អាជ្ញាធរខេត្តឯកភាពគ្នាលើ ៤ចំណុចធំៗ ដើម្បីកែលម្អស្ទឹងសៀមរាបជំហាន២
គម្រោងកែលម្អស្ទឹងសៀមរាប បានឈានមកដល់ដំណាក់ការវាយតម្លៃផលប៉ះពាល់បរិស្ថាន និងសង្គមហើយ ដោយក្រសួងសាធារណការ និងដឹកជញ្ជូន និងភាគីពាក់ព័ន្ធថ្នាក់ខេត្ត កាលពីថ្មីៗនេះ បានឯកភាពគ្នាលើ ៤ ចំណុចធំៗ។ បើយោងតាម អភិបាលរងខេត្តសៀមរាប លោក ង៉ាន់ ភិរុណ ចំណុចដែលឯកភាពទាំងនោះរួមមាន៖ ១-ម្ចាស់គម្រោងត្រូវរៀបចំដាំស្តារដើមឈើសងខាងស្ទឹងសៀមរាបឡើងវិញ ក្រោយពីបញ្ចប់គម្រោងកែលម្អស្ទឹងសៀមរាប។ ២-ត្រូវរៀបចំធ្វើផ្លូវសងខាងស្ទឹងសម្រាប់ទុកជាចំណត ផ្លូវថ្មើជើង ផ្លូវជិះកង់ និងផ្លូវសម្រាប់ជនពិការ។ ៣-ត្រូវរៀបចំប្រព័ន្ធលូទឹកកខ្វក់ និងប្រព័ន្ធលូទឹកភ្លៀង កុំឱ្យហូរចូលក្នុងស្ទឹងសៀមរាប ឱ្យបានត្រឹមត្រូវតាមលក្ខណៈបច្ចេកទេស។ ៤-មន្ទីរសាធារណការ និងដឹកជញ្ជូនខេត្ត ត្រូវសហការ ជាមួយ មន្ទីរសុរិយោដីខេត្ត ដើម្បីរៀបចំប្លង់មេឱ្យបានត្រឹមត្រូវ។ គួរបញ្ជាក់ផងដែរថា គម្រោងនេះត្រូវបាន រដ្ឋាភិបាលអនុម័ត កាលព្រឹកថ្ងៃទី៣០ ខែវិច្ឆិកា ឆ្នាំ២០២០ កន្លងទៅនេះ ពោលគឺប្រើថវិកាដែលសេសសល់ពីការសាងសង់ហេដ្ឋារចនាសម្ព័ន្ធផ្លូវ ៣៤ ខ្សែរនៅព្រះសីហនុ យកមកប្រើប្រាស់ក្នុងការកែលម្អដងស្ទឹងសៀមរាបឡើងវិញ។ ស្ទឹងសៀមរាបនឹងត្រូវកែលម្អនេះមានប្រវែងសរុបជិត ៩គីឡូម៉ែត្រ ដោយចំណាយថវិកាប្រមាណ៥លានដុល្លារអាមេរិក។ (អានបន្ថែម)
អានបន្ថែម
សភាពាណិជ្ជកម្មអឺរ៉ុបជំរុញឱ្យក្រុមហ៊ុនសំណង់ចូលរួមកម្មវិធីប្រកួតទំនួលខុសត្រូវសង្គម
សភាពាណិជ្ជកម្មអឺរ៉ុបនៅកម្ពុជា កាលពីចុងសប្តាហ៍មុន បានប្រកាសបើកជាផ្លូវការនូវ កម្មវិធីប្រកួតពានរង្វាន់ទំនួលខុសត្រូវសង្គម ឬ CSR Contest and Awards ប្រចាំឆ្នាំ ២០២១ ហើយជំរុញឱ្យក្រុមហ៊ុនទាំងអស់នៅកម្ពុជា ជាពិសេសក្រុមហ៊ុនសំណង់ និងអចលនទ្រព្យចូលរួម ដើម្បីធ្វើឱ្យការអភិវឌ្ឍន៏នៅកម្ពុជាដើរទៅមុខដោយមាននិរន្តរភាព។ ប្រធានសភាពាណិជ្ជកម្មអឺរ៉ុបនៅកម្ពុជា លោក Tassilo Brinzer បានថ្លែងនៅក្នុងសន្និសីទកាសែត