បណ្ឌិត គីម ហ៊ាង៖ អ្វីដែលខ្ញុំបារម្ភជាងគេ គឺបរទេសមិនមកហើយ ខ្មែរមិនធ្វើទៀត ហ្នឹងគឺជារឿងមួយធំហ្មង!
ខុសប្លែកពីអ្នករកស៊ីមួយចំនួនដែលផ្អាកសកម្មភាពគម្រោងរបស់ខ្លួន ព្រោះតែខ្លាចខាតដោយសារផលប៉ះពាល់ពីមេរោគកូវីដ១៩ ដែលកំពុងបន្តគម្រាមកំហែងសុខភាពពិភពលោក និងមិនដឹងថាពេលណាទើបបានស្រាយស្បើយទៅវិញនេះ លោកបណ្ឌិត គីម ហ៊ាង អ្នកជំនាញ និងជាវិនិយោគិនអចលនទ្រព្យឆ្នើមមួយរូបនៅកម្ពុជា បែរជាបន្តអភិវឌ្ឍគម្រោងអចលនទ្រព្យរបស់ក្រុមហ៊ុនលោកទៅវិញ។ ឆ្លើយនឹងសំណួរអ្នកសារៈព័ត៌មានដែលបានចោទសួរថា ក្នុងស្ថានភាពផ្ទុះកូវីដ១៩ នេះ តែហេតុដូចម្តេចបានជាលោកបែរជាបន្តអភិវឌ្ឍគម្រោងបុរីរបស់ខ្លួនទៅវិញ លោកបានឆ្លើយច្បាស់ៗថា “…ពេលនេះជាពេលដែលអ្នកស្រុក ត្រូវសាងសង់ដើម្បីបង្កើតការងារដល់ប្រជាពលរដ្ឋ ដើម្បីចំណូលពន្ធដារជួយដល់រដ្ឋដល់រដ្ឋាភិបាល។” “បើយើងអាងថា មិនសាងសង់ក៏យើងមានលុយ។ អ្វីដែលខ្ញុំបារម្ភជាងគេ គឺបរទេសមិនមកហើយ ខ្មែរមិនធ្វើទៀត អាហ្នឹងគឺជារឿងមួយធំហ្មង។ បរទេសមិនម៉ោ យើងត្រូវប៉ះពាល់ហើយ ប៉ុន្តែខ្មែរអ្នកមានត្រូវបង្កើនការសាងសង់។ យើងទទួលស្គាល់ថា សាងសង់អាឡូវហ្នឹង គឺវាមិនងាយលក់ដូចពីមុន ព្រោះមនុស្សមិនហ៊ានបញ្ចេញលុយ។ ប៉ុន្តែប្រសិនបើយើងមានគំនិតគិតចឹងដូចគ្នា អាហ្នឹងយើងជាប់គាំងហើយ។” លោកបានលើកឡើងដូចនេះ ក្នុងបទសម្ភាសន៍ជូនអ្នកកាសែតក្នុងស្រុកមួយ ជុំវិញប្រធានបទ «វិស័យដីធ្លីកម្ពុជាក្រោយផ្ទុះជំងឺ Covid-19 និងការលើកលែងពន្ធប្រថាប់ត្រា» កាលពីថ្ងៃទី ០៩ ខែ មីនា ឆ្នាំ ២០២០ នេះ។ គួររម្លឹកថា កូវីដ១៩ ទើបតែវាយលុកបានប្រហែលពីរខែ តែសេដ្ឋកិច្ចពិភពលោកត្រូវបានគេសង្កេតឃើញថាចុះដាបខ្លាំង ដែលរហូតមកចុងខែមេសានេះ មានប្រទេសជាង ៨០ ហើយដែលបានស្នើជំនួយហិរញ្ញវត្ថុពីអាយអឹមអែហ្វ (IMF)។ ដែលធ្ងន់ជាងនេះថែមទៀតនោះ […]
អានបន្ថែម
ស្ពានអាកាសក្បាលថ្នល់ថ្មីមួយទៀត បានដាក់ឱ្យដំណើរការជាផ្លូវការហើយ
ស្ពានអាកាសក្បាលថ្នល់ពីមហាវិថីព្រះមុនីវង្ស បត់ឆ្វេងឆ្ពោះទៅមហាវិថីព្រះនរោត្តម បានដាក់ឱ្យដំណើរការជាផ្លូវការហើយ ចាប់ពីថ្ងៃទី ០១ ខែឧសភា ឆ្នាំ២០២០ នេះតទៅ ដើម្បីដោះស្រាយបញ្ហាកកស្ទះចរាចរណ៍នៅម្តុំក្បាលថ្នល់នេះ។ យោងតាមគេហទំព័រផ្លូវការរបស់ក្រសួងព័ត៌មាន កាលពីថ្ងៃទី៣០ ខែឧសភា ២០២០ លោកម៉េត មាស ភក្តី អ្នកនាំពាក្យរដ្ឋបាលរាជធានីភ្នំពេញ បានបញ្ជាក់ថា