ចាប់ពីឆ្នាំ២០២០ កម្ពុជានឹងផ្អាកផែនការទំនប់វារីអគ្គិសនីលើដងទន្លេមេគង្គក្នុងរយៈពេល ១០ ឆ្នាំ
ចាប់ពីឆ្នាំ ២០២០ ដល់ឆ្នាំ ២០៣០ កម្ពុជាមិនមានផែនការការអភិវឌ្ឍទំនប់វារីអគ្គិសនីលើដងទន្លេមេគង្គទៀតទេ ដោយសារកម្ពុជានឹងងាកទៅស្វែងរកប្រភពថាមពលពីធ្យូងថ្ម ឧស្ម័នធម្មជាតិ និងថាមពលពន្លឺព្រះអាទិត្យជំនួសវិញ។ ការសម្រេចដូច្នេះ ត្រូវបានធ្វើឡើងដោយក្រសួងរ៉ែ និងថាមពលក្នុងពេលកន្លងទៅថ្មីៗនេះ ដោយមានការអបអរសាទរយ៉ាងខ្លាំងពីសង្គមស៊ីវិលជាពិសេសក្រុមសកម្មជនបរិស្ថាន និងប្រជាជនដែលរងផលប៉ះពាល់ពីគម្រោងនេះ។ ក្រោយការសម្រេចនេះ អង្គការ WWF បានចេញសេចក្តីថ្លែងការណ៍ជាផ្លូវការមួយ ក្នុងចេតនាបង្ហាញការគាំទ្រដល់ការសម្រេចចិត្តដ៏ឈ្លាសវៃរបស់រដ្ឋាភិបាល នេះ។ “ការថែរក្សារបបទឹកទន្លេមេគង្គនៅកម្ពុជាឱ្យហូរតាមធម្មជាតិ គឺជាការសម្រេចចិត្តដ៏ប្រសើរបំផុតសម្រាប់ទាំងមនុស្ស និងសម្រាប់ធម្មជាតិ។” ប្រសាសន៍របស់លោក ទៀសេង នាយកប្រចាំប្រទេសរបស់អង្គការ WWF ។ ការព្យួរគម្រោងទំនប់អគ្គិសនីនេះ ក៏ធ្វើឡើងក្រោយពេលដែលប្រទេសឡាវបានបើកទំនប់ថ្មីចំនួន ២ បន្ថែមទៀត នៅលើដងទន្លេមេគង្គក្នុងរយៈពេល ៦ ខែចុងក្រោយនេះ។ ឡាវមានផែន យកគម្រោងសាងសង់វារីអគ្គិសនីនៅអាងទន្លេមេគង្គក្រោម ទ្រទ្រង់ការផ្គត់ផ្គង់ថាមពលសម្រាប់ប្រជាជនប្រមាណ ៦០ លាននាក់។ សូមបញ្ជាក់ថា ការសាងសង់ទំនប់វារីអគ្គសនីលើដងទន្លេមង្គនេះ ធ្លាប់ត្រូវបានក្រុមអ្នកបរិស្ថានបានព្រមានថា នឹងបង្កអន្តរាយដល់ជលផល និងការធ្វើកសិកម្មតាមបណ្តោយទន្លេមេគង្គក្រោម ប្រមាណ២, ៣៩០ គីឡូម៉ែត្រ។ ឯកឧត្តម វិចទ័រ ហ្សូនា អគ្គនាយកដ្ឋានថាមពលបានប្រាប់សារព័ត៌មាន Reuters ថា ៖ «រដ្ឋាភិបាលកំពុងតាមដានការសិក្សាមួយដែលធ្វើឡើងដោយទីប្រឹក្សាជប៉ុន […]
អានបន្ថែម
ការសាងសង់រោងចក្រថាមពលអគ្គិសនីដុតប្រេងខ្មៅ នៅស្រុកល្វាឯម ប្រឈមការពន្យាពេលដោយសារកូរ៉ូណា
ការសាងសង់រោងចក្រថាមពលអគ្គិសនី ដុតប្រេងខ្មៅ ចំនួនពីរ ដែលមានអានុភាពសរុប ៤០០ មេហ្គាវ៉ាត នឹងត្រូវពន្យារពេលដំណើរការការតភ្ជាប់បណ្តាញជាតិ ឱ្យបានទាន់តាមការគ្រោងទុក ដោយសារការក្រុមហ៊ុនសាងសង់ មកពីប្រទេសចិន រងផលប៉ះពាល់ដោយសារការរីករាលដាលនៃវីរុស កូវីដ ១៩។ បើយោងតាមគម្រោង ក្រោយពីបានចាប់ផ្តើមសាងសង់នៅខែតុលា ឆ្នាំ២០១៩ រួចមក រោងចក្រថាមពលអគ្គិសនីទាំងពីរនេះ នឹងត្រូវដាក់ឲ្យដំណើរការ និងភ្ជាប់ចូលបណ្តាញជាតិ នៅខែឧសភា ឬមិថុនា ឆ្នាំ២០២០ នេះតែម្តង។ ប៉ុន្តែដោយសារក្រុមហ៊ុនម៉ៅការសាងសង់ជាក្រុមហ៊ុនមកពីប្រទេសចិន ពិបាកនឹងធ្វើដំណើរ ដោយត្រូវប្រឈមនឹងការដាក់ក្នុងចត្តាឡីស័ក (Quarantine) ដើម្បីបង្ការការរីករាដាលជំងឺកូវីដ ១៩ ធ្វើឲ្យដំណើរការសាងសង់ ត្រូវពន្យារពេល។ លោក វ៉ិចទ័រ ហ្សូណា អគ្គនាយកនៃអគ្គនាយកដ្ឋានថាមពល និងជាអ្នកនាំពាក្យក្រសួងរ៉ែ និងថាមពល បានឲ្យដឹងថា “ការពន្យារពេលដាក់ឱ្យដំណើរការផលិតថាមពល អាចមានរហូតដល់ ៦ខែ បើសិនស្ថានភាពកូវីដ១៩ ប្រសើរឡើងវិញ។” ដោយសារការគំរាមកំហែងនៃការរីករាលដាលមេរោគនេះ ទៅលើអភិវឌ្ឍន៍សេដ្ឋកិច្ច មានការលើកឡើងពីការព្រួយបារម្ភមួយចំនួន អំពីការធ្លាក់ចុះនៃសេដ្ឋកិច្ចជាតិ ជាពិសេសនៅក្នុងវិស័យថាមពល ព្រោះវាអាចមានការដកការវិនិយោគថាមពល និងការពន្យារពេលក្នុងការអនុវត្តគម្រោងថាមពលនានា។ ទោះជាយ៉ាងណា ឆ្លើយតបចំពោះបញ្ហានេះ លោក វ៉ិចទ័រ […]
អានបន្ថែម
ស្ថានីយរថភ្លើងក្រុងប៉ោយប៉ែត គឺជាទីសំចតទី១ក្នុងការត្រួតពិនិត្យរកវីរុសកូវីដ១៩
ស្ថានីយរថភ្លើងក្រុងប៉ោយប៉ែត ត្រូវបានជ្រើសរើសជាមណ្ឌលត្រួតពិនិត្យសុខភាពទីមួយ ជូនបងប្អូនពលករ ដែលទើបវិលត្រឡប់មកពីប្រទេសថៃចំនួនជាង ៦០០នាក់ កាលពីថ្ងៃទី២៣ ខែមីនា ឆ្នាំ២០២០ ថ្មីៗនេះ ដើម្បីរួមចំណែកទប់ស្កាត់ការរីករាលដាល វីរុសកូវីដ១៩ (COVID-19) ។ ការសម្រេចជ្រើសរើស ស្ថានីយរថភ្លើងក្រុងប៉ោយប៉ែតនេះ ធ្វើឡើងស្របពេលដែលរដ្ឋបាលខេត្តនីមួយៗ បានកំណត់យកសាលារៀន សម្រាប់ដាក់ព្យាបាលអ្នកជំងឺកូវីដ១៩ ស្របតាមបទបញ្ជារបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានថ្លែងក្នុងសារអេឡិចត្រូនិចតេឡេក្រាម កាលពីព្រឹកថ្ងៃទី ២៣ ខែមីនា ឆ្នាំ ២០២០ នេះ។ (អានបន្ថែម) សូមបញ្ជាក់ថា ក្នុងចំណោមពលករជិត៦០០នាក់ ដែលបានធ្វើដំណើរចាកចញពីប្រទេសថៃ តាមច្រកទ្វារអន្តរជាតិប៉ោយប៉ែត ត្រូវបានអាជ្ញាធរ និងក្រុមគ្រូពេទ្យពិនិត្យរកឃើញភាពមិនប្រក្រតីចំនួន ១០នាក់ ដោយមានអាការៈក្ដៅខ្លួន។ ពលករសង្ស័យទាំងដប់នាក់នោះ ត្រូវបាន ក្រុមគ្រូពេទ្យ បញ្ជូនទៅមន្ទីរពេទ្យបង្អែកថ្មី ដើម្បីយកទៅពិនិត្យព្យាបាលបន្ត។ សូមរំលឹកដែរថា បច្ចុប្បន្ននេះ ស្ថានីយរថភ្លើងក្រុងប៉ោយប៉ែត ត្រូវបានជុសជុលឡើងវិញ ក្រោមគម្រោងអភិវឌ្ឍន៍ ក្នុងទឹកប្រាក់ ៩៦ លានដុល្លារអាមេរិក។ ក្នុងនោះ ថវិការបស់ធនាគារអភិវឌ្ឍន៍អាស៊ី ហៅកាត់ថា អេ.ឌី.ប៊ី […]
អានបន្ថែម
ជប៉ុនផ្តល់ជំនួយ ៣១០លានដុល្លារ សម្រាប់អភិវឌ្ឍន៍គម្រោង៥ធំៗនៅកម្ពុជា
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញជាអធិបតីភាពក្នុងពិធីចុះហត្ថលេខាលើលិខិតប្តូរសារ ស្តីពីការផ្តល់ជំនួយអភិវឌ្ឍន៍ផ្លូវការជប៉ុន ដែលមានទឹកប្រាក់សរុប ប្រមាណ ៣១០ លានដុល្លារអាមេរិក ជូនចំពោះរាជរដ្ឋាភិបាលកម្ពុជា កាលពីព្រឹកថ្ងៃទី ២៤ ខែមីនា ឆ្នាំ២០២០។ លិខិតប្តូរសារនេះ ត្រូវបានចុះហត្ថលេខាដោយ លោកឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងលោក មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា ស្តីអំពីការអនុវត្តគម្រោងហិរញ្ញប្បទានឥតសំណងចំនួន ៣គម្រោង និងឥណទានសម្បទាន ចំនួន ២ គម្រោង។ ចំពោះឥណទានសម្បទាន គឺសម្រាប់អនុវត្តទៅលើគម្រោងកែលម្អផ្លូវជាតិលេខ៥ ដំណាក់កាលទី២ (ធ្លាម្អម-បាត់ដំបង និងសិរីសោភ័ណ -ប៉ោយប៉ែត) ដែលមានទឹកប្រាក់ប្រមាណ ១៦១លានដុល្លារអាមេរិក និងគម្រោងកែលម្អផ្លូវជាតិលេខ៥ ដំណាក់កាលទី៣ (ព្រែកក្តាម-ធ្លាម្អម) ដែលមានទឹកប្រាក់ប្រមាណ ១០៦,៥ លានដុល្លារអាមេរិក។ ចំណែកឯ ហិរញ្ញប្បទានឥតសំណងវិញ កញ្ចប់ថវិកានេះ សម្រាប់អនុវត្តទៅលើគម្រោងការពង្រីកប្រព័ន្ធផ្គត់ផ្គង់ទឹកស្អាត ក្នុងក្រុងតាខ្មៅ ដែលមានទឹកប្រាក់ចំនួន ប្រមាណ ៣១ លានដុល្លារអាមេរិក។ […]
អានបន្ថែម
ស្ថានីយឧតុនិយមតម្លៃ ៧លានដុល្លារ គ្រោងសាងសង់នៅខេត្តកំពង់ធំ នៅឆ្នាំក្រោយ
ស្ថានីយឧតុនិយមទីពីរ គ្រោងសាង់សង់នៅឆ្នាំ ២០២១ នៅខេត្តកំពង់ធំ ដើម្បីបង្កើនបច្ចេកវិទ្យា និងសមត្ថភាពបំពេញការងារព្យាករការប្រែប្រួលអាកាសធាតុ និងកម្រិតទឹកភ្លៀង ក្នុងប្រទេសកម្ពុជា នេះបើយោងតាមការប្រកាសថ្មីៗនេះ របស់ក្រសួងធនធានទឹក និងឧតុនិយម។ លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយម ថ្លែងនៅក្នុងសន្និសីទព័ត៌មាន នៅអង្គភាពអ្នកនាំពាក្យរដ្ឋាភិបាល នៅថ្ងៃច័ន្ទនេះថា ស្ថានីយឧតុនិយម ឬហៅថាស្ថានីយរាដា នឹងត្រូវសាងសង ក្រោមកិច្ចសហប្រតិបត្តិការ រវាងរដ្ឋាភិបាលកម្ពុជា និងធនាគារអភិវឌ្ឍន៍អាស៊ី ADB ដែលមានតម្លៃប្រមាណ ៧លានដុល្លារ។ លោក ចាន់ យុត្ថា មិនបានបញ្ជាក់ ពីទីតាំង នៃការសាងសង់ស្ថានីយឧតុនិយម ក្នុងខេត្តកំពង់ធំនៅឡើយទេ។ ទោះយ៉ាងណាក្តី លោកបានបង្ហើបឱ្យដឹងថា គម្រោងសាងសង់ស្ថានីយឧតុនិយមទីពីរនេះ នឹងត្រូវចាប់ផ្តើមនៅឆ្នាំក្រោយ ដែលក្នុងគម្រោងនេះ រួមបញ្ជូលទាំងការបណ្តុះបណ្តាលមន្រ្តីជំនាញផ្នែកឧតុនិយម ជាមួយនឹងការបំពាក់ឧបករណ៍ទំនើបៗថែមទៀតផង។ បច្ចុប្បន្ន កម្ពុជា មានស្ថានីយឧតុនិយម ទីមួយ ឈ្មោះ ស្ថានីយឧតុនិយម “តេជោសែន” មានទីតាំងនៅជិតច្រមុះជ្រូកក្បាលថ្នល់ ក្នុងបរិវេណក្រសួងធនធានទឹក និងឧតុនិយម។ ស្ថានីយឧត្តុនិយមនេះ មានកំពស់ ៦០ម៉ែត្រ […]
