ការសិក្សាអាមេរិក៖ តម្លៃផ្ទះជាមធ្យមនៅកម្ពុជា ខ្ពស់ជាងចំណូលប្រជាជនទូទៅ ដល់ទៅ ៣៩ ដង
តម្លៃអចលនទ្រព្យ ឬផ្ទះសម្បែងជាមធ្យមនៅកម្ពុជា គឺខ្ពស់ជាងចំណូលមធ្យមរបស់ប្រជាជនទូទៅ ដល់ទៅ ៣៩ ដង បើគិតត្រឹមពាក់កណ្ដាលឆ្នាំ ២០២០។ នេះបើយោងតាមរបាយការណ៍របស់ក្រុមហ៊ុនអាមេរិក Aetna កាលពីថ្មីៗនេះ។ របាយការណ៍បានឱ្យនិយមន័យអត្រានេះថា ជាសមាមាត្រតម្លៃផ្ទះធៀបនឹងប្រាក់ចំណូល (price-to-income ratio) ពោលគឺជាតួលេខប្រៀបធៀបតម្លៃផ្ទះសម្បែងទៅនឹងប្រាក់ចំណូលរបស់ប្រជាជនក្នុងស្រុក។ មានន័យថា បើតួលេខនេះកាន់តែទាប គឺកាន់តែល្អ ព្រោះតម្លៃផ្ទះគឺទាបជាងមុន បើធៀបនឹងចំណូលដែលកើនឡើង។ ការសិក្សានេះ បានបន្តទៀតថា អត្រា ៣៩ ដង នេះ គឺខ្ពស់បំផុតលំដាប់ទី ២ បើប្រៀបធៀបនឹងប្រទេសផ្សេងៗទៀត។ ឧទាហរណ៍ដូចជា ប្រទេសហ្វីលីពីនតម្លៃផ្ទះខ្ពស់ជាងចំណូលត្រឹមអត្រា ២៩ ដង ខណៈនៅឥណ្ឌូនេស៊ីនៅគឺត្រឹមតែ ២១ ដងប៉ុណ្ណោះ។ មានន័យថា តម្លៃផ្ទះនៅប្រទេសទាំង ២ បើធៀបនឹងចំណូលប្រជាជន គឺទាប។ យ៉ាងណាក្ដី សមាមាត្រតម្លៃផ្ទះធៀបនឹងប្រាក់ចំណូលនៅរំពឹងថានឹងបន្តធ្លាក់ចុះ ដោយសារតែវិបត្តិកូវីដ ដែលជាកត្តាជំរុញឱ្យតម្លៃអចលនទ្រព្យអាចនឹងធ្លាក់ចុះ។ ជាក់ស្ដែងសមាមាត្រ ៣៩ ដង នេះគឺជាការធ្លាក់ចុះរួចមកហើយប្រមាណ ៦.៥% ពោលគឺ ពីអត្រា ៤៦ ដងនៅឆ្នាំ […]
អានបន្ថែម
NagaWorld សម្រេចបិទទ្វារបណ្តោះអាសន្ន ក្រោយបុគ្គលិកចំនួន ១១ នាក់ ឆ្លងមេរោគកូវីដ១៩
ក្រុមហ៊ុន NagaCorp បានចេញសេចក្ដីប្រកាសកាលពីថ្ងៃទី ១ មីនា កន្លងមកនេះថា ក្រុមហ៊ុនសម្រេចផ្អាកអាជីវកម្មរបស់ខ្លួនជាបណ្ដោះអាសន្ន បន្ទាប់ពីបុគ្គលិកចំនួន ១១ ត្រូវបានធ្វើតេស្ត៍វិជ្ជមាន មេរោគកូវីដ១៩។ យោងតាមសេចក្តីប្រកាសដដែលនេះ បុគ្គលិកចំនួន ៣០០០ នាក់ ត្រូវបានធ្វើតេស្ត៍ អំឡុងថ្ងៃទី ២៧ ខែកុម្ភៈ ហើយ ១១ នាក់ត្រូវបានរកឃើញថាមានផ្ទុកមេរោកកូវីដ១៩។ ដូច្នេះហើយ ទើបក្រុមហ៊ុនសម្រេចបិទទ្វារមួយរយៈពេលសិន ដើម្បីចូលរួមទប់ស្កាត់ការឆ្លងក្នុងសហគមន៍ ២០ កុម្ភៈ។ សេចក្តីថ្លែងការណ៍បានបន្តទៀតថា៖ «ការផ្អាកអាជីវកម្មក៏នឹងអនុញ្ញាតឱ្យក្រុមហ៊ុនធ្វើការត្រួតពិនិត្យហ្មត់ចត់បន្ថែមទៀតអំពីវិធានការណ៍ការពារ បង្កា និងសម្អាតអគារទាំងមូល ដើម្បីសុវត្ថិភាពទាំងភ្ញៀវ និងបុគ្គលិក»។ ប្រភពដដែលបានឱ្យដឹង ក្រុមហ៊ុន NagaCorp នឹងបើកកាស៊ីណូរបស់ខ្លួនឡើងវិញ នៅពេលស្ថានភាពប្រសើរឡើង ដោយនឹងបន្តពិគ្រោះយោបល់ជាមួយក្រសួងសុខាភិបាល។ គួរបញ្ជាក់ផងដែរថា គិតត្រឹមព្រឹកថ្ងៃទី ២ មីនា ចំនួនករណីឆ្លងកូវីដ១៩ នៅកម្ពុជាមានចំនួន ៨៤៤ ករណី ហើយមាន ២៤ ករណីថ្មី។
អានបន្ថែម
តើម៉ាស៊ីនព្រីន 3D នឹងជួយផ្លាស់ប្តូរឧស្សាហកម្មសំណង់បានយ៉ាងណាខ្លះ នាពេលអនាគត?