កាលពីថ្ងៃទី ទី ១០ ខែកុម្ភៈ នេះ ថា គោលបំណងចម្បងនៃកម្មវិធីនេះគឺដើម្បីជំរុញឱ្យវិស័យឯកជនងាកមកចូលរួមធ្វើឱ្យសង្គមមានភាពប្រសើរជាងមុន។ លោកបន្តថា សម្រាប់ឆ្នាំនេះដែរ កម្មវិធីមិនមែនបើកត្រឹមតែសមាជិក EuroCham ឬក្រុមហ៊ុនធំៗ នោះទេ ប៉ុន្តែយើងក៏ផ្ដល់ឱកាសដល់ក្រុមហ៊ុនតូច និងមធ្យមចូលរួមផងដែរ។ ក្នុងឱកាសសន្និសីទកាសែតនេះ ឯកឧត្តម សុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា ក៏បានមានប្រសាសន៍ថា៖ «ផលចំណេញពីការចូលរួមកម្មវិធីនេះ គឺមិនមែនត្រឹមតែជាពានរង្វាន់ប៉ុណ្ណោះទេ តែគឺជាការលើកទឹកចិត្តដល់បុគ្គលិក ក៏ដូចជាការទាក់ទាញឱ្យធនធានមនុស្សល្អៗចង់ចូលមកធ្វើការក្នុងក្រុមហ៊ុនរបស់អ្នក»។ «លើសពីនេះ កម្មវិធីក៏ជាសញ្ញាសបញ្ជាក់ឱ្យអ្នកវិនិយោគិនពីបរទេសមើលឃើញថា កម្ពុជាក៏ផ្ដោត និងឱ្យតម្លៃទៅលើសកម្មភាពទំនួលខុសត្រូវសង្គមផងដែរ។ ហើយនេះ គឺនឹងជួយទាក់ទាញឱ្យមានវិនិយោគពីបរទេសកាន់តែច្រើនថែមទៀត» ឯកឧត្តម បានបន្ថែម។ គួរបញ្ជាក់ផងដែរថា […]
អានបន្ថែម
ក្រសួងកំពុងពន្លឿនបញ្ចប់ការរៀបរៀងសេចក្តីព្រាងច្បាប់ស្តីពីទឹកកខ្វក់ និងប្រព័ន្ធលូ ឱ្យបានឆាប់ៗនេះ
ក្រសួងសាធារណការ និងដឹកជញ្ជូន កំពុងបន្តពិនិត្យលើសេចក្ដីសម្រេចលើច្បាប់ស្តីពីទឹកកខ្វក់ និងប្រព័ន្ធលូ ឡើងវិញ ពោលគឺនឹងពន្លឿនឱ្យច្បាប់នេះដាក់ឱ្យប្រើប្រាស់ជាផ្លូវការឱ្យបានលឿនបំផុត ក្នុងគោលចំណងដើម្បីដោះស្រាយបញ្ហាប្រព័ន្ធលូគ្មានសណ្ដាក់ធ្នាប់ និងប្រព័ន្ធប្រព្រឹត្តិកម្មទឹកកខ្វក់ឱ្យមានប្រសិទ្ធភាពជាងមុន។ លោក កឹម បូរី អនុរដ្ឋលេខាធិការនៃក្រសួង ថ្លែងក្នុងកិច្ចប្រជុំពិភាក្សាកាលថ្ងៃទី១០ ខែកុម្ភៈ ថាក្រុមការងារជំនាញបច្ចេកទេសពាក់ព័ន្ធទទួលបន្ទុករៀបចំសេចក្តីព្រាងច្បាប់ស្តីនេះ ត្រូវតែពន្លឿនការរៀបចំពិនិត្យសេចក្ដីព្រាងច្បាប់នេះឱ្យបានចប់សព្វគ្រប់ក្នុងពេលឆាប់ៗនេះ។ លោក បានបន្តថា ក្រោយសេចក្ដីព្រាងមានលក្ខណៈគ្រប់ជ្រុងជ្រោយប្រកបដោយគុណភាព ហើយក្រសួងនឹងដាក់ឆ្លងទៅអន្តរក្រសួងអនុម័តនាពេលខាងមុខនេះ ។ លើសពីនេះ អង្គប្រជុំក៏បានជជែកពិភាក្សាលើមាត្រា ៣០ (២៧ថ្មី) នៃសេចក្តីព្រាងច្បាប់នេះ ដើម្បីកែសម្រួល និងកំណត់យកឃ្លា ប្រយោគ ពាក្យពេចន៍ឱ្យបានច្បាស់លាស់ និងគ្រប់ជ្រុងជ្រោយស៊ីជម្រៅបន្ថែមទៀត ចៀសវាងការបកស្រាយខុសនៅពេលអនុវត្ត។
