នាយិកាCBRE៖ មានកត្តាសំខាន់មួយដែលកំណត់ភាពជោគជ័យក្នុងទីផ្សារអចលនទ្រព្យក្នុងឆ្នាំ ២០២១
គិតត្រឹមដើមឆ្នាំ ២០២១ នេះ ទីផ្សារអចលនទ្រព្យនៅតែបន្តរងសម្ពាធពីវិបត្តិកូវីដ ពិសេសក្រោយមានផ្ទុះឡើងនៃព្រឹត្តិការណ៍សហគមន៍ ២០ កុម្ភៈ ប៉ុន្តែអ្នកជំនាញយល់ឃើញថា ក្នុងអំឡុងវិបត្តិដូច្នេះ ជាឱកាសបង្ហាញឱ្យយើងឃើញថា អ្នកអភិវឌ្ឍគម្រោងមួយណាដែលជំហររឹងមាំជាងគេក្នុងទីផ្សារ។ អ្នកស្រី អាន សុធីតា នាយិកាគ្រប់គ្រងក្រុមហ៊ុន CBRE Cambodia បានពន្យល់ថា៖ «ក្នុងសា្ថនភាពវិបត្តិដូច្នេះ ជាការបង្ហាញមុខមាត់ពិត និងជំហរហិរញ្ញវត្ថុរបស់ម្ចាស់គម្រោង»។ «អំឡុងពេលនេះ ចំនួនអ្នកទិញមានចំនួនតិចបំផុត ដូច្នេះបើចំនួនអ្នកទិញតិចអញ្ចឹង ហើយពួកគេនៅតែជ្រើសរើសយកគម្រោងណាមួយ មានន័យថាគម្រោងនោះ គឺជាគម្រោងល្អជាងគេបំផុតហើយ។ នេះគឺជាអ្វីដែលអ្នកទិញត្រូវតែចាំសង្កេតមើល មុននឹងជ្រើសរើសទិញ» អ្នកស្រីបានបន្ថែម។ ដូចគ្នានេះដែរ សម្រាប់ម្ចាស់គម្រោងវិញ អ្នកស្រី អាន សុធីតា បានបន្តថា កត្តាតែមួយគត់ដែលកំណត់ភាពជោគជ័យ គឺការលក់។ អ្នកស្រី បានឱ្យដឹងថា៖ «ភាពជោគជ័យរបស់ក្រុមហ៊ុនអភិវឌ្ឍន៍គឺមានច្រើនកត្តាណាស់ ប៉ុន្តែចំណុចសំខាន់មួយក្នុងកាលៈទេសៈនេះ គឺ ការលក់។ ក្នុងឆ្នាំ ២០២០-២០២១ នេះ បើការលក់របស់គាត់ជោគជ័យ នេះបានន័យថា គាត់ជោគជ័យនៅលើអ្វីទាំងអស់»។ គួរបញ្ជាក់ផងដែរ មកទល់បច្ចុប្បន្នអ្នកជំនាញនៅតែបារម្ភពីស្ថានភាពទីផ្សារក្នុងឆ្នាំ ២០២១ ព្រោះស្ថានភាពកូវីដនៅគ្រប់គ្រងមិនទាន់ទាំងស្រុក ហើយអ្នកវិនិយោគថ្មីៗ […]
អានបន្ថែម
ប្រាក់ខែត្រឹម ៥០០ ដុល្លារ អាចវិនិយោគលើអចលនទ្រព្យបានទេ?
