តើការទិញអចលទ្រព្យលក់ឡៃឡុងពីតុលាការអាចជួបហានិភ័យដែរទេ?
អ្នកវិនិយោគភាគច្រើនតែងស្ទាក់ស្ទើរមិនហ៊ានទិញដី ឬផ្ទះ ដែលដាក់លក់ឡៃឡុងដោយតុលាការ ដោយគិតថាពួកគេនឹងជួបហានិភ័យពាក់ព័ន្ធនឹងផ្លូវច្បាប់ជាក់ជាមិនខាន ទោះបីអចលនទ្រព្យទាំងនោះមានតម្លៃទាបទីផ្សារក៏ដោយ។ តើអចលទ្រព្យលក់ឡៃឡុងពីតុលាការគឺជាអ្វី? បើចង់ទិញអាចជួបហានិភ័យឬទេ? អចលនទ្រព្យលក់ឡៃឡុងពីតុលាការ ឬហៅម៉្យាងទៀតថាអចលនទ្រព្យជាប់បំណុល គឺជាអចលនទ្រព្យដែលម្ចាស់ដើមប្រើប្រាស់ដើម្បីធានាបំណុល ប៉ុន្តែម្ចាស់ដើមមិនអាចសងបំណុលបាន ទើបត្រូវមានរឿងរ៉ាវប្ដឹងឡើងតុលាការ។ ការលក់ឡៃឡុងនេះ គឺជាការដាក់លក់ដោយបង្ខំ ក្រោមសេចក្តីសម្រេចរបស់តុលាការ ដោយភាគច្រើនគឺលក់ក្រោមតម្លៃទីផ្សារ និងបើកឱកាសឱ្យសាធារណជនជាទូទៅអាចដេញថ្លៃទិញបាន។ ដូច្នេះ ក្នុងនាមជាអ្នកវិនិយោគលើអចលនទ្រព្យទូទៅ តើយើងគួរចូលរួមទិញអចលនទ្រព្យលក់ឡៃឡុងនោះទេ។ តើវាមានគុណសម្បត្តិ និងគុណវិបត្តិយ៉ាងណាខ្លះ? ចំណុចល្អដំបូងបង្អស់ គឺតម្លៃ ដែលភាគច្រើនគឺលក់ក្នុងតម្លៃទាប ដូច្នេះបើអ្នកហ៊ានទិញ ហើយយកមកលក់បន្តគឺអាចចំណេញខ្ពស់។ ប៉ុន្តែ ចំណុចសំខាន់ដែលអ្នកទិញត្រូវគិតគឺប្រភេទ និងសក្ដានុពលរបស់អចនទ្រព្យនោះ។ ឧទាហរណ៍ បើជាដី ត្រូវមើលថាទីតាំងល្អ ឬទេ? អាចលក់បានថ្លៃឬទេនៅពេលអនាគត? ហើយបើជាផ្ទះ ត្រូវមើលថាសភាពទ្រុឌទ្រោមកម្រិតណា អាចមានឱកាសកែច្នៃហើយលក់ចំណេញឬទេ។ លោក ឃាង ពុទ្ធី ប្រធានសមាគមអ្នកជំនាញអចលនទ្រព្យកម្ពុជា (CREA) ធ្លាប់មានប្រសាសន៍ថា ការទិញអចលនទ្រព្យលក់ឡៃឡុងពីតុលាការ គឺឱកាស តែអ្នកវិនិយោគគួរតែគិតពីកត្តាផ្សេងៗដែរ ដូចជាកត្តាទីតាំងភូមិសាស្រ្ត បញ្ហាប័ណ្ណកម្មសិទ្ធិ (ប្លង់រឹង ឬប្លង់ទន់) កត្ដាដង់ស៊ីតេប្រជាជន កត្តាហេដ្ឋារចនាសម្ព័ន្ធ ហើយនឹងផែនការអាជីវកម្ម ចំពោះអចលនទ្រព្យ […]
អានបន្ថែម
រោងចក្រសូឡាដ៏ធំ អានុភាព ៣៩ មេហ្គាវ៉ាត់នៅបន្ទាយមានជ័យ ភ្ជាប់ចូលបណ្ដាញអគ្គសនីជាតិជាស្ថាពរ
