ក្រុមហ៊ុនហុងកុងគ្រោងបង្កើតទីក្រុងរណបនៅខេត្តកំពង់ស្ពឺ
ក្រុមហ៊ុនវិនិយោគនៅហុងកុង គ្រោងនឹងបង្កើតទីក្រុងរណប នៅខេត្តកំពង់ស្ពឺ ចំពោះទីតាំងពិតប្រាកដនោះ អភិបាលខេត្តសុំមិនបញ្ជាក់។ នេះបើយោងតាមឯកឧត្ដម វ៉ី សំណាង អភិបាលខេត្តកំពង់ស្ពឹ ថ្លែងក្នុងសន្និសទីសារព័ត៌មានស្តីពី «វឌ្ឍនភាព និងទិសដៅការងារបន្តរបស់រដ្ឋបាលខេត្តកំពង់ស្ពឺ» កាលពីព្រឹកថ្ងៃទី ២០ កក្កដា ឆ្នាំ២០២០នេះ។ ឯកឧត្ដមបានមានប្រសាសន៍ថា៖ «ខ្ញុំបានទាក់ទងជាមួយនឹងអ្នកវិនិយោគនៅហុងកុង គឺគាត់មានគម្រោងបង្កើតទីក្រុងរណប ហើយក៏មានអ្នកវិនិយោគក្នុងស្រុកផ្សេងៗទៀត ដែលខ្ញុំកំពុងតែទាក់ទងសព្វថ្ងៃ ប៉ុន្តែដោយសារបញ្ហាកូវីដ យើងនៅទ្រឹង ដោយសារពួកគាត់ចូលមកអត់បាន។» ឯកឧត្តមបន្តថា៖ «សព្វថ្ងៃយើងកំពុងតែធ្វើ តែបើសួរថា ធ្វើនៅទីណាយើងសុំលាក់សិន បើមិនចឹងអ្នកទៅទិញដីនៅតំបន់ហ្នឹងឡើងថ្លៃមិនខាន។» សូមបញ្ជាក់ ក្នុងឆ្នាំ ២០១៩ ខេត្តកំពង់ស្ពឺបានចេញលិខិតអនុញ្ញាតសាងសង់ចំនួន ១៨៨ គម្រោងមានក្រឡាផ្ទៃសំណង់សរុបទំហំ ៧០ម៉ឺន ម៉ែត្រការ៉េ ដែលមានទុនវិនិយោគប្រមាណច្រើនជាង ២១០លានដុល្លារអាមេរិក។ (អានបន្ថែម) នៅក្នុងបទសម្ភាសន៍ជាមួយទស្សនាវដ្ដីសំណង់ និងអចលនទ្រព្យ កាលពីខែ ឧសភា ឯកឧត្តមក៏បានឲ្យដឹងថា ផ្ទៃដីនៅតំបន់កីឡដ្ឋានខេត្តកំពង់ស្ពឺ មានលក្ខណៈធំហើយស្អាតដូច្នេះ ខាងរដ្ឋបាលខេត្តគ្រោងនឹងកែប្រែតំបន់ទាំងនេះ ទៅជាទីប្រជុំជនទីក្រុងរណបផងដែរ។ (អានបន្ថែម)
អានបន្ថែម
CEO សណ្ឋាគារអន្ដរជាតិកំពូលៗ បង្ហាញពីយុទ្ធសាស្រ្តសំខាន់ៗ ៣ ចំណុច ដើម្បីឆ្លងផុតពីវិបត្តិកូវីដ
ឧស្សាហកម្មបដិសណ្ឋារកិច្ចគឺ ជាវិស័យមួយដែលទទួលរងគ្រោះខ្លាំងបំផុតពីការរាតត្បាតនៃមេរោគកូវីដ១៩។ គិតត្រឹម៤ខែ ដំបូងនៃ ២០២០ ភ្ញៀវទេសចបរទេសមកកម្ពុជា ធ្លាក់ចុះជាង៧០% អាជីវកម្មទេសចរណ៍ជិត ៣០០០ កន្លែងបានផ្អាកដំណើរការ សណ្ឋាគារ ផ្ទះសំណាក់ និងភោជនីដ្ឋានជាងសរុប ១០០០ កន្លែងបានបិទទ្វា ដែលបង្កឲ្យប្រជាជនរាប់ម៉ឺននាក់បាត់បងការងារ នេះបើយោងតាមសារព័ត៌មានកោះសន្តិភាពចុះផ្សាយកាលពី ខែមិថុនានេះ។ ជាលទ្ធផល វិបត្តិនេះអាចនឹងធ្វើវិស័យនេះខាតបងចំណូលប្រមាណ ៣ ពាន់លានដុល្លារអាមេរិកក្នុងមួយឆ្នាំ។ ផលប៉ះពាល់នេះរំពឹងថានឹងកាន់តែធ្ងន់ធ្ងរថែមទៀត បន្ទាប់ពីរដ្ឋាភិបាលកម្ពុជាកាលពីថ្មីៗនេះ បានតម្រូវឱ្យជនបរទេសទាំងអស់ដែលចូលមកប្រទេសកម្ពុជា ត្រូវតម្កល់ប្រាក់ ៣០០០ ដុល្លារ សម្រាប់ចំណាយទាក់ទងនឹងការធ្វើតេស្ត ការព្យាបាល និងកន្លែងស្នាក់នៅ ដើម្បីបង្កាក្នុងករណីរកឃើញថាវិជ្ជមាន។ ទោះបីជាធ្វើឡើងដើម្បីទប់ស្កាត់រលកទី២ ក៏ដោយ ប៉ុន្តែវិធានការនេះក៏នឹងប៉ះពាល់យ៉ាងខ្លាំងដល់វិស័យទេសចរណ៍ និងបដិសណ្ឋារកិច្ច ព្រោះថាជាក់ស្ដែងមិនមែនគ្រប់ភ្ញៀវទេសចរនឹងមាន ៣០០០ ដុល្លារសម្រាប់តម្កល់នោះទេ។ ទោះជាយ៉ាងណាក្តី ប្រតិបត្តិករឧស្សាហកម្មបដិសណ្ឋារកិច្ច គឺត្រូវតែបន្តតស៊ូ យកឈ្នះលើបញ្ហានេះ។ តើប្រតិបត្តិករឧស្សាហកម្មបដិសណ្ឋារកិច្ចគួរធ្វើយ៉ាងណា ដើម្បីឲ្យខ្លូនអាចឆ្លងផុតពីវិបត្តិនេះបាន? នាយកប្រតិបត្តិ ឬ CEO នៃបណ្តាញសណ្ឋាគារអន្តរជាតិធំ ៗ ជាច្រើនរួមមាន Hilton, Best Western, Minor […]
អានបន្ថែម
ក្នុងឆមាសទី១ នេះការនាំចូលសម្ភារសំណង់ធ្លាក់ចុះ ១៤% រីឯចំណូលពន្ធគយក៏ធ្លាក់ចុះ ២៨% ដែរ
នៅក្នុងឆមាសទី១ ឆ្នាំ ២០២០ ការចូលសម្ភារៈសំណង់ធ្លាក់ចុះ ១៤% ហើយចំណូលពន្ធគយលើការចូលគ្រឿងសំណង់ទាំងនេះ ក៏ស្រុតចុះប្រមាណ ២៨% ដែរ ដែលនេះជាសញ្ញាសបញ្ជាក់ថា កំណើននៃវិស័យសំណង់មានការថមថយ។ របាយការណ៍ពីធនាគារជាតិនៃកម្ពុជា កាលពីថ្មីៗនេះ បានឱ្យដឹងថា កំណើនវិស័យសំណង់មាននិន្នាការថមថយ ដោយសារការថយចុះនៃតម្រូវការរបស់អនិវាសជន ការបញ្ចប់គម្រោងសាងសង់មួយចំនួននាពេលកន្លងមក និងភាពរអាក់រអូលនៃការនាំចូលសម្ភារ និងបរិក្ខាសំណង់ ដែលបានធ្លាក់ចុះប្រមាណ ១៤ ភាគរយ។ ជាមួយគ្នានេះដែរ របាយការណ៍របស់អគ្គនាយកដ្ឋានពន្ធគយ និងរដ្ឋាករ ក៏បានឱ្យដឹងថា គិតត្រឹមឆមាសទី ១ ឆ្នាំ២០២០នេះ ចំណូលពន្ធគយសរុបមានចំនួន ១ ២៧២ លានដុល្លារ គឺថយចុះ ១៦% បើធៀបនឹងរយៈពេលដូចគ្នាកាលពីឆ្នាំមុន។ ក្នុងនោះ ចំណូលពន្ធគយពីការនាំចូលគ្រឿងសំណង់ គឺថយចុះ ២៨% ។ គួរបញ្ជាក់ផងដែរថា កាលពីឆ្នាំ២០១៩ កម្ពុជាបាននាំចូលគ្រឿងសំណង់ មានបរិក្ខាសំណង់ ស៊ីម៉ងត៍ និងដែក មានតម្លៃប្រមាណ ១.៥ពាន់លានដុល្លារ ហើយឆ្នាំ២០១៨ ការនាំចូលមានតម្លៃ ១ពាន់លានដុល្លារ៕
អានបន្ថែម
គម្រោងធំៗ ៣ នឹងប្រែមុខមាត់ ដី១៦១ហិកតា នៃតំបន់បឹងកង្កែបខេត្តព្រះសីហនុទៅជាតំបន់ឆ្លាតវៃ
