គម្រោងកែលម្អផ្លូវ ៣៨ ខ្សែនៅខេត្តសៀមរាប បញ្ចប់បាន ១៤% ហើយ
បើគិតត្រឹមថ្ងៃទី ១២ ខែមករា នេះ គម្រោងកែលម្អផ្លូវ ៣៨ ខ្សែ សម្រេចបានប្រមាណ ១៤,២៧% ហើយ ដោយនេះរួមបញ្ចូលទាំងការងារសាងសង់រួច និងសម្ភារៈដែលបានបញ្ជូនដល់ការដ្ឋាន។ វឌ្ឍនភាពនេះត្រូវបានបង្ហាញឱ្យដឹងនៅក្នុងកិច្ចប្រជុំចង្អៀតរវាងសម្ដេចឧបនាយករដ្ឋមន្ត្រី ទៀ បាញ់ ជាមួយឯកឧត្តម ជា សុផារ៉ា ឯកឧត្តម ស៊ុន ចាន់ថុល និងមន្ត្រីជាន់ខ្ពស់ពាក់ព័ន្ធជាច្រើនរូបទៀត កាលពីថ្ងៃទី ១៣ មករា នេះ។ គម្រោងកែលម្អផ្លូវ ៣៨ ខ្សែ បានបើកការដ្ឋានកាលពីថ្ងៃទី ៣០ ខែវិច្ឆិកា ឆ្នាំ ២០២០ ក្រោមអធិបតីភាពសម្ដេចនាយករដ្ឋមន្រ្តី ហ៊ុន សែន ដែលមានប្រវែងសរុប ១០៨ គីឡូម៉ែត្រ នឹងគ្រោងចំណាយថវិកាសរុប ១៤០ លានដុល្លារ។ (អានបន្ថែម) ក្រៅពីគម្រោងផ្លូវ ៣៨ ខ្សែនេះ រដ្ឋាភិបាលក៏បានសម្រេចបង្វែរថវិកា ៥ លានដុល្លារ ដែលសេសសល់ពីការសាងសង់ហេដ្ឋារចនាសម្ព័ន្ធនៅសីហនុមកកែលម្អ ដងស្ទឹងសៀមរាប ដែលមានប្រវែងជាង ៩ គីឡូម៉ែត្រ […]
អានបន្ថែម
រោងចក្រថាមពលតម្លៃ៣៨០លានដុល្លារនៅស្រុកល្វាឯម ចាប់ផ្តើមបញ្ចេញថាមពលហើយ
រោងចក្រថាមពលដើរដោយប្រេងខ្មៅ អនុភាពសរុប ៤០០មេហ្គាវ៉ាត បានចាប់ផ្តើមបញ្ឆេះម៉ាស៊ីន បញ្ចេញថាមពលភ្ជាប់ចូលបណ្តាញជាតិ តាំងពីដើមឆ្នាំ២០២១ មកម្ល៉េះ។ នេះបើយោងតាម ឯកឧត្តម វ៉ិចទ័រ ហ្សូណា អ្នកនាំពាក្យក្រសួងរ៉ែ និងថាមពល កាលពីថ្ងៃទី ១២ មករា កន្លងមកនេះ។ ឯកឧត្តម វ៉ិចទ័រ ហ្សូណា បានថ្លែងថា៖ «[រោងចក្រនេះ] ចាប់ផ្តើមបញ្ចេញថាមពលដល់បណ្តាញជាតិហើយ ព្រោះធម្មតាទេដល់រដូវប្រាំង ការគ្រប់គ្រង ការផ្គត់ផ្គង់នេះ មានការគិតគូរវែងឆ្ងាយ គឺយើងធ្វើឱ្យមានល្បាយថា ធ្យូងថ្ម ក៏ចេញបាន វារីអគ្គិសនីក៏ចេញបាន ពីប្រភពសូឡាក៏ចេញបាន»។ ឯកឧត្តម ក៏បញ្ជាក់ទៀតថា៖ «ក្នុង ៤០០ មេហ្គាវ៉ាត យើងអត់ដើរពេញទេ ព្រោះយើងដំណើរការ ធ្វើយ៉ាងណា ដើម្បីបំពេញតម្រូវការ យើងមិនអាចដំណើរការ ឱ្យហួសពីសេចក្តីត្រូវការទេ…យើងត្រូវដឹងថា ការផលិតចេញពីប្រេង មានថ្លៃខ្ពស់ជាង។ ដូច្នេះ ដើម្បីឱ្យមានស្ថានភាពហិរញ្ញវត្ថុចំណេញច្រើន គេដើរប្រភពផ្សេងៗ ហើយរោងចក្រនេះ គឺដើម្បីបំពេញសេចក្តីត្រូវការប៉ុណ្ណោះ»។ គួរបញ្ជាក់ផងដែរថា គម្រោងនេះ ត្រូវបានសាងសង់លើផ្ទៃដីសរុប ៤៣ ហិកតា […]
