គម្រោងស្តារផ្លូវជាតិលេខ ៤៨ ពីភ្ជាប់ពីផ្លូវជាតិលេខ៤ ទៅកោះកុង ស្ថិតក្នុងដំណាក់កាលដេញថ្លៃហើយ
អ្នកនាំពាក្យក្រសួងសាធារណការ និងដឹកជញ្ជូនឯកឧត្តម វ៉ាស៊ីម សុរិយា បានឱ្យដឹងថា គម្រោងស្តារផ្លូវជាតិលេខ៤៨ តភ្ជាប់ពីផ្លូវជាតិលេខ៤ ទៅខេត្តកោះកុង កំពុងស្ថិតក្នុងដំណាក់កាលដេញថ្លៃហើយ ដោយនីតិវិធីគ្រោងនឹងបញ្ចប់ក្នុងពេលឆាប់ៗខាងមុខនេះ។ ឯកឧត្តម បានឱ្យដឹងថាកាលពីថ្ងៃទី ៣ មីនា កន្លងមកនេះថា គម្រោងស្តារផ្លូវជាតិមួយខ្សែនេះ នឹងត្រូវប្រើប្រាស់កម្ចីកូរ៉េខាងត្បូង។ នៅពេលបញ្ចប់នីតិវិធីដេញថ្លៃ ក្រសួងនឹងបញ្ជូនឯកសារដេញថ្លៃ ទៅភាគីកូរ៉េខាងត្បូងសិន មុននឹងចាប់ផ្ដើមសាងសង់។ ឯកឧត្តមថ្លែងថា៖ «បន្ទាប់ពីការដាក់ដេញថ្លៃ ក៏នៅមានការពិភាក្សាបន្ថែមទៀតជាមួយក្រសួងសេដ្ឋកិច្ច និងហិរញ្ញវត្ថុផងដែរ មុននឹងបញ្ជូនទៅភាគីកូរ៉េ»។ ឯកឧត្តមបានបន្ថែមទៀតថា៖ «នេះជាគម្រោងលើកកម្ពស់ប្រព័ន្ធដឹកជញ្ជូនផ្ទៃក្នុងប្រទេស ដើម្បីជំរុញសកម្មភាពសេដ្ឋកិច្ចរឹងមាំបន្ថែមទៀត តាមរយៈសម្រួលការដឹកជញ្ជូនកសិផលទៅកាន់ច្រកនាំចេញ និង កំពង់ផែសមុទ្រ» ។ គួរបញ្ជាក់ផងដែរថា កំណាត់ដែលនឹងត្រូវជួសជុលមានប្រវែង ១៦០ គីឡូម៉ែត្រ ចាប់ពីស្រុកស្រែអំបិលដល់ទីរួមខេត្តកោះកុង ដែលខូចខាតធ្ងន់ដោយសារទឹកជំនន់កន្លងមកនេះ។ គម្រោងនេះនឹងចំណាយថវិកាប្រមាណ ៧៥ លានដុល្លារ ដោយក្នុងនោះ ៦៧ លានដុល្លារជាកម្ចីពីប្រទេសកូរ៉េខាងត្បូង និងប្រមាណ ៨ លានដុល្លារទៀត ជាថវិកាបដិភាគរដ្ឋាភិបាល។ (អានបន្ថែម) ផ្លូវជាតិមួយខ្សែនេះ គឺនឹងត្រូវកសាងឡើងវិញពីប្រភេទផ្លូវ DBST ទៅជាប្រភេទផ្លូវក្រាលកៅស៊ូ AC […]
អានបន្ថែម
មន្ទីរពិសោធន៍ជាតិកម្ពស់៧ ជាន់ ដ៏ថ្មីស្រឡាងមួយរបស់ក្រសួងឧស្សាហកម្ម បានបញ្ចប់ការសាងសង់
អគារមន្ទីរពិសោធន៍ជាតិ វិទ្យាសាស្ត្រ បច្ចេកវិទ្យា និងនវានុវត្តន៍ ដ៏ថ្មីស្រឡាងមួយកន្លែងរបស់ក្រសួងឧស្សាហកម្ម ដែលមានទីតាំងនៅតាមបណ្ដោយផ្លូវជាតិលេខ ២ សង្កាត់ចាក់អង្រែលើ បានបញ្ចប់ការសាងសង់ជាស្ថាពរ ដោយពិធីប្រគល់-ទទួលអគារ ត្រូវបានធ្វើឡើងកាលពីរសៀលថ្ងៃទី៣ ខែមីនា កន្លងមកនេះ។ ពិធីចុះហត្ថលេខាលើលិខិតប្រគល់-ទទួលអគារនេះធ្វើឡើងរវាង ឯកឧត្តម ចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាមួយក្រុមហ៊ុនសាងសង់ លី ឈួង សំណង់ & អាហរ័ណ នីហរ័ណ។ ឯកឧត្តម ចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ មានប្រសាសន៍ថា៖ «អគារមន្ទីរពិសោធន៍ជាតិថ្មីនេះ មានទំហំ ៤.