ផ្សារទំនើបភ្នំពេញមេហ្គាម៉លបញ្ចប់ការសាងសង់បាន ៩៩.៤% គ្រោងនឹងបើកត្រីមាសទី៤
ផ្សារទំនើបភ្នំពេញមេហ្គាលម៉លបានបញ្ចប់ការសាងសង់ប្រមាណ ៩៩.៤ភាគរយ ហើយ គ្រោងនឹងបើកដំណើរការក្នុងត្រីមាសទី៤ នៃឆ្នាំ ២០២០នេះ។ នេះបើយាងតាមការឱ្យដឹងពីម្ចស់គម្រោងផ្ទាល់។ ។ លោក Olvy Othsaman ប្រធាននិងនាយកប្រតិបត្តិក្រុមហ៊ុន Hassan (Cambodia) Development ដែលជាក្រុមហ៊ុនទទួលខុសត្រូវលើគម្រោងនេះ បានប្រាប់ទស្សនាវដ្ដីសំណង់ និង អចលនទ្រព្យថា ៖ «គម្រោងនេះគឺសឹងតែបញ្ចប់ ១០០ ភាគរយទៅហើយ ពោលគឺប្រមាណ ៩៩.៤ភាគរយ ប៉ុន្តែយើងមិនទាន់បើកព្រោះនៅរងចាំការសម្រេចពីថ្នាក់លើ។ «តាមផែនការគឺអាចនឹងបើកត្រីមាសទី ៤ ឆ្នាំនេះ ដោយឡែកកាលបរិច្ឆេទជាក់លាក គឺពុំទាន់ដឹងនោះទេ គឺយើងរងចាំការយល់ព្រមពីវត្តមានដល់ខ្ពស់ខ្ពង់ពីសំណាក់សម្តេចតេជោហ៊ុនសែន ដើម្បីចូលរួមសម្ពោធផ្សារមួយនេះ» លោកបានបន្ត។ មានទីតាំងស្ថិតនៅតាមបណ្ពោយមហាវិថីសហពន្ធ័រុស្សី ក្បែរស្ពានអាកាសតិចណូ ផ្សារទំនើបភ្នំពេញមេហ្គាម៉លនេះ មានកម្ពស់ ១០ជាន់ និងផ្ទៃក្រឡាប្រមាណជាង ១០ ម៉ឺនម៉ែត្រការ៉េ ដែលអាចទទួលអាជីវកម្មឱ្យបើកលក់បានរហូតដល់ទៅ ៤០០ ហាង។ (អានបន្តែម) ដំបូងឡើយផ្សារទំនើបនេះមានឈ្មោះថា Parkson ហើយក្រោយមកត្រូវបានដាក់ឈ្មោះជាផ្លូវការថា ផ្សារភ្នំពេញមេហ្គាម៉ល (Phnom Penh Mega Mall) ។ […]
អានបន្ថែម
អ្នកជំនាញ៖ កម្ចីអចលនទ្រព្យធូររលុងបង្កហានិភ័យខ្ពស់ដល់អ្នកទិញ
អ្នកនាង អាន សុធីតា អ្នកជំនាញផ្នែកអចលនទ្រព្យ និងនាយិការក្រុមហ៊ុន CBRE Cambodia កាលពីថ្មីៗនេះ បានសំដែងពីការព្រួយបារម្ភចំពោះអ្នកទិញអចលនទ្រព្យនៅប្រទេសកម្ពុជា ថាងាយនឹងរងហានិភ័យខ្ពស់ពីការផ្ដល់កម្ចីអចលនទ្រព្យដែលមានភាពធូររលុង ជាពិសេសពីម្ចាស់គម្រោង។ ការព្រួយបារម្ភនេះ គឺបន្ទាប់ពីអង្គការអន្តរជាតិមួយចំនួន បានតឿនដល់កម្ពុជាថាត្រូវតែរឹតបន្តឹងវិធានការផ្តល់ប្រាក់កម្ចីទៅលើវិស័យអចលនទ្រព្យ ដើម្បីជៀសវាងហានិភ័យ។ របាយការណ៍ចុងក្រោយរបស់មូលនិធិរូបិយវត្ថុអន្តរជាតិ ឬហៅកាត់ថា IMF បានបង្ហាញថា ការផ្តល់ប្រាក់កម្ចីទៅឲ្យអ្នកអភិវឌ្ឍន៍អចលនទ្រព្យនៅកម្ពុជានៅតែមិនទាន់មានការត្រួតពិនិត្យ និងមិនមានការគ្រប់គ្រងឲ្យបានល្អនៅឡើយ ដែលជាកត្តាគួរឱ្យព្រួយបារម្ភ (អានបន្ថែម) ដូចគ្នានេះដែរ ធនាគារអភិវឌ្ឍន៍អាស៊ីឬ ADB កាលពីពេលថ្មីៗនេះ ក៏បានក្រើនរំលឹកថា កម្ពុជាគួរតែកាត់បន្ថយហានិភ័យផ្នែកហិរញ្ញវត្ថុដែលកើតចេញពីការផ្តល់ឥណទានទៅលើវិស័យអចលនទ្រព្យ។ (អានបន្ថែម) ជុំវិញបញ្ហានេះ អ្នកនាង អាន សុធីតា បានពន្យល់ថា អ្នកនាងមិនសូវបារម្ភប៉ុន្មានទេចំពោះ កម្ចីពីធនាគារ ព្រោះថាភាគច្រើនធនាគារ គឺមានគោលនយោបាយនិងការត្រួតពិនិត្យតឹងរឹងនិងហ្មត់ចត់មុននិងផ្ដល់កម្ចី ហើយមួយវិញទៀតការគ្រប់គ្រងលើប្រព័ន្ធហិរញ្ញវត្ថុនេះគឺជាកាតព្វកិច្ចរបស់ធនគារជាតិ។ ប៉ុន្តែអ្នកនាងព្រួយបារម្ភខ្លាំងពីកម្ចីដែលផ្ដល់ដោយម្ចាស់គម្រោង។ គម្រោងអចលនទ្រព្យនៅកម្ពុជារួមមានគម្រោងលំនៅដ្ឋាន គម្រោងដីឡូ ជាច្រើន បាននិងកំពុងកើនឡើងជាបន្តបន្ទាប់។ លើសពីនេះ គម្រោងអចលនទ្រព្យនីមួយៗ សុទ្ធសឹងតែមានសេវាកម្មកម្ចីរំលោះរបស់ខ្លួន ដែលជាជម្រើសគួរឱ្យទាក់ទាញមួយសម្រាប់អ្នកទិញដែលចង់ទិញផ្ទះ ទិញដី លើកដំបូង ឬផ្ទះថ្មីរបស់ខ្លួន។ ខណៈពេលដែលទីផ្សារអចលនទ្រព្យនៅកម្ពុជាមានការប្រកួតប្រជែងខ្ពស់ ការអនុម័តផ្ដល់កម្ចីអចលនទ្រព្យ ដែលតម្រូវឱ្យអតិថិជនបង់រំលោះជាប្រចាំខែ […]
អានបន្ថែម
ខេត្តត្បូងឃ្មុំនឹងមានហេដ្ឋារចនាសម្ព័ន្ធទំនប់បង្ហៀរទឹក ២ មុខងារថ្មីមួយ
រដ្ឋបាលខេត្តត្បូងឃ្មុំ រួមជាមួយនឹងក្រសួងរៀបចំដែនដី នគរូបនីយកម្ម និងសំណង់ សាងសង់ប្រព័ន្ធទំនប់បង្ហៀរទឹកថ្មីមួយខ្សែទៀត ក្នុងស្រុកក្រូចឆ្មា ខេត្តត្បូងឃ្មុំ ក្នុងគោលបំណងដើម្បីសម្រួលដល់ការផ្គត់ផ្គង់របស់ប្រជាពលរដ្ឋក្នុងតំបន់។ គម្រោងទំនប់បង្ហៀរទឹកមួយនេះ គឺមុខងារពីរ ដែលនឹងជួយផ្គត់ផ្គង់ទឹកក្នុងរដូវប្រាំង និងជួយការពារទឹកជំនន់នៅរដូវវស្សា។ លើសពីនេះ គម្រោងទំនប់បង្ហៀរនេះនឹងជួយប្រជាពលរដ្ឋប្រមាណជា ២០០០ គ្រួសារ ក្នុងឃុំព្រែកតាកុច ស្រុកក្រូចឆ្មារ។ ក្នុងឱកាសចុះមូលដ្ឋាន ឯកឧត្តម ជា សុផារ៉ា ទេសរដ្ឋមន្រី្ត រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា ទំនប់បង្ហៀរទឹកនេះ ចំណាយថវិកាប្រមាណជាង ៦០ម៉ឺនដុល្លារ។ គួរបញ្ជាក់ផងដែរ ខេត្តត្បូងឃ្មុំគឺជាខេត្តថ្មីមួយនៃព្រះរាជាណាចក្រកម្ពុជា ដែលកំពុងមានសក្តានុពល ដោយឃើញថាមានការសាងសង់ហេដ្ឋារចនាសម្ព័ន្ធតភ្ជាប់ថ្មីៗជាច្រើន ដោយមួយក្នុងចំណោមនេះគឺ ស្ពានស្ទឹងត្រង់ ក្រូចឆ្មារ។ បើតាមការជូនដំណឹងរបស់ក្រសួងសាធារណការ និងដឹកជញ្ជូន ស្ពានស្ទឹងត្រង់ ក្រូចឆ្មារ ដែលតភ្ជាប់រវាងទឹកដីនៃខេត្តកំពង់ចាម និងទឹកដីនៃខេត្តត្បូងឃ្មុំ បានសម្រេចការសាងសង់ប្រមាណ ៧៥ភាគរយហើយគិតត្រឹមខែធ្នូឆ្នាំ ២០១៩។ (អានបន្ថែម) លើសពីនេះ ខេត្តនេះក៏ទទួលស្វាគមន៍គម្រោងធំៗ មួយចំនួនផងដែរ ជាក់ស្ដែងកាលពីថ្ងៃទី ១២ ខែមេសា ឆ្នាំ ២០១៩ […]
អានបន្ថែម
ក្រសួងរៀបចំដែនដី បើកវគ្គផ្សព្វផ្សាយច្បាប់សំណង់ម្តងទៀត សម្រាប់អ្នកវិជ្ជាជីវៈ
ក្រសួងរៀបចំដែនដី នគរូបនីយកម្ម និងសំណង់ នឹងរៀបចំសិក្ខាសាលាស្តីពី វគ្គផ្សព្វផ្សាយច្បាប់សំណង់លើកទី២ នៅឯសណ្ឋាគារសុខាភ្នំពេញ ថ្ងៃទី ១៣ ខែកុម្ភៈ ខាងមុខនេះ ក្នុងគោលបំណងផ្ដល់ចំណេះដឹងដល់អ្នកវិជ្ជាជីវៈដែលខកខានមិនបានចូលរួមការផ្សព្វផ្សាយលើកទី១។ យោងតាមសេចក្តីជូនដំណឹងរបស់ក្រសួងចេញផ្សាយកាលពីថ្ងៃទី៥ ខែកុម្ភៈ វគ្គផ្សព្វផ្សាយច្បាប់សំណង់នេះ គឺដើម្បីអនុញ្ញាតឱ្យស្ថាបត្យករដែលបានចុះបញ្ជីនៅគណៈស្ថាបត្យករកម្ពុជា និងវិស្វករជំនាញសំណង់ស៊ីវិល វិស្វករជំនាញអគ្គិសនី ដែលបានចុះបញ្ជីនៅគណៈវិស្វករកម្ពុជា ដែលអវត្តមានក្នុងការចូលរួមវគ្គផ្សព្វផ្សាយ ច្បាប់សំណង់ សម្រាប់អ្នកវិជ្ជាជីវៈក្នុងវិស័យសំណង់ កាលពីថ្ងៃទី១៤ ខែមករា។ វគ្គផ្សព្វផ្សាយសំណង់ នឹងចាប់ផ្ដើមពីម៉ោង ៧:៣០ ដល់ ម៉ោង ១៣:០០ ក្រោមការឧទ្ទេសនាមដោយ ឯកឧត្តម ថេង ច័ន្ទសង្វារ រដ្ឋលេខាធិការ និងជាប្រធានក្រុមការងារអភិវឌ្ឍន៍ និងផ្សព្វផ្សាយគោលនយោបាយ និងច្បាប់នៃក្រសួងរៀបចំដែនដី នគរូបនីយកម្ម និងសំណង់។ ក្រសួងនឹងផ្តល់វិញ្ញាបនបត្របញ្ជាក់ការសិក្សាជូនសិក្ខាកាមដែលបានបំពេញគ្រប់លក្ខខណ្ឌរបស់វគ្គផ្សព្វផ្សាយ ហើយវិញ្ញាបនបត្របញ្ជាក់សិក្សានេះ ជាឯកសារចាំបាច់សម្រាប់ស្ថាបត្យករ និងវិស្វករចុះបញ្ជី ក្នុងការស្នើសុំអាជ្ញាបណ្ណប្រកបវិជ្ជាជីវៈក្នុងវិស័យសំណង់។ គួរបញ្ជាក់ថា ច្បាប់សំណង់ ត្រូវបានប្រកាសឲ្យប្រើប្រាស់កាលពីខែវិច្ឆិកា ឆ្នាំ២០១៩ ហើយច្បាប់នេះ នឹងត្រូវអនុវត្តពេញលេញ ក្នុងរយៈពេល៦ខែ ក្រោយច្បាប់នេះចូលជាធរមាន (អានបន្ថែម)៕
អានបន្ថែម
អត្ថបទផ្សព្វផ្សាយ៖ កាដូពិសេស! កាដូពិសេសពីក្បឿងជីប ម៉ុង !
