ប្រធានក្រុមហ៊ុនNagaCorp ៖ NagaWorld ដំណើរការដោយរលូនទោះព្រឹត្តិការណ៍កូវីដនៅមិនទាន់ស្ងប់ក្ដី
កាស៊ីណូយក្សណាហ្គាវើល នៅតែបើកដំណើរការពេញលេញជាធម្មតា ទោះបីមានការការរីករាលដាលនៃមេរោគកូវីដពីព្រឹត្តិការណ៍ ២៨ វិច្ឆិកា នៅមិនទាន់ស្ងប់ក្ដី។ នេះបើយោងតាមលោក Tim McNally ប្រធានក្រុមហ៊ុន NagaCorp។ លោក Tim McNally បានប្រាប់សារព័ត៌មាន GGRAsia ដែលចុះផ្សាយកាលពីថ្ងៃទី ១៤ ធ្នូ នេះថា ណាហ្គាវើលគឺដំណើរការពេញលេញ ហើយកាស៊ីណូរបស់លោកបានធ្វើការកែសម្រួលការធ្វើការងារយ៉ាងមានប្រសិទ្ធិភាព តាមការណែនាំរបស់របស់រដ្ឋាភិបាល ដើម្បីទប់ស្កាត់នឹងការរីករាតត្បាតនៃមេរោគកូវីដ១៩។ លោកបញ្ជាក់ថា៖ «កូវីដ១៩ ធ្វើឲ្យមានការធ្លាក់ចុះយ៉ាងគំហុកនៃភ្ញៀវបរទេសចាប់តាំងពីខែមីនា មកម្ល៉េះ ដូច្នេះបច្ចុប្បន្ន អាជីវកម្មរបស់យើងគឺ ពឹងផ្អែកយ៉ាងខ្លាំងលើទីផ្សារក្នុងស្រុក។ ដោយសារអតិថិជនក្នុងស្រុករបស់យើងនៅតែមានភាពរឹងមាំ ទើបធ្វើឲ្យអាជីវកម្មនៅតែមានភាពជោគជ័យ»។ យ៉ាងណាក្ដី លោក McNally នៅតែមានសុទិដ្ឋិនិយមថាអាជីវកម្មទេសចរណ៏ និងកាស៊ីណូនឹងស្ទុះឡើងវិញនៅឆ្នាំ ២០២១ ដោយសារការចាក់វ៉ាក់សាំងគឺកំពុងចាប់ផ្តើមហើយ។ រូបភាព៖ GGRAsia
អានបន្ថែម
ក្រុមហ៊ុនម៉ាឡេស៊ីទទួលការងារបុកគ្រឹះគម្រោងមជ្ឈមណ្ឌលកម្សាន្តចម្រុះដ៏ធំមួយនៅភ្នំពេញ
ក្រុមហ៊ុនម៉ាឡេស៊ី Econpile កាលពីថ្ងៃទី ១៤ ធ្នូ កន្លងមកនេះ បានប្រកាសថាខ្លួនបានទទួលកិច្ចសន្យាការងារតម្លៃ ៨៥,៧ លានដុល្លារ ដើម្បីធ្វើការងារបុកគ្រឹះ និងផ្នែកខ្លះនៃគ្រឿងបង្គុំ នៃគម្រោងមជ្ឈមណ្ឌលកម្សាន្តចម្រុះដ៏ធំមួយនៅទីក្រុងភ្នំពេញ។ សេចក្ដីប្រកាសរបស់ក្រុមហ៊ុន មិនបានបញ្ជាក់ឈ្មោះនៃគម្រោងមជ្ឈមណ្ឌលកម្សាន្តចម្រុះនេះទេ តែគ្រាន់តែបញ្ជាក់ថា ទទួលកិច្ចសន្យារងនេះពី ក្រុមហ៊ុន MCC International Incorporation Ltd. ដែលជាក្រុមហ៊ុនចិន។ ប្រភពដដែលបានឲ្យដឹងថា ការងារបុកគ្រឹះនេះនឹងចាប់ផ្ដើមក្រោយមានការជួនដំណឹងពីក្រុមហ៊ុន MCC International Incorporation Ltd. ហើយនឹងបញ្ចប់ក្នុងរយៈពេល ៣០ ខែ។ គួរបញ្ជាក់ផងដែរ បើនិយាយពីគម្រោងមជ្ឈមណ្ឌលកម្សាន្តចម្រុះ ឬ Integrated Entertainment Complex នៅទីក្រុងភ្នំពេញ គម្រោងដែលកំពុងតែនៅក្នុងផែនការអាចជាគម្រោង Naga ទី៣។
អានបន្ថែម
វិភាគ៖ តើការទិញអចលនទ្រព្យតែងតែប្រសើរជាងការជួលមែនឬទេ?
