អត្ថបទផ្សព្វផ្សាយ៖ ក្រុមហ៊ុន ជីប ម៉ុង អ៊ីនដាស្រ្ទីស៍ទទួលដំណើរទស្សនកិច្ចសិក្សានិស្សិតវិស្វកម្មមេកានិចចំនួន ១០០ នាក់
ភ្នំពេញ៖ ក្រុមហ៊ុន ជីប ម៉ុង អ៊ីនដាស្រ្ទីស៍ បើកទូលាយដល់សារធាណជន ជាពិសេសនិស្សិតកម្ពុជាដែលកំពុងសិក្សានៅតាមសាកលវិទ្យាល័យនានា អាចចុះទស្សនកិច្ចសិក្សាស្វែងយល់ពីសង្វាក់ផលិតកម្ម និងបច្ចេកវិទ្យាក្នុងរោងចក្រផលិតបេតុងលាយស្រេចរោងចក្រផលិតក្បឿង និងទុយោជីបម៉ុង។ ជាក់ស្តែងនៅថ្ងៃទី ២៨ ខែ កុម្ភៈ ឆ្នាំ ២០២០ និស្សិតវិស្វកម្មមេកានិចប្រមាណ ១០០ នាក់ ពីវិទ្យាស្ថានបច្ចេកវិទ្យាកម្ពុជា បានចុះធ្វើទស្សនកិច្ចសិក្សានៅរោងចក្រផលិតក្បឿង និងទុយោជីបម៉ុង ក្នុងគោលបំណងស្វែងយល់ពីការប្រើប្រាស់ជំនាញបច្ចេកទេសដែលពួកគាត់កំពុងសិក្សា និងការអនុវត្តជាក់ស្តែងក្នុងរោងចក្រ ដើម្បីទទួលបានបទពិសោធន៍បន្ថែមលើចំណេះដឹង និងជំនាញរបស់ខ្លួន។ ក្នុងកំឡុងពេលទស្សនារោងចក្រ អ្នកជំនាញបានបង្ហាញពីចំណេះដឹងសំខាន់ៗ អំពីបច្ចេកទេសផលិត ក្បឿង និងទុយោ ជីបម៉ុង ដែលប្រើបច្ចេកវិទ្យាទំនើបចុងក្រោយពីប្រទេស អ៊ីតាលី ជាមួយការប្រើប្រាស់វត្ថុធាតុដើមដែលមាន គុណភាពកម្រិតខ្ពស់បំផុត យកមកប្រើសម្រាប់ផលិតជាផលិតផលរបស់រោងចក្រ។ តំណាងអ្នកចូលរួម ក៏បានបង្ហាញចំណាប់អារម្មណ៍របស់ខ្លួនថា នេះ គឺជាលើកទី១ ហើយ សម្រាប់ពួកគាត់ដែលមានឱកាសបានមកធ្វើកម្មសិក្សាផ្ទាល់នៅរោងចក្រផលិតក្បឿង និង ទុយោ ដែលបានអនុញ្ញាតឱ្យពួកគេបានឈ្វេងយល់លម្អិតអំពីរបៀបដំណើរការ និងលក្ខខណ្ឌការងារជាក់ស្តែងនៅក្នុងរោងចក្រ មុនពេលខ្លួនចេញបម្រើការងារនៅតាមបណ្តាក្រុមហ៊ុន និងរោងចក្រផ្សេងៗ ។ ក្នុងឱកាសនោះ ដែរ មាននិស្សិតមួយចំនួន ក៏បានចូលទស្សនារោងចក្របេតុងលាយស្រេច និង […]
អានបន្ថែម
សន្និបាតក្រសួងទេសចរណ៍ស្នើឲ្យដាក់ដំណើរការឡើងវិញព្រលានយន្តហោះនៅបាត់ដំបង
ក្រសួងទេសចរណ៍បង្ហាញផែនការដាក់ឲ្យដំណើការឡើងវិញ ព្រលានយន្តហោះដែលត្រូវបានបោះបង់ចោល នៅខេត្តបាត់ដំបង ក្នុងគោលបំណងសម្រួលដល់ការធ្វើការដំណើរផ្លូវអាកាសក្នុងស្រុក និងជំរុញកំណើនទេសចរជាតិ និងអន្តរជាតិ។ ថ្លែងនៅក្នុងសន្និបាតក្រសួងទេសចរណ៍ កាលពីថ្ងៃទី២៧ កុម្ភៈ ឆ្នាំ ២០២០ នៅសណ្ឋាគាររ៉េស៊ីដង់សុខាភ្នំពេញ ឯកឧត្តម ថោង ខុន រដ្ឋមន្រ្តីក្រសួងទេសចរណ៍ បានជំរុញឲ្យមានការសិក្សាលើលទ្ធភាពដាក់ដំណើរការឡើងវិញព្រលានយន្តហោះបាត់ដំបង។ ឯកឧត្តម ថោង ខុន ថ្លែងថា៖ “ព្រលានយន្តហោះខេត្តបាត់ដំបង គួរត្រូវបានស្តារ និងដាក់ឲ្យដំណើរការឡើងវិញ ដើម្បីសម្រួលដល់ការធ្វើដំណើរ និងទេសចរណ៍”។ ការប្រកាសគម្រោងនៃការបើកដំណើរការព្រលានយន្តហោះបាត់ដំបង ខណៈដែលកំណើនទេសចរនៃទឹកដីភាគខាងលិចប្រទេសកម្ពុជាមួយនេះ កាន់តែមានការកើនឡើងគួរកត់សម្គាល់។ សក្តានុពលទេសចរណ៍ខេត្តបាត់ដំបង ល្បីឈ្មោះតាមរយៈគោលដៅទេសចរណ៍ចម្រុះវិស័យជាច្រើន ដូចជាសំណង់អគារអាយុរាប់សិបឆ្នាំ សល់ពីសម័យអាណានិគមបារាំង រមណីយដ្ឋានប្រវត្តិសាស្រ្ត ប្រាសាទបុរាណ តំបន់អេកូទេសចរណ៍ បឹងទន្លេសាប ជាដើម។ សូមរម្លឹកថា ព្រលានយន្តហោះខេត្តបាត់ដំបង បើកដំណើរការនៅឆ្នាំ ១៩៦៧ ហើយត្រូវបិទដំណើរការ នៅឆ្នាំ១៩៧៥ នៅពេលដែលរបបខ្មែរក្រហមឡើងកាន់អំណាច។ ក្រោយពីរបបខ្មែរក្រហមដួលរលំ ព្រលានយន្តហោះខេត្តបាត់ដំបង ត្រូវបានបើកដំណើរការឡើងវិញ បម្រើឲ្យវិស័យអាកាសចរណ៍យោធា រហូតដល់ឆ្នាំ១៩៩១ ដែលត្រូវបានបិទដំណើរការរហូតដល់បច្ចុប្បន្ន។ មួយរយៈកន្លងទៅថ្មីៗនេះ ក្រុមហ៊ុនបារាំង Airaviata (AAT) […]
អានបន្ថែម
សមិទ្ធផលហេដ្ឋារចនាសម្ព័ន្ធរូបវន្តថ្មីបង្ហាញខ្លួនដើម្បីស្វាគមន៍មហាសង្ក្រាន្តអង្គរនៅឆ្នាំនេះ
កំណែលម្អហេដ្ឋារចនាសម្ព័ន្ធរូបវន្តនៅជុំវិញប្រាសាទខេត្តសៀមរាបជាច្រើន បានលេចមុខមាត់ជាបណ្តើរៗ ដើម្បីត្រៀមអបអរសាទរព្រឹត្តិការណ៍អង្គរសង្ក្រាន្តដែលកាន់តែខិតជិតចូលមកដល់។ សមិទ្ធិផលសម្រាប់អបអរមហាសង្ក្រាន្តសៀមរាបសម្រាប់ឆ្នាំថ្មីនេះ រួមមានការជួសជុលកែលម្អកំណាត់ផ្លូវចាប់ពីកែងព្រលានយន្តហោះ មកដល់ផ្លូវបំបែកមុខប្រាសាទអង្គរវត្ត និងគម្រោងពង្រីក និងកែលម្អផ្លូវជុំវិញប្រាសាទអង្គរធំ។ ការជួសជុលកែលម្អកំណាត់ផ្លូវចាប់ពីកែងព្រលានយន្តហោះសៀមរាប រហូតមកដល់ផ្លូវបំបែកមុខប្រាសាទអង្គរវត្ត ដែលមានប្រវែងសរុប ៣៥៤៦ ម៉ែត្រ ទទឹង ៨ម៉ែត្រ ជាប្រភេទបេតុងកៅស៊ូ (AC)បានបញ្ចប់ជាស្ថាពរ កាលពីថ្ងៃទី ២៨ ខែកុម្ភៈ ២០២០ ហើយ នេះបើយោងទៅតាមគេហទំព័រហ្វេសប៊ុករបស់អាជ្ញាធរជាតិអប្សរា។ ទទ្ទឹមនឹងនេះដែរ អាជ្ញាធរជាតិអប្សរា ក៏កំពុងអនុវត្តគម្រោងពង្រីក និងកែលម្អផ្លូវជុំវិញតមអង្គរធំ ចាប់ពីប្រាសាទប្រែរូបដល់មុខប្រាសាទបន្ទាយក្តី មានប្រវែងសរុប ២៤៧៦ ម៉ែត្រ ដែលមានទទឹងចាប់ពី ៦ ម៉ែត្រ ទៅ ៩ម៉ែត្រ ទៅតាមស្ថានភាពជាក់ស្តែង និងចែកជា ០២ កំណាត់ផ្លូវ។ កំណាត់ផ្លូវទី ១ មានប្រវែង ១,០៧៦ ម៉ែត្រចាប់ពីប្រាសាទប្រែរូបដល់ស្រះស្រង់ រីឯកំណាត់ផ្លូវទី ២ មានចម្ងាយ ១៤០០ ម៉ែត្រ គិតចាប់ពីស្រះស្រង់ ដល់ប្រាសាទបន្ទាយក្តី។ គម្រោងកែលម្អកំណាត់ផ្លូវនេះ គ្រោងនឹងបញ្ចប់នៅខែមីនានេះហើយ។ ឯកឧត្តម […]
