កូរ៉េកំពុងគូសប្លង់ និងរើសទីតាំងស្ពានអរិយក្សត្រ តែនឹងបញ្ចប់ពេលណាក្រសួងមិនបញ្ជាក់បានទេ
ក្រុមជំនាញប្រទេសកូរ៉េខាងត្បូង កំពុងសិក្សាគូសប្លង់ និងជ្រើសរើសទីតាំងសម្រាប់គម្រោងស្ពានឆ្លងទន្លេរវាងជ្រោយចង្វារ និងតំបន់អរិយក្សត្រ ប៉ុន្តែការសិក្សានឹងបញ្ចប់នៅពេលណា ឬស្ពាននឹងចាប់ផ្ដើមសាងសង់នៅឆ្នាំណា ក្រសួងនៅតែមិនទាន់បញ្ជាក់បាននៅឡើយទេ។ នេះបើយោងតាម ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន កាលពីសប្ដាហ៍មុននេះ។ ឯកឧត្តម ថ្លែងថា៖ «ក្រុមការងារកំពុងស្ថិតក្នុងដំណាក់កាលចុងក្រោយ និងគូសប្លង់។ គេមានគណៈកម្មការគម្រោងរបស់គេហើយ ឥឡូវគេកំពុងតែចរចារឿង Design និងរឿងជ្រើសរើសទីតាំង»។ គួរបញ្ជាក់ផងដែរ គម្រោងនេះជាគម្រោងស្ពានដែលគ្រប់គ្នាទន្ទឹងរង់ចាំជាយូរឆ្នាំមកហើយ ដោយទើបតែមានដំណឹងល្អកាលពីឆ្នាំមុនថា រដ្ឋាភិបាលកូរ៉េខាងត្បូងបានសម្រេចផ្តល់ជំនួយសាងសង់តាមសំណើរបស់ប្រមុខរាជរដ្ឋាភិបាលកម្ពុជា។ (អានបន្ថែម) បើតាម ឯកឧត្តម ស៊ុន ចាន់ថុល ទេសរដ្ឋមន្រ្តី និងជារដ្ឋមន្រ្តីក្រសួងសាធារណៈ និងដឹកជញ្ជូន កាលពីពេលថ្មីៗនេះ បញ្ជាក់ថា នៅពេលការសិក្សាលើគម្រោងនេះត្រូវបានបញ្ចប់ ក្រសួងនឹងបើកការដេញថ្លៃសាងសង់ស្ពានជាសាធារណៈ។
អានបន្ថែម
ប្លង់មេឆ្នាំ ២០៣៥ កំណត់យកតាខ្មៅ និងទីតាំងបណ្ដោយផ្លូវជាតិលេខ ៣&៤ ជាបណ្ដុំសេដ្ឋកិច្ច
បើតាមយោងតាមប្លង់មេប្រើប្រាស់ដីរាជធានីភ្នំពេញ ឆ្នាំ២០៣៥ ទីក្រុងតាខ្មៅ និងទីតាំងជាយក្រុងនៅតាមបណ្តោយផ្លូវជាតិលេខ៣ និងលេខ៤ ត្រូវបានជ្រើសរើសជាតំបន់សក្ដានុពល សម្រាប់ធ្វើជាបណ្តុំនៃសេដ្ឋកិច្ច រោងចក្រ និងសហគ្រាសផលិតនានា។ ឯកសារដដែលបានបញ្ជាក់ថា ការជ្រើសយកទីតាំងទាំងនោះជាកន្លែងធ្វើរោងចក្រ គឺដើម្បីរៀបចំសណ្ដាប់ធ្នាប់ទីក្រុង។ ការដាក់បណ្តុំរោងចក្រនានាឃ្លាតឆ្ងាយពីទីក្រុងនេះ នឹងជួយបង្កើនផាសុខភាពក្រុង កាត់បន្ថយការកកស្ទះចរាចរ និងបង្កភាពងាយស្រួលដល់ការដឹកជញ្ជូនរបស់រថយន្តធំៗដោយមិនចាំបាច់ចូលមកក្នុងក្រុងនោះទេ។ ជាក់ស្ដែង មកទល់បច្ចុប្បន្នឃើញថា ទីតាំងនៅអមផ្លូវជាតិលេខ៤ ទទួលបានរោងចក្រជាង៥០ នៅក្នុងចម្ងាញ ២០ គីឡូម៉ែត្រ ដែលរាប់ពីព្រំដែនរដ្ឋបាលនៃរាជធានីភ្នំពេញ។ លើសពីនេះ ដោយសារការគម្រោងលើកកម្ពស់គុណភាពផ្លូវ ទីតាំងផ្លូវជាតិលេខ៣ និងលេខ៤ នៅខេត្តកំពង់ស្ពឺ ជិតទាំងក្រុងភ្នំពេញ ក៏កំពុងមានភាពទាក់ទាញផងដែរ។ យោងតាមឯកសារដដែល នៅឆ្នាំ ២០៣១ ព្រំដែនរាជធានីភ្នំពេញ នឹងត្រូវពង្រីកក្នុងរង្វង់ទំហំ៣០គីឡូម៉ែត្រជុំវិញ ដោយគិតពីចំណុចកណ្តាលនៃរាជធានីភ្នំពេញ។ នៅពេលនោះ ទីក្រុងភ្នំពេញនឹងត្រូវគ្របដណ្តប់លើផ្ទៃដីខាងជើងស្ទើរទាំងអស់នៃខេត្តកណ្តាល។
អានបន្ថែម
តៃវ៉ាន់គ្រោងសម្រុកចូលទីផ្សារសំណង់កម្ពុជាឆ្នាំនេះ ខណៈបច្ចុប្បន្នកំពុងស្វែងរកដៃគូអាជីវកម្ម
វិទ្យាស្ថានស្រាវជ្រាវការអភិវឌ្ឍពាណិជ្ជកម្ម នៃក្រសួងសេដ្ឋកិច្ចតៃវ៉ាន់ (CDRI) កាលពីថ្មីៗនេះ បានឱ្យដឹងថា ខ្លួននឹងមកផ្ដោតលើទីផ្សារសំណង់នៅកម្ពុជា ក្នុងឆ្នាំនេះ ដោយបច្ចុប្បន្នកំពុងប្រកាសស្វែករកដៃគូអាជីវកម្មក្នុងស្រុក។ កម្មវិធីនេះមានឈ្មោះថា ASEAN Market Development Project ដែលជាយុទ្ធនាការរបស់តៃវ៉ាន់ក្នុងការស្វែងរកឱកាសអាជីវកម្មជាមួយប្រទេសអាស៊ាន ដោយឆ្នាំនេះ កម្មវិធីនឹងមកផ្ដោតលើទីផ្សារកម្ពុជា។ យោងតាមប្រធានផ្នែកទីផ្សាររបស់ CDRI លោក Yu-Bin Chang កម្មវិធីនេះ មានគោលបំណងចង់ភ្ជាប់ទំនាក់ទំនងរវាងអ្នកជំនាញ និងអ្នកជំនួញក្នុងវិស័យសំណង់នៃប្រទេសកម្ពុជា និងដែនកោះតៃវ៉ាន់ ក៏ដូចជាផ្លាស់ប្តូរព័ត៌មានទីផ្សារ និងកំណត់ឱកាសអាជីវកម្មថ្មីៗផងដែរ។ លោកបន្តថា៖ «តាមរយៈកម្មវិធីនេះ យើងនឹងបើកឱ្យក្រុមហ៊ុនានានៅតៃវ៉ាន់ណែនាំអំពីសម្ភារៈសំណង់ និងផលិតផលរបស់ខ្លួនទៅឱ្យភាគីកម្ពុជា។ ដូចគ្នានេះដែរ ភាគីកម្ពុជាក៏អាចណែនាំផលិតផលរបស់ខ្លួនទៅខាងតៃវ៉ាន់ផងដែរ»។ «ប្រសិនបើភាគីណាមួយមានចំណាប់អារម្មណ៍ យើងនឹងបន្តធ្វើការសម្របសម្រួលដើម្បីឱ្យក្រុមហ៊ុនទាំងនោះ ពិភាក្សាគ្នាបន្ថែមទៀត ពោលគឺដើម្បីឈានទៅរកឱកាសវិនិយោគរួមនៅកម្ពុជា»។ លោក Yu-Bin Chang សង្ឈឹមថា កម្មវិធីនេះនឹងជួយជំរុញ និងបង្កើនការវិនិយោគថ្មីៗ ក្នុងវិស័យសំណង់នៅកម្ពុជា ក៏ដូចជាពង្រីកវិសាលភាពសេដ្ឋកិច្ចរបស់ប្រទេសទាំង ២ ផងដែរ។ ក្នុងដំណាក់កាលនេះ CDRI បានបើកចំហសម្រាប់ក្រុមហ៊ុនដែលពាក់ព័ន្ធនឹងវិស័យសំណង់នៅកម្ពុជាទាំងអស់ ដែលចាប់អារម្មណ៍ អាចចុះឈ្មោះចូលរួមបាន។ CDRI មិនទាន់បានផ្តល់ព័ត៌មានលម្អិតថាតើគម្រោងនេះនឹងត្រូវបានធ្វើឡើងតាមប្រព័ន្ធអនឡាញ ឬដោយផ្ទាល់នោះទេ […]
