រោងចក្រផលិតទឹកស្អាតបាក់ខែង ដំណាក់កាលទី២ នឹងផ្គត់ផ្គង់ទឹកស្អាត ៣៩០ ០០០ ម៉ែត្រគុបនៅឆ្នាំ២០២៣
គម្រោងសាងសង់រោចក្រផលិតទឹកស្អាតបាក់ខែងដំណាក់កាលទី២ ដែលមានសមត្ថភាពផ្គត់ផ្គង់ទឹកបាន ៣៩០ ០០០ ម៉ែត្រគូបក្នុងមួយថ្ងៃ នឹងដាក់ឱ្យដំណើរការផលិតនៅឆ្នាំ ២០២៣ ដើម្បីឆ្លើយតបទៅនឹងកំណើនតម្រូវការប្រើប្រាស់ទឹកស្អាត ដែលចេះតែកើនឡើងពីមួយឆ្នាំទៅមួយឆ្នាំ ជាពិសេសក្នុងរដូវប្រាំង។ បច្ចុប្បន្ន ការផ្គត់ផ្គង់ទឹកស្អាតនៅភ្នំពេញ ផ្តល់សេវាដោយរោងចក្រចំនួន ៤ ដែលមានសមត្ថភាពផលិតទឹកស្អាតបានជាមធ្យម ៦០០ ០០០ ម៉ែត្រគូបក្នុងមួយថ្ងៃ។ តួលេខនេះ បង្ហាញពីកម្រិតខ្វះខាតយ៉ាងច្រើន បើធៀបទៅនឹងតម្រូវការទឹកស្អាតបានកើនឡើងខ្ពស់ប្រមាណ ៧០ ០០០ ម៉ែត្រគូបក្នុងមួយថ្ងៃ។ នេះបើយោងតាមសេចក្ដីជូនដំណឹងរបស់រដ្ឋាករទឹកស្វយ័តក្រុងភ្នំពេញ ស្ដីពីស្ថានភាពផ្គត់ផ្គង់ទឹកស្អាតក្នុងរដូវប្រាំងឆ្នាំ២០២០ ចេញថ្ងៃទី ១២ខែមីនាកន្លងទៅនេះ។ បន្ថែមទៅលើរោងចក្រផលិតទឹកស្អាតដែលមានស្រាប់ រដ្ឋាករទឹកស្វយ័តក្រុងភ្នំពេញ កំពុងបន្តសាងសង់រោងចក្រផលិតទឹកស្អាតនៅបាក់ខែង ដំណាក់កាលទី២នេះរោងចក្រផលិតទឹកស្អាតនេះ ដែលជាការវិនិយោគរបស់ក្រុមហ៊ុនបារាំង VINCI Construction Grands Projects។ គម្រោងនេះ មានការប៉ាន់ប្រមាណថា អាចផ្គត់ផ្គង់ដល់អ្នកប្រើប្រាស់១លាននាក់ ស្មើនឹងប្រជាជនជិតពាក់កណ្តាលនៅក្នុងរាជធានីភ្នំពេញ ដែលនឹងចំណាយថវិកា ប្រមាណ ៤៥ លានដុល្លារដើម្បីសាងសង់។ នេះបើយោងទៅតាមសេចក្ដីប្រកាសព័ត៌មានរបស់ក្រុមហ៊ុន VINCI Construction Grands Projects ចុះថ្ងៃទី ១៩ ខែវិច្ឆិកា ឆ្នាំ២០១៩។ គួរបញ្ជាក់ផងដែរថា […]
អានបន្ថែម
កាណាឌីយ៉ាគ្រុបគ្រោងអភិវឌ្ឍដី ៥០០ ហិកតា នៅផ្លូវជាតិ ៥១ និងគម្រោងរាប់លានដុល្លារផ្សេងទៀត
ក្រុមហ៊ុនដែលមានអាជីកម្មតម្លៃរាប់ពាន់លានដុល្លារលើវិស័យហិរញ្ញវត្ថុ និងវិស័យសំណង់ កាណាឌីយ៉ាគ្រុប បានប្រាប់ពីគម្រោងអភិវឌ្ឍន៍របស់ខ្លួននាពេលអនាគត ដែលនឹងចូលរួមចំណែកក្នុងការធ្វើឲ្យសេដ្ឋកិច្ចកម្ពុជាកាន់តែរីកចម្រើន។ ប្រធានក្រុមប្រឹក្សាភិបាលនៃកាណាឌីយ៉ាគ្រុប អ្នកឧកញ៉ា ពុង ឃាវសែ កាលពីពេលថ្មីៗនេះ បានប្រាប់ទស្សនាវដ្តីសំណង់ និងអចលនទ្រព្យក្នុងកិច្ចសម្ភាសន៍ផ្តាច់មុខថា អ្នកឧកញ៉ា