អានបន្ថែម
ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគធំៗ ២ ទៀត តម្លៃជិត ៧០ លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្មីៗនេះ បានអនុម័តឱ្យក្រុមហ៊ុនឯកជនវិនិយោគសាងសង់រោងចក្រធំៗចំនួន ២ តម្លៃជិត ៧០ លានដុល្លារ នៅខេត្តកណ្តាល និងស្វាយរៀង។ ក្រុមហ៊ុនទី ១ គឺក្រុមហ៊ុន ONION MOBILITY CO., LTD ដែលនឹងវិនិយោគ ២០ លានដុល្លារអាមេរិក បង្កើតរោងចក្រផ្គុំតម្លើងទោចក្រយានយន្ត និងត្រីចក្រយានយន្ត ដើរដោយថាមពលអគ្គិសនី ដែលមានទីតាំងស្ថិតនៅក្នុងតំបន់សេដ្ឋកិច្ចពិសេស សុវណ្ណភូមិ ខេត្តកណ្តាល។ ដោយឡែក ក្រុមហ៊ុនទី ២ គឺក្រុមហ៊ុន SHANE (CAMBODIA) FURNITURE CO., LTD ដែលនឹងវិនិយោគ ៤៧,៧ លានដុល្លារអាមេរិក បង្កើតរោងចក្រផលិតសាឡុង គ្រែ និងគ្រឿងសង្ហារឹមគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ស៊ីន បាវិត ខេត្តស្វាយរៀង។ បើយោងតាមក្រុមប្រឹក្សាអភិវឌ្ឍន៍កម្ពុជា គម្រោងទាំង ២ នេះនឹងចូលរួមបង្កើតការងារជាង ១២០០ កន្លែងដល់ប្រជាពលរដ្ឋក្នុងតំបន់។ គួរបញ្ជាក់ផងដែរថា ក្នុងអំឡុងត្រឹម១៥ ថ្ងៃ នៃខែកុម្ភៈ […]
អានបន្ថែម
ព្រលានយន្តហោះខេត្តមណ្ឌលគិរី អាចនឹងចាប់សាងសង់នៅឆ្នាំ ២០២២
គម្រោងសាងសង់ព្រលានយន្តហោះខេត្តមណ្ឌលគិរីអាចនឹងចាប់ផ្ដើមនៅឆ្នាំ ២០២២ ខាងមុខនេះ ក្រោយសម្ដេចនាយករដ្ឋមន្រ្តី ហ៊ុន សែន កាលពីសប្តាហ៍មុន បានសម្រេចបង្កើតគណៈកម្មការអន្តរក្រសួងពិសេសមួយ ដើម្បីសម្របសម្រួល និងជំរុញការអនុវត្តគម្រោងដ៏ធំមួយនេះ។ ថ្លែងប្រាប់សារព័ត៌មាន Fresh News កាលពីសប្តាហ៍មុន ឯកឧត្តម ស៊ិន ចាន់សិរីវុត្ថា អ្នកពាក្យអាកាសចរណ៍ស៊ីវិល បានឱ្យដឹង ការសិក្សាគម្រោងអាចនឹងបញ្ចប់នៅក្នុងខែកុម្ភៈ នេះ ហើយនឹងដាក់ជូនរាជរដ្ឋាភិបាលសម្រេចក្នុងពេលឆាប់ៗ។ «គម្រោងនេះ បានជ្រើសរើសអ្នកវិនិយោគរួចហើយ និងបានផ្ដល់សិទ្ធិទៅឱ្យក្រុមហ៊ុន China Power International Group ជាអ្នកអភិវឌ្ឍក្នុងលក្ខខណ្ឌសាងសង់-ធ្វើប្រតិបត្តិការ-ផ្ទេរ» ឯកឧត្តម បានបន្ត។ (អានបន្ថែម) ឯកឧត្តម បានបន្ថែមទៀតថា អ្វីដែលយើងធ្វើឥឡូវនេះ គឺអនុម័តការសិក្សា និងការកំណត់កាតព្វកិច្ច រវាងភាគីរដ្ឋ និងឯកជន ឱ្យបានលម្អិតនិងគ្រប់ជ្រុងជ្រោយសិន មុននឹងដាក់ក្នុងកិច្ចព្រមព្រៀងសម្បទាន ដែលត្រូវការពេលប្រហែលជាជិត១ឆ្នាំទៀត ទើបអាចចាប់ផ្ដើមបាន។ ទាក់ទិននឹងគម្រោងព្រលានយន្តហោះខេត្តមណ្ឌលគិរីនេះ សម្តេចនាយករដ្ឋមន្ត្រីតេជោ កាលពីថ្ងៃទី ១០ កុម្ភៈ កន្លងនេះ ក៏បានបានសម្រេចបង្កើតគណៈកម្មការអន្តរក្រសួងមួយដើម្បីដឹកនាំ សម្របសម្រួល និងជំរុញការអនុវត្តគម្រោងនេះ ឱ្យបានកាន់តែរលូន និងលឿនជាងមុន។ […]
អានបន្ថែម
ឯកជនគ្រោងអភិវឌ្ឍតំបន់ទេសចរណ៍ធម្មជាតិ ៥ កន្លែងលើផ្ទៃដីសរុបជិត ៥០ ហិកតា នៅកោះកុង
ក្រុមហ៊ុនឯកជនមួយចំនួនកំពុងត្រៀមវិនិយោគបង្កើតតំបន់ទេសចរណ៍ធម្មជាតិ ៥ កន្លែង លើផ្ទៃដីសរុបជិត ៥០ ហិកតា ក្នុងតំបន់ដងពែង ស្រុកស្រែអំបិល នៃខេត្តកោះកុង។ នេះបើយោងតាម អាជ្ញាធរខេត្តកោះកុងដែលបានចុះកំណត់ទីតាំងបោះបង្គោលព្រំប្រទល់សម្រាប់គម្រោងទាំងនេះ កាលពីខែ ៩ ខែកុម្ភៈ កន្លងទៅនេះ។ គម្រោងទាំងនេះ ស្ថិតនៅក្នុង ‘តំបន់ប្រើប្រាស់ច្រើនយ៉ាងតាមដងពែង’ ឬស្គាល់ថាជាតំបន់ដែលសម្បូរដោយប្រព័ន្ធធម្មជាតិ ហើយរាល់ការអភិវឌ្ឍត្រូវតែរក្សាជីវៈចម្រុះ និងប្រព័ន្ធអូកូឡូស៊ី។ រមណីយដ្ឋានធម្មជាតិទាំង ៥ នេះ ត្រូវបានស្នើដោយ លោកស្រី ហៃ នរី (ផ្ទៃដី ៩,៣៥ ហិកតា) លោកស្រី ទី សារឹម (ផ្ទៃដីទំហំ ៩,៥៣ ហិកតា) លោក ហៃ ណង (ផ្ទៃដីទំហំ ៩,៥១ ហិកតា) លោក ហេង វឌ្ឍនៈ (ផ្ទៃដីទំហំ ៩,៥១ ហិកតា) និងលោកស្រី កេវ៉ាលី (ផ្ទៃដីទំហំ ៩,៥២ ហិកតា)។ ទោះជាអនុញ្ញាតឱ្យសាងសង់ហើយក្ដី […]
អានបន្ថែម
ហេតុអ្វីចាំបាច់ត្រូវមានការត្រួតពិនិត្យ និងបញ្ជាក់សំណង់?