អានបន្ថែម
ក្រុមហ៊ុន Golden Gate Global បើកឱ្យវិនិយោគិនពីកម្ពុជាបោះទុនលើអចលនទ្រព្យនៅអាមេរិក
ក្រុមហ៊ុនអចលនទ្រព្យឈានមុខគេមួយនៅទីក្រុងសាន់ហ្វ្រាន់ស៊ីស្កូ រដ្ឋកាលីហ្វ័រញ៉ា នៃប្រទេសអាមេរិក Golden Gate Global កាលពីថ្មីៗនេះ ប្រកាសផ្ដល់ជូននូវជម្រើសវិនិយោគថ្មីៗ ជាង ៧៥ កន្លែង ទូទាំងសហរដ្ឋអាមេរិក សម្រាប់វិនិយោគិនកម្ពុជាដែលចាប់អារម្មណ៍ចង់វិនិយោគនៅប្រទេសអាមេរិក។ លោក Steven Kay ស្ថាបនិក និងសហនាយកប្រតិបត្តិក្រុមហ៊ុន Golden Gate Global បានមានប្រសាសន៍ថា៖ «ក្រោយសហការជាមួយដៃគូរយៈពេលវែងរបស់យើង ពោលគឺក្រុមហ៊ុន Lennar International យើងមានមោទនភាពណាស់ ក្នុងការផ្តល់ជូនវិនិយោគិននូវសេវាកម្មសម្របសម្រួលការទិញលក់ផ្តាច់មុខ។ ក្នុងនោះ អតិថិជនអាចមានជម្រើសវិនិយោគលើអចលនទ្រព្យនៅក្នុងជាង ១៣០០ សហគមន៍ ទូទាំងសហរដ្ឋអាមេរិក»។ លោកបានបន្ថែមថា៖ «ពិសេសជានេះទៅទៀត គឺការពង្រីកទីផ្សារ និងសេវាកម្មរបស់យើងដល់ទៅអ្នកវិនិយោគមកពីប្រទេសកម្ពុជា ព្រោះយើងសង្កេតឃើញថា អ្នកទិញនៅកម្ពុជាកំពុងមានសក្ដានុពល ហើយចាប់អារម្មណ៍កាន់តែខ្លាំងលើអចលនទ្រព្យនៅសហរដ្ឋអាមេរិក»។ គួរបញ្ជាក់ផងដែរថា ក្រុមហ៊ុន Golden Gate Global ក៏បានចូលរួមសហការជាមួយក្រុមហ៊ុនក្នុងស្រុកមួយឈ្មោះថា Isaford Co. Ltd ក្នុងគោលបំណងដើម្បីផ្តល់ជូននូវសេវាកម្មសម្របសម្រួលវិនិយោគិននៅកម្ពុជាក្នុងការទិញលក់អចលនទ្រព្យនៅសហរដ្ឋអាមេរិកឱ្យកាន់តែរលូន។
អានបន្ថែម
ឆ្នាំ ២០២០ ចំនួនរោងចក្របើកថ្មី មានទ្វេដងនៃរោងចក្របិទទ្វារ សឱ្យឃើញថាសេដ្ឋកិច្ចនៅរឹងមាំទោះមានវិបត្តិកូវីដ