អានបន្ថែម
រដ្ឋាភិបាលអំពាវនាវឱ្យអ្នកអភិវឌ្ឍន៍អចលនទ្រព្យចូលរួមបន្ថែមពីលើការលើកលែងពន្ធប្រថាប់ត្រា
ពន្ធប្រថាប់ត្រាសម្រាប់អ្នកទិញអចលនទ្រព្យនៅក្រោមតម្លៃ ៧ម៉ឺនដុល្លារសហរដ្ឋអាមេរិក ត្រូវបានលើកលែងពន្ធក្នុងរយៈពេល ១ឆ្នាំពេញ នៅក្នុងឆ្នាំ២០២០ នេះ។ ក្នុងនោះ រាជរដ្ឋាភិបាលក៏បានអំពាវនាវដល់អ្នកអភិវឌ្ឍន៍អចលនទ្រព្យនៅក្នុងស្រុកទាំងអស់គួរតែបញ្ចុះតម្លៃការប្រាក់លើការទិញផ្ទះបន្ថែមទៀត។ ថ្លែងក្នុងសិក្ខាសាលាកាលពីព្រឹកថ្ងៃទី០២ ខែមីនា ឆ្នាំ២០២០ នេះ ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ បានអំពានាវដល់អ្នកអភិវឌ្ឍន៍ចលនទ្រព្យទាំងអស់ថា៖ «អ្នកអភិវឌ្ឍន៍អចលនទ្រព្យទាំងអស់គួរតែបញ្ចុះការប្រាក់ទៅលើការទិញផ្ទះតាមលទ្ធភាពដែលអាចទៅរួច ដើម្បីចូលរួមបន្ថែមទៀតនៅក្នុងវិធានការទ្រទ្រង់កំណើនសេដ្ឋកិច្ចតាមរយៈការលើកលែងពន្ធរបស់រាជរដ្ឋាភិបាល»។ ឯកឧត្តមអគ្គនាយកបន្តថា “ប្រសិនបើអ្នកអភិវឌ្ឍន៍ទាំងអស់អាចប្តូរពីការយកការប្រាក់ពី ២០ភាគរយ ចុះនៅត្រឹម ៧ភាគរយ ទៅ ១០ភាគរយ វិញនោះការទិញអចលនទ្រព្យអាចនឹងមានការកើនឡើងមួយកម្រិតទៀត។ មិនមែនរាជរដ្ឋាភិបាលលើកលែងពន្ធ បែរជាទៅបង្កើនការប្រាក់នោះទេ ប៉ុន្តែគួរតែកាត់បន្ថយការប្រាក់ទៅវិញទើបជាការល្អ។“ សូមបញ្ជាក់ថា ការលើកលែងពន្ធប្រថាប់ត្រាចំពោះអចលនទ្រព្យនេះ ត្រូវបានគេមើលឃើញថា ជាយុទ្ធសាស្ត្រមួយរបស់រដ្ឋាភិបាលក្នុងការជំរុញឱ្យវិស័យអចលនទ្រព្យខ្នាតតូចរួចពីកាតព្វកិច្ចពន្ធប្រថាប់ត្រា ហើយជាលទ្ធផលនឹងនាំឱ្យប្រជាពលរដ្ឋទទួលបានផ្ទះដែលមានតម្លៃសមរម្យ។ (អានបន្ថែម)
អានបន្ថែម
ក្រសួងសេដ្ឋកិច្ចក្រើនសាធារណជនឱ្យប្រុងប្រយ័ត្នការឆបោកពេលទិញអចលនទ្រព្យពិសេសដីឡូត៍
ក្រសួងសេដ្ឋកិច្ច និង ហរិញ្ញវត្ថុ កាលពីថ្មីៗនេះ ចេញសេចក្តីប្រកាស ក្រើនរំលឹកដល់សាធារណជនថាត្រូវតែប្រុងប្រយ័ត្ន ក្នុងអំឡុងពេលទិញលក់អចលទ្រព្យ ជាពិសេសដីឡូត៍ និងផ្ទះ ដោយត្រូវតែស្វែងយល់ពីព័ត៌មាន និងភាពជាម្ចាស់កម្មសិទ្ធដីនោះ ឱ្យបានច្បាស់លាស់ មុននឹងសម្រេចចិត្តទិញ ក្នុងគោលបំណងដើម្បីជៀសវាងហានិភ័យជាយថាហេតុដែលបង្កឡើងដោយជនខិលខូច។ នៅក្នុងសេចក្តីប្រកាសនោះ ខាងក្រសួងសេដ្ឋកិច្ច និង ហរិញ្ញវត្ថុ បានចែកជា ២ ផ្នែកធំៗ ទី១ ព័ត៌មានសម្រាប់ការទិញដីឡូតិ៍ ដែលតម្រូវអោយអ្នកទិញ ត្រូវតែដឹងអោយច្បាស់ពី ឈ្មោះអ្នកកាន់អចលនទ្រព្យ តាមរយៈវិញ្ញាបនប័ត្រអចនទ្រព្យ ។ ក្នុងនោះដែរ ត្រូវមានលិខិតអនុញាត្តិអភិវឌ្ឍន៍ដី ដែលចេញដោយអាជ្ញាធរ ឬ អង្គភាពមានសមត្ថកិច្ច ដូចមានចែងក្នុងប្រកាសលេខ ០៨៧ ដ.