អ្នកខ្លះយល់ថា ការវិនិយោគលើអចលនទ្រព្យ គឺត្រូវចំណាយថវិកាច្រើន និងប្រើប្រាស់រយៈពេលយូរ។ ម៉្យាងវិញទៀត បើយោងតាមការសិក្សា តម្លៃអចលនទ្រព្យ ឬផ្ទះសម្បែងជាមធ្យមនៅកម្ពុជា គឺខ្ពស់ជាងចំណូលមធ្យមរបស់ប្រជាជនទូទៅដល់ទៅ ៣៩ដង ឯណោះ។ (អានបន្ថែម) ចុះបើអ្នកមានប្រាក់ខែត្រឹមតែ ៥០០ដុល្លារ ហើយចង់វិនិយោគលើអចលនទ្រព្យ តើអាចទៅរួចទេ? ហើយត្រូវធ្វើយ៉ាងដូចម្ដេច? លោក ម៉ាន់ ច័ន្ទឌី អនុប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា បានឱ្យដឹងថា ចំណូល ត្រឹម ៥០០ ដុល្លារ ក៏អាចវិនិយោគបានដែរ។ បង់រំលស់ផ្ទះឬដីឡូតិ៏ លោក ណែនាំថា៖ «អ្វីដែលអ្នកត្រូវវិនិយោគមុនគេគឺ ផ្ទះ។ ឧទាហរណ៍ថា បើអ្នកមានប្រាក់ខែ ៥០០ដុល្លារ ហើយបច្ចុប្បន្នកំពុងជួលផ្ទះគេនៅ អ្នកគួរតែរកផ្ទះណាមួយបង់រំលស់»។ ប៉ុន្ដែ ប្រសិនបើ អ្នកមានចំណាយច្រើន ហើយមិនមានលទ្ធភាពបង់រំលស់ផ្ទះទេ វិនិយោគលើដីឡូតិ៍ ជាជម្រើសល្អមួយទៀត។ លោក ច័ន្ទឌី បានបន្តទៀតថា៖ «អ្នកខ្លះថាវិនិយោគលើដីឡូតិ៍គឺមិនសូវចំណេញ ប៉ុន្តែគឺមិនពិតទាំងស្រុងទេ។ យើងមើលដីឡូតិ៍ពី ៣ ឆ្នាំទៅ ៥ ឆ្នាំ តម្លៃឡើងពី […]
អានបន្ថែម
កម្មវិធីប្រកួត PropertyGuru Cambodia Property Awards បកមកអង្រួនវេទិកាកម្ពុជាជាលើកទី ៦ ហើយ
កាលពីថ្ងៃទី ១១ មីនា កន្លងមកនេះ ក្រុមហ៊ុន PropertyGuru Group ដែលជាក្រុមហ៊ុនបច្ចេកវិទ្យាអចលនទ្រព្យល្បីល្បាញមួយនៅក្នុងតំបន់អាស៊ី បានធ្វើសន្និសីទសារព័ត៌មានតាមប្រព័ន្ធអនឡាញ ស្ដីពីកាលវិភាគ និងដំណើរការនៃកម្មវិធីប្រកួត PropertyGuru Cambodia Property Awards សម្រាប់ឆ្នាំ ២០២១ ក្រោយទទួលបានការគាំទ្រយ៉ាងមុតមាំ ៥ ឆ្នាំជាប់ៗគ្នា។ កម្មវិធីប្រកួត PropertyGuru Property Awards Cambodia ឆ្នាំ ២០២១ បានចាប់ផ្ដើមបើកទទួលពាក្យតាំងពីថ្ងៃទី ១ មករា ឆ្នាំ ២០២១ មកម្ល៉េះ ហើយនឹងបិទទទួលពាក្យនៅថ្ងែទី ៩ ខែកក្កដា ឆ្នាំ២០២១ ខាងមុខនេះ។ ដោយឡែកចំពោះលទ្ធផលចុងក្រោយ នឹងត្រូវប្រកាសក្នុងកម្មវិធី Gala Dinner and Awards Ceremony ដែលនឹងប្រព្រឹត្តិឡើងនៅថ្ងៃទី ៣ ខែកញ្ញា ឆ្នាំ ២០២១ នៅឯសណ្ឋាគារ Sofitel Phokeethra ដោយអ្នកអភិវឌ្ឍដែលឈ្នះ នឹងត្រូវជ្រើសរើសទៅប្រកួតបន្តក្នុងកម្មវិធី […]
