ផ្លូវថ្មីទទឹង ៣០ម៉ែត្រពីម្ដុំ Aeon សែនសុខទៅមហាវិថីឈ្នះឈ្នះ នឹងបើកការដ្ឋានសប្ដាហ៍ក្រោយ
រដ្ឋបាលរាជធានីភ្នំពេញ នឹងបើកការដ្ឋានសាងសង់ផ្លូវថ្មីមួយខ្សែ ទទឹង ៣០ម៉ែត្រ ចាប់ពីម្ដុំផ្សារទំនើបអេអន ម៉ល សែនសុខ ដល់មហាវិថី ឈ្នះឈ្នះ នៅដើមសប្ដាហ៍ក្រោយ។ នេះបើយោងតាមមន្ទីក្រសួងសាធារណការ និងដឹកជញ្ជូន កាលពីព្រឹកថ្ងៃទី ០៤ កញ្ញា នេះ។ មហាវិថីថ្មីនេះ មានទីតាំងស្ថិតនៅស្របប្រឡាយមេខាងជើងរាជធានីភ្នំពេញ ចាប់ពីផ្លូវលេខ ១០០៣ (ផ្លូវបត់ចូលផ្សារទំនើបអេអន ម៉ល សែនសុខ) ដល់មហាវិថី ឈ្នះឈ្នះ ក្នុងខណ្ឌឫស្សីកែវ។ ផ្លូវនេះ មានប្រវែងជិត ៦គីឡូម៉ែត្រ មានទទឹង ៣០ម៉ែត្រ ជាប្រភេទផ្លូវបេតុង មានសួនច្បារកណ្តាល ២ម៉ែត្រ ផ្លូវ១២ម៉ែត្រ សងខាង ដែលអាចឱ្យរថយន្តធ្វើចរាចរណ៍បាន៣គន្លងទៅ ៣គន្លងមក និងមាន១គន្លងទៅ មកសម្រាប់ម៉ូតូ ហើយមានចិញ្ចើមផ្លូវសងខាង២ម៉ែត្រសម្រាប់អ្នកថ្មើរជើង ជាមួយនឹង ការដាក់លូនៅសងខាងផ្លូវទំហំ៨តឹកផងដែរ។ គម្រោងនេះនឹងត្រូវប្រើប្រាស់រយៈពេល ៦ ខែដើម្បីសាងសង់ ក្នុងគោលបំណងកាត់បន្ថយការកកស្ទះចរាចរ នៅតំបន់ភាគខាងជើងរាជធានីភ្នំពេញនាពេលបច្ចុបន្ន ។ នេះបើតាមឲ្យដឹងពី លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន […]
អានបន្ថែម
សម្តេច ហ៊ុន សែន អនុម័តកញ្ចប់ថវិកា ១៥០លានដុល្លារ កសាងផ្លូវ ៣៨ខ្សែក្នុងខេត្តសៀមរាប
សម្ដេចនាយករដ្ឋមន្ត្រី ហ៊ុន សែន កាលពីព្រឹកថ្ងៃទី ៤ កញ្ញា នេះបានប្រកាសសម្រេចកញ្ចប់ថវិកាចំនួន ១៥០លានដុល្លារ សម្រាប់អភិវឌ្ឍន៍កសាងផ្លូវចំនួន ៣៨ ខ្សែ នៅក្នុងទីរួមខេត្តសៀមរាប។ គម្រោងផ្លូវ ៣៨ ខ្សែ នេះមានប្រវែងសរុបប្រមាណ ៩៨,៣៤គ.ម ដែលត្រូវបានសិក្សាមួយរយៈហើយដោយក្រសួងសាធារណការ និងដឹកជញ្ជូន។ ផ្លូវទាំង ៣៨ នេះនឹងក្លាយជាបណ្តុំបណ្ដាញផ្លូវមេយ៉ាងប្រទាក់ក្រឡាក្នុងក្រុងសៀមរាប ដែលក្រសួងកំពុងជួសជុលកែលម្អឡើងវិញ។ (អានបន្ថែម) យោងតាមសម្តេចនាយករដ្ឋមន្រ្តី ហ៊ុន សែន ក្រោយសាងសង់រួច ហេដ្ឋារចនាសម្ព័ន្ធផ្លូវទាំង ៣៨ ខ្សែ នឹងជួយលើកស្ទួយដល់ជីវភាពរស់នៅរបស់ប្រជាពលរដ្ឋ ហើយនឹងជួយជំរុញដល់កំណើនសេដ្ឋកិច្ចជាតិនៅក្រោយវិបត្តិកូវីដ ។ សម្តេចនាយករដ្ឋមន្រ្តី ហ៊ុន សែន នឹងអញ្ជើញបើកការដ្ឋានសាងសង់នេះក្នុងពេលឆាប់នេះ ហើយសង្ឃឹមថានៅចុងឆ្នាំ ២០២១ កម្ពុជានឹងមានផ្លូវស្អាតក្នុងទឹកដីអង្គរអច្ឆរិយៈនេះ។ គួរបញ្ជាក់ផងដែរថា ខេត្តសៀមរាបគឺជាខេត្តសក្ដានុពលមួយដែលរដ្ឋាភិបាលបាន និងកំពុងអភិវឌ្ឍជាបន្តបន្ទាប់។ កាលពីខែកក្កដា កន្លងមកនេះ គម្រោងវិនិយោគធំៗ ចំនួន២០ ត្រូវបានស្នើក្នុងកិច្ចពិភាក្សាអន្តរក្រសួងស្ដីពីផែនការមេអភិវឌ្ឍន៍វិស័យទេសចរណ៍នៅខេត្តសៀមរាបឆ្នាំ ២០២០-២០៣៥។ (អានបន្ថែម)
អានបន្ថែម
ក្រសួងសាធារណការ បញ្ចប់ការសិក្សាគម្រោងផ្លូវដែកចំនួន ៣ និងហេដ្ឋារចនាសម្ព័ន្ធធំៗមួយចំនួនទៀត
បើគិតមកដល់ពេលបច្ចុប្បន្ន ក្រសួងសាធារណការ និងដឹកជញ្ជូនបានបញ្ចប់ការសិក្សា និងចុះហត្ថលេខា លើគម្រោងអភិវឌ្ឍហេដ្ឋារចនាសម្ព័ន្ធធំៗជាច្រើនរួមមាន គម្រោងផ្លូវដែកចំនួន ៣ខ្សែ ផ្លូវល្បឿនលឿន ស្ពានឆ្លងទន្លេមេគង្គ និងគម្រោងផ្សេងៗមួយចំនួនទៀត។ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានឱ្យដឹងកាលពីថ្ងៃទី ២ កញ្ញា នេះថា គម្រោងទាំងនោះ មានដូចជា គម្រោងផ្លូវដែកពីភ្នំពេញ-ហូជីមិញ (សហការជាមួយភាគីវៀតណាម) ផ្លូវដែកទំនើបម៉ូណូរ៉េល (កិច្ចសហការជាមួយក្រុមហ៊ុនឯកជន) ផ្លូវដែកក្រោមដីក្នុងទីក្រុងភ្នំពេញ ផ្លូវល្បឿនលឿនភ្នំពេញ-បាវិត គម្រោងសាងសង់ស្ពានឆ្លងទន្លេមេគង្គ គម្រោងសាងសង់អាកាសយានដ្ឋានអន្តរជាតិ និងគម្រោងផ្សេងៗជាច្រើនទៀត ។ ជាមួយគ្នានេះដែរ ក្រសួង និងរដ្ឋាភិបាលក៏បាន សម្រេចបានសមិទ្ធិផលផ្លូវជាតិសំខាន់ៗជាច្រើន រួមមានដូចជា ការសាងសង់ផ្លូវល្បឿនលឿនភ្នំពេញ-ព្រះសីហនុ ការស្ដារផ្លូវដែកទាំង ២ ខ្សែ ការចុះ MOU ជាមួយប្រទេសថៃទាក់ទងនឹងការដឹកជញ្ជូនតាមផ្លូវដែកឆ្លងកាត់ព្រំដែន ការពង្រីកកំពង់ផែកុងតឺន័រក្រុងភ្នំពេញ និងក្រុងព្រះសីហនុ និងការដាក់ឱ្យដំណើរការនាវាដឹកអ្នកដំណើរជាដើម។
អានបន្ថែម
អាជីវកម្មផ្តល់សេវាកម្មវាយតម្លៃ និងសេវាកម្មអចលនវត្ថុ ត្រូវមានវិញ្ញាបនបត្រ ឬអាជ្ញាប័ណ្ណ
