តើច្បាប់តម្រូវឱ្យម្ចាស់គម្រោងសំណង់គ្រប់គ្រងប្រព័ន្ធលូដូចម្ដេច?បើគ្មានប្រព័ន្ធលូត្រឹមត្រូវ អាចប្ដឹងបានទេ?
តើអ្នកដឹងទេថា កម្ពុជាយើងក៏បានអនុម័តច្បាប់គ្រប់គ្រងការបញ្ចេញចោលកាកសំណល់ទាំងរឹង និងរាវ ជាពិសេសសម្រាប់គម្រោងសំណង់នានា។ ហើយបើធ្វើខុសពីអ្វីដែលច្បាប់កំណត់ អាចនឹងត្រូវផាកពិន័យខ្ពស់បំផុតដល់ទៅ ១០លានរៀលឯណោះ។ មកស្វែកយល់ទាំងអស់គ្នា ថាម្ចាស់គម្រោងសំណង់នានាត្រូវគោរពតាមបទបញ្ញត្តិអ្វីខ្លះ? តាមច្បាប់ ម្ចាស់សំណង់អគារទាំងអស់ ត្រូវរៀបចំអាងសិបទិច ឬជាប្រភេទអាងស្តុកបំបែកសំណល់សរីរាង្គទឹកកខ្វក់ចេញពីបង្គន់ និងបន្ទប់ទឹក មុននឹងបញ្ចេញទៅក្នុងប្រព័ន្ធលូ ពោលគឺឱ្យស្របតាមលិខិតអនុញ្ញាតសាងសង់។ បើតាមមាត្រា២២ នៃអនុក្រឹត្យ ២៣៥ អនក្រ.បក ម្ចាស់សំណង់អគារក៏ត្រូវស្នើសុំតភ្ជាប់បណ្តាញលូមុននឹងការបញ្ចេញទឹកកខ្វក់ទៅក្នុងប្រព័ន្ធលូសាធារណៈផងដែរ។ សំណើត្រូវស្នើទៅរដ្ឋបាលក្រុង ស្រុក ខណ្ឌ ឬស្ថាប័នផ្សេងៗអាស្រ័យលើទំហំនឹងប្រភេទសំណង់នីមួយៗ រួមមានដូចជា៖ ១) ការិយាល័យសាធារណការ និងដឹកជញ្ជូនក្រុង ស្រុក ខណ្ឌ ចំពោះទីតាំងមានបរិវេណក្រោម ៣០ ០០០ ម៉ែត្រក្រឡា ឬផ្ទៃក្រឡាអគារតូចជាង ៥០០០ ម៉ែត្រក្រឡា ២) មន្ទីរសាធារណការ និងដឹកជញ្ជូនរាជធានី ខេត្ត ចំពោះទីតាំងមានបរិវេណចាប់ពី ៣០ ០០០ ម៉ែត្រក្រឡាដល់ ១០០ ០០០ ម៉ែត្រក្រឡា ឬផ្ទៃក្រឡាអគារចាប់ពី ៥០០០ ម៉ែត្រក្រឡា ដល់ ១៥ ០០០ […]
អានបន្ថែម
ADB ផ្ដល់កម្ចី ១២លានដុល្លារ មកលើកកម្ពស់ហេដ្ឋារចនាសម្ព័ន្ធធំៗ ៣ នៅខេត្តកំពង់ធំ
ធនាគារអភិវឌ្ឍន៍អាស៊ី (ADB) សម្រេចផ្ដល់កម្ចី ១២លានដុល្លារអាមេរិក ដល់កម្ពុជា ដើម្បីយកធ្វើទំនើបកម្មសាងសង់ស្ថានីយប្រព្រឹត្តិកម្មទឹកកខ្វក់ ប្រព័ន្ធលូ ទីលានចាក់សំរាម និងហេដ្ឋារចនាសម្ព័ន្ធពាក់ព័ន្ធសំខាន់ៗផ្សេងទៀតនៅក្នុងក្រុងស្ទឹងសែន ខេត្តកំពង់ធំ។ នេះបើតាមកិច្ចប្រជុំកាលពីថ្ងៃទី ០៧ ខែកក្កដា ឆ្នាំ២០២១ របស់រដ្ឋបាលខេត្តកំពង់ធំ។ លោក ជូ កុល្លា ប្រធានមន្ទីរសារធារណការ និងដឹកជញ្ជូនខេត្តកំពង់ធំ បានឱ្យដឹងថា គម្រោងទាំងមូលរួមមាន ការសាងសង់ស្ថានីយប្រព្រឹត្តិកម្មទឹកកខ្វក់ដែលអាចច្រោះទឹកប្រមាណ ២៥០០ ម៉ែត្រគូប/ថ្ងៃ ការសាងសង់បំពង់លូទឹកស្អុយមានប្រវែងប្រមាណ ៣៩,២ គីឡូម៉ែត បណ្តាញលូបង្ហូរទឹក មានប្រវែងប្រមាណ ១៧,១ គីឡូម៉ែត និងការសាងសង់ទីលានចាក់សំរាមដែលអាចដាក់សំរាមបានចំនួន ៤៨ ០០០ម៉ែត្រគូប ជាដើម។ កាលពីថ្ងៃទី ០៦ ខែកក្កដា កន្លងទៅ ក្រសួងសាធារណការ និងដឹកជញ្ជូន បានចុះកិច្ចសន្យាសាងសង់ជាមួយក្រុមហ៊ុន China First Metallurgical Group Ltd. រួចហើយ ដោយគម្រោងនឹងប្រើពេល ៣ ឆ្នាំក្នុងការសាងសង់ ពោលគឺចាប់ខែកក្កដា ឆ្នាំ២០២០ ដល់ខែកក្កដា […]
អានបន្ថែម
សមាគមធនាគារ៖ គ្មានការរឹបអូសទ្រព្យបញ្ចាំរបស់អតិថិជនឡើយ ក្នុងអំឡុងវិបត្តិកូវីដនេះ
សមាគមធនាគារនៃកម្ពុជា បានឱ្យដឹងកាលពីថ្មីៗនេះ ក្នុងអំឡុងវិបត្តិកូវីដនេះ មិនទាន់ការរឹបអូសទ្រព្យបញ្ចាំរបស់អតិថិជនណាមួយឡើយ ទោះមានការយឺតយ៉ាវក្នុងការសងបំណុលក្ដី ប៉ុន្តែផ្ទុយទៅវិញគ្រប់ធនាគារបាន និងកំពុងជួយសម្រាលការលំបាករបស់អតិថិជនយ៉ាងសកម្ម ដើម្បីឆ្លងផុតវិបត្តិនេះបានទាំងអស់នេះ។ លោក ហេង កូយ ប្រធានចាត់ការទូទៅ នៃសមាគមធនាគារនៅកម្ពុជា បានឱ្យដឹងនៅថ្ងៃទី ៧ កក្កដា នេះថា ៖ «យើងមិនមានរបាយការណ៍ណាមួយលើការរឹបអូសវត្ថុបញ្ចាំឡើយ ហើយបើមានការកើតឡើង យើងនឹងធ្វើយ៉ាងណា សម្រួលស្ថានការណ៍កុំឱ្យបង្កើនបន្ទុកដល់ប្រជាពលរដ្ឋ ព្រោះប្រជាពលរដ្ឋមានបន្ទុកកូវីដ-១៩ រួចហើយ»។ លើសពីនេះ លោកបន្តថា ដើម្បីចូលរួមជួយគាំទ្រ និងសម្រួលដល់អតិថិជនក្នុងគ្រាដ៏លំបាកនៃជំងឺកូវីដ១៩នេះ សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានដាក់ចេញនូវគោលការណ៍ដូចជា លើកលែងការបង់ការប្រាក់ និងរាល់ការផាកពិន័យទាំងអស់ ព្រមទាំងទទួលបានការរៀបចំឥណទានឡើងវិញផងដែរ។ គួរបញ្ជាក់ថា ចំនួនកូនបំណុលដែលប៉ះពាល់ដោយវិបត្តិកូវីដ ហើយស្នើរៀបចំកម្ចីឡើងវិញ នៅឆ្នាំ ២០២០ (សុំសងតែការប្រាក់ មិនសងប្រាក់ដើមមួយរយៈ) មានជាង ២៤០,០០០ គណនី ដែលក្នុងនោះកូនបំណុលក្នុងវិស័យសំណង់ស្ថិតលំដាប់ទី ៣ ដែលមានគណនីសរុបចំនួន ២០ ៦០៩ គណនី។ នេះបើយោងតាមរបាយការណ៍ស្ថិរភាពហិរញ្ញវត្ថុប្រចាំឆ្នាំ២០២០ ដែលចេញផ្សាយនៅថ្ងៃទី ៣១ ឧសភា។ របាយការណ៍ដដែលបានបន្ថែមថា […]