អានបន្ថែម
សាលាក្រុងកំពុងបង្កើតឧទ្យានជាតិដ៏ធំមួយលើផ្ទៃដី ៧៥ហិកតា នៅខណ្ឌព្រែកព្នៅ
រដ្ឋបាលរាជធានីភ្នំពេញ កំពុងប្រែមុខមាត់ដី ៧៥ហិកតា នៅបឹងតាមោក ក្នុងខណ្ឌព្រែកព្នៅ ទៅជាឧទ្យាជាតិដ៏ធំមួយ ខណៈបច្ចុប្បន្នដើមឈើជាច្រើនដើមកំពុងត្រូវបានត្រៀមដើម្បីយកទៅដាំនៅទីនោះ។ នេះបើយោងតាមទំព័រ Facebook របស់រដ្ឋបាលរាជធានីភ្នំពេញ និងប្រសាសន៍របស់ ឯកឧត្តម ឃួង ស្រេង កាលពីពេលថ្មីៗនេះ។ ឯកឧត្តមអភិបាលរាជធានីភ្នំពេញ បានប្រាប់បណ្ដាញព័ត៌មាន Fresh News ថា ឧទ្យានជាតិនេះគឺជាគំនិតផ្តួតផ្តើម របស់សម្តេចនាយករដ្ឋមន្ត្រី ហ៊ុន សែន។ ក្នុងនោះដើមឈើប្រមាណ ១០ម៉ឺនដើម គ្រោងនឹងដាំនៅក្នុងឧទ្យាននោះ។ ឯកឧត្តម បន្តថា៖ «នេះជាការគិតគូរវែងឆ្ងាយរបស់សម្តេចតេជោ ហ៊ុន សែន ជាមួយ ក្រសួងសេដ្ឋកិច្ច និងហិរញ្ញវត្ថុ និងក្រសួងមហាផ្ទៃ ក៏ដូចជារដ្ឋបាលរាជធានីភ្នំពេញ សម្រាប់ការលើកកម្ពស់សោភ័ណភាព និងគម្របបៃតងក្នុងរាជធានីភ្នំពេញ ដែលជាបេះដូងនៃប្រទេសរបស់យើងសម្រាប់មនុស្សជំនាន់ក្រោយ»។ បើយោងតាមផែនការរយៈពេលវែង ឧទ្យានជាតិនេះមិនមែនមានតែដើមឈើប៉ុណ្ណោះទេ តែនឹងមានកន្លែងផ្សេងៗទៀត ដូចជាអាងហែល ទឹកកន្លែងកម្សាន្ត ភោជនីយដ្ឋាន និងកន្លែងសម្រាកលំហែកាយជាដើម។ យោងតាមកាសែតខ្មែរថាមស៍ គម្រោងនេះត្រូវបានត្រៀមតាំងពីឆ្នាំ ២០២១ មកម្ល៉េះ ហើយគម្រោងបញ្ចប់នៅឆ្នាំ ២០២៣ តែអាចនឹងយឺតយ៉ាវបន្ដិចដោយសារបញ្ហាកូវីដ។ គូរបញ្ជាក់ផងដែរថា […]
អានបន្ថែម
ក្រសួងរៀបចំដែនដី៖ ការស្កេន QR Code លើអចលនវត្ថុផ្អាកដំណើរការជាបណ្ដោះអាសន្ន
ក្រសួងរៀបចំដែនដី នគរូបនីកម្ម និងសំណង់ កាលពីថ្ងៃទី១៤ ខែមីនា ឆ្នាំ២០២១ បានប្រកាសផ្អាកជាបណ្ដោះអាសន្ននូវការផ្ដល់សេវាស្កេន QR Code ដែលមាននៅលើសន្លឹកវិញ្ញាបនបត្រសម្គាល់អចលនវត្ថុ។ ក្នុងសេចក្ដីប្រកាសបានបញ្ជាក់ថា ការផ្អាកជាបណ្ដោះអាសន្ននេះ គឺដោយសារក្រុមការងារបច្ចេកទេសកំពុងដំឡើងប្រព័ន្ធឡើងវិញ។ ក្រសួងនឹងផ្ដល់ដំណឹងសាជាថ្មី នៅពេលដែលប្រព័ន្ធបច្ចេកទេសនេះរៀបចំរួចរាល់។ គួរបញ្ជាក់ថា ប្រព័ន្ធពិនិត្យព័ត៌មានសុរិយោដីតាមរយៈការស្កេន QR Code ដោយប្រើកម្មវិធីលើទូរស័ព្ទដៃស្មាតហ្វូន