ក្រុមហ៊ុនបារាំងនឹងមកជួយសម្របសម្រួលការផ្គត់ផ្គង់អគ្គីសនីនៅភ្នំពេញ
ក្រុមហ៊ុនបារាំង MAN PrimeServ បានចុះហត្ថលេខាយល់ព្រមផ្ដល់សេវាសម្របសម្រួលការផ្គត់ផ្គង់អគ្គីសនីពីរោងចក្រថាមពល ២០០ មេហ្គាវ៉ាត់នៅជាយក្រុង មកទីក្រុងភ្នំពេញ រយៈពេល៥ ឆ្នាំ។ នេះបើយោងតាមគេហទំព័រ Power Engineering កាលពីសប្ដាហ៍មុន។ កិច្ចសន្យានេះ ត្រូវបានចុះរវាង ក្រុមហ៊ុនបារាំង MAN PrimeServ និងក្រុមហ៊ុន O&M company SchneiTec ដែលជាក្រុមហ៊ុនទទួលខុសត្រូវលើគម្រោងរោងចក្រថាមពល C7 របស់អគ្គីសនីកម្ពុជា (EDC)។ ក្រុមហ៊ុនបារាំងមួយនេះ នឹងផ្គត់ផ្គង់គ្រឿងបន្លាស់លើគម្រោងរោងចក្រថាមពលនេះ ក៏ដូចជាផ្ដល់សេវាកម្មអ្នកជំនាញ និងដំណោះស្រាយឌីជីថល ក្នុងគោលបំណងធ្វើឱ្យការផ្គត់ផ្គត់អគ្គីសនីពីរោងចក្រ មកទីក្រុងភ្នំពេញ ដំណើរដោយមិនរអាក់រអួល។ លើសពីនេះ ប្រតិបត្តិការម៉ាស៊ីនភ្លើង នឹងគ្រប់គ្រងដោយអ្នកជំនាញបច្ចេកទេស ២៤ម៉ោងក្នុងមួយថ្ងៃ និងពេញមួយសប្ដាហ៍ ហើយក្រុមការងារជូនដំណឹងជាបន្ទាន់ក្នុងករណីដែលម៉ាស៊ីនដំណើរការខុសប្រក្រតី។ គួរបញ្ជាក់ផងដែរថា កាលពីខែ កញ្ញា កន្លងទៅ ក្រុមហ៊ុនបច្ចេកវិទ្យាប្រទេសហ្វាំងឡង់ Wärtsilä ក៏បានចុះហត្ថលេខាជាមួយនឹងអគ្គីសនីកម្ពុជា (EDC) លើគម្រោងរោងចក្រថាមពល C7 ស្ថិតនៅទីក្រុងភ្នំពេញ ដោយធានាផ្គត់ផ្គង់ថាមពលអគ្គីសនីនៅកម្ពុជាសម្រាប់រយៈពេល ៥ ឆ្នាំ ផងដែរ។ (អានបន្ថែម)
អានបន្ថែម
NagaCorp បោះទុន ៣៥០លានដុល្លារសាងសង់រមណីយដ្ឋាន នៅលើទឹកដីសៀមរាប
ក្រុមហ៊ុន NagaCorp ដែលជាម្ចាស់កាស៊ីណូ NagaWorld នៅរាជធានីភ្នំពេញ បានបង្ហាញច្បាស់ថានឹងបង្កើតរមណីយដ្ឋានមិនមែនកាស៊ីណូលំដាប់អន្តរជាតិនៅខេត្តសៀមរាប ក្រោមទុនវិនិយោគ ៣៥០លានដុល្លារ។ យោងតាមសេចក្តីប្រកាសព័ត៌មានរបស់ក្រុមហ៊ុនណាហ្គា ចេញផ្សាយកាលពីថ្មីៗនេះ ក្រុមហ៊ុននឹងបោះទុនប្រមាណ ៣៥០លានដុល្លារ សាងសង់រមណីយដ្ឋានឈ្មោះថា Angkor Lake of Wonder នៅលើផ្ទៃដីប្រមាណ ៧៥ហិកតា។ គម្រោងនេះ ស្ថិតនៅខាងត្បូងក្រៅតំបន់ហាមឃាត់នៃតំបន់ប្រាសាទអង្គរវត្ត