សម្តេចតេជោអំពាវនាវដល់ម្ចាស់ផ្ទះ ឬអគារជួល បញ្ចុះតម្លៃ និងពន្យារពេលយកប្រាក់ជួល
សម្ដេចតេជោ ហ៊ុន សែន បានអំពាវនាវដល់ម្ចាស់ផ្ទះ ឬអគារពាណិជ្ជកម្មជួលទាំងអស់ ឲ្យមានការយោគយល់ដល់ភាគីអ្នកជួលក្នុងការបញ្ចុះតម្លៃ និងពន្យារពេលនៃការយកប្រាក់ជួល ខណៈពេលអាជីវកម្មមួយចំនួនរងការប៉ះពាល់ អំឡុងពេលការរីករាលដាលនៃជំងឺកូវីដ១៩។ ការអំពាវនាវនេះ ត្រូវបានធ្វើឡើងក្នុងសន្និសីទកាសែតស្ដីពីវិធានការបន្ថែម ដើម្បីទប់ស្កាត់ជំងឺកូវីដ-១៩ នៅវិមានរដ្ឋសភា នាព្រឹកថ្ងៃទី៣០ ខែមីនា ឆ្នាំ២០២០។ សម្តេចបានមានប្រសាសន៍ថា៖ « សូមកុំកាប់មេមាន់ទទួលទាន គួរតែរក្សាទុកមេមាន់នេះ ដើម្បីថ្ងៃក្រោយឲ្យវាមានពងតទៅទៀត។ ចឹងបើសិនជាយើងកាប់គ្នាពេលនេះ ចឹងបានសេចក្តីថាហាងនឹងត្រូវបានបិទរហូតគ្មានពីណាគេជួលបន្តទៅទៀតនៅថ្ងៃក្រោយ។ ប៉ុន្តែបើសិនជាយើងអនុគ្រោះឲ្យគ្នាមួយខែ ពីរខែ ឬ បញ្ចុះថ្លៃ គឺយើងអាចរក្សាអតិថិជន ឲ្យជួលត្រឡប់មកវិញ នៅពេលដែលសភាពការណ៍ មានភាពប្រសើរឡើងវិញ។» គេសង្កេតឃើញថា ចំពោះមុខភាពប្រឈមនៃវិបត្តិមេរោគ Covid-19 សម្ដេចតេជោ ហ៊ុន សែន ក៏បានដាក់ចេញនូវវិធានការបន្ទាន់ជាច្រើន ដើម្បីចូលរួមជួយសម្រួលដល់ទីផ្សារអចលនទ្រព្យ និងសំណង់ រាប់តាំងពី ការរួចផុតពីការបង់ពន្ធប្រថាប់ត្រា ក្នុងរយៈពេលពេញមួយឆ្នាំ សម្រាប់អចលនទ្រពក្រោម ៧ ម៉ឺនដុល្លាជាដើម។ (អានបន្ថែម) បន្ថែមពីលើនោះ កាលពីថ្ងៃទី៩ ខែមីនា ឆ្នាំ២០២០ នៅក្នុងពិធីសម្ពោធបើកឱ្យប្រើប្រាស់ផ្លូវជាតិលេខ ៥៥ សម្ដេចតេជោ ហ៊ុន […]
អានបន្ថែម
រដ្ឋាភិបាលបញ្ជាឲ្យបិទកាស៊ីណូជាបណ្តោះអាសន្ននៅទូទាំងប្រទេសកម្ពុជា
សម្តេចតេជោ ហ៊ុន សែន បញ្ជាឲ្យបិទកាស៊ីណូជាបណ្តោះអាសន្ននៅទូទាំងប្រទេស ចាប់ពីថ្ងៃ១ ខែមេសា ឆ្នាំ២០២០ ដើម្បីចូលរួមទប់ស្កាត់ ការរីករាលដាលជាសកលនៃជំងឺកូវីដ១៩ ។ សម្តេចបានចេញសេចក្តីសម្រេចដូច្នេះ ក្នុងសន្និសីទកាសែតស្ដីពីវិធានការបន្ថែម ដើម្បីទប់ស្កាត់ជំងឺកូវីដ-១៩ នៅវិមានរដ្ឋសភា នាព្រឹកថ្ងៃទី៣០ ខែមីនា ឆ្នាំ២០២០។ ជុំវិញការបញ្ជាឱ្យបិទកាស៊ីណូបណ្តោះអាសន្ននេះ សម្តេចតេជោហ៊ុន សែន បានមានប្រសាសន៍ថា៖ «ហេតុអ្វីបានជាយើងទុកពេលរហូតដល់ថ្ងៃទី ១ ខែមេសា មិនចូលជាធរមាននៅយប់នេះតែម្តង? បញ្ហាមិនស្ថិតអ្នកលេងល្បែងទេ គឺស្ថិតនៅត្រង់បញ្ហាថៅកែត្រូវតែដោះស្រាយជាមួយកម្មករ របស់ពួកគេយ៉ាងណា។ ព្រោះបើសិនជាបិទភ្លាម ថៅកែកាស៊ីណូទៅបាត់ ចឹងអ្នកណាទទួលខុសត្រូវទៅលើបញ្ហាបុគ្គលិកដែលត្រូវព្យួរការងារ ក្នុងកាលៈទេសៈនូវការបិទនេះ?» សម្តេចបានបន្ថែមថា ៖ «យើងប្រគល់ភារកិច្ចឲ្យក្រសួងសេដ្ឋកិច្ច និងហិរញ្ញវត្ថុបន្តធ្វើការងារនេះជាមួយម្ចាស់កាស៊ីណូទាំងអស់ យ៉ាងហោចណាស់ឱ្យរួចភារកិច្ចបង់ចំណូល(ពន្ធ)ក្នុងរយៈពេលបិទ ព្រោះនៅពេលបិទអាជីវកម្ម គឺគ្មានចំណូលនោះទេ។ សម្រាប់នៅទីក្រុងភ្នំពេញ យើងមានតែកាស៊ីណូណាហ្គាវើលតែប៉ុណ្ណោះ ហើយនៅតាមព្រំដែនក៏មាន និងនៅក្រុងព្រះសីហនុក៏មាន គឺយើងបិទទាំងអស់ជាបណ្តោះអាសន្ន។» ដំណាលគ្នានេះដែរ ក្រសួងសេដ្ឋកិច្ច និងហិរញ្ញវត្ថុ បានចេញសេចក្ដីជូនដំណឹងដល់ម្ចាស់កាស៊ីណូក្នុងប្រទេសកម្ពុជាទាំងអស់ថា ក្រសួងនឹងធ្វើការលើកលែងពន្ធលើប្រាក់ចំណូលប្រចាំខែដល់កាស៊ីណូចាប់ពីថ្ងៃទី ០១ ខែមេសា ឆ្នាំ២០២០ រហូតដល់ថ្ងៃអនុញ្ញាតបើកឲ្យដំណើរការអាជីវកម្មធម្មតាវិញ។ គួរបញ្ជាក់ផងដែរថា អាជីវកម្មកាស៊ីណូទូទាំងប្រទេសកម្ពុជាមានចំនួន […]
អានបន្ថែម
ឥណទានសាងសង់ផ្ទះ និងទិញផ្ទះ ប៉ះពាល់ដោយកូវីដ១៩ ទទួលបានលក្ខខណ្ឌអនុគ្រោះ
ឥណទានសាងសង់ផ្ទះ ឬហាង និងឥណទានទិញផ្ទះ ត្រូវបានទទួលការអនុគ្រោះលើលក្ខខណ្ឌបង់ប្រាក់មួយចំនួន តាមរយៈ ”ឥណទានរៀបចំឡើងវិញ” ពីគ្រឹះស្ថានធនាគារ និងហិរញ្ញវត្ថុ។ ការផ្តល់លក្ខខណ្ឌអនុគ្រោះនេះ មានគោលបំណង ដើម្បីសម្រាលបន្ទុកអ្នកខ្ចីប្រាក់ ដែលកំពុងប្រឈមនឹងការធ្លាក់ចុះនៃប្រាក់ចំណូលចម្បង និងមានការលំបាកក្នុងការទូទាត់សង បណ្តាលមកពីឥទ្ធិពលនៃការរីករាលដាលនៃជំងឺកូវីដ១៩។ ក្នុងសារាចរណែនាំ ចុះផ្សាយកាលពីថ្ងៃទី២៧ ខែមីនា ធនាគារជាតិនៃកម្ពុជា តម្រូវឲ្យគ្រឹះស្ថានធនាគារ និងហិរញ្ញវត្ថុ យកចិត្តទុកដាក់ជាមួយអតិថិជនដែលរងផលប៉ះពាល់ ផ្នែកហិរញ្ញវត្ថុ និងអនុញ្ញាតឲ្យរៀបចំឥណទានឡើងវិញ។ វិស័យដែលអាទិភាពដែលទទួលបានភាពអនុគ្រោះនេះ រួមមាន ទេសចរណ៍ (សណ្ឋាគារ ផ្ទះសំណាក់ និងភោជនីយដ្ឋាន) កាត់ដេរ (ដោយរាប់បញ្ជូលទាំងនិយោជិត) សំណង់ (ចំពោះតែឥណទានសាងសង់ផ្ទះ/ហាងដំបូង និងឥណទានទិញផ្ទះដំបូង) និងការដឹកជញ្ជូន (ជាពិសេសអ្នកបើកបរតាក់ស៊ី និងរ៉ឺម៉កកង់បី) និងឡូជីស្ទីក។ សារាចរបានណែនាំ បញ្ជាក់ថា ការរៀបចំឥណទានឡើងវិញនេះ ត្រូវផ្តល់ជូនអតិថិជន ទូទាត់សងតែក្នុងរយៈពេលបណ្តោះអាសន្នប៉ុណ្ណោះ និងមានសុពលភាពត្រឹមថ្ងៃទី៣១ ខែធ្នូ ឆ្នាំ២០២០។សារាចរបានបន្ថែមថា «ឥណទានរៀបចំឡើងវិញ» ជាឥណទានដែលលក្ខខណ្ឌនៃកិច្ចសន្យាដើមត្រូវបានកែប្រែដោយផ្តល់ការអនុគ្រោះដល់អតិថិជន ដែលជួបស្ថានភាពលំបាកផ្នែកហិរញ្ញវត្ថុជាក់ស្តែង និងបណ្តោះអាសន្ន។ លក្ខខណ្ឌអនុគ្រោះ មានដូចជា ការកាត់បន្ថយចំនួនប្រាក់ដើមឥណទាន ឬចំនួនដែលត្រូវសងនៅឥណប្រតិទាន ការកាត់បន្ថយអត្រាការប្រាក់ទាបជាងលក្ខខណ្ឌនៃកិច្ចសន្យាដើម […]
