ចិនផ្តល់កម្ចីជាង៨០លានដុល្លារ ពង្រីកបណ្តាញអគ្គិសនីសម្រាប់ ១៣៣ភូមិ នៅជនបទ
រដ្ឋាភិបាលចិននឹងផ្តល់កម្ចីសម្បទានប្រមាណ ៨០លានដុល្លារ សម្រាប់គម្រោងពង្រីកបណ្តាញថាមពលអគ្គិសនីរងនៅទីជនបទគ្របដណ្តប់ភូមិចំនួន ១៣៣ភូមិ ក្នុងខេត្តចំនួន១៤នៅប្រទេសកម្ពុជា។ គម្រោងកម្ចីសម្បទាននេះ គ្រោងនឹងចុះហត្ថលេខានៅខែសីហាខាងមុខ ជាមួយនឹងគម្រោង ៧ផ្សេងទៀត ដែលរាជរដ្ឋាភិបាលកម្ពុជា និងរដ្ឋាភិបាលចិន បានឯកភាពគ្នានៅកិច្ចប្រជុំដើម្បីពិភាក្សាលើការងារក្នុងក្របខ័ណ្ឌការអនុវត្តផែនការសកម្មភាពក្នុងការបង្កើតសហគមន៍វាសនារួម កម្ពុជា-ចិន (២០១៩-២០២៣) ដែលធ្វើឡើងកាលពីសប្តាហ៍មុននេះ។ លោក វ៉ិចទ័រ ហ្សូណា អគ្គនាយកថាមពល និងជាអ្នកនាំពាក្យក្រសួងរ៉ែ និងថាមពល បានឲ្យដឹងនៅថ្ងៃទី២៨ កក្កដានេះថា គម្រោងនេះ គឺគ្រោងចំណាយប្រមាណ ៨២លានដុល្លារ ក្នុងការកសាងបណ្តាញអគ្កិសនីរង ប្រវែង ២ ៩៧០ គីឡូម៉ែត្រ។ ក្នុងនោះ ថវិកាបដិភាគរពីរាជរដ្ឋាភិបាលកម្ពុជា ប្រមាណ ៥ភាគរយ និង ៩៥ភាគរយ ជាកម្ចីពីប្រទេសចិន។ លោកថ្លែងថា៖ «បន្ទាប់ពីចុះហត្ថលេខាទៅ មិនយូរទេ ព្រោះជាទូទៅថវិកាដែលទទួលបានពីសាធារណប្រជាមានិតចិន មានភាពងាយស្រួល មានការអនុគ្រោះ។ ហើយគម្រោងបណ្តាញអគ្គិសនីរងនេះ នឹងរួមចំណែកក្នុងរង្វង់ ១ភាគរយ នៃភូមិក្នុងក្របខណ្ឌទូទាំងប្រទេស»។ ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល បានអញ្ជើញចូលរួមកិច្ចប្រជុំ បានឲ្យដឹងថា គម្រោងបណ្តាញអគ្គិសនីជនបទនេះ […]
អានបន្ថែម
រោងចក្រអគ្គិសនីធ្យូងថ្ម ៧០០មេហ្គាវ៉ាត់ ខេត្តកោះកុងបញ្ចប់ការដោះស្រាយផលប៉ះពាល់
ក្រុមហ៊ុន រ៉ូយ៉ាល់គ្រុប ដែលគ្រោងនឹងសាងសង់រោងចក្រអគ្គិសនីដុតធ្យូងថ្មអានុភាព ៧០០មេហ្គាវ៉ាត់ នៅខេត្តកោះកុង បានបញ្ចប់ការដោះស្រាយផលប៉ះពាល់ដល់ប្រជាជនប្រមាណ៥៨ គ្រួសារក្នុងតំបន់រួចមកហើយ ។ នេះបើយោងតាមគេហទំព័រផ្លូវការរបស់រដ្ឋបាលខេត្តកោះកុងកាលពីរសៀលថ្ងៃទី ២៨ កក្កដា ២០២០នេះ។ ប្រជាពលរដ្ឋទាំង៥៨គ្រួសារនេះ មានទីលំនៅនៅឃុំថ្មស ស្រុកបូទុមសាគរ ដែលមានក្បាលដីពាក់ព័ន្ធនឹងទីតាំងគម្រោងនេះ ដោយក្រុមហ៊ុនបានទូទាត់សំណងគោលនយោបាយនិង គិតរួមបញ្ចូលទាំងដីធ្លី ដើមឈើ និង ផ្ទះសម្បែងទៀងផង។ គម្រោងរោងចក្រអគ្គិសនីដើរដោយថាមពលធ្យូងថ្មនៅខេត្តកោះកុងនេះ នឹងប្រើទុនវិនិយោគសរុប ១, ៣ ពាន់លានដុល្លារអាមេរិក ដោយក្រុមហ៊ុនរ៉ូយ៉ាល់គ្រុបទទួលបានសម្បទានអនុវត្តគម្រោង កាលពីខែមីនាកន្លងទៅនេះ។ ក្រៅពីការសាងសង់រោងចក្រ គម្រោងទាំងមូលក៏រួមមាន ការសាងសង់ប្រព័ន្ធតភ្ជាប់អគ្គិសនីតង់ស្យុង ២៣០ គីឡូវ៉ុល ប្រវែង៥០គីឡូម៉ែត្រតភ្ជាប់ពីរោងចក្រអនុស្ថានីយបុទុមសាគរទៅនឹងអគ្គិសនីកម្ពុជា ការសាងសង់ស្ពានដឹកជញ្ជូនធ្យូងថ្ម ២ កំណាត់ ប្រវែងសរុប៦គីឡូម៉ែត្រ ការសាងសង់ផ្លូវចូលទីតាំងគម្រោង ប្រវែង៤០គីឡូម៉ែត្រ និងការសាងសង់អនុស្ថានីយអគ្គិសនី។ (អានបន្ថែម) បន្ថែមពីនេះ អគ្គិសនីកម្ពុជាក៏បានធានានឹងទិញថាមពលពី គម្រោងនេះ ក្នុងបរិមាណថាមពល ៨០% ក្នុង១ឆ្នាំផងដែរ។
អានបន្ថែម
សំណង់វារីអគ្គិសនីច្រើនហួសជាផ្នែកមួយបង្កឱ្យកម្រិតទឹកទន្លេសាបស្រកខ្លាំង
ក្រៅពីកត្តាបម្រែបម្រួលអាកាសធាតុ គម្រោងសាងសង់ទំនប់វារីអគ្គិសនីធំៗលើដងទន្លេមេគង្គច្រើន ជាពិសេសនៅចិន និងឡាវ ក៏ជាកត្តាសំខាន់មួយដែលបណ្ដាលឲ្យកម្រិតទឹកក្នុងបឹងទន្លេសាបស្រកចុះយ៉ាងខ្លាំងក្នុងឆ្នាំនេះ ហើយប៉ះពាល់យ៉ាងធ្ងន់ធ្ងរដល់ការនេសាទនៅកម្ពុជា។ នេះបើយោងតាមអ្នកជំនាញផ្នែកបរិស្ថាន។ លោក Brian Eyler សមាជិកជាន់ខ្ពស់ និងជានាយកកម្មវិធីអាស៊ីអាគ្នេយ៍របស់មជ្ឈមណ្ឌល Stimson ទីក្រុងវ៉ាស៊ីនតោន បានឱ្យដឹងថាទន្លេមេគង្គលើកំពុងជួបនឹងគ្រោះរាំងស្ងួតដោយសារគម្រោងវារីអគ្គីសនីជាច្រើនសន្ធឹកសន្ធាប់នេះ។ លោកបានបង្ហោះសារនៅលើហ្វេសប៊ុកថា៖ «ទំនប់វារីអគ្គិសនីរាប់រយត្រូវបានសាងសង់លើដងទន្លេមេគង្គ រួមមាន ចិនច្រើនជាង ១០០ គម្រោង ឡាវច្រើនជាង ១០០ គម្រោង វៀតណាមច្រើនជាង ១៦ គម្រោង ថៃច្រើនជាង ៩ គម្រោង និង កម្ពុជា ២ គម្រោង ។ លោកបានបន្ថែមថា៖ «ទំនប់វារីអគ្គិសនីធំៗ ២ នៅប្រទេសចិន គឺគម្រោងនៅ Nuo zhadu និង Xiaowan ដែលស្ថិតនៅផ្នែកខាងលើទន្លេមេគង្គ បិទចរន្តទឹកប្រមាណ ២០ ពាន់លានម៉ែត្រគូបមិនឲ្យហូរចុះមកទន្លេមេគង្គផ្នែកខាងក្រោម។ នេះជាកត្តាដែលធ្វើឲ្យកម្រិតទឹកនៅតាមបណ្តោយដងទន្លេមេគង្គស្រកចុះ នឹងធ្វើឲ្យការហូរត្រឡប់នៃទឹកក្នុងបឹងទន្លេសាបកាន់តែយឺត»។ យោងតាមរបាយការណ៍របស់ក្រុមហ៊ុន Eye on Earth និងក្រុមហ៊ុន […]
អានបន្ថែម
សេវាកម្មដឹកជញ្ជូនអាហារអាចនឹងក្លាយជាគំរូអាជីវកម្មសក្ដានុពលថ្មីនៃទីផ្សារ Retail
ដោយ Eric Wong Chon Lap កាលពីប៉ុន្មានឆ្នាំមុន សេវាកម្មដឹកជញ្ជូនអាហារស្ទើរតែគ្មានវត្តមាន នៅប្រទេសកម្ពុជា ប៉ុន្តែបច្ចុប្បន្ននេះ អតិថិនជនអាចបញ្ជាទិញអាហារដែលពួកគាត់ចង់ពិសារ តាមរយៈកម្មវិធីជាច្រើនដែលផ្តល់នូវសេវាកម្មដឹកជញ្ជូនយ៉ាងងាយស្រួល និងឆាប់រហ័សទាន់ចិត្ត។ សេវាកម្មដឹកជញ្ជូនអាហារ ចាត់ទុកថាជាពាណិជ្ជកម្មមួយទទួលបានជោគជ័យយ៉ាងខ្លាំងទូទាំងពិភពលោក ខណៈសេវាកម្មនៅកម្ពុជា ក៏បានកើនឡើងគួរឱ្យកត់សម្គាល់ផងដែរ។ សេវាកម្មដឹកជញ្ជូនអាហារនេះ គឺជួយសម្រួលដល់អតិថិជនបានមួយផ្នែកធំ ជាពិសេសនៅទីក្រុងភ្នំពេញ ដោយពួកគេមិនចាំបាច់ចំណាយពេលច្រើន និងស្ទះចរាចរណ៍ក្រោមពន្លឺថ្ងៃយ៉ាងក្តៅនោះទេ។ សេវាកម្មនេះ កាន់តែពេញនិយមក្នុងអំឡុងពេលនៃការរីករាលនៃជំងឺកូវីដ១៩ ហើយដើរតួយ៉ាងសំខាន់ក្នុងការជួយម្ចាស់អាជីវកម្មរកចំណូលទ្រទ្រង់អាជីវកម្មពួកគេឱ្យនៅតែបន្តដំណើរការបាន។ កាលពីមុន មានភោជនីយដ្ឋានជាច្រើនបានស្ទាក់ស្ទើរក្នុងការដាក់អាជីវកម្មរបស់ខ្លួនទៅក្នុងសេវាកម្មនេះ ដោយពួកគេខ្លាចប៉ះពាល់ដល់យីហោរបស់ហាង ប៉ុន្តែ ដោយសារតែមានសភាពការណ៍បែបនេះ ពួកគេក៏យល់ព្រមសាកល្បងនូវសេវាកម្មដឹកជញ្ជូនអាហារទាំងនេះ។ សេវាកម្មដឹកជញ្ជូនអាហារនៅប្រទេសកម្ពុជា ដូចជា E-Gets, Foodpanda, ឬ Nham24 ដែលមានជាកម្មវិធីទូរស័ព្ទងាយស្រួលប្រើក្នុងការកម្ម៉ង់អាហារ។ មិនត្រឹមតែធ្វើឱ្យអតិថិជនមានភាពងាយស្រួលក្នុងការស្វែងរកមុខម្ហូបនោះទេ កម្មវិធីទាំងអស់នោះ ក៏បើកឱ្យអតិថនអាចតាមដានអំពីដំណើរការដឹកជញ្ជូនអាហាររបស់ពួកគេផ្ទាល់តែម្តង។ បន្ថែមពីលើនេះ កម្មវិធីកម្ម៉ង់អាហារ បានធ្វើឱ្យអតិថជនអាចស្វែងរកជម្រើសអាហារថ្មីៗ នៅតាមភោជនីយដ្ឋានជាច្រើន ដែលពេលខ្លះ ពួកគាត់មិនដែលស្គាល់ពីមុនមកក៏ថាបាន។ សព្វថ្ងៃនេះសេវាកម្មដឹកជញ្ជូនអាហារទាំងនេះ បានធ្វើការប្រកួតប្រជែងគ្នាយ៉ាងខ្លាំង ជាមួយនឹងយុទ្ធសាស្ត្រទីផ្សារមួយចំនួន ដូចជា ការផ្សព្វផ្សាយផ្សេងៗ ការដឹកជញ្ជូនក្នុងតម្លៃទាប ក៏ដូចជាកាត់បន្ថយពេលវេលារងចាំនូវអាហារទាំងនោះផងដែរ។ យ៉ាងណាមិញ សេវាកម្មដឹកជញ្ជូនអាហារទាំងនេះមានវត្តមាននៅតែទីក្រុងធំៗដូចជា […]
អានបន្ថែម
មន្ទីរពេទ្យតម្លៃ១, ៤លានដុល្លារនៅខេត្តត្បូងឃ្មុំបានបើកការដ្ឋានសាងសង់ហើយ