អ្នកប្រហែលជាធ្លាប់ដឹងរួចមកហើយថា ម៉ាស៊ីនព្រីន 3D គឺម៉ាស៊ីនដែលអាចព្រីន ឬផលិតវត្ថុពិតៗណាមួយបាន ដោយគ្រាន់តែឌីស៉ាញគំរូ 3D ក្នុងកុំព្យូទ័រ ដាក់បញ្ចូលវត្ថុធាតុដើម ហើយចុចព្រីន។ បច្ចេកវិទ្យានេះត្រូវបានគេប្រើជាទូទៅក្នុងការផលិតវត្ថុគំរូគ្រប់ប្រភេទដូចជាង តុ ទូ កៅអី ឬអនុស្សារីយ៍ជាដើម។ ដោយឡែក ក្នុងវិស័យសំណង់វិញ តើម៉ាស៊ីនព្រីន 3D អាចជួយអ្វីបានខ្លះ? អ្នកអាចសាងសង់អគារពាណិជ្ជកម្មនានាបានដោយគ្រាន់តែចុចព្រីន នៅថ្ងៃអនាគត អគារពាណិជ្ជកម្មនានាដូចជា ការិយាល័យ បណ្ណាល័យ ឬហាងកាហ្វេ គឺសុទ្ធតែអាចព្រីនបានដោយម៉ាស៊ីនព្រីន 3D។ តួរយ៉ាង អគារពាណិជ្ជកម្មមួយនៅទីក្រុងឌូបៃគឺ Dubai Future Foundation មានកម្ពស់ ៦ ម៉ែត្រ បានបំបែកឯកទកម្មជាការអគារពាណិជ្ជកម្មដំបូងគេ ដែលសាងសង់ដោយម៉ាស៊ីនព្រីន 3D។ វិស្វករបានប្រើប្រាស់ពេល ១៧ ថ្ងៃ ដើម្បីព្រីនគ្រោងឆ្អឹងអគារ និងរយៈពេល ៣ ខែ ដើម្បីបញ្ចប់ការដ្ឋានទាំងមូល ដោយក្នុងនោះបានកាត់បន្ថយកម្លាំងពលកម្មបានទៅដល់ ៥០% និងសំណល់ពីការដ្ឋានបានដល់ ៦០% ដែលនេះជាគំរូដ៏ល្អមួយក្នុងការអភិវឌ្ឍន៍ ដោយមិនធ្វើឱ្យប៉ះពាល់បរិស្ថានខ្លាំង និងចំណាយថវិការសមរម្យ។ វិធីសាស្ត្រសាងសង់ងាយស្រួលជាងមុន […]
អានបន្ថែម
អភិបាលខេត្តកំពង់ស្ពឺ ប្ដេជ្ញាជំរុញវិស័យស្នូល ២ ដើម្បីទាក់ទាញវិនិយោគិនឱ្យកាន់តែច្រើន
អភិបាលខេត្តកំពង់ស្ពឺ ឯកឧត្តម វ៉ី សំណាង កាលពីថ្មីៗនេះ បានប្ដេជ្ញាថានឹងបន្តលើកកម្ពស់វិស័យធំៗ ២ នៅខេត្តកំពង់ស្ពឺ ពោលគឺវិស័យឧស្សាហកម្ម និងវិស័យទេសចរណ៍ ខណៈវិស័យទាំង ២ នេះ បាន និងកំពុងដើរតួរជាស្នូលដ៏សំខាន់ក្នុងការទាក់ទាញអ្នកវិនិយោគជាបន្តបន្ទាប់។ ឯកឧត្តម បានឱ្យដឹងកាលពី ថ្ងៃទី១ ខែមីនា កន្លងមកនេះថា៖ «ខេត្តកំពង់ស្ពឺ គឺនៅជិតកំពង់ផែអន្តរជាតិក្រុងព្រះសីហនុ និងមានផ្លូវជាតិ ៣ ខ្សែ គឺផ្លូវលេខ៥១ ផ្លូវលេខ៤៤ និងផ្លូវលេខ៤១ ដែលជាផ្លូវមានគម្រោងអភិវឌ្ឍន៍ និងតំបន់សេដ្ឋកិច្ចពិសេស»។ «ក្នុងនោះផ្លូវ៥១ ជាគម្រោងអភិវឌ្ឍន៍របស់ក្រុមហ៊ុន OCIC ដែលមានផ្ទៃដី ៥០០ហិកតា ផ្លូវលេខ៤១ មានគម្រោងអភិវឌ្ឍន៍របស់ក្រុមហ៊ុនសិង្ហបុរី