គម្រោងផ្លូវល្បឿនលឿនភ្នំពេញ-ព្រះសីហនុ សាងសង់សម្រេចបាន៦០%
គម្រោងស្ថាបនាផ្លូវល្បឿនលឿនភ្នំពេញ-ខេត្តព្រះសីហនុ តម្លៃ២ពាន់លានដុល្លារ គិតត្រឹមខែឧសភា សាងសង់សម្រេចបានប្រមាណ៦០%ហើយ។ នេះបើយោងតាមហ្វេសប៊ុករបស់ផ្លូវល្បឿនលឿនភ្នំពេញ-ព្រះសីហនុ នៅថ្ងៃទី១ ខែមិថុនា ឆ្នាំ២០២១។ កាលពីពេលថ្មីៗនេះ ប្រភពដដែលក៏ធ្លាប់បានឲ្យដឹងថា គម្រោងស្ថាបនាផ្លូវល្បឿនលឿនភ្នំពេញ-ខេត្តព្រះសីហនុ បានឈានទៅមុខបានមួយជំហ៊ានទៀតហើយ ដោយស្ពានអាកាសផ្លាស់ប្តូរទិសទី១ នៃការិយាល័យគ្រប់គ្រងគម្រោងទី៣ នៃគម្រោងនេះបានចាប់ផ្តើមលេចចេញជារូបរាងហើយ។ ដោយក្នុងនោះ ស្ពានអាកាសផ្លាស់ប្តូរទិសទី១នេះ គឺបានបញ្ចប់ការដំឡើងធ្នឹមតភ្ជាប់ (Girder) ដែលជារបកគំហើញដ៏សំខាន់មួយនៅក្នុងការសាងសង់សំណង់ស្ពាន។ (អានបន្ថែម) ) អ្នកនាំពាក្យក្រសួងសាធារណការនិងដឹកជញ្ជូន លោក ហ៊ាង សុទ្ធាយុទ្ធ ធ្លាប់បានឱ្យដឹងកាលពីដើមខែឧសភាដែរថា ដំណើរការសាងសង់គម្រោងនេះ នៅតែបន្តដោយរលូន ទោះមានការបិទខ្ទប់ និងវិបត្តិកូវីដក្ដី។ មន្រ្តីជាន់ខ្ពស់រូបនេះ អះអាងថា នៅពេលសាងសង់រួចរាល់ គម្រោងនេះនឹងជាផ្នែកមួយដ៏សំខាន់់ក្នុងការជួយលើកស្ទួយដល់សេដ្ឋកិច្ច ប្រទេសកម្ពុជា។ គួររម្លឹកផងដែរថា គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ បានបើកការដ្ឋានសាងសង់ កាលពីថ្ងៃទី២២ ខែមីនា ឆ្នាំ២០១៩។ ផ្លូវនេះមានប្រវែង ១៩០គីឡូម៉ែត្រ សាងសង់ដោយក្រុមហ៊ុន Cambodian PPSHV Expressway Co., Ltd ហើយគ្រោងនឹងប្រើរយៈពេលសាងសង់ ៤៨ខែ៕
អានបន្ថែម
ក្រុមហ៊ុនអ៊ឺរ៉ុបដ៏ធំមួយ ប្រកាសផ្អាកការបញ្ជារទិញពីប្រទេសភូមា ហើយបង្វែរការបញ្ជារទិញពីកម្ពុជាវិញ
ក្រុមហ៊ុនម៉ាកល្បីរបស់ប្រទេសអង់គ្លេស Next បានប្រកាសថា នឹងបង្វែរការបញ្ជារទិញពីរោងចក្រផលិតនៅប្រទេសមីយ៉ាន់ម៉ា ទៅកាន់ប្រទេសផ្សេង ក្នុងនោះរួមមានកម្ពុជា។ ការបង្វែរការបញ្ជាទិញនេះ គឺដើម្បីចូលរួមជាមួយក្រុមហ៊ុនផ្សារលក់រាយក្នុងតំបន់អឺរ៉ុប ពន្យារការបញ្ជារទិញពីមីយ៉ាន់ម៉ា ដែលប្រឈមនឹងវិបត្តិរដ្ឋប្រហារយោធា។ យោងតាមការចេញផ្សាយរបស់ទីភ្នាក់ងាររយទ័រ ក្រុមហ៊ុន Next