មន្ទីរពេទ្យបង្អែកស្រុកក្រូចឆ្មារតម្លៃជាង ១,៤លានដុល្លារ ត្រូវបានប្រកាសបើកការដ្ឋាន កាលពីព្រឹកថ្ងៃទី២៧ កក្កដា នេះ ហើយគ្រោងនឹងបញ្ចប់ការសាងសង់ និងដំណើរការនៅដើមឆ្នាំ ២០២២ ខាងមុខនេះ។ យោងតាមគេហទំព័រគណបក្សប្រជាជន មន្ទីរពេទ្យនេះ ជាអំណោយរបស់សម្ដេចតេជោ ហ៊ុន សែន ហើយនឹងចំណាយពេល១៨ខែ ក្នុងការសាងសង់។ លោកវេជ្ជៈបណ្ឌិត កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំ បានឲ្យដឹងថា អគារមន្ទីរពេទ្យបង្អែកថ្មីនេះ គឺសាងសង់លើផ្ទៃដីទំហំ ១៣.០០០ ម៉ែត្រក្រឡា មានកម្ពស់ដល់ទៅ ៤ជាន់ និងមានទំហំសរុបប្រមាណ ៤១៣.០០០ ម៉ែត្រក្រឡា។ មន្ទីរពេទ្យនេះ នឹងត្រូវបំពាក់ដោយបរិក្ខារទំនើបៗ ដូចជាម៉ាស៊ីន Ct Scan, ម៉ាស៊ីនX-Ray ឌីជីថល, ម៉ាស៊ីនអេកូសាស្ត្រជាដើម។ លោកវេជ្ជបណ្ឌិត កែវ វណ្ណៈ ក៏បានឱ្យដឹងទៀតថា ក្រោយសាងសង់រួច មន្ទីរពេទ្យនេះនឹងជួយបម្រើសេវាសុខាភិបាលដែលមានបច្ចេកវិទ្យាទំនើបជូនពលរដ្ឋក្នុងខេត្តត្បូងឃ្មុំ ក៏ដូចជាសម្រាប់ខេត្តដែលនៅក្បែរនេះផងដែរ។
អានបន្ថែម
ក្រុមហ៊ុនអាមេរិកយកខេត្តព្រះសីហនុជាទីតាំងដំបូងក្នុងការបណ្តុះអ្នកឯកទេសដីធ្លី ៣៨០០នាក់
ក្រុមហ៊ុនអចលនទ្រព្យ Century 21 Zillion Holding បានជ្រើសរើសខេត្តព្រះសីហនុ ជាខេត្តដំបូងគេបង្អស់បន្ទាប់ពីភ្នំពេញ ដើម្បីរៀបចំយុទ្ធនាការបណ្តុះជំនាញឯកទេសដីធ្លី ៣៨០០នាក់ទូទាំងប្រទេស ដែលនេះគឺជាជំហ៊ានឆ្លាតវៃមួយក្នុងការបង្កើនសក្តានុពលសេដ្ឋកិច្ចខេត្តព្រះសីហនុក៏ដូចជាសេដ្ឋកិច្ចប្រទេសតាមរយៈការបង្កើតការងារ។ កម្មវិធីនេះបានធ្វើឡើង កាលពីថ្ងៃទី ២៤ ខែកក្កដា ឆ្នាំ២០២០ នៅសណ្ឋាគារ Sokha Beach Resort Sihanouk Ville ដោយមានវាគ្មិនជំនាញ ៥រូប ចូលរួមចែករំលែកចំណេះដឹង និងអ្នកចូលរួមប្រមាណជិត ២០០នាក់។ លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា (CVEA) បានលើកឡើងនៅក្នុងសិក្ខាសាលានេះថា៖ «ខ្ញុំគិតថាក្រុមហ៊ុន Century 21 Zillion Holding ដែលកំពុងតែចាប់ទីផ្សារនៅក្រុងព្រះសីហនុនេះ គឺចំពេលវេលាល្អនៅក្នុងកាលានុវឌ្ឍភាពសេដ្ឋកិច្ច និងការអភិវឌ្ឍផងដែរ»។ «ដូច្នេះការផ្ដល់ឱកាសដល់អ្នកដែលនៅក្នុងតំបន់ គឺជំរុញឲ្យប្រជាជនមានការងារធ្វើ ជាពិសេសអ្នកដែលវ័យជំទង់ ឬចំណាស់ នៅពេលគាត់ទំនេរ គាត់អាចធ្វើការក្រៅម៉ោង ធ្វើជាអ្នកភ្នាក់ងារអចលនទ្រព្យបានដែរ ហើយទទួលបាននូវប្រាក់ចំណូលខ្ពស់»។ លោកបានបន្ថែមថា នៅពេលដែលប្រទេសកំពុងប្រឈមនឹងបញ្ហា ទីផ្សារអចលនទ្រព្យកាន់តែត្រូវការអ្នកជំនាញអចលនទ្រព្យច្រើនឡើងៗ ព្រោះអ្នកវិនិយោគនឹងប្រយ័ត្នខ្ពស់មុននឹងវិនិយោគ និងត្រូវការប្រឹក្សាពីអ្នកជំនាញអចលនទ្រព្យដែលប្រកបដោយក្រមសីលធម៌ វិជ្ជាជីវៈខ្ពស់។ […]
អានបន្ថែម
ឥណ្ឌូណេស៊ីស្វាគមន៍ជប៉ុនឱ្យដេញថ្លៃគម្រោងរថភ្លើងល្បឿនលឿនបានឌុង-សូរាបាយ៉ា
ដើម្បីសម្របសម្រួលប្រកួតប្រជែងរវាងចិន និងជប៉ុន រដ្ឋាភិបាលឥណ្ឌូនេស៊ីកំពុងស្វាគមន៍ក្រុមហ៊ុនជប៉ុន ឱ្យមកដេញថ្លៃលើគម្រោងរពង្រីកផ្លូវពីរថភ្លើងពីបានឌុង (Bandung) ទៅ សូរាបាយ៉ា (Surabaya) ក្រោយប្រទេសចិនបានឈ្នះដេញថ្លៃលើគម្រោងវិនិយោគផ្លូវដែកល្បឿនលឿនហ្សាកាតា – បានឌុង (Jakarta-Bandung ) តម្លៃប្រមាណ ៦ ពាន់លានដុល្លារ កន្លងមកនេះ។ នេះបើយោងតាម រដ្ឋមន្រ្តីក្រសួងសេដ្ឋកិច្ចឥណ្ឌូណេស៊ីលោក Airlangga Hartarto ធ្វើសេចក្តីប្រកាសស្តីពីការពង្រីកបណ្តាញផ្លូវដែករួមគ្នាក្នុងសន្និសីទកាសែតតាមប្រព័ន្ធអនឡាញ កាលពីថ្មីៗនេះ។ លោកបានមានប្រសាសន៍ថា៖ «គម្រោងផ្លូវដែកហ្សាកាតា – បានឌុង (Jakarta-Bandung ) មិនគួរតែបញ្ចប់នៅត្រឹមទីក្រុងបានឌុងទេ តែគួរបន្តទៅដល់ស៊ូរ៉ាបាយ៉ាទៀត ក្នុងគោលបំណងជំរុញសក្តានុពលផ្នែកសេដ្ឋកិច្ច” ។ ប្រធានាធិបតី Widodo ក៏បានឱ្យដឹងថា រដ្ឋាភិបាលបានស្នើឱ្យមានសម្ព័ន្ធក្រុមហ៊ុនវិនិយោគិនជប៉ុនឱ្យមកចូលរួមក្នុងសម្ព័ន្ធក្រុមហ៊ុនឥណ្ឌូនេស៊ី – ចិនដើម្បីសាងសង់ផ្លូវរថភ្លើងមួយខ្សែនេះ។ គួរបញ្ជាក់ផងដែរថា គម្រោងរថភ្លើងល្បឿនលឿននេះជាផ្នែកមួយនៃគម្រោងហេដ្ឋារចនាសម្ព័ន្ធចំនួន ៨៩ តម្លៃប្រមាណ១០០ ពាន់លានដុល្លារ របស់ឥណ្ឌូណេស៊ីដែលបានគ្រោងទុករហូតដល់ឆ្នាំ ២០២៣។ ដោយឡែកដោយសារការរីករាលដាលនៃជំងឺកូវីដ ១៩ គម្រោងនេះនឹងត្រូវបញ្ចប់យឺតជាងការគ្រោងទុករហូតដល់ទៅមួយឆ្នាំ ។
អានបន្ថែម
ចំនួនផ្សារទំនើបកើនឡើងហួសពីសមត្ថភាពចំណាយរបស់ប្រជាជនខ្មែរ
