ក្រសួងសាធារណការ ៖ គម្រោងសាងសង់ធំៗរបស់រដ្ឋនៅដំណើរការធម្មតា ទោះមានការបិទខ្ទប់ក្ដី
អ្នកនាំពាក្យក្រសួងសាធារណការ និងដឹកជញ្ជូន ឯកឧត្តម វ៉ាស៊ីម សុរិយា បានឱ្យដឹងថា ដំណើរការសាងសង់គម្រោងធំៗរបស់រដ្ឋ ដូចជាស្ពាន ថ្នល់ ប្រព័ន្ធលូបង្ហូរទឹក និងចម្រោះទឹកកខ្វក់នានា នៅតែបន្តតាមផែនការ ទោះបីទីតាំងមួយចំនួនស្ថិតក្នុងវិធានការបិទខ្ទប់ក្ដី។ ឯកឧត្តម បានមានប្រសាសន៍ថា៖ «ទោះការបិទខ្ទប់បង្កឱ្យមានការលំបាកមួយចំនួនដូចជា ការធ្វើដំណើររបស់កងវិស្វកម្ម ឬការចុះត្រួតពិនិត្យគម្រោងក្ដី ប៉ុន្តែគឺមិនទាន់ប៉ះពាល់ដល់ដំណើរគម្រោងទាំងមូលទេ»។ «ដូចជាមិនទាន់មានអីប៉ះពាល់ទេ គម្រោងសាងសង់ធំៗ ដូចជាគម្រោង Expressway នៅដំណើរការធម្មតា ព្រោះគេធ្វើការនៅតាមការដ្ឋានតាមផ្នែក និងមានស្នាក់ការគម្រោងជាកង់ៗ ប៉ុន្តែបើឆ្លងពីខេត្តមួយទៅខេត្តមួយក៏ពិបាកដែរ» ឯកឧត្តម បានបន្ត។ ទោះជាយ៉ាងណា ឯកឧត្តម វ៉ាស៊ីម សុរិយា បញ្ជាក់ថា បើសិនវិធានការបិទខ្ទប់ និងបម្រាមគោចរ អូសបន្លាយ វានឹងធ្វើឱ្យប៉ះពាល់ដល់ដំណើរការសាងសង់ ព្រោះទាក់ទងនឹងការដឹកជញ្ជូនគ្រឿងចក្រ និងសម្ភារសាងសង់ពីក្រៅប្រទេសជាដើម។ គួបញ្ជាក់ផងដែរ គិតត្រឹមចុងខែមីនា គម្រោងផ្លូវល្បឿនលឿនសម្រេចបានជិត ៥០% ហើយ ដោយឡែក ការដ្ឋានស្ថាបនាផ្លូវ ៣៨ នៅសៀមរាបក៏សម្រេចបាន ៣០% ភាគរយហើយដែរ។ (អានបន្ថែម និងបន្ថែម)
អានបន្ថែម
អគារទីស្នាក់កណ្ដាលរបស់ក្រុមហ៊ុនអចលនទ្រព្យយក្ស Prince Holdings Group ឈ្នះពានរង្វាន់ Luban Award
សមាគមឧស្សាហកម្មសំណង់ចិន (China Construction Industry Association ) កាលពីថ្មីៗនេះ បានប្រកាសនូវបញ្ជីឈ្មោះពានរង្វាន់ Luban Award ប្រចាំឆ្នាំ ២០២០ ដែលក្នុងនោះគម្រោងអគារពហុមុខងាររបស់ព្រីនស៍ ហូលឌីង គ្រុប នៅកម្ពុជា ក៏ជាប់ឈ្មោះក្នុងបញ្ជីជ័យលាភីដែរ។ បើយោងតាមទំព័រ Facebook របស់ក្រុមហ៊ុនព្រីនស៏ អគារទីស្នាក់ការកណ្ដាលនេះ ក៏ជាស្នាដៃកំពូលរបស់ក្រុមហ៊ុនព្រីនស៍ ហូលឌីង គ្រុប ក្នុងឆ្នាំ ២០១៨ ផងដែរ។ មានទីតាំងនៅ កោះពេជ្រ រាជធានីភ្នំពេញ គម្រោងនេះត្រូវសាងសង់ឡើងដោយក្រុមហ៊ុន China Construction Fourth Engineering Division (Cambodia) Corp., Ltd