វិនិយោគិនអាស៊ីចាប់ផ្ដើមងាកមកវិនិយោគលើអចលនទ្រព្យនៅលោកខាងលិច ដោយសារទីផ្សារមានភាពនឹងនរ
អត្ថបទផ្សព្ធផ្សាយ៖ ក្នុងប៉ុន្មានចុងក្រោយនេះ ការរីកលូតលាស់នៃសេដ្ឋកិច្ចឥតឈប់ឈរ បានធ្វើឱ្យចំណូលរបស់ប្រជាជននៅទ្វីបអាស៊ីមានការកើនឡើងខ្លាំង។ កត្តានេះបាន និងកំពុងធ្វើឱ្យអ្នកវិនិយោគជាច្រើនមកពីប្រទេសនានានៃទ្វីបអាស៊ី ងាកទៅចាប់អារម្មណ៍ចង់វិនិយោគនៅសហរដ្ឋអាមេរិក ដោយយល់ឃើញថាទីនោះគឺជាទីតាំងសុវត្ថិភាពសម្រាប់ការបណ្ដាក់ទុន។ លោក Steven Kay ស្ថាបនិក និងជាសហនាយកប្រតិបត្តិនៃក្រុមហ៊ុន Golden Gate Global បានឱ្យដឹងថា មានហេតុផលសំខាន់ៗ ជាច្រើនដែលធ្វើឱ្យអ្នកវិនិយោគអន្តរជាតិសម្រេចចិត្តមកទិញផ្ទះ ឬវិនិយោគលើអចលនទ្រព្យនានានៅសហរដ្ឋអាមេរិក។ ហេតុផលទាំងនោះរួមមាន៖ ១) ការបណ្ដាក់ទុននៅសហរដ្ឋអាមេរិកជាការវិនិយោគដែលមានសុវត្ថិភាពខ្ពស់ ពោលគឺមិនសូវមានហានិភ័យរឿងទីផ្សារដួលរលំ ២) តម្លៃជាមធ្យមកើនឡើងជាបន្តបន្ទាប់ ៣) ស្ថានភាពសេដ្ឋកិច្ចដែលស្ថេរភាពខ្ពស់ ៤) អត្រាដាក់ជួលវិញដែលមានតម្លៃខ្ពស់ ៥) សហរដ្ឋអាមេរិកជាទីតាំងល្អមួយសម្រាប់ការសិក្សា ប្រសិនបើអ្នកចង់វិនិយោគហើយទៅរស់នៅទីនោះ។ កត្តាទាំងនេះ ក៏បានជំរុញឱ្យទីផ្សារអចលនទ្រព្យនៅប្រទេសអាមេរិកមានសន្ទុះជាបន្តបន្ទាប់ ពិសេសគឺការកើនឡើងនៃតម្រូវការ។ គួរបញ្ជាក់ផងដែរ សម្រាប់វិនិយោគិនកម្ពុជាដែលចាប់អារម្មណ៍ទិញអចលនទ្រព្យនៅអាមេរិក អាចធ្វើបានតាមរយៈក្រុមហ៊ុន Golden Gate Global និង ក្រុមហ៊ុន Isaford Co Ltd។ ក្រុមហ៊ុនទាំងពីរនេះ ដើរតួរជាអ្នកសម្របសម្រួល និងជួយជ្រើសរើសគេហដ្ឋានឱ្យស័ក្ដសមនឹងតម្រូវការរបស់អ្នក។
អានបន្ថែម
ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគធំៗ ២ តម្លៃជាង ៥០០ លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្មីៗនេះ បានអនុម័តឱ្យក្រុមហ៊ុនឯកជនវិនិយោគសាងសង់រោងចក្រធំៗចំនួន ២ តម្លៃជាង ៥០០ លានដុល្លារ នៅខេត្តកំពត និងកំពង់ឆ្នាំង។ ក្រុមហ៊ុនទី ១ គឺក្រុមហ៊ុន Shunying Pulp and Paper Co Ltd, ដែលនឹងវិនិយោគ ៥០៤ លានដុល្លារអាមេរិក បង្កើតរោងចក្រផលិតក្រដាស ដែលមានទីតាំងវិនិយោគស្ថិតនៅភូមិចង្ហោន ឃុំព្រែកត្នោត ស្រុកទឹកឈូ ខេត្តកំពត។ ដោយឡែក ក្រុមហ៊ុនទី ២ គឺក្រុមហ៊ុន Shun Xin Luggage Industry (Cambodia) Co., Ltd, ដែលនឹងវិនិយោគ ៣,៦ លានដុល្លារអាមេរិក បង្កើតរោងចក្ររោងចក្រផលិតកាបូប និងកាបូបក្លាសេគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ ៥ ភូមិស្ពានពោធិ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។ បើយោងតាមក្រុមប្រឹក្សាអភិវឌ្ឍន៍កម្ពុជា គម្រោងទាំង ២ នេះនឹងចូលរួមបង្កើតការងារជាង ៣៨០០ កន្លែងដល់មនុស្សក្នុងតំបន់។ […]
អានបន្ថែម
សម្ដេច ហ៊ុន សែន៖ ការបូមប្រេងនៅស្ថានីយអប្សរាបន្តដោយរលូន តែចំណូលនៅមិនទាន់ស្ទួយសេដ្ឋកិច្ចនៅឡើយទេ
ចាប់តាំងពីបញ្ចេញប្រេងដំណក់ដំបូងមកកាលពីថ្ងៃទី២៩ ធ្នូ ឆ្នាំ២០២០ កន្លងមកនេះ ការបូមប្រេងនៅស្ថានីយអប្សរានៅតែបន្តដោយរលូន ប៉ុន្តែចំណូលដែលរកបាននៅមិនទាន់ច្រើនដល់ថ្នាក់លើកស្ទួយសេដ្ឋកិច្ចបាននៅឡើយទេ។ នេះបើយោងតាម សម្តេចនាយករដ្ឋមន្រ្តី ហ៊ុន សែន ក្នុងឱកាសបើកការដ្ឋានសាងសង់រោងចក្រទឹកស្អាតនៅបាក់ខែង កាលពីថ្ងៃទី ១ កុម្ភៈ នេះ។ (អានបន្ថែម) សម្តេចហ៊ុន សែន បានថ្លែងថា តំណក់ប្រេងដំបូងរបស់កម្ពុជាបូមបានរយៈពេល ៣៣ថ្ងៃ ដោយផលិតបាន ៤០,៧៨៨ បារ៉ែល ហើយ ពោលគឺក្នុងមួយថ្ងៃ បូមបានប្រមាណ ១,២៣៦បារ៉ែល។ សម្តេចបន្តថា តាមការវាយតម្លៃកម្ពុជាអាចចម្រាញ់ប្រេងបានចន្លោះពី ៧,០០០ ទៅ ៧,៥០០បារ៉ែលឯណោះក្នុងមួយថ្ងៃ ដូច្នេះចំនួនដែលបូមបានសព្វថ្ងៃនេះ គឺនៅតិចតួចនៅឡើយ តែជាការបោះជំហ៊ានមួយល្អលើវិស័យប្រេងនៅកម្ពុជា។ «ដូច្នេះប្រេងមិនទាន់អាចជះឥទ្ធិពលដល់សេដ្ឋកិច្ចបានទេ នៅក្នុងដំណាក់កាលទី១នេះ ប៉ុន្តែវាជាការចាប់ផ្តើមមួយដ៏ល្អនៃដំណើរការឧស្សាហកម្មប្រេង និងឧស្ម័ននៅកម្ពុជា» សម្ដេច បានបន្ត៕ គួរបញ្ជាក់ផងដែរថា មុននឹងបញ្ចេញដំណក់ដំបូងកាលពីខែធ្នូ គម្រោងនេះ បានយឺតយ៉ាវជាច្រើនសារ។ បើយោងតាមកិច្ចសន្យា ប្រេងតំណក់ដំបូងគួរតែផលិតបានតាំងពីខែមិថុនា ឆ្នាំ២០២០ នេះមកម្ល៉េះ តែដោយសារវិបត្តិកូវីដ រដ្ឋាភិបាលបានពន្យារទៅថ្ងៃទី ៣១ តុលាវិញ។ (អានបន្ថែម) […]
