សំណង់តាមដងទន្លេមេគង្គអាចនឹងរងហានិភ័យនៃការដួលរលំដោយសារតែការបូមខ្សាច់លើសកំណត់
ក្រុមអ្នកស្រាវជ្រាវភូមិសាស្រ្តបរិស្ថានវិទ្យាពីប្រទេសអង់គ្លេស កាលពីថ្មីៗនេះ បានរកឃើញថា បណ្ដោយច្រាំងទន្លេមេគង្គ ជាពិសេសនៅក្នុងប្រទេសកម្ពុជា កំពុងប្រឈមនឹងហានិភ័យខ្លាំងក្នុងការបាក់ច្រាំង ដោយសារតែការបូមខ្សាច់ច្រើនហួសកំណត់ ដែលជំរុញដោយតម្រូវការខ្សាច់ខ្ពស់នៅក្នុងវិស័យសំណង់ ទាំងសម្រាប់ប្រើប្រាស់ក្នុងស្រុកនិងនាំចេញ។ យោងតាមរបាយការណ៍របស់ The Science Times ក្រុមអ្នកស្រាវជ្រាវមកពីសាកលវិទ្យាល័យ Southampton បានរកឃើញថា ការបូមខ្សាច់គឺជាមូលហេតុចម្បងនៃអស្ថិរភាពនៅតាមដងទន្លេមេគង្គ ដែលអាចនឹងនាំឱ្យមានការដួលរលំហេដ្ឋារចនាសម្ព័ន្ធតាមដងទន្លេ។ របាយការណ៍ដដែល ក៏បានលើកឡើងថាក្នុងចំណោមប្រទេសទាំងអស់ដែលទន្លេមេគង្គហូរកាត់ ប្រទេសកម្ពុជាគឺជាប្រទេសមួយដែលមានជង្រុកខ្សាច់នៅបាតទន្លេច្រើនជាងគេ ហើយក៏មានសកម្មភាពបូមខ្សាច់ច្រើនខ្លាំងណាស់ដែរ។ តាមរយៈការប្រើបច្ចេកវិទ្យាសូណារ (Sonar) ដែលជាបច្ចេកទេសប្រើការបញ្ជូនសញ្ញាជាសំឡេងដើម្បីវាស់ការរុករកវត្ថុនៅក្រោមផ្ទៃទឹក អ្នកស្រាវជ្រាវបានរកឃើញថា នៅបាតទន្លេមេគង្គ មានប្រហោងធំៗ ជាច្រើន ហើយជាមធ្យមមានប្រវែងប្រហែល ៤២ ម៉ែត្រនិងជម្រៅ ៨ ម៉ែត្រ ដែលនេះគឺកើតឡើងដោយការបូមខ្សាច់គ្មាននិរន្តរភាព។ ក្រុមអ្នកស្រាវជ្រាវ បានបន្តទៀតថា បរិមាណនៃការបូមខ្សាច់នាពេលបច្ចុប្បន្ន គឺមានទំហំចន្លោះពី ៥ ទៅ ៩ ដងច្រើនជាង អត្រាដែលខ្សាច់អាចកកើតឡើងវិញដោយធម្មជាតិ ដែលនេះជាកត្តាដែលអាចនាំឱ្យមានហានិភ័យខ្ពស់នៃការបាក់ច្រាំងទន្លេ។ លើសពីនេះទៀតតាមរយៈ ការស្កេនឡាស៊ែរដី (Terrestrial Laser Scanning) សាស្រ្តាចារ្យ Julian Leyland ក៏បានបញ្ជាក់ផងដែរថា ការស្រុតចុះនៃបាតទន្លេត្រឹមតែ […]
អានបន្ថែម
ឆ្ពោះទៅកាន់ទីក្រុងបៃតង៖ គម្រោងបៃតងជាង៤០០ គម្រោង ត្រូវបានសាង់សង់នៅភ្នំពេញ ត្រឹមចុងឆ្នាំ២០១៩