ក្រោយពីច្បាប់ស្តីពីសំណង់ប្រកាសឱ្យប្រើប្រាស់ជាផ្លូវការ វិស័យសំណង់នៅកម្ពុជាក៏ត្រូវបានរឹតបណ្តឹងជាងមុន ក្នុងគោលបំណងដើម្បីរក្សានូវគុណភាណ និងសុវត្ថិភាព ជារួមរបស់គម្រោងនានា។ ក្នុងនោះ ការត្រួតពិនិត្យ និងបញ្ជាក់សំណង់ ដោយអ្នកមានវិជ្ជាជីវៈ ឬក្រុមហ៊ុនមានអាជ្ញាបណ្ណ ជាការងារមួយចំាបាច់ណាស់ មុននឹងការសាងសង់ រុះរើ ឬចាប់ផ្តើមប្រើប្រាស់សំណង់។ ហេតុអ្វីចាំបាច់ត្រូវមានការត្រួតពិនិត្យ និងបញ្ជាក់សំណង់? តើសំណង់ប្រភេទណាខ្លះ ទាមទារឱ្យមានការត្រួតពិនិត្យ និងបញ្ជាក់? ការត្រួតពិនិត្យ និងបញ្ជាក់សំណង់ គឺជាការត្រួតពិនិត្យ ការវិភាគ ការគណនា ការបញ្ជាក់លើគម្រោងប្លង់ ទៅតាមសេចក្តីណែនាំបច្ចេកទេស ដើម្បីធានាសុវត្ថិភាព សុខុមាលភាពក្នុងការសាងសង់ ឬរុះរើ និងក្នុងការប្រើប្រាស់សំណង់។ សំណង់ និងការងារសំណង់ដែលតម្រូវឱ្យមានការត្រួតពិនិត្យនិងបញ្ជាក់សំណង់ មានដូចខាងក្រោម៖ គម្រោងប្លង់ប្រើប្រាស់សម្រាប់ការងារសាងសង់ ឬរុះរើ មុនអាជ្ញាធរផ្តល់លិខិតអនុញ្ញាតពាក់ព័ន្ធ ការងារសាងសង់ដែលតម្រូវឱ្យមានលិខិតអនុញ្ញាត សំណង់ដែលត្រូវបានសាងសង់ថ្មី ជួសជុល កែប្រែ ឬប្តូរមុខងារ មុនអាជ្ញាធរអនុញ្ញាតឱ្យចូលប្រើប្រាស់ សំណង់ និងបរិក្ខារសំណង់ដែលតម្រូវឱ្យមានការត្រួតពិនិត្យគុណភាព និងសុវត្ថិភាពជាទៀងទាត់ សំណង់ដែលមានហានិភ័យចំពោះមនុស្ស ទ្រព្យសម្បត្តិ ឬប៉ះពាល់ដល់សន្តិសុខសាធារណៈ ឯកសារបច្ចេកទេស ការងារសាងសង់ ឬរុះរើសំណង់ដទៃទៀត អ្នកដែលមានសិទ្ធិត្រួតពិនិត្យ និងបញ្ជាក់សំណង់ ត្រូវតែជាអ្នកមានវិជ្ជាជីវៈ ឬក្រុមហ៊ុន […]
អានបន្ថែម
ឆ្នាំ២០២១ គួរវិនិយោគលើអចលនទ្រព្យប្រភេទអ្វី និងនៅកន្លែងណា?
ក្នុងឆ្នាំ ២០២០ នេះ ឃើញថាទីផ្សារអចលនទ្រព្យរងសម្ពាធពីវិបត្តិកូវីដស្ទើរពេញមួយឆ្នាំ ដែលធ្វើឱ្យចំនួនការទិញលក់ធ្លាក់ចុះប្រមាណ ១៥% ទៅ ២០%។ វិស័យលក់រាយ ឬផ្សារទំនើប គឺរងផលប៉ះពាល់ខ្លាំងជាងគេ បន្ទាប់មកគឺ ទីផ្សារការិយាល័យ និងខុនដូ។ ទន្ទឹមនឹងនេះ ដីធ្លី និងបុរី ចាត់ទុកថានៅមានស្ថេរភាព ដោយសារជំហរហិរញ្ញវត្ថុរឹងមាំរបស់អ្នកអភិវឌ្ឍន៍ក្នុងស្រុក ក៏ដូចជាការខិតខំរបស់រដ្ឋាភិបាលក្នុងការអភិវឌ្ឍហេដ្ឋារចនាសម្ព័ន្ធនៅទូទាំងប្រទេស។ (អានបន្ថែម) ចុះឆ្នាំ ២០២១ វិញ? អ្នកជំនាញក្នុងវិស័យនេះ មានសុទិដ្ឋិនិយមថា ឆ្នាំ ២០២១ ទីផ្សារមួយនេះនឹងងើបឡើងវិញម្ដងបន្តិចៗ តួយ៉ាង អ្នកស្រី អាន សុធីតា នាយិកាគ្រប់គ្រងក្រុមហ៊ុន CBRE Cambodia បានព្យាករថាទីផ្សារអចលនទ្រព្យនៅកម្ពុជានឹងប្រសើរឡើងវិញ ៦០% បើប្រៀបធៀបទៅនឹងឆ្នាំ ២០២០។ (អានបន្ថែម) ទោះមានការព្យាករណ៍ពីកំណើនក្ដី ប្រជាជន ឬអ្នកវិនិយោគទូទៅ នៅតែមានមន្ទិលសង្ស័យថា តើគួរវិនិយោគលើអចលនទ្រព្យឬទេក្នុងឆ្នាំ ២០២១ ឬចាំឆ្នាំក្រោយ? បើវិនិយោគ តើគួរវិនិយោគលើអ្វី ហើយនៅកន្លែងណា? លិច កើត ជើង ត្បូង […]
អានបន្ថែម
រដ្ឋាភិបាលបានចេញបណ្ណកម្មសិទ្ធិដីប្រមាណជាង ៦លានបណ្ណ ត្រឹមចុងឆ្នាំ២០២០
គិតត្រឹមបំណាច់ឆ្នាំ២០២០ ក្រសួងរៀបចំដែនដី នគរូបនីយកម្ម និងសំណង់ បានចេញបណ្ណកម្មសិទ្ធិដីបានប្រមាណជាង ៦លានបណ្ណ ឬស្មើនឹង ៨៦,៨% នៃក្បាលដីប៉ាន់ស្មានសរុបជាង ៧លានក្បាលដី។ នេះបើយោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ កាលពីពេលថ្មីៗនេះ។ តាមរយៈរបាយការណ៍ដដែល ការចុះបញ្ជីដីលក្ខណៈជាប្រព័ន្ធសម្រេចបានប្រមាណជាង ៥,៤លាន បណ្ណ ហើយក៏បានបានចែកបណ្ណជូនប្រជាពលរដ្ឋបានជាង ៥ លានបណ្ណហើយដែរ។ ដោយឡែក ការចុះបញ្ជីដីដែលមានលក្ខណៈដាច់ជាដុំ សម្រេចបានជាង ៦២ ម៉ឺនបណ្ណហើយ ដោយក្នុងនោះដីរដ្ឋមាន ១៦៦ទីតាំង ឬស្មើនឹងជាង ១ ៩០០ បណ្ណ។ លើសពីនេះ ត្រឹមបំណាច់ឆ្នាំ២០២០ គណៈកម្មការសុរិយោដីក៏បានបានបញ្ចប់វិវាទដីធ្លីឱ្យ ២៣ ០៥០ គ្រួសារ ឬស្មើនឹងផ្ទៃដីទំហំប្រមាណជាង ៦,៥លានហិកតា។
