ឥណ្ឌូនេស៊ីស្នើសង់ផ្លូវមួយខ្សែជូនកម្ពុជាដោយដាក់ឈ្មោះថ្នាក់ដឹកនាំខ្លួនទុកជាកាដូមិត្តភាពយូរអង្វែង
សាធារណរដ្ឋឥណ្ឌូនេស៊ី ស្នើសុំសាងសង់ផ្លូវមួយខ្សែនៅកម្ពុជាដែលអាចដាក់ឈ្មោះ របស់ថ្នាក់ដឹកនាំជាន់ខ្ពស់របស់ខ្លួន ដើម្បីជាចំណងដៃបង្ហាញពីប្រវត្តិសាស្ត្រ និងទំនាក់ទំនងដ៏យូរអង្វែងរវាងប្រទេសកម្ពុជា និងឥណ្ឌូនេស៊ី។ ការស្នើនេះ ធ្វើឡើងនៅក្នុងជំនួបពិភាក្សាការងាររវាង ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងឯកឧត្តម Sudirman Haseng ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋ ឥណ្ឌូនេស៊ី កាលពីថ្ងៃទី ០៥ មិថុនា ២០២០ នេះ។ ឯកឧត្តមឯកអគ្គរដ្ឋទូត បានស្នើសុំឯកឧត្តមទេសរដ្ឋមន្ត្រីកម្ពុជា ឲ្យពិនិត្យលើលទ្ធភាពសាងសង់ផ្លូវមួយខ្សែដែលអាចដាក់ឈ្មោះរបស់ថ្នាក់ដឹកនាំជាន់ខ្ពស់របស់សាធារណរដ្ឋឥណ្ឌូនេស៊ី ដើម្បីបង្ហាញនូវចំណងទាក់ទងដ៏រឹងមាំ និងយូរអង្វែងជាប្រវត្តិសាស្ត្ររវាងប្រទេសទាំងពីរ។ ឯកឧត្តម ប៉ាល់ ចន្ទតារា រដ្ឋលេខាធិការ និងអ្នកនាំពាក្យក្រសួងសាធារណការ និងដឹកជញ្ជូន ថ្លែងប្រាប់ទស្សនាវដ្តីសំណង់ និងអលចនទ្រព្យ នៅថ្ងៃព្រហស្បតិ៍នេះថា គម្រោងសាងសង់ផ្លូវ ដោយដាក់ឈ្មោះបុគ្គល ក្រុមហ៊ុន ឬថ្នាក់ដឹកនាំ ចំពោះការចំណាយលើការសាងសង់ គឺជាបន្ទុករបស់សាម៉ីជន ឬក្រុមហ៊ុន ឬរបស់ប្រទេសសាម៉ីនៃឈ្មោះថ្នាក់ដឹកនាំប្រទេសនោះ។ ឯកឧត្តម ប៉ាល់ ចន្ទតារា ថ្លែងថា៖ “ជាទូទៅ ឲ្យតែដាក់ឈ្មោះថ្នាក់ដឹកនាំប្រទេសណា ចំណាយលើការសាងសង់ជាបន្ទុករបស់ប្រទេសនោះ ឬឈ្មោះក្រុមហ៊ុននោះ […]
អានបន្ថែម
ក្រសួងចាប់ផ្តើមសិក្សាគម្រោងពង្រីកកំណាត់ផ្លូវជាតិលេខ៧ ស្គន់-កំពង់ចាម ទៅបួនគន្លង
ក្រសួងសាធារណការ និងដឹកជញ្ជូន បានបង្ហាញគម្រោងសិក្សាពង្រីកកំណត់ផ្លូវជាតិ លេខ៧ ពីចំណុចរង្វង់មូលស្គន់ ទៅទីរួមខេត្តកំពង់ចាម ពីពីរគន្លងក្នុងពេលបច្ចុប្បន្ន ទៅបួនគន្លង ដើម្បីឆ្លើយតប និងសម្រួលដល់ការដឹកជញ្ជូន។ ការប្រកាសសិក្សាគម្រោងពង្រីកកំណាត់ផ្លូវនេះ ធ្វើឡើងបន្ទាប់ពីគណៈប្រតិភូ ក្រសួង ដឹកនាំដោយ ឯកឧត្តម ស៊ុន ចាន់ថុល ទេសរដ្ឋមន្ត្រី និងជារដ្ឋមន្រ្តីក្រសួងសាធារណការ និងដឹកជញ្ជូន ចុះត្រួតពិនិត្យស្ថានភាពផ្លូវជាតិ លេខ៧កាលពីថ្ងៃទី១០ ខែមិថុនា កន្លងទៅនេះ។ ឯកឧត្តមរដ្ឋមន្រ្តី លើកឡើងថា ក្រសួងកំពុងសិក្សាពង្រីក ផ្លូវជាតិលេខ៧ ពីវង្វងមូលស្គន់ ទៅខេត្តកំពង់ចាមពី ពីគន្លងទៅបួនគន្លង មុនដាក់ស្នើសុំគោលការណ៍ពីរាជរដ្ឋាភិបាល។ កំណត់ផ្លូវជាតិលេខ៧ ពីចំណុចរង្វង់មូលផ្សារស្គន់ ទៅទីរួមខេត្តកំពង់ចាម មានប្រវែងប្រមាណ ៤៦គីឡូ។ ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន បានប្រាប់ទស្សនាវដ្តី សំណង់ និងអចលនទ្រព្យ នៅថ្ងៃទី១១នេះថា គម្រោងពង្រីកកំណត់ផ្លូវជាតិលេខ៧ ជាគម្រោងមួយនៃការធ្វើឲ្យប្រសើរឡើងផ្លូវ ជាតិលេខ៧ ពីកំចាមរហូតដល់ ក្រចេះ និងស្ទឹងត្រែង។ លោកថ្លែងថា៖ “រដ្ឋាភិបាលមានបំណងពង្រីកយូរហើយ តែដោយសារយើងផ្តោតទៅលើផ្លូវអាទិភាពមុន […]
អានបន្ថែម
រដ្ឋបាលខេត្តកំពតគ្រោងបំពាក់អំពូលឆ្លាតវៃ LED ក្នុងគម្រោងទីក្រុងវៃឆ្លាតកំពត
រដ្ឋបាលខេត្តកំពតមានគម្រោងបំពាក់អំពូលប្រភេទ LED ឬអំពូលវៃឆ្លាត របស់ក្រុមហ៊ុន មីនេបៀ (ខេមបូឌា) ដែលជាផ្នែកមួយនៃគម្រោងអភិវឌ្ឍទីក្រុងឆ្លាតវៃ នាពេលអនាគត ក្នុងខេត្តកំពត។ គម្រោងបំពាក់អំពូលវៃឆ្លាត LED ផលិតផលប្រទេសជប៉ុន ដែលផលិតក្នុងស្រុកនេះ ត្រូវបានធ្វើឡើងនៅក្នុងកិច្ចប្រជុំមួយ រវាង ឯកឧត្តម ជាវ តាយ អភិបាលខេត្តកំពត និងតំណាងក្រុមហ៊ុន មីនេបៀ (ខេមបូឌា) នៅរដ្ឋបាលខេត្ត កាលពីថ្ងៃទី១០ កន្លងទៅ។ យោងតាមរដ្ឋបាលខេត្តកំពត ឯកឧត្តម ជាវ តាយ លើកឡើងថា អំពូលភ្លើង ផលិតក្នុងស្រុកដោយក្រុមហ៊ុនវិនិយោគជប៉ុន គឺជាប្រព័ន្ធអំពូលប្រើបចេ្ចកវិជ្ជាទំនើប ប្រើថាមពលសន្សំសំចៃ និងប្រព័ន្ធអំពូល មានមុខងារសំខាន់ៗ គឺឆ្លើយតបទៅនឹងគម្រោងអភិវឌ្ឍន៍ខេត្ត។ ឯកឧត្តម ជាវ តាយ មានប្រសាសន៍ថា៖ “រដ្ឋបាលខេត្ត នឹងធ្វើការទំនាក់ទំនងគ្នាជាមួយក្រុមហ៊ុន ជាបន្តទៀតនៅពេលក្រោយ ដើម្បីអភិវឌ្ឍន៍ខេត្តកំពតឲ្យទៅជាទីក្រុងវៃឆ្លាតនាពេលអនាគត”។ លោក ភូ លិ អភិបាលរងខេត្តកំពត ថ្លែងប្រាប់ទស្សនាវដ្តីសំណង់ និងអចលនទ្រព្យ នៅថ្ងៃទី១១ នេះថា ទាំងការសម្រេចជ្រើសរើសអំពូលនេះតែម្តង ទាំងកាលបរិច្ឆេទនៃការបំពាក់អំពូលវៃឆ្លាតនេះ […]
អានបន្ថែម
អ្នកទៅលេងឆ្នេរសមុទ្រក្រុងព្រះសីហនុនឹងមានបន្ទប់ទឹកសាបប្រើប្រាស់មិនបង់ថ្លៃឆាប់ៗនេះហើយ