ចំនួនផ្សារទំនើបថ្មីៗ បាននិងកំពុងកើនឡើងជាបន្តបន្ទាប់ ខណៈចំនួនអ្នកមានថវិកាចំណាយចូលផ្សារទំនើប គឺស្ថិតនៅដដែល ដែលជាសញ្ញាណបង្ហាញថាមានការផ្គត់ផ្គង់ផ្សារទំនើបនៅកម្ពុជាគឺច្រើនហួសតម្រូវការ។ នេះបើយោងតាមការវិភាគរបស់សារព័ត៌មាន Nikkei Asian Review កាលពីថ្ងៃទី ២៤ កក្កដា ២០២០។ ទីភ្នាក់ងារប្រឹក្សាអចលនទ្រព្យ Knight Frank បានព្យាករថានៅចុងឆ្នាំ ២០២២ ការផ្គត់ផ្គង់ផ្សារទំនើបនៅកម្ពុជានឹងកើនរហូតដល់ ៨៣០ ០០០ ម៉ែត្រក្រឡា។ នៅថ្ងៃអនាគត ប្រមាណ ៨៤ ភាគរយនៃការផ្គត់ផ្គង់សរុប គឺជាផ្សារទំនើបលំដាប់ខ្ពស់ និងភាគច្រើន គឺជាការលក់រាយធំៗក្នុងផ្សារទំនើប។ ដូចគ្នានេះដែរ ភ្នាក់ងារអចលនទ្រព្យ CBRE ក៏បានរពឹងថា នៅដំណាច់ឆ្នាំ២០២០ នេះ នឹងមានគម្រោងថ្មីៗមានទំហំជួលប្រមាណ ៨៧ ០០០ ម៉ែត្រការ៉េ ដែលនឹងបន្ថែមលើផ្ទៃក្រឡាដែលមានស្រាប់ក្នុងទីផ្សារ។ (អានបន្ថែម) ដោយឡែកបើវិភាគទៅលើសមត្ថភាពចំណាយរបស់ប្រជាជនខ្មែរវិញ គឺហាក់ដូចជានៅថេរ គឺអាចទាបជាងកំណើនផ្សារទំនើបដ៏សម្បើមនេះទៅទៀត។ យោងតាមតួលេខឆ្នាំ ២០១៨ ពីក្រុមហ៊ុន Knight Frank បានឱ្យដឹងថាសមាមាត្រចំនួនផ្សារទំនើប ចំនួនប្រជាជននៅទីក្រុងភ្នំពេញ គឺស្មើនឹងទីក្រុងហាណូយឬ ហូជីមិញហើយ។ ផ្ទុយទៅវិញ GDP […]
អានបន្ថែម
គន្លឹះ និងវិធីសាស្រ្តដើម្បីជ្រើសរើសដែកដែលមានគុណភាពខ្ពស់
ប្រទេសកម្ពុជាយើងជាប្រទេសដែលកំពុងអភិវឌ្ឍគ្រប់វិស័យ ហើយក្នុងនោះដែរ វិស័យសំណង់ គឺកំពុងរីកចម្រើនខ្លាំង ដែលយើងឃើញមានសំណង់តូចធំ កំពុងរីកដុះដាលពាសពេញទីក្រុង និងតាមបណ្ដាខេត្តនានា។ ក្នុងនោះ ដែក បានដើរតួនាទីដ៏សំខាន់ ក្នុងការរីកចម្រើនដ៏មហិមានេះ ដូច្នេះ វាពិតជាមានសារៈសំខាន់ណាស់ ក្នុងការជ្រើសរើសប្រភេទ ឫគុណភាពដែកឲ្យបានត្រឹមត្រូវ បើមិនដូច្នោះទេអ្នកនឹងខាតទាំងពេលវេលា ថវិកា ហើយសំណង់របស់អ្នកក៏គ្មានគុណភាពដែរ។ តើយើងត្រូវជ្រើសរើសដែកដូចម្ដេច បើមើលទៅក្នុងទីផ្សារដែកគឺសុទ្ធតែដូចៗគ្នា? គន្លឹះសំខាន់ៗមួយចំនួនខាងក្រោមនេះអាចជួយអ្នកបាន៖ ១) គួរជ្រើសរើសដែកដែលស្រោបសារធាតុស័ង្កសី ព្រោះមានឱកាសនៃការច្រែះតិច ២) បើមុខកាត់ដែកមិនស្មើទេ នោះអ្នកនឹងត្រូវគេកេងបន្លំកម្រាស់ ៣) ថ្នេរផ្សារភ្ជាប់ត្រូវតែជិត និងស្មើល្អ ដែលអាចសម្គាល់ពីភាពរឹងមាំ ៤) ស៊ីកែងស្មើល្អ ងាយស្រួលផ្សារ និងជាប់បានល្អ ៥) ម៉ាកយីហោល្បី និងមានចុះបញ្ជីត្រឹមត្រូវ ផ្ដល់ទំនុកចិត្តដល់អ្នកប្រើប្រាស់បានខ្ពស់
អានបន្ថែម
ក្រសួងមហាផ្ទៃប្រកាសចាត់វិធានការធ្ងន់លើករណីទន្ទ្រានដីព្រៃក្នុងខេត្តមណ្ឌលគិរី