និងផ្លូវលេខ៤៤ មានក្រុមហ៊ុនជាច្រើនកំពុងអភិវឌ្ឍន៍លើវិស័យជាច្រើន។ កត្តាទាំងនេះហើយដែលធ្វើឱ្យខេត្តកំពង់ស្ពឺ កំពុងមានភាពទាក់ទាញលើវិស័យអចលនទ្រព្យផងដែរ»។ ដោយឡែក វិស័យទេសចរណ៍វិញ បើតាម លោក សៅ សារ៉ន ប្រធានមន្ទីរទេសចរណ៍ខេត្តកំពង់ស្ពឺ បានឱ្យដឹងថា ខេត្តកំពង់ស្ពឺមានលក្ខណៈពិសេស ព្រោះខេត្តនេះសម្បូរភូមិជនជាតិចម្រុះរស់នៅ និងមានតំបន់ធម្មជាតិច្រើន។ ជាមួយគ្នានេះ ខេត្តកំពង់ស្ពឺក៏មានរមណីយដ្ឋានបែបប្រវត្តិសាស្រ្តជាច្រើនកន្លែងផងដែរ។ លោកបន្តថា […]
អានបន្ថែម
ជប៉ុនបោះជំនួយ១០ លានដុល្លារបន្ថែម ពីលើកម្ចី២០០ លានដុល្លារ ដើម្បីលើកកម្ពស់កំពង់ផែសីហនុ
ជប៉ុននឹងផ្ដល់ហិរញ្ញប្បទានឥតសំណងដល់កម្ពុជា ក្នុងទំហំទឹកប្រាក់សរុបប្រមាណ ១០.៨ លានដុល្លារអាមេរិក ដើម្បីលើកកម្ពស់ចរាចរណ៍នាវា នៅកំពង់ផែស្វយ័តក្រុងព្រះសីហនុ។ នេះបើតាមសេចក្តីប្រកាសពត៌មានរបស់ក្រសួងការបរទេស និងសហប្រតិបត្តិការអន្តរជាតិ ចុះថ្ងៃទី២៦ ខែកុម្ភៈ ឆ្នាំ២០២១។ យោងតាមប្រភពនេះ ឯកឧត្ដម ប្រាក់ សុខុន និង ឯកឧត្ដម MIKAMI Masahiro ឯកអគ្គរាជទូតជប៉ុនប្រចាំកម្ពុជា នឹងចុះហត្ថលេខាលើលិខិតប្ដូរសារស្ដីពីការផ្ដល់ហិរញ្ញប្បទានឥតសំណង នៅថ្ងៃទី០១ ខែមីនា នេះ។ ហិរញ្ញប្បទានឥតសំណងនេះ នឹងរួមចំណែកយ៉ាងសំខាន់ដល់ការលើកកម្ពស់ការអភិវឌ្ឍសេដ្ឋកិច្ច និងសង្គមប្រទេសកម្ពុជា ដោយកាន់តែរឹតចំណងមិត្តភាព និងកិច្ចសហប្រតិបត្តិការរវាងប្រទេសទាំងពីរ។ គួរបញ្ជាក់ផងដែរថា កំពង់ផែស្វយ័តក្រុងព្រះសីហនុ ត្រូវបានពង្រីក និងលើកកម្ពស់គុណភាពជាបន្តបន្ទាប់ក្នុងប៉ុន្មានឆ្នាំចុងក្រោយនេះ ដែលភាគច្រើនធ្វើឡើងក្រោមជំនួយ និងកម្ចីពីប្រទេសជប៉ុន។ បើយោងតាមផែនការឆ្នាំ ២០២០-២០៣០ គម្រោងពង្រីកកំពង់ផែទឹកជ្រៅខេត្តព្រះសីហនុមានសរុប ៥ ជំហាន។ ក្នុងនោះ ជំហានទី ១ (ជម្រៅ១៤,៥ម៉ែត្រ) បានបញ្ចប់ការរចនាប្លង់ហើយ ដោយនឹងចាប់ផ្ដើមសាងសង់ឆាប់ៗនេះ ក្រោមកម្ចីជាង ២០០ លានដុល្លារពីប្រទេសជប៉ុន។ (អានបន្ថែម) ក្រោយជំហានទី ១ សាងសង់រួចនៅឆ្នាំ ២០២៣ កំពង់ផែនៅកម្ពុជានឹងធានាដល់ការចូលចតនាវាកុងតឺន័រខ្នាតធំៗ […]
អានបន្ថែម
