មីយ៉ាន់ម៉ាពុះគម្រោងបង្កើតទីក្រុងយ៉ាំងហ្គោនថ្មីជាផ្នែកៗ ដើម្បីជំរុញសក្ដានុពលការវិនិយោគ
រូបភាព៖ UK-ASEAN Business Council រដ្ឋាភិបាលមីយ៉ាន់ម៉ា បានបែងចែកតំបន់អភិវឌ្ឍន៍ពាណិជ្ជកម្ម «ទីក្រុងយ៉ាំងហ្គោន» របស់ខ្លួនជា ២ តំបន់ ដើម្បីបង្កើនការប្រកួតប្រជែងពាណិជ្ជកម្ម និងការវិនិយោគពីក្រុមហ៊ុនធំៗរបស់ចិន។ គម្រោងទីក្រុងយ៉ាំងហ្គោនថ្មីនេះ នឹងរៀបចំជាតំបន់ពាណិជ្ជកម្មឧស្សាហកម្មលើទំហំដីប្រមាណ ៨ ពាន់ ហិកតា នៅតាមដងទន្លេយ៉ាំងហ្គោន ដែលនឹងត្រូវចំណាយទឹកប្រាក់ប្រមាណ ៨ ពាន់លានដុល្លារ។ តាមប្លង់ដំបូង គម្រោងនេះនឹងរួមមាន ការសាងសង់ស្ពានចំនួន ២ តំបន់ឧស្សាហកម្មទំហំ ១៣ គីឡូម៉ែត្រក្រឡា អគារពាណិជ្ជកម្ម និងអគារលំនៅដ្ឋានផ្សេង ដែលស្នើដោយក្រុមហ៊ុន Aecom ។ កាលពីឆ្នាំ ២០១៨ រដ្ឋាភិបាលមីយ៉ាន់ម៉ាបានចុះហត្ថលេខាលើកិច្ចព្រមព្រៀងតម្លៃ ១,៥ ពាន់លានដុល្លារអាមេរិកជាមួយក្រុមហ៊ុនម៉ៅការសំណង់ចិន (CCCC)។ យ៉ាងណាមិញ កិច្ចព្រមព្រៀងនៅតែមិនទាន់សម្រេច ១០០% នៅឡើយទេ ដែលបើកឱកាសឱ្យអ្នកវិនិយោគផ្សេងទៀតអាចដេញថ្លៃបាន។ យ៉ាងណាមិញ កាលពីថ្ងៃទី ២៩ ខែកក្កដាកន្លងមកនេះ រដ្ឋមន្រ្តីក្រសួងវិនិយោគ មីយ៉ាន់ម៉ា លោក U Thaung Tun បានប្រកាសបំបែកគម្រោងយក្សនេះ […]
អានបន្ថែម
ក្រុមហ៊ុនហ្វាំងឡង់ធានាផលិតថាមពលពន្លឺព្រះអាទិត្យ ២០០ មេហ្កាវ៉ាត់នៅកម្ពុជារយៈពេល ៥ ឆ្នាំ
ក្រុមហ៊ុនបច្ចេកវិទ្យាប្រទេសហ្វាំងឡង់ Wärtsilä បានចុះហត្ថលេខាជាមួយនឹងអគ្គីសនីកម្ពុជា (EDC) លើគម្រោងរោងចក្រថាមពល C7 ស្ថិតនៅទីក្រុងភ្នំពេញ ដោយធានាផ្គត់ផ្គង់ថាមពលអគ្គីសនីនៅកម្ពុជាសម្រាប់រយៈពេល ៥ ឆ្នាំ។ នេះបើយោងតាមគេហទំព័រ Power Engineering កាលពីថ្ងៃទី ១៧ កញ្ញានេះ។ ចំពោះកិច្ចព្រមព្រៀងនេះទៀតសោត ក្រុមហ៊ុន SchneiTec ដែលជាក្រុមហ៊ុនផ្គត់ផ្គង់វិស្វកម្មថាមពលអគ្គីសនី នឹងទទួលគ្រប់គ្រងអនុវត្តលើគម្រោងនេះ។ កិច្ចព្រមព្រៀងនេះនឹង ដាក់ឱ្យដំណើរការនូវម៉ាស៊ីន Wärtsilä 50DF ចំនួន ១២ គ្រឿង ដែលបង្កើតថាមពលសរុបដល់ទៅ ២០០ មេហ្កាវ៉ាត់ចូលក្នុងបណ្តាញអគ្គិសនីកម្ពុជា។ លោក Tann Tourthang អគ្គនាយកក្រុមហ៊ុន HFO / LNG និងក្រុមហ៊ុន SchneiTec Co.Ltd បានមានប្រសាសន៍ថា៖ « យើងគាំទ្រក្រុមហ៊ុន Wärtsilä ក្នុងការអនុវត្តគម្រោងនេះ។ ក្នុងនាមជាអ្នកផ្គត់ផ្គង់ម៉ាស៊ីនឧបករណ៍គ្រឿងបន្លាស់ យើងនឹងធ្វើការងារនេះ ឱ្យអស់ពីសមត្ថភាព»។
