ចិនគ្រោងនឹងបង្កើតរោងចក្របំលែងសំរាមជាអគ្គីសនី អនុភាព១២មេហ្កាវ៉ាត់ នៅសៀមរាប
រូបភាពតំណាង ក្រុមហ៊ុនចិន MIZUDA គ្រោងនឹងវិនិយោគលើរោងចក្រដុតបំលែងសំរាមជាអគ្គីសនីមួយនៅខេត្តសៀមរាប ដែលនឹងអាចបំលែងសំរាមបានប្រមាណ ២១ម៉ឺនតោន/ឆ្នាំ ទៅជាថាមពលអគ្គីសនី១២ មេហ្កាវ៉ាត់។ នេះបើយោងតាមហ្វេសប៊ុកផ្លូវការរបស់រដ្ឋបាលខេត្តសៀមរាបកាលពីថ្ងៃទី ២១ ខែកក្កដា កន្លងមកនេះ។ តាមការបង្ហាញរបាយការណ៍របស់ក្រុមហ៊ុន គម្រោងនេះត្រូវបានសិក្សាអស់រយៈពេលជាងកន្លះឆ្នាំ និងបានបញ្ចប់កាលពីមុនខែ ធ្នូ ឆ្នាំ២០១៩ កន្លងទៅនេះ។ ក្នុងមួយឆ្នាំ រោងចក្រនេះអាចផលិតជាថាមពលអគ្គីសនីបានប្រមាណជាង ៧៥ម៉ឺន គីឡូវ៉ាត់ម៉ោង ដែលស្មើនឹងប្រមាណ ១០ភាគរយ នៃតម្រូវការផ្គត់ផ្គង់សរុបក្នុងក្រុងសៀមរាបបច្ចុប្បន្ន។ ឯកឧត្តម ទៀ សីហា អភិបាលខេត្តសៀមរាប ក៏បានបង្ហាញនូវជំហរគាំទ្រទាំងស្រុងចំពោះគម្រោងវិនិយោគនេះ។ ដោយឡែក ទាក់ទិននឹងបញ្ហាប្រមូលសំរាម ការកំណត់តម្លៃលក់ថាមពល ការកំណត់ទីតាំងសាងសង់រោងចក្រ គឺនឹងត្រូវសិក្សាស៊ីជម្រៅបន្ថែមទៀត ហើយនឹងត្រូវពិភាក្សាឡើងវិញសម្រាប់ក្នុងកិច្ចប្រជុំបន្ទាប់។ គួរបញ្ជាក់ផងដែរថា សំរាមនៅក្នុងក្រុងសៀមរាបបច្ចុប្បន្ន មានប្រមាណជាង ៤៨០តោន/ថ្ងៃ។ បើតាមការប៉ាន់ប្រមាណផ្អែកទៅលើកំណើនប្រជាពលរដ្ឋ និងកំណើនភ្ញៀវទេសចរផងនោះ សំរាមអាចនឹងកើនដល់៦០០ តោន/ថ្ងៃ នៅឆ្នាំ ២០២២ និងដល់ទៅជាង១០០០តោន/ថ្ងៃ នៅឆ្នាំ២០៣៥។
អានបន្ថែម
អន្តរក្រសួងកំពុងពិភាក្សាលើសេចក្ដីព្រាងអនុក្រឹត្យថ្មី ៣ ដើម្បីពង្រឹងវិស័យសំណង់នៅកម្ពុជា
ក្រសួងមហាផ្ទៃ និងក្រសួងដែនដី នគរូបនីយកម្ម និងសំណង់ កាលពីព្រឹកថ្ងៃទី ២១ កក្កដា នេះ បានបើកកិច្ចប្រជុំពិភាក្សាលើសេចក្ដីព្រាងអនុក្រឹត្យចំនួន៣ ក្នុងគោលបំណងជួយពង្រឹងគុណភាពសំណង់នៅកម្ពុជា។ សេចក្ដីព្រាងអនុក្រឹត្យចំនួន៣ នោះរួមមាន ទី១ អនុក្រឹត្យស្ដីពី លិខិតអនុញ្ញាតសាងសង់ (មាន១២ជំពូក និង៥៧មាត្រា) ទី ២ អនុក្រឹត្យស្ដីពីលក្ខខណ្ឌ និងនីតិវិធីនៃការផ្ដល់ ការព្យួរ និងការដកហូតវិញ្ញាបនបត្រប្រើប្រាស់សំណង់ (មាន១៣ជំពូក