គម្រោងពង្រីកផ្លូវសហព័ន្ធរុស្ស៊ីនិងកសាងរង្វង់មូលក្តាន់ពីរថ្មីចាប់ផ្តើមអនុវត្ត
រដ្ឋបាលរាជធានីភ្នំពេញ កាលពីព្រឹកថ្ងៃទី ១០ ខែកុម្ភៈនេះ បានចាប់ផ្តើមអនុវត្តគម្រោងពង្រីកមហាវិថីសហព័ន្ធរុស្ស៊ី និងការស្ថាបនារង្វង់មូលត្រង់ចំនុចប្រសព្វក្តាន់ពីរថ្មី ដើម្បីធានាលំហូរចរាចរណ៍ត្រង់ចំណុចកកស្ទះមួយនេះ។ យោងតាមសេចក្តីជូនដំណឹង ចេញផ្សាយនៅថ្ងៃទី១០នេះ គម្រោងនេះរួមមាន ការស្ថាបនាពង្រីកកំណាត់មហាវិថីសហព័ន្ធរុស្ស៊ីចិញ្ចើមខាងជើង ចាប់ពីស្ថានីយប្រេងឥន្ធនៈតូតាល់ដល់ផ្លូវកែងមហាវិថីស៊ីធីសេនធ័រ ចូលទីក្រុងរណបស៊ីធីសេនធ័រ (អតីតតំបន់អភិវឌ្ឍន៍បឹងកក) និងដាក់លូទំហំ ១ម៉ែត្រ ដើម្បីរំដោះទឹកចេញពីដងមហាវិថីព្រះមុន្នីវង្ស និងមហាវិថីសហព័ន្ធរុស្ស៊ី។ លើសពីនេះ គម្រោងនេះក៏នឹងធ្វើការកែសម្រួលផ្ទៃសួនច្បារក្តាន់ពីរមួយផ្នែកទៅជាវង្វង់មូលក្តាន់ពីរ និងស្ថាបនាផ្លូវជុំវិញរង្វង់មូលនេះ ដោយរក្សារូបសំណាក់ក្តាន់ពីរឱ្យនៅដដែល ដើម្បីសម្រួលចរាចរណ៍ត្រង់ចំណុចប្រសព្វក្តាន់ពីរ រវាងមហាវិថីស៊ីធីសេនធ័រ (ផ្លូវ R6) និង មហាវិថីសាធារណរដ្ឋឆេក។ រដ្ឋបាលរាជធានីភ្នំពេញ ក៏បានបញ្ជាក់ថា៖ កន្លងមកស្ថានភាពចរាចរណ៍នៅលើកំណាត់ មហាវិថីសហព័ន្ធរុស្ស៊ីចាប់ពីចំណុចប្រសព្វក្តាន់ពីរ រហូតដល់ស្តុបបេកាសេ មានការកកស្ទះយ៉ាងខ្លាំង ដោយសារកំណើនយានយន្តដ៏គំហុក ស្របតាមការរីកចម្រើនរបស់ប្រទេសជាតិ ជាពិសេសរាជធានីភ្នំពេញ។ គម្រោងស្ថាបនានេះ គឺចាប់អនុវត្តចាប់ពីថ្ងៃផ្សាយដំណឹងនេះតទៅ ហើយស្នើឱ្យអ្នកធ្វើដំណើរឆ្លងកាត់តំបន់ខាងលើ គួរតែមានការយោគយល់ និងអធ្យាស្រ័យគ្នា៕
អានបន្ថែម
រដ្ឋាភិបាលអនុម័តរោងចក្រសម្ភារសំណង់តម្លៃជាង ៥ លានដុល្លារនៅខេត្តកំពង់ស្ពឺ
ក្រសួងបរិស្ថាន កាលពីថ្មីៗនេះបានសម្រេចអនុម័តឱ្យមានការសាងសង់គម្រោងបង្កើតរោងចក្រផលិតសម្ភារសំណង់តម្លៃជាង ៥លានដុល្លារ ថ្មីមួយនៅខេត្តកំពង់ស្ពឺ ក្រោយក្រសួងសិក្សានិងវាយតម្លៃលើផលប៉ះពាល់បរិស្ថានអស់រយៈពេលមួយឆ្នាំ។ ការសម្រេចអនុម័តនេះធ្វើឡើងក្នុងកិច្ចប្រជុំអន្តរក្រសួងដែលដឹកនាំដោយឯកឧត្តម នេត្រ ភក្រ្តា រដ្ឋលេខាធិការក្រសួងបរិស្ថានកាលពីថ្ងៃទី ៦ ខែកុម្ភៈ ឆ្នាំ២០២០ កន្លងមកនេះ។ មានទីតាំងស្ថិតនៅក្នុងភូមិគិរីរស្មី ឃុំព្រៃរំដួល ស្រុកភ្នំស្រួច ខេត្តកំពង់ស្ពឺ គម្រោងនេះនឹងសាងសង់ដោយក្រុមហ៊ុន