Century 21 ចាប់ដៃគូជាមួយធនាគារ BRED Bank ដើម្បីសម្រួលឱ្យការសុំកម្ចីទិញអចលនទ្រព្យបានងាយ និងលឿនជាងមុន
ក្រុមហ៊ុនអចលនទ្រព្យ Century 21 នៅព្រឹកថ្ងៃទី ២៨ ខែមករានេះ បានចុះហត្ថលេខាលើអនុស្សារណៈយោគយល់គ្នាជាមួយធនាគារ BRED Bank ដើម្បីសម្រួលឱ្យការសុំកម្ចីទិញអចលនទ្រព្យបានងាយស្រួល និងលឿនជាងមុន សម្រាប់អ្នកទិញអចលនទ្រព្យតាមរយៈបណ្តាញក្រុមហ៊ុន Century 21. អនុស្សរណៈនៃការយោគយល់គ្នានេះ ត្រូវបានចុះហត្ថលេខារវាងលោក Seraj Sutton ប្រធានផ្នែកប្រតិបត្តិការCentury 21 នៅកម្ពុជា លោក Guillaume Perdon នាយកប្រតិបត្តិធនាគារ BRED Bank និងប្រធានប្រព័ន្ធសាខាអ្នកនាង Meas Kunthea។ យោងតាមកិច្ចព្រមព្រៀងនេះ ធនាគារនឹងផ្តល់កម្ចីដល់អតិថិជនទិញអចលនទ្រព្យតាមរយៈបណ្តាញក្រុមហ៊ុន Century 21 ក្នុងលក្ខខណ្ឌងាយស្រួលជាងមុន ពិសេសក្នុងអត្រាការប្រាក់ប្រកួតប្រជែង និងបត់បែនខ្ពស់។ លោក Seraj Sutton បានមានប្រសាសន៍ថា៖ «កិច្ចសហការនេះនឹងដើរតួនាទីយ៉ាងរឹងមាំក្នុងការបង្កើតឱកាសកាន់តែប្រសើរសម្រាប់អតិថិជន និងអ្នកវិនិយោគក្នុងការទិញទ្រព្យសម្បត្តិក្នុងក្តីសុបិនរបស់ពួកគេ»។ គួរបញ្ជាក់ផងដែរថា ក្រុមហ៊ុន Century 21 Cambodia គឺជាក្រុមហ៊ុនអចលនទ្រព្យដែលត្រូវបានតែងតាំងជាភ្នាក់ងារលក់ផ្តាច់មុខសម្រាប់គម្រោងអភិវឌ្ឍន៍ជាច្រើននៅកម្ពុជារួមមាន Forest Harmony, Golf Harmony, Residence Harmony, […]
អានបន្ថែម
អាកាសចរស៊ីវិលគ្រោងរៀបចំឱ្យមានផ្លូវហោះចុះឡើងដែលមានស្ដង់ដានៅកោះពេជ្រ
មន្រ្តីរដ្ឋលេខាធិការដ្ឋានអាកាសចរស៊ីវិល កាលពីព្រឹកថ្ងៃទី២៨ ខែ មករា កន្លងមកនេះ បានចុះត្រួតពិនិត្យ និងសម្របសម្រួលសុវត្ថិភាពទីលានចុះចតឧទ្ធម្ភាចក្រ នៅកោះពេជ្រ ហើយក៏ត្រៀមរៀបចំឱ្យមានផ្លូវហោះចុះ និងផ្លូវហោះឡើងដែលមានស្ដង់ដាជាងមុននៅទីនោះផងដែរ។ ឯកឧត្តម ខាន់ វណ្ណា អគ្គនាយកបច្ចេកទេសនៃរដ្ឋលេខាធិការអាកាសចរស៊ីវិល បានឱ្យដឹងកាលពីថ្ងៃថ្ងៃទី២៨ ខែមករា ឆ្នាំ២០២១ នេះថា៖ «ការត្រួតពិនិត្យនិងរៀបចំឱ្យមានផ្លូវហោះចុះឡើងនេះ គឺដើម្បីជាផលប្រយោជន៍សុវត្ថិភាពដល់សាធារណជន»។ ដោយឡែក ឯកឧត្តម ក៏មិនបានបញ្ជាក់ពីទុនចំណាយ និងព័ត៌មានលម្អិតនៃការរៀបចំគម្រោងនេះនៅឡើយទេ។ គួរបញ្ជាក់ផងដែរថា ក្នុងឱកាសនេះ ឯកឧត្តមក៏បាន សង្កត់ធ្ងន់លើការអនុវត្តច្បាប់ច្បាប់អាកាសចរស៊ីវិល CCAR PART 12 ផងដែរ ក្នុងគោលបំណងរឹងបន្តឹងវិស័យអាកាសចរនៅកម្ពុជា។
អានបន្ថែម
ស្ថានីយសូឡាខ្នាតតូចមួយនៅសៀមរាមបើកដំណើរការ ខណៈស្ថានីយ ៣ ធំៗទៀត ក៏គ្រោងនឹងបើកក្នុងឆ្នាំនេះដែរ
ស្ថានីយផលិតថាមពលអគ្គិសនីដើរដោយពន្លឺព្រះអាទិត្យអនុភាព ៣២គីឡូវ៉ាត់ នៅខេត្តសៀមរាប បានដាក់ឱ្យប្រើប្រាស់ជាផ្លូវការហើយកាលពីថ្ងៃទី២៧ ខែមករា កន្លងមកនេះ ខណៈរោងចក្រថាមពលសូឡា ៣ ផ្សេងទៀត សរុបអនុភាពជាង ១១០ មេហ្គាវ៉ាត ក៏គ្រោងដាក់ដំណើរការក្នុងដើមឆ្នាំ ២០២១ នេះដែរ។ បើយោងតាមក្រសួងបរិស្ថាន ស្ថានីយនេះមានទីតាំងស្ថិតនៅ មជ្ឈមណ្ឌលស្រាវជ្រាវនិងអភិរក្សកេសរកូល សុខ អានភ្នំគូលែន ដែលអាចផលិតថាមពលបានក្នុងរង្វង់ ១៥០គីឡូវ៉ាត់ម៉ោងក្នុងមួយថ្ងៃ ដែលគ្រប់គ្រាន់សម្រាប់ការប្រើប្រាស់ម៉ាស៊ីនត្រជាក់ និងម៉ាស៊ីនបូមទឹកបានរៀងរាល់ថ្ងៃ។ គម្រោងនេះផ្ទាល់គឺ ជាការបណ្ដាក់ទុនរួមរវាងក្រសួងបរិស្ថាន កម្មវិធីអភិវឌ្ឍន៍សហប្រជាជាតិ (UNDP) និងដៃគូអភិវឌ្ឍមួយចំនួន។ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានលើកឡើងនៅក្នុងពិធីសម្ពោធថា ស្ថានីយសូឡានេះ នឹងជួយឱ្យមជ្ឈមណ្ឌលស្រាវជ្រាវសុខ អាន ភ្នំគូលែន នេះ មានប្រភពអគ្គិសនីស្អាតប្រើបាស់។ ជាមួយគ្នានេះ លោកស្រី Sonali Dayaratne តំណាង UNDP ប្រចាំកម្ពុជា ក៏បានវាយតម្លៃខ្ពស់លើគោលជំហរកម្ពុជាក្នុងការផលិតថាមពលស្អាតដើម្បីឆ្លើយតបនឹងការប្រែប្រួលអាកាសធាតុ។ គួរបញ្ជាក់ផងដែរថា គម្រោងរោងចក្រសូឡា ៣ ទៀតដែលគ្រោងនឹងបើកដំណើរការឆ្នាំ នេះ រួមមាន ស្ថានីយសូឡាអនុភាព២០មេហ្គាវ៉ាតនៅខេត្តស្វាយរៀង […]
អានបន្ថែម
រដ្ឋចុះបញ្ជីភ្នំ ២ ទំហំជាង ១០០ហិកតា ក្នុងខេត្តកំពតជាតំបន់បេតិកភណ្ឌធម្មជាតិ