អានបន្ថែម
ផ្លូវថ្មីភ្ជាប់ទៅច្រកព្រំដែនកម្ពុជា-ថៃ សំពៅលូន នឹងបញ្ចប់ការសាងសង់ ចុងខែកក្កដា នេះ
មន្ទីរសាធារណការខេត្តបាត់ដំបង កំពុងពន្លឿនការស្ថាបនាផ្លូវកៅស៊ូថ្មីមួយខ្សែតភ្ជាប់ទៅច្រកព្រំប្រទល់កម្ពុជា-ថៃ ភ្នំដី នៅស្រុកសំពៅលូន ដើម្បីធ្វើយ៉ាងណាឱ្យបញ្ចប់បាននៅចុង ខែកក្កដា ឆ្នាំ២០២១ នេះ។ លោក ព្រួញ រិទ្ធថា ប្រធានមន្ទីរសាធារណការ និងដឹកជញ្ជូនខេត្តបាត់ដំបង បានឱ្យដឹងក្នុងឱកាសចុះពិនិត្យការដ្ឋានថា ផ្លូវខេត្តលេខ ១៥៩២ នេះ មានប្រវែង ៣៦០ម៉ែត្រ និងទទឹង ៩ម៉ែត្រ ដោយបច្ចុប្បន្នក្រាលកៅស៊ូប្រភេទ DBST បានធ្វើទូទាំងស្រុកហើយ។ លោក បន្តថា «ក្រៅពីចាក់ក្រាលកៅស៊ូ ក្រុមការងារក៏នឹងដាក់ប្រព័ន្ធលូរំដោះទឹកភ្លៀងនៅតាមផ្លូវ ហើយក៏កំណត់ឱ្យប្រជាជននៅទីនោះចូលរួមដាក់លូ តាមមុខផ្ទះរបស់ខ្លួនផងដែរ»។ ផ្លូវនេះគឺមានទីតាំងស្ថិតនៅ ឃុំ សន្តិភាព ស្រុកសំពៅលូន ខេត្តបាត់ដំបង ដែលបច្ចុប្បន្នកំពុងសាងសង់ឡើងក្រោមកញ្ចប់ថវិការបស់ក្រសួងសាធារណការ និងដឹកជញ្ជូន។ ឯកឧត្តម ងួន រតនៈ អភិបាលខេត្តបាត់ដំបង បានលើកឡើងដែរថា ផ្លូវមួយខ្សែនេះ វាពិតជាមានសារៈសំខាន់ណាស់ ពិសេសសម្រាប់យានយន្តដឹកទំនិញចេញចូលទៅច្រកទ្វារព្រំដែន។
អានបន្ថែម
ឌូបៃ បំបែកឯតទគ្គកម្មសាងសង់ទីក្រុងក្រោមទឹកជ្រៅជាងគេលើពិភពលោក
ក្រៅពីជាម្ចាស់ផ្ទះនៃអគារខ្ពស់ជាងគេ និងផ្សារទំនើបធំជាងលើពិភពលោក ទីក្រុងឌូបៃ កាលពីថ្មីៗនេះ បានបំបែកឯតទគ្គកម្មថ្មីមួយទៀត ដោយបើកឱ្យដំណើរការទីក្រុងក្រោមទឹកជ្រៅបំផុតលើពិភពលោក។ ទីក្រុងក្រោមទឹក នេះមានជម្រៅ ៦០ ម៉ែត្រ ដែលបំបែកកំណត់ត្រាពីអាងទឹល Deepspot របស់ប្រទេសប៉ូឡូញដែលមានជម្រៅជាង ៤៥ ម៉ែត្រ។ ហ្គីនណេសបានប្រគល់ពានឯតទគ្គកម្ម “អាងហែលទឹកជ្រៅបំផុត” ឱ្យគម្រោងនេះ កាលពី ២៧ ខែមិថុនា កន្លងទៅ។ គម្រោងនេះបច្ចុប្បន្នបើកឱ្យចូលសម្រាប់អ្នកមានលិខិតអញ្ជើញតែប៉ុណ្ណោះ ដោយគ្រោងនឹងបើកជាសាធារណៈនៅចុងឆ្នាំនេះ។ អាងទឹក The Deep