និង៥៥មាត្រា) និង ទី ៣ អនុក្រឹត្យស្ដីពីលក្ខខណ្ឌ និងនីតិវិធីនៃការត្រួតពិនិត្យ និងបញ្ជាក់សំណង់ (មាន១២ជំពូក និង៥៩មាត្រា)។ គោលបំណងចំបងនៃសេចក្ដីព្រាងអនុក្រឹត្យទាំងនេះ គឺដើម្បីកំណត់នូវតួនាទីរបស់រដ្ឋបាលថ្នាក់ក្រោមជាតិ ឱ្យបានជាក់លាក់ជាងមុន ទាក់ទងនឹងការចេញលិខិតការអនុញ្ញាត្ត និង ការចុះត្រួតពិនិត្យ រាល់សំណង់នៅកម្ពុជា ។ ឯកឧត្តម លេង វី រដ្ឋលេខាធិការក្រសួងមហាផ្ទៃ មានប្រសាសន៍ថា កិច្ចប្រជុំនេះ កំពុងពិនិត្យកែសម្រួលខ្លឹមសារមួយចំនួន ដើម្បីការប្រើប្រាស់ និងអនុវត្តប្រកបដោយតម្លាភាព ហើយធ្វើយ៉ាងណាឲ្យប្រជាពលរដ្ឋខ្មែរទាំងអស់មានជំនឿទុកចិត្តទៅលើសេចក្ដីព្រាងអនុក្រឹត្យទាំង ៣ នេះ។ គួរបញ្ជាក់ផងដែរថា សេចក្ដីព្រាងអនុក្រឹត្យនេះ […]
អានបន្ថែម
ក្រុមហ៊ុនជីបម៉ុង វិនិយោគសាងសង់កន្លែងផ្ទុកសំរាមឧស្សាហកម្មនៅតំបន់សេដ្ឋកិច្ចពិសេសសីហនុ
ក្រុមហ៊ុន ជីប ម៉ុង អ៊ិនស៊ី ស៊ីមែនខបភើរេសិន (CMIC) របស់ជីប ម៉ុង គ្រុប បានចូលរួមវិនិយោគ សាងសង់កន្លែងផ្ទុកសំរាមឧស្សាហកម្ម ក្នុងគោលបំណងដើម្បីផ្តល់សេវាកម្មកែច្នៃកាកសំណល់ឧស្សាហកម្មដល់សហគ្រាសនៅក្នុងតំបន់សេដ្ឋកិច្ចពិសេសខេត្តព្រះសីហនុ។ កិច្ចព្រមព្រៀងវិនិយោគកសាងកន្លែងផ្ទុកសំរាមឧស្សាហកម្ម នេះ ត្រូវបានចុះហត្ថលេខាដោយ លោក Nicolas George នាយកប្រតិបត្តិនៃក្រុមហ៊ុនCMIC និងលោក Cao Jianjiang អគ្គនាយកនៃក្រុមហ៊ុនតំនប់សេដ្ឋកិច្ចពិសេសក្រុងព្រះសីហនុ កាលពីថ្ងៃទី២០ កក្កដាកន្លងទៅ ដោយមានវត្តមានលោក ទេព ស៊ីណូរ៉ា អនុប្រធានមន្ទីរបរិស្ថានខេត្តព្រះសីហនុ។ ដោយឡែក លោក ទេព ស៊ីណូ បានមានប្រសាសន៍ថា គម្រោងនេះមិនត្រឹមតែជួយសម្រួលដល់ការផលិត ប្រតិបត្តិការ និងគ្រប់គ្រងសំរាម របស់រោងចក្រក្នុងតំបន់សេដ្ឋកិច្ចពិសេសនោះទេ ថែមទាំងចូលរួមចំណែកយ៉ាងសំខាន់ក្នុងការកែលម្អសុវត្ថិភាព សុខភាព គុណភាពបរិស្ថាន ជាពិសេសការអភិវឌ្ឍប្រកបដោយនិរន្តរភាព ទៀតផង។ គួរបញ្ជាក់ថា ក្រុមហ៊ុន CMIC ត្រូវបានរួមបង្កើតឡើងដោយជីប ម៉ុង គ្រុប នៃប្រទេសកម្ពុជា និងក្រុមហ៊ុនស៊ីម៉ងត៍ Siam City Cement Corporation […]
