ក្រុមហ៊ុនបូមប្រេងនៅកម្ពុជា KrisEnergy ប្រកាសសុំក្ស័យធន ព្រោះចំណូលមិនគ្រប់សងបំណុល
ប្រតិបត្តិករបូមយកប្រេងចេញពីទឹកដីកម្ពុជានៅអណ្ដូងអប្សរា ក្រុមហ៊ុន KrisEnergy បានប្រកាសថាខ្លួនមិនអាចសងបំណុលបានទេ ហើយនឹងដំណើរការបិទក្រុមហ៊ុនលក់ទ្រព្យសងបំណុល (liquidation) ឆាប់ៗនេះ។ បើយោងតាមសេចក្តីប្រកាសព័ត៌មានរបស់ក្រុមហ៊ុនកាលពីថ្ងៃទី ៤ មិថុនា កន្លងមកនេះ។ ប្រភពដដែលបានឱ្យដឹងថា ក្រុមហ៊ុន KrisEnergy ក៏បានផ្ញើពាក្យសុំបិទក្រុមហ៊ុន ដើម្បីលក់ទ្រព្យយកប្រាក់សង់បំណុល (ឬ Winding Up Petition) ទៅកាន់តុលាការនៃកោះ Cayman នៃប្រទេសអង់គ្លេសរួចមកហើយ។ ដោយឡែក កាលបរិច្ឆេទសវនាការនឹងបញ្ជាក់នៅពេលក្រោយ ។ ការសម្រេចចិត្តនេះបានធ្វើឡើងបន្ទាប់ពីក្រុមហ៊ុនពិចារណាយ៉ាងដិតដល់លើកត្តាមួយចំនួនដូចជា ៖ (ក) បំណុលរបស់ក្រុមហ៊ុន គឺច្រើនលើសពីតម្លៃនៃទ្រព្យសម្បត្តិរបស់ក្រុមហ៊ុន (ខ) លំហូរសាច់ប្រាក់ពីការបូមប្រេងនៅអណ្ដូងអប្សារាដំណាក់កាលទី ១ គឺទាប ដែលធ្វើឱ្យក្រុមហ៊ុនមិនអាចស្នើម្ចាស់បំណុលបន្ធូរបន្ធយការបង់បាន (ឬមិនអាចសុំរៀបចំកម្ចីឡើងវិញបាន)។ (គ) ក្រុមហ៊ុនគ្មានជម្រើសផ្សេងទៀតដើម្បីរៀបចំកម្ចីឡើងវិញ (ឃ) កង្វះខាតទុនវិនិយោគថ្មីៗដែលហូរចូលមកក្នុងក្រុមហ៊ុន ទាក់ទងនឹងបញ្ហានេះ ក្រុមហ៊ុន កាលពីខែមេសា ធ្លាប់បានប្រកាសថា ផលិតកម្មប្រេងពីអណ្តូងទាំង៥ នៅតំបន់អប្សារា គឺទាបជាងការរំពឹងទុកដែលផ្តល់ប្រាក់ចំណូលតិច និងប៉ះពាល់ដល់ហិរញ្ញវត្ថុរបស់ក្រុមហ៊ុន ។ (អានបន្ថែម) គិតចាប់ពីថ្ងៃបញ្ចេញដំណក់ប្រេងដំបូង ដល់ថ្ងៃទី៣០ ខែមីនា ជាមធ្យម […]
អានបន្ថែម
ក្រុមហ៊ុនចិនគ្រោងសង់រោងចក្រផលិតកង់ឡានតម្លៃជាង ២០០ លានដុល្លារនៅខេត្តព្រះសីហនុ
ក្រុមហ៊ុនចិន Jiangsu General Science គ្រោងនឹងសាងសង់រោងចក្រផលិតសំបកកង់រថយន្ត ក្រោមទុនវិនិយោគប្រមាណ ២០០ លានដុល្លារអាមេរិក នៅខេត្តព្រះសីហនុ ដោយរោងចក្រនេះនឹងមានសមត្ថភាពផលិតសំបកកង់បានដល់ ៦លានគ្រាប់ ក្នុងមួយឆ្នាំៗ។ នេះបើយោងតាម European Rubber Journal។ រោងចក្រនេះនឹងស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ដោយរំពឹងថានឹងចំណាយពេល ១៥ខែ ដើម្បីបញ្ចប់ការសាងសង់ ហើយគ្រោងនឹងបើកដំណើរការនៅខែកញ្ញា ឆ្នាំ២០២២ ។ យោងតាមក្រុមហ៊ុន