ដែលជាអគារទំនើបកម្រិត 5A ដំបូងគេបង្អស់នៅកម្ពុជា។ រចនាសម្ព័ន្ធនៃអគារទាំងមូល បានប្រើប្រាស់នូវការឌីហ្សាញថ្មីទំនើប ដែលរួមបញ្ចូលនូវមុខងារជាច្រើនដូចជា អគារការិយាល័យ សាលទទួលភ្ញៀវ បន្ទប់ប្រជុំ និងការិយាល័យលក់ជាដើម។ លើសពីនេះ អគារនេះក៏បានប្រើប្រាស់នូវប្រព័ន្ធសន្សំសំចៃថាមពលផងដែរ។ ក្រោយឈ្នះរង្វាន់នេះ ក្រុមហ៊ុនបានប្ដេជ្ញាថា នឹងបន្តអភិវឌ្ឍអចលនទ្រព្យបន្ថែមទៀតនៅកម្ពុជា ក្នុងគោលបំណងដើម្បីជំរុញការអភិវឌ្ឍន៍ […]
អានបន្ថែម
ចិនស្នើបង្កើតប្រភពថាមពលខ្នាតធំរួមមួយតភ្ជាប់ជាមួយប្រទេស ៥ទៀតដើម្បីកាត់បន្ថយតម្លៃអគ្គិសនី
អ្នកវិទ្យាសាស្ត្រចិន កាលពីថ្មីៗនេះបានស្នើឱ្យបង្កើតបណ្តាញអគ្គិសនីខ្នាតធំមួយ ឬហៅថា Super Grid តភ្ជាប់បណ្តាប្រទេសសំខាន់ៗចំនួន ៦ រួមមាន ចិន រុស្ស៊ី ម៉ុងហ្គោលី កូរ៉េខាងត្បូង កូរ៉េខាងជើង និងជប៉ុន ក្នុងគោលបំណងដើម្បីកាត់បន្ថយចំណាយលើថាមពលអគ្គិសនី និងការពារបរិស្ថាន។ បើយោងតាម Global Construction Review បច្ចុប្បន្នតម្រូវការប្រើប្រាស់អគ្គិសនីរបស់ប្រទេសទាំង ៦ ខាងលើនេះ គឺស្មើនឹង ១/៣ នៃតម្រូវការសរុបទូទាំងពិភពលោកទាំងមូល ហើយរំពឹងថានឹងកើនឡើងទ្វេដងនៅឆ្នាំ ២០៥០។ ការស្រាវជ្រាវរបស់ចិនបានឱ្យដឹងថា បើមានការតភ្ជាប់ពិតមែន តម្លៃថាមពលគឺ នឹងទាបជាង ៥ សេនដុល្លារអាមេរិក/គីឡូវ៉ាត់ម៉ោង ដែលថោកប្រហាក់ប្រហែលនឹងថាមពលអគ្គីសនីដែលបានមកពីរោងចក្រធ្យូងថ្មដែរ។ ដូច្នេះ ការតភ្ជាប់នេះ មិនត្រឹមតែជួយកាត់បន្ថយតម្លៃអគ្គិសនីទេ ប៉ុន្តែថែមទាំងជួយការពារបរិស្ថានទៀតផង ព្រោះប្រទេសទាំង ៦ នឹងបែមកប្រើប្រាស់ ថាមពលកកើតឡើងវិញ រួមមានថាមពលវារីអគ្គិសនី ថាមពលខ្យល់ និងថាមពលពន្លឺព្រះអាទិត្យជាដើម។ ការតភ្ជាប់នេះទៀតសោត នឹងជួយឱ្យប្រទេសទាំង ៦ ផ្លាស់ប្ដូរប្រភពថាមពលគ្នាទៅវិញទៅមកបានងាយស្រួល។ មានន័យថា ឧទាហរណ៍បើចិនជំនាញផលិតថាមពលវារីអគ្គិសនីបានថោកនឹងច្រើន ចិនមិនគួរផលិតថាមពលខ្យល់នោះទេ តែគួរតែនាំចូលពីប្រទេសផ្សេងដែលភូមិសាស្រ្តអំណោយផលសម្រាប់ថាមពលដើរដោយខ្យល់វិញ ដូចជាម៉ុងហ្គោលីជាដើម។ […]
អានបន្ថែម
សិង្ហបូរីបង្ហើបថាគម្រោងមជ្ឈមណ្ឌលព័ស្តុភារកម្មភ្នំពេញ នឹងចំណាយទុនជាង ២០០លានដុល្លារ
ក្រុមហ៊ុនអន្តរជាតិធំៗជាច្រើននៅប្រទេសសិង្ហបូរី កាលពីម្សិលមិញនេះ បានជួបប្រជុំគ្នាពិភាក្សាពីផែនការស៊ីជម្រៅនៃគម្រោងសាងសង់មជ្ឈមណ្ឌលព័ស្តុភារកម្មនៅទីក្រុងភ្នំពេញ ដោយបង្ហើបថាគម្រោងអាចនឹងចំណាយទុនវិនិយោគសរុបជាង ២០០លានដុល្លារ។ នេះបើយោងតាមសារព័ត៌មាន The Strait Times។ គោលបំណងសំខាន់នៃកិច្ចប្រជុំនេះគឺដើម្បីពិភាក្សាផែនការលម្អិត ក៏ដូចជាស្វែងរកប្រភពទុន និងដៃគូអភិវឌ្ឍសម្រាប់គម្រោងនេះ ក្រោយកម្ពុជា និងសិង្ហបុរី បានចុះហត្ថលេខាលើកិច្ចព្រមព្រៀងក្របខណ្ឌជាផ្លូវការកាលពីខែមីនា កន្លងទៅនេះ។ (អានបន្ថែម) បើតាមផែនការបឋម គម្រោងទាំងមូលនឹងរួមមាន ការសាងសង់កំពង់ផែ និងមជ្ឈមណ្ឌលព័ស្តុភារពហុបំណងបែបគ្រប់ជ្រុងជ្រោយ ការបង្កើតវិទ្យាស្ថានបណ្តុះបណ្តាលចំណេះដឹងនិងធនធានមនុស្សផ្នែកដឹកជញ្ជូន និងបណ្ដុំអាជីវកម្មខ្នាតតូច ឬហៅថាក្រុមហ៊ុន Start-up។ កិច្ចប្រជុំបានបន្តទៀតថា គម្រោងនេះជាផ្នែកមួយនៃ Smart Growth Connect Initiative របស់ក្រុមប្រឹក្សាពាណិជ្ជកម្មអាស៊ាន ក្នុងគោលបំណងដើម្បីសម្រេចបាននូវផែនការមេនៃវិស័យដឹកជញ្ជូនអាស៊ានសម្រាប់ឆ្នាំ២០២៥។ ប្រធានក្រុមហ៊ុន YCH Group លោក Robert Yab មានប្រសាសន៍ថា៖ “ប្រទេសកម្ពុជាជាទីតាំងមានសក្ដានុពល។ ប៉ុន្តែប្រទេសនេះ មិនទាន់មានហេដ្ឋារចនាសម្ព័ន្ធព័ស្តុភារដែលមានស្ដង់ដាទេ ហេតុនេះហើយទើបក្រុមហ៊ុនអន្តរជាតិជាច្រើនទៅវិនិយោគនៅប្រទេសថៃ ឬវៀតណាមវិញ។” “យើងបានពិគ្រោះជាមួយក្រុមហ៊ុនអន្តរជាតិមួយចំនួនដែលកំពុងធ្វើអាជីវកម្មនៅអាស៊ាន ពួកគេថានឹងពង្រីកបណ្ដាញផលិតកម្មមកប្រទេសកម្ពុជា ប្រសិនបើកម្ពុជាមានហេដ្ឋារចនាសម្ព័ន្ធលំដាប់ពិភពលោក។ ដូច្នេះ គម្រោងមជ្ឈមណ្ឌលព័ស្តុភារកម្មភ្នំពេញ គឺជាឱកាសដ៏ល្អបំផុត” លោកបានបន្ត។ បើតាមផែនការមេ ក្រុមហ៊ុន YCH […]
អានបន្ថែម
ការសិក្សាគម្រោងលើកកម្ពស់ផ្លូវជាតិលេខ៣៣ ពីទីរួមខេត្តកំពត-ទល់ដែនវៀតណាម ចប់សព្វគ្រប់ហើយ
ការសិក្សាបឋមសម្រាប់គម្រោងលើកកម្ពស់ផ្លូវជាតិលេខ៣៣ ពីចំណុចបំបែកពីផ្លូវជាតិលេខ៣ នៃទីរួមខេត្តកំពត ទៅព្រំដែនកម្ពុជាវៀតណាមព្រែកចាក បានបញ្ចប់ និងបានដាក់ជូនអន្តរក្រសួងពិនិត្យ និងវាយតម្លៃហើយ។ ការពិនិត្យ និងវាយតម្លៃ លើរបាយការណ៍នេះ នឹងដឹកនាំដោយក្រសួងបរិស្ថាន ហើយផ្តោតទៅលើផលប៉ះពាល់បរិស្ថាន និងសង្គម។ ក្រោយការសិក្សាអនុម័ត គម្រោងស្ដារផ្លូវជាតិលេខ៣៣ នឹងត្រូវអនុវត្តដោយក្រសួងសាធារណការ និងដឹកជញ្ជូន។ តាមផែនការ គម្រោងលើកកម្រិតផ្លូវជាតិលេខ៣៣ នេះ មានប្រវែងសរុប ៥២ គីឡូម៉ែត្រ ចាប់ពីចំណុចម្ដុំផ្សារកំពត (គីឡូម៉ែត្រ ១៤៨+១០០) ទៅលើព្រំដែនលក (ឬព្រំដែនកម្ពុជាវៀតណាមព្រែកចាក)។ ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងនៅថ្ងៃទី ២០ មេសា នេះថា៖«គម្រោងនេះគឺជាការពង្រីក និងលើកកម្ពស់ផ្លូវ ដោយក្រុមហ៊ុនចិនទទួលបានសិទ្ធិការសិក្សា។ ឥឡូវសិក្សាចប់ គឺត្រូវដាក់របាយការណ៍ជូនរដ្ឋាភិបាលពិនិត្យ និងវាយតម្លៃ»។ ទោះយ៉ាងណាក្ដី ឯកឧត្តមមិនបានបញ្ជាក់ពីថវិកាប៉ាន់ស្មានសម្រាប់អនុវត្តគម្រោងនេះឡើយ។ ប៉ុន្តែបើយោងតាមប្រសាសន៍របស់សម្ដេច ហ៊ុន សែន កាលពីខែតុលា ឆ្នាំ ២០២០ កន្លងទៅ ផ្លូវនេះនឹងសាងសង់ឡើងក្រោមកម្ចីពីប្រទេសចិន ព្រមជាមួយនឹងផ្លូវជាតិ ២ខ្សែទៀត។ (អានបន្ថែម) […]
អានបន្ថែម
ជប៉ុន និងសិង្ហបូរី គ្រោងសាងសង់អគារអភិវឌ្ឍចម្រុះខ្នាតយក្សជាប់ស្ថានីយរថភ្លើងដំបូងបង្អស់នៅហ្សាការតា
រូបភាពដោយ៖ GCR ក្រុមហ៊ុនជប៉ុន Mitsubishi និងក្រុមហ៊ុនអភិវឌ្ឍន៍របស់សិង្ហបុរី Surbana Jurong នឹងរួមគ្នាសាងសង់អគារអភិវឌ្ឍន៍ចម្រុះខ្នាតយក្សដំបូងបង្អស់មួយនៅទីក្រុងហ្សាការតា នៃប្រទេសឥណ្ឌូនេស៊ី។ នេះបើយោងតាមសារព័ត៌មាន Global Construction Review កាលពីពេលថ្មីៗនេះ។ គម្រោងនេះ នឹងត្រូវអភិវឌ្ឍលើផ្ទៃដីប្រមាណ ៦ហិកតា ភ្ជាប់ទៅនឹងស្ថានីយរថភ្លើង Cisauk ក្នុងសង្កាត់ Intermoda នៃតំបន់ Bumi Serpong Damai (BSD) ប្រទេសឥណ្ឌូនេស៊ី។ គម្រោងអភិវឌ្ឍន៍ដ៏ធំសម្បើមនេះ នឹងត្រូវសាងសង់ឡើងក្រោមការបណ្តាក់ទុនរួមគ្នាមួយរវាងជប៉ុន និងសិង្ហបូរី ប្រមាណ ១៥០លានដុល្លារ ដែលការដ្ឋានសាងសង់គ្រោងនឹងចាប់ផ្តើមនៅឆ្នាំ ២០២២ នេះ។ អគារអភិវឌ្ឍន៍ចម្រុះខ្នាតយក្សនេះ ត្រូវបានរចនាឡើង ដើម្បីកាត់បន្ថយការកកស្ទះពីតំបន់ Bumi Serpong Damai រហូតដល់កណ្ដាលក្រុងហ្សាការតា។ ក្រៅពីការអភិវឌ្ឍអគារ ក្រុមហ៊ុនក៏នឹងលើកកម្ពស់ផ្លូវថ្មើរជើងពីស្ថានីយ Cisauk ដោយនឹងសាងសង់ជាផ្សារទំនើប តូបលក់អាហារ និងភេសជ្ជៈនានាផងដែរ។ លើសពីនេះ ក្រុមហ៊ុន២ ផ្សេងទៀត គឺក្រុមហ៊ុន Mitbana និងក្រុមហ៊ុន Sinarmas […]