នឹងបន្តបណ្តាក់ទុនយ៉ាងសន្ឋឹកសន្ឋាប់បន្ថែមទៀតនាពេលខាងមុខ។ អ្នកឧកញ៉ា ពុង ឃាវសែ ថ្លែងថា៖ «ចំពោះខ្ញុំដែលជាវិនិយោគិនក្នុងស្រុក ខ្ញុំនឹងបន្តបណ្តាក់ទុនយ៉ាងសន្ឋឹកសន្ឋាប់បន្ថែមទៀត ដើម្បីធ្វើការអភិវឌ្ឍគម្រោងជាច្រើនទៀតដែរ។ ដូចជា គម្រោងអាកាសយានដ្ឋានអន្តរជាតិភ្នំពេញថ្មី តំបន់សេដ្ឋកិច្ចពិសេសដែលមានទំហំដីប្រមាណ៥០០ហិកតានៅជាប់ផ្លូវជាតិ ៥១ និងគម្រោងអភិវឌ្ឍលំនៅឋាន និងពាណិជ្ជកម្ម នៅកោះនរារិ៍ និងសាលពិព័រណ៍អន្តរជាតិជ្រោយចង្វាជាដើម» ។ ក្នុងន័យនេះ អ្នកឧកញ៉ានឹងបន្តវិយោគ ដើម្បីឆ្លើយតបទៅនឹងគោលនយោបាយ និងចូលរួមក្នុងការអភិវឌ្ឍន៍សេដ្ឋកិច្ចប្រទេសជាតិ។ អ្នកឧកញ៉ា ពុង ឃាវសែ បន្តថា៖ «ប្រទេសកម្ពុជាក្រោមការដឹកនាំដ៏ឈ្លាសវៃរបស់ សម្តេចអគ្គមហាសេនាបតីតេជោ ហ៊ុន សែន បានធ្វើឲ្យសេដ្ឋកិច្ច និងការអភិវឌ្ឍ រីកចម្រើន ជាពិសេសមានសន្តិភាព និង ស្ថេរភាពនយោបាយ បានធ្វើឱ្យប្រជាពលរដ្ឋមានជីវភាពធូរធាររស់នៅបានសុខដុមរមនា»។ ទោះមិនបានបញ្ជាក់ព័ត៌មានលម្អិតនៃគម្រោងទាំងនេះក្តី កាណាឌីយ៉ាគ្រុបត្រូវបានស្គាល់ថា ជាក្រុមហ៊ុនដែលបានអភិវឌ្ឍគម្រោងជាច្រើនយ៉ាងជោគជ័យមានដូចជា ក្រុងកោះពេជ្រ ទីក្រុងអូឡាំព្យា ទីក្រុងរណបជ្រោយចង្វារ […]
អានបន្ថែម
វិធានការឆ្លើយតបកូរ៉ូណារបស់រដ្ឋាភិបាលកម្ពុជា ជំរុញការបញ្ចុះតម្លៃ ៥០% ក្នុងសេវាកម្មទេសចរណ៍
សណ្ឋាគារលំដាប់ផ្កាយ ៥ មួយចំនួន នៅខេត្ដសៀមរាប បានប្រកាសបញ្ចុះតម្លៃសេវាកម្មរបស់ខ្លួនជិត ៥០% សម្រាប់ភ្ញៀវទេសចរជាតិ។ ការបញ្ចុះតម្លៃនេះ ធ្វើឡើងដើម្បីឆ្លើយតបទៅនឹងផលប៉ះពាល់ពី ការរីករាលដាលនៃ វីរ៉ុសកូរូណាថ្មី ឬ Covid19 ទៅលើវិស័យទេសចរណ៍ ពេលនេះដែរ ដែលនឹងចាប់អនុវត្តចាប់ពី ខែ មីនា នេះ រហូតដល់ខែ ឧសភា ២០២០។ គេសង្កេតឃើញថា ការប្រកាសនេះ ធ្វើឡើងក្រោយពេលដែលអាជ្ញាធរខេត្ដសៀមរាប បានអំពាវនាវ កាលពីដើមខែ មីនា ឆ្នាំ២០២០ ដល់ម្ចាស់សណ្ឋាគារ ផ្ទះសំណាក់ទាំងអស់ក្នុងទឹកដីអង្គរមួយនេះ ជួយគ្នាសម្រួល ដោយការបញ្ចុះតម្លៃសេវាកម្មស្នាក់នៅ ម្ហូបអាហារ ដើម្បីធ្វើអោយមានការទាក់ទាញភ្ញៀវទេសចរណ៍មកទស្សនាក្នុងពិធីចូលឆ្នាំថ្មីប្រពៃណីខ្មែរខាងមុខនេះ ឱ្យបានច្រើន។ ការបញ្ចុះតម្លៃនេះ ប្រកាសឡើងស្របពេលដែល មានការអំពាវនាវដោយ សម្តេចតេជោ ហ៊ុន សែន ផ្ទាល់អោយក្រសួងពាក់ព័ន្ធរួមគ្នាជួយកាត់បន្ថយការចំណាយអោយបាន ៥០ % ដើម្បីជាវិធានការប្រយុទ្ធប្រឆាំងការរីកសាយវីរ៉ុសកូរូណាថ្មី ឬ Covid19 នេះ ដែលកំពុងមានផលប៉ះពាល់យ៉ាងច្រើន ទៅលើវិស័យសក្តានុពលមួយចំនួនធំនៅក្នុងកម្ពុជា ។ គួរបញ្ជាក់ដែរថា ថ្មីៗ នេះ […]
អានបន្ថែម
ក្រុមហ៊ុនចំនួន ២០ កំពុងដាក់ពាក្យដេញថ្លៃប្រមូលសំរាមនៅរាជធានីភ្នំពេញ
ក្រុមហ៊ុនចំនួន២០ កំពុងដាក់ពាក្យដេញថ្លៃប្រមូលសំរាមនៅរាជធានីភ្នំពេញ ខណៈដែលកាលបរិច្ឆេទនៃការទទួលពាក្យដាក់ដេញថ្លៃនឹងត្រូវបញ្ចប់នៅចុងខែមីនា ឆ្នាំ ២០២០ នេះ។ នេះបើយោងទៅតាមប្រសាសន៍របស់ លោក ហួត ហៃ អភិបាលរងរាជធានីភ្នំពេញ ទទួលបន្ទុកការងារសំរាម ក្នុងកិច្ចប្រជុំសាមញ្ញលើកទី១០ របស់ក្រុមប្រឹក្សារាជធានីភ្នំពេញ អាណត្តិទី៣ នាព្រឹកថ្ងៃទី១២ ខែមីនា ឆ្នាំ២០២០នេះ។ លោកបានមានប្រសាសន៍ថា៖ «មកដល់ពេលនេះ មានក្រុមហ៊ុនចំនួន ២០ ហើយបានមកយកពាក្យដេញថ្លៃប្រមូលសំរាមនៅរាជធានីភ្នំពេញ ដែលកាលបរិច្ឆេទនៃការទទួលពាក្យដាក់ដេញថ្លៃនឹងបញ្ចប់នៅថ្ងៃទី៣១ ខែមីនា ឆ្នាំ២០២០ខាងមុខនេះ។» លោកបន្តថា៖ «នៅពេលខាងមុខ យើងនឹងរៀបចំការប្រមូលសំរាមជា ៣ តំបន់ក្នុងខណ្ឌទាំង ១៤ ក្នុងរាជធានីភ្នំពេញ ដោយក្នុងមួយតំបន់មានក្រុមហ៊ុន ១ ជាអ្នកទទួលខុសត្រូវ។» ថ្មីៗនេះដែរ ក្រុមហ៊ុនជប៉ុនធំៗ ចំនួន ៣ បានសំដែងការចាប់អារម្មណ៍មករវិនិយោគលើប្រព័ន្ធគ្រប់គ្រងសំរាមនៅរាជធានីនៅភ្នំពេញ នេះបើយោងតាមប្រសាសន៍លោក មីកាមី ម៉ាសាហ៊ីរ៉ូ (Mikami Masahiro) ឯកអគ្គរាជទូតជប៉ុនប្រចាំកម្ពុជា។ (អានបន្ត) គួរបញ្ជាក់ផងដែរថា ក្រសួងរ៉ែ និងថាមពល កំពុងរៀបចំការអភិវឌ្ឍគម្រោងបំប្លែងសំណល់រឹងទីប្រជុំជន ទៅជាថាមពលអគ្គិសនី នៅទីលានចាក់សំរាមរបស់រាជធានីភ្នំពេញ ខណៈដែលកំណើនកាកសំណល់កំពុងកើនឡើងជាបន្តបន្ទាប់៕ […]
អានបន្ថែម
អាងហែលទឹកកីឡដ្ឋានស្រុកកោះធំ សម្រេចជាស្ថាពរ និងត្រៀមខ្លួនរួចរាល់សម្រាប់ស៊ីហ្គេម ២០២៣