រដ្ឋមន្ត្រីក្រសួងមហាផ្ទៃ សម្ដេច ស ខេង បានសម្រេចបង្កើតក្រុមការងារអន្តរក្រសួងថ្មីមួយ ដើម្បីរឹតបន្តឹងការអនុវត្តច្បាប់ លើករណីកទន្ទ្រាន និងកាន់កាប់ដីព្រៃខុសច្បាប់ ក្នុងតំបន់ការពារធម្មជាតិខេត្តមណ្ឌលគិរី។ នេះបើយោងតាមសេចក្ដីសម្រេច ដោយក្រសួងមហាផ្ទៃកាលពទីថ្ងៃទី២២ ខែកក្កដា ឆ្នាំ២០២០នេះ។ ប្រភពដដែលនេះបានឲ្យដឹងថា ក្រុមការងារអន្តរក្រសួងនេះ មានតួនាទីសំខាន់ គឺចុះសិក្សាស្រាវជ្រាវលើករណីនីមួយៗនៃការទន្ទ្រានកាន់កាប់ដីព្រៃខុសច្បាប់ តាមរបាយការណ៍របស់ទីស្តីការគណៈរដ្ឋមន្ត្រី ចុះថ្ងៃទី១២ ខែមិថុនា ឆ្នាំ២០២០ ឲ្យបានជាក់ស្ដែង ក៏ដូចជាប្រមូលនូវឯកសារ និងភស្ដុតាងនានា ទាក់ទងនឹងអ្នកពាក់ព័ន្ធទាំងអស់ ដើម្បីដាក់ទោសតាមផ្លូវច្បាប់។ គួរបញ្ចាក់ផងដែរថា មកទល់បច្ចុប្បន្ន អភិបាលខេត្តមណ្ឌលគីរីបានដកហូតដីកាន់កាប់ខុសច្បាប់ជាង ២ពាន់ហិចតាហើយ ឱ្យមកជាសម្បត្តិរដ្ឋវិញ ដោយវិធានការណ៍នេះគឺត្រូវអនុវត្តស្មើភាពគ្នា មិនថាអ្នកតូចអ្នកធំទេ។ (អានបន្ថែម) ទាក់ទិននឹងបញ្ហាដីធ្លីនេះដែរ សម្ដេចនាយករដ្ឋមន្ត្រី ហ៊ុន សែន កាលពីដើមខែកក្កដានេះ ក៏បានព្រមានថា សម្រាប់មន្រ្តីខិលខូចដែលឃុបឃិតគ្នាយកដីរដ្ឋ និងយកដីប្រជាពលរដ្ឋ គឺនឹងទទួលទោសដ៏ធ្ងន់ធ្ងរបំផុត។ ហើយចំពោះប្លង់រឹងដែលបានធ្វើដោយអំពើឃុបឃិតទុច្ចរិត គឺនឹងរំលាយចោលវិញ។ (អានបន្ថែម) គួរបញ្ជាក់ផងដែរ បច្ចុប្បន្ននេះ កម្ពុជាមានតំបន់ការពារធម្មជាតិចំនួន ៥៧ កន្លែង និងរបៀងអភិរក្សជីវៈចម្រុះចំនួន ៣ តំបន់ គ្របដណ្តប់លើផ្ទៃដីសរុបប្រមាណជាង […]
អានបន្ថែម
អភិបាលខេត្តកំពតកំពុងសិក្សាឱ្យចិនសាងសង់ស្ពានឆ្លងព្រែកកំពង់បាយថ្មីមួយខ្សែ
រដ្ឋបាលខេត្តកំពត សហការជាមួយក្រុមហ៊ុន China Road កំពុងសិក្សាគម្រោងសាងសង់ស្ពានថ្មីមួយខ្សែឆ្លងព្រែកកំពង់បាយ ដើម្បីសម្រួលចរាចរណ៍ ខណៈស្ពានចាស់មិនអាចឆ្លើយតបទៅនឹងកំណើនចរាចរណ៍បាន។ គម្រោងស្ពានថ្មីត្រូវបានលើកយកមកពិភាក្សានៅក្នុងកិច្ចប្រជុំរវាងសាលាខេត្តកំពត និង ក្រុមហ៊ុន China Road ក្រោមវត្តមានរបស់ ឯកឧត្តម ជាវ តាយ អភិបាលខេត្តកំពត កាលពីថ្ងៃទី ២៣ កក្កដាកន្លងមកនេះ។ លោក អ៊ឺង ឆាយ អភិបាលរងខេត្តកំពត បានឲ្យដឹងថា គម្រោងនេះ គឺដើម្បីឆ្លើយតបទៅនឹង កំណើនភ្ញៀវទេសចរណ៍យ៉ាងច្រើនកុះករជារៀងរាល់សប្តាហ៍ ដែលបណ្តាលឲ្យមានការកកស្ទះយានយន្ត