កម្ពុជានឹងទទួលបានកម្ចី ៧០០ លានដុល្លារពីកូរ៉េសម្រាប់ការអភិវឌ្ឍគម្រោងចំនួន១០
ប្រទេសកូរ៉េត្រៀមផ្តល់នូវទឹកប្រាក់ឥណទានប្រមាណ ៧០០ លានដុល្លារ បន្ថែមទៀត ដល់កម្ពុជា សម្រាប់ការអភិវឌ្ឍន៍គម្រោងចំនួន ១០ អំឡុងឆ្នាំ ២០១៩ ដល់ ២០២៣។ នេះបើយោងតាមការប្រកាសរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។ នេះជាការលើកឡើងរបស់សម្តេច គឺធ្វើឡើងក្នុងពិធីជួបសំណេះសំណាលជាមួយប្រជាពលរដ្ឋសិស្សនិស្សិត និងពលករខ្មែរនៅប្រទេសកូរ៉េខាងត្បូង កាលពីរសៀលថ្ងៃទី០៣ ខែកុម្ភៈ ឆ្នាំ២០២០ កន្លងមកនេះ។ សម្តេចតេជោ ហ៊ុន សែន បានមានប្រសាសន៍ថា៖ «តាំងពីឆ្នាំ ១៩៩៦ ដល់ឆ្នាំ ២០១៨ កូរ៉េខាងត្បូងផ្តល់ជំនួយឥតសំណងជាង ៣០០លានដុល្លារអាមេរិក ហើយឆ្នាំ ២០១៩ កន្លងទៅនេះ ជំនួយឥតសំណងមាន ១៧ លានដុល្លារ និងឆ្នាំ ២០២០ គ្រោងផ្តល់ឲ្យកម្ពុជា ២៤លានដុល្លារ ជាជំនួយឥតសំណងផងដែរ»។ សម្តេច បានបន្តទៀតថា គិតត្រឹមខែវិច្ឆិកា ឆ្នាំ២០១៩ កូរ៉េខាងត្បូងផ្តល់ហិរញ្ញប្បទានសម្រាប់ការអភិវឌ្ឍន៍ប្រមាណ ៨៨៩ លានដុល្លារ សម្រាប់ការអភិវឌ្ឍគម្រោងចំនួន២៣ ហើយទើបតែបានបើកប្រើប្រាស់អស់ប្រមាណ ៤៤២ លានដុល្លារ។ […]
អានបន្ថែម
អ្នកជំនាញ៖ វិស័យសំណង់នៅកម្ពុជាក្នុងឆ្នាំ២០២០ នឹងថមថយដោយសារ ៣ កត្ដាធំៗ
ទោះបីជាមានការការព្យាករណ៍ថាកំណើនសេដ្ឋកិច្ចកម្ពុជានឹងកើនឡើងជាបន្តបន្ទាប់ក្ដី អ្នកជំនាញអចលនទ្រព្យបានវិភាគថា សម្រាប់ឆ្នាំ២០២០ វិស័យសំណង់នៅកម្ពុជា អាចនឹងថមថយដោយសារតែ ៣ កត្តាធំៗ។ បើយោងតាមការវិភាគ កត្តាទាំង ៣ នេះ រួមមាន ទី១ ការរាតត្បាតនៃវីរុសកូរ៉ណាដែលប៉ះដល់សេដ្ឋកិច្ចចិន ទី២ ឥទ្ធិពលពីការបិទហ្គេមអនឡាញនៅខេត្តព្រះសីហនុ និងទី៣ ការថមថយនៃចំនួនគម្រោងថ្មីៗដែលសុំការអនុញ្ញាតិសាងសង់។ កត្តាទី១ គឺបញ្ហាដែលពិភពលោកកំពុងព្រួយបារម្ភ ដែលការរាតត្បាតនៃវីរុសកូរ៉ណាមិនត្រឹមតែសម្លាប់ជីវិតមនុស្សនោះទេ ប៉ុន្តែបើមិនមានដំណោះស្រាយក្នុងពេលឆាប់ៗនេះទេ វានឹងជះឥទិ្ធពលអវិជ្ជមានយ៉ាងខ្លាំងដល់វិស័យសេដ្ឋកិច្ចប្រទេសចិន ក៏ដូចជាពិភពលោកទាំងមូល ដែលកម្ពុជាគឺនឹងគេចមិនផុត។ នេះបើយោងតាមប្រសាសន៍របស់ លោក សន សៀប នាយកនៃក្រុមហ៊ុន Key Real Estate Co., Ltd និងជាអ្នកឯកទេសផ្នែកអចលនទ្រព្យដ៏ល្បីល្បាញមួយរូបនៅក្នុងប្រទេសកម្ពុជា ។ លោក ពន្យល់ថា៖ «ក្នុងមួយឆ្នាំគឺមាន ១២ខែ ហើយឥឡូវសម្រាប់ខែ មករា និងខែកុម្ភៈ ពិភពលោកកំពុងបារម្ភពីរឿងកូរ៉ូណា អ្នកវិនិយោគក៏មិនសូវចង់វិនិយោគទេក្នុងអំឡុងពេលនេះ គិតមើល បើការរាតត្បាតនេះបន្ត២ ឬ ៣ ខែទៀត គឺអស់បាត់ហើយ ១ត្រីមាស ឬ បាត់បង់ឱកាសវិនិយោគជាង២៥ […]
