អ្នកច្ចេកទេសអន្តរក្រសួង ពិនិត្យឡើងវិញលើប្លង់ និងខឿនចិញ្ចើមផ្លូវ ៣៨ខ្សែ ដើម្បីធានាគុណភាព
ក្រុមអ្នកច្ចេកទេសពីក្រសួងសាធារណការ និងដឹកជញ្ជូន និង ក្រសួងរៀបចំដែនដី នគរូបនីយកម្ម និងសំណង់ កាលពីម្សិលមិញ បានបើកកិច្ចប្រជុំរួមគ្នា ដើម្បីពិនិត្យ និងពង្រឹងលើការងារប្លង់ស្ថាបត្យកម្មផ្លូវ និងការរៀបចំចិញ្ចើមផ្លូវ ៣៨ខ្សែ នៅក្រុងសៀមរាប។ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានឱ្យដឹងថា អង្គប្រជុំ បានពិនិត្យលើការងារសំខាន់ជាច្រើន ដូចជា ផែនការរៀបខឿនចិញ្ចើមផ្លូវ ការរៀបកម្រាលផ្លូវថ្មើរជើង ដំឡើងបរិក្ខារផ្លូវថ្នល់ និងការកំណត់ទីតាំងដាំដើមឈើជាដើម។ លើសពីនេះ កិច្ចប្រជុំក៏បានពិភាក្សាលើសំណូមពរ និងដំណោះស្រាយរបស់អង្គភាពអនុវត្តគម្រោង ព្រមទាំងការងារបច្ចេកទេសមួយចំនួនទៀតផងដែរ។ កាលពីថ្មីៗនេះ ក្រសួងសាធារណការ និងដឹកជញ្ជូន ក៏បានចរចាតម្លៃសាងសង់ផ្លូវ ៣៨ខ្សែ នៅក្រុងសៀមរាបឡើងវិញ ជាមួយក្រុមហ៊ុនដែលទទួលខុសត្រូវសាងសង់ ទោះបីបច្ចុប្បន្នការសាងសង់សម្រេចបានជាង ៦៣% ហើយក្ដី។ (អានបន្ថែម) គួរបញ្ជាក់ផងដែរថា គម្រោងកែលម្អផ្លូវ ៣៨ខ្សែនេះ មានប្រវែងសរុបប្រមាណ ១០៨ គីឡូម៉ែត្រ ដែលត្រូវបានបើកការដ្ឋានសាងសង់កាលពីថ្ងៃទី៣០ ខែវិច្ឆិកា ឆ្នាំ២០២០។ គម្រោងនេះ នឹងប្រើប្រាស់ថវិកាជាតិសរុបប្រមាណជាង ១៤៩ លាន […]
អានបន្ថែម
កម្ពុជា-ជប៉ុន ពិភាក្សា៣ចំណុចធំៗ ដើម្បីបង្កើនប្រសិទ្ធភាពវិស័យដឹកជញ្ជូននៅកម្ពុជា អាស៊ាន និងជប៉ុន
ក្រសួងសាធារណការ និងដឹកជញ្ជូនកម្ពុជា និងជប៉ុន កំពុងពិភាក្សាលើ ៣ចំណុចធំៗ ក្នុងគោលបំណងដើម្បីពង្រឹង និងពង្រីកប្រសិទ្ធភាពវិស័យដឹកជញ្ជូនរវាងកម្ពុជា-អាស៊ាន-ជប៉ុន។ នេះបើយោងតាមសន្និសីទដឹកជញ្ជូនអាស៊ាន-ជប៉ុន លើកទី១៩ កាលពីថ្ងៃទី១៣ ខែកក្កដា កន្លងទៅ។ សន្និសីទខាងលើ ធ្វើឡើងក្រោមវត្តមានឯកឧត្តម ឈៀង ពេជ្រ អគ្គនាយកនៃអគ្គនាយកដ្ឋានព័ស្តុភារកម្ម និងជាប្រធានឧត្តមមន្ត្រីដឹកជញ្ជូនកម្ពុជា (STOM) ព្រមទាំងរដ្ឋលេខាធិការដ្ឋានអាកាសចរស៊ីវិលកម្ពុជា។ ដោយឡែក ចំណុចសំខាន់ទាំង ៣ ដែលត្រូវបានពិភាក្សារួមមាន៖ ១. របាយការណ៍ទស្សនាទាន ដែលបញ្ជាក់អំពីដំណោះស្រាយតាមវិធីសាស្រ្តព័ត៌មានវិទ្យា