ត្រូវបានដាក់ឱ្យប្រើប្រាស់តាំងពីដើមឆ្នាំ ២០២០ មកម្លេះ។ ប្រព័ន្ធ QR Code នេះធ្វើឡើងដើម្បីឱ្យអ្នកសាធារណជនអាចស្វែងព័ត៌មានរបស់អចលនទ្រព្យបានដោយខ្លូនឯង ពោលគឺដើម្បីជៀសវាងបញ្ហាក្ដីក្ដាំពេលទិញលក់។ (អានបន្ថែម) តាមរយៈទូរស័ព្ទស្មាតហ្វូន លោកអ្នកនឹងអាចដឹងពីព័ត៌មាននៃដី ដូចជា ថ្ងៃខែឆ្នាំធ្វើបច្ចុប្បន្នភាព ទីតាំងក្បាលដី លេខក្បាលដី ទំហំដី រូបភាពប្រើប្រាស់ដី លក្ខណៈនៃការប្រើប្រាស់ដី ប្រភេទទ្រព្យ ម្ចាស់កម្មសិទ្ធិ សិទ្ធិលើការបញ្ចាំ ហ៊ីប៉ូតែក សិទ្ធិជួលអចិន្រ្តៃយ៍ សេវភាព ការរឹបអូស និងព័ត៌មានជាច្រើនទៀត។
អានបន្ថែម
អ្នកជំនាញ៖ ព្រឹត្ដិការណ៍ ២០កុម្ភៈ អាចដាក់សម្ពាធលើទីផ្សារអចលនទ្រព្យដល់ត្រីមាសទី ៣
អ្នកជំនាញក្នុងទីផ្សារអចលនទ្រព្យជើងចាស់ ២ រូប លោក សន សៀប និងអ្នកនាង អាន សុធីតា បានឱ្យដឹងកាលពីថ្មីៗនេះ ការឆ្លងក្នុងសហគមន៍ ២០ កុម្ភៈ បានជះឥទ្ធិពលអវិជ្ជមានយ៉ាងខ្លាំងដល់ទីផ្សារអចលនទ្រព្យនៅកម្ពុជា ហើយបញ្ហានេះនឹងនៅតែបន្តធ្ងន់ធ្ងរជាងមុន បើស្ថានភាពឆ្លងក្នុងសហគមន៍មិនអាចគ្រប់គ្រងបាន។ លោក សន សៀប ស្ថាបនិក និងនាយកនៃក្រុមហ៊ុន Key Real Estate បានឱ្យដឹងថា ក្នុងស្ថានភាពបែបនេះ អតិថិជនមិនសូវចង់ទិញលក់អចលនទ្រព្យឡើយ។ បើគ្មានការទិញលក់ ម្ចាស់គម្រោងក៏មិនមានទុនគ្រប់គ្រាន់ក្នុងការបង្កើតគម្រោងថ្មីៗ ឬបញ្ចប់គម្រោងដែលកំពុងសាងសង់ដូចគ្នា។ លោកបន្តថា ទោះយើងចាប់ផ្ដើមមានវ៉ាក់សាំងក្ដី តែចំនួនអ្នកទទួលបានវ៉ាក់សាំងនៅមានកម្រិត ដូច្នេះយើងនៅមានភាពមិនប្រាកដប្រជានៅឡើយ។ អ្នកនាង អាន សុធីតា យល់ស្របជាមួយនឹងលោក សន សៀប ហើយក៏បន្ថែមទៀតថា ទីផ្សារកំពុងរងសម្ពាធ ព្រោះក្នុងនៅភាពមិនប្រាកដប្រជាបែបនេះ អ្នកវិនិយោគថ្មីៗ គឺមិនទាន់ចង់វិនិយោគនោះទេ។ «ដូច្នេះហើយម្ចាស់គម្រោងនីមួយៗ ត្រូវតែរក្សាលំនឹងសាច់ប្រាក់ក្នុងដៃឱ្យបានច្រើនតាមតែអាចធ្វើបាន ដើម្បីបន្តគម្រោងដែលកំពុងសាងសង់ ទោះចំនួនការទិញធ្លាក់ចុះក្ដី ដែលនេះគឺជាបញ្ហាដ៏លំបាកមួយសម្រាប់អ្នកអភិវឌ្ឍន៍» អ្នកនាងបានបន្ត។ ដោយឡែក អ្នកជំនាញទាំង ២រូប យល់ឃើញដូចគ្នាថា […]
អានបន្ថែម
តើការទិញអចលទ្រព្យលក់ឡៃឡុងពីតុលាការអាចជួបហានិភ័យដែរទេ?