ដោយក្រុមហ៊ុនបានចុះកុងត្រាជាមួយក្រុមហ៊ុនស្ថាបត្យកម្មមកពីសហរដ្ឋអាមេរិកចំនួន ២ ក្រុមហ៊ុនរួចហើយ។ យោងតាមប្រភពដដែល Angkor Lake of Wonder នឹងរួមមាន សណ្ឋាគារ ឧទ្យានទឹក កន្លែងជិះទុកកម្សាន្ត សាលសម្រាប់ប្រជុំ សាលតាំងពិព័រណ វប្បធម៌ អាហារដ្ឋាន និងទីកន្លែងសាធារណៈជាច្រើនទៀត។ ក្រុមហ៊ុន NagaCorp និយាយថា ការអភិវឌ្ឍរមណីដ្ឋានលំដាប់អន្តរជាតិនេះ នឹងត្រូវបញ្ចប់នៅត្រឹមឆ្នាំ២០២៥។ លើសពីនេះ ក្រុមហ៊ុនបានឱ្យដឹងថាការអភិវឌ្ឍរមណីយដ្ឋាននេះ នឹងបម្រើដល់គោលបំណងជាច្រើន ដូចជាការជំរុញចំនួនភ្ញៀវទេសចរជាដើម។
អានបន្ថែម
វីឡាលើអាកាសដំបូងបង្អស់នឹងមានវត្តមាននៅតាមដងទន្លេមេគង្គក្បែរកោះពេជ្រ ឆាប់ៗនេះ
គម្រោង MORGAN ENMAISON GOLDEN SKY ដែលជាគម្រោងវីឡាលើអាកាសលំដាប់ថ្នាក់ពិភពលោកដំបូងគេបង្អស់នៅតំបន់ដងទន្លេមេគង្គ នឹងលេចចេញរូបរាងនាពេលឆាប់ៗនេះ។ គម្រោងនេះ មានទីតាំងស្ថិតនៅជាន់ខាងលើ នៃអាគារទី១ នៃក្រុមហ៊ុន MORGAN ENMAISON ដែលមានកំពស់រហូតដល់ ២១៨ ម៉ែត្រ និងមានត្រឹមតែ ៧០ យូណីតប៉ុណ្ណោះ ពោលគឺសម្រាប់បុគ្គលដែលចង់បានគុណភាពជីវិតលំដាប់ខ្ពស់។ តំបន់អគារ GOLDEN SKY នេះ ជាវីឡា ២ជាន់ដ៏ប្រណីត មានទំហំប្រហែល ៣០០-៧៥០ ម៉ែត្រការ៉េ មានបន្ទប់គេង៣ ទៅ៧ បន្ទប់ ជាពិសេសមានទេសភាពព័ទ្ធជុំវិញដោយទន្លេមេគង្គ៣៦០ ដឺក្រេវីឡា ដោយសមស្របនឹងតម្រូវការរស់នៅ របស់អ្នកទិញផ្ទះលំដាប់ថ្នាក់ខ្ពស់ ។ គម្រោងនេះ ជាប្រភេទលំនៅដ្ឋានឆ្លាតវៃ ដែលរួមបញ្ចូលទៅដោយបច្ចេកវិជ្ជាទំនើប និងមានចំណតឧទ្ធម្ភាគចក្រ កំពង់ផែ អាងហែលទឹកលើអាកាស SKY BAR ក្លឹប បន្ទប់ទទួលភ្ញៀវមានច្រកចូលដ៏ប្រណិត ជណ្តើរយន្តឯកជន ទៅកាន់បន្ទប់ដោយ ផ្ទាល់ និងសេវាកម្មបំរើ ២៤ ម៉ោងផងដែរ។
អានបន្ថែម
ចិននឹងសាងសង់តំបន់សេដ្ឋកិច្ចពិសេសបៃតងតម្លៃមួយពាន់លានដុល្លារនៅស្វាយរៀង
ក្រុមហ៊ុនចិនគ្រោងនឹងសាងសង់តំបន់សេដ្ឋកិច្ចពិសេសបៃតងទំហំ ៤៥០ហិកតា តម្លៃជាង ១ពាន់លានដុល្លារ នៅក្រុងស្វាយរៀង។ នេះបើយោងតាមសារព័ត៌មាន The Star កាលពីពេលថ្មីៗនេះ។ គម្រោងដ៏ធំសម្បើមនេះ មានទីតាំងស្ថិតនៅប្រមាណ ៤ គីឡូម៉ែត្រពីក្រុងស្វាយរៀង ខាងត្បូងផ្លូវជាតិលេខ១ និងស្ថិតនៅភាគខាងជើងទន្លេវ៉ៃគោ។ កិច្ចព្រមព្រៀងជាដៃគូយុទ្ធសាស្ត្រក្នុងការអភិវឌ្ឍគម្រោងនេះ ត្រូវបានចុះហត្ថលេខាកាលពីថ្ងៃទី ១៣ វិច្ឆិកានេះ រវាងក្រុមហ៊ុនអ្នកអភិវឌ្ឍន៍តំបន់សេដ្ឋកិច្ចពិសេស Qilu និង សមាគមឧស្សាហកម្មការពារបរិស្ថាននៅកម្ពុជា (Epiac)។ កិច្ចព្រមព្រៀងនេះធ្វើឡើង ក្នុងគោលបំណងជួយតម្រង់ទិសឱ្យក្រុមហ៊ុន QiLu ក្នុងការបង្កើតតំបន់សេដ្ឋកិច្ចពិសេសនេះ ក៏ដូចជាស្វាគមន៍វិនិយោគិនបរទេសឱ្យមកវិនិយោគផងដែរ។ ថ្លែងនៅក្នុងពិធីចុះហត្ថលេខានេះ ប្រធានក្រុមហ៊ុន QiLu លោក Xing Baoguo បានមានប្រសាសន៍ថា៖ «តំបន់នេះនឹងត្រូវសាងសង់ជា ៣ដំណាក់កាល។ ដំណាក់កាលទី១ នឹងសាងសង់លើផ្ទៃដី ២១៥ហិកតា ដំណាក់កាលទី២ លើដី ១៤៥ហិកតា និងដំណាក់កាលទី៣ លើដី ៩០ហិកតា។ គម្រោងឧស្សាហកម្មនេះ នឹងត្រូវចែកជា ៦ ផ្នែក រួមមានរោងចក្រសម្លៀកបំពាក់ វាយនភ័ណ្ឌ ផលិតផលឧស្សាហកម្មធុនស្រាល គ្រឿងម៉ាស៊ីន […]
អានបន្ថែម
សមាគមអ្នកជំនាញផ្នែកភ្លើងបំភ្លឺកូរ៉េចូលរួមឧបត្ថមពិព័រណ៍ LED Expo Thailand + Light ASEAN
សមាគមកូរ៉េសម្រាប់ការអភិវឌ្ឍឧស្សាហកម្មភ្លើង ឬ Korean Association for Photonics Industry Development (KAPID) បានចុះហត្ថលេខាក្នុងនាមជាអ្នកឧបត្ថម្ភជាន់ខ្ពស់ ក្នុងកម្មវិធីពិព័រណ៍ LED Expo Thailand + Light ASEAN ដែលនឹងធ្វើឡើងអនឡាញចាប់ពីថ្ងៃទី ១៨ ដល់ថ្ងៃទី ២០ ខែវិច្ឆិកាឆ្នាំ ២០២០ ខាងមុខនេះ។ KAPID គឺសមាគមដែលផ្ដោតសំខាន់ទៅលើទីផ្សារឧស្សាហកម្មបច្ចេកវិទ្យាភ្លើងបំភ្លឺទាំងនៅកូរ៉េ និងប្រទេសជាច្រើនក្នុងតំប់អាស៊ាន។ សមាគមបច្ចុប្បន្ន កំពុងធ្វើការឆ្ពោះទៅគម្រោង Smart Park នៅក្នុងប្រទេសថៃ។ ដោយឡែក ពិព័រណ៍អេពិព័រណ៍ LED Expo Thailand + Light ASEAN គឺជាពិព័រណ៍ធំបំផុតរបស់អាស៊ានស្តីពីបច្ចេកវិទ្យា LED និងដំណោះស្រាយភ្លើងបំភ្លឺ។ កម្មវិធីនេះ ជាវេទិកាទីផ្សារដ៏ល្អមួួយ សម្រាប់ម្ចាស់អាជីវកម្ម ក្នុងការបង្ហាញផលិតផលដែលទាក់ទងអំពូលភ្លើងនិងអំពូល LED របស់ខ្លូន។ កម្មវិធីនេះ នឹងជួយឱ្យអ្នកផ្គត់ផ្គង់ និងអ្នកផលិត LED ទាក់ទងផ្ទាល់ទៅនឹងអ្នកម៉ៅការ ស្ថាបត្យករ […]