ក្រសួងបរិស្ថាន បានសម្រេចចុះបញ្ជីភ្នំធម្មជាតិ ២ ក្នុងខេត្តកំពត ដែលមានផ្ទៃដីសរុបប្រមាណ១០៨.៤៤ ហិកតា ជាតំបន់បេតិកភណ្ឌធម្មជាតិ ដើម្បីពង្រឹង និងថែរក្សាប្រព័ន្ធអេកូឡូស៊ីសម្រាប់មនុស្សជំនាន់ក្រោយ។ នេះបើតាមអនុក្រឹត្យលេខ១២ អនក្រ.បក និងលេខ១៣ អនក្រ.បក ចុះថ្ងៃទី២២ ខែមករា ឆ្នាំ២០២១។ ក្នុងអនុក្រឹត្យបញ្ជាក់ថា តំបន់បេតិកភណ្ឌធម្មជាតិទី១ គឺភ្នំព្រះគុហារហ្លួង ដែលមានផ្ទៃដីទំហំ២៥ ហិកតា ស្ថិតក្នុងភូមិសាស្ត្រឃុំទូកមាសខាងលិច ស្រុកបន្ទាយមាស ខេត្តកំពត។ ចំណែកបេតិកភណ្ឌធម្មជាតិទី២ គឺភ្នំទទុង-ភ្នំតូច ដែលមានផ្ទៃដីទំហំ៨៣.៤៤ ហិកតា ស្ថិតក្នុងភូមិសាស្ត្រស្រុកដងទង់ និងស្រុកបន្ទាយមាស ខេត្តកំពត។ ការចុះបញ្ជីភ្នំធម្មជាតិទាំងពីរនេះ គឺដើម្បីការពារសោភ័ណភាព និងតម្លៃធម្មជាតិនៃតំបន់នេះ សម្រាប់បម្រើការកម្សាន្ត ការទស្សនា ការអប់រំ ការសិក្សាស្រាវជ្រាវវិទ្យាសាស្ត្រ និងជំនឿ។ គួរបញ្ជាក់ថា កន្លងមកក្រសួងបរិស្ថាន បានដាក់ចេញអនុក្រឹត្យបង្កើតតំបន់បេតិកភណ្ឌធម្មជាតិ បានចំនួន ១១ កន្លែង ដែលជារមណីយដ្ឋានភ្នំមានលក្ខណៈជាប្រវត្តិសាស្ត្រ នៅលើផ្ទៃដីសរុបប្រមាណជាង ២ម៉ឺន ៨ ពាន់ហិកតា រួចមកហើយ។ (អានបន្ថែម)
អានបន្ថែម
ការស្ដារហេដ្ឋារចនាសម្ព័ន្ធនៅខេត្តព្រះសីហនុនិងសៀមរាប គ្រាន់តែជាជំហានតូចមួយនៃផែនការធំរបស់រដ្ឋប៉ុណ្ណោះ
អ្នកវិភាគបានឱ្យថា គម្រោងស្ថាបនាផ្លូវ ៣៤ខ្សែ នៅខេត្តព្រះសីហនុ និងគម្រោងសាងសង់ផ្លូវ ៣៨ខ្សែនៅខេត្តសៀមរាប គ្រាន់តែទិសដៅគំរូ ឬ Model តូចមួយ នៃផែនការមេរបស់រដ្ឋាភិបាលក្នុងការអភិវឌ្ឍហេដ្ឋាសម្ព័ន្ធប្រទេសនោះទេ ព្រោះនៅពេលអនាគតរដ្ឋាភិបាលគ្រោងអភិវឌ្ឍដូចគ្នាសឹងគ្រប់ខេត្ត។ លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានថ្លែងក្នុងកិច្ចពិភាក្សាសារព័ត៌មាន កាលពីថ្ងៃទី២៣ ខែមករា នេះថា៖ «ដំបូងរដ្ឋាភិបាល ចាប់ផ្ដើមនៅខេត្តព្រះសីហនុជាខេត្តគំរូ ពោលគឺជាការសាកល្បង។ តែដោយសារវិបត្តិកូវីដ មិនសូវមានភ្ញៀវទេសចរធ្វើដំណើរ ជាឱកាសធ្វើឱ្យគម្រោងសាងសង់ចំណាយពេលមិនដល់១ឆ្នាំផង»។ លោកបានបន្តទៀតថា៖ «ដោយឃើញគំរូនៅខេត្តព្រះសីហនុ ធ្វើឱ្យរាជរដ្ឋាភិបាលបន្តទៅរៀបចំហេដ្ឋារចនាសម្ព័ន្ធនៅខេត្តសៀមរាប។ ក្នុងវិបត្តិកូវីដបែបនេះ មិនសូវមិនភ្ញៀវ ធ្វើផ្លូវស្រួល ចប់កូវីដសៀមរាបគឺស្អាតតែម្ដង»។ លោកបន្តថា ទាំង ២ ខេត្តនេះគ្រាន់តែជាចំណុចចាប់ផ្ដើមនៃផែនការអភិវឌ្ឍមេរបស់រដ្ឋាភិបាលប៉ុណ្ណោះ ពោលគឺនឹងមានគម្រោងបែបនេះស្ទើរគ្រប់ខេត្តនាពេលអនាគត ឧទាហរណ៍ដូចជា ខេត្តកំពង់ស្ពឺ និងកណ្ដាល។ ក្រៅពីជាការជួយធ្វើឱ្យប្រទេសមានប្រព័ន្ធដឹកជញ្ជូនដ៏ល្អនៅពេលអនាគត ការបន្តសាងសង់ហេដ្ឋារចនាសម្ព័ន្ធនានារបស់រដ្ឋាភិបាល ទោះបីនៅក្នុងអំឡុងកូវីដ ក៏ជាកត្តាសំខាន់មួយជួយទប់មិនឱ្យទីផ្សារអចលនទ្រព្យធ្លាក់ចុះផងដែរ។ (អានបន្ថែម) លោក ម៉ាន់ ច័ន្ទឌី អនុប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា បានពន្យល់ថា ជាធម្មតា […]
អានបន្ថែម
ក្រសួងសេដ្ឋកិច្ច៖ វិស័យសំណង់និងអចលនទ្រព្យនឹងកើនត្រឹម ២,៩% និង ២,៧% ប៉ុណ្ណោះក្នុងឆ្នាំ២០២១
កំណើនវិស័យសំណង់ និងអចលនទ្រព្យក្នុងឆ្នាំ ២០២០ ស្ថិតនៅអត្រា -២,៤% និង -៤,៩% ដែលជាការធ្លាក់ចុះធ្លាក់ចុះយ៉ាងខ្លាំង ពោលគឺប្រមាណ ២៣,២% និង ១១,៩% បើបើប្រៀបធៀបទៅនឹងឆ្នាំ ២០១៩។ ប៉ុន្តែវិស័យទាំង២ ត្រូវបានអ្នកជំនាញព្យាករថានឹងកើនតិចតួចត្រឹម ២,៩% និង ២,៧% ក្នុងឆ្នាំ ២០២១។នេះបើយោងតាមរបាយការណ៍ការព្យាករណ៍របស់ក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី ២៧ មករា នេះ។ ការធ្លាក់ចុះនៃវិស័យទាំង២ គឺដោយសារឥទ្ធិពលនៃជំងឺរាតត្បាតកូវីដ១៩ ដែលបានកាត់បន្ថយការវិនិយោគពីបរទេស និងការធ្លាក់ចុះនៃតម្រូវការ។ លើសពីនេះ ឆ្នាំ ២០២០ គឺជាឆ្នាំដំបូងដែលអត្រាកំណើននៃវិស័យទាំងពីរ ស្ថិតនៅកម្រិតអវិជ្ជមានបើរាប់ក្នុងរយៈពេល ៥ ឆ្នាំចុងក្រោយ។ របាយការណ៍ដដែលបានបន្ថែមទៀតថា កំណើននៃការនាំចូលសម្ភារសំណង់ជារួម ក៏ធ្លាក់ចុះពី +៥៧,៥% ក្នុងឆ្នាំ ២០១៩ ដល់ -១៨,២% ក្នុងឆ្នាំ ២០២០ ដែលក្នុងនោះដែកធ្លាក់យ៉ាងគំហុកពី +៥៧,២% ដល់ប្រមាណ -៤០% ។ ដោយឡែកសម្រាប់វិស័យអចលនទ្រព្យវិញ ចំនួននៃទិញលក់មានការថយចុះបន្តិចប៉ុណ្ណោះពីប្រមាណ ៩០០០ […]
អានបន្ថែម