អានបន្ថែម
កម្ពុជានិងជប៉ុនចុះហត្ថលេខាជាផ្លូវការលើកិច្ចសន្យាសាងសង់រោងចក្រប្រព្រឹត្តិកម្មទឹកកខ្វក់បឹងជើងឯក
មន្ទីរសាធារណការ និងដឹកជញ្ជូនរាជធានីភ្នំពេញ និងក្រុមហ៊ុន Kubota Metawater Joint venture កាលពីព្រឹកថ្ងៃទី២០ ខែមេសា នេះ បានចុះហត្ថលេខាលើកិច្ចសន្យាសាងសង់គម្រោងរោងចក្រប្រពឹត្តិកម្មទឹកកខ្វក់នៅបឹងជើងឯកជាផ្លូវការហើយ ដោយគ្រោងបើកការដ្ឋានចុងខែមេសានេះ។ ការចុះហត្ថលេខាលើកិច្ចសន្យាលើគម្រោងខាងលើនេះ គឺធ្វើឡើងបន្ទាប់ពីក្រុមហ៊ុនឯកជនជប៉ុន Kubota Metawater Joint Venture កាលពីថ្ងៃទី ១២ ខែមេសា បានឈ្នះការដេញថ្លៃ ទទួលបានការងារសាងសង់គម្រោងនេះ។ (អានបន្ថែម) គួរបញ្ជាក់ថា គម្រោងស្ថានីយប្រព្រឹត្តកម្មទឹកកខ្វក់នេះជាគម្រោងខ្នាតធំ សាងសង់លើដីជាង ៣ហិកតា ដែលមានសមត្ថភាពចម្រោះទឹកកខ្វក់ដល់ទៅ ៥០០០ម៉ែត្រគូបក្នុងមួយថ្ងៃ ។ ការសាងសង់នឹងត្រូវចំណាយ ២៧លានដុល្លារអាមេរិក ដែលផ្តល់ដោយរដ្ឋាភិបាលជប៉ុនតាមរយៈទីភ្នាក់ងារសហប្រតិបត្តិការអន្តរជាតិ JICA។ គម្រោងនេះត្រូវបានចុះហត្ថលេខាព្រមព្រៀងផ្ដល់ជំនួយតាំងពីឆ្នាំ ២០១០ មកម្ល៉េះ ហើយបើតាមផែនការ គម្រោងគឺគួរតែបើកការដ្ឋានកាលពីចុងឆ្នាំ ២០២០ តែត្រូវពន្យារពេលដើម្បីដោះស្រាយផលប៉ះពាល់។ អភិបាលរាជធានីភ្នំពេញ ឯកឧត្តម ឃួង ស្រេង ធ្លាប់បានឱ្យដឹងថា តំបន់អភិវឌ្ឍន៍ភាគខាងត្បូងរាជធានីភ្នំពេញ មានទំហំដី ៥២០ ហិកតា ដោយក្នុងនោះ ១៨១ ហិកតាជាដីរបស់រដ្ឋ ដែលនឹងប្រើធ្វើអាងស្តុកទឹក […]
អានបន្ថែម
អគារបៃតងជាប់ចំណាត់ថ្នាក់ទាំង៥ លើពិភពលោកប្រចាំឆ្នាំ២០២១ មានអគារអ្វីខ្លះ
រូបភាពដោយ Procore បញ្ហាបម្រែបម្រួលអាកាសធាតុគឺជាហានិភ័យប្រឈមមួយ។ កត្តានេះបានធ្វើឱ្យស្ថាបត្យករនៅជុំវិញពិភពលោក បាននឹងកំពុងធ្វើការរចនាប្លង់អគារ ឱ្យមានភាពច្នៃប្រឌិត និងប៉ះពាល់ដល់បរិស្ថានតិចតួចបំផុត ឬហៅម្យ៉ាងទៀតថាអគារបៃតង។ ក្រុមហ៊ុនល្បីល្បាញអាមេរិកមួយ Procore Technologies, Inc បានចាត់លំដាប់ប្លង់អគារបៃតងដែលប្រកបដោយភាពច្នៃប្រឌិតខ្ពស់ជាងគេទាំង ៥ ក្នុងឆ្នាំ ២០២១ ដូចតទៅ៖ គម្រោង Valley នៅប្រទេសហូឡង់ គម្រោងនេះត្រូវបានរចនាឡើងដោយក្រុមហ៊ុនស្ថាបត្យករល្បីឈ្មោះពីប្រទេសហូឡង់ MVRDV ។ គ្របដណ្តប់លើផ្ទៃដី ៧៥.