Dive Dubai Pool នេះមានចំណុះទឹកសរុបចំនួន ១៤ លានលីត្រ ឬស្មើរទំហំអាងហែលទឹកអូឡាំពិកចំនួន ៦។ សីតុណ្ហភាពទឹកត្រូវបានរក្សានៅ ៣០ ដឺក្រេ ដែលជាសីតុណ្ហភាពសមល្មមសម្រាប់អ្នកជ្រមុជទឹកដែលចុះទៅកម្សាន្ត។ ផ្នែកដែលលេចធ្លោជាងគេនៃគម្រោងនេះ គឺទីក្រុងក្រោមទឹកដែលស្ថិតនៅក្នុងអាងនេះ។ អ្នកជ្រមុជទឹក ធ្វើសម្មកភាពជាច្រើនដូចជា មើលកុន លេងហ្គេម និងធ្វើដំណើរផ្សងព្រេងមើលទីក្រុងក្រោមសមុទ្រ។ លើសពីនេះ គម្រោងនេះក៏មានស្ទូឌីយោសម្រាប់ថតខ្សែភាពយន្តក្រោមទឹកផងដែរ ដែលធំជាងគេនៅក្នុងតំបន់។ គម្រោងនេះក៏បើកនឹងអប់រំពីរបៀបជ្រមុជទឹកល់អ្នកដែលចង់ចូលទៅទស្សនាផងដែរ។ ក្រោយរៀនចេះ អ្នកជ្រមុជទឹកអាចដើរលេងនៅក្នុងទីក្រុងក្រោមទឹកបានដោយខ្លួនឯង ជាមួយនឹងមគ្គុទេស៍ម្នាក់។ កាមេរ៉ាចំនួន ៥៦ […]
អានបន្ថែម
គម្រោងស្ដារផ្លូវជាតិលេខ ៣៣ ជិតចាប់ផ្ដើមហើយ ខណៈក្រសួងកំពុងចុះពិនិត្យស្ថានភាពផ្លូវផ្ទាល់
គម្រោងលើកកម្ពស់ផ្លូវជាតិលេខ៣៣ ពីចំណុចបំបែកពីផ្លូវជាតិលេខ៣ នៃទីរួមខេត្តកំពត ទៅព្រំដែនកម្ពុជាវៀតណាមព្រែកចាក គ្រោងនឹងចាប់ផ្ដើមឆាប់ៗនេះ ខណៈបច្ចុប្បន្នក្រុមការងារបច្ចេកទេសកំពុងចុះពិនិត្យស្ថានភាពផ្លូវផ្ទាល់។ ឯកឧត្តម ប៉ាល់ ចន្ទតារា រដ្ឋលេខាធិការក្រសួងសាធារណការ និងដឹកជញ្ជូន បានឱ្យដឹងកាលពីថ្ងៃទី ៨ ខែកក្កដា ថា ក្រៅពីពិនិត្យផ្លូវ ក្រុមការងារបច្ចេកទេសក៏បានពិនិត្យមើលលទ្ធភាពសាងសង់ស្ពានឆ្លងកាត់ផ្លូវដែលស្ថិតនៅក្រៅកិច្ចសន្យាគម្រោងផងដែរ។ ស្ពាននេះមានទីតាំងឋិតនៅមុខសាកលវិទ្យាល័យខេត្តកែប ដែលក្រុមការងារកំពុងសិក្សាផលប៉ះពាល់ទីតាំងជាក់ស្តែង និងជជែកពិភាក្សាលម្អិត។ គួរបញ្ជាក់ថា ការសិក្សាបឋមសម្រាប់គម្រោងលើកកម្ពស់ផ្លូវជាតិលេខ៣៣នេះ បានបញ្ចប់ និងបានដាក់ជូនអន្តរក្រសួងពិនិត្យ និងវាយតម្លៃហើយ។ តាមផែនការ គម្រោងនេះ មានប្រវែងសរុប ៥២ គីឡូម៉ែត្រ ចាប់ពីចំណុចម្ដុំផ្សារកំពត ទៅព្រំដែនលក (ឬព្រំដែនកម្ពុជាវៀតណាមព្រែកចាក)។ ក្រុមហ៊ុនទទួលសិទ្ធិសិក្សាគម្រោងនេះ គឺ China Road and Bridge Corporation ហើយក្រុមហ៊ុនផ្តល់ប្រឹក្សាគឺ Sawac Consultants (Cambodia) Co Ltd។ ចំណែកឯថវិកាប៉ាន់ស្មានសម្រាប់អនុវត្តគម្រោង មិនទាន់ត្រូវបានបញ្ជាក់ច្បាស់នៅឡើយ ប៉ុន្តែនឹងសាងសង់ឡើងក្រោមកម្ចីពីប្រទេសចិន ព្រមជាមួយនឹងផ្លូវជាតិ ២ខ្សែទៀត។ (អានបន្ថែម)