អានបន្ថែម
គម្រោងការពារទឹកជំនន់ និងកែលម្អលូជំហានទី៤ សម្រេចបានជិត ១០០% ហើយ
គម្រោងការពារទឹកជំនន់ និងកែលម្អប្រឡាយលូជំហានទី៤ នៅខណ្ឌដូនពេញ ដែលកំពុងសាងសង់ក្រោមជំនួយឥតសំណងរបស់ប្រទេសជប៉ុន មកទល់បច្ចុប្បន្ន សម្រេចបានប្រមាណ ៩៨% ហើយ។នេះបើយោងតាមមន្ទីសាធារណការ និងដឹកជញ្ជូនរាជធានីភ្នំពេញ កាលពីថ្ងៃទី៧ ខែកក្កដា ឆ្នាំ២០២១។ គម្រោងនេះ រួមមាន ការដាក់លូមេដែលមានទំហំអង្កត់ផ្ចិត ១,៥ម ដល់ ២,៣ម ការសាងសង់អាងក្រោមដីទំហំ ៦៥.០០០ម៉ែត្រគូប (បណ្តោយ ១៣៥ម ទទឹង ១៣ម ជំរៅ ៤ម) និងសាងសង់ស្ថានីយបូមទឹកថ្មី មានសមត្ថភាពបូមទឹក ១,៤ម៉ែត្រគូបក្នុង១វិនាទី។ គម្រោងនេះ នឹងដោះស្រាយបញ្ហាទឹកលិចនៅតំបន់ជុំវិញ និងខាងជើងវត្តភ្នំ រួមមានផ្លូវលេខ ៤៧ ផ្លូវលេខ ៩០ ផ្លូវលេខ ៩២ ជាដើម។ ជាក់ស្ដែង កាលពីថ្ងៃទី៣ ខែមិថុនា កន្លងមកនេះ។ ម៉ាស៊ីនមេកានិច ដែលមានមុខងារស្ទាក់កាយ និងប្រមូលសំរាមស្វ័យប្រវត្តិទី៤ ដែលជាផ្នែកមួយនៃគម្រោង ក៏ត្រូវបានប្រកាសដាក់ឱ្យដំណើរការហើយដែរ។ (អានបន្ថែម) គួរបញ្ជាក់ថា គម្រោងការពារទឹកជំនន់ និងកែលម្អប្រព័ន្ធប្រឡាយលូជំហានទី៤ ជាជំនួយរបស់ជប៉ុនដែលមានទំហំទឹកប្រាក់ប្រមាណជាង ៣៦លានដុល្លារអាមេរិក។
អានបន្ថែម
ក្រសួងជ្រើសរើសរោងចក្រ ៥០ កន្លែងដើម្បីអនុវត្តបច្ចេកវិទ្យាថ្មីកាត់បន្ថយការបញ្ចេញឧស្ម័នពុល
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សម្រេចជ្រើសរើស រោងចក្រ ៥០ កន្លែង នៅ ភ្នំពេញ ខេត្តព្រះសីហនុ និងបាត់ដំបង ដើម្បីធ្វើជាគំរូអនុវត្តបច្ចេកវិទ្យាថ្មីកាត់បន្ថយការបញ្ចេញឧស្ម័នពុល ឬហៅកាត់ថា TEST។ កម្មវិធីនេះ ជាក់ស្ដែង ចាប់ផ្ដើមតាំងពីឆ្នាំ ២០១៨ មកម្ល៉េះ ដោយនឹងបញ្ចប់ការអនុវត្តនៅឆ្នាំ ២០២១ នេះ ប៉ុន្តែដោយសារតែវិបត្តិកូវីដ កម្មវិធីនឹងត្រូវបន្តអនុវត្តដល់ឆ្នាំ ២០២២។ គម្រោងនេះ មានឈ្មោះពេញថា «គម្រោងអភិវឌ្ឍន៍ដែលបញ្ចេញកាបូនតិច ដើម្បីផលិតភាព និងការកាត់បន្ថយការប្រែប្រួលអាកាសធាតុតាមរយៈការផ្ទេរបច្ចេកវិទ្យាអំណោយផលល្អដល់បរិស្ថានជំហានទី២» ឬ Transfer of Environmentally Sound Technology methodology (TEST)។ TEST មានគោលដៅប្រើវិធីសាស្ត្រចម្រុះដើម្បីរោងចក្រនីមួយៗ កាត់បន្ថយការប្រើប្រាស់វត្ថុធាតុដើម គ្រឿងផ្សំ ថាមពលអគ្គិសនី ទឹក ប្រេងឥន្ធនៈ និងកាកសំណល់ ទិសដៅដើម្បីបង្កើនផលិតភាព គុណភាព និងការពារបរិស្ថាន។ វិធីសាស្ត្រទាំងនោះ រួមមាន ការជ្រើសរើសបច្ចេកវិទ្យាសមស្រប ការប្រើប្រាស់ធនធានឱ្យមានប្រសិទ្ធភាព ផលិតកម្មស្អាត […]
អានបន្ថែម
កម្ពុជានឹងរៀបចំកម្មវិធីពានរង្វាន់ឧស្សាហកម្មបៃតង ដើម្បីជំរុញឱ្យរោងចក្រគិតគូរពីបរិស្ថានជាងមុន
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នឹងបង្កើត «កម្មវិធីពានរង្វាន់ឧស្សាហកម្មបៃតងកម្ពុជា» ក្នុងគោលបំណងលើកទឹកចិត្ត និងជំរុញឱ្យក្រុមហ៊ុន រោងចក្រ និងសហគ្រាសទាំងអស់នៅកម្ពុជា ជួយគ្នាការពារបរិស្ថាន។ សេចក្តីជូនដំណឹងរបស់ក្រសួងកាលពីថ្ងៃទី៥ កក្កដា បានឱ្យដឹងថា កម្មវិធីនេះ មានគោលបំណងទទួលស្គាល់ និងផ្តល់រង្វាន់ ដល់កិច្ចខិតខំប្រឹងប្រែងរបស់រោងចក្រនានា លើការប្រើប្រាស់បច្ចេកវិទ្យាថ្មីៗ ក្នុងសង្វាក់ផលិតកម្មដែលប៉ះពាល់ដល់បរិស្ថានតិច។ ក្រសួងបានបញ្ជាក់ថា ការផ្ដល់រង្វាន់គឺផ្អែកទៅលើច្រើនកត្តាដូចជា កម្រិតផលប៉ះពាល់បរិស្ថាន ប្រសិទ្ធភាពធនធាន និងផលិតស្អាត គណនេយ្យភាព ប្រព័ន្ធគ្រប់គ្រងបរិស្ថាន ទំនួលខុសត្រូវក្នុងសង្គមរបស់អាជីវកម្ម និងការលើកកម្ពស់ការយល់ដឹងជាដើម។ អ្នកឈ្នះមិនត្រឹមតែទទួលបានពានរង្វាន់នោះ តែនឹងត្រូវបានក្រសួងជួយគាំទ្រ និងផ្សព្វផ្សាយអាជីវកម្មជាសាធារណៈដោយឥតគិតថ្លៃថែមទៀតផង។ លើសពីនេះ បើបច្ចេកវិទ្យាគួរចាប់អារម្មណ៍ ក្រសួងនឹងបន្តគាំទ្រ ជួយពង្រីក និងពង្រឹងបច្ចេកវិទ្យា