រោងចក្រសូឡាដ៏ធំ អានុភាព ៣៩ មេហ្គាវ៉ាត់ នៅខេត្តបន្ទាយមានជ័យ ត្រូវបានតភ្ជាប់ចូលបណ្ដាញអគ្គិសនីជាតិជាស្ថាពរកាលពីថ្មីៗនេះ។ នេះបើយោងតាមសារព័ត៌មាន PR Newswire កាលពីថ្ងៃ ១០ មីនា កន្លងទៅ។ គម្រោងនេះត្រូវបានសាងសង់ឡើងដោយក្រុមហ៊ុនចិន Shanxi Electric Power Engineering ដោយមានក្រុមហ៊ុន JR Solar ជាអ្នកផ្គត់ផ្គង់បន្ទះកញ្ចក់សូឡាទាំងអស់។ បើយោងតាមប្រភពដដែល រោងចក្រនេះ គឺជាគម្រោងថាមពលកកើតឡើងវិញ (ថាមពលបៃតង) ធំជាងគេនៅក្នុងខេត្តបន្ទាយមានជ័យ និងជាគម្រោងដែលតភ្ជាប់ចូលបណ្តាញជាតិដំបូងបង្អស់ ក្នុងចំណោមរោងចក្រសូឡា ៥កន្លែង ដែលត្រូវបានអនុម័តដោយរដ្ឋាភិបាលកាលពីឆ្នាំ ២០១៩។ ក្រៅពីរោងចក្រសូឡាដែលទើបតែបើកថ្មីៗនេះ ខេត្តបន្ទាយមានជ័យក៏មានគម្រោងសូឡាមួយកន្លែងទៀត មានអានុភាព ៣០ មេហ្គាវ៉ាត់ ដែលកំពុងតែដំណើរការសាងសង់ដោយក្រុមហ៊ុន RAY Power Supply Co Ltd ក្រោមទុនវិនិយោគប្រមាណជិត ៤០ លានដុល្លារផងដែរ។ (អានបន្ថែម) លើសពីនេះ កម្ពុជាក៏មានគម្រោងស្ថានីយសូឡាអានុភាព ២០ មេហ្គាវ៉ាត នៅខេត្តស្វាយរៀង និងស្ថានីយសូឡាអនុភាព ៦០មេហ្គាវ៉ាត ដែលគ្រោងនឹងបើកដំណើរការឆ្នាំនេះផងដែរ។ […]
អានបន្ថែម
ដី ១០ហិកតា នៅស្រុកឱរ៉ាល់ខេត្តកំពង់ស្ពឺ នឹងក្លាយជាទីតាំងបូជាសពអ្នកជំងឺកូវីដ-១៩
ផ្ទៃដីប្រមាណ១០ហិកតា ក្នុងស្រុកឱរ៉ាល់ ខេត្តកំពង់ស្ពឺ នឹងក្លាយជាទីតាំងបូជាសពអ្នកដែលស្លាប់ដោយសារជំងឺកូវីដ-១៩ ខណៈបច្ចុប្បន្នរដ្ឋាភិបាលកំពុងមមាញឹកឈូសឆាយសាងសង់។ នេះបើតាមការឱ្យដឹងពីមន្រ្តីនាំពាក្យរដ្ឋបាលរាជធានីភ្នំពេញ។ លោក ម៉េត មាសភក្ដី អ្នកនាំពាក្យរដ្ឋបាលរាជធានីភ្នំពេញ ថ្លែងប្រាប់សារព័ត៌មាន Fresh News នៅថ្ងៃទី១២ ខែមីនា នេះថា ទីតាំងមូលដ្ឋានក្នុងស្រុកឱរ៉ាល់ ខេត្តកំពង់ស្ពឺ គឺមានសុវត្ថិភាព និងជាជម្រើសល្អ ដោយសារទីនោះមិនប៉ះពាល់ដល់ការរស់នៅរបស់ប្រជាពលរដ្ឋឡើយ។ លោក ក៏បានបន្ថែមថា បច្ចុប្បន្នរដ្ឋបាលរាជធានីភ្នំពេញ បានរៀបចំផ្ទៃដីទំហំប្រមាណ១០ហិកតា និងឡជាបច្ឆាបច្ចេកទេសស្តង់ដារចំនួន៦ ដោយបាននិងកំពុងសម្រុកធ្វើទាំងយប់ទាំងថ្ងៃផងដែរ ។ គួរបញ្ជាក់ថា ការសម្រេចជ្រើសរើសទីតាំងនេះ ធ្វើឡើងក្រោយទទួលបានបទបញ្ជារបស់ សម្ដេច ហ៊ុន សែន មកកាន់ ឯកឧត្តម ឃួង ស្រេង អភិបាលរាជធានីភ្នំពេញ កាលពីពេលថ្មីនេះៗ។
អានបន្ថែម
ឱកាស ៣ សំខាន់ៗ ដែលកម្ពុជាត្រូវតែចាប់យកឱ្យបាន ដើម្បីស្ដារសេដ្ឋកិច្ច ក្រោយវិបត្តិកូវីដ