អានបន្ថែម
រដ្ឋកំពុងត្រៀមដាក់ស្នើភ្នំមួយនៅខេត្តព្រះវិហារ ឱ្យទៅជាបេតិកភណ្ឌពិភពលោករបស់ UNESCO
អន្តរក្រសួង កំពុងត្រៀមស្នើទៅអង្គការយូណេស្កូ ដើម្បីដាក់ភ្នំត្បែងនៅព្រះវិហារ ឱ្យទៅជាតំបន់បេតិកភណ្ឌពិភពលោក។ នេះបើយោងលោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន ក្នុងឱកាសចុះពិនិត្យទីតាំងកាលពីថ្ងៃទី ២៩ – ៣១ ខែមករា កន្លងមកនេះ។ លោក ភក្ត្រា បានឱ្យដឹងថា៖ «ក្រោយចុះសិក្សាយ៉ាងលម្អិត តំបន់បេតិកភណ្ឌធម្មជាតិភ្នំត្បែងនេះ គឺជាទីតាំងដែលរដ្ឋជ្រើស ក្នុងចំណោមទីតាំង ៣ ផ្សេងទៀត រួមមានព្រែកកាំពី ព្រែកប្រសព្វ និងតំបន់ត្មាតប៉ើយ»។ លោកបន្តថា៖ «មូលហេតុដែលអ្នកជំនាញជ្រើសរើសភ្នំត្បែងនេះ ដោយសារតែ ទីនេះជាកន្លែងទីសក្ការៈ សម្បូរដោយជីវចម្រុះ និងជាតំបន់ទេសចរណ៍មានសក្កានុពល»។ បើយោងតាមប្រភពដដែល មកទល់បច្ចុប្បន្ន ក្រុមអ្នកបច្ចេកទេសបានចងក្រងនូវឯកសារមួយចំនួនរួចហើយ និងកំពុងតែបន្តបន្ថែមទៀត ដើម្បីឱ្យគ្រប់ជ្រុងជ្រោយ មុនដាក់ទៅយូណេស្កូ។ គួរបញ្ជាក់ផងដែរថា តំបន់បេតិកភណ្ឌធម្មជាតិភ្នំត្បែង បានបង្កើតឡើងកាលពីថ្ងៃទី១៣ ខែកញ្ញា ឆ្នាំ២០១៦។ តំបន់នេះមានទេសភាពស្រស់ស្អាត និងសម្បូរដោយជីវចម្រុះ ដោយគ្របដណ្ដប់លើផ្ទៃដីប្រមាណ ២ម៉ឺន ៥ពាន់ហិកតា ពោលគឺស្ថិតនៅជាប់ស្រុក ៤ គឺស្រុកសង្គមថ្មី ស្រុករវៀង ស្រុកគូលែន និងក្រុងព្រះវិហារ។
អានបន្ថែម
សម្ដេច ហ៊ុន សែន៖ រាល់គម្រោងអភិវឌ្ឍន៍ទាំងអស់ មិនមែនសុទ្ធតែជាកម្ចីពីបរទេសទាំងស្រុងទេ
សម្ដេចនាយករដ្ឋមន្ត្រី ហ៊ុន សែន បានឱ្យដឹងថា រាល់គម្រោងវិនិយោគក្នុងស្រុកទាំងអស់ សុទ្ធតែមានការរួមចំណែកពីថវិកាបដិភាគរបស់រដ្ឋាភិបាល ពោលគឺមិនមែនអាស្រ័យតែលើការវិនិយោគ ឬកម្ចីពីបរទេសទាំងស្រុងទេ។ ថ្លែងក្នុងពិធីបើកការដ្ឋានសាងសង់រោងចក្រប្រព្រឹត្តកម្មទឹកស្អាតបាក់ខែង កាលព្រឹកថ្ងៃទី ១ កុម្ភៈ នេះ សម្ដេចបានមានប្រសាសន៍ថា រដ្ឋាភិបាលតែងតែសន្សំ និងប្រមូលបដិភាគសម្រាប់ត្រៀមអភិវឌ្ឍន៍លើគម្រោងចាំបាច់នានាក្នុងស្រុក។ សម្ដេច មានប្រសាសន៍ថា៖ «រាល់គម្រោងទាំងអស់ទាមទារឱ្យមានគម្រោងបដិភាគរបស់យើង តួរយ៉ាងដូចគម្រោងនេះ [រោងចក្រទឹកស្អាតបាក់ខែង] ជាថវិកាបដិភាគចេញមកពីរដ្ឋាករទឹកភ្នំពេញ។ រីឯ គម្រោងរោងចក្រនៅចំការមន ជាថវិកាបដិភាគក៏ចេញមកពីរដ្ឋាភិបាល»។ សម្ដេចបន្តថា៖ «ជារៀងរាល់ឆ្នាំ យើងមានត្រៀមថវិកាសម្រាប់ជួសជុលផ្លូវ ធ្វើប្រឡាយទឹក ធ្វើសាលារៀន ធ្វើមន្ទីពេទ្យ គឺយើងមានថវិការសម្រាប់វិនិយោគផ្ទាល់»។ គួរបញ្ជាក់ផងដែរថា ក្នុងឆ្នាំ ២០២១ នេះ រដ្ឋាភិបាលគ្រោងនឹងវិនិយោគផ្ទាល់ចំនួន ១៤០០ លានដុល្លារ ដោយក្នុងនោះថវិកាបដិភាគពីរដ្ឋាភិបាល មានចំនួន ២១១ លានដុល្លារ។ (អានបន្ថែម)
អានបន្ថែម
រដ្ឋគ្រោងវិនិយោគផ្ទាល់សរុប ១៤០០លានដុល្លារ នៅឆ្នាំ២០២១ ភាគច្រើនជាគម្រោងហេដ្ឋារចនាសម្ព័ន្ធ
ក្នុងឆ្នាំ ២០២១ នេះ រដ្ឋាភិបាលគ្រោងនឹងវិនិយោគលើគម្រោងអភិវឌ្ឍន៍នានាសរុបជាង ១៤០០ លានដុល្លារអាមេរិក ដែលនេះគឺរួមបញ្ចូលទាំងថវិកាវិនិយោគផ្ទាល់ក្នុងស្រុក និងថវិកាបដិភាគរបស់រដ្ឋាភិបាលផងដែរ ហើយការវិនិយោគនេះទៀតសោតភាគច្រើនជាគម្រោងអភិវឌ្ឍន៍ហេដ្ឋារចនាសម្ព័ន្ធ។ នេះបើតាមប្រសាសន៍របស់ សម្ដេចនាយករដ្ឋមន្ត្រី ហ៊ុន សែន ក្នុងពិធីបើកការដ្ឋានសាងសង់រោងចក្រប្រព្រឹត្តកម្មទឹកស្អាតបាក់ខែង កាលព្រឹកថ្ងៃទី ១ កុម្ភៈ នេះ។ សម្ដេចបានឱ្យដឹងថា៖ «ឆ្នាំ ២០២១ នេះ យើងគ្រោងវិនិយោគផ្ទាល់ចំនួន ១ ៤០០ លានដុល្លារ ក្នុងនោះ ថវិកាបដិភាគគ្រោងនឹងត្រូវចំណាយគឺ ២១១ លានដុល្លារ»។ សម្ដេច ក៏បានសង្កត់ធ្ងន់ថា ទឹកប្រាក់នេះគឺជាការវិនិយោគផ្ទាល់ក្នុងស្រុក ដោយមិនទាន់រាប់បញ្ចូលការវិនិយោគពីក្រៅប្រទេសឡើយ។ សម្ដេចបានបន្តថា៖ «រៀងរាល់ឆ្នាំ រដ្ឋាភិបាលតែងតែត្រៀមថវិកាដើម្បីវិនិយោគលើគម្រោងនានា ឧទាហរណ៍ គម្រោងសាងសង់ផ្លូវ ជួសជុលផ្លូវ ធ្វើប្រឡាយទឹក អណ្ដូងទឹក សាលារៀន និងមន្ទីរពេទ្យជាដើម យើងត្រូវវិនិយោគផ្ទាល់ខ្លួនផងដែរ។ បើយើងមានលុយច្រើនគឺយើងធ្វើច្រើន»។ បើយោងតាមសម្ដេច ហ៊ុន សែន នៅក្នុងឆ្នាំ ២០១៩ កម្ពុជាបានវិនិយោគផ្ទាល់ ៥៩៤ លានដុល្លារ ដែលក្នុងនោះ […]