រដ្ឋបាលខេត្តព្រះសីហនុគ្រោងសាងសង់បន្ទប់ទឹក និងកន្លែងងូតទឹកសាប ជាង២០កន្លែងលើឆ្នេរសមុទ្រចម្ងាយប្រមាណ៩គីឡូម៉ែត្រ ដល់ភ្ញៀវទេសចរ និងដាក់ប្រើប្រាស់ដោយឥតគិតថ្លៃ។ លោក គួច ចំរើន អភិបាលខេត្តព្រះសីហនុបានថ្លែងក្នុងសន្និសីទសារព័ត៌មានស្ដីពី «វឌ្ឍនភាព និងទិសដៅបន្ដរបស់រដ្ឋបាលខេត្តព្រះសីហនុ» កាលថ្ងៃទី០៩ ខែមិថុនា ឆ្នាំ២០២០នេះ ថាបន្ទប់ទឹកជាង២០ទីតាំងនេះ ត្រូវបានបញ្ចប់ការសិក្សា និងបង្កប់លូរួចរាល់ហើយ។ ឯកឧត្តមបានមានប្រសាសន៍ថា៖ «នៅក្នុងបណ្ដោយឆ្នេរដែលយើងបានរៀបចំជាឆ្នេរសាធារណៈប្រវែងរហូតដល់ជាង៩គីឡូម៉ែត្រ ឥឡូវនេះយើងបានធ្វើផ្លូវបេតុង។ យើងគ្រាន់តែបានគិតបឋមតែប៉ុណ្ណោះ នោះគឺបង្កប់លូឲ្យហើយស្រេចទុកជាមុន ថាថ្ងៃក្រោយបើយើងកសាងបន្ទប់ទឹកសាធារណៈទៅ ទឹកដែលយើងនឹងប្រើនៅទៅនោះ គឺយើងមិនឲ្យវាហូរចូលសមុទ្រវិញដែរ។» ឯកឧត្តមបានបន្ថែមដោយសារទាក់ទងជាមួយនីតិវិធីហរិញ្ញវត្ថុ រដ្ឋបាលធ្វើឥឡូវភ្លាមៗបាននោះទេ ព្រោះត្រូវរៀបចំនៅក្នុងផែនការចំណាយហរិញ្ញវត្ថុសិន។បច្ចុប្បន្ន រដ្ឋបាលគ្រាន់តែអាចធ្វើលូសិនសម្រាប់បញ្ចៀសការហូរទឹក កង្វក់ចូលសមុទ្រប៉ុណ្ណោះ។ តំបន់ឆ្នេរចម្ងាយ៩គីឡូម៉ែត្រនេះ ត្រូវបានបើកជាសាធារណៈឲ្យប្រជាជនប្រើប្រាស់ដោយឥតគិតថ្លៃ ដែលមានដូចជា បន្ទប់ទឹក កន្លែងងូតទឹកសាប កញ្ចុះអង្គុយជាដើម។ គួរបញ្ជាក់ផងដែរថា កាលពីពេលថ្មីៗទៅនេះ រដ្ឋបាលខេត្តព្រះសីហនុ និងក្រុមហ៊ុន អូរត្រេះ មេនេចមេន (OTRES MANAGEMENT CO., LTD.) កំពុងសិក្សាគម្រោងអភិវឌ្ឍន៍សួនកំសាន្តឆ្នេរអូរត្រេះ២ ប្រវែង១.៧៤៦ ម៉ែត្រ ដោយបង្កើនសោភណភាពទាក់ទាញទេសចរណ៍ និងប្រែក្លាយតំបន់នេះទៅជាឆ្នេរសាធារណៈផងដែរ៕ (អានបន្ថែម)
អានបន្ថែម
ឯកឧត្តម ស៊ុន ចាន់ថុល៖ កុំសួរថាកម្ពុជាបានធ្វើអ្វីឲ្យយើង ត្រូវសួរថាយើងបានធ្វើអ្វីហើយឲ្យកម្ពុជា
ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍នៅក្នុងដំណើរចុះត្រួតពិនិត្យគុណភាព និងលក្ខណៈបច្ចេកទេសនៃការសាងសង់កំណាត់ផ្លូវជាតិលេខ៧ កាលពីថ្ងៃទី ១០ មិថុនា ២០២០ ថា៖ «កុំសួរថាកម្ពុជាបានធ្វើអ្វីឲ្យយើង ត្រូវសួរថាយើងបានធ្វើអ្វីហើយឲ្យកម្ពុជា។» ក្នុងន័យនេះ ឯកឧត្តម បានជំរុញដល់ប្រជាពលរដ្ឋទាំងអស់ឲ្យអប់រំខ្លួនឯងជាពលរដ្ឋល្អ ហើយត្រូវចូលរួមគោរពច្បាប់ចរាចរណ៍ និងថែរក្សារគុណភាពផ្លូវឲ្យបានគង់វង្ស។ ឯកឧត្តមបានថ្លែងថា៖ «ក្នុងឱកាសនេះដែរ ខ្ញុំសូមណែនាំទៅកាន់ក្រុមហ៊ុនដឹកទំនិញ ចូលរួមគោរពច្បាប់ចរាចរណ៍។ កុំដឹកហួសទម្ងន់កំណត់ដោយច្បាប់ វាខូចផ្លូវយើង វាឆាប់ខូច។» ក្នុងប្រសាសន៍ជំរុញឱ្យប្រជាពលរដ្ឋចូលរួមកសាង