ដើម្បីគ្រប់គ្រងយានយន្តលើសទម្ងន់ ២. គោលការណ៍ណែនាំ ស្តីពីការចេញនូវវិញ្ញាបនបត្រសវនកម្ម សម្រាប់ខ្សែច្រវាក់ ព័ស្តុភារកម្មត្រជាក់ ក្នុងក្របខណ្ឌអាស៊ាន ៣. ការប្រើប្រាស់ទិន្នន័យធំឬ Big Data ដើម្បីធ្វើឱ្យប្រព័ន្ធដឹកជញ្ជូនប្រសើរជាងមុន ក្រោយពិភាក្សា ភាគីទាំងពីរ បានឯកភាពគ្នានឹងសិក្សាឱ្យគ្រប់ជ្រុងជ្រោយបន្ថែមទៀតលើការងារធំៗទាំង៣ ខាងលើ ហើយលទ្ធផលនេះនឹងត្រូវដាក់ឆ្លងកិច្ចប្រជុំឧត្តមមន្រ្តីដឹកជញ្ជូន អាស៊ាន-ជប៉ុន លើកទី២០ និងកិច្ចប្រជុំថ្នាក់រដ្ឋមន្រ្តីដឹកជញ្ជូនអាស៊ានលើកទី១៩ ដែលកម្ពុជាធ្វើជាប្រធាន នៅដើមខែវិច្ឆិកា ឆ្នាំ២០២១ ខាងមុខនេះ៕
អានបន្ថែម
ប្រព័ន្ធរំដោះទឹកស្ដង់ដាជប៉ុនក្នុងខណ្ឌដូនពេញ នឹងដាក់ដំណើរការ នៅថ្ងៃសុក្រនេះ
ប្រព័ន្ធរំដោះទឹក ដែលសាងសង់ក្រោមជំនួយរបស់ប្រទេសជប៉ុន ស្ថិតក្នុងខណ្ឌដូនពេញ គ្រោងនឹងដាក់ដំណើរការនៅថ្ងៃសុក្រសប្តាហ៍នេះហើយ។ ក្រោយដាក់ដំណើរការ គម្រោងប្រព័ន្ធនេះនឹងអាចបញ្ឈប់ការលិចលង់ក្នុងតំបន់ខណ្ឌដូនពេញ និងតំបន់ជុំវិញបានមួយកម្រិតធំ។ មន្ទីរសាធារណការរាជធានីភ្នំពេញ បានបញ្ជាក់ទៀតថា បច្ចុប្បន្នការសាងសង់ប្រព័ន្ធរំដោះទឹកនេះ សម្រេចការបាន ៩៨% ដោយការដាក់លូមេ និងលូប្រអប់ខ្នាតធំអង្កត់ផ្ចិតប្រវែង ១.៥-២.៣ម៉ែត្រ ក៏រួចរាល់ស្ទើរទាំងស្រុកហើយដែរ។ (អានបន្ថែម) គម្រោងប្រព័ន្ធរំដោះទឹកនេះ មានអាងក្រោមដី ដែលស្តុកទឹកបាន ៦៥,០០០ម៉ែត្រគូប និងស្ថានីយ៍បូមទឹកថ្មី ដែលអាចបូមទឹកក្នុងទំហំ ១.៤ម៉ែត្រគូប ក្នុងមួយវិនាទី ។ គម្រោងនេះ នឹងអាចបញ្ឈប់ការលិចទឹកនៅតំបន់ជុំវិញ និងខាងជើងវត្តភ្នំ រួមមានផ្លូវលេខ៤៧ ផ្លូវលេខ៩០ និងផ្លូវលេខ៩២ ជាដើម។ សូមជម្រាបថា ការសាងសង់ប្រព័ន្ធរំដោះទឹកជំនន់នេះ បានចាប់ផ្តើមកាលពីដើមខែមីនា ឆ្នាំ២០១៩។ គម្រោងនេះស្ថិតក្នុងចំណោមគម្រោងការពារទឹកជំនន់ចំនួន៦ ដែលមានទឹកប្រាក់សរុប៣៦លានដុល្លារ ក្រោមជំនួយហិរញ្ញប្បទាន់របស់រដ្ឋាភិបាលជប៉ុន តាមរយៈអង្គការ JICA៕
អានបន្ថែម
អាមេរិកថាចិនកំពុងសាងសង់កន្លែងស្ដុកមីស៊ីលនុយក្លេអ៊ែរជាង១០០ កន្លែងនៅសមុទ្រខ្សាច់