យ៉ុងដេស៊ីន (ខេមបូឌា) លើផ្ទៃដីទំហំ ២៨ ៦៧០ម៉ែត្រក្រឡា ក្រោមទំហំទឹកប្រាក់វិនិយោគប្រមាណជិត៥លានដុល្លារ។ បើយោងតាមរបាយការណ៍របស់ក្រសួងបរិស្ថានរោងចក្រសម្ភារសំណង់នេះនឹងផលិតសម្ភារសំណង់គ្រប់ប្រភេទមានដូចជា ឥដ្ឋប្លុកបេតុង និងបេតុងចាក់ស្រាប់ជាដើម។ ប្រភពដដែលបានបញ្ជាក់ទៀតថា គម្រោងនឹងបង្កើតការងារជាង ១២៥កន្លែង សម្រាប់ប្រជាជនក្នុងតំបន់។ គួរបញ្ជាក់ផងដែរថាថ្មីៗនេះ ខេត្តកំពង់ស្ពឺទទួលបានការវិនិយោគទុនពីក្រុមហ៊ុនអន្តរជាតិ ៣គម្រោង ដែលមានតម្លៃប្រមាណ ៥០០លានដុល្លា នៅតំបន់បឹងវល្លិប្រេង។ (អានបន្ថែម) លើកពីនេះខេត្តនេះក៏គ្រោងនឹងស្វាគមន៍ដូចជាកីឡដ្ឋានស្ដង់ដារអន្តរជាតិមួយកន្លែងដែលមានតម្លៃប្រមាណ២លានដុលា្លរអាមេរិកផងដែរ ដែលគម្រោងនេះទើបតែបើកការដ្ឋានសាងសង់កាលពីខែធ្នូ កន្លងមកនេះ។ (អានបន្ថែម)
អានបន្ថែម
កម្មវិធី PropertyGuru Cambodia Property Awards បកមកអង្រួនវេទិកាកម្ពុជាសាជាថ្មី
កម្មវិធីពានរង្វាន់ប្រចាំឆ្នាំ PropertyGuru Cambodia Property Awards លើកទី ៥ បានបកមកអង្រួនវេទិកាប្រកួតប្រជែងអ្នកអភិវឌ្ឍអចលទ្រព្យល្អបំផុតនៅកម្ពុជា សាជាថ្មីម្ដងទៀតហើយ ក្រោយកម្ពុជាបានឈ្នះពាន់រង្វាន់ពីប្រទេសថៃ កាលពីឆ្នាំមុន។ រៀបចំដោយក្រុមហ៊ុនបច្ចេកវិទ្យាអចលនទ្រព្យឈានមុខគេនៅអាស៊ី PropertyGuru Group កម្មវិធីនេះនឹងបើកទទួលបេក្ខភាពពីរហូតដល់ថ្ងៃទី២៧ ខែមីនា។ ហើយការប្រកាសជ័យលាភីចុងក្រោយ នឹងធ្វើឡើងក្នុងពិធី Black-tie Gala Dinner និងកម្មវិធីប្រគល់ពានរង្វាន់ នាថ្ងៃទី០៥ ខែមិថុនា ឆ្នាំ២០២០ នៅសាលកម្មវិធីនៃភោជនីយដ្ឋានសូហ្វីតែលភ្នំពេញភូគីត្រា។ ការត្រឡប់មកវិញនៃកម្មវិធីនេះ គឺដោយសារតែទទួលបានការចាប់អារម្មណ៍យ៉ាងខ្លាំងពីសំណាក់អ្នកអភិវឌ្ឍន៍នៅកម្ពុជា ជាពិសេសក្នុងឆ្នាំ ២០១៩ ក្រុមហ៊ុន Urban Hub (Cambodia) Co., Ltd បានឈ្នះពានរង្វាន់អ្នកអភិវឌ្ឍន៍ខុនដូធំជាងគេបំផុតទាំងប្រាំពីរ នៅក្នុងតំបន់អាស៊ី។ កាលបរិច្ឆេទសំខាន់ៗសម្រាប់កំណែប្រែឆ្នាំ២០២០ មានដូចជា៖ ថ្ងៃទី១៦ ខែធ្នូ ឆ្នាំ២០១៩ – បើកចុះឈ្មោះបេក្ខភាព ថ្ងៃទី២៧ ខែមីនា ឆ្នាំ២០២០ –បិទបញ្ជីបេក្ខភាព ថ្ងៃទី០៣ ខែមេសា ឆ្នាំ២០២០– បិទការចុះឈ្មោះ ថ្ងៃទី២០-៣០ ខែមេសា […]
អានបន្ថែម
EuroCham នឹងបើកវេទិការពិភាក្សាអំពីនិន្នាការអចលទ្រព្យនៅក្នុងទីក្រុងភ្នំពេញ ឆ្នាំ២០២០
សភាពាណិជ្ជកម្មអ៊ឺរ៉ុបនៅកម្ពុជាឬ EuroCham នឹងរៀបចំវេទិការពិភាក្សាស្ដីអំពីនិន្នាការ និងស្ថានភាពអចលនទ្រព្យនៅក្នុងទីក្រុងភ្នំពេញសម្រាប់ឆ្នាំ២០២០ នៅថ្ងៃទី១៣ ខែកុម្ភៈ ឆ្នាំ២០២០ វេលាម៉ោង៧: ៣០ព្រឹក នៅឯសណ្ឋាគារហ៊ីម៉ាវ៉ារី។ កម្មវិធីនេះនឹងមានការចូលរួម លោក សន សៀប ដែលលោកជាអ្នកជំនាញក្នុងវិស័យអចលទ្រព្យដ៏ល្បីល្បាញនៅក្នុងប្រទេសកម្ពុជា និង ជាងនាយកនៃក្រុមហ៊ុន Key Real Estate Co., Ltd ។ ក្នុងវេទិការនេះ លោកនឹងចូលរួមចែករំលែកនូវ ចំណេះដឹង និន្នការ និងស្ថានភាពបច្ចុប្បន្ន ក៏ដូចជាការព្យាករណ៍ទៅពេលខាងមុខនៃវិស័យអចលទ្រព្យ នៅក្នុងទីក្រុងភ្នំពេញ។ លើសពីនេះ លោកនឹងផ្តល់ជូនការវិភាគទាក់ទងនឹងតម្លៃប៉ាន់ស្មាននៃអចនទ្រព្យ ជាពិសេសដីធ្លីនាពេលបច្ចុប្បន្ន។ គួរបញ្ជាក់ផងដែរថា តម្លៃចូលរួមសម្រាប់សមាជិករបស់ EuroCham គឺ ២០$ ហើយ ៣០$ សម្រាប់អ្នកមិនមែនជាសមាជិក។ សូមចុះឈ្មោះតាមលីងនេះ៖ http://bit.ly/2RK9yQB
អានបន្ថែម
គណៈរដ្ឋមន្រ្តីអនុម័តរោងចក្រថាមពលអគ្គិសនីចំនួន២ អានុភាពជិត១ពាន់មេហ្គាវ៉ាត់
គណៈរដ្ឋមន្រ្តីបានអនុម័តលើគម្រោងរោងចក្រថាមពលអគ្គិសនី ដើរដោយធ្យូងថ្មចំនួន ២គម្រោង មានអានុភាពថាមពល ជិត ១ពាន់មេហ្គាវ៉ាត ដើម្បីចូលរួមផលិតថាមពលផ្គត់ផ្គង់តាមតម្រូវការប្រើប្រាស់ដែលមាននិន្នាការកើនឡើង ជាបន្តបន្ទាប់។ បើយោងតាមសេចក្ដីប្រកាសចេញពីកិច្ចប្រជុំគណៈរដ្ឋមន្រ្តី កាលពីថ្ងៃទី៧ ខែកុម្ភៈ កន្លងមកនេះ គម្រោងថាមពលទាំង ២នេះ ស្ថិតនៅក្នុងខេត្តឧត្តរមានជ័យ និងខេត្តកោះកុង។ ចំពោះគម្រោងទី១ គឺគម្រោងអភិវឌ្ឍន៍រោងចក្រអគ្គិសនីដុតធ្យូងថ្ម អនុភាព ២៦៥មេហ្គាវ៉ាត វិនិយោគដោយក្រុមហ៊ុន HAN SENG COAL MINES ស្ថិតនៅក្នុងស្រុកត្រពាំងប្រាសាទ ខេត្តឧត្តរមានជ័យ។ គម្រោងនេះគ្រោងនឹងបញ្ចេញថាមពលផ្លូវការណ៍ ក្នុងឆ្នាំ២០២២។ ដោយឡែកគម្រោងទី២ គឺគម្រោងអភិវឌ្ឍន៍រោងចក្រអគ្គិសនីដុតធ្យូងថ្ម អានុភាព៧០០ មេហ្គាវ៉ាត់ ដែលជាការវិនិយោគរួមគ្នារវាងក្រុមហ៊ុន ROYAL GROUP និង SINOSTEEL EQUIPMENT & ENGINEERING មកពីប្រទេសចិន ហើយរោងចក្រនេះគឺស្ថិតនៅក្នុងស្រុកបទុមសាគរ ខេត្តកោះកុង ហើយគ្រោងបញ្ចេញថាមពល នៅឆ្នាំ២០២៤។ ជាមួយគ្នានេះដែរ គណៈរដ្ឋមន្ត្រីក៏បានអនុម័តលើគម្រោងអភិវឌ្ឍន៍បណ្តាញបញ្ជូនអគ្គិសនី ២៣០ គីឡូវ៉ុល ពីរោងចក្រអគ្គិសនីដុតធ្យូងថ្មក្នុងខេត្តឧត្តរមានជ័យ មកអនុស្ថានីយ៍ខេត្តសៀមរាបផងដែរ។ គួរបញ្ជាក់ផងដែរថា បច្ចុប្បន្ននេះ កម្ពុជាមានរោងចក្រថាមពលដុតធ្យូងថ្មមានចំនួន២ […]