រថភ្លើងល្បឿនលឿនសិង្ហបុរី-ម៉ាឡេស៊ីតម្លៃ ២៧,៣ ពាន់លានដុល្លារត្រូវបានលុបចោល ក្រោយសិក្សាជាង៧ ឆ្នាំ
ក្រោមត្រៀមផែនការ សិក្សា និងពិភាក្សាអស់រយៈពេលជាង ៧ ឆ្នាំ គម្រោងផ្លូវដែកល្បឿនលឿនពីទីក្រុងកូឡាឡាំពួរ ទៅសិង្ហបុរី ត្រូវបានលុបចោលជាផ្លូវការ ដោយរដ្ឋាភិបាលនៃប្រទេសទាំង ២ ចរចាពិភាក្សាមិនចុះសម្រុងគ្នា។ នេះបើយោងតាមសេចក្តីថ្លែងការណ៍ចុងក្រោយកាលពីដើមឆ្នាំ ២០២១ កន្លងទៅនេះ។ បើយោងតាមរបាយការណ៍ដដែល បញ្ហាធំៗដែលធ្វើឱ្យភាគីទាំង២ ចរចាមិនត្រូវគ្នា គឺបញ្ហាការចំណាយខ្ពស់ រយៈពេលនៃការសាងសង់ដែលអូសបន្លាយយូរ ការជ្រាតជើងចូលពីវិនិយោគិនចិន និងបញ្ហានយោបាយរបស់ប្រទេសម៉ាឡេស៊ី។ ជាការពិតគម្រោងនេះ ត្រូវបាន ផ្អាកម្ដងហើយ នៅនាយករដ្ឋមន្រ្តីម៉ាឡេស៊ីលោក Mahathir Mohammed បានចូលកាន់តំណែងនៅពីឆ្នាំ ២០១៨ ។ លោកបានផ្អាកគម្រោងជាច្រើនដែលប្រើទុនពីប្រទេសចិន ដោយឱ្យហេតុផលថាចំណាយខ្ពស់ និងពិបាកគ្រប់គ្រង។ លើសពីនេះ បញ្ហាផលប៉ះពាល់នៃជំងឺកូវីដ១៩ ក៏ជាហេតុផលមួយផងដែរ នៃការលុបចោលគម្រោងរថភ្លើងល្បឿនលឿននេះ ព្រោះម៉ាឡេស៊ីព្យាយាមកាត់បន្ថយការចំណាយ។ ទោះជាយ៉ាងណាក្ដី សម្រាប់ប្រទេសសិង្ហបុរីកន្លងមកបានចុះហត្ថលេខាជាមួយអ្នកម៉ៅការ ៥ ក្រុមហ៊ុនរួចហើយ ដើម្បីអភិវឌ្ឍកំណាត់ផ្លូវដែលស្ថិតនៅក្នុងប្រទេសសិង្ហបុរី តែសោកស្ដាយដែលគម្រោងត្រូវបានលុយចោលទៅវិញ។ គួរបញ្ជាក់ផងដែរថា ផ្លូវដែកមួយខ្សែនេះមានប្រវែង ៣៥០ គីឡូម៉ែត្រ ដែលអាចកាត់បន្ថយពេលវេលាធ្វើដំណើររវាងប្រទេសទាំង ២ ពី ៧ ម៉ោងមកត្រឹម ៩០ នាទី […]
អានបន្ថែម
ក្រសួង៖ គម្រោងកសាងផ្លូវដែកភ្នំពេញ-វៀតណាមនៅតែស្ថិតក្នុងបញ្ជីគម្រោងអាទិភាពរបស់រដ្ឋ
អ្នកនាំពាក្យក្រសួងសាធារណការ និងដឹកជញ្ជូន ឯកឧត្តម វ៉ាស៊ីម សុរិយា បានឱ្យដឹងថា គម្រោងកសាងផ្លូវដែកតភ្ជាប់ពីរាជធានីភ្នំពេញទៅក្រុងបាវិតនៃខេត្តស្វាយរៀង ហើយបន្តទៅទីក្រុងហូជីមីញនៃប្រទេសវៀតណាម នៅតែស្ថិតក្នុងបញ្ជីគម្រោងអាទិភាពរបស់រដ្ឋ តែនឹងគិតគូរក្រោយផ្លូវល្បឿនលឿន។ ការបញ្ជាក់របស់ក្រសួង ធ្វើឡើងបន្ទាប់ពីកម្ពុជា និងភាគីវៀតណាម បានឯកភាពគ្នាកសាងផ្លូវរថភ្លើងតភ្ជាប់គ្នាឆ្លងកាត់ព្រំដែនដើម្បីជំរុញការធ្វើពាណិជ្ជកម្ម។ ឯកឧត្តម វ៉ាស៊ីម សុរិយា បានឱ្យដឹង កាលពីពេលថ្មីនេះថា រដ្ឋាភិបាលកម្ពុជា និងវៀតណាម បានឯកភាពលើគម្រោងសាងសង់ផ្លូវរថភ្លើង រវាងរាជធានីភ្នំពេញ និងទីក្រុងហូជីមីញ។ ដោយក្នុងនោះ ភាគីកម្ពុជានឹងត្រូវកសាងផ្លូវរថភ្លើងពីភ្នំពេញទៅក្រុងបាវិត ហើយភាគីវៀតណាមនឹងកសាងផ្លូវរថភ្លើង ពីទីក្រុងហូជីមីញ មកកាន់ព្រំដែនដែរ។ ឯកឧត្តម ថ្លែងថា៖ «ប្រទេសកម្ពុជា និងវៀតណាម បានឯកភាពគ្នាជាតាមរយៈការពិភាក្សាគ្នាដោយផ្ទាល់មាត់ លើគម្រោងកសាងផ្លូវរថភ្លើងនេះ ប៉ុន្តែនៅមិនទាន់មានចុះហត្ថលេខាលើគម្រោងនេះនៅឡើយទេ»។ ឯកឧត្តមបន្តថា កន្លងមក មានក្រុមហ៊ុនឯកជនមួយចំនួនធ្លាប់បានស្នើសុំសិក្សាលើគម្រោងនេះ ប៉ុន្តែលោកបដិសេធមិនបញ្ជាក់ពីព័ត៌មានជុំវិញដំណើរការនៃការសិក្សានេះ។ ដោយឡែកបើយោងប្រសាសន៍របស់ឯកឧត្តមពីពេលមុន យ៉ាងហោយមានក្រុមហ៊ុនចិនមួយបានបញ្ចប់ការសិក្សាលើគម្រោងនេះ តាំងពីខែ តុលា ឆ្នាំ២០២០ មកម្លេះ តែរដ្ឋមិនទាន់អនុម័តអ្វីនោះទេ។ (អានបន្ថែម) ទោះជាយ៉ាងណា មន្រ្តីអ្នកនាំពាក្យរូបនេះ បញ្ជាក់ថា គម្រោងកសាងផ្លូវរថភ្លើង ភ្នំពេញ-បាវិត គឺស្ថិតនៅក្នុងតារាងគម្រោងកសាងហេដ្ឋារចនាសម្ព័ន្ធអាទិភាពរបស់រដ្ឋាភិបាលបន្ទាប់ពីគម្រោងផ្លូវល្បឿនលឿន ភ្នំពេញ-បាវិត។
អានបន្ថែម
ក្រុមប្រឹក្សាអភិវឌ្ឍន៍កម្ពុជាអនុម័តគម្រោងសាងសង់រោងចក្រធំៗ២កន្លែងតម្លៃជាង១២លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) កាលពីពេលថ្មីៗនេះ បានអនុម័តឱ្យក្រុមហ៊ុនឯកជនវិនិយោគសាងសង់រោងចក្រធំៗចំនួន២ តម្លៃជាង១២លានដុល្លារ នៅខេត្តកំពង់ស្ពឺ និងខេត្តកោះកុង។ ក្រុមហ៊ុនទី១ គឺក្រុមហ៊ុន OCEAN APPAREL MANUFACTURING CO., LTD ដែលនឹងវិនិយោគទុនប្រមាណ ៤លានដុល្លារ លើគម្រោងបង្កើតរោងចក្រកាត់ដេរសំម្លៀកបំពាក់ ដែលមានទីតាំងផ្លូវជាតិលេខ៤ ស្រុកសំរោងទង ខេត្តកំពង់ស្ពឺ។ ដោយឡែក ក្រុមហ៊ុនទី២ គឺក្រុមហ៊ុន GLAMOR GLASS CO., LTD ដែលនឹងវិនិយោគប្រមាណ ៧,៨លានដុល្លារ លើគម្រោងបង្កើតរោងចក្រផលិតផ្ទាំងកញ្ចក់សូឡា ដែលមានទីតាំងនៅក្នុងតំបន់សេដ្ឋកិច្ចពិសេស គិរីសាគរ ខេត្តកោះកុង។ បើយោងតាមក្រុមប្រឹក្សាអភិវឌ្ឍន៍កម្ពុជា គម្រោងទាំង ២ នេះនឹងចូលរួមបង្កើតការងារជាង ២,៤០០ កន្លែង។ បើរាប់បញ្ចូលទាំងគម្រោង ២ ខាងលើនេះ ក្នុងអំឡុងត្រឹម២៦ ថ្ងៃ នៃខែកុម្ភៈ ក្រុមប្រឹក្សាអភិវឌ្ឍន៍កម្ពុជា បានសម្រេចអនុម័តគម្រោងធំៗ យ៉ាងហោច ១៤ គម្រោង រួចមកហើយ ឬស្មើនឹងទុនវិនិយោគសរុបប្រមាណ ៧០០ លានដុល្លារ។ (អានបន្ថែម […]
អានបន្ថែម
គម្រោងវារីវប្បកម្មនិងតំបន់ទេសចរណ៍ដ៏ធំគ្រោងនឹងបង្ហាញខ្លួននៅស្រុកព្រៃឈរខេត្តកំពង់ចាម
ក្រុមហ៊ុនឯកជន ផារ័ត្នរតនៈ កាលពីថ្មីៗនេះ បានទទួលសិទ្ធិវិនិយោគសាងសង់គម្រោងវារីវប្បកម្ម និងតំបន់ទេសចរណ៍បែបធម្មជាតិថ្មីមួយកន្លែង លើផ្ទៃដីជាង ៧ហិចតា នៅទំនប់ចកបឹងធំ ក្នុងភូមិកំពង់សំណាញ់ ស្រុកព្រៃឈរ។ នេះបើយោងតាម ឯកឧត្តម អ៊ុន ចាន់ដា អភិបាលខេត្តកំពង់ចាម កាលថ្ងៃទី ២៥ ខែកុម្ភៈ កន្លងមកនេះ។ គម្រោងដ៏ធំនេះ ចែកចេញជា៤ ផ្នែក ដោយ ៣ ផ្នែកទាក់ទិននឹងការងារវារីវប្បកម្ម រួមមាន ការសាងសង់ហេដ្ឋារចនាសម្ព័ន្ធជំរុញការផលិតពូជត្រី ការបង្កើតទីតាំងចញ្ចឹមត្រីដែលមានស្ដង់ការ និងការសាងសង់មន្ទីរពិសោធន៍ អគាររដ្ឋបាល ក៏ដូចជារោងចក្រផលិតចំណីត្រី។ ដោយឡែក ផ្នែកទី៤ គឺដើម្បីជំរុញវិស័យទេសចរណ៍ ដោយនឹងសាងសង់អាគារសាលពិព័រណ៌ជីវៈមច្ឆា និងសួនផ្កាត្រូពិចបែបប្លែកថ្មីក្នុងតំបន់។ លោកឧកញ៉ា ពាង ផារ័ត្ន តំណាងក្រុមហ៊ុនផារ័ត្នរតនៈ បានឱ្យដឹងថា គម្រោងនេះនឹងជួយកាត់បន្ថយបទល្មើសនេសាទ ដោយផ្លាស់ប្ដូរពីការនេសាទខុសច្បាប់នារដូវត្រីពង និងការបំពុលបរិស្ថាន មកធ្វើវារីវប្បកម្មបែបទំនើបវិញ។ លើសពីនេះ គម្រោងក៏នឹងជួយលើកកម្ពស់កម្រិតជីវភាពរបស់ប្រជាកសិករក្នុងតំបន់ តាមរយៈការប្រមូលទិញផលិតផលដែលប្រជាពលរដ្ឋរកបានផងដែរ។
អានបន្ថែម
គម្រោងស្ពានកំពង់ឆ្នាំងទៅកំពង់ធំជាអាទិភាពបន្ទាប់ ព្រោះរដ្ឋត្រូវសង់ស្ពានក្រចេះ-កំពង់ធំសិននៅឆ្នាំនេះ
