អាជីវកម្មផ្ទះជួលមួយចំនួនដែលធ្លាក់ចុះគំហុកដោយសារកូវីដ អាចនឹងប្រសើរវិញនៅចុងឆ្នាំនេះ
ដោយ Eric Wong Chon Lap ដោយសារតែវិបត្តិកូវីដ ម្ចាស់ផ្ទះជួលធ្វើអាជីវកម្មជាច្រើននៅកម្ពុជា បានបាត់បងចំំណូលមួយផ្នែកធំ ហើយកំពុងស្វែងរកអ្នកជួលថ្មី ដើម្បីទ្រទ្រង់ចំណាយ។ ដោយឡែកអ្នកជំនាញ បានព្យាករណ៍ទីផ្សារនេះនឹងប្រសើរឡើងបន្សឹមៗចាប់ពីចុងឆ្នាំនេះ។ ក្នុងកំឡុងពេលប៉ុន្មានខែកន្លងមកនេះ ឃើញថាមានអគារ និងផ្ទះជាច្រើនកន្លែងដែលពីមុនធ្លាប់ជា ហាង ភ្នាក់ងារទេសចរ ភោជនីយដ្ឋាន និងសេវាកម្មផ្សេងៗ បានក្លាយជាអគារទំនេរដាក់ផ្លាក “ផ្ទះជួល” ស្ទើរគ្រប់កន្លែង។ កាលពីមុនកូវីដ គឺមានអតិថិជនជាច្រើនតម្រង់ជួរសុំជួល ហើយម្ចាស់ផ្ទះគឺគិតថ្លៃជួលខ្ពស់ណាស់ ប៉ុន្តែបច្ចុប្បន្នម្ចាស់ផ្ទះបានទម្លាក់តម្លៃយ៉ាងគំហុក ក៏មិនសូវមានអ្នកចង់ជួលដែរ។អ្នកជួលខ្លះ ទទួលបានការបញ្ចុះតម្លៃជួលរហូតដល់ ៤០ភាគរយ ហើយថែមទាំងជួលរយៈពេលខ្លីទៀត។ លើសពីនេះ អាជីវកម្មជាច្រើនក៏បានពន្យារពេលការបើកនៅទីតាំងថ្មីរហូតដល់ស្ថានភាពប្រសើរឡើង។ វិនិយោគិនគឺត្រូវគិតគូរច្រើនជាមុន មុននឹងពង្រីកអាជីវកម្ម ដែលជាហេតុធ្វើឱ្យមិនសូវមានតម្រូវការជួល។ ជាមួយគ្នានេះ សហគ្រាសធុនតូចនិងមធ្យមដែលជាអតិថិជនចម្បងនៃទីផ្សារផ្ទះជួល ក៏ចាប់ផ្ដើមផ្ដាច់ ឬមិនបន្តកិច្ចសន្យា ដោយរងចាំឱ្យស្ថានភាពប្រសើរជាមុនសិន។ ដោយឡែក អ្នកជំនាញជាច្រើនយល់ឃើញដូចគ្នាថា បញ្ហាទាំងនេះនឹងប្រសើរឡើងវិញសន្សឹមៗ ចាប់ពីចុងឆ្នាំនេះ ខណៈសេដ្ឋកិច្ចនៅកម្ពុជា និងប្រទេសផ្សេងៗកំពុងបើកឡើងវិញហើយ។
អានបន្ថែម
Bentley System បើកក្រុមហ៊ុនពិគ្រោះយោបល់ផ្នែក software គ្រប់គ្រងការដ្ឋានបែបឌីជីថលថ្មីមួយ
រូបថត៖ លោក Allan Murphy នាយកក្រុមហ៊ុន Virtuosity ក្រុមហ៊ុន Bentley Systems ដែលជាក្រុមហ៊ុនអាមេរិកឈានមុខគេផ្នែក software គ្រប់គ្រងគម្រោងសាងសង់បែបឌីជីថល កាលពីថ្មីៗនេះ បានវិនិយោគបើកក្រុមហ៊ុនបុត្រសម្ព័ន្ធថ្មីមួយឈ្មោះថា Virtuosity ដែលជាក្រុមហ៊ុនពិគ្រោះយោបល់ផ្នែក software