកម្ចីទឹកប្រាក់សរុប ១,៤៩ប៊ីលានដុល្លារ និងជំនួយឥតសំណង ៣១,៨ លានដុល្លារ សម្រាប់កម្ពុជាក្នុងរយៈពេល ៤ឆ្នាំ ពីឆ្នាំ២០២១ ដល់២០២៤។ យោងតាមសេចក្តីប្រកាសរបស់ ADB ចេញផ្សាយកាលពីសប្តាហ៍មុន ទឹកប្រាក់កម្ចី និងជំនួយឥតសំណងនេះ គឺសម្រាប់គាំទ្រដល់ការអភិវឌ្ឍសេដ្ឋកិច្ច និងការងើបឡើងវិញពីជំងឺរាតត្បាតកូវីដ១៩របស់កម្ពុជា។ ទាក់ទិននិងកម្ចី បើយោងតាមក្រសួងសេដ្ឋកិច្ច និងហិរញ្ញវត្ថុ គិតត្រឹមដំណាច់ឆមាសទី១ឆ្នាំ២០២១ កម្ពុជាមានសន្និធិបំណុលសាធារណៈសរុប ចំនួន ៩,១២ប៊ីលានដុល្លារ ដោយសុទ្ធតែជាបំណុលសាធារណៈក្រៅប្រទេស។ (អានបន្ថែម) យ៉ាងណាមិញ នៅក្នុងឆមាសទី១ ឆ្នាំ២០២១ កម្ពុជា មិនមានការចុះហត្ថលេខាលើកិច្ចព្រមព្រៀងខ្ចីឥណទានសម្បទានថ្មីទេ ដោយសារគម្រោងអភិវឌ្ឍន៍ថ្មីជាច្រើន កំពុងស្ថិតក្នុងដំណាក់កាលសិក្សា និងរៀបចំ ហើយត្រូវបានពន្យារពេលដោយសារការរីករាលដាលជំងឺកូវីដ១៩។ គួរបញ្ជាក់ថា កាលពីថ្មីៗនេះ ធនាគារអភិវឌ្ឍន៍អាស៊ី (ADB) ក៏បានបន្ថយការព្យាករណ៍កំណើនសេដ្ឋកិច្ចកម្ពុជាសម្រាប់ឆ្នាំ២០២១ ពី ៤% មកត្រឹម ១,៩% ប៉ុណ្ណោះ ប៉ុន្តែថាឆ្នាំ២០២២ អាចនឹងមានកំណើនដល់ទៅ ៥,៥%។ (អានបន្ថែម)
អានបន្ថែម
ស្ថាប័នអន្តរជាតិ២ ធំៗ នឹងផ្ដល់ចំណេះដឹងពីហានិភ័យនៃសម្ភារសំណង់ ដែលប្រើប្រាស់នៅកម្ពុជា
សភាពាណិជ្ជកម្មអឺរ៉ុបនៅកម្ពុជា EuroCham សហការជាមួយ APHEDA នឹងរៀបចំសន្និសីទអនឡាញមួយ ដើម្បីចែករំលែកចំណេះដឹងដល់សាធារណជនអំពីហានិភ័យ និងផលប៉ះពាល់អវិជ្ជមាននានា ដែលបង្កពីសម្ភារសំណង់ ដែលកម្ពុជាកំពុងប្រើប្រាស់នាពេលបច្ចុប្បន្ន។ កម្មវិធីនេះនឹងធ្វើឡើង នៅថ្ងៃទី ២៧ កញ្ញា ដោយនឹងប្រមូលផ្តុំសុទ្ធសឹងតែអ្នកជំនាញ ផ្នែកសំណង់ និងអចលនទ្រព្យ ដើម្បីចែករំលែកចំណេះដឹង និងបទពិសោធន៍លលើប្រធានបទនេះ។ វាគ្មិនទាំងនោះរួមមាន នាយកគ្រប់គ្រងនៃក្រុមហ៊ុន Archetype លោក Michel CASSAGNES, ប្រធានក្រុមផ្នែកអចលនទ្រព្យនៅក្រុមហ៊ុនច្បាប់ល្បី DFDL លោក Charles AMAR, អ្នកគ្រប់គ្រងផ្នែកមួយនៃអង្គការ APHEDA លោក Phillip HAZELTON, អនុប្រធាននៃ CCF លោក CHHAY Phalroth និងអនុប្រធានផ្នែកកិច្ចសន្យានៃ Comin Asia លោក Michael FREEMAN ។ សិក្ខាសាលាអនឡាញនេះ នឹងផ្តោតសំខាន់ទៅលើរបៀបកំណត់ថាតើសម្ភារសំណង់ណាដែលអាចបង្កគ្រោះថ្នាក់ ហានិភ័យនៃសារធាតុអាបស្តូសនៅក្នុងវិស័យសំណង់ និងមូលហេតុដែលសារធាតុអាបស្តូសគួរតែត្រូវបានហាមឃាត់ មិនឱ្យប្រើក្នុងវិស័យសំណង់នៅកម្ពុជា។ លើសពីនេះ សិក្ខាសាលាក៏នឹងណែនាំសារៈសំខាន់ និងតួនាទីរបស់មន្ទីរពិសោធន៍ CCF […]
អានបន្ថែម
NagaCorp គ្រោងចាប់ផ្តើមសាងសង់តួអគារ Naga ទី៣ នៅឆមាសទី១ ឆ្នាំ២០២៣
ក្រុមហ៊ុនកាស៊ីណូ NagaCorp គ្រោងចាប់ផ្តើមសាងសង់តួអគារគោលកម្ពស់ ៦៦ជាន់ នៃគម្រោង NagaWorld ទី៣ នៅឆមាសទី១ ឆ្នាំ២០២៣ ក្រោមក្រុមហ៊ុនបញ្ចប់ការបុកគ្រឹះ និងការដ្ឋានចាំបាច់ផ្សេងៗទៀត។ សេចក្ដីប្រកាសរបស់ក្រុមហ៊ុនចេញផ្សាយកាលពីថ្ងៃទី ២០ កញ្ញា ឆ្នាំ ២០២១ បានឱ្យដឹងថា បច្ចុប្បន្ន ការងារគូប្លង់លម្អិត និងរចនាកំពុងបន្តធ្វើតាមផែនការ ទិសដៅបញ្ចប់ប្លង់លម្អិតនៃអគារគោល (Superstructure) នៅឆ្នាំ២០២៣។ ដោយឡែក ការងារបុកគ្រឹះ និងផ្នែកខាងក្រោមដី ក៏គ្រោងនឹងបញ្ចប់ នៅឆមាសទី១ ឆ្នាំ២០២៣ ផងដែរ។ ដូច្នេះ ក្រុមការងារផ្នែកសំណង់អគារគោល នឹងអាចចាប់ផ្ដើមការងារបាន។ ក្រុមហ៊ុនបញ្ជាក់ទៀតថា ក្នុងអំឡុងការរីករាលដាលនៃជំងឺកូវីដ -១៩ នេះ ការសាងសង់ត្រូវបានរំខានបន្តិចបន្ដួច ពិសេសការយឺតយ៉ាវនៃការរផ្គត់ផ្គង់ស៊ីម៉ងត៍ បេតុង និងដែកជាដើម។ គួរបញ្ជាក់ថា ប្លង់មេដំណាក់កាលដំបូងនៃគម្រោងNaga 3 នេះ ត្រូវបានគូសឡើងដោយក្រុមហ៊ុនស្ថាបត្យកម្ម និងវិស្វកម្មអាមេរិក Skidmore, Owings & Merrill។ តាមផែនការ ៩៣% នៃគម្រោង Naga […]
អានបន្ថែម
ផ្លូវបាត់ដំបង-សិរីសោភ័ណ បើកឱ្យធ្វើដំណើរហើយ ខណៈផ្លូវលេខ៥ទាំងមូលគ្រោងបើក ២០២៤
