ផ្ទៃដីបឹងតាមោក(កប់ស្រូវ)ទំហំជាង ២៩០ហិកតា នឹងក្លាយជាទីតាំងអគ្គបញ្ជាការដ្ឋានកងទ័ព
រដ្ឋាភិបាល កាលពីថ្មីៗនេះ បានសម្រេចប្រគល់ផ្ទៃដីបឹងតាមោក(កប់ស្រូវ) ទំហំជិត ៣០០ ហិចតា (២.៩៨៥.៤៧២ម៉ែត្រក្រឡា) ឱ្យក្រសួងការពារជាតិ សម្រាប់ចាត់ចែងរៀបចំទីតាំងអគ្គបញ្ជាការដ្ឋាននៃកងយោពលខេមរភូមិន្ទ និងប្រើប្រាស់ជាកន្លែងដឹកនាំបញ្ជាយុទ្ធសាស្ត្រយូរអង្វែង។ នេះបើយោងតាមអនុក្រឹត្យលេខ ៩០ អនក្របក ចុះថ្ងៃទី ២២ មិថុនា ២០២០។ ប្រភពដដែលនេះបានឱ្យដឹងថា ក្រសួងការពារជាតិនឹងត្រូវសិក្សា និងរៀបចំច្រករំដោះទឹក ទទឹង៦០ ម៉ែត្រទៅកាន់អាងស្តុកទឹកទាំងមូលដូចក្នុងប្លង់។ បន្ថែមពីនេះ រដ្ឋបាលរាជធានីភ្នំពេញ ក៏នឹងត្រូវបង្កើតគណៈកម្មការមួយ ដើម្បីជួយគាំទ្របច្ចេកទេសក្នុងការបោះបង្គោលព្រំដីកំណត់ហេដ្ឋារចនាសម្ព័ន្ធ និងពិនិត្យផលប៉ះពាល់ផងដែរ។ កន្លងមក រដ្ឋាភិបាលធ្លាប់បានកាត់ផ្ទៃដី បឹងតាមោកនេះ ចំនួនបីដងរួចមកហើយ។ តួយ៉ាង កាលពីថ្ងៃទី ២៧ មេសា ២០២០ រដ្ឋាភិបាលបានសម្រេចដោះដូរផ្ទៃបឹងតាមោក ទំហំ ៣០ ហិកតា ទៅឲ្យលោកស្រី គីម ហ៊ាង ជាមួយនឹងផ្ទៃដីនៅទីតាំងដី ៣ កន្លែងផ្សេងៗគ្នាទៀត។ (អានបន្ថែម) កាលពីដើមខែមិនាកន្លងទៅ ផ្ទៃដីបឹងតាមោក ទំហំ ៨៣ហិកតា ក៏ត្រូវបានរាជរដ្ឋាភិបាលសម្រេចកាត់ជូនរដ្ឋបាលរាជធានីភ្នំពញ ដើម្បីអភិវឌ្ឍសួន និងឧទ្យានធម្មជាតិសាធារណៈ។ (អានបន្ថែម) […]
អានបន្ថែម
រដ្ឋាភិបាលនឹងរឹតបន្តឹងការគ្រប់គ្រងរ៉ែសំណង់ប្រើប្រាស់ក្នុងគម្រោងហេដ្ឋារចនាសម្ព័ន្ធរដ្ឋ
រដ្ឋាភិបាលចាប់ផ្តើមផ្តោត និងរឹតបន្តឹងលើការគ្រប់គ្រងប្រតិបត្តិការរ៉ែសំណង់ ជាពិសេសពង្រឹងការប្រមូលចំណូលសួយសារពីការប្រើប្រាស់រ៉ែសំណង់ សម្រាប់ការសាងសង់គម្រោងហេដ្ឋារចនាសម្ព័ន្ធរដ្ឋ ឱ្យមានប្រសិទ្ធភាពជាងមុន។ នេះបើយោងតាមប្រកាសអន្តរក្រសួងដែលចេញផ្សាយកាលពីថ្ងៃទី១ ខែកក្កដា កន្លងមកនេះ។ ប្រកាសនេះ ចុះហត្ថលេខាដោយឯកឧត្តម អូន ព័ន្ធមុនីរ័ត្ន ឧបនាយករដ្ឋមន្រ្តីសេដ្ឋកិច្ច និងហិរញ្ញវត្ថុ និងឯកឧត្តម ស៊ុយ សែម រដ្ឋមន្រ្តីយងក្រសួងរ៉ែ និងថាមពល ហើយមានវិសាលភាពគ្របដណ្តប់លើរាល់ប្រតិបត្តិការធនធានរ៉ែសំណង់ ដែលប្រើប្រាស់សម្រាប់ផ្គត់ផ្គង់ឱ្យគម្រោងសាងសង់ហេដ្ឋារចនាសម្ព័ន្ធរបស់រដ្ឋទាំងអស់នៅទូទាំងប្រទេស។ គម្រោងទាំងនោះរួមមាន គម្រោងសាងសង់ផ្លូវ ស្ពាន ទំនប់ធារាសាស្ត្រ ស្ថានីយវារីអគ្គិសនី និងគម្រោងហេដ្ឋារចនាសម្ព័ន្ធប្រហាក់ប្រហែលដទៃទៀត។ ចំណែកឯធនធានរ៉ែសំណង់ដែលប្រើប្រាស់សម្រាប់ផ្គត់ផ្គង់ ឱ្យគម្រោងហេដ្ឋារចនាសម្ព័ន្ធរបស់រដ្ឋ ក៏មានដូចជា ក្រួស ថ្ម ខ្សាច់ ឡាតេរីត អាចម៍ដី ជាដើម។ លោក យស មុន្នីរ៉ាត់ អគ្គនាយកផ្នែករ៉ែ នៃក្រសួងរ៉ែ និងថាមពល បានប្រាប់ទស្សនាវដ្តីសំណង់ និងអចលនទ្រព្យនៅថ្ងៃទី៦ កក្កដានេះថា ប្រកាសនេះធ្វើឡើងដើម្បីបង្ហាញ និងគ្រប់គ្រងទិន្នន័យនៃការប្រើប្រាស់ធនធានរ៉ែសំណង់សម្រាប់គម្រោងសាងសង់ហេដ្ឋារចនាសម្ព័ន្ធរបស់រដ្ឋ និងចំណូលដែលរដ្ឋត្រូវបង់សួយសារជំនួស លើគម្រោងរបស់រដ្ឋឱ្យមានគណនេយ្យភាព និងប្រសិទ្ធភាពជាមុន។ លោកថ្លែងថា៖ “តាមរយៈប្រកាសនេះយើងចង់បង្ហាញទិន្នន័យលើការប្រមូលចំណូលសួយសារពីធនធានរ៉ែសំណង់ ដើម្បីញែកឲ្យដាច់រវាងធនធានរ៉ែប្រើសម្រាប់គម្រោងរបស់រដ្ឋ និងសម្រាប់គម្រោងឯកជន និងដើម្បីគ្រប់គ្រង់ការប្រមូលចំណូលសួយសារមានប្រសិទ្ធភាព”។ […]
អានបន្ថែម
គម្រោង ហ្គ្រេនភ្នំពេញស៊ីធី ចាប់បើកលក់ជាផ្លូវការ វីឡាម៉ូតថ្មីសន្លាង៥ប្រភេទ
ក្រុមហ៊ុន ជីប ម៉ុង លែន ប្រកាសបើកលក់ជាផ្លូវការវីឡាប្រណិត៥ប្រភេទដ៏ថ្មីសន្លាងដែលមិនធ្លាប់មានពីមុនមក នៅក្នុងគម្រោង ហ្គ្រេនភ្នំពេញស៊ីធី ពីថ្ងៃទី៣ដល់ថ្ងៃទី៥ កក្កដា ២០២០ ជាមួយនឹងការបញ្ចុះតម្លៃរហូតដល់៨%ក្នុងរយៈពេលបីថ្ងៃនេះ។ ប្រភេទវីឡាថ្មី ដែលហ្រ្គេនភ្នំពេញស៊ីធី កំពុងផ្តល់ជូនអតិថិជនរួមមាន វីឡា ឃីង, វីឡា ឃ្វីន II, វីឡា ឃ្វីន B II, វីឡាភ្លោះ II និងវីឡាកូនកាត់ A SII ដែលជាស្ថាបត្យកម្មដ៏ថ្មីសន្លាង ប្រណិត ថ្លៃថ្នូ មិនធ្លាប់មានក្នុងទីផ្សារឡើយ។ អគ្គនាយកក្រុមហ៊ុន ជីប ម៉ុង លែន លោកឧកញ៉ា លាង ហួង (ហេនរី) មានប្រសាសន៍ថា គម្រោង ហ្រ្គេនភ្នំពេញស៊ីធី នេះមានលក្ខណៈពិសេសពីរយ៉ាង។ ទីមួយ ហ្រ្គេនភ្នំពេញស៊ីធី មាន Central Park ដែលជាសួន Central Park ដំបូងគេបង្អស់ក្នុងប្រទេសកម្ពុជា ដែលមានដើមឈើជាច្រើនផ្ដល់ម្លប់ត្រឈៃ វាលស្មៅដ៏ស្រស់ត្រកាល […]
អានបន្ថែម
សញ្ញាវិជ្ជមាននៃសេដ្ឋកិច្ច៖ អាជីវកម្ម និងគ្រឹះស្ថានសំខាន់ៗ មួយចំនួន អនុញ្ញាតឱ្យបើកឡើងវិញ