អានបន្ថែម
សម្តេច ហ៊ុន សែន បើកការដ្ឋានរោងចក្រទឹកស្អាតបាក់ខែង និងសម្ពោធរោងចក្រទឹកស្អាតចំការមន
សម្តេចនាយករដ្ឋមន្រ្តី ហ៊ុន សែន កាលពីព្រឹកថ្ងៃទី ០១ ខែកុម្ភៈ នេះ បានអញ្ជើញបើកការដ្ឋានសាងសង់រោងចក្រប្រព្រឹត្តកម្មទឹកស្អាតតម្លៃជាង ១៩០ លានដុល្លារនៅបាក់ខែង ក៏ដូចជាបើកសម្ពោធរោងចក្រទឹកស្អាតនៅចំការមនផងដែរ ដែលរោងចក្រទាំង២ នឹងអាចផ្គត់ផ្គង់ទឹកស្អាតសរុបជាង ៤៥ ម៉ឺន ម៉ែត្រគូប ក្នុងមួយថ្ងៃ នៅឆ្នាំ ២០២៤។ រោងចក្រទឹកស្អាតបាក់ខែង នឹងត្រូវសាងសង់ដោយប្រើថវិកាប្រមាណ ១៩០លានដុល្លារ ដែលជាសហហិរញ្ញប្បទានរបស់ភ្នាក់ងារអភិវឌ្ឍន៍បារាំង French Development Agency ធនាគារ European Investment Bank និងរដ្ឋាករទឹកស្វយ័តក្រុងភ្នំពេញ ហើយនឹងត្រូវអនុវត្តដោយក្រុមហ៊ុន Vinci Construction Grands Projects។ គម្រោងនេះ មានទីតាំងស្ថិតនៅសង្កាត់បាក់ខែង ចម្ងាយ ១០គីឡូម៉ែត្រ ខាងជើងស្ពានជ្រោយចង្វារ ដែលជាទីតាំងធំទូលាយ ងាយស្រួលក្នុងការដំឡើងបំពង់មេដែលមានអង្កត់ផ្ចិតធំ ដើម្បីដាក់ឆ្លងកាត់តាមបាតទន្លេសាប រួចតភ្ជាប់មកតំបន់មួយចំនួននៅរាជធានីភ្នំពេញ។ លើសពីនេះ គុណភាពទឹកទន្លេមេគង្គលើក៏មានគុណភាពល្អប្រសើរ ជាងគុណភាពទឹកទន្លេមេគង្គក្រោមផងដែរ។ រោងចក្រនេះ ជាការសាងសង់ដ៏ធំមួយដែលមិនធ្លាប់មានពីមុនមកនៅកម្ពុជា ដែលនឹងអនុវត្តជា ២ ជំហាន ដោយជំហានទី ១ […]
អានបន្ថែម
ក្រសួងដែនដីចេញនីតិវិធីលម្អិតក្នុងការផ្តល់អាជ្ញាបណ្ណត្រួតពិនិត្យ និងបញ្ជាក់សំណង់
ក្រសួងរៀបចំដែនដី នគរូបនីយកម្ម និងសំណង់ បានដាក់ចេញបែបបទ និងនីតិវិធីជាលម្អិត ក្នុងការផ្តល់អាជ្ញាបណ្ណថ្មី ការបន្ត និងការបញ្ចប់សុពលភាពដល់អ្នកវិជ្ជាជីវៈ ឬក្រុមហ៊ុនត្រួតពិនិត្យ និងបញ្ជាក់សំណង់។ នេះបើយោងតាមប្រកាសលេខ០៣៣ ដ.ន.ស/ប្រ.ក.នី.