០០០ ម៉ែលការ៉េ ចំណុចពិសេសរបស់គម្រោងនេះ គឺការដាំរុក្ខជាតិបៃតងនៅតាមចន្លោះអគារនីមួយៗ ជាមួយនឹងសួនបៃតងបញ្ឈរតាមជំហរអគារ។ យោងទៅតាមក្រុមហ៊ុន Procore អគារនេះទទួលពិន្ទុ GreenPoint Rated (GPR) ដល់ទៅ ៨ ពិន្ទុ។ រោចចក្របំផ្លែងសម្រាមទៅជាថាមពលធំជាងគេលើលោកនៅទីក្រុងសិនជិន ប្រទេសចិន រោងចក្រនេះត្រូវបានរចនាឡើងដោយក្រុមហ៊ុនដាណឺម៉ាក Schmidt Hammer Lassen និង Gottlieb Paludan។ មានផ្ទៃក្រឡាសរុប ៦៦ ០០០ ម៉ែត្រការ៉េ ដំបូលរោងចក្រត្រូវបានគ្របដណ្ដប់ដោយបន្ទះសូឡា ដែលជាប្រភពថាមពលបៃតងសម្រាប់ការប្រើប្រាស់ក្នុងរោងចក្រ។ ក្រៅពីការរចនាបៃតង រោងចក្រនេះនឹងអាចដុតសំរាមចំនួន […]
អានបន្ថែម
ហេតុអ្វីគេមិនសង់រោងចក្រសូឡានៅសមុទ្រខ្សាច់សាហារ៉ា ដែលធំ និងក្ដៅជាងគេលើលោក?
រូបភាពដោយ the conversation ថាមពលអគ្គិសនីដែលបានចេញពីបន្ទះសូឡា បាននឹងកំពុងពេញនិយមណាស់នាពេលបច្ចុប្បន្ន ព្រោះវាមិនប៉ះពាល់ដល់បរិស្ថាន និងសន្សំសំច័យខ្ពស់។ ប៉ុន្តែជាទូទៅ រោងចក្របន្ទះសូឡាអាចសាងសង់បានលុះត្រាតែមានទីធ្លាធំ ហើយមានកម្តៅថ្ងៃខ្លាំង។ បើនិយាយពីទីធ្លាធំ ហើយក្ដៅ មិនមានកន្លែងណាដែលស័ក្ដសម្យជាងសមុទ្រខ្សាច់សាហារ៉ាទេ។ ប៉ុន្តែហេតុអ្វីប្រទេសមហាអំណាចធំៗមិនសាងសង់រោងចក្រសូឡាខ្នាតយក្សនៅទីនោះ? វាលខ្សាច់សាហារ៉ា ជាសមុទ្រខ្សាច់ក្ដៅធំជាងគេលើលោក ដែលមានផ្ទៃដីសរុបជាង ៩,២ លានគីឡូម៉ែត្រការ៉េ (៩៨០លានហិកតា)។ អ្នកស្រាវជ្រាវ ធ្លាប់បានបង្ហាញថា បើសាងសង់រោងចក្រសូឡាត្រឹមតែ ១/៤ នៃវាលខ្សាច់សាហារ៉ា គឺនឹងអាចផ្គត់ផ្គងថាមពលឱ្យពិភពលោកទាំងមូលបានហើយ។ ហើយវានឹងក្លាយជាសមិទ្ធផលប្រភពថាមពលដ៏ធំសម្បើម និងមិនប៉ះពាល់ដល់បរិស្ថាន។ ប៉ុន្តែទាំងនេះជាមូលហេតុដែលគម្រោងនេះមិនទាន់អាចក្លាយជាពិតបាន៖ ១) បម្រែបម្រួលអាកាសធាតុ បើយោងតាមទិន្នន័យរបស់ The Conservation ការដែលដាក់បន្ទះសូឡាគ្របពីលើខ្សាច់ នឹងធ្វើឱ្យសីតុណ្ហភាពនៅលើដីក្ដៅជាងមុន។ ពេលខ្យល់ក្ដៅរសាត់ទៅលើអាកាសប៉ះនឹងខ្យល់ត្រជាក់ វានឹងបង្កឱ្យមានភ្លៀងធ្លាក់។ នៅពេលភ្លៀងធ្លាក់ច្រើននៅតំបន់សារាហ៉ា និងធ្វើឱ្យមានរុក្ខជាតិដុះ ចុងក្រោយតំបន់សាហារ៉ានឹងគ្រប់ដណ្តប់ដោយព្រៃឈើ និងមិនក្ដៅហួតហែងដូចមុនទេ។ មានដើមឈើច្រើន ស្ដាប់ទៅដូចជាល្អ ប៉ុន្តែបើតាមការស្រាវជ្រាវ ការប្រែប្រួលអាកាសធាតុនៅវាលខ្សាច់សាហារ៉ា នឹងប៉ះពាល់អាកាសធាតុទាំងមូល។ ផលប៉ះពាល់ទាំងនោះរួមមាន ពិភពលោកនឹងក្ដៅជាងមុនព្រោះខ្យល់ក្ដៅចេញពីវាលខ្សាច់នឹងរសាត់ទៅទូទាំងពិភពលោក ព្រៃអាម៉ាហ្សូននឹងបាត់បង់ទឹកភ្លៀងមួយផ្នែកធំ ហើយលើសពីនេះវាក៏នឹងបង្កឱ្យមានព្យុះនៅតំបន់ត្រូពិចដូចជាប្រទេសវៀតណាមច្រើនជាងមុន។ ២) ត្រូវការទុនវិនិយោគខ្ពស់ខ្លាំង ការសាងសង់រោចចក្រសូឡាលើផ្ទៃដីដ៏ធំសម្បើមនេះ គឺត្រូវទុនវិនិយោគដ៏មហាសាល […]
អានបន្ថែម
ផ្សារបោះដុំបន្លែធំជាងគេនៅភ្នំពេញត្រូវបានប្ដូរទីតាំងទៅខេត្តកណ្ដាល
ក្រោយមានករណីឆ្លងជាច្រើន កាលពីថ្មីៗនេះ អាជ្ងាធររាជធានីភ្នំពេញ បានសម្រេចបិទផ្សារដើមគរ ១៤ថ្ងៃ ដោយជាបណ្ដោះអាសន្ន អាជីវករអាចបើកលក់នៅទីតាំងថ្មី នៅខេត្តកណ្តាលវិញ។ នេះបើយោងរដ្ឋបាលរាជធានីភ្នំពេញ កាលពីថ្ងៃទី ១៨ ខែ មេសា កន្លងមកនេះ។ ផ្សារបន្លែថ្មីជាបណ្តោះអាសន្ននេះ មានទីតាំងនៅតាមផ្លូវជាតិលេខ២ ជិតវង្វង់មូលកួរស្រូវ ចម្ងាយប្រមាណ ១៤គីឡូម៉ែត្រពីផ្សារដើមគរចាស់។ មកដល់ពេលនេះ មានបន្លែបង្ការមួយចំនួនបានដឹកចូលទៅក្នុងទីផ្សារនេះហើយ ដើម្បីផ្គត់ផ្គង់តម្រូវការពលរដ្ឋ។ ឯកឧត្តម ឃួង ស្រេង អភិបាលរាជធានីភ្នំពេញ បានឱ្យដឹងថា ការបើកទីតាំងថ្មីនេះ គឺដើម្បី ការពារមិនឱ្យមានភាពរអះរអួលក្នុងការលក់ដូរ និងចែកចាយបន្លែបង្ការ ព្រោះផ្សារដើមគរជាផ្សារបោះដុំដ៏ធំ។ សូមបញ្ជាក់ថា ផ្សារដើមគរ ត្រូវបានបិទដោយសារតែការរីករាលដាលនៃជំងឺ កូវីដ-១៩ ចាប់ពីថ្ងៃទី១៨ ខែមេសា រហូតដល់ថ្ងៃទី១ ខែឧសភា ឆ្នាំ២០២១៕
អានបន្ថែម
ទំហំវិនិយោគសំណង់ឆ្នាំ២០២០ មានសរុបជាង ៧,៧ពាន់លានដុល្លារ ធ្លាក់ចុះ៣២%