សម្រាប់ឆ្នាំ២០២០នេះ ក្រុមហ៊ុនជីប ម៉ុងអ៊ីនដាស្ទ្រីស៍បានផ្តល់ជូនកាដូយ៉ាងសន្ធឹកសន្ធាប់ទៅដល់អតិថិជន ដែលតែងតែគាំទ្រ និងប្រើប្រាស់ក្បឿងជីប ម៉ុង។ រាល់ការទិញក្បឿង ជីប ម៉ុង ៥០០សន្លឹកឥឡូវនេះ លោកអ្នកនឹងទទួលបានការថែមជូន កាបូបស្ពាយដ៏ស្រស់ស្អាតមួយភ្លាមៗ។ ទិញកាន់តែច្រើន ទទួលបានកាន់តែច្រើន។ ការផ្តល់ជូននេះនឹងបន្តរហូតដល់អស់ពីស្តុក។ ក្បឿង ជីប ម៉ុង ផលិតផលគុណភាពខ្ពស់ ផលិតពីស៊ីម៉ង់អូដ្ឋ ប្រើប្រាស់បច្ចេកវិទ្យាចុងក្រោយពីប្រទេសអ៊ីតាលី ទទួលស្គាល់ដោយប្រព័ន្ធគ្រប់គ្រងគុណភាពអន្តរជាតិ ISO 9001: 2015 ក្បឿង ជីប ម៉ុង មានជម្រើសច្រើនពណ៌ធ្វើឲ្យដំបូលផ្ទះរបស់លោកអ្នកស្រស់ស្អាត រឹងមាំ ធន់បានយូរ។ លោកអ្នកអាចស្វែងរកទិញក្បឿង ជីប ម៉ុង នៅគ្រប់ដេប៉ូលក់គ្រឿងសំណង់ដែលនៅជិតលោកអ្នកបំផុត។ ព័ត៌មានបន្ថែមសូមទំនាក់ទំនង 085 990 222 / 069 990 222 / 066 990 222
អានបន្ថែម
សួនច្បាររលឹកវាលពិឃាតនៃរបបខ្មែរក្រហមនឹងមានវត្តមាននៅក្រុងឡុងបិចក្នុងឆ្នាំ២០២១
សហគមន៍ខ្មែរប្រចាំនៅទីក្រុងឡុងប៊ិច កាលថ្ងៃទី ២ ខែកុម្ភៈ នេះ បានប្រារព្ធពិធីបញ្ចុះបឋមសីលាបើកការដ្ឋានសាងសង់សួនច្បាររំឭកវាលពិឃាតមួយនៅក្នុងទីក្រុងឡុងប៊ិច ក្នុងគោលបំណងគោរពដល់វិញ្ញាណក្ខន្ធរបស់ជនរងគ្រោះក្នុងរបបប្រល័យពូជសាសន៍ខ្មែរក្រហម។ បើយោងតាមសារព័ត៌មាន Long Beach Post News សួនច្បារនេះនឹងត្រូវស្ថាបនាឡើងស្ថិតនៅទីតាំងលើទីវាលទំនេរមួយទល់មុខបណ្ណាល័យ The Mark Twain Neighborhood Library ផ្លូវលេខ 1501 E. Anaheim St.។ នៅក្នុងបរិវេណសួនច្បារនេះ នឹងគ្រោងសាងសង់ វេទិការ សួនទឹក និងស្តូបសម្រាប់ដាក់ធាតុជនរងគ្រោះដែលបាត់បង់ជិវិតនៅក្នុងរបបខ្មែរក្រហមផងដែរ។ បច្ចុប្បន្ន គម្រោងមួយនេះត្រូវបានអនុញ្ញាតឲ្យសាងសង់ ហើយដែលរំពឹងថានឹងបញ្ចប់ការសាងសង់ក្នុងឆ្នាំ ២០២១ ខាងមុខនេះ។ ប្រភពដដែលបានបញ្ជាក់ថា គម្រោងនេះធ្វើឡើងក្រោមការសហការរវាងមជ្ឈមណ្ឌលរំឭកវាលពិឃាត និងអង្គការអតីតយុទ្ធជនកម្ពុជា ដោយភាគីទាំងពីរបានចាប់ផ្ដើមគិតពីគម្រោងតាំងពីឆ្នាំ២០០៥ ហើយបញ្ចប់ការរចនាប្លង់ក្នុងឆ្នាំ ២០១៦ មកម្ល៉េះ។ លោក Dee Andrews ដែលជាអភិបាលខណ្ឌ និងជាស្ថានិកមួយរូបសម្រាប់គម្រោង បានបញ្ជាក់ថា ដំបូងគម្រោងមានតម្លៃប្រមាណ ៧៥ម៉ឺនដុល្លារ តែសមាជិកសហគមន៍ដទៃទៀតបានទម្លាក់តម្លៃនៅសល់ត្រឹម ៤០ ម៉ឺនដុល្លារ។ ហើយក្នុងដំណាក់កាលនេះ លោក Andrews ផ្ទាល់បានផ្ដល់នូវជំនួយជាទឹកប្រាក់ចំនួន១៥ […]
