កម្ពុជាចាប់ដៃជាមួយវៀតណាម ធ្វើផែនការមេឌីជីថលសម្រាប់វិស័យសាធារណការនិងដឹកជញ្ជូន
ក្រសួងសាធារណការ និងដឹកជញ្ជូន សម្រេចបង្កើតក្រុមការងារបច្ចេកទេស សហការជាមួយក្រុមហ៊ុនទូរគមនាគមន៍ធំជាងគេនៅវៀតណាម Viettel ដើម្បីរៀបចំផែនការមេបច្ចេកវិទ្យាឌីជីផល ធ្វើទំនើបកម្មវិស័យសាធារណការ និងដឹកជញ្ជូននៅកម្ពុជា។ ការបង្កើតក្រុមការងារនេះ គឹយោងតាម MoU ស្តីពីការសហការរៀបចំផែនការមេបច្ចេកវិទ្យាសម្រាប់វិស័យសាធារណការ និងដឹកជញ្ជូន និងគម្រោងផ្គង់ផ្គង់អ៊ីនធើណេត (Fiber Optic DPLC) រវាងភាគីទាំងពីរ កាលពីខែតុលា ឆ្នាំ ២០២០។ យោងតាមសេចក្តីជូនដំណឹងរបស់ក្រសួងកាលពីថ្មីៗនេះ ក្រុមការងារនេះនឹងត្រូវដឹកនាំដោយប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈលោក ហ៊ាង សុទ្ធាយុត្តិ ហើយមានតួនាទីចងក្រងសេចក្តីព្រាងផែនការមេបច្ចេកវិទ្យា តាមរយៈការប្រមូលធាតុចូល ការស្រាវជា្រវ ឱ្យមានលក្ខណៈគ្រប់ជ្រុងជ្រោយ។ ការបង្កើតក្រុមការងារថ្មីនេះទៀតសោត គឺស្របពេលដែលក្រសួងកំពុងផ្តោតទៅលើការផ្តល់សេវា និងការងារផ្សេងៗ ដោយប្រើព័ត៌មានវិទ្យាដើម្បីជំរុញប្រសិទ្ធភាពការងារ។ ជាក់ស្ដែង ថ្មីៗនេះក្រសួងក៏ទើបតែប្រកាសចង់បង្កើតកម្មវិធី Application សម្រាប់តាមដានការងារសាងសង់ផ្លូវ ក្នុងគោលបំណងដើម្បីធានាគុណភាពសំណង់ និងបញ្ឈប់ការធ្វើឱ្យរួចពីដៃ។ (អានបន្ថែម)
អានបន្ថែម
ខេត្តព្រះសីហនុនឹងមានស្ថានីយទឹកកខ្វក់ខ្នាតធំទី៣ ខណៈចៅហ្វាយខេត្តកំពុងពិនិត្យទីតាំងផ្ទាល់
រដ្ឋបាលខេត្តព្រះសីហនុ គ្រោងនឹងសាងសង់ស្ថានីយចម្រោះទឹកកខ្វក់ខ្នាតធំសទី៣ ដែលមានទីតាំងសង្កាត់លេខ៤ ឆាប់ៗខាងមុខនេះ ខណៈបច្ចុប្បន្នអាជ្ញាធរខត្តបាន និងកំពុងចុះពិនិត្យទីតាំង និងសិក្សាជាបន្តបន្ទាប់។ ឯកឧត្តម គួច ចំរើន អភិបាលខេត្តព្រះសីហនុ បានឱ្យដឹងក្នុងឱកាសចុះពិនិត្យទីតាំងផ្ទាល់ កាលថ្ងៃទី២១ ខែកក្កដា នេះ ទីតាំងដែលជ្រើសរើសដើម្បីសាងសង់ស្ថានីយទី៣ នេះ គឺភូមិ៤ សង្កាត់៤ ត្រង់ចំណុជាប់ឆ្នេរអូឈើទាល ។ «មូលហេតុនៃការកសាងស្ថានីយបន្ថែម គឺដើម្បីឆ្លើយតបទៅនឹងកំណើនសកម្មភាពពាណិជ្ជកម្ម និងទេសចរណ៍ក្នុងខេត្តក្នុងពេលបច្ចុប្បន្ន និងទៅថ្ងៃខាងមុខ។ ដូច្នេះស្ថានីយចម្រោះគឺចាំបាច់ណាស់ ពោលគឺនឹងជួយកាត់បន្ថយការបំពុលឆ្នេរខ្សាច់ សមុទ្រ និងបរិស្ថានជារួម» ឯកឧត្តម បានបន្ត។ បើយោងតាមផែនការ ស្ថានីយទី ៣ នេះ នឹងមានសមត្ថភាពចម្រោះទឹកបានដល់ ២០ ០០០ ម៉ែត្រគូប ក្នុងមួយថ្ងៃ។ គួរបញ្ជាក់ផងដែរថា យោងតាមរបាយការណ៍របស់គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ចេញថ្ងៃទី ២២ កក្កដា ការងារស្ថាបនាស្ថានីយប្រព្រឹត្តិកម្មទឹកកខ្វក់ទី១ នៅក្នុងខេត្តព្រះសីហនុ សម្រេចបាន ៩៨% ខណៈស្ថានីយទី ២ សម្រេចបាន ១០០%។ ដោយឡែកគម្រោងស្ថានីយទី៣ […]
អានបន្ថែម
ក្រសួងសាធារណការ គ្រោងពង្រីកផ្លូវជាតិលេខ៦ កំណាត់ស្គន់-សៀមរាប ជា៤ គន្លង
ក្រសួងសាធារណការ និងដឹកជញ្ជូន បានបង្ហាញគម្រោងសិក្សាពង្រីកផ្លូវជាតិលេខ៦ កំណាត់ស្គន់-សៀមរាប ទៅជា ៤ គន្លង ដើម្បីសម្រួលការធ្វើដំណើររបស់ប្រជាពលរដ្ឋ និងដឹកទំនិញ។ ថ្លែងនៅក្នុងពិធីបើកសម្ពោធមណ្ឌលផ្តល់សេវាសាធារណៈថ្មីនៅសៀមរាប កាលពីថ្ងៃម្សិលមិញ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន មានប្រសាសន៍ថា ក្រសួងកំពុងសិក្សាលទ្ធភាពពង្រីកផ្លូវជាតិលេខ៦ ពីរដំណាក់កាលបន្ថែមទៀត។ ឯកឧត្តម បានប្រសាសន៍ថា៖ «ក្រសួងកំពុងសិក្សា ពីលទ្ធភាពពង្រីកផ្លូវចាប់ពីស្គន់ខេត្តកំពង់ចាម ទៅដល់ខេត្តកំពង់ធំ ពី ២គន្លងទៅ៤គន្លង និងចាប់ពីខេត្តកំពង់ធំទៅខេត្តសៀមរាប ពី២គន្លងទៅ៤គន្លងផងដែរ»។ គួរបញ្ជាក់ផងដែរថា ផ្លូវជាតិលេខ ៦ ពីថ្នល់កែង ខេត្តកំពង់ចាម ដល់អង្រ្គង ខេត្តសៀមរាប ត្រូវបានលើកកម្ពស់ម្ដងរួចមកហើយ ដោយបានសម្ពោធបើកឱ្យប្រើប្រាស់ជាផ្លូវការកាលពីឆ្នាំ២០១៨ កន្លងមក ក្រោមជំនួយរបស់ប្រទេសចិនប្រមាណ ២៥៥ លានដុល្លារអាមេរិក។ យ៉ាងណាក្ដីក្រៅពីផ្លូវជាតិលេខ ៦ កាលពីថ្មីៗនេះ ក្រសួងក៏ទើបតែបញ្ចប់ការសិក្សាគម្រោងពង្រីកផ្លូវជាតិលេខ៧ ចាប់ពីស្គន់ទៅដល់ទីរួមខេត្តកំពង់ចាម ពី២គន្លង ទៅ៤គន្លងផងដែរ។ (អានបន្ថែម)