អានបន្ថែម
កម្ចីទិញអចលនទ្រព្យ កើនឡើងដល់ ជាង៤ពាន់លានដុលា្លរ ត្រឹម៩ខែឆ្នាំ២០២០
យោងតាមរបាយការណ៍ត្រីមាសទីបីរបស់ការិយាល័យឥណទានកម្ពុជា (CBC) កម្ចីក្នុងវិស័យអចលនទ្រព្យបានកើនដល់ ៤,៦ ពាន់លានដុល្លារ គិតត្រឹមដំណាច់ខែកញ្ញាឆ្នាំ ២០២០ នេះ ដែលកើនឡើងគួរឲ្យកត់សម្គាល់បើធៀបនឹងចុងឆ្នាំ ២០១៩ ដែលមានត្រឹមតែ ៣,៩ ពាន់លានដុល្លារ។ ការកើនឡើងនេះ សឱ្យឃើញថាតម្រូវការទិញផ្ទះ និងអចលនទ្រព្យនៅកម្ពុជា នៅតែបន្តកើនឡើងក្នុងឆ្នាំ២០២០នេះ ទោះបីជាសេដ្ឋកិច្ចកម្ពុជាកំពុងប្រឈមនឹងវិបតិ្ត កូវីដ ១៩ ក្ដី។ របាយការណ៍ដដែល ក៏បានឱ្យដឹងទៀតថា បើរួមបញ្ចូលឥណទានទូទៅសរុបទាំងអស់ គិតត្រឹម៩ខែ ឆ្នាំ២០២០ កម្ចីផ្តល់ដោយគ្រឹះស្ថានធនាគារ និងមីក្រូហិរញ្ញវត្ថុ មានដល់ទៅ ៩,១១ ពាន់លានដុល្លារ។ គួរបញ្ជាក់ផងដែរថា ការកើនឡើងនៃកម្ចីទិញអចលនទ្រព្យ គឺស្របនឹងកំណើនគម្រោងស្នើសុំសាងសង់លំនៅដ្ឋាន។ យោងតាមរបាយការណ៍របស់ក្រសួងសេដ្ឋកិច្ច និងហិរញ្ញវត្ថុ គម្រោងស្នើសុំសាងសង់លំនៅដ្ឋាន ក្នុង៨ ខែដំបូងឆ្នាំ ២០២០ មានចំនួនសរុប ២ ៨១៩ គម្រោង ស្មើនឹង ៨៤ភាគរយ នៃចំនួនគម្រោងសំណង់សរុប ៣ ៣៥០ គម្រោង។ (អានបន្ថែម) ផ្អែកតាមរបាយការណ៍ខាងលើ តម្រូវការលំនៅដ្ឋាននៅកម្ពុជា នៅតែបន្តកើនឡើង បើទោះបីការរីករាលដាលជំងឺកូវីដ១៩ […]
អានបន្ថែម
ពិធីបើកការដ្ឋានផ្លូវ៣៨ខ្សែនៅសៀមរាប នឹងធ្វើឡើងនៅចុងខែវិច្ឆិកានេះ ក្រោយពន្យារពេលមួយរយៈ
ក្រសួងសាធារណការ និងដឹកជញ្ជូន ប្រកាសថាការបើកដ្ឋានសាងសង់ផ្លូវចំនួន៣៨ខ្សែ នៅខេត្តសៀមរាប គ្រោងធ្វើឡើងនៅថ្ងៃទី៣០ ខែវិច្ឆិកានេះ ក្រោយត្រូវបានពន្យាពេលកាលពីពេលថ្មីៗនេះ។ យោងតាម ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងអំពុងពេលចុុះត្រួតពិនិត្យផ្លូវកាលពីថ្ងៃទី១៥ វិច្ឆិកា នេះ ពិធីបើកការដ្ឋាននឹងប្រព្រឹត្តទៅក្រោមអធិបតីយភាពរបស់សម្តេចនាយករដ្ឋមន្រ្តី ហ៊ុន សែន។ ដំបូង ការសាងសង់ផ្លូវ៣៨ខ្សែ គ្រោងបើកការដ្ឋាននៅពាក់កណ្តាលខែវិច្ឆិកានេះ តែត្រូវបានលើកពេលទៅបើកការដ្ឋានដោយសារតែសម្តេច ហ៊ុន សែន នាយករដ្ឋមន្រ្តីនៃកម្ពុជា បានធ្វើចត្តាលីស័ក រយៈពេល១៤ថ្ងៃ ក្រោយសម្តេចជួបជាមួយនឹងរដ្ឋមន្រ្តីការបរទេសរបស់ប្រទេសហុងគ្រី ហើយមន្រ្តីរូបនោះ បរទេសរូបនោះមានជំងឺកូវីដ។ (អានបន្ថែម) គួរបញ្ជាក់ផងដែរថា ផ្លូវក្រុងទាំង ៣៨ខ្សែនេះ មានប្រវែងសរុបប្រមាណជាង ៩៨គម ហើយនឹងត្រូវចំណាយថវិកាប្រមាណ ១៥០លានដុល្លារអាមេរិក ដែលសម្ដេចនាយករដ្ឋមន្ត្រី ហ៊ុន សែន ទើបតែអនុម័តកញ្ចប់ថវិកាកាលពីថ្ងៃទី ៤ កញ្ញា កន្លងមកនេះ។
អានបន្ថែម
ផ្លូវជាតិលេខ៦ ពីចំណុចព្រះរាជដំណាក់ដល់រង្វង់មូលព្រលានយន្តហោះសៀមរាបនឹងពង្រីកជា ៦គន្លង
ផ្លូវជាតិលេខ៦ នៅខេត្តសៀមចាប់ពីចំណុចរង្វង់មូលព្រះរាជដំណាក់រហូតដល់រង្វង់មូលព្រលានយន្តហោះ នឹងត្រូវពង្រីកទៅជា ៦គន្លង នៅពេលឆាប់ៗខាងមុខ ដើម្បីសម្រួលដល់ការធ្វើដំណើររបស់ប្រជាពលរដ្ឋ និងភ្ញៀវទេសចរ។ នេះបើយោងតាមប្រសាសន៍របស់ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ដែលបានថ្លែងក្នុងឱកាសអញ្ជើញចុះពិនិត្យ គម្រោងស្ថាបនាផ្លូវជាតិលេខ៦ នាថ្ងៃ ទី១៥ ខែវិច្ឆិកា នេះ។ ឯកឧត្តមមានប្រសាសន៍ថា៖ «គម្រោងពង្រីកផ្លូវជាតិលេខ៦ នៅខេត្តសៀមរាបនេះ មានប្រវែងសរុប ៦គីឡូម៉ែត្រ… ទ្រូងផ្លូវកណ្តាលសងខាងនេះនឹងលុបវាចេញ ហើយពង្រីកផ្លូវឱ្យបាន ៦គន្លង ៣ទៅ ៣មក ទុកកណ្តាលទ្រូងផ្លូវ ២ម៉ែត្រ និងចិញ្ចើមសងខាង ៣ម៉ែត្រ ទៀត»។ គម្រោងមួយនេះនឹងស្ថាបនានៅពេលឆាប់ៗខាងមុខ ដោយប្រើប្រាស់រយៈពេលវេលាប្រមាណជាង១ឆ្នាំ ជាមួយថវិកាកម្ចីពីធគានាអភិវឌ្ឍអាស៊ី(ADB)។ ឯកឧត្តម ស៊ុន ចាន់ថុល បានបន្ថែមទៀតថា ដោយឡែកផ្លូវចាប់ពីចំណុចរង្វង់មូលព្រលានយន្តហោះទៅកាន់ស្រុកក្រឡាញ់បានធ្វើការអ៊ុតកៅស៊ូប្រភេទបេតុងអាស្វាលរួចរាល់ហើយ ចំណែកឯចាប់ពីស្រុកក្រឡាញ់នៅកាន់ក្រុងសិរីសោភ័ណ ក្រសួងបានចុះហត្ថលេខាជាមួយក្រុមហ៊ុនសាងសង់រួចរាល់ហើយដែរ ដើម្បីអ៊ុតប្រភេទកៅស៊ូប្រភេទបេតុងអាស្វាលដូចគ្នា៕
អានបន្ថែម
តើអចលនទ្រព្យប្រភេទអ្វី ដែលវិនិយោគហើយចំណេញជាងខុនដូ?
អ្នកជំនាញផ្នែកអចលនទ្រព្យ បានបង្ហើបឱ្យដឹងថា ការវិនិយោគលើអគារការិយាល័យសហកម្មសិទ្ធិ ឬ Strata-Title Office ចាត់ទុកថាជាឱកាសវិនិយោគថ្មីមួយប្រភេទទៀត ដែលអាចទទួលបានផលចំណេញច្រើនជាងវិនិយោគលើខុនដូ។ អគារការិយាល័យសហកម្មសិទ្ធិ គឺជាប្រភេទអចលនទ្រព្យថ្មីមួយប្រភេទដែលបុគ្គល ឬក្រុមហ៊ុនអាចទិញយូនីតការិយាល័យនៅក្នុងអគារខ្ពស់ៗផ្ដាច់ជាកម្មសិទ្ធិផ្ទាល់ខ្លួនបាន ពោលគឺដូចទិញខុនដូអញ្ចឹង។ នាយកប្រតិបត្តិក្រុមហ៊ុន Pointer លោក ងួន ឆាយលាង បានឱ្យដឹងថា ទីផ្សារខុនដូនៅកម្ពុជា គឺចាប់ផ្ដើមចង្អៀត ដូច្នេះបើយើងអាចវិនិយោគលើអ្វីផ្សេងបាន គឺយើងអាចចំណេញច្រើន។ លោកបានបន្ថែមថា៖ «បើមើលតាមទីផ្សារ Office ជួលបានថ្លៃជាង ដូចនៅកន្លែងខ្លះយើងអាចទិញ ១ ម៉ែត្រការ៉េ ៣០០០ដុល្លារ តែជួលទៅវិញបាន ១ ម៉ែត្រការ៉េ ២៥ ដុល្លារ អញ្ចឹងបើយើងគុណទៅវាអាចក្នុងរង្វង់ ១០% ក្នុងមួយឆ្នាំ។ ផ្ទុយពីខុនដូ បើខុនដូយើងអាចជួលបានក្នុងរង្វង់ខ្ពស់បំផុត ៨%។ «លើសពីនេះ ផលចំណេញពីការជួល Office គឺបានរយៈពេលវែង ព្រោះអ្នកជួល Office គាត់អត់ដែលជួល ៦ ខែ ឬ ១ ឆ្នាំ ដូចខុនដូទេ ព្រោះគាត់ចង់មាន […]
អានបន្ថែម
សម្តេច ហ៊ុន សែន នឹងបើកសម្ពោធស្ពានស្ទឹងត្រង់-ក្រូចឆ្មារ នៅដើមខែធ្នូខាងមុខនេះ
សម្តេចនាយករដ្ឋមន្រ្តី ហ៊ុន សែន គ្រោងនឹងអញ្ជើញជាអធិបតីភាពបើកសម្ពោធស្ពានឆ្លងកាត់ទន្លេមេគង្គស្ទឹងត្រង់-ក្រូចឆ្មារ នៅថ្ងៃទី០៧ ខែធ្នូ ខាងមុខនេះ។ នេះបើយោងតាមការឱ្យដឹងពីរដ្ឋបាលខេត្តកំពង់ចាម។ អភិបាលខេត្តកំពង់ចាម ឯកឧត្តម អ៊ុន ចាន់ដា បានឱ្យដឹងក្នុងកិច្ចពិនិត្យទីតាំងកាលពី ថ្ងៃទី១៣ ខែវិច្ឆិកា នេះ ថាការសាងសង់ស្ពានគឺជិតសម្រេចបានជាស្ថាពរហើយ ដោយពិធីសម្ពោធនឹងប្រារព្ធឡើងនៅខែធ្នូ។ មានទីតាំងនៅក្នុងឃុំត្រពាំងកក់ ស្រុកស្ទឹងត្រង់ខេត្តកំពង់ចាម ស្ពានស្ទឹងត្រង់ក្រូចឆ្មា មានបណ្តោយប្រវែង ១.