អានបន្ថែម
រដ្ឋនឹងអនុម័តបន្ទាន់គម្រោងធំៗ ៩ តាមផែនការមេអភិវឌ្ឍក្រុងភ្នំពេញឆ្នាំ ២០៣៥
តាមផែនការមេអភិវឌ្ឍក្រុងដល់ឆ្នាំ ២០៣៥ រដ្ឋាភិបាលសម្រេចយកគម្រោងសាងសង់ហេដ្ឋារចនាសម្ព័ន្ធ ៩ គម្រោង ជាគម្រោងដែលត្រូវអនុម័តបន្ទាន់។ មកស្វែកយល់ទាំងអស់គ្នាថាមានគម្រោងអ្វីខ្លះ ហើយតាំងពីឆ្នាំ ២០១៥ ដែលចេញផែនការមេ មកទល់បច្ចុប្បន្ន មានគម្រោងណាខ្លះចាប់ផ្ដើមហើយ និងគម្រោងណាខ្លះនៅមិនទាន់អនុវត្ត។ ១) ការអនុម័តបទប្បញ្ញត្តិ និងប្លង់នៃការបម្រុងទុកធំៗនៃវិស័យសាធារណៈ ផ្លូវធំៗ ផ្លូវដែក និងការបង្ហូរទឹកនៅតំបន់ជាយក្រុងនានា ផែនការនេះត្រូវបានអនុវត្តខ្លះៗហើយ ជាក់ស្ដែងដូចជា សេចក្តីព្រាងអនុក្រឹត្យស្តីពីការគ្រប់គ្រងដីចំណីផ្លូវនៅតាមបណ្តាញផ្លូវថ្នល់ និងផ្លូវរថភ្លើង ដែលកំពុងត្រៀមរៀបចំដោយក្រសួងសាធារណការ និងដឹកជញ្ជូន។ ច្បាប់ថ្មីនេះគឺដើម្បីជួយឱ្យសមត្ថកិច្ចពាក់ព័ន្ធងាយស្រួលក្នុងការដោះស្រាយផលប៉ះពាល់ដល់ប្រជាជន ក្នុងករណីរដ្ឋមានគម្រោងស្ដារហេដ្ឋារចនាសម្ព័ន្ធណាមួយ។ (អានបន្ថែម) លើសពីនេះ ក្រសួងក៏កំពុងបន្តពិនិត្យលើសេចក្ដីសម្រេចលើច្បាប់ស្តីពីទឹកកខ្វក់ និងប្រព័ន្ធលូ ឡើងវិញ ពោលគឺនឹងពន្លឿនឱ្យច្បាប់នេះដាក់ឱ្យប្រើប្រាស់ជាផ្លូវការឱ្យបានលឿនបំផុតផងដែរ។ (អានបន្ថែម) ២) ការអនុម័តកំណត់ទីតាំងស្ថានីយរថភ្លើងសម្រាប់ទំនិញ និងទីតាំងផែស្ងួតធំ នៅសំរោង ខណ្ឌពោធិ៍សែនជ័យ មិនទាន់មានប្រភពព័ត៌មាន ដែលបញ្ជាក់ពីវិវឌ្ឍនភាពនៃគម្រោងនេះនៅឡើយទេ បើយោងតាមប្រភពព័ត៌មានដែល ទស្សនាវដ្ដីសំណង់ និងអចលនទ្រព្យ ទទួលបានត្រឹមថ្ងៃទី ៩ កក្កដា ២០២១។ ៣) ការអនុម័តជាគោលការណ៍នូវគម្រោងផ្លូវដែកភ្នំពេញ-ហូជីមិញ តាមផែនការនៃគម្រោងនេះនឹងមានការសាងសង់ស្ពានមួយឆ្លងទន្លេមេគង្គនៅភ្នំពេញ និងផ្លូវដែកដែលតភ្ជាប់ពីស្ថានីយសំរោង ទៅតំបន់ជាយក្រុងខាងត្បូងឆ្លងកាត់ទន្លេបាសាក់ផងដែរ។ មកទល់បច្ចុប្បន្ន គម្រោងនៅមិនទាន់អនុវត្ត […]
អានបន្ថែម