អានបន្ថែម
គម្រោងផ្លូវរថភ្លើងតម្លៃ ៧២៨លានដុល្លារ ប្រគល់កិច្ចសន្យាចាប់ផ្តើមសាងសង់
រដ្ឋាភិបាលហ្វីលីពីនបានផ្តល់គម្រោងវិស្វកម្មសំណង់ស៊ីវិលដែលមានតម្លៃសរុប ៧២៨ លានដុល្លារអាមេរិកដល់ក្រុមហ៊ុនអន្តរជាតិសម្រាប់ដំណាក់កាលដំបូងនៃការស្ថាបនាផ្លូវដែក Malolos-Clark ប្រវែង ៥១ គីឡូម៉ែត្រដែលជាផ្នែកមួយនៃផែនការរយៈពេលវែងរបស់ប្រទេសហ្វីលីពីនដើម្បីជំរុញការតភ្ជាប់និងកំណើនសេដ្ឋកិច្ចក្នុងតំបន់ដោយតភ្ជាប់ព្រលានយន្តហោះអន្តរជាតិក្លាកនិងតំបន់សេដ្ឋកិច្ចដែលបានគ្រោងទុកនៃទីក្រុងញូក្លាកដែលមានចម្ងាយ ៨០ គីឡូម៉ែត្រភាគពាយព្យនៃរដ្ឋធានីម៉ានីល។ កិច្ចសន្យាទាំងនោះត្រូវបានប្រគល់ឱ្យក្រុមហ៊ុនអេស្បាញ ហ្វីលីពីន និងកូរ៉េខាងត្បូងនៅដើមខែសីហាកន្លងទៅថ្មីៗនេះ។ ការសហការដំបូងរវាងក្រុមហ៊ុន Acciona របស់អេស៉្បាញនិងក្រុមហ៊ុន EEI Corporation ដែលមានមូលដ្ឋាននៅទីក្រុងម៉ានីលដើម្បីសាងសង់ផ្លូវ ៦,៣ គីឡូម៉ែត្រ ផ្លូវដែកប្រើចម្ងាយ ១,៦ គីឡូម៉ែត្រនិងស្ថានីយរថភ្លើងក្រោមដីនៅអាកាសយានដ្ឋានអន្តរជាតិក្លាក។ ទីពីរត្រូវបានប្រគល់ឱ្យក្រុមហ៊ុន Posco វិស្វកម្មនិងសំណង់នៃប្រទេសកូរ៉េខាងត្បូងដែលនឹងសាងសង់ដេប៉ូទំហំ ៣៣ ហិកតានិងមជ្ឈមណ្ឌលបញ្ជាប្រតិបត្តិការផ្លូវដែកនៅជាប់នឹងអាកាសយានដ្ឋាន។ ផ្លូវដែក Malolos-Clark គឺជាផ្នែកមួយនៃគំរោងផ្លូវដែកដែលមានតំលៃ ៦.១ កោដិ ១៦៣ គីឡូម៉ែត្រខាងជើង – ខាងត្បូងដែលនឹងបន្តទៅភាគអាគ្នេយ៍ពីទីក្រុង Malolos កាត់ទីក្រុងម៉ានីលឆ្ពោះទៅ Calamba នៅឆ្នាំ ២០២៥៕
អានបន្ថែម
កាន់តែទំនើបនិងងាយស្រួសជាមួយឧបករណ៍លំហាត់ប្រាណនៅតាមផ្ទះ
SEARA បានសិក្សាស្វែងយល់យ៉ាងច្បាស់អំពីបញ្ហានៅពេលដែលអ្នកកំពុងពិចារណាទិញសម្ភារផ្ទះមួយ ឬចង់សាងសង់កន្លែងហាត់ប្រាណក្នុងផ្ទះមួយពេញលេញ។ ទន្ទឹមនឹងការមានដំណោះស្រាយលំហាត់រាង្គកាយត្រឹមត្រូវយើងក៏ដឹងដែរថា