ស្ពានអាកាសបត់ឆ្វេងមួយខ្សែថ្មីនេះ ស្ថិតនៅជាប់នឹងស្ពាន អាកាសក្បាលថ្នល់ចាស់ ដែលតភ្ជាប់ពី មហាវិថីព្រះមុនីវង្ស បត់មកមហាវិថីព្រះនរោត្តម បានស្ថាបនារួចរាល់ នឹងបើកឲ្យដំណើរការចាប់ពីម៉ោង ៨ព្រឹក ថ្ងៃទី០១ ខែឧសភា ឆ្នាំ២០២០ នេះតទៅ។ លោកបន្ថែមទៀតថា បច្ចុប្បន្ននេះរាជធានីភ្នំពេញមានកំណើនយានយន្តរបស់ប្រជាពលរដ្ឋ កើនឡើងយ៉ាងខ្លាំង ធ្វើឲ្យផ្លូវមួយចំនួនក្នុងរាជធានីភ្នំពេញមានការកកស្ទះចរាចរណ៍ ពិសេសនៅត្រង់ចំណុចក្បាលថ្នល់នេះតែម្ដង។ ចំពោះគម្រោងនេះ ស្ថាបនាដោយក្រុមហ៊ុន OCIC របស់អ្នកឧកញ៉ា ពុង ឃាវសែ។ ស្ពាននេះ លាតសន្ធឹងចាប់ពីចំណុចស្ពានអាកាសក្បាលថ្នល់ពី មហាវិថីព្រះមុនីវង្ស ទៅមហាវិថីព្រះនរោត្តមមានប្រវែង ៧៧ ម៉ែត្រ ពីផ្លូវដីដល់គល់ស្ពានក្បាលថ្នល់ និងពីគល់ស្ពានដល់ស្ពានអាកាសចាស់ មានប្រវែង១២៣ ម៉ែត្រ ដែលមានទទឹង៧ម៉ែត្រកន្លះ ពីមហាវិថីព្រះមុនីវង្ស បត់ឆ្វេងឡើងស្ពានឆ្ពោះទៅមហាវិថីព្រះនរោត្តម។ […]
អានបន្ថែម
CBRE៖ អត្រាជួល/លក់ការិយាល័យ ចាប់ផ្តើមធ្លាក់ចុះជាបន្តបន្ទាប់ចាប់ពីខែនេះទៅ
អត្រាការិយាល័យលក់/ជួលរួច (occupancy rate) ចាប់ផ្តើមធ្លាក់ចុះចាប់ពីខែនេះទៅ បន្ទាប់ពីនៅថេរ ក្នុងត្រីមាសដំបូង។ ចំណែកអត្រាជួលថ្មី (Rent Rate) ក៏នឹងចាប់ផ្តើមថយខ្លាំងរហូតជិតដល់ចុងឆ្នាំ ក្រោយពីទើបតែបានងើបឡើងតែបន្តិចប៉ុណ្ណោះ កាលពីមុនផ្ទុះកូវីដ១៩ មួយខែ។ អត្រាជួលធ្លាក់ចុះខ្លាំងនេះ មាននិន្នាការបញ្ច្រាសពីអត្រាផ្គត់ផ្គង់ការិយាល័យថ្មី ដែលមានស្ថានភាពថេរ កាលពីដើមឆ្នាំ ហើយនឹងកើនចំនួនច្រើនខ្លាំង រហូតឆ្នាំក្រោយតែម្តង។ កំណើនការផ្គត់ផ្គង់ច្រើននេះ នឹងធ្វើឱ្យអត្រាកាន់កាប់ការិយាល័យនៅសល់កន្លែងទំនេរច្រើន ជាលទ្ធផលនឹងនាំឱ្យមានសម្ពាធខ្លាំងទៅលើតម្លៃទីផ្សារជួល និងលក់ការិយាល័យពាណិជ្ជកម្ម ពោលគឺនឹងបង្ខំឱ្យម្ចាស់អគារ បង្ខំចិត្តបន្ថយថ្លៃជួល។ នេះ បើយោងតាមរបាយការណ៍របស់ CBRE ដែលបានព្យាករទីផ្សារអចលនទ្រព្យកាលពីពេលថ្មីៗនេះ។ សម្រាប់ស្ថានភាព ការិយាល័យលក់/ជួលរួច របាយការណ៍នេះ បានឱ្យដឹងថា ការរីករាលដាលនៃជំងឺកូវីដ ១៩ បានធ្វើឱ្យចំនួនអ្នកកាន់កាន់ (កំពុងជួល ឬទិញ) ការិយាល័យ មានការធ្លាក់ចុះបន្តិច ហើយនៅទ្រឹងត្រឹមត្រីមាសទី១។ ពោលគឺប្រមាណតែតិចជាង ១% បើប្រៀបធៀបនឹងត្រីមាសដូចគ្នាពីឆ្នាំមុន។ ទោះយ៉ាងណាក្ដី អត្រានេះ ត្រូវបានគេព្យាករថា នឹងមានការធ្លាក់ចុះជាបន្តបន្ទាប់ ក្នុងអត្រាមួយយ៉ាងលឿននៃឆ្នាំ ២០២០ ដោយសារការពន្យារគម្រោងមួយចំនួន និងដោយសារការធ្លាក់ចុះទំនុកចិត្តវិនិយោគដោយសារស្ថានភាពប៉ះពាល់ពីមេរោគ។ និយាយពីអត្រាជួលថ្មី (Rental rate) […]