អានបន្ថែម
ហេដ្ឋារចនាសម្ព័ន្ធតាមដងស្ទឹងខេត្តបាត់ដំបងនឹងប្រែមុខមាត់ថ្មីក្នុងពេលឆាប់ៗនេះ
ខេត្តបាត់ដំបង គ្រោងនឹងស្វាគមន៍ផ្លូវថ្មើជើងទេសចរណ៍ថ្មីមួយតាមដងស្ទឹងសង្កែ ដែលនេះជាផ្នែកមួយនៃការលើកកម្ពស់ហេដ្ឋារចនាសម្ព័ន្ធក្នុងខេត្ដ ក៏ដូចជាងការត្រៀមខ្លួនជាម្ចាស់ផ្ទះក្នុងព្រឹត្តិការណ៍បុណ្យទន្លេ លើកទី៦ នៅថ្ងៃទី១៣-១៥ ខែមីនា ឆ្នាំ២០២០ ខាងមុខនេះ។ ធ្វើឡើងក្រោមទំនួលខុសត្រូវរបស់រដ្ឋបាលខេត្តបាត់ដំបង គម្រោងលើកកម្ពស់ហេដ្ឋារចនាសម្ព័ន្ធនេះរួមមាន ការអភិវឌ្ឍរៀបចំច្រាំងស្ទឹងសង្កែទាំងត្រើយខាងកើតនិងខាងលិច ការរៀបចំបំពាក់ប្រព័ន្ធភ្លើងបំភ្លឺតាមដងផ្លូវសំខាន់ៗ ការបង្វែរផ្លូវទឹកក្នុងស្ទឹងសង្កែ ការកែលម្អនិងធ្វើជម្រាលច្រាំងស្ទឹងសង្កែទាំងសងខាង ការពង្រីកទីធ្លាផ្លូវដើរហាត់ប្រាណនៅតាមមាត់ស្ទឹងសង្កែត្រើយខាងកើត ការរៀបចំឲ្យមានដងវិថីម្ហូបអាហារ (Street Food) និងរៀបចំធ្វើបង្កាន់ដៃវ៉េរ៉ង់ដានៅទីនោះប្រមាណ៧០០ម៉ែត្រ សម្រាប់ការឈរកំសាន្តតាមមាត់ស្ទឹង និងរក្សាសុវត្ថិភាពនៅទីនោះផងដែរ។ លើសពីនេះ ក៏មានការចាក់ក្រាលកៅស៊ូស្ថិតនៅចន្លោះផ្លូវច្រមុះជ្រូក សួនច្បារនាគសន្តិភាព ដែលជាចំណុចគោលដៅសំខាន់ក្នុងការរៀបចំនូវវេទិកាព្រឹត្តិការណ៍បុណ្យទន្លេ និងផ្លូវចុះពីស្ពានថ្មសម្តេចតេជោហ៊ុនសែន មកទល់ស្តុបស្វាយប៉ោមុខសាលាខេត្តជាដើម។ ក្នុងពេលចុះត្រួតពិនិត្យការដ្ឋានក្រាលកៅស៊ូដែលកំពុងដំណើរការឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបងបានមានប្រសាសន៍ថា៖ «ការចាក់ក្រាលកៅស៊ូបេទីមីណ័រដែលកំពុងតែដំណើរការនេះ គឺជាកិច្ចការបន្ថែម ដែលនៅសេសសល់ពីមុនមក ខណៈដែលរដ្ឋបាលខេត្តបានធ្វើការកែលម្អកាលពីឆ្នាំ២០១៩កន្លងមក។ ហើយសម្រាប់ការចាក់ក្រាលកៅស៊ូនៅថ្ងៃនេះ គឺមានប្រវែងប្រមាណ ២០.០០០ម៉ែត្រក្រឡា។» ទាក់ទងនឹងវិស័យទេសចរណ៍ក្នុងខេត្ត ឯកឧត្តមបណ្ឌិត ថោង ខុន បានបង្ហាញពីការរំពឹងទុកថា ខេត្តបាត់ដំបងនឹងទាក់ទាញភ្ញៀវទេសចរកាន់តែច្រើន ក្រោយពេលដែលហេដ្ឋារចនាសម្ព័ន្ធផ្លូវជាតិលេខ៥ បញ្ចប់ការសាងសង់រួចរាល់ជាស្ថាពរ ផ្លូវរថភ្លើងចាប់ដំណើរការល្អប្រសើរឡើងវិញ និងការរៀបចំច្រកទ្វារអន្តរជាតិសំខាន់ៗ រួចរាល់ជាស្ថាពរ។ គួរបញ្ជាក់ផងដែរថា នៅឆ្នាំ២០២០នេះ ខេត្តបាត់ដំបងនឹងមានរៀបចំនូវព្រឹត្តិការណ៍ថ្នាក់ជាតិសំខាន់ៗជាច្រើនផងដែរ ដូចជាព្រឹត្តិការណ៍បុណ្យទន្លេលើកទី៦ […]