៨០០ ម៉ែត្រ ការ៉េ កំពស់៧ជាន់ ដោយបានសាងសង់ចប់ត្រឹមត្រូវ តាមបទដ្ឋានបច្ចេកទេស និងគំនូសប្លង់ស្របតាមកិច្ចសន្យា»។ គួរបញ្ជា្កក់ផងដែរថា អគារមន្ទីរពិសោធន៍ជាតិមួយនេះត្រូវបានសាងសង់តាំងពីឆ្នាំ ២០១៨ មកម្លេះ។ ហើយនេះគឺជាសមិទ្ធិផលថ្មីមួយក្នុងការជួយជួយលើកកម្ពស់និងជួយអភិវឌ្ឍគុណភាពសមត្ថភាពរបស់ហគ្រាសធុនតូច និងមធ្យមក្នុងវិស័យឧស្សាហកម្ម ឲ្យមានភាពរីកចម្រើនជាងមុន។ (អានបន្ថែម)
អានបន្ថែម
ក្រសួងដែនដីនឹងប្តូរទៅទីតាំងថ្មីនៅថ្ងៃទី ១៥ មីនានេះ ទោះមិនទាន់បើកសម្ពោធផ្លូវការក្ដី
ទីស្ដីការក្រសួងរៀបចំដែនដី នគរូបនីយកម្ម និងសំណង់ នឹងប្តូរទៅទីតាំងថ្មី នៅខណ្ឌសែន សុខ នៅថ្ងៃទី ១៥ ខែមីនា ឆ្នាំ២០២១ខាងមុខនេះហើយ ខណៈពិធីសម្ពោធជាផ្លូវការនឹងធ្វើឡើងនៅខែមេសា តាមការគម្រោងទុក។ នេះបើយោងតាមសេចក្ដីប្រកាសរបស់ក្រសួងចុះថ្ងៃទី ៣ មីនា។ សេចក្តីប្រកាសបានឱ្យដឹងថា ទីស្ដីការក្រសួងនឹងប្តូរទីតាំងចាស់ ដែលស្ថិតនៅមហាវិថីព្រះមុនីវង្ស សង្កាត់បឹងត្របែក ខណ្ឌចម្ការមន ទៅទីតាំងថ្មី ដែលស្ថិតនៅដីឡូតិ៍លេខ ២០០៥ ផ្លូវលេខ ៣០៧ ខណ្ឌសែនសុខ វិញ។ គួររម្លឹកថាទីស្ដីការក្រសួងនេះបានចាប់ផ្ដើមបើកការដ្ឋានសាងសង់កាលពីថ្ងៃទី២៨ ខែមករា ឆ្នាំ២០២០ មកម្លេះ លើផ្ទៃដី៣ហិកតា។ សមិទ្ធផលថ្មីនេះនឹង មានទំហំ ៥ម៉ឺនម៉ែត្រការ៉េ កម្ពស់៥ជាន់ ហើយបែងចែកជាពីរផ្នែក គឺអគារទីស្ដីការក្រសួង និងមន្ទីរពិសោធន៍។ (អានបន្ថែម) សម្ដេច ហ៊ុន សែន បានថ្លែងកាលពីថ្ងៃទី២២ ខែមករា ឆ្នាំ២០២១ថា សម្តេចបានសម្រេចយកថ្ងៃទី៤ ខែមេសា ឆ្នាំ២០២១ខាងមុខនេះ ធ្វើជាពិធីសម្ពោធអគារថ្មីទីស្តីការ ក្រសួងរៀបចំដែនដី នគរូបនីយកម្ម និងសំណង់៕ (អានបន្ថែម)
អានបន្ថែម
ADB ណែនាំថារដ្ឋគួរបង្កើនពន្ធលើអចលនទ្រព្យ ក្រោយវិបត្តិកូវីដចប់ ដើម្បីជំរុញកំណើនសេដ្ឋកិច្ច