ក្រុមអ្នកស្រាវជ្រាវអាមេរិកផ្អែកលើការវិភាគរូបភាពពីផ្កាយរណបបានអះអាងថា ប្រទេសចិនកំពុងសាងសង់រណ្ដៅជាច្រើន ដែលមើលទៅដូចជាកន្លែងស្ដុកមីស៊ីលនុយក្លេអ៊ែរជាង ១០០កន្លែង នៅវាលខ្សាច់ដាច់ស្រយាលមួយនៃខេត្តហ្គាន់ស៊ូ។ នេះបើយោងតាមសារព័ត៌មាន The Guardian។ អ្នកវិភាគក្រុមនេះ បានសម្ដែងសេចក្ដីព្រួយបារម្ភថា បើសំណង់ដ៏ធំនេះ ជាកន្លែងផ្ទុកមីស៊ីលនុយក្លេអ៊ែដូចការសន្និដ្ឋានពិតមែន វាគឺអាចជាងអភិវឌ្ឍដ៏មានហានិភ័យមួយសម្រាប់ពិភពលោក ពិសេសនៅពេលដែលប្រទេសសមហាអំណាចប៉ះទង្គិចគ្នាខ្លាំង។ អ្នកស្រាវជ្រាវនៃមជ្ឈមណ្ឌល James Martin Center for Nonproliferation Studies បានទទួលរូបភាពផ្កាយរណបទាំងនេះពីក្រុមហ៊ុឯកជនឈ្មោះថា Planet ដោយក្រោយវិភាគឃើញថា មានរណ្ដៅក្នុងស្រុកចំនួន ១១៩ កំពុងត្រូវបានសាងសង់ ដែលហាក់ដូចអាចផ្ទុកកាំជ្រួចមីស៊ីលឆ្លងទ្វីបបាន។ អ្នកជំនាញនុយក្លេអ៊ែរអាមេរិកលោក Jeffrey Lewis បាននិយាយថា លើសពីនេះ ក៏ឃើញបានការសាងសង់លេនដ្ឋានក្រោមដី ដែលអាចត្រូវបានប្រើជាមជ្ឈមណ្ឌលបាញ់បង្ហោះ ឬមូលដ្ឋានយោធាផងដែរ។ លោក Lewis បានប្រាប់កាសែត Washington Post ថា លោកគិតថាប្រទេសចិនកំពុងពង្រីកកម្លាំងនុយក្លេអ៊ែររបស់ខ្លួនដើម្បីទប់ទល់នឹងអាមេរិក ជាក់ជាមិនខាន។ ទោះយ៉ាងណាក្ដី ទាំងនេះគ្រាន់តែជាការវិភាគរបស់អ្នកស្រាវជ្រាវ ដោយមានមតិផ្សេងទៀតលើកឡើងថា រណ្ដៅអាចមើលទៅដូចកន្លែងស្ដុកមីស៊ីល ប៉ុន្តែការពិតអាចមិនមែនក៏ថាបាន។ លោក Lewis បកស្រាយថា នេះអាចជាល្បែងនយោបាយ ដែលចិនចង់ឱ្យពិភពលោកឃើញថាខ្លួនមានមីស៊ីលនៅទីនោះ តែការពិតទៅខ្លួនលាក់មីស៊ីលនៅកន្លែងផ្សេងក៏ថាបាន […]
អានបន្ថែម
ក្រុមហ៊ុនដឹកជញ្ជូនរបស់មានតម្លៃធំជាងគេលើលោករបស់អាមេរិក ឈានជើងចូលទីផ្សារកម្ពុជាហើយ
ក្រុមហ៊ុនដឹកជញ្ជូនដែលមានបទពិសោធន៍ជាង ១៥០ ឆ្នាំ របស់អាមេរិក Brink’s បានចាប់ដៃគូជាមួយក្រុមហ៊ុនក្នុងស្រុក WorldBridge Secure Logistics ដែលជាបុត្រសម្ព័ន្ធរបស់ WorldBridge Group (វើលដ៏ប្រ៊ីដ គ្រុប) ដើម្បីផ្ដល់សេវាដឹកជញ្ជូនសាច់ប្រាក់ និងរបស់មានតម្លៃប្រកបដោយសុវត្ថិភាពខ្ពស់នៅកម្ពុជា។ ពិធីប្រកាសជាផ្លូវការនៃការរួមបញ្ចូលគ្នារវាងក្រុមហ៊ុនទាំងពីរនេះ ធ្វើឡើងកាលពីថ្ងៃ ៩ កក្កដា កន្លងទៅ ដោយក្រុមហ៊ុនរួមគ្នាថ្មីនេះមានឈ្មោះថា Brink’s WorlBridge Secure Logistics។ លោកឧកញ៉ា សៀ ឬទ្ធី ប្រធានក្រុមប្រឹក្សាភិបាលក្រុមហ៊ុន វើលដ៏ប្រ៊ីដ គ្រុប បានលើកឡើងថា តាមរយៈកិច្ចសហការនឹងធ្វើឱ្យក្រុមហ៊ុនទាំងពីរពង្រីកការដឹកជញ្ជូនសាច់ប្រាក់នៅកម្ពុជាឱ្យកាន់តែមានប្រសិទ្ធភាពជូនអតិថិជន។ លោក Gary Freedman ប្រធានប្រចាំតំបន់អាស៊ីបូព៌ារបស់ក្រុមហ៊ុន Brink’s បានអះអាងថា កម្ពុជាសាកសមនឹងយុទ្ធសាស្ត្ររួមរបស់ក្រុមហ៊ុនរបស់លោក ក្នុងការពង្រីកសេវាកម្មក្នុងតំបន់អាស៊ីអាគ្នេយ៍ និងតំបន់អាស៊ីប៉ាស៊ីហ្វិក។ លោកបន្តថា អ្វីដែលក្រុមហ៊ុនត្រូវធ្វើ គឺផ្ដល់សេវាដឹកជញ្ជូនដ៏ល្អបំផុតជូនអតិថិជននៅកម្ពុជាប្រកបដោយសុវត្ថិភាព និងទំនុកចិត្តខ្ពស់។ បង្កើតឡើងនៅឆ្នាំ១៨៥៩ ក្រុមហ៊ុន Brink’s បានបម្រើសេវាដឹកជញ្ជូនសាច់ប្រាក់ និងរបស់មានតម្លៃប្រមាណ ១៥០ឆ្នាំ ហើយ។ ក្រុមហ៊ុនមានការិយាល័យចំនួន […]
អានបន្ថែម
អន្តរក្រសួងកំពុងសិក្សា និងច្នៃគំរូរៀបចំទីក្រុងឆ្លាតវៃពីសិង្ហបុរី មកប្រើឱ្យត្រូវនឹងសង្គមកម្ពុជា
អន្តរក្រសួងកំពុងសិក្សា និងកែច្នៃគំរូការរៀបចំទីក្រុងឆ្លាតវៃពីប្រទេសសិង្ហបុរី មកប្រើប្រាស់ឱ្យស័ក្តិសមនឹងបរិបទសង្គមកម្ពុជា គោលដៅបង្កើតទីក្រុងដែលមិនត្រឹមតែជឿនលឿនផ្នែកឌីជីថលប៉ុណ្ណោះទេ តែសំខាន់គឺត្រូវតែងាយស្រួលរស់នៅតាមបែបផែនរបស់ខ្មែរ។ លើសពីនេះ រាជរដ្ឋាភិបាលកម្ពុជាក៏បានដាក់ផែនការអភិវឌ្ឍទីក្រុងសំខាន់ៗមួយចំនួន ឱ្យក្លាយជាទីក្រុងឆ្លាតវៃ ដើម្បីបង្កើតបណ្ដាញទីក្រុងឆ្លាតវៃក្នុងតំបន់អាស៊ាន ផងដែរ។ ផែនការនេះត្រូវបានបង្ហាញ ក្នុងសន្និសីទអនឡាញស្តីពី «ការរៀបចំផែនការសម្រាប់ទីក្រុងឆ្លាតវៃ» ដែលធ្វើឡើងកាលពីថ្ងៃទី ១២ ខែកក្កដា កន្លងទៅ ។ សន្និសីទនេះ រៀបចំឡើងដោយ សាលាភូមិន្ទរដ្ឋបាល ក្រោមកិច្ចសហការជាមួយ ក្រសួងមុខងារសាធារណៈ សាលាមុខងារសាធារណៈសិង្ហបុរី (Civil Service College) និង មូលនិធិ Temasek អន្តរជាតិ ហើយចូលរួមដោយអភិបាល-អភិបាលរងរាជធានី ខេត្ត សរុបប្រមាណជាង ២០០នាក់។ ក្នុងកិច្ចប្រជុំ ឯកឧត្តម ព្រុំ សុខា រដ្ឋមន្ត្រីក្រសួងមុខងារសាធារណៈ បានឱ្យដឹងថា៖ «ការសិក្សារៀនសូត្រពីប្រទេសជឿនលឿនដូចជាសិង្ហបូរី ជាចំណុចល្អក្នុងការប្រមូលធាតុចូល។ ប៉ុន្តែយ៉ាងណាក្ដី គំរូរៀបចំទីក្រុងឆ្លាតវៃ នឹងត្រូវកែច្នៃឱ្យស្របនឹងបរិបទសង្គមខ្មែរ»។ «ពាក្យថាទីក្រុងឆ្លាតវៃ មិនមែនជឿនលឿនផ្នែកឌីជីថលប៉ុណ្ណោះទេ ប៉ុន្តែជាទីក្រុងដែលមានហេដ្ឋារចនាសម្ព័ន្ធខ្វាត់ខ្វែង និងស្រួលរស់នៅតាមបែបផែនសង្គមកម្ពុជា»។ គួរបញ្ជាក់ផងដែរថា កន្លងមកមានខេត្តមួយចំនួនដែលរដ្ឋាភិបាលបានជ្រើសរើសជាទិសដៅសក្ដានុពលសម្រាប់គម្រោងទីក្រុងឆ្លាតវែ ដូចជាខេត្តព្រះសីហនុ និងសៀមរាបជាដើម។ (អានបន្ថែម […]
អានបន្ថែម
ការដ្ឋានពង្រីកផ្លូវជាតិលេខ៧ ពីស្គន់ដល់ទីរួមខេត្តកំពង់ចាមទៅជា៤គន្លង នឹងចាប់ផ្ដើមឆាប់ៗនេះ
ការដ្ឋានពង្រីកផ្លូវជាតិលេខ៧ ពីស្គន់ទៅដល់គល់ស្ពានគីហ្សូណានៃទីរួមខេត្តកំពង់ចាម ទៅជា ៤គន្លង គ្រោងនឹងចាប់ផ្តើមការដ្ឋានឆាប់ៗខាងមុខនេះ ខណៈក្រុមការងារក្រសួងកំពុងពន្លឿនបញ្ចប់ការសិក្សា។ នេះបើយោងតាមឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នាឱកាសចុះពិនិត្យផ្លូវ កាលថ្ងៃទី១២ ខែកក្កដា កន្លងទៅនេះ។ ឯកឧត្តមបានឱ្យដឹងថា៖ «រាជរដ្ឋាភិបាលកម្ពុជានឹងផ្តល់គម្រោងផ្លូវទៅជា ៤គន្លង ប្រវែងជាង ៤៥គ.ម ដល់ខេត្តកំពង់ចាម ដែលគម្រោងមួយនេះនឹងជាចំណងដៃថ្មីស្រឡាងមួយទៀតជូនដល់ប្រជាពលរដ្ឋ»។ «មិនតែប៉ុណ្ណោះ វានឹងជួយតភ្ជាប់ចរាចរណ៍របស់ពលរដ្ឋនៅតាមបណ្តាខេត្ត ខណៈបច្ចុប្បន្នកម្ពុជាមានកំណើនមធ្យោបាយដំណើរពីមួយឆ្នាំទៅមួយឆ្នាំ»។ ឯកឧត្តម បន្តថា គម្រោងពង្រីកផ្លូវនេះនឹងលេចចេញជារូបរាង បន្ទាប់ពីមន្ត្រីបច្ចេកទេសក្រសួងសាធារណការ នឹងដឹកជញ្ជូន បញ្ចប់ការសិក្សាលម្អិត។ គួរបញ្ជាក់ផងដែរថា ក្រសួងបានសិក្សាលើគម្រោងនេះមួយរយៈធំហើយ តាំងពីឆ្នាំ ២០២០ មកម្ល៉េះ។ បើយោងតាមឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន ការពង្រីកផ្លូវទៅបួនគន្លង នេះអាចនឹងចំណាយថវិកាសាងសង ពី ១លាន ទៅ២លានដុល្លារ ក្នុងប្រវែង១គីឡូម៉ែត្រ។ (អានបន្ថែម) រូបភាពដោយ៖ Wikimedia Commons
អានបន្ថែម
ក្រុមហ៊ុនចិនបង្កើតរោងចក្រកែច្នៃកៅស៊ូក្រាលថ្នល់ជាង ៥ ម៉ឺនតោន សម្រាប់គម្រោងផ្លូវល្បឿនលឿន