អានបន្ថែម
សម្តេចហ៊ុន សែន៖ បញ្ជាឱ្យយកអគារសាលារៀន ធ្វើជាកន្លែងព្យាបាលជំងឺឆ្លងកូវីដ១៩
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានបញ្ជាឱ្យអភិបាលខេត្តទាំងអស់ក្នុងប្រទេសកម្ពុជា ដែលជាប្រធានគណៈកម្មការប្រឆាំងជំងឺកូវីដ១៩ តាមរដ្ឋបាលខេត្តនីមួយៗរបស់ខ្លួន កំណត់យកសាលារៀន សម្រាប់ដាក់ព្យាបាលអ្នកជំងឺកូវីដ១៩។ វិធានការបន្ទាន់នេះ ត្រូវបានធ្វើឡើងភ្លាមៗ ដោយសម្តេចនាយករដ្ឋមន្រ្តី បន្ទាប់ពីការផ្សព្វផ្សាយព័ត៌មានអំពីករណី ជនជាតិបារាំងចំនួន ២៩នាក់ និងជនជាតិខ្មែរចំនួន ២នាក់ បានឆ្លងមេរោគកូវីដ ១៩ នៅខេត្តព្រះសីហនុ។ តួលេខនេះ យោងតាមការធ្វើបច្ចុប្បន្នភាពពីក្រសួងសុខាភិបាលនៅថ្ងៃទី ២២ ខែមីនាឆ្នាំ ២០២០ ។ សម្តេចបានលើកឡើងថា “ដោយសារចំនួនអ្នកជំងឺមានការកើនឡើង ដូចជានៅខេត្តព្រះសីហនុជាដើម ហេតុនេះក្រោយពីបានពិភាក្សាជាមួយឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល ដោយបានកំណត់យកសាលារៀនមួយ ឬពីរ…មកប្រើប្រាស់ជាកន្លែងសម្រាប់ព្យាបាលអ្នកជំងឺកូវីដ១៩។” នេះជាសារលើកឡើងរបស់សម្តេចនៅក្នុងសារតាមតេឡេក្រាមកាលពីព្រឹកថ្ងៃទី២៣ ខែមីនា ឆ្នាំ២០២០។ សម្តេចបញ្ជាបន្ថែមថា “ជាកិច្ចការបន្ទាន់ដែលរដ្ឋបាលខេត្តនីមួយៗត្រូវតែយកចិត្តទុកដាក់។ សាលារៀនដែលបានកំណត់ត្រូវរៀបចំបន្ទប់ និងដាក់គ្រែឱ្យបានស្អាតសម្រាប់ដាក់អ្នកជំងឺ ហើយហើយត្រូវតែភ្ជាប់ប្រព័ន្ធទឹក នឹងភ្លើងឱ្យចូលដល់តែម្តង។ រដ្ឋបាលខេត្តនីមួយៗ ត្រូវប្រើប្រាស់កម្លាំងទាំងអស់ដែលខ្លួនមានដូចជា កម្លាំងប៉ូលីស កម្លាំងទាហាន កម្លាំងប៉េអឹម ដើម្បីសម្រុកដោះស្រាយបញ្ហានេះឱ្យមានប្រសិទ្ធភាព។” សម្តេចបន្តថា “ដោយឡែកនៅរាជធានីភ្នំពេញមិនជាចំណោទបញ្ហាទេ ពីព្រោះយើងមានមន្ទីរពេទ្យមិត្តភាពខ្មែរ-សូវៀត អគារនៅចាក់អង្រែ មន្ទីរពេទ្យយោធា និងសណ្ឋាគារ […]
អានបន្ថែម
ក្រសួងរឹតបណ្តឹងការអនុវត្តច្បាប់ ក្រុមអ្នកម៉ៅការសំណង់តូចៗត្រូវតែសុំច្បាប់ជាមុន