អ្នកវិនិយោគភាគច្រើនតែងស្ទាក់ស្ទើរមិនហ៊ានទិញដី ឬផ្ទះ ដែលដាក់លក់ឡៃឡុងដោយតុលាការ ដោយគិតថាពួកគេនឹងជួបហានិភ័យពាក់ព័ន្ធនឹងផ្លូវច្បាប់ជាក់ជាមិនខាន ទោះបីអចលនទ្រព្យទាំងនោះមានតម្លៃទាបទីផ្សារក៏ដោយ។ តើអចលទ្រព្យលក់ឡៃឡុងពីតុលាការគឺជាអ្វី? បើចង់ទិញអាចជួបហានិភ័យឬទេ? អចលនទ្រព្យលក់ឡៃឡុងពីតុលាការ ឬហៅម៉្យាងទៀតថាអចលនទ្រព្យជាប់បំណុល គឺជាអចលនទ្រព្យដែលម្ចាស់ដើមប្រើប្រាស់ដើម្បីធានាបំណុល ប៉ុន្តែម្ចាស់ដើមមិនអាចសងបំណុលបាន ទើបត្រូវមានរឿងរ៉ាវប្ដឹងឡើងតុលាការ។ ការលក់ឡៃឡុងនេះ គឺជាការដាក់លក់ដោយបង្ខំ ក្រោមសេចក្តីសម្រេចរបស់តុលាការ ដោយភាគច្រើនគឺលក់ក្រោមតម្លៃទីផ្សារ និងបើកឱកាសឱ្យសាធារណជនជាទូទៅអាចដេញថ្លៃទិញបាន។ ដូច្នេះ ក្នុងនាមជាអ្នកវិនិយោគលើអចលនទ្រព្យទូទៅ តើយើងគួរចូលរួមទិញអចលនទ្រព្យលក់ឡៃឡុងនោះទេ។ តើវាមានគុណសម្បត្តិ និងគុណវិបត្តិយ៉ាងណាខ្លះ? ចំណុចល្អដំបូងបង្អស់ គឺតម្លៃ ដែលភាគច្រើនគឺលក់ក្នុងតម្លៃទាប ដូច្នេះបើអ្នកហ៊ានទិញ ហើយយកមកលក់បន្តគឺអាចចំណេញខ្ពស់។ ប៉ុន្តែ ចំណុចសំខាន់ដែលអ្នកទិញត្រូវគិតគឺប្រភេទ និងសក្ដានុពលរបស់អចនទ្រព្យនោះ។ ឧទាហរណ៍ បើជាដី ត្រូវមើលថាទីតាំងល្អ ឬទេ? អាចលក់បានថ្លៃឬទេនៅពេលអនាគត? ហើយបើជាផ្ទះ ត្រូវមើលថាសភាពទ្រុឌទ្រោមកម្រិតណា អាចមានឱកាសកែច្នៃហើយលក់ចំណេញឬទេ។ លោក ឃាង ពុទ្ធី ប្រធានសមាគមអ្នកជំនាញអចលនទ្រព្យកម្ពុជា (CREA) ធ្លាប់មានប្រសាសន៍ថា ការទិញអចលនទ្រព្យលក់ឡៃឡុងពីតុលាការ គឺឱកាស តែអ្នកវិនិយោគគួរតែគិតពីកត្តាផ្សេងៗដែរ ដូចជាកត្តាទីតាំងភូមិសាស្រ្ត បញ្ហាប័ណ្ណកម្មសិទ្ធិ (ប្លង់រឹង ឬប្លង់ទន់) កត្ដាដង់ស៊ីតេប្រជាជន កត្តាហេដ្ឋារចនាសម្ព័ន្ធ ហើយនឹងផែនការអាជីវកម្ម ចំពោះអចលនទ្រព្យ […]
អានបន្ថែម
រោងចក្រសូឡាដ៏ធំ អានុភាព ៣៩ មេហ្គាវ៉ាត់នៅបន្ទាយមានជ័យ ភ្ជាប់ចូលបណ្ដាញអគ្គសនីជាតិជាស្ថាពរ
រោងចក្រសូឡាដ៏ធំ អានុភាព ៣៩ មេហ្គាវ៉ាត់ នៅខេត្តបន្ទាយមានជ័យ ត្រូវបានតភ្ជាប់ចូលបណ្ដាញអគ្គិសនីជាតិជាស្ថាពរកាលពីថ្មីៗនេះ។ នេះបើយោងតាមសារព័ត៌មាន PR Newswire កាលពីថ្ងៃ ១០ មីនា កន្លងទៅ។ គម្រោងនេះត្រូវបានសាងសង់ឡើងដោយក្រុមហ៊ុនចិន Shanxi Electric Power Engineering ដោយមានក្រុមហ៊ុន JR