បានបញ្ឈប់ការកម្មង់ទំនិញពីប្រទេសមីយ៉ាន់ម៉ា។ ប្រភពដដែលបានដកស្រង់សម្តីមន្ក្រីជាន់ខ្ពស់របស់ក្រុមហ៊ុនថា ការបញ្ជាទិញរបស់ក្រុមហ៊ុន Next នឹងត្រូវប្តូរទៅកម្មង់ទំនិញពីប្រទេសបង់ក្លាដេស កម្ពុជា និងប្រទេសចិនវិញ។ ជាមួយគ្នានេះដែរ កាលពីចុងខែមេសាកន្លងទៅនេះ មានក្រុមហ៊ុនបរទេសមួយចំនួនធំបានបង្ហាញពីចំណាប់អារម្មណ៌ចង់រើរោងចក្រពីប្រទេសមីយ៉ាន់ម៉ា ចូលមកកម្ពុជា ដោយផ្តោតសំខាន់ទៅខេត្តកំពង់ស្ពឺ។ អភិបាលខេត្តកំពង់ស្ពឺ ឯកឧត្តម វី សំណាង បានបញ្ជាក់បន្ថែមថា ខេត្តកំពង់ស្ពឹមានទីតាំងភូមិសាស្រ្តអំណោយផលសម្រាប់ការវិនិយោគ។ អភិបាលខេត្តកំពង់ស្ពឺ ឯកឧត្តម វី សំណាងបន្តទៀតថា ៖ “មានក្រុមហ៊ុនខ្លះ គេត្រូវប្ដូរទីតាំងរោងចក្រពីប្រទេសភូមាមកកម្ពុជា ទើបបានជាគេមកទាក់ទងខាងយើង។ ជាក់ស្ដែង កាលពីចូលឆ្នាំខ្មែរនេះ មាន ២០ រោងចក្រ កំពុងដើររកទីតាំងដើម្បីសាងសង់ ឬជួលរោងចក្រថ្មីឱ្យទាន់ហេតុការណ៍»។ (អានបន្ថែម) រូបភាពពី Financial Time
អានបន្ថែម
ខណ្ឌពោធិសែនជ័យគ្រោងស្វាគមន៍សណ្ឋាគារផ្កាយ៤ និងមជ្ឈមណ្ឌលពាណិជ្ជកម្មតម្លៃប្រមាណ៧៩លានដុល្លារ
នៅដើមខែមិថុនានេះ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័ត ឱ្យក្រុមហ៊ុនឯកជន CONTINENT CROWN INVESTMENT MANAGEMENT CO., LTD វិនិយោគ ៧៩លានដុល្លារអាមេរិក សាងសង់ និងធ្វើអាជីវកម្មសណ្ឋាគារថ្នាក់ផ្កាយ៤ ចំនួន ២៧៥បន្ទប់ និងមជ្ឈមណ្ឌលពាណិជ្ជកម្មមួយកន្លែង នៅដីឡូតិ៍លេខ១៦៧៩ ផ្លូវសហព័ន្ធរុស្ស៊ី ភូមិតាងួន២ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។ ក្នុងពេលជាមួយគ្នានេះដែរ ក្រុមប្រឹក្សាអភិវឌ្ឍន៍កម្ពុជា (CDC) ក៏បានអនុម័តឱ្យក្រុមហ៊ុន CAMBODIAN GOME FARM FOOD CO., LTD វិនិយោគប្រមាណ ៦,៥ លានដុល្លារអាមេរិក បង្កើតរោងចក្រកែច្នៃផ្លែស្វាយ ដែលមានទីតាំងវិនិយោគស្ថិតនៅភូមិត្បែស ឃុំវល្លិសរ ស្រុកសំរោងទង ខេត្តកំពង់ស្ពឺផងដែរ។ គួរបញ្ជាក់ផងថា បើតាមក្រុមប្រឹក្សាអភិវឌ្ឍន៍កម្ពុជា គម្រោងវិនិយោគទាំង ០២ ខាងលើនេះ នឹងផ្តល់ការងារចំនួន ១១៧៨ កន្លែង ដល់ប្រជាពលរដ្ឋក្នុងតំបន់។ សម្រាប់ឆ្នាំ ២០២១ គិតត្រឹមដើមខែមិថុនានេះ ក្រុមប្រឹក្សាអភិវឌ្ឍន៍កម្ពុជា […]