របាយការណ៍ពិសេសរបស់អ្នកស្រាវជ្រាវពីក្រុមហ៊ុន DHL បានសម្តែងសុទិដ្ឋិនិយមថា ប្រទេសកម្ពុជានឹងងើបឡើងវិញយ៉ាងឆាប់រហ័សពីវិបត្តិកូវីដ ១៩ ដោយសារកត្តាចម្បង ៣ រួមមាន គោលនយោបាយកញ្ចប់ថវិកាជំរុញសេដ្ឋកិច្ចរបស់រដ្ឋាភិបាល កំណើនឱកាសដៃគូពាណិជ្ជកម្មថ្មីៗ និងពិសេសនិន្នាការកើនឡើងនៃរំហូរចូលនៃការវិនិយោគផ្ទាល់។ កត្តាគោលនយោបាយ ចុះផ្សាយនៅក្នុងកាសែត Business Times នៅដើមខែនេះ របាយការណ៍ដដែលបានលើកឡើងថា កត្តាដំបូងបង្អស់ គឺជាការគាំទ្រយ៉ាងខ្លាំងពីរដ្ឋាភិបាលតាមរយៈវិធានចាក់បញ្ចូលថវិការដ្ឋដ៏ច្រើនចូលក្នុងចរន្តសេដ្ឋកិច្ច។ រហូតមកដល់បច្ចុប្បន្ន កញ្ចប់ថវិការដ្ឋដើម្បីជំរុញសេដ្ឋកិច្ចបានឈានដល់ជាង ១,១៦ ពាន់លានដុល្លារអាមេរិកហើយ ឬស្មើនឹងប្រមាណ ៥% នៃ GDP។ កញ្ចប់ថវិកានេះ បានប្រើប្រាស់លើវិស័យផលប៉ះពាល់ជាច្រើន។ លើសពីនេះ ការលើកលែងពន្ធសម្រាប់វិស័យសណ្ឋាគារ និងទេសចរណ៍ ក៏កំពុងបន្តអនុវត្ត ដែលសុទ្ធសឹងតែជាការជួយស្ដារសេដ្ឋកិច្ច។ លើសពីនេះ ធនាគារជាតិនៃកម្ពុជាក៏បានកាត់បន្ថយអត្រាការប្រាក់ ហើយនៅតែបន្តផ្តល់ការរៀបចំប្រាក់កម្ចីឡើងវិញ ឬ Loan Restructuring ដល់ធនាគារពាណិជ្ជកម្មរហូតដល់ពាក់កណ្តាលឆ្នាំ ២០២១។ កត្តាដៃគូពាណិជ្ជកម្ម ទោះបីជាកំពុងមានវិបត្តិកូវីដក្ដី ប្រទេសកម្ពុជានៅតែសកម្មក្នុងការស្វែងរកដៃគូពាណិជ្ជកម្ម និងឱកាសអាជីវកម្ម។ ឧទាហរណ៍ ដូចជាថ្មីៗនេះ កម្ពុជាបានចុះហត្ថលេខាលើកិច្ចព្រមព្រៀងពាណិជ្ជកម្មសេរី (FTA) ជាមួយប្រទេសចិន ដែលគោលការណ៍នេះ រំពឹងថានឹងចូលជាធរមានក្នុងពេលឆាប់ៗ ។ តាមរយៈកិច្ចព្រមព្រៀងពាណិជ្ជកម្មសេរីនេះ […]
អានបន្ថែម
ប្រធានសមាគមអ្នកសាងសង់កម្ពុជាបរិច្ចាគ ៣ លានដុល្លារ ដើម្បីជួយទប់ស្កាត់ការឆ្លងកូវីដ១៩
អ្នកឧកញ៉ា ពុង ឃាវសែ ជាប្រធានសមាគមអ្នកសាងសង់កម្ពុជា និងជាប្រធានក្រុមប្រឹក្សាភិបាលធនាគារកាណាឌីយ៉ា ក៏ដូចជាក្រុមហ៊ុន OCIC កាលពីព្រឹកថ្ងៃទី ១២ មីនា នេះ បានបរិច្ចាគថវិកា ៣លានដុល្លារ ជូនរដ្ឋាភិបាល ដើម្បីចូលរួមសកម្មភាពទប់ស្កាត់ការរីករាលដាលជំងឺកូវីដ១៩ ក្នុងព្រឹត្តិការណ៍២០កុម្ភៈ។ នេះមិនមែនជាលើកទីមួយទេដែលអ្នកឧកញ៉ា ពុង ឃាវសែ បរិច្ចាគថវិកាដើម្បីជួយរដ្ឋាភិបាល។ កាលពីដើមខែ ធ្នូ ឆ្នាំ ២០២០ អ្នកឧកញ៉ា ក៏បានបានបរិច្ចាគថវិកា ៣លានដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ១៩។ លើសពីនេះ ក្នុងអំឡុងពេលនៃការផ្ទុះជំងឺកូវីដដំបូង អ្នកឧកញ៉ាក៏បានបរិច្ចាគថវិកាចំនួន ៥០០ ០០០ ដុល្លារដល់រដ្ឋាភិបាលផងដែរ។ សម្រាប់អ្នកឧកញ៉ា ថវិកាបរិច្ចាគគ្រាន់តែជាផ្នែកតូចមួយប៉ុណ្ណោះក្នុងការជួយដល់រដ្ឋាភិបាលដោះស្រាយបញ្ហាកូវីដ។ ប៉ុន្ដែអ្វីដែលសំខាន់ជាងនេះ ក្រុមហ៊ុននានារបស់អ្នកឧកញ៉ាកន្លងមក ក៏បានជួយដោះស្រាយបញ្ហាកូវីដដោយប្រយោល ពោលគឺតាមរយៈគម្រោងធំៗតម្លៃរាប់ពាន់លានដុល្លារ ដែលជាកត្ដាជួយជំរុញសេដ្ឋកិច្ច និងបង្កើតការងារ។ តួយ៉ាង កាលពីខែតុលាកនុ្លងមកនេះ ក្រុមហ៊ុន OCIC បានបើកការដ្ឋានសាងសង់ស្ពានធំ ៗ ចំនួន ២ ដែលមួយតភ្ជាប់ពីទីក្រុងកោះពេជ្រទៅកោះនរា […]
អានបន្ថែម
កម្ពុជា ឡាវ និងវៀតណាម ឯកភាពគ្នាពន្លឿនការស្ថាបនាហេដ្ឋារចនាសម្ព័ន្ធឆ្លងប្រទេសធំៗ ៣
នាយករដ្ឋមន្រ្តីនៃប្រទេសកម្ពុជា ឡាវ និងវៀតណាម បានសម្រេចឯកភាពគ្នាគៀងគរធនធានពីដៃគូអភិវឌ្ឍន៍ ដើម្បីពន្លឿនការស្ថាបនាហេដ្ឋារចនាសម្ព័ន្ធឆ្លងប្រទេសធំៗ ៣ រួមមាន ផ្លូវរថភ្លើងភ្នំពេញ-ហូជីមិញ ផ្លូវល្បឿនលឿនហាណូយ-វៀងចន្ទន៍ និងផ្លូវរថភ្លើងវៀងចន្ទន៍-វង្សអាន ។ នេះបើយោងតាមកិច្ចប្រជុំតាមប្រព័ន្ធវីដេអូរវាងប្រមុខថ្នាក់ដឹកនាំនៃប្រទេសទាំងបី កាលពីថ្ងៃទី១០ ខែមីនា ឆ្នាំ២០២១ នេះ។ ការពន្លឿនការស្ថាបនាផ្លូវល្បឿនលឿន និងផ្លូវរថភ្លើងទាំងនេះ គឺដើម្បីជំរុញកិច្ចសហប្រតិបត្តិការក្របខណ្ឌក្នុងតំបន់ ដែលជាការអនុវត្តតាមផែនការតភ្ជាប់សេដ្ឋកិច្ច CLV ដល់ឆ្នាំ ២០៣០។ ក្នុងកិច្ចប្រជុំដដែលនេះ ថ្នាក់ដឹកនាំប្រទេសបី ក៏បានពិចារណាដំណើរការឡើងវិញនូវជើងហោះហើរអន្តរជាតិរវាងកម្ពុជា ឡាវ និងវៀតណាម ផងដែរ ដើម្បីជំរុញពាណិជ្ជកម្ម និងការវិនិយោគ។ ដោយឡែក ទាក់ទិននឹងគម្រោង ផ្លូវរថភ្លើងភ្នំពេញ-ហូជីមិញ មកទល់បច្ចុប្បន្ន នៅមិនទាន់ចាប់ផ្ដើមនៅឡើយទេ។ បើយោងតាម អ្នកនាំពាក្យក្រសួងសាធារណការ និងដឹកជញ្ជូន ឯកឧត្តម វ៉ាស៊ីម សុរិយា កាលពីថ្មីៗនេះ គម្រោងនេះគ្រាន់តែជាការឯកភាពគ្នាដោយផ្ទាល់មាត់ ដោយមិនទាន់មានការចុះហត្ថលេខាអ្វីនៅឡើយទេ។ (អានបន្ថែម) ប៉ុន្តែឯកឧត្តម បានបន្ថែមថា គម្រោងផ្លូវរថភ្លើងឆ្លងប្រទេសមួយខ្សែនេះនៅតែស្ថិតក្នុងបញ្ជីគម្រោងអាទិភាពរបស់រដ្ឋ ដោយកាលពីខែ តុលា ឆ្នាំ ២០២០ កន្លងមក មានក្រុមហ៊ុនចិនមួយបានបញ្ចប់ការសិក្សា […]
អានបន្ថែម
វិភាគ៖ តើកម្ពុជាអាចស្រូបយកវិនិយោគិនបន្ថែមបានទេ ខណៈប្រទេសជិតខាងកំពុងមានបញ្ហានយោបាយ?