អានបន្ថែម
កម្ពុជា នឹងដាក់ឱ្យប្រើប្រាស់ស្ថានីយជញ្ជីងថ្លឹងរថយន្តថ្មី នៅផ្លូវក្រវ៉ាត់ក្រុងទី២ និងខេត្តក្រចេះ
ដើម្បីបង្កាបញ្ហាផ្លូវខូចខាត ដែលភាគច្រើនបណ្ដាលមកពីរថយន្តលើសទម្ងន់ ក្រសួងនឹងដាក់ឱ្យប្រើប្រាស់ស្ថានីយជញ្ជីងថ្លឹងរថយន្តថ្មី ចំនួន២បន្ថែមទៀត នៅផ្លូវក្រវ៉ាត់ក្រុងទី២ និងខេត្តក្រចេះ នាពេលឆាប់ៗខាងមុខនេះ ហើយក៏គ្រោងសាងសង់ ២ កន្លែង បន្ថែមទៀតនៅតាមបណ្ដាខេត្តដែលមានតម្រូវការចាំបាច់។ ឯកឧត្ដម សេង ឈួន ប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ នៃក្រសួងសាធារណការ និងដឹកជញ្ជូន បានឱ្យដឹងកាលពីថ្ងៃទី ៥ ខែកុម្ភៈ នេះថា ៖ « ស្ថានីយជញ្ជីងថ្មីទាំង ២ កន្លែង នេះ នឹងជួយជំរុញឱ្យអ្នកដឹកទំនិញ គោរពច្បាប់ទាំងអស់គ្នា និងចេះប្រើប្រាស់ផ្លូវបានយូរអង្វែង»។ បើតាមរបាយការណ៍របស់ក្រសួងសាធារណការ និងដឹកជញ្ជូន ក្នុង១ ឆ្នាំ២០២០ មានករណីរថយន្តដឹកលើសទម្ងន់ជាង ៥៨ ម៉ឺនគឿង ឬស្មើនឹង ២៧,៧៩ % នៃរថយន្តដែល បើកបរលើផ្លូវសរុប។ គួរបញ្ជាក់ផងថា កាលពីដើមខែកុម្ភៈកន្លងមកនេះ ក្រសួងសាធារណការ ទើបតែបើកសម្ពោធ និងដាក់ឱ្យប្រើប្រាស់ជាផ្លូវការនូវអគារមជ្ឈមណ្ឌលបណ្ដុះបណ្ដាលបើកបរយានយន្តធុនធ្ងន់ថ្មីមួយ នៅខណ្ឌព្រែកព្នៅ ក្នុងគោលបំណងដើម្បីបង្រៀនទៅអ្នកបើកបររថយន្តធុនធ្ងន់ ទាំងបច្ចេកទេស និងច្បាប់។ (អានបន្ថែម)
អានបន្ថែម
ប្លង់មេសម្រាប់គម្រោងអភិវឌ្ឍន៍ទីក្រុងរាមតម្លៃជាង ១៦ ពាន់លានដុល្លារ ត្រូវបានអនុម័តហើយ
ក្រុមហ៊ុន Canopy Sands Development ដែលក្រុមហ៊ុនបុត្រសម្ព័ន្ធរបស់ Prince Holdings Group កាលពីថ្មីៗនេះ បានសម្រេចអនុម័តទទួលយកប្លង់មេនៃគម្រោងអភិវឌ្ឍន៍ទីក្រុងរាមតម្លៃជាង ១៦ ពាន់លានដុល្លារ ដែលទើបតែសិក្សារួចរាល់ដោយក្រុមហ៊ុនសិង្ហបូរី Surbana Jurong។ នេះបើយោងតាមសារព័ត៌មាន The Straits Times។ គម្រោងរាមទីក្រុងនេះ នឹងត្រូវអភិវឌ្ឍលើផ្ទៃដី ៨៣៤ ហិកតា ពោលគឺនឹងផ្លាស់ប្តូរមុខមាត់តំបន់រាមទៅជាទីក្រុងពាណិជ្ជកម្ម និងអេកូទេសចរណ៍ថ្មីមួយ ដែលអាចទទួលយកអ្នកស្នាក់នៅដល់ទៅ ១៣០ ០០០ នាក់។ យោងតាមប្រភពដដែល ក្រុមហ៊ុន Canopy Sands Development បានប្រគល់ភារកិច្ចឱ្យក្រុមហ៊ុនសិង្ហបូរី Surbana Jurong រៀបចំផែនការប្លង់មេ រចនាប្លង់ទីក្រុង និងធ្វើការងារវិស្វកម្មផ្សេងៗនៃគម្រោងនៅតាមឆ្នេរសមុទ្រ។ ហើយមកទល់បច្ចុប្បន្ន ផែនការមេត្រូវបានរៀបចំរួចរាល់ និងត្រូវបានអនុម័តហើយ។ លោក Yeo Choon Chong នាយកប្រតិបត្តិប្រចាំតំបន់អាស៊ានរបស់ Surbana Jurong បានប្រាប់ The Straits Time ថា […]
អានបន្ថែម
បច្ចុប្បន្នភាពតម្លៃដីធ្លីនៅរាជធានីភ្នំពេញ ខេត្តសៀមរាប និងខេត្តព្រះសីហនុ
ទោះជាមានវិបត្តិកូវីដ១៩ ក្ដី ទីផ្សារអចលនទ្រព្យនៅកម្ពុជាចាត់ទុកថានៅមានលំនឹង។ ថ្វើបើចំនួនការទិញលក់ថមថយប្រមាណពី ១៥% ទៅ ២០% ក្ដី ក្នុងឆ្នាំ ២០២០ តម្លៃដីធ្លីជាមធ្យមនៅតែរក្សាជំហររឹងមាំ ឬធ្លាក់ចុះបន្ដិតបន្ដួចទៅតាមតំបន់។ យោងតាមទិន្នន័យរបស់ក្រុមហ៊ុន Key Real Estate ក្នុងឆមាសទី ២ ឆ្នាំ ២០២០ តម្លៃដីធ្លីនៅខេត្តសៀមរាប និងខេត្តព្រះសីហនុជាមធ្យមបានធ្លាក់ចុះប្រមាណ ១១,២% និង ៧,២% បើប្រៀបធៀបនឹងរយៈពេលដូចគ្នាក្នុងឆ្នាំ ២០១៩ ។ ដោយឡែក តម្លៃដីទាំង ១៤ ខណ្ឌនៃរាជធានីភ្នំពេញ ឃើញថានៅតែរក្សាលំនឹង ពោលគឺជាមធ្យមកើនឡើងបន្តិចបន្តួចប្រមាណ ៤,៤% ទោះបើមានការរីករាលដាលនៃជំងឺកូវីដ ១៩ ក្ដី ។ ភ្នំពេញ សម្រាប់រាជធានីភ្នំពេញ ក្នុងចំណោមខណ្ឌទាំងអស់ តម្លៃដីក្នុងខណ្ឌដង្កោកើនឡើងខ្ពស់ជាងគេគឺ ប្រមាណ ១៧,៩% បើធៀបនឹងឆមាសទី ២ ឆ្នាំ ២០១៩។ ខណ្ឌដែលតម្លៃដីកើនឡើងខ្ពស់បន្ទាប់គឺខណ្ឌកំបូល ខណ្ឌសែនសុខ និងខណ្ឌព្រែកព្នៅ ដែលតម្លៃបានកើនឡើង ៨% ៧,៣% […]
អានបន្ថែម