អត្ថបទវិភាគមួយរបស់ធនាគារអភិវឌ្ឍន៍អាស៊ី ឬ ADB បានណែនាំថា ប្រទេសកម្ពុជា និងបណ្តាប្រទេសដទៃទៀតនៅអាស៊ីប៉ាស៊ីហ្វិក គួរបង្កើនការប្រមូលពន្ធ ជាពិសេសពន្ធលើអចលនទ្រព្យ និងទ្រព្យសម្បត្តិ ដើម្បីជំរុញការងើបឡើងវិញនៃសេដ្ឋកិច្ច នៅពេលវិបត្តិកូវីដបានធូរស្បើយ។ អត្ថបទដែលមានចំណងជើងថា“ តើរដ្ឋាភិបាលអាចប្រើគោលនយោបាយពន្ធដើម្បីពន្លឿនការស្ដារសេដ្ឋកិច្ចបានយ៉ាងដូចម្តេច?” បានលើកឡើងថា ការយកពន្ធលើអ្នកមាន (ពន្ធទ្រព្យសម្បត្តិ) គឺវិធីសាស្រ្តដ៏មានប្រសិទ្ធភាពបំផុតមួយ ដើម្បីបង្កើនប្រាក់ចំណូលរបស់រដ្ឋាភិបាល។ ដោយសារតែអ្នកមានភាគច្រើនមិនសូវរងផលប៉ះពាល់ខ្លាំងពីកូវីដទេ ដូច្នេះការប្រមូលពន្ធលើទ្រព្យសម្បត្តិរបស់ពួកគេ មិនត្រឹមតែជួយជំរុញកំណើនសេដ្ឋកិច្ចនោះទេ តែក៏ជួយកាត់បន្ថយវិសមភាពប្រាក់ចំណូល និងលើកកម្ពស់ការអភិវឌ្ឍប្រកបដោយចីរភាពផងដែរ។ ប្រភពដដែលបានឱ្យដឹងទៀតថា ពន្ធសំខាន់ផ្សេងៗទៀតដែលនឹងជួយជំរុញការងើបឡើងនៃសេដ្ឋកកិច្ចរួមមាន ពន្ធលើអចលនទ្រព្យ ពន្ធលើមរតក និងអំណោយ ក៏ដូចជាពន្ធលើប្រាក់ចំណូល។ ហើយរដ្ឋាភិបាល គួរតែគិតគូរបន្ថែមពន្ធទាំងនេះ ក្នុងគោលនយោបាយរយៈពេលមធ្យម និងវែង។ ដោយឡែក សម្រាប់ប្រទេសកម្ពុជាផ្ទាល់ ធនាគារអភិវឌ្ឍន៍អាស៊ី បានសង្កេតឃើញថា ក្នុងរយៈពេលប៉ុន្មានឆ្នាំកន្លងមកនេះ ការប្រមូលពន្ធគឺកើនឡើងគួរឱ្យកត់សម្គាល់ ដែលនេះគឺជាសញ្ញាវិជ្ជមានមួយបង្ហាញថារដ្ឋាភិបាលកំពុងឆ្ពោះទៅរកទិសដៅអភិវឌ្ឍប្រកបដោយនិរន្តរភាព។ គួរបញ្ជាក់ផងដែរថា ត្រឹមខែវិច្ឆិកាឆ្នាំ ២០២០ បណ្តាប្រទេសនៅតំបន់អាស៊ី បានចំណាយសរុបជាង ២៥ ទ្រីលានដុល្លារ ដើម្បីប្រយុទ្ធប្រឆាំងនឹងការរាតត្បាតនៃជំងឺកូវីដ១៩។ ទន្ទឹមនឹងនេះ ការប្រមូលពន្ធបែជាធ្លាក់ចុះទៅវិញ។ ADB ក៏បានវិភាគទៀតថា បើការប្រមូលពន្ធនៅតែបន្តធ្លាក់ចុះ ប្រជាជនរាប់សិបលាននាក់នៅក្នុងតំបន់ នឹងធ្លាក់ចូលក្នុងភាពក្រីក្រខ្លាំង។ […]
អានបន្ថែម
ផ្សារព្រំដែនតម្លៃជាង២ លានដុល្លារ ថ្មីមួយទៀតគ្រោងសាងសង់នៅទល់ដែនវៀតណាមខេត្តកំពត
