ក្រសួងដែនដីសហការជាមួយធនាគារធំៗ គ្រោងបង្កើតប្រព័ន្ធចុះបញ្ជីប្រកបអាជីវកម្មសំណង់អនឡាញ
ក្រសួងរៀបចំដែនដី នគរូបនីយកម្ម និងសំណង់ កំពុងធ្វើការជាមួយធនាគារកាណាឌីយ៉ា និងធនាគារ ABA ដើម្បីពង្រឹងការងារចុះបញ្ជីប្រកបអាជីវកម្មសំណង់តាមប្រព័ន្ធអេឡិចត្រូនិច និងបង្កើតប្រព័ន្ធបង់ថ្លៃតាមប្រព័ន្ធអេឡិចត្រូនិច។ នេះបើតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ ចុះថ្ងៃទី ០២ កក្កដា ២០២០នេះ។ របាយការណ៍ដដែលបានឲ្យដឹងថា ក្រុមការងារក្រសួងបានជួបពិភាក្សាការងារជាមួយធនាគារកាណាឌីយ៉ា លើការងារប្រតិបត្តិការ ការងារបង់សេវា និងចុះបញ្ជីប្រកបអាជីវកម្មតាមប្រព័ន្ធអេឡិចត្រូនិច។ ជាមួយគ្នានេះដែរ ក្រសួងក៏បានប្រជុំពិនិត្យសេចក្ដីព្រាងអនុស្សរណៈយោគយល់ (MOU) លើការងារប្រើប្រាស់សេវាទូទាត់ប្រាក់តាមប្រព័ន្ធអេឡិចត្រូនិចសម្រាប់បង់ថ្លៃការផ្ដល់សេវាចុះបញ្ជីប្រកមអាជីវកម្មវិស័យសំណង់រវាងក្រសួង និងធនាគារ ABA ផងដែរ។ កាលពីពេលថ្មីៗនេះ ក្រសួងរៀបចំដែនដី នគរូបនីយកម្ម និងសំណង់ ក៏បានដាក់ឲ្យដំណើរការប្រព័ន្ធពិនិត្យព័ត៌មានសុរិយោដីតាមរយៈការស្កេន QR Code នៅលើវិញ្ញាបណ្ណប័ត្រសំគាល់ម្ចាស់អចលនវត្ថុ ដោយប្រើកម្មវិធីលើទូរស័ព្ទដៃស្មាតហ្វូន ដើម្បីឲ្យអ្នកសាធារណជនមានភាពងាយស្រួលស្វែងយល់ពីព័ត៌មានសុរិយោដី មានដូចជាទីតាំង ឬបន្ទុកផ្សេងៗលើដីផងដែរ។ (អានបន្ថែម)
អានបន្ថែម
រដ្ឋាភិបាលថៃបានអនុម័តលើការពង្រីកអាកាសយានដ្ឋានផាតាយ៉ាតម្លៃ ៩ ពាន់លានដុល្លារ
រដ្ឋាភិបាលថៃផ្តល់ភ្លើងខៀវ ដល់ក្រុមហ៊ុនពាណិជ្ជកម្មរួមមួយ ដឹកនាំដោយក្រុមហ៊ុនរថភ្លើងអាកាសបាងកក និងក្រុមការងារប្រតិបត្តិការរថភ្លើងក្រោមដី BTS skytrain ដើម្បីពង្រីកអាកាសយានដ្ឋានអន្តរជាតិ U-Tapao នៅក្បែរក្រុងផាតាយ៉ា។ ក្រុមហ៊ុនពាណិជ្ជកម្មរួមនេះ ជាការសហការរវាងក្រុមហ៊ុន Bangkok Airways និងក្រុមហ៊ុន Sino-Thai Engineering & Construction ដែលគ្រោងនឹងសាងសង់ស្ថានីយចំណតទី ៣ និងមជ្ឈមណ្ឌលផ្ទុកទំនិញ និងយន្ដហោះ ព្រមទាំងជួយភ្ជាប់ផ្លូវដែកប្រវែង ២២០ គីឡូម៉ែត្រ តម្លៃ ៧,២ ពាន់លានដុល្លារ សម្រាប់តភ្ជាប់អាកាសយានដ្ឋាន U-Tapao និង Don Muang ដែលស្ថិតនៅភាគខាងលិចនៃទីក្រុងបាងកក។ អាកាសយានដ្ឋានដែលគ្រោងនឹងពង្រីកនេះ នឹងត្រូវកាន់កាប់ដោយសាជីវកម្មអាកាសយានដ្ឋានអន្តរជាតិណារីតារបស់ប្រទេសជប៉ុន និងក្លាយជាផ្នែកសំខាន់នៃច្រករបៀងសេដ្ឋកិច្ចភាគខាងកើតនៃប្រទេសផងដែរ។ បន្ទាប់ពីពង្រីករួច អាកាសយានដ្ឋាន U-Tapao ត្រូវបានគេរំពឹងថាអាចផ្ទុកដឹកអ្នកដំណើរបានដល់ ៦០ លាននាក់ ក្លាយជាអាកាសយានដ្ឋានអន្តរជាតិលំដាប់ទីមួយក្នុងពិភពលោក។ គម្រោងពង្រីកអាកាសយានដ្ឋាននេះ ក៏ជាប់ទាក់ទងនឹងការពិភាក្សា នៃក្រុមហ៊ុន Bangkok Airways ក្នុងការពង្រីកព្រលានយន្តហោះចាស់ និងមិនប្រើប្រាស់នៅខេត្តកោះកុងក្នុងប្រទេសកម្ពុជាដែរ។
អានបន្ថែម
វិភាគ៖ វិបត្តិកូវីដនឹងធ្វើឲ្យអ្នករកស៊ីដីវណ្ណករ និងវិស័យធនាគារដួលរលំ តើពិតឬទេ?