អនឡាញ។ ក្រុមហ៊ុន Virtuosity មានសេវាកម្មដូចជា កញ្ចប់ Virtuoso ដែលលក់គូរជាមួយនឹងកម្មវិធីផ្សេងៗទៀតរបស់ Bentley ដូចជាកម្មវិធីគំរូឌីជីថល ដែលអាចវិភាគសកម្មភាពពិតដែលកើតឡើងនៅក្នុងការដ្ឋានលើកុំព្យូរទ័រជាដើម។ លើសពីនេះ ចំណុចពិសេសរបស់ Virtuosity គឺការផ្តល់នូវសេវាកម្មពីអ្នកជំនាញ ដើម្បីជួយសម្របសម្រួល និងពិគ្រោះយោបល់ដល់ម្ចាស់គម្រោងដែលប្រើប្រាស់ software របស់ Bentley ។ សេវាកម្មពិគ្រោះយោបល់នេះរួមមាន ការបណ្តុះបណ្តាល ណែនាំ បង្រៀន និងរបៀបប្រើប្រាស់កម្មវិធីជាក់ស្តែង ពីអ្នកជំនាញមួយទល់មួយតាមរយៈប្រព័ន្ធអនឡាញ។ កញ្ចប់ Virtuoso អាចទិញបាននៅគេហទំព័រ virtuosity.com ហើយក្នុងគេហទំព័រនោះក៏មានកម្មវិធីជាច្រើនទៀតរួមមាន MicroStation, OpenBridge, OpenBuildings, OpenFlows, OpenRail, OpenRoads, OpenSite, […]
អានបន្ថែម
នីតិវិធីនៃការផ្ទេរកម្មសិទ្ធិអចលនវត្ថុរវាងប្លង់រឹង និងប្លង់ទន់
ការផ្ទេរកម្មសិទ្ធិកាន់កាប់អចលនវត្ថុយគឺជានីតិវិធីដ៏សំខាន់ និងចាំបាច់បំផុត ក្នុងការទិញលក់អចលនទ្រព្យ។ ដូច្នេះ ទាំងអ្នកលក់ និងអ្នកទិញ ត្រូវយល់ដឹងទាក់ទងនឹងនីតិវិធី និងរបៀបនៃការផ្ទេរកម្មសិទ្ធិនេះ ដើម្បីជៀសវាងបញ្ហាប្រឈមក្នុងពេលទិញលក់អចលនវត្ថុយ។ តើនីតិវិធីការផ្ទេរកម្មសិទ្ធិកាន់កាប់អចលនវត្ថុដែលត្រឹមត្រូវស្របច្បាប់ ត្រូវធ្វើឡើងយ៉ាងដូចម្ដេច និងមានដំណាក់កាលអ្វីខ្លះ? តើការផ្ទេរកម្មសិទ្ធិប្លង់រឹង (វិញ្ញាបនបត្រសម្គាល់ម្ចាស់អចលនវត្ថុ) និង ប្លង់ទន់ (លិខិតផ្ទេរសិទ្ធិកាន់កាប់អចលនទ្រព្យដែលមិនទាន់ចុះបញ្ជី) ដូចគ្នា និងខុសគ្នាដូចម្ដេច? ការផ្ទេរសិទ្ធិកាន់កាប់អចលនវត្ថុ សំដៅលើកិច្ចសន្យា ឬលិខិតគតិយុត្តនានា ដែលបញ្ជាក់ពីការផ្ទេរសិទ្ធិនៃអចលនវត្ថុពីម្ចាស់ដីដើម ទៅម្ចាស់អចលនទ្រព្យថ្មី ដោយមានការទទួលស្គាល់តាមផ្លូវច្បាប់។ ការផ្ទេរសិទ្ធិនេះធ្វើឡើងក្រោមទម្រង់ជា៖ – កិច្ចសន្យាទិញ-លក់អចលនវត្ថុ – ការធ្វើអំណោយ ឬប្រទានកម្ម (កិច្ចសន្យា ដែលភាគីម្ខាងផ្តល់នូវទ្រព្យសម្បត្តិ ដោយមិនយកថ្លៃ ដល់ភាគីម្ខាងទៀតយល់ព្រមទទួល) – សន្តតិកម្ម (ការផ្ទេរនូវសិទ្ធិ ឬករណីកិច្ច ពីជនណាម្នាក់ ទៅឱ្យជនម្នាក់ ឬច្រើននាក់តាមច្បាប់) – ការបែងចែកមរតកតាមការព្រមព្រៀង ជាដើម។ នីតិវិធីការផ្ទេរកម្មសិទ្ធិអចលនវត្ថុមាន ៥ ដំណាក់កាលធំៗរួមមាន៖ ១) បំពេញឯកសារនៅការិយាល័យភូមិបាល ភាគីទាំងសងខាង ឬអ្នកទទួលបានសិទ្ធិ ត្រូវមកការិយាល័យរៀបចំដែនដី នគរូបនីយកម្ម សំណង់ […]
អានបន្ថែម
Urban Village សហការជាមួយសមាគមអចលនទ្រព្យសកលដើម្បីពង្រឹងការលក់ក្នុងកំឡុងកូវីដ ១៩
ក្រុមហ៊ុនអភិវឌ្ឍន៍អចលនទ្រព្យ Urban Village កាលពីថ្ងៃទី ១៤ កញ្ញា ២០២០នេះ បានចុះអនុស្សរណៈយោគយល់គ្នាជាមួយសមាគមនអចលនទ្រព្យសកល (GRA) ដើម្បីពង្រឹងការលក់របស់ខ្លួន ក្នុងកំឡុងវិបត្តិកូវីដ ១៩។ លោក Ben Li ស្ថាបនិក និងអគ្គនាយកក្រុមហ៊ុនអភិវឌ្ឍន៍អចលនទ្រព្យ Urban Village បានប្រាប់ទស្សនាវដ្ដីសំណង់ និងអចលនទ្រព្យថា ៖ «អនុស្សារណៈយោគយល់នេះ គឺដើម្បីជាការជួយគាំទ្រគ្នាទៅវិញទៅមក ពោលគឺ ខាងសមាគម (GRA) នឹងជួយពង្រឹកការលក់ខុនដូរបស់យើង ហើយយើងនឹងជួយគាំទ្រដល់កម្មវិធីផ្សេងៗដល់សមាគមវិញ»។ លោកបានបន្ថែមថា៖ « GRA មានមេដឹកនាំឆ្នើមដូច លោក សំ សុខ នឿន (សេម) ដែលជាបុគ្គលលេចធ្លោនៅក្នុងអចលនទ្រព្យ ដែលតែងតែផ្តោតសំខាន់លើគុណភាព ក៏ដូចជាធ្វើការស្រាវជ្រាវយ៉ាងលម្អិតលើគម្រោងនីមួយៗ។ មុនពេលសហការជាមួយយើង លោក សេម បានខិតខំយកចិត្តទុកដាក់សិក្សាស្រាវជ្រាវលើគម្រោងយើងអស់រយៈពេលជាងកន្លះឆ្នាំ។ នេះជាហេតុផលដែលយើងសហការជាមួយ GRA»។ គួរបញ្ជាក់ផងដែរ គម្រោង Urban Village ដំណាក់កាលទី ២ គឺជាគម្រោងទី ៣ […]
អានបន្ថែម
ការសាងសង់កំពង់ផែទេសចរណ៍អន្តរជាតិខេត្តកំពតពន្យារពេលបញ្ចប់ការសាងសង់