អានបន្ថែម
ក្រសួងពិនិត្យគុណភាពផ្លូវជាតិលេខ៣ ម្ដងទៀត មុននឹងដាក់ឱ្យប្រើប្រាស់ឆាប់ៗនេះ
ក្រុមការងារបច្ចេកទេសនៃក្រសួងសាធារណការ និងដឹកជញ្ជូន បានចុះពិនិត្យកំណាត់ផ្លូវជាតិលេខ៣ ចោមចៅ-កំពត ជាថ្មីម្ដងទៀត មុនធ្វើការប្រគល់-ទទួល និងប្រកាសដាក់ឱ្យពលរដ្ឋប្រើប្រាស់បណ្តោះអាសន្នឆាប់ៗនេះ។ ឯកឧត្ដម ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន កាលពីថ្ងៃទី២១ ខែកក្កដា បានឲ្យដឹងថា ការចុះពិនិត្យនេះ គឺដើម្បីធានាថាគុណភាពរឹងមាំស្របតាមបទដ្ឋានបច្ចេកទេស និងលក្ខខណ្ឌកិច្ចសន្យាសាងសង់។ បន្ទាប់ពីការពិនិត្យ ឯកឧត្តមក៏បានណែនាំឱ្យក្រុមហ៊ុនសាងសង់កែសម្រួល និងបំពេញបន្ថែមចំណុចខ្វះខាតដែលនៅសេសសល់មួយចំនួនតូច មុននឹងក្រសួងទទួលយកជាផ្លូវការពីក្រុមហ៊ុនសាងសង់។ សូមជម្រាបដែរថា គម្រោងលើកកម្ពស់ផ្លូវជាតិលេខ៣ (ចោមចៅ-បែកគូស-កំពត) មានប្រវែងសរុប ១៣៤គីឡូម៉ែត្រ ប្រើប្រាស់រយៈពេលសាងសង់ ៤៨ខែ ក្នុងការសាងសង់។ គម្រោងទាំងមូលចំណាយថវិកាសរុបប្រមាណ ២១៩ ដុល្លារអាម៉េរិក ជាហិរញ្ញប្បទានសម្បទានពីសាធារណរដ្ឋប្រជាមានិតចិន ដែលសាងសង់ដោយក្រុមហ៊ុនសាជីវកម្មស្ពាន និងថ្នល់ចិន (CRBC) ត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសសំណង់ ក្វាងចូវ វ៉ានអាន (Guangzhou Wanan Construction Supervision Co., Ltd)។ (អានបន្ថែម) គួររំឮកថា គម្រោងពង្រីក និងលើកកម្ពស់ផ្លូវជាតិលេខ៣ បានចាប់បើកការដ្ឋានសាងសង់ នៅថ្ងៃទី ៧ ខែឧសភា ឆ្នាំ២០១៨ […]
អានបន្ថែម
អាកាសយានដ្ឋានអន្តរជាតិតារាសាគរ នឹងចាប់ផ្តើមដំណើរការចុងឆ្នាំ ២០២១