អាជីវកម្មគ្រប់វិស័យទាំងអស់នៅក្នុងប្រទេសកម្ពុជា សុទ្ធតែត្រូវចុះបញ្ជី និងបង់ពន្ធតាមច្បាប់កំណត់របស់អាជ្ញាធរមានសមត្ថកិច្ច។ ក្រឡេកមកមើលអាជីវកម្មផ្តល់សេវាកម្មវាយតម្លៃ និងសេវាកម្មអចលនវត្ថុ ក៏តម្រូវឱ្យមានការដាក់ពាក្យស្នើសុំវិញ្ញាបនបត្រវិជ្ជាជីវៈ ឬអាជ្ញាប័ណ្ណអាជីវកម្ម ពីក្រសួងសេដ្ឋកិច្ច និងហិរញ្ញវត្ថុជាមុនសិនផងដែរ។ សេវាកម្មវាយតម្លៃ គឺជាសេវាកម្មដែលធ្វើការវាយតម្លៃ ដើម្បីកំណត់តម្លៃលើទ្រព្យ និងអត្ថប្រយោជន៍ផ្សេងៗ ដែលតាំងនៅ ឬភ្ជាប់នឹងទ្រព្យនោះ។ ចំណែកឯ សេវាកម្មអចលនវត្ថុ ចែកចេញជា ២ គឺ សេវាកម្មភ្នាក់ងារអចលនវត្ថុ និងសេវាកម្មគ្រប់គ្រងអចលនវត្ថុ។ សេវាកម្មភ្នាក់ងារអចលនវត្ថុ ជាការផ្តល់សេវាពាក់ព័ន្ធនឹងការទិញ-លក់ និងជួលលើដី អគារ និងសំណង់ជាដើម។ ចំពោះសេវាកម្មគ្រប់គ្រងអចលនវត្ថុវិញ សំដៅដល់ធ្វើការគ្រប់គ្រង ត្រួតពិនិត្យ និងធ្វើប្រតិបត្តិការជួលលើអចលនវត្ថុទាំងឡាយណា ក្នុងនាម និង/ឬជំនួសម្ចាស់កម្មសិទ្ធិនៃអចលនវត្ថុនោះ ដែលមានលក្ខណៈដូចជា អគារស្នាក់នៅរួម បុរី អគារសហកម្មសិទ្ធិ (ខុនដូជាដើម) និងអគារ ឬអគារពាណិជ្ជកម្ម។ ដោយឡែក ការគ្រប់គ្រងនេះ មិនរាប់បញ្ចូលការគ្រប់គ្រងអចលនវត្ថុដែលត្រូវធ្វើអាជីវកម្មដូចជា៖ សណ្ឋាគារ ផ្ទះសំណាក់ រោងចក្រ កំពង់ផែ កន្លែងវាយកូនគោល ការដ្ឋានយកថ្ម រោងភាពយន្ត ពហុកីឡាដ្ឋាន មជ្ឍមណ្ឌលកីឡា និងមន្ទីរពេទ្យ នោះទេ។ រូបវ័ន្តបុគ្គល […]
អានបន្ថែម
អូឡាំព្យាស៊ីធី បង្កើតយុទ្ធសាស្ត្រថ្មីសម្រាប់អតិថិជនដើម្បីឆ្លើយតបទៅនឹងវិបត្តិកូវីដ១៩
ដើម្បីជំរុញការវិនិយោគ និង បង្កើនសកម្មភាពសេដ្ឋកិច្ចក្នុងស្រុកជាពិសេស ជួយដល់អតិថិជនកំពុងស្វែងរកទិញអចលនទ្រព្យក្នុងអំឡុងវិបត្តិកូវីដ១៩ ក្រុមហ៊ុន OCIC បានចេញយុទ្ធសាស្ត្រលក់ថ្មីសម្រាប់គម្រោងអូឡាំព្យាស៊ីធី ខណៈដែលអគារចំនួន៧ រួមមានអគារខុនដូការិយាល័យ SOHO ផ្សារទំនើបអូឡាំព្យា នៃគម្រោងមេក្នុងដំណាក់កាលទី១ បានបញ្ចប់ការសាងសង់ជាស្ថាពររួចហើយ។ តាមរយៈ កញ្ញា អ៊ុក ចន្ទ្រា ប្រធានផ្នែកលក់និងទីផ្សារ បានឱ្យដឹងថាការវិនិយោគទិញអចលនទ្រព្យនាពេលបច្ចុប្បន្ននេះ ជាមួយនឹងគម្រោងអូឡាំព្យាស៊ីធី គឺជាជម្រើសដ៏ល្អ ក្រោមហេតុផល២យ៉ាង៖ ហេតុផលទី១៖ ផ្តល់ភាពងាយស្រួលក្នុងការរស់នៅ គ្រប់បែបយ៉ាងនៅជិតបង្កើយរួមមានផ្ទះល្វែងអាជីវកម្ម