គណៈរដ្ឋមន្រ្តីសម្រេចអនុម័តសេចក្តីព្រាងច្បាប់វិនិយោគថ្មីហើយ
គណៈរដ្ឋមន្រ្តី បានសម្រេចអនុម័តទាំងស្រុងលើសេចក្តីព្រាងច្បាប់វិនិយោគថ្មីហើយ នៅក្នុងកិច្ចប្រជុំពេញអង្គគណៈរដ្ឋមន្ត្រី តាមប្រព័ន្ធអនឡាញ (Zoom) កាលពីព្រឹកមិញនេះ។ សម្តេចនាយករដ្ឋមន្រ្តី ហ៊ុន សែន បានថ្លែងក្នុងកិច្ចប្រជុំនោះថា សំណើច្បាប់នេះ ជាមូលដ្ឋានគតិយុត្តិសម្រាប់ទាក់ទាញ និងផ្តល់វិសាលភាពដល់វិនិយោគិនងាយស្រួលក្នុងកិច្ចវិនិយោគមកកម្ពុជា។ សេចក្តីព្រាងច្បាប់វិនិយោគថ្មីនេះ ត្រូវបានចងក្រងដោយអន្តរក្រសួង ដឹកនាំដោយក្រសួងសេដ្ឋកិច្ច និងហិរញ្ញវត្ថ ដោយបានចងក្រងលើសេចក្តីព្រាងច្បាប់ស្តីពីវិនិយោគចាស់ ដែលត្រូវបានអនុម័តដាក់ឱ្យប្រើប្រាស់តាំងពីឆ្នាំ ១៩៩៤។ ច្បាប់ថ្មីនេះ រំពឹងថានឹងធ្វើឱ្យប្រទេសកម្ពុជាក្លាយជាទិសដៅទាក់ទាញសម្រាប់ការវិនិយោគថ្មី និងកែលម្អបរិយាកាសវិនិយោគដើម្បីរក្សាការវិនិយោគដែលមានស្រាប់នៅក្នុងប្រទេស។ គួរបញ្ជាក់ផងដែរថា ក្រោយគណៈរដ្ឋមន្រ្តីអនុម័តរួចហើយ សេចក្ដីព្រាងច្បាប់វិនិយោគនឹងត្រូវបញ្ជូនទៅរដ្ឋសភា និងព្រឹទ្ធសភា តាមដំណាក់កាលផ្លូវច្បាប់ជាបន្តបន្ទាប់ មុននឹងសម្រេចឡាយព្រះហស្តលេខាដោយព្រះមហាក្សត្រ។
អានបន្ថែម
គម្រោងស្ថាបនាកំពង់ផែថ្មីតម្លៃជាង ៨លានដុល្លារនៅកំពត ដើរយឺតជាងផែនការទៀតហើយ
កំពង់ផែទេសចរណ៍តម្លៃ ៨លានដុល្លារ នៅខេត្តកំពត ទំនងជាត្រូវពន្យារពេលបញ្ចប់ការសាងសង់ម្តងទៀតហើយ ដោយសារបញ្ហាកង្វះពលករ និងសម្ភារៈសំណង់ ដែលបណ្ដាលមកពីវិបត្តិកូវីដ១៩ ទោះ ក្រោយយឺតយ៉ាវជាច្រើនលើកច្រើនសារ។ ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងថា ក្រុមការងារក្រសួងទទួលបន្ទុក បានចុះពិនិត្យការវិត្តន៍នៃការសាងសង់កាលពីដើមសប្តាហ៍នេះ ប៉ុន្តែមិនទាន់មានរបាយការណ៍ស្តីពីការត្រួតពិនិត្យនេះនៅឡើយទេ។ ឯកឧត្តម ថ្លែងថា៖ «ក្នុងការបរិបទកូវិដ១៩ បែបនេះ ដំណើរការត្រូវអាក់ខាន កាត់បន្ថយកម្មករ ដូច្នេះ ប្រហែលជាត្រូវពន្យាពេលបញ្ចប់គម្រោង»។ ប្រភពដដែលបានឱ្យដឹងថា បច្ចុបន្នគម្រោងសម្រេចបានត្រឹមប្រមាណ ៧៥% ប៉ុណ្ណោះ ដែលយឺតជាផែនការ។ ជាក់ស្ដែងគម្រោងនេះ គួរតែបញ្ចប់តាំងពីចុងឆ្នាំ ២០២០ មកម្ល៉េះ ប៉ុន្តែយឺតយាវដោយសារវិបត្តិកូវីដ។ ដូច្នេះ កាលពីខែមករា កន្លងទៅ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានចុះពិនិត្យការដ្ឋានដោយផ្ទាល់ ហើយជំរុញឱ្យក្រុមហ៊ុនសាងសង់ពន្លឿនបញ្ចប់ឱ្យបានក្នុងខែមិថុនា នេះ។ (អានបន្ថែម) យ៉ាងណាក្ដី ក្រុមហ៊ុននៅតែមិនទាន់បញ្ចប់ ដោយនឹងពន្យារដល់ទៅចុងឆ្នាំ ២០២១ ឬយឺតយ៉ាវជាងនេះ។ គួរបញ្ជាក់ថា កំពង់ផែនេះកំពុងសាងសង់នៅលើផ្ទៃដីទំហំ […]
អានបន្ថែម
សាលាក្រុងរុះរើសំណង់គ្មានសណ្តាប់ធ្នាប់តាមដងទន្លេបាន ៩៥%ហើយ
បន្ទាប់ពីចេញសេចក្ដីប្រកាសបានរយៈពេល ១ខែ រដ្ឋបាលរាជធានីភ្នំពេញ មកទល់បច្ចុប្បន្ន បានរុះរើបែរត្រី ផ្ទះបណ្ដែតទឹក និងសំណង់គ្មានសណ្តាប់ធ្នាប់តាមដងទន្លេ នៅរាជធានីភ្នំពេញ ប្រមាណ ៩៥% ហើយ ។ លទ្ធផលនៃការអនុវត្តនេះត្រូវបានលើកឡើងនៅក្នុងកិច្ចប្រជុំសាមញ្ញលើកទី២៦ របស់ក្រុមប្រឹក្សារាជធានីភ្នំពេញ ក្រោមវត្តមានរបស់ ឯកឧត្តម ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ និងលោក មាន ចាន់យ៉ាដា អភិបាលរងរាជធានីភ្នំពេញ កាលពីម្សិលមិញនេះ។ លោក មាន ចាន់យ៉ាដា បានឱ្យដឹងថា មានផ្ទះបណ្ដែតទឹក បែត្រី និងសំណង់មិនរៀបរយនៅតាមដងទន្លេទាំងអស់មាន ចំនួន ១៤៧២ទីតាំង ដែលក្នុងចំនួននេះមានបងប្អូនប្រជាពលរដ្ឋបានស្ម័គ្រចិត្តរុះរើចេញមកលើគោកមានចំនួន ១២៤២ទីតាំង។ «នេះចាត់ទុកថា ជាការអនុវត្តវិធានការរៀបចំសណ្ដាប់ធ្នាប់លើផ្ទៃទន្លេ បានយ៉ាងរលូន និងទទួលបានជោគជ័យផងដែរ» លោកបានបន្ត។ គួរបញ្ជាក់ថា នៅថ្ងៃទី១២ ខែមិថុនា ឆ្នាំ២០២១ កន្លងមកនេះ ជាថ្ងៃដែលអាជ្ញាធរប្រើវិធានការរដ្ឋបាលចុះទៅរុះរើ បែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ដើម្បីបើកផ្លូវនាវាចរ កុំឱ្យប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ ប៉ះពាល់ដល់សោភ័ណភាពរាជធានីភ្នំពេញ។ (អានបន្ថែម)
អានបន្ថែម
ក្រសួងឧស្សាហកម្ម៖ ឆមាសទី១-២០២១ មានរោងចក្រចុះបញ្ជីថ្មី ៧៩ ខណៈបិទទ្វារមានដល់ ១៣៥