ការមានចំណេះដឹងជាមូលដ្ឋានអំពីគុណប្រយោជន៍ពីលំហាត់របស់អ្នករួមជាមួយអនុសាសន៍មានប្រយោជន៍ពីអ្នកជំនាញក្នុងឧស្សាហកម្មហើយទីបំផុតការស្នាក់នៅសមស្របនឹងលំហាត់ប្រាណរបស់អ្នកគឺជាកត្តាគន្លឹះឆ្ពោះទៅរកការសម្រេចបាននូវសុខភាព និងគោលដៅលំហាត់ប្រាណរបស់អ្នក។ អ្នកត្រូវចងចាំថាមុនពេលចាប់ផ្តើមលំហាត់ណាមួយសូមពិគ្រោះជាមួយគ្រូពេទ្យដើម្បីសុវត្ថិភាពរបស់អ្នក។ គុណប្រយោជន៍នៃលំហាត់ប្រាណ ជាទូទៅយើងយល់ថា ហេតុអ្វីបានជាលំហាត់ប្រាណមានសារៈសំខាន់សម្រាប់យើង។ ប៉ុន្តែការដឹងពីអត្ថប្រយោជន៍ច្បាស់លាស់របស់វាក៏អាចជួយជំរុញឱ្យយើងឆ្ពោះទៅរកការសម្រេចបាននូវសុខភាព និងគោលដៅលំហាត់ប្រាណរបស់យើងដែរ។ ខាងក្រោមនេះគឺជាអត្ថប្រយោជន៍សំខាន់បំផុតនៃការធ្វើលំហាត់ប្រាណ៖ គ្រប់គ្រងទម្ងន់នៃរាងកាយ ប្រយុទ្ធប្រឆាំងនឹងស្ថានភាពចុះខ្សោយនៃសុខភាព និងជំងឺ បង្កើនប្រព័ន្ធភាពស៊ាំ ធ្វើឱ្យប្រសើរឡើងនូវអារម្មណ៍និងការគោរពខ្លួនឯង បង្កើនថាមពល ជំរុញការគេងឱ្យបានល្អ តើអាំងតង់ស៊ីតេមធ្យម ធៀបនឹងអាំងតង់ស៊ីតេខ្លាំងក្លាគឺជាអ្វី? សកម្មភាពអាំងតង់ស៊ីតេកម្រិតមធ្យមគួរតែបង្កើនចង្វាក់បេះដូងធ្វើឱ្យអ្នកដកដង្ហើមបានលឿននិងធ្វើឱ្យអ្នកមានអារម្មណ៍កក់ក្តៅគ្រប់គ្រាន់ដើម្បីចាប់ផ្តើមញើស។ ការធ្វើលំហាត់ប្រាណខ្លាំងក្លានឹងធ្វើឱ្យអ្នកដកដង្ហើមរឹងបង្កើនចង្វាក់បេះដូងរបស់អ្នកយ៉ាងខ្លាំងហើយធ្វើឱ្យអ្នកក្តៅ ហើយញើសបញ្ចេញខ្លាំង។ ប្រសិនបើអ្នកនៅតែមិនអាចកំណត់ថាតើការហាត់ប្រាណរបស់អ្នកខ្លាំងប៉ុនណា នោះវិធីងាយស្រួលក្នុងការធ្វើគឺ “ការតេស្តសន្ទនា” ។ សម្រាប់អាំងតង់ស៊ីតេល្មមអ្នកអាចនិយាយបាន ប៉ុន្តែមិនអាចច្រៀងបានទេ។ ចំពោះអាំងតង់ស៊ីតេខ្លាំងក្លាអ្នកនឹងមិនអាចនិយាយលើសពីពាក្យពីរបីដោយមិនដកដង្ហើមឡើង។ ឧទាហរណ៍នៃការធ្វើលំហាត់ប្រាណកម្រិតមធ្យមរួមមាន៖ ដើរល្បឿន (១០០ ជំហានក្នុងមួយនាទី) ជិះកង់ធម្មតា (៨,០៥-១៤,៤៨ គីឡូម៉ែត្រក្នុង ១ម៉ោង) ជិះកង់ (យឺតជាង ១៦ គីឡូម៉ែត្រក្នុងមួយម៉ោង) ឧទាហរណ៍នៃការធ្វើលំហាត់ប្រាណខ្លាំងក្លារួមមាន៖ រត់ ការចែវទូក លោតខ្សែពួរ អនុសាសន៍នៃបរិមាណលំហាត់ប្រាណដ៏ត្រឹមត្រូវ ការហាត់ប្រាណមានប្រសិទ្ធភាពបំផុត គឺនៅពេលដែលយើងដឹងពីអ្វីដែលយើងត្រូវការតិចតួចបំផុតសម្រាប់រាងកាយរបស់យើង ដូច្នេះយើងអាចធ្វើការកែតម្រូវបានអាស្រ័យលើការសម្រេចបាននៃសុខភាព និងគោលដៅលំហាត់ប្រាណរបស់យើង។ អង្គការសុខភាពពិភពលោក (WHO) […]
អានបន្ថែម
អាជីវកម្មផ្ទះជួលមួយចំនួនដែលធ្លាក់ចុះគំហុកដោយសារកូវីដ អាចនឹងប្រសើរវិញនៅចុងឆ្នាំនេះ
ដោយ Eric Wong Chon Lap ដោយសារតែវិបត្តិកូវីដ ម្ចាស់ផ្ទះជួលធ្វើអាជីវកម្មជាច្រើននៅកម្ពុជា បានបាត់បងចំំណូលមួយផ្នែកធំ ហើយកំពុងស្វែងរកអ្នកជួលថ្មី ដើម្បីទ្រទ្រង់ចំណាយ។ ដោយឡែកអ្នកជំនាញ បានព្យាករណ៍ទីផ្សារនេះនឹងប្រសើរឡើងបន្សឹមៗចាប់ពីចុងឆ្នាំនេះ។ ក្នុងកំឡុងពេលប៉ុន្មានខែកន្លងមកនេះ ឃើញថាមានអគារ និងផ្ទះជាច្រើនកន្លែងដែលពីមុនធ្លាប់ជា ហាង ភ្នាក់ងារទេសចរ ភោជនីយដ្ឋាន និងសេវាកម្មផ្សេងៗ បានក្លាយជាអគារទំនេរដាក់ផ្លាក “ផ្ទះជួល” ស្ទើរគ្រប់កន្លែង។ កាលពីមុនកូវីដ គឺមានអតិថិជនជាច្រើនតម្រង់ជួរសុំជួល ហើយម្ចាស់ផ្ទះគឺគិតថ្លៃជួលខ្ពស់ណាស់ ប៉ុន្តែបច្ចុប្បន្នម្ចាស់ផ្ទះបានទម្លាក់តម្លៃយ៉ាងគំហុក ក៏មិនសូវមានអ្នកចង់ជួលដែរ។អ្នកជួលខ្លះ ទទួលបានការបញ្ចុះតម្លៃជួលរហូតដល់ ៤០ភាគរយ ហើយថែមទាំងជួលរយៈពេលខ្លីទៀត។ លើសពីនេះ អាជីវកម្មជាច្រើនក៏បានពន្យារពេលការបើកនៅទីតាំងថ្មីរហូតដល់ស្ថានភាពប្រសើរឡើង។ វិនិយោគិនគឺត្រូវគិតគូរច្រើនជាមុន មុននឹងពង្រីកអាជីវកម្ម ដែលជាហេតុធ្វើឱ្យមិនសូវមានតម្រូវការជួល។ ជាមួយគ្នានេះ សហគ្រាសធុនតូចនិងមធ្យមដែលជាអតិថិជនចម្បងនៃទីផ្សារផ្ទះជួល ក៏ចាប់ផ្ដើមផ្ដាច់ ឬមិនបន្តកិច្ចសន្យា ដោយរងចាំឱ្យស្ថានភាពប្រសើរជាមុនសិន។ ដោយឡែក អ្នកជំនាញជាច្រើនយល់ឃើញដូចគ្នាថា បញ្ហាទាំងនេះនឹងប្រសើរឡើងវិញសន្សឹមៗ ចាប់ពីចុងឆ្នាំនេះ ខណៈសេដ្ឋកិច្ចនៅកម្ពុជា និងប្រទេសផ្សេងៗកំពុងបើកឡើងវិញហើយ។
អានបន្ថែម
Bentley System បើកក្រុមហ៊ុនពិគ្រោះយោបល់ផ្នែក software គ្រប់គ្រងការដ្ឋានបែបឌីជីថលថ្មីមួយ
រូបថត៖ លោក Allan Murphy នាយកក្រុមហ៊ុន Virtuosity ក្រុមហ៊ុន Bentley Systems ដែលជាក្រុមហ៊ុនអាមេរិកឈានមុខគេផ្នែក software គ្រប់គ្រងគម្រោងសាងសង់បែបឌីជីថល កាលពីថ្មីៗនេះ បានវិនិយោគបើកក្រុមហ៊ុនបុត្រសម្ព័ន្ធថ្មីមួយឈ្មោះថា Virtuosity ដែលជាក្រុមហ៊ុនពិគ្រោះយោបល់ផ្នែក software អនឡាញ។ ក្រុមហ៊ុន Virtuosity មានសេវាកម្មដូចជា កញ្ចប់ Virtuoso ដែលលក់គូរជាមួយនឹងកម្មវិធីផ្សេងៗទៀតរបស់ Bentley ដូចជាកម្មវិធីគំរូឌីជីថល ដែលអាចវិភាគសកម្មភាពពិតដែលកើតឡើងនៅក្នុងការដ្ឋានលើកុំព្យូរទ័រជាដើម។ លើសពីនេះ ចំណុចពិសេសរបស់ Virtuosity គឺការផ្តល់នូវសេវាកម្មពីអ្នកជំនាញ ដើម្បីជួយសម្របសម្រួល និងពិគ្រោះយោបល់ដល់ម្ចាស់គម្រោងដែលប្រើប្រាស់ software របស់ Bentley ។ សេវាកម្មពិគ្រោះយោបល់នេះរួមមាន ការបណ្តុះបណ្តាល ណែនាំ បង្រៀន និងរបៀបប្រើប្រាស់កម្មវិធីជាក់ស្តែង ពីអ្នកជំនាញមួយទល់មួយតាមរយៈប្រព័ន្ធអនឡាញ។ កញ្ចប់ Virtuoso អាចទិញបាននៅគេហទំព័រ virtuosity.com ហើយក្នុងគេហទំព័រនោះក៏មានកម្មវិធីជាច្រើនទៀតរួមមាន MicroStation, OpenBridge, OpenBuildings, OpenFlows, OpenRail, OpenRoads, OpenSite, […]
អានបន្ថែម
នីតិវិធីនៃការផ្ទេរកម្មសិទ្ធិអចលនវត្ថុរវាងប្លង់រឹង និងប្លង់ទន់
ការផ្ទេរកម្មសិទ្ធិកាន់កាប់អចលនវត្ថុយគឺជានីតិវិធីដ៏សំខាន់ និងចាំបាច់បំផុត ក្នុងការទិញលក់អចលនទ្រព្យ។ ដូច្នេះ ទាំងអ្នកលក់ និងអ្នកទិញ ត្រូវយល់ដឹងទាក់ទងនឹងនីតិវិធី និងរបៀបនៃការផ្ទេរកម្មសិទ្ធិនេះ ដើម្បីជៀសវាងបញ្ហាប្រឈមក្នុងពេលទិញលក់អចលនវត្ថុយ។ តើនីតិវិធីការផ្ទេរកម្មសិទ្ធិកាន់កាប់អចលនវត្ថុដែលត្រឹមត្រូវស្របច្បាប់ ត្រូវធ្វើឡើងយ៉ាងដូចម្ដេច និងមានដំណាក់កាលអ្វីខ្លះ? តើការផ្ទេរកម្មសិទ្ធិប្លង់រឹង (វិញ្ញាបនបត្រសម្គាល់ម្ចាស់អចលនវត្ថុ) និង ប្លង់ទន់ (លិខិតផ្ទេរសិទ្ធិកាន់កាប់អចលនទ្រព្យដែលមិនទាន់ចុះបញ្ជី) ដូចគ្នា និងខុសគ្នាដូចម្ដេច? ការផ្ទេរសិទ្ធិកាន់កាប់អចលនវត្ថុ សំដៅលើកិច្ចសន្យា ឬលិខិតគតិយុត្តនានា ដែលបញ្ជាក់ពីការផ្ទេរសិទ្ធិនៃអចលនវត្ថុពីម្ចាស់ដីដើម ទៅម្ចាស់អចលនទ្រព្យថ្មី ដោយមានការទទួលស្គាល់តាមផ្លូវច្បាប់។ ការផ្ទេរសិទ្ធិនេះធ្វើឡើងក្រោមទម្រង់ជា៖ – កិច្ចសន្យាទិញ-លក់អចលនវត្ថុ – ការធ្វើអំណោយ ឬប្រទានកម្ម (កិច្ចសន្យា ដែលភាគីម្ខាងផ្តល់នូវទ្រព្យសម្បត្តិ ដោយមិនយកថ្លៃ ដល់ភាគីម្ខាងទៀតយល់ព្រមទទួល) – សន្តតិកម្ម (ការផ្ទេរនូវសិទ្ធិ ឬករណីកិច្ច ពីជនណាម្នាក់ ទៅឱ្យជនម្នាក់ ឬច្រើននាក់តាមច្បាប់) – ការបែងចែកមរតកតាមការព្រមព្រៀង ជាដើម។ នីតិវិធីការផ្ទេរកម្មសិទ្ធិអចលនវត្ថុមាន ៥ ដំណាក់កាលធំៗរួមមាន៖ ១) បំពេញឯកសារនៅការិយាល័យភូមិបាល ភាគីទាំងសងខាង ឬអ្នកទទួលបានសិទ្ធិ ត្រូវមកការិយាល័យរៀបចំដែនដី នគរូបនីយកម្ម សំណង់ […]
