ដីជាង ៥ម៉ឺនហិកតា ក្នុងដែនជម្រកសត្វព្រៃពីរតំបន់ ត្រូវបានចុះបញ្ជីជាដីរដ្ឋ
រាជរដ្ឋាភិបាលបាន សម្រេចបានសមិទ្ធផលថ្មី គឺការចុះបញ្ជីដីរដ្ឋបាន ជាង៥០,០០០ ហិកតា នៅក្នុងតំបន់ការពារធម្មជាតិចំនួនពីរ គឺ «ដែនជម្រកសត្វព្រៃពាមក្រសោប» ស្ថិតក្នុងភូមិសាស្រ្តខេត្តកោះកុង និង «ដែនជម្រកសត្វព្រៃភ្នំព្រេច» ស្ថិតក្នុងភូមិសាស្រ្តខេត្តមណ្ឌលគិរី។ គោលបំណងចម្បងនៃការចុះបញ្ជីដីរដ្ឋនេះ គឺដើម្បីរៀបចំឱ្យមាន «វិញ្ញាបនបត្រសម្គាល់ម្ចាស់អចលនវត្ថុ» ច្បាស់លាស់សម្រាប់ដែនជម្រកសត្វព្រៃទាំងពីរ សំដៅកាត់បន្ថយ និងលុបបំបាត់ករណីបទល្មើសកាប់រុករានទន្រ្ទានយកដីរដ្ឋធ្វើជាកម្មសិទ្ធិឯកជនតាមរយៈការរឹតបន្តឹងវិធានការច្បាប់ ក៏ដូចជារួមចំណែកដល់ការពង្រឹងប្រសិទ្ធភាពនៃការគ្រប់គ្រងប្រព័ន្ធតំបន់ការពារធម្មជាតិ។ នេះបើតាមសេចក្តីប្រកាសព័ត៌មានរបស់ក្រសួងបរិស្ថាន កាលពីថ្ងៃទី១១ ខែមេសា ឆ្នាំ២០២០។ សកម្មភាពអនុវត្តគម្រោងចុះបញ្ជីដីរដ្ឋនេះ ត្រូវបានចាប់ផ្តើមឡើងតាំងពីដើមឆ្នាំ២០១៨ មកម្ល៉េះ ដោយមានកិច្ចសហការជាមួយក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលថ្នាក់ក្រោមជាតិ ព្រមទាំងការជួយគាំទ្រផ្នែកហិរញ្ញវត្ថុពីធនាគារអភិវឌ្ឍន៍អាស៊ី (ADB)។ រហូតមកដល់ពេលនេះ ការងារនេះ សម្រេចបានលទ្ធផលសំខាន់ៗមួយចំនួនធំ ក្នុងចំណោមនោះ ក្រសួងរៀបចំដែនដី នគរូបនីយកម្ម និងសំណង់ បានចេញ «វិញ្ញាបនបត្រសម្គាល់ម្ចាស់អចលនវត្ថុ» ជូនក្រសួងបរិស្ថាន ចំនួន ១៨ប័ណ្ណ ដែលក្នុងនោះ ១០ ប័ណ្ណ សម្រាប់សម្គាល់កម្មសិទ្ធិដីរដ្ឋក្នុងតំបន់ស្នូល និងតំបន់អភិរក្សនៃដែនជម្រកសត្វព្រៃពាមក្រសោប ខេត្តកោះកុង ដែលគ្រប់ដណ្តប់លើផ្ទៃដីសរុប ៤.៦៧២,៦១ ហិកតា និង ៨ […]
អានបន្ថែម
មន្ត្រីក្រសួងរ៉ែ៖ អូរខ្វាវក្នុងខេត្តមណ្ឌលគិរី រំពឹងទុកថានឹងផ្តល់រ៉ែបានជិត១លានអោន
មន្ត្រីជាន់ខ្ពស់របស់ក្រសួងរ៉ែ និងថាមពលបានលើកឡើងថា ប្រទេសកម្ពុជារំពឹងទុកអាចទាញយករ៉ែមាសបានជិត១លានអោន ឬ ប្រមាណជិត ៧ សែនតម្លឹងតាមការសិក្សារស្រាវជ្រាវនៅតំបន់អណ្តូងរ៉ែទី១ នៅក្នុងតំបន់អូខ្វាវ ស្រុកកែវសីម៉ា ខេត្តមណ្ឌលគិរី។ នេះបើតាមការលើកឡើងរបស់ ឯកឧត្តម យស មុនីរ៉ាត់ អគ្គនាយកនៃអគ្គនាយដ្ឋានរ៉ែ ក្នុងសន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដរបស់ក្រសួងរ៉ែ និងថាមពល» ដែលរៀបចំដោយអង្គភាពអ្នកនាំពាក្យរាជរដ្ឋាភិបាល នាព្រឹកថ្ងៃទី២១ ខែមេសា ឆ្នាំ២០២០នេះ។ ឯកឧត្តមបានបញ្ជាក់ថា ក្រុមហ៊ុនអន្តរជាតិដ៏ធំមួយរបស់អូស្ត្រាលី ដែលមានការសហការផ្នែកហិរញ្ញវត្ថុជាមួយប្រទេសកាណាដា