អាងហែលទឹកនៅកីឡដ្ឋានស្រុកកោះធំ ខេត្តកណ្តាល បានសម្រេចចេញជារូបរាង ១០០ % ហើយនិងត្រៀមដាក់ជាទីតាំងនៃ ការប្រកួតកីឡាជាតិ លើកទី៣ ដែលនឹងប្រព្រឹត្តធ្វើ ចាប់ពីថ្ងៃទី៤ ដល់ថ្ងៃទី១៥ ខែឧសភា ឆ្នាំ២០២០ ខាងមុខនេះ។ ក្រៅពីអាចយកជាកីឡដ្ឋានសម្រាប់ការប្រើប្រាស់ធម្មតា អាងហែលទឹកដែលមានស្តង់ដារលំដាប់អន្តរជាតិមួយនេះ ក៏ត្រូវបានសាងសង់ឡើងសម្រាប់កីឡាករកីឡាការិនីរបស់កម្ពុជាហ្វឹកហាត់ ដើម្បីចូលរួមប្រកួតកីឡាស៊ីហ្គេម នៅឆ្នាំ ២០២៣ នេះផងដែរ។ សូមបញ្ជាក់ថា ការរៀបចំការប្រកួតកីឡាអាស៊ីអាគ្នេយ៍ (SEA Games) លើកទី ៣២ នៅឆ្នាំ២០២៣ នេះ នឹងរៀបចំនៅកម្ពុជា គឺនៅពហុកីឡាដ្ឋានជាតិមរតកតេជោយើងតែម្តង។ “ពីដើមកីឡដ្ឋានស្រុកកោះធំនេះ ជាដីលិចទឹក ប៉ុន្តែតាមរយៈកិច្ចខិតខំប្រឹងប្រែងរបស់រាជរដ្ឋាភិបាល ក្រោមការដឹកនាំរបស់គណបក្សប្រជាជនកម្ពុជា បានសាងសង់កន្លែងបាល់ទាត់ បាល់បោះ បាល់ទះ ជាពិសេសអាងហែលទឹកខ្នាតអន្តរជាតិ ដែលអាចហ្វឹកហាត់កីឡាករកីឡាការិនី ដើម្បីត្រៀមខ្លួនចូលរួមប្រកួតកីឡាស៊ីហ្គេមឆ្នាំ ២០២៣ ដែលកម្ពុជានឹងធ្វើជាម្ចាស់ផ្ទះ។” នេះបើតាមប្រសាសន៍ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំគណៈប្រតិភូចុះពិនិត្យវឌ្ឍនភាពនៃការសាងសង់អាងហែលទឹកនេះ កាលពី ថ្ងៃទី៨ ខែមីនា ឆ្នាំ២០២០។ គួរបញ្ជាក់ថា […]
អានបន្ថែម
បញ្ញាសិប្បនិម្មិត (AI) នឹងធ្វើឱ្យវិស័យអចលនទ្រព្យនៅកម្ពុជាកាន់តែរីកចម្រើន
បច្ចេកវិទ្យាបញ្ញាសិប្បនិម្មិត ដែលគេស្គាល់ជាទូទៅថា អេអាយ (AI) នឹងគ្រប់គ្រង និងជំរុញវិស័យអចលនទ្រព្យនៅកម្ពុជា ក្នុងពេលឆាប់ៗខាងមុខនេះ។ អនាគតវត្តមានអេអាយ (AI) នៅក្នុងវិស័យអចលនទ្រព្យកម្ពុជា កាន់តែប្រាកដច្បាស់ឡើងមែនទែន ក្រោយការចុះអនុស្សរណៈនៃការយោគយល់គ្នា រវាងក្រុមហ៊ុន Z1 Data Co., LTD (Cambodia) ដែលជាក្រុមហ៊ុនឯកទេសខាងប្រើប្រាស់បញ្ញាសិប្បនិម្មិត Artificial Intelligence (AI) ដើម្បីស្រាវជ្រាវ និងវិភាគទិន្នន័យក្នុងវិស័យអចលនទ្រព្យ និងក្រុមហ៊ុន The DevMasters ដែលមានមូលដ្ឋាននៅសហរដ្ឋអាមេរិក។ អនុស្សរណៈយោគយល់នេះ ត្រូវបានចុះហត្ថលេខាដោយលោក ហ៊ឹម សីហា ដៃគូ និងជានាយកក្រុមហ៊ុន Z1 Data Co., LTD (Cambodia) និងលោក Arshad Khan ដែលជានាយកប្រតិបត្តិនៃក្រុមហ៊ុន The DevMasters កាលពីថ្ងៃទី១១ ខែមីនា ឆ្នាំ២០២០។ ការចាប់ដៃគ្នារវាងក្រុមហ៊ុនបច្ចេកវិទ្យាដ៏ធំទាំងពីរនេះ ធ្វើឡើងក្នុងគោលបំណងដើម្បីសហការអភិវឌ្ឍប្រព័ន្ធផ្ទុកទិន្នន័យដ៏ធំមួយសម្រាប់ពាណិជ្ជកម្មក្នុងវិស័យអចលនទ្រព្យនៅកម្ពុជា។ លោក ហ៊ឹម សីហា បានលើកឡើងថា៖«បញ្ញាសិប្បនិម្មិត Artificial […]