អគារកម្ពស់ ២៦ ជាន់ តម្លៃ ៣០ លានដុល្លារ នៅផ្លូវ ៦០ ម៉ែត្រ បានបញ្ចប់ការសាងសង់គ្រោងអគារហើយ
អគារការិយាល័យកម្ពស់ ២៦ ជាន់ Maritime Tower តម្លៃជាង ៣០លានដុល្លារ បានបញ្ចប់ការសាងសង់គ្រោងអគារហើយ ដោយត្រៀមនឹងបង្ហាញខ្លួនយ៉ាងពេញលេញតាមបណ្ដោយផ្លូវ៦០ម៉ែត្រ នាពេលឆាប់ៗនេះ។ គម្រោងនេះ ត្រូវបានអភិវឌ្ឍន៍ដោយក្រុមហ៊ុន ម៉ារីថាម អាសិត ដែលជាបុត្រសម្ព័ន្ធរបស់ក្រុមហ៊ុន ម៉ារីថាម គ្រុប ដោយពិធីបិទបញ្ចប់ការសាងសង់គ្រោងអគារ ទើបតែធ្វើឡើងកាលពីថ្ងៃទី ២៦ ខែមករា កន្លងទៅនេះ។ លោក គង់ វ៉ារ៉ា អគ្គនាយកប្រតិបត្តិការ និងជាអនុប្រធានក្រុមហ៊ុន ម៉ារីថាមគ្រុប បានឱ្យដឹងថា បើទោះជា ស្ថិតក្នុងវិបត្តិកូវីដ ១៩ ក្តី អគារការិយាល័យទំនើប Maritime Tower ក៏បានបញ្ចប់ការសាងសង់គ្រោងអគារដោយស្ថាបពរដែរ។ គួរបញ្ចាក់ផងដែរថា អគារការិយាល័យទំនើបលំដាប់អន្តរជាតិនេះ បានបើកការដ្ឋានសាងសង់កាលពីថ្ងៃទី២៧ ខែមករា ឆ្នាំ២០១៩ ហើយគ្រោងបញ្ចប់ដាក់ឱ្យប្រើប្រាស់នៅឆ្នាំ ២០២១ នេះ។
អានបន្ថែម
គម្រោងសាងសង់ហេដ្ឋារចនាសម្ព័ន្ធនានាជាការទប់មិនឱ្យទីផ្សារអចលនទ្រព្យធ្លាក់ចុះ ហេតុអ្វី?
ក្នុងឆ្នាំ ២០២០ នេះ ឃើញថាទីផ្សារអចលនទ្រព្យរងសម្ពាធពីវិបត្តិកូវីដស្ទើរពេញមួយឆ្នាំ ដែលធ្វើឱ្យចំនួនការទិញលក់ធ្លាក់ចុះប៉ាន់ប្រមាណ ១៥% ទៅ ២០%។ ទោះជាយ៉ាងណា តម្លៃដីធ្លីក៏ដូចជាផ្ទះសម្បែងជាមធ្យមគឺនៅមានលំនឹង ពោលគឺមិនធ្លាក់ចុះយ៉ាងគំហុកដូចប្រទេសជិតខាងទេ។ ជាក់ស្ដែង មានកត្តាជាច្រើនដែលជួយរក្សាលំនឹងនៃទីផ្សារអចលនទ្រព្យ តែក្នុងនោះ សេដ្ឋកិច្ចវិទូបរទេសសង្កត់ធ្ងន់ថា ការបន្តវិនិយោគសាងសង់ហេដ្ឋារចនាសម្ព័ន្ធរបស់រដ្ឋាភិបាល គឺជាវិធីសាស្រ្តមួយដ៏សំខាន់បំផុត។ តើហេតុអ្វី? លោក ម៉ាន់ ច័ន្ទឌី អនុប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា បានពន្យល់ថា ជាធម្មតា ដីឡើងថ្លៃភាគច្រើនគឺដោយសារទីតាំងនៅជិតគម្រោងអភិវឌ្ឍន៍ធំៗ ជាពិសេសហេដ្ឋារចនាសម្ព័ន្ធរបស់រដ្ឋាភិបាល។ ដូច្នេះ បើរដ្ឋាភិបាលនៅតែបន្តសាងសង់ហេដ្ឋារចនាសម្ព័ន្ធនៅតាមទីតាំងនានា ដីក៏មិនធ្លាក់ថ្លៃដែរ។ លោកបានបន្តទៀតថា៖ «កាលណារាជរដ្ឋាភិបាល ចាក់លុយសាងហេដ្ឋារចនាសម្ព័ន្ធឱ្យកាន់តែច្រើន វានឹងធ្វើឱ្យចរន្តនៃការទិញអចលនទ្រព្យកាន់មានភាពមមាញឹក។ បើមានការទិញលក់ច្រើន វានឹងជួយទប់តម្លៃដែលរំពឹងថានឹងធ្លាក់ ឱ្យនៅនឹងវិញ»។ «ឧទាហរណ៍ ដូចនៅកំពង់សោម រដ្ឋាភិបាលធ្វើផ្លូវ ៣៤ ខ្សែ នៅសៀមរាបធ្វើផ្លូវ ៣៨ ខ្សែ មើលទៅដីគ្មានធ្លាក់ថ្លៃឯណា។ នៅកំពង់ស្ពឺរដ្ឋាភិបាលគ្រោងធ្វើកៅស៊ូ ១៤ ខ្សែតភ្ជាប់ក្រុងច្បារមនទៅផ្លូវ ៤៤ ផ្លូវ៤១ និង៥១ ដីក៏អត់ធ្លាក់ថ្លៃទេ។ ឆ្នាំមុន ទិញ១ […]
អានបន្ថែម
រដ្ឋចាប់ផ្ដើមដាំបង្គោល និងកំណត់ព្រំដី សម្រាប់គម្រោងព្រលានយន្តហោះខេត្តបាត់ដំបង
អាជ្ញាធរមូលដ្ឋានខេត្តបាត់ដំបង បានចាប់ផ្តើមដាំបង្គោល កំណត់ព្រំដី និងចុះបញ្ជីកម្មសិទ្ធិដីធ្លីទីតាំង ស្ថាបនាព្រលានយន្តហោះខេត្តបាតដំបងហើយ។ នេះបើយោងតាមអភិបាលរង ខេត្តបាត់ដំបង លោក សឿម ប៊ុនរិទ្ធិ កាលពីថ្ងៃទី២៥ ខែមករា ។ លោក សឿម ប៊ុនរិទ្ធិ បានមានប្រសាសន៍ថា៖ «យើងចាប់ផ្ដើមចុះបញ្ជីដីធ្លីហើយ ដោយបានឆ្វៀលផ្ទៃដីព្រលានយន្តហោះទុកទំាងនៅស្រុកសង្កែ និងក្រុងបាត់ដំបង សម្រាប់ការសាងសង់ឡើងវិញនាពេលខាងមុខ»។ លោកបន្ថែមទៀតថា ប្រជាពលរដ្ឋដែលកំពុងធ្វើស្រែចំការនៅក្នុងដីព្រលានយន្តហោះទាំងដឹងថាជាដីរបស់រដ្ឋត្រូវចាកចេញ ព្រោះរដ្ឋមិនចេញបណ្ណកម្មសិទ្ធិជូនឡើយ។ «ការចាត់ចែងនេះ ទី១ គឺដើម្បីបញ្ឍប់បញ្ហាប្រជាពលរដ្ឋទន្រ្ទានកាន់កាប់ដីរដ្ឋ និងទី ២ ជាការត្រៀមដីឱ្យរួលរាល់ ពោលគឺដើម្បីកុំឱ្យខាតពេលមកដោះស្រាយរឿងដីធ្លី ពេលរដ្ឋាភិបាល និងវិនិយោគិន សម្រេចអនុវត្តគម្រោង» លោកបន្ត។ ដោយឡែក លោកបញ្ជាក់ថា ការងារលម្អិតទាក់ទិននឹងគម្រោង រដ្ឋលេខាធិការដ្ឋានអាកាសចរណ៍ស៊ីវិលកំពុងសិក្សាបន្ថែមជាមួយអ្នកបច្ចេកទេស និងវិនិយោគិន ដែលលោកសង្ឃឹមថានឹងបញ្ចប់ក្នុងពេលឆាប់ៗ។ គួរបញ្ជាក់ផងដែរ ព្រលានយន្តហោះខេត្តបាត់ដំបង បានបើកដំណើរការដំបូង កាលពីឆ្នាំ១៩៦៧ ហើយត្រូវបានបិទដំណើរការទាំងស្រុងត្រឹម ឆ្នាំ១៩៧៥។ ដោយឡែក ហេដ្ឋារចនាសម្ព័ន្ធចាស់ដែលនៅសល់មានផ្លូវរត់ ប្រវែង ១ ៦០០ ម៉ែត្រ និងទទឹង ៣៤ម៉ែត្រ […]