ក្នុងគោលបំណងដើម្បីកសាងទីក្រុងប្រកបដោយចីរភាព អ្នកអភិវឌ្ឍន៍អចលនទ្រព្យមួយចំនួន បាននិងកំពុងងាកមកចាប់អារម្មណ៍លើការសាងសង់គម្រោងបៃតងច្រើនជាងមុន ដោយសង្កេតឃើញថា គម្រោងបៃតងចំនួន ៤០៥ ត្រូវបានសាងសង់នៅទីក្រុងភ្នំពេញ ក្នុងត្រីមាសទី0៤ នៃ ឆ្នាំ២០១៩។ នេះបើយោងតាមរបាយការណ៍របស់ភ្នាក់ងារអចលនទ្រព្យ CBRE។ ចេញផ្សាយកាលពី ថ្ងៃទី ១៦ ខែមករា កន្លងមក របាយការណ៍ដដែលនេះ បានបញ្ជាក់ទៀតថា គម្រោងបៃតងទាំងនោះរួមមាន សណ្ឋាគារ កន្លែងលក់រាយ ការិយាល័យ អាផាតមិន ខុនដូ និងគម្រោងផ្សេងៗទៀត។ ក្នុងនោះដែរ ខុនដូឈរនៅលំដាប់ទី២ ដែលមានចំនួនប្រមាណ ១២០គម្រោង ដែលជាប្រភេទសំណង់បៃតង ។ គម្រោងបៃតងទាំងនោះ មានទីតាំងនៅតាមតំបន់នានាក្នុងរាជធានីភ្នំពេញ ដែលសង្កាត់បឹងកេងកង គឺជាទីតាំងសំខាន់ដែលមានគម្រោងបៃតងច្រើនបំផុត ពោលគឺប្រមាណ ១៨ ភាគរយ។ តំបន់បឹងកក់និងចំការមន គឺជាទីតាំងបន្ទាប់ដែលមានគម្រោងបៃតង ១៤ និង ១៣ ភាគរយ។ គួរបញ្ជាក់ផងដែរថា “គម្រោងបៃតង” គឺជាគម្រោងទាំងឡាយណាដែល ទាំងការរចនា ការសាងសង់ និងការប្រតិបត្តិការរបស់គម្រោងនោះ អាចជួយកាត់បន្ថយផលប៉ះពាល់អវិជ្ជមាន បង្កើតផលវិជ្ជមានទៅលើអាកាសធាតុនិងបរិស្ថាន ក៏ដូចជាធ្វើឲ្យគុណភាពជីវិតប្រសើរឡើង។ (អានបន្ថែម) […]
អានបន្ថែម
CBRE ព្យាករណ៍ថាការផ្គត់ផ្គង់ខុនដូនឹងកើនឡើង ៥៥ ភាគរយក្នុងឆ្នាំ២០២០
ភ្នាក់ងារអចលនទ្រព្យ CBRE បានព្យាករណ៍ថា ការផ្គត់ផ្គង់ខុនដូនឹងមានកំណើន ៥៥ ភាគរយក្នុងឆ្នាំ ២០២០ ដោយសារតែមានការកើនឡើងខ្ពស់នៃវិស័យសំណង់ក្នុងឆ្នាំ២០១៩ ក៏ដូចជាច្បាប់សំណង់ដែលទើបនឹងអនុម័តដាក់អោយប្រើប្រាស់ ដែលជួយពង្រឹងជំនឿចិត្តដល់គុណភាពសំណង់ និងសំណង់ខុនដូផងដែរ។ យោងតាមរបាយការណ៍របស់ប្រភពដដែល ដែលចេញផ្សាយកាលពីថ្ងៃ១៦ ខែមករាកន្លងមកនេះ ប្រភេទខុនដូតម្លៃសមរម្យ រួមចំណែក ៣០ភាគរយ (កើនឡើង ៦ ភាគរយបើធៀបនឹងឆ្នាំ២០១៩) ខណៈខុនដូប្រភេទតម្លៃកណ្ដាលរួមចំណែក ៤៦ ភាគរយ (ធ្លាក់ចុះ ៦ ភាគរយ) និងខុនដូប្រភេទតម្លៃថ្លៃរួមចំណែក ២៤ភាគរយកើនឡើង ១ ភាគរយ) ។ លោកស្រី អាន់ សុធីតា នាយកគ្រប់គ្រងក្រុមហ៊ុន CBRE (Cambodia) បានឪ្យដឹងថា កំណើនតម្រូវការខុនដូ គឺឆ្លុះបញ្ជាំងពីសេដ្ឋកិច្ចរឹងមាំ លំហូរចូលនៃការវិនិយោគផ្ទាល់បរទេស ជាពិសេសតម្រូវការខុនដូ ប្រភេទតម្លៃសមរម្យ។ លោកស្រី អាន់ សុធីតា បានបញ្ជាក់ទៀតថា តម្រូវការខុនដូ តម្លៃសមរម្យ គឺឆ្លុះបញ្ជាំងពីតម្រូវការអ្នកទិញក្នុងស្រុក ដែលមានកំណើនខ្ពស់ តាមរយៈខុនដូ ក្នុងក្រុង ជាយក្រុង ដោយសារកត្តាការងារក្នុងក្រុង […]