អានបន្ថែម
មហាសេដ្ឋីអចលនទ្រព្យអ្នកឧកញ៉ា ពុង ឃាវសែ បោះទុន៥ពាន់លានដុល្លារទៅក្នុងវិស័យសំណង់
ក្នុងគោលបំណង ចូលរួមក្នុងការអភិវឌ្ឍន៍ប្រទេសកម្ពុជា មហាសេដ្ឋីអចលនទ្រព្យអ្នកឧកញ៉ា ពុង ឃាវសែ បានបោះទុនប្រមាណជា ៥ពាន់លានដុល្លារអាមរិកទៅក្នុងវិស័យសំណង់សម្រាប់គម្រោងជាច្រើនក្នុងរយៈពេលប៉ុន្មានមកឆ្នាំនេះ។ ថ្លែងប្រាប់ទស្សនាវដ្តីសំណង់ និងអចលនទ្រព្យក្នុងកិច្ចសម្ភាសន៍ផ្តាច់មុខមួយកាលពីពេលថ្មីៗនេះ អ្នកឧកញ៉ា ពុង ឃាវសែបានឲ្យដឹងថា បច្ចុប្បន្នអាជីវកម្មរបស់កាណាឌីយ៉ា គ្រុប បែងចែកជាពីរផ្នែក គឺវិស័យហិរញ្ញវត្ថុ និង វិស័យសំណង់និងអចលនទ្រព្យ និងអាកាសយានដ្ឋានអន្តរជាតិ និងទេសចរណ៍។ បើនិយាយពីវិស័យសំណង់តែមួយគត់ អ្នកឧកញ៉ា ពុង ឃាវសែ បញ្ជាក់ថា កន្លងមក កាណាឌីយ៉ាគ្រុបបានបោះទុនប្រហែល ៥ ពាន់លានដុល្លារអាមេរិក ក្នុងការអភិវឌ្ឍន៍នៅកម្ពុជា ដែលបានបង្កើតការងាររាប់ម៉ឺនកន្លែង និងចូលរួមយ៉ាងខ្លាំងក្នុងការអភិវឌ្ឍន៍កម្ពុជា។ បច្ចុប្បន្ននេះ កាណាឌីយ៉ាគ្រុប មានបុគ្គលិក និងកម្មករសរុបនៅក្នុងសម្ព័ន្ធសហគ្រាសរបស់ខ្លួនទៅដល់ជាង ៣០០០០នាក់។ ទោះបីអ្នកឧកញ៉ាមិនបានបញ្ជាក់ពីព័ត៌មានលំអិតនៃទុនខាងលើ កាណាឌីយ៉ាគ្រុប ត្រូវបានស្គាល់ថាជាក្រុមហ៊ុនដែលនៅពីក្រោយគម្រោងជាច្រើនដូចជា អគារខ្ពស់មុនដំបូងគេនៅកម្ពុជា អគារកាណាឌីយ៉ា ទីក្រុងកោះពេជ្រ ទីក្រុងអូឡាំព្យា ទីក្រុងរណបជ្រោយចង្វារ ផ្សារទំនើបសុវណ្ណា ផ្សារទំនើបសុរិយា និងគម្រោងល្បីៗរាប់មិនអស់ជាច្រើនទៀត។ ទុនវិនិយោគខាងលើនេះទៀតសោត មិនទាន់រាប់បញ្ចូលនូវគម្រោងដ៏ធំមួយដែលនឹងផ្លាស់ប្តូរមុខមាត់វិស័យសំណង់នៅកម្ពុជា ជាពិសេស គឺវិស័យអាកាសចរណ៍។ ក្រោមការគ្រប់គ្រងរបស់អ្នកឧកញ៉ា ពុង […]
អានបន្ថែម
ក្រសួងសាធារណការ៖ បញ្ហាកូវីដ19 មិនបានជះឥទ្ធិពលដល់គម្រោងអភិវឌ្ឍន៍ផ្លូវថ្នល់របស់កម្ពុជានោះទេ
បញ្ហាជំងឺជម្ងឺឆ្លងកូវីដ19 មិនបានជះឥទ្ធិពលដល់គម្រោងអភិវឌ្ឍន៍ផ្លូវថ្នល់នានារបស់កម្ពុជា ដែលជាហិរញ្ញប្បទានសម្បទានពីសាធារណរដ្ឋប្រជាមានិតចិនឡើយ។ នេះបើតាមកិច្ចសម្ភាសន៍ជាមួយនឹងអ្នកសារព័ត៌មានរបស់ឯកឧត្ដម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនក្នុងពិធីសម្ពោភោធផ្លូវជាតិលេខ ៥៥ និងការបើកការដ្ឋានសាងសង់ផ្លូវជាតិលេខ១០ កាលពីព្រឹកថ្ងៃទី ៩ ខែ មីិនា ឆ្នាំ២០២០ កន្លងមកនេះ។ ឯកឧត្ដមបានមានប្រសាសន៍ថា ៖ «បញ្ហាជំងឺម្ងឺ Covid 19 មិនមានជាឧបសគ្គក្នុងការអភិវឌ្ឍផ្លូវថ្នល់នៅកម្ពុជាឡើយ ព្រោះថា ក្រុមការងារនៃគម្រោងនីមួយៗ គឺនៅកម្ពុជាជាយូរមកហើយ មានបុគ្គលិកមួយចំនួនបានត្រឡប់ទៅស្រុកគាត់ពេលចូលឆ្នាំចិន តែពេលដែលមុនមកកម្ពុជាវិញ គេបានពិនិត្យរយៈពេល ១៤ថ្ងៃដែរ ប៉ុន្តែគាត់អាចចេញមកវិញបាន។ ហើយសព្វថ្ងៃនេះ មន្ត្រីជំនាញគាត់ប៉ុន្មានគឺមាននៅកម្ពុជាទាំងអស់។ ដូច្នេះហើយ មិនមានការយឺតយ៉ាវក្នុងការសាងសង់គម្រោងណាមួយឡើយ។» ឯកឧត្តមបានបន្តទៀតថា៖ «ហិរញ្ញប្បទានសម្បទានពីចិនសម្រាប់ផ្លូវជាតិលេខ១០ និងគម្រោងស្ពាននៅក្រចេះ យើងនៅតែបន្តធ្វើ ហើយយើងបានដាក់(គម្រោងនេះ)ក្នុងគម្រោង៥ឆ្នាំហើយ ដើម្បីឲ្យក្រសួងហិរញ្ញវត្ថុស្នើសុំទៅសម្ដេចនាយករដ្ឋមន្ត្រីហ៊ុន សែន គឺថាមិនមានភាពយឺតយ៉ាវអ្វីទេ។» គួរបញ្ជាក់ផងដែរថា គម្រោងអភិវឌ្ឍន៍ផ្លូវប្រមាណ ៣០០០ គីឡូម៉ែត្រ ត្រូវបានសាងសង់ក្រោមហិររិញ្ញបទានពីសាធារណរដ្ឋប្រជាមានិតចិន។ ក្នុងនោះ ដែលថ្មីៗនេះ រដ្ឋាភិបាលទើបបានដាក់ដាក់សម្ពោធឱ្យប្រើប្រាស់ជាផ្លូវការនូវផ្លូវជាតិលេខ៥៥ ប្រវែងសរុប ១៨០ គីឡូម៉ែត្រ និងបើកការដ្ឋានសាង់សង់ផ្លូវជាតិលេខ ១០ […]
អានបន្ថែម
ក្រសួងថាមពលកំពុងសិក្សាគម្រោងបំប្លែងសំណល់រឹងទៅជាថាមពលអគ្គិសនី
ក្រសួងរ៉ែ និងថាមពល កំពុងរៀបចំការអភិវឌ្ឍគម្រោងបំប្លែងសំណល់រឹងទីប្រជុំជន ទៅជាថាមពលអគ្គិសនី នៅទីលានចាក់សំរាមរបស់រាជធានីភ្នំពេញ។ គម្រោងអភិវឌ្ឍន៍បំប្លែងសំណល់រឹងទៅជាថាមពលអគ្គិសនី ត្រូវបានយកមកពិភាក្សា នៅក្នុងកិច្ចប្រជុំមួយ កាលពីសប្តាហ៍មុន ដឹកនាំដោយ ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល ដោយមានតំណាងមកពីធនាគារអភិវឌ្ឍន៍អាស៊ី។ តាមរយៈកិច្ចប្រជុំខាងលើនេះ ក្រសួងអនុញ្ញាតឱ្យមានការសិក្សាបឋម ដើម្បីជ្រើសរើសយកជម្រើសណាមួយសមស្រប និងការកំណត់សមាសភាពសំរាមនៅទីលានចាក់សំរាម ដោយយកខណ្ឌដង្កោជាទីតាំងគោល។ គម្រោងអភិវឌ្ឍន៍បំប្លែងសំណល់រឹងទៅជាថាមពលអគ្គិសនីនេះ ធ្វើឡើងដោយមានការផ្តល់ប្រឹក្សាបច្ចេកទេស ពីធនាគារអេឌីប៊ី ( ADB ) និងក្រុមហ៊ុនអាយអេអែស ( Infrastructure