កន្លងមកនេះ បន្ថែមពីលើបញ្ហាកូវីដ ឃើញថាប្រទេសមីយ៉ាន់ម៉ា និងប្រទេសថៃកំពុងតែប្រឈមបញ្ហានយោបាយ។ កត្តានេះបានធ្វើឱ្យអ្នកវិភាគទូទៅភាគច្រើន យល់ឃើញថាវាជាឱកាសសម្រាប់ប្រទេសកម្ពុជា ក្នុងការស្រូបយកគម្រោងវិនិយោគធំៗបន្ថែម ពិសេសក្រោយវិបត្តិកូវីដ១៩។ ការយល់ឃើញដូច្នេះគឺ អាចនឹងពិតឬ មិនពិត អាស្រ័យលើកត្តាច្រើនយ៉ាង។ បើយោងតាមការវិភាគរបស់សេដ្ឋកិច្ចវិទូទាំងក្នុង និងក្រៅស្រុក កត្តាទាំងនោះរួមមាន រយៈពេលនៃបញ្ហានយោបាយរបស់ប្រទេសជិតខាងថានឹងបន្ត ឬបញ្ឈប់នៅពេលណា ផែនការរយៈពេលវែងរបស់វិនិយោគិន និងចំណែកទីផ្សារដែលវិនិយោគបានត្រៀមជាដើម។ ប៉ុន្តែកត្ដាដែលសំខាន់បំផុតដែលអ្នកវិភាគយល់ស្របដូចគ្នា គឺកត្តាផ្ទៃក្នុង របស់ប្រទេសកម្ពុជាផ្ទាល់ ពោលគឺ តើកម្ពុជាអាចកាត់បន្ថយនីតិវិធីស្មុគស្មាញ និងក្រៅផ្លូវការទាក់ទិននឹងការវិនិយោគ ឬសុំសិទ្ធិធ្វើអាជីវកម្មនានា បានកម្រិតណា។ បើអាចធ្វើទៅបាន ចំណែកទីផ្សារមួយភាគធំ នឹងហូរចូលមកប្រទេសកម្ពុជា។ កន្លងមក ស្ថិរភាពនយោបាយ និងសង្គម គឺជាចំណុចទាក់ទាញគម្រោងវិនិយោគមកកម្ពុជាក្នុងរយៈពេល ២ ទសវត្សចុងក្រោយនេះ។ ទោះយ៉ាងណាក្ដី ភាពស្មុគស្មាញ និងភាពមិនប្រាកដប្រជានៅក្នុងក្របខ័ណ្ឌច្បាប់ និងការអនុវត្តជាក់ស្តែង នៅតែជាបញ្ហាប្រឈម និងជាឧបសគ្គកាត់បន្ថយទំនុកចិត្តពីវិនិយោគិនក្នុងរយៈពេលវែង។ ជាក់ស្ដែង របាយការណ៍ធនាគារពិភពលោក (World Bank) បានចាត់លំដាប់បរិយាកាសធុរកិច្ចនៅកម្ពុជាឆ្នាំ ២០២០ ថានៅលំដាប់ទី ១៤៤ ក្នុងចំណោម១៩០ ប្រទេស ។ ចំណែកឯ ការស្នើសុំសិទ្ធិសាងសង់វិញ […]
អានបន្ថែម
សណ្ឋាគារ២ កន្លែងទៀត នៅភ្នំពេញ នឹងត្រូវយកធ្វើជាមន្ទីរពេទ្យព្យាបាលអ្នកជំងឺកូវីដ១៩
សម្តេចតេជោ ហ៊ុន សែន បានប្រកាសតាមរយៈសារសម្លេងមួយកាលពីយប់ថ្ងៃទី១០ ខែមីនា នេះ ថានឹងរៀបចំសណ្ឋាគារ២ កន្លែងទៀត នៅភ្នំពេញ ធ្វើជាមន្ទីរពេទ្យសម្រាប់ព្យាបាលអ្នកជំងឺកូវីដ១៩ ដែលអាចមានជាង ២០០បន្ទប់។ លើសពីនេះ សម្តេចក៏ឯកភាពជាមួយសម្តេច ទៀ បាញ់ បញ្ចេញក្រុមគ្រូពេទ្យកងទ័ព ៣០ ក្រុម ឬស្មើនឹង៣០០នាក់ មកជួយផ្នែកស៊ីវិល ហើយទៅទទួលខុសត្រូវមន្ទីរពេទ្យ២ កន្លែង ដែលនឹងបង្កើតថ្មីនេះ។ យ៉ាងណាក្ដី សម្ដេចមិនទាន់បញ្ជាក់ឈ្មោះសណ្ឋគារទាំង ២ កន្លែងនេះទេ។ គួរជម្រាប់ថា ដោយសារការកើនឡើងយ៉ាងគំហុគនៃអ្នកដែលឆ្លងជំងឺកូវីដ-១៩ កាលពីពេលថ្មីៗនេះ សម្តេចក៏ទើបសម្រេចប្រែក្លាយអគារសណ្ឋាគារ THE GREAT DUKE (អតីតសណ្ឋាគារអាំងទែកុងទីណង់តាល់) ធ្វើជាមន្ទីរពេទ្យ ពិនិត្យ ថែទាំ និងព្យាបាលអ្នកជំងឺកូវីដ-១៩ផងដែរ៕