បានសាងសង់ទីតាំងរោងចក្ររុករករ៉ែរួចរាល់ហើយ នៅក្នុងតំបន់អូខ្វាវ ស្រុកកែវសីម៉ា ខេត្តមណ្ឌលគិរី។ ឯកឧត្តមបន្តមានប្រសាសន៍ថា ៖ «ជិត ១លានតម្លឹង នៅជម្រករ៉ែមាសទី១ នៅអូរខ្វាវហ្នឹង ហើយយើងសង្ឃឹមថា នៅពេលដែលយើងចាប់ផ្ដើមដំណើរការអណ្ដូររ៉ែទី១ហ្នឹងហើយ តំបន់នៅជុំវិញដែលយើងកំពុងរុករកហ្នឹង យើងនឹងបានទទួលជម្រករ៉ែថ្មីៗទៀត។ ក្រោយពីជីកអាហ្នឹងអស់ នឹងអានោះមកបន្ថែមទៀត។ ឬមួយអានោះមិនទាន់ជីកអស់ ៣ ទៅ ៤ឆ្នាំក្រោយ មានរ៉ែថ្មីមកបន្ថែម យើងនឹងបង្កើនផលិតកម្មរបស់យើងតទៅទៀត នេះជាស្ថានភាពទូទៅនៃរ៉ែមាសនៅកម្ពុជា»។ ក្នុងសេចក្តីប្រកាសព័ត៌មានចុះថ្ងៃទី១៣ ខែមីនា កន្លងទៅ របស់ក្រុមហ៊ុន Emerald Resources […]
អានបន្ថែម
អ្នកជំនាញ៖ ការអភិវឌ្ឍគម្រោងមជ្ឈមណ្ឌលវេជ្ជសាស្រ្តធំៗនៅកម្ពុជា ជាឱកាសល្អសម្រាប់អ្នកវិនិយោគ
អ្នកជំនាញយល់ឃើញថា ការអភិវឌ្ឍគម្រោងមជ្ឈមណ្ឌលវេជ្ជសាស្រ្តធំៗនៅកម្ពុជា គឺជាវិស័យដែលមានសក្ដានុពលសេដ្ឋកិច្ចខ្ពស់ ដែលជាឱកាសមួយសម្រាប់អ្នកវិនិយោគ ខណៈដែលគម្រោងធំៗកម្ពុជាមានចំនួនតិចតួចនៅឡើយ។ «វិស័យទេសចរណ៍វេជ្ជសាស្ត្រនៅស្រុកយើង នៅខ្វះខាតមន្ទីពេទ្យ និងគ្លីនីកច្រើន ហេតុដូចនេះហើយបានប្រជាជនកម្ពុជាភាគច្រើនសម្រុកទៅពិនិត្យ និងព្យាបាលជំងឺនៅប្រទេសក្រៅ។ កាលពីខែមុនខ្ញុំទៅប្រទេសថៃ ហើយខ្ញុំសង្កេតឃើញគម្រោងអភិវឌ្ឍន៍វេជ្ជសាស្ត្រខ្លះធ្វើឡើងសម្រាប់ទទួលប្រជាជនកម្ពុជាតែម្តង។ ក្នុងនោះដែរ គេបានបន្ថែមពេទ្យខ្មែរ និងអ្នកបកប្រែជាច្រើនសម្រាប់ជួយសម្រួលឲ្យកាន់តែមានភាពងាយស្រួលបន្ថែមទៀត។» James Hodge អ្នកជំនាញផ្នែកអចលនទ្រព្យ បានលើកឡើងក្នុងកម្មវិធី EuroCham ពេលព្រឹកនិយាយនៅថ្ងៃទី ១២ ខែមីនាឆ្នាំ ២០២០ នៅភោជនីយដ្ឋានតូបតារាជធានីភ្នំពេញ។ លោកបានបន្តថា “យើងមើលឥឡូវនេះមានគម្រោងធំៗមួយចំនួន កំពុងសំឡឹងមើលវិស័យនេះ ហើយមានគម្រោងពីរបីដែរ ដែលជាគម្រោងធំៗណាស់។ ខ្ញុំគិតថា ការបំពាក់បរិក្ខារទំនើបៗមិនត្រឹមតែអាចបន្ថែមការជឿទុកចិត្តកាន់តែខ្លាំងឡើងសម្រាប់ប្រជាជនកម្ពុជាប៉ុណ្ណោះទេ ប៉ុន្តែថែមទាំងអាចនាំមកនូវអ្នកមើលថែអ្នកជំងឺបរទេស អោយមកព្យាបាលនៅប្រទេសកម្ពុជាផងដែរ។ ឧស្សាហកម្មទេសចរណ៍វេជ្ជសាស្ដ្របែបនេះ កំពុងមាននិន្នាការនៅកូរ៉េខាងត្បូង ជប៉ុន និងតំបន់ជិតខាងផ្សេងទៀត”។ បើតាមគេហទំព័រព័ត៌មានសំណង់និងអចលនទ្រព្យ គម្រោងមជ្ឍមណ្ឌលវេជ្ជសាស្រ្តធំៗនៅកម្ពុជា ដែលជាមន្ទីរពេទ្យលំដាប់ពិភពលោក ផ្តល់នូវសេវាកម្មថែទាំសុខភាព និងព្យាបាលដល់ពលរដ្ឋកម្ពុជាតាមស្តង់ដារលំដាប់អន្តរជាតិ រួមមាន៖ • មន្ទីរពេទ្យស្តង់ដាបែបសិង្ហបុរីលំដាប់ពិភពលោក The Prestige Hospital មានតម្លៃប្រមាណ៧ លានដុល្លារបានប្រកាសបើកដំណើរការ កាលពីទី៣០ ខែមីនា ឆ្នាំ២០២០។ (អានបន្ថែម) […]