ឬគោលនយោបាយនោះផងដែរ។ ចំពោះ ម្ចាស់ក្រុមហ៊ុន រោងចក្រ សហគ្រាស និងសិប្បកម្មទាំងអស់ ដែលចាប់អារម្មណ៍ អាចទៅទទួលពាក្យស្នើសុំពីការិយាល័យកម្មវិធីពានរង្វាន់ឧស្សាហកម្មបៃតងកម្ពុជា នៅទីស្ដីការក្រសួង ចាប់ពីថ្ងៃជូនដំណឹង រហូតដល់ថ្ងៃទី៣១ ខែកក្កដា ឆ្នាំ២០២១។
អានបន្ថែម
ភាគីថៃអះអាងថាមិនបានចម្លងប្រាសាទអង្គរទេ តែរចនាតាមគំរូប្រាសាទមួយចំនួនក្នុងតំបន់
ភាគីថៃអះអាងថា ការកសាងប្រាសាទនៅខេត្តបុរីរាំ មិនបានលួចចម្លងប្លង់តាមប្រាសាទអង្គរវត្តឡើយ តែជាគំរូប្លង់គូរដោយខ្លួនឯង និងរចនាទៅតាមស្ថាបត្យកម្មប្រាសាទមួយចំនួនដែលមានក្នុងតំបន់នោះ។ នេះបើយោងតាម ព័ត៌មានបឋមដែលមន្រ្តីស្ថានទូតកម្ពុជាប្រចាំនៅទីក្រុងបាងកក ទទួលបានក្នុងកិច្ចចុះស្រាវជ្រាវប្រមូលព័ត៌មានពាក់ព័ន្ធ។ ការស្រាវជ្រាវនេះ ធ្វើឡើងបន្ទាប់ពីមានមតិរិះគន់ពីប្រជាពលរដ្ឋខ្មែរ ថាការកសាងប្រាសាទថ្មមួយនេះបានចម្លងរចនាបទប្រាសាទអង្គរ។ (អានបន្ថែម) យោងតាមសេចក្តីប្រកាសក្រសួងវប្បធម៌ និងវិចិត្រសិល្បៈ កាលពីព្រឹកមិញនេះ ចៅអធិការវត្តនៅប្រទេសថៃអះអាងថា ប្រាសាទនេះជាសំណង់មួយក្នុងចំណោមសំណង់ប្រាសាទថ្មដទៃទៀត ដែលមានភាពចម្រុះគ្នា និងជាទីប្រតិស្ឋាននៃព្រះពុទ្ធរូបសម្រាប់បូជា។ ចៅអធិការវត្តបានឱ្យដឹងទៀតថា បើយោងតាមឯកសារប្លង់ ការកសាងប្រាសាទនេះមិនបានលួចចម្លងប្លង់ពីប្រាសាទអង្គរវត្ត ឬប្រាសាទបុរាណណាមួយនៅក្នុងប្រទេសកម្ពុជាឡើយ។ ប៉ុន្តែការកសាងសង់ គឺតាមគំរូប្លង់ដោយខ្លួនឯង និងរចនាទៅតាមស្ថាបត្យកម្មប្រាសាទមួយចំនួនដែលមានក្នុងតំបន់នោះ។ ភាគីថៃក៏បានបន្តទៀតថា ម្ចាស់គម្រោងប្រាសាទ នឹងស្វាគមន៍ជានិច្ចបើមន្រ្តីជំនាញផ្នែកស្ថាបត្យកម្មកម្ពុជាចង់ចុះត្រួតពិនិត្យ ក្នុងករីណមានការមន្ទិលសង្ស័យ។ យ៉ាងណាមិញ នេះគ្រាន់តែជាព័ត៌មានបឋមដែលក្រសួងវប្បធម៌ និងវិចិត្រសិល្បៈទទួល ប៉ុន្តែការស្រាវជ្រាវនៅតែបន្ត។
អានបន្ថែម
ក្រុមហ៊ុន CNGC គ្រោងបង្កើតស្ថានីយស្តុកឧស្ម័ន LNG និងបណ្ដាញបញ្ជូនទ្រង់ទ្រាយធំនៅកម្ពុជា
