វត្តមាននៃកម្មវិធីពិព័រណ៍សំណង់ធំបំផុតនៅកម្ពុជាឆ្នាំ២០២០ មិនមានការផ្លាស់ប្តូរទេ
ការតាំងពិព័រណ៍សំណង់ធំបំផុតប្រចាំឆ្នាំនៅកម្ពុជា ដែលរៀបចំឡើងដោយសមាគមអ្នកសាងសង់កម្ពុជា គឺមិនទាន់អាចបញ្ជាក់បានទេថា តើនឹងអាចប្រព្រឹត្តិឡើងទៅតាមផែនការគ្រោងទុក ឬក៏ត្រូវពន្យាពេលទៅថ្ងៃណាមួយខាងមុខ ខណៈដែលវិធានការគម្លាតសង្គមនៅតែបន្តអនុវត្ត ដើម្បីការពារការរីករាតត្បាតនៃជំងឺកូវីដ១៩។ លោក ជីវ ស៊ីវផេង អ្នកគ្រប់គ្រងទូទៅនៃអគ្គលេខាធិការដ្ឋាន សមាគមអ្នកសាងសង់កម្ពុជា បានប្រាប់ទស្សនាវដ្តីសំណង់ និងអចលនទ្រព្យថា សមាគមគឺកំពុងរង់ចាំមើលការវិវឌ្ឍន៍នៃស្ថានភាពជំងឺកូវីដ១៩ ហើយលោកមិនទាន់អាចបញ្ជាក់ជាផ្លូវការបាននៅឡើយទេ ថាតើព្រឹត្តិការណ៍ដ៏ធំមួយនេះ នឹងត្រូវពន្យារពេលទៅថ្ងៃក្រោយ ឬមួយយ៉ាងណា។ លោកបានមានប្រសាសន៍ថា៖ «យើងនឹងជូនដំណឹងនៅពេលក្រោយប្រហែលជា ៣ ខែមុនពេលកំណត់ [ថ្ងៃទី ៣-៥ ខែធ្នូ ឆ្នាំ ២០២០] ព្រោះឥឡូវនេះយើងកំពុងរង់ចាំមើលថាតើរដ្ឋាភិបាលនឹងអនុញ្ញាតឲ្យមានការជួបជុំនៅពេលខាងមុខឬអត់»។ លោក ស៊ីវផេង សង្ឃឹមថាជំងឺកូវីដ១៩ នឹងប្រសើរឡើងដើម្បីអាជីវកម្មអាចដំណើរការបានដូចធម្មតា។ គួរបញ្ជាក់ថា ជារៀងរាល់ឆ្នាំ សមាគមអ្នកសាងសង់កម្ពុជាតែងរៀបចំពិព័រណ៍ឧស្សាហកម្មសំណង់កម្ពុជា ដែលនឹងបង្ហាញផលិតផលរាប់ពាន់ពីស្តង់របស់ក្រុមហ៊ុនក្នុងស្រុក និងអន្តរជាតិរាប់រយ។ សម្រាប់ឆ្នាំ២០២០ បើគ្មានការពន្យារពេលនោះទេ ការតាំងពិព័រណ៍នឹងត្រូវធ្វើឡើងនៅថ្ងៃទី ៣-៥ ខែធ្នូនៅឯមជ្ឈមណ្ឌលសន្និបាត និងពិព័រណ៍កោះពេជ្យ។ សម្រាប់ព័ត៌មានបន្ថែម ឬ កក់ស្តង់ សូមទាក់ទង កញ្ញាម៉ាណាលេខទូរសព្ទ +855-60-888 944 ឬអ៊ីម៉ែល expo@construction-property.com
អានបន្ថែម
មកទល់បច្ចុប្បន្ន អាជ្ញាធរខេត្តមណ្ឌលគិរីបានដកហូតដីកាន់កាប់ខុសច្បាប់ជាង ២ពាន់ហិចតា ហើយ
អភិបាលខេត្តមណ្ឌលគីរី ឯកឧត្តម ស្វាយ សំអ៊ាង បានថ្លែងនៅក្នុងសន្និសិទសារព័ត៌មានកាលពីថ្ងៃទី១៦ កក្កដានេះ ថា មកទល់បច្ចុប្បន្ន អាជ្ញាធរខេត្តមណ្ឌលគិរីបានដកហូតដីកាន់កាប់ខុសច្បាប់ជាង ២ពាន់ហិចតាហើយ ឱ្យមកជាសម្បត្តិរដ្ឋវិញ ដោយវិធានការណ៍នេះគឺត្រូវអនុវត្តស្មើភាពគ្នា មិនថាអ្នកតូចអ្នកធំទេ។ ឯកឧត្តម ស្វាយ សំអ៊ាង បានឱ្យដឹងថា៖ «ខុសច្បាប់គឺខុសច្បាប់ ត្រូវច្បាប់គឺត្រូវច្បាប់ អនុវត្តស្មើគ្នា មិនថាអ្នកតូចអ្នកធំទេ បើកាន់កាប់ដីខុសច្បាប់ យើងត្រូវតែចាត់ការតាមវិធានការច្បាប់»។ «បើយោងតាម សជណ របស់ទីស្តីការគណៈរដ្ឋមន្រ្តី កន្លងមកយើងបានផ្សព្វផ្សាយ អប់រំ និងប្រកាសជាសាធារណៈហើយថា រាល់ការរំលោភបំពាន កាន់កាប់ដីខុសច្បាប់ យើងនឹងដកឱ្យមកជាសម្បត្តិរដ្ឋវិញ ដោយកន្លងមកគឺដកហូតបាន ប្រមាណ ២ពាន់ហិកតាហើយ» ឯកឧត្តម បានបន្ត។ អភិបាលខេត្ត ក៏បានឱ្យដឹងទៀតថា រដ្ឋបាលខេត្ត កំពុងនិងបន្តធ្វើការយ៉ាងសកម្មទាក់ទងការគ្រប់គ្រងដីនៅខេត្តមួយនេះ។ គួរបញ្ជាក់ផងដែរថា ក្នុងថ្ងែជាមួយគ្នានេះ រដ្ឋបាលខេត្តកោះកុង ក៏បានប្រកាសថា រាល់ដីដែលទិញលក់គ្មានការដឹងលឺ និងវាស់វែងពីមន្រ្តីអាជ្ថាធរពាក់ព័ន្ធ ជាពិសេសដីដែលស្ថិតនៅក្នុងតំបន់ការពារធម្មជាតិ តំបន់សហគមន៍ និងកគម្របព្រៃឈើក្នុងខេត្តកោះកុង នឹងត្រូវចាត់ទុកជាមោឃៈ ។ (អានបន្ថែម) ទាក់ទិននឹងរឿងដីធ្លីនេះដែរ កាលពីដើមខែកក្កដានេះ […]
អានបន្ថែម
ចៅហ្វាយខេត្តមណ្ឌលគិរី៖ ព្រំដីសម្រាប់សង់ព្រលានយន្តហោះបោះរួចហើយ ចាំតែអ្នកមកវិនិយោគ
រដ្ឋបាលខេត្តមណ្ឌលគីរី បានដោះស្រាយផលប៉ះពាល់ និងបោះបង្កោលព្រំប្រទល់ដី រួចរាល់ដាច់ស្រេចអស់ហើយ សម្រាប់គម្រោងសាងសង់អាកាសយានដ្ឋាននៅខេត្តមណ្ឌលគីរី បច្ចុប្បន្ននៅរងចាំតែការវិនិយោគពីអាកាសចរណ៍ស៊ីវិលតែប៉ុណ្ណោះ។ ថ្លែងនៅក្នុងសន្និសិទសារព័ត៌មានកាលពីថ្ងៃទី១៦ កក្កដា នេះ អភិបាលខេត្តមណ្ឌលគីរី ឯកឧត្តម ស្វាយ សំអ៊ាង បានឱ្យដឹងថា អាជ្ញាធរខេត្តបានជ្រើសរើសទីតាំងដី ប្រមាណ៦០០ហិកតា នៅចំងាយប្រមាណ ២២ គីឡូម៉ែត្រ ពីក្រុងសែនមនោរម្យ ពោលគឺស្ថិតក្នុងស្រុកអូររាំង។ ឯកឧត្តម បានមានប្រសាសន៍ថា ៖ «ឥលូវនេះ អាជ្ញាធរខេត្តបានរៀបចំ ទីមួយការពារដីដើម្បីនៅពេលដែលរដ្ឋាភិបាលមានថវិកាវិនិយោគ គឺយើងមានដី ជៀសវាងនៅពេលអត់មានដី គឺមិនដឹងថាអភិវឌ្ឍន៍ព្រលានយ៉ាងម៉េចដែរ»។ «មកទល់ពេលនេះ គឺការគិតគូររបស់អាកាសចរណ៍ស៊ីវិល គឺថាយើងបានកាយព្រំ យើងបានរៀបចំ ដោះស្រាយរួចហើយ រង់ចាំតែគោលការណ៍ រដ្ឋាភិបាលបានដៃគូវិនិយោគ ឬមានទុនវិនិយោគតែប៉ុណ្ណោះ» ឯកឧត្តម បានបន្ត។ បើតាមប្រសាសន៍របស់អភិបាលខេត្ត អាកាសយានដ្ឋានថ្មីនេះអាចសាងសង់ទៅជាអាកាសយានដ្ឋានខ្នាតធំក្នុងស្រុក ឬខ្នាតអន្តរជាតិ ដោយផ្អែកតាមការសិក្សាបច្ចេកទេសរបស់អាកាសចរណ៍ស៊ីវិល និងក្រសួងពាក់ព័ន្ធ។ គួរបញ្ជាក់ផងដែរថា គម្រោងសាងសង់អាកាសយានដ្ឋានមណ្ឌលគីរីនេះ ត្រូវបានសិក្សាតាំងពីឆ្នាំ ២០១៩ ដោយនៅជំហានដំបូងគ្រោងនឹងសាងសង់លើដី ៣០០ ហិកតា តែបច្ចុប្បន្នពង្រីកជា ៦០០ហិកតា។ ហើយគម្រោងនេះ […]