ក្នុងអំឡុងឆ្នាំ ២០២០ ដែលជាឆ្នាំរងសម្ពាធខ្លាំងពីវិបត្តិកូវីដ សង្កេតឃើញថាកម្ពុជាមានរោងចក្រធុនធំបង្កើតថ្មីសរុបចំនួន ២២១ រោងចក្រ ចំណែករោងចក្របិតទ្វារមានត្រឹមប្រមាណ ១០០ រោងចក្រ ប៉ុណ្ណោះ។ នេះសឱ្យឃើញថាវិនិយោគិននៅមានភាពជឿជាក់លើសេដ្ឋកិច្ចកម្ពុជា។ ឯកឧត្ដម ហេង សុខគង់ អ្នកនាំពាក្យ និងជារដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា ត្រឹមដំណាច់ឆ្នាំ ២០២០ នេះ កម្ពុជាមានរោងចក្រសរុបជាង ១ ៨៥៣ រោងចក្រ និងផ្តល់ការងារធ្វើជាង ៩០ម៉ឺនកន្លែង។ ឯកឧត្តមបញ្ជាក់ថា ក្នុងនោះ រោងចក្របើកថ្មីមានជាង ២០០ រោងចក្រ ដែលភាគច្រើនជារោងចក្រធន់ធំ និង បំពាក់បច្ចេកវិទ្យាទំនើប។ ដោយលែករោងចក្របិតទ្វារ ភាគច្រើនជារោងចក្រវាយនភណ្ឌ និងរោងចក្រផ្គត់ផ្គង់ខ្សែចង្វាក់ផលិតកម្មឱ្យរោងចក្រវាយនភណ្ឌ។ «រោងចក្របើកមានកំណើនច្រើនជាងការបិត ទោះបីជាក្នុងដំណាក់កាលកូវីដក្ដី។ នេះជាសញ្ញាល្អមួយដែលបង្ហាញថាវិនិយោគិន ជឿទុកចិត្តលើរាជរដ្ឋាភិបាលកម្ពុជា ក៏ដូចជាកំណើនសេដ្ឋកិច្ចរបស់ប្រទេសកម្ពុជា» ឯកឧត្តមបានបន្ត។ ទោះបីមិនបានបញ្ជាក់ពីតួលេខកំណើននៃចំនួនរោងចក្របើកថ្មីក្នុងឆ្នាំ២០២០ ឯកឧត្តម បញ្ជាក់ថា ចំនួនរោងចក្របើកថ្មីក្នុងឆ្នាំ២០២០ មានកំណើនទាបជាង ចំនួនរោងចក្របើកថ្មី ក្នុងឆ្នាំ២០១៩៕
អានបន្ថែម
ជីប ម៉ុង លែន នឹងរួមចំណែកលើកកម្ពស់មុខមាត់តំបន់ជ្រោយចង្វាឱ្យក្លាយជាតំបន់ស៊ីវីល័យ
ជីប ម៉ុង លែន ដែលមានគម្រោងមួយនៅតំបន់ជ្រោយចង្វា តាមបណ្តោយផ្លូវជាតិលេខ៦A គ្រោងនឹងរួមចំណែកប្រែក្លាយតំបន់នេះទៅជាទីប្រជុំជនដ៏ធំ និងស៊ីវិល័យមួយ។ តាមរយៈការអភិវឌ្ឍគម្រោងលំនៅឋានរបស់ខ្លួនកន្លងមក ជីប ម៉ុង លែន តែងផ្តល់ជូនអតិថិជននូវគម្រោងលំនៅឋានកម្រិតខ្ពស់ គេហដ្ឋានរចនាដ៏ប្រណិតទាន់សម័យ ហេដ្ឋារចនាសម្ព័ន្ធទំនើបស៊ីវិល័យ។ គណៈគ្រប់គ្រងរបស់ ជីប ម៉ុង លែន បានបញ្ជាក់ថា ជីប ម៉ុង លែន គ្រោងអភិវឌ្ឍគម្រោងលំនៅឋាននៅតំបន់ជ្រោយចង្វានេះឱ្យមានសក្តានុពលខ្ពស់សម្រាប់សកម្មភាពសេដ្ឋកិច្ច ពាណិជ្ជកម្ម កីឡា និងការរស់នៅក្នុងបរិស្ថានធម្មជាតិដ៏ស្រស់បំព្រង។ សម្រាប់តំបន់ជ្រោយចង្វានេះ ក្រុមហ៊ុន ជីប ម៉ុង លែន នឹងអភិវឌ្ឍគម្រោងលំនៅឋានដ៏ពេញលេញមួយ ដែលមានសួនច្បារដ៏ធំ ដែលផ្ដល់មុខងារយ៉ាងច្រើន មជ្ឈមណ្ឌលកីឡាដែលបំពាក់ឧបករណ៍ហាត់កីឡាទំនើប និងផ្សារទំនើបដ៏ធំបំផុតក្នុងតំបន់ ព្រមទាំងប្រែក្លាយជាទីតាំងប្រមូលផ្តុំប្រកបដោយសក្តានុពលសម្រាប់ការរស់នៅ និងសេដ្ឋកិច្ច ពាណិជ្ជកម្ម។ ជីប ម៉ុង លែន ដែលជាក្រុមហ៊ុនអភិវឌ្ឍគម្រោងលំនៅឋានឈានមុខគេ និង ជីប ម៉ុង រីថែល ដែលជាក្រុមហ៊ុនវិនិយោគលើផ្សារទំនើបបានចាប់ដៃគូរវិនិយោគមណ្ឌលផ្សារទំនើបដ៏ធំមួយនៅគម្រោងថ្មីមួយនេះផងដែរ។ រហូតមដល់បច្ចុប្បន្ន មណ្ឌលផ្សារទំនើប ជីប ម៉ុង រីថែល ចាប់ផ្តើមមានវត្តមានបណ្តើរៗដូចជានៅ […]
អានបន្ថែម
អ្នកវិភាគ៖ ខេត្តមួយនៃភាគឦសានជាទិសដៅវិនិយោគសក្ដានុពលខ្ពស់សម្រាប់អ្នកហ៊ានប្រថុយ
អ្នកវិភាគផ្នែកអចលនទ្រព្យ បានបង្ហើបឱ្យដឹងថា ខេត្តមណ្ឌលគិរីជាទិសដៅវិនិយោគសក្ដានុពលមួយ សម្រាប់អ្នកវិនិយោគិនដែលហ៊ានប្រថុយខ្ពស់ ពីព្រោះដីនៅទីតាំងនោះមានទាំងឱកាស និងបញ្ហា ប៉ុន្តែបើវិនិយោគត្រូវ គឺអាចនឹងចំណេញខ្លាំងនៅ៥ ឆ្នាំខាងមុខ។ ស្ថាបនិក និងនាយកនៃក្រុមហ៊ុន Key Real Estate លោក សន សៀប បានប្រាប់ទស្សនាវដ្តីសំណង់ និងអចលនទ្រព្យ កាលពីពេលថ្មីៗនេះថា៖ «នៅមណ្ឌលគិរី អ្វីដែលទាក់ទាញ គឺអាកាសធាតុ និងទេសភាព ដែលធ្វើឱ្យភ្ញៀវទេសចរចង់ទៅដើរកំសាន្តម្តងហើយ ចង់ទៅម្តងទៀត។ ដោយឡែកការវិនិយោគលើអចលនទ្រព្យនៅមានភាពមិនច្បាស់លាស់ ដោយសារមានបញ្ហាទៅលើការវិនិយោគដីបរិស្ថាន ឬដីរបស់រដ្ឋ»។ លោកបានបន្តទៀតថា៖ « នៅមណ្ឌលគិរីមានសក្ដានុពលខ្លាំងលើអេកូទេសចរណ៍ ក៏ប៉ុន្តែគឺត្រូវការពេលប្រមាណ ១ ទៅ ៥ឆ្នាំ ទើបដីរៀបចំស្រួលបួល។ តែបើចាំដល់ពេលនោះ ទើបវិនិយោគ ដីគឺអាចឡើងថ្លៃអស់ហើយ»។ លោក ក៏បានបង្ហើមទៀតថា ដោយសារតែភាពមិនច្បាស់លាស់ និងបញ្ហាដីរដ្ឋនេះហើយ ទើបធ្វើឱ្យតម្លៃដីនៅខេត្តមួយនេះនៅទាប ហើយអ្នកវិនិយោគលើដីងាយស្រួលទាញផលប្រយោជន៍ពីវា ប៉ុន្តែត្រូវប្រុងប្រយ័ត្នខ្លាំង។ គួរបញ្ជាក់ថា កាលពីពេលថ្មីៗនេះ រដ្ឋាភិបាល បានសម្រេចជាផ្លូវការឱ្យសាងសង់គម្រោងអាកាសយានដ្ឋាននៅមណ្ឌលគិរី ដោយក្រុមហ៊ុនចិននឹងជាអ្នកអភិវឌ្ឍន៍គម្រោងនេះ។ នេះជាកត្ដាសំខាន់មួយទៀតដែលធ្វើឱ្យខេត្តមណ្ឌលគិរីក្លាយជាទិសដៅវិនិយោគសក្ដានុពល។ (អានបន្ថែម)