មនុស្សភាគច្រើនតែងយល់ថាការជួលអចលនទ្រព្យ ឬជួលផ្ទះគេនៅ គឺជាការខ្ជះខ្ជាយលុយ ព្រោះត្រូវបង់ថ្លៃជួលចោលជារៀងរាល់ខែ។ ជាជាងបង់ថ្លៃជួលឱ្យទៅម្ចាស់ផ្ទះ ហេតុអ្វីមិនបង់រំលស់ទិញផ្ទះផ្ទាល់ខ្លួនវិញ ហើយទៅអនាគតនឹងនៅសល់ទ្រព្យផ្ទាល់ខ្លួន? ការលើកឡើងនេះមិនពិតទាំងស្រុងទេ ក្នុងករណីខ្លះការជួលអាចនឹងចំណេញច្រើនជាងការទិញ ក៏ថាបាន។ តើហេតុអ្វី? យោងទៅការវិភាគរបស់ក្រុមហ៊ុន Fidelity ដែលជាក្រុមហ៊ុនវិភាគ និងរៀបចំផែនការហិរញ្ញវត្ថុដ៏ល្បីល្បាញមួយនៅប្រទេសអាមេរិក ការទិញ និងការជួល គឺអាចចំណេញដូចគ្នា ដូច្នេះជម្រើសគឺអាស្រ័យទៅលើស្ថានភាពហិរញ្ញវត្ថុ និងបែបផែនជីវិតរបស់បុគ្គលម្នាក់ៗ។ ប៉ុន្តែទាំងនេះគឺចំណុចសំខាន់ៗដែលត្រូវពិចារណាមុនពេលសម្រេចចិត្តជួល ឬទិញអចលនទ្រព្យ៖ ការទិញគឺការចំណាយដ៏ធំ អ្នកទិញភាគច្រើន ខ្វល់តែរឿងរក ៣០% មកបង់ជាមួយអ្នកអភិវឌ្ឍ ដើម្បីសុំកម្ចីពីធនាគារឱ្យបាន។ ពួកគេមិនសូវគិតដិតដល់ទេ ថាការទិញលក់អចលនទ្រព្យ មានចំណាយផ្សេងៗជាច្រើនទៀត ដូចជា ពន្ធប្រថាប់ត្រា ពន្ធអចលនទ្រព្យ ការប្រាក់កម្ចីធនាគារ ថ្លៃសេវាកម្មឈ្មួញកណ្តាល ថ្លៃសេវាធនាគារ ថ្លៃវាយតម្លៃអចលនទ្រព្យ ថ្លៃមេធាវី ថ្លៃកាត់ប្លង់ ថ្លៃធានារ៉ាប់រង និងជាពិសេសថ្លៃមើលថែទាំផ្ទះ។ នៅកម្ពុជាករណីភាគច្រើន អ្នកទិញត្រូវបង់ដំបូងយ៉ាងហោច ៣០% នៃថ្លៃផ្ទះឱ្យទៅម្ចាស់គម្រោងទើបអាចសុំកម្ចីបាន ហើយសម្រាប់អត្រាការប្រាក់ជាធម្យមគឺប្រមាណពី ៧-៨% ក្នុងមួយឆ្នាំ។ ទន្ទឹមនឹងនេះ ថ្លៃសេវាធនាគារគឺ ប្រមាណពី១ ទៅ ២% ដោយឡែកពន្ធប្រថាប់ត្រា […]
អានបន្ថែម
អ្នកជំនាញ៖ គម្រោងហេដ្ឋារចនាសម្ព័ន្ធធំៗ នឹងងាកទៅរកការអភិវឌ្ឍបៃតងនៅឆ្នាំក្រោយ
ក្រុមហ៊ុនអភិវឌ្ឍយក្សរួមមាន ក្រុមហ៊ុនបារាំង Vinci ក្រុមហ៊ុនអេស្ប៉ាញ Ferrovial និងក្រុមហ៊ុន ACS នឹងងាកទៅរកការអភិវឌ្ឍចីរភាព ដោយអភិវឌ្ឍន៍លើគម្រោងហេដ្ឋារចនាសម្ព័ន្ធបៃតង និងថាមពលប្រើប្រាស់ឡើងវិញ ខណៈរដ្ឋាភិបាលប្រទេសទាំងនេះកំពុងព្យាយាមកាត់បន្ថយឧស្ម័នពុល និងរក្សាកំណើនសេដ្ឋកិច្ចប្រទេសរៀងៗខ្លួន។ នេះបើយោងទៅតាម ការវិភាគរបស់ក្រុមហ៊ុន Fitch Solutions ចេញផ្សាយលើគេហទំព័រ Global Construction Review កាលពីថ្ងៃទី ១៤ ធ្នូ កន្លងទៅ។ ក្នុងពេលពិភពលោកកំពុងជួបនឹងវិបត្តិកូវីដ ១៩ គម្រោងព្រលានយន្តហោះតម្លៃរាប់ពាន់លានដុល្លានៅលើពិភពលោកត្រូវបានផ្អាកការសាងសង់មួយរយៈ គួបផ្សំជាមួយនឹងចំនួនអ្នកហោះហើរធ្លាក់ចុះប្រមាណ ៦០% ទៅ ៧០% ក្នុងឆ្នាំនេះ ក្រុមហ៊ុនអភិវឌ្ឍព្រលានយន្តហោះ Vinci និង Ferrovial សម្រេចឈប់វិនិយោគលើគម្រោងទាំងនេះវិញ។ យ៉ាងណាមិញ ក្រុមហ៊ុន Fitch ក៏បានវិភាគថា ការវិនិយោគលើវិស័យប្រើប្រាស់ឡើងវិញ មិនត្រឹមតែជាវិធិសាស្ត្រល្អបំផុតក្នុងការជួយស្រោចស្រង់សេដ្ឋកិច្ចប្រទេសឡើងវិញប៉ុណ្ណោះទេ ថែមទាំងជាការអភិវឌ្ឍស្របតាមគោលការរបស់រដ្ឋាភិបាលក្នុងការកាត់បន្ថយឧស្ម័នពុលថែមទៀតផង។ ថាមពលប្រើប្រាស់ឡើងវិញរួមមាន ថាមពលពន្លឺព្រះអាទិត្យ ខ្យល់ អ៊ីដ្រូសែន និងថាមពលដទៃទៀតជាដើម។ បច្ចុប្បន្ន បារាំង យកតំបន់ឯនាយឆ្នេរ Normandy ធ្វើជាកសិដ្ឋានសម្រាប់ផលិតថាមពលអគ្គីសនីដើរដោយខ្យល់អានុភាព 1GW […]
អានបន្ថែម
រូងក្រោមដីចំនួន ៧៥ កន្លែងនៃផ្លូវរថភ្លើងភ្ជាប់ពីឡាវ – ចិន បញ្ចប់ការសាងសង់ហើយ
គម្រោងផ្លូវរូងក្រោមដីដ៏ធំសម្បើមចំនួន ៧៥ កន្លែងនៃខ្សែផ្លូវរថភ្លើងតភ្ជាប់ពីឡាវ ទៅ ចិន ប្រវែងប្រមាណ ៤១៤ គ.ម បានបញ្ចប់ការដ្ឋានសាងសង់ហើយ។ នេះបើយោងតាម ក្រុមហ៊ុនអភិវឌ្ឍន៍ Laos-China Railway Company (LCRC) កាលពីពេលថ្មីៗនេះ។ គម្រោងផ្លូវរថភ្លើងតភ្ជាប់ពីឡាវ ទៅ ចិននេះ គឺជាគម្រោងក៏ធំសម្បើមមួយ ដែលតម្រូវឱ្យមានការសាងសង់ផ្លូវរូងក្រោមដីចំនួន ៧៥ ខ្សែ ឆ្លងកាត់តំបន់ភ្នំ និងព្រៃឈើទាំងក្នុងប្រទេសឡាវ និងចិន។ កំពុងសាងសង់ឡើងក្រោមទុនវិនិយោគជាង ៦ ពាន់លានដុល្លារអាមេរិក ជាងពាក់កណ្តាលនៃផ្លូវរថភ្លើងនេះ ត្រូវសាងសង់ជាផ្លូវក្រោមដី ឬសង់ជាផ្លូវអាកាស ពោលគឺ មានផ្លូវក្រោមដីប្រវែង ១៩៨ គីឡូម៉ែត្រ និងស្ពានផុតពីដីប្រវែង ៦២ គីឡូម៉ែត្រ។ មកទល់បច្ចុប្បន្ន ការងារដែលនៅសេសសល់ រួមមានការបង្ហើយផ្លូវរត់ និងហេដ្ឋារចនាសម្ព័ន្ធផ្សេងៗដូចជាស្ថានីយរថភ្លើងជាដើម។ គម្រោងនេះចាប់ផ្ដើមសាងសង់តាំងពីខែធ្នូឆ្នាំ ២០១៦ មកម្លេះ ហើយគ្រោងនឹងបញ្ចប់ ហើយបើកដំណើរនៅខែធ្នូឆ្នាំ ២០២១ ខាងមុខនេះ។
អានបន្ថែម
រដ្ឋអនុម័តគម្រោងសំណង់ជាង ៤ពាន់គម្រោង តម្លៃ ៦,៤ ពាន់លានដុល្លារ ក្នុងអំឡុង១០ខែនៃឆ្នាំ២០២០