អានបន្ថែម
ក្រុមហ៊ុន Vinci Airports និង SCA ស្នើចង់បង្កើតក្រុមហ៊ុនរួមជាមួយ OCIC លើការអភិវឌ្ឍន៍ប្រលានយន្តហោះថ្មី
ក្រុមហ៊ុន Vinci Airports និង ក្រុមហ៊ុន SCA ឬស្គាល់ជាទូទៅថាជាក្រុមហ៊ុន Cambodia Airports ដែលជាក្រុមហ៊ុនទទួលខុសត្រូវ និងគ្រប់គ្រងលើអាកាសយានដ្ឋានភ្នំពេញនាពេលបច្ចុប្បន្ន កាលពីពេលថ្មីៗនេះ បានស្នើចង់បង្កើតក្រុមហ៊ុនរួមគ្នាជាមួយ OCIC ក្នុងការអភិវឌ្ឍន៍សាងសង់អាកាសយានដ្ឋានអន្ដរជាតិថ្មីតម្លៃវិនិយោគ ១,៥ ពាន់លានដុល្លារអាមេរិកស្ថិតនៅខេត្តកណ្តាល។ ការស្នើនេះធ្វើឡើងកាលពី ថ្ងែទី០៤ កុម្ភៈ កន្លងមកនេះក្នុងជំនួបរវាងតំណាងក្រុមហ៊ុនទាំង ៣ និងរដ្ឋលេខាធិការដ្ឋានអាកាសចរស៊ីវិល ដោយក្រុមVinci Airports តំណាងដោយលោក Emmanuel MENANTEAU ក្រុមហ៊ុនសម្បទាន អាកាសយានដ្ឋាន SCA តំណាងដោយលោក Alain BRUN និងក្រុមហ៊ុន OCIC តំណាងដោយលោក វ៉ាន់ ឆាលហ៍ជួន។ កិច្ចប្រជុំនេះ គឺធ្វើឡើងក្នុងគោលបំណងដើម្បីឲ្យក្រុមហ៊ុនទាំង ៣ បង្ហាញពីមូលដ្ឋាន និងជំហររៀងៗខ្លួនឲ្យបានច្បាស់លាស់។ ក្រុមហ៊ុន Vinci Airports និងក្រុមហ៊ុន SCA បានបញ្ជាក់ថា ដោយខ្លួនជាក្រុមហ៊ុនមានបទពិសោធន៍គ្រប់គ្រងអាកាសយានដ្ឋាននៅកម្ពុជាជាច្រើនឆ្នាំ ក្រុមហ៊ុនមានបំណងចង់សហការជាមួយនឹងក្រុមហ៊ុន OCIC ក្នុងគម្រោងរៀបចំប្លង់រចនាបទ ការផ្ដល់ប្រភពហិរញ្ញប្បទាន […]
អានបន្ថែម
កម្ពុជានឹងទទួលបានកម្ចី ៧០០ លានដុល្លារពីកូរ៉េសម្រាប់ការអភិវឌ្ឍគម្រោងចំនួន១០
ប្រទេសកូរ៉េត្រៀមផ្តល់នូវទឹកប្រាក់ឥណទានប្រមាណ ៧០០ លានដុល្លារ បន្ថែមទៀត ដល់កម្ពុជា សម្រាប់ការអភិវឌ្ឍន៍គម្រោងចំនួន ១០ អំឡុងឆ្នាំ ២០១៩ ដល់ ២០២៣។ នេះបើយោងតាមការប្រកាសរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។ នេះជាការលើកឡើងរបស់សម្តេច គឺធ្វើឡើងក្នុងពិធីជួបសំណេះសំណាលជាមួយប្រជាពលរដ្ឋសិស្សនិស្សិត និងពលករខ្មែរនៅប្រទេសកូរ៉េខាងត្បូង កាលពីរសៀលថ្ងៃទី០៣ ខែកុម្ភៈ ឆ្នាំ២០២០ កន្លងមកនេះ។ សម្តេចតេជោ ហ៊ុន សែន បានមានប្រសាសន៍ថា៖ «តាំងពីឆ្នាំ ១៩៩៦ ដល់ឆ្នាំ ២០១៨ កូរ៉េខាងត្បូងផ្តល់ជំនួយឥតសំណងជាង ៣០០លានដុល្លារអាមេរិក ហើយឆ្នាំ ២០១៩ កន្លងទៅនេះ ជំនួយឥតសំណងមាន ១៧ លានដុល្លារ និងឆ្នាំ ២០២០ គ្រោងផ្តល់ឲ្យកម្ពុជា ២៤លានដុល្លារ ជាជំនួយឥតសំណងផងដែរ»។ សម្តេច បានបន្តទៀតថា គិតត្រឹមខែវិច្ឆិកា ឆ្នាំ២០១៩ កូរ៉េខាងត្បូងផ្តល់ហិរញ្ញប្បទានសម្រាប់ការអភិវឌ្ឍន៍ប្រមាណ ៨៨៩ លានដុល្លារ សម្រាប់ការអភិវឌ្ឍគម្រោងចំនួន២៣ ហើយទើបតែបានបើកប្រើប្រាស់អស់ប្រមាណ ៤៤២ លានដុល្លារ។ […]