ខុនដូ ការិយាល័យ ផ្សារទំនើប សាលារៀនក្លឹបហាត់ប្រាណ សណ្ឋាគារ Medical Hub ស្ថិតនៅទីតាំងតែមួយរួមគ្នាក្នុងគម្រោងអូឡាំព្យាស៊ីធី។ រីឯតម្លៃអចលនទ្រព្យក្នុងទីក្រុងតែងតែមានការកើនឡើងជានិច្ចពីមួយឆ្នាំទៅមួយឆ្នាំ។ ហេតុផលទី២៖ ការយកចិត្តទុកដាក់ និងមានទំនួលខុសត្រូវខ្ពស់របស់ក្រុមហ៊ុន OCIC បានផ្តល់ភាពកក់ក្តៅដល់អតិថិជនទាំងអស់ដែលបានសម្រេចចិត្តជ្រើសរើសទិញអចលនទ្រព្យរបស់គម្រោងអូឡាំព្យាស៊ីធី។ ក្រុមហ៊ុន OCIC បានអភិវឌ្ឍលើគម្រោងអចលនទ្រព្យធំៗដូចជា ទីក្រុងកោះពេជ្រ ទីក្រុងជ្រោយចង្វារ ទីក្រុងកោះនរា ហើយថ្មីៗនេះ ក្រុមហ៊ុន OCIC បានទទួលសិទ្ធសាងសង់អាកាសយានដ្ឋានភ្នំពេញថ្មីតម្លៃ ១,៥ ពាន់លានដុល្លារ។ ទោះបីជាមានការរីករាលដាលនៃវីរុសកូវីដ១៩ក៏ដោយ ក្រុមហ៊ុនOCICនៅតែបន្តការសាងសង់គម្រោងអូឡាំព្យាស៊ីធីនេះ ក្នុងដំណាក់កាលទី២ និងទី៣ […]
អានបន្ថែម
សមាគមអ្នកសាងសង់បន្តសហការជាមួយដៃគូអន្តរជាតិ ដើម្បីស្ដារវិស័យសំណង់ពីវិបត្តិកូវីដ
ទោះបីបច្ចុប្បន្នមានការអនុវត្តគម្លាតសង្គមដែលបណ្តាលមកពីវីរ៉ុសកូវីដ១៩យ៉ាងណាក្តី សមាគមអ្នកសាងសង់នៅកម្ពុជា (CCA) ក៏នៅតែបន្តកិច្ចសហប្រតិបត្តិការ ជាមួយសមាគមអន្តរជាតិ និងពិភាក្សាអំពីផលប៉ះពាល់នៃជំងឺរាតត្បាតនេះមកលើឧស្សាហកម្មសំណង់ផងដែរ។ លោក ជីវ ស៊ីវផេង អ្នកគ្រប់គ្រងទូទៅនៃអគ្គលេខាធិការដ្ឋាន សមាគមអ្នកសាងសង់កម្ពុជា បានមានប្រសាសន៍ថា សមាគមបានចូលរួមប្រជុំតាមអ៊ិនធឺរណែត ជាមួយសហព័ន្ធអ្នកសាងសង់អាស៊ាន ឬ ASEAN Constructors Federation (ACF) និង សហព័ន្ធអន្តរជាតិនៃសមាគមអ្នកសាងសង់អាស៊ី និងប៉ាស៊ីហ្វិកខាងលិច (IFAWPCA)។ IFAWPCA ត្រូវបានបង្កើតឡើងក្នុងឆ្នាំ ១៩៥៦ ដើម្បីលើកកម្ពស់វឌ្ឍនភាពសង្គម និង សេដ្ឋកិច្ចតាមរយៈការអភិវឌ្ឍន៍វិស័យសំណង់ហើយបច្ចុប្បន្នមានសមាជិកចំនួន ១៩ ប្រទេស។ សហព័ន្ធអ្នកសាងសង់អាស៊ាន តំណាងឱ្យក្រុមហ៊ុនឯកជនធ្វើអាជីវកម្មពាក់ព័ន្ធនឹងការសាង សង់នៅទូទាំងតំបន់អាស៊ីអាគ្នេយ៍រួមមាន កម្ពុជា ឥណ្ឌូនេស៊ី ម៉ាឡេស៊ី ហ្វីលីពីន សឹង្ហបុរី ថៃ វៀតណាម និងមីយ៉ាន់ម៉ា។ លោកជីវ ស៊ីវផេង បានមានប្រសាសន៍ថា ប្រទេសនីមួយៗ បង្ហាញពីទស្សនៈរបស់ខ្លួនទៅលើ ស្ថានភាពឧស្សាហកម្មសំណង់ និងផលប៉ះពាល់ដែលបង្កឡើងដោយជំងឺរាតត្បាតកូវីដ១៩ ។ លោកបន្តថា សមាគមក៏នឹងពិភាក្សាអំពីការអភិវឌ្ឍនៃវិស័យសំណង់ និងរបៀបដែលរដ្ឋាភិបាលនៅក្នុងប្រទេសនីមួយៗ ជួយដល់ឧស្សាហកម្មនេះក្នុងកំឡុងពេលមានវិបត្តិ។