ក្រុមអ្នកម៉ៅការសំណង់តូចៗទាំងអស់ក្នុងប្រទេសកម្ពុជា ត្រូវតែគោរពច្បាប់ស្តីពីសំណង់ គឺត្រូវចុះបញ្ជីដូចក្រុមហ៊ុនសាងសង់ដទៃទៀតដែរ។ ក្រសួងចាប់ផ្តើមរឹតបណ្តឹងច្បាប់កាន់តែខ្លាំង ដោយអំពាវនាវឱ្យក្រុមអ្នកម៉ៅការសំណង់តូចៗទាំងអស់ ចូលរួមអនុវត្តឱ្យបានខ្ជាប់ខ្ជួន យោងតាមអ្នកនាំពាក្យក្រសួងរៀបចំដែនដី នគរូបនីយកម្ម និងសំណង់។ “អ្នកម៉ៅការសាងសង់តូចៗលក្ខណៈឯកជន ឬគេអាចហៅបានម្យ៉ាងទៀតថា ក្រុមជាង ដែលគាត់ម៉ៅការសាងសង់ផ្ទះមួយ ឬពីរល្វែងរបស់ប្រជាពលរដ្ឋ ក៏ត្រូវរៀបចំឯកសារសុំសិទ្ធិប្រកបអាជីវកម្មសាងសង់ជាមុនសិន។ គឺថា ពួកគាត់មិនមែនក្រុមហ៊ុនសាងសង់ទេ តែពួកគាត់ត្រូវសុំសិទ្ធប្រកបអាជីវកម្មសាង់សង់ក្នុងនាមជាក្រុមជាង។ ហើយក្រសួង ក៏មានចេញវិញ្ញាបនបត្រប្រកបអាជីវកម្មឱ្យក្រុមជាងផងដែរ។” ឯកឧត្តម សេង ឡូត បានមានប្រសាសន៍ដូច្នេះ នៅក្នុងសន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដ របស់ក្រសួងរៀបចំដែនដី នគរូបនីយកម្ម និងសំណង់» នៅទីស្ដីការគណៈរដ្ឋមន្ដ្រី នាព្រឹកថ្ងៃទី១៦ ខែមីនា ឆ្នាំ២០២០។ ឯកឧត្តមបន្តថា “ក្រសួងមិនអាចអនុញ្ញាតឱ្យអ្នកទទួលការងារសាងសង់ណាមួយ គ្មានលិខិតអនុញ្ញាតអាចប្រកបអាជីវកម្មសាងសង់បាននោះទេ ដើម្បីជៀសវាងមិនឱ្យមានឧបទ្ទវហេតុណាមួយកើតឡើងនៅថ្ងៃមុខទៀត។ ពីព្រោះថាបើពួកគាត់មិនមានលិខិតអនុញ្ញាត ក្រសួងពិបាកកំណត់ឱ្យបានច្បាស់ថា តើពួកគាត់យល់ដឹងពីបច្ចេកទេសសាងសង់ ឬមិនដឹងនោះទេ។ ម្យ៉ាងវិញទៀត អ្នកជួលក្រុមជាងឱ្យមកសាងសង់ក៏មិនច្បាស់ថាក្រុមជាងនោះអាចជួលឱ្យបាន ឬមិនបានផងដែរ។” ឯកឧត្តមបន្ថែមថា “ដូចគ្នាដែរ អ្នកទទួលម៉ៅការសំណង់ អាចទទួលសាងសង់ពីម្ចាស់សំណង់បាន លុះត្រាតែម្ចាស់សំណង់នោះ មានលិខិតអនុញ្ញាតសាងសង់ពីអាជ្ញាធរមានសមត្ថកិច្ចជាមុនសិន ដើម្បីធានាការអនុវត្តការងារក្នុងវិស័យសំណង់នេះ គោរពទៅតាមបទដ្ឋានទាំងច្បាប់ ទាំងបច្ចេកទេសបានត្រឹមត្រូវ។” គួរបញ្ជាក់ផងដែរថា […]
អានបន្ថែម
អគារ Gold Tower កម្ពស់ ៤២ជាន់ បានអនុញ្ញាតឲ្យសាងសង់ឡើងវិញហើយ
សំណង់អគារហ្គោលថៅវើ ៤២ ( Gold Tower 42 ) ដែលមានទីតាំងស្ថិតនៅ មហាវិថីព្រះសីហនុ កែងមហាវិថីព្រះមុនីវង្សត្រូវបានក្រសួងដែនដីបានអនុញ្ញាតិឲ្យសាងសង់ឡើងវិញជាធម្មតា ក្រោយពេលត្រូវបានក្រសួងផ្អាកការសាងសង់មួយរយៈ ដោយសារហេតុផលសុវត្ថិភាពមួយចំនួន។ គេនៅចាំបានថា កាលពីកំឡុងខែ វិច្ឆិកា ឆ្នាំ ២០១៩ កន្លងទៅ ការដ្ឋាននេះធ្លាប់មានព្រឹត្តិការណ៍ធ្លាក់ដែកពីលើអគារប៉ះពាល់មកលើរថយន្តរបស់ប្រជាពលរដ្ឋ ២ដងរួចទៅហើយ។ ក្រោយកើតមានឧបទ្ទវហេតុនេះ ក្រសួងរៀបចំដែនដី នគរូបណីយកម្ម និង សំណង់ បានចេញលិខិតផ្អាកការដ្ឋានសាងសង់អគារ Gold Tower 42 ជាបណ្តោះអាសន្ន។ ទើបតែមកដល់ពេលថ្មីៗនេះ ក្រសួងបានអនុញ្ញាតឱ្យចាប់ដំណើរការសាងសង់ជាធម្មតាឡើងវិញ ក្រោយពេលដែលពិនិត្យឃើញថា