អានបន្ថែម
គម្រោងពង្រីកកែលម្អផ្លូវជុំវិញប្រាសាទអង្គរធំគ្រោងនឹងបញ្ចប់នៅខែមីនានេះ
គម្រោងពង្រីក និង កែលម្អផ្លូវជុំវិញអង្គរធំ មានចំនួន២ កំណាត់ចាប់ពីប្រាសាទប្រែរូបដល់មុខប្រាសាទបន្ទាយក្តី ក្រោមកិច្ចប្រតិបត្តិការរបស់អាជ្ញាធរជាតិអប្សរា គ្រោងនឹងបញ្ចប់នៅខែមីនានេះហើយ ដែលនេះជាសម្មិទ្ធិផលថ្មីមួយទៀតសម្រាប់ការពង្រឹងវិស័យទេសចរណ៍នៅក្នុងខេត្តសៀមរាប។ បើយោងតាមរបាយការណ៍របស់អាជ្ញាធរជាតិអប្សរា គម្រោងកែលម្អផ្លូវនេះមានប្រវែងសរុប ២៤៧៦ ម៉ែត្រ បែងចែកជា ២ដំណាក់កាល និង ២កំណាត់ ដោយកំណាត់ទី១ គឺចាប់ពីប្រាសាទប្រែរូប មកស្រះស្រង់ ដែលមានប្រវែង ១០៧៦ម៉ែត្រ និងកំណាត់ទី២ ពីស្រះស្រង់ដល់មុខប្រាសាទបន្ទាយក្តី មានប្រវែង ១៤០០ម៉ែត្រ។ ប្រភពដដែលបានបញ្ជាក់ទៀតថា ការពង្រីកផ្លូវនេះគឺ មានទទឹងចាប់ពី ៦ ម៉ែត្រ ទៅ ៩ម៉ែត្រ ទៅតាមស្ថានភាពជាក់ស្តែង។ គួរបញ្ជាក់ថា គម្រោងនេះបានបើកការដ្ឋានសាងសង់កាលពីខែមករាកន្លងមកនេះ ដែលបច្ចុប្បន្នសហគ្រាសរាជសីដែលជាក្រុមហ៊ុនទទួលបន្ទុកអនុវត្តលើគម្រោងនេះ បានបញ្ចប់ការងារអ៊ុតបេតុងកៅស៊ូរួចរាល់ហើយចំពោះកំណាត់ទី១ ពោលគឺពីប្រាសាទប្រែរូបមកស្រះស្រង់ រីឯកំណាត់ទី២ កំពុងតែបង្ហាប់គ្រឹះ ហើយគ្រោងនឹងបញ្ចប់ក្នុងខែមីនាខាងមុខនេះ។ ឯកឧត្តម យិត ចាន់ដារដ្ឋ អគ្គនាយករងអាជ្ញាធរជាតិអប្សរា បានឱ្យដឹងថា ការជួសជុលកែលម្អផ្លូវនេះ គឺដើម្បីឱ្យផ្លូវមានសោភ័ណភាពល្អស្អាត និងសម្រួលដល់ការធ្វើដំណើររបស់បងប្អូនប្រជាពលរដ្ឋ និងភ្ញៀវទេសចរណ៍។
អានបន្ថែម
កន្រ្តកវិលធំជាងគេនៅកម្ពុជានឹងបើកដំណើរការក្នុងខែមីនាខាងមុននេះ
កន្រ្តកវិលធំជាងគេនៅក្នុងប្រទេសកម្ពុជាតម្លៃជាង៧លានដុល្លារ ដែលមានទីតាំងស្ថិតក្នុងខេត្តសៀមរាប នឹងដាក់ឲ្យដំណើរការនៅថ្ងៃទី០១ ខែមីនា ឆ្នាំ ២០២០ ខាងមុខនេះ ដែលនេះជាសម្មិទ្ធិផលដ៏ធំថ្មីមួយក្នុងការជំរុញវិស័យទេសចរណ៍ក្នុងខេត្តមួយនេះ។ នេះបើយោងតាមការប្រកាសព័ត៌មានរបស់មន្ទីរទេសចរណ៍ខេត្តសៀមរាប។ កន្ត្រកវិលខ្នាតយក្សនេះ មានទីតាំងស្ថិតក្នុងទីតាំង Box Ville ភូមិគ្រួស ឃុំស្វាយដង្គុំ ស្រុកសៀមរាប ឬស្ថិតនៅខាងកើតភូមិវប្បធម៌ ហើយគឺជាការវិនិយោគដោយក្រុមហ៊ុន Angkor Eye Company Limited ក្នុងទំហំទឹកប្រាក់ប្រមាណជា ៧.