ក្រុមហ៊ុនចិនបានសម្រេចបង្កើតរោងចក្រដ៏ធំមួយ កែច្នៃកៅស៊ូក្រាលថ្នល់ស្ដង់ដារ (SBS) សម្រាប់ផ្គត់ផ្គង់ឱ្យការដ្ឋានគម្រោងផ្លូវល្បឿនលឿនភ្នំពេញ-ព្រះសីហនុទាំងមូល ដែលនឹងត្រូវប្រើប្រាស់កៅស៊ូសរុបជាង ៥៣ ០០០ តោន។ បើយោងតាមទំព័រ Facebook ផ្លូវការរបស់គម្រោងផ្លូវល្បឿនលឿនដែលថ្ងៃទី ១២ កក្កដានេះ រោងចក្រនេះនឹងកែច្នៃកៅស៊ូតាមស្ដង់ដា និងបច្ចេកវិទ្យាថ្មី ដើម្បីធានាថាផ្លូវល្បឿនលឿនមានភាពរឹងមាំ និងជាប់បានយូរ។ ប្រភពដដែលបានបញ្ជាក់ថា ក្រៅពីការបង្កើតរោងចក្រនេះ ក្រុមហ៊ុនក៏បាននាំចូលសម្ភារៈ និងបច្ចេកវិទ្យាសំណង់ថ្មីៗជាច្រើនមកកម្ពុជា ពោលគឺមិនត្រឹមតែដើម្បីពង្រឹងគុណភាពផ្លូវល្បឿនលឿនទេ តែក៏អាចលើកកម្ពស់ការច្នៃប្រឌិតបច្ចេកវិទ្យាក្នុងឧស្សាហកម្មសាងសង់ហេដ្ឋារចនាសម្ព័ន្ធកម្ពុជាផងដែរ។ គួរបញ្ជាក់ផងដែរថា ការសាងសង់ផ្លូវល្បឿនលឿន ភ្នំពេញ-ព្រះសីហនុ គិតត្រឹមខែមិថុនា ឆ្នាំ២០២១ សម្រេចបាន ៥៥% ដោយគ្រោងនឹងបញ្ចប់នៅខែកញ្ញា ឆ្នាំ២០២២ ខាងមុន ដែលជាការបញ្ចប់មុនផែនការ។ (អានបន្ថែម)
អានបន្ថែម
កូរ៉េកំពុងគូសប្លង់ និងរើសទីតាំងស្ពានអរិយក្សត្រ តែនឹងបញ្ចប់ពេលណាក្រសួងមិនបញ្ជាក់បានទេ
ក្រុមជំនាញប្រទេសកូរ៉េខាងត្បូង កំពុងសិក្សាគូសប្លង់ និងជ្រើសរើសទីតាំងសម្រាប់គម្រោងស្ពានឆ្លងទន្លេរវាងជ្រោយចង្វារ និងតំបន់អរិយក្សត្រ ប៉ុន្តែការសិក្សានឹងបញ្ចប់នៅពេលណា ឬស្ពាននឹងចាប់ផ្ដើមសាងសង់នៅឆ្នាំណា ក្រសួងនៅតែមិនទាន់បញ្ជាក់បាននៅឡើយទេ។ នេះបើយោងតាម ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន កាលពីសប្ដាហ៍មុននេះ។ ឯកឧត្តម ថ្លែងថា៖ «ក្រុមការងារកំពុងស្ថិតក្នុងដំណាក់កាលចុងក្រោយ និងគូសប្លង់។ គេមានគណៈកម្មការគម្រោងរបស់គេហើយ ឥឡូវគេកំពុងតែចរចារឿង Design និងរឿងជ្រើសរើសទីតាំង»។ គួរបញ្ជាក់ផងដែរ គម្រោងនេះជាគម្រោងស្ពានដែលគ្រប់គ្នាទន្ទឹងរង់ចាំជាយូរឆ្នាំមកហើយ ដោយទើបតែមានដំណឹងល្អកាលពីឆ្នាំមុនថា រដ្ឋាភិបាលកូរ៉េខាងត្បូងបានសម្រេចផ្តល់ជំនួយសាងសង់តាមសំណើរបស់ប្រមុខរាជរដ្ឋាភិបាលកម្ពុជា។ (អានបន្ថែម) បើតាម ឯកឧត្តម ស៊ុន ចាន់ថុល ទេសរដ្ឋមន្រ្តី និងជារដ្ឋមន្រ្តីក្រសួងសាធារណៈ និងដឹកជញ្ជូន កាលពីពេលថ្មីៗនេះ បញ្ជាក់ថា នៅពេលការសិក្សាលើគម្រោងនេះត្រូវបានបញ្ចប់ ក្រសួងនឹងបើកការដេញថ្លៃសាងសង់ស្ពានជាសាធារណៈ។
អានបន្ថែម
ប្លង់មេឆ្នាំ ២០៣៥ កំណត់យកតាខ្មៅ និងទីតាំងបណ្ដោយផ្លូវជាតិលេខ ៣&៤ ជាបណ្ដុំសេដ្ឋកិច្ច