ក ចុះថ្ងៃទី២១ ខែមករា ឆ្នាំ២០២១។ ប្រកាសនេះ បានបញ្ជាក់ថា អ្នកវិជ្ជាជីវៈ ឬក្រុមហ៊ុន ដែលមានគុណសម្បត្តិ និងបទពិសោធន៍ការងារគ្រប់គ្រាន់ អាចដាក់ពាក្យស្នើសុំអាជ្ញាបណ្ណត្រួតពិនិត្យ និងបញ្ជាក់សំណង់ នៅច្រកចេញចូលតែមួយ របស់ក្រសួងរៀបចំដែនដី នគរូបនីយកម្ម និងសំណង់។ ពេលដាក់ពាក្យ អ្នកដាក់ពាក្យត្រូវភ្ជាប់មកនូវឯកសារចាំបាច់ដូចជា លិខិតធានាអះអាងវិញ្ញាបនបត្រធានារ៉ាប់រង វិញ្ញាបនបត្របញ្ជាក់ការចុះបញ្ជីនៅគណៈវិជ្ជាជីវៈពាក់ព័ន្ធ និងឯកសារពាក់ព័ន្ធដទៃទៀត។ សំខាន់ជាងនេះទៅទៀត អ្នកវិជ្ជាជីវៈសញ្ជាតិបរទេស ត្រូវភា្ជប់មកមួយនឹងបណ្ណការងារ និងឯកសារបញ្ជាក់សិទ្ធិស្នាក់នៅរយៈពេលវែង។ ដោយឡែក ក្រុមហ៊ុនសញ្ជាតិបរទេស ត្រូវមានលិខិតប្រគល់សិទ្ធិជាភ្នាក់ងារតំណាង ដែលចុះហត្ថលេខាដោយប្រធានក្រុមហ៊ុន។ ម្យ៉ាងវិញទៀត ឯកសារបញ្ជាក់បទពិសោធន៍ការងាររបស់អ្នកវិជ្ជាជីវៈបរទេស ត្រូវតែមានការបញ្ជាក់ទទួលស្គាល់ដោយស្ថានទូត ឬស្ថានតំណាងបរទេសពាក់ព័ន្ធនៅកម្ពុជា។ ប្រកាសដដែលនេះ ក៏បានអនុញ្ញាតឱ្យអ្នកវិជ្ជាជីវៈ ឬក្រុមហ៊ុន អាចដាក់ពាក្យស្នើសុំសន្លឹកអាជ្ញាបណ្ណថ្មី ក្នុងករណីមានការបាត់រហែក ការប្តូរឈ្មោះ ការប្តូរទីតាំងការិយាល័យ ឬក្រុមហ៊ុន និងការប្តូរប្រធានក្រុមហ៊ុនជាដើម។ គួរបញ្ជាក់ថា អាជ្ញាបណ្ណត្រួតពិនិត្យ […]
អានបន្ថែម
គេថាវិបត្តិកូវីដជាឱកាសទិញអចលនទ្រព្យបានថោក តែហេតុអ្វីចំនួនការទិញលក់ធ្លាក់ចុះទៅវិញ?
ក្នុងរយៈពេលមួយឆ្នាំកន្លងមកនេះ សេដ្ឋកិច្ច និងទីផ្សារអចលនទ្រព្យនៅកម្ពុជាទទួលរងសម្ពាធយ៉ាងខ្លាំងពីវិបត្តិកូវីដ។ ប៉ុន្តែគ្រប់ពេលដែលសួរទៅអ្នកវិភាគ ឬអ្នកជំនាញ ពួកគេតែងតែឆ្លើយថាជាឱកាសៗ ព្រោះអាចទិញអចលនទ្រព្យបានក្រោមតម្លៃទីផ្សារ។ ផ្ទុយទៅវិញ បើសង្កេតតាមភាពជាក់ស្ដែង គឺឃើញថាមានភាពស្ងប់ស្ងាត់ ហើយបើយោងតាមប្រធានសមាគមអ្នកវាយតម្លៃ និងភ្នាក់ងារអចលវត្ថុ លោក ច្រឹក សុខនីម ចំនួនការទិញលក់នៅឆ្នាំ ២០២០ បានធ្លាក់ចុះប្រមាណ ១៥% ទៅ ២០% ឯណោះ។ តើហេតុអ្វីជាឱកាស តែការទិញលក់ធ្លាក់ចុះទៅវិញ? លោក គាម សៀកឡុង ទីប្រឹក្សាគាំទ្រអាជីវកម្មអចលនវត្ថុនៃសមាគមអ្នកវាយតម្លៃ និងភា្នក់ងារអចលវត្ថុកម្ពុជា បានពន្យល់ថា ការពិតស្ថានភាពបែបនេះជាឱកាស តែមាន ២ កត្តាធំៗ ធ្វើឱ្យការទិញលក់ធ្លាក់ចុះ។ «កត្តា