២លានដុល្លារអាមេរិក។ (អានបន្ថែម) កន្ត្រកវិលនេះ មានកម្ពស់ ៨៥ ម៉ែត្រពីដី ដែលមានកន្ត្រកវិលចំនួន ៤៨ កន្ត្រក និងសមត្ថភាពផ្ទុកមនុស្សបានដល់ទៅ១៩២នាក់។ លើសពីនេះ កន្រ្តកវិលនៅក្នុងខេត្តសៀមរាបនេះគឺខ្ពស់បំផុតលំដាប់ទី៣ នៅក្នុងតំបន់អាស៊ី។ គួរបញ្ជាក់ផងដែរថា គម្រោងកន្រ្តកវិលមួយនេះ បានចាប់បើកការសាងសង់ តាំងពីថ្ងៃទី៣០ ខែមិថុនា ឆ្នាំ ២០១៩ មកម្ល៉េះ ដែលអនុញ្ញាតសាងសង់ដោយក្រសួងរៀបចំដែនដី នគររូបនីយកម្ម និងសំណង់។ លើសពីនេះទៅទៀត កន្រ្តកវិលមួយនេះ មានទម្ងន់ប្រមាណជាង ៧០០តោន ដែលរៀបចំដំឡើង និងសាងសង់ដោយក្រុមវិស្វករជប៉ុន ក្នុងគោលបំណងដើម្បីធានានូវសុវត្ថិភាពដល់អ្នកប្រើប្រាស់។
អានបន្ថែម
រាជធានីភ្នំពេញនឹងមានផ្លូវថ្មើរជើងទេសចរណ៍ថ្មីមួយទៀតនៅតាមបណ្ដោយទន្លេចតុមុខឆាប់ៗនេះ
រដ្ឋបាលរាជធានីភ្នំពេញ គ្រោងរៀបចំផ្លូវថ្មើរជើងនៅតាមបណ្ដោយទន្លេចតុមុខចាប់ពីមុខប្រៃសណីយ៍កម្ពុជារហូតដល់មុខព្រះបរមរាជវាំង ដើម្បីដោះស្រាយផលប៉ះពាល់ក្នុងគម្រោងសាងសង់ស្ពានឆ្លងកាត់ទន្លេបាសាក់ចន្លោះពីស្ពានព្រះមុនីវង្ស និងស្ពានទន្លេបាសាក់ តាខ្មៅនិងគម្រោងស្ថាបនាផ្លូវតភ្ជាប់ពីតំបន់អភិវឌ្ឍន៍ទីក្រុងរណបជ្រោយចង្វារទៅកាន់មហាវិថី ឈ្នះ ឈ្នះ ត្រង់ចំណុចពហុកីឡដ្ឋានមរតកតេជោ។ យោងតាមគេហទំព័រផ្លូវការរបស់សាលារាជធានីភ្នំពេញ ក្រុមការងារពិសេសរបស់សាលារាជធានីភ្នំពេញកំពុងតែត្រៀមកែលម្អផ្លូវថ្មើរជើងថ្មីនេះឲ្យកាន់តែទាក់ទាញ ដែលរួមមាន ការកែលម្អចិញ្ចើមផ្លូវ សួនច្បារ ដាំដើមឈើ និងភ្លើងលម្អពណ៌នាពេល រាត្រី រួមទំាង ផ្សារាត្រី ផាប់ស្ទ្រីត ផ្សារណាត់ ផ្សារកសិផល ក្លឹបកម្សាន្ត ស្កាយបា កន្លែងលក់វត្ថុអនុស្សាវរីយ ផលិតផលកសិកម្ម ចំណតយានយន្ត និងចំណតផែទូកទេសចរណ៍ជាដើម។ លោកសាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងថា៖« គម្រោងកែលម្អទាំងនេះ គឺមានភាពបន្ស៊ីគ្នា ដែលធានាបានសុខដុមនីយកម្ម រវាងវិស័យទេសចរណ៍ និងការរៀបចំហេដ្ឋារចនាសម្ព័ន្ធទីក្រុង គឺធានាបានសណ្តាប់ធ្នាប់ ចរាចរណ៍ និងមិនរំខានដល់ផ្លូវថ្មើរជើងឡើយ។» ទន្ទឹមនឹងនេះ សាលារាជធានីភ្នំពេញនឹងរៀបចំជាកញ្ចប់ទេសចរណ៍ផ្លូវថ្មើរជើងនេះ ដោយអាចបង្កើតឡើង ក្នុងមួយសប្តាហ៍ចំនួន៣ថ្ងៃ គឺចាប់ពីថ្ងៃសុក្រ ថ្ងៃសៅរ៍ និងថ្ងៃអាទិត្យ ចាប់ពីម៉ោង១៦រសៀល ដល់ម៉ោង១២យប់ ហើយមិនអនុញ្ញាតឲ្យមានយាន្តជំនិះផ្សេងៗ ឆ្លងកាត់ឡើយ គឺសម្រាប់តែថ្មើរជើងតែប៉ុណ្ណេះ។ ថ្លែងក្នុងកិច្ចប្រជុំក្រុមការងារបច្ចេកទេសរបស់សាលារាជធានីភ្នំពេញ នារសៀលថ្ងៃទី២៩ខែមករានេះ ឯកឧត្តម […]