អានបន្ថែម
ការវិនិយោគអចលនទ្រព្យនៅទីផ្សារអន្តរជាតិ
ជាទូទៅ គំនិតនៃការវិនិយោគអចលនទ្រព្យនៅបរទេសមិនមែនជារឿងថ្មីនោះទេ និងនៅតែជាចំណុចគួរឲ្យចាប់អារម្មណ៍ខ្លាំងសម្រាប់អ្នកមានស្តុកស្តមមួយចំនួននៅក្នុងប្រទេសកម្ពុជា ដោយផ្អែកលើមូលហេតុមួយចំនួនដូចជា ប្រព័ន្ធអប់រំមានស្តង់ដាខ្ពស់ សេវាដឹកជញ្ជូនសាធារណៈល្អ ជាតំបន់ដែលជាគោលដៅទេសចរណ៍ឈានមុខគេ ឋិតក្នុងតំបន់ដែលមានអាកាសធាតុនិងម៉ោងពេលដែលមនុស្សភាគច្រើនចូលចិត្ត ប្រព័ន្ធច្បាប់ល្អ ជាពិសេសមានសុខសុវត្ថិភាព។ល។ ម្យ៉ាងវិញទៀត គេសង្កេតឃើញថា លំនឹងទីផ្សារអចលនទ្រព្យ និងភាពរឹងមាំនៃតម្រូវការជួលនៅទីនោះ គឺជាហេតុផលដ៏សំខាន់មួយដែលធ្វើឱ្យអ្នកទិញអចលនទ្រព្យភាគច្រើនកំពុងស្វែងរការវិនិយោគនៅបរទេស។ ដោយឡែកនៅប្រទេសអូស្រ្តាលីតម្រូវការអចលនទ្រព្យនៅតាមទីក្រុងមូយចំនួនដូចជា ទីក្រុង Melbourne គឺតម្រូវការមានអាត្រាខ្ពស់ជាងការផ្គត់ផ្គង់ ដោយកើនរហូតដល់ ៥% ក្នុងមួយឆ្នាំ ជាពិសេសនៅតាមតំបន់សំខាន់ៗមួយចំនួន។ សម្រាប់ទីផ្សារអចលនទ្រព្យនៅក្នុងទីក្រុងមួយចំនួនទៀតដូចជា Brisbane, Melbourne និង Sydney បានចាប់ផ្តើមកើនឡើងជាបន្តបន្ទាប់ និងមានភាពល្អប្រសើរខ្លាំង ដែលនេះជាហេតុធ្វើឲ្យអ្នកវិនិយោគមួយចំនួនមានទំនុកចិត្ត។ ក្នុងនោះផងដែរ ទីក្រុង Melbourne បានបង្ហាញពីភាពលេចល្លោលើវិស័យអចលនទ្រព្យនៅឆ្នាំនេះ ដែលបានទាក់ទាញអ្នកវិនិយោគជាច្រើនទៅក្នុងតំបន់ ដោយផ្អែកលើមូលដ្ឋាន សេវាសាធារណៈផ្សេងៗល្អ ដូចជាមធ្យោបាយធ្វើដំណើរស្ថិតនៅជិតសាលារៀន និង សាកលវិទ្យាល័យធំៗ។ កត្តាដែលសំខាន់បំផុតក្នុងការទិញអចលនទ្រព្យនៅក្រៅប្រទេសដូចជា អូស្ត្រាលី សឹង្ហបូរី ឬចក្រភពអង់គ្លេស គឺដើម្បីផ្តល់ជាកន្លែងស្នាក់នៅសម្រាប់កូនៗ របស់ពួកគេដែលកំពុងសិក្សានៅទីនោះ។ បើយោងតាម the Times Higher Education ដែលហៅកាត់ថា (THE) របស់សកលវិទ្យាល័យពិភពលោកមួយបានបង្ហាញថា សកលវិទ្យាល័យដែលពួកគេកំពុងសិក្សានោះគឺសុទ្ធតែជាសកលវិទ្យាល័យស្ថិតក្នុងលំដាប់ល្អបំផុតលើពិភពលោក […]
អានបន្ថែម
រដ្ឋាភិបាលកំពុងពន្លឿនការសិក្សាស្ថាបនាផ្លូវលេខ១០ ពីសំឡូត មកកោះកុង