រោងចក្រនេះនឹងបង្កើតការងារថ្មីយ៉ាងហោច ៨០០កន្លែង និងបង្កើតប្រាក់ចំណេញប្រចាំឆ្នាំជាមធ្យមប្រមាណ ២៥,៥ លានដុល្លារអាមេរិក នៅពេលប្រតិបត្តិការពេញលេញ។ ក្រុមហ៊ុនបានបន្ថែមទៀតថា ការសម្រេចចិត្តឈានជើងចូលទីផ្សារកម្ពុជាត្រូវបានគាំទ្រដោយរដ្ឋាភិបាលកម្ពុជា ដែលមានបំណងលើកទឹកចិត្តដល់កំណើនឧស្សាហកម្មឈើកៅស៊ូនៅក្នុងប្រទេស។ រោងចក្រថ្មីគឺជាគម្រោងវិនិយោគចុងក្រោយបង្អស់របស់ក្រុមហ៊ុន ទាក់ទិននឹងការពង្រីកវិសាលភាពទីផ្សារទៅក្រៅប្រទេស។ គួរបញ្ជាក់ផងដែរ កាលពីឆ្នាំមុន ក្រុមហ៊ុននេះក៏បានបើករោងចក្រផលិតសំបកកង់រថយន្តនៅក្រៅប្រទេសលើកដំបូងរបស់ខ្លួននៅប្រទេសថៃ ដែលផលិតសំបកកង់ឡានដឹកទំនិញ និងឡានក្រុងបានចំនួន ១លាន គ្រាប់ និងសំបកកង់រថយន្តធម្មតាចំនួន ៦លានគ្រឿង ត្រឹមត្រីមាសទី៤ ឆ្នាំ២០២១ នេះ ។
អានបន្ថែម
ក្រសួងជំរុញក្រុមហ៊ុនពង្រឹងបច្ចេកទេសសាង់សង់ផ្លូវជាតិលេខ១៤៦B និងលេខ១៤៨
ដើម្បីធានាឱ្យផ្លូវជាតិលេខ១៤៦B និងផ្លូវជាតិលេខ១៤៨ មានគុណភាពរឹងមាំ អាចប្រើប្រាស់ជាប់បានយូរអង្វែង ក្រសួងសាធារណការ និងដឹកជញ្ជូន បានជំរុញក្រុមហ៊ុនពង្រឹងលក្ខណៈបច្ចេកទេសបន្ថែមទៀត។ នេះបើតាមដំណើរចុះពិនិត្យវឌ្ឍនភាពការងារសាងសង់ផ្លូវជាតិលេខ១៤៦B និងផ្លូវជាតិលេខ១៤៨ របស់ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន កាលថ្ងៃទី០៧ ខែមិថុនា ឆ្នាំ២០២១។ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន អះអាងថា ដំណើរចុះពិនិត្យការដ្ឋាននេះ គឺដើម្បីតាមដានការងារបច្ចេកទេសរបស់ក្រុមហ៊ុន ថាប្រព្រឹត្តទៅស្របតាមបទដ្ឋានបច្ចេកទេស និងកិច្ចសន្យាសាងសង់ឬទេ ពោលគឺដើម្បីធានាឱ្យផ្លូវនេះមានគុណភាពរឹងមាំ។ ផ្លូវជាតិលេខ១៤៦B និងផ្លូវជាតិលេខ១៤៨ នេះ បានចុះកិច្ចសន្យាសាងសង់កាលថ្ងៃទី១០ ខែមីនា ឆ្នាំ២០២០។ ការដ្ឋានបានចាប់ផ្តើមក្នុងកំឡុងខែមេសា ឆ្នាំ២០២០ ហើយគ្រោងបញ្ចប់នៅក្នុងខែសីហា ឆ្នាំ២០២២ ខាងមុខនេះ។ គម្រោងនេះសាងសង់ដោយក្រុមហ៊ុនសាជីវកម្មស្ពាន-ថ្នល់ចិន (Brach of China Road and Bridge Cooperation in Cambodia) ក្រោមគម្រោងអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ស្ថិតនៅក្នុងខេត្តព្រះសីហនុ ក្នុងក្របខណ្ឌប្រើប្រាស់កញ្ចប់ថវិកាសន្សំរបស់ជាតិ៕
អានបន្ថែម