ផ្លូវជាតិលេខ៥ កំណាត់ផ្លូវបាត់ដំបង-សិរីសោភ័ណប្រវែងជាង ៨៤គីឡូម៉ែត្រ និងផ្លូវល្បឿនលឿនវាងក្រុងបាត់ដំបង ត្រូវបានបើកឱ្យធ្វើចរាចរណ៍ជាផ្លូវការ ចាប់ពីថ្ងៃទី២៣ ខែកញ្ញា ឆ្នាំ២០២១ នេះតទៅហើយ បន្ទាប់ពីបញ្ចប់មួយរយៈមក។ ដោយឡែក ៣កំណាត់ផ្សេងទៀត និងគម្រោងស្ដារផ្លូវជាតិលេខ៥ ទាំងមូល គ្រោងនឹងបញ្ចប់ឆ្នាំ ២០២២ ២០២៣ ២០២៤ បន្តៗគ្នា។ យោងតាមក្រសួងសាធារណការ និងដឹកជញ្ជូន កំណាត់ដែលកំពុងសាងសង់រួមមាន កំណាត់ព្រែកក្តាម-ពោធិ៍សាត់ និងពោធិ៍សាត់-បាត់ដំបង ដោយគ្រោងបញ្ចប់នៅឆ្នាំ២០២២ និង២០២៣ខាងមុខ។ ម្យ៉ងទៀតកំណាត់សិរីសោភ័ណ-ប៉ោយប៉ែត ក្រសួងកំពុងតែជ្រើសរើសក្រុមហ៊ុនសាងសង់ ដូច្នេះការដ្ឋានអាចនឹងបញ្ចប់នៅ ឆ្នាំ ២០២៤។ សូមបញ្ជាក់ថាគម្រោងធ្វើឱ្យប្រសើរឡើងកំណាត់ផ្លូវជាតិលេខ៥ មានប្រវែងសរុបចំនួន ៣៦៦គីឡូម៉ែត្រ ដែលជាការពង្រីកកំណាត់ផ្លូវជាតិមានស្រាប់នេះ ចាប់ពី ២គន្លងទៅ ៤គន្លង មានទទឹង ២៣ម៉ែត្រ ជាប្រភេទផ្លូវបេតុងកៅស៊ូអាស្វាល់ (AC) និងមានសួនច្បារចំកណ្តាល ក្រោមទឹកប្រាក់ប្រមាណ ៥00លានដុល្លារអាមេរិក ក្រោមកម្ចីឥណទានពីរដ្ឋាភិបាលជប៉ុន។ (អានបន្ថែម)
អានបន្ថែម
វិទ្យាស្ថានតេជោសែនសាធារណការ សហការនឹងសមាគមភស្តុភារកម្មកម្ពុជា ពង្រឹងគុណភាពនិស្សិត
វិទ្យាស្ថានតេជោសែន សាធារណការ និងដឹកជញ្ជូន និងសមាគមភស្តុភារកម្មកម្ពុជា សម្រេចសហការនេះ ពង្រឹងគុណភាពនិស្សិត និងដោះស្រាយបញ្ហាកង្វះអ្នកជំនាញបច្ចេកទេស ទិសដៅលើកកម្ពស់វិស័យដឹកជញ្ជូន និងភស្តុភាកម្មនៅកម្ពុជា ឱ្យកាន់តែប្រសើរឡើង។ អនុស្សរណៈនៃកិច្ចសហការនេះ ត្រូវបានធ្វើរួមគ្នារវាងភាគីទាំង២ នៅថ្ងៃទី ២៣ កញ្ញា ឆ្នាំ២០២១ នេះ។ ក្រោមកិច្ចសហការនេះ ភាគីទាំង២ នឹងរួមគ្នារៀបចំវគ្គបណ្តុះបណ្តាលខ្លី មធ្យម និងវែង លើមុខជំនាញភស្តុភារកម្ម និងជំនាញពាក់ព័ន្ធ អភិវឌ្ឍកម្មវិធីសិក្សា រៀបចំសិក្ខាសាលា កិច្ចប្រជុំ សន្និសីទ ទស្សនកិច្ចសិក្សា កម្មសិក្សា និងការបំពេញការងារហាត់ការងារជាដើម។ លោកជំទាវ ឥម នីថារ៉ា រដ្ឋលេខាធិការក្រសួងសាធារណការ និងដឹកជញ្ជូន មានប្រសាសន៍ថា ក្រសួងមានការប្តេជ្ញាចិត្តខ្ពស់ ក្នុងការពង្រីកវិសាលភាពនៃការបណ្តុះបណ្តាលធនធានមនុស្សលើជំនាញបច្ចេកទេសក្នុងវិស័យសាធារណការ និងដឹកជញ្ជូន។ ជាមួយគ្នានេះ ឧកញ៉ា ស៊ិន ចន្ធី ប្រធានសមាគម