អានបន្ថែម
សរុបទីតាំង សម្រាប់ព្យាបាលអ្នកដែលឆ្លងជំងី Covid 19 ទូទាំងប្រទេស
រដ្ឋបាលខេត្តក្រុងទូទាំងប្រទេសកម្ពុជា បានជ្រើសរើសយកទីតាំងតាមមូលដ្ឋានរបស់ខ្លួន ធ្វើជាកន្លែងព្យាបាលអ្នកជំងឺកូវីដ ១៩ តបបញ្ជារបស់សម្តេចតេជោ បានចេញបទបញ្ជា អោយរួមគ្នាប្រយុទ្ធប្រឆាំង និង ទប់ស្តាត់នេះ វីរ៉ុសនេះ។ បន្ទាប់ពីទទួលបាននូវបទបញ្ជានេះ អភិបាលរាជធានី-ខេត្តទាំង ២៥ បានចាប់ផ្តើមជ្រើសយកសណ្ឋាគារ និងសាលារៀន ព្រមទាំងមជ្ឈមណ្ឌល បណ្តុះបណ្តាលវិជ្ជាជីវៈមួយចំនួន សម្រាប់ធ្វើជាកន្លែងព្យាបាលជំងឺកូវីដ១៩នេះ។ បើគិតមកដល់ត្រឹមសប្ដាហ៍នេះ រដ្ឋបាលខេត្តក្រុង បានចុះពិនិត្យ និងជ្រើសរើសទីតាំង និងបានរៀបចំយ៉ាងរៀបរយ រួមមាន៖ • ខេត្តកំពង់ចាម៖ បានរៀបចំកន្លែងព្យាបាលអ្នកជំងឺ កូវីដ១៩ ចំនួន ៣ កន្លែង ក្នុងក្រុងកំពង់ចាម រួមមាន មន្ទីរពេទ្យខេត្តកំពង់ចាម សណ្ឋាគារមេគង្គ និង សាលាគរុកោសល្យភូមិភាគ ។ • ខេត្តព្រះសីហនុ៖ បានរៀបចំកន្លែងព្យាបាលអ្នកជំងឺ កូវីដ១៩ ចំនួន៣កន្លែង រួមមាន មន្ទីរពេទ្យបង្អែកខេត្ត សណ្ឋាគារឯករាជ្យ (សណ្ឋាគារ៧ជាន់) និង សណ្ឋាគារបឹងស៉ីជឺ ។ • ខេត្តព្រៃវែង៖ បានរៀបចំ អគារសណ្ឋាគារចុងប៉ម អគារផ្ទះសំណាក់គ្រូបង្រៀន […]
អានបន្ថែម
ក្រសួងសាធារណការ កែលម្អគុណភាពផ្លូវជាតិ៤ខ្សែរដែលស្ថិតក្នុងខេត្តត្បូងឃ្មុំ និងខេត្តក្រចេះ
ផ្លូវជាតិចំនួន ៤ ខ្សែ ដែលមានប្រវែងសរុប ១៣០ គីឡូម៉ែត្រ ស្ថិតក្នុងខេត្តត្បូងឃ្មុំ និងខេត្តក្រចេះ កំពុងត្រូវបានកែលម្អគុណភាព ក្រោមជំនួយហិរញ្ញប្បទានពីធនាគារពិភពលោក ដើម្បីសម្រួលដល់ការធ្វើដំណើររបស់ប្រជាពលរដ្ឋ និងអភិវឌ្ឍសេដ្ឋកិច្ចប្រទេស។ យោងទៅតាមគេហទំព័រផ្លូវការរបស់ក្រសួងសាធារណការ និងដឹកជញ្ជូន ផ្លូវជាតិទាំងបួនខ្សែ ដែលកំពុងកែលម្អគុណភាពនេះ រួមមានផ្លូវជាតិលេខលេខ៧ លេខ៧៣ លេខ៣៧៧ និង៣៧៧A។ ក្នុងនោះ ផ្លូវជាតិលេខ៧ (៣១.២៥គ.ម) ផ្លូវជាតិលេខ ៧៣ (៥០គ.ម) នឹងធ្វើការចាក់អ៊ុតក្រាលកៅស៊ូ AC ។ ចំណែកឯង ផ្លូវខេត្តលេខ ៣៧៧ (៣៥.៥គ.ម) និង ៣៧៧A (១៣.៦គ.