អានបន្ថែម
សាលាខេត្តកោះកុង៖ ដីដែលទិញលក់គ្មានការដឹងលឺពីមន្រ្តីអាជ្ញាធរពាក់ព័ន្ធត្រូវចាត់ទុកជាមោឃៈ
រាល់ដីដែលទិញលក់គ្មានការដឹងលឺ និងវាស់វែងពីមន្រ្តីអាជ្ថាធរពាក់ព័ន្ធ ជាពិសេសដីដែលស្ថិតនៅក្នុងតំបន់ការពារធម្មជាតិ តំបន់សហគមន៍ និងកគម្របព្រៃឈើក្នុងខេត្តកោះកុង នឹងត្រូវចាត់ទុកជាមោឃៈ ។ នេះបើយោងតាមសេចក្ដីប្រកាសរបស់រដ្ឋបាលខេត្តកោះកុង កាលពីថ្ងៃទី១៤ កក្កដា ២០២០ នេះ។ គោលបំណងនៃប្រកាសនេះ គឺដើម្បីបញ្ឍប់ការទិញលក់ដីក្នុងតំបន់ការពារធម្មជាតិ សហគមន៏ និង គម្របព្រៃលើយ៉ាងអណាធិបតេយ្យ ដែលកន្លងមកឃើញថាមានសកម្មភាពបែបនេះជាច្រើន ជាពិសេសនៅក្នុងស្រុកបូទុមសាគរ ស្រុកកោះកុង ស្រុកគិរីសាគរ ស្រុកថ្មបាំង និងតាមតំបន់មួយចំនួនទៀត។ សេចក្ដីប្រកាសនេះបានបញ្ជាក់ថា ៖«ចំពោះការទិញ-ដីធ្លីដោយមិនមានការចូលរួមត្រួតពិនិត្យ និងវាស់វែងត្រឹមត្រូវរបស់មន្ត្រីពាក់ព័ន្ធនឹងមន្ត្រីភូមិបាលនៃរដ្ឋបាលក្រុង ស្រុក ដោយគ្រាន់តែផ្តិតមេដៃរវាងអ្នកលក់ និងអ្នកទិញយ៉ាងនេះគឺជាទង្វើមិនស្របច្បាប់»។ ប្រភពដដែលនេះបានបន្តថា ជនណាដែលទិញលក់ដីក្នុងលក្ខណៈមិនងត្រឹមត្រូវតាមផ្លូវច្បាប់បែបនេះ នឹងត្រូវប្រឈមការផ្តន្ទាទោសទៅតុលាការតាមផ្លូវច្បាប់។ ក្នុងថ្ងែជាមួយគ្នានេះដែរ រដ្ឋបាលស្រុកថ្មបាំង ខេត្តកោះកុង កាលពីថ្មីៗនេះ ក៏បានប្រកាសដល់ម្ចាស់ដី និងដីអង្គភាពនានា ដែលជាប់ពាក់ព័ន្ធក្នុងតំបន់ឧទ្យានជាតិជួរភ្នំក្រវាញខាងត្បួង ឧទ្យានជាតិជួរភ្នំក្រវាញកណ្ដាល តំបន់ដែនជម្រកសត្វព្រៃតាតៃ និងតំបន់គម្របព្រៃឈើ២០០២ ដើម្បីមកស្រង់ឈ្មោះជាបឋមចាប់ពីថ្ងៃទី១៥ កក្កដា ២០២០ រហូតដល់ថ្ងៃទី៣០ កក្កដា ២០២០ផងដែរ។ ទាក់ទិននឹងរឿងដីធ្លីនេះដែរ កាលពីថ្មីៗនេះ សម្តេចនាយករដ្ឋមន្រ្តី ហ៊ុន សែន ក៏បានប្រកាសថាសម្រាប់មន្រ្តីខិលខូចដែលឃុបឃិតគ្នាយកដីរដ្ឋ និងយកដីប្រជាពលរដ្ឋ […]
អានបន្ថែម
សមាគមអ្នកសាងសង់កម្ពុជាពិភាក្សាបច្ចុប្បន្នភាពវិស័យសំណង់ក្នុងកិច្ចប្រជុំវីដេអូជាមួយIFAWPCA
សមាគមអ្នកសាងសង់កម្ពុជា បានចូលរួមកិច្ចប្រជុំកំពូលពិសេសរបស់សមាគមសហព័ន្ធអន្តរជាតិអ្នកសាងសង់អាស៊ីនិងប៉ាស៊ីហ្វិកខាងលិចឬហៅកាត់ថា (IFAWPCA) តាមរយ:វីដេអូតាមប្រពន្ធ័អ៊ីនធឺណេត ដែលបានធ្វើឡើងកាលពីចុងខែ មិថុនា កន្លងទៅនេះ ដើម្បីពិភាក្សាបច្ចុប្បន្នភាពវិស័យសំណង់នៅកម្ពុជា