អានបន្ថែម
ក្រសួងសាធារណការ បើកវគ្គបណ្ដុះបណ្ដាលបច្ចេកទេសគ្រប់គ្រង់គម្រោងសំណង់ផ្លូវថ្នល់ដល់មន្ត្រីវិស្វករវ័យក្មេង
ក្រសួងសាធារណការ និងដឹកជញ្ជូន បើកវគ្គបណ្ដុះបណ្ដាលបច្ចេកទេសគ្រប់គ្រង់គម្រោងសំណង់ផ្លូវថ្នល់ ដល់មន្ត្រីវិស្វករវ័យក្មេងចំនួន១០រូប ដោយយកគម្រោងកែលម្អគុណភាពផ្លូវជាតិលេខ២ និងផ្លូវជាតិលេខ ២២ មកអនុវត្តផ្ទាល់តែម្តង ដើម្បីបង្កើនការយល់ដឹងចំណេះដឹងថ្មីៗ ពាក់ព័ន្ធនឹងការចុះសម្របសម្រួល និងពិនិត្យលក្ខណៈបច្ចេកទេស។ នេះបើយើងតាមទំព័រហ្វេកប៊ុកផ្លូវការរបស់ក្រសួងសាធារណៈការ និងដឹកជញ្ជូន កាលពីថ្ងៃទី២៩ ខែមេសា ឆ្នាំ២០២០។ ឯកឧត្ដម តូច ចាន់កុសល រដ្ឋលេខាធិការប្រចាំការ នៃក្រសួងសាធារណការ និងដឹកជញ្ជូន បានមានប្រសាសន៍ ថា វគ្គបណ្ដុះបណ្ដាលបច្ចេកទេសសម្រាប់គម្រោងកែលម្អគុណភាពផ្លូវជាតិលេខ២ និងផ្លូវជាតិលេខ២២ ដល់មន្ត្រីវិស្វករវ័យក្មេង រៀបចំឡើងក្នុងគោលបំណងបំពាក់បំប៉នចំណេះដឹងថ្មីៗបន្ថែមទៀត ដល់មន្ត្រីទាំងនោះ តាមរយៈការផ្តល់បទបង្ហាញពីវាគ្មិនអន្តរជាតិដែលមានបទពិសោធន៍យូរឆ្នាំ។ វគ្គបណ្តុះបណ្តាលនេះ មានរៀបចំជាវេទិកាសួរដេញដោល និងដោះស្រាយរាល់បញ្ហាដែលជួបប្រទះ និងដោះស្រាយជាក់ស្ដែង នៅការដ្ឋាន សំដៅធានាបាននូវទំនុកចិត្តខ្ពស់នៅពេលចុះអនុវត្តប្រតិបត្តិការងារប្រចាំថ្ងៃ។ ឯកឧត្ដមបន្តថា៖ “គម្រោងមួយមានដំណើរការល្អ ឬមិនល្អ មិនមែនអាស្រ័យលើក្រុមហ៊ុនម៉ៅ ការតែម្យ៉ាងតែប៉ុណ្ណោះទេ។ ប៉ុន្តែវាអាស្រ័យលើម្ចាស់គម្រោង (អង្គភាពគ្រប់គ្រង និងអង្គភាពអនុវត្តគម្រោង) និងក្រុមហ៊ុនប្រឹក្សាបច្ចេកទេស ដែលជាកត្តាដ៏សំខាន់ក្នុងការសម្របសម្រួល និងសហការជាមួយក្រុមហ៊ុន ម៉ៅការយ៉ាងជិតស្និទ្ធ ដើម្បីឱ្យគម្រោងមានដំណើររលូន និងមានគុណភាពខ្ពស់ទៀតផង។” ឯកឧត្ដម បានផ្ដាំផ្ញើឱ្យសិក្ខាកាមទាំងអស់ ត្រូវយកចិត្តទុកដាក់ត្រងត្រាប់ស្ដាប់ការពន្យល់ពីអ្នកជំនាញ ព្រមទាំងលើកទឹកចិត្តឱ្យចូលរួមជាមតិយោបល់ សួរដេញដោលឱ្យបានផុលផុស […]
អានបន្ថែម
គម្រោងកែលម្អផ្លូវជាតិលេខ៥ ភាគខាងជើង សម្រេចបាន ៨០ ភាគរយហើយ