បើតាមយោងតាមប្លង់មេប្រើប្រាស់ដីរាជធានីភ្នំពេញ ឆ្នាំ២០៣៥ ទីក្រុងតាខ្មៅ និងទីតាំងជាយក្រុងនៅតាមបណ្តោយផ្លូវជាតិលេខ៣ និងលេខ៤ ត្រូវបានជ្រើសរើសជាតំបន់សក្ដានុពល សម្រាប់ធ្វើជាបណ្តុំនៃសេដ្ឋកិច្ច រោងចក្រ និងសហគ្រាសផលិតនានា។ ឯកសារដដែលបានបញ្ជាក់ថា ការជ្រើសយកទីតាំងទាំងនោះជាកន្លែងធ្វើរោងចក្រ គឺដើម្បីរៀបចំសណ្ដាប់ធ្នាប់ទីក្រុង។ ការដាក់បណ្តុំរោងចក្រនានាឃ្លាតឆ្ងាយពីទីក្រុងនេះ នឹងជួយបង្កើនផាសុខភាពក្រុង កាត់បន្ថយការកកស្ទះចរាចរ និងបង្កភាពងាយស្រួលដល់ការដឹកជញ្ជូនរបស់រថយន្តធំៗដោយមិនចាំបាច់ចូលមកក្នុងក្រុងនោះទេ។ ជាក់ស្ដែង មកទល់បច្ចុប្បន្នឃើញថា ទីតាំងនៅអមផ្លូវជាតិលេខ៤ ទទួលបានរោងចក្រជាង៥០ នៅក្នុងចម្ងាញ ២០ គីឡូម៉ែត្រ ដែលរាប់ពីព្រំដែនរដ្ឋបាលនៃរាជធានីភ្នំពេញ។ លើសពីនេះ ដោយសារការគម្រោងលើកកម្ពស់គុណភាពផ្លូវ ទីតាំងផ្លូវជាតិលេខ៣ និងលេខ៤ នៅខេត្តកំពង់ស្ពឺ ជិតទាំងក្រុងភ្នំពេញ ក៏កំពុងមានភាពទាក់ទាញផងដែរ។ យោងតាមឯកសារដដែល នៅឆ្នាំ ២០៣១ ព្រំដែនរាជធានីភ្នំពេញ នឹងត្រូវពង្រីកក្នុងរង្វង់ទំហំ៣០គីឡូម៉ែត្រជុំវិញ ដោយគិតពីចំណុចកណ្តាលនៃរាជធានីភ្នំពេញ។ នៅពេលនោះ ទីក្រុងភ្នំពេញនឹងត្រូវគ្របដណ្តប់លើផ្ទៃដីខាងជើងស្ទើរទាំងអស់នៃខេត្តកណ្តាល។
អានបន្ថែម
តៃវ៉ាន់គ្រោងសម្រុកចូលទីផ្សារសំណង់កម្ពុជាឆ្នាំនេះ ខណៈបច្ចុប្បន្នកំពុងស្វែងរកដៃគូអាជីវកម្ម
វិទ្យាស្ថានស្រាវជ្រាវការអភិវឌ្ឍពាណិជ្ជកម្ម នៃក្រសួងសេដ្ឋកិច្ចតៃវ៉ាន់ (CDRI) កាលពីថ្មីៗនេះ បានឱ្យដឹងថា ខ្លួននឹងមកផ្ដោតលើទីផ្សារសំណង់នៅកម្ពុជា ក្នុងឆ្នាំនេះ ដោយបច្ចុប្បន្នកំពុងប្រកាសស្វែករកដៃគូអាជីវកម្មក្នុងស្រុក។ កម្មវិធីនេះមានឈ្មោះថា ASEAN Market Development Project ដែលជាយុទ្ធនាការរបស់តៃវ៉ាន់ក្នុងការស្វែងរកឱកាសអាជីវកម្មជាមួយប្រទេសអាស៊ាន ដោយឆ្នាំនេះ កម្មវិធីនឹងមកផ្ដោតលើទីផ្សារកម្ពុជា។ យោងតាមប្រធានផ្នែកទីផ្សាររបស់ CDRI លោក Yu-Bin Chang កម្មវិធីនេះ មានគោលបំណងចង់ភ្ជាប់ទំនាក់ទំនងរវាងអ្នកជំនាញ និងអ្នកជំនួញក្នុងវិស័យសំណង់នៃប្រទេសកម្ពុជា និងដែនកោះតៃវ៉ាន់ ក៏ដូចជាផ្លាស់ប្តូរព័ត៌មានទីផ្សារ និងកំណត់ឱកាសអាជីវកម្មថ្មីៗផងដែរ។ លោកបន្តថា៖ «តាមរយៈកម្មវិធីនេះ យើងនឹងបើកឱ្យក្រុមហ៊ុនានានៅតៃវ៉ាន់ណែនាំអំពីសម្ភារៈសំណង់ និងផលិតផលរបស់ខ្លួនទៅឱ្យភាគីកម្ពុជា។ ដូចគ្នានេះដែរ ភាគីកម្ពុជាក៏អាចណែនាំផលិតផលរបស់ខ្លួនទៅខាងតៃវ៉ាន់ផងដែរ»។ «ប្រសិនបើភាគីណាមួយមានចំណាប់អារម្មណ៍ យើងនឹងបន្តធ្វើការសម្របសម្រួលដើម្បីឱ្យក្រុមហ៊ុនទាំងនោះ ពិភាក្សាគ្នាបន្ថែមទៀត ពោលគឺដើម្បីឈានទៅរកឱកាសវិនិយោគរួមនៅកម្ពុជា»។ លោក Yu-Bin Chang សង្ឈឹមថា កម្មវិធីនេះនឹងជួយជំរុញ និងបង្កើនការវិនិយោគថ្មីៗ ក្នុងវិស័យសំណង់នៅកម្ពុជា ក៏ដូចជាពង្រីកវិសាលភាពសេដ្ឋកិច្ចរបស់ប្រទេសទាំង ២ ផងដែរ។ ក្នុងដំណាក់កាលនេះ CDRI បានបើកចំហសម្រាប់ក្រុមហ៊ុនដែលពាក់ព័ន្ធនឹងវិស័យសំណង់នៅកម្ពុជាទាំងអស់ ដែលចាប់អារម្មណ៍ អាចចុះឈ្មោះចូលរួមបាន។ CDRI មិនទាន់បានផ្តល់ព័ត៌មានលម្អិតថាតើគម្រោងនេះនឹងត្រូវបានធ្វើឡើងតាមប្រព័ន្ធអនឡាញ ឬដោយផ្ទាល់នោះទេ […]
អានបន្ថែម
ផ្លូវថ្មីភ្ជាប់ទៅច្រកព្រំដែនកម្ពុជា-ថៃ សំពៅលូន នឹងបញ្ចប់ការសាងសង់ ចុងខែកក្កដា នេះ
មន្ទីរសាធារណការខេត្តបាត់ដំបង កំពុងពន្លឿនការស្ថាបនាផ្លូវកៅស៊ូថ្មីមួយខ្សែតភ្ជាប់ទៅច្រកព្រំប្រទល់កម្ពុជា-ថៃ ភ្នំដី នៅស្រុកសំពៅលូន ដើម្បីធ្វើយ៉ាងណាឱ្យបញ្ចប់បាននៅចុង ខែកក្កដា ឆ្នាំ២០២១ នេះ។ លោក ព្រួញ រិទ្ធថា ប្រធានមន្ទីរសាធារណការ និងដឹកជញ្ជូនខេត្តបាត់ដំបង បានឱ្យដឹងក្នុងឱកាសចុះពិនិត្យការដ្ឋានថា ផ្លូវខេត្តលេខ ១៥៩២ នេះ មានប្រវែង ៣៦០ម៉ែត្រ និងទទឹង ៩ម៉ែត្រ ដោយបច្ចុប្បន្នក្រាលកៅស៊ូប្រភេទ DBST បានធ្វើទូទាំងស្រុកហើយ។ លោក បន្តថា «ក្រៅពីចាក់ក្រាលកៅស៊ូ ក្រុមការងារក៏នឹងដាក់ប្រព័ន្ធលូរំដោះទឹកភ្លៀងនៅតាមផ្លូវ ហើយក៏កំណត់ឱ្យប្រជាជននៅទីនោះចូលរួមដាក់លូ តាមមុខផ្ទះរបស់ខ្លួនផងដែរ»។ ផ្លូវនេះគឺមានទីតាំងស្ថិតនៅ ឃុំ សន្តិភាព ស្រុកសំពៅលូន ខេត្តបាត់ដំបង ដែលបច្ចុប្បន្នកំពុងសាងសង់ឡើងក្រោមកញ្ចប់ថវិការបស់ក្រសួងសាធារណការ និងដឹកជញ្ជូន។ ឯកឧត្តម ងួន រតនៈ អភិបាលខេត្តបាត់ដំបង បានលើកឡើងដែរថា ផ្លូវមួយខ្សែនេះ វាពិតជាមានសារៈសំខាន់ណាស់ ពិសេសសម្រាប់យានយន្តដឹកទំនិញចេញចូលទៅច្រកទ្វារព្រំដែន។
អានបន្ថែម