ក៏ដូចជាផ្លាស់ប្តូរយោបល់គ្នាពីវិធីបត់បែនខ្លួនក្នុងវិបត្តិកូវីដ ។ កិច្ចប្រជុំនេះ អនុញ្ញាតឱ្យសមាជិកនៃសមាគមសហព័ន្ធផ្លាស់ប្តូរបទពិសោធន៍ទាក់ទងនឹងឧស្សាហកម្មសំណង់ជាមួយសមាជិកដទៃទៀតនៃ IFAWPCA ដោយនៅឆ្នាំនេះ IFAWPCA ផ្ដោតទៅលើការពិភាក្សាអំពីស្ថានភាពជំងឺកូវីដនាពេលបច្ចុប្បន្ន។ កិច្ចពិភាក្សានេះ ក៏ពិនិត្យមើលផងដែរអំពីរបៀបដែលសហព័ន្ធអាចសហការរួមគ្នាដើម្បីជួយប្រទេសជាសមាជិក IFAWPCA ក្នុងការគ្រប់គ្រងកិច្ចសន្យា FIDIC ឱ្យកាន់តែប្រសើរឡើង ការផ្លាស់ប្តូរកិច្ចសន្យា FIDIC ដែលអាចធ្វើទៅបានក្នុងស្ថានភាពជំងឺរាតត្បាតនាពេលបច្ចុប្បន្ននេះ ដ៏ដូចជាចែករំលែកជំនាញបច្ចេកទេស។ កាលពីឆ្នាំមុន លោកបណ្ឌិត តាន់មុនីវណ្ណ តំណាងសមាគមអ្នកសាងសង់កម្ពុជា ដែលដឹកនាំដោយ អ្នកឧកញ៉ា ពុង ឃាវ សែបានចូលរួមក្នុងកិច្ចប្រជុំកំពូលរបស់ IFAWPCA នៅប្រទេសប៊ូតង់។ គួរបញ្ជាក់ផងដែរថា សមាគមអ្នកសាងសង់កម្ពុជា បានចូលរួមជាសមាជិក IFAWAPCA កាលពីថ្ងៃទី ៦ ខែកុម្ភះឆ្នាំ ២០១៥ នៅទីក្រុងគូឡាឡាំពួ ក្នុងកិច្ចប្រជុំក្រុមប្រឹក្សាពាក់កណ្តាល IFAWPCA ។ IFAWPCA ត្រូវបានបង្កើតឡើងក្នុងឆ្នាំ ១៩៥៦ ដើម្បីលើកកម្ពស់វឌ្ឍនភាពសង្គម និងសេដ្ឋកិច្ចតាមរយៈការអភិវឌ្ឍន៍វិស័យសំណង់ហើយបច្ចុប្បន្នមានសមាជិកចំនួន ១៩ […]
អានបន្ថែម
ប្រៀបធៀបអត្រាការកម្ចីទិញផ្ទះរបស់ធនាគារធំៗមួយចំនួនក្នុងអំឡុងវិបត្តិកូវីដ១៩
អត្រាការប្រាក់ ចាត់ទុកថាគឺជាកត្តាក៏ចំបង និងសំខាន់មួយចំណោមកត្តាសំខាន់ផ្សេងៗទៀត មុននឹងសម្រេចថានឹងស្នើសុំកម្ចីទិញគេហដ្ឋានពីធនាគារណាមួយ។ ទោះបីស្ថិតក្នុងស្ថានភាពវិបត្តិកូវីដដូចនេះក្ដី ក៏នៅមានឱកាស ដោយសង្កេតឃើញថា ធនាគារមួយចំនួនបានកាត់បន្ថយអត្រាការប្រាក់ ក្នុងគោលបំណងដើម្បីជំរុញលំហូរសាច់ប្រាក់ និងនឹងកំណើនសេដ្ឋកិច្ច។ ដូច្នេះសម្រាប់អ្នកដែលកំពុងស្វែងរកប្រាក់កម្ចីទិញផ្ទះនៅពេលនេះ គឺអាចនឹងទទួលបានអត្ថប្រយោជន៍ដែលមិនធ្លាប់មានពីមុន ពោលគឺកម្ចីក្នុងអត្រាការប្រាក់ទាប។ ខាងក្រោមនេះគឺជាតារាងអត្រាការប្រាក់ និងល័ក្ខខ័ណ្ឌមូលដ្ឋានផ្សេងៗ សម្រាប់ប្រាក់កម្ចីទិញគេហដ្ឋានរបស់ធនាគារមួយចំនួន គិតត្រឹមខែមិថុនាឆ្នាំ ២០២០* (រៀងរំដាប់តាមព្យញ្ជនៈ)៖ ធនាគារ BRED Bank -ទំហំកម្ចី៖ ដល់ទៅ ៧០% នៃតម្លៃផ្ទះ -អត្រាការប្រាក់: ឆ្នាំទី ១៖ ៦,៦៦% ចាប់ពីឆ្នាំទី ២ ទៅ ៖ ៧,៧៧% សម្រាប់កម្ចី ១៥ ឆ្នាំ ចាប់ពីឆ្នាំទី ២ ទៅ ៖ ៧,៨៨% សម្រាប់កម្ចី ២០ ឆ្នាំ -រយៈពេលកម្ចីអប្បបរមា៖ ៥ ឆ្នាំ (ត្រូវបង់ថ្លៃពិន័យប្រសិនបើទូទាត់ប្រាក់មុនរយៈពេលអប្បបរមា) ធនាគារកម្ពុជាសាធារណៈកម្ពុជា (Campu Bank) -ទំហំកម្ចី៖ ដល់ទៅ […]
អានបន្ថែម
សហព័ន្ធអ្នកសាងសង់អាស៊ានពិភាក្សាអំពីវិធីយកឈ្នះវិបត្តិកូវីដក្នុងកិច្ចប្រជុំលើកទី ៤៩
សហព័ន្ធអ្នកសាងសង់អាស៊ាន ឬ ASEAN Constructors Federation (ACF) បានបើកកិច្ចប្រជុំក្រុមប្រឹក្សាលើកទី ៤៩ តាមរយៈការធ្វើសន្និសីទវីដេអូតាមប្រព័ន្ធអ៊ីនធឺណិតកាលពីខែចុងខែ មិថុនា កន្លងមកនេះ ដើម្បីពិភាក្សាអំពីការអភិវឌ្ឍន៍នៃឧស្សាហកម្មសំណង់នៅក្នុងតំបន់ ក៏ដូចជាជួយគ្នារកដំណោះស្រាយ និងវិធីយកឈ្នះវិបត្តិកូវីដ។ កិច្ចប្រជុំក្រុមប្រឹក្សា ACF គឺជាការប្រជុំប្រចាំឆ្នាំដែលផ្តល់ឱកាសដល់សមាជិកនីមួយៗរបស់ខ្លួនរួមមានទាំងសមាគមអ្នកសាងសង់កម្ពុជាដែលតំណាងឱ្យកម្ពុជា ដើម្បីចែករំលែកព័ត៌មានអំពីសក្តានុពលនៃវិស័យសំណង់របស់ប្រទេសនីមួយៗ។ ប្រធានសមាគមអ្នកសាងសង់ម៉ាឡេស៊ីឬហៅកាត់ថា (MBAM) លោក Foo Chek Lee ដែលជាប្រធានទើបតែងតាំងថ្មីរបស់ ACF បានប្រសាសន៍ថា បច្ចុប្បន្ននេះ ឧស្សាហកម្មសំណង់កំពុងប្រឈមនឹងបញ្ហាដែលកើតចេញដោយសារកូវីដ១៩ សង្គ្រាមពាណិជ្ជកម្មពិភពលោក និងបញ្ហាជាច្រើនទៀតដែលរារាំងការរីកចម្រើនរបស់សមាជិក ACF នីមួយៗ។ លោកបានប្រសាសន៍នៅក្នុងសេចក្តីប្រកាសព័ត៌មានថា៖ «ដូច្នេះ យើងគួរធ្វើការជាមួយគ្នានិងចែករំលែកព័ត៌មានអំពីវិធីដើម្បីយកឈ្នះលើគ្រាលំបាកទាំងនេះ»។ លោកបន្តថា ៖ «យើងត្រូវបង្កើនការប្តេជ្ញាចិត្តរបស់យើងចំពោះសាមគ្គីភាពក្នុងការធានាថាសមាជិករបស់យើងដែលមិនសូវមានធនធានអាចសហការ និងមានឱកាសនិងជំនួយបន្ថែមទៀតដើម្បីទទួលយកគម្រោងនានា ហើយក៏ធានាថា ភាគីពាក់ព័ន្ធនៅក្នុងបរិយាកាសការងារសាងសង់ទទួលបានតម្លៃអតិបរមាសម្រាប់ការវិនិយោគរបស់ពួកគេ ដោយការតាមដានស្តង់ដារនៃការអនុវត្តជាក់ស្តែងនៅក្នុងឧស្សាហកម្មនេះ។ យើងគួរឆ្លៀតយកឱកាសនេះធ្វើការជាមួយគ្នាដើម្បីជំរុញ និងផ្សព្វផ្សាយការទិញផលិតផលអាស៊ានមុន» ។ លើសពីនេះទៅទៀត លោក Foo ក៏បានណែនាំដល់អ្នកម៉ៅការសំណង់គួរតែពិនិត្យរកវិធីសាស្រ្តថ្មីនៃការធ្វើការងារក្រៅការដ្ឋានសំណង់ សម្រាប់ការគ្រប់គ្រងគម្រោងរបស់ពួកគេឱ្យកាន់តែប្រសើរឡើង។ លោកបានបន្ថែមថា វាមានសារៈសំខាន់បំផុតដែលអ្នកម៉ៅការពិនិត្យរកវិធីសាស្រ្តថ្មីនៃការធ្វើការងារក្រៅការដ្ឋានសំណង់ដែលអាចជួយធ្វើឱ្យប្រសើរឡើងនូវការព្យាករណ៍ និងភាពស្ថិតស្ថេរ។ កិច្ចខិតខំប្រឹងប្រែងនេះ […]
អានបន្ថែម
ទីផ្សារខុនដូអាចនឹងប្រសើរឡើងវិញចាប់ពីត្រីមាសទី១ ឆ្នាំក្រោយ ទោះបីជានៅទ្រឹងមួយរយៈក្ដី
ទីផ្សារខុនដូមិនសូវជាប៉ះពាល់ខ្លាំងក្នុងកំឡុងកូវីដ ១៩ទេ ហើយទីផ្សារនេះអាចនឹងត្រឡប់មកប្រសើរឡើងវិញ ចាប់ពីត្រីមាសទី១ ឬទី២ ឆ្នាំ២០២១។ នេះបើតាមអ្នកនាង អាន សុធីតា អគ្គនាយិកាក្រុមហ៊ុន CBRE Cambodia នៅក្នុងកិច្ចសម្ភាសន៍ជាមួយសារព័ត៌មាន Freshnews កាលពីថ្ងៃទី ១៣ កក្កដា ២០២០។ អ្នកនាង បានឲ្យដឹងថា៖ «ចំពោះទីផ្សារខុនដូយើងអាចនិយាយបានថាវាប៉ះពាល់តិចតួចទេ បើធៀបនឹងសណ្ឋាគារ និងទីផ្សារ Retail (ផ្សារទំនើប)។ ហើយផលប៉ះពាល់ទីផ្សារខុនដូហ្នឹងវាអត់យូរទេ ខ្ញុំគិតថាប្រហែលជាត្រីមាសទី១ ឬទី២ ឆ្នាំក្រោយស្ថានភាពនឹងប្រសើរឡើងវិញ។ ជាពិសេស ខុនដូតម្លៃមធ្យម និង ខុនដូតម្លៃសមរម្យ នឹងនៅតែទទួលការគាំទ្រ។» អ្នកនាង បានឲ្យដឹងទៀតថា ចំពោះការដាក់ជួលខុនដូមានការធ្លាក់ចុះ ដោយសារជនបរទេសត្រឡប់ទៅស្រុកគាត់វិញ ហើយបរទេសថ្មីមិនអាចហោះមកកម្ពុជាវិញបាន ហើយអត្រាទំនេរមានការកើនឡើងខ្ពស់ ដែលបច្ចុប្បន្នអត្រាទំនេរអាចកើនឡើងរហូតទៅដល់ ៣០% ទៅ៥០%។ យោងតាមរបាយការណ៍ភ្នាក់ងារអចលនទ្រព្យ CBRE ចេញផ្សាយថ្ងៃទី ៧ កក្កដា តម្លៃជួលខុនដូធ្លាក់ចុះប្រមាណ ៧% សម្រាប់ខុនដូតម្លៃថ្លៃ (ត្រឹម១៣ដុល្លារ/ម៉ែត្រការ៉) និងប្រមាណ ៦% សម្រាប់ខុនដូតម្លៃមធ្យម […]
អានបន្ថែម
ក្រុមហ៊ុនរ៉ូយ៉ាល់គ្រុបបោះទុន ៣៥ លានដុល្លារសាងសង់ផ្លូវប្រវែង ៧០គម នៅកោះរ៉ុង
ក្រុមហ៊ុនរ៉ូយ៉ាល់គ្រុប បានបោះទុន៣៥លានដុល្លារ សាងសង់ផ្លូវប៉េតង់ប្រវែង ៧០គីឡូម៉ែត្រ នៅលើកោះរ៉ុង ដែលនេះជាជំហានមួយនៃផែនការមេរបស់ក្រុមហ៊ុនក្នុងការអភិវឌ្ឍន៍កោះរ៉ុង។ ផ្លូវបេតុង ប្រវែង ៧០គីឡូម៉ែត្រ នេះនឹងសាងសង់ដោយក្រុមហ៊ុន ស៊ីណូ ហៃដ្រូ ខនស្រ្តាក់សិន ខូអិលធីឌី របស់ប្រទេសចិន ដោយកិច្ចព្រមព្រៀងសាងសង់នេះ ត្រូវបានចុះហត្ថលេខា កាលពីព្រឹកថ្ងៃទី ១៤ កក្កដា នេះ។ យោងតាមសេចក្តីប្រកាសព័ត៌មានរបស់ក្រុមហ៊ុនរ៉ូយ៉ាល់គ្រុប គម្រោងសាងសង់ផ្លូវបេតុងនៅលើតំបន់អភិវឌ្ឍន៍កោះរ៉ុងនេះ ត្រូវចំណាយថវិកា ៣៥លានដុល្លារ ហើយនឹងត្រូវបញ្ចប់ការសាងសង់ក្នុងរយៈពេល ១៦ខែ ស្របតាមផែនការមេអភិវឌ្ឍន៍ហេដ្ឋារចនាសម្ព័ន្ធ ដែលគណៈកម្មការអន្តរក្រសួងរបស់ក្រុមប្រឹក្សាអភិវឌ្ឍន៍កម្ពុជា បានអនុម័តកាលពីឆ្នាំ២០១០។ លោក គួច ចំរើន អភិបាលខេត្តព្រះសីហនុ មានប្រសាសន៍នៅក្នុងពិធីចុះកិច្ចព្រមព្រៀងនេះថា ការកសាងហេដ្ឋារចនាសម្ព័ន្ធនៅលើកោះរ៉ុង គឺជាការបង្ហាញវឌ្ឍនភាពថ្មីមួយទៀត ដែលក្រុមហ៊ុនរ៉ូយ៉ាល់គ្រុបបានខិតខំជំរុញគោលដៅអភិវឌ្ឍន៍របស់ខ្លួន ឆ្លើយតបទៅតាមកិច្ចព្រមព្រៀងដែលរដ្ឋាភិបាលបានប្រគល់ជូន។ លោកថ្លែងថា៖ “មកទល់ពេលនេះ ក្រុមហ៊ុនមានសមិទ្ថិផលជាច្រើន ដូចជាបានចាប់ផ្តើមកសាងសណ្ឋាគារឥឡូវគឺបន្តការអនុវត្តកសាងផ្លូវប្រវែង ៧០គីឡូម៉ែត្រ ដែលបន្ទាប់ពីនោះ នឹងមានការកសាងនូវហេដ្ឋារចនាសម្ព័ន្ធដែលបម្រើឲ្យការអភិវឌ្ឍជាច្រើនបន្តបន្ទាប់ទៀត ដូចជាអគ្គិសនី ទឹក ប្រលានយន្តហោះ ផងដែរ”។ សូមបញ្ជាក់ថា ក្រុមហ៊ុនរ៉ូយ៉ាល់គ្រុប ទទួលបានកិច្ចសន្យាជួលកោះរ៉ុង៩៩ឆ្នាំ ពីរាជរដ្ឋាភិបាលកម្ពុជា កាលពីថ្ងៃទី២៨ […]
អានបន្ថែម
សាលាក្រុងកំពុងកែប្រែប្រព័ន្ធចរាចរណ៍ ត្រង់ស្តុបច្រមុះជ្រូកក្បាលថ្នល់ និងស្តុបវត្តនាគវ័ន្ត
រដ្ឋបាលរាជធានីភ្នំពេញ កំពុងកែសម្រួលប្រព័ន្ធចរាចរណ៍ត្រង់ចំណុចប្រសព្វដែលកកស្ទះខ្លាំងចំនួន ២ គឺ ចំណុចច្រមុះជ្រូកសូគីម៉ិចក្បាលថ្នល់ និង ចំណុចវត្តនាគវ័ន្ត ដោយនឹងមានការពង្រីកផ្លូវ សាងសង់ផ្លូវថ្មី និងកែលម្អប្រព័ន្ធភ្លើងស្ដុបផងដែរ។ នេះបើយោងតាមហ្វេសប៊ុកផ្លូវការរបស់មន្ទីរសាធារណការ និងដឹកជញ្ជូនរាជធានីភ្នំពេញ កាលពីពេលថ្មីៗនេះ។ ចំណុចទី១ ឬ ច្រមុះជ្រូកស្ថានីយ៍ប្រេងសូគីម៉ិចក្បាលថ្នល់ ជាចំណុចប្រសព្វផ្លូវ ២៧១ ផ្លូវមុនីវង្ស និងមហាវិថីសម្ដេច ហ៊ុន សែន។ ត្រង់ចំណុចនេះ ក្រុមការងារនឹងសាងសង់ផ្លូវថ្មី ២ ខ្សែ ដោយខ្សែទី ១ ភ្ជាប់ពីមហាវិថីព្រះមុនីវង្ស ឆ្ពោះទៅមហាវិថីសម្តេចហ៊ុន សែន និងខ្សែទី ២ សម្រាប់ទិសចរាចរណ៍បត់ស្តាំ ភ្ជាប់ពីមហាវិថីព្រះមុនី្នវង្ស ឆ្ពោះទៅផ្លូវលេខ ២៧១។ ទន្ទឹងនឹងនេះ ក្រុមការងារក៏នឹងពង្រីកទទឹងផ្លូវមុនី្នវង្ស និងផ្លូវ ២៧១ ៣ម៉ែត្រ សងខាង ពោលគឺពី ២គន្លង ទៅ ៣គន្លង។ លើសពីនេះ ក៏នឹងមានការកែលម្អប្រព័ន្ធភ្លើងស្ដុបចរាចរណ៍ថ្មី ដែលនឹងអនុញ្ញាតឲ្យប្រជាជនធ្វើដំណើរពីស្ពានព្រះមុនី្នវង្សចាស់ ឆ្ពោះទៅត្រង់នៃមហាវិថីព្រះមុនីវង្ស ដោយរលូនមិនចាំបាច់ឈប់ស្តុបឡើយ។ ដោយឡែកចំពោះចំណុចទី ២ គឺស្តុបវត្តនាគវ័ន្ត […]
អានបន្ថែម
គម្រោងវិនិយោគធំៗ ចំនួន២០ ត្រូវបានដាក់ស្នើក្នុងផែនការមេអភិវឌ្ឍន៍ខេត្តសៀមរាប