អានបន្ថែម
ជប៉ុនផ្តល់ជំនួយជាង៣០លានដុល្លារ សាងសង់ហេដ្ឋារចនាសម្ព័ន្ធមួយចំនួននៅភ្នំពេញ និងបាត់ដំបង
ហេដ្ឋារចនាសម្ព័ន្ធអគារថ្មីមួយចំនួននៅក្នុងវិទ្យាស្ថានគរុកោសល្យរាជធានីភ្នំពេញ និងខេត្តបាត់ដំបង ដែលសាងសង់ឡើងក្រោមជំនួយឥតសំណង់ជាង ៣០លានដុល្លារពីរដ្ឋាភិបាលជប៉ុន បានបញ្ចប់ជាស្ថាពរហើយ។ នេះបើយោងតាមទីភា្នក់ងារសហប្រតិបត្តិការអន្តរជាតិជប៉ុន ឬJICA។ JICA បានឱ្យដឹងកាលពីថ្ងៃទី២៥ ខែមករា នេះ ថា ពិធីប្រគល់អគារថ្មីទាំងនេះ បានប្រារព្ធឡើង ២ ផ្សេងគ្នា ដោយមួយធ្វើនៅវិទ្យាស្ថានគរុកោសល្យរាជធានីភ្នំពេញនាថ្ងៃទី១២ ខែមករាឆ្នាំ ២០២១ និងមួយទៀតធ្វើនៅវិទ្យាស្ថានគរុកោសល្យខេត្តបាត់ដំបង នាថ្ងៃទី១៥ ខែមករា ឆ្នាំ២០២១។ បើយោងតាមប្រភពដដែល ហេដ្ឋារចនាសម្ព័ន្ធទាំងនោះរួមមាន បណ្ណាល័យ អគារទីចាត់ការ ការបង្រៀន និងអគាររដ្ឋបាលជាដើម។ JICA សង្ឃឹមថា ហេដ្ឋារចនាសម្ព័ន្ធទាំងនេះនឹងជួយវិទ្យាស្ថានគរុកោសល្យឱ្យប្រែក្លាយខ្លួនទៅជាគ្រឹះស្ថានអប់រំកម្រិតបរិញ្ញាប័ត្របាន។ មិនតែប៉ុណ្ណោះ គម្រោងនេះ ក៏នឹងអាចចូលរួមចំណែកលើកកម្ពស់គុណភាពការអប់រំនៅបឋម និងមធ្យមសិក្សាបឋមភូមិ តាមរយៈការលើកកម្ពស់គុណភាពគ្រូបង្រៀនផងដែរ។ គួរបញ្ជាក់ផងដែរថា គិតត្រឹមខែតុលា ឆ្នាំ ២០២០ រដ្ឋាភិបាលជប៉ុន បាននិងកំពុងផ្ដល់ថវិកាយ៉ាងហោចជិត ១ ពាន់លានដុល្លារអាមេរិកដល់កម្ពុជា ដើម្បីជួយសាងសង់ ស្ដារ និងលើកកម្ពស់ហេដ្ឋានរចនាសម្ព័ន្ធស្ពាន-ថ្នល់ជាច្រើននៅកម្ពុជា។ (អានបន្ថែម)
អានបន្ថែម
ក្រុមហ៊ុនយក្សចិនប្រកាសវិនិយោគលើគម្រោងផ្សារទំនើបដ៏ធំមួយនៅតាមបណ្ដោយផ្លូវសហព័ន្ធរុស្សី
ក្រុមហ៊ុនអចលនទ្រព្យចិន Prince Real Estate group កាលពីថ្ងៃទី ២៥ មករា កន្លងទៅ បានចុះហត្ថលេខាកិច្ចព្រមព្រៀងវិនិយោគ បង្កើតផ្សារទំនើបដ៏ធំមួយឈ្មោះថា Prince Square ដែលនឹងចូលរួមផ្លាស់ប្តូរមុខមាត់ទីក្រុងភ្នំពេញឱ្យកាន់តែទាន់សម័យជាងមុន។ មានទីតាំងស្ថិតនៅក្នុងគម្រោងមជ្ឈមណ្ឌលពាណិជ្ជកម្ម Prince International Plaza ពោលគឺនៅតាមបណ្ដោយផ្លូវសហព័ន្ធរុស្សីជិតភ្នំពេញវ៉តធើផាកចាស់ គម្រោងផ្សារទំនើបនឹងសាងសង់ជាអគារកម្ពស់ ៤ ជាន់ ហើយមានផ្ទៃក្រឡាសរុបជាង ៣៥ ០០០ ម៉ែត្រការ៉េ។ បើយោងតាមរបាយការណ៍របស់ក្រុមហ៊ុន អ្នកជំនាញបានសិក្សាយ៉ាងល្អិតល្អន់ថាទីតាំងនេះ នឹងមានសក្ដានុពលខ្លាំងបំផុត ព្រោះវាជាចំណុចប្រសព្វនៃតំបន់ធំៗ ដូចជា សែន សុខ ទួលគោក និងមានជ័យ និងជាពិសេសគឺ ផ្លូវសហព័ន្ធរុស្សី។ លើសពីនេះ ផ្សារទំនើប Prince Square ក៏នឹងរួមបញ្ចូលនូវ រោងកុនអន្តរជាតិ ក្លឹបហាត់ប្រាណ ភោជនីយដ្ឋានអន្តរជាតិ សួនកម្សាន្តកុមារ និងហាងសម្លៀកបំពាក់ទាន់សម័យជាដើម។ ហើយមកទល់បច្ចុប្បន្ន ផលិតម៉ាកល្បី ៗ ជាង ៥០ ប្រេន គ្រោងនឹងបើកហាងរបស់ពួកគេនៅក្នុងផ្សារទំនើបនេះ។ គួរបញ្ជាក់ផងដែរថា […]
អានបន្ថែម
ការដ្ឋានផ្លូវជាតិលេខ ១០ ពីបាត់ដំបង ទៅកោះកុងសម្រេចបាន ៤៣% ហើយ គ្រោងបញ្ចប់ឆ្នាំ ២០២៣
បន្ទាប់ពីបើកការដ្ឋានអស់រយៈពេលជិត ១២ ខែមក គម្រោងស្ថាបនាផ្លូវជាតិលេខ ១០ តភ្ជាប់ពីខេត្តបាត់ដំបង ទៅកោះកុង សម្រេចបានប្រមាណ ៤៣,៧៥% ហើយ ដោយគ្រោងបញ្ចប់ឆ្នាំ ២០២៣ ខាងមុខ។ នេះបើយោងតាមការចុះត្រួតពិនិត្យរបស់ ឯកឧត្តម បុង ប៊ុនហួន រដ្ឋលេខាធិការក្រសួងសាធារណការ និងដឹកជញ្ជូន និងក្រុមការងារបច្ចេកទេស កាលពីថ្ងៃទី២៤ ខែមករា ឆ្នាំ២០២១។ ក្នុងកិច្ចត្រួតពិនិត្យនេះ ឯកឧត្តមក៏បានក្រើនរំឭកដល់ក្រុមហ៊ុនសាងសង់ CRBC និងក្រុមហ៊ុនទីប្រឹក្សាបច្ចេកទេស WACC ឱ្យបន្តយកចិត្តទុកដាក់លើកិច្ចការងារសាងសង់ឱ្យមានប្រសិទ្ធភាព និងស្របតាមស្តង់ដារបច្ចេកទេសត្រឹមត្រូវផងដែរ។ គួរបញ្ជាក់ផងដែរថា ផ្លូវជាតិលេខ ១០ នេះ មានប្រវែងសរុបប្រមាណ ១៩៩ គីឡូម៉ែត្រ តភ្ជាប់ពីស្រុកសំឡូតក្នុងខេត្តបាត់ដំបង កាត់ចុះតាមស្រុកវាលវែង នៃខេត្តពោធិ៍សាត់ និងខេត្តកោះកុង ដែលសាងសង់ឡើងក្រោមទំហំវិនិយោគប្រមាណ ១៨៨ លានដុល្លារ ជាជំនួយពីប្រទេសចិន និង ថវិកាបដិភាគពីរាជរដ្ឋាភិបាល។ ផ្លូវមួយខ្សែនេះ បានប្រកាសបើកការដ្ឋានសាងសង់កាលពីថ្ងៃទី០៩ ខែមីនា ឆ្នាំ២០២០ កន្លងមកនេះ ហើយគ្រោងបញ្ចប់ជាស្ថាពរ នៅឆ្នាំ២០២៣ (ចំណាយពេល […]
អានបន្ថែម