ក្នុងរយៈពេល១០ខែ នៃឆ្នាំ២០២០ រដ្ឋាភិបាលអនុម័តសំណើសុំការសាងសង់សរុបជាង ៤ ពាន់គម្រោង ឬស្មើនឹងមានទំហំវិនិយោគប្រមាណជាង ៦ ៤០០ លានដុល្លារអាមេរិក។ ទំហំទុនវិនិយោគនេះកើនឡើងជាង ១ ពាន់លានបើប្រៀបធៀបនឹង ២ ខែមុន។ យោងតាមរបាយការណ៍ស្តីពីនិន្នាការសេដ្ឋកិច្ចសង្គម នៃក្រសួងសេដ្ឋកិច្ច និងហិរញ្ញវត្ថុ ចាប់ពីខែមករា ដល់ខែតុលា ក្រសួងរៀបចំដែនដី នគរូបនីយកម្ម និងសំណង់ បានសម្រេចលើសំណើសុំការសាងសង់ សរុបទូទាំងប្រទេសមានចំនួន ៤ ០៨០ គម្រោង នៅលើផ្ទៃក្រឡាសាងសងជាង ១៤ លានម៉ែត្រការ៉េ។ គម្រោងដែលកំពុងមានសក្តានុពលនៃការវិនិយោគ រួមមាន៖ គម្រោងវិនិយោគលំនៅឋាន និងភូមិគ្រឹះ មានជាង ៣ ៤០០ គម្រោង សំណង់ពាណិជ្ជកម្ម ៣១១ គម្រោង សំណង់ឧស្សាហកម្ម ១៧២ គម្រោង សំណង់ទេសចរ ៨២ គម្រោង និងសំណង់ផ្សេងៗទៀតមាន ២គម្រោង។ លើសពីនេះ ក្រសួងក៏បានអនុម័តគម្រោងវិនិយោគសាធារណៈចំនួយ ៦៨ គ្រោង ដែលក្នុងនោះ ៤០ […]
អានបន្ថែម
ដី៥ហិកតានៅបឹងកន្សែងខេត្តរតនគិរី នឹងផ្លាស់ប្ដូរមុខមាត់ជាតំបន់ទេសចរណ៍ពហុបំណង
អភិបាលខេត្តរតនគិរី ឯកឧត្តម ថង សាវុន និងក្រុមមន្ត្រីជំនាញ កាលពីថ្មីៗនេះ បានចុះត្រួតពិនិត្យផលប៉ះពាល់គម្រោងកែលម្អអភិវឌ្ឍន៍ហេដ្ឋារចនាសម្ព័ន្ធដីទំហំ ៥ ហិកតា នៅតំបន់បឹងកន្សែង ស្រុកបានលុង ខេត្តរតនគិរី។ ក្នុងដំណើរត្រួតពិនិត្យកាលពីថ្ងៃទី ១៤ ធ្នូ នេះ ឯកឧត្តម បានមានប្រសាសន៍ថា ប្រជាជន ៤៥ គ្រួសារ ដែលត្រូវប៉ះពាល់គម្រោងនេះត្រូវបានយល់ព្រមស្ម័គ្រចិត្ត រុះរើសំណង់ តូប ចេញពីចំណីផ្លូវ ដើម្បីទុកលទ្ធភាពជូនអាជ្ញាធរសាងសង់ហេដ្ឋារចនាសម្ព័ន្ធនៃគម្រោងនេះ។ បើយោងតាមផែនទីគំរូនៃគម្រោង រដ្ឋបាលគ្រោងនឹង ការសាងសង់អគាររដ្ឋបាល និងមហោស្រព សារមន្ទីរ សាលតាំងពិព័ណ៍ ចំណតរថយន្ត ផ្លូវ សម្រាប់ដើរជុំវិញបឹង សួនច្បារ និង កោះសម្រាប់ជាជម្រកសត្វស្លាប នៅកណ្ដាលបឹងផងដែរ។ គួរបញ្ជាក់ផងដែរថា ផ្ទៃដីសរុបនៃតំបន់បឹងកន្សែងនេះ មានផ្ទៃទឹកទំហំប្រមាណជាង ១៩ ហិកតា និងផ្ទៃគោកជាង ៥ ហិកតា ដែលនឹងត្រូវអភិវឌ្ឍន៍ នាពេលឆាប់ៗនេះ។ ថ្មីៗនេះ រដ្ឋបាលខេត្តបានប្រកាសថា នឹងអភិវឌ្ឍន៍រៀបចំកែលម្អរហេដ្ឋារចនាសម្ព័ន្ធ នៅជុំវិញតំបន់បឹងកន្សែងនេះ ឡើងវិញ ដើម្បីទាក់ទាញភ្ញៀវទេសចរណ៍ផងដែរ។
អានបន្ថែម
ហេតុអ្វីបានជាគេនិយមទៅបើកហាងលក់ម្ហូបអាហារនៅFood Court ក្នុងផ្សារទំនើប? ចំណេញខ្លាំងឬយ៉ាងណា?