ធនាគារជាតិនៃកម្ពុជា សមាគមមីក្រ៉ូហិរញ្ញវត្ថុកម្ពុជា ក៏ដូចជាស្ថាប័នពាក់ព័ន្ធ បានច្រានចោលការលើកឡើងថា វិបត្តិកូវីដ-១៩ អាចនឹងធ្វើឲ្យធនាគារនៅកម្ពុជាមួយចំនួនធំដួលរលំ ដោយគូសបញ្ជាក់ថា ទោះបីជាមេរោគកូវីដ-១៩ ជះឥទ្ធិពលដល់សេដ្ឋកិច្ចយ៉ាងធ្ងន់ធ្ងរក្ដី ប៉ុន្តែលទ្ធភាពនៃការដួលរលំនៃវិស័យធនាគារ គឺនៅទាប។ នេះគឺដោយសារតែ វិស័យហិរញ្ញវត្ថុនៅកម្ពុជានៅមានភាពរឹងមាំ ចំនួនអ្នកគ្មានលទ្ធភាពសងបំណុលគឺនៅទាប និងជាពិសេសតម្លៃទ្រព្យតម្កល់ ដែលភាគច្រើនជាអចលនទ្រព្យ នៅមិនទាន់ធ្លាក់ថ្លៃខ្លាំងនោះទេ។ កាលពីថ្មីៗនេះ មានមតិមួយចំនួន បានលើកឡើងថា វិបត្តិសេដ្ឋកិច្ចដែលបង្កដោយជំងឺកូវីដ-១៩ អាចនឹងធ្វើឲ្យធនាគារនៅកម្ពុជាមួយចំនួនធំដួលរលំ។ ប្រភពដដែលបានបន្តថា មានកូនបំណុលតូចៗ ជិត ៣ លាននាក់ មិនអាចសងបំណុលរបស់ខ្លួនបានទេ ហើយអតិថិជនដែលផ្ញើលុយនៅធនាគារ ក៏កំពុងភ័យស្លន់ស្លោ ព្រោះមិនអាចដកលុយបាន ដោយសារតែធនាគារខ្វះសាច់ប្រាក់។ លើសពីនេះ អ្នករកស៊ីលក់ដូរដីធ្លីធំៗ បានខ្ចីលុយពីធនាគារយ៉ាងសន្ធឹកសន្ធាប់មកទិញដី តែពេលនេះពួកគេក៏មិនអាចសងបំណុលបានទេ។ ឆ្លើយតបទៅនឹងបញ្ហានេះ ឯកឧត្តម ជា ចាន់តូ អគ្គទេសាភិបាលធនាគារអភិបាលនៃធនាគារជាតិនៃកម្ពុជា បានថ្លែងកាលពីថ្មីៗនេះ ថា៖ «ទោះបីការរីករាលដាលនៃជំងឺកូវីដ១៩ បានបង្កការគំរាមកំហែងយ៉ាងធ្ងន់ធ្ងរដល់កំណើនសេដ្ឋកិច្ចក្ដី វិស័យធនាគារនៅតែមានការរីកចម្រើនរឹងមាំ និងបានចូលរួមចំណែកយ៉ាងសកម្មក្នុងការផ្តល់សាច់ប្រាក់ដល់សេដ្ឋកិច្ច»។ បើយោងតាមរបាយការណ៍ប្រចាំឆមាសទី ១ នៃធនាគារជាតិនៃកម្ពុជា ក្នុង ៦ខែ ដំបូងនៃ ឆ្នាំ ២០២០ […]
អានបន្ថែម
កម្ពុជា និង៥ ប្រទេសទៀតបរិច្ចាគ ១៨០ លានដុល្លារបង្កើតមូលនិធិគាំទ្រគម្រោងខ្សែក្រវាត់មួយ ផ្លូវមួយ
ប្រទេសកម្ពុជា និងបណ្ដាប្រទេសចំនួន ៥ ទៀតរួមមាន ប្រទេសចិន អេហ្ស៊ីប អារ៉ាប៊ីសាអ៊ូឌីត ហុងគ្រី និងហ្វីលីពីន បានយល់ព្រមបរិច្ចាគប្រាក់ចំនួន ១៨០,២ លានដុល្លារអាមេរិក បង្កើតមូលនិធិពហុភាគី ដើម្បីគាំទ្រដល់ការសាងសង់ហេដ្ឋារចនាសម្ព័ន្ធក្នុងគម្រោងផ្តួចផ្តើម «ខ្សែក្រវ៉ាត់មួយ ផ្លូវមួយ»។ នេះបើយោងតាមសារព័ត៌មាន China Daily នៅថ្ងៃទី ០៨ ខែកក្កដាឆ្នាំ ២០២០ ។ មូលនិធិនេះត្រូវបានបង្កើតឡើងដោយមជ្ឈមណ្ឌលសហប្រតិបត្តិការពហុភាគីសម្រាប់ហិរញ្ញវត្ថុដើម្បីអភិវឌ្ឍន៍ (Multilateral Cooperation Center for Development Finance) និងអនុម័តដោយធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដើម្បីគាំទ្រដល់ការសាងសង់ហេដ្ឋារចនាសម្ព័ន្ធនៃគម្រោងខ្សែក្រវ៉ាត់មួយ ផ្លូវមួយ។ ក្រុមប្រឹក្សាភិបាលនៃធនាគារ AIIB នឹងជាអ្នកចាត់ចែងមូលនិធិនេះ ដោយនឹងបង្កើតនូវលេខាធិការដ្ឋានមួយ ដើម្បីគាំទ្រដល់ដំណើរការរបស់គម្រោង។ បើយោងតាមប្រភពដដែល កាលពីឆ្នាំ ២០១៧ វេទិកាខ្សែក្រវ៉ាត់ និងផ្លូវសម្រាប់កិច្ចសហប្រតិបត្តិការអន្តរជាតិ ដំបូងបង្អស់ត្រូវបានធ្វើឡើង ក្នុងគោលបំណងគាំទ្រដល់គម្រោងអភិវឌ្ឍន៍ហេដ្ឋារចនាសម្ព័ន្ធទាំងឡាយ រួមទាំងគម្រោង ដែលស្ថិតនៅក្នុង គម្រោងខ្សែក្រវ៉ាត់មួយ ផ្លូវមួយផងដែរ។ គួរបញ្ជាក់ផងដែរថា គំនិតផ្តួចផ្តើមខ្សែក្រវ៉ាត់និងផ្លូវ នេះ គឺជាយុទ្ធសាស្ត្រអភិវឌ្ឍន៍សកល […]
អានបន្ថែម
CBRE: ស្ថានភាពផ្សារទំនើប ក្នុងត្រីមាសទី ២ ស្ថិតនៅដក ១៩% ក្រោមបន្ទាត់គោល តែចាប់ផ្ដើមងើបឡើងវិញបណ្ដើរៗ
ទីផ្សារតូបជួលក្នុងផ្សារទំនើប ឬ Retail នៅកម្ពុជា គិតត្រឹមចុងខែមិថុនា គឺនៅអវិជ្ជមាន ពោលគឺ ដក១៩% ក្រោមបន្ទាត់គោល ប៉ុន្តែទីផ្សារនេះត្រូវបានព្យាករណ៍ថា នឹងមានសន្ទុះឡើងវិញ នៅឆមាសទី ២ នៃឆ្នាំ២០២០។ នេះបើយោងតាមរបាយកាណ៍ របស់ភ្នាក់ងារអចលនទ្រព្យ CBRE Cambodia ចេញផ្សាយ កាលពីថ្ងៃទី ៧ ខែកក្កដានេះ។ បើយោងតាម Google Mobility Tracker ទីផ្សារតូបជួល បានធ្លាក់ចុះដល់ ដក៤៥% ក្រោមបន្ទាត់គោល កាលពីដើមខែមេសា និង ដក២២% នៅអំឡុងពាក់កណ្តាលខែឧសភា និងឡើងមកត្រឹម ដក ១៩% នៅចុងខែមិថុនានេះ។ ទោះជាតួរលេខនៅអវិជ្ជមានក្ដី ក៏ឃើញថាមានការកើនឡើងសន្សឹមៗដែលជាសញ្ញាណល្អនៃការងើបឡើងវិញនៃទីផ្សារមួយនេះនាថ្ងៃខាងមុខ។ ទោះបីទីផ្សារនេះស្ថិតក្រោមបន្ទាត់គោលយ៉ាងណាក្ដី របាយការណ៍ដដែលក៏បានឱ្យដឹងថា តូបជួលដែលទំនេរក្នុងផ្សារទំនើប ក្នុងត្រីមាសទី ២ នេះ គឺមានប្រមាណ ១០,២% ប៉ុណ្ណោះ កើនឡើងត្រឹមតែ ០,១% បើធៀបទៅនឹងឆ្នាំ ២០១៩។ យ៉ាងណាមិញភ្នាក់ងារអចលនទ្រព្យ ក៏បានព្យាករណ៍ថា […]