និងជាតំណាងសមាគមភស្តុភារកម្មកម្ពុជា ក៏បានបញ្ជាក់ថា បច្ចុប្បន្ននេះកម្ពុជានៅមានកង្វះខាតធនធានមនុស្សយ៉ាងច្រើន សម្រាប់បំពេញតម្រូវការឱ្យវិស័យភស្តុភារកម្ម ដែលបញ្ហានេះតម្រូវឱ្យសមាគមបង្កើនកិច្ចខិតខំប្រឹងប្រែងបណ្តុះបណ្តាលធនធានមនុស្សលើវិស័យនេះ។ គិតមកដល់ពេលនេះ វិទ្យាស្ថានសាធារណការ បានសហការគ្នា ជាដៃគូជាមួយនឹងគ្រឹះស្ថានអប់រំ និងដៃគូទាំងនៅក្នុងប្រទេស […]
អានបន្ថែម
សណ្ឋាគារល្បី Pan Pacific Group នឹងបើកសាខានៅភ្នំពេញ និងសៀមរាប ក្នុងឆ្នាំ ២០២៣
ក្រុមហ៊ុនសណ្ឋាគារល្បី Pan Pacific Hotels Group នៃប្រទេសសិង្ហបុរី នឹងឈានជើងចូលមកទីផ្សារកម្ពុជានៅចុងឆ្នាំ ២០២៣ ដោយនឹងបើកសណ្ឋាគារមួយកន្លែងនៅរាជធានីភ្នំពេញ និងមួយកន្លែងទៀតនៅក្រុងសៀមរាប។ យោងតាមសេចក្តីប្រកាសព័ត៌មានរបស់ក្រុមហ៊ុននៅថ្ងៃទី ២២ ខែកញ្ញា សណ្ឋាគារនេះគឺជាសណ្ឋាគារផ្កាយ៥ មានឈ្មោះថា Pan Pacific Phnom Penh ដែលនឹងមានបន្ទប់សរុប ២១២ បន្ទប់ មានទីតាំងចំកណ្ដាលទីក្រុងលើមហាវិថីព្រះនរោត្តម។ ដោយឡែក សណ្ឋាគារនៅសៀមរាប មានឈ្មោះថា PARKROYAL Siem Reap ដែលមានបន្ទប់សរុប ១៣០បន្ទប់ ហើយមានទីតាំងចំងាយត្រឹម ១០នាទី ពីប្រាសាទអង្គរវត្ត។ តាមការគ្រោងទុក ភ្នំពេញ និងសៀមរាប គឺស្ថិតក្នុងចំណោមទីក្រុងធំៗ ផ្សេងទៀតដែលក្រុមហ៊ុននេះនឹងពង្រីកសាខាទៅដល់ត្រឹមឆ្នាំ ២០២៤ ដោយរួមមាន ទីក្រុងឡុងដ៍ គូឡាឡាំពួ ហ្សាកាតា ដាលីអាន ហាណូយ និងមែលប៊ន។ ជាមួយនឹងផែនការពង្រីកទីផ្សារនេះ ក្រុមហ៊ុននឹងបន្ថែមបន្ទប់ជាង ៣ ៣០០បន្ទប់ ទៀត ទៅក្នុងសណ្ឋាគាររីស៊ត ៤៨កន្លែង នៅក្នុងទីក្រុងចំនួន […]
អានបន្ថែម
ADB បន្ថយព្យាករណ៍កំណើនសេដ្ឋកិច្ចកម្ពុជាឆ្នាំ២០២១ ត្រឹម ១,៩% តែនឹងកើន ៥,៥% ឆ្នាំ២០២២