អានបន្ថែម
CBRE៖ តម្លៃលក់បូរីនៅតែរក្សាកំណើន ក្នុងរយៈពេល២ត្រីមាសដំបូង ទោះមានបញ្ហាកូវីដ
ទីភ្នាក់ងារអចលនទ្រព្យ CBRE បានព្យាករថា តម្លៃលក់បូរីនៅទីក្រុងភ្នំពេញ នៅតែរក្សាកំណើន ក្នុងរយៈពេល ៦ ខែដំបូង ប៉ុន្តែអាចនឹងចាប់ផ្តើមធ្លាក់ចុះវិញ ដោយសារភាពតានតឹងនៃលំហូរសាច់ប្រាក់ ដែលបណ្ដាលមកពីការរាតត្បាតនៃជំងឺកូវីដ-១៩។ យោងតាមរបាយការណ៍របស់ទីភ្នាក់ងារអចលនទ្រព្យ CBRE បានបង្ហាញថា កត្តាជំរុញសំខាន់មួយ គឺដោយសារតែចាប់តាំងពីចុងឆ្នាំ ២០១៩ រហូតដល់ត្រីមាសទី ១ ឆ្នាំ ២០២០ មានគម្រោងមួយចំនួន បាន ដំណើរការរួចមុនទៅហើយ រួមមាន គម្រោងរបស់បូរីធំៗចំនួន ៣ ដែលបានបញ្ចប់ការសាងសង់ និងផ្គត់ផ្គង់បូរីសរុបចំនួន ៤៩គម្រោង ដែលមានទីតាំងស្ថិតតំបន់នៅខណ្ឌមានជ័យ(សរុប២៥គម្រោង) និងខណ្ឌច្បារអំពៅ(សរុប២៤គម្រោង)។ ដោយឡែក ខណ្ឌសែនសុខនៅតែជាតំបន់ឈានមុខគេសម្រាប់ទីផ្សារផ្គត់ផ្គង់បូរី ហើយខណ្ឌពោធិសែនជ័យ ក៏កំពុងបង្ហាញពីសក្តានុពលរបស់ខ្លួនផងដែរ។ កត្តាចម្បងមួយទៀត គឺដោយសារ អ្នកអភិវឌ្ឍន៍ក្នុងស្រុកនៅតែមានទំនុកចិត្តក្នុងការវិនិយោគលើផ្នែកបូរីនេះ។ ជាក់ស្តែង មានការប្រកាសបើកលក់គម្រោងថ្មីៗចំនួន ៥ ដោយអ្នកអភិវឌ្ឍន៍ធំៗ ចំនួន ៣ រួមមាន៖ បូរី ប៉េងហួត ជីប ម៉ុង លែន និងបូរីជារីជាដើម។ ងាកមកនិយាយអំពីតម្លៃវិញ តម្លៃលក់បូរី មិនបានបង្ហាញពីសញ្ញាណនៃការធ្លាក់ចុះទេ […]
អានបន្ថែម
អភិបាលក្រុង៖ អាជ្ញាធរខណ្ឌទាំង១៤ ត្រូវផ្តល់សេវាចុះបញ្ជីផ្ទេរកម្មសិទ្ធិអចលនទ្រព្យឲ្យបានប្រសើរជាងនេះ
ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានណែនាំឲ្យអាជ្ញាធរខណ្ឌទាំង១៤ យកចិត្តទុកដាក់ទៅលើការស្នើសុំសេវាចុះបញ្ជីផ្ទេរកម្មសិទ្ធិអចលនទ្រព្យ របស់ប្រជាពលរដ្ឋ អោយកាន់តែប្រសើរជាមុន ។ “’ចង់ជួបចៅសង្កាត់ពិបាកជាងជួបរដ្ឋមន្ត្រី’ ពាក្យទាំងនេះ បានសាបរលាបទៅបាត់ហើយ ដោយសារការបង្កើតឲ្យមានក្រុមបដិសណ្ឋារកិច្ច នៅថ្នាក់សង្កាត់ ដើម្បីផ្ដល់សេវាជូនប្រជាពលរដ្ឋ។ ឯកឧត្តមបានថ្លែងដូច្នេះ ក្នុងកិច្ចប្រជុំស្ដីពីបែបបទ នៃការបញ្ជូនឯកសារស្នើសុំសេវាចុះបញ្ជីផ្ទេរកម្មសិទ្ធិអចលនទ្រព្យ ក្នុងភូមិសាស្ត្រខណ្ឌទាំង១៤ រាជធានីភ្នំពេញ ដែលរដ្ឋបាលរាជធានីភ្នំពេញ បានប្រារព្ធឡើង កាលពីដើមសប្ដាហ៍កន្លងទៅនេះ។ កិច្ចប្រជុំនេះ ធ្វើឡើងដើម្បីកែលម្អការផ្ដល់សេវាសាធារណៈ លើការស្នើសុំសេវាចុះបញ្ជីផ្ទេរកម្មសិទ្ធិអចលនទ្រព្យ ដល់ប្រជាពលរដ្ឋឱ្យកាន់តែមានប្រសិទ្ធភាព និងភាពស័ក្តិសិទ្ធិភាពជាងមុន។ ឯកឧត្តម ក៏បានវាយតម្លៃអំពីការអនុវត្តការងារកន្លងមក ថា “ការផ្ដល់សេវាជូនប្រជាពលរដ្ឋ កន្លងមកនេះឃើញថា បានល្អប្រសើរហើយ ប៉ុន្តែយើងនៅតែខ្វះខាត ទៅនឹងអ្វីដែលជាការណែនាំរបស់ក្រសួងដែនដី” ។ គេសង្កេតឃើញថា ប៉ុន្មានឆ្នាំចុងក្រោយនេះ រដ្ឋាភិបាលបានដាក់ចេញនូវផែនការកំណែទម្រង់យ៉ាងច្រើនលើគ្រប់វិស័យ ជាពិសេសក្របខណ្ឌកែទម្រង់វិមជ្ឈការ និងសហវិមជ្ឈការ ដែលរាជរដ្ឋាភិបាលតាមរយៈក្រសួងមហាផ្ទៃ និងក្រសួងដែនដី ដែលមានចំណុចច្រើនពាក់ព័ន្ធនឹងវិស័យអចលនទ្រព្យ។ ក្នុងនោះ មានចំណុចមួយ បានបញ្ជាក់យ៉ាងច្បាស់ ពីការប្រគល់សិទ្ធិក្នុងការចុះហត្ថលេខាតាមបញ្ជា (ត.ប)អភិបាលនៃគណៈអភិបាលខណ្ឌសាមី ជូនប្រធានការិយាល័យរៀបចំដែនដីនគរូបនីយកម្ម និងសំណង់ និងភូមិបាលខណ្ឌ ដោយប្រើប្រាស់ត្រារបស់ការិយាល័យផ្ទាល់ […]
អានបន្ថែម
អឺរ៉ុបបង្វែរហិរញ្ញប្បទានឥតសំណង ៥៦លានអឺរ៉ូ ដើម្បីស្ដារវិស័យអាទិភាពមួយចំនួននៅកម្ពុជា
សហគមន៍អឺរ៉ុបសម្រេចបង្វែរហិរញ្ញប្បទានឥតសំណង ៥៦លានអឺរ៉ូ ពីកម្មវិធីកំពុងដំណើរការមួយចំនួនដើម្បីស្តារសម្បទាសេដ្ឋកិច្ច-សង្គមអាទិភាពមួយចំនួននៅកម្ពុជា ដែលរងការប៉ះពាល់ពីវិបត្តិកូវីដ១៩។ នៅក្នុងកិច្ចប្រជុំតាមរយៈ Video Conference រវាង លោកស្រី Carmen Moreno ឯកអគ្គរដ្ឋទូត នៃសហភាពអឺរ៉ុបប្រចាំកម្ពុជា និងឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ លោកស្រីឯកអគ្គរដ្ឋទូតបានថ្លែងកោតសរសើរ និងវាយតម្លៃខ្ពស់ ចំពោះជោគជ័យរបស់រាជរដ្ឋាភិបាល ក្នុងការគ្រប់គ្រងបញ្ហាវិបត្តិនៃជំងឺកូវីដ ១៩ នេះ និងបានថ្លែងបញ្ជាក់អំពីជំហរគាំទ្រយ៉ាងពេញទំហឹងរបស់សហភាពអឺរ៉ុប ក្នុងការចូលរួមចំណែកគាំទ្ររាជរដ្ឋាភិបាលកម្ពុជា ក្នុងការស្ដារសម្បទាសេដ្ឋកិច្ច-សង្គម ដែលរងផលប៉ះពាល់ពីនៃជំងឺវិបត្តិនៃជំងឺកូវីដ១៩នេះ។ លោកស្រីបានឱ្យដឹងថា ក្នុងស្មារតីចូលរួមគាំពារសង្គមកម្ពុជានេះ សហភាពអឺរ៉ុប សម្រេចបង្វែរហិរញ្ញប្បទានឥតសំណង៥៦លានអឺរ៉ូ ពីកម្មវិធីកំពុងដំណើរការមួយចំនួន សម្រាប់យកមកហិរញ្ញប្បទានលើវិស័យគាំពារសង្គមដែលជាការងារអាទិភាព និងបន្ទាន់របស់រដ្ឋាភិបាលកម្ពុជា។ ជាការឆ្លើយតប ឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រី បានថ្លែងនូវការស្វាគមន៍យ៉ាងកក់ក្តៅ ចំពោះសហភាពអឺរ៉ុបក្នុងកិច្ចសហការដ៏ល្អប្រសើរកន្លងមក ជាមួយនឹងរាជរដ្ឋាភិបាលកម្ពុជា ជាពិសេស ក្នុងកាលៈទេសៈបច្ចុប្បន្នដែលពិភពលោក ក៏ដូចជាកម្ពុជាកំពុងប្រឈម និងប្រយុទ្ធដោះស្រាយ ចំពោះវិបត្ដិសាកលដោយសារជំងឺកូវីដ ១៩ (COVID-19) ។ សូមបញ្ជាក់ថា វិធានការស្ដារសេដ្ឋកិច្ច-សង្គមពីផលប៉ះពាល់នៃជំងឺកូវីដ ១៩ រាជរដ្ឋាភិបាលកម្ពុជា បានបង្កើតក្រុមការងារចំនួន០៤។ វិធានការនេះ […]