និងថែរក្សាសមិទ្ធផលជាតិ ដូចជាស្ពាន សាលារៀន មន្ទីរពេទ្យវត្តអារាម ឯកឧត្តមបានបន្តថា៖ «ខ្ញុំតែងតែទុកពាក្យស្លោកឲ្យបងប្អូនយើងពិចារណា ពាក្យស្លោកហ្នឹងខ្ញុំរៀនសូត្រពីគេទេ គេនិយាយថា កុំសួរថាប្រទេសយើងធ្វើអ្វីឲ្យយើង ត្រូវសួរថាយើងធ្វើអ្វីឲ្យប្រទេសយើង។» «…គោរពច្បាប់ កុំប្រើគ្រឿញៀន…កុំប្រើគ្រឿងស្រវឹងហើយបើកបរឡាន កុំបើកឡានហើយបោះសំរាមចោល អាហ្នឹងជួយកម្ពុជាហើយ…។ …អញ្ចឹងកុំសួរកម្ពុជាថាកម្ពុជាបានធ្វើអ្វីឲ្យយើង ត្រូវសួរថាយើងនៀកជាពលរដ្ឋ បានធ្វើអ្វីឲ្យកម្ពុជា? ហើយចម្លើយ មហាស្រួល អប់រំខ្លួនឯងជាពលរដ្ឋល្អទៅ អាហ្នឹងហើយគឺយើងជួយកម្ពុជាយើង។» ជាមួយគ្នានេះដែរ ឯកឧត្តមក៏បានលើកឡើងពីវឌ្ឍនភាពនៃការសាងសង់កំណាត់ផ្លូវជាតិលេខ៧ (ក្រចេះ-ត្បូងឃ្មុំ) ដែលជាគម្រោងគ្រប់គ្រងទ្រព្យសម្បត្តិផ្លូវទី២ (Road Asset Management) […]
អានបន្ថែម
ខេត្តព្រះសីហនុ ទទួលការវិនិយោគសរុប១០ ពាន់លានដុល្លារ លើវិស័យទេសចរណ៍ និងសណ្ឋាគារ
ខេត្តព្រះសីហនុ ទទួលបានការវិនិយោគសរុប ១០ ពាន់លានដុល្លារអាមេរិក លើវិស័យសេវាកម្មទេសចរណ៍ និងសណ្ឋាគារ។ នេះបើយោងតាមរបាយការណ៍របស់រដ្ឋបាលខេត្តព្រះសីហនុ កាលពីថ្ងៃទី ១០ មិថុនា ២០២០នេះ។ បច្ចុប្បន្ន ខេត្តព្រះសីហនុ មានគម្រោងវិនិយោគកំពុងដំណើរការដល់ទៅ ១៩៤ គម្រោង ស្មើនឹងទឹកប្រាក់វិនិយោគសរុបចំនួន ៣០ ពាន់លានដុល្លាររ។ ក្នុងនោះ គម្រោងវិនិយោគលើវិស័យសេវាកម្មទេសចរណ៍ និងសណ្ឋាគារ មានចំនួន ៦០ គម្រោង ដែលមានចំនួនទុនវិនិយោគសរុប ១០ ពាន់លានដុល្លារអាមេរិក។ ឯកឧត្តម គួច ចំរើន អភិបាលខេត្តព្រះសីហនុ បានថ្លែងក្នុងសន្និសីទសារព័ត៌មានស្តីពី «វឌ្ឍនភាពនិងទិសដៅការងារបន្តរបស់រដ្ឋបាលខេត្តព្រះសីហនុ» កាលពីថ្ងៃទី0៩ ខែមិថុនា ឆ្នាំ២០២០ ថា ការពង្រីកសក្តានុពលក្នុងខេត្ត ធ្វើឡើងក្នុងគោលដៅចង់ទាក់ទាញអ្នកវិនិយោគ និងអ្នកទេសចរមកកាន់ខេត្តនេះ។ ឯកឧត្តម បានមានប្រសាសន៍ថា៖ «កាលពីមុននេះ គឺនៅកម្ពុជាយើង ពិតជាខ្សត់ណាស់នូវអ្នកវិនិយោគ និងអ្នកទេសចរ។ អញ្ចឹងហើយយើងខំប្រឹង ធ្វើការអំពាវនាវឲ្យគេមក ព្រោះសេដ្ឋកិច្ចគឺជាការផ្សារភ្ជាប់ជាមួយផ្នែកទេសចរ។ យើងក៏ដឹងថា ចិនជាមហាអំណាចទី២ នៅលើពិភពលោក។ នៅក្នុងអាស៊ី […]
អានបន្ថែម
រោងចក្រផលិតឥដ្ឋសំណង់ ស្វ័យប្រវតិ្តកម្ម នៅខេត្តកំពត គ្រោងដាក់ដំណើរការ ឆ្នាំ២០២១