គម្រោងសាងសង់ផ្លូវជាតិលេខ១០ តភ្ជាប់ សំឡូត វាលវែង កោះកុង ត្រៀមបើកការដ្ឋានសាងសង់នៅឆ្នាំ២០២០នេះ ខណៈក្រុមការងារអន្តរក្រសួងបានពន្លឿនការសិក្សាហេតុប៉ះពាល់នៃគម្រោង មុនសម្រេចបើកការដា្ឋន។ យោងតាមរបាយការណ៍ក្រសួងសាធារណការ និងដឹកជញ្ជូន គម្រោងសាងសង់ផ្លូវជាតិលេខ១០ ស្ថិតនៅក្នុងគម្រោងត្រៀមសម្ផោធបើកការដ្ឋានក្នុងឆ្នាំ២០២០។ ក្រុមការងារអន្តរក្រសួង ដឹកនាំដោយ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណៈការ និងដឹកជញ្ជូន និងឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានចុះត្រួតពិនិត្យ និងកំណត់ទីតាំងភូមិសាស្រ្ត ស្ថិតនៅក្នុងខេត្តពោធ៍សាត់ និងកោះកុង សម្រាប់គម្រោងផ្លូវជាតិលេខ១០នេះ។ ការចុះអង្កេតនេះ គឺធ្វើឡើងតាមរយៈការជិះលើឧត្តម្ភចក្រ ពិនិត្យមើលពីខាងលើ។ ឯកឧត្តម ប៉ាល់ ចន្ទតារា រដ្ឋលេខាធិការ និងជាអ្នកនាំពាក្យក្រសួងសាធារណការ និងដឹកជញ្ជូន បានអោយដឹងថា ការចុះត្រួតពិនិត្យកាលពីពេលថ្មីៗនេះ មិនទាន់បានសម្រេចជ្រើសរើស ឬកំណត់ទីតាំងសម្រាប់ស្ថាបនាផ្លូវជាតិលេខ១០ នៅឡើយទេ។ ឯកឧត្តម ប៉ាល់ ចន្ទតារា បញ្ជាក់ថា តាមរយៈចុះត្រួតពិនិត្យ ដល់ទីតាំងផ្ទាល់ ឃើញថាតម្រាយផ្លូវ ដែលបានដៅទុកកន្លងមក ប៉ះពាល់ដល់ព្រៃឈើច្រើនពេក។ ដូច្នេះហើយ អន្តរក្រសួងសម្រេចចិត្តមិនទាន់សម្រេច ហើយនឹងធ្វើការពិនិត្យផ្លូវវាងផ្សេងទៀត។ […]
អានបន្ថែម
ភាពលេចធ្លោនៅតាមបណ្តោយមហាវិថីសហព័ន្ធរុស្សី
ជាផ្លូវធំទូលាយមួយ មានសាលារៀន មានសាកលវិទ្យាល័យ មានអគារការិយាល័យដែលកំពុងដុះឡើង រួមនឹងមជ្ឈមណ្ឌលកំសាន្តនានា ដែលស្ថិតនៅជិតបំផុតទៅនឹងអាកាយានដ្ឋានអន្តរជាតិភ្នំពេញ ហើយនឹងងាយស្រួលក្នុងការធ្វើដំណើរឆ្លងកាត់ទៅកាន់ផ្លូវសំខាន់ៗផ្សេងទៀត
អានបន្ថែម
ក្រសួងរ៉ែ បើកការស្នើសុំអាជ្ញាបណ្ណស្វែងរករ៉ែលើទីតាំងចំនួន៨តំបន់
ក្រសួងរ៉ែ និងថាមពល បានប្រកាសបើកទទួលពាក្យប្រកួតប្រជែងជាសាធារណៈសម្រាប់ទទួលបានអាជ្ញាបណ្ណស្វែងរុករក ចំពោះតំបន់សម្បទានស្វែងរុករ៉ែចំនួន ៨ តំបន់។ យោងតាមសេចក្តីជូនដំណឹងរបស់ក្រសួងរ៉ែ និងថាមពល ចុះថ្ងៃទី១០ ខែមករា តំបន់ចំនួនប្រាំបី មានផ្ទៃដីស្វែងរុករករ៉ែ សរុបចំនួន ១ ៣៩០ គីឡូម៉ែត្រការ៉េ ស្ថិតនៅក្នុងខេត្ត ស្ទឹងត្រែង ព្រះវិហារ កំពង់ធំ សៀមរាប និងមណ្ឌលគីរី។ ក្រសួងបញ្ជាក់ថា បណ្តាក្រុមហ៊ុនជាតិ និងអន្តរជាតិ អាចដាក់ពាក្យស្នើសុំអាជ្ញាបណ្ណស្វែងរុករករ៉ែ ចាប់ពីពេលជូនដំណឹង រហូតដល់ ថ្ងៃទី១៥ ខែកុម្ភៈ ឆ្នាំ២០២០ ហើយលទ្ធផលនៃក្រុមហ៊ុនដែលនឹងទទួលបានអាជ្ញាបណ្ណ នឹងត្រូវប្រកាសជាសាធារណៈ បន្ទាប់ពីបានអនុវត្តតាមនីតិវិធីចប់សព្វគ្រប់។ ឯកឧត្តម យស មុនីរ៉ាត់ អគ្គនាយកធនធានរ៉ែនៃក្រសួងរ៉ែ និងថាមពល បានឪ្យដឹងថា ការប្រកួតប្រជែងជាសាធារណៈ ស្នើសុំអាជ្ញាបណ្ណស្វែងរុករករ៉ែនេះគឺត្រូវបានធ្វើឡើងជាបន្តបន្ទាប់។ បច្ចុបន្បន្ននេះ ក្រុមហ៊ុនចំនួនជាង ៣០ក្រុមហ៊ុនបានទទួលអាជ្ញាបណ្ណស្វែងរុករករ៉ែ រួចហើយ ដែលភាគច្រើននៃក្រុមហ៊ុនទទួលអាជ្ញាបណ្ណនេះ គឺជាក្រុមហ៊ុនអន្តរជាតិ។ ឯកឧត្តម យស មុនីរ៉ាត់ បញ្ជាក់ថា ក្នុងចំណោមក្រុមហ៊ុនទទួលអាជ្ញាបណ្ណកន្លងមក មានក្រុមហ៊ុនមួយចំនួន បានសិក្សាឃើញសក្កានុពលអាចវិនិយោគបាន។ […]
អានបន្ថែម
ក្រសួងរៀបចំដែនដីជំរុញអនុវត្តច្បាប់សំណង់ដល់ម្ចាស់សំណង់ ក្រុមហ៊ុនសំណង់ និងស្ថាបត្យករសំណង់
ក្រសួងរៀបចំដែនដី នគរូបនីយកម្ម និងសំណង់ បានជំរុញម្ចាស់សំណង់ ក្រុមហ៊ុនសំណង់ ស្ថាបត្យករ និងអ្នកប្រកបរបរវិជ្ជាជីវៈក្នុងវិស័យសំណង់ ត្រូវអនុវត្តតាមច្បាប់សំណង់ និងគោរពទៅតាមបទដ្ឋានបច្ចេកទេសនៃការសាងសង់។ ការក្រើនរំលឹកនេះ ធ្វើឡើងបន្ទាប់ពីមានការករណីបាក់រលំអាគារនៅខេត្តកំពត និងខេត្តព្រះសីហនុ និងការរលំអគារព្រះវិហារនៅខេត្តសៀមរាប។ ថ្លែងនៅក្នុងពិធីផ្សព្វផ្សាយច្បាប់សំណង់ជូនអ្នកប្រកបវិជ្ជាជីវៈក្នុងវិស័យសំណង់ ធ្វើឡើងកាលពីថ្ងៃទី១៤ ខែមករា ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ក្រុមហ៊ុនដែលទទទួលបានវិញ្ញាបនបត្រលើវិស័យសំណង់ ត្រូវគោរព បទដ្ឋានបច្ចេកទេស ស្តង់ដារ សំណង់ឱ្យបានត្រឹមត្រូវ ដើម្បីធានាគុណភាព សុវត្ថិភាព និងសោភ័ណភាពនៃសំណង់ ជាពិសេសដើម្បីជៀសវាងគ្រោះថ្នាក់ដោយយថាហេតុ បង្កឡើងដោយការធ្វេសប្រហែស។ ឯកឧត្តម ជា សុផារ៉ា ថ្លែងថា៖ “ខ្ញុំបើកវេទិការនេះ សុំការគាំទ្រពីអស់លោក លោកស្រីដែលជាវិស្វករ ដែលជាស្ថាបត្យករ។ វិស្វករ ជួយគាំទ្រឱ្យមានភាពរឹងមាំ និងជំនឿជឿជាក់ លើវិស័យសំណង់។ ស្ថាបត្យករជួយធ្វើការរៀបចំសិក្សាគម្រោងប្លង់ ហើយឱ្យបានផ្សារភ្ជាប់ជាមួយនឹងអត្តសញ្ញាណជាតិខ្មែររបស់យើងនៅក្នុងវិស័យសំណង់”។ ឯកឧត្តម ជា សុផារ៉ា បញ្ជាក់ថា ក្រសួងនឹងបន្តធ្វើការផ្សព្វផ្សាយច្បាប់សំណង់ ដើម្បីធានាថា ការអនុវត្តច្បាប់សំណង់បានត្រឹមត្រូវ។ គួរបញ្ជាក់ជូនថា […]