of Asia Singapore)។ គម្រោងបំប្លែងសំណល់រឹងទៅជាថាមពលធ្វើឡើង ស្របពេលដែលរដ្ឋាភិបាល បានកំពុងរៀបចំគោលនយោបាយជាតិស្តីពីការគ្រប់គ្រង និងកែច្នៃកាក់សំណល់ ខណៈពេលដែលកំណើនកាក់សំណល់កំពុងកើនឡើងជាបន្តបន្ទាប់។ យោងតាមរបាយការណ៍ពីក្រសួងបរិស្ថាន រាជធានីភ្នំពេញ មានកាកសំណល់ប្រមាណ ២.៨០០ តោន ក្នុងមួយថ្ងៃ។ លោក វ៉ិចទ័រ ហ្សូណា អគ្គនាយកនៃអគ្គនាយកដ្ឋានថាមពល ក្រសួងរ៉ែ និងថាមពល បានឲ្យដឹងថា គម្រោងបំប្លែងសំរាមទៅជាថាមពល ផ្តល់ផលប្រយោជន៍ច្រើនណាស់ដោយសារវាជួយដោះស្រាយបញ្ហាគ្រប់គ្រងសំរាមផង និងជួយបង្កើតប្រភពថាមពលអគ្គិសនីថែមទៀតផង។ លោកបញ្ជាក់ថា […]
អានបន្ថែម
មន្ទីរពេទ្យខ្នាតធំ មិត្តភាព កម្ពុជា-ចិន ត្បូងឃ្មុំ សម្រេចបានប្រមាណ ៥០% ហើយ
មន្ទីរពេទ្យខ្នាតធំ មិត្តភាព កម្ពុជា-ចិន ត្បូងឃ្មុំ ដែលគ្រោងចំណាយថវិកាអស់៥០លានដុល្លារអាមេរិក កំពុងដំណើរការសាងសង់សម្រេចបានប្រមាណ ៥០% ហើយ។ នេះបើយោងតាមមតិស្វាគមន៍ និងរបាយការណ៍បូកសរុបលទ្ធផលអង្គសន្និបាតរបស់ឯកឧត្ដម បណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ដត្បូងឃ្មុំកាលពីថ្ងៃទី០៣ ខែមីនា ឆ្នាំ២០២០។ បើតាមរបាយការណ៍បូកសរុបដដែលនេះ ឯកឧត្ដមអភិបាល បានជម្រាបឱ្យដឹងថា មន្ទីរពេទ្យខ្នាតធំ មិត្តភាព កម្ពុជា-ចិន ត្បូងឃ្មុំនេះ គ្រោងនឹងបញ្ចប់ការសាងសង់រួចរាល់នៅខែកញ្ញា ឆ្នាំ២០២១។ គួររម្លឹកផងដែរថា មន្ទីរពេទ្យនេះ បានបើកការដ្ឋានសាងសង់ក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីព្រឹកថ្ងៃទី ០១ ខែមីនា ឆ្នាំ២០១៩ កន្លងទៅនេះ។ មន្ទីរពេទ្យមិត្តភាពកម្ពុជា-ចិន ត្បូងឃ្មុំនេះ គឺសាងសង់លើផ្ទៃដី ២៤,៣០០ម៉ែត្រការ៉េ ដែលនឹងមានទំហំផ្ទៃក្រឡាសរុប ៥៥,៨១៥ម៉ែត្រការ៉េ។ មន្ទីរពេទ្យដ៏ធំនេះមានទីធ្លាធំទូលាយ និងបំពាក់ទៅដោយគ្រឿងបរិក្ខារពេទ្យទំនើបៗទៀតផងដែរ៕ (អានបន្ថែម)
អានបន្ថែម
សម្ដេចតេជោ៖ ស្នើក្រុមហ៊ុនអចលនទ្រព្យ ជួយពន្យារពេលបង់ថ្លៃទិញផ្ទះដល់កម្មករ