អានបន្ថែម
រដ្ឋាភិបាលបើកច្រកព្រំដែនម៉ឺនជ័យព្រៃវែង-វៀតណាម ជាបណ្ដោះអាសន្ន
រាជរដ្ឋាភិបាល បានប្រកាសដាក់ឱ្យដំណើរការច្រកអន្តរជាតិម៉ឺនជ័យនៃខេត្តព្រៃវែង (កម្ពុជា) និងខេត្តតៃនិញ (វៀតណាម) ជាបណ្តោះអាសន្ន ត្រឹមកម្រិតថ្នាក់ខេត្ត។ នេះបើយោងតាមពិធីប្រកាសកាលពីថ្ងៃទី ៣១ ខែឧសភា ឆ្នាំ២០២១ ដោយមានការចូលរួមពីមន្ត្រីជាន់ខ្ពស់ជាច្រើនរូបនៃក្រសួងមហាផ្ទៃ។ ឯកឧត្តម ជា សុមេធី អភិបាលខេត្ត បានថ្លែងក្នុងពិធីប្រកាសថា ការដំឡើងកម្រិតច្រកទ្វារព្រំដែនកម្ពុជា-វៀតណាមនេះ គឺដើម្បីបង្កភាពងាយស្រួល និងលើកកម្ពស់ដល់ការធ្វើដំណើរចេញចូលឆ្លងកាត់ ព្រមទាំងការផ្លាស់ប្តូរទំនិញ កសិផល នៅតំបន់ ព្រំដែន។ ឯកឧត្តមអភិបាល បានបន្តថា ការបើកច្រកព្រំដែននេះទៀតសោត ក៏ដើម្បីទាក់ទាញអ្នកវិនិយោគក្នុង និងក្រៅតំបន់ ជាពិសេសប្រជាជននៃខេត្តជាប់ព្រំដែនទាំងពីរនេះ។ មិនត្រឹមតែប៉ុណ្ណោះ គេក៏សង្កេតឃើញថា ព្រំដែននេះ នឹងជួយជំរុញកិច្ចសហប្រតិបត្តិការលើការទប់ស្កាត់ ការរីករាលដាលជំងឺកូវី ដ -១៩ ឱ្យមានប្រសិទ្ធភាពផងដែរ។
អានបន្ថែម
ក្រសួងសាធារណការគ្រោងធ្វើទំនើបកម្មប្រព័ន្ធដឹកជញ្ជូនតាមគោលនយោបាយរដ្ឋាភិបាលឌីជីថល
ក្រសួងសាធារណការ និងដឹកជញ្ជូន បានកំពុងបន្តធ្វើកំណែទម្រង់ស៊ីជម្រៅ ធ្វើទំនើបកម្មលើហេដ្ឋារចនាសម្ព័ន្ធប្រព័ន្ធដឹកជញ្ជូន និងសេវាសាធារណៈ តាមគោលនយោបាយរដ្ឋាភិបាលឌីជីថលកម្ពុជាឆ្នាំ ២០២១-២០៣០។ នេះបើយោងតាមកិច្ចប្រជុំប្រមូលធាតុចូលរបស់ក្រសួង ដើម្បីត្រៀមសេចក្ដីព្រាងគោលនយោបាយរដ្ឋាភិបាលឌីជីថលកម្ពុជា ២០២១-២០៣០ កាលពីថ្ងៃទី២៨ ខែឧសភា កន្លងទៅនេះ។ ឯកឧត្តម វ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូន បានឱ្យដឹងថា ការប្រមូលធាតុចូលនេះ គឺដើម្បីធ្វើទំនើបកម្មមានលក្ខណៈគ្រប់ជ្រុងជ្រោយ និងឆ្លើយតបនឹងផែនការគោលរបស់រដ្ឋាភិបាល។ ឯកឧត្តមបន្តថា នាប៉ុន្មានឆ្នាំចុងក្រោយនេះ ក្រសួងជោគជ័យលើការកែទម្រង់ស៊ីជម្រៅមួយចំនួន ដោយប្រើប្រាស់ប្រព័ន្ធបច្ចេកវិទ្យាអនឡាញ ក្នុងការផ្តល់សេវាសាធារណៈមួយចំនួន ប្រកបដោយតម្លាភាព និងប្រសិទ្ធភាពខ្ពស់។ ជាក់ស្ដែង ក្រុមហ៊ុនប្រព័ន្ធផ្កាយរណបចិន China Great Wall Industry Corporation (CGWIC) ក្នុងពេលឆាប់ៗខាងនេះ នឹងបំពាក់ផ្កាយរណប BeiDou GPS ជាង ៥៥០ គ្រឿង ដើម្បីបង្កើនសុវត្ថិភាពការដឹកជញ្ជូន និងចាប់បទល្មើសការដឹកជញ្ជូនខុសច្បាប់នានា។ ប្រព័ន្ធ Beidou GPS នេះ គឺបច្ចេកវិទ្យា GPS ដែលអាចជួយកាត់បន្ថយគ្រោះថ្នាក់ចរាចរណ៍ តាមរយៈការរាយការណ៍បញ្ហាផ្សេងៗ ដូចជាការដឹកទំនិញលើសទម្ងន់ […]
អានបន្ថែម
សែនសុខ អង្គស្នួល និងសំរោងទង កំពុងមានសក្ដានុពល ទើបទាក់ទាញរោងចក្រថ្មី ៣តម្លៃជិត១០លាន ដុល្លារ
ខណ្ឌសែនសុខ ស្រុកអង្គស្នួល និងស្រុកសំរោងទង កំពុងតែមានសក្ដានុពលខ្លាំង ដោយថ្មីៗនេះទើបតែទាក់ទាញគម្រោងវិនិយោគរោងចក្រ ៣ ធំៗ ដែលអនុម័តដោយក្រុមប្រឹក្សាអភិវឌ្ឍន៍កម្ពុជា (CDC) តម្លៃ សរុបប្រមាណ ៩,៦ លានដុល្លារអាមេរិក។ គម្រោងទី ១ ជារោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅផ្លូវលេខ១៩៨ ភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ។ គម្រោងនេះ វិនិយោគដោយក្រុមហ៊ុន RUIXUE (CAMBODIA) CO., LTD ក្នុងទឹកប្រាក់ ៤,៥ លានដុល្លារអាមេរិក។ គម្រោងទី២ គឺ រោងចក្រផលិតថង់ប្លាស្ទីក ដែលមានទីតាំងវិនិយោគស្ថិតនៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ដែលជាការវិនិយោគរបស់ក្រុមហ៊ុន FU BI XING (CAMBODIA) PACKAGING CO., LTD ក្នុងទឹកប្រាក់ ២,៥ លានដុល្លារអាមេរិក។ ចំណែកឯ គម្រោងទី ៣ គឺរោងចក្រផលិតកាបូប និងវ៉ាលិសគ្រប់ប្រភេទ ដែលមានទីតាំងស្ថិតនៅផ្លូវជាតិលេខ៥១ ភូមិដំណាក់អំពិល […]
អានបន្ថែម
ក្រសួងគ្រោងប្រើប្រាស់ប្រព័ន្ធបញ្ញាសប្បនិម្មិត (AI) គ្រប់គ្រងចរាចរណ៍លើផ្លូវជាតិលេខ ៥ ក្រោយលើកកម្ពស់រួច
ក្រសួងសាធារណការ និងដឹកជញ្ជូន បាននឹងកំពុងជំរុញការប្រើប្រាស់បច្ចេកវិទ្យាទំនើបដើម្បីគ្រប់គ្រងចរាចរណ៍ ពិសេសយានយន្តដឹកជញ្ជូនលើសទម្ងន់កម្រិតកំណត់នៅលើផ្លូវជាតិលេខ៥ ក្រោយបញ្ចប់ការស្ថាបនា។ នេះបើយោងតាមកិច្ចប្រជុំផ្លាស់ប្តូរបទពិសោធន៍លើការប្រើប្រាស់បច្ចេកវិទ្យាក្នុងវិស័យសាធារណការរវាងក្រសួង និងអ្នកទទួលខុសត្រូវគ្រោងស្ដារផ្លូវជាតិលេខ៥ កាលពីថ្ងៃទី២៨ ខែឧសភា កន្លងទៅ។ បច្ចេកវិទ្យាដែលក្រសួងគ្រោងនឹងប្រើប្រាស់ គឺប្រព័ន្ធគ្រប់គ្រងយានយន្តដឹកជញ្ជូនលើសទម្ងន់កម្រិតកំណត់ដោយស្វ័យប្រវត្តិ ឬហៅថា AI Camera and Weigh-in Motion Sensor Centralized Database Solution System។ លោក ហ៊ាង សុទ្ធាយុត្តិ ប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ និងជាប្រធានក្រុមការងារបច្ចេកទេស បានឱ្យដឹងថា ប្រព័ន្ធនេះនឹងជួយសម្រួលដល់មន្រ្តីងាយស្រួលត្រួតពិនិត្យ និងតាមដានសកម្មភាពដឹកជញ្ជូន។ ដោយឡែក ប្រជាពលរដ្ឋ និងក្រុមហ៊ុនដឹកជញ្ជូន ក៏នឹងងាយស្រួលផងដែរ ដោយមិនបាច់ឈប់នៅស្ថានីយ ពោលគឺគ្រាន់តែជិះកាត់ ពួកគាត់នឹងដឹងពីទម្ងន់យានយន្តផ្លូវភ្លាមៗតែម្ដង ។ លោកបន្តថា ប្រព័ន្ធនេះ នឹងត្រូវដាក់ប្រើប្រាស់សាកល្បងលើផ្លូវជាតិលេខ ៥ ក៏ដូចជាផ្លូវជាតិមួយចំនួនទៀតផងដែរ ដែលជាគំនិតផ្តួចផ្តើមរបស់ក្រសួងសាធារណការ និងដឹកជញ្ជូន។ ជុំវិញរឿងនេះដែរ លោក Makoto Usami ប្រធានគម្រោងនៃក្រុមហ៊ុន P.E.Jp (Civil Engineering) […]
អានបន្ថែម
ផ្លូវជាតិលេខ៣ ពីភ្នំពេញទៅក្រុងកំពត សាងសង់សម្រេចបានជិត ១០០% ហើយ
គម្រោងធ្វើឱ្យប្រសើរឡើងផ្លូវជាតិលេខ៣ពីភ្នំពេញទៅក្រុងកំពត សម្រេចបាន ៩៨,០៤% ហើយ ដោយមកទល់បច្ចុប្បន្ននៅសេសសល់តែការងារមួយចំនួនតូចប៉ុណ្ណោះ។ នេះបើយោងតាមក្រសួងសាធារណការ និងដឹកជញ្ជូន កាលពីពេលថ្មីៗនេះ។ ក្រសួងសាធារណការ និងដឹកជញ្ជូន បច្ចុប្បន្ននេះកំពុងប្រឹងប្រែងពន្លឿនការងារផ្សេងៗដូចជា បំពាក់កាមេរ៉ាចាប់ល្បឿនយានយន្ត កាមេរ៉ាសុវត្ថិភាព ជញ្ជីងថ្លឹងទម្ងន់ក្រោមដី និងជញ្ជីងថ្លឹងទម្ងន់នៅក្នុងស្ថានីយជាដើម។ ដោយឡែក ស្ពានអាកាសថ្មើរជើងនៅលើកំណាត់ផ្លូវជាតិលេខ៣ ឋិតនៅម្ដុំត្រាំខ្នា ក៏គ្រោងនឹងបញ្ចប់ការងារទាំងស្រុងក្នុងចុងខែមិថុនា ឆ្នាំ២០២១ ខាងមុខផងដែរ។ សូមបញ្ជាក់ថា គម្រោងពង្រីក និងលើកកម្រិតផ្លូវជាតិលេខ៣ ពីភ្នំពេញទៅក្រុងកំពត ដែលមាន ប្រវែងសរុបប្រមាណ ១៣៤ គីឡូម៉ែត្រ ហើយបែងចែកជា ពីរកំណាត់។ កំណាត់ទី១ពីចោមចៅទៅបែកគុស ប្រវែង៧០ គីឡូម៉ែត្រ ដោយពង្រីកទទឹងតួផ្លូវរហូតដល់ ២៤,៥ម៉ែត្រ ជាប្រភេទផ្លូវបេតុងកៅស៊ូអាស្វាល់ (AC) កម្រាស់ ៩សង់ទីម៉ែត្រ ចែកចេញជា ៤គន្លង ។ កំណាត់ទី២ ពីបែកគុសទៅក្រុងកំពត ប្រវែង៦៤ គីឡូម៉ែត្រ ជាប្រភេទផ្លូវ AC កម្រាស់ ៧សង់ទីម៉ែត្រ ពង្រីកទទឹងតួផ្លូវ រហូតដល់ ១២ម៉ែត្រ ចែកជាពីរគន្លង។ […]
អានបន្ថែម
គម្រោងសាងសាង់អគាររដ្ឋបាលថ្មីរបស់រដ្ឋសភាដល់ដំណាក់កាលសិក្សាអ្នកទទួលការហើយ ក្រោយចរចារជាច្រើនឆ្នាំ
គម្រោងសាងសង់អគាររដ្ឋបាលថ្មីរបស់រដ្ឋសភា ក្រោមជំនួយរបស់ប្រទេសវៀតណាមក្នុងទំហំទឹកប្រាក់ ២៥លានដុល្លារអាមេរិក ដែលបានពិភាក្សាគ្នាតាំងពីឆ្នាំ២០១៧ បានឈានទៅមុខមួយជំហានទៀតហើយ ខណៈរដ្ឋកំពុងពិនិត្យកិច្ចសន្យាអ្នកម៉ៅការសាងសង់។ នេះបើយោងតាមកិច្ចប្រជុំរវាងអគ្គលេខាធិការដ្ឋានរដ្ឋសភា និងក្រុមហ៊ុន Archetype (Cambodia ) Ltd. ដែលជាក្រុមហ៊ុនទីប្រឹក្សា កាលពីថ្ងៃទី២៨ ខែឧសភា ឆ្នាំ២០២១។ កិច្ចប្រជុំនេះ ផ្ដោតសំខាន់ពិនិត្យលើសេចក្តីព្រាងកិច្ចសន្យាសម្រាប់អ្នកម៉ៅការសាងសង់ និងធ្វើសេចក្តីបញ្ជាក់លើលក្ខខណ្ឌបន្ថែមរបស់ក្រុមហ៊ុន Archetype (Cambodia ) Ltd.។ គួរបញ្ជាក់ផងដែរ គម្រោងនេះនឹងត្រូវសាងសង់ជាងអគារកម្ពស់១១ ជាន់ ។ ប៉ុន្តែ បច្ចុប្បន្ន គម្រោង គឺស្ថិតនៅក្នុងដំណាក់កាលរៀបចំគណៈកម្មការវាយតម្លៃលើគុណភាព គណៈកម្មការហិរញ្ញវត្ថុ និងគណៈកម្មការផ្សេងៗទៀតពាក់ព័ន្ធនៅឡើយទេ។ កាលពីខែមករាកន្លងទៅនេះ ឃើញថា ក្រុមហ៊ុន JEB Surveys and Engineering Co., Ltd. ក៏បានខួងពិសោធន៍ដីចំនួន ០៤ រណ្តៅ នៅលើទីតាំងចំណតរថយន្តខាងមុខ និងជាប់អាហារដ្ឋានរដ្ឋសភា។ នេះបើតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភា កាលពីថ្ងៃទី ១៩ ខែមករា ឆ្នាំ២០២១។ យ៉ាងណាក្ដី ប្រភពដដែលមិនបានបញ្ជាក់ពីកាលបរិច្ឆេទច្បាស់លាស់នៅគម្រោងនេះ ដែលនឹងអាចនឹងចាប់ផ្ដើមសាងសង់ […]
អានបន្ថែម
ក្រុមហ៊ុនសិង្ហបូរីសម្រេចចិត្តលក់គម្រោងសណ្ឋាគារនៅខេត្តព្រះសីហនុរបស់ខ្លួនសារជាថ្មីម្ដងទៀត