អានបន្ថែម
រដ្ឋាភិបាលជំរុញការវិនិយោគទាញយកថាមពលពីសំរាម សំណល់រឹងទីប្រជុំជន
រាជរដ្ឋាភិបាលកម្ពុជា ជំរុញអោយមានការវិនិយោគ ក្នុងការទាញយកថាមពលអគ្គិសនី ពីសំរាម សំណល់រឹងទីប្រជុំជន ដែលជាផ្នែកមួយនៃការគ្រប់គ្រង់សំរាម សំណល់រឹងទីប្រជុំជន ខណៈបរិមាណកាកសំណល់រឹង មានអាត្រាកើនឡើងខ្ពស់ពីមួយឆ្នាំទៅមួយឆ្នាំ។ ការទាក់ទាញវិនិយោគទាញយកថាមពលពីសំរាម សំណល់រឹងនៅតាមទីប្រជុំជន ស្ថិតនៅក្នុងសេចក្តីព្រាងគោលនយោបាយស្តីពី ការគ្រប់គ្រង់សំរាម សំណល់រឹងទីប្រជុំជន ឆ្នាំ២០១៩-២០២៨ ដែលអន្តរក្រសួងកំពុងពិភាក្សា និងរៀបចំគោលនយោបាយនេះសម្រាប់អនុវត្ត។ យោងតាមក្រសួងបរិស្ថាន រដ្ឋាភិបាល បានផ្តោតអាទិភាពលើការបន្តពង្រឹង ការគ្រប់គ្រងសំណល់រឹង រាវ ឧស្ម័ន និងសារធាតុគ្រោះថ្នាក់ ជាកិច្ចឆ្លើយតបទៅនឹងការអភិវឌ្ឍន៍។ បរិមាណសំរាម សំណល់រឹង មាន១.៧លានតោន ឬប្រមាណ ៥១ភាគរយ នៃបរិមាណសំរាម សំណល់សរុប ដែលត្រូវបានប្រមូល និងចាក់នៅទីលានចាក់សម្រាម នៅក្នុងឆ្នាំ២០១៨ ជាមួយនឹងអត្រាកំណើន ១៥ភាគរយ ក្នុងមួយឆ្នាំ។ តាមរយៈគោលនយោបាយនេះ រាជរដ្ឋាភិបាល បានកំណត់គម្រោងសំខាន់ៗ សម្រាប់អនុវត្តវិធានការគោលនយោបាយ និងផែនការសកម្មភាព ចំនួន ៩គម្រោង ក្នុងនោះការវិនិយោគទាញយកថាមពលពីសំរាម សំណល់រឹង ក៏ស្ថិតក្នុងគម្រោងអតិថិភាពនេះដែរ។ គម្រោងការទាញថាមពលពីសំរាម សំណល់រឹងទីប្រជុំជន រួមមានការវិនិយោគសាងសង់ឡដុតសំណល់ ដើម្បីទាញយកថាមពល ដែលអាចផលិតអគ្គិសនី សម្រាប់រាជធានីភ្នំពេញ និងបណ្តាទីក្រុងដែលមានសក្កានុពល […]
អានបន្ថែម
រដ្ឋាភិបាលយល់ព្រមលើគម្រោងវិនិយោគព្រលានយន្តហោះថ្មីនៅខេត្តកោះកុង