ក្រសួងសាធារណការ និងដឹកជញ្ជូនបានបញ្ជាក់ថា គម្រោងសាងសង់ស្ពានវែងជាងគេនៅកម្ពុជាឆ្លងកាត់ទន្លេសាប តភ្ជាប់ខេត្តកំពង់ឆ្នាំងទៅកំពង់ធំ នឹងត្រូវសាងសង់បន្ទាប់ពីគម្រោងសាងសង់ស្ពានក្រចេះ-កំពង់ធំបញ្ចប់ ដោយបញ្ជាក់ថារាល់គម្រោងហេដ្ឋារចនាសម្ព័ន្ធស្ពានថ្នល់នានាត្រូវធ្វើតាមលំដាប់លំដោយនៃអាទិភាព។ ឯកឧត្តម វ៉ាស៊ឺម សុរិយា អ្នកនាំពាក្យក្រសួងសាធារណការ បានមានប្រសាសន៍នៅថ្ងៃទី២៥ កុម្ភៈ នេះថា រដ្ឋាភិបាលចាត់ទុកគម្រោងសាងសង់ស្ពានកំពង់ឆ្នាំង-កំពង់ធំ ជាគម្រោងអាទិភាពក្រោយ ដោយពេលនេះ គឺផ្តោតសំខាន់ទៅលើការសាងសង់ស្ពានក្រចេះ-កំពង់ធំសិន។ ឯកឧត្តមថ្លែងថា៖«គម្រោងស្ពានហ្នឹង ស្ថិតក្នុងអាទិភាពក្រោយ បន្តិចទៀតយើងធ្វើស្ពានឆ្លងកាត់ខេត្តក្រចេះមុន។ អាទិភាព វាទៅជាកញ្ចប់ៗ បន្តបន្ទាប់គ្នា»។ គួរបញ្ជាក់ផងដែរថា គម្រោងស្ថាបនាស្ពានកំពង់ឆ្នាំង-កំពង់ធំ អាចនឹងមានមានប្រវែងដល់ទៅ៣,៩០០ ម៉ែត្រដែលនឹងតភ្ជាប់ពីស្រុកកំពង់លែង ខេត្តកំពង់ឆ្នាំង ឆ្ពោះទៅក្រុងស្ទឹងសែន ខេត្តកំពង់ធំ។ ហើយបើតាមផែនការចាស់ គម្រោងនេះគួរតែត្រូវបានសាងសង់តាំងពីឆ្នាំ ២០១៩ មកម្លេះ ក្រោមជំនួយរបស់ប្រទេសចិន។ (អានបន្ថែម) ដោយឡែក ចំពោះស្ពានក្រចេះ-កំពង់ធំវិញ បើយោងតាមប្រសាសន៍របស់ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនកាលពីដើមខែកុម្ភៈ ស្ពានគ្រោងនឹងបើកការដ្ឋានសាងសង់នៅក្នុងឆ្នាំនេះ ដោយការសិក្សាត្រូវបានធ្វើចប់សព្វគ្រប់អស់ហើយ។ (អានបន្ថែម)
អានបន្ថែម
តើតំបន់ទេសចរណ៍នៅតែជាទិសដៅមាសក្នុងការវិនិយោគសណ្ឋាគារទៀតទេ?
សរសរដោយ Eric Wong Chon Lap ជាទូទៅ តំបន់ទេសចរណ៍នឹងអាជីវកម្មសណ្ឋាគារ គឺជារឿងគូរគ្នា ទីណាមានតំបន់ទេសចរណ៍ ទីនោះមានសណ្ឋាគាររីកដូចផ្សិត។ ប៉ុន្តែវិបត្តិកូវីដ១៩ បានផ្ដល់មេរៀនដ៏សំខាន់មួយ និងដាស់ស្មារតីដល់ម្ចាស់អាជីវកម្មសណ្ឋាគារឱ្យសួរខ្លួនឯង តើតំបន់ទេសចរណ៍នៅតែជាទិសដៅមាសក្នុងការវិនិយោគសណ្ឋាគារទៀតទេ? ដើម្បីឱ្យឆ្លើយនឹងសំណួរនេះ ក្រឡេកមកមើល ខេត្តសៀមរាប និងខេត្តព្រះសីហនុ ដែលធ្លាប់តែជាតំបន់កុះករ ពោរពេញដោយភ្ញៀវទេសចរណ៍ និងសណ្ឋាគារ។ បច្ចុប្បន្នតំបន់ទាំង ២ កំពុងប្រឈមនឹងបញ្ហាក៏ធ្ងន់។ សណ្ឋាគារ និងអាជីវកម្មផ្នែកទេសចរណ៍រាប់រយរាប់ពាន់កន្លែងត្រូវបានបិទទ្វារ។ សណ្ឋាគារខ្លះដែលនៅបន្តបើក មិនយូរមិនឆាប់នឹងអស់សាច់ប្រាក់បំរុង ហើយនឹងត្រូវបិទទ្វារ។ ចំណែកម្ចាស់សណ្ឋាគារខ្លះទៀត