អានបន្ថែម
រដ្ឋាភិបាលនឹងមិនកាត់បន្ថយខ្ទង់ចំណាយលើគម្រោងសាងសង់ហេដ្ឋារចនាសម្ព័ន្ធរូបវ័នទេ
ខ្ទង់ចំណាយសម្រាប់សាងសង់ និងស្តារហេដ្ឋារចនាសម័ន្ធ គឺមិនស្ថិតក្នុងបញ្ជីកាត់ខ្ទង់ចំណាយទេ ខណៈដែលរដ្ឋាភិបាលគ្រោងកាត់បន្ថយ និងកាត់ទាំងស្រុងនៃខ្ទង់ចំណាយនានារបស់ក្រសួងនិងស្ថាប័នរដ្ឋ ដើម្បីត្រៀមបម្រុងថវិកាយកទៅប្រើប្រាស់សម្រាប់ទប់ស្កាត់ និងស្តារសេដ្ឋកិច្ច ក្នុងវិបត្តិជំងឺកូវិដឡើយ។ ការប្រកាសកាត់បន្ថយខ្ទង់ចំណាយនានាក្នុងក្របខណ្ឌថវិកាជាតិ ២០២០ គឺធ្វើឡើងដើម្បី បម្រុងទុកថវិកាសម្រាប់ស្តារសដ្ឋកិច្ច ដែលរងផលប៉ះពាល់ដោយសារជំងឺកូវីដ ដែលមានដូចជាការឧបត្តម្ភប្រាក់ខែដល់កម្មកររោងចក្រកាត់ដេរ មូលនិធិសង្គមសម្រាប់ប្រជាពលរដ្ឋក្រីក្រ និងការផ្តល់ឥណទានដល់វិស័យឯកជនតាមរយៈធនាគារ SME និងធនាគារកសិកម្ម និងអភិវឌ្ឍន៍ជនបទជាដើម។ ថ្លែងនៅក្នុងសន្និសីទសារព័ត៌មានកាលពីថ្ងៃទី៨ កក្កដា កន្លងមកនេះ ឯកឧត្តម វង្ស៊ី វិស្សុទ្ធ រដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ថា ថវិការចំណាយលើការសាងសង់ផ្លូវ ជួសជុលហេដ្ឋារចនាសម្ព័ន្ធ និងការស្តារប្រឡាយលូ បង្ហូរទឹក គឺជាវិស័យលើស្ទួយសេដ្ឋកិច្ច ហើយចាំបាច់ ដែលនឹងមិនត្រូវបានកាត់ចំណាយឡើយ។ លោកថ្លែងថា៖ “ដើម្បីទប់ស្កាត់ជំងឺកូវីដ ក្នុងក្របខណ្ឌថវិកាជាតិឆ្នាំ២០២០ យើងកាត់តែចំណាយណាដែលមិនចាំបាច់ ហើយចំណាយចាំបាច់ យើងទុកទាំងអស់ ដើម្បីត្រៀមនិរន្តភាពនៃប្រទេស នៃសេដ្ឋកិច្ច និងជីវភាពរបស់ប្រជាជន”។ បន្ថែមពីលើនេះ រដ្ឋាភិបាលបានតំឡើងថវិកា ដល់ ១០០លានដុល្លារ សម្រាប់ ‘គម្រោងសាច់ប្រាក់ពលកម្ម’ ដើម្បីអនុវត្តគម្រោងស្តារហេដ្ឋារចនាសម្ព័ន្ធ ប្រព័ន្ធលូ និងធារាសាស្រ្ត ដើម្បីបង្កើតការងារធ្វើនៅតាមទីជនបទ។ […]
អានបន្ថែម
ឥណទានសរុបកើនឡើង ២០,៧% ក្នុងឆមាសទី១ វិស័យសំណង់និងអចលនទ្រព្យមានចំណែកជាង២៨%