គម្រោងវិនិយោគកសាងព្រលានយន្តហោះថ្មី នៅខេត្តកោះកុង ទទួលបានការយល់ព្រមពីរាជរដ្ឋាភិបាល ដោយអនុញ្ញាតឲ្យអ្នកវិនិយោគសាងសង់ព្រលានយន្តហោះក្នុងស្រុកមណ្ឌលសីមា ខេត្តកោះកុង។ យោងតាមលិខិតរបស់ទីស្តីការគណៈរដ្ឋមន្រ្តី ចេញផ្សាយកាលពីថ្ងៃទី១៣ ខែមករា រាជរដ្ឋាភិបាលយល់ព្រមឲ្យប្តូរទៅវិនិយោគទីតាំងថ្មីសម្រាប់ធ្វើព្រលានយន្តហោះលើផ្ទៃដីទំហំប្រមាណពី ៤០០ហិកតា ទៅ ៦០០ហិកតា ស្ថិតនៅភូមិកោះប៉ោ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។ ការយល់ព្រមនេះ ធ្វើឡើងតាមការស្នើសុំរបស់ក្រុមហ៊ុនវិនិយោគ ស្តីពីគម្រោងអភិវឌ្ឍន៍ព្រលានយន្តហោះថ្មី នៅក្នុងស្រុកមណ្ឌលសីមា។ ជុំវិញការប្តូរទីតាំងនេះ លោក ស៊ិន ចាន់សេរីវុត្ថា មន្រ្តីនាំពាក្យរដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា គម្រោងបង្កើតព្រលានយន្តហោះថ្មីនេះ គឺប្តូរពីទីតាំងចាស់ នៃព្រលានយន្តហោះខេត្តកោះកុង ស្ថិតនៅក្នុងក្រុមខេមរភូមិន្ទ។ លោក ស៊ិន ចាន់សេរីវុត្ថា បញ្ជាក់ថា ក្រុមហ៊ុនវិនិយោគ រវាងក្រុមហ៊ុនក្នុងស្រុក លី យ៉ុងផាត និងក្រុមហ៊ុនអាកាសចរណ៍បាងកក បានស្នើសុំទៅរាជរដ្ឋាភិបាលក្នុងការប្តូរទីតាំង ដោយសារក្រុមហ៊ុនយល់ឃើញថា នៅទីតាំងចាស់ នៃព្រលានយន្តហោះខេត្តកោះកុង ពិបាកពង្រីកផ្ទៃដីបន្ថែម សម្រាប់ទីតាំងឧស្សាហកម្ម និងពាណិជ្ជកម្ម និងតម្លៃនៃសំណង់ផលប៉ះពាល់សង្គមខ្ពស់។ លោក ស៊ិន ចាន់សេរីវុត្ថា ថ្លែងថា៖ “នៅទីតាំងថ្មី គាត់ត្រូវការអភិវឌ្ឍដូចជា ទីតាំងឧស្សាហម្ម ពាណិជ្ជកម្ម […]
អានបន្ថែម
ប្លង់មេព្រលានយន្តហោះភ្នំពេញថ្មីសម្រេចបាន៦០%ហើយ
ការរចនាប្លង់ស្ថាបត្យកម្មនៃអាកាសយានដ្ឋានអន្តរជាតិភ្នំពេញថ្មីដែលមានទឹកប្រាក់វិនិយោគប្រមាណជា ១,៥ ពាន់លានដុល្លារអាមេរិកស្ថិតនៅខេត្តកណ្តាល បានសម្រចរួចរាល់ ៦០ភាគរយហើយ ដោយការសាងសង់ក៏កំពុងខិតជិតមកដល់ផងដែរ។ នេះបើតាមការបញ្ជាក់របស់ក្រុមហ៊ុន Cambodia Airport Investment Co., Ltd.។ ថ្លែងកាលពីថ្ងៃទី ០៩ ខែមករា នៅឯវិមានកាណាឌីយ៉ា លោក Yee Con Long គណៈកម្មាធិការដឹកនាំគម្រោងនៃក្រុមហ៊ុន Cambodia Airport Investment បានមានប្រសាសន៍ថា វឌ្ឍនភាពនៃការរៀបចំប្លង់ស្ថាបត្យកម្មនៃអាកាសយានដ្ឋានបច្ចុប្បន្ននេះ គឺសម្រេចបាន ៦០ភាគរយ ដោយមានអ្នកដេញថ្លៃចំនួន ៣ក្រុមហ៊ុន ត្រូវបានជ្រើសរើស ក្នុងចំណោមបេក្ខភាពចំនួន ៥ក្រុមហ៊ុន ដែលភាគច្រើនគឺមកពីសហគ្រាសចិន។ លោក Yee Con Long បានបញ្ជាក់ថា៖ «កាលពីម្សិលមិញ [៨ មករា] យើងទើបតែមើលការធ្វើបទបង្ហាញចុងក្រោយដោយអ្នកដេញថ្លៃដែលបានជ្រើសរើស ដូច្នេះក្នុងចំណោម ៥ ក្រុមហ៊ុន យើងបានជ្រើសរើស ៣ក្រុមហ៊ុន បន្ទាប់មក នៅថ្ងៃទី ២០ ខែមករា យើងនឹងចេញលិខិតប្រគល់សិទិ្ធដល់អ្នកម៉ៅការសម្រាប់ការសាងសង់»។ បើតាមលោក Yee […]