រដ្ឋាភិបាល កាលពីថ្មីនេះ បានប្រកាសអនុញ្ញាតឱ្យអាជីវកម្មមួយចំនួន ដូចជា កាស៊ីណូ ក្លឹបកម្សាន្ដ KTV អាចបើកទ្វារបានឡើញវិញ ក្រោមលក្ខខណ្ឌនិងការត្រួតពិនិត្យយ៉ាងហ្មត់ចត់ពីក្រសួងសុខាភិបាល ហើយក៏គ្រោងនឹងអនុញ្ញាតិឲ្យគ្រឹះស្ថានសិក្សាបើកដំណើរការឡើងវិញនៅក្នុងពេលឆាប់ៗនេះ ផងដែរ។ នេះជាសញ្ញាណវិជ្ជមានមួយ ដែលបញ្ជាក់ថាស្ថានភាពជំងឺកូវីដនៅកម្ពុជាគឺធូរស្បើយ ហើយសេដ្ឋកិច្ចក៏ចាប់ផ្ដើ់មដំណើរការឡើងវិញជាសន្សឹមៗដែរ។ ការប្រកាសឱ្យដឹងដូច្នេះ គឺជាលទ្ធផលនៃកិច្ចប្រជុំគណៈរដ្ឋមន្រ្តីពេញអង្គ កាលពីព្រឹកថ្ងៃទី ៣ កក្កដា ២០២០ កន្លងមកនេះ។ យោងតាមឯកសារសរុបលទ្ធផលនៃកិច្ចប្រជុំ ការអនុញ្ញាតិឱ្យបើកឡើងវិញនេះគឺត្រូវស្ថិតក្រោយលក្ខខណ្ឌមួយចំនួន។ ចំពោះកាស៊ីណូ គឺអនុញ្ញាតឱ្យបើកសម្រាប់តែល្បែងភ្នាល់ និងស្លតម៉ាស៊ីនតែប៉ុណ្ណោះ ហើយម្ចាស់កាស៊ីណូទាំងអស់នោះ ត្រូវស្នើសុំឱ្យមានការអនុញ្ញាតពីក្រសួងសុខាភិបាល ដែលមានភ្ជាប់លក្ខខណ្ឌតម្រូវមួយចំនួននៃវិធានការ ការពារជាមួយជំងឺកូវីដ-១៩ផងដែរ។ (អានបន្ថែម) ឯកសារដដែលក៏បានបញ្ជាក់ថា កាស៊ីណូខ្នាតយក្សដូចជា Nago World ក៏នឹងបើកទ្វារឡើងវិញដែរ ក្រោយបិទទ្វារអស់មួយរយៈធំ ដោយសារការរាតត្បាតនៃជំងឺកូវីដ១៩។ ដោយឡែក សម្រាប់ក្លឹបកម្សាន្ដ និង KTV វិញគឺ អនុញ្ញាតិឱ្យបើកដំណើរការក្នុងលក្ខណៈជាភោជនីដ្ឋាន និងស្ថិតក្រោមលក្ខខណ្ឌ និងការត្រួតពិនិត្យយ៉ាងហ្មត់ចត់ពីក្រសួងសុខាភិបាល។ បើយោងតាមប្រភពដដែល ការអនុញ្ញាតឰឱ្យអាជីវកម្មខាងលើបើកឡើងវិញ គឺដើម្បីជួយជំរុញសកម្មភាពសេដ្ឋកិច្ច និងផ្ដល់ការងារឡើងវិញ។ លើសពីនេះ រដ្ឋាភិបាលតាមរយៈក្រសួងអប់រំ យុវជន និងកីឡា បានឱ្យដឹងថា […]
អានបន្ថែម
រដ្ឋាភិបាលអនុម័តផែនការមេចុងក្រោយនៃគម្រោងអាកាសយានដ្ឋានអន្តរជាតិភ្នំពេញថ្មី
រដ្ឋលេខាធិការដ្ឋានអាកាសចរស៊ីវិល កាលពីម្សិលមិញនេះ(៣ កក្កដា) បានចុះហត្ថលេខាអនុម័តផែនការមេចុងក្រោយ នៃគម្រោងសាងសង់ អាកាសយានដ្ឋានអន្តរជាតិភ្នំពេញថ្មីតម្លៃ ១,៥ ពាន់លានដុល្លារ ។ នេះបើយោងតាម ហ្វេសប៊ុកផ្លូវការរបស់រដ្ឋលេខាធិការដ្ឋានអាកាសចរស៊ីវិល។ ឯកឧត្តម ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរស៊ីវិល បានចុះហត្ថលេខាលើផែនការមេចុងក្រោយ នៃគម្រោងសាងសង់ អាកាសយានដ្ឋានអន្តរជាតិភ្នំពេញថ្មី ជាមួយអ្នកឧកញ៉ា ពុង ឃាងសែ ដើម្បីបញ្ចប់គម្រោងដំណាក់កាលទី ១ ក្នុងឆ្នាំ ២០២៣ នេះ។ ក្នុងពិធីចុះហត្ថលេខានេះ ឯកឧត្តម បានមានប្រសាសន៍ ថា៖ «អាកាសយានដ្ឋានអន្ដរជាតិភ្នំពេញថ្មី គឺជាអាកាសយានដ្ឋាន កម្រិតលំដាក់ថ្នាក់ពិភពលោក ដែលយើងអាចសន្និដ្ឋានបានថា ជាអាកាសយានដ្ឋានលំដាក់ថ្នាក់ទី៩ ក្នុងពិភពលោក»។ គួរបញ្ជាក់ផងដែរថា ព្រលានយន្តហោះអន្តរជាតិភ្នំពេញថ្មី គឺជាគម្រោងអភិវឌ្ឍន៍ដ៏ធំមួយរបស់កម្ពុជា សាងសង់នៅលើផ្ទៃដីទំហំ ២.៦០០ ហិកតា មានទីតាំងស្ថិតនៅឃុំ ព្រែកស្លែង ស្រុកកណ្តាលស្ទឹង ខេត្តកណ្តាល។ គម្រោងនេះ គឺជាការវិនិយោគដោយក្រុមហ៊ុនវិនិយោគទុនអាណិកជនកម្ពុជា (OCIC) តម្លៃប្រមាណ ១,៥ ពាន់លានដុល្លារអាមេរិក និងត្រូវបានចែកចេញជា ៣ ដំណាក់កាល។ […]
អានបន្ថែម
កម្ពុជាស្នើឱ្យឡាវពិចារណាគម្រោងវារីអគ្គិសនីហ្លួងព្រះបាងឡើងវិញដោយសារផលប៉ះពាល់បរិស្ថាន
ប្រទេសកម្ពុជា វៀតណាម និងថៃ បានស្នើសុំឱ្យឡាវពិនិត្យឡើងវិញលើគម្រោងសាងសង់វារីអគ្គីសនីហ្លួងព្រះបាងនៅដងទន្លេមេគង្គ ដោយហេតុថាគម្រោងនេះអាចនឹងជះឥទ្ធិពលអវិជ្ជមានបរិស្ថាន លំហូរ និងប្រព័ន្ធជីវចំរុះ នៃទន្លេមេគង្គផ្នែកខាងក្រោម។ នេះបើយោងក្នុងកិច្ចប្រជុំពិសេសនៃគណៈកម្មការចំរុះទន្លេមេគង្គ MRC កាលពីថ្ងៃទី ៣០ មិថុនា ២០២០ កន្លងមកនេះ។ ការស្នើសុំនេះ គឺធ្វើឡើងបន្ទាប់ពីមានក្រុមអង្គការសង្គមស៊ីវិលកម្ពុជាចំនួនរួមមាន បណ្តាញការពារទន្លេ ៣ អេស (3S River Protection Network) សម្ព័ន្ធភាពដើម្បីអភិរក្សធនធានជលផល (FACT) អង្គការ My Village ក៏ដូចជាមជ្ឈមណ្ឌលនិងសមាគមអភិរក្សបរិស្ថានជាដើម បានសម្តែងការព្រួយបារម្ភថាការសាងសង់ទំនប់វារីអគ្គីសនីអានុភាព១.៤៦០ មេហ្កាវ៉ាត់ខាងលើនេះ នឹងប៉ះពាល់ដល់ ការនេសាទ ជលសាស្ត្រ និងការផ្ទេរដីល្បាប់ជាដើម។ ដូច្នេះប្រទេសកម្ពុជា ក្នុងកិច្ចប្រជុំ បានជំរុញឱ្យប្រទេសឡាវពិនិត្យមើលឡើងវិញ លើផលប៉ះពាល់បរិស្ថាន ដើម្បីស្វែងរកផែនការសមស្រប និងវិធានការដ៏មានប្រសិទ្ធភាពសម្រាប់គម្រោងនេះ។ លើសពីនេះ ប្រទេសពីរផ្សេងទៀត រួមមានវៀតណាម និងថៃ ក៏មានការព្រួយបារម្ភដូចគ្នាដែរ ដោយជំរុញ ឱ្យមានការវាយតម្លៃឱ្យបានល្អិតល្អន់ ទៅលើផលប៉ះពាល់ព្រំដែន សេដ្ឋកិច្ចសង្គម និងបរិស្ថាន នៃប្រទេសនៅជាប់នឹងទន្លេមេគង្គផងដែរ។ ជាការឆ្លើយតប លោក […]
អានបន្ថែម