នៅក្នុងឆមាសទី១ នៃឆ្នាំ២០២១ នេះ ចំនួនគម្រោងវិនិយោគរោងចក្រឧស្សហកម្មដែលចុះបញ្ជីថ្មីមានប្រមាណ ៧៩រោងចក្រ ខណៈចំនួនរោងចក្របិទទ្វារមានដល់ទៅ ១៣៥ រោងចក្រ។ នេះបើយោងតាមរបាយការណ៍បឋមរបស់ក្រសួងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យក្រសួង បានឱ្យដឹងកាលពីថ្ងៃទី ៨ កក្កដា នេះថា រោងចក្រចុះបញ្ជីថ្មី ភាគច្រើនជាប្រភេទរោងចក្រផ្តោតលើការផលិតសម្ភារៈវិជ្ជសាស្ត្រ រួមមានរោងចក្រផលិតម៉ាស់ អាល់កុល ខោអាវពេទ្យ និងរោងចក្រកែច្នៃម្ហូបអាហារជាដើម។ ឯកឧត្តមបន្តថា រោងចក្រថ្មីៗទាំងនេះ មានទុនវិនិយោគសរុប ប្រមាណ ៨០០លានដុល្លារ។ យ៉ាងណាមិញ បើយោងតាមឯកឧត្តមរដ្ឋលេខាធិការ ចំពោះរោងចក្រដែលបានបិទទ្វារវិញ គឺមានចំនួនប្រមាណ ១៣៥ ក្រុមហ៊ុន ដែលប្រកាសបិទដោយសារការរីករាលដាលនៃជម្ងឺកូវីដ-១៩ ។
អានបន្ថែម
ក្រសួងចរចាតម្លៃសង់ផ្លូវ ៣៨ខ្សែ នៅសៀមរាបឡើងវិញ ទោះផ្លូវសង់បានជាង ៦៣% ហើយក្ដី
ក្រសួងសាធារណការ និងដឹកជញ្ជូន កំពុងចរចាតម្លៃសាងសង់ផ្លូវ ៣៨ខ្សែ នៅក្រុងសៀមរាបឡើងវិញ ជាមួយក្រុមហ៊ុនដែលទទួលខុសត្រូវសាងសង់ ទោះបីបច្ចុប្បន្នការសាងសង់សម្រេចបានជាង ៦៣% ហើយក្ដី។ នេះបើយោងតាមកិច្ចប្រជុំរវាង ឯកឧត្តម សួង ហេង រដ្ឋលេខាធិការក្រសួងសាធារណការនិងដឹកជញ្ជូន ជាមួយនឹងភាគីពាក់ព័ន្ធ កាលពីថ្ងៃទី ៧ កក្កដា កន្លងទៅ។ អ្នកនាំពាក្យក្រសួង ឯកឧត្តម វ៉ាស៊ីម សុរិយា បានពន្យល់ថា មូលហេតុដែលទើបតែចរចាតម្លៃពេលផ្លូវសង់ជិតរួចហើយដូច្នេះ គឺដោយសារតែមូលហេតុ ២។ ទី១ ការចរចាគឺសម្រាប់ផ្នែកដែលមិនទាន់បានចាប់ផ្ដើមសាងសង់ ឬសម្រាប់ថ្លៃសេវាដែលមិនទាន់បានគិតគូរ។ នេះគឺដោយសារតែគម្រោងត្រូវធ្វើជាដំណាក់កាលៗ ដូច្នេះការបង់ថ្លៃសេវាក៏ធ្វើឡើងជាដំណាក់កាលៗដែរ។ ទី២ ការសាងសង់ដែលសម្រេចបាន គឺធ្វើឡើងដោយប្រើថវិកាបុរេប្រទាន (ថរិកាត្រៀមបម្រុង) សិន ដោយមិនទាន់មានការចរចាតម្លៃជាមួយនឹងក្រុមហ៊ុនឡើយទេ។ ការធ្វើដូច្នេះ គឺដើម្បីកុំឱ្យខាតពេល ដោយរដ្ឋអាចបើកការដ្ឋានបានឆាប់ៗ ហើយរឿងតម្លៃគឺមកចរចាពេលក្រោយបាន។ ក្រៅពីការចរចាថ្លៃសាងសង់ កិច្ចប្រជុំក៏បានពិភាក្សាអំពីការងារបច្ចេកទេសដើម្បីរិះរកនីតិវិធីធ្វើឱ្យផ្លូវទាំង ៣៨ខ្សែ នេះ មានគុណភាពរឹងមាំ ប្រើប្រាស់បានយូរ ចំណាយថវិកាចំគោលដៅ និងអាចបញ្ចប់តាមផែនការ។ សូមជម្រាបជូនថា គិតត្រឹមថ្ងៃទី ២៥ ខែមិថុនា ឆ្នាំ២០២១ […]
អានបន្ថែម