គម្រោងធ្វើឱ្យប្រសើរឡើងនៃផ្លូវជាតិលេខ៥ ឬផ្លូវអាស៊ានហាយវេលេខ១ កំណត់ផ្លូវភាគខាងជើង (បាត់ដំបង-សិរីសោភ័ណ ) សម្រេចបាន ៨០.០២% ហើយ។ ដោយឡែកកំណាត់ផ្លូវភាគកណ្ដាលភ្ជាប់ធ្លាម្អមដល់បាត់ដំបង សម្រេចបាន ១៤.៩០% និងភាគខាងត្បូងចាប់ពីព្រែកក្តាម ដល់ធ្លាម្អម សម្រេចបាន ២៣.៩០% គិតត្រឹមថ្ងៃទី ២៤ ខែមេសា ឆ្នាំ ២០២០ នេះ។ នេះបើតាមការបញ្ជាក់ជាផ្លូវការរបស់ផេកហ្វេកប៊ុកផ្លូវការរបស់ក្រសួងសាធារណៈការ និងដឹកជញ្ជូន កាលពីថ្ងៃទី២៩ ខែមេសា ឆ្នាំ២០២០។ គម្រោងធ្វើឱ្យប្រសើរឡើងផ្លូវជាតិលេខ៥ នេះ មានប្រវែងសរុបចំនួន ៣៦៦ គីឡូម៉ែត្រ ដែលភ្ជាប់រាជធានីភ្នំពេញទៅតំបន់ជាយដែនប៉ែកខាងលិចប្រទេស លាតសន្ធឹងកាត់ខេត្តកំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ ដែលត្រូវចំណាយទឹកប្រាក់ប្រមាណ ៥00 លានដុល្លារអាមេរិក ក្រោមកម្ចីឥណទានពីរដ្ឋាភិបាលជប៉ុន។ គម្រោងស្ថាបនានេះ ត្រូវបានបែងចែក ជាបីផ្នែក ធំៗរួមមាន៖ ផ្នែកខាងជើង ផ្នែកកណ្តាល និងផ្នែកខាងត្បូង ដោយពង្រីកកំណាត់ផ្លូវជាតិមានស្រាប់នេះ ចាប់ពី ២ គន្លងទៅ ៤ គន្លង មានទទឹង ២៣ […]
អានបន្ថែម
CBRE៖ តម្លៃជួលតូប ធ្លាក់ចុះយ៉ាងគំហុក ខណៈការផ្គត់ផ្គង់កើនឡើងខ្ពស់ ក្នុងដើមឆ្នាំ២០២០
ទីភ្នាក់ងារអចលនទ្រព្យ CBRE បានព្យាករថា តម្លៃទីផ្សារ Retail ឬតូបជួលប្រកបអាជីវកម្មក្នុងផ្សារទំនើប មានការធ្លាក់ចុះយ៉ាងគំហុក ស្របពេលដែលការផ្គត់ផ្គង់ទីផ្សារកើនឡើងខ្លាំង ក្នុងកំឡុងដើម ឆ្នាំ២០២០ ដោយសារបញ្ហាជំងឺឆ្លងកូវីដ ១៩។ របាយការណ៍ព្យាករណ៍ទីផ្សាររបស់ទីភ្នាក់ងារអចលនទ្រព្យ CBRE បានបង្ហាញថា ក្នុងកំឡុងពាក់កណ្តាលខែកុម្ភៈ តម្លៃទីផ្សារ Retail ឬតូបជួលប្រកបអាជីវកម្មក្នុងផ្សារទំនើបមានការធ្លាក់ចុះ ប្រមាណ ៩,២% សម្រាប់ថ្លៃជួលតាមផ្សារសហគមន៍ និង ១០,៥% សម្រាប់ថ្លៃជួលប្រភេទតូបជួលផឌៀម (Retail Podium) តាមផ្សារទំនើបធំៗ។ ការធ្លាក់ចុះនេះបណ្ដាលមកពីការរីករាលដាលនៃជំងឺកូវីដ ១៩ ដែលធ្វើឲ្យចំនួនអ្នកដើរផ្សារ និងសកម្មភាពនៃការលក់រាយមានការធ្លាក់ចុះ ដែលបង្អាក់ការពង្រីកគម្រោងសាងសង់តូបជួលក្នុងផ្សារទំនើបផ្សេងៗ។ ទោះយ៉ាងណាក៏ដោយ ទីផ្សារនេះនឹងងើបឡើងវិញ ក្នុងកំឡុងត្រីមាសទី ២ និងទី ៣ ក្នុងឆ្នាំ ២០២០ នេះ បន្ទាប់ពីអតិថិជន និងអ្នកជួលតូបចាប់មានទំនុកចិត្តវិនិយោគឡើងវិញ ក្រោយស្ថានភាពបានធូរស្រាល។ ទន្ទឹមនឹងតម្លៃតូបជួលធ្លាក់ចុះ តែការផ្គត់ផ្គង់តូបមានការកើនឡើងខ្លាំង។ មូលហេតុធំមួយនោះគឺ ដោយសារក្នុងអំឡុងត្រីមាសទី ១ នេះ មានគម្រោងផ្សារទំនើបពីរ គឺផ្សារ Samai Square […]