ការជួសជុលស៊ីជម្រៅកំណាត់ផ្លូវកំពត-វាលរេញគ្រោងចំណាយ ៦០លានដុល្លារ
ការសិក្សាផែនការជួសជុលបែបទ្រង់ទ្រាយធំ នៃកំណាត់ផ្លូវកំពត-វាលរេញដែលមានស្រទាប់ក្រោមគឺជាដីស្អុយជួសជុលហើយជាប់មិនបានយូរ គ្រោងនឹងបញ្ចប់ចុងឆ្នាំ ២០២១ នេះ ដោយការដ្ឋានស្ដារឡើងវិញទាំងស្រុងនេះ អាចនឹងចំណាយប្រមាណ ៦០ លានដុល្លារ។ នេះបើយោងតាមកិច្ចចុះត្រួតពិនិត្យផ្លូវរបស់ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន កាលពីថ្ងៃទី ៥ ខែឧសភាកន្លងទៅនេះ។ កំណាត់ផ្លូវនេះ មានប្រវែងសរុប ៥៤,៣គីឡូម៉ែត្រ ដែលត្រូវជួសជុលជាបន្តបន្ទាប់ តាំងពីឆ្នាំ២០១៨ មកម្ល៉េះ ដោយចំណាយប្រមាណ១៥,៨៥ លានដុល្លារអាមេរិក។ ជាក់ស្ដែង ការជួសជុលសម្រេចស្ទើរទាំងស្រុងទៅហើយ ប៉ុន្តែដោយសារតែទឹកជំនន់ កំណាត់ប្រវែង ២០គម ដែលមានគ្រឹះជាដីស្អុយ បែរជាខូចខាតទាំងស្រុងទៅវិញ។ (អានបន្ថែម និង បន្ថែម) ដូច្នេះក្រសួង ក៏បានឱ្យអ្នកជំនាញឯកជនធ្វើការសិក្សាពីផែនការជួសជុលបែបស៊ីជម្រៅលើកំណាត់ផ្លូវ ២០គម នេះ។ លទ្ធផលសិក្សាបានបង្ហាញថា៖ ផ្នែកទី១ ប្រវែង ១៥គីឡូម៉ែត្រ ស្រទាប់គ្រឹះផ្លូវមានលក្ខណៈស្រដៀងទៅនឹងផ្លូវលេខ១៤៦B ដែលកំពុងសាងសង់។ ដូច្នេះ អាចយកវិធីសាស្រ្ដសាងសង់ផ្លូវលេខ១៤៦B មកសិក្សាលម្អិតលើបច្ចេកទេសបាន។ កំណាត់នេះនឹងក្រាលបេតុងកម្រាស់២៦សម និងទទឹង១២ម ដែលអាចនឹងចំណាយថវិកា ៣០លានដុល្លារ។ ផ្នែកទី២ ប្រវែង ៥គីឡូម៉ែត្រ […]
អានបន្ថែម
ក្រុមហ៊ុនយក្សសិង្ហបូរីសម្រេចលក់អាជីវកម្មនៅប្រទេសខ្លួន មកផ្ដោតលើការវិនិយោគនៅកម្ពុជា
ក្រុមហ៊ុនអចលនទ្រព្យសិង្ហបូរីខ្នាតយក្ស ហុងឡៃហួត គ្រុប (HLH Group) សម្រេចលក់ភាគហ៊ុនទាំងអស់របស់ខ្លួនក្នុងអាជីវកម្មកសិដ្ឋានបែបរីសតនៅសិង្ហបូរី ក្នុងតម្លៃប្រមាណ ៣.៦ លានដុល្លារអាមេរិក ដើម្បីយកទុនមកផ្តោតលើអាជីវកម្មនៅកម្ពុជាឱ្យបានច្រើនជាងមុន។ ក្រុមហ៊ុនបានចុះកិច្ចព្រមព្រៀងលក់ទិញជាមួយក្រុមហ៊ុន Gallop Green ដែលជាក្រុមហ៊ុនផលិតគ្រឿងសមុទ្រ ដោយនេះជាការលក់ភាគហ៊ុនសរុបចំនួន ១២,៦លានហ៊ុន។ ក្រុមហ៊ុន Gallop Green បានបង់ប្រាក់កក់ប្រមាណ ៧៥.០០០ ដុល្លារអាមេរិក ហើយនឹងបង់ប្រាក់ទាំងអស់តាមការការសន្យានៅពេលអនាគត។ ការលក់នេះបានធ្វើឡើងបន្ទាប់ពីក្រុមហ៊ុនមានបំណងផ្តោតទាំងស្រុងលើអាជីវកម្មរបស់ខ្លួននៅក្នុងប្រទេសកម្ពុជា ហើយក៏ដើម្បីពង្រឹងជំហរហិរញ្ញវត្ថុរបស់ខ្លួនផងដែរ។ ក្រុមហ៊ុន បានឱ្យដឹងទៀតថា ការលក់នេះនឹងបង្កើតអត្ថប្រយោជន៍រយៈពេលវែងដល់ក្រុមហ៊ុន។ បច្ចុប្បន្នជាង ៩៥% នៃប្រតិបត្តិការអាជីវកម្មរបស់ក្រុមហ៊ុននេះផ្តោតសំខាន់នៅក្នុងប្រទេសកម្ពុជាក្នុងវិស័យអចលនទ្រព្យ និងកសិកម្ម ខណៈដែល ៥% ទៀត បានពីអាជីវកម្មកសិដ្ឋានបែបរីសតនៅសិង្ហបូរី។ គួរបញ្ជាក់ផងដែរថា នៅកម្ពុជា គម្រោងចុងក្រោយបំផុតរបស់ក្រុមហ៊ុន HLH Group គឺសំណើរួម ជាមួយក្រុមហ៊ុនចិន ចង់វិនិយោគសាងសង់រោងចក្រសូឡាខ្នាតយក្សតម្លៃ ២០០ ដុល្លារអាមេរិកនៅខេត្ដកំពង់ស្ពឺ។ (អានបន្ថែម) នៅក្នុងខែមីនាឆ្នាំនេះ ក្រុមហ៊ុនក៏ទើបទទួលបានការយល់ព្រមពីរដ្ឋាភិបាលកម្ពុជា លើគម្រោងអភិវឌ្ឍចម្រុះឱរ៉ាលអេកូស៊ីធី ក្នុងស្រុកឱរ៉ាល់ ខេត្តកំពង់ស្ពឺ ផងដែរ ដែលរំពឹងថា នឹងទាក់ទាញបានទឹកប្រាក់វិនិយោគប្រមាណ […]
អានបន្ថែម
កម្ពុជាផលិតអគ្គិសនីបាន ២៧០០មេហ្គាវ៉ាត់ គ្រោងបង្កើនដល់ ១ម៉ឺនមេហ្គាវ៉ាតនៅឆ្នាំ២០៣០
កម្ពុជាអាចផលិតថាមពលអនុភាពអតិប្បរមា ២ ៧៣១មេហ្គាវ៉ាត់ គិតត្រឹមពេលបច្ចុប្បន្ន ខណៈរាជរដ្ឋាភិបាលកំពុងជំរុញការវិនិយោគលើរោងចក្រផលិតអគ្គិសនីបន្ថែមទៀត ដើម្បីបង្កើនអនុភាពរហូតដល់ទៅ ១០ ០០០ មេហ្គាវ៉ាត់ ត្រឹមឆ្នាំ២០៣០។ យោងតាមក្រសួងរ៉ែ និងថាមពល បច្ចុប្បន្នប្រភពថាមពលបានមកពីរោងចក្រដុតប្រេងខ្មៅមានអានុភាពសរុប ២៣៦មេហ្គាវ៉ាត់ រោងចក្រជីវម៉ាស ១១១ មេហ្គាវ៉ាត ស្ថានីយថាមពលពន្លឺព្រះអាទិត្យ ៣៦០មេហ្គាវ៉ាត់ រោងចក្រថាមពលដុតធ្យូងថ្ម ៦៧៥ មេហ្គាវ៉ាត់ និងវារីអគ្គិសនី អនុភាពសរុប ១ ៣២៩ មេហ្គាវ៉ាត់។ ឯកឧត្តម វិចទ័រ ហ្សូណា អគ្គនាយកថាមពល នៃក្រសួងរ៉ែ និងថាមពល បានមានប្រសាសន៍ថា ការផលិតថាមពលចេញពីប្រភពថាមពលចម្រុះ កំពុងត្រូវបានជំរុញ និងពន្លឿន ដើម្បីបានថាមពលផ្គត់ផ្គង់មានស្ថិរភាព។ ឯកឧត្តម បន្តថា កម្ពុជាអាចនឹងមានប្រភពថាមពលកកើតឡើងវិញបន្ថែមទៀត ពោលគឺថាមពលដើរដោយកម្លាំងខ្យល់ ខណៈក្រុមហ៊ុនចំនួន ២ បានកំពុងសិក្សា និងចចារថ្លៃលក់អគ្គិសនី។ (អានបន្ថែម និងបន្ថែម)។ តាមផែនការ ក្រសួងរ៉ែ និងថាមពល បានកំណត់បង្កើនថាមពលផ្គត់ផ្គង់រហូតដល់ ១០ ០០០ មេហ្គាវ៉ាត […]
អានបន្ថែម
វិភាគ៖ តើអនាគតដីឡូតិ៍នឹងក្លាយជាសំណង់អនាធិបតេយ្យឬយ៉ាងណា? ដោះស្រាយដូចម្ដេច?