អានបន្ថែម
ក្រសួងសាធារណការសហការជាមួយសាលាតិចណូ បង្កើតវិទ្យាស្ថានជំនាញធ្វើផ្លូវ-ស្ពានជាលើកដំបូងនៅកម្ពុជា
ក្រសួងសាធារណការ និងដឹកជញ្ជូន សហការជាមួយវិទ្យាស្ថានបច្ចេកវិទ្យាកម្ពុជា (តិចណូ) បង្កើតវិទ្យាស្ថានបណ្តុះបណ្តាលជំនាញសាធារណការ និងដឹកជញ្ជូន ជាលើកដំបូងនៅកម្ពុជា ដោយផ្ដោតសំខាន់លើការបណ្តុះបណ្តាលជំនាញសាងសង់ផ្លូវ និងស្ពាន។ ពិធីចុះអនុស្សារណៈយោគយល់គ្នា ធ្វើឡើងកាលថ្ងៃទី ១២ ខែមករា នេះ ក្រោមអធិបតីភាព ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន និងឯកឧត្តម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។ ឯកឧត្តម ស៊ុន ចាន់ថុល បានលើកឡើងថា៖ «បច្ចុប្បន្នព្រោះតែខ្វះអ្នកជំនាញបច្ចេកទេសរាល់ពេលសាងសង់ផ្លូវ ស្ពាន តែងតែជួលបរទេសមកសាងសង់។ ដូច្នេះវិទ្យាស្ថាននេះ នឹងរួមចំណែកបណ្តុះបណ្តាលកូនខ្មែរក្នុងការសាងសង់ផ្លូវ ស្ពាន ដោយមិនពឹងតែលើអ្នកជំនាញបរទេស»។ វិទ្យាស្ថាននេះ មានឈ្មោះថា «វិទ្យាស្ថានតេជោសែន សាធារណការ និងដឹកជញ្ជូន» ដែលមានសមាសភាពអាចផ្ទុកមនុស្សបាន យ៉ាងតិច ៦០០នាក់ ប៉ុន្តែបច្ចុប្បន្ន ខាងក្រសួងក៏ដូចជាវិទ្យាស្ថានជ្រើសយកសិស្សនិស្សិតតែ ២០០នាក់សិន។ ឯកឧត្តមបានបន្តទៀតថា៖ «ពួកយើងនឹងបើកដំណើរការនៅខែក្រោយនេះហើយ ព្រោះយើងកំពុងរង់ចាំសិស្សនិស្សិតវិទ្យាស្ថានបច្ចេកវិទ្យាកម្ពុជា ឬ តិចណូ នេះ […]
អានបន្ថែម
រោងចក្រអគ្គិសនីតម្លៃជាង ១ ពាន់លានដុល្លារនៅស្រុកស្ទឹងហាវ គ្រោងបញ្ចេញថាមពលនៅឆ្នាំក្រោយ
ការដ្ឋានសាងសង់រោងចក្រថាមពលដុតធ្យូងថ្មអនុភាព ៧០០មេហ្គាវ៉ាត តម្លៃជាង ១ពាន់លានដុល្លារ នៅស្រុកស្ទឹងហាវ ខេត្តព្រះសីហនុ ដំណើរការដោយរលូន ហើយគ្រោងនឹងបញ្ចប់តាមផែនការនៅឆ្នាំ ២០២២ ទោះបីជា មានប្រទេស និងពិភពលោកកំពុងជួបវិបត្តិកូវីដ១៩ ក្ដី។ ឯកឧត្តម វ៉ិចទ័រ ហ្សូណា អគ្គនាយកថាមពលនៃក្រសួងរ៉ែ និងថាមពល