Solar ជាអ្នកផ្គត់ផ្គង់បន្ទះកញ្ចក់សូឡាទាំងអស់។ បើយោងតាមប្រភពដដែល រោងចក្រនេះ គឺជាគម្រោងថាមពលកកើតឡើងវិញ (ថាមពលបៃតង) ធំជាងគេនៅក្នុងខេត្តបន្ទាយមានជ័យ និងជាគម្រោងដែលតភ្ជាប់ចូលបណ្តាញជាតិដំបូងបង្អស់ ក្នុងចំណោមរោងចក្រសូឡា ៥កន្លែង ដែលត្រូវបានអនុម័តដោយរដ្ឋាភិបាលកាលពីឆ្នាំ ២០១៩។ ក្រៅពីរោងចក្រសូឡាដែលទើបតែបើកថ្មីៗនេះ ខេត្តបន្ទាយមានជ័យក៏មានគម្រោងសូឡាមួយកន្លែងទៀត មានអានុភាព ៣០ មេហ្គាវ៉ាត់ ដែលកំពុងតែដំណើរការសាងសង់ដោយក្រុមហ៊ុន RAY Power Supply Co Ltd ក្រោមទុនវិនិយោគប្រមាណជិត ៤០ លានដុល្លារផងដែរ។ (អានបន្ថែម) លើសពីនេះ កម្ពុជាក៏មានគម្រោងស្ថានីយសូឡាអានុភាព ២០ មេហ្គាវ៉ាត នៅខេត្តស្វាយរៀង និងស្ថានីយសូឡាអនុភាព ៦០មេហ្គាវ៉ាត ដែលគ្រោងនឹងបើកដំណើរការឆ្នាំនេះផងដែរ។ […]
អានបន្ថែម
ដី ១០ហិកតា នៅស្រុកឱរ៉ាល់ខេត្តកំពង់ស្ពឺ នឹងក្លាយជាទីតាំងបូជាសពអ្នកជំងឺកូវីដ-១៩
ផ្ទៃដីប្រមាណ១០ហិកតា ក្នុងស្រុកឱរ៉ាល់ ខេត្តកំពង់ស្ពឺ នឹងក្លាយជាទីតាំងបូជាសពអ្នកដែលស្លាប់ដោយសារជំងឺកូវីដ-១៩ ខណៈបច្ចុប្បន្នរដ្ឋាភិបាលកំពុងមមាញឹកឈូសឆាយសាងសង់។ នេះបើតាមការឱ្យដឹងពីមន្រ្តីនាំពាក្យរដ្ឋបាលរាជធានីភ្នំពេញ។ លោក ម៉េត មាសភក្ដី អ្នកនាំពាក្យរដ្ឋបាលរាជធានីភ្នំពេញ ថ្លែងប្រាប់សារព័ត៌មាន Fresh News នៅថ្ងៃទី១២ ខែមីនា នេះថា ទីតាំងមូលដ្ឋានក្នុងស្រុកឱរ៉ាល់ ខេត្តកំពង់ស្ពឺ គឺមានសុវត្ថិភាព និងជាជម្រើសល្អ ដោយសារទីនោះមិនប៉ះពាល់ដល់ការរស់នៅរបស់ប្រជាពលរដ្ឋឡើយ។ លោក ក៏បានបន្ថែមថា បច្ចុប្បន្នរដ្ឋបាលរាជធានីភ្នំពេញ បានរៀបចំផ្ទៃដីទំហំប្រមាណ១០ហិកតា និងឡជាបច្ឆាបច្ចេកទេសស្តង់ដារចំនួន៦ ដោយបាននិងកំពុងសម្រុកធ្វើទាំងយប់ទាំងថ្ងៃផងដែរ ។ គួរបញ្ជាក់ថា ការសម្រេចជ្រើសរើសទីតាំងនេះ ធ្វើឡើងក្រោយទទួលបានបទបញ្ជារបស់ សម្ដេច ហ៊ុន សែន មកកាន់ ឯកឧត្តម ឃួង ស្រេង អភិបាលរាជធានីភ្នំពេញ កាលពីពេលថ្មីនេះៗ។
អានបន្ថែម
ឱកាស ៣ សំខាន់ៗ ដែលកម្ពុជាត្រូវតែចាប់យកឱ្យបាន ដើម្បីស្ដារសេដ្ឋកិច្ច ក្រោយវិបត្តិកូវីដ