អានបន្ថែម
Urban Village សហការជាមួយសមាគមអចលនទ្រព្យសកលដើម្បីពង្រឹងការលក់ក្នុងកំឡុងកូវីដ ១៩
ក្រុមហ៊ុនអភិវឌ្ឍន៍អចលនទ្រព្យ Urban Village កាលពីថ្ងៃទី ១៤ កញ្ញា ២០២០នេះ បានចុះអនុស្សរណៈយោគយល់គ្នាជាមួយសមាគមនអចលនទ្រព្យសកល (GRA) ដើម្បីពង្រឹងការលក់របស់ខ្លួន ក្នុងកំឡុងវិបត្តិកូវីដ ១៩។ លោក Ben Li ស្ថាបនិក និងអគ្គនាយកក្រុមហ៊ុនអភិវឌ្ឍន៍អចលនទ្រព្យ Urban Village បានប្រាប់ទស្សនាវដ្ដីសំណង់ និងអចលនទ្រព្យថា ៖ «អនុស្សារណៈយោគយល់នេះ គឺដើម្បីជាការជួយគាំទ្រគ្នាទៅវិញទៅមក ពោលគឺ ខាងសមាគម (GRA) នឹងជួយពង្រឹកការលក់ខុនដូរបស់យើង ហើយយើងនឹងជួយគាំទ្រដល់កម្មវិធីផ្សេងៗដល់សមាគមវិញ»។ លោកបានបន្ថែមថា៖ « GRA មានមេដឹកនាំឆ្នើមដូច លោក សំ សុខ នឿន (សេម) ដែលជាបុគ្គលលេចធ្លោនៅក្នុងអចលនទ្រព្យ ដែលតែងតែផ្តោតសំខាន់លើគុណភាព ក៏ដូចជាធ្វើការស្រាវជ្រាវយ៉ាងលម្អិតលើគម្រោងនីមួយៗ។ មុនពេលសហការជាមួយយើង លោក សេម បានខិតខំយកចិត្តទុកដាក់សិក្សាស្រាវជ្រាវលើគម្រោងយើងអស់រយៈពេលជាងកន្លះឆ្នាំ។ នេះជាហេតុផលដែលយើងសហការជាមួយ GRA»។ គួរបញ្ជាក់ផងដែរ គម្រោង Urban Village ដំណាក់កាលទី ២ គឺជាគម្រោងទី ៣ […]
អានបន្ថែម
ការសាងសង់កំពង់ផែទេសចរណ៍អន្តរជាតិខេត្តកំពតពន្យារពេលបញ្ចប់ការសាងសង់
ការស្ថាបនាកំពង់ផែទេសចរណ៍នៅ ខេត្តកំពត មិនអាចបញ្ចប់ការសាងសង់តាមការគ្រោងទុកនៅឆ្នាំនេះបានឡើយ ដោយសារដំណើការសាងសង់រាំងស្ទះដោយការរីករាលដាលនៃជំងឺកូវីដ១៩។ យោងតាមក្រសួងទេសចរណ៍ កាលបរិច្ឆេទបញ្ចប់ការងារសាងសង់ទាំងមូលនៃកំពង់ផែទេសចរណ៍នេះ គឺលើកទៅចុងឆ្នាំ ២០២១។ ឯកឧត្តម តុប សុភ័ក្រ អនុរដ្ឋលេខាធិការ និងអ្នកនាំពាក្យក្រសួងទេសចរណ៍ បានឱ្យដឹង កាលពីថ្ងៃទី ១៤ កញ្ញានេះថា៖ «បច្ចុប្បន្នការងារសាងសង់សម្រេចបានជាង ៣០%។ តែដោយសារបញ្ហាកូវីដហ្នឹង ការសាងសង់នឹងបញ្ចប់នៅចុងឆ្នាំ ២០២១…បើមិនមានអីប្រែប្រួលទេ ក្នុងរង្វង់ដើមឆ្នាំ ២០២២ គឺអាចដាក់ឱ្យដំណើរការ»។ គួរបញ្ជាក់ផងដែរថា ដោយសារតែបញ្ហាកូវីដ ការសាងសង់គម្រោងនេះគឺយឺតយ៉ាវម្ដងហើយម្ដងទៀត ដោយកាលពីខែ ឧសភា កន្លងមកនេះ ការសាងសង់សម្រេចបានប្រមាណ ៣០% ហើយច្ចុប្បន្ន គឺនៅទ្រឹងប្រមាណជាង ៣០% ដដែល។ (អានបន្ថែម) កំពង់ផែទេសចរណ៍អន្តរជាតិនេះ មានទីតាំងស្ថិតនៅស្រុកទឹកឈូ ដែលបានបើកការដ្ឋានកាលពីខែសីហា ឆ្នាំ២០១៨ ដោយប្រើប្រាស់កម្ចីប្រមាណ ៨លានដុល្លារ ពីធនាគារអភិវឌ្ឍន៍អាស៊ី (ADB)។ (អានបន្ថែម) ក្រោយបញ្ចប់ការសាងសង់ កំពង់ផែដែលមានប្រវែង ៣០០ម៉ែត្រ អាចនឹងឱ្យនាវាដឹកដំណើរពីអ្នកដំណើរពី ៣០០ ទៅ៤០០នាក់ ចូលចតបាន។ លើសពីនេះ […]
អានបន្ថែម
សម្ដេច ហ៊ុន សែន ស្នើឱ្យខេត្តកំពតសិក្សាបង្កើតតំបន់រដ្ឋបាល និងសាងសង់ពហុកីឡដ្ឋានថ្មី
រូបតំណាង សម្ដេចនាយករដ្ឋមន្ត្រី ហ៊ុន សែន បានស្នើឱ្យរដ្ឋបាលខេត្តកំពត សិក្សាលទ្ធភាពរៀបចំតំបន់រដ្ឋបាលប្រមូលផ្តុំ និងគម្រោងសាងសង់ពហុកីឡាដ្ឋានថ្មីមួយទៀតនៅក្នុងខេត្តនេះ។ នេះបើយោងតាមរដ្ឋបាលខេត្តកំពតកាលពីថ្ងៃទី ១២ កញ្ញា កន្លងទៅនេះ។ បើយោងតាម រដ្ឋបាលខេត្តកំពត ក្រុមការងារកំពុងធ្វើការយ៉ាងសកម្មសិក្សា លើសំណើរបស់សម្ដេចនាយករដ្ឋមន្ត្រីនេះ ដោយនឹងរាយការណ៍លទ្ធផលជូនសម្ដេចក្រោយសិក្សារួចក្នុងពេលឆាប់ៗ។ បន្ថែមពីនេះ រដ្ឋបាលខេត្តកំពត ក៏កំពុងសិក្សាគម្រោងស្ពាន ២ បន្ថែមទៀតនៅក្នុងខេត្ត គឺទី១ គម្រោងព្រែកកំពង់បាយចាស់ សិក្សាដោយក្រុមហ៊ុន China Road និងទី ២ គម្រោងសិក្សាស្ពានថ្មី សិក្សាដោយកងវិស្វកម្មក្រសួងការពារជាតិ ដែលបច្ចុប្បន្នសម្រេចបានប្រមាណជាង៧០% ហើយ។ ក្រោយពីសិក្សាចប់សព្វគ្រប់ គម្រោងទាំងនេះ នឹងត្រូវឆ្លងថ្នាក់ដឹកនាំមន្ត្រីរាជការខេត្តកំពត និងដាក់ស្នើទៅកាន់សម្ដេចនាយករដ្ឋមន្ត្រី ដើម្បីអនុម័តដំណើរការសាងសង់។ លោក អ៊ឺង ឆាយ បានឲ្យដឹងថា គម្រោងស្ពានកំពង់បាយនេះ ធ្វើឡើងដើម្បីឆ្លើយតបទៅនឹង កំណើនភ្ញៀវទេសចរណ៍យ៉ាងច្រើនកុះករជារៀងរាល់សប្តាហ៍ ដែលបណ្តាលឲ្យមានការកកស្ទះយានយន្ត ជាពិសេសលើស្ពានឆ្លងព្រែកកំពង់បាយ។ (អានបន្ថែម)
អានបន្ថែម
សាលាក្រុងបើកឱ្យប្រើប្រាស់ផ្លូវថ្មីមួយខ្សែ តភ្ជាប់ពីផ្លូវ ២៨៣ ទំនប់ទួលគោកមកតំបន់បឹងកក់