បានឱ្យដឹងកាលពីថ្ងៃទី ១២ មករា នេះ ថា៖ «ដំណើរការសាងសង់គឺបន្តតាមផែនការ ហើយម៉ាស៊ីនទីមួយ របស់រោងចក្រនេះ នឹងដំណើរការបញ្ចេញថាមពល នៅចុងឆ្នាំ២០២២ និងទីពីរ នៅឆ្នាំបន្ទាប់»។ ទោះយ៉ាងណា មន្រ្តីនាំពាក្យក្រសួងរ៉ែរូបនេះ មិនបានបញ្ជាក់ថាសំណង់សម្រេចបានប៉ុន្មានភាគរយទេ តែបើយោងតាមកាស៉ែតភ្នំពេញប៉ុស្ដ៍ រោងចក្រនេះសម្រេចបាន ៣៥% ហើយ។ គួរបញ្ជាក់ផងដែរថា រោងចក្រថាមពលដុតធ្យូងថ្មនេះ ជាការវិនិយោគរួមរវាង ក្រុមហ៊ុន Cambodia International Investment and Development Group (CIIDG) និងក្រុមហ៊ុន China Huadian Hong Kong Co Ltd […]
អានបន្ថែម
ចិនកំពុងសាងសង់នាវាទេសចរណ៍មិនប្រើសាំងធំជាងគេលើពិភពលោក ដែលនឹងដំណើរការចុងឆ្នាំនេះ
ក្រុមហ៊ុនចិន Wuxi Saisiyi Electric Technology បច្ចុប្បន្នកំពុងសាងសង់នាវាទេសចរណ៍ដើរដោយអាគុយមួយឈ្មោះថា Yangtze River Three Gorges 1 ដែលនឹងបំបែកឯកត្តកម្មនាវាដើរដោយអាគុយ និងមិនប្រើសាំងធំជាងគេលើពិភពលោកនៅចុងឆ្នាំ ២០២១ ខាងមុខនេះ។ យោងតាមគេហទំព័រ insideevs គម្រោងនេះត្រូវបានប្រកាសកាលពីខែធ្នូឆ្នាំ ២០២០ កន្លងមកនេះ ដោយគ្រោងនឹងបញ្ចប់ការសាងសង់នៅខែ កក្កដា ហើយនឹងត្រូវដាក់ឱ្យដំណើរការជាផ្លូវការនៅខែ វិច្ឆិកា ឆ្នាំ ២០២១។ ក្រៅពីទំហំ និងសមត្ថភាពដឹកអ្នកដំណើរដ៏មហិមា នាវាខ្នាតយក្សមួយនេះ នឹងបំពាក់ដោយអាគុយប្រភេទ LFP ជាង១ ម៉ឺនគ្រាប់ ដែលផ្ដល់ថាមពលសរុបប្រមាណ ៧.៥ មេហ្គាវ៉ាត់ ឬស្មើនឹងឡានដើរដោយប្រព័ន្ធអគ្គសនីដល់ទៅ ១០០គ្រឿង។ លើសពីនេះ អាគុយទាំងនេះ នឹងត្រូវផ្គត់ផ្គង់ដោយក្រុមហ៊ុនបច្ចេកវិទ្យាអាគុយល្បីរបស់ចិន Contemporary Amperex Technology ឬ CALT។ ហើយបើយោងតាមព័ត៌មានពីក្រុមហ៊ុន CALT វិធីសាស្រ្តរបៀបនេះនឹងផ្តល់ភាពងាយស្រួលច្រើន ពោលគឺបានទាំងតង់ស្យុងខ្ពស់ និងតង់ស្យុងទាប។ គួរបញ្ជាក់ផងដែរថា ក្រោយដាក់ឱ្យដំណើរការ នាវា Yangtze […]
អានបន្ថែម
មកសិក្សាថាតើអ្នកជាអ្នកវិនិយោគប្រភេទណា ហើយគួរវិនិយោគលើអចលនទ្រព្យអ្វីទើបចំណេញ?