ក្រសួងពាណិជ្ជកម្ម និងរដ្ឋបាលខេត្តកំពតបានកំណត់ទីតាំងសម្រាប់សាងសង់ផ្សារព្រំដែនថ្មីមួយទៀត នៅខេត្តស្រុកកំពង់ត្រាច ខេត្តកំពត ដោយការសាងសង់នឹងចាប់ផ្ដើមឆាប់ៗនេះ ហើយគ្រោងនឹងបញ្ចប់នៅពាក់កណ្តាលឆ្នាំ ២០២២ ខាងមុខ។ មានឈ្មោះថាផ្សារព្រែកចាក ផ្សារព្រំដែននេះនឹងត្រូវសាងសង់លើផ្ទៃដី ២ហិកតា ស្ថិតនៅក្នុងភូមិថ្ងូវ ឃុំឬស្សីស្រុកខាងកើត ស្រុកកំពង់ត្រាច។ ទីតាំងនេះ ស្ថិតនៅជិតច្រកទ្វារព្រំដែនអន្តរជាតិព្រែកចាក ជាប់នឹងខេត្តកៀនយ៉ាង របស់ប្រទេសវៀតណាម។ រដ្ឋមន្រ្តីក្រសួងពាណិជ្ជកម្ម ឯកឧត្តម ប៉ាន់ សូរស័ក្តិ និងអភិបាលខេត្តកំពត ឯកឧត្តមជាវ តាយ បានដឹកនាំមន្រ្តីប្រតិភូ ចុះពិនិត្យទីតាំងសម្រាប់សាងសង់ផ្សារ កាលពីថ្ងៃសៅរ៍សប្តាហ៍មុននេះ។ តាមការគ្រោងទុក ផ្សារព្រំដែនព្រែកចាកនេះ នឹងត្រូវសាងសង់ដោយប្រើប្រាស់ថវិកាប្រមាណ ២លានដុល្លារ ដែលជាថវិការបស់រដ្ឋាភិបាល។ ឯកឧត្តម ប៉ាន់ សូរស័ក្តិ ជំរុញឱ្យអាជ្ញាធរមូលដ្ឋានខេត្តកំពត សម្រួលដល់ក្រុមហ៊ុនសាងសង់ ដើម្បីឱ្យដំណើរការសាងសង់បញ្ចប់តាមការគ្រោងទុក។ ក្រោយសាងសង់ចប់ និងដាក់ឱ្យដំណើរការ ផ្សារនេះនឹងក្លាយជាផ្សារព្រំដែនទី២ បន្ទាប់ពីផ្សារពំ្រដែនទី១ ដែលស្ថិតនៅខេត្តត្បូងឃ្មុំ ដែលត្រូវបានសម្ពោធដាក់ឱ្យប្រើប្រាស់នៅដើមឆ្នាំ២០១៩។ ឯកឧត្តម ប៉ាន់ សូរស័ក្តិ បានមានប្រសាសន៍ថា ផ្សារព្រំដែនទី៣ នឹងត្រូវសាងសង់ឡើងនៅខេត្តស្វាយរៀង៕
អានបន្ថែម
ផ្លូវល្បឿនលឿនភ្នំពេញ-ព្រះសីហនុ នឹងចាប់ផ្តើមក្រាលកៅស៊ូឆាប់ៗនេះខណៈបច្ចុប្បន្នសម្រេចបាន៤០% ហើយ
គម្រោងការសាងសង់ផ្លូវល្បឿនលឿនភ្នំពេញ-សីហនុសម្រេចបានមួយដំណាក់កាលទៀតហើយ ដោយនឹងចាប់ផ្តើមដំណើរការការក្រាលកៅស៊ូ នៅពេលឆាប់ៗនេះ ខណៈមកទល់បច្ចុប្បន្នគម្រោងនេះសម្រេចបានប្រមាណជិត ៤០% ហើយ។ បើយោងតាមទំព័រហ្វេសប៊ុកផ្លូវការណ៍របស់ផ្លូវល្បឿនលឿនភ្នំពេញ-ព្រះសីហនុ កាលពីថ្ងៃទី២ ខែមីនាការចាក់ក្រាលស្រទាប់ក្រោមកៅស៊ូក្រាលថ្នល់ asphalt (ATB-25)ផ្នែកសាកល្បងនៃគម្រោងត្រូវបានបញ្ចប់ជាស្ថាពរហើយ។ ដូច្នេះ ក្នុងពេលឆាប់ៗនេះ វិស្វករនឹងចាប់ផ្តើមដំណើរការការក្រាលកៅស៊ូជារួម ដែលសឱ្យឃើញពីសមិទ្ធិផលមួយជំហានទៀត។ ប្រភពដដែលបានឱ្យដឹងថាវិបត្តិកូវីដ-១៩ មិនបានប៉ះពាល់ដំណើរការសាងសង់គម្រោងទេហើយគិតត្រឹមចុងឆ្នាំ២០២០ ការដ្ឋានសម្រេចបានប្រមាណ៣៩.៩៨% ហើយ។ សូមបញ្ជាក់ថាគម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ បានបើកការដ្ឋានសាងសង់ កាលពីថ្ងៃទី២២ ខែមីនា ឆ្នាំ២០១៩។ ផ្លូវនេះមានប្រវែង ១៩០គីឡូម៉ែត្រ សាងសង់ដោយក្រុមហ៊ុន Cambodian PPSHV Expressway Co., Ltd ក្រោមថវិកាប្រមាណ ២ពាន់លានដុល្លារ និងប្រើរយៈពេលសាងសង់ ៤៨ខែ៕