អានបន្ថែម
អ្នកជំនាញ៖ វិស័យសំណង់នៅកម្ពុជាក្នុងឆ្នាំ២០២០ នឹងថមថយដោយសារ ៣ កត្ដាធំៗ
ទោះបីជាមានការការព្យាករណ៍ថាកំណើនសេដ្ឋកិច្ចកម្ពុជានឹងកើនឡើងជាបន្តបន្ទាប់ក្ដី អ្នកជំនាញអចលនទ្រព្យបានវិភាគថា សម្រាប់ឆ្នាំ២០២០ វិស័យសំណង់នៅកម្ពុជា អាចនឹងថមថយដោយសារតែ ៣ កត្តាធំៗ។ បើយោងតាមការវិភាគ កត្តាទាំង ៣ នេះ រួមមាន ទី១ ការរាតត្បាតនៃវីរុសកូរ៉ណាដែលប៉ះដល់សេដ្ឋកិច្ចចិន ទី២ ឥទ្ធិពលពីការបិទហ្គេមអនឡាញនៅខេត្តព្រះសីហនុ និងទី៣ ការថមថយនៃចំនួនគម្រោងថ្មីៗដែលសុំការអនុញ្ញាតិសាងសង់។ កត្តាទី១ គឺបញ្ហាដែលពិភពលោកកំពុងព្រួយបារម្ភ ដែលការរាតត្បាតនៃវីរុសកូរ៉ណាមិនត្រឹមតែសម្លាប់ជីវិតមនុស្សនោះទេ ប៉ុន្តែបើមិនមានដំណោះស្រាយក្នុងពេលឆាប់ៗនេះទេ វានឹងជះឥទិ្ធពលអវិជ្ជមានយ៉ាងខ្លាំងដល់វិស័យសេដ្ឋកិច្ចប្រទេសចិន ក៏ដូចជាពិភពលោកទាំងមូល ដែលកម្ពុជាគឺនឹងគេចមិនផុត។ នេះបើយោងតាមប្រសាសន៍របស់ លោក សន សៀប នាយកនៃក្រុមហ៊ុន Key Real Estate Co., Ltd និងជាអ្នកឯកទេសផ្នែកអចលនទ្រព្យដ៏ល្បីល្បាញមួយរូបនៅក្នុងប្រទេសកម្ពុជា ។ លោក ពន្យល់ថា៖ «ក្នុងមួយឆ្នាំគឺមាន ១២ខែ ហើយឥឡូវសម្រាប់ខែ មករា និងខែកុម្ភៈ ពិភពលោកកំពុងបារម្ភពីរឿងកូរ៉ូណា អ្នកវិនិយោគក៏មិនសូវចង់វិនិយោគទេក្នុងអំឡុងពេលនេះ គិតមើល បើការរាតត្បាតនេះបន្ត២ ឬ ៣ ខែទៀត គឺអស់បាត់ហើយ ១ត្រីមាស ឬ បាត់បង់ឱកាសវិនិយោគជាង២៥ […]
អានបន្ថែម
ហេដ្ឋារចនាសម្ព័ន្ធតាមដងស្ទឹងខេត្តបាត់ដំបងនឹងប្រែមុខមាត់ថ្មីក្នុងពេលឆាប់ៗនេះ
ខេត្តបាត់ដំបង គ្រោងនឹងស្វាគមន៍ផ្លូវថ្មើជើងទេសចរណ៍ថ្មីមួយតាមដងស្ទឹងសង្កែ ដែលនេះជាផ្នែកមួយនៃការលើកកម្ពស់ហេដ្ឋារចនាសម្ព័ន្ធក្នុងខេត្ដ ក៏ដូចជាងការត្រៀមខ្លួនជាម្ចាស់ផ្ទះក្នុងព្រឹត្តិការណ៍បុណ្យទន្លេ លើកទី៦ នៅថ្ងៃទី១៣-១៥ ខែមីនា ឆ្នាំ២០២០ ខាងមុខនេះ។ ធ្វើឡើងក្រោមទំនួលខុសត្រូវរបស់រដ្ឋបាលខេត្តបាត់ដំបង គម្រោងលើកកម្ពស់ហេដ្ឋារចនាសម្ព័ន្ធនេះរួមមាន ការអភិវឌ្ឍរៀបចំច្រាំងស្ទឹងសង្កែទាំងត្រើយខាងកើតនិងខាងលិច