រដ្ឋាភិបាលកំពុងសិក្សាលើគម្រោងធំៗចំនួន ៣ រួមមាន ព្រលានយន្តហោះអន្តរជាតិខេត្តព្រះសីហនុ តំបន់ទេសចរណ៍នាគរាជ និងគម្រោងអភិវឌ្ឍតំបន់បឹងកង្កែប ក្នុងគោលបំណងផ្លាស់ប្ដូរមុខមាត់ដីទំហំ ១៦១ហិកតា នៃតំបន់បឹងកង្កែបក្នុងខេត្តព្រះសីហនុ ឱ្យទៅជាតំបន់ឆ្លាតវៃ។ នេះបើយោងតាមហ្វេសប៊ុកផ្លូវការរបស់រដ្ឋបាលខេត្តព្រះសីហនុ កាលពីថ្ងៃទី១៦ កក្កដា ២០២០នេះ។ ឯកឧត្តម ប៉ែន សុផល រដ្ឋលេខាធិការក្រសួងដែនដីនគរូបនីយកម្ម និងសំណង់ ថ្លែងថា ការអភិវឌ្ឍបឹងបង្កែប ដែលស្ថិតនៅភូមិអុង ស្រុកព្រៃនប់ ខេត្តព្រះសីហនុនេះ គឺជាការអភិវឌ្ឍប្រកបដោយភាពឆ្លាតវៃរួមមាន ការអភិវឌ្ឍបៃតង កិច្ចការពារធម្មជាតិ និងបរិស្ថាន ពោលគឺសម្រាប់កូនចៅជំនាន់ក្រោយ។ ទន្ទឹមនឹងនេះ ចក្ខុវិស័យនៃការអភិវឌ្ឍខេត្តព្រះសីហនុ រួមមានការសិក្សាប្លង់គោលប្រើប្រាស់ដី និងការធ្វើសមាហរណកម្មជាមួយខេត្តដទៃទៀត មានដូចជា រាជធានីភ្នំពេញ ខេត្តសៀមរាប និងតំបន់ភូមិភាគឥសាន្ត។ គួរបញ្ជាក់ផងដែរថា ខេត្តព្រះសីហនុគឺជាខេត្តមួយ ពោរពេញទៅដោយសក្ដានុពលសេដ្ឋកិច្ចខ្ពស់ជា និងមានគម្រោងអភិវឌ្ឍន៍ហេដ្ឋារចនាសម្ព័ន្ធជាចម្រើន ដែលថ្មីៗនេះ គម្រោងអភិវឌ្ឍន៍ផ្លូវ ៣៤ ខ្សែរក្នុងខេត្តនេះស្ទើរសម្រចជាស្ថាពរទៅហើយ។ (អានបន្ថែម និងបន្ថែម)
អានបន្ថែម
ធនាគារពិភពលោកផ្តល់កម្ចី១០០លានដុល្លារសម្រាប់គម្រោងស្ដារហេដ្ឋារចនាសម្ព័ន្ធផ្លូវថ្នល់នៅកម្ពុជា
ធនាគារពិភពលោក កាលពីព្រឹកថ្ងៃទី ១៧ កក្កដានេះ បានសម្រេចផ្តល់ឥណទាន ១០០លានដុល្លារ សម្រាប់គម្រោងកសាងហេដ្ឋារចនាសម្ព័ន្ធផ្លូវថ្នល់ នៅកម្ពុជា ដោយផ្តោតលើផ្លូវគមនាគមន៍ និងផ្លូវជនបទ ដើម្បីលើកកម្ពស់ការដឹកជញ្ជូន។ ប្រាក់ជំនួយនេះមានឈ្មោះថា គម្រោងកែលម្អបណ្តាញផ្លូវគមនាគមន៍នៅប្រទេសកម្ពុជា ដែលធ្វើឡើងដើម្បីជួយឱ្យអ្នកនៅជនបទ អាចធ្វើដំណើរទៅកាន់ទីកន្លែងចាំបាច់នានា ដូចជាមណ្ឌលសុខភាព មន្ទីរពេទ្យ សាលារៀន និង ទីផ្សារ។ តំបន់គោលដៅរបស់គម្រោងនេះ គឺផ្លូវនៅក្នុងខេត្តកំពង់ចាម ត្បូងឃ្មុំ និងក្រចេះ ដែលគ្របដណ្តប់លើប្រជាជនជាង ២លាននាក់ ក្នុងនោះ ៨០ភាគរយ រស់នៅតាមទីជនបទដាច់ស្រយាល។ លោកស្រី អ៊ីនហ្គូណា ដូប្រាចា ប្រធានគ្រប់គ្រងនៃធនាគារពិភពលោកប្រចាំកម្ពុជា មានប្រសាសន៍ថា៖ «កង្វះលទ្ធភាពសម្រាប់ទទួលបានសេវាមន្ទីរពេទ្យ សាលារៀន និងសម្រាប់ដឹកទំនិញទៅកាន់ទីផ្សារ ជាពិសេសក្នុងរដូវវស្សា នៅតែចោទជាបញ្ហាប្រឈមធំមួយសម្រាប់ប្រជាជនកម្ពុជានៅតាមតំបន់ជនបទ»។ «គម្រោងថ្មីនេះនឹងជួយតភ្ជាប់ប្រជាជនទៅនឹងការទទួលបានសេវាសំខាន់ៗ កាត់បន្ថយការដាច់ផ្លូវ និងបង្កើតការងារសម្រាប់សហគមន៍មូលដ្ឋានក្នុងពេលសាងសង់ផ្លូវ ដែលរួមចំណែកធ្វើឱ្យសេដ្ឋកិច្ចងើបឡើងវិញ ទៀតផង។» លោកស្រី បានបន្ត។ បើយោងតាមសេចក្តីប្រកាសព័ត៌មានរបស់ធនាគារពិភពលោក ក្រសួងសាធារណការនិងដឹកជញ្ជូន និងក្រសួងអភិវឌ្ឍន៍ជនបទ នឹងជាភ្នាក់ងារអនុវត្តគម្រោងនេះ។ លោក វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន […]
អានបន្ថែម
គម្រោងសាងសង់ផ្លូវចំនួន ៣៤ ខ្សែនៅខេត្តព្រះសីហនុសម្រេចបានជិតទាំងស្រុងហើយ
បន្ទាប់ពីការបើកការដ្ឋានកាលពី ៨ខែមុន បច្ចុប្បន្នគម្រោងសាងសង់ផ្លូវ ៣៤ ខ្សែ ក្រោមថវិកាវិនិយោគប្រមាណ ៣០០លានដុលា្លរ សម្រេចបានមួយចំនួនធំហើយ។ នេះបើយោងតាមសេចក្ដីប្រកាសព័ត៌មានរបស់គណៈកម្មាធិការជាតិគ្របគ្រង និងអភិវឌ្ឍតំបន់ឆ្នេរសមុទ្រកម្ពុជា ចុះថ្ងៃទី១៧ កក្កដា ២០២០នេះ។ ផ្នែកធំៗនៃគម្រោងនេះ សម្រចស្ទើរទាំងស្រុងហើយ រួមមាន ការចាក់បេតុងសម្រចបាន ៩៩,៩២% ការដាក់លូសម្រេចបាន ១០០% ការរៀបខឿនថ្មក្រានីតសម្រេចបាន ៥៩,៩៩% ការរៀបកម្រាលថ្មក្រានីតបាន ៤,៤៨% ការដាំបង្គោលភ្លើងបំភ្លឺផ្លូវសាធារណៈបាន ២៣,៨៩% និងការបំពាក់អំពូលភ្លើងវៃឆ្លាតបាន ១០,៤៥% ហើយ។ បន្ថែមពីនេះ រដ្ឋបាលខេត្តព្រះសីហនុក៏បាន និងកំពុងរៀបចំកែលម្អឆ្នេរសមុទ្រឡើងវិញ ដោយសាងសង់អាងប្រព្រឹត្តកម្មទឹកកខ្វក់ចំនួន ២កន្លែង។ ទីតាំងទី១ ស្ថិតនៅក្បែរសណ្ឋាគារ Sunshine Bay មានសមត្ថភាពច្រោះ ៥ ២០០ម៉ែត្រគូបក្នុងមួយថ្ងៃ ដែលសម្រេចបាន ២០% ហើយ។ ដោយឡែក ទីតាំងទី២ ស្ថិតនៅក្បែរសណ្ឋាគារសុខា មានសមត្ថភាពច្រោះ ៧ ២០០ម៉ែត្រគូប ក្នុងមួយថ្ងៃ ដែលសម្រេចបាន១០% ហើយ។ ជាមួយគ្នានេះ ក្រុមកការងារនឹងធ្វើការអ៊ុតកម្រាលកៅស៊ូ […]
អានបន្ថែម
រដ្ឋាភិបាលបង្កើតគណៈកម្មការអន្តរក្រសួងជំរុញការសាងសង់ផ្លូវល្បឿនលឿនភ្នំពេញ-ក្រុងបាវិត
សម្ដេចនាយករដ្ឋមន្រ្តី ហ៊ុន សែន កាលពីថ្ងៃទី ១៥ កក្កដានេះ បានចុះហត្ថលេខា សម្រេចបង្កើតគណៈកម្មការអន្តរក្រសួងមួយ ដើម្បីជំរុញ និងពន្លឿនដំណើរការអនុវត្តគម្រោងសាងសង់ហធផ្លូវល្បឿនលឿន តភ្ជាប់ពីរាជធានីភ្នំពេញ ទៅក្រុងបាវិត។ យោងតាមសេចក្តីសម្រេចលេខ ៧៥ សសរ គម្រោងផ្លូវល្បឿនលឿនភ្នំពេញ-ក្រុងបាវិតត្រូវបានស្នើសុំវិនិយោគរួចមកហើយ ដោយក្រុមហ៊ុន