ឥណទានសរុបរបស់អតិថិជននៅកម្ពុជា កើនឡើង ២០,៧% ឬស្មើនឹង២៦,៧ ប៊ីលានដុល្លារ (ជិត ១ លានគណនី) ក្នុងឆមាសទី ១ នៃឆ្នាំ ២០២០ ដោយក្នុងនោះ ឥណទានដែលផ្ដល់ឱ្យវិស័យសំណង់ និងអចលនទ្រព្យមានសរុប ២៨,៨%។ នេះបើយោងតាមរបាយការណ៍ប្រចាំឆមាសទី ១ របស់ធនគារជាតិនៃកម្ពុជា។ របាយការណ៍នេះបានបន្តថា ឥណទានត្រូវបានផ្ដល់ទៅវិស័យសំខាន់ៗជាច្រើន ដែលក្នុងនោះ កម្ចីទិញផ្ទះជាកម្មសិទ្ធិបុគ្គលរួមចំណែក ១១,៦% ការជួញដូរអចលនទ្រព្យ ៨% និងសំណង់ ៩,២%។ ដោយឡែក ប្រភពដដែលក៏បានឱ្យដឹងទៀតថា ទោះបីឥណទានមានកំណើនក្ដី ដោយសារតែវិបត្តិកូវីដ វិស័យសំណង់គឺមាននិន្នការថមថយ ព្រោះមានការថយចុះនៃតម្រូវការរបស់អនិវាសជន ការបញ្ចប់គម្រោងសាងសង់មួយចំនួននាពេលកន្លងមក និងជាពិសេសភាពរអាក់រអួលនៃការនាំចូលសម្ភារនិងសំណង់ ដែលធ្លាក់ចុះប្រមាណ ១៤%។ ឯកឧត្តម ជា ចាន់តូ អគ្គទេសាភិបាលធនាគារអភិបាលនៃធនាគារជាតិនៃកម្ពុជា បានថ្លែងនៅក្នុងកិច្ចប្រជុំលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២០ កាលពីដើមសប្ដាហ៏នេះថា៖ «ទោះបីការរីករាលដាលនៃជំងឺកូវីដ១៩ បានបង្កការគំរាមកំហែងយ៉ាងធ្ងន់ធ្ងរដល់កំណើនសេដ្ឋកិច្ចក្ដី វិស័យធនាគារនៅតែមានការរីកចម្រើនរឹងមាំ និងបានចូលរួមចំណែកយ៉ាងសកម្មក្នុងការផ្តល់សាច់ប្រាក់ដល់សេដ្ឋកិច្ច»។ «ក្នុងវិស័យធនាគារ ហានិភ័យចំបងដែលបណ្តាលមកពីជំងឺ រួមមានការធ្លាក់ចុះនូវប្រាក់ចំណូលរបស់ប្រជាជន និងអាជីវកម្ម ដែលអាចនាំឱ្យមានការធ្លាក់ចុះនៃកំណើនប្រាក់កម្ចីនិងប្រាក់បញ្ញើ […]
អានបន្ថែម
អគារពហុឯកទេសមន្ទីរពេទ្យកាល់ម៉ែតតម្លៃ ៤០លានដុល្លារ សម្រេចបាន ៤០% ហើយ
អគារមជ្ឈមណ្ឌលពហុឯកទេសនៅមន្ទីរពេទ្យកាល់ម៉ែតតម្លៃប្រមាណ ៤០លានដុល្លារ ដែលបានបើកការដ្ឋានកាលពីឆ្នាំ២០១៨ គិតមកដល់ពេលនេះ សម្រេចបានការសាងសង់ជាង ៤០% ហើយ។ នេះបើយោងតាម ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល តាមកិច្ចសម្ភាសន៍ជាមួយព័ត៌មានBTV កាលពីថ្ងៃទី ០៧ កក្កដានេះ។ ឯកឧត្តមបានឲ្យដឹងថា ក្នុងនាមមន្ត្រីក្រសួងសុខាភិបាល លោកតែងចុះពិនិត្យ និងស្វែងយល់អំពីការអភិវឌ្ឍន៍ហេដ្ឋារចនាសម្ព័ន្ធរបស់មន្ទីពេទ្យ ដើម្បីចុះសំណេះសំណាលបុគ្គលិកពេទ្យ និងលើកទឹកចិត្តកម្មករសំណង់ និងជម្រុញការសាងសង់ឱ្យលឿនរហ័ស និងរឹងមាំបន្ថែមទៀត។ អគារមជ្ឈមណ្ឌលពហុឯកទេសនេះ មានកំពស់ ១២ ជាន់ និងអាចផ្ទុកបានរហូតដល់ទៅ ៣២៨គ្រែ នេះ ត្រូវបានបើកការដ្ឋានកាលពីថ្ងៃទី ០៨ មិនា ២០១៨ កន្លងមកនេះ ហើយគ្រោងនឹងបញ្ចប់នៅពាក់កណ្ដាលឆ្នាំ ២០២១។ អគារថ្មីនេះ មានផ្ទៃក្រឡាសរុបជាង ៤២.