អានបន្ថែម
គម្រោងព្រីនស៍ អ៊ីនធើណាសិនណល ផ្លាហ្សា បញ្ចប់ការសាងសង់គ្រោងឆ្អឹងអគារជាស្ថាពរ
ក្រុមហ៊ុនព្រីនស៍រៀលអ៊ីស្តេត (ខេមបូឌា) គ្រុប កាលពីថ្ងៃទី ២៩ សីហានេះ បានបញ្ចប់គ្រោងឆ្អឹងនៃសំណង់គម្រោងព្រីនស៍ អ៊ីនធើណាសិនណល ផ្លាហ្សា បន្ទាប់ពីបានបើកការដ្ឋានកាលពីឆ្នាំ ២០១៨ កន្លងទៅ។ បើយោងតាមទំព័រហ្វេសប៊ុកផ្លូវការរបស់ក្រុមហ៊ុន គម្រោងនេះត្រូវចំណាយរយៈពេល ២ ឆ្នាំ គិតចាប់ពីការបុកគ្រឹះរហូតការបញ្ចប់ការងារសាងសង់គ្រោងឆ្អឹងអគារជាផ្លូវការនៃគម្រោងនេះ។ គម្រោងនេះមានផ្ទៃដីទំហំ ២០០ពាន់ម៉ែត្រការ៉េ ដែលនឹងសាង់សង់ជាមជ្ឈមណ្ឌលរស់នៅបែបច្រកចេញចូលតែមួយ រួមមាន ការិយាល័យ លំនៅដ្ឋានប្រណីត និងមជ្ឈមណ្ឌលពាណិជ្ជកម្មផងដែរ។ គួរបញ្ជាក់ផងដែរថា គម្រោងអភិវឌ្ឍន៍ចម្រុះ ព្រីនស៍ អ៊ីនធើណាសិនណល ផ្លាហ្សា (Prince International Plaza) មានទីតាំងស្ថិតនៅជិតអតីតសួនទឹកវ៉តធរផាក ទល់មុខនឹងអគារប៊ូយុ៉ងថោន ស្ថិតនៅលើមហាវិថីសហព័ន្ធរុស្សុី។ ក្រៅពីគម្រោង ព្រីនស៍ អ៊ីនធើណាសិនណលផ្លាហ្សានេះ ក្រុមហ៊ុន Prince Real Estate Group ក៏មានម្ចាស់គម្រោងធំៗជាច្រើនទៀតដូចជា គម្រោង Prince Central Plaza គម្រោង Prince Modern Plaza និងគម្រោង Diamond One […]
អានបន្ថែម
គម្រោងពង្រីកផ្លូវជាតិលេខ៥ ទាំងបីកំណាត់សម្រេចបាន ៧៩% ៣០% និង ១៩% ហើយ
គិតមកត្រឹមខែ សីហានេះ គម្រោងពង្រីកផ្លូវជាតិលេខ៥ ទាំងបីកំណាត់ ដែលមានប្រវែងសរុបចំនួន ៣៦៦គីឡូម៉ែត្រ សម្រេចបានប្រមាណ ៤២,៩៩% ហើយ ដោយគ្រោងនឹងត្រូវបញ្ចប់ជាស្ថាពរយ៉ាងយូរត្រឹមឆ្នាំ ២០២២។ បើយោងតាមរបាយការណ៍របស់ក្រសួងសាធារណការ និងដឹកជញ្ជូន ដែលទស្សនាវដ្ដីសំណង់ និងអចលនទ្រព្យទទួលបានកាលពីថ្ងៃទី ១ កញ្ញានេះ វឌ្ឍនភាពនៃកំណាត់ផ្លូវនីមួយៗ មានដូចតទៅ៖ ១/ ផ្នែកខាងជើង (បាត់ដំបង-សិរីសោភ័ណ) មានប្រវែងសរុបប្រមាណ ៨៤ គម សម្រេចបាន ៧៩, ០៥% គ្រោងបញ្ចប់ ខែកក្កដា ២០២១ ២/ ផ្នែកកណ្តាល (ធ្លាម្អម-បាត់ដំបង) មានប្រវែងសរុបប្រមាណ ១៤៦ គម សម្រេចបាន ៣០,៤៨% គ្រោងបញ្ចប់ ខែមេសា ឆ្នាំ២០២២ ៣/ ផ្នែកភាគខាងត្បូង(ព្រែកក្តាម -ធ្លាម្អម) មានប្រវែងសរុបប្រមាណ ១៣៥ គម សម្រចបាន ១៩,៤៤% គ្រោងបញ្ចប់ ខែសីហា ឆ្នាំ២០២២ គួរបញ្ចាក់ផងដែរថា គម្រោងធ្វើឱ្យប្រសើរឡើងផ្លូវជាតិលេខ៥ […]
អានបន្ថែម
ក្រុមហ៊ុនកាស៊ីណូយក្ស Naga Corp គ្រោងអភិវឌ្ឍរីស៊តចម្រុះនៅខេត្តសៀមរាប និងសីហនុ
ក្រុមហ៊ុន NagaCorp គ្រោងនឹងអភិវឌ្ឍរីស៊តចម្រុះ (Integrated Resort) នៅខេត្តសៀមរាប និងសីហនុ ក្នុងគោលបំណងដើម្បីពង្រីកវិសាលភាពរបស់ខ្លូន និងបង្កើតចំណូលថ្មីដែលមិនផ្ដោតលើការលេងល្បែង។ នេះបើយោងតាមរបាយការណ៍របស់ក្រុមហ៊ុន NagaCorp កាលពីពេលថ្មីៗនេះ។ ប្រភពដដែលបានឱ្យដឹងថា ក្រុមហ៊ុន NagaCorp កំពុងព្យាយាមស្វែងរកប្រភពចំណូលបន្ថែមក្រៅពីការបើកកាស៊ីណូ ដែលការវិនិយោគលើរីស៊តចម្រុះនឹងផ្ដល់ផលប្រយោជន៍ទៅវិញទៅមករវាងក្រុមហ៊ុន និងខេត្តទាំងពីរនេះ។ បើទោះបីជាមានវិបត្តិកូវីដ ១៩ យ៉ាងណាក្ដី កំណើនអាជីវកម្មរបស់ក្រុមហ៊ុនកាស៊ីណូយក្សមួយនេះ នៅតែបន្តឥតឈប់ឈរ ក្រោយបើកទ្វារឡើងវិញកាលពីថ្ងៃទី ៨ កក្កដា កន្លងមកនេះ។ ក្នុងរយៈពេល ៦ខែ ដំបូងនៃឆ្នាំ ២០២០ ក្រុមហ៊ុនមានចំណូលបានប្រមាណ ៣៧២ លានដុល្លារ (កើនឡើង១៥%) ពីផ្នែកកាស៊ីណូ ហើយប្រាក់ចំណេញសុទ្ធមានរហូតដល់ទៅប្រមាណ ២០,៦ លានដុល្លារអាមេរិក។ ជាមួយគ្នានេះដែរ វិបត្តិកូវីដ ១៩ ក៏មិនបានប៉ះពាល់ដល់ការអភិវឌ្ឍគម្រោង Naga ទី៣ នោះទេ។ គម្រោងនៅតែបន្តដំណើរការតាមការគ្រោងទុក ដោយរំពឹងថានឹងបញ្ចប់ក្នុងឆ្នាំ ២០២៥។ ប្រភពដដែលបានឱ្យដឹងថា បើរួមគម្រោង NagaWorld ទាំង ៣ រួមបញ្ចូលគ្នា […]
អានបន្ថែម
សមិទ្ធិផលហេដ្ឋារចនាសម្ព័ន្ធធំៗ ដែលនឹងជំរុញឱ្យព្រះសីហនុក្លាយជាតំបន់សេដ្ឋកិច្ចពហុបំណង