ក្រុមហ៊ុន Cambodia Natural Gas Corporation (CNGC) គ្រោងវិនិយោគបង្កើតឃ្លាំងស្តុកឧស្ម័នធម្មជាតិ LNG និងបណ្ដាញបញ្ជូនគ្រប់ជ្រុងជ្រោយបែបទ្រង់ទ្រាយធំ នៅកម្ពុជា។ នេះបើយោងតាមសារព័ត៌មាន Upstream Online កាលពីថ្មីៗនេះ។ យោងតាមផែនការ ឧស្ម័នធម្មជាតិ LNG នឹងត្រូវនាំចូលពីក្រៅប្រទេស ហើយគម្រោងទាំងមូលនឹងរួមមាន ការសាងសង់ស្ថានីយពហុមុខងារសម្រាប់ស្ដុកឧស្ម័នចំនួន ២៧កន្លែង រថយន្ដដឹកឧស្ម័នធុនធំជាច្រើនគ្រឿង បំពង់បង្ហូរសម្ពាធខ្ពស់ប្រវែង ២៨២៥ គីឡូម៉ែត្រតភ្ជាប់ទៅបណ្ដាខេត្តនានា បណ្តាញបំពង់បង្ហូរសម្ពាធមធ្យម និងទាប ក៏ដូចជាស្ថានីយបញ្ជូលហ្គាស ក្នុងទីក្រុងភ្នំពេញផងដែរ។ ប្រភពដដែលបានឱ្យដឹងថា ក្រុមហ៊ុនថាមពល និងហ្គាសខ្នាតយក្សនៃក្រុមហ៊ុន CNOOC គឺជាអ្នកទទួលបានសិទ្ធក្នងការសាងសង់ឃ្លាំងស្តុកឧស្ម័នធម្មជាតិ (LNG) នេះ។ មកទល់បច្ចុប្បន្ន ក្រុមហ៊ុនបុត្រសម្ព័ន្ធរបស់ CNOOC គឺក្រុមហ៊ុន China Offshore Oil Engineering Company បានបញ្ចប់ការសិក្សាសមិទ្ធិលទ្ធភាព និងរៀបចំប្លង់លើទីតាំងគម្រោងរួចហើយ ដោយការសិក្សាគឺផ្តោតលើហេដ្ឋារចនាសម្ព័ន្ធឃ្លាំងស្តុក ដែលនឹងអាចស្តុកឧស្ម័នដល់ទៅជាង ២២ម៉ឺនម៉ែត្រគូប។ ខណៈនេះ ក្រុមហ៊ុនកំពុងរង់ចាំការសម្រេចចិត្តពី CNGC មុននឹងឈានដល់ដំណាក់កាលលទ្ធកម្ម និងសាងសង់។ […]
អានបន្ថែម
ឆមាសទី១ CDC អនុម័តការវិនិយោគសរុប ៨៧គម្រោង តម្លៃជិត ៣ពាន់លានដុល្លារ កើនជាង១០%
ក្រុមប្រឹក្សាអភិវឌ្ឍន៍កម្ពុជា (CDC) នៅក្នុងឆមាសទី១ ឆ្នាំ២០២១ បានអនុម័តគម្រោងវិនិយោគថ្មី និងគម្រោងពង្រីកផលិតកម្មសរុប ៨៧គម្រោង ឬស្មើនឹងទុនវិនិយោគចំនួនជិត ៣ពាន់លានដុល្លារ ដែលកើនប្រមាណ ១០% ឬ ៣១៥លានដុល្លារអាមេរិក។ បើយោងតាមចុះផ្សាយរបស់ Fresh News កាលពីថ្ងៃទី៦ ខែកក្កដា បើធៀបនឹងរយៈពេលដូចគ្នានៅឆ្នាំ ២០២០ ជាក់ស្ដែង ចំនួនគម្រោងមានការថយចុះ ៦៣គម្រោង ឬស្មើនឹង ៧២% តែទុនវិនិយោគគឺមានការកើនឡើងរហូត ៣១៥ លានដុល្លារអាមេរិក ឬស្មើនឹង១០% ។ ការកើនឡើងនេះ ដោយសារវត្តមាននៃគម្រោងវិនិយោគធំៗមួយចំនួន ដូចជាគម្រោងរោងចក្រអគ្គិសនី ធ្យូងថ្មអានុភាព ៧០០មេហ្កាវ៉ាត់ របស់ក្រុមហ៊ុន Huadian Sihanoukville Power Generation Co., Ltd តម្លៃ ១,៣ ពាន់លានដុល្លារអាមេរិក រោងចក្រផលិតក្រដាសរបស់ក្រុមហ៊ុន Shunying Pulp and Paper Company Limited តម្លៃ ៥០៤លានដុល្លារអាមេរិក និងរោងចក្រផលិតសំបកកង់យានយន្តរបស់ក្រុមហ៊ុន […]
អានបន្ថែម
CBRE៖ ទីផ្សារអចលនទ្រព្យបន្តមានហានិភ័យ និងស្រពិចស្រពិល ទោះការចាក់វ៉ាក់សាំងកើនឡើងក្ដី
ទីផ្សារអចលនទ្រព្យនៅកម្ពុជា នៅតែបន្តរងសម្ពាធ និងមានភាពមិនប្រាកដប្រជាខ្ពស់ បើទោះបីជាយុទ្ធនាការចាក់វ៉ាក់សាំងរបស់រដ្ឋាភិបាលកើនឡើងជាបន្តបន្ទាប់ក្ដី។ កត្តានេះធ្វើឱ្យអ្នកជំនាញ បារម្ភថាទីផ្សារនឹងមិនទាន់អាចងើបឡើងក្នុងពេលឆាប់ៗនេះទេ។ យោងតាមសន្និសីទនៃបទបង្ហាញទិន្នន័យទីផ្សាររបស់ភ្នាក់ងារអចលនទ្រព្យ CBRE កាលពីម្សិលមិញ គិតត្រឹមឆមាសទី ១ វិស័យធំៗទាំង៤ នៃទីផ្សារអចលនទ្រព្យ នៅតែមាននិន្នាការធ្លាក់ចុះ។ សម្រាប់ទីផ្សារខុនដូ មានតែ ៥ ក្នុងចំណោម ១៧ គម្រោងប៉ុណ្ណោះ ដែលបានការបញ្ចប់ការដ្ឋានតាមផែនការសម្រាប់ឆ្នាំ ២០២១។ លើសពីនេះ ចំនួនខុនដូដែលគម្រោងនឹងបញ្ចប់នៅឆ្នាំ ២០២១ ត្រូវបានព្យាករថានឹងធ្លាក់ចុះពី ១០.៨២៥ យូនីត មកនៅត្រឹមតែ ៧.៩០៩ យូនីត ប៉ុណ្ណោះ ដោយសារគម្រោងមួយចំនួនផ្អាកការសាងសង់។ ឆមាសទី ១ នេះ តម្លៃលក់ខុនដូកម្រិតខ្ពស់ និងកម្រិតមធ្យមធ្លាក់ចុះ ៦,២% និង ៧,១%។ ដូចគ្នានេះ តម្លៃជួលក៏ធ្លាក់ចុះ ២,៧% និង ០,៧% បើធៀបនឹងឆមាសទី២ នៃឆ្នាំ២០២០។ សម្រាប់ទីផ្សារអាផាតមិនជួលវិញ ក៏ធ្លាក់ចុះគួរឱ្យកត់សម្គាល់ដែរ ដោយអត្រាជួលធ្លាក់ចុះ ៥,២% និង ៦,៧% សម្រាប់អាផាតមិន […]
អានបន្ថែម
បុរី ហ្គោលដេន ផាក បើកលក់មុនសម្ពោធគម្រោង ជាមួយការបញ្ចុះតម្លៃរហូតដល់ ១២%