ក្រោយផ្ដាច់កិច្ចសន្យាទិញលក់ការពីឆ្នាំ២០១៨ ដោយសារបញ្ហាហិរញ្ញវត្ថុរបស់អ្នកទិញ ក្រុមហ៊ុនអចលនទ្រព្យសិង្ហបូរី Hong Lai Huat Group (HLH Group) បានសម្រេចលក់សណ្ឋាគារ D’Seaview នៅខេត្តព្រះសីហនុសារជាថ្មីម្ដងទៀត កាលពីថ្ងៃទី ២៧ ខែឧសភា កន្លងមកនេះ។ បើយោងតាមសារព័ត៌មាន The Edge Singapore នៅក្នុងកិច្ចព្រមព្រៀងទិញលក់ថ្មីនេះ អ្នកទិញបានបង់លុយចំនួន ៤,២ លានដុល្លារអាមេរិច ដែលចាត់ទុកថាជាថ្លៃកក់ ហើយនឹងបន្តបង់តាមដំណាក់កាលដែលមានចែងក្នុ្ងងកិច្ចសន្យា។ ក្រៅពីការបង់ប្រាក់ឱ្យគ្រប់តាមតម្លៃ អ្នកទិញក៏ត្រូវតែទទួលខុសត្រូវ លើការបង់ពន្ធប្រថាប់ត្រាក្នុងការផ្ទេរកម្មសិទ្ធអចលនទ្រព្យ ក៏ដូចជាពន្ធផ្សេងៗ ផងដែរ។ យ៉ាងណាមិញ ប្រភពខាងលើមិនបានបញ្ជាក់ពីឈ្មោះរបស់អ្នកទិញនោះទេ។ បញ្ជាក់ផងដែរថា ក្រុមហ៊ុន HLH Group បានប្រកាសលក់សណ្ឋាគារក្នុងគម្រោង D’Seaview ជាលើកដំបូងក្នុងតម្លៃ ១៥,៧ លានដុល្លារអាមេរិក កាលពីខែមីនា ឆ្នាំ២០១៨ ។ ក្រោយមក ក្នុងខែធ្នូ ឆ្នាំដដែល ក្រុមហ៊ុនសម្រេចបញ្ឈប់កិច្ចព្រមព្រៀងទិញលក់ ដោយបញ្ជាក់ថាភាគីអ្នកទិញមិនបានគោរពទៅតាមកិច្ចសន្យា។ (អានបន្ថែម និងបន្ថែម) មានទីតាំងប្រមាណមួយគីឡូម៉ែត្រពីឆ្នេរសុខា និងមានសរុបចំនួន ៩៨បន្ទប់ សណ្ឋាគានេះគឺជាផ្នែកមួយនៃគម្រោង […]
អានបន្ថែម
រាជរដ្ឋាភិបាលកម្ពុជាជំរុញឱ្យអភិវឌ្ឍលំនៅឋានតម្លៃសមរម្យថែមទៀត
រាជរដ្ឋាភិបាលកម្ពុជាកំពុងជំរុញ និងទាក់ទាញឱ្យវិនិយោគិនទាំងក្នុងស្រុក និងបរទេស ឱ្យមកសាងសង់លំនៅឋានតម្លៃសមរម្យនៅកម្ពុជាបន្ថែមទៀត ដើម្បីឆ្លើយតបទៅនឹងតម្រូវការរបស់ប្រជាពលរដ្ឋ។ ឯកឧត្តម បេងហុង សុជាតិខេមរ៉ូ អគ្គនាយកនៃអគ្គនាយកដ្ឋានលំនៅឋាននៃក្រសួងរៀបចំដែនដី នគរូបនីយកម្ម និងសំណង់ មានប្រសាសន៍ថា រាជរដ្ឋាភិបាលបានដាក់ចេញគោលនយោបាយជាតិស្តីពីលំនៅឋានដោយផ្តោតលើការជំរុញឱ្យប្រជាពលរដ្ឋអាចទទួលការរស់នៅសមរម្យ។ គោលនយោបាយនេះ ផ្ដល់ឱកាសចំណេញច្រើនដល់អ្នកអភិវឌ្ឍន៍ តាមរយៈការតភ្ជាប់ផ្លូវ ប្រព័ន្ធទឹក ភ្លើង ការលើកលែងពន្ធពេលមិនទាន់លក់ ជាពិសេសការអភិវឌ្ឍន៍លំនៅឋានតម្លៃសមរម្យ ជាទីផ្សារដ៏ធំ និងមានស្ថិរភាពរយៈពេលយូរ។ ថ្លែងនៅក្នុងវេទិកា Rainmaking Cambodia តាមប្រព័ន្ធអនឡាញកាលពីថ្ងៃទី ២៥ ឧសភា ឯកឧត្តម សុជាតិខេមរ៉ូ លើកឡើងថា បច្ចុប្បន្នទីផ្សារលំនៅឋាន គឺសម្រាប់តែប្រជាពលរដ្ឋដែលមានចំណូលខ្ពស់។ «ដូច្នេះ រដ្ឋចង់ឱ្យអ្នកវិនិយោគមកសង់លំនៅដ្ឋានតម្លៃសមរម្យថែមទៀត។ លើសពីនេះ តម្លៃគឺមិនគួរមានតម្លៃខ្ពស់ជាង ៣ម៉ឺនដុល្លារ ឡើយ ដើម្បីឱ្យប្រជាពលរដ្ឋមានចំណូលទាប និងមធ្យមអាចទិញបាន»។ យោងតាមក្រសួងរៀបចំដែនដី នគរូបនីយកម្ម និងសំណង់ មកទល់បច្ចុប្បន្ន កម្ពុជាមានគម្រោងលំនៅឋានតម្លៃសមរម្យសរុបមានចំនួន ៥គម្រោងធំៗ ដោយក្នុងនោះ ៣គម្រោងជាផ្ទះជាប់ដីមានសរុប ៨ ៣៣១ ខ្នង និង ២គម្រោងទៀត ជាខុនដូដែលមានសរុប […]
អានបន្ថែម
រដ្ឋបាលខេត្តបាត់ដំបងព្រមានចាត់វិធានការក្ដៅបង្រ្កាបការទន្ទ្រានដីរដ្ឋខុសច្បាប់
រដ្ឋបាលខេត្តបាត់ដំបង កាលពីថ្មីៗនេះ បានប្ដេជ្ញាថានឹងសហការជាមួយមន្រ្តីពាកព័ន្ធយ៉ាងស្អិតរមួត ពង្រឹងការបង្រ្កាបសកម្មភាពទន្ទ្រានដីរដ្ឋខុសច្បាប់ឱ្យមានប្រសិទ្ធភាពជាងមុន។ នេះបើយោងតាមកិច្ចប្រជុំរវាង រដ្ឋបាលខេត្ត មន្ត្រីជាន់ខ្ពស់នៃក្រសួងកសិកម្ម រុក្ខាប្រមាញ់ និងនេសាទ និងមន្ត្រីពាក់ព័ន្ធដទៃទៀត កាលពីថ្ងៃទី ២៧ ខែឧសភា។ នៅក្នុងកិច្ចប្រជុំនេះ អភិបាលខេត្តបាត់ដំបងឯកឧត្តម ងួន រតនៈ មានប្រសាសន៍ថា៖ «កន្លងមកនេះ រដ្ឋបាលខេត្តបាន និងកំពុងធ្វើការទប់ស្កាត់ បង្ក្រាប លើការទន្ទ្រានដីរដ្ឋ ជាបន្តបន្ទាប់ ជាពិសេសដីព្រៃលិចទឹក»។ «លើសពីនេះ យើងក៏បានចេញនូវសេចក្ដីជូនដំណឹង អប់រំផ្សព្វផ្សាយ និងហាមឃាត់ ពលរដ្ឋដែលរំលោភបំពានដីរដ្ឋ ជាច្រើនលើកច្រើនសាមកហើយ។ មិនត្រឹមតែប៉ុណ្ណោះ យើងក៏បានបង្កើតទីបញ្ជាការស្រាលប្រចាំការ ដើម្បីកំណត់មុខសញ្ញាជនល្មើស និងបានកសាងសំណុំរឿងជនល្មើសបញ្ជូនទៅតុលាការមួយចំនួនផងដែរ»។ យ៉ាងណាមិញ ក៏នៅមានជនមួយចំនួនឆ្លៀតឱកាស ពិសេសនៅទីតាំងដីព្រៃលិចទឹក និងដែននេសាទ ដែលមានទំហំធំ ដែលមន្រ្ដីខ្វះខាតធនធានមធ្យោបាយ ថវិកា និងសម្ភារៈក្នុងការចុះទៅទប់ស្កាត់។ ដូច្នេះរដ្ឋបាលខេត្តនឹងបន្តពង្រឹងការបង្រ្កាបបន្ថែមទៀត។
អានបន្ថែម