ធនាគារអភិវឌ្ឍន៍អាស៊ី (ADB) បានបន្ថយការព្យាករណ៍កំណើនសេដ្ឋកិច្ចកម្ពុជាសម្រាប់ឆ្នាំ២០២១ ពី ៤% មកត្រឹម ១,៩% ប៉ុណ្ណោះ ប៉ុន្តែថាឆ្នាំ២០២២ អាចនឹងមានកំណើនដល់ទៅ ៥,៥% នេះយោងតាមរបាយការណ៍ធ្វើបច្ចុប្បន្នភាពចក្ខុវិស័យអភិវឌ្ឍន៍អាស៊ី (ADOU) ឆ្នាំ២០២១។ ប្រភពដដែលបញ្ជាក់ថា មូលហេតុនៃការទំលាក់ការព្យាករណ៍កំណើនសេដ្ឋកិច្ច នៃគឺដោយសារតែការអូសបន្លាយពេលយូរនៃវិបត្តិកូវីដ ការបិទខ្ទប់ និងការផ្អាកដំណើរការរោងចក្របណ្តោះអាសន្ន ដែលធ្វើឱ្យប៉ះពាល់ដល់សេវាកម្ម តម្រូវការក្នុងស្រុក និងវិស័យកាត់ដេរ។ បើតាម ADB ទោះការព្យករណ៍កំណើនថមថយក្ដី សកម្មភាពសំណង់បានចាប់ផ្តើមងើបឡើងវិញ ជាមួយនឹងការនាំចូលសម្ភារសំណង់កើនឡើង ២៣,៥% ក្នុងឆមាសទី១ នៃឆ្នាំ ២០២១ ធៀបនឹងអំឡុងពេលដូចគ្នាកាលពីឆ្នាំមុន។ ដោយឡែក ការនាំចេញសម្លៀកបំពាក់ ទំនិញធ្វើដំណើរ និងស្បែកជើង ក្នុងឆមាសទី១ ឆ្នាំ ២០២១ មានកម្រិតទាបជាងពេលមុនមានជំងឺរាតត្បាត ប៉ុន្តែខ្ពស់ជាងឆ្នាំ ២០២០។ ទន្ទឹមនឹង ADB លើកឡើងថា ការផ្ទុះឡើងនៃជំងឺកូវីដ១៩ ក្នុងប្រទេសបានរំខានដល់សង្វាក់ផ្គត់ផ្គង់វិស័យកសិកម្ម ប៉ុន្តែផលប៉ះពាល់ជាទូទៅមានកម្រិតទាប។ ដោយឡែក កំណើនវិស័យឧស្សាហកម្មត្រូវបានព្យាករណ៍នៅកម្រិត៥,៣% ក្នុងឆ្នាំ២០២១ ដោយសារ លទ្ធភាពក្នុងការបង្កើនការនាំចេញសម្លៀកបំពាក់ ទំនិញធ្វើដំណើរ និងស្បែកជើង […]
អានបន្ថែម
រដ្ឋបាលខេត្តកំពតបើកភ្លើងខៀវដល់សំណើអភិវឌ្ឍរមណីយដ្ឋានឆ្នេរថ្មីមួយកន្លែង
រដ្ឋបាលខេត្តកំពតបានបើកភ្លើងខៀវដល់សំណើអភិវឌ្ឍន៍រមណីយដ្ឋានឆ្នេរថ្មីមួយកន្លែង នៅមាត់ឆ្នេរដងព្រែកកំពង់បាយ ប៉ុន្តែស្នើឱ្យក្រុមហ៊ុនវិនិយោគសិក្សាបន្ថែម និងបញ្ជូនរបាយការណ៍ពេញលេញ មកឱ្យរដ្ឋបាលពិនិត្យជាថ្មីម្ដងទៀត មុនឈានដល់ដំណាក់កាលចុះហត្ថលេខាលើកិច្ចព្រមព្រៀងវិនិយោគ។ ឯកឧត្តម ជាវ តាយ អភិបាលខេត្តកំពត បានឱ្យដឹងដូច្នេះថា បន្ទាប់ពីបានចុះពិនិត្យទីតាំងជាក់ស្តែងកាលពីថ្ងៃចន្ទទី ២០ ខែកញ្ញា កន្លងទៅ។ ឯកឧត្តម មានប្រសាសន៍ថា៖ «ក្រុមហ៊ុនបានស្នើចង់បង្កើតឆ្នេរថ្មីមួយប្រវែង ៣០០ម៉ែត្រនៅតាមដងព្រែកកំពង់បាយស្ថិតនៅសង្កាត់កំពង់កណ្តាល នៃក្រុងកំពត។ បន្ទាប់ពីពិនិត្យទីតាំង គម្រោងនេះគឺអាចធ្វើទៅបាន ប៉ុន្តែក្រុមហ៊ុនត្រូវតែសិក្សាបន្ថែមទៀត»។ «យើងត្រូវតែធានាថា គម្រោងនេះធ្វើឡើងប្រកបដោយគុណភាព និងនិរន្តរភាព