ក្នុងស្ថានភាពសេដ្ឋកិច្ចដែលកំពុងរងសម្ពាធពីវិបត្តិកូវីដដូច្នេះ ទោះជាមានសាច់ប្រាក់ក្នុងដៃច្រើនក្ដី ពេលចង់វិនិយោគម្ដងៗ ក៏ត្រូវប្រុងប្រយ័ត្នខ្ពស់ ជាពិសេសក្នុងឆ្នាំ ២០២១ នេះ។ លោក សន សៀប ស្ថាបនិក និងនាយកនៃក្រុមហ៊ុន Key Real Estate និងជាអ្នកជំនាញអចលនទ្រព្យដ៏ល្បីល្បាញមួយរូបនៅក្នុងប្រទេសកម្ពុជា បានបង្កើបគន្លឹះថា ក្នុងកាលៈទេសៈបែបនេះ មុននឹងវិនិយោគត្រូវសិក្សាសិនថាខ្លួនជាអ្នកវិនិយោគប្រភេទណា ទើបវិនិយោគត្រូវ ហើយចំណេញ។ លោកបានបែងចែកអ្នកវិនិយោគជា ៣ ប្រភេទធំៗ គឺ អ្នកវិនិយោគដែលប្រថុយប្រថានខ្ពស់ មធ្យម និងទាប ដែលពួកគាត់មានអត្តចរិកវិនិយោគផ្សេងៗនេះ ហើយស័ក្ដសមនឹងអចលនទ្រព្យប្រភេទខុសគ្នា និងនៅទីតាំងខុសគ្នាផងដែរ។ ប្រភេទទី ១ គឺអ្នកវិនិយោគដែលប្រថុយប្រថានទាបដែលរំពឹងផលចំណេញពី ១០% ទៅ ១៥%។ អ្នកវិនិយោគប្រភេទនេះ ចូលចិត្តទៅវិនិយោគលើអចលនទ្រព្យដែលមានសំណង់ស្រាប់ ដូចជាបូរី ខុនដូ ផ្ទះល្វែង ដែលស្ថិតនៅក្នុងតំបន់អភិវឌ្ឍរួចហើយ ពោលគឺភាគច្រើនលើលំនៅដ្ឋាន ឬសំណង់ដែលអាចធ្វើអាជីវកម្មបាន។ ពួកគេមិនចង់មានហានិភ័យ ដោយគិតថាបើមិនចំណេញក៏មានផ្ទះស្នាក់អាស្រ័យ ធ្វើអាជីវកម្ម ឬជួលឱ្យគេក៏បានដែរ។ ឧទាហរណ៍ សម្រាប់ទីក្រុងភ្នំពេញ អ្នកវិនិយោគប្រភេទនេះ គួរវិនិយោគនៅភាគខាងលិច ឬភាគខាងជើង ដែលជាតំបន់អភិឌ្ឍរួចហើយ […]
អានបន្ថែម
ក្រុមហ៊ុនអាកាសយានដ្ឋានអន្តរជាតិសៀមរាបអង្គរ គ្រោងសាងសង់ផ្លូវថ្មីតភ្ជាប់ទៅទីក្រុងសៀមរាប
ក្រុមហ៊ុនអាកាសយានដ្ឋានអន្តរជាតិសៀមរាបអង្គរ នឹងសាងសង់ផ្លូវថ្មីមួយខ្សែ ប្រវែងប្រមាណជិត ៦០ គីឡូម៉ែត្រ តភ្ជាប់ពីអាកាសយានដ្ឋាន ទៅកាន់ទីក្រុងសៀមរាប ខណៈដែលក្រុមហ៊ុនបានបញ្ចប់ការងារសំណងដល់សហគមន៍ដែលរងផលប៉ះពាល់ពីគម្រោងនេះរួចរាល់ហើយ។ លោក លី សំរិទ្ធ អភិបាលខេត្តរងសៀមរាប បានឱ្យដឹងថា ផ្លូវថ្មីនេះនឹងជួយសម្រួលដល់លំហូរចរាចរណ៍ ពីអាកាសយានដ្ឋានថ្មីចូលទៅទីក្រុងសៀមរាប នាពេលអនាគត។ លោក បានលើកឡើងថា៖ «ផ្លូវចាស់ គឺកំណាត់ផ្លូវជាតិលេខ៦ មានស្ថានភាពតូច មិនអាចទ្រាំទ្រនឹងកំណើនចរាចរណ៍នៅពេលអាកាសយានដ្ឋានថ្មីសៀមរាប បើកដំណើរការបានទេ»។ លោកក៏បានបញ្ជាក់យ៉ាងច្បាស់ថា៖ «នេះជាផ្លូវថ្មី ផ្លូវធម្មតា មិនមែនជាផ្លូវល្បឿនលឿនទេ ប៉ុន្តែផ្លូវថ្មី