រដ្ឋបាលរាជធានីភ្នំពេញ កាលពីថ្ងៃទី ១៣ ខែកញ្ញា កន្លងមកនេះ បានបើកឱ្យប្រើប្រាស់ផ្លូវថ្មីមួយខ្សែ តភ្ជាប់ពីផ្លូវលេខ ២៨៣ ម្ដុំទំនប់ទួលគោក មកតំបន់បឹងកក់ ក្នុងខណ្ឌដូនពេញ។ ផ្លូវថ្មីនេះ ជាផ្លូវអ៊ុតកៅស៊ូ AC ទទឹង ២០ម៉ែត្រ ដែលបានបើកការដ្ឋានស្ថាបនាអស់រយៈពេលប្រមាណជិត១ឆ្នាំ មកហើយ។ លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញបានបញ្ជាក់ឲ្យដឹងថា ក្រោយការបើកដំណើរការ ផ្លូវនេះនឹងជួយកាត់បន្ថយការកកស្ទះចរាចរនៅដងផ្លូវលេខ៧០ ផ្លូវលេខ ២៧៣(ទំនប់ទួលគោក) និងមហាវិថីសហព័ន្ឋរុស្សី។ គួរបញ្ជាក់ផងដែរថា រដ្ឋបាលរាជធានីភ្នំពេញបាន និងកំពុងធ្វើការយ៉ាងសកម្មដើម្បីកាត់បន្ថយការស្ទះចរាចរណ៍។ គម្រោងថ្មីៗ រួមមាន ផ្លូវថ្មីមួយខ្សែ ទទឹង ៣០ម៉ែត្រ ចាប់ពីម្ដុំផ្សារទំនើបអេអន ម៉ល សែនសុខ ដល់មហាវិថី ឈ្នះឈ្នះ ការពង្រីកផ្លូវនៅមុខទីស្ដីការគណៈរដ្ឋមន្ត្រី រហូតដល់ភ្លើងស្ដុបក្ដាន់ពីរ ការពង្រីកផ្លូវចំណុចច្រមុះជ្រូកសូគីម៉ិចក្បាលថ្នល់ និងការកែសម្រួលចរាចរណ៍ចំណុចវត្តនាគវ័ន្ន ជាដើម។ (អានបន្ថែម និង បន្ថែម)
អានបន្ថែម
ក្រុមហ៊ុនសិង្ហបូរីកំពុងទិញដីទំហំ ១,២ ហិកតា នៅទួលគោកដើម្បីសាងសង់គម្រោងអភិវឌ្ឍចម្រុះថ្មីមួយ
ក្រុមហ៊ុន Public Housing Development (Cambodia) ដែលជាបុត្រសម្ព័ន្ធរបស់ HLH Group (ហុង ឡៃហួត គ្រុប) កាលពីថ្មីៗនេះ បានព្រមព្រៀងជាមួយ ឡៅ ចាន់ណារ៉ា ទិញដីទំហំ ១,២ ហិកតា នៅខណ្ឌទួលគោក ដើម្បីសាងសង់គម្រោងអភិវឌ្ឍចម្រុះថ្មីមួយ។ យោងតាមសារព័ត៌មាន The Business Times ភាគីទាំង ២ បានព្រមព្រៀងលើការទិញលក់នេះ កាលពីថ្ងៃទី ១១ ខែកញ្ញា កន្លងមកនេះ ក្នុងតម្លៃ ២២.៥ លានដុល្លារអាមេរិក។ HLH Group បានឱ្យដឹងថា ការទិញដីនេះគឺជាផ្នែកមួយនៃកិច្ចខិតខំស្វែងរកឱកាសអភិវឌ្ឍន៍ថ្មីៗ នៅក្នុងតំបន់។ ប្រភពដដែលបានឱ្យដឹងថា ក្រុមហ៊ុននឹងទិញដីនេះ ដោយប្រើមូលនិធិផ្ទៃក្នុង និងកម្ចីពីធនាគារ។ ទោះយ៉ាងណា វានឹងមិនប៉ះពាល់ដល់ទ្រព្យសម្បត្តិជាក់ស្តែង ឬប្រាក់ចំណូលក្រុមហ៊ុនសម្រាប់ឆ្នាំ ២០២០ នេះទេ។ HLH Group មិនទាន់បានបង្ហាញព័ត៌មានលម្អិត ដូចជាកាលបរិច្ឆេទនៃការចាប់ផ្ដើមសាងសង់ និងទុនវិនិយោគនៃគម្រោងអភិវឌ្ឍន៍ចម្រុះថ្មីនេះទេ។ គួរបញ្ជាក់ផងដែរថា HLH […]
អានបន្ថែម