អ្នកទិញដីឡូតិ៍ម្នាក់ដែលសុំហៅត្រឹមឈ្មោះ ដា អាយុ ៣២ ឆ្នាំ ជាកម្មកររោងចក្រ បានប្រាប់ទស្សនាវដ្ដីសំណង់ និងអចលនទ្រព្យថា កញ្ញាសម្រេចចិត្តទិញដីឡូតិ៍នៅម្ដុំផ្លូវជាតិលេខ ៥ ជិតឧត្ដុង ព្រោះតម្លៃទាប អាចបង់រំលោះបាន ហើយសង្ឃឹមថាថ្ងៃក្រោយទៅអាចចំណេញខ្លះ ឬទៅសង់ផ្ទះនៅទីនោះ។ កញ្ញាថា៖ «បារម្ភដែរថា ទៅអនាគតទៅ ដីឡូតិ៍នឹងក្លាយជាតំបន់អនាធិបតេយ្យ ព្រោះអ្នកណាចង់សង់អីក៏បាន ហើយគ្មានអ្នកមកគ្រប់គ្រងដូចបូរីធំៗទេ។ ប៉ុន្តែធ្វើម៉េចយើងមានលុយតិច គឺទិញតាមហ្នឹងទៅ»។ «ប៉ុន្តែអ្វីដែលត្រូវគិតពេលនេះ គឺឥឡូវមិនសូវមានចំណូល យ៉ាប់ដែរ ខុំខ្វះបង់គេ ១-២ ខែ គេចេះតែបន្ធូរបន្ថយឱ្យ តែបើយូរជាងហ្នឹងគេមិនជួយទៀតទេ មិនដឹងថាគេរឹបអូសដីវិញ ឬក៏យ៉ាងម៉េញ»។ អាជីវកម្មដីឡូតិ៍អាចនឹងក្លាយជា តំបន់អនាធិបតេយ្យទៅអនាគត បើខ្វះច្បាប់គ្រប់គ្រង ជាក់ស្ដែង អាជីវកម្មដីពុះដីឡូតិ៍លក់ បានមានសន្ទុះយ៉ាងខ្លាំងនៅកម្ពុជាក្នុងប៉ុន្មានឆ្នាំចុងក្រោយនេះ ដោយសារតម្លៃដីគឺទាបដែលសាកសម្យនឹងប្រជាជនភាគច្រើនដែលមានចំណូលមធ្យម និងក្រោមមធ្យម។ ប៉ុន្តែ សន្ទុះនេះក៏នាំមកនូវបញ្ហាផងដែរ។ អ្នកជំនាញមួយចំនួនបារម្ភថា ដោយសារបញ្ហាទំហំដីឡូតិ៍ដែលពុះលក់គឺតូច (ភាគច្រើន ៥x២០) បញ្ហាខ្វះហេដ្ឋារចនាសម្ព័ន្ធផ្លូវ ទឹក ភ្លើង និងពិសេសបញ្ហាកង្វះខាតការគ្រប់គ្រង ទៅអនាគត ដីឡូតិ៍នានាអាចនឹងក្លាយជាសំណង់អនាធិបតេយ្យខ្វះរបៀបរៀបរយ។ លើសពីនេះ តម្លៃដីឡូតិ៍ភាគច្រើនគឺទាបក៏ពិតមែន […]
អានបន្ថែម
បុរី ហ្គោលដេន ផាក បើកសម្ពោធការិយាល័យលក់ជាផ្លូវការ ដើម្បីផ្តល់ភាពងាយស្រួលដល់អតិថិជន
អត្ថបទផ្សព្វផ្សាយ បុរី ហ្គោលដេន ផាក បានបើកសម្ភោធការិយាល័យលក់ជាផ្លូវការហើយកាលពីចុងខែឧសភាពកន្លងទៅនេះ សម្រាប់បម្រើសេវាកម្មជូនដល់អតិថិជន ដោយមានការអញ្ជើញចូលរួមពីសំណាក់គណៈគ្រប់គ្រង និងបុគ្គលិកគ្រប់ផ្នែកទាំងអស់នៃបុរី ហ្គោលដេន ផាក។ ជាមួយនឹងការិយាល័យលក់ថ្មីនេះ អតិថិជនអាចអញ្ជើញមកប្រឹក្សាព័ត៌មានលម្អិតអំពីគម្រោង ដឹណេតឆឺរ៉ល ដោយផ្ទាល់ ដោយការិយាល័យមានទីតាំងស្ថិតនៅតាមបណ្តោយផ្លូវម៉ៅសេទុង អាគារលេខ ១៧០A-B។ ការបើកសម្ភោធការិយាល័យនេះ គឺសម្រាប់បើកលក់ និងផ្ដល់សេវាកម្មក្នុងគម្រោង ដឹណេតឆឺរ៉ល នឹងបង្កើតសហគមន៍ធម្មជាតិបែបបៃតង។ ជាក់ស្ដែងគម្រោងនេះនឹងត្រូវសាងសង់នៅក្នុងតំបន់មានសក្តានុពលសេដ្ឋកិច្ចខ្លាំង ដែលមានទន្លេអមសងខាង ដែលបង្កើនភាពស្រស់ស្រាយមួយកម្រិតទៀតដល់ការរស់នៅក្នុងបុរី។ បន្ថែមលើសពីនេះទៅទៀត បុរី ក៏មានសួនធម្មជាតិដ៏ធំរហូតដល់ ៤,៥ ហិកតា រួមមាន ក្លឹបហៅស៍ អាងហែលទឹកខាងក្រៅ ផ្លូវសម្រាប់រត់ ផ្លូវសម្រាប់ជិះកង់ កន្លែងហាត់ប្រាណសម្រាប់មនុស្សចាស់ និងកន្លែងសម្រាប់ក្មេងលេងផងដែរ។ បុរី ហ្គោលដេន ផាក គម្រោង ដឹណេតឆឺរ៉ល នឹងបង្កើតបរិស្ថានពោរពេញដោយភាពស្រស់ស្រាយបែបធម្មជាតិ ហើយគួរឱ្យចង់រស់នៅ ពោលគឺហាក់ដូចជារស់នៅតំបន់រីសតដូច្នោះដែរ។ បុរី ហ្គោលដេនផាក ផ្តល់ជូនអតិថិជនមិនត្រឹមតែជាសំណង់លំនៅឋានដែលមានគុណភាព រឹងមាំ និងសេវាកម្មល្អប៉ុណ្ណោះទេ ប៉ុន្តែក៏ផ្តល់ជូននូវការអភិវឌ្ឍចម្រុះដើម្បីធ្វើឱ្យប្រែក្លាយទៅជាសហគមន៍ដែលស្ថិតនៅតំបន់សក្តានុពលសេដ្ឋកិច្ចខ្លាំងទៀតផង។ សម្រាប់ព័ត៌មានបន្ថែម សូមទំនាក់ទំនងមកកាន់យើងខ្ញុំតាមរយ: លេខទូរសព្ទ៖ 060 […]
អានបន្ថែម
កម្ពុជានឹងមានរោងចក្រផលិតបេតុងកៅស៊ូសម្រាប់យកធ្វើផ្លូវជាលើកដំបូងបង្អស់ក្នុងឆ្នាំនេះ
ប្រទេសកម្ពុជា នឹងមានរោងចក្រផលិតបេតុងកៅស៊ូអាស្វាល់ ឬ Asphalt Concrete សម្រាប់យកធ្វើផ្លូវដោយខ្លួនឯងជាលើកដំបូងបង្អស់ ក្នុងឆ្នាំនេះ ខណៈក្រសួងសាធារណការ និងដឹកជញ្ជូន ទើបតែចុះពិនិត្យទីតាំងផ្ទាល់នៅឯព្រំប្រទល់ខេត្តកំពត-ខេត្តកែប កាលព្រឹកមិញនេះ។ រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល បានមានប្រសាសន៍ ក្នុងកិច្ចចុះពិនិត្យទីតាំងថា៖ «យើងមិនដែលមានរោងចក្រផលិតបេតុងកៅស៊ូខ្លួនយើងទេ នេះជាលើកដំបូង។ ហើយរោងចក្រនេះនឹងមានសមត្ថភាពផលិតបេតុងកៅស៊ូបាន ១២០ តោនក្នុង១ម៉ោង សម្រាប់យកមកធ្វើផ្លូវ ដោយប្រើវត្ថុធាតុដើមដូចជា ថ្ម ខ្សាច់ និងកៅស៊ូ»។ «ចំពោះគ្រឿងចក្រ យើងសុំពីក្រុមហ៊ុនសៀងហៃឱ្យជួយផ្ញើមកឱ្យយើង តម្លៃសរុបប្រមាណ ១,១ លានដុល្លារ ប៉ុន្តែការងារសាងសង់ផ្សេងៗ យើងត្រូវធ្វើខ្លួនឯង ដែលមិនទាន់បាន់ប្រមាណបានថានឹងចំណាយប៉ុន្មានទេ»។ បើយោងតាមឯកឧត្តម បច្ចុប្បន្នក្រុមការងារកំពុងចាក់គ្រឹះ ហើយនៅរយៈពល ៣ ខែក្រោយ នឹងអាចតម្លើងគ្រឿងចក្របាន។ ការដាក់រោងចក្រនៅទីតាំងកំពត-កែប គឺដោយសារ នៅពេលដ៏ខ្លីខាងមុននេះ រដ្ឋាភិបាលនឹងចាប់ផ្ដើមស្ដារផ្លូវជាតិលេខ ៣១ លេខ ៣៣ និងលេខ ៤១ ដូច្នេះទីតាំងនេះគឺសាកសម្យបំផុត។ លើសពីនេះ នៅឆ្នាំក្រោយ ក្រសួងក៏គ្រោងនឹងបង្កើតរោងចក្រមួយទៀតនឹងបាត់ដំបងផងដែរ។ […]