សម្តេចហ៊ុន សែន បញ្ជាឱ្យកាត់ដីជូនដល់ពលរដ្ឋណាដែលរស់ក្នុងតំបន់អភិរក្សរយៈពេលយូរ
សម្តេចនាយករដ្ឋមន្រ្តី ហ៊ុន សែន បញ្ជាឱ្យក្រសួងពាក់ព័ន្ធកាត់ឆ្វៀលដីជូនពលរដ្ឋដែលរស់នៅលើដីរបស់រដ្ឋ ដូចជាតំបន់អភិរក្ស តំបន់សត្វព្រៃ និងតំបន់ការពារផ្សេងៗ ច្រើនជាង ១០ ឬ ២០ ឆ្នាំ ។ នេះបើយោងតាម ហ្វេសប៊ុកផ្លូវការរបស់សម្ដេច។ ក្នុងសម័យប្រជុំគណៈរដ្ឋមន្រ្តីពេញអង្គ កាលពីព្រឹកថ្ងៃទី ៣ កក្កដា ២០២០ កន្លងមកនេះ សម្ដេចនាយករដ្ឋមន្រ្តី បានបញ្ជាក់ប្រាប់ថា៖ «ក្រសួងបរិស្ថាន ក្រសួងកសិកម្ម និងក្រសួងដែនដី ត្រូវតែរៀបចំកាត់ឆ្វៀលដីឲ្យប្រជាពលរដ្ឋ ដែលបានមកធ្វើផ្ទះរស់នៅជាងដប់ម្ភៃឆ្នាំលើដី គម្របព្រៃឈើ ឬតំបន់ការពារ ឬតំបន់អភិរក្សសត្វព្រៃរបស់រដ្ឋ ដូចជានៅកោះកុង ព្រះវិហារជាដើម»។ «កន្លងមករដ្ឋមានតែដីក្នុងផែនទីទេ តាមពិតមានបងប្អូនប្រជាពលរដ្ឋបានកសាងលំនៅដ្ឋានរស់នៅបង្កើតកូនចៅរាប់សិបឆ្នាំមកហើយនៅលើទីតាំងដីទាំងនោះ» សម្ដេច បានបន្ត។ សម្ដេច បានបញ្ជាក់ថា ការងារនេះត្រូវតែធ្វើឲ្យបានហ្មត់ចត់និងត្រឹមត្រូវបំផុត និងត្រូវតែបញ្ចប់ឲ្យដាច់ស្រេចក្នុងរយៈពេលតែប៉ុន្មានខែខាងមុខ ដើម្បីបានចេញប្លង់កម្មសិទ្ធិជូនពលរដ្ឋនៅតំបន់ទាំងនោះ ។ «នេះជាការដោះស្រាយកង្វល់ជូនពលរដ្ឋពិតប្រាកដ។ កុំទុកប្រជាពលរដ្ឋអោយភ័យខ្លាច អត់ឃ្លាន រត់ទៅចំណាកស្រុកគេតទៅទៀត» សម្ដេចបានបន្ត។ ទន្ទឹមនឹងនេះ សម្ដេចក៏បានសំណូមពរឲ្យពលរដ្ឋ កុំឲ្យពង្រីកដីបន្ថែមទៀតអី ព្រោះត្រូវការរក្សាទុកព្រៃសហគមខ្លះនៅជិតៗ ដើម្បីជាប្រយោជន៍សហគមរស់នៅផងដែរ។ ដោយឡែកសម្ដេចក៏បានព្រមានថា សម្រាប់មន្រ្តីខិលខូចដែលឃុបឃិតគ្នាយកដីរដ្ឋ […]
អានបន្ថែម
គណៈរដ្ឋមន្ត្រីអនុម័តសេចក្តីព្រាងច្បាប់ស្ដីពីការគ្រប់គ្រង ប្រើប្រាស់ និងចាត់ចែងទ្រព្យសម្បតិ្តរដ្ឋ
កិច្ចប្រជុំពេញអង្គគណៈរដ្ឋមន្ត្រីកាលពីព្រឹកថ្ងៃទី ៣ កក្កដានេះ បានសម្រេចអនុម័តទាំងស្រុងលើ “សេចក្តីព្រាងច្បាប់ស្ដីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បតិ្តរដ្ឋ” ពោលគឺក្នុងគោលបំណងដើម្បីពង្រឹងការគ្រប់គ្រងរាល់ទ្រព្យសម្បតិ្តរដ្ឋ មានជាអាទិ៍ ដីធ្លី ភ្នំ សមុទ្រ និងសំណង់ផ្សេងៗទៀត ។ល។ នេះបើយោងតាមហ្វេសប៊ុក របស់ ប្រធានអង្គភាពអ្នកនាំពាក្យរាជរដ្ឋាភិបាល ឯកឧត្តម ផៃ ស៊ីផាន។ ច្បាប់នេះត្រូវបានផ្តួចផ្តើមឡើង កាលពីខែវិច្ឆិកា ឆ្នាំ២០១៤ ដោយក្រសួងសេដ្ឋកិច្ច និងហិរញ្ញវត្ថុ ដោយផ្អែកលើ មាត្រា៥៨ រដ្ឋធម្មនុញ្ញនៃព្រះរាជាណាចក្រកម្ពុជាឆ្នាំ១៩៩៣ ដែលចែងថា៖ «ទ្រព្យសម្បត្តិរបស់រដ្ឋមានជាអាទី ដីធ្លី ក្រោមដី ភ្នំ សមុទ្រ ក្រោមបាតសមុទ្រ អាកាស កោះ ទន្លេ ព្រែក ស្ទឹង បឹង ព្រៃ ឈើ ធនធានធម្មជាតិ មជ្ឍមណ្ឌលសេដ្ឋកិច្ចវប្បធម៍ មូលដ្ឋានកាពារប្រទេស សំណង់ផ្សេងៗទៀតដែលបានកំណត់ថាជារបស់រដ្ឋ។ ការគ្រប់គ្រង ការប្រើប្រាស់ នឹងការចាត់ចែងលើទ្រព្យសម្បត្តិរដ្ឋ នឹងត្រូវកំណត់ក្នុងច្បាប់។ លទ្ធផលនៃការប្រជុំ បានឱ្យដឹងទៀតថាច្បាប់នេះរៀបចំឡើងតាមទម្រង់ច្បាប់ជាធរមាន ដោយចែកចេញជា ១២ជំពូក […]
អានបន្ថែម
សម្តេចនាយករដ្ឋមន្ត្រី ហ៊ុន សែន អនុញ្ញាតឱ្យកាស៊ីណូបើកឡើងវិញ
សម្តេចនាយករដ្ឋមន្ត្រី ហ៊ុន សែន បានប្រកាសអនុញ្ញាតឱ្យបើកកាស៊ីណូឡើងវិញ ប៉ុន្តែសម្រាប់តែល្បែងភ្នាល់ និងស្លតម៉ាស៊ីនតែប៉ុណ្ណោះ ហើយស្ថិតក្រោមការត្រួតពិនិត្យយ៉ាងហ្មត់ចត់ពីក្រសួងសុខាភិបាល។ នេះបើយោងតាមហ្វេសប៊ុក លោក ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល កាលពីព្រឹកមិញនេះ។ យោងតាមប្រភពដដែលនេះ សេចក្ដីសម្រេចនេះត្រូវបានធ្វើឡើង នៅក្នុងកិច្ចប្រជុំគណៈរដ្ឋមន្ត្រី កាលពីព្រឹកថ្ងៃ ០៣ កក្កដា ២០២០នេះ។ លោកផៃ ស៊ីផានបានឱ្យដឹងទៀតថា ចំពោះការបើកដំណើរការឡើងវិញ កាស៊ីណូទាំងអស់នោះ ត្រូវស្នើសុំឱ្យមានការអនុញ្ញាតពីក្រសួងសុខាភិបាល ដែលមានភ្ជាប់លក្ខខណ្ឌតម្រូវមួយចំនួននៃវិធានការ ការពារជាមួយជំងឺកូវីដ-១៩ផងដែរ។ ក្នុងកិច្ចប្រជុំពេញអង្គគណៈរដ្ឋមន្ត្រី ក៏បានសម្រេចអនុម័ត និងកែតម្រូវពាក្យពេចន៍មួយចំនួនលើ “សេចក្ដីព្រាងច្បាប់ស្ដីពីការគ្រប់គ្រងល្បែងពាណិជ្ជកម្ម” ហើយផងដែរ។ សេចក្ដីព្រាងច្បាប់នេះមាន ១២ ជំពូក និង ៩៧ មាត្រា ដែលមានវិសាលភាពអនុវត្តចំពោះមណ្ឌលល្បែងពាណិជ្ជកម្មសមាហរ័ណ និងល្បែងពាណិជ្ជកម្មនៅក្នុងព្រះរាជាណាចក្រកម្ពុជា។ គួរបញ្ជាក់ផងដែរថា កាលពីចុងខែមីនា កន្លងទៅ សម្តេចតេជោ ហ៊ុន សែន បញ្ជាឲ្យបិទកាស៊ីណូជាបណ្ដោះអាសន្ន នៅទូទាំងប្រទេស គិតចាប់ថ្ងៃ១ មេសា ២០២០តទៅ ដើម្បីចូលរួមទប់ស្កាត់ ការរីករាលដាលជាសកលនៃជំងឺកូវីដ១៩ ។ […]
អានបន្ថែម
រថភ្លើងលឿនបំផុតលើពិភពលោកតម្លៃ ៨៤ពាន់លានដុល្លារ ពន្យារការសាងសង់ដោយសារបញ្ហាបរិស្ថាន
គម្រោងសាងសង់ផ្លូវរថភ្លើងល្បឿនលឿនបំផុតលើពិភពលោក ឬហៅ Magnetic Levitation តម្លៃ ៨៤ពាន់លានដុល្លារ តភ្ជាប់ពីតូក្យូទៅអូសាកានៃប្រទេសជប៉ុន ត្រូវបានអភិបាលខេត្ត Shizuoka ឲ្យពន្យារការដ្ឋាន ដោយមានការបារម្ភរឿងផលប៉ះពាល់បរិស្ថាន។ នេះបើយោងតាមសារព័ត៌មាន Global Construction Review។ នៅក្នុងកិច្ចប្រជុំផ្សាយផ្ទាល់មួយ លោក Heita Kawakatsu អភិបាលតំបន់ Shizuoka បានបដិសេធមិនអនុញ្ញាតឱ្យសាងសង់ផ្លូវរូងក្រោមដីប្រវែង ៩ គីឡូម៉ែត្រ នៅក្រោមជួរភ្នំភាគខាងត្បូងរបស់ប្រទេសជប៉ុនឡើយ ដោយសារតែរថភ្លើងល្បឿនលឿននេះ អាចធ្វើឲ្យរីងទឹកក្រោមដី ដែលត្រូវហូរចូលក្នុងទន្លេ Oi ដែលជាប្រភពទឹករបស់ប្រជាជនក្នុងតំបន់។ ទាក់ទិននឹងបញ្ហានេះ កាលពីខែមេសាកន្លងទៅនេះ ក្រសួងដឹកជញ្ជូនរបស់ជប៉ុន ក៏បានបង្កើតក្រុមជំនាញមួយដើម្បីផ្តល់យោបល់លើបញ្ហាតំបន់នេះដែរ។ ជាការឆ្លើយតប ក្រុមហ៊ុនផ្លូវដែក Jr Central នឹងដោះស្រាយបញ្ហានេះឲ្យបានឆាប់ ដើម្បីកុំឲ្យការពន្យានេះជះឥទ្ធិពលដល់ការសាងសង់គម្រោងដំណាក់កាលទីមួយពីតូក្យូ ទៅណាហ្គូយ៉ា ដែលចាប់ផ្ដើមសាងសង់កាលពីឆ្នាំ ២០១៤ ហើយគ្រោងបើកដំណើរការក្នុងឆ្នាំ ២០២៧។ គួរបញ្ជាក់ផងដែរថា រថភ្លើង Magnetic Levitation ឬ Maglev គឺជាប្រព័ន្ធរថភ្លើងដែលប្រើកំលាំងអេឡិចត្រូម៉ាញ៉េទិច ដើម្បីឲ្យខ្សែររថភ្លើងអណ្ដែតផុតពីផ្លូវរថភ្លើងបន្ដិច ដែលធ្វើឲ្យរថភ្លើងនេះមានល្បឿនដល់ទៅ ៥០០ […]
អានបន្ថែម
ឯកអគ្គរដ្ឋទូតកូរ៉េ៖ រដ្ឋាភិបាលកូរ៉េកំពុងពិចារណាលើសំណើកសាងស្ពានជ្រោយចង្វា-ស្វាយជ្រុំ
រដ្ឋាភិបាលកូរ៉េ កំពុងត្រួតពិនិត្យ និងពិចារណាលើគម្រោងសាងសង់ស្ពានជ្រោយចង្វា-ស្វាយជ្រុំ (អរិយក្សត្រ) ក្នុងគោលបំណងដើម្បីក្លាយជាស្ពាននិមិត្តរូបនៃទំនាក់ទំនងការទូតរវាងប្រទេសកម្ពុជា និងកូរ៉េខាងត្បូង តាមការស្នើសុំរបស់របស់រដ្ឋាភិបាលកម្ពុជាកាលពីដើមឆ្នាំ២០២០នេះ។ ឯកអគ្គរដ្ឋទូតកូរ៉េខាងត្បូងប្រចាំនៅប្រទេសកម្ពុជា លោក Park Heung-Kyeong បានមានប្រសាសន៍ថា រដ្ឋាភិបាលកូរ៉េ កំពុងតែពិចារណា យ៉ាងយកចិត្តទុកដាក់ លើគម្រោងកសាងស្ពានមិត្តភាពនៅកម្ពុជា ខណៈកម្ពុជាមានស្ពានមិត្តភាពកម្ពុជា-ចិន និងស្ពានមិត្តភាពកម្ពុជា-ជប៉ុន