ការងារសាងសង់នៃអាកាសយានដ្ឋានអន្តរជាតិតារាសាគរ ស្ថិតក្នុងខេត្តកោះកុងបានបញ្ចប់រួចរាល់ ១០០% ហើយ ខណៈក្រុមហ៊ុនគ្រោងដាក់ដំណើរការនៅចុងឆ្នាំ២០២១នេះ។ ឯកឧត្តម ស៊ីន ចាន់សេរីវុត្ថា អ្នកនាំពាក្យរដ្ឋលេខាធិការនៃអាកាសចរណ៍ស៊ីវិល បានបញ្ជាក់នៅថ្ងៃទីពុធនេះថា ការងារសាងសង់ផ្នែកសំខាន់ៗនៃអាកាសយានដ្ឋាន បានបញ្ចប់កាលពីចុងឆ្នាំ ២០២០ មកម្ល៉េះ។ លោកបន្តថា បច្ចុប្បន្ន ក្រុមហ៊ុនកំពុងស្ថិតក្នុងដំណាក់កាលរៀបចំ និងការងារបច្ចេកទេសមួយចំនួន។ «ចប់អស់ហើយ ពេលនេះ នៅសល់តែលើការងារសំអាត និងការធ្វើតេស្ដបច្ចេកទេសមួយចំនួន ដែលត្រូវការពេលវេលាប្រមាណ៥-៦ខែទៀត នឹងអាចដាក់ឱ្យដំណើរការនៅចុងឆ្នាំ២០២១នេះ»។ គម្រោងអាកាសយានដ្ឋានអន្តរជាតិតារាសាគរ វិនិយោគសាងសង់ដោយក្រុមហ៊ុន Tianjin Union Development Group ប្រទេសចិន ក្នុងទឹកប្រាក់ប្រមាណ ៣៥០លានដុល្លារ។ ពេលដាក់ដំណើរការ អាកាសយានដ្ឋានខ្នាតអន្តរជាតិនេះនឹងអាចទទួលការចុះចត និងហោះចេញយន្តហោះប្រភេទ Boeing 777 និង Airbus A340 ជាដើម។ (អានបន្ថែម)
អានបន្ថែម
ឥណទានកាបូនជាអ្វី? មានន័យដូចម្ដេចសម្រាប់កម្ពុជា និងមានសារៈសំខាន់យ៉ាងណា?
ឥណទានកាបូន គឺប្រៀបដូចនឹងលិខិតអនុញ្ញាតដែលក្រុមហ៊ុននីមួយៗមានសិទ្ធិបញ្ចេញឧស្ម័នពុល (ឬកាបូនឌីអុកស៊ីត) ទៅក្នុងបរិស្ថាន។ ជាទូទៅ ឥណទានចំនួន១ គឺស្មើនឹងសិទ្ធិបញ្ចេញឧស្ម័នពុលចំនួន ១តោន ទៅក្នុងបរិស្ថាន។ ចំនួនលិខិតអនុញ្ញាតដែលក្រុមហ៊ុននីមួយៗទទួលបាន គឺត្រូវកំណត់ដោយរដ្ឋាភិបាលនៃប្រទេសនីមួយៗ ដោយពីមួយឆ្នាំទៅមួយឆ្នាំ រដ្ឋាភិបាលនឹងកាត់បន្ថយចំនួនឥណទានកាន់តែតិចទៅៗ ក្នុងគោលបំណងដើម្បីការពារបរិស្ថាន។ លក្ខខណ្ឌនេះត្រូវបង្កើតឡើង ក្រោយប្រទេសជាច្រើនលើសកលលោក ដោយយល់ឃើញថាបញ្ហាឧស្ម័នពុលបាននឹងកំពុងគម្រាមកំហែងបរិស្ថាន ដូច្នេះប្រទេសនីមួយៗត្រូវតែប្ដេជ្ញាកាត់បន្ថយការបញ្ចេញឧស្ម័នពុលរៀងៗខ្លួន។ ជាក់ស្ដែង កម្ពុជាបានប្ដេជ្ញាថានឹងកាត់បន្ថយឧស្ម័នផ្ទះកញ្ចក់ចំនួន ៤២% ត្រឹមឆ្នាំ២០៣០។ ការកាត់បន្ថយ ឧស្ម័នពុលនេះទៀតសោត អាចធ្វើបានតាម ២វិធី គឺទី ១ កាត់បន្ថយចំនួនឥណទាន ឬសិទ្ធិបញ្ចេញឧស្ម័នពុលរបស់ក្រុមហ៊ុនឯកជននានា ឬទី ២ បន្ថែមចំនួនព្រៃឈើដែលអាចស្រូបយកឧស្ម័នពុលបាន។ ដូច្នេះ និយមន័យមួយទៀតនៃឥណទានកាបូន គឺចំនួនព្រៃឈើដែលដាំថ្មី ឬព្រៃឈើចាស់មានស្រាប់ដែលរក្សាទុក ហើយអាចស្រូបយកឧស្ម័នពុលពីបរិស្ថានបាន ១តោន។ ឧទាហរណ៍ ប្រទេស ឬក្រុមហ៊ុន A បានដាំព្រៃឈើបន្ថែមក្នុង ១ឆ្នាំ ១០ ម៉ឺនហិកតា ដែលអាចជួយស្រូបយកឧស្ម័នពុលពីបរិស្ថានបាន ១០ តោន បានន័យថា ប្រទេស ឬក្រុមហ៊ុន A នឹងមានឥណទានកាបូន […]
អានបន្ថែម
ក្រសួងសាធារណការបើកមណ្ឌលផ្តល់សេវា នៅផ្សារទំនើប Heritage Walk ខេត្តសៀមរាប
ក្រសួងសាធារណការ និងដឹកជញ្ជូន បានប្រកាសបើកឱ្យដំណើរការជាផ្លូវការហើយ នូវមណ្ឌលផ្តល់សេវាសាធារណៈទី៥ របស់កម្ពុជា ដែលមានទីតាំងស្ថិតនៅផ្សារទំនើប Hertiage Walk ជាន់ទី២ ក្នុងខេត្តសៀមរាប។ មណ្ឌលថ្មីនេះ នឹងផ្ដល់សេវាដូចជា ការចុះបញ្ជីរថយន្ត ផ្ទេរកម្មសិទ្ធិយានយន្ត ប្ដូរប័ណ្ណបើកបរ និងដាក់ពាក្យសុំត្រួតពិនិត្យលក្ខណៈបច្ចេកទេសយានជំនិះ(ឆៀក)។ សេវាកម្មនឹងចាប់ពីថ្ងៃដាក់ដំណើរការនេះតទៅ ដោយបើក ៧ថ្ងៃ ក្នុង ១ សប្ដាហ៍ ពីម៉ោង ៨ ព្រឹក ដល់ម៉ោង ៨ យប់។ ថ្លែងក្នុងពិធីសម្ពោធនាព្រឹកថ្ងៃទី ២១ កក្កដា នេះ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ការបើកឱ្យដំណើរការមណ្ឌលនេះ គឺដើម្បីបង្កភាពងាយស្រួលដល់ពលរដ្ឋ ឱ្យចំណេញពេល និងកាត់បន្ថយការចំណាយ ពោលគឺមិនចាំបាច់ធ្វើដំណើរទៅទទួលសេវាដល់ភ្នំពេញ។ ឯកឧត្តមបញ្ជាក់ថា រាល់ការទៅទទួលសេវានៅមណ្ឌលនេះ គឺមិនមានការយកកម្រៃក្រៅផ្លូវការណាមួយឡើយ។ គួរបញ្ជាក់ថា គិតមកដល់ពេលនេះ ក្រសួងសាធារណការ និងដឹកជញ្ជូន បានប្រកាសបើកឱ្យដំណើរការជាផ្លូវការមណ្ឌលផ្តល់សេវាសាធារណៈ ចំនួន ៥ ទីតាំងរួមមាន៖ មណ្ឌលផ្សារទំនើបអ៊ីអន១ […]
អានបន្ថែម
ប្រេនលក់សំលៀកបំពាក់ល្បី H&M គ្រោងបើកសាខានៅកម្ពុជាជាលើកដំបូងនៅឆ្នាំក្រោយ
ក្រុមហ៊ុនលក់សំលៀកបំពាក់ល្បីឈ្មោះរបស់ប្រទេសស៊ុយអែត H&M (Hennes & Mauritz AB) បានប្រកាសថា នឹងពង្រីកសាខាមកប្រទេសកម្ពុជា ជាលើកដំបូងនៅឆ្នាំក្រោយ។ នេះបើយោងតាមសេចក្តីប្រកាសព័ត៌មានរបស់ក្រុមហ៊ុនកាលពីដើមខែកក្កដា។ យ៉ាងណាក្ដី សេចក្តីប្រកាសមិនបានបញ្ជាក់ ពីកាលបរិច្ឆេទនៃការបើក និងទីតាំងច្បាស់លាស់នៃសាខាថ្មីនេះនៅឡើយទេ។ ការសម្រេចបោះជំហានបើកសាខាលក់សំលៀកបំពាក់នៅកម្ពុជា គឺដោយសារតែក្រុមហ៊ុនមើលឃើញពីសក្ដានុពលនៃលទ្ធភាពទិញរបស់ប្រជាពលរដ្ឋក្នុងស្រុក នេះក៏ដោយសារតែក្រុមហ៊ុនមានរោងចក្រផលិតសំលៀកបំពាក់នៅកម្ពុជាស្រាប់ ពោលគឺតាំងពីទសវត្សឆ្នាំ១៩៩០មកម្ល៉េះ។ គួរបញ្ជាក់ថា ក្រុមហ៊ុន H&M បានឈានជើងចូលទីផ្សារអាស៊ានមួយរយៈធំហើយ ដោយវត្តមានសាខាចំនួន១១ ទីតាំងនៅប្រទេសវៀតណាម និង ៤៣ទីតាំង នៅប្រទេសថៃ។
អានបន្ថែម
ខេត្តកណ្តាល និងតាកែវ គ្រោងស្វាគមន៍គម្រោងវិនិយោគធំៗ ៤ តម្លៃជាង ៥១ លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្មីៗនេះ បានអនុម័តឱ្យក្រុមហ៊ុនឯកជនវិនិយោគសាងសង់រោងចក្រចំនួន ៤កន្លែង តម្លៃសរុប ៥១,១ លានដុល្លារអាមេរិក នៅខេត្តកណ្តាល និងខេត្តតាកែវ។ ក្រុមហ៊ុនទី១ គឺក្រុមហ៊ុន HONG CEN MAX LEATHER PRODUCTS CO., LTD ដែលនឹងវិនិយោគប្រមាណ ២,៦ លានដុល្លារអាមេរិក បង្កើតរោងចក្រផលិតកាបូបគ្រប់ប្រភេទ និងខ្សែក្រវាត់ ដែលមានទីតាំងវិនិយោគស្ថិតនៅភូមិត្រពាំងប្រុយ ឃុំបែកចាន ស្រុកអង្គស្នួល ខេត្តកណ្តាល។ ក្រុមហ៊ុនទី២ គឺក្រុមហ៊ុន REMSTEX FASHION CO., LTD ដែលនឹងវិនិយោគប្រមាណ ៦ លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិតាឌូ សង្កាត់រកាក្រៅ ក្រុងដូនកែវ ខេត្តតាកែវ។ ក្រុមហ៊ុនទី៣ គឺក្រុមហ៊ុន TOP FORM (CAMBODIA) MANUFACTURING COMPANY LIMITED ដែលនឹងវិនិយោគប្រមាណ ៩,៥ លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិពោធិ៍មង្គល […]
អានបន្ថែម
វៀតណាមគ្រោងបង្កើតមជ្ឈមណ្ឌលព័ស្តុភារកម្ម ៦ កន្លែង នៅខេត្តជាប់ព្រំដែនកម្ពុជា