អានបន្ថែម
ផ្សារទំនើបភ្នំពេញមេហ្គាម៉លបញ្ចប់ការសាងសង់បាន ៩៩.៤% គ្រោងនឹងបើកត្រីមាសទី៤
ផ្សារទំនើបភ្នំពេញមេហ្គាលម៉លបានបញ្ចប់ការសាងសង់ប្រមាណ ៩៩.៤ភាគរយ ហើយ គ្រោងនឹងបើកដំណើរការក្នុងត្រីមាសទី៤ នៃឆ្នាំ ២០២០នេះ។ នេះបើយាងតាមការឱ្យដឹងពីម្ចស់គម្រោងផ្ទាល់។ ។ លោក Olvy Othsaman ប្រធាននិងនាយកប្រតិបត្តិក្រុមហ៊ុន Hassan (Cambodia) Development ដែលជាក្រុមហ៊ុនទទួលខុសត្រូវលើគម្រោងនេះ បានប្រាប់ទស្សនាវដ្ដីសំណង់ និង អចលនទ្រព្យថា ៖ «គម្រោងនេះគឺសឹងតែបញ្ចប់ ១០០ ភាគរយទៅហើយ ពោលគឺប្រមាណ ៩៩.៤ភាគរយ ប៉ុន្តែយើងមិនទាន់បើកព្រោះនៅរងចាំការសម្រេចពីថ្នាក់លើ។ «តាមផែនការគឺអាចនឹងបើកត្រីមាសទី ៤ ឆ្នាំនេះ ដោយឡែកកាលបរិច្ឆេទជាក់លាក គឺពុំទាន់ដឹងនោះទេ គឺយើងរងចាំការយល់ព្រមពីវត្តមានដល់ខ្ពស់ខ្ពង់ពីសំណាក់សម្តេចតេជោហ៊ុនសែន ដើម្បីចូលរួមសម្ពោធផ្សារមួយនេះ» លោកបានបន្ត។ មានទីតាំងស្ថិតនៅតាមបណ្ពោយមហាវិថីសហពន្ធ័រុស្សី ក្បែរស្ពានអាកាសតិចណូ ផ្សារទំនើបភ្នំពេញមេហ្គាម៉លនេះ មានកម្ពស់ ១០ជាន់ និងផ្ទៃក្រឡាប្រមាណជាង ១០ ម៉ឺនម៉ែត្រការ៉េ ដែលអាចទទួលអាជីវកម្មឱ្យបើកលក់បានរហូតដល់ទៅ ៤០០ ហាង។ (អានបន្តែម) ដំបូងឡើយផ្សារទំនើបនេះមានឈ្មោះថា Parkson ហើយក្រោយមកត្រូវបានដាក់ឈ្មោះជាផ្លូវការថា ផ្សារភ្នំពេញមេហ្គាម៉ល (Phnom Penh Mega Mall) ។ […]
អានបន្ថែម
អ្នកជំនាញ៖ កម្ចីអចលនទ្រព្យធូររលុងបង្កហានិភ័យខ្ពស់ដល់អ្នកទិញ
អ្នកនាង អាន សុធីតា អ្នកជំនាញផ្នែកអចលនទ្រព្យ និងនាយិការក្រុមហ៊ុន CBRE Cambodia កាលពីថ្មីៗនេះ បានសំដែងពីការព្រួយបារម្ភចំពោះអ្នកទិញអចលនទ្រព្យនៅប្រទេសកម្ពុជា ថាងាយនឹងរងហានិភ័យខ្ពស់ពីការផ្ដល់កម្ចីអចលនទ្រព្យដែលមានភាពធូររលុង ជាពិសេសពីម្ចាស់គម្រោង។ ការព្រួយបារម្ភនេះ គឺបន្ទាប់ពីអង្គការអន្តរជាតិមួយចំនួន បានតឿនដល់កម្ពុជាថាត្រូវតែរឹតបន្តឹងវិធានការផ្តល់ប្រាក់កម្ចីទៅលើវិស័យអចលនទ្រព្យ ដើម្បីជៀសវាងហានិភ័យ។ របាយការណ៍ចុងក្រោយរបស់មូលនិធិរូបិយវត្ថុអន្តរជាតិ ឬហៅកាត់ថា IMF បានបង្ហាញថា ការផ្តល់ប្រាក់កម្ចីទៅឲ្យអ្នកអភិវឌ្ឍន៍អចលនទ្រព្យនៅកម្ពុជានៅតែមិនទាន់មានការត្រួតពិនិត្យ និងមិនមានការគ្រប់គ្រងឲ្យបានល្អនៅឡើយ ដែលជាកត្តាគួរឱ្យព្រួយបារម្ភ (អានបន្ថែម) ដូចគ្នានេះដែរ ធនាគារអភិវឌ្ឍន៍អាស៊ីឬ ADB កាលពីពេលថ្មីៗនេះ ក៏បានក្រើនរំលឹកថា កម្ពុជាគួរតែកាត់បន្ថយហានិភ័យផ្នែកហិរញ្ញវត្ថុដែលកើតចេញពីការផ្តល់ឥណទានទៅលើវិស័យអចលនទ្រព្យ។ (អានបន្ថែម) ជុំវិញបញ្ហានេះ អ្នកនាង អាន សុធីតា បានពន្យល់ថា អ្នកនាងមិនសូវបារម្ភប៉ុន្មានទេចំពោះ កម្ចីពីធនាគារ ព្រោះថាភាគច្រើនធនាគារ គឺមានគោលនយោបាយនិងការត្រួតពិនិត្យតឹងរឹងនិងហ្មត់ចត់មុននិងផ្ដល់កម្ចី ហើយមួយវិញទៀតការគ្រប់គ្រងលើប្រព័ន្ធហិរញ្ញវត្ថុនេះគឺជាកាតព្វកិច្ចរបស់ធនគារជាតិ។ ប៉ុន្តែអ្នកនាងព្រួយបារម្ភខ្លាំងពីកម្ចីដែលផ្ដល់ដោយម្ចាស់គម្រោង។ គម្រោងអចលនទ្រព្យនៅកម្ពុជារួមមានគម្រោងលំនៅដ្ឋាន គម្រោងដីឡូ ជាច្រើន បាននិងកំពុងកើនឡើងជាបន្តបន្ទាប់។ លើសពីនេះ គម្រោងអចលនទ្រព្យនីមួយៗ សុទ្ធសឹងតែមានសេវាកម្មកម្ចីរំលោះរបស់ខ្លួន ដែលជាជម្រើសគួរឱ្យទាក់ទាញមួយសម្រាប់អ្នកទិញដែលចង់ទិញផ្ទះ ទិញដី លើកដំបូង ឬផ្ទះថ្មីរបស់ខ្លួន។ ខណៈពេលដែលទីផ្សារអចលនទ្រព្យនៅកម្ពុជាមានការប្រកួតប្រជែងខ្ពស់ ការអនុម័តផ្ដល់កម្ចីអចលនទ្រព្យ ដែលតម្រូវឱ្យអតិថិជនបង់រំលោះជាប្រចាំខែ […]
អានបន្ថែម
ខេត្តត្បូងឃ្មុំនឹងមានហេដ្ឋារចនាសម្ព័ន្ធទំនប់បង្ហៀរទឹក ២ មុខងារថ្មីមួយ
រដ្ឋបាលខេត្តត្បូងឃ្មុំ រួមជាមួយនឹងក្រសួងរៀបចំដែនដី នគរូបនីយកម្ម និងសំណង់ សាងសង់ប្រព័ន្ធទំនប់បង្ហៀរទឹកថ្មីមួយខ្សែទៀត ក្នុងស្រុកក្រូចឆ្មា ខេត្តត្បូងឃ្មុំ ក្នុងគោលបំណងដើម្បីសម្រួលដល់ការផ្គត់ផ្គង់របស់ប្រជាពលរដ្ឋក្នុងតំបន់។ គម្រោងទំនប់បង្ហៀរទឹកមួយនេះ គឺមុខងារពីរ ដែលនឹងជួយផ្គត់ផ្គង់ទឹកក្នុងរដូវប្រាំង និងជួយការពារទឹកជំនន់នៅរដូវវស្សា។ លើសពីនេះ គម្រោងទំនប់បង្ហៀរនេះនឹងជួយប្រជាពលរដ្ឋប្រមាណជា ២០០០ គ្រួសារ ក្នុងឃុំព្រែកតាកុច ស្រុកក្រូចឆ្មារ។ ក្នុងឱកាសចុះមូលដ្ឋាន ឯកឧត្តម ជា សុផារ៉ា ទេសរដ្ឋមន្រី្ត រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា ទំនប់បង្ហៀរទឹកនេះ ចំណាយថវិកាប្រមាណជាង ៦០ម៉ឺនដុល្លារ។ គួរបញ្ជាក់ផងដែរ ខេត្តត្បូងឃ្មុំគឺជាខេត្តថ្មីមួយនៃព្រះរាជាណាចក្រកម្ពុជា