China Railway International Group Co., Ltd ក្នុងលក្ខខណ្ឌសាង់សង់-ធ្វើអាជីវកម្ម-ផ្ទេរ (Build-Operate-Transfer)។ ដូច្នេះគណៈកម្មការថ្មីមួយនេះ នឹងមានភារកិច្ចពិនិត្យ និងផ្តល់យោបល់អំពីនីតិវិធីក្របខណ្ឌតតិយុត្ត និងរូបភាពនៃការវិនិយោគដល់ក្រុមហ៊ុន ជំរុញនិងពន្លឿនការអនុវត្តគម្រោងឱ្យបានសម្រេចជាស្ថាពរ និងធ្វើរបាយការណ៍ស្តីពីលទ្ធផលការងារជូនរាជរដ្ឋាភិបាលរ។ បើយោងតាមប្រភពដដែលនេះ គណៈកម្មការនេះ គឺមានឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនជាប្រធាន និងមានអនុប្រធាន ៣ រូប រួមមាន ឯកឧត្តម សុខ ចិន្តាសោភា ឯកឧត្តម វង្សី វិស្សុត និង ឯកឧត្តម សូរ វ៉ិចទ័រ ព្រមជាមួយនឹងសមាជិកពីក្រសួងពាក់ព័ន្ធ ១៣ រូបទៀត។ […]
អានបន្ថែម
វត្តមាននៃកម្មវិធីពិព័រណ៍សំណង់ធំបំផុតនៅកម្ពុជាឆ្នាំ២០២០ មិនមានការផ្លាស់ប្តូរទេ
ការតាំងពិព័រណ៍សំណង់ធំបំផុតប្រចាំឆ្នាំនៅកម្ពុជា ដែលរៀបចំឡើងដោយសមាគមអ្នកសាងសង់កម្ពុជា គឺមិនទាន់អាចបញ្ជាក់បានទេថា តើនឹងអាចប្រព្រឹត្តិឡើងទៅតាមផែនការគ្រោងទុក ឬក៏ត្រូវពន្យាពេលទៅថ្ងៃណាមួយខាងមុខ ខណៈដែលវិធានការគម្លាតសង្គមនៅតែបន្តអនុវត្ត ដើម្បីការពារការរីករាតត្បាតនៃជំងឺកូវីដ១៩។ លោក ជីវ ស៊ីវផេង អ្នកគ្រប់គ្រងទូទៅនៃអគ្គលេខាធិការដ្ឋាន សមាគមអ្នកសាងសង់កម្ពុជា បានប្រាប់ទស្សនាវដ្តីសំណង់ និងអចលនទ្រព្យថា សមាគមគឺកំពុងរង់ចាំមើលការវិវឌ្ឍន៍នៃស្ថានភាពជំងឺកូវីដ១៩ ហើយលោកមិនទាន់អាចបញ្ជាក់ជាផ្លូវការបាននៅឡើយទេ ថាតើព្រឹត្តិការណ៍ដ៏ធំមួយនេះ នឹងត្រូវពន្យារពេលទៅថ្ងៃក្រោយ ឬមួយយ៉ាងណា។ លោកបានមានប្រសាសន៍ថា៖ «យើងនឹងជូនដំណឹងនៅពេលក្រោយប្រហែលជា ៣ ខែមុនពេលកំណត់ [ថ្ងៃទី ៣-៥ ខែធ្នូ ឆ្នាំ ២០២០] ព្រោះឥឡូវនេះយើងកំពុងរង់ចាំមើលថាតើរដ្ឋាភិបាលនឹងអនុញ្ញាតឲ្យមានការជួបជុំនៅពេលខាងមុខឬអត់»។ លោក ស៊ីវផេង សង្ឃឹមថាជំងឺកូវីដ១៩ នឹងប្រសើរឡើងដើម្បីអាជីវកម្មអាចដំណើរការបានដូចធម្មតា។ គួរបញ្ជាក់ថា ជារៀងរាល់ឆ្នាំ សមាគមអ្នកសាងសង់កម្ពុជាតែងរៀបចំពិព័រណ៍ឧស្សាហកម្មសំណង់កម្ពុជា ដែលនឹងបង្ហាញផលិតផលរាប់ពាន់ពីស្តង់របស់ក្រុមហ៊ុនក្នុងស្រុក និងអន្តរជាតិរាប់រយ។ សម្រាប់ឆ្នាំ២០២០ បើគ្មានការពន្យារពេលនោះទេ ការតាំងពិព័រណ៍នឹងត្រូវធ្វើឡើងនៅថ្ងៃទី ៣-៥ ខែធ្នូនៅឯមជ្ឈមណ្ឌលសន្និបាត និងពិព័រណ៍កោះពេជ្យ។ សម្រាប់ព័ត៌មានបន្ថែម ឬ កក់ស្តង់ សូមទាក់ទង កញ្ញាម៉ាណាលេខទូរសព្ទ +855-60-888 944 ឬអ៊ីម៉ែល expo@construction-property.com