រួចមកហើយ។ លោក Park ត្រូវបានស្រង់សម្តីនៅក្នុងកាសែតរស្មីកម្ពុជា ចុះផ្សាយកាលពី ថ្ងៃទី១ កក្កដានេះថា៖ “ឥឡូវនេះ រដ្ឋាភិបាលកូរ៉េ កំពុងតែត្រូតពិនិត្យ លើគម្រោងកសាងស្ពានមិត្តភាពកម្ពុជា-កូរ៉េ ជ្រោយចង្វា-ស្វាយជ្រុំ ហើយប្រសិនបើ គម្រោងនេះ អនុម័តនោះ វាគឺជាគម្រោងស្ពានខ្សែកាប្លិ៍ លើកដំបូងបង្អស់ ដែលត្រូវសាងសង់នៅកម្ពុជា និងជានិម្មិតរូបថ្មីមួយ នៃទំនាក់ទំនងការទូតរវាងកម្ពុជា និងកូរ៉េ ”។ ទាក់ទិននឹងប្រធានបទនេះ អ្នកនាំពាក្យក្រសួងសាធារណការ និងដឹកជញ្ជូន ឯកឧត្តម វ៉ាស៊ីម សូរិយា បានប្រាប់ទស្សនាវដ្តិ៍សំណង់ និងអចលនទ្រព្យ នៅថ្ងៃទី២ កក្កដានេះថា គឺមិនទាន់មានគម្រោងចុះសិក្សារួមគ្នារវាងក្រសួង និងភាគីកូរ៉េលើគម្រោងស្ពាននេះនៅឡើយទេ។ ឯកឧត្តម បានឲ្យដឹងថា៖ “មកទល់ពេលនេះ […]
អានបន្ថែម
រដ្ឋាភិបាលបើកភ្លើងខៀវដំណាក់កាលចុងក្រោយហើយសម្រាប់គម្រោងរោងចក្រថាមពលធ្យូងថ្ម ៧០០MW
រោងចក្រថាមពលធ្យូងថ្ម ៧០០មេហ្គាវ៉ាតនឹងចាប់សាងសង់ជាក់លាក់ ក្នុងពេលឆាប់ៗនេះហើយ ក្រោយទទួលបានភ្លើងខៀវដំណាក់កាលចុងក្រោយ ពោលគឺការបញ្ចប់ការសិក្សាផលប៉ះពាល់បរិស្ថាន។ លើសពីនេះការសាងសង់គ្រោងនឹងបញ្ចប់ ហើយបញ្ចេញថាមពលចូលបណ្តាញជាតិតាមការគ្រោងទុក នៅឆ្នាំ២០២២ ខាងមុខនេះ។ រោងចក្រអគ្គិសនីនេះ ជាការវិនិយោគរួមគ្នា រវាងក្រុមហ៊ុន Cambodia International Investment Development Group (CIIDG) និងក្រុមហ៊ុន China Huadian Hong Kong Company Limited (CHDHK) ក្រោមទឹកប្រាក់ប្រមាណ ១.២ពាន់លានដុល្លារ ហើយនឹងត្រូវសាងសង់នៅលើផ្ទៃដី ៥៤ ហិកតា ស្ថិតនៅស្រុកស្ទឹងហាវ។ គម្រោងវិនិយោគនេះត្រូវបានរដ្ឋាភិបាលអនុញ្ញាតជាគោលការណ៍ នៅឆ្នាំ២០១៣ ហើយអូសបន្លាយរហូតដល់ខែកក្កដា ឆ្នាំ២០១៨ ទើបរដ្ឋាភិបាលបានអនុម័ត ជាប្រភេទគម្រោងសម្បទានអាជីវកម្មក្រោមទម្រង់សាងសង់ប្រតិបត្តិការធ្វើជាម្ចាស់ និងផ្ទេរ ដែលមានរយៈពេល៣៥ឆ្នាំ។ លោក វ៉ិចទ័រ ហ្សូណា អគ្គនាយកផ្នែកថាមពល និងជាអ្នកនាំពាក្យនៃក្រសួងរ៉ែ និងថាមពល បានឲ្យដឹងកាលពីថ្ងៃអង្គារ៍ (៣០មិថុនា) ថាបន្ទាប់ពីទទួលបានការអនុម័តពីរដ្ឋាភិបាលលើគម្រោងវិនិយោគ ក្រុមហ៊ុនអាចស្វែងរកដៃគូសហប្រតិបត្តិការ លើគម្រោង ហើយនៅចុងឆ្នាំ២០១៩ ក្រុមហ៊ុន CIIDG និងក្រុមហ៊ុន […]
អានបន្ថែម