ការស្ថាបនាកំពង់ផែទេសចរណ៍នៅ ខេត្តកំពត មិនអាចបញ្ចប់ការសាងសង់តាមការគ្រោងទុកនៅឆ្នាំនេះបានឡើយ ដោយសារដំណើការសាងសង់រាំងស្ទះដោយការរីករាលដាលនៃជំងឺកូវីដ១៩។ យោងតាមក្រសួងទេសចរណ៍ កាលបរិច្ឆេទបញ្ចប់ការងារសាងសង់ទាំងមូលនៃកំពង់ផែទេសចរណ៍នេះ គឺលើកទៅចុងឆ្នាំ ២០២១។ ឯកឧត្តម តុប សុភ័ក្រ អនុរដ្ឋលេខាធិការ និងអ្នកនាំពាក្យក្រសួងទេសចរណ៍ បានឱ្យដឹង កាលពីថ្ងៃទី ១៤ កញ្ញានេះថា៖ «បច្ចុប្បន្នការងារសាងសង់សម្រេចបានជាង ៣០%។ តែដោយសារបញ្ហាកូវីដហ្នឹង ការសាងសង់នឹងបញ្ចប់នៅចុងឆ្នាំ ២០២១…បើមិនមានអីប្រែប្រួលទេ ក្នុងរង្វង់ដើមឆ្នាំ ២០២២ គឺអាចដាក់ឱ្យដំណើរការ»។ គួរបញ្ជាក់ផងដែរថា ដោយសារតែបញ្ហាកូវីដ ការសាងសង់គម្រោងនេះគឺយឺតយ៉ាវម្ដងហើយម្ដងទៀត ដោយកាលពីខែ ឧសភា កន្លងមកនេះ ការសាងសង់សម្រេចបានប្រមាណ ៣០% ហើយច្ចុប្បន្ន គឺនៅទ្រឹងប្រមាណជាង ៣០% ដដែល។ (អានបន្ថែម) កំពង់ផែទេសចរណ៍អន្តរជាតិនេះ មានទីតាំងស្ថិតនៅស្រុកទឹកឈូ ដែលបានបើកការដ្ឋានកាលពីខែសីហា ឆ្នាំ២០១៨ ដោយប្រើប្រាស់កម្ចីប្រមាណ ៨លានដុល្លារ ពីធនាគារអភិវឌ្ឍន៍អាស៊ី (ADB)។ (អានបន្ថែម) ក្រោយបញ្ចប់ការសាងសង់ កំពង់ផែដែលមានប្រវែង ៣០០ម៉ែត្រ អាចនឹងឱ្យនាវាដឹកដំណើរពីអ្នកដំណើរពី ៣០០ ទៅ៤០០នាក់ ចូលចតបាន។ លើសពីនេះ […]
អានបន្ថែម
សម្ដេច ហ៊ុន សែន ស្នើឱ្យខេត្តកំពតសិក្សាបង្កើតតំបន់រដ្ឋបាល និងសាងសង់ពហុកីឡដ្ឋានថ្មី
រូបតំណាង សម្ដេចនាយករដ្ឋមន្ត្រី ហ៊ុន សែន បានស្នើឱ្យរដ្ឋបាលខេត្តកំពត សិក្សាលទ្ធភាពរៀបចំតំបន់រដ្ឋបាលប្រមូលផ្តុំ និងគម្រោងសាងសង់ពហុកីឡាដ្ឋានថ្មីមួយទៀតនៅក្នុងខេត្តនេះ។ នេះបើយោងតាមរដ្ឋបាលខេត្តកំពតកាលពីថ្ងៃទី ១២ កញ្ញា កន្លងទៅនេះ។ បើយោងតាម រដ្ឋបាលខេត្តកំពត ក្រុមការងារកំពុងធ្វើការយ៉ាងសកម្មសិក្សា លើសំណើរបស់សម្ដេចនាយករដ្ឋមន្ត្រីនេះ ដោយនឹងរាយការណ៍លទ្ធផលជូនសម្ដេចក្រោយសិក្សារួចក្នុងពេលឆាប់ៗ។ បន្ថែមពីនេះ រដ្ឋបាលខេត្តកំពត ក៏កំពុងសិក្សាគម្រោងស្ពាន ២ បន្ថែមទៀតនៅក្នុងខេត្ត គឺទី១ គម្រោងព្រែកកំពង់បាយចាស់ សិក្សាដោយក្រុមហ៊ុន China Road និងទី ២ គម្រោងសិក្សាស្ពានថ្មី សិក្សាដោយកងវិស្វកម្មក្រសួងការពារជាតិ ដែលបច្ចុប្បន្នសម្រេចបានប្រមាណជាង៧០% ហើយ។ ក្រោយពីសិក្សាចប់សព្វគ្រប់ គម្រោងទាំងនេះ នឹងត្រូវឆ្លងថ្នាក់ដឹកនាំមន្ត្រីរាជការខេត្តកំពត