ក៏កំពុងលក់សណ្ឋាគាររបស់ខ្លូនក្នុងតម្លៃក្រោមទីផ្សារ។ ក្នុងអំឡុងដែលគ្មានការឆ្លងក្នុងសហគមន៍ អ្នកទេសចរក្នុងស្រុកបានជួយទប់លំនឹងវិស័យនេះ បានមួយចំណែក ជាពិសេសនៅថ្ងៃចុងសប្តាហ៍ ឬថ្ងៃឈប់សម្រាកបុណ្យទាន។ យ៉ាងណាក្ដី អ្នកទេសចរក្នុងស្រុកគឺមិនអាចទប់ទល់ទាំងស្រុង ទៅនឹងការបាត់បង់ភ្ញៀវទេសចរអន្តរជាតិបានទេ ព្រោះការផ្គត់ផ្គង់សណ្ឋាគារដ៏ច្រើននៅខេត្តទាំង ២ គឺសាងសង់ឡើងដើម្បីភ្ញៀវទេសចរអន្តរជាតិ។ លើសពីនេះ ទោះប្រទេសកម្ពុជា កំពុងចាប់ផ្ដើមចាក់វ៉ាក់សាំងហើយក្ដី អ្នកវិភាគភាគច្រើន ព្យាករថាស្ថានភាពនឹងមិនត្រឡប់នឹងមិនត្រឡប់មិនប្រសើរវិញទេ ក្នុងឆ្នាំ ២០២១ ឬអាចពន្យារដល់ឆ្នាំ២០២២។ ផ្ទុយទៅវិញ បើប្រឡេកមកមើល ទីក្រុងភ្នំពេញ សណ្ឋាគារមួយចំនួនបានបិទទ្វារ តែក៏នៅមានមួយចំនួនធំៗ […]
អានបន្ថែម
អ្នកអភិរក្ស៖ គម្រោងអភិវឌ្ឍចម្រុះទីក្រុងបូកគោ អាចគំរាមកំហែងដល់បរិស្ថាននៃឧទ្យានជាតិ
អ្នកបរិស្ថាន ក៏ដូចជាអង្គការក្រៅរដ្ឋាភិបាលមួយចំនួន កាលពីថ្មីៗនេះ បានសម្តែងការព្រួយបារម្ភថាផែនការអភិវឌ្ឍលើផ្ទៃដីប្រមាណ ២៨ ០០០ ហិកតានៅលើភ្នំបូកគោទៅជាទីក្រុងអភិវឌ្ឍចម្រុះ អាចបង្កហានិភ័យដល់សត្វព្រៃ និងព្រៃឈើនៅក្នុងឧទ្យានជាតិព្រះមុនីវង្សបូកគោ។ នេះបើយោងតាមសារព័ត៌មានបរទេស Mongabay កាលពីថ្ងៃទី ២៥ ខែកុម្ភៈ កន្លងទៅនេះ។ ផែនការ“ ទីក្រុងបូកគោ” នេះ ត្រូវបានអនុម័តដោយអនុក្រឹត្យដែលចុះហត្ថលេខាដោយសម្តេចនាយករដ្ឋមន្រ្តីហ៊ុន សែន តាំងពីខែ មិថុនា ឆ្នាំ ២០១៩ មកម្លេះ ហើយនឹងត្រូវបន្តអភិវឌ្ឍដល់ឆ្នាំ ២០៣៥។ បើយោងផែនការមេ គម្រោងនឹងត្រូវអភិវឌ្ឍជាតំបន់សំខាន់ៗ រួមមាន តំបន់លំនៅឋាន ពាណិជ្ជកម្ម ទេសចរណ៍ សេវាកម្មសាធារណៈ តំបន់លំហបៃតង តំបន់វប្បធម៍ និងសាសនា ជាដើម។ (អានបន្ថែម) លើសពីនេះ បើយោងតាមអត្ថបទរបស់ Mongabay ដីមួយផ្នែកធំនៃគម្រោងទាំងមូល ពោលគឺប្រមាណ ២០.០០០ ហិកតា ត្រូវបានផ្តល់ជាងដីសម្បទានដល់ក្រុមហ៊ុនឯកជន [Sokha Real Estate] ក្នុងការអភិវឌ្ឍ។ ប្រភពដដែលបានបន្ថែមថា ដីសម្បទានដែលត្រូវបានអនុម័តនេះ ភាគច្រើនគ្របដណ្ដប់ដោយព្រៃឈើ ដែលជាជម្រកដ៏សំខាន់សម្រាប់សត្វព្រៃ […]
អានបន្ថែម