របាយការណ៍ពិសេសរបស់អ្នកស្រាវជ្រាវពីក្រុមហ៊ុន DHL បានសម្តែងសុទិដ្ឋិនិយមថា ប្រទេសកម្ពុជានឹងងើបឡើងវិញយ៉ាងឆាប់រហ័សពីវិបត្តិកូវីដ ១៩ ដោយសារកត្តាចម្បង ៣ រួមមាន គោលនយោបាយកញ្ចប់ថវិកាជំរុញសេដ្ឋកិច្ចរបស់រដ្ឋាភិបាល កំណើនឱកាសដៃគូពាណិជ្ជកម្មថ្មីៗ និងពិសេសនិន្នាការកើនឡើងនៃរំហូរចូលនៃការវិនិយោគផ្ទាល់។ កត្តាគោលនយោបាយ ចុះផ្សាយនៅក្នុងកាសែត Business Times នៅដើមខែនេះ របាយការណ៍ដដែលបានលើកឡើងថា កត្តាដំបូងបង្អស់ គឺជាការគាំទ្រយ៉ាងខ្លាំងពីរដ្ឋាភិបាលតាមរយៈវិធានចាក់បញ្ចូលថវិការដ្ឋដ៏ច្រើនចូលក្នុងចរន្តសេដ្ឋកិច្ច។ រហូតមកដល់បច្ចុប្បន្ន កញ្ចប់ថវិការដ្ឋដើម្បីជំរុញសេដ្ឋកិច្ចបានឈានដល់ជាង ១,១៦ ពាន់លានដុល្លារអាមេរិកហើយ ឬស្មើនឹងប្រមាណ ៥% នៃ GDP។ កញ្ចប់ថវិកានេះ បានប្រើប្រាស់លើវិស័យផលប៉ះពាល់ជាច្រើន។ លើសពីនេះ ការលើកលែងពន្ធសម្រាប់វិស័យសណ្ឋាគារ និងទេសចរណ៍ ក៏កំពុងបន្តអនុវត្ត ដែលសុទ្ធសឹងតែជាការជួយស្ដារសេដ្ឋកិច្ច។ លើសពីនេះ ធនាគារជាតិនៃកម្ពុជាក៏បានកាត់បន្ថយអត្រាការប្រាក់ ហើយនៅតែបន្តផ្តល់ការរៀបចំប្រាក់កម្ចីឡើងវិញ ឬ Loan Restructuring ដល់ធនាគារពាណិជ្ជកម្មរហូតដល់ពាក់កណ្តាលឆ្នាំ ២០២១។ កត្តាដៃគូពាណិជ្ជកម្ម ទោះបីជាកំពុងមានវិបត្តិកូវីដក្ដី ប្រទេសកម្ពុជានៅតែសកម្មក្នុងការស្វែងរកដៃគូពាណិជ្ជកម្ម និងឱកាសអាជីវកម្ម។ ឧទាហរណ៍ ដូចជាថ្មីៗនេះ កម្ពុជាបានចុះហត្ថលេខាលើកិច្ចព្រមព្រៀងពាណិជ្ជកម្មសេរី (FTA) ជាមួយប្រទេសចិន ដែលគោលការណ៍នេះ រំពឹងថានឹងចូលជាធរមានក្នុងពេលឆាប់ៗ ។ តាមរយៈកិច្ចព្រមព្រៀងពាណិជ្ជកម្មសេរីនេះ […]
អានបន្ថែម
ប្រធានសមាគមអ្នកសាងសង់កម្ពុជាបរិច្ចាគ ៣ លានដុល្លារ ដើម្បីជួយទប់ស្កាត់ការឆ្លងកូវីដ១៩
អ្នកឧកញ៉ា ពុង ឃាវសែ ជាប្រធានសមាគមអ្នកសាងសង់កម្ពុជា និងជាប្រធានក្រុមប្រឹក្សាភិបាលធនាគារកាណាឌីយ៉ា ក៏ដូចជាក្រុមហ៊ុន OCIC កាលពីព្រឹកថ្ងៃទី ១២ មីនា នេះ បានបរិច្ចាគថវិកា ៣លានដុល្លារ ជូនរដ្ឋាភិបាល ដើម្បីចូលរួមសកម្មភាពទប់ស្កាត់ការរីករាលដាលជំងឺកូវីដ១៩ ក្នុងព្រឹត្តិការណ៍២០កុម្ភៈ។ នេះមិនមែនជាលើកទីមួយទេដែលអ្នកឧកញ៉ា ពុង ឃាវសែ បរិច្ចាគថវិកាដើម្បីជួយរដ្ឋាភិបាល។ កាលពីដើមខែ ធ្នូ ឆ្នាំ ២០២០ អ្នកឧកញ៉ា ក៏បានបានបរិច្ចាគថវិកា ៣លានដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ១៩។ លើសពីនេះ ក្នុងអំឡុងពេលនៃការផ្ទុះជំងឺកូវីដដំបូង