អានបន្ថែម
ការសិក្សាអាមេរិក៖ តម្លៃផ្ទះជាមធ្យមនៅកម្ពុជា ខ្ពស់ជាងចំណូលប្រជាជនទូទៅ ដល់ទៅ ៣៩ ដង
តម្លៃអចលនទ្រព្យ ឬផ្ទះសម្បែងជាមធ្យមនៅកម្ពុជា គឺខ្ពស់ជាងចំណូលមធ្យមរបស់ប្រជាជនទូទៅ ដល់ទៅ ៣៩ ដង បើគិតត្រឹមពាក់កណ្ដាលឆ្នាំ ២០២០។ នេះបើយោងតាមរបាយការណ៍របស់ក្រុមហ៊ុនអាមេរិក Aetna កាលពីថ្មីៗនេះ។ របាយការណ៍បានឱ្យនិយមន័យអត្រានេះថា ជាសមាមាត្រតម្លៃផ្ទះធៀបនឹងប្រាក់ចំណូល (price-to-income ratio) ពោលគឺជាតួលេខប្រៀបធៀបតម្លៃផ្ទះសម្បែងទៅនឹងប្រាក់ចំណូលរបស់ប្រជាជនក្នុងស្រុក។ មានន័យថា បើតួលេខនេះកាន់តែទាប គឺកាន់តែល្អ ព្រោះតម្លៃផ្ទះគឺទាបជាងមុន បើធៀបនឹងចំណូលដែលកើនឡើង។ ការសិក្សានេះ បានបន្តទៀតថា អត្រា ៣៩ ដង នេះ គឺខ្ពស់បំផុតលំដាប់ទី ២ បើប្រៀបធៀបនឹងប្រទេសផ្សេងៗទៀត។ ឧទាហរណ៍ដូចជា ប្រទេសហ្វីលីពីនតម្លៃផ្ទះខ្ពស់ជាងចំណូលត្រឹមអត្រា ២៩ ដង ខណៈនៅឥណ្ឌូនេស៊ីនៅគឺត្រឹមតែ ២១ ដងប៉ុណ្ណោះ។ មានន័យថា តម្លៃផ្ទះនៅប្រទេសទាំង ២ បើធៀបនឹងចំណូលប្រជាជន គឺទាប។ យ៉ាងណាក្ដី សមាមាត្រតម្លៃផ្ទះធៀបនឹងប្រាក់ចំណូលនៅរំពឹងថានឹងបន្តធ្លាក់ចុះ ដោយសារតែវិបត្តិកូវីដ ដែលជាកត្តាជំរុញឱ្យតម្លៃអចលនទ្រព្យអាចនឹងធ្លាក់ចុះ។ ជាក់ស្ដែងសមាមាត្រ ៣៩ ដង នេះគឺជាការធ្លាក់ចុះរួចមកហើយប្រមាណ ៦.៥% ពោលគឺ ពីអត្រា ៤៦ ដងនៅឆ្នាំ […]
អានបន្ថែម
NagaWorld សម្រេចបិទទ្វារបណ្តោះអាសន្ន ក្រោយបុគ្គលិកចំនួន ១១ នាក់ ឆ្លងមេរោគកូវីដ១៩
ក្រុមហ៊ុន NagaCorp បានចេញសេចក្ដីប្រកាសកាលពីថ្ងៃទី ១ មីនា កន្លងមកនេះថា ក្រុមហ៊ុនសម្រេចផ្អាកអាជីវកម្មរបស់ខ្លួនជាបណ្ដោះអាសន្ន បន្ទាប់ពីបុគ្គលិកចំនួន ១១ ត្រូវបានធ្វើតេស្ត៍វិជ្ជមាន មេរោគកូវីដ១៩។ យោងតាមសេចក្តីប្រកាសដដែលនេះ បុគ្គលិកចំនួន ៣០០០ នាក់ ត្រូវបានធ្វើតេស្ត៍ អំឡុងថ្ងៃទី ២៧ ខែកុម្ភៈ ហើយ ១១ នាក់ត្រូវបានរកឃើញថាមានផ្ទុកមេរោកកូវីដ១៩។ ដូច្នេះហើយ ទើបក្រុមហ៊ុនសម្រេចបិទទ្វារមួយរយៈពេលសិន