ទី១ អ្នកមានលុយ គឺគេមិនមែនឃើញថោកចេះតែទិញទេ គេគិតវិភាគមើលដែរ។ ជាឱកាសទិញបានថោកពិតមែន តែទិញហើយចំណេញឬអត់ មានឱកាសឡើងថ្លៃឬអត់ក្រោយចប់កូវីដ ពោលគឺគេទិញរើសអចលនទ្រព្យណាដែលល្អប៉ុណ្ណោះ។ ដូច្នេះ មិនមែនថាគ្មានអ្នកទិញលក់ទេ តែដោយសារគេទិញប្រយ័ត្នជាងមុន ទើបមើលទៅដូចជាស្ងាត់»។ «កត្ដាទី ២ ចរន្តទិញលក់នៅកម្ពុជាជិតពាក់កណ្ដាលពឹងផ្អែកលើជនបរទេស ហើយដោយសារតែវិបត្តិកូវីដ ទើបធ្វើឱ្យទីផ្សារបាត់បង់ការទិញលក់មួយចំណែកធំនេះទៅ»។ បើនិយាយឱ្យខ្លី កាលៈទេសៈនេះ […]
អានបន្ថែម
គម្រោងផ្លូវរថភ្លើងក្រោមសមុទ្រវែងជាងគេតម្លៃជាង១៧ពាន់លានដុល្លារត្រូវបានពិភាក្សាឡើងវិញ
គម្រោងផ្លូវរថភ្លើងក្រោមសមុទ្រវែងជាងគេតម្លៃជាង ១៧ ពាន់លានដុល្លារ តភ្ជាប់ពីប្រទេសហ្វាំងឡង់ទៅប្រទេសអេស្តូនី ត្រូវបានយកមកពិភាក្សាឡើងវិញ ក្រោយរដ្ឋាភិបាលអេស្តូនីច្រានចោលមួយរយៈដោយសារបញ្ហាបរិស្ថាន សេដ្ឋកិច្ច និងសុវត្ថិភាព។ នេះបើយោងតាមសារព័ត៌មាន Bloomberg កាលពីថ្ងៃទី ២៦ មករា កន្លងមកនេះ ។ ផ្លូវរថភ្លើងនេះ នឹងមានប្រវែងប្រមាណជាង ១០០ គីឡូម៉ែត្រ ដែលភាគច្រើនស្ថិតនៅក្រោមទឹកសមុទ្រ ហើយនឹងមានការបង្កើតកោះសិប្បនិម្មិតយ៉ាងហោចណាស់មួយនៅកណ្ដាលសមុទ្រ ដើម្បីជាស្ថានីយទ្រផ្លូវមួយខ្សែនេះ។ គម្រោងនេះត្រូវបានស្នើដោយសហគ្រិនជនជាតិហ្វាំងឡង់លោក Peter Vesterbacka កាលពីឆ្នាំមុន ហើយបើត្រូវបានអនុម័ត គម្រោងនេះនឹងត្រូវអនុវត្តដោយប្រើថវិកប្រមាណ ១៧ ពាន់លានដុល្លារ ដែលជាការបណ្ដាក់ទុនរបស់ក្រុមហ៊ុនចិន China’s Touchstone Capital Partners Ltd.។ ប៉ុន្តែពេលនោះ រដ្ឋាភិបាលអេស្តូនីមិនអនុម័តគម្រោង ដោយព្រួយបារម្ភពីដោយសារបញ្ហាបរិស្ថាន សេដ្ឋកិច្ច និងសង្គម។ ដោយឡែក កាលពីថ្ងៃទី ២៤ មករា កន្លងមកនេះ រដ្ឋាភិបាលអេស្តូនីបានប្រកាសបើកចំហរឱ្យមានការចរចាឡើងវិញ ដោយគ្រោងនឹងធ្វើការពិភាក្សាថ្នាក់ជាតិជាមួយនឹងប្រទេសហ្វាំងឡង់ ប្រសិនបើគណៈរដ្ឋមន្រ្តីបោះឆ្នោតអនុម័តគម្រោងនេះ។
អានបន្ថែម
វិភាគ៖ តើវិនិយោគលើអចលនទ្រព្យយ៉ាងដូចម្ដេចទើបមិនកប់លុយ ហើយចំណេញច្រើន?