ម) នឹងចាក់កៅស៊ូពីរជាន់ DBST ព្រោះវារឹងមាំធន់ទៅនឹងការបម្រែបម្រួលអាកាសធាតុ សំដៅជួយសម្រួលដល់ការធ្វើដំណើរពីតំបន់ជនបទ ឆ្ពោះទៅកាន់សាលារៀន មណ្ឌលសុខភាព ផ្សារ ទីប្រជុំជន និងបណ្តាញផ្លូវសំខាន់ៗផ្សេងទៀត។ គួរបញ្ជាក់ផងដែរថា ខេត្តក្រចេះគឺជាខេត្តមួយក្នុងចំណោមខេត្តចំនួនបួន ដែលនឹងក្លាយជាប៉ូលសេដ្ឋកិច្ចថ្មីសម្រាប់កម្ពុជា តាមរយៈការតភ្ជាប់ហេដ្ឋារចនាសម្ព័ន្ធ និងលំហូរចូលភ្ញៀវទេសចរ។ នេះបើយោងតាមលទ្ធផលនៃកិច្ចប្រជុំត្រីភាគីរវាងប្រមុខរដ្ឋាភិបាលរកិច្ចសហប្រតិបត្តិការអភិវឌ្ឍតំបន់ត្រីកោណ CLV ដែលបានប្រព្រឹត្តទៅកាលពីថ្ងៃទី២៣ ខែមិថុនា […]
អានបន្ថែម
គម្រោងវិនិយោគថាមពលដើរដោយខ្យល់ នឹងសម្រេចការព្រមព្រៀងក្នុងឆ្នាំនេះ
កិច្ចព្រមព្រៀងស្តីពីគម្រោងថាមពលដើរដោយខ្យល់ របស់ក្រុមហ៊ុន The Blue Circle ដែលមានមូលដ្ឋាននៅប្រទេសសិង្ហបុរី រំពឹងថា នឹងត្រូវចុះហត្ថលេខានៅក្នុងឆ្នាំនេះ បន្ទាប់ពីក្រុមហ៊ុនបានចំណាយច្រើនខែបញ្ចប់ការសិក្សាសមិទ្ធលទ្ធភាពដំឡើងស្ថានីយផលិតថាមពលដើរដោយខ្យល់នៅក្នុងប្រទេសកម្ពុជា រួចមក។ លោក វ៉ិចទ័រ ហ្សូណា អគ្គនាយកផ្នែកថាមពល និងជាអ្នកនាំពាក្យក្រសួងរ៉ែ និងថាមពល បានឲ្យដឹងថា កាលពីថ្ងៃទី២៦ ខែមីនាថា កិច្ចព្រមបព្រៀងថាមពលនេះ គ្រោងនឹងចុះហត្ថលេខានៅក្នុងឆមាសទីមួយឆ្នាំ២០២០ ត្បិតថា បច្ចុប្បន្ននេះ ក្រុមហ៊ុន The Blue Circle និងអគ្គិសនីកម្ពុជា កំពុងចចារលើថ្លៃលក់ថាមពល។ លោក វ៉ិចទ័រ ហ្សូណា ថ្លែងថា៖ “ខ្ញុំមានសុទិដ្ឋិនិយមថា កិច្ចព្រមព្រៀងស្តីពីការវិនិយោគ លើថាមពលដើរដោយខ្យល់នេះ នឹងត្រូវចុះហត្ថលេខា នៅក្នុងឆមាសទី១នេះ ដោយសារការចចារ លើថ្លៃលក់ថាមពល រវាងក្រុមហ៊ុន Blue Circle និងអគ្គិសនីកម្ពុជា ( EDC ) កំពុងតែរកចំណុចថ្លៃរួមមួយ ដើម្បីធ្វើឲ្យយ៉ាងណា ឲ្យការវិនិយោគនេះ ចំណេញទាំងសងខាង”។ បើតាមលោក វ៉ិចទ័រ ហ្សូណា ថ្លៃលក់ថាមពល […]
អានបន្ថែម
ដំណឹងចំពោះអតិថិជន៖ ច្បាប់ស្តីពីសំណង់ថ្មីរបស់កម្ពុជា
ច្បាប់ស្តីពីសំណង់ដែលបានប្រកាសឱ្យប្រើដោយព្រះរាជក្រមលេខ នស/រកម/១១១៩/១៩ ចុះថ្ងៃទី០២ ខែវិច្ឆិកា ឆ្នាំ២០១៩ ក្នុងគោលបំណងកំណត់គោលការណ៍ បទបញ្ជាបច្ចេកទេសសាងសង់វិធានការ នីតិវិធីសម្រាប់ការគ្រប់គ្រងវិស័យសំណង់នៅកម្ពុជា។ ច្បាប់នេះមានប្រសិទ្ធិភាពអនុវត្តចាប់ពីថ្ងៃទី០២ ខែវិច្ឆិកា ឆ្នាំ២០១៩។ អាជ្ញាធរមានសមត្ថកិច្ចដែលជាអ្នកគ្រប់គ្រងវិស័យសំណង់នៅកម្ពុជា គឺក្រសួងរៀបចំដែនដី នគរូបនីយកម្ម និងសំណង់ (MLMUPC)។ បុគ្គលដែលមានវិជ្ជាជីវៈក្នុងវិស័យសំណង់ (ដូចជាស្ថាបត្យករ ឬវិស្វករ) ត្រូវតែចុះបញ្ជីនៅគណៈវិជ្ជាជីវៈពាក់ព័ន្ធ វិស័យសំណង់។ អ្នកប្រកបរបរវិជ្ជាជីវៈក្នុងវិស័យសំណង់ទាំងឡាយ ត្រូវបានអនុញ្ញាតឱ្យប្រកបរបរវិជ្ជាជីវៈក្នុងវិស័យសំណង់ដោយឯករាជ្យ គឺតម្រូវមានអាជ្ញាបណ្ណដែលចេញដោយក្រសួងរៀបចំដែនដី នគរូបនីយកម្ម និងសំណង់។ ចំពោះអ្នកប្រកបរបរវិជ្ជាជីវៈក្នុងវិស័យសំណង់ណាដែលដើរតួនាទីត្រឹមជាប្រធានបច្ចេកទេសក្នុងក្រុមហ៊ុនសំណង់ដែលមានអាជ្ញាប័ណ្ណអាជីវកម្មសាងសង់ត្រឹមត្រូវ គឺមិនតម្រូវឱ្យមានអាជ្ញាប័ណ្ណដែលផ្តល់ដោយក្រសួងដែនដី នគរូបនីយកម្ម និងសំណង់នោះទេ។ រាល់សកម្មភាពអាជីវកម្មសំណង់ទាំងអស់ ត្រូវមានអាជ្ញាប័ណ្ណដែលផ្តល់ដោយក្រសួងរៀបចំដែនដី នគរូបនីយកម្ម និងសំណង់ ឬលិខិតអនុញ្ញាតចេញដោយរដ្ឋបាលរាជធានី-ខេត្ត ដោយយោងទៅតាមប្រភេទនៃអាជីវកម្ម។ បុគ្គលណាដែលកាន់អាជ្ញាប័ណ្ណជាអ្នកមានវិជ្ជាជីវៈសំណង់ ឬអាជីវកម្មសំណង់ ត្រូវចុះកិច្ចសន្យាធនារ៉ាប់រងជាមួយក្រុមហ៊ុនធានារ៉ាប់រងដែលមានប្រតិបត្តិការនៅក្នុងប្រទេសកម្ពុជា ហើយមានវិញ្ញាបនបត្រធានារ៉ាប់រងដើម្បីធានាអះអាងនូវការទទួលខុសត្រូវចំពោះអាជីវកម្ម ឬវិជ្ជាជីវៈរបស់ខ្លួន។ រាល់គម្រោងសាងសង់ទាំងអស់ត្រូវតែគោរពទៅតាមបទបញ្ញត្តិសុវត្ថិភាពអគ្គីភ័យ ដូចដែលបានកំណត់នៅក្នុងបទបញ្ញត្តិបច្ចេកទេសសំណង់ ហើយនឹងវិធានស្តីពីការការពារអគ្គីភ័យ នឹងពន្លត់អគ្គីភ័យ។ រាល់សម្ភារ ឧបករណ៍ និងផលិតផលសំណង់ទាំងអស់ ត្រូវបានតម្រូវដើម្បីធានាគុណភាពសំណង់ និងសុវត្ថិភាពអ្នកប្រើប្រាស់ ដោយមានការទទួលស្គាល់ ឬមានវិញ្ញាបនបត្របញ្ជាក់ស្របតាមបទបញ្ញត្តិនៃបច្ចេកទេសសំណង់ចេញដោយក្រសួងរៀបចំដែនដី នគរូបនីយកម្ម និងសំណង់ ឬស្របតាមស្តង់ដារកម្ពុជាចេញដោយក្រុមប្រឹក្សាស្តង់ដារជាតិ […]
អានបន្ថែម
រាជរដ្ឋាភិបាលកម្ពុជា សម្រេចឱ្យបិទបៀរកាឌិននៅទូទាំងប្រទេសកម្ពុជាដើម្បីទប់ស្កាត់ជំងឺកូវីដ ១៩
រាជរដ្ឋាភិបាលកម្ពុជា សម្រេចឱ្យបិទបៀរកាឌិននៅទូទាំងប្រទេសកម្ពុជាជាបណ្តោះអាសន្ន ចាប់ពីថ្ងៃទី២៥ ខែមីនា ឆ្នាំ២០២០ តទៅ រហូតដល់មានការសម្រេចជាថ្មី ដើម្បីចូលរួមទប់ស្កាត់ ការរីករាលដាល ជាសកល នៃជំងឺកូវីដ១៩ ។ បើយោងតាមលិខិតរបស់ ឯកឧត្តមថោង ខុន រដ្ឋមន្រ្តីក្រសួងទេសចរណ៍ ផ្ញើទៅកាន់អភិបាលរាជធានី-ខេត្ត កាលពីថ្ងៃទី ២៥ ខែមិនា ឆ្នាំ២០២០ បានឱ្យដឹងថា «ដើម្បីចូលរួមបង្ការ និងទប់ស្កាត់ការរីករាលដាលជាសកល នៃជំងឺកូវីដ១៩ និងដោយបានការអនុញ្ញាតជាគោលការណ៍ដ៏ខ្ពង់ខ្ពស់ពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា សូមឱ្យបិទអាជីវកម្មបៀរហ្កាឌិន នៅគ្រប់រាជធានី ខេត្តជាបណ្តោះអាសន្ន ចាប់ពីថ្ងៃទី ២៥ ខែមីនា ឆ្នាំ ២០២០ រហូតដល់មានការជូនដំណឹងជាថ្មី»។ ចំពោះ ទីផ្សារ ភោជនីយដ្ឋាន ហាងកាហ្វេ និងកន្លែងលក់ដូរផ្សេងៗវិញ សម្តេចអគ្គមហាសេនាបតីតេជោហ៊ុន សែន បានប្រកាសថា រាជរដ្ឋាភិបាលមិនមានផែនការបិទនោះទេ។ លើសពីនេះ ពិធីបុណ្យចូលឆ្នាំថ្មីប្រពៃណីខ្មែរ នៅប្រព្រឹត្តទៅជាធម្មតា ដោយរដ្ឋាភិបាល លើកទឹកចិត្តឲ្យប្រជាជន រៀបចំពិធីនេះ ដោយការបង្កើតបរិយាកាសសប្បាយរីករាយតាមផ្ទះវិញ […]
អានបន្ថែម
រដ្ឋសភា៖ អនុម័តសេចក្តីព្រាងច្បាប់ចំនួន ៣ លើការអនុញ្ញាតសាងសង់រោងច្រកអគ្គិសនីធ្យូងថ្ម
រដ្ឋសភា អនុម័តសេចក្តីព្រាងច្បាប់ លើការធានាទូទាត់របស់រដ្ឋឱ្យក្រុមហ៊ុនចំនួនពីរ ក្រុមហ៊ុន រ៉ូយ៉ាល់គ្រុប សម្រាប់គម្រោងសាងសង់រោងចក្រអគ្គិសនីដុតធ្យូងថ្ម ដែលមានអានុភាព ៧០០មេហ្គាវ៉ាត់ នៅខេត្តកោះកុង និងក្រុមហ៊ុន ហាន សេង ខូល ម៉ាញ លើគម្រោងសាងសង់រោងចក្រអគ្គិសនីដុតធ្យូងថ្ម អានុភាព ២៦៥ មេហ្កាវ៉ាត់ នៅខេត្តឧត្តរមានជ័យ និងគម្រោងសាងសង់ខ្សែបណ្តាញបញ្ជូនអគ្គិសនីតង់ស្យុង ២៣០ គីឡូវ៉ុល ពីខេត្តឧត្តរមានជ័យ មកអនុស្ថានីយសៀមរាបខាងកើត។ ការអនុម័តលើសេចក្តីព្រាងច្បាប់នេះ ធ្វើឡើងនាព្រឹកថ្ងៃទី២៦ ខែមីនា ឆ្នាំ២០២០នេះ ក្នុងកិច្ចប្រជុំវិសាមញ្ញរបស់រដ្ឋសភាជាតិ ក្រោមសំឡេងគាំទ្រ ១០៩ សំឡេង។ ដោយឡែក យោងតាមការប្រកាសរបស់ក្រុមហ៊ុនរ៉ូយ៉ាល់គ្រុប បន្ថែមលើការសាងសង់រោងចក្រអគ្គិសនីដុតធ្យូងថ្មនាំចូល ដែលមានអានុភាព ៧០០ មេហ្គាវ៉ាត់នេះ សម្បទានអនុវត្តគម្រោងនេះ មានភ្ជាប់នឹងលក្ខខណ្ឌសំខាន់ៗបន្ថែមមួយចំនួន។ លក្ខខណ្ឌបន្ថែមទាំងនោះ មានដូចជា៖ សាងសង់ប្រព័ន្ធតភ្ជាប់អគ្គិសនី តង់ស្យុង ២៣០ គីឡូវ៉ុល ប្រវែង៥០គីឡូម៉ែត្រ ដោយតភ្ជាប់ពីរោងចក្រអនុស្ថានីយបុទុមសាគររបស់អគ្គិសនីកម្ពុជា សាងសង់ស្ពានដឹកជញ្ជូនធ្យូងថ្ម មាន ២ កំណាត់ ប្រវែងសរុប៦គីឡូម៉ែត្រ និងកន្លែងស្តុកធ្យូងថ្ម សាងសង់ផ្លូវចូលទីតាំងគម្រោង […]
អានបន្ថែម
កម្ពុជានាំចូលអគ្គិសនី១៣០មេហ្គាវ៉ាត ពីវារីអគ្គិសនីដូនសាហុង