បង្កផលប៉ះពាល់តិចបំផុតដល់បរិស្ថាននិងមនុស្ស និងពិសេសអាចបម្រើដល់ផលប្រយោជន៍សាធារណជនឱ្យបានច្រើន» ឯកឧត្តមបានបន្ត។ ទោះយ៉ាងណា ឯកឧត្តម សង្ឃឹមថា ប្រសិនបើគម្រោងអនុម័តឱ្យអនុវត្ត វានឹងជួយលើកស្ទួយវិស័យទេសចរណ៍ខេត្ត បង្កើតឱកាសអាជីវកម្មបន្ថែម និងជាពិសេសជួយលើកកម្ពស់ជីវភាពប្រជាជនក្នុងតំបន់។
អានបន្ថែម
ក្រុមហ៊ុនចិនចង់វិនិយោគបង្កើតសេវារថយន្តក្រុង នៅក្រុងព្រះសីហនុ
វិនិយោគិនចិន បានស្នើសុំចង់វិនិយោគបង្កើតសេវាដឹកជញ្ជូនសាធារណៈតាមរថយន្តក្រុងនៅក្រុងព្រះសីហនុ ខណៈរដ្ឋបាលខេត្តគាំទ្រពេញទំហឹង ដោយស្នើឱ្យក្រុមហ៊ុនសិក្សាឱ្យល្អិតល្អន់បន្ថែម មុននឹងឈានដល់ការចុះកិច្ចព្រមព្រៀង។ សំណើនេះ ត្រូវបានធ្វើឡើងក្នុងជំនួប រវាងឯកឧត្តម គួច ចំរើន អភិបាលខេត្តព្រះសីហនុ ជាមួយអ្នកវិនិយោគចិន នាថ្ងៃទី២២ ខែកញ្ញា កន្លងទៅ។ តំណាងអ្នកវិនិយោគចិន បានលើកឡើងថា ដោយមើលឃើញពីសន្ទុះនៃការអភិវឌ្ឍរបស់ខេត្តព្រះសីហនុ ទើបក្រុមអ្នកវិនិយោគចិន ចង់វិនិយោគបង្កើតសេវាដឹកជញ្ជូនតាមរថយន្តក្រុងនេះឡើង។ ប្រភពដដែលបញ្ជាក់ថា សម្រាប់ដំណាក់កាលដំបូង អាចនឹងរថយន្តក្រុងចំនួន៣០គ្រឿង ដោយគ្រោងដាក់ឱ្យដំណើរការរត់លើខ្សែផ្លូវសំខាន់ៗមួយចំនួនក្នុងក្រុងព្រះសីហនុ។ ជាការឆ្លើយតប ឯកឧត្តម គួច ចំរើន អភិបាលខេត្តព្រះសីហនុ បានបង្ហាញការគាំទ្រ ប៉ុន្តែក៏បានស្នើទៅក្រុមអ្នកវិនិយោគចិន ឱ្យសិក្សាតម្លៃសេដ្ឋកិច្ចឱ្យបានល្អិតល្អន់ជាមុនសិន មុននឹងសម្រេចចុះកិច្ចព្រមព្រៀងវិនិយោគ ។ ឯកឧត្តម បន្ថែមទៀតថា៖ «យើងចង់បានសេវាដឹកជញ្ជូនសាធារណៈ ដើម្បីចូលរួមជួយសម្រួលការធ្វើដំណើរ កាត់បន្ថយពេលវេលា និងចំណេញថវិកា។ ហេតុនេះអ្នកវិនិយោគ ត្រូវសិក្សាពីប្រភពសេដ្ឋកិច្ច ខ្សែរត់ ការធ្វើចំណតរថយន្ត និងហេដ្ឋារចនាសម្ព័ន្ធគាំទ្រដល់ដំណើរការវិនិយោគលើសេវាកម្មដឹកជញ្ជូនឱ្យបានទូលំទូលាយ»។ «ម្យ៉ាងទៀត ក្រុមហ៊ុន ត្រូវរកអ្នកជំនាញសិក្សាគម្រោង និងធ្វើបទបង្ហាញដើម្បីធានាការបោះទុនវិនិយោគលើសេវាដឹកជញ្ជូននៅក្នុងក្រុងព្រះសីហនុ ដើម្បីសម្រេចជោគជ័យ »។
អានបន្ថែម