១៣១ ម៉ែត្រ ទទឹងប្រវែង ១៣,៥០ ម៉ែត្រ និងចំណាយថវិកាជិត ៥៧លានដុល្លារ ដែលជាហិរញ្ញប្បទានសម្បទានពីរដ្ឋាភិបាលចិន រួមជាមួយថវិកាបដិភាគរបស់រាជរដ្ឋាភិបាលកម្ពុជា។ គម្រោងនេះត្រូវបានបើកការដ្ឋានសាងសង់កាលពីថ្ងៃទី៩ ខែកុម្ភៈ ឆ្នាំ២០១៨ កន្លងទៅនេះ ដោយក្រោយសាងសង់រួច ស្ពាននេះនឹងជួយជំរុញការអភិវឌ្ឍន៏ និងកំណើនសេដ្ឋកិច្ច នៅក្នុងខេត្តកំពង់ចាម ក៏ដូចជាជួយសម្រួលដល់ការធ្វើដំណើរ និងការដឹកជញ្ជូនកសិផល ឬទំនិញផ្សេងៗ៕
អានបន្ថែម
ការបូមប្រេងដំណក់ដំបូងនៅកម្ពុជាអាចនឹងពន្យារពេលទៀតហើយ ដោយសារកូវីដ១៩
ក្រុមហ៊ុន KrisEnergy កាលពីថ្មីៗនេះ បានស្នើសុំរាជរដ្ឋាភិបាលកម្ពុជាដើម្បីពន្យារកាលបរិច្ឆេទផលិតប្រេងនៅប្លុក អេ នៃអណ្ដូងអប្សរា ក្រោយក្រុមហ៊ុនបានយឺតយ៉ាវម្ដងហើយម្ដងទៀតក្នុងការសម្រេចការងារ ដោយសារការរាតត្បាតនៃជំងឺកូវីដ១៩។ នេះបើយោងតាមរបាយការណ៍របស់ក្រុមហ៊ុនចេញផ្សាយកាលពីថ្ងៃទី ១១ វិច្ឆិកា កន្លងមកនេះ។ បើយោងតាមកិច្ចសន្យា ប្រេងតំណក់ដំបូងគួរតែផលិតបានតាំងតែ ខែមិថុនា ឆ្នាំ២០២០ នេះមកម្លេះ តែដោយសារវិបត្តិកូវីដ រដ្ឋាភិបាលបានពន្យារឱ្យទៅថ្ងៃទី ៣១ តុលា។ បន្ទាប់មកទៀត ដោយសារភាពយឺតយ៉ាវនៅតែបន្ត រដ្ឋាភិបាលបានដាក់កំហិតថាបើបូមប្រេងមិនបាននៅខែធ្នូ ២០២០ នេះទេ រដ្ឋអាចនឹងផ្អាកអជ្ញាបណ្ណរុករកប្រេងរបស់ក្រុមហ៊ុននេះ ឬផាកជាពិន័យផ្សេងៗទៀតទេ។ ហើយក្រោយមកទឿត ក៏ត្រូវបានពន្យារម្តងទៀតទៅខែមេសា ឆ្នាំ ២០២១។ ប៉ុន្តែកាលពីថ្មីៗ ក្រុមហ៊ុន KrisEnergy បានស្នើទៅរដ្ឋាភិបាលពន្យារកាលបរិច្ឆេទផុតកំណត់ម្ដងទៀតដោយអះអាងថា មេរោគកូវីដនៅតែប៉ះពាល់ខ្លាំងដល់ប្រតិបត្តិការ។ របាយដដែលក៏បានឱ្យដឹងទៀតថា បើទោះបីជារងប៉ះពាល់ដោយសារជំងឺកូវីដ១៩ ការអភិវឌ្ឍនៅតែបន្ត ដែលមានការដំឡើងស្ថានីយ៍ និងក្បាលអណ្តូងបូមប្រេងរួចរាល់នៅទីតាំងប្លុកអេ។ ការខួងអណ្តូង A-03D បានចាប់ផ្តើមកាលពីថ្ងៃទី ២៩ ខែតុលា។ ចំណែក ការខួងផ្នែកខាងលើនៃអណ្តូងផ្សេងៗទៀត កំពុងដំណើរការចោះ។ លើសពីនេះ ក្បាលបូមប្រេងឆៅ និងនាវាដឹកប្រេងឆៅ ដំឡើងនៅប្រទេសឥណ្ឌូនេស៊ី ក៏បានដឹកជញ្ជូនទៅដល់ទីតាំងស្ថានីយ៍រួចហើយដែរ […]
អានបន្ថែម
ហេតុអ្វីបានជាទីផ្សារអចលនទ្រព្យកម្ពុជាមិនប៉ះពាល់ខ្លាំងពីកូវីដបើធៀបនឹងប្រទេសជិតខាង?