ទំនប់វារីអគ្គិសនីដូនសាហុង នៅក្នុងទឹកដីឡាវ ជាប់ព្រំដែនកម្ពុជា ចាប់ផ្តើមបញ្ជូនថាមពលអគ្គិសនី មកកម្ពុជា តាមការគ្រោងទុក ដើម្បីឆ្លើយតបទៅនឹងតម្រូវការប្រើប្រាស់ថាមពលកើនឡើង នៅកម្ពុជា ជាពិសេសនៅក្នុងរដូវប្រាំងឆ្នាំនេះ។ “ក្នុងជំហានដំបូង កម្ពុជានាំចូលថាមពល ១៣០ មេហ្គាវ៉ាត ប៉ុណ្ណោះ ដែលជាតម្រូវការជាក់ស្តែង” នេះបើតាមការបញ្ជាក់ របស់ លោក វ៉ិចទ័រ ហ្សូណា អគ្គនាយកនៃអគ្គនាយកដ្ឋានថាមពល និងជាអ្នកនាំពាក្យក្រសួងរ៉ែ និងថាមពល។ លោក វ៉ិចទ័រ ហ្សូណា បានឲ្យដឹងថា ឡាវបានបញ្ជូនថាមពលតាមខ្សែបញ្ជូនមកព្រំដែនកម្ពុជា នៅត្រង់ខេត្តស្ទឹងត្រែង រួចបន្តបញ្ជូនមករាជធានីភ្នំពេញ។ លោក វ៉ិចទ័រ ហ្សូណា ថ្លែងថា៖ “វាអាស្រ័យទៅនឹងតម្រូវការ បើតម្រូវការយើងទាប យើងមិនអាចយកខ្ពស់បានដែរ ព្រោះវាសល់ភ្លើង។ ព្រោះយើងមិនទិញតែពីឡាវតែមួយឯណា យើងមានផលិតកម្មអគ្គិសនីដែលយើងផលិតក្នុងស្រុកផង និងយើងនាំចូលពីក្រៅប្រទេសផង”។ ការនាំចូលថាមពលនេះ ធ្វើឡើងនៅក្រោមកិច្ចព្រមព្រៀងទិញ-លក់ រវាងក្រុមហ៊ុនវិនិយោគវារីអគ្គិសនី ដូនសាហុង (Don Sahong Dam) និងអគ្គិសនីកម្ពុជា (EDC)។ បើតាមលោក វ៉ិចទ័រ ហ្សូណា តម្លៃថាមពលទិញពីវារីអគ្គិសនីដូនសាហុង មានតម្លៃ […]
អានបន្ថែម
ក្រសួងរ៉ែ បើកការស្នើសុំអាជ្ញាបណ្ណស្វែងរករ៉ែលើទីតាំងចំនួន៤តំបន់
ក្រសួងរ៉ែ និងថាមពល បានប្រកាសបើកទទួលពាក្យដេញថ្លៃទទួលបានអាជ្ញាបណ្ណស្វែងរុករក លើផ្ទៃដីតំបន់ដែលបើកអោយស្វែងរុករ៉ែ ចំនួន ៤តំបន់។ យោងតាមសេចក្តីជូនដំណឹងរបស់ក្រសួងរ៉ែ និងថាមពល ចុះថ្ងៃទី២៣ ខែមីនា តំបន់អនុញ្ញាតស្វែងរុករករ៉ែទាំង ០៤ នេះ មានផ្ទៃដីស្វែងរុករករ៉ែ សរុបចំនួន ៧៩៤ គីឡូម៉ែត្រការ៉េ ស្ថិតនៅក្នុងខេត្តធំៗបីគឺ ព្រះវិហារ(មួយតំបន់) ឧត្តរមានជ័យ(មួយតំបន់) និង មណ្ឌលគិរី(ពីរតំបន់) ។ ក្រសួងបញ្ជាក់ថា បណ្តាក្រុមហ៊ុនជាតិ និងអន្តរជាតិ អាចដាក់ពាក្យស្នើសុំអាជ្ញាបណ្ណស្វែងរុករករ៉ែ ចាប់ពីពេលជូនដំណឹង រហូតដល់ ថ្ងៃទី៣០ ខែមីនា ឆ្នាំ២០២០ ហើយលទ្ធផលនៃក្រុមហ៊ុនដែលនឹង ទទួលបានអាជ្ញាបណ្ណ នឹងត្រូវប្រកាសជាសាធារណៈ បន្ទាប់ពីបានអនុវត្តតាមនីតិវិធីចប់សព្វគ្រប់។ លោក យស មុនីរ៉ាត់ អគ្គនាយកធនធានរ៉ែនៃក្រសួងរ៉ែ និងថាមពល បានឱ្យដឹងថា តំបន់ចំនួនពីរនៅខេត្តព្រះវិហារ និងឧត្តរមានជ័យ គឺសម្រាប់ស្វែងរករ៉ែទង់ដែង និងចំនួនពីរតំបន់នៅខេត្ត មណ្តលគិរី គឺសម្រាប់ស្វែងរករ៉ែ មាស។ លោក យស មុន្នីរ៉ាត់ ថ្លែងថា៖ “ការបើកតំបន់ថ្មីនេះ គឺដើម្បីឲ្យក្រុមហ៊ុនថ្មី […]
អានបន្ថែម
តើខេត្តព្រះសីហនុនឹងឆ្លងផុតវិបត្តិសេដ្ឋកិច្ចដ៏ធ្ងន់ធ្ងរនេះយ៉ាងដូចម្តេច និងនៅពេលណា?