អានបន្ថែម
មកទល់បច្ចុប្បន្ន អាជ្ញាធរខេត្តមណ្ឌលគិរីបានដកហូតដីកាន់កាប់ខុសច្បាប់ជាង ២ពាន់ហិចតា ហើយ
អភិបាលខេត្តមណ្ឌលគីរី ឯកឧត្តម ស្វាយ សំអ៊ាង បានថ្លែងនៅក្នុងសន្និសិទសារព័ត៌មានកាលពីថ្ងៃទី១៦ កក្កដានេះ ថា មកទល់បច្ចុប្បន្ន អាជ្ញាធរខេត្តមណ្ឌលគិរីបានដកហូតដីកាន់កាប់ខុសច្បាប់ជាង ២ពាន់ហិចតាហើយ ឱ្យមកជាសម្បត្តិរដ្ឋវិញ ដោយវិធានការណ៍នេះគឺត្រូវអនុវត្តស្មើភាពគ្នា មិនថាអ្នកតូចអ្នកធំទេ។ ឯកឧត្តម ស្វាយ សំអ៊ាង បានឱ្យដឹងថា៖ «ខុសច្បាប់គឺខុសច្បាប់ ត្រូវច្បាប់គឺត្រូវច្បាប់ អនុវត្តស្មើគ្នា មិនថាអ្នកតូចអ្នកធំទេ បើកាន់កាប់ដីខុសច្បាប់ យើងត្រូវតែចាត់ការតាមវិធានការច្បាប់»។ «បើយោងតាម សជណ របស់ទីស្តីការគណៈរដ្ឋមន្រ្តី កន្លងមកយើងបានផ្សព្វផ្សាយ អប់រំ និងប្រកាសជាសាធារណៈហើយថា រាល់ការរំលោភបំពាន កាន់កាប់ដីខុសច្បាប់ យើងនឹងដកឱ្យមកជាសម្បត្តិរដ្ឋវិញ ដោយកន្លងមកគឺដកហូតបាន ប្រមាណ ២ពាន់ហិកតាហើយ» ឯកឧត្តម បានបន្ត។ អភិបាលខេត្ត ក៏បានឱ្យដឹងទៀតថា រដ្ឋបាលខេត្ត កំពុងនិងបន្តធ្វើការយ៉ាងសកម្មទាក់ទងការគ្រប់គ្រងដីនៅខេត្តមួយនេះ។ គួរបញ្ជាក់ផងដែរថា ក្នុងថ្ងែជាមួយគ្នានេះ រដ្ឋបាលខេត្តកោះកុង ក៏បានប្រកាសថា រាល់ដីដែលទិញលក់គ្មានការដឹងលឺ និងវាស់វែងពីមន្រ្តីអាជ្ថាធរពាក់ព័ន្ធ ជាពិសេសដីដែលស្ថិតនៅក្នុងតំបន់ការពារធម្មជាតិ តំបន់សហគមន៍ និងកគម្របព្រៃឈើក្នុងខេត្តកោះកុង នឹងត្រូវចាត់ទុកជាមោឃៈ ។ (អានបន្ថែម) ទាក់ទិននឹងរឿងដីធ្លីនេះដែរ កាលពីដើមខែកក្កដានេះ […]
អានបន្ថែម
ចៅហ្វាយខេត្តមណ្ឌលគិរី៖ ព្រំដីសម្រាប់សង់ព្រលានយន្តហោះបោះរួចហើយ ចាំតែអ្នកមកវិនិយោគ
រដ្ឋបាលខេត្តមណ្ឌលគីរី បានដោះស្រាយផលប៉ះពាល់ និងបោះបង្កោលព្រំប្រទល់ដី រួចរាល់ដាច់ស្រេចអស់ហើយ សម្រាប់គម្រោងសាងសង់អាកាសយានដ្ឋាននៅខេត្តមណ្ឌលគីរី បច្ចុប្បន្ននៅរងចាំតែការវិនិយោគពីអាកាសចរណ៍ស៊ីវិលតែប៉ុណ្ណោះ។ ថ្លែងនៅក្នុងសន្និសិទសារព័ត៌មានកាលពីថ្ងៃទី១៦ កក្កដា នេះ អភិបាលខេត្តមណ្ឌលគីរី ឯកឧត្តម ស្វាយ សំអ៊ាង បានឱ្យដឹងថា អាជ្ញាធរខេត្តបានជ្រើសរើសទីតាំងដី ប្រមាណ៦០០ហិកតា នៅចំងាយប្រមាណ ២២ គីឡូម៉ែត្រ ពីក្រុងសែនមនោរម្យ ពោលគឺស្ថិតក្នុងស្រុកអូររាំង។ ឯកឧត្តម បានមានប្រសាសន៍ថា ៖ «ឥលូវនេះ អាជ្ញាធរខេត្តបានរៀបចំ ទីមួយការពារដីដើម្បីនៅពេលដែលរដ្ឋាភិបាលមានថវិកាវិនិយោគ គឺយើងមានដី ជៀសវាងនៅពេលអត់មានដី គឺមិនដឹងថាអភិវឌ្ឍន៍ព្រលានយ៉ាងម៉េចដែរ»។ «មកទល់ពេលនេះ គឺការគិតគូររបស់អាកាសចរណ៍ស៊ីវិល គឺថាយើងបានកាយព្រំ យើងបានរៀបចំ ដោះស្រាយរួចហើយ រង់ចាំតែគោលការណ៍ រដ្ឋាភិបាលបានដៃគូវិនិយោគ ឬមានទុនវិនិយោគតែប៉ុណ្ណោះ» ឯកឧត្តម បានបន្ត។ បើតាមប្រសាសន៍របស់អភិបាលខេត្ត អាកាសយានដ្ឋានថ្មីនេះអាចសាងសង់ទៅជាអាកាសយានដ្ឋានខ្នាតធំក្នុងស្រុក ឬខ្នាតអន្តរជាតិ ដោយផ្អែកតាមការសិក្សាបច្ចេកទេសរបស់អាកាសចរណ៍ស៊ីវិល និងក្រសួងពាក់ព័ន្ធ។ គួរបញ្ជាក់ផងដែរថា គម្រោងសាងសង់អាកាសយានដ្ឋានមណ្ឌលគីរីនេះ ត្រូវបានសិក្សាតាំងពីឆ្នាំ ២០១៩ ដោយនៅជំហានដំបូងគ្រោងនឹងសាងសង់លើដី ៣០០ ហិកតា តែបច្ចុប្បន្នពង្រីកជា ៦០០ហិកតា។ ហើយគម្រោងនេះ […]
អានបន្ថែម
សាលាខេត្តកោះកុង៖ ដីដែលទិញលក់គ្មានការដឹងលឺពីមន្រ្តីអាជ្ញាធរពាក់ព័ន្ធត្រូវចាត់ទុកជាមោឃៈ
រាល់ដីដែលទិញលក់គ្មានការដឹងលឺ និងវាស់វែងពីមន្រ្តីអាជ្ថាធរពាក់ព័ន្ធ ជាពិសេសដីដែលស្ថិតនៅក្នុងតំបន់ការពារធម្មជាតិ តំបន់សហគមន៍ និងកគម្របព្រៃឈើក្នុងខេត្តកោះកុង នឹងត្រូវចាត់ទុកជាមោឃៈ ។ នេះបើយោងតាមសេចក្ដីប្រកាសរបស់រដ្ឋបាលខេត្តកោះកុង កាលពីថ្ងៃទី១៤ កក្កដា ២០២០ នេះ។ គោលបំណងនៃប្រកាសនេះ គឺដើម្បីបញ្ឍប់ការទិញលក់ដីក្នុងតំបន់ការពារធម្មជាតិ សហគមន៏ និង គម្របព្រៃលើយ៉ាងអណាធិបតេយ្យ ដែលកន្លងមកឃើញថាមានសកម្មភាពបែបនេះជាច្រើន ជាពិសេសនៅក្នុងស្រុកបូទុមសាគរ ស្រុកកោះកុង ស្រុកគិរីសាគរ ស្រុកថ្មបាំង និងតាមតំបន់មួយចំនួនទៀត។ សេចក្ដីប្រកាសនេះបានបញ្ជាក់ថា ៖«ចំពោះការទិញ-ដីធ្លីដោយមិនមានការចូលរួមត្រួតពិនិត្យ និងវាស់វែងត្រឹមត្រូវរបស់មន្ត្រីពាក់ព័ន្ធនឹងមន្ត្រីភូមិបាលនៃរដ្ឋបាលក្រុង ស្រុក ដោយគ្រាន់តែផ្តិតមេដៃរវាងអ្នកលក់ និងអ្នកទិញយ៉ាងនេះគឺជាទង្វើមិនស្របច្បាប់»។ ប្រភពដដែលនេះបានបន្តថា ជនណាដែលទិញលក់ដីក្នុងលក្ខណៈមិនងត្រឹមត្រូវតាមផ្លូវច្បាប់បែបនេះ នឹងត្រូវប្រឈមការផ្តន្ទាទោសទៅតុលាការតាមផ្លូវច្បាប់។ ក្នុងថ្ងែជាមួយគ្នានេះដែរ រដ្ឋបាលស្រុកថ្មបាំង ខេត្តកោះកុង កាលពីថ្មីៗនេះ ក៏បានប្រកាសដល់ម្ចាស់ដី និងដីអង្គភាពនានា ដែលជាប់ពាក់ព័ន្ធក្នុងតំបន់ឧទ្យានជាតិជួរភ្នំក្រវាញខាងត្បួង ឧទ្យានជាតិជួរភ្នំក្រវាញកណ្ដាល តំបន់ដែនជម្រកសត្វព្រៃតាតៃ និងតំបន់គម្របព្រៃឈើ២០០២ ដើម្បីមកស្រង់ឈ្មោះជាបឋមចាប់ពីថ្ងៃទី១៥ កក្កដា ២០២០ រហូតដល់ថ្ងៃទី៣០ កក្កដា ២០២០ផងដែរ។ ទាក់ទិននឹងរឿងដីធ្លីនេះដែរ កាលពីថ្មីៗនេះ សម្តេចនាយករដ្ឋមន្រ្តី ហ៊ុន សែន ក៏បានប្រកាសថាសម្រាប់មន្រ្តីខិលខូចដែលឃុបឃិតគ្នាយកដីរដ្ឋ និងយកដីប្រជាពលរដ្ឋ […]
អានបន្ថែម
សមាគមអ្នកសាងសង់កម្ពុជាពិភាក្សាបច្ចុប្បន្នភាពវិស័យសំណង់ក្នុងកិច្ចប្រជុំវីដេអូជាមួយIFAWPCA
សមាគមអ្នកសាងសង់កម្ពុជា បានចូលរួមកិច្ចប្រជុំកំពូលពិសេសរបស់សមាគមសហព័ន្ធអន្តរជាតិអ្នកសាងសង់អាស៊ីនិងប៉ាស៊ីហ្វិកខាងលិចឬហៅកាត់ថា (IFAWPCA) តាមរយ:វីដេអូតាមប្រពន្ធ័អ៊ីនធឺណេត ដែលបានធ្វើឡើងកាលពីចុងខែ មិថុនា កន្លងទៅនេះ ដើម្បីពិភាក្សាបច្ចុប្បន្នភាពវិស័យសំណង់នៅកម្ពុជា ក៏ដូចជាផ្លាស់ប្តូរយោបល់គ្នាពីវិធីបត់បែនខ្លួនក្នុងវិបត្តិកូវីដ ។ កិច្ចប្រជុំនេះ អនុញ្ញាតឱ្យសមាជិកនៃសមាគមសហព័ន្ធផ្លាស់ប្តូរបទពិសោធន៍ទាក់ទងនឹងឧស្សាហកម្មសំណង់ជាមួយសមាជិកដទៃទៀតនៃ IFAWPCA ដោយនៅឆ្នាំនេះ IFAWPCA ផ្ដោតទៅលើការពិភាក្សាអំពីស្ថានភាពជំងឺកូវីដនាពេលបច្ចុប្បន្ន។ កិច្ចពិភាក្សានេះ ក៏ពិនិត្យមើលផងដែរអំពីរបៀបដែលសហព័ន្ធអាចសហការរួមគ្នាដើម្បីជួយប្រទេសជាសមាជិក IFAWPCA ក្នុងការគ្រប់គ្រងកិច្ចសន្យា FIDIC ឱ្យកាន់តែប្រសើរឡើង ការផ្លាស់ប្តូរកិច្ចសន្យា FIDIC ដែលអាចធ្វើទៅបានក្នុងស្ថានភាពជំងឺរាតត្បាតនាពេលបច្ចុប្បន្ននេះ ដ៏ដូចជាចែករំលែកជំនាញបច្ចេកទេស។ កាលពីឆ្នាំមុន លោកបណ្ឌិត តាន់មុនីវណ្ណ តំណាងសមាគមអ្នកសាងសង់កម្ពុជា ដែលដឹកនាំដោយ អ្នកឧកញ៉ា ពុង ឃាវ សែបានចូលរួមក្នុងកិច្ចប្រជុំកំពូលរបស់ IFAWPCA នៅប្រទេសប៊ូតង់។ គួរបញ្ជាក់ផងដែរថា សមាគមអ្នកសាងសង់កម្ពុជា បានចូលរួមជាសមាជិក IFAWAPCA កាលពីថ្ងៃទី ៦ ខែកុម្ភះឆ្នាំ ២០១៥ នៅទីក្រុងគូឡាឡាំពួ ក្នុងកិច្ចប្រជុំក្រុមប្រឹក្សាពាក់កណ្តាល IFAWPCA ។ IFAWPCA ត្រូវបានបង្កើតឡើងក្នុងឆ្នាំ ១៩៥៦ ដើម្បីលើកកម្ពស់វឌ្ឍនភាពសង្គម និងសេដ្ឋកិច្ចតាមរយៈការអភិវឌ្ឍន៍វិស័យសំណង់ហើយបច្ចុប្បន្នមានសមាជិកចំនួន ១៩ […]
អានបន្ថែម