អានបន្ថែម
រដ្ឋសភាបញ្ចប់សេចក្តីព្រាងច្បាប់លើរោងចក្រអគ្គិសនីនិងខ្សែបញ្ជូនធំៗ ៤កន្លែង
គណៈកម្មការជំនាញរដ្ឋសភា បានបញ្ចប់ការពិនិត្យ និងសិក្សារួចហើយ លើសេចក្តីព្រាងច្បាប់ ៤ ដែលធានាថារដ្ឋាភិបាលនឹងធានាទូទាត់ថ្លៃអគ្គិសនីឱ្យទៅក្រុមហ៊ុនឯកជន ៣ ដែលមកវិនិយោគបង្កើតគម្រោងរោងចក្រអគ្គិសនីចំនួន ៤កន្លែង នៅកម្ពុជា។ សេចក្តីព្រាងច្បាប់ទាំង៤នេះ នឹងត្រូវបញ្ចូលទៅក្នុងរបៀបវារៈសម័យប្រជុំរដ្ឋសភាលើកទី៦ នីតិកាលទី៦ នាពេលខាងមុខ។ នេះបើតាមកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា កាលពី ៤ ខែមិថុនា តាមប្រព័ន្ធវីដេអូ។ ច្បាប់ស្តីពីការធានាការទូទាត់នេះ បើនិយាយឱ្យងាយយល់ គឺស្រដៀងគ្នានឹងកិច្ចសន្យារវាងរដ្ឋ និងឯកជនលើគម្រោងវិនិយោគទឹកប្រាក់ធំៗ។ មូលហេតុសំខាន់ដែលត្រូវតែបង្កើតច្បាប់នេះ គឺដើម្បីធានាថាគម្រោងមិនប៉ះពាល់ដល់សម្បត្តិរដ្ឋ ហើយក៏ដើម្បីធានាថារដ្ឋនឹងបង់ថ្លៃសេវា ឬទូទាត់ចំណាយផ្សេងៗដែលបានព្រមព្រៀងគ្នាឱ្យទៅឯកជន ទោះទៅអនាគតមានបញ្ហាដោយមិនបានព្រៀងទុកក្ដី។ ច្បាប់នេះគឺមានខ្លឹមសារលម្អិតជាងនេះ ដែលខុសគ្នាទៅតាមគម្រោងនីមួយៗ។ ត្រឡប់មកសេចក្តីព្រាងច្បាប់ទាំង ៤វិញ សេចក្តីព្រាងច្បាប់ទី១ និងទី២ គឺសម្រាប់ក្រុមហ៊ុន ស្មេថេក ខូ អិលធីឌី ដែលវិនិយោគលើគម្រោងអភិវឌ្ឍខ្សែបណ្តាញបញ្ជូនតង់ស្យុង ៥០០គីឡូវ៉ុល ពីខេត្តបាត់ដំបងទៅកាន់ព្រំដែនកម្ពុជា-ថៃ និងគម្រោងខ្សែបណ្តាញបញ្ជូនតង់ស្យុង ៥០០គីឡូវ៉ុល ពីភ្នំពេញទៅព្រំដែនកម្ពុជា-ឡាវ។ ដោយឡែក សេចក្តីព្រាងច្បាប់ទី៣ គឺសម្រាប់ក្រុមហ៊ុនអគ្គិសនីវៀតណាម ដែលជាការធានាទិញថាមពលអគ្គិសនីពីប្រទេសវៀតណាម។ ចំណែកឯសេចក្តីព្រាងច្បាប់ចុងក្រោយ គឺជាការធានាទូទាត់ទិញអគ្គសនីពីក្រុមហ៊ុន ឆាយណា ណេសិនណល ហេវី ម៉ាស៊ីនណឺរី ខបភើរេសិន […]
អានបន្ថែម