អ្នកខ្លះប្រឡូកក្នុងទីផ្សារអចលនទ្រព្យចាប់ផ្ដើមពី ក្រក្លាយទៅជាមហាសេដ្ឋី អ្នកខ្លះពីមានលុយតិចក្លាយទៅជាមានលុយច្រើន។ ប៉ុន្តែអ្នកខ្លះទៀតវិនិយោគពីមាន ក្លាយទៅជាក្រ កប់លុយក្នុងផ្ទះ ក្នុងដី ជំពាក់ធនាគារវណ្ឌក។ តើអ្នកឆ្ងល់ទេថា ហេតុអ្វី? ហើយមានចំណុចអ្វីខ្លះ ដែលអ្នកត្រូវតែដឹង និងអនុវត្ត ដើម្បីវិនិយោគហើយចំណេញ? អ្នកជំនាញ និងអ្នកវិភាគក្នុងវិស័យអចលនទ្រព្យ ជាច្រើនរូប បានបង្ហើបចំណុចសំខាន់ជាច្រើនដូចខាងក្រោម៖ ១) ព័ត៌មានគឺជាបេះដូងនៃការវិនិយោគ លោក ម៉ាន់ ច័ន្ទឌី អនុប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា បានឱ្យដឹងថា ការវិនិយោគត្រូវ សំខាន់បំផុតគឺ ត្រូវមានព័ត៌មាន ហើយត្រូវតែជាព័ត៌មានពិត។ បើព័ត៌មានច្រើនពេញដៃ វិនិយោគមិនខុសទេ។ ព័ត៌មាន មិនមែនមានន័យថា ត្រឹមតែដឹងទេ តែត្រូវតែស៊ីជម្រៅ។ «ឧទាហរណ៍ ដឹងថាកន្លែងមួយនឹងមានគម្រោងអភិវឌ្ឍន៍ធំៗ បើគ្រាន់តែដឹងហើយទៅទិញដី គឺអាចខុស។ ត្រូវសិក្សាថា គម្រោងចាប់ផ្ដើមពេលណា ប៉ុន្មានឆ្នាំធ្វើហើយ ហេដ្ឋារចនាសម្ព័ន្ធជុំរិញមានអ្វីខ្លះ។ បើដឹងច្បាស់ វិនិយោគទៅគឺ មិនកប់លុយទេ»។ លោកបន្តថា៖ «តែបើត្រឹមដឹងស្ដាប់តាមគេ កន្លែងខ្លះគម្រោងគេថាធ្វើ ប៉ុន្តែ ១០ ឆ្នាំមិនទាន់ធ្វើផង។ ប៉ុន្តែ បើអ្នកមានលុយច្រើនគឺ […]
អានបន្ថែម
ដំណើការសាងសង់ផ្លូវទាំង៣៨ខ្សែនៅសៀមរាបសម្រេចបាន១៧,៥%
គម្រោងស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែ ក្នុងក្រុងសៀមរាប សម្រេចការងារសាងសង់បានជាង ១៧,៥% ហើយ គិតត្រឹមថ្ងៃទី២៥ ខែមករា ឆ្នាំ២០២១។ នេះបើយោងតាមក្រសួងសាធារណការ និងដឹកជញ្ជូន។ ក្រសួងបានឱ្យដឹងពីវិវឌ្ឍនភាពនេះ ក្នុងឱកាសចុះត្រួតពិនិត្យការដ្ឋានរបស់គណៈកម្មការអន្តរក្រសួង កាលពីថ្ងៃទី២៨ ខែមករា ឆ្នាំ២០២១ ដែលដឹកនាំដោយសម្ដេចឧបនាយករដ្ឋមន្រ្តី ទៀ បាញ់។ ការចុះត្រួតពិនិត្យនេះ គឺដើម្បីពិនិត្យគុណភាពនៃការសាងសង់ ជំរុញឱ្យអង្គភាពសាងសង់ អនុវត្តតាមលក្ខណៈបច្ចេកទេស សៀវភៅបន្ទុកឱ្យបានត្រឹមត្រូវ និងស្តង់ដារដែលអាចទទួលយកបាន ពោលគឺធ្វើផ្លូវឱ្យមានគុណភាពរឹងមាំ អាចប្រើប្រាស់ជាប់បានយូរអង្វែង និងបញ្ចប់តាមផែនការគ្រោងទុក។ គួរបញ្ជាក់ថា គម្រោងកែលម្អផ្លូវ ៣៨ ខ្សែ បានបើកការដ្ឋានកាលពីថ្ងៃទី ៣០ ខែវិច្ឆិកា ឆ្នាំ ២០២០ ក្រោមអធិបតីភាពសម្ដេចនាយករដ្ឋមន្រ្តី ហ៊ុន សែន ដែលមានប្រវែង ១០៨ គីឡូម៉ែត្រ នឹងគ្រោងចំណាយថវិកាសរុប ១៤០ លានដុល្លារ។ (អានបន្ថែម) ក្រៅពីគម្រោងផ្លូវ ៣៨ ខ្សែនេះ រដ្ឋាភិបាលក៏បានសម្រេចបង្វែរថវិកា ៥ លានដុល្លារ ដែលសេសសល់ពីការសាងសង់ហេដ្ឋារចនាសម្ព័ន្ធនៅសីហនុមកកែលម្អ ដងស្ទឹងសៀមរាប ដែលមានប្រវែងជាង […]
អានបន្ថែម