និងដាក់ស្នើទៅកាន់សម្ដេចនាយករដ្ឋមន្ត្រី ដើម្បីអនុម័តដំណើរការសាងសង់។ លោក អ៊ឺង ឆាយ បានឲ្យដឹងថា គម្រោងស្ពានកំពង់បាយនេះ ធ្វើឡើងដើម្បីឆ្លើយតបទៅនឹង កំណើនភ្ញៀវទេសចរណ៍យ៉ាងច្រើនកុះករជារៀងរាល់សប្តាហ៍ ដែលបណ្តាលឲ្យមានការកកស្ទះយានយន្ត ជាពិសេសលើស្ពានឆ្លងព្រែកកំពង់បាយ។ (អានបន្ថែម)
អានបន្ថែម
សាលាក្រុងបើកឱ្យប្រើប្រាស់ផ្លូវថ្មីមួយខ្សែ តភ្ជាប់ពីផ្លូវ ២៨៣ ទំនប់ទួលគោកមកតំបន់បឹងកក់
រដ្ឋបាលរាជធានីភ្នំពេញ កាលពីថ្ងៃទី ១៣ ខែកញ្ញា កន្លងមកនេះ បានបើកឱ្យប្រើប្រាស់ផ្លូវថ្មីមួយខ្សែ តភ្ជាប់ពីផ្លូវលេខ ២៨៣ ម្ដុំទំនប់ទួលគោក មកតំបន់បឹងកក់ ក្នុងខណ្ឌដូនពេញ។ ផ្លូវថ្មីនេះ ជាផ្លូវអ៊ុតកៅស៊ូ AC ទទឹង ២០ម៉ែត្រ ដែលបានបើកការដ្ឋានស្ថាបនាអស់រយៈពេលប្រមាណជិត១ឆ្នាំ មកហើយ។ លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញបានបញ្ជាក់ឲ្យដឹងថា ក្រោយការបើកដំណើរការ ផ្លូវនេះនឹងជួយកាត់បន្ថយការកកស្ទះចរាចរនៅដងផ្លូវលេខ៧០ ផ្លូវលេខ ២៧៣(ទំនប់ទួលគោក) និងមហាវិថីសហព័ន្ឋរុស្សី។ គួរបញ្ជាក់ផងដែរថា រដ្ឋបាលរាជធានីភ្នំពេញបាន និងកំពុងធ្វើការយ៉ាងសកម្មដើម្បីកាត់បន្ថយការស្ទះចរាចរណ៍។ គម្រោងថ្មីៗ រួមមាន ផ្លូវថ្មីមួយខ្សែ ទទឹង ៣០ម៉ែត្រ ចាប់ពីម្ដុំផ្សារទំនើបអេអន ម៉ល សែនសុខ ដល់មហាវិថី ឈ្នះឈ្នះ ការពង្រីកផ្លូវនៅមុខទីស្ដីការគណៈរដ្ឋមន្ត្រី រហូតដល់ភ្លើងស្ដុបក្ដាន់ពីរ ការពង្រីកផ្លូវចំណុចច្រមុះជ្រូកសូគីម៉ិចក្បាលថ្នល់ និងការកែសម្រួលចរាចរណ៍ចំណុចវត្តនាគវ័ន្ន ជាដើម។ (អានបន្ថែម និង បន្ថែម)
អានបន្ថែម
ក្រុមហ៊ុនសិង្ហបូរីកំពុងទិញដីទំហំ ១,២ ហិកតា នៅទួលគោកដើម្បីសាងសង់គម្រោងអភិវឌ្ឍចម្រុះថ្មីមួយ
ក្រុមហ៊ុន Public Housing Development (Cambodia) ដែលជាបុត្រសម្ព័ន្ធរបស់ HLH Group (ហុង ឡៃហួត គ្រុប) កាលពីថ្មីៗនេះ បានព្រមព្រៀងជាមួយ ឡៅ ចាន់ណារ៉ា ទិញដីទំហំ ១,២ ហិកតា នៅខណ្ឌទួលគោក ដើម្បីសាងសង់គម្រោងអភិវឌ្ឍចម្រុះថ្មីមួយ។ យោងតាមសារព័ត៌មាន The Business Times ភាគីទាំង ២ បានព្រមព្រៀងលើការទិញលក់នេះ កាលពីថ្ងៃទី ១១ ខែកញ្ញា កន្លងមកនេះ ក្នុងតម្លៃ ២២.