ក្រុមហ៊ុនរាប់រងខាងសាងសង់អគារនេះ បានអនុវត្តតាមលក្ខខ័ណ្ឌតម្រូវ របស់អាជ្ញាធរ។ នេះបើយោងតាមការលើកឡើងរបស់ ឯកឧត្តម សេង ឡូត អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ ក្នុងសន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដ របស់ក្រសួងរៀបចំដែនដី នគរូបនីយកម្ម និងសំណង់» កាលពីថ្ងៃទី១៦ ខែមីនា ឆ្នាំ២០២០កន្លងមកនេះ។ ឯកឧត្តម សេង ឡូត […]
អានបន្ថែម
អ្នកឧកញ៉ា ពុង ឃាវសែ ឧបត្ថម្ភទឹកប្រាក់៥០ម៉ឺនដុល្លារដល់រាជរដ្ឋាភិបាលកម្ពុជាដើម្បីទប់ស្កាត់កូវីដ១៩
អ្នកឧកញ៉ា ពុង ឃាវសែ និងលោកជំទាវ បានឧបត្ថម្ភទឹកប្រាក់ចំនួន ៥០ ម៉ឺនដុល្លារអាមេរិក ដល់រាជរដ្ឋាភិបាលកម្ពុជា សម្រាប់សកម្មភាពប្រយុទ្ធប្រឆាំង និងការរាតត្បាតជំងឺកូវីដ១៩ ដែលកំពុងបង្កគ្រោះភ័យដល់សុខភាព និងជីវិតរបស់ប្រជាជនកម្ពុជា។ ដើម្បីឆ្លើយតបចំពោះកាយវិការ និងទឹកចិត្តដ៏សប្បុរស ប្រកបដោយសង្គហធម៌ចំពោះប្រជាជាតិកម្ពុជា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី២០ ខែមីនា ឆ្នាំ២០២០ នេះ បានផ្ញើលិខិតថ្លែងអំណរគុណចំពោះអ្នកឧកញ៉ា ពុង ឃាវសែ និងលោកជំទាវ ដែលបានចូលរួមជាវិភាគទាន ជាមួយរដ្ឋាភិបាលកម្ពុជា ក្នុងការទប់ទល់នឹងសភាពការណ៍គ្រោះភ័យ ដែលបង្កដោយជំងឺរាលដាលកូវីដ-១៩។ នៅក្នុងលិខិតរបស់សម្តេចតេជោ ហ៊ុន សែន បានបញ្ជាក់ថា ៖ «ខ្ញុំមានមោទនភាពណាស់ ដោយឃើញជនរួមជាតិយើង មានការគិតគូរយកចិត្តទុកដាក់ ជួយគ្នាទៅវិញទៅមកនៅក្នុងគ្រាអាសន្នបែបនេះ»។ គួរបញ្ជាក់ផងដែលថា អ្នកឧកញ៉ា ពុង ឃាវសែ បច្ចុប្បន្នជាប្រធានក្រុមប្រឹក្សាភិបាលនៃធនាគារកាណាឌីយ៉ា និងក្រុមហ៊ុនវិនិយោគទុនអាណិកជនកម្ពុជា OCIC ដែលជាក្រុមហ៊ុនវិនិយោគលើគម្រោងព្រលានយន្តហោះតម្លៃ១,៥ ប៊ីលានដុល្លារអាមេរិក។ បន្ថែមពីលើមុខងារបច្ចុប្បន្ន អ្នកឧកញ៉ា ពុង ឃាវសែ ក៏ជាប្រធានសមាគមអ្នកសាងសង់កម្ពុជា និងជាប្រធានសមាគមសម្ព័ន្ធខ្មែរ-ចិននៅកម្ពុជាផងដែរ […]
អានបន្ថែម
ក្រសួងរៀបចំដែនដី៖ វិស័យសំណង់ក្នុងបរិបទកូវីត១៩ ក្នុងត្រីមាសដំបូងឆ្នាំ២០២០ មិនបានថមថយឡើយ
អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់បានបញ្ជាក់ថា វិស័យសំណង់ក្នុងប្រទេសកម្ពុជាក្នុងបរិបទកូវីត១៩នេះ មិនមានការថមថយទេ។ នេះជាការលើកឡើងរបស់ឯកឧត្តម សេង ឡូត នៅក្នុងសន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដ របស់ក្រសួងរៀបចំដែនដី នគរូបនីយកម្ម និងសំណង់» នៅទីស្ដីការគណៈរដ្ឋមន្ដ្រី