តូបអាជីវកម្មលក់ម្ហូបអាហារនៅក្នុងផ្សារទំនើប ឬនិយមហៅថា Food Court បាន និងកំពុងក្លាយជានិន្នាការវិនិយោគដែលកំពុងពេញនិយមថ្មីមួយ សម្រាប់ម្ចាស់អាជីវកម្មជាច្រើន។ សង្កេតឃើញថា នៅតាមផ្សារទំនើបនានា Food Court តែងតែមានមនុស្សជាច្រើនជុំៗគ្នាស្ទើគ្រប់ពេល។ តើអ្នកឆ្ងល់ទេថាហេតុអ្វី? Food Court គឺជាទីតាំងមួយក្នុងផ្សារទំនើបដែលបើកឱ្យម្ចាស់អាជីវកម្មបើកហាងលក់ម្ហូបអាហាររួមគ្នាជាច្រើនតូប។ ខុសគ្នាពីភោជនីយដ្ឋានដែលបើកដាច់ៗពីគ្នា Food Court មានអ្នកលក់ច្រើនអ្នកតែនៅកន្លែងតែមួយ និងគ្របគ្រងដោយប្រព័ន្ធតែមួយ។ ដោយសារតែ Food Court ជាទូទៅផ្ដល់សេវាកម្មរហ័ស មានជម្រើសច្រើន និងមានតម្លៃសមរម្យនេះ ទើបធ្វើឱ្យមានមនុស្សជាច្រើនដែលទៅដើរផ្សារទំនើប ហើយមិនចង់ចូលភោជនីយដ្ឋានធំៗ តែងាកមកចូល Food Court វិញ។ កត្តានេះ បានធ្វើឱ្យអាជីវកម្ម Food Court កំពុងរីកដុះដាល់ជាបន្តបន្ទាប់ក្នុងទីផ្សារកម្ពុជា។ លើសពីនេះ ការប្រកបអាជីវកម្ម Food Court គឺជាយុទ្ធសាស្រ្តឈ្នះឈ្នះសម្រាប់គ្រប់ភាគី ដែលពាក់ព័ន្ធ ទាំងអ្នកបើកតូបលក់អាហារផ្ទាល់ ទាំងអ្នកគ្រប់គ្រងFood Court ម្ចាស់ផ្សារទំនើប ។ ទី១ អ្នកបើកតូបលក់អាហារផ្ទាល់ មានភាពងាយស្រួល មិនបាច់ខ្វល់រឿង តុ កៅអី […]
អានបន្ថែម
ការសិក្សាគម្រោងអាកាសយានដ្ឋាននៅមណ្ឌលគីរីគ្រោងនឹងបញ្ចប់នៅដើមឆ្នាំក្រោយ
ការសិក្សាលទ្ធភាពសាងសង់អាកាសយានដ្ឋានខេត្តមណ្ឌលគីរី គ្រោងនឹងបញ្ចប់នៅដើមឆ្នាំក្រោយ ដែលនេះជាការបោះជំហានមួយដ៏ធំសម្រាប់ការតភ្ជាប់ខេត្តភាគឦសាន ជាមួយនឹងខេត្តផ្សេងៗក្នុងប្រទេស។ លោក ស៊ិន ចាន់សេរីវុត្ថា អ្នកនាំពាក្យលេខាធិការដ្ឋានអាកាសចរណ៍ស៊ីវិល បានឱ្យដឹងថា បច្ចុប្បន្ន ការសិក្សានេះកំពុងពិនិត្យមើលទៅលើការសិក្សាផលប៉ះពាល់សង្គម និងបរិស្ថាន។ លោកថ្លែងថា៖ «យើងកំពុងតែសិក្សា យើងអត់ទាន់ធ្វើអី្វទាំងអស់ …ជាពិសេសយើងកំពុងពិនិត្យលើលទ្ធភាពសេដ្ឋកិច្ច និងហិរញ្ញវត្ថុ តើយើងត្រូវអនុវត្តយ៉ាងម៉េច។ សិក្សាចប់ បានយកមក ដាក់គណៈកម្មការប្រជុំ ថាតើត្រូវធ្វើអ្វីទៀត»។ លោកបន្តថា៖ “យើងអត់ទាន់មានការជ្រើសរើស អ្នកអភិវឌ្ឍន៍នៅឡើយទេ ព្រោះយើងកំពុងសិក្សា ហើយការសិក្សា ខែមករាហ្នឹង គឺចប់ហើយ”។ លោកបញ្ជាក់បន្ថែមថា រដ្ឋលេខាធិការដ្ឋានអាកាសចរណ៍ស៊ីវិល ជាអ្នកសិក្សា ប៉ុន្តែការសម្រេចលទ្ធផលសិក្សាគឺខាងអន្តរក្រសួងជាអ្នកសម្រេច។ គម្រោងសាងសង់ព្រលានយន្តហោះនេះ មានទីតាំងស្ថិតក្នុងស្រុកអូរាំង ខេត្តមណ្ឌលគីរី ហើយគោលបំណងនៃការសាងសង់ព្រលាននេះ គឺដើម្បីជំរុញការអភិវឌ្ឍន៍វិស័យទេសចរណ៍ កសិឧស្សាហកម្ម កសិទេសចរណ៍ ជាពិសេសគឺការតភ្ជាប់ខេត្តភាគឦសាន ជាមួយនឹងខេត្តផ្សេងៗក្នុងប្រទេស។ ក្រៅពីគម្រោងព្រលានយន្តហោះ រដ្ឋាភិបាលក៏មានគម្រោងចង់ផ្លាស់ប្តូរខេត្តមណ្ឌលគីរីទៅជាគោលដៅទេសចរណ៍អន្តរជាតិ។ ផែនការមេ ឆ្នាំ២០២០-២០៣៥ នឹងបញ្ចប់នៅចុងឆ្នាំ២០២០នេះ ហើយគ្រោងដាក់ឆ្លងរាជរដ្ឋាភិបាលនៅដើមឆ្នាំក្រោយ។ (អានបន្ថែម) ក្នុងផែនការមេទាំងមូលរួមមានការអភិវឌ្ឍជាច្រើនកន្លែង ដែលក្នុងនោះក្រុងសែនមនោរម្យ នឹងត្រូវអភិវឌ្ឍ ទៅជាទីក្រុងពហុបំណង ដែលមានសកម្មភាពកម្សាន្តផ្សេងៗមានលក្ខណៈសម្បូរបែប។ លើសពីនេះ […]
អានបន្ថែម
ក្រសួងមានផែនការចង់សាងសង់រថភ្លើងតភ្ជាប់ពីទីក្រុងភ្នំពេញទៅព្រលានយន្តហោះថ្មី
ក្រសួងសាធារណៈការ និងដឹកជញ្ជូន មានផែនការចង់សិក្សាលទ្ធភាពសាងសង់ផ្លូវរថភ្លើងតភ្ជាប់ពីរាជធានីភ្នំពេញ ទៅកាន់ព្រលានយន្តហោះភ្នំពេញថ្មីនៅខេត្តកណ្តាល ដើម្បីជួយសម្រួលដល់ការធ្វើដំណើរទៅមក ដោយមិនចាំបាច់ស្ទះចរាចរណ៍។ ឯកឧត្តម លី បូរិន អនុរដ្ឋលេខាធិការនៃក្រសួងសាធារណការ និងដឹកជញ្ជូន បានប្រាប់ទស្សនាវដ្ដីសំណង់ និងអចលនទ្រព្យកាលពីថ្មីៗនេះថា ក្រសួងបានត្រៀមផែនការនេះរួចហើយ តែមិនទាន់មានការពិភាក្សាគ្នាជាមួយក្រុមហ៊ុនឯកជននៅឡើយទេ។ ឯកឧត្តម ថ្លែងថា៖ «នេះជាការត្រៀមទុករបស់ឯកឧត្តមទេសរដ្ឋមន្រ្តី (ស៊ុន ចាន់ថុល)…កាលណាគេធ្វើព្រលានយន្តហោះជិតហើយទៅ យើងនឹង Design ចូលទៅយ៉ាងមិច អីយ៉ាងមិច…[យើងនឹងគិតបន្តទៀត]»។ ដោយសារគម្រោងព្រលានយន្តហោះថ្មីនឹងសាងសង់រួចជាស្ថាពរ នៅឆ្នាំ២០២៣ ដែលនៅសល់ពេលយូរទៀត ក្រសួងនៅមិនទាន់បង្ហាញព័ត៌មានលម្អិតអ្វីជាក់លាក់ទេ តែនឹងបន្តសិក្សា។ ទាក់ទិននឹងការធ្វើដំណើរទៅមកព្រលានថ្មីនេះ ក្រុមហ៊ុន OCIC ក៏មានផែនការចង់សាងសង់ផ្លូវល្បឿនលឿនពីព្រលានថ្មីមករាជធានីភ្នំពេញដែរ។ បើយោងតាមអ្នកនាំពាក្យរដ្ឋលេខាធិការអាកាសចរណ៍ស៊ីវិល ឯកឧត្តម ស៊ិន ចាន់សេរីវុត្ថា គម្រោងនេះគឺជាគម្រោងដាច់ដោយឡែកពីគម្រោងសាងសង់ព្រលានរបស់ OCIC។ (អានបន្ថែម) គួរបញ្ជាក់ផងដែរថា គម្រោងព្រលានយន្តភ្នំពេញថ្មីនេះ គឺជាគម្រោងខ្នាតយក្សតម្លៃជាង ១,៥ ពាន់លានដុល្លារ។ គិតមកត្រឹមខែមេសា គម្រោងនេះសម្រេចការសាងសង់បានប្រមាណ ៣០% ហើយសម្រាប់ដំណាក់កាលទី១ ហើយគ្រោងនឹងបញ្ចប់ក្នុងឆ្នាំ ២០២៣ នេះ។ (អានបន្ថែម)
អានបន្ថែម
ការថមថយនៃវិស័យអចលនទ្រព្យនៅតែជាកង្វល់របស់ADB ទោះសេដ្ឋកិច្ចអាចកើនឡើង៥,៤% នៅឆ្នាំ ២០២១ ក្ដី
របាយការណ៍ព្យាករណ៍ក្នុងខែធ្នូរបស់ធនាគារអភិវឌ្ឍន៍អាស៊ី (ADB) បានបង្ហាញថា កំណើនសេដ្ឋកិច្ចកម្ពុជាគឺនៅតែថយចុះ -៤% ដដែលសម្រាប់ឆ្នាំ ២០២០ តែអាចនឹងស្ទុះឡើងវិញទៅ ៥,៤% ក្នុងឆ្នាំ ២០២១ ។ ទោះយ៉ាងណា ការថមថយនៃវិស័យសំណង់ និងអចលនទ្រព្យនៅតែជាកង្វល់មួយ ក្នុងចំណោមហានិភ័យផ្សេងៗទៀតដែលADB បានលើកឡើង។ ការព្យាករណ៍ខែធ្នូនេះ គឺនៅដដែលបើប្រៀបធៀបទៅនឹងការព្យាករណ៍កាលពីខែកញ្ញា របស់ស្ថាប័ននេះ។ ADB ក៏បានលើកឡើងទៀតថា ប្រទេសកម្ពុជាកំពុងធ្វើពិពិធកម្មសមត្ថភាពនាំចេញរបស់ខ្លួន ដែលនេះជាគន្លឹះសម្រាប់កំណើនសេដ្ឋកិច្ចនាពេលអនាគត។ ជាងនេះទៅទៀត កំណើនសេដ្ឋកិច្ចរបស់ប្រទេសកម្ពុជា គឺនឹងពឹងផ្អែកយ៉ាងខ្លាំងលើការបើកចំហពាណិជ្ជកម្ម និងការវិនិយោគ។ លោក David Freedman សេដ្ឋវិទូប្រចាំប្រទេសរបស់ ADB ប្រចាំប្រទេសកម្ពុជា ក៏បានចង្អុលបង្ហាញថា ទោះបីមានការព្យាករណ៍វិជ្ជមាននៅឆ្នាំ ២០២១ ក៏ដោយ ហានិភ័យក៏នៅតែមាន។ ដកស្រង់សំដីចេញពីកាសែតខ្មែរថាមស៍ លោកបានឱ្យដឹងថា ហានិភ័យទាំងនោះរួមមានការងើបឡើងវិញយឺតនៃតម្រូវការទេសចរណ៍ និងតម្រូវការអ្នកប្រើប្រាស់ ការធ្លាក់ចុះនៃវិស័យសំណង់និងអចលនទ្រព្យ ការកើនឡើងនូវភាពក្រីក្រ បំណុលគ្រួសារ កង្វះជំនាញ និងហានិភ័យមួយចំនួនទៀតដែលបណ្តាលមកពីការប្រែប្រួលអាកាសធាតុ។