អានបន្ថែម
រដ្ឋបាលខេត្តកំពង់ស្ពឺដកហូតដីខុសច្បាប់ជាង ៤០០០ ហិកតា មកជាសម្បត្តិរដ្ឋវិញ
មកទល់បច្ចុប្បន្ន អភិបាលខេត្តកំពង់ស្ពឺ បាន និងកំពុងដកហូតដីដែលកាន់កាប់ខុសច្បាប់ ក្នុងងតំបន់ការពារធម្មជាតិ ៣ កន្លែង ទំហំជាង ៤០០០ ហិកតា មកជាសម្បត្តិរដ្ឋវិញ។ នេះបើយោងតាមរបាយការណ៍សង្ខេបរបស់រដ្ឋបាលខេត្តកំពង់ស្ពឺ ចេញកាលពីថ្ងៃទី ២០ ខែ កក្កដា កន្លងមកនេះ។ របាយការណ៍នេះ បានឲ្យដឹងថា ផ្ទៃដីដែលបានដកហូតទាំងនោះរួមមាន តំបន់ការពារធម្មជាតិចំបក់ (១ ៦៤១ ហិកតា) តំបន់ការពារធម្មជាតិទាំង ៨ សហគមន៍ក្នុងស្រុកឱរ៉ាល់ (២ ៧៣២ ហិកតា) និងតំបន់ឧទ្យានជាតិជួរភ្នំក្រវាញ (៤៤ ហិកតា)។ អភិបាលខេត្តកំពង់ស្ពឺ ឯកឧត្ដម វ៉ី សំណាង បានថ្លែងក្នុងសន្និសទីសារព័ត៌មានស្តីពី វឌ្ឍនភាព និងទិសដៅការងារខេត្តកំពង់ស្ពឺ កាលពីថ្ងៃទី ២០ កក្កដា នេះថា៖ «ចំពោះបទល្មើសព្រៃឈើ និងការទន្រ្ទានយកដីព្រៃនេះ គឺយើងធ្វើដូចភ្លៀងរលឹមអញ្ចឹង ហើយយើងប្តេជ្ញាដាច់ខាតក្នុងការការពារការទន្ទ្រានយកដីព្រៃនេះ» ឯកឧត្តមបានបន្តថា ៖«យើងខិតខំយ៉ាងណា ដាក់បញ្ជារដល់អ្នកពាក់ព័ន្ធមានក្រសួងបរិស្ថាន រដ្ឋបាលព្រៃឈើ និងមានការចូលរួមពីកងកម្លាំងប្រដាប់អាវុធ ដែលយើងចាប់ និងដកហូតជាបន្តបន្ទាប់ដូចដែលក្នុងរបាយការណ៍ […]
អានបន្ថែម
មកទល់បច្ចុប្បន្ន ខេត្តកំពង់ស្ពឺ ទទួលបានការវិនិយោគរាប់រយគម្រោង តម្លៃជាង២០០លានដុល្លារ
ខេត្តកំពង់ស្ពឺ កន្លងមកបានទាក់ទាញគម្រោងវិនិយោគទុនធំៗ ជាច្រើនរាប់រយគម្រោង តម្លៃជាង២០០លានដុល្លារ ស្របពេលក្រុមហ៊ុនវិនិយោគថ្មីៗជាច្រើនគ្រោងនឹងមកបោះទុនបន្ថែមទៀតក្នុងខេត្តមួយនេះនាពេលខាងមុខ។ របាយការណ៍ស្តីពីវឌ្ឍនភាពខេត្តកំពង់ស្ពឺ បានបង្ហាញថា គម្រោងវិនិយោគចំនួន ១៨៨គម្រោងត្រូវបានអនុម័ត កាលពីឆ្នាំ២០១៩ ដោយមានផ្ទៃក្រឡាសំណង់សរុប ទំហំ ៧០ម៉ឺនម៉ែត្រការ៉េ។ គម្រោងវិនិយោគទាំងនេះ មានទុនវិនិយោគសរុប ២១០លានដុល្លារ។ បើតាមរបាយការណ៍ដដែល ក្នុងចំណោមក្រោមហ៊ុនទាំងអស់ មានក្រុមហ៊ុនវិនិយោគធំៗ មានចំនួន៥ ក្នុងនោះ មានក្រុមហ៊ុន Great Field (Cambodia) International Limited ចំនួន ៩ពាន់ហិកតា ក្រុមហ៊ុន Yellow Field (Cambodia) International Limited ចំនួន៨ពាន់៥រយហិកតា ក្រុមហ៊ុន HLH Agriculture (Cambodia) Co Ltd ចំនួន ៩ពាន់៩រយ ហិកតា ក្រុមហ៊ុន កំពង់ស្ពឺ ស៊ូហ្គើរ មានផ្ទៃដីចំនួន ៤ពាន់៧រយ ហិកតា និងក្រុមហ៊ុន ៩៩ អភិវឌ្ឍន៍ កសិកម្ម […]
អានបន្ថែម
ក្រុមហ៊ុនហុងកុងគ្រោងបង្កើតទីក្រុងរណបនៅខេត្តកំពង់ស្ពឺ
ក្រុមហ៊ុនវិនិយោគនៅហុងកុង គ្រោងនឹងបង្កើតទីក្រុងរណប នៅខេត្តកំពង់ស្ពឺ ចំពោះទីតាំងពិតប្រាកដនោះ អភិបាលខេត្តសុំមិនបញ្ជាក់។ នេះបើយោងតាមឯកឧត្ដម វ៉ី សំណាង អភិបាលខេត្តកំពង់ស្ពឹ ថ្លែងក្នុងសន្និសទីសារព័ត៌មានស្តីពី «វឌ្ឍនភាព និងទិសដៅការងារបន្តរបស់រដ្ឋបាលខេត្តកំពង់ស្ពឺ» កាលពីព្រឹកថ្ងៃទី ២០ កក្កដា ឆ្នាំ២០២០នេះ។ ឯកឧត្ដមបានមានប្រសាសន៍ថា៖ «ខ្ញុំបានទាក់ទងជាមួយនឹងអ្នកវិនិយោគនៅហុងកុង គឺគាត់មានគម្រោងបង្កើតទីក្រុងរណប ហើយក៏មានអ្នកវិនិយោគក្នុងស្រុកផ្សេងៗទៀត ដែលខ្ញុំកំពុងតែទាក់ទងសព្វថ្ងៃ ប៉ុន្តែដោយសារបញ្ហាកូវីដ យើងនៅទ្រឹង ដោយសារពួកគាត់ចូលមកអត់បាន។» ឯកឧត្តមបន្តថា៖ «សព្វថ្ងៃយើងកំពុងតែធ្វើ តែបើសួរថា ធ្វើនៅទីណាយើងសុំលាក់សិន បើមិនចឹងអ្នកទៅទិញដីនៅតំបន់ហ្នឹងឡើងថ្លៃមិនខាន។» សូមបញ្ជាក់ ក្នុងឆ្នាំ ២០១៩ ខេត្តកំពង់ស្ពឺបានចេញលិខិតអនុញ្ញាតសាងសង់ចំនួន ១៨៨ គម្រោងមានក្រឡាផ្ទៃសំណង់សរុបទំហំ ៧០ម៉ឺន ម៉ែត្រការ៉េ ដែលមានទុនវិនិយោគប្រមាណច្រើនជាង ២១០លានដុល្លារអាមេរិក។ (អានបន្ថែម) នៅក្នុងបទសម្ភាសន៍ជាមួយទស្សនាវដ្ដីសំណង់ និងអចលនទ្រព្យ កាលពីខែ ឧសភា ឯកឧត្តមក៏បានឲ្យដឹងថា ផ្ទៃដីនៅតំបន់កីឡដ្ឋានខេត្តកំពង់ស្ពឺ មានលក្ខណៈធំហើយស្អាតដូច្នេះ ខាងរដ្ឋបាលខេត្តគ្រោងនឹងកែប្រែតំបន់ទាំងនេះ ទៅជាទីប្រជុំជនទីក្រុងរណបផងដែរ។ (អានបន្ថែម)
អានបន្ថែម
CEO សណ្ឋាគារអន្ដរជាតិកំពូលៗ បង្ហាញពីយុទ្ធសាស្រ្តសំខាន់ៗ ៣ ចំណុច ដើម្បីឆ្លងផុតពីវិបត្តិកូវីដ