អានបន្ថែម
ស្វែងយល់ពីអាជីវកម្មសណ្ឋាគារតាមរយៈកិច្ចសន្យាជួល ឬកិច្ចព្រមព្រៀងស្ដីពីការគ្រប់គ្រងសណ្ឋាគារ
នៅពេលសម្រេចចិត្តអភិវឌ្ឍ និងដំណើរការសណ្ឋាគារភាគីទាំងឡាយអាចចុះកិច្ចសន្យាជួល ឬ កិច្ចព្រមព្រៀងស្តីពីការគ្រប់គ្រងសណ្ឋាគារ។ លក្ខខណ្ឌទាំង២នេះមានទាំងគុណសម្បត្តិ និងគុណវិបត្តិ។ ការសិក្សាអំពីទីផ្សារកម្ពុជាបានបង្ហាញពីភាពរីកចម្រើនគួរឱ្យកត់សម្គាល់នៃចំនួនភ្ញៀវទេសចរណ៍មកទស្សនាប្រទេសនេះ នាំឱ្យការអភិវឌ្ឍវិស័យបដិសណ្ឋារកិច្ចមានការរីកចម្រើននៅភ្នំពេញ សៀមរាប និងខេត្តព្រះសីហនុ។ សញ្ញាណនៃការរីកចម្រើននេះអាចបង្ហាញតាមរយៈក្រុមសណ្ឋាគារអន្តរជាតិលំដាប់កំពូលជាច្រើនកំពុងធ្វើប្រតិបត្តិការនៅក្នុងប្រទេសកម្ពុជាដូចជា Rosewood នៅភ្នំពេញ Six Senses នៅកោះក្រាប៊ី Alila នៅកោះឫស្សី Ibis នៅសៀមរាប ហើយនៅមានក្រុមហ៊ុនជាច្រើនទៀតដែលកំពុងសាងសង់ ហើយឆាប់ៗនេះនឹងបើកទ្វារដំណើរការ រីឯ Park Hyatt និង Novotel ក៏ស្ថិតក្នុងចំណោមនោះដែរ។ ចំពោះការបើកសណ្ឋាគារ តម្រូវឱ្យមានអាជ្ញាប័ណ្ណជាក់លាក់ពីក្រសួងទេសចរណ៍ (ប្រសិនបើវាមានច្រើនជាង ២០បន្ទប់) ឬ ពីមន្ទីរទេសចរណ៍ខេត្ត (បើវាមានតិចជាង២០បន្ទប់) ដូច្នេះទំនាក់ទំនងរវាងប្រតិបត្តិករសណ្ឋាគារ និងម្ចាស់អគារនឹងត្រូវបានគ្រប់គ្រងដោយកិច្ចសន្យាជួល ឬដោយកិច្ចព្រមព្រៀងស្តីពីការគ្រប់គ្រងសណ្ឋាគារ (HMA)។ មិនថាត្រូវអនុវត្តកិច្ចសន្យាជួល ឬ HMA សុទ្ធតែផ្តល់នូវចំណុចងាយស្រួល និងផលវិបាកនានាសម្រាប់ភាគីនីមួយ៖ ជាការពិត នៅពេលប្រតិបត្តិកិច្ចសន្យាជួល ប្រតិបត្តិករសណ្ឋាគារគឺជាម្ចាស់អាជីវកម្ម ហើយក៏ជាអ្នកដែលទទួលខុសត្រូវរាល់ហានិភ័យទាក់ទងនឹងប្រតិបត្តិការផ្សេងៗរបស់សណ្ឋាគារ។ ប្រតិបត្តិករសណ្ឋាគារទទួលខុសត្រូវរត់ការអាជ្ញាប័ណ្ណ និងការអនុញ្ញាតឱ្យដំណើរការសណ្ឋាគារដោយស្របច្បាប់រួមមាន ភោជនីយដ្ឋាន បារ ឬ កន្លែងស្ប៉ាដែលស្ថិតនៅក្នុងសណ្ឋាគារ ហើយនិង […]
អានបន្ថែម