អានបន្ថែម
កូវីដ ១៩ បានបង្កជាឧបសគ្គសម្រាប់ការបូមប្រេងដំបូងនៅកម្ពុជា
ឯកឧត្តម ជៀប សួរ អគ្គនាយក នៃអគ្គនាយកដ្ឋានប្រេងកាត មានប្រសាសន៍ថា ការបូមយកដំណក់ប្រេងកាតដំបូងនៅកម្ពុជា នឹងត្រូវពិភាក្សា និង វាយតម្លៃបន្ត ចំពោះរឿងនេះ ក្រោយកូវីដ ១៩ បានបញ្ចប់ ។ ឆ្លើយតបនឹងសំណួរ អ្នកសារព័ត៌មានក្នុងស្រុកមួយ អំពី ផលប៉ះពីកូវីដ ១៩ មកលើតម្លៃប្រេង នៅទូទាំងពិភពលោក នាសន្និសីទសារព័ត៌មានស្ដីពី វឌ្ឍនភាព និងទិសដៅការងារបន្ដរបស់ក្រសួងរ៉ែ និងថាមពល នៅព្រឹកថ្ងៃទី ២១ ខែមេសា ឆ្នាំ២០២០ឯកឧត្តមអគ្គនាយក មានប្រសាសន៍ ថា “ជាទូទៅហើយក្រុមហ៊ុនណាក៏មានផលប៉ះពាល់ រួមទាំងបុគ្គល និងគម្រោងប្រេងផង ដូច្នេះនៅដំណាក់កាលនេះ យើងអត់ទាន់អាចវាតម្លៃថាយ៉ាងទេ”។ ឯកឧត្តមបន្ថែមថា “ដូច្នេះសូមពេលវេលាបន្តិចទៀត នៅពេលកូវីដធូរស្រាល យើងនឹងជួបប្រជុំជាមួយគាត់ ហើយយើងនឹងអាចវាយតម្លៃបាន” ។ ទាក់ទិនទៅនឹងតម្លៃ ប្រេងធ្លាក់ ឯកឧត្តមបានបន្តទៀតដែរថា “បញ្ហានេះ ខ្ញុំសូមជម្រាបជូនថា កូវីដនេះ បានធ្វើអោយថ្លៃប្រេងធ្លាក់ … ធ្លាក់ដោយសារតម្រូវការប្រេងថយចុះ” ។ បន្ថែមពីនេះដែរ ឯកឧត្តម […]
អានបន្ថែម
ក្រុមហ៊ុន Hyundai Engineering ទទួលបានសិទ្ធិសាងសង់ផ្សារទំនើប AEON ទី៣
ក្រុមហ៊ុនវិស្វកម្មហ៊ីយ៉ាន់ដាយ (Hyundai Engineering) របស់កូរ៉េខាងត្បូង បានទទួលគម្រោងសាងសង់ផ្សារទំនើបអ៊ីអនម៉លទី៣ (AEON 3) នៅក្នុងប្រទេសកម្ពុជាក្នុងទំហំទឹកប្រាក់១៦៤ លានដុល្លារអាមេរិក។ នេះជាការលើកឡើងរបស់បុគ្គលិកម្នាក់របស់ក្រុមហ៊ុននេះ ដែលបានចុះផ្សាយរបស់គេហទំព័រ Korea IT TIMES កាលពីថ្ងៃទី១៩ ខែមេសា ឆ្នាំ២០២០។ ផ្សារទំនើបនេះ នឹងត្រូវបានសាងសង់ជាប្រាំជាន់ រួមជាមួយទីកន្លែងចតយានជំនិះមួយ លើដីមានផ្ទៃក្រឡាសរុបរហូតដល់ទៅ ១៧៤០០០ ម៉ែត្រការ៉េ ធំជាងផលបូកផ្ទៃក្រឡាផ្សារទំនើប AEON ទី១ (៦៨០០០ ម៉ែត្រការ៉េ) និងផ្សារទំនើបAEON ២ សែនសុខ (១០០០០០ ម៉ែត្រការ៉េ)។ តាមការបញ្ជាក់ដោយក្រុមប្រឹក្សាអភិវឌ្ឍន៍កម្ពុជា CDC គម្រោងនេះមានទីតាំងវិនិយោគស្ថិតនៅភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ គម្រោងសាងសង់នេះ នឹងត្រូវប្រើរយៈពេល ២៧ខែ ក្នុងការសាងសង់ ដែលគិតចាប់ពីថ្ងៃចាប់ផ្តើមសាងសង់ ផ្សារទំនើបAEONទី៣ថ្មីនេះ នឹងដាក់ឲ្យដំណើរការក្នុងឆ្នាំ២០២៣ ខាងមុខនេះ។ (អានបន្ថែម) នេះជាលើកទីពីរហើយដែលក្រុមហ៊ុន Hyundai Engineering ទទួលបានគម្រោងសាងសង់ពីក្រុមហ៊ុន AEON Mall (Cambodia) […]
អានបន្ថែម
កិច្ចប្រជុំ ACF នឹងត្រូវផ្អាក ខណៈកម្មវិធីទំនាក់ទំនងធុរកិច្ចរបស់ CCA ក៏អាចនឹងផ្អាកផងដែរ
កិច្ចប្រជុំក្រុមប្រឹក្សាសហព័ន្ធអ្នកសាងសង់អាស៊ាន ឬ ACF Council Meeting ត្រូវបានផ្អាកដើម្បីបង្កាការរីករាលដាលនៃជំងឺឆ្លងសកលកូវីដ១៩ ខណៈនេះដែរសមាគមអ្នកសាង សង់កម្ពុជា ឬ CCA ក៏អាចនឹងមិនបន្តរៀបចំកម្មវិធីទំនាក់ទំនងធុរកិច្ចប្រចាំឆ្នាំរបស់ខ្លួនផងដែរ។ ACF Council Meeting គឺជាកិច្ចប្រជុំរៀងរាល់ឆ្នាំដែលផ្តល់ឱកាសឲ្យសមាជិករបស់ខ្លួនដែលរួមមាន CCA ធ្វើការផ្សព្វផ្សាយអំពីសក្តានុពលនៃវិស័យសំណង់នៅតាមប្រទេសនីមួយៗក្នុងតំបន់អាស៊ីអាគ្នេយ៍។ ក៏ប៉ុន្តែ ដោយសារការរីករាលដាលនៃមេរោគកូវីដ១៩ រិតតែខ្លាំងឡើងៗ នៅទូទាំងសកលលោក ដោយមិនមានការថមថយទាល់តែសោះ ហេតុដូច្នេះកិច្ចប្រជុំដែលគ្រោងនឹងរៀបចំ ឡើងនៅថ្ងៃទី ២៣ ដល់ ២៤ ខែ មីនា ឆ្នាំ ២០២០ ខាងមុខនេះ នៅប្រទេសមីយ៉ានម៉ា នឹងត្រូវផ្អាកជាបណ្តោះអាសន្ន។ ស្របពេលជាមួយគ្នាដែរ ដោយសារភាពមិនច្បាស់លាស់នៃស្ថានភាពនាពេលបច្ចុប្បន្ន និងដើម្បីចូលរួមជាមួយរាជរដ្ឋាភិបាលក្នុងការទប់ស្កាត់ការរីករាលដាលនៃមេរោគដ៏កាចសាហាវមួយនេះ CCA សម្រេចថានឹងផ្អាកកម្មវិធីមួយចំនួនដូចជា ទំនាក់ទំនងធុរកិច្ចរបស់ខ្លួន ដែលជាទូទៅតែងតែរៀបចំឡើងក្នុងអំឡុងខែមេសា ឬ ឧសភាខាងមុខនេះផងដែរ។ ជារៀងរាល់ឆ្នាំ សមាគមតែងតែរៀបចំកម្មវិធីទំនាក់ទំនងធុរកិច្ចដែល ផ្តល់ឱកាសឲ្យសមាជិករបស់ខ្លួនជួបជុំគ្នាដោយផ្ទាល់ ធ្វើការទំនាក់ទំនង និងស្វែងរកកិច្ចការងារបន្ថែមពីការផ្គត់ផ្គង់ និងតម្រូវការនៃសម្ភារសំណង់ក្នុងទីផ្សារកម្ពុជា។ សមាគមនឹងកំណត់កាលបរិច្ឆេទនៃកម្មវិធីនេះជាថ្មីនៅពេលដ៏សមស្របណាមួយនាពេលខាងមុខនេះ។ សម្រាប់កម្មវិធីពិព័រណ៍ប្រចាំឆ្នាំវិញ សមាគមកំពុងធ្វើការសិក្សាថាត្រូវបន្ត ឬយ៉ាងណា ក៏ប៉ុន្តែប្រសិនបើមានការផ្លាស់ប្តូរ ឬយ៉ាងណានោះ […]
អានបន្ថែម
គម្រោងសាងសង់ផ្លូវលេខ ១៤៦បេ ក្នុងខេត្តព្រះសីហនុចាប់ផ្តើមសាងសង់ហើយ