របាយការណ៍របស់ក្រសួងសេដ្ឋកិច្ច និងហិរញ្ញវត្ថុ កាលពីថ្មីៗនេះបានបង្ហាញថា ទុនវិនិយោគលើវិស័យសំណង់ដែលត្រូវអនុម័តនៅក្នុងឆ្នាំ ២០២០ មានសរុបប្រមាណ ៧ ៧៥៣ លានដុល្លារអាមេរិក ដែលធ្លាក់ចុះ ៣២% បើធៀបនឹងឆ្នាំ ២០១៩។ របាយការណ៍ដដែលបញ្ជាក់ទៀតថា ផ្ទៃក្រឡាសរុបរបស់គម្រោងដែលត្រូវអនុម័តទាំងអស់នេះ មានប្រមាណ ១៧ លានម៉ែត្រការ៉េ ដែលធ្លាក់ចុះ ២៧%។ យ៉ាងណាមិញ ក្រសួងសេដ្ឋកិច្ចមិនបានបញ្ជាក់ពីចំនួនគម្រោងសរុបដែលអនុម័តនោះទេ ប៉ុន្តែព្យាករថា វិស័យនេះនឹងមានកំណើន ២,៩% នៅឆ្នាំ ២០២១ និងប្រមាណ ៧,៨% នៅឆ្នាំ ២០២២។ ដោយឡែក ទុនវិនិយោគនៃការនាំចូលសម្ភារសំណង់ក្នុងឆ្នាំ ២០២០ វិញ ក៏ថយចុះ ៧,៣% ដែរ បើធៀបនឹងឆ្នាំ ២០១៩ ពោលគឺមានប្រមាណត្រឹម ១.០០៨ លានដុល្លារប៉ុណ្ណោះ។ នេះបើយោងតាមរបាយការណ៍ក្រសួងពាណិជ្ជកម្ម។ (អានបន្ថែម) ក្នុងចំណោមសម្ភារសំណង់ទាំងអស់ ការនាំចូលដែក ថយចុះ ២៧,៥២% ខណៈស៊ីម៉ង់តិ៍ក៏ធ្លាក់ចុះប្រមាណ ៤៨,៥៩% ផងដែរ។ បើយោងតាមរបាយការណ៍របស់ធនាគារពិភពលោកចេញផ្សាយកាលពីខែ វិច្ឆិកា កន្លងមកនេះ […]
អានបន្ថែម
ពហុកីឡដ្ឋានជាតិមរតកតេជោសម្រេចបានជិត ១០០% ហើយគ្រោងបញ្ចប់ជាស្ថាបពរនៅខែក្រោយ
ការដ្ឋានសាងសង់ពហុកីឡដ្ឋានជាតិមរតកតេជោ សម្រេចបានប្រមាណជាង ៩៥% ហើយ ដោយគ្រោងនឹងបញ្ចប់ជាស្ថាពរនៅថ្ងៃទី ៣១ ឧសភា ខាងមុខនេះ។ នេះបើយោងតាម គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC)។ ពហុកីឡដ្ឋានដ៏ធំមួយនេះ សាងសង់ដោយក្រុមហ៊ុនរបស់ចិន China State Construction Engineering Corporation នៅលើផ្ទៃដីជាង ៩៤ហិកតា ក្នុងសង្កាត់ព្រែកតាសេក ខណ្ឌប្ញស្សីកែវ។ គម្រោងនេះ បានបើកការដ្ឋានសាងសង់កាលពីខែ មេសា ឆ្នាំ២០១៧ និងអាចផ្ទុកអ្នកទស្សនាបានប្រមាណ ៦ ម៉ឺននាក់ សម្រាប់ត្រៀមធ្វើជាទីតាំងម្ចាស់ផ្ទះកីឡាស៊ីហ្គេមលើកទី៣២ នៅឆ្នាំ ២០២៣។ ដោយឡែកសម្រាប់ការងារបំពាក់កៅអីអង្គុយសម្រាប់កីឡដ្ឋានធំ (Main Stadium) ឯកឧត្តម វ៉ាត់ ចំរើន ធ្លាប់បានឱ្យដឹងថាកាលពីចុងខែ មីនា សម្រេចបានជាង ១២.០០០កៅអីហើយ គឺនៅសល់តែជាង ៤០.០០០កៅអីទៀតប៉ុណ្ណោះ។ (អានបន្ថែម) ជាមួយគ្នានេះដែរ គម្រោង «ភូមិកីឡដ្ឋាន វើលដ៍ប្រ៊ីដ» ដែលជាគម្រោងអភិវឌ្ឍន៍អគារពាណិជ្ជកម្ម និងលំនៅឋានជាប់ពហុកីឡដ្ឋាន ក៏បានចាប់ផ្តើមសាងសង់កាលពីចុងឆ្នាំ២០២០ នេះហើយដែរ […]
អានបន្ថែម