ជាពិសេសលើស្ពានឆ្លងព្រែកកំពង់បាយ។ លោកថ្លែងថា៖ «ស្ពានតែមួយយើងប្រើអត់គ្រប់ ជាពិសេសរៀងរាល់ថ្ងៃសៅរ៍ និងថ្ងៃអាទិត្យ គឺស្ទះខ្លាំង ដូច្នេះរដ្ឋបាលខេត្តមានគោលការណ៍ដើម្បីកសាងស្ពានមួយទៀត ដើម្បីអោយមានស្ពាន ២ កុំមានការកកស្ទះ»។ លោកបានឱ្យដឹងទៀតថា បច្ចុប្បន្នគម្រោងនេះស្ថិតនៅក្នុងការសិក្សា ដូច្នេះមិនទាន់មានព័ត៌មានលម្អិតដូចជា ទំហំទឹកប្រាក់ និងរយៈពេលក្នុងសាងសង់នោះទេ។ ដោយឡែក គម្រោងនេះ ទទួលបានការឯកភាពពីប្រមុខរាជរដ្ឋាភិបាលកម្ពុជារួចហើយ ដោយកន្លងមក ឯកឧត្តម ជាវ តាយ ក៏ធ្លាប់បានដឹកនាំក្រុមការងារជំនាញចុះពិនិត្យទីតាំងមួយចំនួនសម្រាប់គម្រោងស្ពានថ្មីនេះរួចហើយដែរ៕
អានបន្ថែម
ស្ពានអាកាសថ្មើរជើងផ្សារដើមគរដាក់ដំណើរការប្រើប្រាស់ជាផ្លូវការហើយ
ស្ពានអាកាសថ្មើរជើងផ្សារដើមគរ ត្រូវបានដាក់ដំណើរការឲ្យប្រើប្រាស់ជាផ្លូវការហើយ កាលពីព្រឹកថ្ងៃទី ២៤ ខែកក្កដា ឆ្នាំ២០២០នេះ ក្រោយសាងសង់អស់រយៈពេល ៧ ខែ ដែលនឹងជួយសម្រួលការកកស្ទះចរាចរណ៍ក្នុងតំបន់នេះបានមួយផ្នែកធំ។ ស្ពានអាកាសថ្មើរជើងនេះ មានទីតាំងស្ថិតនៅត្រង់ភ្លើងស្តុបផ្សារដើមគរ ចំណុចប្រសព្វរវាងមហាវិថីម៉ៅសេទុង និងផ្លូវលេខ៣៣៦ ក្នុងខណ្ឌទួលគោក ដែលតួរស្ពានគឺដំឡើងដោយគ្រោងដែក មានប្រវែងបណ្តោយ ២៧ម៉ែត្រ និងទទឺង ៣ម៉ែត្រ។ (អានបន្ថែម) លោក ឃួង ស្រេង អភិបាលរាជធានីភ្នំពេញ បានថ្លែងក្នុងពិធីបើកសម្ពោធដាក់ឲ្យប្រើប្រាស់ជាផ្លូវការថា ថា គោលបំណងធំៗ ៣ សំខាន់ក្នុងការសាងសង់ស្ពានអាកាសថ្មើរជើងផ្សារដើមគរនេះ គឺទី១ ដើម្បីកាត់បន្ថយហានិភ័យនៃការឆ្លងផ្លូវរបស់បងប្អូនប្រជាពលរដ្ឋ ទី២ កាត់បន្ថយការកកស្ទះចរាចរណ៍ និងទី៣ គឺបង្កើនសោភណភាពទីក្រុង។ បន្ថែមពីនេះ រដ្ឋបាលរាជធានីភ្នំពេញក៏គ្រោង សាងសង់ស្ពានអាកាសថ្មើរជើងចំនួន ២៥ ទៀត ដើម្បីសម្រួលដល់សុវត្ថិភាពធ្វើដំណើរនៃអ្នកដំណើរឆ្លងកាត់ទ្រូងផ្លូវ និងលំហូរនៃចរាចរណ៍តាមដងផ្លូវ។ លោក សាំ ពិសិដ្ឋ ប្រធានមន្ទីសាធារណការនិងដឹកជញ្ជូនរាជធានីភ្នំពេញ បានប្រាប់ទស្សនាវដ្តីសំណង់ និងអចលនទ្រព្យកាលពីខែ មិថុនា ថាទីតាំងនៃគម្រោងចំនួន ២៥ ត្រូវបានជ្រើសរើសរួចហើយ និងកំពុងរង់ចាំតែការចាប់ផ្តើមបើកការដ្ឋានសាងសង់ប៉ុណ្ណោះ។ ចំណែកទីតាំងនៃគម្រោងនឹងត្រូវប្រកាសដោយ […]
អានបន្ថែម