ន.ស ប្រក/នីក ចុះថ្ងៃទី ១១ ខែឧសភា ឆ្នាំ ២០១៨ ស្តីពីការអភិវឌ្ឍន៍ដីរបស់ក្រសួងរៀបចំដែនថី នគរូបនីយកម្ម និង សំណង់ ។ រីឯព័ត៌មានសម្រាប់ការទិញលំនៅឋាន តម្រូវអោយមាន លិខិតអនុញាតិសាងសង់ អាជ្ញាបណ្ណអភិវឌ្ឍលំនៅឋាន ព្រមនិង ឯកសារពាក់ព័ន្ធផ្សេងទៀត ដូចបានចែងក្នុងសេចក្តីប្រកាស ។ […]
អានបន្ថែម
បទពិសោធន៍នៃការរៀបចំឧទ្យានលំហាត់ប្រាណនៅទីសាធារណៈ
សុខភាពមិនមែនគ្រាន់តែជាការរក្សារូបរាងប៉ុណ្ណោះទេ ប៉ុន្តែគឺការសម្រេចបាននូវសុខុមាលភាពផ្លូវកាយផ្លូវចិត្ត និងផ្លូវចិត្តដែលអនុញ្ញាតឱ្យអ្នកឈានដល់គោលដៅរបស់អ្នកមានសុខភាពល្អ និងដឹកនាំជីវិតប្រកបដោយភាពរីករាយ និងមានភាពសុខដុមរមនាជាងមុន។ ខណៈពេលហាត់ប្រាណត្រូវបានបំពេញដោយឧបករណ៍ហាត់ប្រាណបែបទំនើប គ្មានបដិវត្តអ្វីដែលល្អ ហើយបង្កើតឡើងដើម្បីឆ្លើយតបទៅនឹងតម្រូវការក្នុងសហគមន៍ដូចការបង្រៀនយើងឱ្យជាមួយបរិដ្ឋានធម្មជាតិខាងក្រៅ និងជួយឱ្យទទួលបានជីវិតរស់នៅជាមួយសុខភាពល្អប្រសើរជាងមុន។ ករណីសិក្សាមួយដែលត្រូវបានស្ទង់មតិពីការិយាល័យស្ថិតិពលកម្មនៃកីឡានិងលំហាត់ប្រាណបានបង្ហាញថាមនុស្ស ៤៧០ លាននាក់បានហាត់ប្រាណនៅខាងក្រៅរួចហើយ តែ ៨៥% និយាយថាពួកគេមិនមានឧបករណ៍ហាត់ប្រាណនៅខាងក្រៅដើម្បីជួយពួកគេហាត់ប្រាណនោះទេ។ ស៊ារ៉ា អ៊ីនធើណាស្យូណាល់ (Seara International) មានសេចក្តីរីករាយសូមណែនាំម៉ាយអ៊ីគីលីប្រាយ៉ា (MyEquilibria) ឧបករណ៍បែបឧទ្យានសុខភាពក្រៅផ្ទះដ៏ទំនើបដែលខិតខំបង្កើតអនាគតនៃសុខភាពខាងក្រៅនិងតស៊ូគ្រប់ការពិភាក្សាជជែកវែកជុំវិញបរិក្ខាកីឡាដោយផ្សារភ្ជាប់ជុំវិញការសិក្សាអំពីច្បាប់មេកានិចទាក់ទងនឹងចលនាឬរចនាសម្ព័ន្ធនៃភាវៈរស់ ឬហៅថាមេកានិចជីវសិរីរាង្គវិទ្យា ដើម្បីបន្សាំសភាវគតិបំផុសគំនិតជាមួយធម្មជាតិ និងរចនាឡើងដោយការយកចិត្តទុកដាក់និងភាពហ្មត់ចត់ ទាំងបែបផែន និងបច្ចេកទេសទំនើបដែលអ្នករំពឹងពីការងារសិល្បៈនាពេលបច្ចុប្បន្ន។ តាមរយៈការកាត់ព្រំដែនរវាងសិល្បៈឧបករណ៍ហាត់ប្រាណកម្រិតខ្ពស់ និងសហគមន៍ យើងមានគោលបំណងដើម្បីកំណត់ឡើងវិញនូវបទពិសោធន៍នៃការហាត់ប្រាណធ្វើឱ្យប្រសើរឡើងតាមរយៈលទ្ធផលនៃការបណ្តុះបណ្តាល