វៀតណាម គ្រោងបង្កើតមជ្ឈមណ្ឌលព័ស្តុភារកម្ម (ឡូជីស្ទីក) ៦ កន្លែងធំៗ នៅក្នុងខេត្តឡុងអាន ដែលជាខេត្តជាប់ព្រំដែនកម្ពុជាភាគអាគ្នេយ៍ ខេត្តស្វាយរៀង និងព្រែវែង ដើម្បីឆ្លើយតបទៅនឹងការដឹកជញ្ជូន ការនាំចេញ និងនាំចូល។ នេះបើយោងតាមមន្ទីរឧស្សាហកម្ម និងពាណិជ្ជកម្មខេត្ត។ មជ្ឈមណ្ឌលព័ស្តុភារកម្មទាំងនេះ រំពឹងថានឹងជួយឱ្យក្រុមហ៊ុនក្នុងស្រុកបង្កើនភាពប្រកួតប្រជែងកាន់តែខ្ពស់នៅក្នុងតំបន់។ សារព័ត៌មាន Vietnam News ចេញផ្សាយកាលពីទី១៩ ខែកក្កដា បានឱ្យដឹងថា ក្រៅពីបង្កើតមជ្ឈមណ្ឌលព័ស្តុភារកម្មនេះ ខេត្តឡុងអានក៏មានចក្ខុវិស័យវែងឆ្ងាយផ្សេងៗទៀតដែរ ពោលគឺបង្កើតគោលដៅដឹកជញ្ជូនគំរូពហុបំណង ដែលមានមានភាពប្រកួតប្រជែងខ្ពស់។ គួរបញ្ជាក់ថា មជ្ឈមណ្ឌលចំនួន ២ ក្នុងចំណោមមជ្ឈមណ្ឌលទាំង ៦ នឹងមានទីតាំងនៅជាប់នឹងច្រកព្រំដែនអន្តរជាតិ និងតំបន់សេដ្ឋកិច្ចជាប់ប្រទេសកម្ពុជា។ មជ្ឈមណ្ឌលព័ស្តុភារកម្មទាំងអស់នឹងត្រូវតភ្ជាប់ទៅកាន់ប្រព័ន្ធផ្លូវគោក ផ្លូវទឹក ការដឹកជញ្ជូនតាមសមុទ្រ ដែលផ្តល់សេវាដឹកជញ្ជូន ព័ស្តុភារកម្ម និងចែកចាយទំនិញ។
អានបន្ថែម
ផ្សារទំនើបអ៊ីអន១ ពង្រីកទំហំជាន់ផ្ទាល់ដីបន្ថែម ដើម្បីទាក់ទាញអ្នកអាជីវកម្ម
ផ្សារទំនើបអីអន សាខាទី១ នៅលើផ្លូវសម្តេចសុធារស សម្រេចពង្រីកទំហំជាន់ផ្ទាល់ដី និងបន្ថែមស្ដង់ទំនិញចំនួន ៣០កន្លែងទៀត ដើម្បីបំពេញតម្រូវការ និងទាក់ទាញអ្នកអាជីវកម្មថ្មីៗ។ យោងតាមសេចក្តីប្រកាសព័ត៌មានរបស់ក្រុមហ៊ុន ចេញផ្សាយកាលពីពេលថ្មីៗនេះ ផ្សារទំនើបអីអនទី១ នឹងពង្រីកជាន់ផ្ទាល់ដី ប្រមាណ ២៧ ០០០ ម៉ែត្រការ៉េបន្ថែម ដោយក្រោយពង្រីកជាន់ផ្ទាល់ដីនឹងទំហំសរុប ១៦២ ០០០ ម៉ែត្រការ៉េ។ ការពង្រីកជាន់ផ្ទាល់ដីបន្ថែមនេះ នឹងអាចបង្កើតបានទីតាំងតូបអាជីវកម្មចំនួន ៣០តូបបន្ថែមទៀត ឬសរុបស្មើនឹង ២៤០ តូប។ ការពង្រីកបន្ថែមនេះ ក៏នឹងធ្វើឱ្យការចំណតរថយន្តក្នុងផ្សារទំនើប អាចទទួលបានរថយន្តបន្ថែមចំនួន៧០គ្រឿង ខណៈចំណតរថយន្តអាចទទួលរថយន្តឡើងដល់ ២ ៣៧០ គ្រឿង។ គួរបញ្ជាក់ថា ក្រុមហ៊ុន អីអនម៉ល ខេមបូឌា បានដាក់ក្តីរំពឹងថា ការពង្រីកទីតាំងជាន់ផ្ទាល់ដីសាខាទី១នេះ នឹងបញ្ចប់ឆ្នាំ២០២៣ ហើយអាចទាក់ទាញហាងល្បីៗបន្ថែមទៀត។