អានបន្ថែម
គម្រោងពង្រីកផ្លូវជាតិលេខ២ និង២២ នឹងបើកការដ្ឋានសាងសង់ខែកុម្ភៈនេះ
គម្រោងពង្រីកនិងស្ដារឡើងវិញនូវផ្លូវជាតិលេខ២ និងផ្លូវជាតិលេខ២២ ក្រោមជំនួយរដ្ឋាភិបាលកូរ៉េខាងត្បូងជាង៥០លានដុល្លារ នឹងបើកការដ្ឋានសាងសង់នៅថ្ងៃទី១១ ខែកុម្ភៈ ឆ្នាំ២០២០ ខាងមុខនេះ ពិតមែនហើយ ក្រោយការទន្ទឹងរង់ចាំជាច្រើនខែ។ ការបើកការដ្ឋានសាងសង់នេះ នឹងធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ បើយោងតាមទំព័រហ្វេសប៊ុកផ្លូវការរបស់ក្រសួងសាធារណៈការនិងដឹកជញ្ជូន ផ្លូវជាតិលេខ ២ មានប្រវែងសរុបចំនួន ៦២,៥៦គីឡូម៉ែត្រ គិតចាប់ពីរង្វង់មូលតាខ្មៅ-អូរចំបក់ ដល់រង្វង់មូលក្រុងដូនកែវ ខេត្តតាកែវ។ ដោយឡែក ផ្លូវជាតិលេខ ២២ មានប្រវែងសរុបចំនួន ៩,៦១ គីឡូម៉ែត្រ ចាប់គិតពីរង្វង់មូលក្រុងដូនកែវ ដល់អង្គតាសោម ផ្លូវជាតិលេខ ៣។ គម្រោងនេះនឹងត្រូវធ្វើការពង្រីកលើផ្លូវចាស់ដោយក្រាលកៅស៊ូ (Asphalt Concrete)ដែលមានគុណភាពជាប់បានយូរ ហើយការសាងសង់នឹងប្រើប្រាស់រយៈពេលប្រមាណជា ៣០ ខែ។ ទន្ទឹមគ្នានេះដែរ គម្រោងនេះអាចនឹងត្រូវចំណាយប្រមាណ ៥៦ លានដុល្លារ ដែលជាថវិកាកម្ចីពីរដ្ឋាភិបាលកូរ៉េ និងថវិកាបដិភាគរបស់រដ្ឋាភិបាលកម្ពុជាជាង ៨ លានដុល្លារ។ របាយការណ៍ដដែលនេះក៏បានឲ្យដឹងទៀតថា គម្រោងសាងសង់ជួសជុលធ្វើឲ្យប្រសើរឡើងផ្លូវជាតិទាំងពីរខ្សែនេះនឹងត្រូវសាងសង់ដោយក្រុមហ៊ុន Hanshin Engineering & Construction Co., Ltd […]
អានបន្ថែម
PropertyGuru Group បើកសន្និសីទសារព័ត៌មានប្រកាសពីការប្រកួត Cambodia Property Awards ឆ្នាំ ២០២០
កាលពីថ្ងៃទី ៣០ មករា កន្លងមកនេះ ក្រុមហ៊ុន PropertyGuru Group ដែលជាក្រុមហ៊ុនបច្ចេកវិទ្យាអចលនទ្រព្យល្បីល្បាញមួយនៅក្នុងតំបន់អាស៊ី បានធ្វើសន្និសីទសារព័ត៌មានស្ដីពី កាលវិភាគ និងដំណើរការនៃកម្មវិធីប្រកួត PropertyGuru Cambodia Property Awards សម្រាប់ឆ្នាំ ២០២០ ក្រោយទទួលបានជោគជ័យកាលពីឆ្នាំ ២០១៩ កន្លងមកនេះ។ បើយោងតាមសេចក្ដីប្រកាសព័ត៌មាន កម្មវិធីប្រកួត PropertyGuru Property Awards