អានបន្ថែម
រដ្ឋបញ្ជាឱ្យឈប់បូមខ្សាច់សិន ហើយត្រូវសិក្សាផលប៉ះពាល់បរិស្ថានរបស់គម្រោងឆ្នេរសិប្បនិមិត្តថ្មីនៅកំពតឡើងវិញ
រដ្ឋបាលខេត្តកំពត បានស្នើឱ្យក្រុមហ៊ុនសិក្សាផលប៉ះពាល់បរិស្ថានឡើងវិញសម្រាប់គម្រោងឆ្នេរសិប្បនិមិត្តថ្មីនៅខេត្តកំពត។ ក្នុងដំណាក់នេះ ក្រុមហ៊ុនត្រូវបញ្ឈប់ការបូមខ្សាច់សិន ហើយត្រូវពិនិត្យលើការជីកផ្លូវទូកម្ដងទៀត ព្រោះអាចធ្វើឱ្យប៉ះពាល់ដល់បរិស្ថានផងដែរ។ ឯកឧត្តម ជាវ តាយ អភិបាលខេត្តកំពត បានឱ្យដឹងក្នុងពេលចុះពិនិត្យការដ្ឋានរបស់ក្រុមហ៊ុន IGB Cambodia Co, Ltd ថា សកម្មភាពជីកឃ្លងផ្លូវទូក និងការបូមខ្សាច់ចេញពីសមុទ្រអាចនឹងប៉ះពាល់ដល់ជិវិតដើមកោងកាង និងជីវៈចម្រុះដទៃទៀត ដោយសារការជីកឃ្លងផ្លូវទូកមានទំហំធំ និងជម្រៅរហូតដល់ ៤ ម៉ែត្រ។ ដូច្នេះខាងរដ្ឋបាលខេត្ត បានស្នើឱ្យក្រុមហ៊ុនត្រូវរកវិធីជីកឃ្លងផ្លូវទូកថ្មី ដែលមិនប៉ះពាល់ដល់ប្រព័ន្ធលំហូរទឹក។ ដោយឡែក ទាក់ទិននឹងសកម្មភាពបូមខ្សាច់ចេញពីបាតសមុទ្រ ក្រុមហ៊ុនគឺត្រូវផ្អាកសកម្មភាពសិន ព្រោះមិនទាន់មានការសិក្សាច្បាស់លាស់ និងត្រូវទៅតាមបទដ្ឋាននៅឡើយ។ ឯកឧត្តមបានមានប្រសាសន៍ថា៖ «ពាក់ព័ន្ធនឹងការវិនិយោគនៅកន្លែងឆ្នេរតេជោសែននេះ ក្រុមហ៊ុនកំពុងចាក់ដីបំពេញតាមលក្ខខណ្ឌ គឺកំពុងដំណើរការ។ ហើយខាងរដ្ឋបាលខេត្តបានចុះទៅពិនិត្យមើលគឺទើបតែបាន ប្រមាណ ៦០% ទៅ ៧០% ប៉ុណ្ណោះ ហើយរដ្ឋបាលខេត្តកំពុងជំរុញឱ្យការអភិវឌ្ឍនោះបានលឿន ដើម្បីបម្រើដល់វិស័យទេសចរណ៍នៅពេលខាងមុខនេះ »។ គួរបញ្ជាក់ផងដែរថា គម្រោងឆ្នេរខ្សាច់សិប្បនិមិ្មតទំហំ ២៣៤ហិកតា នេះ មានទីតាំងនៅលើរមណីយដ្ឋានឆ្នេរមាសតេជោសែន ស្ថិតនៅភូមិទទឹងថ្ងៃ និងភូមិកែបថ្មី ឃុំបឹងទូក ស្រុកទឹកឈូ។ (អានបន្ថែម)
អានបន្ថែម