អានបន្ថែម
ក្រុមហ៊ុនអចលនទ្រព្យថៃ ចាប់ផ្ដើមទទួលយកការទូទាត់លុយឌីជីថល ឬ Cryptocurrency
ក្រុមហ៊ុនអចលនទ្រព្យធំៗមួយចំនួននៅប្រទេសថៃ បានសម្រេចអនុញ្ញាតឱ្យអតិថិជនប្រើប្រាស់លុយឌីជីថល ឬហៅថាលុយ Cryptocurrency ដើម្បីទូទាត់ទិញផ្ទះក្នុងគម្រោងរបស់ខ្លួន។ នេះជាការវិវត្តថ្មីមួយនៅវិស័យអចលនទ្រព្យនៅប្រទេសថៃ ដើម្បីសម្របខ្លួនទៅនឹងភាពជឿនលឿន ក៏ដូចជាដើម្បីយកឈ្នះវិបត្តិកូវីដផងដែរ។ ក្រុមហ៊ុនអចលនទ្រព្យធំៗ ដែលអនុញ្ញាតប្រើប្រាស់លុយឌីជីថល មានដូចជាក្រុមហ៊ុន AssetWise, SC Asset Corporation Plc និង Sansiri Plc។ នេះបើយោងតាមការចុះផ្សាយរបស់កាសែត Bangkok Post ចុះផ្សាយកាលខែមិថុនាកន្លងទៅ។ ដោយមានការធ្លាក់ចុះនៃទីផ្សារអចលនទ្រព្យ និងឧបសគ្គក្នុងការធ្វើដំណើរ អ្នកអភិវឌ្ឍន៍ កំពុងអនុញ្ញាតទទួលយកលុយឌីជីថលដើម្បីជំរុញការលក់លំនៅដ្ឋានពីតម្រូវការក្នុងស្រុកនិងបរទេស ក៏ដូចជាការចាប់យកអ្នកទិញជំនាន់ថ្មី លោក Kromchet Vipanpong នាយកប្រតិបត្តិក្រុមហ៊ុនអចលនទ្រព្យចុះបញ្ជីផ្សារមូលបត្រ AssetWise ត្រូវបានកាសែតនេះស្រង់សម្តី ថា ក្រុមហ៊ុនរបស់លោកបានសហការជាមួយក្រុមហ៊ុនលុយឌីជីថលថៃ Bitkub Capital Group Holdings លើការដាក់ដំណើរការសេវាប្តូរប្រាក់លុយឌីជីថលសម្រាប់ការទិញផ្ទះ។ លោកមានប្រសាសន៍ថា៖ «យើងចង់មានបណ្តាញផ្ទេរប្រាក់ជាច្រើនប្រភេទបន្ថែមលើការផ្ទេរប្រាក់តាមធនាគារនិងកាតឥណទាន (credit card)។ អតិថិជនរបស់យើងអាចប្រើលុយឌីជីថលសម្រាប់ការទូទាត់ ហើយថ្លៃសេវាគឺទាបជាងកាតឥណទានដែលមានត្រឹមតែ ០,២៥% បើប្រៀបធៀបជាមួយ ២-៣%»។ លោកបន្តថា ភាពជាដៃគូជាមួយក្រុមហ៊ុន Bitkub Capital Group […]
អានបន្ថែម