០០០ ម៉ែត្រការ៉េ មានតម្លៃប្រមាណ ៤០លានដុល្លារអាមេរិក ដែលបានមកពីការជួយជ្រោមជ្រែងឧបត្ថមពីក្រសួងសុខាភិបាល បណ្ដាអង្គការក្នុង និងក្រៅស្រុកនានា ជាពិសេសស្ថានទូតបារាំងប្រចាំនៅប្រទេសកម្ពុជា។ គួរបញ្ជាក់ផងដែរថា សមិទ្ធិផលថ្មីនេះ នឹងផ្ដល់ជូននូវសេវាសុខាភិបាលដែលមានលក្ខណៈអន្តរជាតិ ក៏ដូចជាជួយផ្ដល់នូវធនធានមនុស្សកម្រិតឯកទេស និងស្រាវជ្រាវទៀតផង។ (អានបន្ថែម)
អានបន្ថែម
ខេត្តរតនគីរីបានតភ្ជាប់ចូលបណ្តាញអគ្គិសនីជាតិជាស្ថាពរហើយ
ខេត្តរតនគីរី បានតភ្ជាប់ចូលបណ្តាញអគ្គិសនីជាតិជាស្ថាពរហើយ ដោយប្រើប្រាស់ប្រភពអគ្គិសនីពីស្ថានីយ៍វារីអគ្គិសនីសេសានក្រោម២ តាមខ្សែបញ្ជូនតង់ស្យុងខ្ពស់ ២៣០គីឡូវ៉ុល។ ការតភ្ជាប់នេះនឹងជួយឲ្យភាគឥសានប្រទេសកម្ពុជា មានស្ថេរភាពផ្គត់ផ្គង់ថាមពល អំណោយផលដល់សេដ្ឋកិច្ច និងសង្គម យ៉ាងច្រើននាពេលខាងមុខ។ អគ្គិសនីកម្ពុជាបានបើកដំណើរការផ្លូវការ ខ្សែបញ្ជូនតង់ស្យុងខ្ពស់២៣០គីឡូវ៉ុល ប្រវែង១០២គីឡូម៉ែត្រពីស្ថានីយវារីអគ្គិសនីសេសានក្រោម២នៅក្នុងខេត្តស្ទឹងត្រែង និងអនុស្ថានីយ៍ថ្មី ២៣០គីឡូវ៉ុល នៅខេត្តរតនគីរីកាលពីចុងសប្តាហ៍មុនកន្លងទៅ ធ្វើឲ្យខេត្តរតនគីរី បានតភ្ជាប់ចូលបណ្តាញជាតិ។ លោក វ៉ិចទ័រ ហ្សូណា អគ្គនាយកផ្នែកថាមពល និងជាអ្នកនាំពាក្យក្រសួងរ៉ែ និងថាមពល បានថ្លែងប្រាប់ទស្សនាវដ្តីសំណង់ និងអចលនទ្រព្យ នៅថ្ងៃទី៨ កក្កដានេះថា ការតភ្ជាប់ចូលបណ្តាញជាតិនេះ នឹងធ្វើឲ្យខេត្តរតនគីរី មានស្ថេរភាពក្នុងការប្រើប្រាស់ថាមពល តាមរយៈបណ្តាញជាតិ។ លោកថ្លែងថា៖ “តាមរយៈសមិទ្ធិផលថ្មីនេះ ខេត្តរតនគីរី នឹងមានសកម្មភាពសេដ្ឋកិច្ចនានាបន្ថែមទៀត ផ្តល់ការងារធ្វើជូនបងប្អូនប្រជាពលរដ្ឋ ព្រោះថាខេត្តរតនាគីរី ជាខេត្តជាប់ព្រំដែន ហើយតម្រូវការប្រើប្រាស់ថាមពលនឹងកើនឡើងនៅពេលខាងមុខ”។ កន្លងមក ខេត្តរតនគីរី បានប្រើថាមពលបញ្ជូនពីប្រទេសវៀតណាមតាមរយៈខ្សែបញ្ជូន តង់ស្យុងមធ្យម ៣៥គីឡូវ៉ុល និង២២គីឡូវ៉ុល ពីអគ្គិសនីសេសានក្រោម២ ដែលធ្វើឲ្យការផ្គត់ផ្គង់ថាមពលមិនមានស្ថេរភាព។ លោកបញ្ជាក់ថា ការនាំចូលថាមពលពីប្រទេសវៀតណាមសម្រាប់ខេត្តរតនគីរី នៅតែបន្តនាំចូល ប៉ុន្តែនឹងបរិមាណនាំចូលនឹងថយចុះ បន្តិចម្តងៗនៅពេលខាងមុខ។ លោកថ្លែងបញ្ជាក់ថា៖ “នៅពេលតម្រូវការអគ្គិសនីខេត្តរតនគីរីកើនឡើង […]