ដែលកំពុងមានសក្តានុពល ដោយឃើញថាមានការសាងសង់ហេដ្ឋារចនាសម្ព័ន្ធតភ្ជាប់ថ្មីៗជាច្រើន ដោយមួយក្នុងចំណោមនេះគឺ ស្ពានស្ទឹងត្រង់ ក្រូចឆ្មារ។ បើតាមការជូនដំណឹងរបស់ក្រសួងសាធារណការ និងដឹកជញ្ជូន ស្ពានស្ទឹងត្រង់ ក្រូចឆ្មារ ដែលតភ្ជាប់រវាងទឹកដីនៃខេត្តកំពង់ចាម និងទឹកដីនៃខេត្តត្បូងឃ្មុំ បានសម្រេចការសាងសង់ប្រមាណ ៧៥ភាគរយហើយគិតត្រឹមខែធ្នូឆ្នាំ ២០១៩។ (អានបន្ថែម) លើសពីនេះ ខេត្តនេះក៏ទទួលស្វាគមន៍គម្រោងធំៗ មួយចំនួនផងដែរ ជាក់ស្ដែងកាលពីថ្ងៃទី ១២ ខែមេសា ឆ្នាំ ២០១៩ […]
អានបន្ថែម
ក្រសួងរៀបចំដែនដី បើកវគ្គផ្សព្វផ្សាយច្បាប់សំណង់ម្តងទៀត សម្រាប់អ្នកវិជ្ជាជីវៈ
ក្រសួងរៀបចំដែនដី នគរូបនីយកម្ម និងសំណង់ នឹងរៀបចំសិក្ខាសាលាស្តីពី វគ្គផ្សព្វផ្សាយច្បាប់សំណង់លើកទី២ នៅឯសណ្ឋាគារសុខាភ្នំពេញ ថ្ងៃទី ១៣ ខែកុម្ភៈ ខាងមុខនេះ ក្នុងគោលបំណងផ្ដល់ចំណេះដឹងដល់អ្នកវិជ្ជាជីវៈដែលខកខានមិនបានចូលរួមការផ្សព្វផ្សាយលើកទី១។ យោងតាមសេចក្តីជូនដំណឹងរបស់ក្រសួងចេញផ្សាយកាលពីថ្ងៃទី៥ ខែកុម្ភៈ វគ្គផ្សព្វផ្សាយច្បាប់សំណង់នេះ គឺដើម្បីអនុញ្ញាតឱ្យស្ថាបត្យករដែលបានចុះបញ្ជីនៅគណៈស្ថាបត្យករកម្ពុជា និងវិស្វករជំនាញសំណង់ស៊ីវិល វិស្វករជំនាញអគ្គិសនី ដែលបានចុះបញ្ជីនៅគណៈវិស្វករកម្ពុជា ដែលអវត្តមានក្នុងការចូលរួមវគ្គផ្សព្វផ្សាយ ច្បាប់សំណង់ សម្រាប់អ្នកវិជ្ជាជីវៈក្នុងវិស័យសំណង់ កាលពីថ្ងៃទី១៤ ខែមករា។ វគ្គផ្សព្វផ្សាយសំណង់ នឹងចាប់ផ្ដើមពីម៉ោង ៧:៣០ ដល់ ម៉ោង ១៣:០០ ក្រោមការឧទ្ទេសនាមដោយ ឯកឧត្តម ថេង ច័ន្ទសង្វារ រដ្ឋលេខាធិការ និងជាប្រធានក្រុមការងារអភិវឌ្ឍន៍ និងផ្សព្វផ្សាយគោលនយោបាយ និងច្បាប់នៃក្រសួងរៀបចំដែនដី នគរូបនីយកម្ម និងសំណង់។ ក្រសួងនឹងផ្តល់វិញ្ញាបនបត្របញ្ជាក់ការសិក្សាជូនសិក្ខាកាមដែលបានបំពេញគ្រប់លក្ខខណ្ឌរបស់វគ្គផ្សព្វផ្សាយ ហើយវិញ្ញាបនបត្របញ្ជាក់សិក្សានេះ ជាឯកសារចាំបាច់សម្រាប់ស្ថាបត្យករ និងវិស្វករចុះបញ្ជី ក្នុងការស្នើសុំអាជ្ញាបណ្ណប្រកបវិជ្ជាជីវៈក្នុងវិស័យសំណង់។ គួរបញ្ជាក់ថា ច្បាប់សំណង់ ត្រូវបានប្រកាសឲ្យប្រើប្រាស់កាលពីខែវិច្ឆិកា ឆ្នាំ២០១៩ ហើយច្បាប់នេះ នឹងត្រូវអនុវត្តពេញលេញ ក្នុងរយៈពេល៦ខែ ក្រោយច្បាប់នេះចូលជាធរមាន (អានបន្ថែម)៕
អានបន្ថែម
អត្ថបទផ្សព្វផ្សាយ៖ កាដូពិសេស! កាដូពិសេសពីក្បឿងជីប ម៉ុង !