អ្នកឧកញ៉ាក៏បានបរិច្ចាគថវិកាចំនួន ៥០០ ០០០ ដុល្លារដល់រដ្ឋាភិបាលផងដែរ។ សម្រាប់អ្នកឧកញ៉ា ថវិកាបរិច្ចាគគ្រាន់តែជាផ្នែកតូចមួយប៉ុណ្ណោះក្នុងការជួយដល់រដ្ឋាភិបាលដោះស្រាយបញ្ហាកូវីដ។ ប៉ុន្ដែអ្វីដែលសំខាន់ជាងនេះ ក្រុមហ៊ុននានារបស់អ្នកឧកញ៉ាកន្លងមក ក៏បានជួយដោះស្រាយបញ្ហាកូវីដដោយប្រយោល ពោលគឺតាមរយៈគម្រោងធំៗតម្លៃរាប់ពាន់លានដុល្លារ ដែលជាកត្ដាជួយជំរុញសេដ្ឋកិច្ច និងបង្កើតការងារ។ តួយ៉ាង កាលពីខែតុលាកនុ្លងមកនេះ ក្រុមហ៊ុន OCIC បានបើកការដ្ឋានសាងសង់ស្ពានធំ ៗ ចំនួន ២ ដែលមួយតភ្ជាប់ពីទីក្រុងកោះពេជ្រទៅកោះនរា […]
អានបន្ថែម
កម្ពុជា ឡាវ និងវៀតណាម ឯកភាពគ្នាពន្លឿនការស្ថាបនាហេដ្ឋារចនាសម្ព័ន្ធឆ្លងប្រទេសធំៗ ៣
នាយករដ្ឋមន្រ្តីនៃប្រទេសកម្ពុជា ឡាវ និងវៀតណាម បានសម្រេចឯកភាពគ្នាគៀងគរធនធានពីដៃគូអភិវឌ្ឍន៍ ដើម្បីពន្លឿនការស្ថាបនាហេដ្ឋារចនាសម្ព័ន្ធឆ្លងប្រទេសធំៗ ៣ រួមមាន ផ្លូវរថភ្លើងភ្នំពេញ-ហូជីមិញ ផ្លូវល្បឿនលឿនហាណូយ-វៀងចន្ទន៍ និងផ្លូវរថភ្លើងវៀងចន្ទន៍-វង្សអាន ។ នេះបើយោងតាមកិច្ចប្រជុំតាមប្រព័ន្ធវីដេអូរវាងប្រមុខថ្នាក់ដឹកនាំនៃប្រទេសទាំងបី កាលពីថ្ងៃទី១០ ខែមីនា ឆ្នាំ២០២១ នេះ។ ការពន្លឿនការស្ថាបនាផ្លូវល្បឿនលឿន និងផ្លូវរថភ្លើងទាំងនេះ គឺដើម្បីជំរុញកិច្ចសហប្រតិបត្តិការក្របខណ្ឌក្នុងតំបន់ ដែលជាការអនុវត្តតាមផែនការតភ្ជាប់សេដ្ឋកិច្ច CLV ដល់ឆ្នាំ ២០៣០។ ក្នុងកិច្ចប្រជុំដដែលនេះ ថ្នាក់ដឹកនាំប្រទេសបី ក៏បានពិចារណាដំណើរការឡើងវិញនូវជើងហោះហើរអន្តរជាតិរវាងកម្ពុជា ឡាវ និងវៀតណាម ផងដែរ ដើម្បីជំរុញពាណិជ្ជកម្ម និងការវិនិយោគ។ ដោយឡែក ទាក់ទិននឹងគម្រោង ផ្លូវរថភ្លើងភ្នំពេញ-ហូជីមិញ មកទល់បច្ចុប្បន្ន នៅមិនទាន់ចាប់ផ្ដើមនៅឡើយទេ។ បើយោងតាម អ្នកនាំពាក្យក្រសួងសាធារណការ និងដឹកជញ្ជូន ឯកឧត្តម វ៉ាស៊ីម សុរិយា កាលពីថ្មីៗនេះ គម្រោងនេះគ្រាន់តែជាការឯកភាពគ្នាដោយផ្ទាល់មាត់ ដោយមិនទាន់មានការចុះហត្ថលេខាអ្វីនៅឡើយទេ។ (អានបន្ថែម) ប៉ុន្តែឯកឧត្តម បានបន្ថែមថា គម្រោងផ្លូវរថភ្លើងឆ្លងប្រទេសមួយខ្សែនេះនៅតែស្ថិតក្នុងបញ្ជីគម្រោងអាទិភាពរបស់រដ្ឋ ដោយកាលពីខែ តុលា ឆ្នាំ ២០២០ កន្លងមក មានក្រុមហ៊ុនចិនមួយបានបញ្ចប់ការសិក្សា […]
អានបន្ថែម