៥ លានដុល្លារអាមេរិក។ HLH Group បានឱ្យដឹងថា ការទិញដីនេះគឺជាផ្នែកមួយនៃកិច្ចខិតខំស្វែងរកឱកាសអភិវឌ្ឍន៍ថ្មីៗ នៅក្នុងតំបន់។ ប្រភពដដែលបានឱ្យដឹងថា ក្រុមហ៊ុននឹងទិញដីនេះ ដោយប្រើមូលនិធិផ្ទៃក្នុង និងកម្ចីពីធនាគារ។ ទោះយ៉ាងណា វានឹងមិនប៉ះពាល់ដល់ទ្រព្យសម្បត្តិជាក់ស្តែង ឬប្រាក់ចំណូលក្រុមហ៊ុនសម្រាប់ឆ្នាំ ២០២០ នេះទេ។ HLH Group មិនទាន់បានបង្ហាញព័ត៌មានលម្អិត ដូចជាកាលបរិច្ឆេទនៃការចាប់ផ្ដើមសាងសង់ និងទុនវិនិយោគនៃគម្រោងអភិវឌ្ឍន៍ចម្រុះថ្មីនេះទេ។ គួរបញ្ជាក់ផងដែរថា HLH […]
អានបន្ថែម
កម្ពុជាស្នើឱ្យក្រុមហ៊ុនអាមេរិកជួយចូលរួមសាងសង់ហេដ្ឋារចនាសម្ព័ន្ធនៅកម្ពុជា
រដ្ឋមន្រ្តីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល កាលពីថ្មីៗនេះ បានស្នើឱ្យក្រុមហ៊ុនសំណង់អាមេរិក ជួយចូលរួមក្នុងគម្រោងសាងសង់ហេដ្ឋារចនាសម្ព័ន្ធនានានៅកម្ពុជា។ ការស្នើនេះធ្វើឡើងក្នុងជំនួបពិភាក្សាការងាររវាងឯកឧត្តម ស៊ុន ចាន់ថុល និង ឯកឧត្ដម ប៉ាឌ្រិច មើរហ្វី ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា កាលពីថ្ងៃទី១១ ខែកញ្ញា កន្លងមកនេះ។ ឯកឧត្តម ស៊ុន ចាន់ថុល បានលើកឡើងថា បច្ចុប្បន្ន មានគម្រោងជាច្រើនដែលកំពុងសាងសង់ដូចជា ផ្លូវ ស្ពាន និងប្រព័ន្ធប្រព្រឹត្តិកម្មទឹកកខ្វក់ជាដើម ដែលគម្រោងទាំងនេះសុទ្ធសឹងតែត្រូវការជំនួយ និងការបណ្ដាក់ទុនពីអ្នកវិនិយោគ។ ជាមួយគ្នានេះដែរ ឯកឧត្តមក៏បានស្នើសុំឱ្យ ខាងអាមេរិកបញ្ជូនអ្នកជំនាញការ មកជួយបណ្តុះបណ្តាលផ្នែកវិស្វកម្មសំណង់ស៊ីវិលនៅកម្ពុជាផងដែរ។ ឯកឧត្ដមឯកអគ្គរដ្ឋទូត ឧត្ដម Patrick បានទទួលយកសំណើខាងលើទៅពិចារណា ដើម្បីឈានទៅដល់ការពង្រីកបន្ថែមទៀតនូវកិច្ចសហប្រតិបត្តិការរវាងប្រទេសទាំងពីរលើវិស័យទាំងនេះ។ គួរបញ្ជាក់ផងដែរថា ឯកឧត្តម ស៊ុន ចាន់ថុល ក៏បានឱ្យដឹងថា ទោះបីជាប្រទេសកំពុងជួបនឹងវិបត្តិក៏ដោយ ក្រសួងនៅតែបន្តអនុវត្តនូវការងារអភិវឌ្ឍហេដ្ឋារចនាសម្ព័ន្ធគ្រប់គម្រោងយ៉ាងសស្រាក់សស្រាំគ្មានបង្អង់ដៃ។