គម្រោងវិនិយោគធំៗ ចំនួន២០ ត្រូវបានស្នើក្នុងកិច្ចពិភាក្សាអន្តរក្រសួងស្ដីពីការរៀបចំសេចក្តីព្រាងច្បាប់ផែនការមេអភិវឌ្ឍន៍វិស័យទេសចរណ៍នៅខេត្តសៀមរាបឆ្នាំ ២០២០-២០៣៥ កាលពីសប្ដាហ៍មុននេះ។ កិច្ចពិភាក្សានេះធ្វើឡើងរវាង ក្រសួងទេសចរណ៍ ក្រសួងបរិស្ថាន ក្រសួងវប្បធម៍ និងវិចិត្រសិល្បៈ និងរដ្ឋបាលខេត្តសៀមរាប ដោយក្រសួងទាំងនេះកំពុងពិភាក្សាឯកភាពដាក់ចេញយន្តការអភិបាលកិច្ច និងយុទ្ធសសាស្រ្តវិនិយោគសម្រាប់ខេត្តមួយនេះ។ អ្នកនាំពាក្យក្រសួងទេសចរណ៍ លោក តុប សុភ័ក្រ បានប្រាប់ឲ្យដឹងនៅថ្ងៃទី១៣ កក្កដា នេះថាផែកការមេនេះមានសារសំខាន់ណាស់សម្រាប់ចង្អុលបង្ហាញពីអភិវឌ្ឍនានានៅក្នុងខេត្ត ហើយលទ្ធផលកិច្ចប្រជុំគឺគ្រោងនឹងបញ្ចប់ និងដាក់ជូនរាជរដ្ឋាភិបាលពិនិត្យ និងសម្រេច នៅពេលឆាប់ៗខាងមុខនេះ។ លោក ថ្លែងថា៖ «ទាក់ទងនឹងផែនការមេ មិនទាន់អាចជម្រាបជូន ឲ្យបានល្អិតល្អិននៅឡើយទេ ដោយសារ នេះគ្រាន់តែជាកិច្ចប្រជុំរបស់គណកម្មការអន្តរក្រសួង។ ដូច្នោះចាំរាជរដ្ឋាភិបាលសម្រេចសិន បន្ទាប់ពីយើងដាក់ជូនរដ្ឋាភិបាល លោកប្រជុំ ពិនិត្យសម្រេចហើយ ទើបអាចពន្យល់ឲ្យបានច្បាស់លាស់»។ ទាក់ទិននឹងការអភិវឌ្ឍន៍ខេត្តនេះ ក្រសួងរៀបចំដែនដី នគរូបនីយកម្ម និងសំណង់កាលពីថ្ងៃទី ខែកញ្ញា ឆ្នាំ ២០១៩ ក៏បានចេញផ្សាយប្លង់គោលប្រើប្រាស់ដីក្រុងសៀមរាប ដែលមានចក្ខុវិស័យដល់ឆ្នាំ២០៣៥ ផងដែរ។ (អានបន្ថែម) ក្រសួងសាធារណការ និងដឹកជញ្ជូន ក៏បានកំពុងសិក្សា គម្រោងហេដ្ឋារចនាសម្ព័ន្ធ កសាងផ្លូវចំនួន ៣៨ខ្សែនេះ សរុបប្រវែង ៩៨គ.ម […]
អានបន្ថែម
អគារការិយាល័យ ៦ បានបញ្ចប់ការសាងសង់នៅត្រីមាសទី ២ ឆ្នាំ ២០២០ ទោះបីទីផ្សារស្ថិតក្នុងវិបត្តិក្ដី
អគារការិយាល័យចំនួន ៦ កន្លែង (៥ កន្លែងជាប្រភេទម្ចាស់តែមួយ និង ១ កន្លែងជាប្រភេទប្លង់កម្មសិទ្ធិច្រើន) បានបញ្ចប់ការសាងសង់នៅត្រីមាសទី ២ ឆ្នាំ ២០២០ នេះ ទោះបីអត្រាការជួល និងថ្លៃជួលធ្លាក់ចុះ ដែលបង្កដោយវិបត្តិកូវីដក៏ដោយ។ នេះបើយោងតាមរបាយការណ៍ទិដ្ឋភាពទីផ្សាររបស់ភ្នាក់ងារ CBRE ចេញផ្សាយកាលពីថ្ងៃទី ៧ ខែកក្កដា កន្លងមកនេះ។ ចំពោះអគារការិយាល័យប្រភេទម្ចាស់តែមួយ ឬ Centrally-owned គឺមាន Grade B ចំនួន ១ និង Grade C ចំនួន ៤ ដែលរួមគម្រោង Amass Central គម្រោង Royal K Plaza គម្រោង The Link III គម្រោងTerra និងគម្រោង The Helix។ គម្រោងទាំង ៥ រំពឹងថានឹងមានបន្ថែមផ្ទៃក្រឡាផ្គត់ផង់អគារការិយាល័យ ៦៤,០២៦ ម៉ែត្រការ៉េ […]
អានបន្ថែម