ក្នុងគោលបំណងប្រែក្លាយក្រុងព្រះសីហនុឱ្យតំបន់សេដ្ឋកិច្ចពហុបំណងស៊ិនជិន រដ្ឋាភិបាលកម្ពុជា បាន និងកំពុងសាងសង់ហេដ្ឋរចនាសម្ព័ន្ធធំៗជាច្រើនក្នុងខេត្តមួយនេះ។ គម្រោងខ្លះបានបញ្ចប់ការសាងសង់រួចហើយ ខ្លះកំពុងសាងសង់ ហើយខ្លះទៀតគ្រោងនឹងសាងសង់ មានដូចខាងក្រោម៖ ផ្លូវល្បឿនលឿនភ្នំពេញ-ក្រុងព្រះសីហនុ បើគិតខែដើមសីហា គម្រោងទាំងមូលផ្លូវល្បឿនលឿនភ្នំពេញ-ក្រុងព្រះសីហនុសម្រេចការសាងសង់បានច្រើនជាង ២៥% ហើយ តែការលើកតួថ្នល់គឺសម្រេចបានប្រមាណ ៧០%។ មកដល់បច្ចុប្បន្ន្កក្រសួងសេដ្ឋកិច្ច និងហិរញ្ញវត្ថុក៏បានដោះស្រាយផលប៉ះពាល់បានប្រមាណជាង ៩៣% ដោយអាចនឹងបញ្ចប់ការងារនេះនៅខែ កញ្ញា ឆ្នាំនេះ។ (អានបន្ថែម) កំពង់ផែទឹកជ្រៅ តាមរយៈកិច្ចសហប្រតិបត្តិការរវាងប្រទេសជប៉ុន និងរដ្ឋាភិបាលកម្ពុជា ខេត្តព្រះសីហនុក៏កំពុងតែពង្រីក កំពង់ផែទឹកជ្រៅដ៏ធំសម្បើម ដែលអាចស្រូបយកទំនិញនាំចេញ-នាំចូលក្នុងប្រទេសបានដល់ ៧០ភាគរយ។ គម្រោងនេះ កំពុងស្ថិតនៅក្នុងដំណាក់កាលទី១ និងទី២ (ពីឆ្នាំ២០២០ ដល់២០២៥) មានជម្រៅទឹក១៣ ម៉ែត្រ និងគ្រោងពង្រីកបន្ថែមទៀតសម្រាប់ ជំហានទី៣ និងទី៤ (ពីឆ្នាំ២០២៦ ដល់២០២៨) មានលទ្ធភាពឱ្យនាវាជម្រៅទឹក ១៥ម៉ែត្រចូលចតបាន ធ្វើឲ្យតម្លៃដឹកជញ្ជូនមានការធ្លាក់ចុះ។ (អានបន្ថែម និងបន្ថែម) ព្រលានយន្តហោះអន្តរជាតិ ព្រលានយន្តហោះអន្តរជាតិ ដែលជាកិច្ចសហប្រតិបត្តិការជាមួយក្រុមហ៊ុនបារាំង ក៏បានពង្រីកផ្លូវហោះហើរ ដែលអាចឱ្យយន្តហោះ ដែលមានកៅអី ៣ជួរ ចុះចតបាន និងមានផ្លូវរត់រហូតដល់ […]
អានបន្ថែម
ទីផ្សារខុនដូកម្ពុជារងសម្ពាធខ្លាំងដោយសារអត្រាលក់ធ្លាក់ចុះ
ដោយ៖ Eric Wong Chon Lap ខណៈដែលការផ្គត់ផ្គង់លំនៅដ្ឋានកើនឡើងកាន់តែច្រើន អត្រាលក់បានធ្លាក់ចុះជាបន្តបន្ទាប់ ដែលធ្វើឱ្យសំណង់ជាច្រើនកន្លែងនៅទំនេរ ហើយដោយសារតែវិបត្តិកូវីដ១៩ ទីផ្សារមួយនេះគឺកាន់តែសម្ពាធខ្លាំងជាងមុន។ ដោយសារតែវិបត្តិកូវីដ១៩ គេបានសង្កេតឃើញថា មានសំណង់ជាច្រើនត្រូវបានពន្យារពេលការសាងសង់ អ្នកអភិវឌ្ឍន៍ខ្លះទៀតពន្យារពេលបើកការដា្ឋន គម្រោងខ្លះបញ្ចុះតម្លៃលក់ ឬខ្លះទៀតបានផ្អាកប្រកាសលក់ តែម្ដង។ ទាំងនេះសុទ្ធតែជាមូលហេតុ ដែលបានធ្វើឱ្យវិស័យអចលនទ្រព្យនៅប្រទេសកម្ពុជាកាន់តែដុនដាប។ លើសពីនេះ តម្រូវការរបស់អ្នកទិញជនជាតិចិនក៏ធ្លាក់ចុះយ៉ាងគំហុក ដោយសារតែការផ្អាកជើងហោះហើរចេញចូល