Cambodia ឆ្នាំ ២០២០ គឺបានចាប់ផ្ដើមបើកទទួលពាក្យចាប់ពីថ្ងៃទី ១៦ ខែធ្នូ ឆ្នាំ២០១៩ ហើយនឹងបិទទទួលពាក្យនៅថ្ងែទី ២៧ មីនា ឆ្នាំ២០២០មុខនេះ។ ដោយឡែកចំពោះលទ្ធផលចុងក្រោយ នឹងត្រូវប្រកាសក្នុងកម្មវិធី Gala Dinner and Awards Ceremony ដែលនឹងប្រព្រឹត្តិឡើងនៅថ្ងៃទី ៥ ខែមិថុនា នៅឯសណ្ឋាគារ Sofitel Phokeethra ដោយអ្នកអភិវឌ្ឍដែលឈ្នះ នឹងត្រូវជ្រើសរើសទៅប្រកួតបន្តក្នុងកម្មវិធី PropertyGuru Asia Property Awards […]
អានបន្ថែម
សម្តេចហ៊ុនសែន & អ្នកជំនាញ៖ មេរោគកូរ៉ូណាអាចជះឥទ្ធិពលដល់វិស័យអចលនទ្រព្យជាពិសេសសណ្ឋាគារ
សម្តេចនាយករដ្ឋមន្រ្តី ហ៊ុន សែន និងអ្នកជំនាញផ្នែកអចលនទ្រព្យក្នុងស្រុក បានសម្ដែងការព្រួយបារម្ភថា ការរាតត្បាតនៃមេរោគកូរ៉ូណា អាចជះឥទ្ធិពលអវិជ្ជមានដល់វិស័យអចលនទ្រព្យនៅប្រទេសកម្ពុជា ជាពិសេសអាជីវកម្មសណ្ឋាគារ ហើយអាចនឹងមានទំនោរនឹងអាចកាត់បន្ថយការវិនិយោគថ្មីៗពីចិន ប្រសិនបើការរីករាលដាលនៅតែបន្ត។ ក្នុងសុន្ទរកថាជាផ្លូវការលើកដំបូងរបស់សម្ដេចនាយករដ្ឋមន្រ្តីទាក់ទងនឹងស្ថានភាពជំងឺផ្លូវដង្ហើមកូរ៉ូណានៅកម្ពុជា កាលពីព្រឹកថ្ងៃទី ៣០ ខែមករា ឆ្នាំ២០២០ កន្លងមកនេះ សម្តេច ហ៊ុន សែន បានលើកឡើងថា ការធ្លាក់ចុះនៃអ្នកដំណើរចិនមកកម្ពុជា ដោយសារតែវីរ៉ុសកូរ៉ូណា អាចធ្វើឲ្យអាជីវកម្មសណ្ឋាគារធ្លាក់ចុះខ្លាំង។ សម្តេច ហ៊ុន សែន បានមានប្រសាសន៍ថា៖ “វិធានការបិទជើងហោះហើរពីប្រទេសចិនមកកម្ពុជា លទ្ធផលនោះអាចប៉ះពាល់ដល់សេដ្ឋកិច្ចកម្ពុជាត្រង់តែម្តង ជាពិសេសអ្នករកស៊ី អ្នកវិនិយោគទុនចិន អ្នកទេសចរណ៍ចិននៅកម្ពុជាជាច្រើន… ដូច្នេះវានឹងសម្លាប់សណ្ឋារគាររបស់កម្ពុជា និង (សេវាកម្មពាក់ព័ន្ធជាច្រើនទៀត)” ។ មិនត្រឹមតែវិស័យសណ្ឋាគារនោះទេ ប្រសិនបើស្ថានភាពអូសបន្លាយពេលយូរបែបនេះ វាអាចនឹងប៉ះពាល់ដល់ទីផ្សារអចលនទ្រព្យទាំងមូលនៅកម្ពុជាផងដែរ។ លោក សន សៀប នាយកប្រតិបត្តិក្រុមហ៊ុន Key Real Estate Co., Ltd. និងជាអ្នកជំនាញផ្នែកអចលនទ្រព្យមួយរូបនៅកម្ពុជាបានលើកឡើងថា៖ “ដោយសារការរាតត្បាតនៃមេរោគកូរ៉ូណា គឺធ្វើឲ្យមានការធ្វើដំណើរតិចជាងមុន ហើយនឹងធ្វើឲ្យសេដ្ឋកិច្ចចិនធ្លាក់ចុះ ដែលមិនអាចប្រកែកបាន ក៏នឹងជះឥទ្ធិពលដល់ប្រទេសកម្ពុជាផងដែរ។ ហើយដូចដែលយើងបានដឹងស្រាប់ […]
អានបន្ថែម
ក្រុមហ៊ុនថៃបង្ហាញគម្រោងវិនិយោគរោងចក្រតម្លើងគ្រឿងបរិក្ខាអគ្គិសនីនៅខេត្តពោធិ៍សាត់