អានបន្ថែម
គម្រោងសាងសង់ Naga 3 តម្លៃ ៤ពាន់លានដុល្លារដំណើរការជាធម្មតាគ្រោងបញ្ចប់ក្នុងឆ្នាំ២០២៥
ការដ្ឋានសាងសង់គម្រោងមជ្ឈមណ្ឌលកម្សាន្តចម្រុះ Naga 3 តម្លៃជាង ៤ ពាន់លានដុល្លារ ដំណើរការទៅយ៉ាងរលូន ហើយគ្រោងនឹងបញ្ចប់នៅឆ្នាំ ២០២៥ ខាងមុខនេះ បើទោះបីជាមានវិបត្តិកូវីដយ៉ាងណាក្ដី។ នេះបើតាមឱ្យដឹងពីរបាយការណ៍របស់ក្រុមហ៊ុន NagaCorp កាលពីថ្ងៃទី ៨ មីនា កន្លងទៅ។ គិតត្រឹមខែមីនា ការដ្ឋានស្ថិតនៅដំណាក់បុកគ្រឹះ ដែលកំពុងអនុវត្តដោយក្រុមហ៊ុនម៉ាឡេស៊ី Econpile។ ការងាររបស់ក្រុមហ៊ុន Econpile នេះ រួមមានការងារបុកគ្រឹះ និងផ្នែកខ្លះនៃគ្រឿងបង្គុំ ដែលជាកិច្ចសន្យារងពីក្រុមហ៊ុនចិន MCC International Incorporation Ltd។ ក្រុមហ៊ុនម៉ាឡេស៊ី Econpile ទទួលកិច្ចសន្យារងនេះក្នុងតម្លៃ ៨៥,៧ លានដុល្លារ តាំងពីខែធ្នូ ឆ្នាំ ២០២០ មកម្លេះ។ (អានបន្ថែម) បើយោងតាមសេចក្ដីប្រកាសរបស់ NagaCorp កាលពីឆ្នាំ ២០១៩ គម្រោង Naga 3 នេះ នឹងត្រូវសាងសង់លើទឹកដីអតីតអគារប៊ូលឌីងចាស់ ដែលរួមបញ្ចូល អគារកម្ពស់ ៦៥ ជាន់ ចំនួន […]
អានបន្ថែម
រដ្ឋកាត់ដីជិត ៦០០ ហិកតាជូនពលរដ្ឋដែលរងផលប៉ះពាល់ពីគម្រោងអភិវឌ្ឍន៍ឯកជនក្នុងស្រុកបូទុមសាគរ
រដ្ឋាភិបាលបានសម្រេចកាត់ឆ្វៀលដីទំហំ ៥៩៨ ហិកតា ចេញពីឧទ្យានជាតិបុទុមសាគរ ដើម្បីធ្វើប្រទានកម្មកម្មសិទ្ធិជូនប្រជាពលរដ្ឋចំនួន ១៣១គ្រួសារ ដែលបានរងផលប៉ះពាល់ពីគម្រោងអភិវឌ្ឍន៍របស់ក្រុមហ៊ុនស៊ីណូម៉ិចសិន។ នេះបើយោងតាមកិច្ចប្រជុំរបស់រដ្ឋបាលខេត្តកោះកុង កាលពីថ្ងៃទី០៩ ខែមីនា កន្លងមកនេះ។ លោក សុខ សុទ្ធី អភិបាលរងខេត្តកោះកុង បានឱ្យដឹងថា ដីដែលសម្រេចកាត់ឆ្វៀលទាំងនោះ ពីមុនជាដីសម្បទានសេដ្ឋកិច្ចឱ្យទៅក្រុមហ៊ុនស៊ីណូម៉ិចសិន ហើយពេលនេះដីទាំងនោះបានបំពេញសលាកបត្រព័ត៌មានរួចរាល់ជាមួយក្រសួងរៀបចំដែនដី នគរូនីយកម្ម និងសំណង់ហើយ។ លោកបានបន្តថាការបែងចែកត្រូវបានធ្វើឡើងជា ២ ទីតាំងដោយ ទីតាំងទី១ ត្រូវរៀបចំប្លង់ជាឡូតិ៍ ដែលមានដីទំហំទទឹង ២០ម៉ែត្រ និងបណ្តោយ ៧០ម៉ែត្រស្របនឹងវិថីសាយភូថង។ ចំណែកទីតាំងទី២ វិញ នឹងរៀបចំជាប្លង់ឡូតិ៍ ដែលមានដីទំហំទទឹង ២០ម៉ែត្រ និងបណ្តោយ ១០០ម៉ែត្រ។ ប្រភពដដែលបានឱ្យដឹងទៀតថា ចំពោះដីដែលនៅសេសសល់ពីការបែងចែកជូនប្រជាពលរដ្ឋ នឹងត្រូវទុកជាដីសាធារណ:របស់រដ្ឋ។ ក្នុងកិច្ចប្រជុំនេះ លោកសុខ សុទ្ធីក៏បានណែនាំដល់រដ្ឋបាលស្រុកបូទុមសាគរ និងអាជ្ញាធរពាក់ព័ន្ធឱ្យចុះស្រង់ឈ្មោះប្រជាពលរដ្ឋដែលបានលក់ដីក្នុងតំបន់ ដើម្បីយកមកធ្វើជាមូលដ្ឋាន សម្រាប់ផ្ទៀងផ្ទាត់នឹងបញ្ជីឈ្មោះប្រជាពលរដ្ឋទាំង ១៣១គ្រួសារ។ ការប្រមូលឈ្មោះនេះ គឺដើម្បីបង្ការកុំឱ្យជនខិលខូចដែលបានលក់ដីរបស់ខ្លួនឱ្យទៅអ្នកផ្សេងរួចហើយ តែមកទទួលយកប្រទានកម្មកម្មសិទ្ធិម្ដងដងទៀត និងជៀសវាងការខ្វះដីសម្រាប់បែងចែកជូនប្រជាពលរដ្ឋ។ គួរបញ្ជាក់ផងដែរថា កន្លងមក រដ្ឋបាលស្រុកកោះកុងក៏បានស្នើរាជរដ្ឋាភិបាលឱ្យកាត់ឆ្វៀលដីចេញពីអនុក្រឹត្យលេខ៨០ និងតំបន់ឧទ្យានជាតិបុទុមសាគរ […]
អានបន្ថែម
ក្រសួងកំពុងលើកកម្ពស់ផ្លូវជាតិ និងផ្លូវខេត្តសំខាន់ៗ ៨ខ្សែ នៅខេត្តរតនគីរី និងត្បូងឃ្មុំ
ក្រសួងសាធារណការនិងដឹកជញ្ជូនកំពុងពង្រឹង និងពន្លឿនការងារជួសជុល និងថែទាំកំណាត់ផ្លូវជាតិ និងផ្លូវខេត្តសំខាន់ៗចំនួន៨ខ្សែ នៅខេត្តរតនគីរី និងត្បូងឃ្មុំ ដើម្បីសម្រួលការធ្វើដំណើរ និងការដឹកជញ្ជូន។ បើយោងតាមមន្ទីរសាធារណការ និងដឹកជញ្ជូន ខេត្តរតនគីរី និងត្បូងឃ្មុំ កាលពីថ្ងៃទី៦ ខែមីនា ផ្លូវទាំង៨ខ្សែ នោះ រួមមាន កំណាត់ផ្លូវជាតិលេខ 7 , 8 , 73 , 76 , 78 , 78-5 ផ្លូវខេត្តលេខ 373C និងផ្លូវខេត្តលេខ 3789។ ប្រភពដដែលបានឱ្យដឹងថា ការងារដែលកំពុងអនុវត្ដមានដូចជា ការគូសគំនូសចរាចរណ៍ និងស្រោចកៅស៊ូការពារស្រទាប់លើ ការកៀរសម្រួល កិនបង្ហាប់បន្ថែម និងដាក់លូជាដើម។ ការងារជួសជុល និងថែទាំនេះ គឺដើម្បីរក្សាគុណភាពផ្លូវតាមស្តង់ដារ ក៏ដូចជាការបន្ថែមអាយុកាលប្រើប្រាស់ផ្លូវ។ លើសពីនេះ ការលើកកម្ពស់ផ្លូវទាំងនេះ ក៏នឹងជួយសម្រួលដល់ការធ្វើដំណើររបស់ប្រជាពលរដ្ឋ និងការដឹកជញ្ជូនផងដែរ។ គួរបញ្ជាក់ផងដែរថា ក្រសួងក៏បានស្នើឱ្យប្រជាជនជួយថតរាយការណ៍ពីស្ថានភាពផ្លូវខូចខាត ដោយប្រើប្រាស់កម្មវិធីថែទាំផ្លូវ (Road Care Mobile App) […]
អានបន្ថែម
តើគួរធ្វើដូចម្តេចពេលមានវិវាទដីធ្លីកើតឡើង?
មនុស្សភាគច្រើនប្រហែលជាគិតថា រាល់ពេលមានវិវាទដីធ្លី គឺត្រូវតែប្ដឹងផ្ដល់ឡើងដល់តុលាការ។ មិនខុសឡើយ! ប៉ុន្តែតុលាការគ្រាន់តែជានីតិវិធីចុងក្រោយ បន្ទាប់ពីយន្តការដោះស្រាយផ្សេងៗជាច្រើន។ តើយន្តការដោះស្រាយវិវាទដីធ្លី ក្រៅប្រព័ន្ធតុលាការមានអ្វីខ្លះ ហើយត្រូវធ្វើឡើងយ៉ាងដូចម្ដេច? តាមប្រកាសអន្តរក្រសួងលេខ ០២ ប្រកច.០៣ ចុះថ្ងៃទី២៦ ខែវិច្ឆិកា ឆ្នាំ២០០៣ ស្តីពីការកំណត់ភារកិច្ចរបស់តុលាការ និងគណៈកម្មការសុរិយោដីពាក់ព័ន្ធនឹងវិវាទដីធ្លី បានធ្វើការបែងចែកជាវិវាទដីធ្លីជា ២ប្រភេទ។ ចំពោះវិវាទដីធ្លីដែលបានចុះបញ្ជីរួចហើយ (ដីប្លង់រឹង) ត្រូវស្ថិតក្រោមសមត្ថកិច្ចរបស់តុលាការជាអ្នកដោះស្រាយ។ តែចំពោះវិវាទដីធ្លីដែលមិនទាន់បានចុះបញ្ជីសុរិយោដី (ដីប្លង់ទន់) ត្រូវស្ថិតក្រោមសមត្ថកិច្ចរបស់ស្ថាប័ននានារួមមាន៖ ក.ក្រុមប្រឹក្សាឃុំ សង្កាត់ តាមការអនុវត្តជាក់ស្តែង ក្រុមប្រឹក្សាឃុំ សង្កាត់ ជាអ្នកប្រមូលគំនិតយោបល់ផ្សេងៗ របស់ប្រជាពលរដ្ឋក្នុងឃុំ សង្កាត់ ប៉ុន្តែគ្មានសិទ្ធិសម្រេចនោះទេ។ ដោយគ្មានការសម្រេចបែបនេះ ករណីភាគច្រើនគ្រាន់តែធ្វើសវនកម្ម (ផ្ទៀងផ្ទាត់) នៅមុខក្រុមប្រឹក្សាឃុំ សង្កាត់ មុននឹងបញ្ជូនទៅថ្នាក់លើដោះស្រាយបន្ត។ ខ. គណៈកម្មការរដ្ឋបាល គណៈកម្មការរដ្ឋបាលទទួលពាក្យបណ្តឹង និងដោះស្រាយរាល់វិវាទដោយប្រើវិធីសាស្រ្តសម្រុះសម្រួល។ ក្នុងករណីដែលការដោះស្រាយតាមវិធីសាស្រ្តសម្រុះសម្រួលមិនអាចសម្រេចបាន ត្រូវបញ្ជូនសំណុំរឿងទៅគណកម្មាការសុរិយោដីថ្នាក់ជាតិ។ គ. គណៈកម្មការសុរិយោដី គណៈកម្មការសុរិយោដី មានសមត្ថកិច្ចស៊ើបអង្កេត និងដោះស្រាយវិវាទដីធ្លីដែលមិនបានចុះបញ្ជីសុរិយោដី។ គណៈកម្មការនេះ បែកចែកជា ០៣ គឺថ្នាក់ស្រុកខណ្ឌ […]
អានបន្ថែម