អានបន្ថែម
អ្នកជំនាញចិន៖ វិស័យសេវាកម្មប៉ះពាល់ខ្លាំង ក្រោយរកឃើញមនុស្ស៩ នាក់ឆ្លងកូវីដ១៩ ដោយសារ ម៉ាស៊ីនត្រជាក់
អ្នកស្រាវជា្រវចិន បានឱ្យដឹងថាកូវីដ១៩ ប៉ះពាល់យ៉ាងខ្លាំងដល់ឧស្សាហកម្មសេវាកម្ម ក្រោយពីមានមនុស្សបីគ្រួសារ បានឆ្លងកូវីដ១៩ ពីអ្នកជំងឺម្នាក់ ដែលពួកគេបានអង្គុយញ៉ាំអាហារជិតគ្នានៅក្នុងភោជនីយដ្ឋានបិទជិតមួយកន្លែង នៅខេត្តក្វាងចូវ ប្រទេសចិន។ ការឆ្លងនេះ បណ្តាលមកពីសំណើមខ្យល់នៃម៉ាស៊ីនត្រជាក់នៅក្នុងភោជនីយដ្ឋាននោះផ្ទាល់តែម្តង ដែលជាអ្នកចម្លងវីរុសកូវីដពីអ្នកមានជំងឺ ទៅកាន់មនុស្ស៩នាក់ទៀត ។ នេះបើតាមការស្រាវជ្រាវរបស់មជ្ឍមណ្ឌលការពារ និងគ្រប់គ្រងជំងឺឆ្លងរបស់ខេត្តក្វាងចូវ ចុះផ្សាយកាលពីខែមីនាកន្លែងទៅនេះ។ អ្នកស្រាវជ្រាវចិនបានធ្វើការពន្យល់ថា ការចម្លងនេះកើតចេញពីស្រ្តីអាយុ៦៣ ឆ្នាំម្នាក់ ដែលបានទទួលលទ្ធផលតេស្តវិជ្ជមាននៅមន្ទីរពេទ្យមួយក្រោយពីបរិភោគអាហារនៅទីនោះរួច។ ពីរសប្តាហ៍ក្រោយ មនុស្ស៩នាក់ទៀត ដែលមិនធ្លាប់មានប្រវត្តិប៉ះពាល់កន្លែងអ្នកជំងឺកូវីដ១៩ ពីមុនៗសោះ លើកលែងតែកន្លែងភោជនីយដ្ឋានមួយនោះចេញ ត្រូវបានរកឃើញថាមានផ្ទុកមេរោគនេះដែរ។ កាលពីថ្ងៃឆ្លងនោះ ស្ត្រីវ័យចំណាស់នោះ គាត់បានទៅភោជនីយដ្ឋាននោះជាមួយសាច់ញាតិគាត់ ទាំងដែលគាត់គ្មានអាការៈរោគណាមួយដូចជាក្អក ឬក្តៅខ្លួនគួរឱ្យកត់សម្គាល់នោះទេ។ ពេលនោះគាត់បាន ចម្លងទៅសមាជិកគ្រួសាររបស់គាត់០៤នាក់ទៀត និងមនុស្ស៥នាក់ទៀត ដែលអង្គុយជុំគ្នានឹងពីរគ្រួសារទៀត នៅក្បែរនោះ។ គេដឹងគ្រប់គ្នាហើយថា វីរុសចម្លងកូរ៉ូណា ឆ្លងពីមនុស្សម្នាក់ទៅមនុស្សម្នាក់ទៀត ដោយតំណក់តូចៗចេញពីសំណើមទឹកមាត់ ហើយមិនអាចអណ្តែតសាយភាយក្នុងបរិយាកាសឆ្ងាយជាងមួយម៉ែត្រនោះទេ។ ចំពោះករណីខាងលើ ក្រុមគ្រួសារទាំងបី គឺអង្គុយឆ្ងាយដាច់ពីគ្នាជាងមួយម៉ែត្រ ដែលការណ៍នេះ អ្នកស្រាវជ្រាវចិនបាន សន្និដ្ឋានថា ការចម្លងនេះបណ្តាលមកពីម៉ាស៊ីនត្រជាក់ក្នុងភោជនីយដ្ឋាននោះតែម្តង ដែលបានបក់ឱ្យតំណក់ទឹកមាត់តូចៗនោះអណ្តែតទៅក្នុងបរិយាកាសបានកាន់តែឆ្ងាយជាងចម្ងាយមួយម៉ែត្រនោះ។ សូមបញ្ជាក់ថា នេះជាលើកទីពីរហើយដែលអ្នកវិទ្យាសាស្ត្រចិនបានរកឃើញនូវករណីឆ្លងដែលបណ្តាលមកពីសំណើមខ្យលចេញពីម៉ាស៊ីនត្រជាក់ បន្ថែមទៅលើករណីឆ្លងកូវីដ១៩ លើកម្មករធ្វើការនៅលើកប៉ាល់ ដាយមឹនព្រីនស៍ […]