ដើម្បីចូលរួមទប់ស្កាត់ការឆ្លងក្នុងសហគមន៍ ២០ កុម្ភៈ។ សេចក្តីថ្លែងការណ៍បានបន្តទៀតថា៖ «ការផ្អាកអាជីវកម្មក៏នឹងអនុញ្ញាតឱ្យក្រុមហ៊ុនធ្វើការត្រួតពិនិត្យហ្មត់ចត់បន្ថែមទៀតអំពីវិធានការណ៍ការពារ បង្កា និងសម្អាតអគារទាំងមូល ដើម្បីសុវត្ថិភាពទាំងភ្ញៀវ និងបុគ្គលិក»។ ប្រភពដដែលបានឱ្យដឹង ក្រុមហ៊ុន NagaCorp នឹងបើកកាស៊ីណូរបស់ខ្លួនឡើងវិញ នៅពេលស្ថានភាពប្រសើរឡើង ដោយនឹងបន្តពិគ្រោះយោបល់ជាមួយក្រសួងសុខាភិបាល។ គួរបញ្ជាក់ផងដែរថា គិតត្រឹមព្រឹកថ្ងៃទី ២ មីនា ចំនួនករណីឆ្លងកូវីដ១៩ នៅកម្ពុជាមានចំនួន ៨៤៤ ករណី ហើយមាន ២៤ ករណីថ្មី។
អានបន្ថែម
តើម៉ាស៊ីនព្រីន 3D នឹងជួយផ្លាស់ប្តូរឧស្សាហកម្មសំណង់បានយ៉ាងណាខ្លះ នាពេលអនាគត?
អ្នកប្រហែលជាធ្លាប់ដឹងរួចមកហើយថា ម៉ាស៊ីនព្រីន 3D គឺម៉ាស៊ីនដែលអាចព្រីន ឬផលិតវត្ថុពិតៗណាមួយបាន ដោយគ្រាន់តែឌីស៉ាញគំរូ 3D ក្នុងកុំព្យូទ័រ ដាក់បញ្ចូលវត្ថុធាតុដើម ហើយចុចព្រីន។ បច្ចេកវិទ្យានេះត្រូវបានគេប្រើជាទូទៅក្នុងការផលិតវត្ថុគំរូគ្រប់ប្រភេទដូចជាង តុ ទូ កៅអី ឬអនុស្សារីយ៍ជាដើម។ ដោយឡែក ក្នុងវិស័យសំណង់វិញ តើម៉ាស៊ីនព្រីន 3D អាចជួយអ្វីបានខ្លះ? អ្នកអាចសាងសង់អគារពាណិជ្ជកម្មនានាបានដោយគ្រាន់តែចុចព្រីន នៅថ្ងៃអនាគត អគារពាណិជ្ជកម្មនានាដូចជា ការិយាល័យ បណ្ណាល័យ ឬហាងកាហ្វេ គឺសុទ្ធតែអាចព្រីនបានដោយម៉ាស៊ីនព្រីន 3D។ តួរយ៉ាង អគារពាណិជ្ជកម្មមួយនៅទីក្រុងឌូបៃគឺ Dubai Future Foundation មានកម្ពស់ ៦ ម៉ែត្រ បានបំបែកឯកទកម្មជាការអគារពាណិជ្ជកម្មដំបូងគេ ដែលសាងសង់ដោយម៉ាស៊ីនព្រីន 3D។ វិស្វករបានប្រើប្រាស់ពេល ១៧ ថ្ងៃ ដើម្បីព្រីនគ្រោងឆ្អឹងអគារ និងរយៈពេល ៣ ខែ ដើម្បីបញ្ចប់ការដ្ឋានទាំងមូល ដោយក្នុងនោះបានកាត់បន្ថយកម្លាំងពលកម្មបានទៅដល់ ៥០% និងសំណល់ពីការដ្ឋានបានដល់ ៦០% ដែលនេះជាគំរូដ៏ល្អមួយក្នុងការអភិវឌ្ឍន៍ ដោយមិនធ្វើឱ្យប៉ះពាល់បរិស្ថានខ្លាំង និងចំណាយថវិការសមរម្យ។ វិធីសាស្ត្រសាងសង់ងាយស្រួលជាងមុន […]
អានបន្ថែម
អភិបាលខេត្តកំពង់ស្ពឺ ប្ដេជ្ញាជំរុញវិស័យស្នូល ២ ដើម្បីទាក់ទាញវិនិយោគិនឱ្យកាន់តែច្រើន