ក្រុងព្រះសីហនុ ដែលធ្លាប់ជាទីក្រុងសក្ដានុពលមួយ បច្ចុប្បន្នកំពុងជួបប្រទះនឹងបញ្ហាសេដ្ឋកិច្ចយ៉ាងធ្ងន់ធ្ងរជាពិសេសការកកស្ទះចរន្តនៃវិស័យអចលនទ្រព្យ។ ឃើញថាមានសំណង់អគារធំៗជាច្រើនត្រូវបានបញ្ឍប់ការសាងសង់ មនុស្សជាច្រើនគ្មានការធ្វើ តម្លៃជួលផ្ទះធ្លាក់ចុះយ៉ាងគំហុកម្ចាស់គម្រោងផ្ទះល្វែងជាច្រើនត្រូវវ័ណ្ឌកដោយសារបាត់បង់ចំណូលពីការជួល និងបញ្ហាជាច្រើនទៀត។ បញ្ហាទាំងនេះមួយផ្នែកធំគឺបណ្តាលមកពីការបិទហ្គេមអនឡាញកាលពីខែសីហា ឆ្នាំ ២០១៩ កន្លងមកនេះ។ ផ្ទូនបន្ថែមជាមួយកត្តាផ្សេងៗទៀតដូចជា ការរាតត្បាតនៃមេរោគកូរ៉ណា ការដកសិទ្ធិពាណិជ្ជកម្ម EBA សង្គ្រាមពាណិជ្ជកម្ម និងបញ្ហាភូមិសាស្ត្រនយោបាយដទៃទៀតនៅជុំវិញពិភពលោក ដែលធ្វើឱ្យកំណើនសេដ្ឋកិច្ចទាំងមូលនៅកម្ពុជាធ្លាក់ចុះក្នុងឆ្នាំ ២០២០ធ្វើឱ្យវិបត្តិសេដ្ឋកិច្ចនៃខេត្តមួយនេះមានសភាពរឹតតែធ្ងន់ធ្ងរ។ មុនបិទហ្គេមអនឡាញ បើយោងតាមទិន្នន័យរបស់ក្រុមហ៊ុន Key Real Estate Co., Ltd តម្លៃផ្ទះជួលគឺចន្លោះពី៨០០០ ដុល្លារទៅ ១៦០០០ដុល្លារក្នុងមួយខែ។ ដោយរកចំណូលបានជាច្រើនចេញពីការជួល ម្ចាស់អចលនទ្រព្យមួយចំនួនខ្ចីប្រាក់ពីធនាគារដើម្បីសម្រុកសាងសង់លំនៅដ្ឋានតូចធំ ដើម្បីជួលឲ្យជនជាតិចិនបន្ថែមទៀត។ ប៉ុន្ដែ ក្រោយពេលដែលរដ្ឋាភិបាលបានប្រកាសបិទនូវហ្គេមតាមប្រព័ន្ធអនឡាញខុសច្បាប់ បានធ្វើឲ្យជនជាតិចិនទាំងអស់នោះត្រឡប់ទៅស្រុកកំណើតវិញដែលបណ្ដាលឱ្យតម្លៃជួលធ្លាក់ចុះនៅសល់ត្រឹមតែ២០០០ ទៅ ៦០០០ដុល្លារក្នុងមួយខែ។ ដូច្នេះ ម្ចាស់អចនទ្រព្យទាំងក្នុងនិងក្រៅស្រុកត្រូវបាត់បង់ចំណូល ហើយធ្ងន់ធ្ងរជាងនេះគឺវ័ណ្ឌកជាមួយបំណុលធនាគារថែមទៀតផង ហើយត្រូវបង្ខំចិត្តផ្អាកការសាងសង់។ តើស្ថានភាពសេដ្ឋកិច្ចរបស់ទីក្រុងមួយនេះនឹងត្រលប់មករស់រានឡើងវិញនៅពេលណា និងយ៉ាងដូចម្ដេច? អ្នកជំនាញព្យាករណ៍ថាស្ថានភាពសេដ្ឋកិច្ចក្រុងព្រះសីហនុនឹងប្រសើរឡើងវិញ ក្នុងរយៈពេល ២ ទៅ ៣ ឆ្នាំទៀត ហើយពួកគេបានឱ្យនិយមន័យវិបត្តិសេដ្ឋកិច្ចមួយនេះថា ការផ្លាស់ប្ដូរដែលឈឺចាប់ តែគឺដើម្បីការអភិវឌ្ឍន៍ដែលមានគុណភាព និងនិរន្តរភាពនាពេលអនាគត ឬ ហើយតាមសុភាសិតខ្មែរគឺ […]
អានបន្ថែម