អានបន្ថែម
សិង្ហបុរីយកមជ្ឈមណ្ឌល ពិព័រណ៍ដ៏ល្បី ចាងស៊ី ( Changi ) ជាមជ្ឈមណ្ឌលថែទាំអ្នកជំងឺកូវីដ ១៩
ប្រទេសសិង្ហបុរីបានសម្រេចយកមជ្ឈមណ្ឌលតាំងពិព័រណ៍ដ៏ល្បីរបស់ខ្លួន គឺមជ្ឈមណ្ឌលពិព័រណ៍ចាងស៊ី ( Changi Exhibition Centre) ធ្វើជាមជ្ឈមណ្ឌលថែទាំអ្នកជំងឺកូវីដ ១៩ ខណៈដែលប្រទេសនេះ ក្លាយជាប្រទេសដែលមានករណីឆ្លងច្រើនជាងគេនៅអាស៊ី បន្ទាប់ពីប្រទេសចិន ឥណ្ឌា។ អតីតមជ្ឈមណ្ឌលពិព័រណ៍យន្តហោះចាងស៊ី Changi ត្រូវបានប្រែក្លាយជាមជ្ឈមណ្ឌលថែទាំអ្នកជំងឺកូវីដ ១៩។ មជ្ឈមណ្ឌលនេះ ផ្ទៃក្រឡា ៣៣ ០០០ ម៉ែត្រការ៉េ ដែលអាចផ្ទុកអ្នកជំងឺបាន ២ ៧០០ នាក់ ក្នុងមជ្ឍមណ្ឌល និងកំពុងសាងសង់បរិវេណក្រៅមជ្ឍមណ្ឌលប្រមាណ ៧៥ ០០០ ម៉ែត្រការ៉េបន្ថែមទៀត ដែលអាចផ្ទុកអ្នកជំងឺបាន ៤ ៤០០ នាក់។ មជ្ឍមណ្ឌលនេះបើកទទួលអ្នកជំងឺ ៥០នាក់ លើកដំបូង កាលពីថ្ងៃទី២៥ ខែមេសាឆ្នាំ ២០២០នេះ។ នេះជាមជ្ឈមណ្ឌលថែទាំអ្នកជំងឺកូវីដ ១៩ ទីបីរបស់ប្រទេសបុរី សិង្ហបុរី ក្រៅពីរីស៊ត DESRESort NTUC ដែលស្ថិតនៅតំបន់ Pasir Ris ដែលអាចផ្ទុកអ្នកជំងឺបាន ៥០០ នាក់ និងមជ្ឈមណ្ឌលពិព័រណ៍សាំងហ្គាពួរ Singapore […]
អានបន្ថែម
ការលាលែងពីតំណែងរបស់នាយករដ្ឋមន្ត្រីម៉ាឡេស៊ី បានបង្កជាកង្វល់ចំពោះគម្រោងហេដ្ឋារចនាសម្ព័ន្ធនានា
ការលាលែងពីតំណែង របស់នាយករដ្ឋមន្រ្តីម៉ាឡេស៊ី ដែលទើបជាប់ឆ្នោតថ្មី លោកមហាធៀ មហាម៉ាត់ ( Mahathir Mohamed) បានបង្កឱ្យមានការព្រួយបារម្ភលើគម្រោងហេដ្ឋារចនាសម្ព័ន្ធធំៗនានា។ ក្នុងកំឡុងពេលកាន់ដំណែងរបស់លោកកាលពីឆ្នាំ ២០១៨ គម្រោងផ្លូវរថភ្លើងល្បឿនលឿនសិង្ហបុរី – គូឡាឡាំពួរ ដែលជាមូលនិធិរបស់ប្រទេសចិន និងគម្រោងកសាងផ្លូវរថភ្លើង MRT 3ខ្សែ ដែលកម្ចីគិតជាទឹកប្រាក់ប្រមាណ ៤៧ ពាន់លានដុល្លារអាមេរិក ត្រូវបានលុបចោល។ យ៉ាងណាមិញ ចំពោះការលាលែងពីតំណែងនេះ គឺជាការងើបឡើងវិញនៃសម្ព័ន្ធគណបក្សរបស់លោក ដែលបានធ្វើឲ្យជោគវាសនាគម្រោងធំៗទាំងអស់នោះត្រឡប់មកឋិតនៅសភាពដើមវិញ។ ចំណែកឯអ្នកវិភាគឧស្សាហកម្ម Fitch Solutions បានចេញការព្រមានមួយដល់វិនិយោគិន កាលពីចុងខែកុម្ភៈ បន្ទាប់ពីការលាលែងពីតំណែង របស់រដ្ឋមន្ត្រី និងអ្នកធ្វើគោលនយោបាយសំខាន់ៗ ឲ្យរក្សាទំនុកចិត្តជាទូទៅនៅក្នុងវិស័យសំណង់នឹងកើនឡើងវិញរហូតដល់ ៣.៥ ភាគរយនៅឆ្នាំ ២០២០នេះ ។