សម្រាប់ឆ្នាំ២០២០នេះ ក្រុមហ៊ុនជីប ម៉ុងអ៊ីនដាស្ទ្រីស៍បានផ្តល់ជូនកាដូយ៉ាងសន្ធឹកសន្ធាប់ទៅដល់អតិថិជន ដែលតែងតែគាំទ្រ និងប្រើប្រាស់ក្បឿងជីប ម៉ុង។ រាល់ការទិញក្បឿង ជីប ម៉ុង ៥០០សន្លឹកឥឡូវនេះ លោកអ្នកនឹងទទួលបានការថែមជូន កាបូបស្ពាយដ៏ស្រស់ស្អាតមួយភ្លាមៗ។ ទិញកាន់តែច្រើន ទទួលបានកាន់តែច្រើន។ ការផ្តល់ជូននេះនឹងបន្តរហូតដល់អស់ពីស្តុក។ ក្បឿង ជីប ម៉ុង ផលិតផលគុណភាពខ្ពស់ ផលិតពីស៊ីម៉ង់អូដ្ឋ ប្រើប្រាស់បច្ចេកវិទ្យាចុងក្រោយពីប្រទេសអ៊ីតាលី ទទួលស្គាល់ដោយប្រព័ន្ធគ្រប់គ្រងគុណភាពអន្តរជាតិ ISO 9001: 2015 ក្បឿង ជីប ម៉ុង មានជម្រើសច្រើនពណ៌ធ្វើឲ្យដំបូលផ្ទះរបស់លោកអ្នកស្រស់ស្អាត រឹងមាំ ធន់បានយូរ។ លោកអ្នកអាចស្វែងរកទិញក្បឿង ជីប ម៉ុង នៅគ្រប់ដេប៉ូលក់គ្រឿងសំណង់ដែលនៅជិតលោកអ្នកបំផុត។ ព័ត៌មានបន្ថែមសូមទំនាក់ទំនង 085 990 222 / 069 990 222 / 066 990 222
អានបន្ថែម
សួនច្បាររលឹកវាលពិឃាតនៃរបបខ្មែរក្រហមនឹងមានវត្តមាននៅក្រុងឡុងបិចក្នុងឆ្នាំ២០២១
សហគមន៍ខ្មែរប្រចាំនៅទីក្រុងឡុងប៊ិច កាលថ្ងៃទី ២ ខែកុម្ភៈ នេះ បានប្រារព្ធពិធីបញ្ចុះបឋមសីលាបើកការដ្ឋានសាងសង់សួនច្បាររំឭកវាលពិឃាតមួយនៅក្នុងទីក្រុងឡុងប៊ិច ក្នុងគោលបំណងគោរពដល់វិញ្ញាណក្ខន្ធរបស់ជនរងគ្រោះក្នុងរបបប្រល័យពូជសាសន៍ខ្មែរក្រហម។ បើយោងតាមសារព័ត៌មាន Long Beach Post News សួនច្បារនេះនឹងត្រូវស្ថាបនាឡើងស្ថិតនៅទីតាំងលើទីវាលទំនេរមួយទល់មុខបណ្ណាល័យ The Mark Twain Neighborhood Library ផ្លូវលេខ 1501 E. Anaheim St.។ នៅក្នុងបរិវេណសួនច្បារនេះ នឹងគ្រោងសាងសង់ វេទិការ សួនទឹក និងស្តូបសម្រាប់ដាក់ធាតុជនរងគ្រោះដែលបាត់បង់ជិវិតនៅក្នុងរបបខ្មែរក្រហមផងដែរ។ បច្ចុប្បន្ន គម្រោងមួយនេះត្រូវបានអនុញ្ញាតឲ្យសាងសង់ ហើយដែលរំពឹងថានឹងបញ្ចប់ការសាងសង់ក្នុងឆ្នាំ ២០២១ ខាងមុខនេះ។ ប្រភពដដែលបានបញ្ជាក់ថា