នាព្រឹកថ្ងៃទី១៦ ខែមីនា ឆ្នាំ២០២០។ ឯកឧត្តមបានបញ្ជាក់ថា តាមរយៈការដាក់ពាក្យស្នើសុំលិខិតអនុញ្ញាតសាងសង់នៅក្រសួងរៀបចំដែនដី នគរូបនីយកម្ម និងសំណង់ មកដល់ដំណាច់ខែកុម្ភៈ ឆ្នាំ២០២០នេះ បានសង្កេតឃើញថាមិនទាន់មានការថយចុះទេ ផ្ទុយទៅវិញការស្នើសុំសាងសង់ជាគម្រោងដែលបានដាក់ស្នើសុំមានការកើនឡើង។ ឯកឧត្តមបន្តថា នៅខែកុម្ភៈ ឆ្នាំ២០២០នេះ ក្រសួងទទួលបានពាក្យស្នើសុំមានដល់ទៅ ៥២៣ គម្រោង បើធៀបទៅនឹងឆ្នាំ២០១៩ ត្រឹមខែកុម្ភៈដូចគ្នានេះ គឺមានតែជាង៣០០ គម្រោងនោះទេ ហើយបើគិតជាទុនវិនិយោគកំណើនមានការកើនឡើងសឹងតែទ្វេដង។ ប៉ុន្តែចាប់ពីខែមីនាទៅមុខ ក្រសួងនឹងបន្តតាមដានការងារនេះទៅមុខទៀត។ ឯកឧត្តមបន្ថែមថា ការកើនឡើងក្នុងវិស័យសំណង់នេះ គឺមានការវិនិយោគពីក្រុមហ៊ុនបរទស ចំនួន១៨ប្រទេស។ បើរៀបតាមលំដាប់ថ្នាក់ ប្រទេសដែលមកវិនិយោគក្នុងវិស័យសំណង់ក្នុងលំដាប់ទី១ គឺចិន បន្ទាប់មកប្រទេសកូរ៉េ ហើយឈរក្នុងលំដាប់ថ្នាក់ទី៣ គឺជប៉ុន។ ការវិនិយោគបរទេស ច្រើនតែជាអគារស្នាក់នៅ រួមមានជាង ២៣០០ យូនីត ឬអគារខ្ពស់ៗដែលមានជិត […]
អានបន្ថែម
អ្នកជំនាញ៖ សំណើមខ្យល់ក្នុងប្រព័ន្ធម៉ាស៊ីនត្រជាក់អាចជាមុខសញ្ញាពន្លឿនការចម្លងមេរោគកូរ៉ូណាថ្មី
តើមេរោគកូរ៉ូណា អាចឆ្លងតាមរយៈខ្យល់បានទេ? សំណួរនេះ នៅតែមិនទាន់មានការបកស្រាយឱ្យបានដាច់ស្រេចប្រកបដោយលក្ខណៈវិទ្យាសាស្ត្រអាចជឿទុកចិត្តបាននៅឡើយ។ ទោះបីយ៉ាងណាក៏ដោយ មានភស្តុតាងមួយចំនួន កំពុងត្រូវបានអ្នកវិទ្យាសាស្ត្រសន្និដ្ឋានថា ខូវីដ ១៩ អាចរីករាលដាលតាមប្រព័ន្ធខ្យល់សាយពីម៉ាស៊ីនត្រជាក់ អាស្រ័យលើប្រភេទឌីសាញរបស់ម៉ាស៊ីនត្រជាក់នោះ។ ភស្តុតាងបញ្ជាក់ថា កូវីដមានលទ្ធភាពអាចឆ្លងតាមរយៈប្រព័ន្ធខ្យល់ក្នុងម៉ាស៊ីនត្រជាក់៖ ការសិក្សារកឃើញថា កម្មករធ្វើការនៅលើកប៉ាល់ ដាយមឹនព្រីនស៍ (Diamond Princess cruise ship) ធ្វើឱ្យមានការរីករាលដាលយ៉ាងឆាប់រហ័សនៅជប៉ុន ដែលបានឡើងពី ១០ ទៅជាង ៦០០ នាក់ក្នុងរយៈពេលពីរសប្តាហ៍។ គឺចរន្តខ្យល់ចេញពីម៉ាស៊ីនត្រជាក់នៅក្នុងនាវានោះតែម្តង ដែលជាមុខសញ្ញាដែលគេចាប់អារម្មណ៍ជាងគេក្នុងការសាយភាយ និងចម្លងមេរោគនេះ។ ក្រុមអ្នកជំនាញបាននិយាយថា “ចរន្តខ្យល់នៅលើកប៉ាល់ អាចដើរតួយ៉ាងសំខាន់ក្នុងការសាយភាយមេរោគ។” នេះបើយោងតាមការចេញផ្សាយរបស់កាសែតសៅឆាយណាម៉នីងផុស ( SCMP )។ ករណីឆ្លងតាមប្រព័ន្ធខ្យល់ក្នុងម៉ាស៊ីនត្រជាក់ក្នុងនាវានេះ ត្រូវបានអ្នកវិទ្យាសាស្ត្រសាំងហ្គាពួរស្រាវជ្រាវបន្ថែម