ការរៀបចំបំពាក់ប្រព័ន្ធភ្លើងបំភ្លឺតាមដងផ្លូវសំខាន់ៗ ការបង្វែរផ្លូវទឹកក្នុងស្ទឹងសង្កែ ការកែលម្អនិងធ្វើជម្រាលច្រាំងស្ទឹងសង្កែទាំងសងខាង ការពង្រីកទីធ្លាផ្លូវដើរហាត់ប្រាណនៅតាមមាត់ស្ទឹងសង្កែត្រើយខាងកើត ការរៀបចំឲ្យមានដងវិថីម្ហូបអាហារ (Street Food) និងរៀបចំធ្វើបង្កាន់ដៃវ៉េរ៉ង់ដានៅទីនោះប្រមាណ៧០០ម៉ែត្រ សម្រាប់ការឈរកំសាន្តតាមមាត់ស្ទឹង និងរក្សាសុវត្ថិភាពនៅទីនោះផងដែរ។ លើសពីនេះ ក៏មានការចាក់ក្រាលកៅស៊ូស្ថិតនៅចន្លោះផ្លូវច្រមុះជ្រូក សួនច្បារនាគសន្តិភាព ដែលជាចំណុចគោលដៅសំខាន់ក្នុងការរៀបចំនូវវេទិកាព្រឹត្តិការណ៍បុណ្យទន្លេ និងផ្លូវចុះពីស្ពានថ្មសម្តេចតេជោហ៊ុនសែន មកទល់ស្តុបស្វាយប៉ោមុខសាលាខេត្តជាដើម។ ក្នុងពេលចុះត្រួតពិនិត្យការដ្ឋានក្រាលកៅស៊ូដែលកំពុងដំណើរការឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបងបានមានប្រសាសន៍ថា៖ «ការចាក់ក្រាលកៅស៊ូបេទីមីណ័រដែលកំពុងតែដំណើរការនេះ គឺជាកិច្ចការបន្ថែម ដែលនៅសេសសល់ពីមុនមក ខណៈដែលរដ្ឋបាលខេត្តបានធ្វើការកែលម្អកាលពីឆ្នាំ២០១៩កន្លងមក។ ហើយសម្រាប់ការចាក់ក្រាលកៅស៊ូនៅថ្ងៃនេះ គឺមានប្រវែងប្រមាណ ២០.០០០ម៉ែត្រក្រឡា។» ទាក់ទងនឹងវិស័យទេសចរណ៍ក្នុងខេត្ត ឯកឧត្តមបណ្ឌិត ថោង ខុន បានបង្ហាញពីការរំពឹងទុកថា ខេត្តបាត់ដំបងនឹងទាក់ទាញភ្ញៀវទេសចរកាន់តែច្រើន ក្រោយពេលដែលហេដ្ឋារចនាសម្ព័ន្ធផ្លូវជាតិលេខ៥ បញ្ចប់ការសាងសង់រួចរាល់ជាស្ថាពរ ផ្លូវរថភ្លើងចាប់ដំណើរការល្អប្រសើរឡើងវិញ និងការរៀបចំច្រកទ្វារអន្តរជាតិសំខាន់ៗ រួចរាល់ជាស្ថាពរ។ គួរបញ្ជាក់ផងដែរថា នៅឆ្នាំ២០២០នេះ ខេត្តបាត់ដំបងនឹងមានរៀបចំនូវព្រឹត្តិការណ៍ថ្នាក់ជាតិសំខាន់ៗជាច្រើនផងដែរ ដូចជាព្រឹត្តិការណ៍បុណ្យទន្លេលើកទី៦ […]
អានបន្ថែម
គម្រោងពង្រីកកែលម្អផ្លូវជុំវិញប្រាសាទអង្គរធំគ្រោងនឹងបញ្ចប់នៅខែមីនានេះ
គម្រោងពង្រីក និង កែលម្អផ្លូវជុំវិញអង្គរធំ មានចំនួន២ កំណាត់ចាប់ពីប្រាសាទប្រែរូបដល់មុខប្រាសាទបន្ទាយក្តី ក្រោមកិច្ចប្រតិបត្តិការរបស់អាជ្ញាធរជាតិអប្សរា គ្រោងនឹងបញ្ចប់នៅខែមីនានេះហើយ ដែលនេះជាសម្មិទ្ធិផលថ្មីមួយទៀតសម្រាប់ការពង្រឹងវិស័យទេសចរណ៍នៅក្នុងខេត្តសៀមរាប។ បើយោងតាមរបាយការណ៍របស់អាជ្ញាធរជាតិអប្សរា គម្រោងកែលម្អផ្លូវនេះមានប្រវែងសរុប ២៤៧៦ ម៉ែត្រ បែងចែកជា ២ដំណាក់កាល និង ២កំណាត់ ដោយកំណាត់ទី១ គឺចាប់ពីប្រាសាទប្រែរូប មកស្រះស្រង់ ដែលមានប្រវែង ១០៧៦ម៉ែត្រ និងកំណាត់ទី២ ពីស្រះស្រង់ដល់មុខប្រាសាទបន្ទាយក្តី មានប្រវែង ១៤០០ម៉ែត្រ។ ប្រភពដដែលបានបញ្ជាក់ទៀតថា ការពង្រីកផ្លូវនេះគឺ មានទទឹងចាប់ពី ៦ ម៉ែត្រ ទៅ ៩ម៉ែត្រ ទៅតាមស្ថានភាពជាក់ស្តែង។ គួរបញ្ជាក់ថា គម្រោងនេះបានបើកការដ្ឋានសាងសង់កាលពីខែមករាកន្លងមកនេះ ដែលបច្ចុប្បន្នសហគ្រាសរាជសីដែលជាក្រុមហ៊ុនទទួលបន្ទុកអនុវត្តលើគម្រោងនេះ បានបញ្ចប់ការងារអ៊ុតបេតុងកៅស៊ូរួចរាល់ហើយចំពោះកំណាត់ទី១ ពោលគឺពីប្រាសាទប្រែរូបមកស្រះស្រង់ រីឯកំណាត់ទី២ កំពុងតែបង្ហាប់គ្រឹះ ហើយគ្រោងនឹងបញ្ចប់ក្នុងខែមីនាខាងមុខនេះ។ ឯកឧត្តម យិត ចាន់ដារដ្ឋ អគ្គនាយករងអាជ្ញាធរជាតិអប្សរា បានឱ្យដឹងថា ការជួសជុលកែលម្អផ្លូវនេះ គឺដើម្បីឱ្យផ្លូវមានសោភ័ណភាពល្អស្អាត និងសម្រួលដល់ការធ្វើដំណើររបស់បងប្អូនប្រជាពលរដ្ឋ និងភ្ញៀវទេសចរណ៍។
អានបន្ថែម
កន្រ្តកវិលធំជាងគេនៅកម្ពុជានឹងបើកដំណើរការក្នុងខែមីនាខាងមុននេះ
កន្រ្តកវិលធំជាងគេនៅក្នុងប្រទេសកម្ពុជាតម្លៃជាង៧លានដុល្លារ ដែលមានទីតាំងស្ថិតក្នុងខេត្តសៀមរាប នឹងដាក់ឲ្យដំណើរការនៅថ្ងៃទី០១ ខែមីនា ឆ្នាំ ២០២០ ខាងមុខនេះ ដែលនេះជាសម្មិទ្ធិផលដ៏ធំថ្មីមួយក្នុងការជំរុញវិស័យទេសចរណ៍ក្នុងខេត្តមួយនេះ។ នេះបើយោងតាមការប្រកាសព័ត៌មានរបស់មន្ទីរទេសចរណ៍ខេត្តសៀមរាប។ កន្ត្រកវិលខ្នាតយក្សនេះ មានទីតាំងស្ថិតក្នុងទីតាំង Box Ville ភូមិគ្រួស ឃុំស្វាយដង្គុំ ស្រុកសៀមរាប ឬស្ថិតនៅខាងកើតភូមិវប្បធម៌ ហើយគឺជាការវិនិយោគដោយក្រុមហ៊ុន Angkor Eye Company Limited ក្នុងទំហំទឹកប្រាក់ប្រមាណជា ៧.២លានដុល្លារអាមេរិក។ (អានបន្ថែម) កន្ត្រកវិលនេះ មានកម្ពស់ ៨៥ ម៉ែត្រពីដី ដែលមានកន្ត្រកវិលចំនួន ៤៨ កន្ត្រក និងសមត្ថភាពផ្ទុកមនុស្សបានដល់ទៅ១៩២នាក់។ លើសពីនេះ កន្រ្តកវិលនៅក្នុងខេត្តសៀមរាបនេះគឺខ្ពស់បំផុតលំដាប់ទី៣ នៅក្នុងតំបន់អាស៊ី។ គួរបញ្ជាក់ផងដែរថា គម្រោងកន្រ្តកវិលមួយនេះ បានចាប់បើកការសាងសង់ តាំងពីថ្ងៃទី៣០ ខែមិថុនា ឆ្នាំ ២០១៩ មកម្ល៉េះ ដែលអនុញ្ញាតសាងសង់ដោយក្រសួងរៀបចំដែនដី នគររូបនីយកម្ម និងសំណង់។ លើសពីនេះទៅទៀត កន្រ្តកវិលមួយនេះ មានទម្ងន់ប្រមាណជាង ៧០០តោន ដែលរៀបចំដំឡើង និងសាងសង់ដោយក្រុមវិស្វករជប៉ុន ក្នុងគោលបំណងដើម្បីធានានូវសុវត្ថិភាពដល់អ្នកប្រើប្រាស់។
អានបន្ថែម