ស្រុកអង្គស្នួល និងខណ្ឌពោធិ៍សែនជ័យ គ្រោងស្វាគមន៍រោងចក្រថ្មីពីរទៀតហើយ តម្លៃជាង១០លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) ថ្មីៗនេះ បានសម្រេចអនុម័តឱ្យក្រុមហ៊ុនឯកជនបោះទុនសរុបជាង ១០លានដុល្លារ សាងសង់រោងចក្រ ២កន្លែង នៅរាជធានីភ្នំពេញ និងខេត្តកណ្ដាល។ នេះបើតាមការទំព័រ Facebook របស់ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី៤ ខែមិថុនា នេះ។ ក្រុមហ៊ុនទី ១ គឺ IMPAK (CAMBODIA) CO., LTD ដែលនឹងវិនិយោគ ៥លានដុល្លារអាមេរិក សាងសង់រោងចក្រផលិតវ៉ាលិស និងកាបូបគ្រប់ប្រភេទ ដែលមានទីតាំងស្ថិតនៅភូមិដំណាក់កោះ ឃុំសំរោងលើ ស្រុកអង្គស្នួល ខេត្តកណ្តាល។ ដោយឡែក ក្រុមហ៊ុនទី ២ គឺក្រុមហ៊ុន WING CHENG PACKAGING CO., LTD ដែលនឹងវិនិយោគ ៥,៦លានដុល្លារអាមេរិក បង្កើតរោងចក្រផលិតកេសកាតុង ប្រអប់ក្រដាស ថង់ក្រដាស និងបោះពុម្ព ដែលមានទីតាំងនៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។ ក្រុមប្រឹក្សាអភិវឌ្ឍន៍កម្ពុជា បានឱ្យដឹងទៀតថា គម្រោងទាំង ៣ នេះនឹងជួយបង្កើតការងារបានចំនួនជាង ៨៤០ […]
អានបន្ថែម
ធនាគារជាតិ៖ ដង្ហើមវិស័យសំណង់និងអចលនទ្រព្យ អាស្រ័យថាតើរដ្ឋគ្រប់គ្រងកូរីដបានកម្រិតណា
វិស័យសំណង់ និងអចលនទ្រព្យ ធ្លាប់ត្រូវបានព្យាករណ៍ថានឹងងើបឡើងវិញជាបណ្តើរៗ ក្នុងឆ្នាំ ២០២១ នេះ ទន្ទឹមនឹងលំហូរការវិនិយោគពីបរទេស។ ប៉ុន្តែ ក្រោយព្រឹត្តិការណ៍សហគមន៍ខែកុម្ភៈ ការព្យាករណ៍បានប្រែប្រួល ហើយកំណើនគឺអាស្រ័យទាំងស្រុងថាតើរដ្ឋាភិបាលទប់ទល់នឹងជំងឺកូវីដបានល្អកម្រិតណា ហើយតើសកម្មភាពសេដ្ឋកិច្ចពិភពលោក និងក្នុងតំបន់នឹងរីកចម្រើនកម្រិតណា។ នេះបើយោងតាមរបាយការណ៍ស្ថិរភាពហិរញ្ញវត្ថុប្រចាំឆ្នាំ២០២០ របស់ធនាគារជាតិនៃកម្ពុជា ដែលចេញផ្សាយនៅថ្ងៃទី ៣១ ឧសភា។ របាយការណ៍ដដែលបានឱ្យដឹងទៀតថា គម្រោងសំណង់ដែលត្រូវបានអនុម័តនៅឆ្នាំ ២០២០ បានកើនឡើងត្រឹមតែ ១% ប៉ុណ្ណោះ តម្លៃទុនវិនិយោគវិញ គឺធ្លាក់ចុះដល់ទៅ ៣២,១%។ លើសពីនេះ ផ្ទៃគម្រោងសាងសង់សរុបដែលបានអនុម័តក្នុងឆ្នាំ ២០២០ ក៏បានធ្លាក់ចុះ ២៦,៩% ផងដែរ (សល់ត្រឹម១៧ លានម៉ែត្រការ៉េ)។ កត្តានេះ បានធ្វើឱ្យវិស័យសំណង់ បង្អាក់កំណើនសេដ្ឋកិច្ច -០,២% នៅឆ្នាំ ២០២០។ របាយការណ៍ដដែល បានបន្ថែមទៀតថា ការធ្លាក់ចុះនៅក្នុងវិស័យទាំង ២ នេះ គឺដោយសារតែចំនួនការផ្អាកគម្រោង ការវិនិយោគថយចុះ និងការធ្លាក់ចុះនូវការនាំចូលសម្ភារៈសំណង់ ដែលភាគច្រើនបណ្ដាលមកពីវិបត្តិកូវីដ។ ដូច្នេះ សង្ឈឹមធំបំផុតរបស់វិស័យទាំង ២ នេះ គឺស្ថិតក្នុងដៃរបស់រដ្ឋាភិបាលថាអាចគ្រប់គ្រងស្ថានភាពកូវីដបានកម្រិតណា។ […]
អានបន្ថែម