ដោយធ្វើការពិសោធនៅក្នុងបន្ទប់សាកល្បងពិសោធន៍បីដាច់ដោយឡែកពីគ្នា ដើម្បីតាមដានមើលផ្លូវចម្លងមេរោគនេះ។ ដំណឹងល្អពីការស្រាវជ្រាវនេះ គឺថាការធ្វើតេស្តិ៍ខ្យល់ត្រឡប់ដែលបានប្រើហើយពីក្នុងបន្ទប់ បង្ហាញលទ្ធផលអវិជ្ជមាន ដែលមានន័យថា មេរោគនេះមិនរស់នៅក្នុងខ្យល់ដូចមេរោគឆ្លងខ្លាំងផ្សេងទៀតទេ។ ប៉ុន្តែ ដំណឹងអាក្រក់នោះគឺថា សំណាកពិសោធន៍ដែលគេដកចេញពីកន្លែងបំភាយខ្យល់ក្នុងម៉ាស៊ីនត្រជាក់ បង្ហាញលទ្ធផលតេស្តវិជ្ជមាន។ នេះមានន័យថា លំហូរខ្យល់ក្នុងប្រព័ន្ធម៉ាស៊ីនត្រជាក់អាចនាំដំណក់ទឹកតូចៗដែលផ្ទុកវីរុសកូវីដ១៩នេះបាន ហើយវាទើរជាប់នៅនឹងគ្រឿងផ្គុំម៉ាស៊ីន ដូចជារន្ធបញ្ចេញខ្យល់របស់ម៉ាស៊ីនជាដើម។ “សម្រាប់ប្រភេទម៉ាស៊ីនត្រជាក់ដែលគេឌីហ្សាញសម្រាប់កាប៉ាល់ អាចនឹងមានភាពឆ្លងបាន […]
អានបន្ថែម
កម្ពុជានឹងត្រូវការលំនៅឋាន ៥ ម៉ឺនលំនៅឋានក្នុងមួយឆ្នាំ
ការព្យាកររបស់អ្នកសិក្សាស្រាវជា្រវបានឲ្យដឹងថា ប្រទេសកម្ពុជានឹងត្រូវការលំនៅឋានប្រហែល ៥ ម៉ឺនលំនៅឋានក្នុងមួយឆ្នាំ ដើម្បីផ្គត់ផ្គង់តម្រូវការរបស់ប្រជាពលរដ្ឋ ខណៈពេលកំណើនប្រជាពលរដ្ឋមានការឡើងពីមួយឆ្នាំទៅមួយឆ្នាំ។ នេះបើយោងតាមប្រសាសន៍ ឯកឧត្តម សេង ឡូត អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ ក្នុងសន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដ របស់ក្រសួងរៀបចំដែនដី នគរូបនីយកម្ម និងសំណង់» នៅទីស្ដីការគណៈរដ្ឋមន្ដ្រី កាលពីថ្ងៃទី១៦ ខែមីនា ឆ្នាំ២០២០នេះ។ ឯកឧត្តមបានមានប្រសាសន៍ថា «ការផ្គត់ផ្គង់លំនៅឋាន នៅពេលនេះ យើងបានឆ្លើយតប ជាមួយខាងវិស័យឯកជន ដែលជាអ្នកផ្គត់ផ្គង់សាងសង់លំនៅឋាននេះ យ៉ាងសស្រាក់សស្រាំដើម្បីឆ្លើយតបឱ្យបាន ទៅនឹងតម្រូវការរបស់ប្រជាពលរដ្ឋ។» ឯកឧត្តមបានបន្ថែមថា តាមអ្នកវិភាគមួយចំនួន ការកើនឡើងអ្នកវិនិយោគលំនៅឋាន សំណង់ខុនដូន សំណង់បុរីច្រើន អាចនាំឲ្យកើតមានវិបត្តិ ដោយសារតែភាពលើសនៃការផ្គត់ផ្គង់ មានន័យថាតម្រូវការប្រជាពលរដ្ឋមានភាពគ្រប់គ្រាន់ ដែលធ្វើឲ្យការផ្គត់ផ្គង់នៅសល់។ ឆ្លើយតបចំពោះការបារម្ភនេះឯកឧត្តម សេង ឡូត បានឆ្លើយបំភ្លឺថា៖ «ខ្ញុំជឿថាមិនលើសនោះទេ ហើយអ្វីដែលក្រសួងចង់បាន អ្វីដែលរដ្ឋាភិបាលចង់បាន គឺចង់ឲ្យការវិនិយោគនេះ មានកំណើនខ្ពស់ ព្រោះជាក្បាលម៉ាស៊ីននៃការបង្កើតធនធាន សម្រាប់ជាតិរបស់យើង។» “ជុំវិញបញ្ហានេះ បើយើងវិភាគតាមទ្រឹស្តីសេដ្ឋកិច្ច គេចាត់ទុកថា នៅពេលណាដែលការផ្គត់ផ្គង់នឹងវាលើស […]
អានបន្ថែម