នឹងមានទំហំធំជាងកំណាត់ផ្លូវជាតិលេខ៦ បច្ចុប្បន្ន»។ យោងតាមរដ្ឋបាលខេត្តសៀមរាប សហគមន៍ព្រៃឈើចាន់ សជើង ទើបតែទទួលបានសំណងជាថវិកា ពីក្រុមហ៊ុនអាកាសយានដ្ឋានសៀមរាប អង្គរ លើផលប៉ះពាល់ដីសហគមន៍ ប្រមាណ ១១ ហិកតា។ ដោយឡែក ក្រុមហ៊ុន មិនបានបង្ហាញពីព័ត៌មានលម្អិតទាក់ទងនឹងទីតាំងរបស់ផ្លូវមួយខ្សែនេះទេ។ គួរបញ្ជាក់ផងដែរថា គម្រោងអាកាសយានដ្ឋានអន្តរជាតិសៀមរាបថ្មីនេះ វិនិយោគដោយក្រុមហ៊ុនចិន Yunnan Investment Holdings ក្នុងទឹកប្រាក់តម្លៃ ជិត ៩០០ លានដុល្លារ ដែលបច្ចុប្បន្នសម្រេចបាន ៣៥% […]
អានបន្ថែម
អ្នកជំនាញ៖ តម្លៃអចលនទ្រព្យនៅតំបន់លិចទឹកនឹងធ្លាក់ខ្លាំងត្រឹមពីរឆ្នាំប៉ុណ្ណោះតែនឹងងើបវិញ
អ្នកជំនាញក្នុងវិស័យអចលនទ្រព្យ បានឱ្យដឹងថាគម្រោងអចលនទ្រព្យនៅជាយក្រុងភ្នំពេញដែលជួបគ្រោះទឹកជំនន់ខ្លាំង កាលពីខែតុលា ឆ្នាំមុននេះ នឹងធ្លាក់ថ្លៃលក់ក្នុងចន្លោះរយៈពី១ឆ្នាំ ទៅ ២ឆ្នាំ ក៏ប៉ុន្តែអាចនឹងងើបឡើងវិញក្រោយរដ្ឋាភិបាលលើកកម្ពស់ហេដ្ឋារចនាសម្ព័ន្ធរួច។ លោក សន សៀប ស្ថាបនិក និងនាយកនៃក្រុមហ៊ុន Key Real Estate និងជាអ្នកជំនាញអចលនទ្រព្យដ៏ល្បីល្បាញមួយរូបនៅក្នុងប្រទេសកម្ពុជាបាន ប្រាប់ទស្សនាវដ្ដីសំណង់ និងអចលនទ្រព្យ កាលពីថ្ងៃទី៥ មករា ថា៖ «ខ្ញុំគិតថាគម្រោងដែលអភិវឌ្ឍរួចហើយ គឹប៉ះពាល់ខ្លាំង ដោយឃើញជាក់ស្តែងថាវាលិចទឹក។ ហើយក្នុងរយៈពេល១ឆ្នាំ ទៅ២ឆ្នាំ វាពិបាកនឹងលក់ចេញក្នុងតម្លៃមួយដែលពួកគេចង់បាន»។ លោកបានបន្ថែមថា ការទិញលក់គឺអាចនឹងទ្រឹងមួយរយៈ ហើយអ្នកវិនិយោគមួយចំនួនក៏ចាប់ផ្ដើមរារែកដែរ ដោយពួកគេមិនទាន់ចង់ទៅវិនិយោគលើតំបន់ដែលឆ្លាប់លិចទឹកទេ ព្រោះអាចធ្វើឱ្យគាត់ខាតបង់។ យ៉ាងណាមិញ លោក សន សៀប នៅតែមានសុទិដ្ឋិនិយមថា តំបន់ទាំងនោះ នឹងងើបឡើងវិញ ក្រោយរដ្ឋាភិបាលលើកកម្ពស់ហេដ្ឋារចនាសម្ព័ន្ធរួច។ លោកបានបន្តថា៖ «ចំពោះដី ខ្ញុំជឿថានៅតែមានសក្តានុពលដដែល ព្រោះថាតំបន់លិចទឹកទាំងអស់ភាគច្រើននៅក្នុងខណ្ឌដង្កោ ហើយខណ្ឌមួយនេះកំពុងមានការអភិវឌ្ឍហេដ្ឋារចនាសម្ព័ន្ធច្រើន ដូចជាផ្លូវក្រវ៉ាតក្រុងទី២ និងទី៣ រួមមានព្រលានយន្តហោះនៅស្រុកកណ្តាលស្ទឹង ជាដើម»។ គួររំលឹកផងដែរថា កាលពីពេលថ្មីៗនេះទឹកជំនន់ បានធ្វើឱ្យខូតខាតហេដ្ឋារចនាសម្ព័ន្ធនានា សរុបប្រមាណជិត ៣ពាន់គីឡូម៉ែត្រ […]
អានបន្ថែម