អានបន្ថែម
CBRE៖ តម្លៃដីក្នុងត្រីមាសទី ២ ឆ្នាំ ២០២០ គឺនៅថេរ ទោះបីចំនួនការទិញលក់ធ្លាក់ចុះក្ដី
តម្លៃដីធ្លីនៅតាមបណ្ដាខណ្ឌនានានៅក្នុងរាជធានីភ្នំពេញ ក្នុងត្រីមាសទី ២ ឆ្នាំ ២០២០ នេះ គឺនៅថេរ បើទោះបីជាចំនួនការទិញលក់ក្នុងទីផ្សារថមថយកដោយសារតែការរីករាលដាលនៃវីរុសកូវីដ១៩ ក៏ដោយ។ នេះបើយោងតាមរបាយការណ៍របស់ភ្នាក់ងារអចលនទ្រព្យ CBRE Cambodia ចេញផ្សាយ កាលពីថ្ងៃទី ៧ ខែកក្កដា កន្លងមកនេះ។ ថ្លែងក្នុងកម្មវិធីធ្វើបទបង្លាញស្ដីពីរបាយការណ៍ថ្មីនេះ លោក James Hodge នាយកក្រុមហ៊ុន CBRE Cambodia បានឱ្យដឹងថា តម្លៃដីធ្លីនៅថេរគឺដោយសារតែ លំហូរសាច់ប្រាក់របស់ម្ចាស់ដី ឬ អ្នកវិនិយោគដីធំៗ នៅមានស្ថេរភាព។ លោក Hodge បានឱ្យដឹងថា ៖ «ជាក់ស្ដែង ផ្នែកផ្សេងៗនៃទីផ្សារអចលនទ្រព្យ (ខនដូ ជាដើម) កំពុងរងផងប៉ះពាល់អវិជ្ជមាន ជាពិសេសតំបន់កណ្តាលក្រុង ។ អ្នកអភិវឌ្ឍន៍អចលនទ្រព្យអាចនឹងមិនទទួលប្រាក់ចំណេញដូចមុនទេ ដូច្នេះពួកគេនឹងកាត់បន្ថយការទិញលក់ដី ដែលជាហេតុធ្វើឱ្យចំនួនការទិញលក់ធ្លាក់ចុះ»។ «ប៉ុន្តែទោះជាចំនួនការទិញលក់ថមថយពិតមែន តែមិនបង្កឱ្យតម្លៃធ្លាក់នោះទេ។ អ្នកដែលមានដីនៅកណ្តាលក្រុង ភាគច្រើនជាអ្នកមាន ហើយពួកគាត់មានដីទំហំធំ។ ពួកគាត់មានសាច់ប្រាក់គ្រប់គ្រាន់សម្រប់បង្វិល ដូច្នេះ ពួកគាត់និងមិនលក់ដីក្នុងអំឡុងពេលនោះទេ ព្រោះទីផ្សារនឹងឱ្យតម្លៃទាប លោកបានបន្ដ» ។ […]
អានបន្ថែម
ក្រុមហ៊ុន Huawei នឹងពង្រីកទីផ្សារថាមពលពន្លឺព្រះអាទិត្យបែបឆ្លាតវៃ (Smart PV) នៅកម្ពុជា
ក្រុមហ៊ុន Huawei កាលពីថ្មីៗនេះ បានចុះហត្ថលេខាធ្វើជាដៃគូសហការ ជាមួយនឹងJJ-LAPP ដើម្បីពង្រីកវិសាលភាពនៃការផ្គត់ផ្គង់ឧបករណ៍បំលែងថាមពលពន្លឺព្រះអាទិត្យបែបឆ្លាតវៃ ឬ Smart PV សម្រាប់បណ្ដាប្រទេសចំនួន ៦ រួមមាន កម្ពុជា ឥណ្ឌូនេស៊ី ឡាវ មីយ៉ាន់ម៉ា ហ្វីលីពីន និងថៃ។ នេះបើយោងតាមការផ្សព្វផ្សាយព័ត៌មានលើគេហទំព័រផ្លូវការ PVtime កាលពីថ្មីៗនេះ។ ការចុះហត្ថលេខាធ្វើជាដៃគូសហកាវាង ក្រុមហ៊ុន Huawei ជាមួយនឹងក្រុមហ៊ុន