ឧស្សាហកម្មបដិសណ្ឋារកិច្ចគឺ ជាវិស័យមួយដែលទទួលរងគ្រោះខ្លាំងបំផុតពីការរាតត្បាតនៃមេរោគកូវីដ១៩។ គិតត្រឹម៤ខែ ដំបូងនៃ ២០២០ ភ្ញៀវទេសចបរទេសមកកម្ពុជា ធ្លាក់ចុះជាង៧០% អាជីវកម្មទេសចរណ៍ជិត ៣០០០ កន្លែងបានផ្អាកដំណើរការ សណ្ឋាគារ ផ្ទះសំណាក់ និងភោជនីដ្ឋានជាងសរុប ១០០០ កន្លែងបានបិទទ្វា ដែលបង្កឲ្យប្រជាជនរាប់ម៉ឺននាក់បាត់បងការងារ នេះបើយោងតាមសារព័ត៌មានកោះសន្តិភាពចុះផ្សាយកាលពី ខែមិថុនានេះ។ ជាលទ្ធផល វិបត្តិនេះអាចនឹងធ្វើវិស័យនេះខាតបងចំណូលប្រមាណ ៣ ពាន់លានដុល្លារអាមេរិកក្នុងមួយឆ្នាំ។ ផលប៉ះពាល់នេះរំពឹងថានឹងកាន់តែធ្ងន់ធ្ងរថែមទៀត បន្ទាប់ពីរដ្ឋាភិបាលកម្ពុជាកាលពីថ្មីៗនេះ បានតម្រូវឱ្យជនបរទេសទាំងអស់ដែលចូលមកប្រទេសកម្ពុជា ត្រូវតម្កល់ប្រាក់ ៣០០០ ដុល្លារ សម្រាប់ចំណាយទាក់ទងនឹងការធ្វើតេស្ត ការព្យាបាល និងកន្លែងស្នាក់នៅ ដើម្បីបង្កាក្នុងករណីរកឃើញថាវិជ្ជមាន។ ទោះបីជាធ្វើឡើងដើម្បីទប់ស្កាត់រលកទី២ ក៏ដោយ ប៉ុន្តែវិធានការនេះក៏នឹងប៉ះពាល់យ៉ាងខ្លាំងដល់វិស័យទេសចរណ៍ និងបដិសណ្ឋារកិច្ច ព្រោះថាជាក់ស្ដែងមិនមែនគ្រប់ភ្ញៀវទេសចរនឹងមាន ៣០០០ ដុល្លារសម្រាប់តម្កល់នោះទេ។ ទោះជាយ៉ាងណាក្តី ប្រតិបត្តិករឧស្សាហកម្មបដិសណ្ឋារកិច្ច គឺត្រូវតែបន្តតស៊ូ យកឈ្នះលើបញ្ហានេះ។ តើប្រតិបត្តិករឧស្សាហកម្មបដិសណ្ឋារកិច្ចគួរធ្វើយ៉ាងណា ដើម្បីឲ្យខ្លូនអាចឆ្លងផុតពីវិបត្តិនេះបាន? នាយកប្រតិបត្តិ ឬ CEO នៃបណ្តាញសណ្ឋាគារអន្តរជាតិធំ ៗ ជាច្រើនរួមមាន Hilton, Best Western, Minor […]
អានបន្ថែម
ក្នុងឆមាសទី១ នេះការនាំចូលសម្ភារសំណង់ធ្លាក់ចុះ ១៤% រីឯចំណូលពន្ធគយក៏ធ្លាក់ចុះ ២៨% ដែរ
នៅក្នុងឆមាសទី១ ឆ្នាំ ២០២០ ការចូលសម្ភារៈសំណង់ធ្លាក់ចុះ ១៤% ហើយចំណូលពន្ធគយលើការចូលគ្រឿងសំណង់ទាំងនេះ ក៏ស្រុតចុះប្រមាណ ២៨% ដែរ ដែលនេះជាសញ្ញាសបញ្ជាក់ថា កំណើននៃវិស័យសំណង់មានការថមថយ។ របាយការណ៍ពីធនាគារជាតិនៃកម្ពុជា កាលពីថ្មីៗនេះ បានឱ្យដឹងថា កំណើនវិស័យសំណង់មាននិន្នាការថមថយ ដោយសារការថយចុះនៃតម្រូវការរបស់អនិវាសជន ការបញ្ចប់គម្រោងសាងសង់មួយចំនួននាពេលកន្លងមក និងភាពរអាក់រអូលនៃការនាំចូលសម្ភារ និងបរិក្ខាសំណង់ ដែលបានធ្លាក់ចុះប្រមាណ ១៤ ភាគរយ។ ជាមួយគ្នានេះដែរ របាយការណ៍របស់អគ្គនាយកដ្ឋានពន្ធគយ និងរដ្ឋាករ ក៏បានឱ្យដឹងថា គិតត្រឹមឆមាសទី ១ ឆ្នាំ២០២០នេះ ចំណូលពន្ធគយសរុបមានចំនួន ១ ២៧២ លានដុល្លារ គឺថយចុះ ១៦% បើធៀបនឹងរយៈពេលដូចគ្នាកាលពីឆ្នាំមុន។ ក្នុងនោះ ចំណូលពន្ធគយពីការនាំចូលគ្រឿងសំណង់ គឺថយចុះ ២៨% ។ គួរបញ្ជាក់ផងដែរថា កាលពីឆ្នាំ២០១៩ កម្ពុជាបាននាំចូលគ្រឿងសំណង់ មានបរិក្ខាសំណង់ ស៊ីម៉ងត៍ និងដែក មានតម្លៃប្រមាណ ១.៥ពាន់លានដុល្លារ ហើយឆ្នាំ២០១៨ ការនាំចូលមានតម្លៃ ១ពាន់លានដុល្លារ៕
អានបន្ថែម
គម្រោងធំៗ ៣ នឹងប្រែមុខមាត់ ដី១៦១ហិកតា នៃតំបន់បឹងកង្កែបខេត្តព្រះសីហនុទៅជាតំបន់ឆ្លាតវៃ
រដ្ឋាភិបាលកំពុងសិក្សាលើគម្រោងធំៗចំនួន ៣ រួមមាន ព្រលានយន្តហោះអន្តរជាតិខេត្តព្រះសីហនុ តំបន់ទេសចរណ៍នាគរាជ និងគម្រោងអភិវឌ្ឍតំបន់បឹងកង្កែប ក្នុងគោលបំណងផ្លាស់ប្ដូរមុខមាត់ដីទំហំ ១៦១ហិកតា នៃតំបន់បឹងកង្កែបក្នុងខេត្តព្រះសីហនុ ឱ្យទៅជាតំបន់ឆ្លាតវៃ។ នេះបើយោងតាមហ្វេសប៊ុកផ្លូវការរបស់រដ្ឋបាលខេត្តព្រះសីហនុ កាលពីថ្ងៃទី១៦ កក្កដា ២០២០នេះ។ ឯកឧត្តម ប៉ែន សុផល រដ្ឋលេខាធិការក្រសួងដែនដីនគរូបនីយកម្ម និងសំណង់ ថ្លែងថា ការអភិវឌ្ឍបឹងបង្កែប ដែលស្ថិតនៅភូមិអុង ស្រុកព្រៃនប់ ខេត្តព្រះសីហនុនេះ គឺជាការអភិវឌ្ឍប្រកបដោយភាពឆ្លាតវៃរួមមាន ការអភិវឌ្ឍបៃតង កិច្ចការពារធម្មជាតិ និងបរិស្ថាន ពោលគឺសម្រាប់កូនចៅជំនាន់ក្រោយ។ ទន្ទឹមនឹងនេះ ចក្ខុវិស័យនៃការអភិវឌ្ឍខេត្តព្រះសីហនុ រួមមានការសិក្សាប្លង់គោលប្រើប្រាស់ដី និងការធ្វើសមាហរណកម្មជាមួយខេត្តដទៃទៀត មានដូចជា រាជធានីភ្នំពេញ ខេត្តសៀមរាប និងតំបន់ភូមិភាគឥសាន្ត។ គួរបញ្ជាក់ផងដែរថា ខេត្តព្រះសីហនុគឺជាខេត្តមួយ ពោរពេញទៅដោយសក្ដានុពលសេដ្ឋកិច្ចខ្ពស់ជា និងមានគម្រោងអភិវឌ្ឍន៍ហេដ្ឋារចនាសម្ព័ន្ធជាចម្រើន ដែលថ្មីៗនេះ គម្រោងអភិវឌ្ឍន៍ផ្លូវ ៣៤ ខ្សែរក្នុងខេត្តនេះស្ទើរសម្រចជាស្ថាពរទៅហើយ។ (អានបន្ថែម និងបន្ថែម)
អានបន្ថែម
ធនាគារពិភពលោកផ្តល់កម្ចី១០០លានដុល្លារសម្រាប់គម្រោងស្ដារហេដ្ឋារចនាសម្ព័ន្ធផ្លូវថ្នល់នៅកម្ពុជា