រោងចក្រផលិតឥដ្ឋសំណង់ បែបទំនើបដើរដោយស្វ័យប្រវត្តិ ស្ថិតក្នុងខេត្តកំពត គ្រោងដាក់ដំណើរការ ផលិតកម្ម នៅឆ្នាំ២០២១ ដើម្បីឆ្លើយតបទៅនឹងតម្រូវការទីផ្សារសំណង់ ដែលកំពុងសន្ទុះកើនឡើង នៅក្នុងខេត្ត។ វិនិយោគដោយក្រុមហ៊ុនសហគ្រាស ម្សៅបៀកភ្នំមាស រោងចក្រផលិតឥដ្ឋសំណង់នេះ ប្រើប្រាស់បច្ចេកវិទ្យាខ្ពស់ ដែលមានសង្វាក់ផលិតកម្មស្វ័យប្រវត្តិ និងមានសមត្ថភាពផលិតឥដ្ឋបាន ចំនួន ៨០០.០០០ ដុំ ក្នុងមួយថ្ងៃ។ យោងតាមរដ្ឋបាលខេត្តកំពត បច្ចុប្បន្ន ការសាងសង់រោងចក្រផលិតឥដ្ឋសំណង់ស្វ័យប្រវត្តិនេះ បានសម្រេចបាន ៨០ ភាគរយ ហើយគ្រោងនឹងដាក់ដំណើរការផលិតកម្ម នៅឆ្នាំ ២០២១ ខាងមុខ។ រោងចក្រនេះ មានទីតាំងស្ថិតនៅភូមិត្រពាំងរុន ឃុំតានី ស្រុកអង្គរជ័យ ខេត្តកំពត។ លក្ខណៈពិសេសនៃឥដ្ឋសំណង់ដែលផលិតដោយរោងចក្រនេះ គឺមានទម្ងន់ស្រាលជាងឥដ្ឋធម្មតា ដែលងាយស្រួលក្នុងការប្រើប្រាស់។ លោក ភូ លិ អភិបាលរងខេត្តកំពត បានថ្លែងប្រាប់ទស្សនាវដ្តី សំណង់ និងអចលនទ្រព្យ នៅថ្ងៃទី១០ នេះថា វត្តមានរោងចក្រផលិតឥដ្ឋសំណង់ក្នុងខេត្ត នឹងសម្រួលដល់ការងារការដ្ឋានសាងសង់នានា ក្នុងខេត្ត ដែលកំពុងមានសន្ទុះកើនឡើង។ លោក ភូ លិ ថ្លែងថា៖ “យើងដឹងហើយថា […]
អានបន្ថែម
គម្រោងស្ពានថ្មីឆ្លងទន្លេមេគង្គ ក្រចេះកំពង់ធំ សិក្សាបញ្ចប់ និងត្រៀមស្នើទៅចិន
គម្រោងសាងសង់ស្ពានឆ្លងទន្លេមេគង្គ នៅខេត្តក្រចេះ ត្រូវបានអ្នកជំនាញសិក្សាសមិទ្ធលទ្ធភាពក្នុងការសាងសង់រួចរាល់ និងកំពុងបន្តនីតិវិធី ដើម្បីស្នើសុំជំនួយពីរដ្ឋាភិបាលចិន។ រដ្ឋមន្រ្តីក្រសួងសាធារណការ និងដឹកជញ្ចួន ក្នុងឱកាសចុះត្រួតពិនិត្យផ្លូវជាតិលេខ៧ (ក្រចេះ-ត្បូងឃ្មុំ)។ លោកថា “ខ្ញុំឈរនៅលើទឹកដីក្រចេះក៏សុំជម្រាបផងដែរថា សម្តេចអគ្គមហាសេនាបតីតេជោ ហ៊ុន សែន លោកឱ្យសិក្សាការសាងសង់ស្ពានឆ្លងទន្លេមេគង្គមួយទៀតនៅក្រចេះ ដើម្បីឱ្យបងប្អូនយើងនៅក្រចេះ ឆ្លងទៅកំពង់ធំ។ល។អាចធ្វើដំណើរឆ្លងកាត់តាមស្ពាននេះបាន។” ឯកឧត្តមទេស បានបញ្ជាក់ច្បាស់ៗថា ការសិក្សាគម្រោងស្ពានឆ្លងទន្លេមេគង្គ នៅខេត្តក្រចេះនេះ បានធ្វើចប់សព្វគ្រប់អស់ហើយ ត្រៀមតែក្រសួងសាធារណការ និងសេដ្ឋកិច្ច និងហិរញ្ញវត្ថុពិភាក្សាគ្នាចរចាតម្លៃជាមួយក្រុមហ៊ុនសាងសង់ប៉ុណ្ណោះ។ រហូតមកដល់ពេលនេះ គម្រោងនេះបានសិក្សាចប់ ហើយឈានដល់ដំណាក់កាលត្រៀមចរចាហើយ។ ជំហានបន្ទាប់ គឺការដាក់សំណើគម្រោងទៅកាន់រដ្ឋាភិបាលចិនដើម្បីសុំប្រាក់កម្ចី ក្រោយពីបានឯកភាពពីនាយករដ្ឋមន្ត្រី។ សូមបញ្ជាក់ថា គម្រោងស្ពានឆ្លងទន្លេមេគង្គនៅខេត្តក្រចេះនេះ មានប្រវែង សរុប ១៧៦១ ម៉ែត្រ និងគ្រោងសាងសង់នៅឆ្នាំ ២០២១ ដែលត្រូវបានក្រសួងសាធារណការដាក់បញ្ចូលក្នុងផែនការអភិវឌ្ឍរបស់ខ្លួន ដែលបានលើកឡើងការពីសន្និសីទព័ត៌មានស្តីពីរបាយការណ៍ និងវឌ្ឍនភាពក្រសួងសាធារណការនិងដឹកជញ្ជូនកាលពីដើមឆ្នាំនេះ។ ចំពោះទីកន្លែងចំណុចសាងសង់ មានព័ត៌មានលើកឡើងថា ប្រហែលជាអាចនឹងធ្វើពីចន្លោះកោះទ្រុង និងកោះឆាង បើមើលតាមផែនទី។ តែទីតាំងជាក់លាក់ ធ្លាប់ត្រូវបានលោករដ្ឋមន្ត្រីបញ្ជាក់ថា អាចនឹងត្រូវសាងសង់ឆ្ងាយពីទីក្រុងបន្តិច ដើម្បីអាចឲ្យខេត្តក្រចេះមានឱកាសពង្រីកខ្លួនបន្ថែមទៀតនាពេលអនាគត៕ (អានបន្ថែម)
អានបន្ថែម
Total Solar គ្រោងផ្គត់ផ្គង់ថាមពលពន្លឺព្រះអាទិត្យថ្មីនៅលើកោះរ៉ុងសន្លឹម
ក្រុមហ៊ុន Total Solar Cambodia គ្រោងនឹងផលិត និងផ្គត់ផ្គង់ថាមពលអគ្គិសនី ដើរដោយពន្លឺព្រះអាទិត្យថ្មីមួយនៅលើកោះរ៉ុងសន្លឹម ដើម្បីផ្គត់ផ្គង់តម្រូវការរបស់ប្រជាជនក្នុងតំបន់នេះ។ នេះបើយោងតាម ការចេញផ្សាយរបស់ក្រុមហ៊ុន កាលពីពេលថ្មីៗនេះ។ គម្រោងថាមពលពន្លឺព្រះអាទិត្យនេះ នឹងសាងសង់ជាប្រព័ន្ធហាយប្រីដ ក្រៅបណ្តាញ ដែលរៀបបញ្ចូលគ្នារវាងស្ថានីយថាមពលសូឡា មានអានុភាព ១,២៥ មេហ្កាវ៉ាត់ និងប្រព័ន្ធអាគុយសមត្ថភាព ២,០ មេហ្កាវ៉ាដែលមានទីតាំងស្ថិតនៅលើកោះរ៉ុងសន្លឹម សម្រាប់ផ្គត់ផ្គង់ថាមពលអគ្គិសនី ដល់ប្រជាជន ក៏ដូចជាអាជីវកម្មដែលស្ថិតនៅលើកោះនេះផងដែរ។ គួរបញ្ជាក់ផងដែរថា គម្រោងកោះរ៉ុងសន្លឹមនេះគឺជាផ្នែកមួយនៃការអនុវត្ត “គម្រោងថាមពលសូឡាអាស៊ីប៉ាស៊ីហ្វិក២០២០” ដែលក្រុមហ៊ុនTotal Solar DG នេះ គ្រោងនឹងសាងសង់ស្ថានីយថាមពលអគ្គិសនី ដើរដោយពន្លឺព្រះអាទិត្យនៅប្រទេសចំនួន 0៣។ យោងតាមការចុះផ្សាយរបស់ PV magazine កាលពីចុងខែមុន។ នៅប្រទេសថៃ គម្រោងសូឡាលើដំបូលរោងចក្រចំនួន ២៤ ឱ្យក្រុមហ៊ុនThai agro-industrial giant Betagro Groupដែលមានទំហំ ២៥ MW ប្រើប្រាស់ ៦២ ០០០ ផ្ទាំងសូឡា។ នៅប្រទេសឥណ្ឌូនេស៊ី គម្រោងសូឡាសម្រាប់ព្រលានយន្តហោះ […]
អានបន្ថែម
លោក ឌិន សុមេធារិទ្ធ៖ មិនយូរទេ វិស័យសណ្ឋាគារនឹងចាប់ផ្ដើមមានសន្ទុះមកវិញ