គម្រោងសាងសង់កំណាត់ផ្លូវខេត្តលេខ ១៤៦បេ ក្នុងខេត្តព្រះសីហនុ ដែលប្រើថវិកាជាតិផ្ទាល់របស់ជាតិ បានចាប់ផ្តើមបើកការដ្ឋានសាងសង់កាលពីថ្ងៃទី១៧ ខែមេសា ឆ្នាំ២០២០នេះហើយ។ កំណាត់ផ្លូវនេះ សាងសង់ដោយក្រុមហ៊ុនចិន China Road & Bridge Corporation Co.Ltd (CRBC) ចំណាយថវិកាចំនួន ៧៦.៨៨៨.០០០ ដុល្លារសហរដ្ឋអាមេរិក ក្នុងកញ្ចប់ថវិកា១០០លានដុល្លារអាមេរិក ដែលជាថវិកាសន្សំរបស់ជាតិ និងគ្រោងប្រើប្រាស់រយ:ពេលសាងសង់ចំនួន២៨ខែ។ នេះបើតាមការបញ្ជាក់ក្នុងទំព័រហ្វេកផេកផ្លូវការរបស់ក្រសួងសាធារណៈការ និងដឹកជញ្ជូនកាលពីថ្ងៃទី១៧ ខែមេសា ឆ្នាំ២០២០។ ថ្លែងក្នុងដំណើរដឹកនាំការងារចុះត្រួតពិនិត្យបច្ចេកទេស កាលពីថ្ងៃទី ១៧ ខែមេសានេះ ឯកឧត្តមទេសរដ្ឋមន្ត្រី ស៊ុន ចាន់ថុល បានគូសបញ្ជាក់ថា៖ កំណាត់ផ្លូវនេះគឺជាផ្លូវវាងក្រុងដ៏មានសក្ដានុពលសម្រាប់បម្រើ ឱ្យការដឹកជញ្ជូនទំនិញនាំចេញ-ចូលតាមនាវា កសិផល និងជលផលរបស់បងប្អូនប្រជាពលរដ្ឋ នៅស្រុកស្ទឹងហាវ ក៏ដូចជាបងប្អូនរស់នៅតំបន់ទំនប់រលកចាស់ នៃក្រុងព្រះសីហនុ ទៅកាន់ទីផ្សារកាន់តែមានលក្ខណៈងាយស្រួល ឆាប់រហ័ស និងចំណាយតិច។ ឯកឧត្តមរដ្ឋមន្ត្រីបានបន្តអំពីអត្ថប្រយោជន៍បន្ថែមនៃផ្លូវ ដែលកើតចេញពីថវិកាសន្សំចេញញើសឈាមយើងទាំងអស់គ្នាថា “… និងបានចូលរួមចំណែកយ៉ាងច្រើនដល់ការកាត់បន្ថយការកកស្ទះចរាចរណ៍តាមផ្លូវជាតិលេខ៤ ចំពោះរថយន្តដឹកជញ្ជូនទំនិញធុនធ្ងន់ដូចជាកុងតាន័រ ជាដើម។” ដើម្បីធានាគុណភាព និងភាពធន់បានយូរទល់នឹងដំណឹកជញ្ជូនធ្ងន់ ព្រោះចរាចរណ៍លើដងផ្លូវនេះនឹកមមាញឹកខ្លាំង ផ្លូវថ្មីនេះ នឹងសាងសង់ដោយចាក់បេតុងកៅស៊ូ […]
អានបន្ថែម
អាយអឹមអែហ្វ៖ កំណើនផលិតផលក្នុងស្រុក (GDP)កម្ពុជានឹងធ្លាក់ចុះត្រឹមដក១,៥% ឆ្នាំ២០២០
កំណើនផលិតផលក្នុងស្រុកសរុប(GDP)របស់កម្ពុជា នឹងធ្លាក់ចុះដល់កម្រិត -១,៥% ដោយសារតែការធ្លាក់ចុះយ៉ាងគំហុកនៃភ្ញៀវទេសចរបរទេស និងវិស័យឧស្សាហកម្មកាត់ដេរដែលបណ្ដាលមកពីវិបត្តិកូវីដ១៩។ នេះបើយោងទៅតាមកិច្ចសម្ភាសន៍សារព័ត៌មានស្ដីអំពីរបាយការណ៍សង្ខេបរបស់នាយកដ្ឋានអាស៊ីនិងប៉ាស៊ីហ្វិក ជាមួយលោក ឆាងយ៉ុង រី(Changyong Rhee) ប្រធាននាយកដ្ឋានអាស៊ីប៉ាស៊ីហ្វិករបស់មូលនិធិរូបិយវត្ថុអន្ដរជាតិឬអាយអឹមអែហ្វ (IMF) កាលពីថ្ងៃទី១៥ ខែមេសា ឆ្នាំ២០២០កន្លងទៅនេះ។ លោកមានប្រសាសន៍ថា៖ «ចំពោះកម្ពុជា ឡាវ មីយ៉ាន់ម៉ា និង វៀតណាម ដែលសេដ្ឋកិច្ចភាគច្រើនពឹងផ្អែកលើការនាំចេញ និងវិស័យទេសចរណ៍ នឹងត្រូវធា្លក់ចុះយ៉ាងគំហុកទោះបីជាការរាតត្បាតនៃជំងឺកូវីដ១៩ស្ថិតក្នុងដំណាក់កាលដំបូងក៏ដោយ។ ចំពោះប្រទេសកម្ពុជា ខ្ញុំបានលឺថាវិស័យទេសចរណ៍ធ្លាក់ចុះទៅដល់ ៦០% និងវិស័យឧស្សាហកម្មកាត់ដេរក៏មានការធា្លក់ចុះយ៉ាងគំហុកដែរ។» លោកបានបន្តថា៖ «យើងបានគណនាឡើងវិញហើយសម្រេចទម្លាក់កំណើនផលិតផលក្នុងស្រុកសរុបមកដល់កម្រិត-១,៥%។ ការដាំក្បាលចុះដល់ទៅដក១,៥ភាគរយ ឃើញតួលេខនេះ អ្នកអាចនឹងលាន់មាត់ថា ចុម…!