ធនាគារពិភពលោក កាលពីព្រឹកថ្ងៃទី ១៧ កក្កដានេះ បានសម្រេចផ្តល់ឥណទាន ១០០លានដុល្លារ សម្រាប់គម្រោងកសាងហេដ្ឋារចនាសម្ព័ន្ធផ្លូវថ្នល់ នៅកម្ពុជា ដោយផ្តោតលើផ្លូវគមនាគមន៍ និងផ្លូវជនបទ ដើម្បីលើកកម្ពស់ការដឹកជញ្ជូន។ ប្រាក់ជំនួយនេះមានឈ្មោះថា គម្រោងកែលម្អបណ្តាញផ្លូវគមនាគមន៍នៅប្រទេសកម្ពុជា ដែលធ្វើឡើងដើម្បីជួយឱ្យអ្នកនៅជនបទ អាចធ្វើដំណើរទៅកាន់ទីកន្លែងចាំបាច់នានា ដូចជាមណ្ឌលសុខភាព មន្ទីរពេទ្យ សាលារៀន និង ទីផ្សារ។ តំបន់គោលដៅរបស់គម្រោងនេះ គឺផ្លូវនៅក្នុងខេត្តកំពង់ចាម ត្បូងឃ្មុំ និងក្រចេះ ដែលគ្របដណ្តប់លើប្រជាជនជាង ២លាននាក់ ក្នុងនោះ ៨០ភាគរយ រស់នៅតាមទីជនបទដាច់ស្រយាល។ លោកស្រី អ៊ីនហ្គូណា ដូប្រាចា ប្រធានគ្រប់គ្រងនៃធនាគារពិភពលោកប្រចាំកម្ពុជា មានប្រសាសន៍ថា៖ «កង្វះលទ្ធភាពសម្រាប់ទទួលបានសេវាមន្ទីរពេទ្យ សាលារៀន និងសម្រាប់ដឹកទំនិញទៅកាន់ទីផ្សារ ជាពិសេសក្នុងរដូវវស្សា នៅតែចោទជាបញ្ហាប្រឈមធំមួយសម្រាប់ប្រជាជនកម្ពុជានៅតាមតំបន់ជនបទ»។ «គម្រោងថ្មីនេះនឹងជួយតភ្ជាប់ប្រជាជនទៅនឹងការទទួលបានសេវាសំខាន់ៗ កាត់បន្ថយការដាច់ផ្លូវ និងបង្កើតការងារសម្រាប់សហគមន៍មូលដ្ឋានក្នុងពេលសាងសង់ផ្លូវ ដែលរួមចំណែកធ្វើឱ្យសេដ្ឋកិច្ចងើបឡើងវិញ ទៀតផង។» លោកស្រី បានបន្ត។ បើយោងតាមសេចក្តីប្រកាសព័ត៌មានរបស់ធនាគារពិភពលោក ក្រសួងសាធារណការនិងដឹកជញ្ជូន និងក្រសួងអភិវឌ្ឍន៍ជនបទ នឹងជាភ្នាក់ងារអនុវត្តគម្រោងនេះ។ លោក វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន […]
អានបន្ថែម
គម្រោងសាងសង់ផ្លូវចំនួន ៣៤ ខ្សែនៅខេត្តព្រះសីហនុសម្រេចបានជិតទាំងស្រុងហើយ
បន្ទាប់ពីការបើកការដ្ឋានកាលពី ៨ខែមុន បច្ចុប្បន្នគម្រោងសាងសង់ផ្លូវ ៣៤ ខ្សែ ក្រោមថវិកាវិនិយោគប្រមាណ ៣០០លានដុលា្លរ សម្រេចបានមួយចំនួនធំហើយ។ នេះបើយោងតាមសេចក្ដីប្រកាសព័ត៌មានរបស់គណៈកម្មាធិការជាតិគ្របគ្រង និងអភិវឌ្ឍតំបន់ឆ្នេរសមុទ្រកម្ពុជា ចុះថ្ងៃទី១៧ កក្កដា ២០២០នេះ។ ផ្នែកធំៗនៃគម្រោងនេះ សម្រចស្ទើរទាំងស្រុងហើយ រួមមាន ការចាក់បេតុងសម្រចបាន ៩៩,៩២% ការដាក់លូសម្រេចបាន ១០០% ការរៀបខឿនថ្មក្រានីតសម្រេចបាន ៥៩,៩៩% ការរៀបកម្រាលថ្មក្រានីតបាន ៤,៤៨% ការដាំបង្គោលភ្លើងបំភ្លឺផ្លូវសាធារណៈបាន ២៣,៨៩% និងការបំពាក់អំពូលភ្លើងវៃឆ្លាតបាន ១០,៤៥% ហើយ។ បន្ថែមពីនេះ រដ្ឋបាលខេត្តព្រះសីហនុក៏បាន និងកំពុងរៀបចំកែលម្អឆ្នេរសមុទ្រឡើងវិញ ដោយសាងសង់អាងប្រព្រឹត្តកម្មទឹកកខ្វក់ចំនួន ២កន្លែង។ ទីតាំងទី១ ស្ថិតនៅក្បែរសណ្ឋាគារ Sunshine Bay មានសមត្ថភាពច្រោះ ៥ ២០០ម៉ែត្រគូបក្នុងមួយថ្ងៃ ដែលសម្រេចបាន ២០% ហើយ។ ដោយឡែក ទីតាំងទី២ ស្ថិតនៅក្បែរសណ្ឋាគារសុខា មានសមត្ថភាពច្រោះ ៧ ២០០ម៉ែត្រគូប ក្នុងមួយថ្ងៃ ដែលសម្រេចបាន១០% ហើយ។ ជាមួយគ្នានេះ ក្រុមកការងារនឹងធ្វើការអ៊ុតកម្រាលកៅស៊ូ […]
អានបន្ថែម
រដ្ឋាភិបាលបង្កើតគណៈកម្មការអន្តរក្រសួងជំរុញការសាងសង់ផ្លូវល្បឿនលឿនភ្នំពេញ-ក្រុងបាវិត
សម្ដេចនាយករដ្ឋមន្រ្តី ហ៊ុន សែន កាលពីថ្ងៃទី ១៥ កក្កដានេះ បានចុះហត្ថលេខា សម្រេចបង្កើតគណៈកម្មការអន្តរក្រសួងមួយ ដើម្បីជំរុញ និងពន្លឿនដំណើរការអនុវត្តគម្រោងសាងសង់ហធផ្លូវល្បឿនលឿន តភ្ជាប់ពីរាជធានីភ្នំពេញ ទៅក្រុងបាវិត។ យោងតាមសេចក្តីសម្រេចលេខ ៧៥ សសរ គម្រោងផ្លូវល្បឿនលឿនភ្នំពេញ-ក្រុងបាវិតត្រូវបានស្នើសុំវិនិយោគរួចមកហើយ ដោយក្រុមហ៊ុន China Railway International Group Co., Ltd ក្នុងលក្ខខណ្ឌសាង់សង់-ធ្វើអាជីវកម្ម-ផ្ទេរ (Build-Operate-Transfer)។ ដូច្នេះគណៈកម្មការថ្មីមួយនេះ នឹងមានភារកិច្ចពិនិត្យ និងផ្តល់យោបល់អំពីនីតិវិធីក្របខណ្ឌតតិយុត្ត និងរូបភាពនៃការវិនិយោគដល់ក្រុមហ៊ុន ជំរុញនិងពន្លឿនការអនុវត្តគម្រោងឱ្យបានសម្រេចជាស្ថាពរ និងធ្វើរបាយការណ៍ស្តីពីលទ្ធផលការងារជូនរាជរដ្ឋាភិបាលរ។ បើយោងតាមប្រភពដដែលនេះ គណៈកម្មការនេះ គឺមានឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនជាប្រធាន និងមានអនុប្រធាន ៣ រូប រួមមាន ឯកឧត្តម សុខ ចិន្តាសោភា ឯកឧត្តម វង្សី វិស្សុត និង ឯកឧត្តម សូរ វ៉ិចទ័រ ព្រមជាមួយនឹងសមាជិកពីក្រសួងពាក់ព័ន្ធ ១៣ រូបទៀត។ […]
អានបន្ថែម