វិស័យសណ្ឋាគារ នឹងចាប់ផ្ដើមមានសន្ទុះមកវិញក្នុងពេលឆាប់ៗនេះ ខណៈជើងហោះហើរមួយចំនួនធំជិតបើកដំណើរការជាធម្មតាវិញហើយ ឯប្រជាពលរដ្ឋចាប់ផ្ដើមដើរហើរឡើងវិញ បន្ទាប់ពីការឃុំខ្លួនយូរក្នុងកំឡុងពេលកូវីដ-១៩នេះ។ នេះបើយោងតាមប្រសាសន៍របស់ លោក ឌិន សុមេធារិទ្ធសហគ្រិនល្បីឈ្មោះ ក្នុងវិស័យសណ្ឋាគារ ក្នុងកិច្ចសម្ភាសន៍ជាមួយនឹងបណ្តាញព័ត៌មាន Freshnews កាលពីរសៀលថ្ងៃទី ០៨ មិថុនា ២០២០ នេះ។ លោកបានឲ្យដឹងថា វិស័យសណ្ឋាគារនឹងមានក្តីសង្ឃឹមនៅអំឡុងខែកក្កដា ដោយសារតែជើងយន្តហោះប្រហែល ៥០% នឹងចាប់ដំណើរការហោះហើរឡើងវិញ រីឯប្រជាជនចាប់ផ្ដើមចង់មានសេរីភាពឡើងវិញ ។ លោកបាននិយាយថា៖ «ខ្ញុំក៏មានការសិក្សាជិតដិត ជាមួយនឹងព្រលានយន្តហោះកម្ពុជា (Cambodia Airport)។ ខ្ញុំដឹងថា AirAsia នឹងហើរហោះឡើងវិញ មានដូចជាប្រទេសថៃ កម្ពុជា និងម៉ាឡេស៊ី។ សម្រាប់ខែកក្កដា គឺJet Airwaysនិងខែសីហា ដូចជា Bangkok Airways។ បើតាមព័ត៌មានទូទៅ ក្នុងខែកក្កដា យន្តហោះប្រហែល ៥០% នឹងចាប់ផ្តើមដំណើរការឡើងវិញ នោះជាក្តីសង្ឃឹម។» លោកក៏បានបន្ថែមថា ប្រសិនជាប្រទេសនីមួយៗមានការកែសម្រួលទាក់ទងទៅនឹងការធ្វើចត្តាឡីស័ក និងមានជើងហោះហើរឡើងវិញ នោះស្ថានភាពនឹងត្រឡប់មកប្រក្រតីជាធម្មតាវិញ។ លោកបាននិយាយថា៖ «មនុស្សយើងខានជិះយន្តហោះយូរនឹកយន្តហោះណាស់ ខានដើរលេងយូរនឹកណាស់។ កាលខ្ញុំទៅមណ្ឌលគិរីកាលពីខែមុន […]
អានបន្ថែម
តំណក់ប្រេងកម្ពុជា អាចជាច្រកចេញមួយ ពីវិបត្តិសេដ្ឋកិច្ចដោយកូវីដ១៩?
តើយើងអាចងើបចេញពីវិបត្តិនៅខាងមុខ បានយ៉ាងដូចម្តេច? យើងនៅតែចាំបានថា របាយការណ៍របស់ធនាគារពិភពលោកព្យាករថា កំណើនសេដ្ឋកិច្ចរបស់ប្រទេសកម្ពុជា ក្នុងឆ្នាំ ២០២០ នឹងថយចុះពីចន្លោះពី -១,១ ទៅ -២,៩% ហើយអត្រានៃភាពក្រីក្រ នឹងកើនឡើងដល់ចន្លោះពី ៣% ទៅ ១១% ។ តួលេខទាំងនេះ គឺគ្រប់គ្រាន់អាចឱ្យយើងមើលឃើញថា តើការធ្លាក់ចុះនៃសេដ្ឋកិច្ចនឹងមានភាពធ្ងន់ធ្ងរយ៉ាងដូចម្តេច ជាពិសេសភាពក្រីក្រ ដែលនឹងផ្តល់ភាពលំបាកជាងគេដល់ កម្មករកាត់ដេរ អ្នកធ្វើការតាមវិស័យទេសចរណ៍ និងសំណង់។ ចំពោះមុខពាក្យថា “ការគំរាមគំហែងដ៏ធំបំផុត” ដូចដែលធនាគារពិភពលោកបានហៅបែបនេះ មានប្រភពគំនិតផ្សេងៗគ្នា ដែលបានពិភាក្សាលើសមត្ថភាពរបស់កម្ពុជាក្នុងការស្តារសេដ្ឋកិច្ចរបស់ខ្លួន ដែលពឹងផ្អែកជាចំបងទៅលើវិស័យទេសចរណ៍ ការនាំចេញសម្លៀកបំពាក់ និងប្រតិបត្តិការពាណិជ្ជកម្មក្រៅប្រទេស ( SEA Operation ) របស់វិនិយោគដោយផ្ទាល់ពីបរទេសដូច្នេះនោះ។ ខណៈទស្សនៈមួយចំនួនរួមទាំងកិច្ចប្រជុំចុងក្រោយរបស់ក្រុមប្រឹក្សាទេសចរណ៍មេគង្គ (MeTAG) ដែលបានប្រារព្ធកាលពីខែមុនផង បានលើកឡើងថា សេដ្ឋកិច្ចកម្ពុជាមានក្តីសង្ឃឹមចំពោះការវិលត្រឡប់របស់ទេសចរចិននោះ ធនាគារពិភពលោកបានផ្តល់អនុសាសន៍នូវជម្រើសគោលនយោបាយមួយចំនួនដើម្បីអនុវត្ត។ ហើយអនុសាសន៍ទាំងនោះ ផ្តោតជាសំខាន់លើការអភិវឌ្ឍធនធានមនុស្ស និងការពង្រឹងហេដ្ឋារចនាសម្ព័ន្ធសេដ្ឋកិច្ច។ “ប្រទេសកម្ពុជា ជាប្រទេសមានសេដ្ឋកិច្ចបើកចំហខ្ពស់សម្រាប់ពាណិជ្ជកម្ម ប៉ុន្តែក៏ជាប្រទេសមួយដែលមានមូលដ្ឋានសេដ្ឋកិច្ចតូចចង្អៀត ដែលមានជម្រើសងើបឡើងវិញតិចតួច” ប្រសាសន៍លោកស្រី Tamesis អ្នកសម្របសម្រួលផ្នែកនិវាសនដ្ឋានរបស់អង្គការសហប្រជាជាតិ។ នៅក្នុងន័យថា […]
អានបន្ថែម
គណៈកម្មការទន្លេមេគង្គពន្យារការពិភាក្សាគម្រោងវារីអគ្គិសនីចំនួន ០២ របស់ឡាវ
គណៈកម្មការទន្លេមេគង្គ សម្រចពន្យារការពិភាក្សាលើគម្រោងវារីអគ្គិសនីចំនួន ០២ របស់ឡាវ លើដងទន្លេមេគង្គ ដោយសារមានការសម្ដែងការព្រួយបារម្ភផលប៉ះពាល់លើវិស័យបរិស្ថានពីសំណាក់ប្រទេស កម្ពុជា ថៃ វៀតណាម និងបណ្ដាប្រទេសផ្សេងៗទៀត ដែលស្ថិតនៅជុំវិញដងទន្លេមេគង្គ។ នេះបើយោងទៅតាមសេចក្ដីប្រកាសរបស់គណៈកម្មការទន្លេមេគង្គកាលពីថ្ងៃទី ០៥ មិថុនា ២០២០ កន្លងទៅ។ គម្រោងវារីអគ្គិសនីទី០១ គឺគម្រោងវារីអគ្គីសនីហ្លួងព្រះបាំង (Luang Prabang)មានអានុភាព ១.៤៦០ មេហ្គាវ៉ាត់ ដែលរដ្ឋាភិបាលឡាវដាក់ស្នើសុំការសាងសង់លើដងទន្លេមេគង្គ ផ្នែកខាងជើងនៃខេត្តហ្លួងព្រះបាំង (Luang Prabang) ត្រូវពន្យារកាលបរិច្ឆេទទៅថ្ងៃទី ៣០ មិថុនា ២០២០ វិញ។ “ដោយសារតែការព្រួយបារម្ភ និងសំណូមពរដែលលើកឡើងដោយប្រទេសកម្ពុជាថៃ និងប្រទេសវៀតណាម និងភាគីពាក់ព័ន្ធមេគង្គដទៃទៀត និងដោយមានការព្រមព្រៀងពីប្រទេសឡាវ យើងបានសម្រេចចិត្តផ្លាស់ប្តូរកាលបរិច្ឆេទនៃ “ដំណើរការពិគ្រោះយោបល់ជាមុន” សម្រាប់គម្រោងហ្លួងព្រះបាង រហូតដល់ថ្ងៃទី ៣០ ខែមិថុនាវិញ” ។ ប្រសាសន៍របស់លោកវេជ្ជបណ្ឌិត Somkiat Prajamwong ប្រធានគណៈកម្មការ MRC JC សម្រាប់ឆ្នាំ ២០២០។ គម្រោងវារីអគ្គិសនីហ្លួងព្រះបាំងនេះ គឺជាគម្រោងទី ៥ ដែលរដ្ឋាភិបាលឡាវបានដាក់ស្នើ […]
អានបន្ថែម