ជំងឺរលាកផ្លូវដង្ហើមដោយសារមេរោគកូរ៉ូណា ( Covid-19 ) បានបង្កជាបញ្ហា និងផលអវិជ្ជមានជាច្រើនដល់វិស័យសេដ្ឋកិច្ច និងអចលនទ្រព្យ ។ ឆ្លើយតបចំពោះបញ្ហានេះដែរ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានស្នើដល់ ក្រុមហ៊ុនអចលនទ្រព្យ ខាងលំនៅឋាន ជួយអនុគ្រោះ ដល់កម្មករ ដោយបន្ធូរបន្ថយលក្ខខណ្ឌ និងពន្យារពេលក្នុងការបង់ប្រាក់ ទៅតាមលទ្ធភាពដែលអាចធ្វើទៅបាន ។ សម្តេចបានស្នើដូចនេះ នៅក្នុងពិធីសម្ពោធបើកឱ្យប្រើប្រាស់ផ្លូវជាតិលេខ ៥៥ និងបើកការដ្ឋានសាងសង់ផ្លូវជាតិលេខ១០ ជាផ្លូវការ កាលពីព្រឹកថ្ងៃទី៩ ខែមីនា ឆ្នាំ២០២០ សម្តេច ដោយផ្តោតសំខាន់លើអតិថិជន ដែលកំពុងប្រឈមនឹងការព្យួរការងារ ដោយសារផលប៉ះពាល់ពីឥទ្ធិពលមេរោគកូរ៉ូណា ជាពិសេសស កម្មករ-កម្មការិនី និងអ្នកបម្រើការងារនៅតាមផ្ទះសំណាក់ និងសណ្ឋាគារ។ សម្ដេចតេជោ ហ៊ុន សែន មានប្រសាសន៍ថា “សុំឱ្យម្ចាស់បុរី ឬម្ចាស់ផ្ទះ ដែលលក់ផ្ទះបង់រំលោះឱ្យកម្មករ និងអ្នកដែលមានការងារធ្វើនៅតាមសណ្ឋាគារនានា ឬតាមរោងចក្រនានាដែលត្រូវព្យួរការងារនេះ ពន្យារការបង់ កុំផ្ដាច់កុងត្រាក្នុងរយៈពេលហ្នឹង ព្រោះបើតាមដឹង កុងត្រាសម្រាប់បង់រំលោះនេះ កាលណា ពេលណាមួយមិនបានបង់ឱ្យគេក្នុងរយៈពេលប៉ុន្មាន គឺគេផ្ដាច់កុងត្រាតែម្ដង ហើយដេញយើងចុះពីផ្ទះ។ […]
អានបន្ថែម
ផ្លូវជាតិលេខ១០ ពីបាត់ដំបង ទៅកោះកុងតម្លៃជាង ១៨៨លានដុល្លារបានបើកការដ្ឋានសាងសង់ហើយ
ផ្លូវជាតិលេខ១០ ពីសំឡូត ខេត្តបាត់ដំបង ទៅកោះកុង ត្រូវបានប្រកាសបើកការដ្ឋានសាងសង់ក្នុងពិធីសម្ពោធបើកឲ្យប្រើប្រាស់ជាផ្លូវការផ្លូវជាតិលេខ៥៥ កាលពីព្រឹក ថ្ងៃទី០៩ ខែមីនា ឆ្នាំ២០២០នេះ ក្រោមអធិបតីភាពដ៏ខ្ពង់ខ្ពស់ពីសំណាក់សម្តេចនាយករដ្ឋមន្រ្តី ហ៊ុន សែន និង ឯកអគ្គរដ្ឋទូតចិន ឯកឧត្ដម Wang Wentian។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូនបានឲ្យដឹងថា ផ្លូវជាតិលេខ១០នេះ តភ្ជាប់ពីសំឡូត ខេត្តបាត់ដំបង់ ឆ្លងវាលវែង អូរសោម ខេត្តពោធិ៍សាត់ រហូតដល់ខេត្តកោះកុង មានប្រវែងសរុបជាង ១៩៨ គីឡូម៉ែត្រ ដែលនឹងត្រូវចំណាយថវិកាសរុបប្រមាណជាង ១៨៨លានដុល្លារអាមេរិក ជាហិរញ្ញប្បទានពីរដ្ឋាភិបាលចិន។ ឯកឧត្តម បានបន្តថា ផ្លូវនេះ នឹងត្រូវសាងសង់ស្របទៅតាមស្តង់ដារ ផ្លូវថ្នល់កម្រិត៣ នៃបទដ្ឋានបច្ចេកទេសរបស់សាធារណរដ្ឋប្រជាមានិតចិន មានទទឹងតួផ្លូវសរុប ៩ ម៉ែត្រ ក្រាលកៅស៊ូពីរស្រទាប់ (DBST) ទទឹង ៨ម៉ែត្រ ដែលនឹងត្រូវប្រើរយៈពេលសាងសង់ ៤៨ ខែ គិតចាប់ខែធ្នូ ឆ្នាំ២០១៩ ដល់ខែធ្នូ ឆ្នាំ២០២៣។ […]
អានបន្ថែម