អ្នកជំនាញផ្នែកអចលនទ្រព្យ និងជានាយកប្រតិបត្តិក្រុមហ៊ុន Pointer លោក ងួន ឆាយលាង បានបង្ហើបឱ្យដឹងថា មានកត្ដា៣ សំខាន់ៗ ដែលធ្វើឱ្យទីផ្សារអចលនទ្រព្យនៅកម្ពុជាមិនសូវរងផលប៉ះពាល់ធ្ងន់ធ្ងរពីវិបត្តិកូវីដ បើប្រៀបធៀបនឹងប្រទេសជិតខាង។ កត្តាទី ១ អ្នកអភិវឌ្ឍអចលនទ្រព្យភាគច្រើននៅកម្ពុជាសុទ្ធសឹងតែមានទុនវិនិយោគក្នុងដៃច្រើន ឧទាហរណ៍ដូចជា បូរីប៉េង ហួត និងជីប ម៉ុង ជាដើម។ ដូច្នេះហើយពួកគេ មានទុនគ្រប់គ្រាន់ក្នុងការរក្សាលំនឹងអាជីវកម្ម ដោយនៅតែបន្តសាងសង់គម្រោងដែលកំពុងសាងសង់ ហើយបង្កើតគម្រោងថ្មីៗជាបន្តបន្ទាប់។ ខុសពីអ្នកអភិវឌ្ឍក្រៅប្រទេស ដែលភាគច្រើនសាងសង់គម្រោងនីមួយៗគឺ ពឹងផ្អែកច្រើនទៅលើកម្ចីធនាគារ។ ហើយក្នុងវិបត្តិកូវីដ ដូច្នេះ ធនាគារក៏បានរឹតបណ្តឹងលក្ខខណ្ឌក្នុងការខ្ចី ដែលធ្វើឱ្យចរន្តទីផ្សារមានភាពរអាក់រអួល។ កត្ដាទី ២ អ្នកទិញអចលនទ្រព្យភាគច្រើន ជាពិសេសអ្នកទិញនៅក្នុងបូរីធំៗ គឺមិនសូវទិញដោយប្រើកម្ចីធនាគារប៉ុន្មានទេ ពោលគឺពួកគាត់មានលុយដុំទៅទិញផ្ទះតែម្តង។ ដូច្នេះ ទោះជាកូវីដប៉ះពាល់ដល់វិស័យសេដ្ឋកិច្ច ហើយធ្វើឱ្យគាត់បាត់បង់ចំណូលក្ដី ផ្ទះរបស់គាត់គឺបង់ផ្ដាច់ដោយលុយដុំរួចហើយ ដែលមិនបង្កឱ្យមានបញ្ហាធនាគាររឹបអូសផ្ទះដូចនៅប្រទេសផ្សេងៗទៀតទេ ដែលទិញផ្ទះដោយប្រើកម្ចីធនគារ។ ក្រៅពីអ្នកមានលុយដុលបង់ ចំពោះអ្នកបង់រំលស់ផ្ទះ ឬ អចលនទ្រព្យប្រភេទផ្សេងៗជាច្រើនគឺបង់រំលស់ជាមួយម្ចាស់គម្រោងផ្ទាល់ មានភាគតិចប៉ុណ្ណោះ ដែលសុំកម្ចីធនគារទិញផ្ទះ។ ដូច្នេះក្នុងពេលដែលសេដ្ឋកិច្ចមានបញ្ហា មនុស្សគ្មានលទ្ធភាពបង់ ការចរចាសុំពន្យារជាមួយម្ចាស់គម្រោង គឺងាយស្រួលជាងចរចាជាមួយធនាគារ ដែលមានប្រព័ន្ធស្មុគស្មាញ។ កត្តាទី […]
អានបន្ថែម