និងទទួលបានសុខុមាលភាពតាមរយៈអត្ថប្រយោជន៍នៃការហាត់ប្រាណដោយបើកចំហហើយទីបំផុតធ្វើឱ្យពិភពលោកកាន់តែស្រស់ស្អាតជាមួយនឹងការដំឡើងមុខងារសិល្បៈ។ នោះគឺជាការអនុវត្តជាក់ស្តែងនិងប្លែកដាច់ពីគេ។ ហេតុអ្វីបានជាហាត់ប្រាណរាងកាយរបស់យើងជាផ្នែក ៗ នៅពេលដែលថាមពលពិតប្រាកដមកពីទាំងមូល? ក្នុងរយៈពេលប៉ុន្មានទសវត្សកន្លងមកនេះ គំនិតនៃភាពខ្លាំងបានផ្លាស់ប្តូរពីការដែលអាចលើកទម្ងន់លើស ១៥០ ផោន ឬស្មើ ៦៨គីឡូក្រាម ទៅជាកម្លាំងមុខងារ។ ភាពខ្លាំងនៃមុខងារ គឺជាអ្វីដែលយើងប្រើនៅក្នុងជីវិតធម្មជាតិរបស់យើងនៅពេលដែលយើងត្រូវការឆ្លើយតបទៅនឹងបរិស្ថានដោយឯកឯង។ មេកានិចជីវសិរីរាង្គវិទ្យា នៃការតំឡើង MyEquilibria នីមួយៗ ជួយបង្កើនទំងន់រាងកាយនិងទំនាញផែនដី ដូច្នេះការហាត់ប្រាណក្លាយជាវិចារណញាណភាពស៊ីជម្រៅ និងរីករាយមិនមែនគ្រាន់តែមុខងារប៉ុណ្ណោះទេ។ វាអនុញ្ញាតឱ្យសាច់ដុំហ្វឹកហាត់ជាឯកតានិងរាងកាយដើម្បីអភិវឌ្ឍស្ថិរភាពស្នូលនៃភាពបត់បែន ភាពធន់ទ្រាំល្បឿន និងកម្លាំងជាក់ស្តែង។ ការបណ្តុះបណ្តាលឆ្ពោះទៅរកលទ្ធផលល្អប្រសើរ […]
អានបន្ថែម
សាលាក្រុងនឹងកែលម្អផ្លូវថ្មើរជើងថ្មីមួយតាមបណ្ដោយមហាវិថីម៉ៅសេទុង
រដ្ឋបាលរាជធានីភ្នំពេញ គ្រោងនឹងរៀបចំ និងកែលម្អផ្លូវថ្មើរជើងថ្មីមួយខ្សែតាមបណ្ដោយមហាវិថីម៉ៅសេទុង ក្នុងភូមិសាស្រ្តខណ្ឌទួលគោក ខណ្ឌបឹងកេងកង និងខណ្ឌចំការមន នៃរាជធានីភ្នំពេញ។ រដ្ឋបាលរាជធានីភ្នំពេញ បានឱ្យដឹងដូច្នេះក្នុងកិច្ចប្រជុំស្ដីពីគម្រោងសិក្សាប្លង់ និងផលប៉ះពាល់នៃគម្រោងមួយនេះ កាលពីព្រឹកថ្ងៃទី២១ ខែកុម្ភៈ ឆ្នាំ២០២០ កន្លងមកនេះ។ រដ្ឋបាលរាជធានីភ្នំពេញបានតម្រូវឱ្យមន្ទីរដែនដី នគរូបនីយកម្ម និងសំណង់ មន្ទីរសាធារណៈការ និងដឹកជញ្ជូន និងទីចាត់ការរៀបចំក្រុង ចុះសិក្សារួមគ្នាដល់ទីតាំងជាក់ស្ដែង ដើម្បីធានាឱ្យបាន ក្នុងការកែលម្អមហាវិថីម៉ៅសេទុង ឱ្យទៅជាមហាវិថីដែលអមដោយផ្លូវថ្មើរជើងថ្មីមួយខ្សែបន្ថែមទៀត។ គួររំលឹកផងដែរថា មហាវិថីម៉ៅសេទុងគឺជាមហាវិថីដែលមមាញឹកមួយ ដែលតែតែងមានការកកស្ទះចរាចរ ដូច្នេះរដ្ឋបាលរាជធានីភ្នំពេញ បាននិងកំពុងសាងសង់ហេដ្ឋារចនាសម្ព័ន្ធបន្ថែមជាបន្តបន្ទាប់ ដើម្បីរួមចំណែកដោះស្រាយបញ្ហាកកស្ទះនេះ។ តួយ៉ាងដូចជា សំណង់ស្ពានអាកាសថ្មើរជើង ដែលមានបណ្ដោយប្រវែង២៧ម៉ែត្រ និងទទឹងប្រវែង៣ម៉ែត្រត្រង់ចំណុចផ្សារដើមគរ។ បច្ចុប្បន្នត្រូវបានស្ថាបនាសាងសង់ បាន៨៥ភាគរយហើយ នៃគម្រោងទាំងមូល បន្ទាប់ពីបើកការដ្ឋានសាងសង់កាលពីចុងឆ្នាំ២០១៩ កន្លងមកនេះ។ (អានបន្ថែម) ទាំងអស់នេះ សបញ្ជាក់ឱ្យឃើញថា រដ្ឋបាលរាជធានីភ្នំពេញបានកំពុងតែយកចិត្តទុកដាក់យ៉ាងខ្លាំងក្នុងការកសាង និងជួសជុលមហាវិថីនានាក្នុងទីក្រុងសម្រាប់បងប្អូនប្រជាពលរដ្ឋ និងសិស្សានុសិស្សធ្វើដំណើរបានកាន់តែងាយស្រួល និងមានសុវត្ថិភាព។
អានបន្ថែម
Samdech Sar Kheng: NR development proposals shall be requested in package
Samdech Sar Kheng, Deputy Prime Minister and Minister of Interior suggested that the next proposal for national road development should be requested as a package, as this would make it easier for approval and the construction itself. Samdech Sar Kheng made this statement at the Road Safety Monitoring Meeting on 27 February. “Whenever we propose […]
អានបន្ថែម
ច្បាប់ស្តីអំពីសំណង់ នឹងជំរុញឱ្យការវិនិយោគលើវិស័យអចលនទ្រព្យនៅកម្ពុជាកាន់តែមានឧត្តមភាព
ថ្លែងនៅក្នុងសិក្ខាសាលាស្តីអំពីវគ្គផ្សព្វផ្សាយអំពីច្បាប់ “ស្ដីពីសំណង់” ជូនអ្នកវិជ្ជាជីវៈក្នុងវិស័យសំណង់លើកទី៣ នៅសណ្ឋាគារ ហ្គាឌិន ស៊ីធី រាជធានីភ្នំពេញ កាលពីព្រឹកថ្ងៃទី២១ ខែកុម្ភៈ ឆ្នាំ២០២០ លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់បានមានប្រសាសន៍អំពីសារៈសំខាន់ថា ការអនុវត្តតាមច្បាប់ស្ដីពីសំណង់ គឺជាការចូលរួមចំណែកយ៉ាងសំខាន់ក្នុងការពង្រឹង និងបង្កើនទំនុកចិត្តកាន់តែខ្ពស់លើការវិនិយោគក្នុងវិស័យអចលនទ្រព្យនៅកម្ពុជា។ គួររំលឹកថា ច្បាប់ស្ដីពីសំណង់ មាន ២២ ជំពូក និង១១១ មាត្រា។ ច្បាប់នេះ ទើបតែត្រូវបានអនុម័តដោយរដ្ឋសភាជាតិ និងឡាយព្រះហស្តលេខាដោយព្រះមហាក្សត្រកាលពីថ្ងៃទី ០២ ខែ វិច្ឆិកា ឆ្នាំ ២០១៩ ថ្មីៗកន្លងទៅនេះ។ ច្បាប់នេះមានគោលបំណងបង្កើតគោលការណ៍បង្កើតបទបញ្ជាបច្ចេកទេស វិធាន និងនីតិវិធី សម្រាប់ការគ្រប់គ្រងវិស័យសំណង់នៅព្រះរាជាណាចក្រកម្ពុជា។ ក្រោយអនុម័តឱ្យប្រើប្រាស់ច្បាប់នេះរួច រហូតមកដល់ពេលនេះក្រសួងរៀបចំដែនដីនគរូបនីយកម្ម និងសំណង់ បានរៀបចំសិក្ខាសាលាផ្សព្វផ្សាយបានចំនួនពីរលើករួចមកហើយ។ ដោយឡែក វគ្គផ្សព្វផ្សាយច្បាប់ស្តីពីសំណង់ជូនវិស្វករ និងស្ថាបត្យករជាលើកទី៣ នេះ រៀបចំឡើងក្រោមអធិបតីភាពរបស់លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ មានកម្មវត្ថុដើម្បីប្រមូល និងកសាងធនធានមនុស្សដែលមានជំនាញប្រកបដោយវិជ្ជាជីវៈត្រឹមត្រូវលើវិស័យវិស្វកម្ម […]
អានបន្ថែម
តំបន់ភាគខាងកើតទន្លេចតុមុខនៃខេត្តកណ្តាលនឹងក្លាយជាខណ្ឌមួយនៃរាជធានីភ្នំពេញ
ប្រមុខរដ្ឋាភិបាលកម្ពុជា បានបញ្ជាក់គម្រោងកាត់ទឹកដីមួយផ្នែកនៃខេត្តកណ្តាល ដែលស្ថិតនៅខាងកើតទន្លេចតុមុខ ដើម្បីបង្កើតជាខណ្ឌមួយនៃរាជធានីភ្នំពេញ។ ការប្រកាសគម្រោងបង្កើតខណ្ឌថ្មីនៅភាគខាងកើតទន្លេចតុមុខ គឺស្របពេលដែលគម្រោងសាងសង់ស្ពានឆ្លងកាត់រវាងតំបន់ជ្រោយចង្វារទៅតំបន់អរិយត្សក្រ នៃស្រុកល្វាឯម ខេត្តកណ្តាល ត្រូវបានប្រកាស និងជំរុញនៃការសាងសង់នៅពេលខាងមុខ។ ថ្លែងក្នុងពិធីស្រោចស្រពព្រះសុគន្ធវារីប្រគេនសម្តេចព្រះសង្ឃនាយករង ៣ ព្រះអង្គ នាព្រឹកថ្ងៃទី២៨ ខែកុម្ភៈ ឆ្នាំ២០២០ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានឱ្យដឹងថា ការកាត់ផ្នែកខ្លះនៃទឹកដីខេត្តកណ្តាល មកភ្ជាប់ជាមួយនឹងរាជធានីភ្នំពេញ គឺដើម្បីឆ្លើយតបនឹងការរីកចម្រើនផ្នែកនគរូបនីយកម្ម នៃរាជធានីភ្នំពេញ។ សម្ដេច ហ៊ុន សែន បានថ្លែងថា៖ «កន្លែងទាំងនេះជាទឹកដីរបស់ខេត្តកណ្តាលទេ ក៏ប៉ុន្តែដោយសាររាជធានីភ្នំពេញមានការរីកចម្រើន ដូច្នេះបានជាកាត់បញ្ចូលទៅក្នុងរាជធានីភ្នំពេញ ហើយបន្តិចទៀតមានការកាត់បន្ថែមទៀត»។ សម្តេច ក៏បានបញ្ជាក់ទៀតថា ការកាត់ទឹកដីខាងល្វាឯម អរិយក្សត្រមកធ្វើជាខណ្ឌមួយរបស់រាជធានីភ្នំពេញ នឹងធ្វើឡើង នៅពេលស្ពានឆ្លងទៅកាន់អរិយក្សត្រពីតំបន់ជ្រោយចង្វារ សាងសង់រួច។ ជាមួយគ្នានេះដែរ សម្តេចក៏បានព្យាករណ៍ថា ការភ្ជាប់ទឹកដីភាគខាងកើតទន្លេចតុមុខ ជាមួយរាជធានីភ្នំពេញ នឹងធ្វើឱ្យដីនៅតំបន់អរិយក្សត្រឡើងថ្លៃ។ គួរបញ្ជាក់ផងដែរថា រាជរដ្ឋាភិបាលបានបង្ហាញគម្រោងសាងសង់ស្ពានចំនួនពីរ ភ្ជាប់ទៅតំបន់អរិយក្សត្រ ដែលស្ពានមួយបានសុំពីរដ្ឋាភិបាលកូរ៉េ ធ្វើពីជ្រោយចង្វារ ទៅកាន់អរិយត្សក្រ និងស្ពានមួយទៀត ឆ្លង់កាត់ត្រង់ក្តីតាកុយទៅកាន់ខាងល្វាឯម ដើម្បីធ្វើការតភ្ជាប់ទំនាក់ទំនងគ្នា។ (អានបន្ថែម) […]
អានបន្ថែម
ជប៉ុនផ្តល់ជំនួយឥតសំណងសម្រាប់គម្រោងអភិវឌ្ឍធំៗ ៣ នៅកម្ពុជា
រដ្ឋាភិបាលជប៉ុន កាលពីថ្មីនេះ បានឯកភាពផ្តល់ហិរញ្ញប្បទានឥតសំណងចំនួន ៨៩០,៤៧១ ដុល្លារសហរដ្ឋអាមេរិក សម្រាប់គម្រោងស្ដារ និងលើកកម្ពស់ហេដ្ឋារចនាចំនួន ៣ កន្លែង នៅកម្ពុជា។ កិច្ចព្រមព្រៀងនេះធ្វើឡើងក្នុង ពិធីចុះហត្ថលេខាផ្តល់ជំនួយ ឥតសំណងសម្រាប់គម្រោងអង្គការក្រៅរដ្ឋាភិបាលជប៉ុន កាលពីថ្ងៃទី ២៥ កុម្ភៈ ២០២០ ក្រោមអធិបតីភាពរបស់ ឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតវិសាមញ្ញ និង ពេញសមត្ថភាពរបស់ប្រទេសជប៉ុនប្រចាំព្រះរាជាណាចក្រកម្ពុជា។ ចំពោះគម្រោងទី១ គឺ គម្រោងសាងសង់អាងស្តុកទឹកសម្រាប់លើកកម្ពស់កសិកម្មនៅព្រះវិហារ ភូមិធម្មជាតិសម្តេចតេជោ ក្នុងថវិកាចំនួន ៨៥,០១៩ ដុល្លារសហរដ្ឋអាមេរិក (អង្គការមោទនភាពអាស៊ី សមាគមន៍ខេត្តព្រះវិហារ ជប៉ុន)។ ដោយឡែក គម្រោងទី ២ គឺការរួមបញ្ចូលគ្នារវាង សុខភាពអាហារូបត្ថម្ភ ទឹកស្អាតនិងអនាម័យក្នុងខេត្តព្រះវិហារ ឆ្នាំទី១ ក្នុងថវិកា ៤៥២,៤២៧ ដុល្លារសហរដ្ឋអាមេរិក (អង្គការ World Vision Japan) ។ ចំណែកគម្រោងចុងក្រោយគឺ គម្រោងការកសាងសមត្ថភាពយុវជនក្នុងខេត្តប៉ៃលិន តាមរយៈការពង្រឹងមជ្ឃមណ្ឌលសិក្សាសហគមន៍ ឆ្នាំទី១ ក្នុងថវិកាចំនួន ៣៥៣, […]
អានបន្ថែម
CDC អនុម័តគម្រោងសណ្ឋាគារផ្កាយ៥ តម្លៃជាង ៦០ លានដុល្លារថ្មីមួយទៀតនៅខេត្តព្រះសីហនុ
ក្រុមប្រឹក្សាអភិវឌ្ឍន៍កម្ពុជា ឬ CDC កាលពីថ្មីៗនេះ បានអនុម័តគម្រោងសាងសង់សណ្ឋាគារលំដាប់ផ្កាយ៥ និងមជ្ឈមណ្ឌលពាណិជ្ជកម្ម តម្លៃប្រមាណ ៦១,៣លានដុល្លារអាមេរិកថ្មីមួយកន្លែងនៅខេត្តព្រះសីហនុ។ គម្រោងសណ្ឋាគារលំដាប់ផ្កាយ៥ និងមជ្ឈមណ្ឌលពាណិជ្ជកម្ម មួយនេះមានទីតាំងនៅទល់មុខសណ្ឋាគារសុខា ស្ថិតនៅភូមិ៤ សង្កាត់លេខ៤ ក្រុងព្រះសីហនុ ហើយមានបន្ទប់សរុបចំនួន ៣៧៣ បន្ទប់ ដែលជាការវិនិយោគរបស់ក្រុមហ៊ុន Won Majestic (Cambodia) Co., Ltd។ លើសពីនេះ គម្រោងនេះរួមមានសេវាកម្មផ្សេងៗទៀតដូចជា បន្ទប់ខារ៉ាអូខេ KTV ភោជនីយដ្ឋាន អាងហែលទឹកលើដំបូល និងបន្ទប់ហាត់ប្រាណជាប់ឆ្នេរជាដើម។ បច្ចុប្បន្នសណ្ឋាគារនេះកំពុងដំណើរការសាងសង់ ហើយគ្រោងនឹងបើកដំណើរការជាផ្លូវការនៅដើមឆ្នាំ ២០២១ ។ (អានបន្ថែម) គួរបញ្ជាក់ផងដែរថា ក្រោយបញ្ចប់ការសាងសង់គម្រោងនេះនឹងផ្តល់ ការងារដក់អ្នកនៅក្នុងតំបន់រហូតទៅដល់ ៥៥៨កន្លែង ។ ទោះបីជាពេលបច្ចុប្បន្ននេះ ការរាតត្បាតនៃវ៉ីរ៉ុសកូរ៉ូណាឬ Covid-19 កំពុងតែជះឥទ្ធិពលអវិជ្ជមានដល់វិស័យទេសចរណ៍ទូទាំងពិភពលោកក្ដី តែសម្រាប់គម្រោងដែលបានប្រកាសពី ក្រុមប្រឹក្សាអភិវឌ្ឍន៍កម្ពុជា នេះ សបញ្ជាក់អោយឃើញថា កម្ពុជានៅតែមានសក្តានុពល ក្នុងកាលៈទេសៈបែបនេះ ។ (អានបន្ថែម)
អានបន្ថែម