អភិបាលខេត្តកំពង់ស្ពឺ ឯកឧត្តម វ៉ី សំណាង កាលពីថ្មីៗនេះ បានប្ដេជ្ញាថានឹងបន្តលើកកម្ពស់វិស័យធំៗ ២ នៅខេត្តកំពង់ស្ពឺ ពោលគឺវិស័យឧស្សាហកម្ម និងវិស័យទេសចរណ៍ ខណៈវិស័យទាំង ២ នេះ បាន និងកំពុងដើរតួរជាស្នូលដ៏សំខាន់ក្នុងការទាក់ទាញអ្នកវិនិយោគជាបន្តបន្ទាប់។ ឯកឧត្តម បានឱ្យដឹងកាលពី ថ្ងៃទី១ ខែមីនា កន្លងមកនេះថា៖ «ខេត្តកំពង់ស្ពឺ គឺនៅជិតកំពង់ផែអន្តរជាតិក្រុងព្រះសីហនុ និងមានផ្លូវជាតិ ៣ ខ្សែ គឺផ្លូវលេខ៥១ ផ្លូវលេខ៤៤ និងផ្លូវលេខ៤១ ដែលជាផ្លូវមានគម្រោងអភិវឌ្ឍន៍ និងតំបន់សេដ្ឋកិច្ចពិសេស»។ «ក្នុងនោះផ្លូវ៥១ ជាគម្រោងអភិវឌ្ឍន៍របស់ក្រុមហ៊ុន OCIC ដែលមានផ្ទៃដី ៥០០ហិកតា ផ្លូវលេខ៤១ មានគម្រោងអភិវឌ្ឍន៍របស់ក្រុមហ៊ុនសិង្ហបុរី និងផ្លូវលេខ៤៤ មានក្រុមហ៊ុនជាច្រើនកំពុងអភិវឌ្ឍន៍លើវិស័យជាច្រើន។ កត្តាទាំងនេះហើយដែលធ្វើឱ្យខេត្តកំពង់ស្ពឺ កំពុងមានភាពទាក់ទាញលើវិស័យអចលនទ្រព្យផងដែរ»។ ដោយឡែក វិស័យទេសចរណ៍វិញ បើតាម លោក សៅ សារ៉ន ប្រធានមន្ទីរទេសចរណ៍ខេត្តកំពង់ស្ពឺ បានឱ្យដឹងថា ខេត្តកំពង់ស្ពឺមានលក្ខណៈពិសេស ព្រោះខេត្តនេះសម្បូរភូមិជនជាតិចម្រុះរស់នៅ និងមានតំបន់ធម្មជាតិច្រើន។ ជាមួយគ្នានេះ ខេត្តកំពង់ស្ពឺក៏មានរមណីយដ្ឋានបែបប្រវត្តិសាស្រ្តជាច្រើនកន្លែងផងដែរ។ លោកបន្តថា […]
អានបន្ថែម
ជប៉ុនបោះជំនួយ១០ លានដុល្លារបន្ថែម ពីលើកម្ចី២០០ លានដុល្លារ ដើម្បីលើកកម្ពស់កំពង់ផែសីហនុ
ជប៉ុននឹងផ្ដល់ហិរញ្ញប្បទានឥតសំណងដល់កម្ពុជា ក្នុងទំហំទឹកប្រាក់សរុបប្រមាណ ១០.៨ លានដុល្លារអាមេរិក ដើម្បីលើកកម្ពស់ចរាចរណ៍នាវា នៅកំពង់ផែស្វយ័តក្រុងព្រះសីហនុ។ នេះបើតាមសេចក្តីប្រកាសពត៌មានរបស់ក្រសួងការបរទេស និងសហប្រតិបត្តិការអន្តរជាតិ ចុះថ្ងៃទី២៦ ខែកុម្ភៈ ឆ្នាំ២០២១។ យោងតាមប្រភពនេះ ឯកឧត្ដម ប្រាក់ សុខុន និង ឯកឧត្ដម MIKAMI Masahiro ឯកអគ្គរាជទូតជប៉ុនប្រចាំកម្ពុជា នឹងចុះហត្ថលេខាលើលិខិតប្ដូរសារស្ដីពីការផ្ដល់ហិរញ្ញប្បទានឥតសំណង នៅថ្ងៃទី០១ ខែមីនា នេះ។ ហិរញ្ញប្បទានឥតសំណងនេះ នឹងរួមចំណែកយ៉ាងសំខាន់ដល់ការលើកកម្ពស់ការអភិវឌ្ឍសេដ្ឋកិច្ច និងសង្គមប្រទេសកម្ពុជា ដោយកាន់តែរឹតចំណងមិត្តភាព និងកិច្ចសហប្រតិបត្តិការរវាងប្រទេសទាំងពីរ។ គួរបញ្ជាក់ផងដែរថា កំពង់ផែស្វយ័តក្រុងព្រះសីហនុ ត្រូវបានពង្រីក និងលើកកម្ពស់គុណភាពជាបន្តបន្ទាប់ក្នុងប៉ុន្មានឆ្នាំចុងក្រោយនេះ ដែលភាគច្រើនធ្វើឡើងក្រោមជំនួយ និងកម្ចីពីប្រទេសជប៉ុន។ បើយោងតាមផែនការឆ្នាំ ២០២០-២០៣០ គម្រោងពង្រីកកំពង់ផែទឹកជ្រៅខេត្តព្រះសីហនុមានសរុប ៥ ជំហាន។ ក្នុងនោះ ជំហានទី ១ (ជម្រៅ១៤,៥ម៉ែត្រ) បានបញ្ចប់ការរចនាប្លង់ហើយ ដោយនឹងចាប់ផ្ដើមសាងសង់ឆាប់ៗនេះ ក្រោមកម្ចីជាង ២០០ លានដុល្លារពីប្រទេសជប៉ុន។ (អានបន្ថែម) ក្រោយជំហានទី ១ សាងសង់រួចនៅឆ្នាំ ២០២៣ កំពង់ផែនៅកម្ពុជានឹងធានាដល់ការចូលចតនាវាកុងតឺន័រខ្នាតធំៗ […]
អានបន្ថែម
រថភ្លើងល្បឿនលឿនសិង្ហបុរី-ម៉ាឡេស៊ីតម្លៃ ២៧,៣ ពាន់លានដុល្លារត្រូវបានលុបចោល ក្រោយសិក្សាជាង៧ ឆ្នាំ
ក្រោមត្រៀមផែនការ សិក្សា និងពិភាក្សាអស់រយៈពេលជាង ៧ ឆ្នាំ គម្រោងផ្លូវដែកល្បឿនលឿនពីទីក្រុងកូឡាឡាំពួរ ទៅសិង្ហបុរី ត្រូវបានលុបចោលជាផ្លូវការ ដោយរដ្ឋាភិបាលនៃប្រទេសទាំង ២ ចរចាពិភាក្សាមិនចុះសម្រុងគ្នា។ នេះបើយោងតាមសេចក្តីថ្លែងការណ៍ចុងក្រោយកាលពីដើមឆ្នាំ ២០២១ កន្លងទៅនេះ។ បើយោងតាមរបាយការណ៍ដដែល បញ្ហាធំៗដែលធ្វើឱ្យភាគីទាំង២ ចរចាមិនត្រូវគ្នា គឺបញ្ហាការចំណាយខ្ពស់ រយៈពេលនៃការសាងសង់ដែលអូសបន្លាយយូរ ការជ្រាតជើងចូលពីវិនិយោគិនចិន និងបញ្ហានយោបាយរបស់ប្រទេសម៉ាឡេស៊ី។ ជាការពិតគម្រោងនេះ ត្រូវបាន ផ្អាកម្ដងហើយ នៅនាយករដ្ឋមន្រ្តីម៉ាឡេស៊ីលោក Mahathir Mohammed បានចូលកាន់តំណែងនៅពីឆ្នាំ ២០១៨ ។ លោកបានផ្អាកគម្រោងជាច្រើនដែលប្រើទុនពីប្រទេសចិន ដោយឱ្យហេតុផលថាចំណាយខ្ពស់ និងពិបាកគ្រប់គ្រង។ លើសពីនេះ បញ្ហាផលប៉ះពាល់នៃជំងឺកូវីដ១៩ ក៏ជាហេតុផលមួយផងដែរ នៃការលុបចោលគម្រោងរថភ្លើងល្បឿនលឿននេះ ព្រោះម៉ាឡេស៊ីព្យាយាមកាត់បន្ថយការចំណាយ។ ទោះជាយ៉ាងណាក្ដី សម្រាប់ប្រទេសសិង្ហបុរីកន្លងមកបានចុះហត្ថលេខាជាមួយអ្នកម៉ៅការ ៥ ក្រុមហ៊ុនរួចហើយ ដើម្បីអភិវឌ្ឍកំណាត់ផ្លូវដែលស្ថិតនៅក្នុងប្រទេសសិង្ហបុរី តែសោកស្ដាយដែលគម្រោងត្រូវបានលុយចោលទៅវិញ។ គួរបញ្ជាក់ផងដែរថា ផ្លូវដែកមួយខ្សែនេះមានប្រវែង ៣៥០ គីឡូម៉ែត្រ ដែលអាចកាត់បន្ថយពេលវេលាធ្វើដំណើររវាងប្រទេសទាំង ២ ពី ៧ ម៉ោងមកត្រឹម ៩០ នាទី […]
អានបន្ថែម