នៅថ្ងៃទី ០៨ ខែកក្កដា ឆ្នាំ ២០២១ បុរី ហ្គោលដេន ផាក នឹងធ្វើការបើកលក់មុនសម្ពោធគម្រោង ដឹណេតឆឹរ៉ល ដែលមានសួនធម្មជាតិដ៏ធំទំហំ ៤,៥ ហិកតា ដោយមានការបញ្ចុះតម្លៃដ៏អស្ចារ្យរហូតដល់ ១២% ជាមួយលក្ខខណ្ឌបង់ប្រាក់ងាយស្រួលសម្រាប់អតិថិជន ដោយមិនចាំបាច់មានប្រាក់កក់ និង គ្មានការប្រាក់រហូតដល់ ២៤ខែ។ គម្រោង ដឹណេតឆឺរ៉ល ដែលនឹងត្រូវសាង់សង់នៅលើផ្ទៃដីជិត ៥០ហិកតា អមជាមួយសួនធម្មជាតិដ៏ធំទំហំ ៤,៥ហិកតា ស្ថិតនៅក្នុងតំបន់សក្តានុពលសេដ្ឋកិច្ចខ្លាំងដែលមានទន្លេអមសងខាង ជាទីតាំងលូតលាស់សម្បូរបែបក្បែរកន្លែងដែលអ្នកចង់ទៅដល់ ដោយមានការរចនាម៉ូតដ៏ទាន់សម័យ។ គម្រោង ដឹណេតឆឺរ៉ល របស់ បុរី ហ្គោលដេន ផាក នឹងបងើ្កតបរិយាកាសរស់នៅថ្មីមួយ ជាមួយទីធ្លាដ៏ធំវិសេសវិសាល សម្រាប់គ្រប់សកម្មភាព ការលម្ហែ និង ប្រណិតភាព។ បុរី ហ្គោលដេន ផាក គម្រោង ដឹណេតឆឺរ៉ល កំពុងបង្កើតសហមគន៍ថ្មីដែលអ្នកនឹងហៅថាផ្ទះ ព្រោះអ្នកមិនត្រឹមតែត្រូវការកន្លែងរស់នៅប៉ុណ្ណោះទេ ប៉ុន្តែអ្នកត្រូវការទីកន្លែងដែល ស្រស់ ស្រឡះ ធម្មជាតិ។ បុរី ហ្គោលដេនផាក ផ្តល់ជូនអតិថិជនមិនត្រឹមតែជាសំណង់លំនៅឋានដែលមានគុណភាព […]
អានបន្ថែម
ដីជាង១ពាន់ហិកតានៅកោះកុង នឹងត្រូវរៀបចំជាតំបន់អភិវឌ្ឍ និងវិស្សមកាលក្រសួងការពារជាតិ
រដ្ឋបាលខេត្តកោះកុងបានយល់ព្រមផ្តល់ដី ១ ១០២ហិកតា ដែលជាដីបម្រុងរបស់រដ្ឋបាលខេត្ត ឱ្យទៅក្រុមការងារក្រសួងការពារជាតិ សម្រាប់រៀបចំជាតំបន់អភិវឌ្ឍសម្តេចពិជ័យសេនា ទៀ បាញ់ និងតំបន់វិសមកាលក្រសួងការពារជាតិ។ សម្តេច ទៀ បាញ់ រដ្ឋមន្ដ្រីក្រសួងការពារជាតិ ត្រូវបានស្រង់សម្តីក្នុងសារព័ត៌មានភ្នំពេញប៉ុស្តិ៍ កាលពីថ្ងៃ៦ ខែកកក្កដា នេះថា តំបន់នេះនឹងត្រូវអភិវឌ្ឍឱ្យជឿនលឿន ដោយមានការស្ថាបនាហេដ្ឋារចនាសម្ព័ន្ធផ្លូវថ្នល់ ស្របតាមបណ្ដោយមាត់សមុទ្រចាប់ពីតំបន់តារាសាគររហូតដល់ទីរួមខេត្ដកោះកុង។ យោងតាមលោក សុខទ្ធី អភិបាលរងខេត្តនិងជាអ្នកនាំពាក្យសាលាខេត្តកោះកុង ដីបម្រុងទំហំជាង ១ ពាន់ហិកតានេះ ស្ថិតនៅឃុំជ្រោយប្រស់ ស្រុកកោះកុង។ យ៉ាងណាក្ដី ព័ត៌មានលម្អិតនៃគម្រោងថាតម្លៃប៉ុន្មាន ហើយនឹងចាប់ផ្ដើមពេលណា ប្រភពដដែលមិនទាន់បានបញ្ជាក់នៅឡើយទេ។
អានបន្ថែម