JJ-LAPP ដែលជាក្រុមហ៊ុនបណ្តាញបច្ចេកវិទ្យាខ្សែកាបធំបំផុតនៅអាស៊ាន នឹងជួយជម្រុញដល់ការលក់ ចែកចាយ និងគាំទ្រ ដល់ឧបករណ៍បំលែងថាមពលពន្លឺព្រះអាទិត្យរបស់ក្រុមហ៊ុន Huawei នៅក្នុងតំបន់អាស៊ានទាំងមូល។ បច្ចុប្បន្ន ក្រុមហ៊ុនទាំងពីនេះ បានផ្គត់ផ្គង់ថាមពលពន្លឺព្រះអាទិត្យនៅប្រទេសចំនួន បីហើយ រួមមាន កម្ពុជា មីយ៉ាន់ម៉ា និងឡាវ និងប្ដេជ្ញាខិតខំផ្គត់ផ្គង់ទីផ្សារសម្រាប់អតិថិជនដែលមានស្រាប់ ក៏ដូចជាពង្រីកទីផ្សារបន្ថែមទៀតទៅប្រទេសក្នុងតំបន់។ លោក Li Yaohui អគ្គនាយកក្រុមហ៊ុន Smart PV Business APAC របស់ក្រុមហ៊ុន Huawei បានឱ្យដឹងក្នុងគេហទំព័រផ្លូវការ PVtime […]
អានបន្ថែម
រដ្ឋាភិបាលគ្រោងសង់ស្ពានអាកាសចំនួន ២ កន្លែង លើផ្លូវជាតិលេខ៣
រដ្ឋាភិបាល មានគម្រោងសាងសង់ស្ពានអាកាសចំនួន ២ កន្លែង តាមបណ្ដោយផ្លូវជាតិលេខ៣ ដោយស្ពានទី១ នឹងស្ថិតនៅខេត្តតាកែវ និងមួយទៀតនៅខេត្តកំពង់ស្ពឺ ក្នុងគោលបំណងដើម្បីកាត់បន្ថយការកកស្ទះចរាចរ និងចៀងវាងការបង្កគ្រោះថ្នាក់ ពិសេសក្នុងតំបន់ទីផ្សារមម៉ញឹក។ នេះបើតាមសារព័ត៌មាន AKP កាលពីថ្ងៃទី ០៧ កក្កដានេះ។ ថ្លែងក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆមាសទី១ និងទិសដៅការងារឆមាសទី២ ឆ្នាំ២០២០ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានលើកឡើងថា ចំពោះគម្រោងនេះ ឯកឧត្តម បានជួបពិភាក្សាជាមួយអភិបាលខេត្តកំពង់ស្ពឺ និងអភិបាលខេត្តតាកែវ រួចមកហើយ។ ឯកឧត្តមបានឲ្យដឹងថា៖ «យើងមិនអាចឱ្យគាត់ឆ្លងកាត់បានទេ ព្រោះថាមានផ្លូវ៤គន្លង អញ្ចឹងបើគាត់ឆ្លងកាត់វាអាចនឹងមានគ្រោះថ្នាក់ចរាចរណ៍ចំពោះគាត់។ យើងបានសម្រេចហើយ និងកំពុងសាងសង់ស្ពានអាកាស ២ កន្លែង គឺមួយនៅខេត្តតាកែវ និងមួយទៀតនៅខេត្តកំពង់ស្ពឺ។» ទោះជាយ៉ាងណាក្ដី ឯកឧត្តម មិនទាន់បញ្ជាក់ប្រាប់សាធារណជន ពីចំណុចទីតាំងជាក់លាក់នៃគម្រោងទាំង ២ នេះទេ។ ចំពោះគម្រោងនេះដែរ អភិបាលខេត្តតាកែវ ក៏បានស្នើឲ្យក្រុមហ៊ុនសាងសង់ឲ្យពង្រីកផ្លូវប្រសព្វឲ្យបាន ៣០០ ម៉ែត្រទាំងសងខាង ដើម្បីកុំឲ្យកកស្ទះចរាចរណ៍នៅពេលបត់រថយន្ត។ ក្រុមហ៊ុនក៏បានយល់ព្រមចំពោះសំណើរបស់អភិបាលខេត្តតាកែវ ផងដែរ។ បច្ចុប្បន្ន […]
អានបន្ថែម