គម្រោងនេះធ្វើឡើងក្រោមការសហការរវាងមជ្ឈមណ្ឌលរំឭកវាលពិឃាត និងអង្គការអតីតយុទ្ធជនកម្ពុជា ដោយភាគីទាំងពីរបានចាប់ផ្ដើមគិតពីគម្រោងតាំងពីឆ្នាំ២០០៥ ហើយបញ្ចប់ការរចនាប្លង់ក្នុងឆ្នាំ ២០១៦ មកម្ល៉េះ។ លោក Dee Andrews ដែលជាអភិបាលខណ្ឌ និងជាស្ថានិកមួយរូបសម្រាប់គម្រោង បានបញ្ជាក់ថា ដំបូងគម្រោងមានតម្លៃប្រមាណ ៧៥ម៉ឺនដុល្លារ តែសមាជិកសហគមន៍ដទៃទៀតបានទម្លាក់តម្លៃនៅសល់ត្រឹម ៤០ ម៉ឺនដុល្លារ។ ហើយក្នុងដំណាក់កាលនេះ លោក Andrews ផ្ទាល់បានផ្ដល់នូវជំនួយជាទឹកប្រាក់ចំនួន១៥ […]
អានបន្ថែម
ក្រុមហ៊ុន Vinci Airports និង SCA ស្នើចង់បង្កើតក្រុមហ៊ុនរួមជាមួយ OCIC លើការអភិវឌ្ឍន៍ប្រលានយន្តហោះថ្មី
ក្រុមហ៊ុន Vinci Airports និង ក្រុមហ៊ុន SCA ឬស្គាល់ជាទូទៅថាជាក្រុមហ៊ុន Cambodia Airports ដែលជាក្រុមហ៊ុនទទួលខុសត្រូវ និងគ្រប់គ្រងលើអាកាសយានដ្ឋានភ្នំពេញនាពេលបច្ចុប្បន្ន កាលពីពេលថ្មីៗនេះ បានស្នើចង់បង្កើតក្រុមហ៊ុនរួមគ្នាជាមួយ OCIC ក្នុងការអភិវឌ្ឍន៍សាងសង់អាកាសយានដ្ឋានអន្ដរជាតិថ្មីតម្លៃវិនិយោគ ១,៥ ពាន់លានដុល្លារអាមេរិកស្ថិតនៅខេត្តកណ្តាល។ ការស្នើនេះធ្វើឡើងកាលពី ថ្ងែទី០៤ កុម្ភៈ កន្លងមកនេះក្នុងជំនួបរវាងតំណាងក្រុមហ៊ុនទាំង ៣ និងរដ្ឋលេខាធិការដ្ឋានអាកាសចរស៊ីវិល ដោយក្រុមVinci Airports តំណាងដោយលោក Emmanuel MENANTEAU ក្រុមហ៊ុនសម្បទាន អាកាសយានដ្ឋាន SCA តំណាងដោយលោក Alain BRUN និងក្រុមហ៊ុន OCIC តំណាងដោយលោក វ៉ាន់ ឆាលហ៍ជួន។ កិច្ចប្រជុំនេះ គឺធ្វើឡើងក្នុងគោលបំណងដើម្បីឲ្យក្រុមហ៊ុនទាំង ៣ បង្ហាញពីមូលដ្ឋាន និងជំហររៀងៗខ្លួនឲ្យបានច្បាស់លាស់។ ក្រុមហ៊ុន Vinci Airports និងក្រុមហ៊ុន SCA បានបញ្ជាក់ថា ដោយខ្លួនជាក្រុមហ៊ុនមានបទពិសោធន៍គ្រប់គ្រងអាកាសយានដ្ឋាននៅកម្ពុជាជាច្រើនឆ្នាំ ក្រុមហ៊ុនមានបំណងចង់សហការជាមួយនឹងក្រុមហ៊ុន OCIC ក្នុងគម្រោងរៀបចំប្លង់រចនាបទ ការផ្ដល់ប្រភពហិរញ្ញប្បទាន […]
អានបន្ថែម