ក៏ប៉ុន្តែសូមរម្លឹកថានៅមុនពេលវិបត្តិមេរោគនេះកើតឡើង យើងបានរំពឹងថា អត្រាផលិតផលក្នុងស្រុកនៃប្រទេសនេះគឺ៧%។ ក៏ប៉ុន្តែ ផលិតផលក្នុងស្រុកដែលធ្លាក់ចុះជាក់ស្តែង គឺជាង ៨,៥ ភាគរយបើប្រៀបធៀបទៅនឹងការព្យាករមុនពេលមានវិបត្តិ។ ដូច្នេះសេដ្ឋកិច្ចក្នុងប្រទេសនេះនឹងជួបការលំបាកខ្លាំងណាស់។» សូមរម្លឹកផងដែរថា មុនតួលេខចេញដោយអាយអឹមអែហ្វនេះបន្តិច ធនាគារពិភពលោក ក៏ធ្លាប់បានព្យាករថាកំណើនសេដ្ឋកិច្ចកម្ពុជានឹងធ្លាក់ចុះមកនៅត្រឹមប្រមាណ២,៥% ដោយសារការរីករាលដាលនៃកូវីដ ១៩ ដែលធ្វើឲ្យប៉ះពាល់ដល់ក្បាលម៉ាស៊ីនអភិវឌ្ឍន៍សំខាន់ៗនៅកម្ពុជារួមមានវិស័យទេសចរណ៍ និងសំណង់នៅក្នុងត្រីមាសទីមួយក្នុងឆ្នាំ២០២០ នេះផងដែរ។ នេះបើយោងតាមរបាយការណ៍របស់ធនាគារពិភពលោក ស្ដីអំពីការធ្វើបច្ចុប្បន្នភាពសេដ្ឋកិច្ចប្រចាំខែមេសាឆ្នាំ ២០២០ សម្រាប់អាស៊ីបូព៌ា […]
អានបន្ថែម
គម្រោងកែលម្អប្រព័ន្ធប្រឡាយ-លូ ៣កន្លែង ត្រៀមសម្រាប់រដូវភ្លៀងខាងមុខ
គម្រោងការពារទឹកជំនន់ និង កែលម្អប្រព័ន្ធប្រឡាយ-លូចំនួន ៣កន្លែង រួមមានគម្រោងសាងសង់ប្រព័ន្ធបង្ហូរទឹកតំបន់វត្តភ្នំ និងទួលគោក និងគម្រោងសាងសង់អាងស្តុកទឹកនៅតំបន់មាត់ទន្លេ កំពុងដំណើរការសាងសង់ ជាពិសេសត្រៀមពេលរដូវវស្សាចូលមកដល់។ លោក មិកាមិ ម៉ាសាហ៉ីរ៉ូ (MIKAMI Masahiro) ឯកអគ្គរាជទូតជប៉ុនប្រចាំកម្ពុជា បានចេញវីដេអូខ្លីមួយលើបណ្ដាញសង្គមហ្វេសប៊ុកផ្លូវការស្ថានទូតជប៉ុននៅកម្ពុជា អំពីដំណើរការគម្រោងការពារទឹកជំនន់នៅរាជធានីភ្នំពេញ និងស្នើឲ្យមានការបន្តយោគយល់ពីអ្នកធ្វើដំណើរទូទៅ ចំពោះការបិទចរាចរណ៍នៅតំបន់ជុំវិញការដ្ឋាន កាលពីថ្ងៃទី ១៧ ខែមេសា ឆ្នាំ២០២០ កន្លងទៅ។ លោកមានប្រសាសន៍ថា៖ «គម្រោងការពារទឹកជំនន់ក្នុងរាជធានីភ្នំពេញ កំពុងដំណើរការនៅតំបន់វត្តភ្នំ និងទួលគោក ហើយនឹងបញ្ចប់ក្នុងឆ្នាំ២០២១។ ជាក់ស្ដែង ការដ្ឋានវត្តភ្នំ កំពុងជីកប្រព័ន្ធបង្ហូរទឹកជម្រៅ ៧ម៉ែត្រក្រោមដី ចំណែកនៅតំបន់មាត់ទន្លេវិញកំពុងសាងសង់អាងស្តុកទឹកចំណុះ ៦.៥០០ម៉ែត្រគូប។ នៅរដូវវស្សា ទឹកហូរតាមប្រព័ន្ធបង្ហូរទឹកនេះទៅក្នុងអាង បន្ទាប់មកហូរចូលក្នុងទន្លេ។» លោកបានបន្តថា៖ «ក្នុងរយៈពេលដំណើរការសាងសង់ មានការបិទចរាចរណ៍ផ្លូវមួយចំនួន។ សូមលោក លោកស្រ្តី បន្តយោគយល់ និងគាំទ្រគម្រោងនេះ។» គួរបញ្ជាក់ផងដែរថា គម្រោងនេះត្រូវបានបើកការដ្ឋានសាងសង់កាលពីនៅថ្ងៃទី០៤ ខែមីនា ឆ្នាំ២០១៩ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលជាជំហានទី៤ នៃគម្រោងរួមដែលមានទឹកប្រាក់សរុបប្រមាណ […]
អានបន្ថែម