អានបន្ថែម
Bentley System ប្រកាសបើកក្រុមហ៊ុនបុត្រសម្ព័ន្ធថ្មី ដើម្បីជំរុញការគ្រប់គ្រងសំណង់ហេដ្ឋារចនាសម្ព័ន្ធបែបឌីជីថល
រូបភាពដោយ៖ researchgate ក្រុមហ៊ុន Bentley Systems ដែលជាក្រុមហ៊ុនអាមេរិកឈានមុខគេផ្នែក software គ្រប់គ្រងគម្រោងសាងសង់បែបឌីជីថល កាលពីថ្មីៗ បានបើកក្រុមហ៊ុនបុត្រសម្ព័ន្ធថ្មី The Cohesive Companies ដើម្បីជួយសម្រួលដល់ម្ចាស់គម្រោងជាពិសេសក្នុងអំឡុងវិបត្តិកូវីដ។ ក្រុមហ៊ុនថ្មីនេះ ដើរតួជាអ្នករួមបញ្ចូល និងមើលការខុសត្រូវលើប្រព័ន្ធគ្រប់គ្រងបែបឌីជីថលទាំងអស់របស់ម្ចាស់គម្រោង រួមមានការច្របាច់បញ្ចូលគ្នានូវប្រព័ន្ធដែលមានស្រាប់ និង ប្រព័ន្ធថ្មី ការរៀបចំបរិដ្ឋានសហគ្រាស និងការធ្វើកាលប្បវត្តិ ការគ្រប់គ្រងជាដើម។ ចំណុចពិសេសមួយទៀតគឺ ការជួយសម្របសម្រួលការប្រើប្រាស់កម្មវិធី Digital Twin ឬ គម្រោងគំរូបែបឌីជីថល ដែលម្ចាស់គម្រោងអាចវិភាគសកម្មភាពដែលកើតឡើងនៅក្នុងគម្រោងហេដ្ឋារចនាសម្ព័ន្ធទាំងកំពុងសាងសង់ និងសាងសង់រួច ពោលគឺដូចចំលងសកម្មភាពពីទីតាំងពិតមកវិភាគលើកុំព្យរទ័រ។ លើសពីនេះ ក្រុមហ៊ុនថ្មីនេះ ក៏នឹងរួមបញ្ចូលរាល់គំរូវិស្វកម្មឌីជីថល (ET) ដើម្បីបង្កភាពងាយស្រួលដល់ម្ចាស់គម្រោងនៅពេលប្រើប្រាស់។
អានបន្ថែម
ថៃកំពុងប្រែក្លាយមន្ទីរឃុំឃាំងសរុប៧២កន្លែងជាតំបន់ទេសចរណ៍
រូបភាពពី៖ Chiangrai Times ប្រទេសថៃគ្រោងប្រែក្លាយមន្ទីរឃុំឃាំងចំនួន ៧២កន្លែង ឬស្មើនឹង ៥០% នៃមន្ទីរឃុំឃាំងសរុបទូទាំងប្រទេស ទៅជាតំបន់ភ្ញៀវទេសចរណ៍។ នេះបើយោងតាមសារព័ត៌មាន Chiangrai Times កាលពីចុងខែសីហាកន្លងទៅ។ មន្រទីឃុំឃាំងចំនួន ៧២កន្លែងនោះ នឹងត្រូវរៀបចំឱ្យមានជាកន្លែងធ្វើកម្មវិធីប្រលងធ្វើម្ហូប ស្ដង់លក់វត្ថុអនុវស្សារីយផ្សេងៗដែលធ្វើឡើងដោយអ្នកទោស និងកន្លែងផ្សេងៗទៀតដើម្បីបង្ហាញពីទេពកោសលរបស់អ្នកទោសក្នុងមន្ទីរឃុំឃាំងទាំងនោះ។ គម្រោងនេះនឹងជួយលើកកម្ពស់មុខជំនាញជាច្រើនប្រភេទ ដែលជួយដល់អ្នកទោសទាំងនោះអាចស្វែងរកមុខរបរបានត្រឹមត្រូវ ក្រោយពេលចេញពីមន្ទីរឃុំឃាំង។ រដ្ឋមន្ត្រីក្រសួងយុត្តិធម៌ថៃបានឱ្យដឹងថា៖ «គម្រោងនេះត្រូវបានអនុវត្តនៅមន្ទីរឃុំឃាំងចំនួន ៥ រួចមកហើយ ដែលរួមមានមន្ទីរឃុំឃាំងនៅ ត្រាត រ៉ាយ៉ង រ៉ាត់បូរី និងនគររាជសីមាជាដើម។ យើងនឹងបន្តការផ្លាស់ប្ដូរមុខមាត់មន្ទីរឃុំឃាំង ៦៧ កន្លែងទៀត សរុប ៧២ មន្ទីរ ឬស្មើនឹង ៥០% នៃចំនួនមន្ទីរឃុំឃាំងទាំងអស់»។ រដ្ឋមន្ត្រីរូបនេះ ក៏បានឲ្យដឹងថា គម្រោងនេះមិនអាចអនុវត្តបានគ្រប់ឃុំឃាំងទាំងអស់ក្នុងប្រទេសទេ ព្រោះវានៅមានកម្រិត។ ដោយឡែក ប្រសិនបើគម្រោងនេះទទួលបានប្រជាប្រិយភាព ក្រសួងយុត្តិធម៌នឹងសហការជាមួយក្រសួងទេសចរណ៍ ប្រែក្លាយគម្រោងនេះទៅជាការលើកកម្ពស់វិស័យទេសចរណ៍នៅប្រទេសថៃ។
អានបន្ថែម
ADB ផ្ដល់កម្ចីជិត ១២៨លានដុល្លារ សម្រាប់ពង្រីកបណ្ដាញអគ្គិសនីនៅកម្ពុជា
ធនាគារអភិវឌ្ឍន៍អាស៊ី (ADB) ផ្ដល់កម្ចី ១២៧,៨លានដុល្លារ សម្រាប់ពង្រីកបណ្ដាញអគិ្គសនីតភ្ជាប់ពីភ្នំពេញទៅខេត្តចំនួន ៣ នៃប្រទេសកម្ពុជា។ នេះបើយោងតាមសារព័ត៌មាន Xinhua កាលពីថ្ងៃទី ១១ កញ្ញានេះ។ គម្រោងនេះនឹងជួយផ្ដល់ជាកម្ចីសម្រាប់ពង្រឹងហេដ្ឋារចនាសម្ព័ន្ធខ្សែបញ្ជូនចំនួន ៤ ដែលមានថាមពលរហូតដល់ ១១៥-២៣០ គីឡូវ៉ាត់ ទៅកាន់ស្ថានីយចំនួន ១០ នៅរាជធានីភ្នំពេញ កំពង់ឆ្នាំង កំពង់ចាម និងតាកែវ។ នាយកប្រតិបត្តិធនាគារអភិវឌ្ឍន៍អាស៊ីប្រចាំប្រទេសកម្ពុជា អ្នកស្រី Sunniya Durrani-Jamal បានមានប្រសាសន៍ថា៖ «គម្រោងពង្រីកប្រព័ន្ធក្រឡាចត្រង្គរួម (The Grid Reinforcement Project ) ក៏ដូចជាជំនួយដទៃទៀតរបស់ ADB សុទ្ធសឹងតែជាការផ្គត់ផ្គង់ថាមពលដែលគ្រប់គ្រាន់ មាននិរន្តរភាពសម្រាប់បរិស្ថាន និងមានតម្លៃសមរម្យ ដើម្បីគាំទ្រការអភិវឌ្ឍន៍»។ ប្រទេសកម្ពុជាបាន និងកំពុងពង្រីកការផលិតថាមពលរបស់ខ្លួនក្នុងតម្លៃទាបអស់រយៈពេល ១៥ ឆ្នាំមកហើយ។ លើសពីនេះ ការលើកកម្ពស់ហេដ្ឋារចនាសម្ព័ន្ធបញ្ជូនក៏ជារឿងមួយដែលចាំបាច់ដើម្បីការពារកុំឱ្យមានការរអាក់រអួល។ (អានបន្ថែម)
អានបន្ថែម