ក្រុមហ៊ុន Precise Electric Manufacturing Co Ltd ដែលស្ថិតនៅក្រោមក្រុមសារជីវកម្ម Precise Cooperation មកពីប្រទេសថៃ បានបង្ហាញគម្រោងវិនិយោគ បង្កើតរោងចក្រតម្លើងគ្រឿងបរិក្ខាអគ្គិសនី នៅស្រុកក្រគរ ខេត្តពោធិ៍សាត់។ លោក ម៉ៅ ធនិន អភិបាលខេត្តពោធិ៍សាត់ បានឲ្យដឹងថា នៅរសៀលថ្ងៃទី២៩ ខែមករា ក្រុមហ៊ុនបានបង្ហាញគម្រោង ក្នុងកិច្ចប្រជុំនៅសាលារដ្ឋបាលខេត្តពោធិ៍សាត់។ លោកបន្តថា ក្រុមហ៊ុនបានស្នើសុំការសម្របសម្រួលពីរដ្ឋបាលខេត្ត ក្នុងការវិនិយោគរោងចក្រតម្លើងគ្រឿងបរិក្ខាអគ្គិសនី ដើម្បីឲ្យក្រុមហ៊ុនពន្លឿនការវិនិយោគនេះ។ យោងតាមព័ត៌មានរដ្ឋបាលសាលាខេត្ត បានស្រង់សំដី នាយកគ្រប់គ្រងទូទៅក្រុមហ៊ុន លោក Nathapong Korom ថា ក្រុមហ៊ុនមានទំនុកចិត្តចង់វិនិយោគ តម្លើងរោងចក្រគ្រឿងបរិក្ខាអគ្គិសនី ក្នុងទឹកដីនៃខេត្តពោធិ៍សាត់ ដោយពិនិត្យឃើញថា ខេត្តនេះពិតជាមានសក្តានុពលជាក់លាក់ ខាងវិស័យអគ្គិសនី ដែលមានប្រភពទំនប់វារីអគ្គិសនីជាធុងអាគុយ សម្រាប់ចែកចាយក្នុងតំបន់ និងបន្តចែកចាយទៅបណ្តាខេត្តដទៃទៀត ក្នុងតំបន់កណ្តាលនៃប្រទេស។ យោងតាមគេហទំព័រក្រុមហ៊ុន Precise Corporation, ក្រុមហ៊ុន Precise Electric Manufacturing Co Ltd ស្ថិតក្នុងចំណោមក្រុមហ៊ុនដែលនាំមុខគេមួយ នៅប្រទេសថៃ […]
អានបន្ថែម
សណ្ឋាគារ Fairfield by Marriott បញ្ចប់ការបុកគ្រឹះហើយ រំពឹងនឹងបើកដំណើរការក្នុងឆ្នាំ ២០២២
គម្រោងសណ្ឋាគារលំដាប់អន្តរជាតិ Fairfield by Marriott ដំបូងគេនៅកម្ពុជា បានបញ្ចប់ការសាងសង់ផ្នែកគ្រឹះហើយ ដោយរំពឹងនឹងចាប់បើកដំណើរការនៅដើមឆ្នាំ ២០២២ ខាងមុននេះ។ បើតាមប្រសាសន៍របស់លោក ញ៉ាង ខាន់ អគ្គនាយកផ្នែក New Business Development នៃក្រុមហ៊ុនជីប ម៉ុង ដែលជាក្រុមហ៊ុនទទួលបន្ទុកលើគម្រោងនេះ ឃើញថាដំណើរការនៃការសាងសង់បានប្រព្រឹត្តិទៅដោយរលូន ហើយនឹងបញ្ចប់ទៅតាមកាលបរិច្ឆេទដែលបានគ្រោងទុក។ លោកបានប្រាប់ ទស្សនាវដ្តីសំណង់និងអចលនទ្រព្យថា៖ «បន្ទាប់ពីបានបញ្ចុះបឋមសិលាបុកគ្រឹះកាលពីឆ្នាំមុន បច្ចុប្បន្នក្រុមហ៊ុនកំពុងធ្វើការសាងសង់យ៉ាងមមាញឹក។ នៅដំណាក់កាលនេះ បានបញ្ចប់គ្រឹះគម្រោងរូចរាល់ហើយ រងចាំតែការរៀបចំសាងសង់បន្ថែមទៀតទៅគម្រោងប៉ុណ្ណោះ។ យើងរំពឹងថានឹងចាប់បើកដំណើរការឆាប់ៗនេះ ប្រមាណដើមឆ្នាំ ២០២២ »។ លោក ញ៉ាង ខាន់ បានឲ្យដឹងទៀតថា