អានបន្ថែម
អាងហែលទឹកស្តង់ដារអន្តរជាតិនៅពហុកីឡដ្ឋានជាតិអូឡាំពិក ជួសជុលរួចរាល់ហើយ
ការជួសជុលអាងហែលទឹកស្តង់ដារអន្តរជាតិនៅពហុកីឡដ្ឋានជាតិអូឡាំពិក ដែលចំណាយថវិកាអស់ជិត ៣លានដុល្លារ បានសម្រេចជាស្ថាពរហើយ។ នេះបើយោងទៅតាម ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានសហព័ន្ធខ្មែរកីឡាហែលទឹក ក្នុងឱកាសចុះត្រួតពិនិត្យ វឌ្ឍនភាពការដ្ឋានសាងសង់ អាងហែលទឹកនៅពហុកីឡដ្ឋានជាតិអូឡាំពិក នាព្រឹកថ្ងៃទី២៣ ខែមេសា ឆ្នាំ២០២០នេះ។ ឯកឧត្តមបានឲ្យដឹងថា ការសាងសង់អាងហែលទឹកនៅពហុកីឡដ្ឋានជាតិអូឡាំពិកនេះ គឺបានធ្វើរួចរាល់ហើយដោយប្រើប្រាស់ ពេលវេលាអស់១៨ខែ និងចំណាយថវិកាអស់ជិត ៣លានដុល្លារ ជាជំនួយរបស់ក្រុមហ៊ុនសៀងហៃ ខនស្រ្តាកស្ហឹន ( Shanghai Construction Company )។ ឯកឧត្តមបានបន្តថា ការសាងសង់នេះរួមបញ្ជូលទាំងការជួសជុលនិងពង្រីក ទាំងអាងហែលទឹក និងកន្លែងលោតទឹក។ ក្រៅពីនោះទៀតគឺ មានការដំឡើងថ្មីទាំងអស់នូវម៉ាស៊ីនបូមទឹក ម៉ាស៊ីនចម្រោះទឹក និងបានដាក់កៅអីអង្គុយបានជាង ១,៦០០កៅអី និងបានធ្វើជាបន្ទប់ ដាក់ឧបកណ៍ហ្វឹកហាត់បន្ថែមទៀតផង។ ឯកឧត្តម ក៏បានអំពាវនាវឱ្យយុវជនទាំងអស់ នាំគ្នាចូលរួមហ្វឹកហាត់កីឡា ហែលទឹកដោយឥតគិតថ្លៃដើម្បីត្រៀមខ្លួនយក មេដៃជូនជាតិក្នុងព្រឹត្តិការណ៍កីឡាស៊ីហ្គេម ដែលកម្ពុជានឹងធ្វើជាម្ចាស់ផ្ទះ នាឆ្នាំ២០២៣ ខាងមុខនេះ។ គួរបញ្ជាក់ផងដែរថា បច្ចុប្បន្ននេះ កម្ពុជាមានអាងហែលទឹកកំពង់ចាម នៅពហុកីឡដ្ឋានជាតិមរតកតេជោ និងអាងហែលទឹកកីឡដ្ឋានស្រុកកោះធំ ដែលទើបសម្រេចជាស្ថាពរ […]
អានបន្ថែម
CDC អនុម័តគម្រោងអភិវឌ្ឍន៍រោងចក្រ១កន្លែងតម្លៃជាង១លានដុល្លារអាមេរិក
កាលពីពេលថ្មីៗនេះ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តលើគម្រោងវិនិយោគសាងសង់រោងចក្រគ្រឿងបរិក្ខារសំណង់ធ្វើពីឈើ មួយកន្លែងក្នុងខេត្តព្រះសីហនុ របស់ក្រុមហ៊ុន Mountain Moon Millwork Co., Ltd ក្នុងទំហំទឹកប្រាក់វិនិយោគទុនប្រមាណជាង ១ លានដុល្លារអាមេរិក ។ ក្រុមហ៊ុន Mountain Moon Millwork Co., Ltd សាងសង់រោងចក្រនេះ ដើម្បីផ្គត់ផ្គង់សម្ភារៈសំណង់ឈើសម្រាប់បំពេញតម្រូវការទីផ្សារក្នុងប្រទេស ដែលផលិតទាំងនោះរួមមាន ស៊ុមទ្វារ បង្អួច ក្តារបន្ទះ ក្តារប៉ាកេរ គ្រឿងតុបតែងធ្វើអំពីបន្ទះឈើ។ រោងចក្រនេះ នឹងដំឡើងក្នុង ទីតាំងស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ។ យោងទៅតាមសេចក្តីប្រកាសពត៌មានរបស់ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី២៥ ខែមេសា ឆ្នាំ២០២០ គម្រោង ១លានដុល្លារនេះ នឹងអាចបង្កើតការងារបានចំនួន៤៣០ កន្លែង សម្រាប់ប្រជាជនក្នុងខេត្តព្រះសីហនុ។ ការវិនិយោគក្នុងអំឡុងពេលនៃការផ្ទុះឡើងកូវីដ១៩ នេះ បានបង្ហាញពីទំនុកចិត្តរបស់អ្នកវិនិយោគបរទេសចំពោះស្ថេរភាពសង្គម នយោបាយ និងម៉ាក្រូសេដ្ឋកិច្ចកម្ពុជា ដែលកំពុងតែគំរាមកំហែងដោយជំងឺឆ្លងនេះ៕
អានបន្ថែម
គម្រោងកែលម្អផ្លូវជាតិលេខ ៤៨ នៅកោះកុង ទទួលឥណទានបន្ថែមពីរដ្ឋាភិបាលកូរ៉េ
ភាគីកូរ៉េបានឯកភាពលើសំណើសុំឥណទានបន្ថែមសម្រាប់គម្រោងលើកកម្រិតគុណភាពផ្លូវជាតិលេខ៤៨រួចហើយ ត្រៀមចុះហត្ថលេខានៅថ្ងៃទី២៤ ខែមេសា ឆ្នាំ២០២០នេះ ដើម្បីត្រៀមរៀបចំដាក់ឱ្យដេញថ្លៃសាងសង់ ។ ការឯកភាពនេះត្រូវបានប្រកាសឡើងនៅក្នុង កិច្ចប្រជុំស្តីអំពីសំណើសុំឥណទានបន្ថែមសម្រាប់គម្រោងលើកកម្រិតផ្លូវជាតិលេខ៤៨ ជាមួយតំណាងមូលនិធិសហប្រតិបត្តិការ និងអភិវឌ្ឍន៍សេដ្ឋកិច្ច (EDCF) នៃសាធារណរដ្ឋកូរ៉េ តាម Video Conference កាលពីថ្ងៃទី២២ ខែមេសា ឆ្នាំ២០២០នេះ។ ឯកឧត្ដម សូរ វ៉ិចទ័រ រដ្ឋលេខាធិការក្រសួងសាធារណការ និងដឹកជញ្ជូន បានមានប្រសាសន៍ថា៖ «ភាគីកូរ៉េបានឯកភាពលើសំណើសុំបន្ថែមឥណទាននេះរួចហើយ ភាគីកម្ពុជាដែលមានក្រសួងសាធារណការ និងដឹកជញ្ជូន និងក្រសួងសេដ្ឋកិច្ច និងហិរញ្ញវត្ថុ នឹងពិនិត្យឱ្យបានល្អិតល្អន់លើកំណត់ហេតុនេះ មុននឹងចុះហត្ថលេខានៅថ្ងៃទី២៤ ខែមេសា ឆ្នាំ២០២០ខាងមុខនេះ ដើម្បីត្រៀមរៀបចំដាក់ឱ្យដេញថ្លៃសាងសង់ ។» គួររម្លឹកថា គម្រោងស្ថារឡើងវិញជាតិលេខ ៤៨ ឬ ផ្លូវបំបែកស្រែអំបិលទៅខេត្តកោះកុងដែលមានប្រវែង១៥០គីឡូម៉ែត្រនេះ គឺស្ថិតក្រោមកម្ចីរបស់រដ្ឋាភិបាលកូរ៉េ ក្នុងទំហំទឹកប្រាក់ប្រមាណ ៦៧ លានដុល្លារអាមេរិក។ (អានបន្ថែម) គម្រោងនេះ គឺនឹងត្រូវកសាងឡើងវិញពីប្រភេទផ្លូវ DBST ទៅជាប្រភេទផ្លូវក្រាលកៅស៊ូ AC ដែលមានគុណភាពខ្ពស់ជាងមុនដើម្បីបង្កើនសកម្មភាពដឹកជញ្ជូនបន្ថែម រួមចំណែកដល់ការលើកកម្ពស់សេដ្ឋកិច្ចជាតិ សម្រួលដល់ការធ្វើដំណើរក្នុងតំបន់ និងកាត់បន្ថយភាពក្រីក្រតាមផែនការយុទ្ធសាស្ត្រ របស់រាជរដ្ឋាភិបាលផងដែរ៕
អានបន្ថែម