ដែលមិនត្រឹមតែប៉ះពាល់វិស័យអចលនទ្រព្យទេនេះ តែប៉ះពាល់សេដ្ឋកិច្ចពិភពលោកទាំងមូល។ ក្នុងចំណោមវិស័យអចលនទ្រព្យទាំងអស់ ឃើញថាទីផ្សារខុនដូថមរថយគួរឱ្យកត់សម្គាល់។ គម្រោងជាច្រើនមិនមានទីផ្សារលក់ចេញ ដែលធ្វើឱ្យចំនួនផ្គត់ផ្គង់ លើសតម្រូវការ។ យ៉ាងណាម៉ិញ ម្ចាស់គម្រោងទាំងនោះ នៅតែមានគំនិតសុទិដ្ឋិនិយម ថាអ្នកទិញជនជាតិចិននឹងអាចវិលត្រឡប់មកប្រឡូកក្នុងទីផ្សារខុនដូរនៅកម្ពុជាម្តងទៀត ដោយសង្ឃឹមថា យ៉ាងលឿនបំផុតគឺចុងឆ្នាំនេះ។ បើគិតឱ្យវែងឆ្ងាយ ប្រទេសកម្ពុជា នៅតែជាទីតាំងដ៏ទាក់ទាញមួយ សម្រាប់អ្នកដែលចង់វិនិយោគលើខុនដូរ ដោយសារតែ ទី១ ផលចំណេញច្រើន ទី២ មិនមានការដាក់កម្រិតការចំណាយនោះទេ និង ទី ៣ ចំណាយទៅលើការថែទាំមានតម្លៃសមរម្យជាងគេបើប្រៀបធៀបជាមួយប្រទេសជិតខាង។ លើសពីនេះ អ្នកវិភាគមួយចំនួនបានរំពឹងថា ទីផ្សារនេះនឹងងើបឡើងវិញនៅចុងឆ្នាំនេះ ឬ ដើមឆ្នាំក្រោយ។ ខណៈដែលគម្រោងខុនដូរភាគច្រើនត្រូវបានគេប្រើប្រាស់ក្នុងការវិនិយោគ អចលនទ្រព្យផ្សេងៗដូចជា […]
អានបន្ថែម
កម្មវិធី PropertyGuru Cambodia Property Awards លើកទី៥ នឹងប្រារព្ធឡើងនៅថ្ងៃទី ៤ ខែកញ្ញា នេះ
កម្មវិធីប្រគល់ពានរង្វាន់ PropertyGuru Cambodia Property Awards លើកទី ៥ នឹងប្រារព្ធឡើងនៅថ្ងៃទី ០៤ ខែកញ្ញា ខាងមុខនេះ ក្រោយពន្យារពេលមួយរយៈ។ បើតាមផែនការដំបូង កម្មវិធីគឺត្រូវធ្វើឡើងក្នុងខែមិថុនា កន្លងមកនេះ ប៉ុន្តែដោយសារតែមានការរាតត្បាតនៃវីរ៉ុសកូវីដ ១៩ ម្ចាស់កម្មវិធីសម្រេចចិត្តពន្យារមកខែកញ្ញា ដើម្បីធានានូវសុវត្ថិភាព និងសុខាមាលភាព របស់ភ្ញៀវកិត្តិយស ក៏ដូចជាបុគ្គលិក។ ព្រឹត្តិការណ៍ពានរង្វាន់អចលនទ្រព្យក៏ធំបំផុតនៅកម្ពុជានេះ នឹងត្រូវធ្វើឡើងនៅសណ្ឋាគារសូហ្វីតែលភ្នំពេញភោគីត្រា ហើយនឹងប្រព្រឹត្តទៅដោយប្រុងប្រយ័ត្នខ្ពស់បំផុត ដើម្បីជៀសវាងការឆ្លងវីរ៉ុសកូវីដ១៩។ កាលបរិច្ឆេទសំខាន់ៗ សម្រាប់ការរៀបចំកម្មវិធី PropertyGuru Cambodia Property Awards ឆ្នាំ ២០២០ នេះ មានដូចខាងក្រោម៖ • ថ្ងៃទី ២៦ ខែមិថុនាឆ្នាំ ២០២០ – បិទបញ្ជីបេក្ខភាព • ថ្ងៃទី ៣ ខែកក្កដាឆ្នាំ ២០២០ – បិទការចុះឈ្មោះ • ថ្ងៃទី ១៣ – ២៤ […]
អានបន្ថែម