គម្រោងសណ្ឋាគារលំដាប់អន្តរជាតិ Fairfield by Marriott នេះជាផ្នែកមួយនៃគម្រោងអគារពាណិជ្ជកម្មចម្រុះអន្តរជាតិកំពស់៤៥ជាន់ ដែលបានបើកការដ្ឋានសាងសង់កាលពីខែមករា ឆ្នាំ ២០១៩ កន្លងមកនេះ។ (អានបន្ថែម) មានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី ក្បែរស្ពានអាកាសប្រាំមករា គម្រោងនេះធ្វើឡើងក្រោមទុនវិនិយោគ ១៥០ លានដុល្លារអាមេរិក បន្ទាប់មានការបានចុះហត្ថលេខាលើកិច្ចព្រមព្រៀងសាងសង់កាលពី ខែ ឧសភា ឆ្នាំ២០១៧ […]
អានបន្ថែម
ក្រសួងរ៉ែច្រានចោលរបាយការណ៍ស្ដីពីការបូមខ្សាច់លើសកំណត់ដែលអាចបង្ករឲ្យបាក់ច្រាំង
ក្រសួងរ៉ែ និងថាមពល បានច្រានចោលរបាយការណ៍ស្ដីពីការបូមខ្សាច់លើសកំណត់ដែលអាចបង្កឲ្យមានការបាក់ច្រាំងតាមដងទន្លេមេគង្គ ដោយអះអាងថាសកម្មភាពបូមខ្សាច់នៅកម្ពុជា គឺនៅមានកម្រិតទាបនៅឡើយ ហើយស្ថិតក្រោមការគ្រប់គ្រងតាមបទដ្ឋានបច្ចេកទេសយ៉ាងហ្មត់ចត់ និងត្រឹមត្រូវ។ ការលើកឡើងរបស់ក្រសួងនេះ គឺជាការឆ្លើយតបទៅនឹងរបាយការណ៍របស់ក្រុមអ្នកស្រាវជ្រាវភូមិសាស្រ្តបរិស្ថានវិទ្យាពីប្រទេសអង់គ្លេសថ្មីមួយ ដែលបានរកឃើញថា តាមបណ្ដោយច្រាំងទន្លេមេគង្គ ជាពិសេសនៅក្នុងប្រទេសកម្ពុជា អាចនឹងប្រឈមហានិភ័យក្នុងការបាក់ច្រាំង ដោយសារតែការបូមខ្សាច់ច្រើនហួសកំណត់ ដែលបណ្ដាលមកពីតម្រូវការខ្សាច់ខ្ពស់នៅក្នុងវិស័យសំណង់។ (អានបន្ថែម) ទាក់ទងនឹងការលើកឡើងនេះ លោក អ៊ឹង ឌីប៉ូឡា អគ្គនាយករង នៃអគ្គនាយកដ្ឋានធនធានរ៉ែ បានបំភ្លឺជាមួយទស្សនាវដ្តីសំណង់និងអចលនទ្រព្យដោយផ្ទាល់ថា បច្ចុប្បន្នក្រសួងបានផ្ដល់អាជ្ញាប័ណ្ណចំនួន ៣០ នៅតាមដងទន្លេតែប៉ុណ្ណោះ ពោលគឺកម្រិតទាបបំផុត បើប្រៀបធៀបទៅនឹងប្រវែង និងទំហំទន្លេទាំងមូលដែលហូរកាត់ប្រទេសកម្ពុជា។ លោក អ៊ឹង ឌីប៉ូឡា បានលើកបន្ថែមថា៖ «បើសរុបចំនួនអាជ្ញាប័ណ្ណទាំងអស់ទៅ ទីតាំងដែលមានសកម្មភាពបូមខ្សាច់ គឺមានប្រមាណត្រឹមតែប្រហែល ៣០ គីឡួម៉ែត្រ និងទទឹងជាមធ្យម១០០ម៉ែត្រ តែប៉ុណ្ណោះ ដែលតូចណាស់ប្រៀបធៀបទៅនឹងប្រវែងទន្លេមេគង្គដែលហូរកាត់ប្រទេសកម្ពុជាប្រវែងដល់ទៅជាង ៥០០ គីឡូម៉ែត្រ និងទទឹងពី ១ ទៅ ៣គីឡួម៉ែត្រ ពោលគឺត្រឹមតែ ៦ ភាគរយប៉ុណ្ណោះនៃបណ្តោយទន្លេសរុប»។ «លើសពីនេះ ទីតាំងអាជ្ញាប័ណ្ណនោះ គឺមិនមែននៅជាប់ៗគ្នាទាំងអស់នោះទេ ប៉ុន្តែគឺលាតសន្ធឹងតាមចំណុចដែលមានខ្សាច់ដុះច្រើនហើយនៅឆ្ងាយពីច្រាំង ឆ្ងាយពីសំណង់នានា […]
អានបន្ថែម